ప్రవక్తకు ఎంతో ప్రియమైనవారలారా,

ఆత్మచేత మరియు సత్యవాక్యముచేత నీకు పుట్టినది—అది వారేయైయున్నారు. మరియు ప్రభువా, నీవు వారిని ఆశీర్వదిస్తావని మరియు క్రీస్తు యొక్క ప్రేమ బంధముతో వారిని దగ్గరగా కట్టియుంచుతావని నేను ప్రార్థిస్తున్నాను.

సిద్ధపడండి, మనము ముందెన్నడూ లేనట్టుగా ఆశీర్వాదములను, అభిషేకములను మరియు ప్రత్యక్షతను పొందుకొనబోవుచున్నాము. మనము దానిని మన అంతరాత్మలలో అనుభూతి చెందగలుగుచున్నాము, ఏదో సంభవించనైయున్నది. సమయము సిద్ధంగా ఉన్నది. మనమెంతో ఆసక్తిపరులమై మరియు ఎంతో గొప్ప ఆశలను పెట్టుకొనియున్నాము. మనల్ని క్రొత్త ఎత్తులకు తీసుకొనివెళ్ళి, మరియు పరిశుద్ధాత్మతో మనలను నింపి, నింపి, మరియు పిదప మరలా నింపబోవుచున్న ఒక వర్తమానము దేవుని యొక్క సింహాసనము నుండి వచ్చుటను వినడానికి ప్రపంచమంతటి నుండి వధువు కూడుకొనుచున్నది.

లేఖనము నెరవేరబోవుచున్నది. హెచ్చరిక ఇవ్వబడియున్నది. తీర్పు సమీపమున ఉన్నది. మన పెండ్లి విందు కొరకు తన వధువును పిలువడానికి ప్రభువు వచ్చుచున్నాడు. ఆఖరి పిలుపు బయలు వెడలినది. దేవుని రాకడ వచ్చియున్నది. ఆయన మనకొరకు వచ్చుచున్నాడు.

మనము దానిని చూసి మరియు దానిని స్వీకరించినట్టి ఆయన యొక్క ముందుగా నిర్ణయించబడిన విత్తనమైయున్నాము. మన పాపములు తుడిచివేయబడినవి, గతించిపోయినవి. అవి యేసు క్రీస్తు యొక్క రక్తపు సిరాలో వేయబడినవి, మరియు అవి ఇక ఎన్నడూ జ్ఞాపకము చేసుకొనబడవు. దేవుడు వాటన్నిటినీ మర్చిపోయాడు. దేవుని సన్నిధిలో మనము, దేవుని యొక్క ఒక కుమారుడు మరియు ఒక కుమార్తెవలె నిలుచున్నాము. మనము ఇప్పుడు అయ్యున్నాము…అవుతాము కాదు; మనము ఇప్పుడు దేవుని కుమారులము మరియు కుమార్తెలమైయ్యున్నాము.

మనము ఒక్క విషయమును గుర్తిస్తాము, అది వాక్యమే. ఈ టేపులు. ఈ వర్తమానము. అవి ఒక్కటేయైయున్నవి.

మరియు ఒకసారి, కేవలం కొద్ది కాలం క్రితం, నీవు ఆ దర్శనమును చూపించినప్పుడు, ఇక్కడున్న ఈ చిన్న ఆలయములో, ఆహారమును నిలువచేయుటను గూర్చి, ఇది మాత్రమే అవసరమయ్యే ఒక సమయం వస్తుందని చూపించావు…“ఆ సమయము కొరకు ఇక్కడ ఈ ఆహారమును నిలువ చేయము

ఇదే ఆ సమయము. ఇదే ఆ ఆహారము. మనమే ఆ ప్రజలము. మనమే ఆ ప్రత్యక్షతను కలిగియున్నాము.

ఇతరులు ఈ టేపు పరిచర్యయొక్క ప్రాముఖ్యతను తప్పిపోవచ్చును. మనము తప్పిపోము. ఇదే మన జీవితమైయున్నది, మన సర్వము ఇదేయైయున్నది. ఇది మనకు జీవము కంటే విలువైనది. మనకు దేని గూర్చియైనా ఒక ప్రశ్న ఉన్నప్పుడు, దానిని మనకు వివరించమని, లేదా దానిని మన కోసం వెదకిపెట్టమని మనము ఎవరిని అడుగము. మనము గ్రహించడంలో విఫలమైనా లేదా మనకు ఒక ప్రశ్న ఉన్నా దేవునియొక్క దూత ఏమి చేయమని మనకు సూచించాడో సరిగ్గా దానినే మనము చేస్తాము.

మీకు అది అర్థమైనదా? మీరు విఫలమైతే, తిరిగి మరలా ఈ టేపుయొద్దకు రండి. నేను ఎంతకాలం మీతో ఉంటానో నాకు తెలియదు. గుర్తుంచుకోండి, ఇది యెహోవా ఈలాగు సెలవిచ్చుచున్నాడు యొక్క, సత్యమైయున్నది. ఇది సత్యము. ఇది లేఖనమైయున్నది.

మీరు విఫలమైతే, తిరిగి టేపు వద్దకు రండి.

మా మీద కోపానికి రాకండి, ఆయనే దానిని చెప్పాడు…అదియేగాక, ఇది యెహోవా ఈలాగు సెలవిచ్చుచున్నాడు యొక్క సత్యమైయున్నది. దానిలో ఒక భాగము, దానిలో కొంచెము, లేదా దానిలో ఏది అభిషేకించబడినది మరియు ఏది అభిషేకించబడలేదని ఎవరైనా అనువాదం ఇచ్చినవి మాత్రమే అని ఆయన చెప్పలేదు. ఈ టేపులు యెహోవా ఈలాగు సెలవిచ్చుచున్నాడు అయ్యున్నవి.

మీకు అది అర్థం కాకపోవచ్చును, లేదా దానిని గ్రహించలేకపోవచ్చును, లేదా ఇంకా అది మీకు బయలుపడి యుండకపోవచ్చును. కాని మాకైతే, ఆయన తన ప్రవక్త ద్వారా మాకు చెప్పుచున్న విషయము ఇదేయైయున్నది.

మీరు మీ భార్యకు, మీరు వివాహం చేసుకోబోయే అమ్మాయికి విషయాలను ఎలా చెప్తారో మీకు తెలుసు కదా. మీరు ఆమెను ఎంతగానో ప్రేమిస్తారు, మీరు ఆమెకు రహస్యాలను చెప్తారు, మరియు ఆమెను అక్కున చేర్చుకొని, మరియు ప్రేమింపజేసుకొని మరియు ఆ విధంగా ఉంటారు. అది ఏ విధంగా ఉంటుందో మీకు తెలుసు.

దేవుడు, క్రీస్తు, సంఘానికి దానినే చేయుచున్నాడు. చూశారా? ఆయన ఆమెకు రహస్యాలను, సరిగ్గా ఆ రహస్యాలను తెలియజేయుచున్నాడు. ఈ సరసాలాడేవారికి కాదు; ఆయన భార్యకి అని నా ఉద్దేశ్యమైయున్నది.

మరియు మనము దానంతటినీ పొందుకొనుచున్నాము. ఓ ఒక పెండ్లి కుమార్తె తన వివాహానికి ముందు ఎంత సంతోషంగా మరియు అత్యుత్సాహంగా ఉంటుంది కదా. మనం అసలు కుదురుగా ఒక చోట నిలబడలేము. మనము నిమిషాలను….క్షణాలను లెక్కబెట్టుచున్నాము. ఆయన మనలను ఎంతగా ప్రేమించుచున్నాడన్నది ఆయన మనకు మళ్ళీ మళ్ళీ చెప్తూనే ఉన్నాడు.

ముందెన్నడూ లేని విధంగా సాతానుడు మనపై దాడి చేస్తూనే ఉంటాడు, అయితే వాడు సిద్ధంగా లేని ఒక విషయమేమిటంటే, మనమెవరమో మనకు ఇప్పుడు తెలుసు. ఇక ఎటువంటి సందేహము లేదు, మనము పలుకబడిన వాక్యమైయున్నాము. మనము వాక్యమును పలుకగలము, మరియు మనము పలుకుచున్నాము. సాతానుడికి జవాబు మన దగ్గర ఉన్నది. దేవుడు తనను తాను నిర్ధారించుకున్నాడు. దేవుడు తనను తాను ఋజువు చేసుకున్నాడు. మనము ఆయనయొక్క సజీవ వాక్యమైయ్యుండి మరియు ఆయన మనకిచ్చిన అధికారమంతటితో పలుకుచున్నాము.

మరియు ఈనాడు ఆయన ఇక్కడ, తన వాక్యములో ఉన్నాడు, అక్కడ చేసిన అదే కార్యమును నెరవేర్చుచున్నాడు.. ఆమె వేరొక శిరసత్వమును గుర్తించదు. లేదు, అయ్యా. ఏ బిషప్పు లేడు, వేరెవ్వరు లేరు. ఆమె ఒక్క శిరసత్వమును మాత్రమే గుర్తిస్తుంది, అది క్రీస్తే, మరియు క్రీస్తు వాక్యమైయున్నాడు. ఓ, మై! ఫ్యూ! నేను దానిని ప్రేమించుచున్నాను. హ! అవును, అయ్యా.

మనము ఒక రాజ్యానికి చెందియున్నాము, మరియు దేవునియొక్క వాక్యము మన స్వంత జీవితములో ఆత్మయు మరియు జీవమునైయుండుటయే ఆ రాజ్యము. కావున, మనము ఆయనయొక్క జీవించుచున్న వాక్యమైయున్నాము.

నా స్నేహితులారా, దానిని స్వీకరించి మరియు దానిని నమ్మడానికి మీరు నిజమైన ప్రత్యక్యతను కలిగియుంటే ఇదే దానంతటిని చెప్పుచున్నది.

ఇప్పుడు గమనించండి, ప్రాచీన ఇశ్రాయేలుకు మాదిరిగా, ఒకే విధంగా, ఒక్క శిరసత్వము క్రింద ఐక్యమైయ్యుండుట. ఇప్పుడు దానిని మీరు పొందుకొనుచున్నారా? పాతకాలపు ఇశ్రాయేలు వలె; ఒక్క దేవుడు, తాను వాక్యమైయున్నాడని, అగ్నిస్తంభముచేత నిర్ధారించబడి, మరియు ఒక ప్రవక్త ద్వారా తనను తాను బయలుపరచుకున్నాడు. అదే దేవుడు, అదే అగ్నిస్తంభము, అదే విధానం; ఆయన తన విధానాన్ని మార్చుకోలేడు. అది…అది ఎంతో పరిపూర్ణముగా ఉన్నది.

ప్రవక్త…అది బాగుగా అర్థమగును గాక. ఆ దినమునకు వాక్యమైయ్యున్నాడని, ఒక్క దేవుడు, ఒక ప్రవక్త ద్వారా, ఒక అగ్నిస్తంభముచేత నిర్ధారించబడినాడు, మరియు ఆయన మారజాలడు.

నేను ఇలా చెప్పుకుంటూ పోవచ్చు, మరియు కొటేషన్ వెంబడి కొటేషన్ ను తీసుకొని మనము ఆనందించుచు సహవాసము చేయగలము; మరియు ప్రపంచవ్యాప్తంగా ఈ ఆదివారము జఫర్సన్ విల్ కాలమానం ప్రకారంగా 12:00 P.M., గంటల సమయమప్పుడు దీనిని వినుచుండగా, మనము సహవాసము కలిగియుంటాము: బయలుపరచబడిన దేవుని యొక్క మర్మము క్రీస్తే 63-0728.

సహోదరుడు. జోసఫ్ బ్రెన్హామ్

కూటమునకు ముందు చదువవలసిన లేఖనములు:

పరిశుద్ధ. మత్తయి 16:15-17
పరిశుద్ధ. లూకా 24వ అధ్యాయము
పరిశుద్ధ. యోహాను 5:24 / 14:12
1 కోరింథీ 2వ అధ్యాయము
ఎఫెసీ అధ్యాయము 1
కొలొస్సీ అధ్యాయము 1
ప్రకటన 7:9-10

ప్రియమైన చిన్న బ్యాలెన్సు స్ప్రింగు, ముఖ్యమైన స్ప్రింగు, రైతు మరియు గృహిణి,

మీరు చేయవలెనని దేవుడు మీకిచ్చినదేదైనా, మీరు దానిపై గృహనిర్వాహకత్వమును కలిగియున్నారు. మీరు దాని విషయమై దేవునికి జవాబునివ్వవలసియున్నారు. మీరు ఎంత అల్పమైనవారని శత్రువు మీకు చెప్పినా గాని మీరు దేవునికి ఎంతో ప్రాముఖ్యమైయున్నారు, ఎంతగా అంటే మీరు లేకుండా ఆయన యొక్క గొప్ప గడియారము నడువదు.

ఆయన మిమ్మల్ని పిలిచాడు, మిమ్మల్ని ఎన్నుకున్నాడు, మిమ్మల్ని ముందుగా నిర్ణయించుకున్నాడు, మరియు తన గొప్ప అంత్యకాల వర్తమానము యొక్క ప్రత్యక్షతను మీకు అనుగ్రహించాడు. ఆయనకు మీపై 100% నమ్మకమున్నది. మీరు ఖచ్చితంగా యేసు క్రీస్తు యొక్క వధువైయున్నారు, ఆయన యొక్క ప్రియురాలైయున్నారు, మరియు ఆయన మిమ్మల్ని ఎంతగానో ప్రేమించుచున్నాడు.

దేశములన్నిటిలో ఉన్న ప్రజలను ఆయన స్థిరంగా ఇట్లు హెచ్చరించాడు, “పశ్చాత్తాప పడుడి, లేదా నశించిపోతారు”, “వాక్యమునొద్దకు తిరిగి రండి”, “సిద్ధపడండి, ఏదో సంభవించనైయున్నది.” చిట్టచివరకు ఆ ఘడియ వచ్చియున్నది. సరిగ్గా ఆయన వస్తాడని మనకు వాగ్దానం చేసినట్లే, దేవుడు తన వధువు కొరకు వచ్చుచున్నాడు. ఆయన చక్రము నుండి తన చక్రమును పిలిచాడు.

“ఆయన జరుగుతుందని ఏదైతే చెప్పాడో, అది జరగలేదు. సమస్త కార్యములు అలాగే ఉన్నవి,” అని చెప్పుచూ, ఈనాడు అనేకులు దేవుని యొక్క గొప్ప అంత్య-కాల వర్తమానము నుండి పడిపోయారు. దేవుని ప్రవక్తల యొక్క అనేక ప్రవచనములు నెరవేరడానికి ముందే అనేక తరములు గడిచిపోయినవి. మరి అయిననూ, అక్షరాల, సరిగ్గా వారు చెప్పినట్లే, అవి సంభవించినవి.

ఆయనయొక్క బైబిలు గ్రంథము మనకిట్లు చెప్పుచున్నది: “నోవహు దినములలో జరిగినట్లు, మనుష్య కుమారుని రాకడలో జరుగును”. దేవుడు ఆ గొప్ప జలప్రళయ కాలములో ప్రపంచమును నాశనము చేయడానికి తీర్పును పంపుటకు ముందు, దేవుడు లోకానికి ఒక ప్రవక్తను పంపాడు. ఆ ప్రవక్త ఏమి చేశాడు?

ఆయన ప్రజలను ఆ సమయము కొరకు సిద్ధపరిచాడు. నోవహు ప్రజలను సిద్ధపరిచాడు, మరియు అది తీర్పుకు ముందు ఒక కనికరపు పిలుపైయున్నది.

నోవహు దేనిగూర్చియైతే ప్రజలను హెచ్చరించాడో ఆ తీర్పు రావడానికి ముందే అతడు వారిని సిద్ధపరిచాడు. అది ఆ దినమునకు దేవుడు ఏర్పాటు చేసిన మార్గమైయున్నది.

దేవుడు ఎన్నడూ తన ప్రణాళికను మార్చుకోడని దేవుని ప్రవక్త మనకు చెప్పాడు. ఆయన అప్పుడు ఏమి చేసాడో, దానినే ఈనాడు చేస్తాడు. మనము కేవలం ఈ దినము కొరకు దేవుడు ఏర్పాటు చేసిన మార్గాముతో నిలిచియుండి మరియు ప్లేను నొక్కుతాము.

అప్పుడన్నట్లే, మనము దేవుని ప్రవక్తను అధికంగా హెచ్చిస్తున్నామని ప్రజలు అంటారు; అయితే అది విలియమ్ బ్రెన్హామ్ కాదుగాని, అది పరిశుద్ధాత్మయైయున్నాడు. మనము, ఆమేన్, అని చెప్తాము, మనము మనుష్యుడు చెప్పేది వినము, మనము కేవలం ఆయన చెప్పినదివింటాము.

పరిశుద్ధాత్మయే ఈ ఘడియకు ప్రవక్తయైయున్నాడు; ఆయన తన వాక్యమును నిర్థారించుచూ, దానిని ఋజువు చేయుచున్నాడు. మోషే యొక్క ఘడియకు పరిశుద్ధాత్మయే ప్రవక్తయైయున్నాడు. మీకాయా యొక్క ఘడియకు పరిశుద్ధాత్మయే ప్రవక్తయైయున్నాడు. వాక్యమును వ్రాసిన పరిశుద్ధాత్మయే, వచ్చి, మరియు వాక్యమును నిర్థారిస్తాడు.

అయితే గడిచిన వారమే సహోదరుడు బ్రెన్హామ్ దీనిని మీకు చెప్పారు;

ఇప్పుడు, చూడండి, మీరు ఏమి వినుచున్నారో దాని విషయమై జాగ్రత్తపడవలెనని నేను ఎల్లప్పుడూ మిమ్మల్ని కోరాను. చూశారా? దానిలో కేవలం మానవ దృష్టినుండియైనవి అనేకములున్నవి.

దేవుడు నాకు దానిని చెప్పాడని నేను చెప్పడంలేదు. “నేను” దానిని నమ్ముచున్నాను, చూడండి. మరియు ఆ విధంగా చేయకూడదని నేను నమ్ముచున్నాను.

నాకు మరియు నా ఇంటివారి కొరకైతే, ఏ ఇతర సేవకుడు, బిషప్పు, లేదా ఏ మనుష్యుని కంటెను దేవుని యొక్క ఏడవ దూత వర్తమానికుడు ఏమి నమ్ముతాడో, ఏమి తలంచుతాడో లేదా కనీసం ఏమి అనుభూతి చెందుతాడో, దానినే నేను తీసుకుంటాను.

దేవుని ప్రవక్త నమ్ముచున్నది, అనుభూతి చెందుచున్నది, లేదా కనీసం తలంచేది, ప్రేరేపించబడినదో కాదో అని చూచుటకు దేవుడు ఎన్నడైనా ఎవరిని పంపాడు?…ఎవరని నేను అనుకొనుచున్నానో మీకు చెప్పనివ్వండి.

కోరహును చూడండి, దేవుడు ఒక వర్తమానముతో మోషేను పంపిన దినములలో, కోరహు మరియు దాతాను ఆలోచించి, మోషే వద్దకు వచ్చి, మరియు ఇట్లన్నారు, “ఇప్పుడు, ఒక్క నిమిషము ఆగుము, నిన్ను నీవు అధికముగా హెచ్చించుకొనుచున్నావు! సముద్రతీరాన ఉన్న ఏకైక స్పటికము నీవొక్కడివే అని; నీటి గుంటలోని బాతు, నీవొక్కడివే అని నీవు అనుకొనుచున్నావా. పరిశుద్ధులైన ఇతర ప్రజలు కూడా ఉన్నారని, నేను నీకు తెలియజేసెదను!”

హెచ్చరిక, తీర్పు సమీపమున ఉన్నది. అసలైన వాక్యము నొద్దకు తిరిగి రండి. మన దినమునకు నిర్థారించబడిన దేవుని స్వరమునొద్దకు తిరగి రండి. దేవుని ప్రవక్త వద్దకు తిరిగి రండి. ఈ వర్తమానమునొద్దకు, ఆయన స్వరమునొద్దకు తిరిగి రండి. అది మీకు మొట్టమొదటి విషయము మరియు అత్యంత ముఖ్యమైన విషయమై ఉండవలసియున్నది.

ఈ వర్తమానమును బోధించుటకు మరియు ప్రసంగించుటకు, ఇతరులు ఒక స్వరమును, మరియు ఒక పిలుపును కలిగియున్నారనుటలో ఎటువంటి సందేహము లేదు. అయితే మీరు దేవుని వధువైయ్యుండగోరిన యెడల, మీ గృహములలో, మీ కారులలో, మరియు ముఖ్యంగా, మీ సంఘాలలో మీరు వినగలిగే ఈ టేపులు, ఆ స్వరము, మీకు ప్రాముఖ్యమైన స్వరమైయ్యుండవలసియున్నది.

ప్రభువు రాకడ సమీపంలో ఉన్నదని దేవుని ప్రవక్త లోకాన్ని హెచ్చరిస్తుండగా, ఆదివారమునాడు, జఫర్సన్ విల్ కాలమానము ప్రకారంగా 12:00 P.M., సమయమప్పుడు, వచ్చి మాతో కలిసి ఆ స్వరమును వినండి. ఇదే చివరి సారి కావచ్చును.

సహోదరుడు. జోసఫ్ బ్రెన్హామ్

ముందు అతడిని హెచ్చరించకుండా దేవుడెన్నడూ మనుష్యుని తీర్పులోనికి పిలువడు 63-0724.

కూటముకు ముందు చదువవలసిన లేఖనములు:

యెషయా 38:1-5
ఆమోసు 1 అధ్యాయము

ప్రియమైన సువార్త పిల్లలారా,

మనము భూమి మీద నడిచినవారిలో అత్యంత ధన్యులైన ప్రజలమైయున్నాము. దేవుని చేత ఎన్నుకోబడిన ఏడవ దూత వర్తమానికుడు మనతో ఈ మాటలను చెప్పుటను మనము అసలు ఊహించగలమా:

నేను మిమ్మల్ని ప్రేమిస్తున్నాను. ఓ, మీరు నా స్వంత పిల్లలు అన్నట్లుగా నేను మిమ్మల్ని ప్రేమిస్తున్నాను, మరియు మీరు సువార్తలో నా పిల్లలైయున్నారు. సువార్త ద్వారా, క్రీస్తునకు నేను మిమ్ములను కనియున్నాను.

దేవుడు మన పట్ల ఎంతగా శ్రద్ధవహిస్తున్నాడంటే మనతో నడుచుచున్నది కేవలం ఈ వ్యక్తి కాదు గాని అది సరిగ్గా ఆయన పైన ఉన్నది దేవుడే అని మనకు తెలియజేయుటకు, ఆయన యొక్క నిర్ధారించబడిన ప్రవక్తను ఒక అగ్ని స్థంబపు సూచనతో మన వద్దకు పంపియున్నాడు. మార్గమున నడిపించుచున్నది ఆయనేయైయున్నాడు.

ఆయన మన పట్ల శ్రద్ధ వహిస్తున్నాడు గనుక, ఆ గొప్ప తీర్పు రావడానికి ముందే, రానున్న తీర్పులన్నిటి నుండి మనము విడిపించబడునట్లు ఆయన ఒక మార్గమును కలుగజేసెను. ఆ తప్పించుకునే మార్గము కేవలం ఎన్నుకొనబడిన, మనకు మాత్రమేయై యున్నది. మనము మాత్రమే ఈ జీవ కణమును అంగీకరించియున్నాము. దానిని చూచుటకు మనము మాత్రమే ముందుగా నిర్ణయించబడినాము. మనము మాత్రమే ఈ గొప్ప టేపు పరిచర్య యొక్క ప్రత్యక్షతను కలిగియున్నాము.

ఆయన ఈ పరిచర్య కొరకు మరణించాడు. ఈ దినమున పరిశుద్ధాత్మ ఇక్కడ ఉండి ఈ కార్యములను చూపించుట కొరకు ఆయన మరణించాడు. ఆయన మిమ్మును గూర్చి శ్రద్ధ వహించాడు. ఆయన దానిని ఇక్కడికి తేసుకొనివచ్చుటకు శ్రద్ధ వహించాడు. ఆయన ప్రకటన చేయుటకు శ్రద్ధ వహించాడు. ఆయన మిమ్మల్ని ప్రేమించాడు గనుక ఆయన మిమ్మును గూర్చి శ్రద్ధ వహించాడు. ఆయన దీనిని చేసేంతగా, దీని కొరకు, ఈ దినమున ఈ పరిచర్యను జరిగించుటకు పరిశుద్ధాత్మను పంపేంతగా ఆయన శ్రద్ధవహించాడు.

మీరు నిత్యజీవమునకై ముందుగా నిర్ణయించబడిన యెడల, మీరు దానిని వింటారు మరియు దానిలో ఆనందిస్తారు. ఇది మీకు ఆదరణయై యున్నది. ఇది మీ జీవితమంతా మీరు తృష్ణగొనిన విషయమైయున్నది. ఇది అమూల్యమైన ముత్యమైయున్నది. మనము ఈ వర్తమానము కొరకు, ఈ స్వరము కొరకు సమస్తమును విడిచిపెడతాము. ఇది మన ప్రభువైన యేసు క్రీస్తు మనతో మాట్లాడుటయైయున్నది.

ఎవ్వరూ మనల్ని బుజ్జగించనక్కర్లేదు, మనము విశ్వాసులమైయున్నాము, మనయొద్ద నుండి దానిని వేరుచేయునది ఏదియూ లేదు. ఎవరేమి చెప్పినా గాని మనము లెక్కచేయము, మనము ప్రతీ మాటను నమ్ముచున్నాము.

ఆయన మనకొరకు ఎంతగానో శ్రద్ధ వహిస్తున్నాడు; మనకు స్వస్థత అవసరమైన యెడల, మనం కేవలం ఆయన వాక్యమును మన హృదయ లోతులనుండి నమ్ముతాము. అప్పుడు ఇక ఏ సలహాదారుడు, ఏ ఆదరించువాడు, ఏ వైద్యుడు, ఏ ఆసుపత్రి, ఏ పరిశీలన ఏమి చెప్పినా లెక్కలేదు గాని, మనము కేవలం ఆయన వాక్యమును నమ్ముతాము. మనము దానిని ఎరిగియున్నాము! దాని విషయమై ఇంకేమియు చెప్పనవసరంలేదు; మనము దానిని ఎరిగియున్నాము.

ఆయన తన ప్రవక్త చేత తన వధువు కొరకు ఆహారమును భద్రము చేపించేంతగా ఆయన మన పట్ల శ్రద్ధవహించాడు. ఆయన ప్రతీ కాపరికి, సేవకునికి, మరియు ప్రపంచవ్యాప్తంగా ఉన్న ప్రజల గుంపుకు వారి సహవాసములో లేదా వారి గుంపులలో ఆయన సూచనలను వెంబడించి మరియు ఈ టేపులను ప్లే చేయమని కూడా ఆయన సూచించాడు.

ఈ ఉదయము, ప్రార్థన చేపించుకోబోయే మీరు, మరియు ప్రపంచవ్యాప్తంగా, ఈ టేపును వినుచున్న మీరు, దీనిని చేస్తే చాలు, మరియు ఈ టేపు ప్లే చేయబడిన తర్వాత, మరియు ఒక సహవాసములో, అడవులలో ఉన్న గుంపులు లేదా మీరెక్కడున్నా గాని అక్కడ దానిని ప్లే చేయుచున్న ఆ సేవకుడు లేదా ఆ వ్యక్తి, మొదటిగా మీ యొక్క ఒప్పుకోలును స్పష్టంగా తెలియజేసి, మరియు పిదప మీ హృదయములో, విశ్వాసము తప్ప, మరేదియు లేకుండా వచ్చి, మరియు ప్రార్థన చేపించుకున్నయెడల, మరప్పుడు ఆ ఔషదము పని చేస్తుంది.

సంఘములో టేపులను ప్లే చేయమని ప్రవక్త ఎన్నడూ చెప్పలేదని మన విమర్శకులు చెప్తారని నేను అనుకున్నాను? వారి సంఘాలలో మాత్రమే కాదు గాని, అడవులలోనైనా లేదా మీరు ఎక్కడున్నా గాని…టేపులు ప్లే చేయండని ఆయన చెప్పాడు.

దేవుడు తన నిర్ధారించబడిన ఏడవ దూత వర్తమానికుడి ద్వారా పలికినదానికి మీరు లోబడి మరియు ఖచ్చితంగా దాని ప్రకారంగా చేసినయెడల, అప్పుడు మీరెన్నడూ కలిగిలెనటువంటి ఘనమైన విశ్వాసమును మీరు కూడా పొందుకోగలరు.

నేను, నేను…దీనిని సమీపించడానికి, మొదటిగా, ప్రజలు విశ్వాసముతో అభిషేకించబడవలసియున్నది. మీరు—మీరు, మీరు విశ్వాసమును కలిగిలేనియెడల, అప్పుడు అసలు—అసలు ప్రార్థన చేపించుకొనుటకు రావలసిన అవసరమే లేదు, ఎందుకనగా దానికి మీ విశ్వాసము మరియు నా విశ్వాసము అవసరమైయున్నది; ఆయనను నమ్ముటకు నా విశ్వాసము, ఆయనను నమ్ముటకు మీ విశ్వాసము అవసరమైయున్నది.

మనము అట్లు ఊహించుట లేదు, లేదా అంచనా వేయడం లేదు, లేదా ఆశించుట లేదు. టేపులు ఈ దినము కొరకై దేవుడు ఏర్పాటు చేసిన మార్గమైయున్నది. అది విలియమ్ మారియన్ బ్రెన్హామ్ అను పేరుగల ఒక మనుష్యుని యొక్క మాటలు కావుగాని, అవి మన ప్రభువైన యేసు క్రీస్తు యొక్క బయలుపరచబడిన మాటలైయున్నవి. అది ఖచ్చితంగా, “ఆమేన్!” అది మన యొక్క అంతిమమైయున్నది. అది సత్యమైయున్నది మరియు అది సత్యము గాక మరొకటి కాదు.

మరియు మీరు దేవుని యొక్క అంతిమమును, ఆయన వాక్యమును, ఒక ఫలానా విషయముపై ఒక వాగ్దానమును మీరు కనుగొనినయెడల మొదట అది దేవుని యొక్క వాక్యమని మీరు తెలుసుకోవలసియున్నది, నెరవేర్చబడుచున్నట్లు మీరు చూస్తున్న ఆ విషయము దేవుడే అని మీరు తెలుసుకోవలసియున్నది. అక్కడ—అక్కడ—ఇక “బహుశా అట్లుండవచ్చును, అది ఆ విధంగా జరుగవచ్చును, అది జరుగుతుంది అన్నట్లు అగుపించుచున్నది,” అనేవి ఇక ఉండవు. “అది దేవుడే!” పిదప మీరు ఆ స్థానమునకు వచ్చినపుడు, మరప్పుడు అది అమూల్యమైన ముత్యమైయున్నది, దానికి వ్యతిరేకంగా మీకు చెప్పుచున్న దేనినుండియైనా లేదా ఎవ్వరినుండియైనా మీరు దూరమవ్వవలసియున్నది. మనుష్యుడు ఏమి సాధించాడన్నదానివైపు మీరు చూడకూడదు.

ఈ ఆదివారము మనము ఒక గొప్ప పెద్ద ప్రేమ విందును కలిగియుండబోవుచున్నాము. దేవుని యొక్క నిర్ధారించబడిన ఏడవ దూత మనకు చెప్పినదానిని మనము చేయబోవుచున్నాము: ప్లే నొక్కి మరియు లోబడతాము.

మనకు అవసరమైనది ఏదైనా, మనము దానిని పొందుకుంటాము. ఆయనను నమ్మేందుకు ఆయన విశ్వాసముతోపాటు మనము మన విశ్వాసమును ఉంచుతున్నాము గనుక మనము దానిని పొందుకోబోవుచున్నాము. అప్పుడు మనమందరము ఇట్లు చెప్తాము:

ఈ సమయము నుండి, నా సమస్యలు తీరిపోయినవని నా హృదయములో ఏదో చెప్పుచున్నది. నేను—నేను బాగయ్యాను, నేను బాగవ్వబోవుచున్నాను అనియా”? మీరు దానిని నమ్ముచున్నారా? మీ చేతులను పైకెత్తండి, “నేను దానిని నమ్ముచున్నాను!” దేవుడు మిమ్మల్ని దీవించును గాక.

దేవుడు శ్రద్ధవహించుచున్నాడు గనుక, మీరు వచ్చి మాతో చేరవలెనని నేను మిమ్మల్ని ఆహ్వానిస్తున్నాను; లేదా మీ కాపరిని, మీ నాయకుడిని, ప్రవక్త యొక్క సూచనలను వెంబడించుటకు ప్రోత్సహించండి, మరియు ఈ ఆదివారము జఫర్సన్ విల్ కాలమానము ప్రకారంగా 12:00 P.M., సమయమప్పుడు మేము దీనిని వినుచుండగా దేవుని యొక్క ఏడవ దూత వర్తమానికుడు దేవుని యొక్క వాక్యమును పలుకుటను విని మరియు మీకు అవసరమైయున్న ప్రతిదానిని పొందుకోవలెనని కోరుచున్నాను: 63-0721 ఆయన శ్రద్ధ వహించుచున్నాడు. మీరు శ్రద్ధ వహించుచున్నారా?

సహోదరుడు. జోసఫ్ బ్రెన్హామ్

కూటముకు ముందు చదువవలసిన లేఖనములు:

పరిశుద్ధ. యోహాను 5:24 / 15:26
1 పేతురు 5:1-7
హెబ్రీ 4:1-4

గమనిక: నవంబర్ 5న, ఈ ఆదివారముతో జఫర్సన్ విల్ కు DST సమయము ముగిసిపోతుంది. దయచేసి మీ ప్రాంతములో టేపును ప్రారంభించుటకు మీ స్థానిక సమయమును సరిచూసుకోండి.

• 25-0831 మొర్రపెట్టనేల? మాట్లాడుము!
• 23-1022 మొర్రపెట్టనేల? మాట్లాడుము!
• 22-0417 మొర్రపెట్టనేల? మాట్లాడుము!
• 20-0426 మొర్రపెట్టనేల? మాట్లాడుము!
• 19-0804 మొర్రపెట్టనేల? మాట్లాడుము!
• 17-0604 మొర్రపెట్టనేల? మాట్లాడుము!

https://branhamtabernacle.org/te/streaming/viewservice/6BDC3DF3-2DEC-495B-957B-6C1ABE4F075C

ప్రియమైన దేవుని యొక్క ఆలయములారా,

నేను ఆయన సంఘమునైయున్నాను. మీరు ఆయన సంఘమైయున్నారు. మనము దేవుడు నివసించునట్టి ఆలయమైయున్నాము. మనము సజీవ దేవుని యొక్క సంఘమైయున్నాము; జీవముగల దేవుడు మనయందు జీవించుచున్నాడు. మన క్రియలు దేవుని యొక్క క్రియలైయున్నవి. మహిమ!!

ప్రపంచమంతటి నుండి చిన్న చిన్న స్థలములలో, మనమందరమూ కూడుకొనుచున్నాము; అందరమూ దేవుని యొక్క స్వరము చుట్టూ, ఈ దినము కొరకైన ఆయన వాక్యము చుట్టూ కూడుకొనుచున్నాము.

అది ఎంతో అద్భుతంగా ఉన్నది. దేనితో ఎటువంటి బంధాలు లేవు, కేవలం యేసు క్రీస్తు మరియు ఆయన వాక్యమునకు మాత్రమే కట్టుబడియున్నాము. అంతే, విరామ చిహ్నము. సాక్షాత్తు దేవుని స్వరము ద్వారానే పరిపూర్ణము చేయబడుతూ మనము కలిసి పరలోక స్థలములలో కూర్చొనియున్నాము.

మనము వెళ్ళుచున్నాము. మనమందరము వాగ్దాన దేశములోనికి వెళ్ళుచున్నాము. మనలో ప్రతీ ఒక్కరము! నీవు ఒక గృహిణివైనా గాని, ఒక చిన్న యువతివైనా గాని, ఒక వృద్ధురాలు, ఒక వృద్ధుడు లేదా ఒక యౌవ్వనస్థుడు, నీవెవరవైనా గాని, మనమందరమూ వెళ్ళుచున్నాము. మనలో ఒక్కరు కూడా విడిచిపెట్టబడరు. మనలో ప్రతీ ఒక్కరము వెళ్ళుచున్నాము, మరియు “మనము దేని కొరకును ఆగబోవడం లేదు.”

మనమందరము కలిసి ఉండాలని మనము నమ్ముచున్నాము. ఆ మహిమకరమైన రాకడ కొరకు ఎదురుచూస్తున్న, యేసు క్రీస్తు శరీరము యొక్క ఒక ఐక్యమైన గొప్ప గుంపైయున్నాము. మనము విడిపోకూడదు, కాని సువార్త బోధన యొక్క ఆ ఏర్పాటు చేయబడిన బాటను మానవుడు తప్పియున్నాడు.

ఏది సరియో ఏది తప్పో ఖచ్చితంగా చూపించుటకు ఏదో ఒక మార్గము ఉండవలసియున్నది. మరియు మీరు దానిని చేసే ఏకైక విధానమేదనగా, వాక్యమునకు ఎటువంటి అనువాదమునైనా ఇవ్వకుండా, కేవలం అది ఉన్న రీతిగానే దానిని చదివి మరియు ఆ విధంగానే దానిని నమ్మడమైయున్నది. ప్రతీ వ్యక్తి తన స్వంత అనువాదమును, మరియు అది దానిని ఏదో భిన్నమైనదిగా చెప్పునట్లు చేస్తుంది. వధువుకు దేవుని స్వరము కేవలం ఒక్కటి మాత్రమే ఉన్నది. ప్లే ను నొక్కండి!

నేను దీనిని ఈ టేపుపై చెప్పుచున్నాను, మరియు ఈ ప్రజల కొరకు చెప్పుచున్నాను, నేను పరిశుద్ధాత్మ ప్రేరేపణ క్రింద దీనిని చెప్పుచున్నాను: దేవుని పక్షమున ఉన్నవాడు ఎవడో, అతడు ఈ వాక్యము క్రిందకు వచ్చును గాక!

మన దినమునకైన వాక్యము ఒక స్వరమును కలిగియున్నది. మన ప్రవక్తయే ఆ స్వరమైయున్నాడు. ఆ స్వరము మన దినమునకు జీవించుచున్న వాక్యమైయున్నది. ఆ స్వరమును వినుటకు మరియు ఈ ఘడియను చూచుటకు మనము ముందుగా నిర్ణయించబడినాము, మరియు ఆ స్వరమును వినకుండా మనలను ఆపగలిగేది ఏదియు లేదు.

మన విశ్వాసము దానిని చూస్తుంది మరియు ఎవ్వరు ఏమన్నాగాని దానిని వినుటకు ఎంచుకుంటుంది. మనము వేరొక వైపుకు చూచుటకు మన గురిని మరల్చుకొనము. మనము మన గురిని ఖచ్చితంగా వాక్యము మీదనే ఉంచుతాము మరియు మన చెవులు ఆ స్వరమునకు శృతిచేయబడియున్నవి.

ప్రభువా, ఒక సమర్పణ భావముతో, మా హృదయముల నుండి నీ చెవుల యొద్దకు ఇది మా యొక్క యధార్థమైన ప్రార్థన.

అదేమిటనగా మా జీవితములు మారును గాక, ఈ దినము మొదలుకొని, మా ఆలోచనలో మరి ఎక్కువ సానుకూలముగా ఉందుము గాక. మేము దేవుడిని అడిగినది, దేవుడు ప్రతీ ఒక్కరికి అనుగ్రహిస్తాడని నమ్ముచు, మేము అంతటి మాదూర్యత మరియు సామాన్యతలో జీవించుటకు ప్రయత్నిస్తాము. మరియు మేము ఒకరికొకరమైనా లేదా, ఏ వ్యక్తికైనా వ్యతిరేకముగా కీడు పలుకము. మేము మా శత్రువులను ప్రేమించి మరియు వారి కొరకు ప్రార్థిస్తాము, మాకు కీడు చేయువారికి మేలు చేస్తాము. ఎవరు సరియో ఎవరు తప్పో అనుదానికి దేవుడే తీర్పరియైయున్నాడు.

ఆదివారమున, జఫర్సన్ విల్ కాలమానము ప్రకారము 12:00 P.M., సమయమప్పుడు వచ్చి మాతో కలిసి దేవుని స్వరమును వినుట ద్వారా మీ విశ్వాసమును అభిషేకించుకొనమని నేను మిమ్మల్ని ఆహ్వానిస్తున్నాను, అది మేము దీనిని వినుచున్నపుడైయున్నది: మొఱ్ఱపెట్టనేల? పలుకుము! 63-0714M.

సహోదరుడు. జోసఫ్ బ్రెన్హామ్

వర్తమానము: 63-0707M నేరారోపణ

PDF

• 23-1015 నేరారోపణ & సహవాసము
• 22-0416 నేరారోపణ
• 21-0404 నేరారోపణ

BranhamTabernacle.org

ప్రియమైన గృహ సంఘపు వధువా, ఈ ఆదివారము, జఫర్సన్ విల్ కాలమానము ప్రకారంగా 5:00 pm, సమయమప్పుడు, మనమందరము కూడుకొని మరియు, నేరారోపణ 63-0707m అను వర్తమానమును విందాము.

వెనువెంటనే మనము, 63-0707e సహవాసము అను వర్తమానమును వినుచుండగా మన గృహములలో ప్రభురాత్రి భోజనములో పాల్గొనే పరిశుద్ధ అవకాశము కొరకు మనల్ని మనము సిద్ధపరచుకుందాము. పిదప ప్రభురాత్రి భోజనము మరియు పాద పరిచర్య కార్యక్రమములో పాల్గొందాము. నేరారోపణ టేపు లాగానే, సహవాసము టేపు కూడా వాయిస్ రేడియోలో (ఆంగ్లములో మాత్రమే) ప్లే చేయబడుతుంది, అటు తర్వాత పియానో సంగీతం, పాద పరిచర్యను ప్రారంభించుటకు ఒక కొటేషన్, మరియు సాధారణంగా మనము గృహములో ప్రభురాత్రి భోజనపు కూడికలలో చేసినట్లే, సువార్త గీతములు ప్లే చేయబడతాయి.

ప్రభురాత్రి భోజనపు ద్రాక్షారసమును మరియు రొట్టెను పొందుకునే/తయారుచేసే విధానాలను గూర్చిన లింకులు క్రింద ఇవ్వబడినవి.

ఆయనతో చాలా ప్రత్యేకమైన ఒక దినమును గడుపుటకు మనలో ప్రతి ఒక్కరి గృహములోనికి రాజులకు రాజును ఆహ్వానించుటకు ప్రభువు మనకు ఏర్పాటు చేసిన మార్గమును బట్టి నేను ఎంతో కృతజ్ఞుడనైయున్నాను. మీ అందరినీ ఆయన బల్ల వద్ద కలుసుకొనుటకు నిశ్చయంగా నేను ఎదురుచూస్తున్నాను.

దేవుడు మిమ్మల్ని దీవించును గాక,

సహోదరుడు జోసఫ్ బ్రెన్హామ్

రొట్టెను చేయుటకు / ద్రాక్షారసమును తయారు చేయుటకు సూచనలు

ప్రభురాత్రి భోజనపు ద్రాక్షారసమును / పాదములు కడుగు పాత్రలను పొందుకొనుటకు సూచనలు

• 25-0914 నీ జీవితము సువార్తకు యోగ్యమైనదిగా ఉన్నదా?
• 23-1008 నీ జీవితము సువార్తకు యోగ్యమైనదిగా ఉన్నదా?
• 22-0415 నీ జీవితము సువార్తకు యోగ్యమైనదిగా ఉన్నదా?

BranhamTabernacle.org

ప్రియమైన దేవుని ప్రవక్త యొక్క మందా,

మనము ప్రార్థించుకుందాము.

పరలోకపు తండ్రీ, నిత్యత్వమునకు ఈవలి వైపున ప్రపంచమంతటి నుండి కూడుకొనుటకు మరొక సమయమును కలిగియున్నందుకు మేము ఎంతో కృతజ్ఞులమైయున్నాము. ఏక మనస్సు కలిగి మరియు నీతో ఏకాత్మలో ఉండుటకు; నీ స్వరము మాతో మాట్లాడుటను వినడానికి కృతజ్ఞులమైయున్నాము. ముందున్న ప్రయాణము కొరకు మమ్మల్ని ధైర్యపరచి మరియు బలపరచుటకు, నీ యొద్ద నుండి నూతన బలము రావలెనని మరొక్కసారి మేము ఎదురుచూస్తున్నాము.

మా కొరకు ఏర్పాటుచేయబడిన మన్నాను పొందుకోవడానికి మేము కూడుకొనుచున్నాము. అది ప్రయాణములో మాకు శక్తిని ఇచ్చుటకు నీవు దాచిపెట్టిన ఆ ఆత్మీయ మన్నాయైయున్నది. కేవలం అది మాత్రమే రాబోవు దినములలో మమ్మల్ని కాపాడగలదు.

నీవు నీ సంఘమును క్రమములో పెట్టగలుగుటకు ముందు, నీవు ఒక్క చోట, మమ్మల్ని సమకూర్చి, మరియు ఒక్క ఆత్మలోకి మమ్మల్ని తీసుకొనిరావలసియున్నదని, నీవు చెప్పావు. పిదప నాయకత్వం వహించుటకు నీవు నీ యొక్క పరిశుద్ధాత్మను పంపెదవు, ఏదో ఒక సార్వత్రిక సంఘ సమైఖ్యనో, ఏదో ఒక మనుషుల గుంపునో కాదు గాని, పెదవి నుండి చెవికి అన్నట్లు మాతో మాట్లాడేందుకు నీ పరిశుద్ధాత్మను పంపుతావు.

నీవు నీ యొక్క దూత ద్వారా మాట్లాడి మరియు మాకు ఇట్లు చెప్పావు:

“మీరు మీ సంఘ కాపరితో నిలబడాలని మరియు ఇక్కడ బోధించబడిన బోధనతో నిలబడాలని నేను కోరుచున్నాను. ఈ వాక్యముతో నిలిచియుండండి, దానిని విడిచిపెట్టకండి! ఏది ఏమైనా గానీ మీరు సరిగ్గా వాక్యముతో నిలిచియుండండి, ఆ వాక్యముతోనే నిలిచియుండండి!”

తండ్రీ, మేము నీ వాక్యమునకు విధేయులమై మరియు మా సంఘ కాపరితో నిలిచియుంటున్నాము. అది ఈ దినమునకు దేవుని యొక్క స్వరమైయున్నది, మా దినమునకు ప్రత్యక్షపరచబడి మరియు నిర్ధారించబడిన నీ యొక్క స్వచ్చమైన వాక్యమును మాత్రమే అతడు మాట్లాడుతాడు.

సొదొమ దినములలో జరిగినట్లు, మనుష్యకుమారుని రాకడలో జరుగునని నీవు మాకు చెప్పావు; మమ్మల్ని నడిపించుటకు మేము రెండు సంగతులను కలిగియుంటామని, మరియు మిగతా ప్రపంచము రెండు సంగతులను కలిగియుంటుందని నీవు చెప్పావు. వారి యొక్క రెండు సంగతులు ఇద్దరు ప్రసంగికులైయున్నారు.

కాని నీ యొక్క ఆత్మీయ సంఘమునకు, ముందుగా నిర్ణయించబడి, ఎన్నుకొనబడిన నీ యొక్క వధువుకు, మా రెండు సంగతులు ఏవనగా నీవు, ఒక మానవ శరీరములో ప్రత్యక్షపరచుకొని, అగ్నిస్తంభము ద్వారా మమ్మల్ని నడిపించడమైయున్నది.

గాలులు వీచనిమ్ము. తుఫానులు కుదుపనిమ్ము. మేము మాత్రం, ఎప్పటికీ సురక్షితంగా ఉన్నాము. మేము సరిగ్గా అక్కడ నీ వాక్యముపై విశ్రాంతి పొందుచున్నాము. సమయం ఆసన్నమైనది. ఆత్మీయ నిర్గమము వచ్చియున్నది. మేము నీ స్వరమును వినుచు, అనుదినము నీతో మాట్లాడుచు మరియు నీతో నడుచుచున్నాము. మేము నీతో ఒక స్థిరమైన సహవాసములో ఉన్నాము.

మేము నీ చేతులుగాను, నీ కళ్ళుగాను, నీ నాలుకగాను ఉండగోరుచున్నాము. నీవు ద్రాక్షావల్లివి, మేము నీ తీగెలమైయున్నాము. తండ్రీ, నీ ఫలమును మేము ఫలించుటకు, మమ్మల్ని ఉత్తేజపరచుము. నీ సువార్తకు యోగ్యమైన జీవితమును కలిగియుండాలన్నదే మా ఏకైక కోరికయైయున్నది.

తండ్రీ, నీ పనిని కొనసాగించుటకు మరియు నీ వాగ్దాన వాక్యమును నెరవేర్చుటకు, నిన్ను నీవు మా ద్వారా ప్రతిబింబించుకొనుము. నీతి యావత్తును నెరవేర్చడానికి, ఈ దినమునకు నీ వర్తమానికులుగా ఉండాలన్నదే మా కోరికయైయున్నది.

నీవు మాతో ఈ విధంగా చెప్పుటను వినాలని మేము కోరుచున్నాము:

రేడియో ద్వారా వినుచున్నవారు లేదా…టేపు రంగములో ఉన్నవారు, మరియు ఇక్కడున్నవారి కొరకు, నా ప్రార్థన ఇదే. “నేను బహుగా ఆనందించాను. జగత్తు పునాది వేయబడక ముందే మీ కొరకు సిద్ధపరచబడిన నిత్యత్వపు సంతోషాలలోనికి ప్రవేశించండి,” అని దేవుడు చెప్పునటువంటి జీవితమును, ఈ రాత్రి మొదలుకొని, ఇకమీదటను మనము జీవించునట్లు, పరలోకము యొక్క, కృపగల దేవుడు, మనందరిమీద తన యొక్క ధన్యకరమైన పరిశుద్ధాత్మను ప్రకాశింపజేయును గాక. పరలోకపు దేవుడు మీ అందరిమీద తన ఆశీర్వాదములను కుమ్మరించును గాక.

మహిమ…తండ్రీ అది మేమే, టేపు రంగములో ఉన్న నీ వధువైయున్నాము. నిజముగా, నీవు నీ ఆశీర్వాదములను మా మీదకు పంపుచున్నావు, మేము వింటున్న ప్రతీ వర్తమానము ద్వారా, నీవు బహుగా ఆనందించుచున్నావనియు, మేము నీ వదువైయున్నామనియు మాతో చెప్పుచున్నావు.

మా సంఘకాపరి చెప్పేది, దేవుడు తన వధువును బయటకు పిలిచి మరియు ఆమెను నడిపించుటకై లోకమునకు పంపినట్టి తన కాపరి చెప్పేది మీరు వినగోరిన యెడల, ఆదివారము, జఫర్సన్ విల్ కాలమానం ప్రకారంగా, 12:00 P.M., సమయముకు, వచ్చి మాతో కూడా చేరండి, దేవుని యొద్ద నుండి అతడు ఈ వర్తమానమును తెచ్చుచుండగా, అతడు నిత్యజీవపు మాటలు చెప్పడాన్ని వినేందుకు, మాతో కూడా చేరండి: నీ జీవితం సువార్తకు యోగ్యమైనదిగా ఉన్నదా? 63-0630E.

సహోదరుడు. జోసఫ్ బ్రెన్హామ్

ప్రియమైన నిర్గమపు వధువా,

ఈనాడు సంభవించుటను మనము చూస్తున్న ఈ కార్యములు, ఒక ఇరవై సంవత్సరాల క్రితం లేదా నలభై సంవత్సరాల క్రితం జరిగియుండేవి కావు; అవి ఈనాడు మాత్రమే జరుగుచున్నవి. ఇదే ఘడియయైయున్నది! ఇదే సమయమైయున్నది! అది నెరవేరుటకు ఇదే సమయమైయున్నది. దేవుడు దానిని వాగ్దానము చేశాడు, మరియు ఇదిగో అది ఇక్కడ ఉన్నది.

మనము ఆత్మీయ అవగాహనను కలిగియున్నాము; ఈ దేశము యొక్క అక్రమము సంపూర్ణమైనది. ఘడియ వచ్చియున్నది. వాగ్దాన దేశమునకు వెళ్ళుటకు సమయమైనది. కేవలం మరొక దేశమునకు వెళ్ళడం కాదు గాని, మనము ఎదురుచూసినటువంటి మన భవిష్యత్తు గృహమునకు వెళ్ళుటయైయున్నది.

కేవలం దాని గూర్చి ఆలోచించండి, మనల్ని నడిపించేది ఒక ప్రవక్త కంటే గొప్పదైయున్నది. అది దానిని నిరూపించుటకు తన వాక్యముతో, దేవుడే మన మధ్య శరీరధారియగుటయై యున్నది. ఏ ఇతర ప్రవక్త కంటెను వెయ్యి రెట్లు అధికముగా నిరూపించిన ఒక ప్రవక్త. ఆ వాగ్దాన దేశమునకు, ఆ వెయ్యేండ్ల పాలనకు మనల్ని నడిపించుచున్నది అగ్నిస్తంభమైయున్నది.

అతడు తప్పిపోకుండా ఉండటం కోసం, ఆయన మన ప్రవక్తను ఎన్నుకొని మరియు అతనికి అగ్నిస్తంభమనే ఒక సహజాతీతమైన సూచనను ఇచ్చాడు. ప్రవక్త చెప్పినవి స్వయంగా దేవుని యొక్క మాటలే. ఆయన తననుతాను మనకు నిర్ధారించుకొని, మరియు ఆయన యొక్క సంపూర్ణ వాక్య ప్రత్యక్షతను మనకు ఇవ్వడానికి, ఆయన మన ప్రవక్తను తీసుకొని, అతనికి తర్ఫీదు ఇచ్చి, పిదప అగ్నిస్తంభముతో అతణ్ణి మన వద్దకు పంపించాడు.

మనము ఆ వాగ్దాన దేశమునకు వెళ్ళగోరినయెడల, దేవుడు తన ప్రణాళికను మార్చలేడని, మరియు ఆయన దానిని మార్చడని, మనము ఎప్పుడూ మర్చిపోకూడదు. ఆయన దేవుడైయున్నాడు, మరియు ఆయన అలా చేయలేడు. ఆయన ఎన్నడూ ఒక గుంపుతో వ్యవహరించడని ఆయన మనకు చెప్పాడు. ఆయన ఎన్నడూ ఆ విధంగా వ్యవహరించలేదు. ఆయన ఒక్కొక్కరిగా మనతో వ్యవహరిస్తాడు. మనలను ఈ దేశానికి నడిపించేందుకు మనకు మలాకీ 4 ను పంపుతాడని ఆయన తన వాక్యములో మనకు వాగ్దానం చేసాడు, మరియు ఆయన పంపించాడు.

అయితే మీరు చూడండి, ఆహాబు ఒక పద్దతిని కలిగియున్నాడు, అది దేవుని యొద్ద నుండి వచ్చినదని అతడు అనుకున్నాడు. అతడు ఇట్లన్నాడు, “విద్యావంతులు మరియు తర్ఫీదు పొందినవారైన, నాలుగు వందల మందిని నేను కలిగియున్నాను.” మరియు ఈనాడు పరిచారక గుంపులు చెప్పుకొనుచున్నట్లే, తాము హెబ్రీ ప్రవక్తలని వారు చెప్పుకున్నారు.

అనేకులు దీనిని స్వీకరించగోరరు, కానీ పాత కాలపు ఏలియా వలెనే, దేవుని యొక్క ఏడవ దూత వర్తమానికుడైన, మన కాపరి, ఆయన యొక్క వధువును నడిపించుటకు ప్రపంచానికే కాపరియైయున్నాడు.

ఆయన మలాకీ 4:5, మరియు ప్రకటన 10:7 అయ్యున్నాడు. ఆయన తన గురించి బైబిలు గ్రంథము ముందుగా చెప్పిన లేఖనాలన్నింటి యొక్క నెరవేర్పుయై యున్నాడు. ఈ వర్తమానమే, ఈ స్వరమే, తన వధువును పిలుచుచున్న దేవుని యొక్క స్వరమైయున్నది. ఇది ఈ దినము కొరకైన దేవుని యొక్క నమూనాయైయున్నది.

అది అదే అభిషేకించబడిన పద్దతి ద్వారా, అదే అగ్ని స్తంభమైయున్నది. అదే దేవుడు అవే కార్యములను చేయుచున్నాడు.

ఇప్పుడు వాక్యము శరీరధారియై మరియు ఆయన యొక్క వాక్య వధువైయున్న మన శరీరములో, మన మధ్య నివసించుచున్నది.

మనము ఆయనకు కేకలు పెట్టి మరియు ఆయనకు కృతఙ్ఞతలు చెల్లించుదాము, ఆయనను స్తుతించుదాము, ఆయన మన కొరకు చేసిన దానంతటికి: మనలను రక్షించినందుకు, మనలను ముందుగా ఏర్పరచుకున్నందుకు, మనలను నీతిమంతులుగా తీర్చినందుకు ఆయనను ఆరాధించుదాము.

సరిగ్గా ఇప్పుడు ఆయన మన కొరకు ఏమి చేస్తున్నాడంటే; మనము ఎవరమన్నది మనకు చెప్పుచూ, ప్రత్యక్షత వెంబడి ప్రత్యక్షతను మనకు ఇచ్చుచున్నాడు. మరియు ఆయన మన కొరకు చేయబోయేదంతా ఏమిటంటే… వచ్చి మరియు ఆయన వధువుగా మనలను తీసుకొని మరియు నిత్యత్వమంతా మనము ఆయనతో ఉండటానికి, ఆయన మన కొరకు చేసిన భవిష్యత్తు గృహముకు మనలను తీసుకొనిపోవడమైయున్నది.

మనకు అవసరమైన దేనికొరకైనా, ఆయనకు మొఱ్ఱపెట్టండి. తన పిల్లలు దానిని చేయాలనే ఆయన కోరుచున్నాడు. మనము తృప్తిచెంది మరియు మనకు అవసరమైనదానిని పొందుకునేంత వరకు ఆయనకు మొఱ్ఱ పెట్టండి.

వచ్చి మరియు ఆయన యొక్క వధువులో ఒక భాగముతో ఐక్యమై జఫర్సన్ విల్ కాలమానం ప్రకారము ఆదివారము 12:00 P.M., గంటలకు ప్రపంచానికి దేవుని యొక్క కాపరియైయున్న, విలియమ్ మారియన్ బ్రెన్హామ్ గారు, మనకు దీనిని చెప్పుటను వినండి: తృతీయ నిర్గమము 63-0630M.

సహోదరుడు. జోసఫ్ బ్రెన్హామ్

వర్తమానమునకు ముందు చదువవలసిన లేఖనాలు:

నిర్గమకాండము 3:1-12
ఆదికాండము 37 వ అధ్యాయము
ఆదికాండము 43 వ అధ్యాయము

వర్తమానము: 63-0623E ఆయన రాకడకు ముందే ప్రకాశిస్తున్న ఎర్రని దీపము

BranhamTabernacle.org

ప్రియమైన నిర్భయమైన వధువా,

హెచ్చరిక!! హెచ్చరిక!! ఎఱ్ఱని దీపము ప్రకాశించుచున్నది. తెర దించబడే సమయం సమీపించియున్నది. మనము ప్రతీది, ప్రతీదానిని ప్రక్కకు పెట్టి, మరియు సిద్ధముగా ఉండవలసియున్నది. మనము అంతమున ఉన్నాము. మనము ఆది నుండి ఎదురుచూస్తూ ఉండిన సమయము ఆసన్నమైనది. ప్రవచనము ఇప్పుడు నెరవేర్చబడుచున్నది.

1963 ను దాటి అరవై సంవత్సరాలకు ముందు ఈ దినమును అనగా సెప్టెంబరు 2023 ను చూడటానికి, మన దినములో జరిగే ప్రతీదానిని చూచుటకు…ప్రపంచము ఉండే స్థితిని, స్త్రీల యొక్క అనైతికతను, సంఘము ఉన్నటువంటి స్థితిని, ప్రజల యొక్క పిచ్చితనమును; దుర్మార్గముగా, గ్రుడ్డిదై, దిగంబరియై, ప్రభుత్వము యొక్క శాఖలన్నిటిలోను ఉన్నటువంటి ఆ మహా వేశ్యను, రాజకీయములో కుళ్ళును చూచుటకు దేవుడు తన గొప్ప పక్షిరాజు వర్తమానికుడిని ఆకాశాములోనికి కొనిపోయాడు, మరియు అతడు సంభవించబోవువాటి గూర్చి మనలను హెచ్చరించాడు.

అది ఎలా ఉంటుందని అతడు మనకు చెప్పాడో సరిగ్గా అలాగే అది మన కన్నులయెదుట నెరవేరియుండుటను మనము ఇప్పుడు చూస్తున్నాము. ఈ సంగతులన్నియూ జరుగుటను చూసినది మనమే. ప్రతీది దాని స్థానములో ఉన్నది. అది మురికితో నిండిన ఒక పెద్ద కుండవలె అయిపోయినది.

ప్రపంచమంతయూ ఒక భయాందోళనతో ఉన్నది. ఏ నిరీక్షణయూ మిగిలిలేదని వారికి తెలుసు. రోజురోజుకి అది ఇంకా దరిద్రముగా మారుచున్నది. భూమిమీదంతట భయము వ్యాపించుచున్నది. ఆర్ధిక వ్యవస్థ కూలిపోయినది, కారణము లేకుండా హత్యలు జరుగుచున్నవి, స్త్రీలు పురుషులుగా ఉండగోరుచున్నారు, పురుషులు స్త్రీలుగా ఉండగోరుచున్నారు. ఏదైనను మరియు ప్రతీదియును అంగీకరించబడుచున్నది. ఏ క్షణములో ఏమి జరుగవచ్చునో గదా? అది ఒక అగ్ని పర్వతమువలె ఉన్నదని వారికి తెలుసు; అది ఏ క్షణములోనైనా పేలబోవుచున్నది. వారి ముఖములపైనను, వారి క్రియలలోను మీరు దానిని చూడవచ్చు, ఏ నిరీక్షణ లేదు, భయమేయున్నది.

క్రైస్తవులని-చెప్పుకునేవారు కూడా లింగ-మార్పిడి చేసుకున్నవారిని సంఘ కాపురులుగా, ప్రజల యొక్క ఆత్మీయ నాయకులుగా స్వీకరిస్తున్నారు. ఇది సొదొమ గొమొఱ్ఱా కంటెను దరిద్రముగా మారినది. సాతానుడు మరియు వాడి రాజ్యము ఐక్యమగుచు ఒక్కటైపోయినది. వాడు వాని లక్ష్యమును సాధించాడు.

అయితే దేవునికి మహిమ, ఈ గందరగోళము మరియు ఈ భయమంతటి మధ్య, తండ్రి, తన యొక్క ఎన్నుకోబడిన ప్రజల గుంపును మరియు తన యొక్క ప్రియ వధువునుయైన, మనలను తన చేతులలో భద్రముగా ఉంచాడు మరియు ముందెన్నడూ లేనంతగా ఆయనతో ఒక ఆత్మీయ ఐక్యతను మనము కలిగియుంటున్నాము. ఇది మన జీవితాలలో అతి గొప్ప ఘడియయైయున్నది. ఇది అద్భుతమైనది. ఇది మహిమకరమైనది. ఇది సహజాతీతమైనది. ఇది మనము వ్యక్తపరచగలిగే మాటలకు మించియున్నది.

మన శరీరము వాక్యమగుచున్నది, మరియు వాక్యము శరీరమగుచున్నది; వ్యక్తపరచబడుచున్నది, నిర్ధారించబడుచున్నది. ఈ దినమున ఏమి జరుగునని బైబిలు గ్రంథము చెప్పెనో, దినదినము, సరిగ్గా అదే జరుగుచున్నది.

కార్యములు, మనము వాటితో కొనసాగలేకపోయేంత వేగముగా జరుగుచు, నెరవేరుచున్నవి. మనము ఆయనతో ఐక్యమవ్వుటకు; మన ప్రభువైన యేసు యొక్క రాకడకు మనమెంతో సమీపమున ఉన్నాము, అక్కడ వాక్యము వాక్యముగా మారుతుంది.

మన చుట్టూ ఈ సంగతులన్నీ జరగడంతో, ఇంతకంటే సంతోషముగా, ఇంతకంటే సంతుష్టిగా లేదా ఇంతకంటే పరిపూర్ణ సంతృప్తితో మనము ఎన్నడూ లేము. మన హృదయములు మరియు అంతరాత్మలు చెప్పలేని ఆనందముతో మరియు మహిమతో నిండి ఉబుకుచున్నవి. ఇది ఒక నమ్మలేని నిజము.

ఆది నుండియే మనము దేవుని యొక్క కుమారుడిగా మరియు కుమార్తెగా ఉండుటకు, ఏర్పర్చబడ్డామని ఎరిగియుండి, మనము ముందెన్నడూ లేని విధంగా ఆదరణ పొందుచున్నాము.

మనము క్రీస్తు యొక్క రక్తములో కడుగబడిన, క్రీస్తు యొక్క పరిశుద్ధ వధువైయున్నాము. ప్రశస్తమైన, పరిశుద్ధమైన, పాపములేని దేవుని కుమారుడు, తన స్వంత రక్తపు నీటిలో తాను కడిగినటువంటి ఒక నిష్కలంకమైనదై, సంకరము లేని వాక్య-వధువుతో నిలబడియున్నాడు. కాలము ప్రారంభమవ్వుటకు ముందే, ఆయన వలెనే, మనము తండ్రి యొక్క రొమ్మున ఏర్పరచబడియున్నాము…మహిమ!! హల్లేలూయా!

మనము అది మాత్రమే కాదు గాని, అతి త్వరలో, ఏర్పరచబడినవారి యొక్క పెండ్లి ఉంగరమును ధరించుకొని, మనము ఆకాశములో ఆ వివాహములోనికి వెళ్ళుచున్నాము. ఆయన మనలను ఎరిగియున్నాడు…కేవలం దానిని ధ్యానించండి, జగత్తు పునాది వేయబడక ముందే ఆయన మనలను ఎరిగియున్నాడు, కావున అక్కడే ఆయన మనకు ఆ పెండ్లి ఉంగరమును తొడిగి మరియు మన పేరును తన యొక్క నూతన గొర్రెపిల్ల జీవగ్రంథములో ఉంచాడు, క్షమించబడుట మాత్రమే కాదు గాని, నీతిమంతులుగా తీర్చబడియున్నాము.

దీనంతటినీ పొందుకోవడానికి ఒకే ఒక్క మార్గము కలదు, మీరు దేవుడు ఏర్పాటుచేసిన ఒకే ఒక్క మార్గము ద్వారా రావలసియున్నది. అసలైన వాక్యము ద్వారాయైయున్నది, ప్లే నొక్కండి.

మేము ఈ ప్రత్యక్షతను కలిగియున్నందుకు ఎంతో కృతజ్ఞులమైయున్నాము. అది మాకెంతో తేట తెల్లముగా ఉన్నది. రక్తమాంసములు దీనిని మాకు బయలుపరచలేదు, కానీ పరలోకమందున్న మా తండ్రి మాకు దీనిని బయలుపరిచాడు మరియు దానికై మేము ఆయనను ఎంతగా ప్రేమిస్తున్నామో ఆయనకు వ్యక్తపరిచేందుకు మాటలు లేనేలేవు…అద్భుతమైన కృప.

పెదవి నుండి చెవికి అన్నంత సమీపముగా దేవుని యొక్క స్వరము మీతో మాట్లాడుటను వినుటకు మించినది మరేదియు లేదు. మన అంతరాత్మను నింపివేసే ఆనందము. ఆలోచించడమనేది లేదు, ఊహించడమనేది లేదు, లేదు, కనీసం నిరీక్షించడమనేది కూడా లేదు, అది యెహోవా ఈలాగు సెలవిచ్చుచున్నాడు అని, మనకు తెలియును. టేపు మీద తప్ప మరే స్థలములోను అటువంటి 100% నిశ్చయతను మీరు కలిగియుండలేరు.

మనము జీవించుచున్న దినమును గూర్చి, దేవుడు మాకు చెప్పడాన్ని మేము వింటుండగా, తన యొక్క గొప్ప పక్షిరాజు ప్రవక్త ద్వారా ఆయన మాట్లాడుచు మరియు ఈ వర్తమానమును మాకు ఇచ్చుచుండగా మీరును మాతో చేరవలెనని నేను మిమ్మల్ని ఆహ్వానించగోరుచున్నాను: ఆయన రాకడను సూచించే ప్రకాశించుచున్న ఎఱ్ఱని దీపము 63-0623E.

ప్రపంచవ్యాప్తంగా, జఫర్సన్ విల్ కాలమానము ప్రకారంగా 12:00 P.M గంటలకు., మేము కూడుకుంటాము. మీరు మాతో కలవలేనియెడల, మీరు ఎక్కడున్నా గాని, మీరు ఏమి చేస్తున్నా గాని, ప్లేను నొక్కి మరియు ఆ నిత్యజీవపు మాటలను వినండి.

సహోదరుడు. జోసఫ్ బ్రెన్హామ్

వర్తమానమును వినుటకు ముందు చదవాల్సిన లేఖనములు:

పరి. మత్తయి 5:28 / 22:20 / 24వ అధ్యాయము
2 తిమోతీ 4వ అధ్యాయము
యూదా 1:7
ఆదికాండము 6వ అధ్యాయము