All posts by admin5

24-1201 Inkumi Cumi, N’ Abayuda Ibihumbi Ijana Na Mirongo Ine Na Bine

Ubutumwa: 60-1211m Inkumi Cumi, N’ Abayuda Ibihumbi Ijana Na Mirongo Ine Na Bine

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

24-1117 Igihe C Ishengero Ry I Sarudi

Mesagj: 60-1209 Igihe C Ishengero Ry I Sarudi

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bantu ba Bande,

Ese ukuntu twishimiye kwitwa « Abantu ba Bande ». Imitima yacu iragurugumba n’umunezero buri yinga tuzi ko tuzohurizwa hamwe kw’isi yose mu kwumviriza Ijwi ry’Imana Rivugana natwe.

Turazi, ata kantu k’ugukekeranya na gatoya, ko turi mu Bugombe bw’Imana butunganye mu kugumana n’Ijambo ryaYo; kwumviriza Ijwi ryaYo biciye ku ntumwa mumarayika w’indwi waYo w’inkomezi.
Intumwa Yatoye w’igihe cacu ni William Marrion Branham. Ni itara ry’Imana kw’isi, rimurika umuco w’Imana. Iriko Irahamagara Umugeni w’Ijambo ryaYo Ritagira agatosi Yatoye biciye ku mumarayika waYo.

Mu kwiga twitonze Ijambo RyaYo, Yaraduhishuriye muri Mpwemu Yera wiwe ko William Marrion Branham ari umumarayika Yatoye ngo amuhe Uguhishurwa n’Ubusuku bw’iki gihe cacu. Turabona umumarayika waYo, INYENYERI YACU, mu kuboko kwaYo kw’iburyo mu gihe Imuha ububasha bwiwe bwo guhishura Ijambo RyaYo no guhamagara Umugeni WaYo.

Yaduhaye Uguhishura kwose kwaYo bwite. Mpwemu Yera Yimenyekanisha kuri twebwe biciye mu buzima bw’intumwa mumarayika waYo w’indwi; umumarayika yatoye ngo abe amaso yaYo y’igihe cacu.

Ingene imitima yacu igurumanira muri twebwe mu gihe Itubwira na buri Butumwa ko ari intumbero yaYo yo kutuzana kuri We; ko turi Umugeni Jambo waYo.

Ikunda kutubwira kenshi ukuntu Yadutoranije imbere y’itanguriro ry’isi MURI WE. Ukuntu twamenywe mbere y’igihe kandi twakunzwe na Yo.

Ese ukuntu dukunda kuYumva Ivuga kandi Itubwira ko twacunguwe n’Amaraso yaYo kandi ko tudashobora NA RIMWE kucirwako iteka. Ntidushobora kwigera tuba mu rukinja, kuko icaha kitashobora kuduharurwako.

Ukuntu tuzokwicarana na Yo mu gihe Izofata intebe y’ubwami yaYo yo kw’isi ya Dawidi, maze tukaganzana na Yo; nk’uko Yabigize mw’ijuru, Ifise inkomezi n’ububasha kw’isi yose. Ibipimo n’ibigeragezo vy’ubu buzima bizosa nk’aho ata co bimaze ico gihe.

Ariko kandi yaratugabishije ukuntu dutegerezwa kwiyubara. Ko mu bihe vyose iyo mizabibu ibiri yakuze yegeranye. Ukuntu umwansi yama ari hafi cane; ahendana cane. Mbere na Yuda yari yatowe n’Imana, kandi yigishijwe mu kuri. Yarasangira ubumenyi bw’amabanga. Yari afise ubusuku bw’inkomezi yahawe kandi yarakiza abarwayi akongera akirukana amadayimoni mw’Izina Rya Yesu. Ariko ntiyashobora kugenda inzira yose.

Ntushobora kujana n’igice gusa c’Ijambo, utegerezwa gufata Ijambo RYOSE. Hariho abantu basa n’abagira uruhara mu bintu vy’Imana hafi ijana kw’ijana, ariko si ko biri.

Yavuze ko bitari bihagije ko Yifatanije ubwaYo n’ishengero ryose, canke mbere n’ubusuku bw’ibikorwa bitanu vy’Abanyefeso kane. Yaratuburiye ko mu gihe cose ishengero rizimira, kandi si abakristo basanzwe gusa ariko n’umugwi w’abakuru b’idini — abungere barihenda nk’uko intama zihenda.

Rero kubera impanuro ntabanduka y’ubugombe bwaYo bwite, Yariyiziye ubwaYo ku rubuga mu gihe cacu nk’Umwungere Mukuru mu gikorwa c’intumwa mumarayika waYo w’indwi kugira ngo Isubize abantu baYo mu kuri no mu nkomezi nyinshi z’ukwo kuri.

Iri mu ntumwa yaYo kandi uwogira ukunengesera kw’Imana yokurikira iyo ntumwa nk’uko iyo ntumwa iyobokera Umwami mw’ijambo ryiWe.
Ndashaka kugira ukunengesera kw’Imana no gukurikira intumwa yaYo. Gutyo, kuri twebwe, Branham Tabernacle, uburyo bwonyene bwo gukurikira intumwa uko ikurikira Umwami mw’Ijambo ryiWe, ni UGUFYONDA TUKAVUZA maze tukumva Ijwi ry’Imana Ritagira agatosi Ritubwira amajambo y’ukutihenda.

Ntidutegerezwa gukeka canke gusuzuma ivyo twumva, dutegerezwa gusa Gufyonda Tukavuza tukizera Ijambo Ryose turiko turumviriza.
Narumvise mweneData Branham avuga amajambo akurikira mu gitondo kimwe kw’iradiyo y’Ijwi. Igihe naRyumva, vyaje mu mutima wanje ko ari uko nyene jewe / twebwe twiyumva mu kuvuga ngo:

TURAFYONDA TUKAVUZA TUKUMVIRIZA AMABANDE.

Vyumvikana nk’itangazo ry’Ukwizera kwacu kuri jewe.
Ni yo mpamvu nizera ubu Butumwa, ni ukubera Buva mw’Ijambo ry’Imana. Kandi ikintu cose kiri hanze y’Ijambo ry’Imana, sindacemera. Vyoshobora kuba uko, ariko n’ubu nzogumana gusa n’ivyo Imana Yavuze, kandi rero menye neza ko ndi mu kuri. Rero, Imana irashobora gukora ivyo Ishaka. Ni Imana. Ariko igihe cose nzogumana n’Ijambo ryaYo, rero nzomenya ko ari vyiza cane. Nizera ivyo.

Imana Ishimwe, yabivuze mu buryo BUTUNGANYE. Ibindi bikorwa vy’Imana vyose vyoshoboka, kuko Imana Ishobora gukora ivyo Ishaka, hamwe n’uwo Ishaka, Ni Imana. Ariko igihe cose nzoba ngumana n’Ijambo ryaYo, Ijwi RyaYo, Ayo Mabande, rero nzomenya ko vyose ari vyiza. Nizera ivyo.

Ndazi ko benshi basoma amakete yanje ntibatahure neza ivyo mvuga n’ivyo nemera ko ari Ubugombe bw’Umwami kw’ishengero ryacu. Ese nosubira kuvuga mu kwicisha bugufi nk’uko umuvugishwa yabivuze ati: «Aya makete agenewe ishengero ryanje gusa. Abo bipfuza kwita Ihema rya Branham ishengero ryonyene. Abo BIFUZA KUMENYWA NO KWITWA ABANTU B’AMABANDE”.

Niba mutemeranya n’ivyo mvuga kandi nizera, ivyo ni vyiza 100% beneData. Amakete yanje ntagenewe mwebwe canke ngo arwanye mwebwe canke amashengero yanyu. Ishengero ryawe ririgenga kandi utegerezwa gukora uko wumva urongowe gukora, ariko bijanye n’Ijambo, rero ni ayanyu, kandi ibi ni vyo twizera ko ari inzira Imana Yaduhaye.

Bose bama batumiwe kwifatanya natwe buri musi w’iyinga isaha zitandatu ku mutaga, isaha ya Jeffersonville. Iri yinga, Inyenyeri y’Imana y’igihe cacu, William Marrion Branham Azotuzanira Ubutumwa, Igihe c’Ishengero c’i Sarudi, Bwavuzwe kw’igenekerezo rya 9 kigarama, umwaka wa 1960.

MweneData Joseph Branham.

24-1110 Igihe C Ishengero Ry I Tuwatira

Ubutumwa: 60-1208 Igihe C Ishengero Ry I Tuwatira

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wamurikiwe,

Ese ukuntu Umwami Ariko Araduhishurira ko mu bihe vyose hamye hariho umugwi mutoya cane wagumanye n’Ijambo ryiWe. Ntibaguye mu mutego w’uruhendo rw’umwansi, ahubwo bagumye ari abanyakuri kandi b’abizigirwa kw’Ijambo ry’igihe cabo.

Ariko ntihigeze na rimwe haba igihe, canke umugwi w’abantu, Umwami Yishimira, canke Yizigira, kuruta twebwe. Turi Umugeni wiWe w’Umupfasoni Yatoranijwe Atazo, kandi mbere n’ikiruta vyose, ADASHOBORA guhendwa; kuko twumva Ijwi ry’Umwungere kandi tukaMukurikira.
Ariko Aratwereka ko mu bihe vyose habayeho imigwi ibiri y’abantu, yompi bamenyesha uguhishurirwa kwabo kuvuye ku Mana n’ubucuti bafitaniye n’Imana. Ariko Yatubwiye Ati, Umwami Arabazi ko ari abiWe. Arakurikirana ivyiyumviro vyacu. Arazi ikiri mu mitima yacu. Abona ibikorwa vyacu mu kugumana n’umuhanuzi n’Ijambo ryiWe, ari vyo ukugaragaza kudasubirwako kw’ibiri muri twebwe. Impamvu zacu, intumbero zacu birazwi kuri We mu gihe Yitegereza igikorwa cacu cose.

Atubwira ko amasezerano yose Yatanze igihe cose, ari AYACU. Aratubona tuguma dukora ibikorwa vyiWe mu bwizigirwa gushika kw’iherezo. YADUHAYE ububasha ku mahanga. Atubwira ko turi abategetsi bakomeye, bashoboye, badahesha, bashobora guhangana mu nkomezi nyinshi n’ibintu ivyo ari vyo vyose. N’umwansi yihebuye cane azomenagurwa nimba bikenewe. Ukwerekana kwacu kw’ubutegetsi mu bubasha bwiWe kuzoba nk’ukw’Umwana nyene. IMANA ISHIMWE!!

Twarabonye ubwina bw’Imana mu buzima bwacu. Ni imigenderanire y’umwe wese na Mpwemu w’Imana mu kugerera muri twebwe. Ubwenge bwacu buramurikirwa n’ubwenge n’ubumenyi bw’Imana biciye mw’ijambo ryaYo.

Tuja aho Umukwe ari hose. Ntituzokwigera dusigwa na We. Ntituzokwigera tuva iruhande yiWe. Tuzosangira na We intebe y’ubwami. Tuzokwambikwa igitsibo c’ubwiza n’icubahiro vyiWe.

Yaraduhishuriye ukuntu umwansi yabaye umubeshi mu bihe vyose n’ukuntu bihambaye KUGUMANA N’IJAMBO RYIWE RY’INKOMOKO. Nta Jambo na rimwe rishobora guhindurwa. Igihe cose congereyeko kandi kigakurako, gishira insobanuro yaco kw’Ijambo Ry’inkomoko; kandi barazimira ibihe bidashira mu gukora gutyo.

Mu Gihe c’Ishengero ry’i Tuwatira, iyo mpwemu y’ububeshi yaragiye muri papa w’i Roma maze ahindura Ijambo RyiWe. YaRigize “umuhuza umwe hagati y’Imana n’umuntu (atari abantu).” Ubu rero ahuza hagati y’umuhuza n’abantu. Gutyo, umugambi wose w’Imana warahinduwe; si mu guhindura ijambo, ahubwo mu guhindura URUDOME RUMWE. Satani yahinduye “BA” ayigira “MU”.

N’Ijambo Ryose rizocirirwa urubanza n’Ijambo ryiWe ry’Inkomoko Ryavuzwe ku ma bande. Kubw’ivyo Umugeni WiWe ATEGEREZWA kugumana n’amabande. Mu gihe umwansi agerageza guca intege abantu mu kubaha gahunda itandukanye, iciyumviro gitandukanye, indome zitandukanye, Umugeni AZOGUMANA N’IJAMBO RY’INKOMOKO.

Mu gihe cose Yesu Yimenyekanisha n’intumwa y’ico gihe. Baronka kuri We uguhishurirwa kw’Ijambo ry’igihe cabo. Uku guhishurirwa kw’Ijambo gusohora mw’isi Uwatoranijwe w’Imana kandi kumwinjiza mu bumwe bwuzuye na Yesu Kristo.

Yahamagaye kandi Yagenye abantu benshi kuba umuhezagiro kw’ishengero, Ariko Afise GUSA INTUMWA IMWE Yahamagaye KURONGORA ishengero ryiwe na Mpwemu Yera WiWe. Hariho IJWI RIMWE rifise Uko Ni Ko Uhoraho Agize. Hari IJWI RIMWE Yavuze ko Azoduciramwo urubanza. Hariho IJWI RIMWE Umugeni WiWe Ariko Ashirako amerekero yabo y’ibihe bidashira. IRYO JWI NI IJWI RY’IMANA RIRI KU MABANDE.

Mugeni, ubugombe bw’Imana kuri twebwe ni Ugutungana, kandi mu maso yaYo, TURATUNGANYE. Kandi ukwo gutungana ni ukwihangana, kurindira Imana… no kurindira Imana. Itubwira ko ari inzira y’ugutera imbere kwa kamere kacu. Turashobora kugira ibipimo vyinshi, ibigeragezo n’imibabaro, ariko ubwizigirwa bwawe kw’Ijambo ryaYo gukora ukwihangana muri twebwe ku buryo dushobora kuba abatunganye kandi buzuye, badahajije na kimwe.

Ntituzokwigera twibagira ko UKWIZERA kuzanwa no kwumva, kwumva Ijambo, kandi Ijambo riza ku muhanuzi.
Ni muze mubone umunezero mwinshi cane wo mu buzima bwanyu mwicaranye natwe ahantu ho mw’Ijuru mu gihe twumva Ijwi ry’Imana Rituzanira Ijambo kw’ Ishengero ry’i Tuwatira, Ubutumwa Bwavuzwe kw’igenekerezo rya 8 kigarama, umwaka wa 1960, isaha zitandatu ku mutaga, isaha ya Jeffersonville (isaha imwe y’ijoro mu Burundi).

MweneData Joseph Branham

24-1103 Igihe C Ishengero Ry I Perugamo

Ubutumwa: 60-1207 Igihe C Ishengero Ry I Perugamo

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Inkumi Utakozweko,

Mbega mwararyohewe n’Ibihe Ndwi vy’Ishengero ? Imana Iriko iha umuvyuro Umugeni WaYo nk’uko bitigeze bibaho mbere. Iriko Iraduha Uguhishurirwa kurushirijeho, ukwizera kurushirijeho, n’ivyizigiro birushurijeho tumenya abo turi bo, n’ico turiko turakora mu kwitondera Ijambo, Inzira yaYo Yatanze y’iki gihe.

Ubu Itubwira Iti, « Kuva ku gikorane co kuw’iyinga, mwambare ivyiyumviro vyanyu vya Mpwemu. Mureke Mpwemu Yera Avyinjize kandi mufate ugukora kwa mpwemu mu vyo ngiye gukora vyose. Ni Ijambo RyaNje Ryagizwe Rizima na Mpwemu, Ryavuzwe n’umuhanuzi waNje wo muri Malaki 4.

Dusome kandi dufate bikeya vy’Amajambo YaYo maze dushire ivyiyumviro vyacu vya mpwemu kuri Yo.

Imana Yashizeho umurongozi waYo yuzuye Mpwemu kubw’umugwi waYo wuzuye Mpwemu, umumarayika waYo ; kandi Yamushizeko ikidodo c’izina ariko ntategerezwa kubihishura. Ategerezwa kuvyigumiriza, murabona, « Nta muntu arizi kiretse we ubwiwe. »

Rero Imana Yahaye Umugeni WaYo umurongozi yuzuye Mpwemu kubw’umugwi waYo wuzuye Mpwemu. UMURONGOZI ATARI ABARONGOZI kubw’umugwi waYo wuzuye Mpwemu.

Araje mw’isi vuba, umumarayika ahambaye w’Umuco azoza kuri twebwe, azodusohora, Mpwemu Yera Ahambaye, Azoza mu nkomezi kandi Azotuyoborera ku Mwami Yesu Kristo.

Umumarayika ahambaye w’Umuco. Ninde mumarayika ahambaye w’Umuco muri iki gihe ca nyuma ? William Marrion Branham. Ntavuga Mpwemu Yera. Yaramaze kuza kandi avuga ko azoza.

AZODUSOHORA. Turazi vy’ukuri kandi twizeye ko ari Mpwemu Yera Aturongora, ariko Ashira neza umumarayika waYo na Mpwemu Yera hamwe kandi Avuga (Mpwemu Yera) ko Azoturongora (BICIYE) ku mumarayika waYo ahambaye w’Umuco.

Abandanya kubafataniriza hamwe mu kuvuga :

Nkumbure ntazobimenya.

Ntavuga ko Mpwemu Yera Atazomenya uwo ari we, ariko intumwa mumarayika waYo wo kw’isi Yatoreye KUDUSOHORA.

Ariko azoba ari ng’aha muri iyi minsi. Azokora… Imana Izomumenyekanisha. Ntazotegerezwa kwimenyekanisha ubwiwe, Imana Izomumenyekanisha. Imana Izokwemeza abaYo.

Ubugira kandi Ntivugako MPwemu Yera Azoba ng’aha MURI IYI MINSI, ariko umumarayika waYo ahambaye w’Umuco kurongora Umugeni WaYo. Ntazotegerezwa kwimenyekanisha ubwiwe, Imana Izomenyekanisha umurongozi waYo ahambaye ku Mugeni WaYo Ubwiwe mu GUHISHURIRWA.

Muratahura igikorwa ca Mpwemu ? Murabona umumarayika w’Umuco uwo ari we Imana Yatoreye kurongora Umugeni WaYo ? Mbega baravuga ng’aha ko inkoni y’ubutware yahawe abandi barongozi ?

Ntuzokwigera uduga hejuru y’umwungere wawe. Uvyibuke gusa, murabona.

Mu gihe abandi bashobora kudatahura kandi badutwenga, ese ukuntu tunezerewe kandi dukenguruka vy’ukuri ko dufise Uguhishurirwa kwo kuvuga ko : WILLIAM MARRION BRANHAM ARI UMWUNGERE WACU.

Ubu mu gihe ubu butumwa bwose bwandikiwe “umumarayika” (intumwa y’umuntu), inshingano ihambaye cane hamwe n’ibakwe ry’igitangaza ni umugabane wiwe.

Ubutumwa bwandikiwe umumarayika waYo, hanyuma umumarayika waYo ayiha Umugeni ; si ku gikorwa c’Imana gusa, ariko UMUGENI WAYO WESE kandi buri kuma bande kubwa bose kugira ngo babwumvirize. Ntihashobora kwongerwako canke hakurweko, kandi ntibukeneye INSIGURO.

Araje vuba, kandi igihe Azozira Azoza kuri wewe ubwambere, kandi uzocibwa urubanza bijanye n’Ubutumwa Bwiza wigishije, kandi tuzoba abayoboke bawe.” Navuze nti, “Ushaka kuvuga ko njejwe aba bose ?” Yavuze Ati, “Umwe wese. Wavutse uri umurongozi.”

Igihe umunsi uhambaye w’urubanza uzozira, Azoza ubwa mbere ku mumarayika waYo w’Umuco kandi Azomucira urubanza ubwa mbere bijanye n’Ubutumwa Bwiza yigishije. Turi ABAYOBOKE BIWE. Ajejwe umwe wese muri twebwe mu gihe yatowe n’Imana kuba UMURONGOZI.

Ushire igikorwa cawe ca Mpwemu kuri ivyo.Tuzocirwa urubanza n’ivyo umumarayika w’Imana yavuze. Kubw’ivyo, ushobora gutakaza amahirwe yawe y’ubugingo budashira bijanye n’ivyo umuntu munaka avuga ko YAVUZE igihe ushobora kuvyumviriza bivuye kuri YO bidaciye ku ruhande ?

Ni gute umuntu ashobora kwizera ko hariho IGIKORWA C’IMANA GIHAMBAYE GUSUMBA IBIRI KUMA BANDE. Namba wizeye ivyo, canke waravyemejwe n’ivyiyumviro, vyoba vyiza usubiye kw’IJAMBO RY’INKOMOKO, kuko uzocirwa urubanza n’amajambo ari kuma bande. Itondere Ijambo nk’uko Ryavuzwe.

Ariko uyu muhanuzi azoza, kandi nk’uko integuza y’ukuza kwa mbere yasemereye ati, “Ng’uyu Umwagazi w’Intama w’Imana, Akura ivyaha vy’abari mw’isi,” niko nawe ata nkeka azosemerera ati, “Ng’uyu Umwagazi w’Intama w’Imana, Aje mu bwiza.” Azobikora, kandi nk’uko Yohana yari intumwa y’ukuri ku batoranijwe, niko n’uyu ari intumwa ya nyuma ku Mugeni Yatoranijwe kandi Yavyawe n’Ijambo.

Ninde azotwerekana ku Mwami Yesu ? Umumarayika wiwe ahambaye w’Umuco, William Marrion Branham.

Ni muze kuba Umugeni w’inkumi Atakozweko hamwe natwe mu gihe twumviriza intumwa mumarayika waYo ahambaye atuzanira Uguhishurirwa kurushirijeho, kuw’iyinga isaha zitandatu ku mutaga kw’isaha ya Jeffersonville (isaha imwe y’ijoro mu Burundi) mu gihe twumviriza Ubutumwa : Igihe c’Ishengero ry’I Perugamu, Ubutumwa Bwavuzwe kw’igenekerezo rya 7 kigarama, umwaka wa 1960.

MweneData Joseph Branham.

24-1027 Igihe C Ishengero Ry I Simuruna

Ubutumwa: 60-1206 Igihe C Ishengero Ry I Simuruna

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wuzuye Mpwemu Yera,

Hariho umugwi umwe wonyene w’abantu ; umugwi udasanzwe cane w’abantu, bashoboye kwumva ico Mpwemu Avuga muri iki gihe ca nyuma. Ni umugwi udasanzwe wakiriye Uguhishura kw’iki gihe. Uwo mugwi ni uw’Imana. Umugwi udashobora kwumviriza, si uw’Imana.

Umugwi ushobora, kandi wumviriza ico Mpwemu Avuga, uronka Uguhishura kw’Ukuri. Turi abafise Mpwemu W’Imana. Turi abavyawe n’Imana kandi babatijwe na Mpwemu Yera. Turi Umugeni WaYo Yuzuye Mpwemu Yaronse Uguhishura kw’igihe cacu.

Bisigura iki kuri twebwe Gufyonda Tukavuza ? UGUHISHURIRWA. Ni ukwumva, kwakira no kugumana n’Inzira Imana Yatanze y’iki gihe. Ijambo ry’Imana nyene umunwa ku gutwi ku Mugeni WaYo. Ni Mpwemu Yera Avugana n’imitima yacu n’ubugingo bwacu.

Turazi ko Imana Ikoresha abantu basizwe na Mpwemu waYo kugira Ivuge, ariko nta handi hantu ho kwumva Uko Niko Uhoraho Agize kiretse mu Gufyonda Kuvuza no kwumviriza IJWI ry’umumarayika ntumwa waYo, William Marrion Branham. Ni ryo Jwi ryonyene ryagaragajwe na Mpwemu Yera ubwiWe. Ni Ijwi ry’Imana, umuvugishwa n’Imana, umwungere w’Imana, kuri twebwe, no kw’isi.

Iyo avuga, tuvuga AMEN kw’Ijambo Ryose ; kuko ni Imana ubwaYo Ivugana natwe. Ijambo RyaYo ni Ryo Jambo Ryonyene Ridakeneye insiguro. Ni Imana Ikoresha ijwi ryiwe kuvugana n’Umugeni WaYo.

Ni Imana ubwaYo Itubwira Iti, « Bana baNje batoya, ntiMwantoye, ariko ni Jewe Nabatoye. Imbere y’uko habaho agace k’akavunguka k’inyenyeri, Ntaranamenyekana kuri mwebwe nk’Imana Yanyu, Narabamenye. Mwari mu vyiyumviro vyaNje, muriho mu vyiyumviro vyaNje vy’Ibihe Bidashira. Muri Umugeni WaNje w’ukuri w’Urubuto Jambo Ryavuzwe.

Naho mwari mu Vyiyumviro VyaNje vy’Ibihe Bidashira, Sinabavuze gushika ku gihe caNje cashinzwe kandi cagenywe. Kuko Namenye ko MWOBAYE umugwi waNje udasanzwe wogumanye n’Ijambo RyaNje.

Abandi bose barananiwe, ariko Namenye ko mutonaniwe.

Ndazi ko muhamwa kandi mutwengwa kuko mwagumanye n’umuhanuzi waNje, ariko muri Umuzabibu WaNje w’Ukuri Udaca ku ruhande rw’Ijambo RyaNje, kandi mwagumye muri ab’ukuri kandi abizigirwa ku muvugishwa waNje avuga Amajambo YaNje.

Hariho abandi benshi bigishijwe mu bwizigirwa, ariko iminsi yose ntibiga ukuntu bikenewe kuvuga gusa kuvyo Navuze biciye mu ntumwa yaNje.

Ese ukuntu dutegerezwa kwitondera kwumva ijwi RIMWE, kuko Mpwemu Afise Ijwi rimwe naryo ni Ijwi ry’Imana.Yooo, ese ukuntu bihambaye kwumva Ijwi ry’Imana biciye mu ntumwa zaYo, hanyuma rero zivuga ivyo zahawe kubwira amashengero.

Ijambo RyaNje Ryamye Riza ku muhanuzi waNje, ariko muri iki gihe, Mfise Ijwi RyaNje Ryafashwe amajwi ku buryo hatobaho AMAKOSA N’AMWE mu vyo Nabwiye Umugeni. Hari umugozi umwe w’icuma, igipimo kimwe, kandi ni IJAMBO Navuze biciye mu mumarayika waNje. Nko mu gihe cose, umuhanuzi waNje ni Ijambo ry’ico gihe.

Ayo mabande, ijwi ryiwe, ni ikete ry’urukundo kuri twebwe. Mu gihe umwansi adahengeshanya kudukubita hasi biciye mu bigeragezo vyacu n’imibabaro yacu n’ingorane, Yarungitse umumarayika waYo w’inkomezi kutubwira ko ata kintu na kimwe kiretse urukundo rutoranya rw’Imana kuri twebwe, rutwemeza ko Yadutoye kuko tutazonyiganyiga.

Intumbero yaYo ihambaye n’uko inyuma yuko twababaye akanya gatoya, Izotugira abatunganye, Idutsimbataze kandi Idukomeze. Yatubwiye ko n’Umwami Yesu Yatunganiye mu marushwa yiWe. Mbega umuhezagiro Yadusigiye. Kuko mu marushwa yacu, Yatwinjije mu gutungana.

Yubaka kamere kacu mu bigeragezo vyacu no mu mibabaro yacu. Kuko kamere kacu ntikabaho ata marushwa. Rero, amarushwa yacu ni INTSINZI kuri twebwe, si ingabire.

Dushobora kuYereka urukundo rwacu gute?

•Mu kwizera ivyo Ivuga.

•Kugumana n’Ijambo RyaYo.

•Kujana umunezero mu bigeragezo vyacu n’imibabaro yacu, Yo, Yemera ko bishika mu bwenge bwaYo buhambaye.

Ukuntu Iduza impwemu yacu mu kwumva Ijambo RyaYo. Ijwi RyaYo Riremesha ubugingo bwacu. Iyo dufyonda tukavuza maze tukaYumva Ivuga, imitwaro yacu yose iraremuruka. Ntidushobora no gutangura kwibaza ubuhe butunzi twabikiwe biciye mu mibabaro yacu yose.

Yooo, Mugeni Wa Yesu Kristo, ese ukuntu nezerewe kuba Umwe muri Bo hamwe n’umwe wese muri mwebwe. Mbega umunezero wuzuye umutima wanje kumenya ko Yaduhaye Uguhishurirwa kw’Ijambo RyaYo. Iyo Itubwira ko bizoba vyegeranye cane ku buryo vyohenda n’uwatoranijwe iyo biba bishoboka, Yaduhaye UGUHISHURIRWA KW’UKURI.

Ni muze, mwinjire muri Mpwemu hamwe natwe uno w’iyinga isaha zitandatu ku mutaga, kw’isaha ya Jeffersonville (isaha icumi na zibiri zo ku mugoroba mu Burundi) mu gihe tuzokwumviriza Ijambo Ritunganye : 60-1206 — Igihe c’Ishengero Ry’i Simuruna,

MweneData Joseph Branham.