6/12/2021

>>>21-0613-fia-si-wogbe/<<<

6/6/2021

Mawu Ƒe Vidzĩ Lɔlɔ̃awo,

Míekpɔ Mawu ŋusẽkatãtɔ la si nɔ anyi ɖe Eŋutɔ Ƒe Nyawo me, le ŋku gbam na tagbɔ zɔzrɔe tɔwo, agbalẽ nyalawo kple fifi ƒe agbenɔɣi subɔlawo; gake le Eɖem fia mí, vidzĩwo si wodi be yewoasrɔ̃ nu, Mawu ƒe vidzĩwo. Míate ŋu, eye míele eŋute ge, ase ame bubu aɖe ƒe nya o.
Míetsɔ ɖeke le me o; Gbedeasi sia ye, Nyaƒoka siawo alo naneke o.

Esime Wòva zi gbãtɔ la, amee Wònye. Esime Wòva zi evelia kple akpa eve la, amee Wònye. Esime Wòva le Yohanes Amenyrɔla ƒe nɔnɔme me la, amee Wònye. Esime Wòva míaƒe agbenɔɣi me la, Ega ɖe Eɖokui fia ziɖeka ake le ame me. Ekpɔtɔ le Eɖokui ɖem fia ake AZƆ le mía dometɔ ɖesiaɖe me, Eƒe Ŋugbetɔ Nya lɔlɔ̃a.

Míexɔ Esia ɖe míaƒe dziwo me. Míaƒe susuwo kple míaƒe luʋɔwo le Vi la ƒe Ŋkume hele tsitsim, elabena alẽ nuɖuɖu ye alẽ dia: “Nye alẽwo sea Nye Gbe.” Emae nye nusi dzi míenɔa agbe to, Nya ɖesiaɖe. Menye Nya ɖeka ko fifia kple emegbe o, gake Nya ƉESIAƉE si doa tso Mawu ƒe nu me, nusi dzi míenɔa agbe to yema.

Wodzi mí Mawu ƒe viwo, siwo yɔ fũ kple Mawu ƒe Gbɔgbɔ. Mawu ƒe viwo ko míenye kokoko, eye Mawu ƒe viwo ko míanye ɖaa. Mɔnua ɖeke meli be woamãe ɖa o elabena Agbe Mavɔ le mía si. Gɔmedzedze menɔ mía si kpɔ gbeɖe o, nenema ke nuwuwu manɔ mia si kpɔ o.

Amesi bua ta me ƒe Nutsyɔnu le mía si: Eƒe Nya la, Eƒe Gbedeasi la, Eƒe Gbe la, ke esia na mí ame kɔkɔe ƒe didi. Míeɖɔ Dziƒo nuwo se hexɔ Nya ma ɖe míaƒe dziwo me.
Míekpɔe Woɖee ɖe go le mía ŋgɔ, ke azɔ la míele Ekpɔm woɖe ɖe go le MÍA ME, eye woxatsa míaƒe luʋɔ ɖe Me.

Ameaɖewo li si le mɔkpɔm na ame bubu aɖe be wòava ɖe geɖe fia wo, geɖe wu nusi le Nyaƒokawo dzi, geɖe wu be Maleaxi 4 nakplɔ wo. Gake egblɔ na mí be eɖi va to Luther dzi, emegbe to Wesley dzi kple to Pentekosteawo dzi gɔ hã, ke azɔ la ele ŋkuwo me, nyagblɔɖitɔ, Maleaxi 4, ke nububu aɖeke si ava megasusɔ o negbe Eya Ŋutɔ si gbɔna na Eƒe Ŋugbetɔ la.

Ke ekpɔ megbe to afima hekpɔ ema, kpɔ ameaɖe le ɣi me, si le zɔzɔm yi ŋgɔgbe; ke le eƒe megbe la, egblɔ be edze… Egblɔ be, “Nɔviŋutsu Branham wòe.” Ke egblɔ be, “Ezɔ yi ɖe me le afima,” egblɔ be, “le megbe wò la, ame kple amadede vovovo wo, tsɔ woƒe aflagawo dzi; Georgia, Alabama, teƒe ƒomevi vovovowo katã, nɔ zɔzɔm yi ŋgɔgbe,”
hele dzi liam yi tanyenye la gbɔ afisi wonɔ Kristo ɖem fia le ŋutega la me le. Oo, Aléluia

Nya la Ŋutɔ wònye le míaƒe dziwo me eye Wòhe le míahem ɖe Eŋuti. Míetu nu ɖesiaɖe ƒu gbe tso míaƒe nu me si gblɔa be, “geɖe li wu Maleaxi 4 ɖeɖe ko. Vodadawo le Gbedeasi la me. Ame ɖeka ƒe Gbedeasi ŋkekewo wu nu. Enye kɔmahatsɔŋkɔ nuwɔna eye wòtsi tre ɖe Nya ŋu be woase nyaƒoka le ɣeyiɣi ɖeka me. Ɖeko míele dim o.” Mawu ƒe Nya ŋu ko míele agbe nɔm le, Nya ɖesiaɖe si doa tso Mawu ƒe nu me na agbenɔɣi sia, esi nye míaƒe Nutsyɔnu la.

Míese egɔme be nyaƒoka ƒe subɔsubɔdɔ la menye amesiame tɔ o. Na mawunyagblɔla ɖesiaɖe le afisiafi, ɣesiaɣi la, esia la womeɖoe ɖa be woaɖigbɔ míaƒe nufiafiawo o, womeɖoe ɖa míaƒe alẽwo gɔ̃ hã o.
Gbedeasi sia, kple Gbedeasi bubu ɖesiaɖe siwo woɖe gbeƒã la míawo woɖoe na, eƒe ƒuƒoƒe la. Menye miaƒe ƒuƒoƒe la o, negbe dzaa wodi be yewoa Xɔe. Gake mí eƒe ƒuƒoƒe la, Woɖoe na.

Wonam dzena be manyi Eƒe alẽwo. Ke nusi menya wɔwɔ nyuie kekeake la ɖeɖeko mawɔ, esime Matsɔ Nuɖuɖu nyuietɔ si menya na alẽawo.

Medi be mana nane me nagakɔ wòade blibo zi ɖeka ake. Menyae be geɖewo le nusiwo menye nyateƒe o ko gblɔm, eye wole wogblɔm tsɔ le amewo blem hele wokplɔm baɖae.

°Metsitre ɖe Efesetɔwo 4:11 ƒe subɔsubɔdɔ ŋu. Nyemegblɔ numa, alo susui gɔ hã kpɔ GBEƉE O. Ke boŋ, nɔviŋutsu Branham ɖom be manɔ subɔsubɔdɔ ma me, eyata aleke mate ŋu agbe nu le gbɔ.

°Metsitre ɖe sɔleme dede ŋu.
Nyemegblɔ, bu, alo xɔ numa dzi se kpɔ GBEƉE O. Míele ƒuƒom le xɔtutu aɖe me be míawɔ sɔleme o elabena míele xɔtum eye teƒe aɖeke mele mía si be míaƒo ƒu ɖo o, gake ne Aƒetɔ la lɔ̃ la míele ƒuƒo ge ne xɔtutu la kpa.

°EDZE be miase nyaƒoka ɖeka ma ke le ɣeyiɣi ɖeka me kɔsiɖa sia kɔsiɖa kple Jeffersonville be mianye Ŋugbetɔ la. Nyemegblɔ, xɔse alo bu numa tɔgbi ŋu kpɔ GBEƉE o. Le nye agbe katã me la megblɔ be MIZI PLAY. Megblɔ na mawunyagblɔlawo be, mi gbugbɔ Nɔviŋutsu Branham va nyagblɔti la dzi eye miƒo nyaƒokawo.

Evɔ mawunyagblɔla geɖewo kpɔtɔ le numawo tɔgbi gblɔm na wotɔwo, esime WONYAE be nyemegblɔ alo ŋlɔ naneke nenema tɔgbi kpɔ gbeɖe o. Vɔvɔ̃ ko dem wole amewo me hele alakpa dam na wo.

Edze be miabia mia ɖokuiwo se be, “Nukata mawunyagblɔla geɖewo tsitre ɖe Mawu Ƒe Gbe sese ŋu le ɣeyiɣi ɖeka me alea?” Wobe EGBLẼ eye enye kɔmahatsɔŋkɔ nuwɔna na amewo be woakatã woase nyaƒokawo le ɣeyiɣi ɖeka me. Ɖee wògblẽ henye kɔmahatsɔŋkɔ nuwɔna esime Nɔvi. Branham nɔ afisia eye wòwɔea?

Ɖee miesusui be ne “woawoe” amewo katã nɔ toɖom le ka me le ɣeyiɣi ɖeka me la woatsitre ɖe ŋu aɖa gblɔ be etsitre ɖe Nya ŋua?

Mawu na nutsyɔnu eƒe Ŋugbetɔ la, Eƒe Nya la Wònye, Eƒe Gbedeasi la, Eƒe Gbe la. Nya la vaa na Eƒe Nyagblɔɖila. Nyagblɔɖila nye Eƒe Nya la gɔmeɖela. Ame ɖeka ƒe Gbedeasi ko wòkpɔtɔ nye kokoko ke menye hatsotso aɖe tɔ kpɔ gbeɖe o. Mawu dɔ Eƒe Gbɔgbɔ Kɔkɔe ɖa be wòakplɔ Eƒe Ŋugbetɔ la ke Gbɔgbɔ Kɔkɔe ma afia si Eƒe nyagblɔɖila mi, amesi WÒTIA be wòakplɔ Eƒe Ŋugbetɔ la kple Eƒe Nya la. Mawu mate ŋu atrɔ Eƒe tameɖoɖo la kpɔ gbeɖe o. Ekplɔa Eƒe dukɔ la kokoko kple EŊUTƆ si woɣla ɖe amegbetɔ ŋutilãgbalẽ me.

Wokpe mi, womezi mia dzi o, be miava wɔ ɖeka kple ame ƒe hatsotso aɖe si xɔe se be NYA ƉESIAƉE nye Mawu ƒe Nya si woɖe gblɔ to Eƒe dɔla kple gbedasitsɔla 7lia dzi, esime míase : Amesi Bua Ta Me Ƒe Nutsyɔnu 65-0822E, le ga 2 wole me, Jeffersonville ƒe game.

Nɔvi. Joseph Branham

Mose Enelia 19:9
Efesetɔwo 5:22-26

5/29/2021

Ame Ɖeka Gbedeasi Ŋugbetɔ Lɔlɔ̃a,

Medea akpe geɖe be Mawu ŋutɔ tia nyagblɔɖila na míaƒe agbenɔɣi la doŋgɔ na xexea ƒe gɔmeɖoɖo anyi ke. Be Etia Gbedeasi si Wòahe va hetia ame la ŋutɔ ƒe dzɔdzɔme gɔ hã. Ede nusi ahe míaƒe agbenɔɣi la ƒe amewo va eyama me.

Kple Eƒe Gbedasitsɔla si wòtia la, Eɖe fia Eƒe Ŋugbetɔ la amesiwo wonye kple amesi woƒe gbedasitsɔla nye. Na ame mamleawo katã la, Egbã woƒe ŋkuwo. Womate ŋu ado tso le xɔmetsovɔ la godo be woakpɔ Mawu si ɣla ɖe amegbetɔ ŋutilãgbalẽ me kpɔ gbeɖe o.

Elé be na mí alegbegbe be, Edo awu na míaƒe nyagblɔɖila kple awu ƒomevi si me Wònɔ: dzɔdzɔmea, didi la, kple nusianu, alesi wòle be wòanɔ ko; etiae wòde blibo na mí ko, alebe Yeate ŋu ayɔ Eƒe Ŋugbetɔ la.

Nuklikpe gãtɔ kekeakewo dometɔ ɖeka si futɔ la dze agbagba be ye azã egbea enye be yeamã Gbedeasi la ɖa le Biblia gbɔ esime wògblɔa be: “Ne ele na wò be nàtia le Biblia kple Gbedasi la dome ɖee, kae tia ge nàla?”

Abosam ƒe mɔ̃ kae nye esi be woagblɔ numa tɔgbi. Ne ameaɖe wɔ biabia ma tɔgbi na wò la, nàte ŋu ade dzesi kaba be Nya ƒe ɖeɖefia ƉEKE mele wosi kura o. Gbedeasi sia Nye Kristo Si Woɖe Fia Le Eŋutɔ Ƒe Nya Me.

Nyagblɔɖila ŋutɔ ƒe nyawoe nye:

Azɔ, míekpɔ be Eliya ate ŋu gblɔ nya ma elabena gaƒoƒo la ƒe Gbedeasi la kple Mawu ƒe Nya la, alo, gbedasitsɔla, Gbedeasi la, kple Nya la, nye nu ɖeka ma tututu. Nyagblɔɖila, Nya la, Gbedeasi la; gbedasitsɔla, Gbedeasi la, kple Gbedeasi la, wonye nu ɖeka. Yesu gblɔ be, “Ne Nyemewɔ dɔwo si woŋlɔ kuɖe ŋunye o la, ekema migaxɔ dzi Nye se o.”
Enyo. Ame ɖesiaɖe kple eƒe gbedeasi la le ɖeka.

Miate ŋu amã Gbedeasi la ɖa le gbedasitsɔla gbɔ o, wole ɖeka. Nenema ke miate ŋu amã Biblia ɖa le Gbedeasi la gbɔ o, wole ɖeka. Mawu wònye le Eƒe Nya gɔme ɖem.

Nya mamlea ɖe le mía si, Tɔɖoƒe aɖe, ke esiae nye Mawu ƒe Nya la. Biblia katã menye ame ƒe nya o, alo nenema ke menye amee Ŋlɔe, alo amee hevɛ alo nenema ke ame mate ŋu ɖe fia o. Mawu ƒe Nya si Mawu Ŋutɔ ɖe fia Wònye, Eŋutɔ Ƒe Gɔmeɖela, Kristo si le Eɖokui ɖem fia le Eŋutɔ Ƒe Nya me.

Eƒe Nya mehĩa gɔmeɖeɖea ɖeke o. Nusi gblɔm Wòle to Eƒe nyagblɔɖila ƒe nuɣiwo dzi la nye Eƒe Nya si gɔme ɖem wole. Ena mí tokla be míagatrɔ dzesi ɖeka o, nyagbɔgblɔ ɖeka o, elabena Mawu Wònye. Mawu si woɖe ɖe go le amegbetɔ ŋutilãgbalẽ ƒe nɔnɔme me. Mawu ŋutɔ le ŋɔŋlɔdzesi ƒe nɔnɔme me, le nyagblɔɖila ƒe nɔnɔme me, si woɖe ɖe go le ŋutilã me.

Be Wòaŋlɔ Eƒe Biblia la, Mawu dɔ Eƒe nyagblɔɖilawo, siwo nye mɔ si le Eyama si wòtsɔ hea Eƒe Nya vaa na dukɔ la, to Eƒe nyagblɔɖilawo ƒe nuɣiwo dzi. Nyagblɔɖila mawo ŋlɔ Mawu ƒe Nya si medana ƒu o.

Wonɔ kadede me ɣe sia ɣi kple Agbalẽatɔ la. Wonɔ agbe le Agbalẽatɔ ƒe Ŋku Me ɣe sia ɣi, be woanya nusi Agbalẽ ava nye. Nuŋlɔti la nɔ woƒe asiwo me le gbesɔsɔ ɖi ɣe sia ɣi, be woalé nukakee Wògblɔ la aɖa ŋlɔe ɖi.

Gake le míaƒe ŋkeke me la, Eƒo nu kple nuɣi ɖe to me na míaƒe nyagblɔɖila, elabena eƒe yɔyɔ la kɔkɔ wu ŋutɔ. Eƒe yɔyɔ lae nye be wòaɖe Mawu ƒe Nya si woŋlɔ ɖi heɣla ɖe Eƒe Biblia me tso Mose I yi Nyaɖeɖefia me afia.

Nusianu le Eƒe Nya, Biblia me, gake woɣlae tso xexeame ƒe gɔmeɖoɖo anyi ke eye amea ɖeke menya nyaɣlaɣla siawo o. Negbe dzaa Gbedeasi sia le asiwò eye nèxɔe se be enye Biblia ƒe gɔmeɖeɖe la, wò hã manya naneke kuɖe Mawu ƒe Nya ŋu kpɔ gbeɖe o.

Ne míema Biblia ɖa dzo le Gaƒoƒo la ƒe Gbedeasi gbɔ la, ɖeko míanɔ abe kɔmahatsɔŋkɔwo ene. Míanɔ xlẽm gake míanyae kpɔ gbeɖe alo axɔ ɖeɖefia deblibo la o. Míate ŋu azu Eƒe Ŋugbetɔ kpɔ gbeɖe o. Míanɔ lalam anɔ lalam ahenɔ lalam ke Ŋuɖoɖowo masu mía si kpɔ gbeɖe o.

Míaxlẽ Maleaxi, Yohanes, Luka, Hebritɔwo, Nyaɖeɖefia eye emegbe la míabia be:
“Afikae amema si ƒe ŋugbe Mawu do be agava ake le amegbetɔ ŋutilãgbalẽ me aɖatrɔ viwo ƒe dziwo gbɔ va; aɖagblɔ nu geɖewo si míate ŋu tsɔ o la na mí; aɖaƒo nu na mí to Eƒe dɔla sesẽ dzi eye wòaɖe nyaɣlaɣlawo katã si woŋlɔ ɖi ɖe Biblia me fia mí la le mahã? Nutrenu Adreawo gɔme ɖe? Nukae nye Mawunyenye ƒe nyateƒe la, Dziɖegbeawo, Eŋutɔ ƒe ɖeɖefia vavã la?”

Míaƒe nyagblɔɖila kple gbedasitsɔla ye nye Mawu ƒe Nya ƒe gɔmeɖela ƉEKA si tso Mawu gbɔ. Eyae nye amesi Mawu tia be yeaƒo nu aɖaɖe Yeƒe Nya gɔme to dzi. Abe Mose ene la, enye Nya gbagbe na si ŋu ŋutilãgbalẽ le na mí. Eyae nye amesi Mawu tia be wòayɔ Yeƒe Ŋugbetɔ la doe.

Ena mí tokla Kɔsiɖagbe vayi be:

Eƒe Nya la ame ɖekae woɖenɛ fia na. Nenema ko wònɔna, nyagblɔɖila aɖe va kple Aƒetɔ la ƒe Nya, le agbenɔɣi ɖesiaɖe me, ɣe sia ɣi, le Ŋɔŋlɔa katã me. Ɖeka koe Nya vana na. Le agbenɔɣi ɖesiaɖe me, nenema ke, gɔ hã le hame ƒe Agbenɔɣiwo me, tso gbãtɔ dzi ke yi mlɔetɔ me. Mamleawo ɖo woƒe teƒewo, esɔ gbe, mide dzesi, gake mite ɖa ga le Dzo Lilikpo ma gbɔ.

Mite ɖa ga le Dzo Lilikpo ma gbɔ.
Nuka Dzo Lilikpo ma wɔ? EKPLƆ VIWO. Míaƒe Dzo Lilikpo la ƒe kplɔla nye Mawu si le nu ƒom to Eƒe Agbenɔɣi 7lia ƒe gbedasitsɔla dzi, hele míakplɔm yi ɖe Ŋugbedonyigba dzi.

Míenye Eƒe Ame tiatiawo. Míenye amesiwo Mawu tia. Míenye Eƒe Ŋugbetɔ si woyɔ do goe. Ɖeɖefia su mía si kuɖe amesi Wònye etsɔ, egbe yiɖe mavɔmavɔ me la ŋu.

Míede dzesi míaƒe ŋkeke kple míaƒe gbedasitsɔla la. Míede dzesi amesi míenye la: Eƒe Nya si woɖe ɖe go. Míenye Eƒe Ŋugbetɔ si dzra Eɖokui ɖo kple Eƒe Nya si woɖe Fia la.

Va ɖo to le ga 2 woale me, Jeffersonville ƒe ga me, eye nàse Ŋuɖoɖowo katã na nusiwo katã woŋlɔ ɖi heɣla ɖe Biblia me. Va eye nàke ɖe Kristo si Woɖe Fia le Eŋutɔ Ƒe Nya Me 65-0822M ŋu.

Nɔvi. Joseph Branham

Ŋɔŋlɔ siwo woaxlẽ doŋgɔ na Gbedeasi la sese:
Mose II 4:10-12
Yesaya 53:1-5
Yeremya 1:4-9
Maleaxi: 4:5
Luka Kɔkɔe 17:30
Yohanes Kɔkɔe 1:1/1:14/7:1-3/14:12/15:24/16:13
Galatiatɔwo 1:8
Timoteo II 3:16-17
Hebritɔwo 1:1-3/4:12/13:8
Petro II 1:20-21
Nyaɖeɖefia 1:1-3/10:1-7/22:18-19

5/22/2021

Ame Tovovo Lɔlɔ̃awo,

Esime wole xexeame blam ɖedu kple gakpoblanu la, dukɔ aɖe li si woyɔ be Ŋugbetɔ, eye wobla ɖedu hã. Mawu dɔ gakpoblanu aɖe ɖe xexeame eye Wòhe Ŋugbetɔ la do le gbegblẽ sia si me míele agbe le, va Mawu ƒe Ŋku me. Le xexeame gbɔ la woyɔ mí be Ame Tovovowo, gake na Mawu ya la, míenye gakpoblanu siwo Eƒe Nya ƒoƒu ɖedu.

Woakafu Aƒetɔ la ƒe ŋkɔ, dzidzɔm eye mede akpe be menye gakpoblanu aɖe siwo bla ɖe Mawu ƒe Nya, gaƒoƒo la ƒe Gbedeasi la ŋu. Mawu dɔ ameaɖe ɖe anyigba dzi be wòaxɔ Eyama ƒe teƒe abe Eƒe teƒenɔla ene. Mawu, si le Eɖokui ɣlam zi ɖeka ake ɖe agbetɔ ŋutilãgbalẽ me.

Wotsyɔ nu xexeame Ɖee, gake menye na Eƒe Ŋugbetɔ la o. Míedze nu to avɔma me henɔ anyi azɔ ɖe Shekinah ƒe Ŋutikɔkɔe ƒe ŋkume hele Mana si woɣla ɖum le Mawu ƒe Akplɔ ŋu.

Amewo susunɛ be míewɔ Nɔviŋutsu Branham mawu aɖe. ŋutilãgbalẽ ƒe akpa kemɛa ko wole. Gake womedidi boo le Mawu ƒe Nya gbɔ o. Wosusui be míebu, gake míenyae be míebu o. Le nyateƒe me la, míenya afisi míetɔ ɖo tututu. Míenya tɔdziʋu si ƒomevi míeɖo, kple ya ƒomevi si le ƒoƒome.
Míenya nusi míaƒe ka la nye, kple nusi míaƒe gakpoblanu la nye. Edo ɖe gaglãgbe na Eƒe vi suewo.
Edze be míakpɔtɔ nɔ ŋku ɖom dzi na wo be esia metsi tre ɖe Mawu ƒe Nya ŋu o. Esime Mawu dɔ Mose ɖe Israelviwo la, Mawu wɔ Mose mawu, hewɔ Aaron, efoa, nyagblɔɖila. Le nyateƒe me la, nyagblɔɖilawo katã le Biblia me nye Mawu na dukɔ la. Yesu Ŋutɔ gblɔ be mawuwo wonye. Ɖeko Wòyi dzi le Eƒe amemo trɔm. Mawu ɖeka ma ke wònye ɣesiaɣi, le Eƒe nɔnɔme trɔm, en morphe.

“Mawu si le ɣlaɣlam ɖe nyogbalẽwo te, Mawu si le ɣlaɣlam ɖe agbetɔ ŋutilãgbalẽ me.” Mikpɔea? Nusi Wòwɔ ye ma. Esime Mawu ɖe eɖokui ɖe go le xexeame la, Eɣla ɖe avɔ aɖe me, le Agbetɔ ŋutilãgbalẽ aɖe me si woyɔ be Yesu. Wotsyɔ nui eye wòɣla ɖe amegbetɔ ŋutilãgbalẽ aɖe si woyɔ be Mose me, ke wonye mawuwo, menye Mawuwo o; gake wonye Mawu, Mawu ɖeka ma, Eƒe amemo ko trɔm wòle, le nu ɖeka wɔm ɣesiaɣi, hele Nya sia hem vɛ.

Le Nya la ŋu la, Mawu wònye ɖe eɖokui ɖe go le ŋkeke mamlea me le Eƒe dukɔ la dome, na Nuku si wotia la, le nyagblɔɖila ƒe nɔnɔme me. Menye ɖe ame la nye Mawu o, boŋ be Mawu ƒe nunana lae nye Mawu si ŋu wotsyɔ nu le Amegbetɔ ŋutilãgbalẽ me.
Esime Nya la nɔ Mose me la, ezu Mawu le ŋutilã me. Esime Wònɔ Yesu me la, Ezu Mawu le ŋutilã me. Nu ɖeka ko Wòwɔ lae nye eɖɔli Eƒe amemo, menye Eƒe Nya o, menye Eƒe dzɔdɔme hã o, ale la, Nya ma ɖeka ke le míaƒe nyagblɔɖila si kple dzɔdzɔme ma ke abe Mawu ene.
Nukae nye Nya mamleawo si Mawu na Eƒe nyagblɔɖila ŋlɔ ɖi le Nubabla Xoxo la mee?
Kpɔ ɖa, madɔ nyagblɔɖila Eliya ado ɖe mi; hafi ne Yehowa ƒe ŋkeke gã dziŋɔ la nava ɖo.
Nu mamlea si Mawu na Eƒe nyagblɔɖila ŋlɔ ɖi la nye be Yele nyagblɔɖila sesẽ aɖe dɔ ge ɖa kple Eliya ƒe gbɔgbɔ na xexeame hafi Aƒetɔ la Ƒe vava ƒe ŋkeke gã dziŋɔ la nava ɖo.

Ka woenye Nubabla Yeye la ƒe Nya mamleawo, agbalẽ si Mawu Ŋutɔ ŋlɔ ɖi? Mawu nɔ AME si woyɔ be Yohanes zãm be neŋlɔ agbalẽ la. Mawu nɔ AME zãm be wòagblɔ nusi wòle be Yohanes naŋlɔ ɖi de agbalẽ la me nɛ. Yohanes ŋlɔ nusi wòkpɔ hese AME ma gblɔ ɖi. Emegbe la Mawu zã AME tsɔ ɖe nusi woŋlɔ ɖi heɣla de Biblia katã me la fia. Nukae Yohanes wɔ mahã?
Eye nye Yohanes ye nye amesi se nusiawo, eye mekpɔ wo. Eye esi mese wo, eye mekpɔ wo la, medze klo, be made ta agu ɖe mawudɔla, si ɖe nusiawo fiam la, ƒe afɔ nu. Eye wògblɔ nam bena: Kpɔ ɖa, megawɔe o, wò hadɔla kple nɔviwò, siwo nye nyagblɔɖilawo kple amesiwo lé agbalẽ sia me nyawo me ɖe asi la, ƒe hadɔla menye; de ta agu na Mawu ko

Yohanes, zi gbɔ zi evelia, dze klo de ta agu na AME sia. NUKA TA? Yohanes kpɔ hese Mawu si ŋu wogatsyɔ kple amegbetɔ ŋutilãgbalẽ ake. Enye ŋutilã si tovovo na esime wònɔ esime wòzɔ Kplii, mlɔ anyi Kplii, ɖu nu Kplii, esime wotsyɔ Ŋui le Eƒe anyigba dzi ƒe agbadɔ kemɛa me, gake na Yohanes yea la, Eyae Wònye. Mawu wòganye ake ƔLA ɖe amegbetɔ ŋutilãgbalẽ me, lo anye ne madze klo ade ta agu nɛ o.
Emegbe la Mawu ga ƒo nu zi ɖeka ake. Eye kpɔ ɖa, Megbɔna kpuie, eye nye fetu kpe ɖe ŋutinye gbɔna, bene maɖo teƒe na amesiame ɖe alesi eƒe dɔwɔwɔ le la nu.
Emegbe la Eƒonu kuɖe Eƒe mawunyenye ŋu.
Nyee nye Alfa kple Omega, gbãtɔ kple mlɔetɔ, gɔmedzedze kple nuwuwu.

Emegbe la Eƒe Nya mamleawo na Eƒe Ŋugbetɔ la:
Nye Yesu ye nye amesi dɔ nye mawudɔla la, bene wòaɖi ɖase le nusiawo ŋuti na mi hena hameawo. Nyee nye Dawid ƒe ke kple eƒe ƒome, ŋukeɣletivi keklẽ la.
Yesu Ŋutɔ, le nuƒom na Eƒe Ŋugbetɔ la be, Nyee Wònye, si woɣla zi ɖeka ake le amegbetɔ ŋutilãgbalẽ me, le Nye dɔla si medɔ ɖa mi me. Maƒo nu to eyama me aɖa ɖe nuwo KATÃ si woŋlɔ ɖi heɣla ɖe nye Nya me fia. Maɖoe ɖe hamewo katã be wòaɖi ɖase.

Kae nye MƆ DEBLIBO LA na EYAMA be wòaɖi ɖase le miaƒe hameawo mee?
ZI PLAY!! MAWU ƑE GBE Wònye.

Emegbe la nyagblɔɖila gblɔ alesi míele sesem le míaɖokui me egbea na xexeame.
Eyata mesusui be mía dome ametsitsi geɖewo le numa ke susum. Mawu si Ŋu ŋutilãgbalẽ le! Ate ŋu ɖe gbe abe gakpoblanu na xexeame, gake ele amewo katã hem va Eɖokui gbɔ.
Mawu, si ŋu ŋutilãgbalẽ le, le amewo katã hem va EƉOKUI gbɔ. Abe Yohanes ene la, míekpɔ Mawu le amegbetɔ ŋutilãgbalẽ me. Abe Yohanes ene la, míele amegbetɔ subɔm o, boŋ woɖe fia be Mawu wònye le nu ƒom na Eƒe Ŋugbetɔ le amegbetɔ ŋutilãgbalẽ, abe alesi Wògblɔ na mí be Yeawɔe ene. ALE AƑETƆ LA GBLƆ ESI wònye.
Va ne Mawu ƒe Nya na bla wò ɖedu kple Ame Tovovowo Kɔsiɖagbe, ga 2 woale me, Jeffersonville ƒe ga me, aɖase Mawu si ɣla ɖe amegbetɔ ŋutilãgbalẽ me, wòaɖi ɖase aɖa hɛ Gbedeasi, Ame Tovovo La 64-0614E vɛ.

Nɔvi. Joseph Branham

Ŋɔŋlɔ siwo woaxlẽ doŋgɔ na Gbedeasi la sese:

Korintotɔwo I 1:18-25
Korintotɔwo II 12:11

5/15/2021 Hɔ̃WO LE ƑUƑOM ƉEDU

Ɖevi Sue Lɔ̃lɔawo,

Míewɔ míaƒe nyametsotso. Woɖo kpe Gbedeasi la dzi. Amegbetɔvi la gava le amegbetɔ ŋutilã me ake be yeaɖe Yeƒe Nya afia. Wodze kɔnyinyi ƒe xɔmetsovɔ la ɖe eve.
Eyae nye Esi, Dzo Lilikpo la, tɔ ɖe gaglãgbe, hele Nya la ɖem ɖe go na ŋkeke sia. Míekpɔe, eye Míexɔe Se…NYA ƉESIAƉE!!

Míese nyaƒoka mawo ƒe ɖesiaɖe esime wole vavame. Eme le kɔkɔm ɖedzi geɖe wu na mí esime míele toɖom wodometɔ Ɖesiaɖe la. Míedzro Ŋɔŋlɔawo me. Woɖe Mawu ƒe Nya ɖe go heɖo kpe edzi na mí.
William Marrion Branham Ɖee gblɔ, ke Mawu na wò va me.

Nuka Wònyee? Mawunyenye si woɣla ɖe ŋutilã me. Mibu Eŋuti kpɔ! Dzo Lilikpo ma ke si ɖi va amemawo si woŋlɔ Biblia dzi, nye Dzo Lilikpo ma ke kpli mí egbea, si le Biblia gɔme ɖem. Eƒe Nya, Nyaƒokasiawo, na míele Eyama ɖim wu gbesiagbe. Míele agbe le Eƒe Ŋkume hele sɔsɔm kple Eƒe nɔnɔme yayra la esime míele zɔzɔm kple Eyama eye Wòhe le nuƒom na mí.

Miawo miegale xɔmetsovɔ ma godo ake o, Ɖevi suewo, Mawu do va gaglãgbe na mi.

Míegale xɔmetsovɔ ma godo o, míekpɔe le gaglãgbe. Enye Ŋkumeɖobolo ma ŋue míele azã ɖum le esi míele ɖeka wɔm ɖedu le xexeame godoo be míaɖo to Amegbetɔvi la wòaƒo nu na mí aɖaɖe Eƒe Nya la fia. Enye xɔsetɔwo ƒe Nuɖuɖu si nye xɔsetɔ vavã ƉEƉEKO tɔ.

Ɖewomahĩ bubuwo woadi nuɖuɖu si tovovo, gake na míawo la, woɖee fia, Mawu dɔ Eƒe Nya na Ame Ɖeka, menye hatsotso aɖe o, ame Ɖeka.

Nenema ko wònɔna ɖaa, nyagblɔɖila aɖe ava kple Aƒetɔ la ƒe Nya, le agbenɔɣi ɖesiaɖe me, ga sia ga me, to Ŋɔŋlɔa katã me va yi. Nya la vana na ame ƉEKA. Le agbenɔɣi ɖesiaɖe me la, nenema koe, gɔ̃ hã le hamea ƒe agbenɔɣiwo me, tso gbãtɔ dzi yi mlɔetɔ dzi. Ame bubuwo ƒe teƒe li, ele teƒe, mide dze sii, gake minɔ adzɔge na Dzo Lilikpo ma.

Míele Mawu ƒe Gbe si wolé ɖi hede nyaƒoka dzi, Nya si mehĩa GƆMEƉEƉEA ƉEKE O, NYAŊUKƆKƆA ƉEKO O, NYA DZADZEA ƉEƉEKO, Mana Si woɣla la dim.

Tututu ko abe alesi Helatɔwo le Mawu aɖe dim ene; ke Eyae nye ekem tɔ ɖe woƒe ŋku me tututu, gake womete ŋu kpɔ Eyama o ɖe nutsyɔnu la ta. Nenema kee wòle egbea, womate ŋu kpɔ Eyama o le nutsyɔnu si le mo na wo ta.

Ŋugbetɔsrɔ̃ la va le amegbetɔ ŋutilãgbalẽ me hele míawɔm ɖekae ɖe du, ke azɔ míele ƉEKA zum. Enye Amegbetɔvi la ƒe ɖeɖefia ƒe ɖeɖeɖego, Yesu Kristo le amegbetɔ ŋutilãgbalẽ me ake. Ele míawɔm ɖekae hele míakplɔm yi Srɔ̃ɖeɖe Ŋkekenyuie si Wòdzra ɖo ɖi na Eƒe Ŋugbetɔ la me.

Mise ɖa Ɖevi Suewo, MIENYE NYA si woŋlɔ ɖi hele ɖeɖem ɖe go. Fofo la na mi Ɖeɖefia kuɖe Eŋutɔ ŋu na ŋkeke sia, ke azɔ, Ena wò Ɖeɖefia kuɖe ƉOKUIWÒ ŋu, Eƒe Nya Ŋugbetɔ Deblibo la. Ɖe Nya la gblɔ, womate ŋu atɔ wò te o.

Gbedeasi sia nye Eŋutɔ ƒe subɔsubɔdɔ deblibo la, menye ame aɖe tɔ o, menye kɔmahatsɔŋkɔ aɖe tɔ abe le agbenɔɣi mawo me va yi ene o, boŋ Eŋutɔ tɔ, hele Eɖokui ɖem ɖe go: Luka Kɔkɔe 17:30, Maleaxi 4, Nyaɖeɖefia 10:7, Hebritɔwo 13:8.

Ne miele mɔkpɔm na nu bubu aɖe, alo na ame bubu aɖe, be wòaɖe wu nusi le nyaƒokawo dzi fia mi la, mieda Esia ƒu xɔ̃nyewo. Mitrɔ gbɔ va Gɔmedzedze Nya la gbɔ. Nya deblibo la.
Menye nyee o, menye miaƒe osɔfo ye o, NYA SIA, GBEDEASI SIA, NYAƑOKA SIAWO Wònye, elabena wonye Mawu Ƒe Gbe ƉEKA si dzi woɖo kpe heda asi ɖo.

Va se Gbema wòaklo ŋu le Eɖokui ŋu Kɔsiɖagbe sia le ga 2 woale me, Jeffersonville ƒe game esime míaƒo ƒu ɖedu aɖaɖo to Mawu wòaɖe Eƒe Gbedeasi la gblɔ na Eƒe Ŋugbetɔ la: Nukoklo Le Mawu Ŋu 64-0614M

Nɔvi. Joseph Branham

Ŋɔŋlɔ siwo woaxlẽ doŋgɔ na toɖoɖo Gbedeasi la:

Mateo 24:24
Luka Kɔkɔe 17: 28-29
Yohanes Kɔkɔe 14:14
Korintotɔwo I 12:13
Korintotɔwo II 3:6 – Korintotɔwo II 4:3
Filipitɔwo 2:1-8
Timoteo I 3:16
Hebritɔwo 13:8
Nyaɖeɖefia 10:7 & 19:13
Mose II Ta 19 & 20
Yoel 2:28
Maleaxi 4:5

5/01/2021 Hɔ̃WO LE ƑUƑOM ƉEDU, LƐTA TSO BRANHAM ƑE AGBADƆ ME, TSO NƆVIŊUTSU JOSEPH BRANHAM GBƆ

Anyigba Dzi Ŋugbetɔ Lɔlɔ̃a,

Mina míaƒo ƒu ɖedu Kɔsiɖagbe le ga 2 woale me aɖase nusianu kuɖe Dziƒo Ŋugbetɔsrɔ̃ La Kple Anyigba Dzi Ŋugbetɔ La Ƒe Tsɔme Ƒe – 64-0802 ŋu.

Nɔvi. Joseph

17/04/2021

Ŋugbetɔ Lɔlɔ̃a Si Wolã ɖa,

Mawu de dzesi be dukɔ aɖe le anyigba dzi si Wòɖo ɖi hena Agbe. Ede dzesi be ɣeyiɣi lae nye esi be yeaɖo Yeƒe Gbedasi la ɖa to Yeƒe gbedasitsɔla dzi be wòayɔ Yeƒe Ŋugbetɔ la doe. Ewɔe. Azɔ Eƒe Ŋugbetɔ de dzesi míaƒe ŋkeke la kple Eƒe Gbedasi la, hede dzesi amesi míenye la, Nya Gɔmedzetɔa ƒe ɖeɖeɖego.

Míawoe nye Ŋugbetɔ ma si nyagblɔɖila kpɔ wòto eƒe ŋku me va yi doŋgɔ. Ŋugbetɔ ma ke si va yi le gɔmedzedzea me. Esime wòkpɔ mí la, eƒe dzi dzokpo kple dzidzɔ, be wònyae be Ŋugbetɔa ɖe li si anɔ anyi kple Nya la. Esime wòkpɔ mí la, nu ɖekae wotsɔ wɔ mí, eye míedo awu ɖeka abe Amesi nɔ anyi le gɔmedzedzea me ene: Alfa kple Omega la. Míawoe nye Ŋugbetɔ Nya de blibo la.
Mawu tso Eƒe Ŋugbetɔ ɖa, helã Eyama tso hame mamleawo me to Eƒe nyagblɔɖila dzi, kple Nya la. Azɔ, le ƒe akpe eve megbe, eye le Eƒe Nya si ƒe ŋugbe wodo be Yeawɔ le ŋkeke mamleawo me ŋu la, ega srã asaɖa kpɔ ake. Esrã asaɖa kpɔ be yɛaɖe Yeƒe Nya ɖe go na egbe, tututu abe alesi Wòwɔe le Mose ƒe ŋkeke me ene. Abe alesi wònɔ ɣemaɣi la, nenema ke wòle fifia. Menye Mose wònye nɔ nua wɔm o; Mose la ame wònye. Kristo boŋ ye.

Nuka wòwɔ? Eɖefou na nunɔlawo, be woakpɔ amemawo adzo ɖa le hameawo me, aheyie. Egblɔ be, “Ne miadometɔ ɖe de Eƒe takpekpe me la, woanyae le hamea me. Míaɖe wò dogo le kɔmahatsɔŋkɔ la me.” Mide dzesi, “Alesi Yane kple Yambre wotsi tre ɖe Mose ŋuti la,” ava me tututu kple wodometɔ aɖewo. Menye, azɔ, mele nuƒom kuɖe Metodistetɔ, alo Baptistetɔ ŋu le afisia o; womele me o. Mikpɔea?

Ke nuka le emevam kple Ŋugbetɔ laa? Míele ƒu nu ƒom tso xexea katã me. Míetso dua katã me; tso New York, tso Massachusetts, Maine, Tennessee, Georgia, Alabama, Kple dua me godoo, kpakple xexeame godoo. Míenye Hɔ̃wo si le ƒu nu ƒom ɖedu. “Kekeli anɔ anyi le fiẽwɔɣi.”

Le nye ɖevi me la mebiana ɖokuinye se kokoko be, “Aƒetɔ, aleke wɔge nàla ahe wò Hame la va ɖedu abe alesi nèwɔe na Wò Hame Gbãtɔa ene mahã?” ” Mexlẽ le Wò Nya me be, Èhenawo vana ɖedu kokoko ne èdi be yeawɔ wo ɖekae.” ” Ɖee Nàhe amesiame va Jeffersonville yea?”
“Aleke nèle ewɔgee?” “Ɖee wòava hĩa be míakatã míaƒo ƒu le teƒe ɖekaa?”

Azɔ woɖee fiam, menye aƒo Eƒe Ŋugbetɔ nu ƒu ɖe teƒe ɖeka le kodzogbeamee o, menye To Kɔkɔe la, teƒe Kɔkɔe lae o, ŊUGBETƆ LA LE ƑU NU ƑOM ƉE NYA LA ŊU, elabena eyae nye TEƑE ƉEKA si Ŋugbetɔ la ate ŋu ƒoƒu le.

Mawu na xexeame tɔ te alebe Yeƒe Nya na va eme. Satana le agbagba dzem be yeatɔ esia te; hele agbagba dzem be yeaɖu fe ŋu le eŋu. Edze agbagba be yeade vɔvɔ̃ dzi na amewo be ne wose nyaƒokawo la, woanya wo do go le woƒe hamewo me, be woabu. Gake womete ŋu le nusi le dzɔdzɔm la tɔ ge te o.

“Mina mɔ! Fia la ƒe Gbedasi le asi nye.” Amen. “Fia la ƒe gbedasitsɔla menye,” Nya si dzi woɖo kpe. Mesusu be, “Satana, te ɖa le mɔ dzi nam! Fia la ƒe Gbedasi le asinye. Edze be mayi.”
Fia la ƒe Gbedasi wònye. Mina míade Dzesii, xɔ̃nyewo, elabena woyɔ mí be míaƒo ƒu ɖedu na Kpẽ la ƒe ɖiɖi. “Elabena Aƒetɔ la ƒe Kpẽ aɖi, ke ɣeyiɣi maganɔ anyi ke o.”

Dzidzɔ gã wu aɖeke, amisisi gã wu aɖeke meli , wu be woanɔ anyi ɖedu le Dziƒo nutowo me kple Ŋugbetɔ la le xexea katã me godoo, aɖase Mawu ƒe Gbe wòaƒo nu to Eƒe gbedasitsɔla si dzi woɖo kpe eye wòagblɔ Agbe Mavɔ ƒe Nya na mí o.

Ɖee mieɖo ŋku nye ŋutega dzia? Megblɔ be, “Ne Paulo tɔwo geɖe me la, tɔnyewo hã woageɖe me, elabena mewɔ tututu abe alesi wòwɔ ene.” Mele anyi nɔm kple Esia tututu. Ame miliɔn mawo do woƒe asiwo ɖe dzi, henɔ gbɔgblɔm be “Míele dzudzɔm ɖe esia dzi!”

Hɔ̃wo ga le ƒu nu ƒo ge ake Kɔsiɖagbe sia ga 2 me, Jeffersonville ƒe game, aɖase Kristo Ŋutɔ wòaƒo nu na mí to Eƒe gbedasitsɔla si dzi woɖo kpe dzi. Nya si dzi míele dzudzɔm ɖo. Va tu mí esime míase Eyama wòana tokla xexeame be edze be woa: Mide Dzesi Miaƒe Ŋkeke Kple Eƒe Gbedasi 64-0726M

Nɔvi. Joseph Branham

Ŋɔŋlɔ siwo woaxlẽ doŋgɔ na Gbedasi la sese:

Hosea 6
Maleaxi 4:5-6 alo Maleaxi 3:23-24
Timoteo II 3

31/03/2021

Amekpekpe Lɔlɔ̃awo,

Mɔkpɔkpɔ gã aɖe míetsɔ le miadometɔ ɖesiaɖe kpem va míaƒe xexeame godoo ƒe Hɔ̃wo ƒe Easter ƒuƒoƒo la. Kwasiɖa ƒe nuwuwu Kɔkɔe aɖe, si yɔ fũ kple gbedodoɖa, subɔsubɔ, dɔyɔyɔ, liɖɔɖɔ kple Gbɔgbɔ Kɔkɔe ƒe ame yɔyɔ fũ yeye. Kwasiɖa ƒe nuwuwu aɖe si ƒe numetoto miewɔ kpɔ tsã o.

Menye Fiɖagbe, Memleɖagbe kple Kwasiɖagbe ƒe takpekpewo ko kple gbeƒãɖela kpekpe ʋea ɖewo ko o, enye Kristo ƒe Ŋugbetɔ la ƒe ƒuƒoƒo tso xexea katã me amesiwo kɔ Easter ƒe kwasiɖa ƒe nuwuwu katã de asi na Eyama esime míaʋuʋu dziƒo kple míaƒe gbedodoɖawo, aɖase Mawu ƒe Gbe wòaƒo nu na mí tẽ to Eƒe Gbedasitsɔla si wòtia dzi, eye míasubɔ míaƒe Fia si fɔ ɖe tsi tre la.

Míado ʋɔ de xexeame katã, míaƒe kaƒomɔwo, míaƒe dɔ, míaƒe xɔ̃wo, nusianu kple modzakaɖeɖe ɖesiaɖe. Míatsu míaƒe ʋɔtruawo aɖa kpe Eyama ɖe míaƒe aƒewo me na kwasiɖa ƒe nuwuwu aɖe si yɔ fũ kple subɔsubɔ madzudzɔ kple ŋugbledede na Eyama, kple Eyama ɖeɖeko. Gomekpɔkpɔ kae nye esi su mía si.
Míele akpe de ge na Eyama ɖe ɣeyiɣi wɔ nuku si me wòna míeto le vuvɔŋɔli sia me esime Wòɖe Eƒe Nya la fia mí wu tsã, esime míese: Nutrenu Adreawo, Aɖaŋudɔwɔwɔ kple Kpẽ Adreawo. Ele mía dzram ɖo hele míawɔm ame deblibowo na Eƒe vava si gogo la. Ke azɔ Eɖo nu tɔxe aɖe le nudzraɖoƒe me na mí le Easter sia ƒe kwasiɖa ƒe nuwuwu.

Míese xexeame le gbɔgblɔm be, “Evɔ, azɔ míedi be míatrɔ gbɔ va nɔnɔme nyuietɔ la me, alesi nuwo nɔna tsã gbɔ.Nusianu trɔ nyo azɔ, míeɖu nusia dzi. Míevɔ na ɣeyiɣi via aɖe, be nane aku ɖe nusia ŋu, eyata míeku de Aɖakaʋu la ŋu vie, ke tsi me dza o, mina mía gbugbɔ yi ɖe míaƒe agbewo dzi.”

Gake Ŋugbetɔ la le ɣli si tovovo la dom be, “TSI ADZA, MÍELE AƑETƆ LA ƑE AƉAKA ƲU LA ME abe alesi wò Nya la bia ene. Va kplɔ Wò Ŋugbetɔ la, esia menye míaƒe aƒe me o. Míele gbesɔsɔ be míage ɖe míaƒe aƒe yeye si dzram nèle ɖo ɖi na mí. Miagate ŋu anye ame mawo ke o.”

Míeto míaƒe agbe ƒe ŋkeke gãtɔ kekeakewo me. Azɔ, Ekpɔtɔ gale mɔnukpɔkpɔ yeye aɖe nam mí be míayɔ kwasiɖa ƒe nuwuwu blibo la kple naneke o negbe Eya ko.Ŋkeke siwo míedi vevie, ŋkeke siwo ta míedo gbeɖa ɖo. Ɣeyiɣi tɔxea ɖe afisi míate ŋu agblɔ na Eyama be, “Aƒetɔ Yesu, Egblɔ be Yegbɔna na Ŋugbetɔ si dzra eɖokui ɖo vɔ xoxoxo. Aƒetɔ míexɔe se bena míenye Ŋugbetɔ ma si lalam Nèle. Ŋugbetɔ Nya la si lɔ̃a Nya ɖesiaɖe hexɔa edzi sena. Medi maƒo ƒu kple Wò Ŋugbetɔ la le xexea katã me, eye le ɖekawɔwɔ me la, míasubɔ Wò, aɖa kafu Wò, eye míaɖzra míaɖokuiwo na Wò vava kpata la.”

Nukae ahe Eyama va kpea dzi mahã? Nuteamenu. Edze be nu nate mía nu.

Azɔ mexɔese be míele agbe le ŋkeke siwo me míe… Loo, le bubue la, elebe ŋkeke siwo me míele agbe le la woana be nu nate Hamea nu keŋkeŋ. Mexɔese be, tso keke ŋdi sia ƒe gbedasi si tso Mawu gbɔ la, menye nye o, mexɔe se be ele be wòatsɔ ƒuƒoƒe sia de nute ame nu me, bena míegble wòdidi akpa. Míede sɔleme wòdidi akpa. Edze be míawɔ nane.

Gomekpɔkpɔ kae nye esi su mía si be nu nate mía nu le kwasiɖa sia ƒe nuwuwu me be míayɔ Aƒetɔ Yesu va kpea dzii. Va ƒofu kple Ŋugbetɔ la Fiɖagbe, Memleɖagbe kple Kwasiɖagbe. Míefe dze eteƒe dzidzi akpa, míede sɔleme eteƒe dzidzi akpa, edze be míawɔ nane.

Medi be míakatã míaƒoƒu kwasiɖa sia ƒe nuwuwu le Ɣedzeƒe ƒe Ɣleti ŋkeke Ƒe Game dzi (EDT) na ɖoɖo sia.

Fiɖagbe
Mina míadze míaƒe Easter kwasiɖa nuwuwu la gɔme le ŋdi ga 9 me, ke emegbe le ŋdɔ ga 12 me ake, to ɖekawɔwɔ me le gbedodoɖa me eye míakpe Aƒetɔ la ava be wòava nɔ anyi kple Eƒe Ŋugbetɔ la le xexea katã me le kwasiɖa nuwuwu tɔxɛ ŋutɔ sia me, eye wòayɔ míaƒe aƒewo me fũ kple Eƒe Gbɔgbɔ Kɔkɔe la esime míakɔ míaɖokuiwo ŋuti na Eyama.

Emegbe mina míagakpe ɖedu le gbedodoɖa me le wole ga 3 me aɖa ɖo ŋku míaƒe Aƒetɔ ƒe kaklã ɖe ati ŋuti ŋu. Míaƒe susuwo nàyi megbe dzro ɖe keke ŋkeke ma dzi ƒe 2000 woenye esi, le Kalvaria, eye míakpɔ míaƒe Ɖela le atitsoga ma ŋu, eye emegbe la míaxlẽ míaƒe ŋkɔ le me:

  Ne áte ŋu axlẽ wò ŋkɔ le me le afima be, "Wode abi eŋu ɖe William Branham ƒe sedzimawɔmawɔwo ta; Wogbãe gudugudu ɖe William Branham ƒe dzidada ta," la hafi ko ŋutifafa vana. Menye hahoowo ƒe nya ɖeɖeko wònye o. Ame ɖeka ɖeka ƒe nyae. Wode nye hã eme. "To Eƒe kabiawo me William Branham kpɔ dɔyɔyɔ." Ekema etovovo.

Emegbe le wòtrɔ ga 7 me la, mina míase ɣeyiɣiawo ʋɔnudrɔdrɔ̃ vevietɔ kekeake, esime míaƒo ƒu le Eƒe Fiazi la ŋu be míase Gbedasi: Ʋɔnudrɔdrɔ̃ 64-0419.

Memleɖagbe
Memleɖagbe: Ŋdi ga 9 me, ŋdɔ ga 12 me, kple wole ga 3 me la, mina míaga ƒoƒu zi ɖeka ake le gbedodoɖa me.

Emegbe le Memleɖagbe fiẽɣi ga 7 me la, míakatã míakpe ɖedu aɖase NYA la: Gbemagbe Le Kalvaria 60-0925. Ŋkeke nyuie ka gɔ̃ esia anyee.

Kwasiɖagbe
Le tsitretsitsi ƒe ŋdi gã kple wɔ ŋku ma dzi la, mina míafɔ kaba abe alesi Nɔviŋutsu Branham wɔe ene, le ga 5 me, eye míade akpe na Aƒetɔ la ko be efɔ Yesu tso kukuawo dome:

“Ŋdi sia le ga 5 me la, xɔ̃nye suea si si Akɔta dzĩ le la dzo va fesrea to henyɔ̃m. Ɖeko wòle abe eƒe dzi suea awo ene, esime wòle gbɔgblɔm be, “Etsi tre.”

Le ŋdi ga 8 me la mina míakpe ɖe du le anukwarenyenye me zi ɖeka ake le míaƒe gbedodoɖa kɔsɔkɔsɔ me, esime míado gbe ɖa ɖe míanɔewo ta eye míanɔ míaɖokuiwo dzram ɖo na Mawu ƒe Gbe sese.

Le ŋdi ga 9 me la míakpe ɖedu be míase míaƒe Easter Gbedasi la: Fɔbubu La 63-0707M.

Le ŋdɔ ga 12 me la mina míaga wɔ ɖeka le gbedodoɖa me ake, ade akpe na Eyama ɖe KWASIƉA ƑE NUWUWU WƆ NUKU SI ME WÒNA MÍETO KPLE EYAMA KPAKPLE EƑE ŊUGBETƆ LA TA.

Na nɔvinyeŋutsuwo kple nɔvinyenyɔnuwo siwo le ƒugodo la, medi be makpe mi be miawɔ ɖeka kpli mí le Jeffersonville ƒe game dzi, na gbedoɖaɣiawo katã le ɖoɖo la ŋu kple Kwasiɖagbe ŋdi ƒe nyaƒoka ƒe ƒoƒo. Mede dzesi, alekeke hã, be aƒo Nyaƒokawo le Fiɖagbe kple Memleɖagbe fiẽɣi le Jeffersonville ƒe game dzi la asesẽ ŋutɔ na miadometɔ geɖewo, eyata to kukuɖeɖe me la, mivo faa be míaƒo Gbedasiawo le ɣeyiɣi si dze mi la. Gake, medi be Kwasiɖagbe le ŋdi ga 9 me, Jeffersonville ƒe game dzi la, míase míaƒe Kwasiɖagbe ƒe Gbedasi la ɖedu.

Zi teƒe sia be naɖe kɔpi na Ɖoɖoa ƒe agbalẽa le PDF me.

Medi hã be makpe miawo kple miaƒe viwo be woakpɔ gome le Creations ƒe agbalẽawo me, kple YF ƒe quizz-awo ŋuɖoɖo me, nusi ŋu miaƒe ƒomea katã akpɔ dzidzɔ le. Míexɔe se be mialɔ̃wo esime wotu wokatã ɖe NYA si míanɔ sesem le kwasiɖa sia ƒe nuwuwu me.

Zi teƒe sia be nàkpɔ nusiwo nazã na Creations ƒe dɔ siwo woawɔ la. Miate ŋu akpɔ dɔ si woawɔ Koŋ le afii

Zi teƒe sia hena Easter kwasiɖa nuwuwu ƒe nyaƒoka quizz-awo ŋuɖoɖo.

Enye bubu nam be makpe wò kple wò ƒomea la be miava kpe ɖedu kple Ŋugbetɔ la le xexea katã me na kwasiɖa aɖe si yɔ fũ kple SUBƆSUBƆ, KAFUKAFU KPLE DƆYƆYƆ. Enye kwasiɖa ƒe nuwuwu si atrɔ wò agbe.

Nɔvi Joseph Branham

27/03/2021

Xawa Evelia Lɔlɔ̃a,

Míele ŋku ɖo ge ŋkeke si dzi Aƒetɔ la ƒoƒu eƒe Ŋugbetɔ la ɖedu, tso xexeame ƒe dukɔwo katã, be yeagblɔ na mí be, “Mienye Nye Aɖaŋudɔwɔwɔ ƒe ƒome gã la, Nye Xawa Evelia. Miele gbesɔsɔ na abɔ la azɔ, miele gbesɔsɔ na Milenium la.”

Aɖaŋudɔwɔwɔ la kple Ŋugbetɔ la, ke Enye Eƒe akpa aɖe, si wòle be wòanye Nya la ƒe nuwuwu. Wole Nya la nuwum, eye míele gbesɔsɔ na Aƒetɔ la ƒe Vava.

Aleke Ŋugbetɔ sia le esia wɔ gee?
Aleke lu sia le esia wɔ gee?
Egblɔ na mí Maleaxi 4, kple Nyaɖeɖefia 10:1-7 woana Yeƒe Ŋugbetɔ la nadeblibo. Menye nuɖoanyi aɖe o, menye ame ƒe hatsotso aɖe o, gake dɔla kple gbedasitsɔla 7lia agbugbɔ ɖoe te, abe alesi wònɔ le gɔmedzedzea me ene, atrɔgbɔ va Gɔmedzedze ƒe Nya gbɔ.

Mide dzesi Nyaɖeɖefia 10:1 yi 7, ele be woaɖe nyaɣlaɣlawo katã fia Ŋugbetɔ la, to Laodikea Hamea ƒe gbedasitsɔla dzi.

Ne ele be woaɖe nyaɣlaɣlawo KATÃ fia to gbedasitsɔla dzi la, ekema mɔnu nyuie aɖeke wu meli be woaxɔ nyaɣlaɣlawo katã wu Mɔ si Mawu ta la dzi o, “ZI PLAY”, eye se Mawu ƒe Gbe wòaƒo nu teŋ to Eƒe nyagblɔɖila dzi eye wòaɖe Eƒe nyaɣlaɣlawo katã fia.

Mele tsɔtsɔm nam kura o eye dzi le dzɔnyem ale gbegbe. Nububu aɖeke le xexe sia me mele vevie wu Gbedasi Sia, si nye Eƒe Nya, kple Gbe ma o. Menyae be miadome amesiame le esem nenema ke le eɖokui me. Amesiame le Nya si wose teti ko la kple wonɔewo to kaƒoƒo alo numegbe si vivi wonu wu ŋlɔŋlɔ le dzi.

•Ɖee nèlé esia…nuka…mebe ɖe Fifia!!

•Nyemese Gbedasi ma nenema GBEƉE kpɔ o, GBEƉE.
•Aleke gɔ mate ŋu da numegbe sia ƒu le ƒe siawo katã me mahã?
•Ɖeko Wògblɔ nam be menye Yeƒe Aɖaŋudɔwɔwɔ, ŊUTIKƆKƆE.
•Lɔlɔ̃ leta kae nye esi. Sikakɔ ɖe sikakɔ dzi ɖe sikakɔ dzi.
•Eme magate ŋu akɔ ƒaa wu nenema o.
•Aleke wɔ ameaɖe mate ŋu akpɔ esia o…
Nua katã ko wògblɔ ema.

Ke azɔ medi be mawɔ numake kple miadometɔ ɖesiaɖe. Le etsɔ ƒe Gbedasi la megbe la miadze nuŋɔŋlɔ anɔ yɔyɔ dzi anɔ nuƒom abe aɖaʋatɔwo ene. Eƒo gatagbadzɛ la dzi wu hebla nua katã ɖedu na Eƒe Xawa la.

Nye hã medzi be made dziƒo na mi. Ne miexɔe se be esiae nye Mawu ƒe dɔla kple gbedasitsɔla 7lia. Ne miexɔese be Gbedasi sia nye ŋkeke sia ƒe Nya. Ne miexɔ Nya ɖesiaɖe dzi se. Ne AME-ƉEKA ƑE GBEDASI yome miedze la, EKEMA NUMEGBE SIAWO NYE MIATƆ.

•Míele teƒe sia! Míele nuwuwu. Menye ame ƒe nufluflu aɖe ko wònye o.
Ale AƑETƆ LA GBLƆ ESI wònye.
• Mawu ƒe Nyagblɔɖila enye Mawu ƒe Nya gɔmeɖela si tso Mawu gbɔ.
•Miate ŋu atsɔ naneke kpe Esia, alo aɖe Nya ɖeka le Me o.
•Ame le agbetɔ ŋutilãgbalẽ me, abe nyagblɔɖila aɖe ene, evɔ la enye Elohim si le dzesi dem susu si nɔ Sara ƒe dzi me, le Eyama ƒe megbe.
•Mawu, le amegbetɔ ƒe nɔnɔme me, si ate ŋu de dzesi amewo ƒe susuwo; ame ɖeka, menye wuieve o; ame ɖeka, meka nukpawɔ siwo anɔ anyi o.Ɖeka nɔ wo si.

•Nukae nye kpeɖodzi vavãtɔ la mahã? Yesu gblɔ , ” Be miaxɔese be Nyee Wònye.” Ke Eyae nye Nya la.

•Nyagblɔɖila me egɔmee nye “Nutegakpɔla alo tsɔme kpɔla o;” egɔmee nye ” amesi ɖea Nya si woŋlɔ fia… Nya si ƒe Ŋugbe wodo na gaƒoƒo la.
•Ekema Mawu dɔa Eƒe Nyagblɔɖila ɖa, be… ke nyagblɔɖilae nye Mawu ƒe Nya gbagbe, si woɖe ɖe go la.

Yesu, Mawu ƒe Vi la, si le Eɖokui ɖem fia to Ŋɔŋlɔawo dzi, hele Ŋɔŋlɔ ma wɔm ( siwo woɖo ɖi va keke ŋkeke sia me, abe alesi wònɔ le ŋkeke ma, kple ŋkeke bubu mamleawo me ene) wòzu agbe. Eye be woaxɔ Esia se lae, nye Gbɔgbɔ Kɔkɔe la ƒe kpeɖodzi.
•Ke aleke miewɔ henyae be Nya lae mahã? Amesiame gblɔa esiaa? Enye Biblia ƒe ŋugbedodo si di woɖo kpe na agbenɔɣi ma.
• Esiae nye Yesu Kristo ƒe ɖeɖefia blibo la. [Nɔviŋutsu Branham ƒo eƒe Biblia dzi-Tala] Eye Nutrenu Adreawo mee woɣla nyaɣlaɣlawo, kuɖe nusiwo katã Wònye nu la le.
•Eye aleke Mesia a… amesiwo xɔ Eyama dzi se la nyae negbe dza wole Nya la me ko, anya nusi Wònye la!

Gbedasi sia, Gbe sia, nyaƒoka Siawo, nye egbe ƒe Nya, ƉEKA si dzi Mawu ɖo kpe. Enye NUSIANU NA MÍ. Míenya nububu aɖeke o, míehĩa nububu aɖeke o, míele to ɖo ge ame bubu aɖeke o. Míetsi tsitre ɖe amea ɖeke ŋu o, PLAY ZIZI, ɖeɖeko míeli NA.

Ẽ ɖe. Kekeli me viwo, milɔ̃ xɔ eƒe Nya la, miyi azɔli dzi eye míakpɔ geɖe aga ʋu na mi wu. Migadzo ɖa le Egbɔ o, meka nusi ame bubu aɖe gblɔ o. Mitsi Ema ɖeɖeko me eye miyi azɔli dzi kplii Ko, milé ŋku ɖe Eŋu esime wòaʋu eɖokui aɖa ɖe Eɖokui fia. Nya la nye Nuku; nuku si le anyigba nyuietɔa me la atse etɔ etɔ.

Va se Mawu ƒe Nya wòaʋu eɖokui eye wòaɖe Eɖokui fia kple xexeame dukɔwo, Eƒe Xawa Evelia, Kɔsiɖagbe 2 wole me, Jeffersonville ƒe game esime míase: Kpẽwo Ƒe Azã 64-0719.

Nɔvi.Joseph Branham

Ŋɔŋlɔ siwo woaxlẽ doŋgɔ na Gbedasi la ƒe sese:

Mose III 16
Mose III 23:23-27
Yesaya 18 :1-3
Yesaya 27:12-13
Nyaɖeɖefia 10:1-7
Nyaɖeɖefia 9:13-14
Nyaɖeɖefia 17:8

20/03/2021

Mawu ƒe Aɖaŋudɔwɔwɔ Lɔlɔ̃awo Si Wogbugbɔ Ɖo Te,

Vuvɔŋɔli sia nye ɣeyiɣi si wɔ nuku kple nyuietɔ kekeake le míaƒe agbewo me. Míesrɔ̃ ŋu, eye Wòɖe Nyaɖeɖefia ƒe agbalẽ la fia mí. Enye ɣeyiɣi aɖe si míaŋlɔ be kpɔ gbeɖe o.

Míekpɔ nuwo siwo le gbesɔsɔ be woahe Hame la va Kristo ƒe Ŋku me. Ŋugbetɔ la le nɔnɔme xɔm. Míele srɔ̃ɖewu la dom, hele míaɖokuiwo dzram ɖo. Míekpɔ kekeliawo le ʋuʋum. Míenyae be míele nuwuwu. Míele afisia. Míeva ɖo. Egbɔna NA NYE KPLI WÒ SIAA!!

Ƒome Nuku la le ƒu nu ƒom azɔ, hele gbesɔsɔ na tsitretsitsi la, le gbesɔsɔ na nuŋeŋe la. Alfa zu Omega vɔ. Nuku madeblibo ma si dze anyi le Eɖen bɔa me la zu Nuku deblibo la azɔ, Xawa Evelia, Eƒe Ŋugbetɔ Nya vavã la ake. WÒENYE ŊUGBETƆ NYA MA Xɔ̃NYE.

Dzidzɔ kae nye esi be míanyae be míenye Ŋugbetɔ deblibo, le Eƒe Lɔlɔnu Deblibo la me. Eƒo nu na míaƒe dziwo to Ɖeɖefia me, heɖe fia mí be míenye Eƒe Aɖaŋudɔwɔwɔ si wogbugbɔ ɖo te keŋkeŋ.

Ƒe akpe ene sɔŋ Fofo la tsɔ wɔ Eƒe Aɖaŋudɔwɔwɔ gbãtɔ la. Azɔ Etsɔ ƒe akpe eve bubu aɖe tsɔ le Aɖaŋudɔwɔwɔ bubu aɖe wɔm, MÍ, Eƒe Ŋugbetɔ la, na Kristo. Ewɔe to Eƒe nuwɔna matrɔmatrɔ dzi, alesi Wòwɔ Eƒe Aɖaŋudɔwɔwɔ gbãtɔ dzi, Eƒe Nya la.

Emae nye mɔnu ɖeka si dzi Wòtoa Hewɔa Eƒe Aɖaŋudɔwɔwɔwo, elabena anye Aɖaŋudɔwɔwɔ deblibo negbe ko wònye Nya deblibo la, eye Gbedasi Sia nye Eƒe NYA DEBLIBO, si le Eƒe Ŋugbetɔ Deblibo la wɔm.

Ne Wòɖe tso Eyama me, gɔmedzedze nuwɔwɔa me, be yeawɔ Ŋugbetɔ na Eyama la, metrɔwɔ nuwɔwɔ bubu aɖeke kpɔ gbeɖe o. Eɖe akpa aɖe le gɔmedzedze nuwɔwɔa me. Ekema, ne Nya la Wònye la, nukae wòdze be Ŋugbetɔa nanye? Ele be wòanye Nya gɔmedzedzetɔa la, Mawu gbagbe le Nya la me.

Ɖe míate ŋu de dzesi esia, míenye Nya gɔmedzedzetɔa ɖiƒoƒoa ɖeke kple ayilélea ɖeke manɔme. Míawoe nye akpa ma siwo ƒo ɖa le Eyama ŋu, si wogbugbɔ ɖo te. Satana magate ŋu ble mí ake o. Míenye ŋugbetɔ si ame aɖe kpa wɔ o, míenye Nya gbagbe si le zɔ ɖem.

Nuŋeŋe la va ɖo. Míeɖi keŋkeŋ azɔ. Míele gbesɔsɔ na Eƒe Vava la azɔ. Subɔsubɔdɔ gbãtɔ kple subɔsubɔdɔ mamlea wole ɖeka. Gbedasi gbãtɔ kple Gbedasi mamlea (evelia) la wole ɖeka. “Menye, Menye Alfa va yi; Mele Omega me.”

Aɖaŋudɔwɔwɔ ƒomea gakpe ake, Kristo kple Eƒe Ŋugbetɔ, le gbesɔsɔ be yewoa trɔ yi ɖe woƒe Aƒeme.

Ŋugbetɔ tsi dzi be yeakpɔ nusiwo katã le Eyama si le nudzraɖoƒe me na mí le adame sia me na mí. Míelala ŋutɔ hele Mɔkpɔkpɔ gã aɖe me. Va tu mí Kɔsiɖagbe 2 wole me Jeffersonville ƒe game, esime Gbɔgbɔ Kɔkɔe la ava míaƒe aƒewo me aɖa ƒo nu to Eƒe nu Wòtia dzi, aɖa tsɔ Gbedasi: Aɖaŋudɔwɔwɔ 64-0705 na mí.

Nɔvi. Joseph Branham

Ŋɔŋlɔ siwo woaxlẽ doŋgɔ na subɔsubɔ la:

Yesaya 53:1-12
Maleaxi 3:6
Mateo Kɔkɔe 24:24
Marko Kɔkɔe 9:7
Yohanes Kɔkɔe 12:24
Yohanes Kɔkɔe 14:9
Nyaɖeɖefia 3:20

13/03/2021

Alẽha Sue Lɔ̃lɔa,

Nukae míenya fifia, ɖikeke aɖeke manɔme, si woɖe fia mí mahã?

MÍENYE ŊUGBETƆ LA!!

Mese ŋutikɔkɔewo, alleluiawo, aseyetsotso kple ɣlidodowo tso Ŋugbetɔ la gbɔ le xexea katã me godoo. Fofo ƒe ɖoɖo gã la de blibo azɔ. Nyabiabia ɖeke megali o. Nyabiabia ameɖokui se megali o. Wona Ɖeɖefia la mí. Míenye Eƒe ametiatiawo, ameɖoɖiwo , eƒe dzi lɔlɔ̃a; ŊUGBETƆ LA MIENYE!!

Eƒe Ŋugbetɔ ƒe ɖekawɔwɔ melolo wu ŋkeke sia tɔ kpɔ gbeɖe tsã o. Ŋugbetɔ la menɔ anyi kpɔ gbeɖe alea ɖikekemanɔmee tsã kuɖe amesi wònye la ŋu, wu le ŋkeke sia me o. Míekpɔ dzidzɔ kpɔ gbeɖe wu, kpɔ kɔɖiɖi kpɔ gbeɖe wu, alo míaƒe dzi dze me kpɔ gbeɖe wu, abe alesi wòle na mí egbea o. MÍENYE ŊUGBETƆ LA!!!

Ameaɖewo xɔese hele dzudzɔm ɖe gbeƒãɖela atɔ̃awo ƒe subɔsubɔdɔa dzi be aɖe geɖe wu fia yewo. Míawo ya kpao. Míexɔe se be Eƒe Nya mehĩa gɔmeɖeɖe o. Míexɔe se be Eɖe Esia gblɔ to Eƒe Gbe si wòtia, Helée ɖe mɔ̃ dzi dzi ale be míate ŋu se Esia, eye míedzudzɔ hexɔ Nya ɖesiaɖe si woɖe gblɔ la dzi se.

Gbeƒãɖela, nufiala, apostolo, nyagblɔɖila alo kplɔla aɖeke meli si ateŋu wɔ Ŋugbetɔa ɖekae o; NU ƉEKA KO LIA SI ANA ŊUGBETƆ LA ADE BLIBO AƉA ƑOƑUI ƉEƉU LA koe míate ŋu tsɔ asi fia mi. Mawu Ŋutɔ le nuƒom to Eƒe dɔla kple gbedasitsɔla 7lia dzi.

“Ale William Branham gblɔ esi” wònyea?
“ALE AƑETƆ LA GBLƆ ESI” wònye! Ke, Ekpɔtɔ nye ame to vovo nam, gake mɔnu ɖeka si dzi Wòato aƒo nu lae nye to dzi nye.

Esia nye nufiamewo na eƒe agbadɔa. Ɖewomahĩ mele eƒe agbadɔa me o; alea la, ke meka wò o. MÍAWO ƉEƉEKOE. Efia nusi wòle be eƒe kplɔla nàwɔ ne ye megale afisia o…eye míele esia wɔm.

Azɔ, ke kplɔla nyuie aɖe le mía si, Mawu ƒe ame vavã, eye mede akpe ɖe ema ta geɖe. Ne miaɖo ŋku dzi la, ŋutega aɖe, ƒe ɖeka va yi, Nuɖuɖu ma wodzrae ɖo ɖi le teƒe la me. Ke esɔ gbe tututu.

Mawu ƒe Gbe le Eƒe Ŋugbetɔ la hem va ɖeɖu nusi medzɔ kpɔ gbeɖe tsã o. Míele anyi nɔm ɖeɖu le dziƒo nutowo me esime Mawu ƒe dɔla 7lia le Nutrenu 7lia ɖem fia mí, Dziɖegbe Adreawo, Heheŋusẽ Etɔlia, kple nukakee míehĩa be míatsɔ yi Kɔkɔdzɔe la me.

Mawu ƒe Fiaɖuƒe la gbɔna. Míele le tetem ɖa le vɔvɔ̃li la gbɔ hele nu vavã tɔ la zum. Míele nyɔnyɔ aɖe me tom esime míele ƒuƒom le Nya la ŋu. Va tu mí Kɔsiɖagbe sia 2 wole me Jeffersonville ƒe game, esime míase nusi woɣla tso xexeame ƒe gɔmeɖoɖo anyi ke, eye wole eɖem fia Eƒe Ŋugbetɔ la fifia, esime míase: Nutrenu Adrelia 63-0324E.

Nɔvi. Joseph Branham.

Ŋɔŋlɔ siwo woaxlẽ doŋgɔ na Gbedasi la ƒe sese:

Mose V 29:16-19
Fiawo I 12:25-30
Ezekiel 48:1-7, 23-29
Mateo 24:31-32
Nyaɖeɖefia 7
Nyaɖeɖefia 8:1
Nyaɖeɖefia 10:1-7
Nyaɖeɖefia 14

06/03/2021

Hɔ̃ Lɔlɔ̃awo Si Wo Le Ƒuƒom Ɖe Nukuku La Ŋu,

Afisi nukuku la le la, afima hɔ̃wo woaƒo ƒu le. Eye Nya ma ŋu ko hɔ̃wo ate ŋu ƒo ƒu le. Ke edze be míatso nya me, ameka sie míaƒe ŋkeke me ƒe Nya si ana be Eƒe hɔ̃wo woaƒo ƒu la le?

Mawu de Nyawo Mose ƒe nu me. Mikpɔea, enye Mawu ƒe susuwo siwo geɖe Mose ƒe dzi me; eyi azɔ be yeaɖewo gblɔ, ekema ezua Nya La.

Nukae na Mawu ƒe hɔ̃wo le Ƒuƒom mahã? Nu ɖeka ko lia si ate ŋui: Mawu ƒe Gbe na míaƒe ŋkeke si woɖe gblɔ to Eƒe gbedasitsɔla kple dɔla 7lia dzi amesi dzi woɖo kpe, ke Ele Eƒe Ŋugbetɔ la nuƒom hele Eyama wɔm ɖekae le xexeame godoo geɖee wu tsã, eye naneke mele tetɔge esia o.

Dzidzɔ kae nye esi yɔa míaƒe dziwo me fũ kple Gbedasi ɖesiaɖe si Ŋugbetɔ la sea ɖedu. Ɖee míate ŋu dze eŋu bubu kpɔ be, Mawu ƒe susuwo ŋutɔ le nuƒom na mí to Eƒe dɔla sesẽ dzi hele gbɔgblɔm na mí be:
“Nye Ŋugbetɔ Lɔlɔ̃a Mienye eye Nyee Nye Srɔ̃ wò Kɔkɔe la. Meɣla nusiawo de ame mamleawo katã negbe mi, nye lɔlɔ̃tɔwo, Nye ametiatiawo. Mienye ŋutilã tso Nye ŋutilã me, ƒu tso Nye ƒu me. Nye Ŋugbetɔ nuteƒewɔla mienye”.

Nuwuwu meli na nusi ɖem Wòle fia mí kple gblɔm na mí o. Míesea Gbedasi la le kɔsiɖa katã me, emegbea ne mía katã míeƒo ƒu ɖeɖu ɣeyiɣi ɖeka me be míase Eƒe Gbe, abe alesi Wòfia nu mí be míawɔ ene la, Ezua Gbedasi yeye na mí keŋkeŋ. Ɖeko wòle abe míese Esia gbeɖe kpɔ tsã o ene. Míaƒe dzi doa ɣli kple dzidzɔ. Aƒetɔ, be woabu eŋuti kpɔ, be woƒo Wò Ŋugbetɔ nu ƒu ɖedu, hele Gbedasi Sia tututu sem, eye Nèle Esia ɖem fia mía katã ɖedu le ɣeyiɣi ɖeka me.

Le ɖekawɔwɔ me la, Ŋugbetɔ le Anyiehe Amerika le ɣli dom…ŊUTIKƆKƆE! Ŋugbetɔ la le Afrika le dzidzɔ kpɔm hele kpodzom le woƒe afɔwo dzi hele gbɔgblɔm be: Hallelujah!

Le Europa, Asia, Finland, Australia, ƒukpo ɖesiaɖe me, aƒewo me, hamewo, kɔƒewo, tso anyigba ƒe dzogoe eneawo me la, Eƒe Ŋugbetɔ, wokatã ɖedu le ɣeyiɣi ɖeka me le Eyama sem wòle nuƒom hele gbɔgblɔm na mí bena, “Mele mía nuƒom ɖedu. Gamesu na Míaƒe srɔ̃ɖeŋkekenyuie la. Miedzra miaɖokuiwo ɖo to Nye Nya sese dzi. Nye Ŋugbetɔ lɔlɔ̃a mienye. Míaƒe srɔ̃ɖemɔkeke la va ɖo.”

Le susu ɖeka kple tame ɖeka me la míedo ɣli hele ha dzim:

Dzoxɔxɔ to ɖeɖefia me le nye dzi me,
Le nye dzi me, le nye dzi me,
Dzoxɔxɔ to ɖeɖefia me le nye dzi me,
Le nye dzi me, ɖaasi.
Ke dzidzɔm ŋutɔ, dzidzɔm ale gbegbe, ɖeɖefia la le nye dzi me.

Ɖeko miase Gbɔgbɔ Kɔkɔe wòado ɣli, le miaƒe dzi me. Abe alesi wònɔ le míaƒe Aƒetɔ me ene, esime Wòkpɔ Yerusalem ta me, Eŋutɔ ƒe dukɔ, mikpɔea, hegblɔ be, “Yerusalem, Yerusalem, zi nenie medi be, maƒo wò nu ƒu ɖedu, abe alesi koklonɔ ƒoa viawo nu ƒu ene, gake melɔ̃ o.” Ɖeko miase Gbɔgbɔ Kɔkɔe wòagblɔ be, “Zi nenie medi be Maƒo mia nu ƒu, mikpɔea, gake mielɔ̃ o.”

Gake Ele hatsotso sue aɖe nu ƒom. Ele mía nu ƒom hele ɖem fia mí be míenye EƑE ŊUGBETƆ NYA SI LE ƑU NU ƑOM ƉE NUKUKU LA ŊU.

To Nya ɖesiaɖe sese kple edzixɔxɔ se me ɖeɖe koe miate ŋu xɔ ŋugbedodowo katã siwo le nyaƒokawo dzi. Edze be miase Nyaƒokawo ale be miaxɔ wo.

Meɖe kuku na be woaɖo nye gbedodoɖa ŋu nam. Eye wɔe be Mawuvi ɖesiaɖe si woyɔ la, amesiwo gogo teƒe sia hele nya sem, alo amesiwo nyaƒoka alé dzi na la, ɖe mɔ be le ɣeyiɣi ma me la…

Le ɣeyiɣi si me miase Gbe ma le NYAƑOKA LA dzi la miaxɔ:

Mele wokatã biam na Mawu ƒe Fiaɖuƒe la, le gɔmeɖokpe sia dzi be menyae be esiae nye Mawu ƒe Nya si ɖem wole fia. Fiẽ Kekeli la nè klẽ, Fofo. Mede wo asi me na Wò, le Yesu Ŋkɔ me. Amen.

Ɖee wò hã nèdi be yeaxɔ gbedodoɖa sia, ɖeɖefia sia, kple yayra siawoa? Ate ŋui. Tu mí Kɔsiɖagbe sia le ga 2 wole me, Jeffersonville ƒe game, esime míaƒo ƒu le nukuku la ŋu aɖase : Nyabiabia Kple Ŋuɖoɖo Le Nutrenuawo Ŋu 63-0324M.

Nɔvi. Joseph Branham

27/02/2021

Alẽ Lɔlɔ̃awo Si Woyɔ Be Ŋugbetɔ,

Alegbegbe míaƒe dziwo dzo kpo kple dzidzɔ esime Hɔ̃WO ƒoƒu le xexea katã me hese Mawu ƒe Gbe ƒo nu na mí zi ɖeka ake hegblɔ na mí be, “”Megahĩa be woalala o. Nyabiabia ameɖokui se megahĩa o. Nusianu le mevam ko tututu abe alesi megblɔ na mi be awɔ ene. ŊKEKE LA VA ƉO NYE ŊUGBETƆ!”

Dzɔdzɔmeŋutinunya ƒe numekuku aɖe ɖo kpe Edzi na xexeame. Nya ƒe kpeɖodzi ɖo kpe Edzi na Eƒe Ŋugbetɔ la. Ɖeɖefia Sia tso Mawu gbɔ, eye Nyateƒe la Wònye! Ŋkeke si míedi vevie la le AFISIA. Le yeɣiyi ɖesiaɖe me fifia la míakpɔ, ame kɔkɔewo siwo le alɔ̃ dɔm hele mɔkpɔm hele didim vevie be yeawoa nɔ anyi kpli mí, kple míaŋutɔ ƒe ŋkuwo. Vifofowo…vidadawo… nɔviŋutsuwo kple nɔvinyonuwo, nyagblɔɖila ŋutɔ gɔ hã adze. Woadze le míaŋutɔ ƒe ŋkuwo me aɖa gblɔ na mí be, “ɣeyiɣi la VA ƉO. Ede. Wodzra nusianu ɖo na míaƒe srɔ̃ɖeŋkekenyuie la.”

Trɔ̃subɔlawo ƒe ŋkekewo le xexle, kple nu dziŋɔ geɖewo. Xaxa ƒe yeɣiyi la gogo ŋutɔ na wo. Gake míele ƒuƒom ɖe du kple Nya la, hele Eƒe Gbe sem esime wole Nutrenuawo ʋum, hele dzadzraɖo wɔm be míadzo yi yame.

Mawu ƒe alẽwo míenye eye míede dzesi amesi Wònye kɔtɛ esime wozu ŋutilã hetsɔ míaƒe nuvɔ̃wo katã yiɖe Kalvaria. Míede dzesi amesi Wònye le míaƒe agbenɔɣi la me kɔtɛ, Nya si dzɔ hezu ŋutilã ake. Ke azɔ la míede dzesi Eƒe ɖeɖeɖego mamletɔ, amesiwo MÍENYE, Eƒe amesiwo woxɔƒle, Ŋugbetɔ Nya dzadze si wotso afia na, Mawu si xɔ anyi nɔ ɖe míaƒe ŋutilã me.

Egblɔ nusi wòdze be míawɔ be míanye Nya Ŋugbetɔ ma. “Nye alẽwo Nyam eye womele ame tutɔ aɖeke yome dze ge o.”
Migadze ame tutɔ mawo yome o. Ele be wòanye ŋkeke la ƒe dzesi si dzi woɖo kpe, gake Nye alẽwo woakpɔ Esia aɖa Xɔese.”

Nya gblɔ bena míele agbe le Hɔ̃ ƒe agbenɔɣi me: Gbeɖiɖia Ƒe Ŋkekewo Me. Míawoe nye amesiwo xɔ Nya blibo la kple Ɖeɖefia Vavã Tɔ la. Míede dzesi be mɔnu ɖeka koe li nɛ Ŋugbetɔ la nazu blibo, edze be mianɔ anyi kple GBE ma. Gbe ma Ɖeka koe ate ŋu wɔe be Eƒe Ŋugbetɔ la ade blibo.

Gake, amesiwo katã ƒe ŋkɔwo le Agbe ƒe Agbalẽa me la, Mawu ayɔ wo. Wole Ese ge. “Nye alẽwo sea Nye Gbe,” nenema Yesu gblɔ. Nu ɖeka si wòle be míawɔ lae nye alẽwo ƒe yɔyɔ. Gbɔ̃tsuwo menya Esia o. Mide dzesi. Gake, mikpɔea, alẽwo ƒe yɔyɔ, “Nye alẽwo sea Nye Gbe.’ Nuka ta? Nukae nye Gbe la mahã? Medi be magblɔ nusi nye Gbe la na mi. Gbe nye gbɔ-nye gbɔgbɔme dzesi.

Míate ŋu dze ame tutɔ yome o, edze be wòanye ŋkeke la ƒe Gbe si nye gbɔgbɔme ƒe dzesi ma si dzi woɖo kpe. Menye gbewo o, GBE. GBE ƉEKA koe li, eye edze be NÀZI PLAY AƉASE EYE AWƆ ƉE NYA SIA NYA DZI.

Esia ɖia ame geɖewo nu, gake menye Eƒe Ŋugbetɔ o. Amekae ʋu Nutrenuawoo? Nyagblɔɖila. Amekae woɖe nyaɣlaɣlawo katã fiaa? Nyagblɔɖila. Ameka si Nya siwo medana ƒu o le na míaƒe ŋkeke laa? Nyagblɔɖilae. Ameka ƒe Nya dzie Ŋugbetɔ la gblɔ be, “míedzudzɔ ɖe NYA SIA NYA DZI mahã?” Nyagblɔɖilae.

Ŋugbetɔ la le dzudzɔm ɖe Nya sia Nya si Gbe la ɖe gblɔ to Eƒe nyagblɔɖila kple dɔla 7lia dzi. Ne Ŋugbetɔ si woɖo ɖi si wòkpɔ be edo ɣli hegblɔ be míedzudzɔ ɖe nya sia nya si nègblɔ dzi la, ekema mɔnu ɖeka koe li be woanye Eƒe Ŋugbetɔ xɔ̃ nye, edze be nase GBE MA.

Eye mele egblɔm na mi, ŋdi aɖe me esime Yesu kple Eƒe Ŋugbetɔ woagbɔ va anyigba dzi la, Mawu ƒe paradiso anɔ afima. Ema, o, míatɔwo, aʋawɔla xoxo mawo si wotso aʋagbe dzi, woazɔ to afima kple woƒe xɔ̃wo kple woƒe lɔlɔ̃tɔwo. Dziƒo Dɔlawo ƒe Hagbewo, woayɔ yame fũ. “O, edɔa nyo, Nye subɔla nyuie kple nuteƒewɔla. Geɖe Aƒetɔ la ƒe dzidzɔwo, si wodzra ɖo ɖi na wò, abe alesi wòle be wòanɔ na wò hafi Xawa na bɔlua dze mimli le nuvɔ̃ me” la me. Amen! Whew! Ẽ.

Va tu mí Kwasiɖagbe le 2 wole me, Jeffersonville ƒe game, eye míawɔ ɖeka le Gbe si Mawu tia be yeatsɔ yɔ Eƒe Ŋugbetɔ la doe ŋu, aɖase Nutrenu Adelia 63-0323.

Àte ŋu susui le ɖokuiwò me be, gblɔe ɖe ko nenemaa? Nuɖoɖo lae nye Ẽ, enye MAWU LE GBLƆENYENYE me. Se nusi gblɔm Eƒe Nyagblɔɖila le eye xɔ Nya sia nya dzi se. Mawu gblɔ na eyama be, “Na amewo naxɔ dzi wò ase!”

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedasi la ƒe sese:

Mose II 10:21-23
Yesaya 13:6-11
Daniel 12:1-3
Mateo 24:1-30
Mateo 27:45
Yohanes Kɔkɔe 10:27
Nyaɖeɖefia 6
Nyaɖeɖefia 11:3-6

20/02/2021

Ɖeka Le Alafa Me Ƒe Akpa Alafa Ɖeka Lia Lɔ̃lɔa,
Be míabu esia ɖeɖe ko ŋu be, míele fiawo dzi Fia kple aƒetɔwo dzi Aƒetɔ kpem va míaƒe aƒe gblɔewo me le xexea katã me godoo kwasiɖa sia kwasiɖa.Medzi be woaɖo anyigbakuntru atsɔ de woezon na Ye o; dzi gblɔewo ko dzim Wòle be woabɔbɔ woaʋu woɖokuiwo, alebe Yeatsɔ míaƒe dzi gblɔeawo eye yeaɖe nu nyuiwo si le nudzraɖoƒe ɖi na Ye fia mí amesiwo katã lɔ̃ Eyama.

Gake menye aƒe ɖesiaɖe me koe alo na amesiame ye o, ameha sue aɖe ko, si wòtɔ asi Hetia ye. Ame ƒe hatsotso aɖe siwo ƒe ʋɔtru Wòƒo, eye woʋui.

Azɔ, ŋutikɔkɔetɔe la,Míede akpe geɖe geɖe ŋutɔ na nusi Wòwɔ na mí la, Mawu gbagbe ƒe asi gã wɔ nuku ma! Nu gãtɔ wu ka wòagate ŋu nye, dukɔ kpɔ gome ka gɔ̃ míagate ŋu nye, wu be fiawo dzi Fia, aƒetɔwo dzi Aƒetɔ nanɔ míaƒe ŋku me mahã?

Dzidzɔ mí ale gbegbe eye míede akpe, ɖeko míenya nusi míawɔ o! MÍAWOE NYE ɖeka le alafa me ƒe akpa alafa ɖeka lia si sea hexɔa NYA ƉESIAƉE si Wòƒoa nu hegblɔa na mí.

“Nyee nye Nya si Dzɔ hezu ŋutilã. Maɖe Dziɖegbe Adreawo afia mi, eye Woana mi Kɔkɔdzɔe ƒe Xɔse. Esi míexɔ Nya ɖesiaɖe dzi se ta la, Mienye Nye Fianyonu si wotso afia na eye Mana mí Ŋkɔ Yeye aɖe. Maɖe hehe ƒe ŋusẽ Etɔlia afia mi. Miate ŋu ɖe Nya Gblɔ, elabe Nya la mienye. Meɖo nuwo katã te na mi.”

“Azɔ nane li si nyo alegbegbe medzi be magblɔ na mi ko, ɖeko wòle bibim le nye dzi me. Mekpɔ mɔ be miaŋlɔe be o. Meɖe mɔ nye dɔla kple gbedasitsɔla kpɔ mi katã do awu ɣi ʋlayawo. Mi nɔvinyonuwo ƒe ɖa didi legbe yi keke ali me na mi, miele afɔ ƒuƒlu, miakatã mieƒu du yiɖe eyama gbɔ teŋ.”

“Eye emegbe la meɖe mɔ nɛ wòkpɔ mɔ bubu dzi ke mi ŋutsuwo ƒe hatsotsoe nye kem gbɔna. Miakatã mienye sɔhɛwo, xɔ abe ƒe blaeve ene. Ɖa yibɔ, kple ɖa si le abe aŋutiɖiɖi ƒe amadede ene nɔ mía si. Miawo hã miedo awu ɣi ʋlayawo, eye mieƒu du yiɖe eyama gbɔ hedze asikplakpla kɔ nɛ, nɔ ɣli dom, “nɔviŋutsu xɔasi!”

“Mekɔe hedoe ɖe dzi, ɖe nu kɔkɔ aɖe dzi, elabena le anyigba dzi la enye kplɔla na mi. Miawo la midze eyama yome abe alesi wòdze YONYEME ene.”

Gbedasi si wòle be wòaɖe gblɔ na mi de blibo alegbegbe be Nyemate ŋu Dee asi na dziƒo Dɔla aɖe o, eyata Metsɔe nɛ, Nye nyagblɔɖila anyigba dzi tɔ dɔla kple gbedasitsɔla, William Marrion Branham. Meɖe Nyaɖeɖefia ƒe Agbalẽ sia katã fia eyama hegblɔ nɛ be Netsɔe na mi.”

“Enye Nye hɔ̃ nyagblɔɖila. Miɖo ŋku dzi, ne hɔ̃ gã sia ƒo nu vɔ la, ŋusẽ bubu aɖeke megadoa o. Mena eyama nyaɣlaɣlawo katã be nètsɔ na mi, abe alesi megblɔ na mi be Mawɔe ene. Nusiwo katã miehĩa le Gbedasi mawo si wolé ɖe mɔ dzi me, elabena Menye eƒe nyawoe o, boŋ NYE NYAWOE WONYE NA MI.”

“Migaŋlɔ be kpɔ gbeɖe o, eye miɖo ŋku nusi migblɔ na eyama dzi esime wòkpɔ mi le afima ɖa:”

Nuka ta nyemate ŋu akpɔ Yesu o?” Egblɔ be, “Enyo, azɔ, Ava-Ava va gbeɖeka. Ke Ava gbɔ wò, gbã, ke emegbe la woadrɔ̃ ʋɔnu wò.” Egblɔ be, “Amesiawo nye amesiwo nètrɔ dzi me na hekplɔ.”

Ke megblɔ be, “Ɖee nèdzi be yeagblɔ be, esi kplɔla menye ta, be me…Adrɔ̃ ʋɔnu ma?” Eɖo ŋu be, “Ẽ”. Ke mexɔ edzi be, ” Ɖee woadrɔ̃ ʋɔnu kplɔla ɖesiaɖe hã nenemaa?
Eɖo ŋu be “Ẽ.”

Megblɔ be, “Kae kuɖe Paulo yea ŋu?” Egblɔ, “Woadrɔ̃ ʋɔnu ehã kple etɔwo.”

“Enyo,” Megblɔ be, “enyo, ne eƒe hatsotso geɖe me la, ke nye hã tɔnye ageɖe me, elabena meɖe gbeƒã Nya ma ke tututu.” Yema. Megblɔ be, “Afisia wònyrɔ ame le le Yesu Ŋkɔ me la, nye hã, mewɔe. Meɖe gbeƒã…”

Eye ame miliɔnwo do ɣli sesiẽ, ɖedu, gblɔ bena, “Míele dzudzɔm ɖe Esia dzi!”

MƆ ƉEKA koe li be nànɔ afima xɔ̃nye, to Play Zizi dzi, kple dzudzɔ ɖe Nya sia nya si Mawu ƒe hɔ̃ nyagblɔɖila kple gbedasitsɔla ɖe gblɔ dzi.

Va dzudzɔ ɖe Nya sia nya dzi kpli mí aɖa nye ɖeka le alafa me ƒe akpa alafa ɖeka lia la, Kwasiɖagbe 2:00 wole me, le Jeffersonville ƒe game esime míase: Nutrenu Atɔ̃lia 63-0322

Nɔvi. Joseph Branham

Ŋɔŋlɔ siwo woaxlẽ doŋgɔ na Gbedasi la ƒe sese:

Daniel 9:20-27
Dɔwɔwɔwo 15:13-14
Romatɔwo 11:25-26
Nyaɖeɖefia 6:9-11
Nyaɖeɖefia 11:7-8
Nyaɖeɖefia 22:8-9

13/02/2021

Hɔ̃ Lɔlɔ̃awo Siwo Le Ƒuƒom,

Metsi dzi be mawɔ ɖeka kpli mi eye míase Mawu ƒe Gbe wôaƒo nu na mî teŋ to Eƒe dɔla sesẽ dzi, esime Wòagbã Nutrenu Enelia aɖa gblɔ na mía dometɔ ɖesiaɖe be, “Menyee wodzi mi tso, alea la miate ŋu wɔ nuvɔ̃ o. Ʋu Nye ƒe ɖiklɔnu le tsitre ɖi na mi. Megbãɛ hegbugbɔ ɖoe ɖa amesi gblẽ tututu.”

“Ne Satana gblɔ Nam be, “Woɖi fɔ̃” la, meɖoa ŋu nɛ be, “Womeɖii o, wo katã ŋuti kɔ. Nyemegate ŋu le ŋku ɖom edzi ake gɔ hã o. Nuvɔ̃ aɖeke mele wo ŋu kura o. Tɔnyee Wonye. Ne wogblɔ na to aɖe be “Ho” eye womekeɖi le woƒe dzi me, boŋ woxɔ nusi Megblɔ dzi se la, AVA me eye nusi wobia la asu wo si. Nye Hɔ̃vi siwo mexɔƒlee wonye.”

“Mi Nye Hɔ̃vi suetɔwo milala ko vaseɖe esime Dziɖegbe Adre mawo naɖe Woƒe gbewo ɖe go na mi. Miate ŋu xɔ Mawu ƒe Nya aɖa Tsɔe na le afima. Miadza nu aɖa tso nu. Miate ŋu tu dziƒowo ŋu. Miate ŋu mia nu na esia, alo awɔ ema, ɖesiaɖe si miedi be miawɔ ko. Woawu futɔ la kple Nya si doa tso miaƒe nu me elabena Eɖana wu yi nuevee sia nuevee. Miate ŋu yɔ tagbatsu ade kpekpeme tɔn biliɔn alafa ɖeka ne miedi. Nukakee miegblɔ la, ava me, elabena Mawu ƒe Nya wònye le dodom tso Mawu ƒe nu me eye ame ko mezãna be Nye Nya nawɔdɔ”.

Hafi Nya nado la, susu wònyea. Eye ele be woana susu wòazu nuwɔwɔ. Esɔ gbe. Ekema, Mawu ƒe susuwo zu nuwɔwɔ esime woɖe wo gblɔ, to Nya la dzi. Emae nye esime Wòdee ŋku me na-na mi abe susu ene, Eƒe susu, eye woɖee fia mi. Ke, susu wòkpɔtɔ nye vaseɖe esime miaɖe gblɔ.

Dzodzodede ame me to Ɖeɖefia dzi ƒe nya gblɔm nèlea. Míaƒe dziwo, míaƒe susuwo, míaƒe luʋɔwo le kafukafum hele ɣli dom, “ŋutikɔkɔe, aleluya.” Eɖo Eƒe Susuwo ŋku me na mí. Azɔ woɖe wo fia mí. Míate ŋu Ɖee gblɔ.

Migavɔ̃ naneke o Hɔ̃viwo, Eƒe Nya le mía me. Satana mate ŋu wɔ vɔ̃ mí o, ameflula ko wônye, miɖe Nya la gblɔ. Etia mí tso gɔmedzedzea me ke. Edɔ Eƒe hɔ̃ gbedasitsɔla mamlea ɖa be Yeaɖe yeɖokui afia eye yeayɔ Yeƒe Ŋugbetɔ la doe. Míede dzesi Eyama. Míede dzesi amesiwo míenye. Miyi dzi, magadidi azɔ o, Egbɔna na mí.

Ne edzrowò be nàxɔ dzo sia to Ɖeɖefia dzi la, va se Mawu ƒe Gbe wòaƒo nu Kwasiɖagbe le 2:00 Wole me, Jeffersonville ƒe game, ne míase Eyama Wòaɖe Eƒe Nutrenu Enelia fia Eƒe Ŋugbetɔ la.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na mawunya Nutrenu Enelia 63-0321 ƒe sese.

Mateo Kɔkɔe ta 4
Luka Kɔkɔe 24:49
Yohanes Kɔkɔe 6:63
Dɔwɔwɔwo 2:38
Nyaɖeɖefia 2:18-23, 6:7-8, 10:1-7, 12:13, 13:1-14, 16:12-16, 19:15-17
Mose I 1:1
Psalmowo 16:8-11
Samuel II 6:14
Yeremya ta 32
Yoel 2:28 alo 3:1
Amos 3:7
Maleaxi 4

06/02/2021

Ŋugbetɔ Lɔlɔ̃a Si Me Dzo Le,

Ele me vam. Míele afisia. Nane le dzɔdzɔm. Ele Eƒe Nya ɖem fia mí wu tsã. Edo ŋugbe be nusiawo ava me le ŋkeke mamleawo me, ke Eva me. Mega hĩa be míalala alo míabia nya míaɖokui wo se o, EVA ƉO!!

Mawu ƒe ɖeɖeɖego le dɔwɔm ɖe Ŋugbetɔ la ƒe seselelãme dzi. Eƒe Gbe le mía nu ƒom ɖeɖu ɖe Eƒe Nya ŋu. Ele Dziɖegbe adre manyamanya siawo hĩam be woaga nyɔ mí ake. Edze nyɔnyɔ si wolala kpɔ eteƒe didi kple Eƒe Ŋugbetɔ la gɔme.

Eye ne miexlẽ, mixɔ nyaƒokawo la, misewo nyuie. Elabena, miasewo gɔme le nyaƒoka dzi, elabena wogbugbɔ ƒo nyaƒokawo , eye wonyo ŋutɔ eye wo mekɔ. Ekema, eme akɔ na mi wu le afima.

Mɔnu ɖeka koe li be eme nakɔ na mí wu, ZI PLAY. Ale gbegbe dzi le mía dzɔm, esime míele nusi wòfia mí be míawɔ la wɔm tututu., “míegbugbɔ le nyaƒoka mawo ƒom.”

Mawu ƒe ɖeɖefia si dzi woɖo kpe me le kɔkɔm. Wotsɔ Amesi va le míaƒe ŋkeke me ƒe Ɖeɖefia vavã le Ŋugbetɔ la nam.

Yohanes 14:12; kple Yoel, Yoel 2:38; Paulo, Timoteo Evelia 3; Maleaxi, ta 4lia; kpakple Yohanes ɖeɖefia nala, Nyaɖeɖefia 10, wuiadre, gbã yiɖe wuiadre. Mikpɔ, nusi ladzɔ tututu la ɖa azɔ! Ke, na Hamea la, nukae Wònye? Nya si gbugbɔ dzɔ hedo ŋutilã le Eƒe dukɔ me ake! Mikpɔea? Eye ɖeko womele Edzi xɔm le sesem o.

Nya si gbugbɔ dzɔ hedo ŋutilã le mía dome ake, ŊUTIKƆKƆE! ESIAE NYE Nuwuɣi Gbedasi la ƒe Ɖeɖefia Vavã la, eye míexɔ edzi se. Aleke wɔ míate ŋu dze nusi gɔme nye Ɖeɖefia sia na mí gbɔgblɔ na Eyama mahã?

Nuwuɣi ƒe gaƒoƒo mamleawo va ɖo. Miaƒe toklã mamleae nye esi. Migatsɔ miaƒe gɔmeɖeɖe tɔxɛ kpeɖe Gbedasi sia ŋuti o. Ele Edzim be nanɔ dzadze kple tsimatɔ. Minɔ anyi kple Nya sia tututu. Migagblɔ be “Nu li wu nusiwo le nyaƒoka mawo dzi ” O. Migayi ɖa se susuɖeɖe ƒomevi aɖe si gblɔa be “vodadawo le nyaƒokawo dzi” o. Be “Mele be miaxɔ nya sia nya dzi se o.”

Ke azɔ aleke nàte ŋu wɔ anye Kristo ƒe futɔ? Amesiame si gbea be Nya ɖesiaɖe tso esia me nye nyateƒe o, eye mele be woafiae abe alesi wòle tututu o la, nye Kristo ƒe futɔ, elabena wole nu gbem le-le-le-le-le Nya la gbɔ. Ke Eyamae nye Nya la.

Míedzɔdzi ale gbegbe hele akpe dem ale gbegbe be míate ŋu gblɔ bena, “Míexɔ nya sia nya kple nyati ɖesiaɖe dzi se.” “Míenɔ anyi kple Eƒe Nyaƒoka subɔsubɔdɔ la.” Ɖikekea ɖeke mele míaƒe dziwo kple susuwo me o, Eƒe Ŋugbetɔ míenye eye esia na mí DZOXƆXƆ TO ƉEƉEFIA DZI. Bebli hafi míete ŋu le míaɖokuiwo lém, alea míele ɣli dom, míetso, míeƒo akpe, eye míele du sim, nyɔnyɔa le dzi yim.

Ne edzro wò be yeanɔ agbe le Pentekoste ƒe ŋkeke me, esime Dzolilikpo va xɔa me abe ya sesẽ ene, eye wokatã woyɔ fũ kple Eƒe Gbɔgbɔ Kɔkɔe eye woxɔ Dzo to Ɖeɖefia me la, va tu mí eye nàwɔ numetoto ma ke Kwasiɖagbe sia le 2:00 wole me, le Jeffersonville ƒe game me, eye nàwɔ ɖeka kple Eƒe Ŋugbetɔa le Nya la ŋu esime míase: Nutrenu Etɔ̃lia 63-0320.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na mawunya, “Nutrenu Etɔ̃lia ƒe sese.”

Ŋɔŋlɔawo:

Mateo Kɔkɔe 25:3-4
Yohanes Kɔkɔe 1:1, 1:14, 14:12, 17:17
Dɔwɔwɔwo Ta evelia
Timoteo I 3:16
Hebritɔwo 4:12, 13:8
Yohanes I 5:7
Mose III 8:12
Yeremia ta 32
Yoel 2:28/3:1
Zaxarya 4:12

30/01/2021

Dziƒo Ƒe Fianyɔnu Lɔlɔ̃a,

Aleke míate ŋu wɔ aƒo nu tso nusi le eme vam ŋu. Gbesiagbe, ŋɔŋlɔ ɖe ŋɔŋlɔ dzi, nyagblɔɖi ɖe nyagblɔɖi ɖe le me vam. Mawu le Eƒe Fianyɔnu wɔm ɖekae le Eƒe Nya ŋu.

Paradiso me xeviwo dze ha dzidzi ke míaƒe dziwo me. Míenyae be magadidi fifia ake o. Nane le dzɔdzɔm. Gaƒoƒo la de. Ŋugbetɔ la dzra eɖokui xoxo to toɖoɖo Mawu ƒe dɔla kple gbedasitsɔla 7lia le Eƒe Nya la ƒe gbe ɖem abe Dziɖegbe ene.

Kwasiɖa sia kwasiɖa la míeƒoaƒu ɖedu le mɔkpɔkpɔ gã aɖe me esime míexlẽa nu vana gɔme be, 5,4,3,2,1…ZI PLAY. Kasia la, Ŋugbetɔ la zua ɖeka le xexea katã me kpeɖo. Ke Eƒe Gbedasitsɔla ƒoa nu na mí le anyigba dzi le afisia. Le ɣeyiɣi ma tututu me la, Mawu gbugbɔ ɖe na numa ke gblɔa tso Dziƒo.
Enye Mawu ƒe Gbe si le nuƒom na Eƒe Nuku woɖo ɖi la hele gbɔgblɔm be, “Nye Ŋugbetɔ ye nènye. Melɔ̃wò Fianyɔnu. Gaƒoƒo la de. Dzɔdzi, medzra nusianu ɖo ɖi na Míaƒe Srɔ̃ɖeŋkekenyuie la.”

Ɖeɖefia ƒe gaƒoƒo lae nye esi. Wole nuwo katã ɖem fia le Eƒe Vavaɣi tututu. Nuwo katã ƒe nuwuwu ƒe ɣeyiɣi mamle lae nye esi.
Míaƒe dziwo le kpodzom kple dzidzɔ esime Wòle srɔ̃ɖenunana geɖewo wu nam mí kwasiɖa sia kwasiɖa.

Mekpɔ nyɔnu gã aɖe le tsitre, henyakpɔkpɔ, do fia ƒome ƒe awu gã aɖe si ƒe kɔla le abe aɖabɛ tɔ ene.” Ke meʋu klobototo aɖe le gɔme afii, “( Enye ame ŋkuta gã aɖe le Dukɔ Ƒoƒuawo me; ɖewomahĩ Katoliko hamea.)” Nyɔnu, nyɔnu aɖe ; nyemenya ne anye Katoliko hamea o. Nyemenya o. Nyemate ŋu gblɔe o. Nu ɖeka si mekpɔ lae nye, mekpɔ nyɔnu la, evɔ.

Esime Ŋugbetɔ la nɔ toɖom Nutrenu Adreawo esime wonɔ wo ʋum la, Kamala Harris nɔ adzɔgbe fiam, abe nyɔnu gbãtɔ si zu Dukɔ Ƒoƒuawo ƒe Dukplɔla ƒe kpeɖeŋutɔ. Nyemele gbɔgblɔm be esiae nye nyagblɔɖi si nɔviŋutsu Branham kpɔ ƒe me vava o, gake edze kakaɖedzitɔe be ate ŋu nye ema faa.

Kamala Harris geɖe ŋutinya me egbe , esime wònye nyɔnu ameyibɔ gbãtɔ kple amesi tso Asia ƒe Dziehe si zu Dukɔ Ƒoƒuawo ƒe Dukplɔla ƒe kpeɖeŋutɔ. Le kɔnu 59lia wɔwɔ me la, edo aɖabɛ wu legbe kple awu ʋlaya aɖe si nutala Christopher John Rogers amesi le ŋgɔ gbe dem wɔnae ɖe dzi. Edo kɔmedzonu si Wilfriedo Rosado wɔnae hã ɖe wo dzi.

Vanity fair

Esime míenɔ toɖom Hame Ƒe Agbenɔɣi Adreawo la, Mawu ƒe dɔla kple gbedasitsɔla 7lia gblɔ nya ɖi hegblɔ na mí be le Kennedy megbe la Katoliko Dukplɔla bubu aɖe aga su Dukɔ Ƒoƒuawo si.

Esime wòka atam vɔ le kɔnua me la, Biden zu Katolikotɔ evelia si akplɔ Dukɔ Ƒoƒuawo, gbãtɔ tso keke John F. Kennedy dzi le ƒe 1961 me.

Today

Ɣeyiɣi aɖeke mesɔ kple esime míele agbe le xexeame ƒe ŋutinya me o. Nyagblɔɖi siawo katã le me vam le míaƒe ŋkuwo me le vuvɔŋɔli sia me.

Ke mlɔeba la ava me , ( Mele egblɔm ɖi do ŋgɔ), nyɔnu aɖe akplɔe. Miɖo ŋku dzi, ƒe bla etɔ woenye esi, megblɔe. Eye-eye nu- le nu adreawo si megblɔ ɖi doŋgɔ me la, wodome atɔ̃ va me vɔ. Ke amesi ana wòage ɖe me la le wo si vɔ. Ke miawoe dakɔ nae , to miaƒe dunyahehewo dzi le afima.

Mawu ƒe Nya medana ƒu o. Eƒe Nya mate ŋu da ƒu o, ele be Wòava me. Dzidzenu le Eyama si. Dzidzenu mae nye Eƒe Nya la. Mɔnu aɖe le Mawu si si wòtsɔ ɖea Eƒe Nya fia na: “Nyemawɔ naneke, kura o, negbe Maɖee fia Nye dɔtsɔla, Nye nyagblɔɖila hafi.” Hafi Wòawɔ nane la, Eɖea Esia fiana Eƒe Nyagblɔɖila. Ke ne Wòɖee Esia fia la, nane le mɔdzi.

Dziɖegbe Adreawo woana kɔkɔdzoe ƒe Xɔse Ŋugbetɔ la.

•Xɔse vana to nusese me.
•Mawu ƒe Nya la sese me.
•Mawu ƒe Nya la vana na Nyagblɔɖila la.
•MAWU ƑE GBE ƉEKA koe li.

“Nye alẽawo nya Nye Gbe.” Gbe aɖe, ɛ ɖe, ye nye Eƒe Nya la, ne Wòle nuƒom. “Nye alẽawo sea Nye Gbe. Woɖo kpe Nye Gbe dzi na wo be, enye nyateƒe. Woɖo kpe edzi be Nye Gbe wònye.” Azɔ, azɔ mide dzesi, womele gbe bubu yome dze ge o. Womele ewɔge o. ” Nye alẽawo nya Nye Gbe, womele ame tutɔ yome dze ge o.”

Míenya Gbe Ma eye míelɔ̃e. Míele gbe bubu aɖeke yome dze ge o, negbe Eƒe Gbe si wolé ɖe Nyaƒokawo dzi. Míaƒe Ŋugbetɔsrɔ̃ wònye le míayɔm be Yeƒe Fianyɔnu.

Oo, Mawu ƒe Fianyɔnu, nuka le lala wòm gbesiagbe. Nunana ɖe nunana dzi, yayra ɖe yayra dzi, dzidzɔ ɖe dzidzɔ dzi, ɖeɖefia ɖe ɖeɖefia dzi.

Mina míaxlẽ tso dzi va gɔme ake Kwasiɖagbe sia le 2:00 wole me, le Jeffersonville ƒe game , be míase Mawu ƒe Gbe wòaɖe gbe abe Dziɖegbe ene na Eƒe Fianyɔnu la, esime míase: Nutrenu Evelia 63-0319.

Nɔvi. Joseph Branham.

Ŋɔŋlɔ siwo woaxlẽ le dzadzraɖo me na Gbedasi la ƒe sese:
Mateo Kɔkɔe 4:8/ 11:25-26 / 24:6
Marko Kɔkɔe 16:16
Yohanes Kɔkɔe 14:12
Tesalonikatɔwo II 2:3
Hebritɔwo 4:12
Nyaɖeɖefia 2:6 / 6:3-4 / Ta 17 lia / 19: 11-16
Yoel 2:25
Amos 3:6-7

23.01.2021

Sika Nyuitɔ Ŋugbetɔ Lɔlɔ̃a,

Ɖee miedi be miaxlẽ lɔlɔ̃ leta si le tɔxe ŋutɔ tso míaƒe Aƒetɔ Yesu gbɔ na miawo ɖeɖekoa ? Ɖee miedi be miase Eyama wòagblɔ nusi susum Wòle kuɖe mía ŋu ɖa?

“Na Nyea la, miele abe
Sika Nyuitɔ ene; miaƒe dzɔdzɔenyenye nye Nye dzɔdzɔenyenye. Miaƒe amenyenyewo nye Nye ŋutɔ ƒe ŋutikɔkɔe ƒe amenyenyewo. Amesiwo mienye ŋutɔ koŋ la Nye mee WOKPƆWO le. Nusi MENYE lae, ɖem fia miele. Nusi MENYE VAYI la,le ɖeɖem ɖego le mia me. Vodada aɖeke mele mia me o. Miakatã ŋu kɔ, le eme kple le egodo. Tso gɔmedzedze ke yiɖe nuwuwu la, NYE asinudɔ míenye, eye nye asinudɔwo katã de blibo. Le nyateƒe me la, woƒoƒu nunya mavɔ kple NYE ŊUTƆ ƒe tameɖoɖo heɖewo ɖego le mia me.”
Aleke gɔ̃ ameaɖe ate ŋu se nu blibo la gɔme? Aleke ameaɖe ate ŋu se egɔme? Togbɔbe míate ŋu wɔe o la, míate ŋu lɔ̃ axɔe le xɔse me, elabena Mawu ɖee gblɔ.

Elɔ̃ mí ale gbegbe gɔ hã be Etia mí be yeaɖe Yeƒe nyaɣlaɣla gãwo fia mí.

Woŋlɔ Biblia doŋgɔ na xexeame ƒe gɔmeɖoɖo anyi. Eye Kristo, si nye Alẽvia la, wowui doŋgɔ na xexeame ƒe gɔmeɖoɖo anyi. Ke mi, Eƒe Ŋugbetɔ la, wode miaƒe ŋkɔ Alẽvi la ƒe Agbegbalẽa me doŋgɔ na xexeame ƒe gɔmeɖoɖo anyi.

Gake wotre nyaɣlaɣla siawo katã nu le ɣeyiɣiwo me. Míehĩa Ɖela Ƒometɔa aɖe si ado va aɖa bia Eƒe dzenawo, gake ame aɖeke meli si ate ŋu wɔe o; ame aɖeke le Dziƒo, ame aɖeke le anyigba dzi, ame aɖeke le anyigba te o. Womekpɔ ame aɖeke si dze hã teti be wõakpɔ Agbalẽ la o.

Ke Alẽvi la tso le Fiazi la dzi heva, kple Ʋu le Eyama ŋu keŋkeŋ. Eyae nye Amesi wokpɔ be edze. Gake be Mawu ƒe ɖoɖo gã la ne de la, ele nɛ be ameaɖe si Wòse le Eɖokui me be wòdze be Yeaɖe Yeƒe nyaɣlaɣla gãwo fiae la nasu Eyama si, kple dukɔ si Wòdi be yeaɖe Esia fia.

Etia Eƒe dɔla sesẽ la xoxo vɔ be yeaɖe Esia afia Eyama doŋgɔ na xexeame ƒe gɔmeɖoɖo anyi ke, kple ame hatsotso tɔxɛ aɖe si Wòyɔ be Yeƒe Ŋugbetɔ. Dɔla sesẽ ma ƒe ŋkɔe nye William Marrion Branham. Ame hatsotso ma eyae nye MIAWO, Eƒe Ŋugbetɔ si woɖo ɖi la.

Ke Etsɔ Agbalẽ la, (ŋutikɔkɔe!) Ʋu Agbalẽ la, heɖe Nutrenuawo ɖa le eme; heɖo Esia ɖa anyigba dzi, ɖa Eƒe dɔla adrelia, be wòaɖe Esia afia Yeƒe dukɔ la!

Ale gbegbe míede akpe be míenyae be míenye Eƒe dukɔ si Eƒe dɔla kple gbedasitsɔla adrelia le esia ɖem fia.

Nyaɣlaɣla gã bubu kawo le ɣlaɣla tso xexeame ƒe gɔmeɖoɖo anyi ke ɖe ge wole afia mí le vuvɔŋɔli sia me?

Ke emegbe la Dziɖegbe wɔnukunu adre si womeŋlɔ kura o la, gbɔna. Esɔ gbe. Eye, mexɔe se be, woaɖe Dziɖegbe Adremawo afia le ŋkeke mamleawo me alebe woaƒo Ŋugbetɔ la nu ƒu na Kɔkɔdzoe ƒe xɔse la.

Woɖe nyaɣlaɣlawo katã fia Mawu ƒe dɔla kple gbedasitsɔla 7lia. Eyae nye ame ɖeka si ate ŋu ɖe Esia fia Ŋugbetɔ la. Kɔ yi edzi la, Dziɖegbe Adreawo ƒe nyaɣlaɣla la le Gbedasi Siawo me. Mexɔe se wole Eɖem fia fifia alebe woaƒoƒu Ŋugbetɔ la ɖedu na Kɔkɔdzoe ƒe xɔse la.

Gake mele eŋu bum kpɔ, esime nyaɣlaɣla mawo dze dodo la, Mawu gblɔ be, “Lé Esia ɖi azɔ. Lala vie. Maɖe Esia fia le ŋkeke ma dzi. Megaŋlɔ Esia o, kura o, Yohanes, elabena Aɖia woanu. Ɖe-Ɖe asi le enu ko. Miekpɔea? Gake Maɖee fia le ŋkeke ma me esime wòhĩa be woawɔe.”

Míexɔe se be ŋkeke lae nye esi. Mɔŋu ɖeka koe le Mawu si be wòaɖe Esia fia Eƒe dukɔ eyae nye Eƒe nyagblɔɖila. Eyata ne nèdi be yeaxɔ Nutrenuawo ƒe Ɖeɖefia, Dziɖegbe Adreawo, kple nyaɣlaɣla siwo katã le ɣlaɣla la, va tu mí esime míase amesi Mawu tia be yeaɖee fia, naɖee fia mí, Kwasiɖagbe 2: 00 WOLE me, le Jeffersonville ƒe game esime, míase Nutrenu Gbãtɔ 63-0318.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na Gbedasi la ƒe sese:

Mateo Kɔkɔe 10:1/ 11:1-14 / 24:6/ 28:19
Yohanes Kɔkɔe 12:23-28
Dɔwɔwɔwo 2:38
Tesalonikatɔwo II 2:3-12
Hebritɔwo 4:12
Nyaɖeɖefia 6:1-2 / 10:1-7 /12:7-9/ 13:16 / 19: 11-16
Maleaxi ta 3lia kple 4lia
Daniel 8:23-25 / 11:21 / 9:25-27

16.01.2021

Lɔlɔ̃tɔwo Si Woxɔ Ƒle,
Esia anye míaƒe agbewo ƒe vuvɔŋɔli gãtɔ kekeake. Ele Ɖeɖefia gãtɔwu na ge mí kuɖe amesi Wònye VAYI, amesi Wònye FIFIA, kple amesiwo MÍEZU ŋu, ŋkeke yeye ɖesiaɖe.
Ele alesi Wòlɔ̃ mí gblɔ ge na mí kple alesi wòlala vuvɔŋɔli sia be nàva, alebe Wòaɖe Eƒe xɔxɔƒle ƒe ɖoɖo blibo la katã fia mí le Nutrenu Adre siawo me. Anye ŋutikɔkɔe gãtɔ wu ƒe ŋkeke vevietɔwo wu dometɔ ɖeka si xexeame menya kpɔ o.
Miɖo to nusi ava dzɔ le vuvɔŋɔli sia me ɖa.

Ne Mawu ɖe mɔ la, wole nusiwo katã Kristo awɔ le nuwuwu la ɖe ge afia mí le kwasiɖa sia me, le Nutrenu Adreawo me.
Mikpɔea? Esɔ gbe. Woaɖe fia. Ke woaɖe fia , esime woagbã Nutrenuawo eye woaɖe asi le wonu na mí, emegbe la míate ŋu kpɔ nusi nye xɔxɔƒle ƒe ɖoɖo gã sia la ɖa, kple ɣeyiɣi si mee kpakple alesi wole ewɔ ge ɖa.

Esime Wòanɔ nusi nye míaƒe xɔxɔƒle gɔme ɖem na mí la míaƒe Xɔse ade dzi aɖade kɔkɔƒewo boo. Ele egblɔ ge na mí be Agbemavɔ ƒe agbalẽ suea su mía si, nusi gɔme nye be nusianu si Adam kple Xawa bu la su mía si. Miaɖo atsekpakpa si ƒo ta, keŋkeŋ abe mawu sue ene, elabena míenye Eƒe viŋutsu kple vinyɔnuwo. Míaɖu fia abe fia kple nunɔlawo ene ɖe anyigba dzi kple Eyama yiɖe mavɔmavɔ me.
Ale gbegbe míakpɔ yayra esime Eƒe dɔla kple gbedasitsɔla anɔ egblɔm na mí alesi Mawu dɔ ye ɖe towo dzi le ŋdi kanya aɖe me hede Fia la ƒe yi, sinye Eƒe Nya la, eƒe asiwo me, ke esɔ kple eƒe asi tututu.

Ele nusi dzɔ le dziƒo esime Alẽvi la zɔ yi ɖa xɔ Agbalẽ la le Eyama si nɔ anyi ɖe fia zi la dzi ƒe nuɖusi me ɖe ge afia mí.

Alesi Wòʋu Esia emegbe, ɖe Nutrenuawo ɖa le eme heɖoe anyigba dzi, ɖa Eƒe dɔla kple gbedasitsɔla adrelia, be le emegbea la eya naɖe Esia fia mí, Eƒe Ŋugbetɔ la.

Míanɔ abe Yohanes gbemagbe ene;
nusianu le Dziƒo, nusianu le anyigba dzi, nusianu le anyigba te, nuwɔwɔ ɖesiaɖe, nububu ɖesiaɖe ase míagblɔ be, “Amen! Yayrawo, kple ŋutikɔkɔe, Kpakple nunya, kalẽ, ŋusẽ, kpeɖe kesinɔnuwo ŋu,nye Eyama tɔ.”

Fifi la míele fia ɖum kple Kristo, hele nuvɔ̃, xexeame, ŋutilã kple abosam dzi ɖum. Kristo wònye le mía me, le edim hele ewɔm le Eƒe ŋudzedze la ŋuti. Míenɔ anyi fifia ɖe dziƒonutowo me le Kristo Yesu me, hele to ɖom Eyama le nuƒom na mí to Eƒe dɔla kple gbedasitsɔla gã dzi.

Yayrawo ƒe ɣeyiɣiwo gbɔna le vuvɔŋɔli sia me. Ɣeyiɣi aɖe si xexeame menya kpɔ gbeɖe o. Nuŋeɣi lae nye esi, eye le madidi me o la mía dometɔ ɖesiaɖe anɔ anyi ɖe eŋutɔ ƒe gboti te ako nu aɖa dzɔdzi ahe nɔ agbe tegbee le Eƒe ŋkume kple dzidzɔ blibo.
Mawu le Eƒe To Kɔkɔe la, Eƒe Eden Bɔ yeye la dzram ɖo na Eƒe Ŋugbetɔ la kple Eyama kple eya ƒe dɔtsɔlawo, na ƒe akpe ɖeka ƒe srɔ̃ɖemɔkeke la le anyigba dzi. Esi wònye be Adam kple Xawa wonɔ abɔ la me evɔ womewu ƒe akpe ɖekawo nu o la, azɔ Yesu, míaƒe Adam mamlea, kple Eƒe Xawa, MÍ, Eƒe Ŋugbetɔ la, awu Mawu ƒe ɖoɖo la katã nu.

Va nɔ anyi le Gbɔgbɔ Kɔkɔe la ŋku me to Play Zizi dzi, Kwasiɖagbe le 2:00 me le ɣetrɔ me, Jeffersonville ƒe game , esime míase Eƒe dɔla kple gbedasitsɔla adrelia wòaɖe gbeƒã: Ʋe Si Le Hame Ƒe Agbenɔɣi Adreawo Kple Nutrenu Adreawo Do me 63-0317E.
Ɣli di míanɔ anɔ dzidzɔ kpɔm anɔ aleluya ɖem.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na Gbedasia ƒe sese:
Mose III 25:47-55
Yeremya: 32:1-15
Zaxarya: 3:8-9 / 4:10
Romatɔwo: 8:22-23
Efesetɔwo: 1:13-14 / 4:30
Nyaɖeɖefia: 1:12-18 / Ta 5 / 10:1-7 / 11:18

13.01.2021

Dzidzɔme Lɔlɔ̃awo,

Ale gbegbe míele fiafiam le míaƒe dziwo me egbe esi míele ŋugble dem hele Aƒetɔ la subɔm, le akpe dem na Eyama ɖe Ɖeɖefia si Wòna mí la ta.
Ɖeɖefia kuɖe Eŋutɔ ŋu le míaƒe ŋkeke me.

Mawu wònye le nuƒom to Eƒe dɔla kple Gbedasitsɔla, sinye míaƒe osɔfo kple míaƒe nyagblɔɖila, amesi ƒe agbe wonyrɔ̃ ɖe Kristo me dzi. Eƒe akaɖi la nɔ agbe kple kekeli hem tso go Gãtɔ la ƒe dzɔtsoƒewo me, Kristo ŋutɔ ƒe agbe wònye. Mawu wònye hele Eɖokui Ɣlam Le Gblɔenyenye Me, Ke azɔ la Ele Eɖokui Ɖem fia Eƒe Ŋugbetɔ la Nenema ke.

Esi Wòna mí Ɖeɖefia sia ta, azɔ la Mí katã le edum tso Dzɔtsoƒe ma ke me. Woƒo mí katã ɖe Go ɖeka ma me. Míeku na míaɖokuiwo eye woɣla míaƒe agbewo kple Kristo ɖe Mawu me.

Wotre mía ŋu kple Gbɔgbɔ Kɔkɔe. Amea ɖeke mate ŋu aho mí tso le Eƒe asi me o. Womate ŋu aka asi míaƒe agbewo ŋu o. Eƒe agbe si nye nukpɔkpɔ la le dzobim eye wòle keklem le mía me, hele kekeli kple Gbɔgbɔ Kɔkɔe ƒe ɖeɖeɖegowo nam xexeame.

Satana mate ŋu ka asi mía ŋu o. Ku gɔ hã mate ŋu ka mía ŋu o, elabena ku bu eƒe nutɔnu; ke yɔdo ya bu eƒe dziɖuɖu.

Miɖo to Aƒetɔ la esime wòle nuƒom hele dzidem ƒo na mí egbea.

Nyama medaƒu kpɔ gbeɖe le Kristo xɔsetɔwo ƒe nuwo me o. Ke le agbenɔɣi mamle sia me la ele teƒe sia hesesẽ wu eye wòhe lolowu tsã le ŋugbetɔ Nya vavã la me. O, alẽha sue, mi hatsotso suetɔ, milé Nya me ɖe asi, miyɔ miaƒe nume kple dzime fũ kplii, eye gbeɖeka la Mawu ana mi fiaɖuƒe la.

Midzɔdzi eye mikafu Aƒetɔ la egbe ɖe nusi wokatã Wòwɔ vɔ, kple esi wɔge Wòala ta, eye migaŋlɔ nusi wɔm Wòle na mí be le ŋkeke sia ŋutɔ me kpɔ gbeɖe o.

Nɔvi. Joseph Branham

09.01.2021

Ame saga Lɔlɔ̃awo,

Míetovovo tso egbe ƒe ŋkumekɔkɔ nuwɔnawo gbɔ. Míezu nu saga, nu tovovo, gɔ̃ hã míegawu esiawo le mía nɔviŋutsu kple nɔvinyɔnuwo dome.

Dzidzime si Mawu tia, nunɔlawo ƒe ha si akplɔwo abe fia ene, dukɔ kple Mawu ŋutɔ ƒe amewoe míenye, hele gbɔgbɔme vɔsawo wɔm na Mawu, kple ŋuɣiwo ƒe kutsetse, hele ŋutikɔkɔe tsɔm na Eƒe Ŋkɔ hegblɔna be míexɔ Nya sia nya si Wògblɔ to Eƒe dɔla kple gbedasitsɔla 7lia dzi se. Woyɔmí Amesagawo:
Nyaƒoka Dukɔ, eye dzidzɔmí be míenye WO DOMETƆ ƉEKA.

Nukata míexɔe se nenema mahã? Mawu ƒe dɔla kple gbedasitsɔla adrelia si dzi woɖo kpe lae de se na mí be míawoe nenema.

Ke, azɔ la, mi ɖoto Nya ɖesiaɖe. Milée. Hã-hã ne míele Elém ɖi ɖe Nyaƒokawo dzi, alo nane dzi la, ke minɔ anyi kple nyaƒoka ƒe Nufiafa ma. Migagblɔ nububu aɖeke negbe nusi nyaƒoka ma gblɔ o. Migblɔ nusi le nyaƒoka dzi ko, eɖeɖe ko. Mikpɔea? Azɔ, elabena, míele nu geɖewo gɔme sege kuɖe esia ŋu azɔ, numawo dometɔ aɖewo, nusitae wose Egɔme baɖa. Mikpɔea? Ke miawo la mikpɔ egbɔ nyuie be, miagblɔ nusi nyaƒoka la gblɔ ɖeɖeko. Miga gblɔ nububu aɖeke o. Mikpɔea? Elabena, nyemegblɔe Ema le ɖokuinye si o. Eyae Nye Amesi Gblɔe, mikpɔea. Ke zigeɖe la, tsaka tsaka, amewo tsoa hegblɔna be, _”Enyo, Amesia-kple-amesia gblɔ be Egɔmee nye esi-kple-esi.” Miɖeasi le Eŋu Wòanɔ alesi wòle- wòle ko. Mikpɔea, nenemae míedi be Biblia nenɔ. Alesi Biblia Gblɔe ko la,nenemae míedi be Wòanɔ, nenema ko-ko. Migatsɔ ame ŋutɔ ƒe gɔmeɖeɖe kpe Esia o. Woɖe egɔme vɔ xoxo, mikpɔ.

Dzudzɔ kae nye esi, ŋutifafa kae nye esi su Ŋugbetɔ la si. Woɖee fia be mɔnu ɖeka koe li be ame maga tsaka kple nusi amesia kple amesia gblɔ be Egɔme wònye la o. Mɔŋu ɖeka koe li be woagblɔ nusi Nyaƒokawo gblɔ tututue nye, ZĨ PLAY, elabe eya mehiã gɔmeɖeɖe aɖeke o.

Míexɔ Gbedasi Sia dzi kokoko, gake azɔ la nane tovovo, tɔtrɔ aɖe le emevam le Ŋugbetɔ la me. Míenɔ anyi ɖe Vi la ƒe ŋku me eye míele tsitsim. Eyae nye mɔnu ɖeka si dzi Ŋugbetɔ la ateŋu to be wòanɔ gbesɔsɔ na nuŋɛŋɛ la, PLAY ZIZI KPLE TOƉOƉO.

Ava me tututu ko abe alesi míegblɔe ene.
Mawutɔwo le woɖokuiwo dzram ɖo kple Nyateƒe Nya tso agbenɔɣi la ƒe gbedasitsɔla gbɔ. Pentekoste ƒe blibodede anɔ eyama keŋkeŋ elabena Gbɔgbɔ la agbugbɔ amewo va afisi tututu wonɔ le gɔmedzedzea me.
“Ale Aƒetɔ la Gblɔ Esi” wònye.

Ɖeko esia léa míaƒe luʋɔ. Míedi be míakpa abobo aɖa do ɣli. Mele be míabia nya míaɖokuiwo se, alo asusui, alo akpɔ mɔ ŋutɔ gɔ hã be míele Eƒe Lɔlɔ̃nu Deblibo la me mahã o; “Ale Aƒetɔ Gblɔ Esi” le mía si. Míele míaɖokuiwo dzram ɖo kple Nyateƒe Nya sese me to PLAY ZIZI dzi.

Hame Ƒe Agbenɔɣi Adreawo sese ƒe gamea gɔ hã sɔ tututu.
Míele nyagblɔɖi me vava
kpɔm kaka kɔ ɖe egbea.

•Katoliko dukplɔla aɖe nɔ mía si kpɔ ke ɖikekea ɖeke meli be bubu agasu mía si o

Egbe sia, esi míenɔ Gbedeasi sia sem la, nyagblɔɖi sia va me.

Míekpɔ xexeame nudzɔdzɔwo sɔ kple Nya la tututu.

• Hamea kple diɖuɖua, subɔsubɔ kple dunyahehewo le ɖeka wɔmee.

• Laodikea, “amewo ƒe dzenawo,” alo “dzɔdzɔenyenye na amewo.”
• Dukɔwo KATÃ le tsotsom le sɔsɔminasɔe le amewo dome kple le ganya gome biam.
•Gbolo la atsrɔ̃ fifia ƒe ganya ƒe nuɖoanyi la

Esia ɖo kpe dzi na mí be Mawu ƒe game sɔna tututu kokoko.

“Ɣeyiɣi la tu aƒe.” Ɣeyiɣi la metu aƒe tsã o. Ɖeɖefia sẽŋu sia (togbɔ be Mawu nyae keŋkeŋ la) le Mawu ƒe Nunya kple ɖoɖo me la womateŋu ɖee fia doŋgɔ na fifia o.
Alea la míasrɔ̃ gɔmedzenu ɖeka zi ɖeka—Mawu ƒe ɖeɖefia na agbenɔɣi ɖesiaɖe vana le agbenɔɣi ma ɖeɖeko me eye le ɣeyiɣi tɔxɛ aɖe me. Mikpɔ Israel ƒe ŋutinya ɖa. Mawu ƒe ɖeɖefia na Mose va le ŋutinya ƒe ɣeyiɣi tɔxea ɖe me, eye tɔxeɖe wu gɔ hã la eva esime amewo do ɣli na Mawu. Yesu, Ŋutɔ va le ɣeyiɣi ƒe blibodede me, esime Eyae nye Mawunyenye ƒe blibodede la.
Ke le agbenɔɣi (Laodikea) sia me la, Mawu ƒe ɖeɖefia ava le eŋutɔ ɣi. Madaƒu o, madoŋgɔ hã o. Misusu esia kpɔ eye milé eme ɖe asi nyuie, elabena míele nuwuwuɣi egbea. Abe miawo ke ene la, mekpɔ yayra ale gbegbe esime menɔ Hamea ƒe Agbenɔɣi Adreawo sem kple xlem, esime míenyae be Mawu ƒe ɣeyiɣie wònye.

Aƒetɔ la dee nyedzi dzi be míayi edzi kple Nyaɖedefiawo ƒe agbalẽ le vuvɔŋɔli la katã me.

• Edzrom be míawɔe le vuvɔŋɔli la katã me, alebe míatsɔ Nyaɖeɖefia ƒe Agbalẽ blibo la eye míato Eme ko. “Patmos Ŋutega La”

• Azɔ elebe woaʋu Nutrenu siawo le hame ƒe agbenɔɣi sia me, eye woa-…woanya Mawu ƒe nyaɣlaɣla adre mamleawo. O, ɖeko wòdzrom be mayi edzi le vuvɔŋɔlia katã me ato Eme. “Efeso Hamea ƒe Agbenɔɣi”

•Hamea ƒe agbenɔɣi ƒe nuwuwue nye esi, ke nusianu geɖe me le afisia tututu le teƒe ɖeka, wɔebena elebe míatsɔ vuvɔŋɔli ƒe ɣeyiyi susɔea aɖe esia doe, gake mí…be míase Nyaɖeɖefia ƒe Agbalẽa gɔme, akpɔ alesi Wòbla ƒoƒu ɖo la. “Ɖetugbui Ewoawo Kple Yuɖatɔ Akpe Alafa Ɖeka Kple Blane Vɔ Eneawo”

• Ke ne míewɔ vɔ kple ema la, míafɔ̃ esia ɖe tsitre, azi kemɛ ɖe to alea eye míadze egɔme to ema dzi, aɖa fiae keŋkeŋ wòavɔ. O, anɔ ko abe dziƒo sue aɖe ene, alo oa?
Anɔ anyi ko le vuvɔŋɔli la katã me , anɔ anyi ko kple Aƒetɔ la.
“Nyaɖeɖefia, Ta ene #2”

Mele dzitim be manɔ anyi ko le vuvɔŋɔli la katã me kple Aƒetɔ la esime Wòaɖe Nyaɖeɖefiawo ƒe Agbalẽa fia mí. Míakpɔ Nya la esime woanɔ enuwum aɖa ɖewo ɖe go le míaƒe ŋkuwo me. Anye ɣeyiɣi gãtɔ kekeakewo ƒe dometɔ ɖeka na Eƒe Ŋugbetɔ la.

Gbɔgbɔ Kɔkɔe ƒe dɔwɔwɔ ye wòanye elabena womaɖefia ameaɖeke o negbe ameha tɔxea ɖe ko. Ahiã ameaɖe si si nyagblɔɖi nukpɔkpɔ le. Ahiã ŋutete be woasenu tso Mawu gbɔ. Ahiã gbɔgbɔme nufiame.

Miawoe nye ame ƒe hatsotso ma. Nyagblɔɖi nukpɔkpɔ ma le mia si. Ŋutete le mia si be miase nu tso Mawu gbɔ. Miexɔ miaƒe gbɔgbɔme nufiame ƒe Nya ɖesiaɖe dzi se.

Miva, miaƒoƒu ɖe Eƒe Nya nu kpli mí, Kwasiɖagbe, 2:00 Ɣetrɔ me, le Jeffersonville ƒe game, eye míase Mawu Wòaɖe Gbe gbɔgbɔme nufiame esime míase; 63-0317m Mawu Ɣla Eɖokui Le Gblɔenyenye Me, Ke Egaɖe Eɖokui Fia Nenema Ke.

Edzrom be míadze egɔme tso xexlẽme #94, le Ŋutikɔkɔ takpekpe la megbe. Ne dze Aƒetɔ la ŋu, eye míegale teƒe sia la, edzrom be maƒo Gbedasi la ƒe akpa ma le míaƒe ŋutikɔkɔ takpekpe me le míaƒe xɔtutu yeye la tutu megbe.
Esi Aƒetɔ la dee dzi dzi nam be mayi edzi kple Nyaɖedefiawo ƒe agbalẽ la, meyi ɖe nye ɣletigbalẽ la gbɔ be makpɔ ŋkeke siwo dzi wodze la ɖa. Ke Esime míanɔ Nutrenu Adrelia sem la, adze vuvɔŋɔli ƒe weekend mamlea dzi esime weekend si adze eyome la anye kele ƒe ŋkeke gbãtɔ, ŊUTIKƆKƆE!!
Nɔvi. Joseph Branham

Ŋɔŋlɔ siwo woaxlẽ doŋgɔ na Gbedasia la:
Kronika I 17:1-8
Yesaya 35: 8 / 40:1-5 / 53:1
Maleaxi 3:1-18
Mateo Kɔkɔe 11:10, 11:25-26
Yohanes Kɔkɔe 14:1-6
Korintotɔwo I ta 13lia
Nyaɖeɖefia ta 21lia

30/12/2020

Nyivi Lɔlɔ̃awo Siwo Le Lãkpo la me,

Kpɔɖa madɔ nyagblɔɖila Eliya aɖo ɖe mi hafi ne Yehowa ƒe ŋkeke gã kple dziŋɔ la nava ɖo.

Ewu Eƒe Nya la nu esime Wòdɔ ŋugbe hedɔ Eƒe nyagblɔɖila gã Eliya ɖa be wòatrɔ viwo ƒe dziwo ɖe Fofowo ŋu. Amesi atso kple dɔyɔyɔ le eƒe aʋalawo te (dɔyɔyɔ takpekpewo) eye Ŋugbetɔ aho adzo anɔ kpɔ tim abe nyiviwoe do tso lãkpo me ene ( anɔ nuɖuɖu si wodzra ɖo ɖi ko ɖum). Amesi wogblɔ be agbugbɔ ɖo nuwo katã te, aɖe nyaɣlaɣlawo katã afia aɖa yɔ Ŋugbetɔ la do goe.

Míede dzesi dɔla kple gbedasitsɔla gã sia, ke eƒe ŋkɔe nye William Marrion Branham, eye míawoe nye Ŋugbetɔ Nya ma si wodɔe be wòayɔ do goe.

Ne Ele nuƒom la, lɔlɔ̃ leta wònyea na mí. Enye Gbɔgbɔ la ƒe ami sika tɔ; edudu na ɖe míaƒe dzi me, elabena menye ame ƒe nyawoe o, ke boŋ míaƒe Aƒetɔ Yesu Kristo ŋutɔ ƒe Nyawoe, esime Wòle nuƒom ɖe to me na Eƒe nyagblɔɖila ŋusẽtɔa be wòaɖegblɔ na Yeƒe Ŋugbetɔ la.

Geɖewo medoa dzesi amesi wònye, alo sea egɔme alesi wòdze be woakpɔ gbɔ be woagblɔ nusi gblɔm wòle ƉEƉEKO o. Be womatsɔ ɖeke akpee alo aɖe ɖeke le eƒe Gbedasi la me o.

Egblɔ na mí be geɖewo atso aɖa bu be wotia yewo hã be yewoa kplɔ Ŋugbetɔ la, gake womele Aƒenɔ tiatia ma ble ge o, elabena woxɔa nusi tututu nyagblɔɖila gblɔa di sena.

Míanɔ mɔ kpɔm na amegã ma be wòatso. Àte ŋu ava le nye ŋkeke me, ateŋu ava le viwo ƒe ŋkeke me, nyeme nya o. Ate ŋu nye be ele mía dome fifia faa, míate ŋu nya o. Gbɔgbɔ Kɔkɔe la le afii be yeakplɔ mí yiɖe yeɣiyi ma me ke, ke ne kplɔla ma va xɔ ŋgɔa la, Gbɔgbɔ Kɔkɔe la akpɔtɔ si ami na eyama; ɛ ɖe,E-Eliya si, ava la.

Gbɔgbɔ Kɔkɔe siwo dudu hena míadome amesiame le Pentekoste ŋkeke dzi la akplɔ mí yiɖe kplɔla gã ma si Gbɔgbɔ Kɔkɔe si ami na gbɔ, ke Eyae axɔ ŋgɔ na mí… ŊUTIKƆKƆE!!

Nuka me míeto eye míekpɔ be edzɔ le xexeame le ƒe sia me, tovovo na ɣeyiɣi ɖesiaɖe le xexeame ƒe ŋutinya me mahã?

Mawu le Eƒe Ŋugbetɔ la wɔm ɖekae. Ele ƒuƒom, tso ɣedzeƒe kple ɣetoɖoƒe, anyiehe kpakple dziehe. Ɖekawɔwɔ ƒe ɣeyiɣia ɖe le, ke ele dzi yim fifi laa. Nukata Wòle ɖeka wɔm ɖo? Kɔkɔdzoe. Amen! Mawu le Eyama dzram ɖo. Ɛ amegã, ɖekawɔwɔ! Nuka Wòle ɖeka wɔm kple mahã? Kple Nya la! “Elabena dzi kple anyigba nu lava yi ke nye Nya nu mele yiyi ge akpɔ o.”
Eŋutɔ le ɖeka wɔm kple ALE AƑETƆ LA GBLƆ ESI meka nusi kɔmahatsɔŋkɔ aɖe alo ame bubua ɖe le gbɔgblɔm o. Eŋutɔ le ɖeka wɔm. Ele Eɖokui dzram ɖo. Nukata? Eyae nye Ŋugbetɔ la. Esɔ gbe. Azɔ Eŋutɔ Le ɖeka wɔm kple Ŋugbetɔsrɔ̃ la, ke Ŋugbetɔsrɔ̃ lae nye Nya la. ” Le gɔmedzedzea me Nya la li, eye Nya la li kple Mawu, eye Nya lae nye Mawu. Eye Nya la trɔ zu ŋutilã eye wònɔ anyi le mía dome.”

Míele ekpɔm be míele nuwuwu to Ŋɔŋlɔ la ƒe xexlẽ kple Nya la ƒe sese me. Míele agbe le ŋkeke mamleawo me, dzidzime si le Yesu ƒe tɔtrɔ va anyigba dzi kpɔ ge míenye. Amekɔkɔe siwo doŋgɔ na mí dzro vevie be yewoa kpɔ ŋkeke sia, helala kpɔ ŋkeke sia, ke azɔ la eva ɖo mlɔeba, eye míekpɔ gome le Eme.

Mina mía ɖe asi le nusianu nu le ƒe sia si gbɔna me eye nu nate mía ŋu geɖe wu eye míadzra míaɖokuiwo ɖo hena Eƒe vava.

• Miaƒe dɔdasi lae nye be, miadzra míaɖokuiwo ɖo. “Ŋugbetɔ la dzra Eɖokui ɖo xoxo.” Woxe fe ɖe awuawo ta vɔ.Wosɔgbe, gake edze be míawo hã míasɔgbe be míado awu mawo.
• Egbɔna na Ŋugbetɔ aɖe, esi mafe dze kple xexeame alo xexeame nuwo o. Woletsi na Eyama le Alẽvi la ƒe Ʋu me. Efia Eƒe adzɔgbe— Eƒe lɔlɔ̃ na Eyama ɖeɖe ko. Xexeame ƒe lɔlɔ̃ dzo ɖa heku na Eyama.
” Alẽvi la ƒe srɔɖeŋkekenyuie la ɖo, eye Eƒe Ŋugbetɔ la dzra Eɖokui ɖo xoxo.”

Adzrom be míase Gbedasi siawo esime ƒe 2020 le aƒe tum, eye míadzra míaɖokuiwo ɖo na nusiwo katã le Eyama si na mí le nudzraɖoƒe me na ƒe yeye si gbɔna sia.

Yawoɖagbe fiẽ me, Dzove 31lia, le game si wòŋutɔ nètia dzi la, mína míase Ƒe Yeye la ƒe ŋudɔdɔ Gbedasi la: Nyaɖeɖefia, Ta Ene #1 60-1231

Fiɖagbe ŋdi me, Dzodze gbãtɔ le game si wòŋutɔ nètia dzi la, na míase Ƒe Yeye la ƒe Gbedasi : Nyaɖeɖefia Ta Ene #2 61-0101

Kwasiɖagbe, Dzodze 3lia, mina míaƒoƒu ɖedu le 2:00 Ɣetrɔ me Jeffersonville ƒe game be míase Gbedasi: Nyaɖeɖefia Ta Ene #3 61-0108

Nɔvi. Joseph Branham

12/26/2020

Ŋugbetɔ Nya Deblibo Lɔlɔ̃a,

Ŋugbetɔ la le dzidzɔ gã aɖe kpɔm hele mɔkpɔkpɔ gã aɖe me esime míele dzadzraɖo wɔm be míase Laodikea, hamea ƒe agbenɔɣi mamlea ƒe Gbedasi sinye tatsyɔkpe tɔa. Enye yeɣiyiwo katã ƒe Agbenɔɣi gãtɔ kekeake, kple yeɣiyiwo katã ƒe gbedasitsɔla gãtɔ kekeake, amesi le yeɣiyiwo katã ƒe dukɔ gãtɔ kekeake nuƒom.

Ŋkekea ɖeke menɔ anyi kpɔ abe ŋkeke si me míele agbe le ene o. Ŋutete su xexeame si be wòase Mawu Ƒe Gbe tututu abe alesi ŋɔŋlɔ la gblɔe doŋgɔ le Eƒe Nya me doŋgɔ ko. Nyaɖeɖefia 10:7, Le GBEƉIƉI la ƒe ŋkekewo me. Mide dzesi be, MENYE GBEƉIƉIWO O, KE GBEƉIƉI BOŊ.

Mawu do ŋugbe be yeadɔ dɔla ŋusẽtɔa aɖe ɖa le agbenɔɣi mamle sia me be wòaɖe nyaɣlaɣla siwo katã Wòɣla tso xexeame ƒe gɔmeɖoɖo anyi ke afia. Anye dɔla kple gbedasitsɔla si dzi woɖo kpe wu mamleawo, elabena wotia eyama be wòayɔ Ŋugbetɔ la doe.

Geɖewo agbee. Ɖewo agblɔ be migaxɔ nusiwo katã wògblɔ dzi se o; negbe ne wògblɔ Ale Aƒetɔ la Gblɔ Esi ko. Vodadawo le eƒe gbedasi la me. Menye eya ɖeka koe li o, bubuwo si woyɔ hesi ami na be woakplɔ Ŋugbetɔ la eye woaɖe nyateƒe la fia hã wole.

Nya la gblɔ be hatsotso tiatia aɖe anɔ anyi esi axɔ nya ɖesiaɖe si gbedasitsɔla sia si tso Mawu gbɔ gblɔ; elabena eƒe dɔdɔ̃ ŋutɔ lae nye “Na amewo naxɔ dzi Wò ase.”

Ke, nusi wògblɔ ƒe akpa aɖe ko dzi wòle be míaxɔ sea? Ɖee Nya la gblɔ be, ” Madɔ Nyagblɔɖila Eliya ɖo ɖe mi, eye emegbea madɔ ame bubuwo ɖa be woagblɔ esi nye Nya kple esi menye Nya na mi mahã?”

Nye nyawoa daƒu, gake Mawu ƒe Nyawo mate ŋu adaƒu o. Mina miaxlẽ tɔtete si MAWU ANA Eƒe dɔla kple gbedasitsɔla 7lia kpɔ.

Ke ameka sie ŋusẽ si medanaƒu kpɔ o esi woagbugbɔ ɖo te le agbenɔɣi mamle sia me la anɔ, elabena agbenɔɣi mamle sia agbugbɔ ɖe Ŋugbetɔ Nya Dzadze la ɖe go mahã? Esia gɔme nye be Nya aga su mía si ziɖeka ake abe alesi wotsɔena le blibodede me, eye wose egɔme emekɔ ƒãa le Paulo ƒe ŋkekewo me ene. Magblɔ amesi si wòasu na mi. Anye Nyagblɔɖila aɖe si dzi woaɖo kpe geɖe, alo geɖe ŋutɔ wu nyagblɔɖila ɖesiaɖe gɔ hã le agbenɔɣiawo katã me tso Enok dzi ke va ŋkeke sia me, elabena ŋutsu ma axɔ tatsyɔkpe nyagblɔɖi subɔsubɔdɔ la, eye Mawue aɖe eyama ɖe go. Mehiã be wòaƒonu le eɖokui ŋu o, Mawu aƒonu ɖe eteƒe to dzesi la ƒe gbe dzi. Amen.

Ŋutikɔkɔe!! Aleluya!! Gbe si míesena ne MÍEZI PLAY dzi la, wotsɔena wòde blibo, eye wose egɔme emekɔ ƒãa, EYE ELE NYA SIWO MADAƑU KPƆ GBEƉE O GBLƆM. (Webster mɔnua ɖeke meli be wòanye vodada o.)

Dzudzɔ kae nye esia su Ŋugbetɔ la si esime míele Mawu ƒe Nya Dzadze la sem. Nuŋtibubukpɔ mele o, biabiawɔwɔ na ameɖokui ɖeke mele o, mehiã be míayi aɖa ɖoto amesia, alo ayi ɖa ɖoto amema o; nu blibo la katã le mía si le GBE ƉEKA ME LE NYAƑOKA DZI.

Mina míayi ɖa ka nu me eye míaƒlɔ kɔ geɖewo wu ŋu eye míakpɔ nusi Mawu gblɔ kuɖe míaƒe dɔla ŋu la ɖa.

• Asenu tso Mawu ɖeka ko gbɔ
• “ale Aƒetɔ la gblɔ esi” asu esi eye aƒonu ɖe Mawu ŋu.
• Anye amesi aƒonu le Mawu ƒe ŋkɔ me.
• Atrɔ ŋkeke mamlea ƒe ame tiatia gbɔ.
• Aɖo nyateƒe la te.

Azɔ mina míaƒlɔ kɔ aɖewo ŋu esime Wòle nuƒom kuɖe mí, hatsotso tɔxe ma si Wòyɔ, tia hetsɔ be wòaxɔ Nya ɖesiaɖe dzi se ŋu; EƑE ŊUGBETƆ la.

• Azɔ amesiwo wotia kple eyama woanye amesiwo woaɖe Aƒetɔ la ɖe go vavã eye woanye Eƒe Ŋutilã, anye Eƒe Gbe aɖawɔ Eƒe dɔwɔwɔwo le ŋkeke ma me.
Aleluya! Míekpɔea?
• Dukɔ bubua ɖe ga le anyigba dzi le ŋkeke sia me, amesiwo ƒe gbedasitsɔla te gbe mamlea na agbenɔɣi mamlea le.

• Hamea megale “nuƒom” le Mawu ŋkɔ me o. Ele nuƒom le eŋutɔ ƒe ŋkɔ me.
• Mawu ƒe Gbe anɔ eyama me. Ɛ, ele eme, elabena wogblɔ le Nyaɖeɖefia ƒe ta mamlea ƒe kpukpui 17 me be, “Eye Gbɔgbɔ la kple ŋugbetɔ la le gbɔgblɔm be, va!”
• Etsɔ gbe aɖe na ŋugbetɔ la.
• Womate ŋu ble Ame tiatiawo o.

Kuɖe dzudzɔ ŋu la, Etsɔ Eƒe Gbe na mí eye womate ŋu ble mí o, míele ƉEKA kple Eyama.

Azɔ, míaƒe fetu be míewɔ nuteƒe na nyagblɔɖila ma hexɔ Nya ɖesiaɖe dzi se to Gbe ma sese dzi.

• Amesiwo xɔ nyagblɔɖila ma le eƒe ŋkɔ dzi la axɔ nyagblɔɖila ma ƒe subɔsubɔdɔ ƒe emetsonu nyuiwo. Ke woayra amesiwo le toɖom eyama eye woazu ŋkeke mamlea ƒe ŋugbetɔ siwo ŋu woƒonu kuɖo le Nyaɖeɖefia 22:17 me be, “Eye Gbɔgbɔ la kple ŋugbetɔ la le gbɔgblɔm be, Va.”

Ne edzro wò be yeaxɔ fetu ma la, va tu mí Kwasiɖagbe sia 2:00 ɣetrɔ me, le Jeffersonville, ƒe game esime míase Laodikea Hamea Ƒe Agbenɔɣi 60-1211e, alo abe alesi wòdzɔadinam be mayɔe ene be, Nye Agbe Ŋutinya.

Nɔvi. Joseph Branham

Maleaxi 4:1-6
Mateo Kɔkɔe 2:14-15, 17:9-13
Luka Kɔkɔe 1:14-17
Romatɔwo 11:15-27
Nyaɖeɖefia 3:14-22

12/19/2020

Lɔlɔ̃tɔ Siwo Le Dudzɔm,

Dzidzɔmí elabena míele Gbɔgbɔ Kɔkɔe Nuɖuɖu si Me ƒu alo nuku mele o ɖum. Wonye Abolowo tso Dziƒo ke woyɔwo be Mana, eye Dziƒo ƒe vivisese tsyɔ wodzi keŋkeŋ. Míeyɔnɛ be Nyaƒoka Nuɖuɖu na Ŋugbetɔ Nyaƒokatɔa.

Kplɔ̃a ɖe le mía si si dzi yɔ fũ Kplii, eye ɖeko mí alẽviawo yina ɖuɖɔnɛ heɖuɖɔnɛ, eye míaƒe kuxiwo katã buna ɖa. Míexɔe se be míetsɔ tame ɖeka hele afi ɖeka, kasia gbea ɖe ɖi tso Dziƒo hege ɖe míaƒe aƒewo kple hamewo me ŋusẽtɔe. Mawu Ƒe Gbe wònye le nuƒom na Eƒe Ŋugbetɔ tiatia la.

Ele egblɔm na mí be, woble Xawa, woble Moab, woable ɖetugbui abunetɔwo hã, woble hame la ŋutɔ gɔ hã, gake WOMABLE MÍ O, elabena míenɔ anyi kple Nya la. Míate ŋu ʋã, alo míele ʋaʋã ge o.

Aleke gɔ̃ Hame ƒe Agbenɔɣi siawo le game dzi tututu na Ŋugbetɔ la alea. Mawu ƒe Nyawo, si wogblɔ to Eƒe nyagblɔɖila dzi ƒe 60 woenye esi la, le emevam. Ŋutega siwo Daniel kpɔ ƒe 2000 woenye esi la, dze me vava le míaƒe ŋkeke me. Míele exlẽm hele ekpɔm be nyagblɔɖi le ɖeɖem ɖego le gbesiagbe nyadzɔdzɔwo me.

Visa, Bank of America, Salesforce kple adzɔgã Alafa atɔ̃awo ƒe dzikpɔla gãwo wɔ ɖeka kple Vatican le Inclusive Kapitalism ƒe aɖaŋɖeha me. Aɖaŋɖeha ma, si ƒe kplɔla nye Papa Francis la, ado haho Kapitalism ɖe di wu, esime wòade dzi ƒo na kplɔlawo alebe woawɔ ɖoɖo dzɔdzɔewo ŋudɔ wu alebe woaɖiɖi masɔmasɔ dzi akpɔtɔ le amewo dome.

Adzɔ siwo nye hameviwo le aɖaŋɖeha me wu dɔla triliɔn 10 le nunɔamesi ƒe dzikpɔkpɔ go me. Inclusive Capitalism Habɔbɔa lɔ̃ ɖe dzi be yeanɔ Papa Francis ƒe “amekpɔkplɔ le nunyuiwɔwɔ gome” te le dɔwɔwɔ asi le asi me kple Vatican me.

Biblia gblɔ na mí le Daniel 8 me be:

23 Ne woƒe dziɖuɖu wu nu, eye nu vlo wɔwɔ nu flɔ la, fia vlo, si dze aɖaŋu la, ado.

24 Ŋusẽ anɔ eŋu, ke menye to eya ŋutɔ ƒe ŋusẽ me o:

Papa le nublam kple xexeame ƒe adzɔwo, ɖoɖowɔhawo, kpakple xexeame kplɔlawo azɔ be yeatsɔ like; amesiawo ƒe tatɔ nye Yuɖa nyɔnu aɖe si woyɔ be Aƒenɔ Lynn Forester de Rothschild.

…ke atsrɔ̃ nu eteƒe makɔ o, adze edzi nɛ, awɔnu, eye atsrɔ̃ ŋusẽtɔ kple dukɔ kɔkɔe la.

25 Eƒe asi ana alakpadada nadze edzi nɛ le eƒe ayedzedze ta;

Nɔvi. Branham gblɔ be “alakpadada” nye nu kpawɔ.

…ado eɖokui ɖe dzi le dzi me, eye wòatsrɔ̃ ame geɖewo le vo me: ado eɖokui ɖe dzi ɖe aƒetɔwo ƒe Aƒetɔ la ŋu, ke woagbãe gudugudu, ame ƒe asi manɔmee.

Nɔviŋutsu Branham gblɔ be eyae nye ƒe etɔ kple afã ƒe titina.

Azɔ, ne ga katã ɖo eƒe kpɔkplɔ te la, “Ke agbã nubabla kple Yudatɔwo,” abe alesi Daniel gblɔ le afisia be awɔe ene, le Daniel ƒe, ” kwasiɖa blaaɖreawo ƒe afã mamlea titina.” Ke azɔ, nɔviŋutsu, nuka wɔge wòala? Xexeame ƒe dɔwɔwɔ kple asitsanyawo katã anye eyama tɔ, nusi anye dzoɖuɖu kple xexeame, elabena xexeame kesinɔnu wo katã anɔ esi, keŋkeŋ. Ke ɣeyiɣi ma mee, nyagblɔɖila eve mawo woava kpea dzi le eye woayɔ ame akpe alafa ɖeka blane vɔ enea wo. Ke nuka adzɔ? Emegbe la Nyaɖeɖefia 13, ƒe lã la ƒe dzesi, ado, elabena xexeame ƒe asitsanya kple dɔwɔwɔ, kpakple nuwo katã le esi me. Ke nukae agadzɔ emegbe? Lã la ƒe dzesi ado, alebe, “Amea ɖeke magate ŋu adzra nu alo aƒle nu o, negbe amesi ŋu lã ƒe dzesi le la ko.”

Satana ate ŋu do vɔvɔ̃ na wò le ɣeyiɣi sia me eye nàbia ɖokui wò be, ɖe nye hã maxɔ lã la ƒe dzesi aa? Mína míakpɔ nusi míaƒe nyagblɔɖila gblɔ na mí la ɖa:

Mikpɔa, mate ŋu ava me kpɔ gbeɖe, kura kura ŋutɔ, be Ametiatia na xɔ esia o. Mate ŋui o, mikpɔea. Elabena awɔ nuka? Mikpɔea? “Ke aka ɖe Ʋu ƒe Nubabla la dzi…” Azɔ, mikpɔea, ne wotia eyama eye wòle hatsotsoa me la, mateŋu xɔe o. Mateŋu xɔe kpɔ gbeɖe o.

Woakafu Aƒetɔ la ƒe Ŋkɔ, míate ŋu xɔe KPƆ GBEƉE O, míele “HATSOTSO LA ME!” Míate ŋu gbɔɖe me esime míaɖo ŋku Kɔkɔdzoe gã si Mawu wɔ na míaƒe nyagblɔɖila, kuɖe alesi woava tɔ ɖe teƒe ma kple mí katã gbemagbe ŋu, elabena Eyae ana akɔŋta ɖe mí katã ŋu. Egblɔe na mí hã kuɖe alesi wòate ɖe Eyama ŋu gbã, eye woatsɔ Nya si wòɖe gbeƒã na mí la adrɔ ʋɔŋu eyama.

“Ɖe amesiame awɔ esia a? Ɖe Paulo hã atɔa?” Eɖoŋu be, “Ɛ̃, Paulo hã tɔ, kple eƒe hatsotso si wòɖe gbeƒã na.” Mexɔ edzi be, “Meɖe gbeƒã Gbedasi si tututu ehã ɖe gbeƒã.”

Eye ame milion mawo de woƒe asiwo ɖe dzi hegblɔ be, “Míedzudzɔ ɖe Esia dzi!”

Va, eye na de wò asiwo ɖe dzi eye ná dzudzɔ kpli mí Kwasiɖagbe ga 2:00 wole me, Jeffersonville ƒe game, ne míase: Ɖetugbui Ewoawo, Kple Yuɖatɔ Akpe Alafa Ɖeka Kple Blane Vɔ Eneawo 60-1211m.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na mawunya, “Ɖetugbui Ewoawo, Kple Yuɖatɔ Akpe Alafa Ɖeka Kple Blane Vɔ Eneawo,” ƒe sese woenye esi.

Mose II 21:1-6
Daniel 7:8-12
Mateo Kɔkɔe 24:24, 25:1-13
Efesetɔwo 4:30
Hebritɔwo 6:4-8
Nyaɖeɖefia 7:1-4, 7:9-17, 13:15-18, 14:1

12/16/2020

Hame Lɔlɔ̃a Ɖiƒoƒo Kple Ayilele Ɖeke Manɔnutɔ,
Míeda akpe ale gbegbe egbea ɖe nusiwo katã Wòwɔ, kple esiwo katã wɔm Wòle na mí ta. Ne míeyi ɖe Eyama gbɔ le gbedodoɖa me, hedze agbagba be míaɖe nusi le míaƒe dziwo me gblɔ la, mebɔbɔna o. Ke, abe alesi wòlena nububu siwo míewɔna ene la, míetrɔna ɖe Nya la ŋu, elabena enye NUSIANU NA MÍ.

O, mina míade míaƒe ta to eye míagblɔ be:
“Fofo, míelɔ̃ Wò. Míelɔ̃ Wò. O, ale gbegbe míelɔ̃ Wò! Míede Akpe na Wò, geɖe ŋutɔ, Aƒetɔ. O, míaƒe—míaƒe dzi dahɛwo mateŋu ɖe nusi sem míele le míaɖokuiwo me agblɔ, kuɖe alesi Nèletsi na mí le Wò Ŋutɔ Ʋuwò me o. Amedzrowo míenye vayi, Aƒetɔ. Míe—míelɔ̃ xexeame nuwo, eye mí katã—katã tra ɖe xexeame nuwo me le afima, ke Nèɖi va le Wò amenuveve me heƒo Wò asi kɔkɔe xɔasiwo ɖe nuvɔ̃ ɖiƒoƒo si me míele me, ɖe mí dogo, tia mí, letsi na mí, tutu mía ŋu, de Gbɔgbɔ yeye mía me, ke hã trɔ míaƒe susuwo ɖe dziƒonuwo ŋu. Ale gbegbe míelɔ̃ Wò, Aƒetɔ!”
Wò AMENUVEVE WƆ NUKU Fofo. Be míabu eŋu be Nètia mí, be Nèletsi na mí, eye emegbe la Nède Wò Gbɔgbɔ mía me. Ɛ̃ Aƒetɔ, míelɔ̃ Wò!

Le Agbenɔɣi si woble sia me, esime nububu aɖeke mega susɔ na mí le xexeame me o, Aƒetɔ. Naneke mesusɔ na xexeame o, enye—enye—enye nuwuwuɣi. Míekpɔ to Biblia me, be agbenɔɣi ɖesiaɖe ŋu vayi. Míele nuwuwu azɔ, enu le yiyim kaba kaba. Magadidi o Yesu ava. O Mawu, de dzo míaƒe dziwo me, mega na míazi kpoo o.

O Aƒetɔ ale gbegbe míede akpe be Èle dzodom míaƒe dziwo me to Wò Nya ƒe ɖeɖefia me na mí wu tsã. To Wò Nya sese me la, míekpɔ be míele nuwuwu. Ŋɔŋlɔawo le me vam le míaƒe ŋkuwo me gbesiagbe.

Aƒetɔ, míaƒe gbedodoɖa tso míaƒe dzi me, kee nye esi:

Ke azɔ, Aƒetɔ, medogbeɖa be Nàlé míaƒe luʋɔwo ɖe Wò asi me, nya mí, li mí, elabena Wogblɔ be Wò “nègbɔna na Hame aɖe si ŋuti ɖiƒoƒoa aɖeke alo ayilélea ɖeke manɔ o”
Ná be Gbɔgbɔ Kɔkɔe ƒe ga dzedzo la na li ayiléle ɖesiaɖe le mía ŋu, ke míele te hele gbesɔsɔ na Amegbetɔvi la ƒe vavã.

Amen ɖe amen dzi.

Nɔvi. Joseph

12/12/2020

Aƒenɔ Yesu Lɔlɔ̃a,

Kafukafu na wò!

Ale gbegbe míekpɔ dzidzɔ manyagblɔ aɖe be wotia mí be woyɔ mí be Yesu Kristo ƒe Ŋugbetɔ xɔasi. Meka afisi míaƒe Ŋugbetɔsrɔ̃ le o la, fima ke míanɔ. Magble mí ɖi kpɔ gbeɖe o. Míadzo le Eha kpɔ gbeɖe o. Míama Fiazi la kple Eyama. Woatsyɔ Eƒe ŋutikɔkɔe kple bubu na mí abe fiakuku ene.

Míaƒe dzidzɔgbe gãtɔ kekeakewo nye esi le míaƒe agbewo me. Ŋkeke siwo xexeame katã le didim vevie hele lalam. Yesu, si gbɔna be yeakplɔ Eƒe Ŋugbetɔ tiatia dzoe.

Ŋugbetɔsrɔ̃ la hã kpɔ dzidzɔ manyagblɔ. Ele ŋkeke sia dzram ɖo hele mɔkpɔm nɛ tso keke ɣeyiɣi la ƒe gɔmedzedze me ke. Ekpe Eƒe amekpekpewo katã va eye woɖo Eƒe kpekpe la nu nɛ. Eɖo srɔ̃ɖe ŋkeke ƒe azã gã aɖe anyi na mí, le kplɔ aɖe si dzidzi xɔ agbadroƒe akpe ɖeka ŋu.

Eya Ŋutɔ anɔ anyi kpli mí, eye anye míaƒe Mawu. Atutu aɖatsi wokatã le míaƒe ŋkuwo me. Ku maga nɔ anyi o, blanuilele, avifafa alo vevesese o: elabena nu gbãtɔwo nu vayi eye míaga ɖo ŋku wodzi azɔ o.

Ele aƒe yeye hã tum na mí be míanɔ me. Du Kɔkɔe aɖe, Yerusalem yeye la, le ɖiɖim tso dziƒo, tso Eyama gbɔ, eye wodzrae ɖo abe ŋugbetɔ si wowɔ leke na hena srɔ̃a ene.

Elabena nu gbãtɔwo nu vayi.ale gbegbe wodzeani. Wowu Mawu ƒe ŋugbedodo dzeaniwo katã nu. Nusianu nu ava yi keŋkeŋ. Tɔtrɔ la ade bliblo. Alẽvi la kple Eƒe ŋugbetɔ woanɔ anyi ɖe Mawu ƒe blibodedewo katã me yiɖe mavɔ.

Ke ŋkɔ ka nyɔnu xɔna ne wòɖe ŋutsu mahã? Exɔa EƑE ŊKƆ. EƑE ŊKƆE woana mí.

O, Enye anyitsi le agakpe me na mí, eye míele eɖuɖɔm esime míele Eƒe Lɔlɔ̃ Letawo sem gbesiagbe. Ke míele edzi léa kɔ ɖesiaɖe si míesena ƒe kekle me ɖe asi.

Ele egblɔm na mí be míexɔ ɖeɖefia aɖe kuɖe Yeƒe Mawunyenye si ƒo ta la nu. Menye trinita ƒe ame evelia Wònye o, ke boŋ Mawu Ŋutɔ si do ŋutilã hele míadomee.

Nyee nye Ʋɔtru la. Nyee nye mɔ la. Nyee nye Nyateƒe la. Nyee nye Alfa kple Omega. Nyee nye Gɔmedzedze kple Nuwuwu. Nyee nye Fofo la. Nyee nye Vi la. Nyee nye Gbɔgbɔ Kɔkɔe la. Nyee nye amegbɔnɔnɔ gbagbe la yiɖe Mavɔmavɔ me.

Emegbe la Egblɔ na mí be to Yeƒe Mawume nyametsotso me la, Ye nyae do ŋgɔ be míanye Yeƒe Ŋugbetɔ. Etia MÍ; menye míawoe tia Eyama o. Eyɔ MÍ; míeva le míaɖokuiwo si o. Eku ɖe MÍATA.Eklɔ MÍA nu le eŋutɔ Ƒe ʋu me. Exefe ɖe MÍATA. Míenye Eyama tɔ eye Eyama ɖeka tɔ ko. Enye míaƒe Fia eye míenye Eƒe fiaɖuƒe, kple Eƒe domenyinu mavɔ la. Míede míaɖokuiwo asi na Eyama keŋkeŋ eye Ehã lɔ̃ ɖe dzizizi la dzi.

Eƒe Ŋugbetɔ la le mɔkpɔkpɔ gã aɖe me be míase míaƒe lɔlɔ̃ leta Kwasiɖagbe 2:00 wole me, Jeffersonville ƒe game esime Wòaɖe gbeƒã Filadelfia Hamea Ƒe Agbenɔɣi 60-1210 na mí. Zi ɖeka ake la aga ɖe fia mí be míenye Ŋugbetɔ Nya vavã ma si maʋa o, ke boŋ anɔ anyi kple Nya ɖesiaɖe aɖa xɔe edzi se.

Nɔvi. Joseph Branham
(Aƒn. Yesu)

Ŋɔŋlɔ siwo woaxlẽ le dzadzraɖo me na mawunya” Filadelfia Hamea ƒe Agbenɔɣi” sese:

Mateo Kɔkɔe 1:1-2, 1:17-23, 16:13-18
Yohanes Kɔkɔe 5:19, 10:5, 10:7, 10:27
Dɔwɔwɔwo 15:13-14
Romatɔwo 2:29
Efesetɔwo 2:19-20
Nyaɖeɖefia 2:13, 2:17, 3:7-12, 3:15, 7:9-17, 21:1-2