Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni wa Kristo, reka dukoranire hamwe kuri uno w’iyinga isaha zitandatu ku mutaga kw’isaha ya Jeffersonville (isaha imwe y’ijoro mu Burundi), kugira twumvirize 64-0816 Ukwemeza Ijambo RyaYo
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi wanje,
Ndagukunda cane. Uri akara ko mu mara yanje n’igufa ryo mu magufa yanje. N’imbere y’uko Ndema inyenyeri, ukwezi, isi yaNje yose, Narakubonye kandi Ndagukunda ico gihe. Nari nzi ko uri igice caNje, Umukunzi Wanje Umwe rudende. Wewe naNje twari UMWE.
Umunsi Nipfuza kandi Narindiriye kuva nkikubona ico gihe, nukwo washitse. Ubu Ndabahamagara kandi ndabahuza kuva mu buseruko no mu burengero, mu buraruko no mu bumanuko, biciye mw’Ijwi RyaNje. Muri ivyiyumviro vyaNje, Ijambo RyaNje, Umugeni WaNje, Yagaragajwe.
Naripfuje kubabwira ikintu cose kiri mu mutima waNje, ku buryo Navyanditse Nkoresheje abavugishwa baNje kandi Nagumye Ndabikingiye imyaka ibihumbi. Benshi baraBisomye, kandi baraVyizera mu binjana vyose, ariko Nagumije ibintu vyinshi ibanga gushika MUSHITSE. Ni mwebwe MWENYENE nzoBibwira.
Bipfuje kumenya no kwumva ibi bintu vyose bitangaje Nagumije binyegeje, ariko nk’uko Nagusezeraniye, Nararindiriye kandi NaraBigumije ari ibanga gushika ubu, nyene KUBWAWE, NI WEWE UMWE WANJE KANDI WENYENE.
Naragusezeraniye ko Nzoza Nsubire kwihishura mu mubiri w’umuntu, ku buryo Noshobora kubabwira, no kubahishurira ibi bintu vyose. Nashaka ko mwumviriza IJWI RYANJE rivugana namwe Ridaciye ku ruhande.
Nasize abandi benshi Mpwemu Yera WaNje, kugira ngo Ndababwire urukundo rwaNje, ariko nk’uko Namye Nkora, kandi Sinshobora guhinduka na rimwe, Natoye umuntu umwe: Umumarayika waNje, umuvugishwa waNje, kugira ngo abe Ijwi RyaNje ku buryo Noshobora kubabwira Uko ni ko Uhoraho Agize.
Nashaka kukubwira, ko utakijijwe ku munsi munaka.. Wamye ukijijwe. Naje gusa kugira ngo Ndagucungure. Wari ukijijwe kuva mu ntango kuko wari ufise Ubugingo Budashira kuva mu ntango. Gutyo, mu maso yaNje, ivyaha vyawe vyose ntibishobora no kubonwa naNje, ikintu conyene numva ni ijwi ryawe. Mbona gusa uguhagarariye.
Mbega ukuntu nipfuje kukubwira ibintu vyinshi cane. Umutima wanje uriko urabiragira kubera umunezero. Mbega ukuntu Ndindiranye igishika Amazimano yacu y’Ubukwe, Inganji yacu y’imyaka igihumbi turi kumwe. Kugira ndakubwire mu buryo bwiramvuye ikintu cose kijanye n’Ahantu hacu turi kumwe ho muri Kazoza tuzoba. Ukuntu Naguteguriye ikintu ico ari co cose, kandi ikintu ico ari co cose kiri mu buryo bukunogeye.
Mukunzi wanje, nimba wibaza ko ari ivy’igitangaza ubu kwumviriza Ijwi RyaNje Rivugana nawe, rindira gusa, iki ni igitutu gusa c’uko bizoba bimeze igihe tuzoba muri ico Gisagara turi kumwe. Umuvugishwa wawe azoba mbere iruhande yawe; azoba ari umubanyi wawe.
Tuzogendagenda muri ayo mabarabara y’izahabu tunywere hamwe kuri iryo soko. Tuzokwinjira mu maparadizo y’Imana turi kumwe n’Abamarayika bazunguruka kw’isi, baririmba indirimbo…. Mbega umunsi uzoba umeze gute !
Ndazi ko inzira isa n’iyigoye, kandi rimwe na rimwe iragukomerera cane, ariko izokworoha, kandi irushirize kworoha, igihe Turi kumwe.
Ubu rero, ngiye gusubira kubakoraniriza hamwe no kuvugana namwe kuri uyu w’iyinga isaha zitandatu ku mutaga kw’isaha ya Jeffersonville (isaha imwe y’ijoro mu Burundi), ndababwire vyose ku vyerekeye “Ahantu Umukwe Wo mw’Ijuru n’Umugeni Wo Kw’Isi Bazoba Muri Kazoza”. Mfise igishika co kwifatanya namwe ico gihe.
Mwibuke, kandi ntimukavyibagire na rimwe, Ndabakunda cane.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi Banywi b’Iriba Rya Arutwaze,
Mbega Noheli n’Umwaka Mushasha twagize. Twarakiriye kandi twaratekuruye ingabire z’Imana zarungikiwe Umugeni WaYo. Ingabire yacu ya mbere yari Ingabire ikomeye kuruta izindi zose ya Noweli Yari Yigeze gutekerwa. Imana ubwaYo Yitekeye mu mubiri w’umuntu maze Irungikira ico giseke isi. Ni Ingabire yaYo ya mbere ikomeye yo kugarukana Umugeni WaYo.
Hanyuma Imana Yarungikiye Umugeni WaYo ikindi giseke kininiya. Yaradukunze cane ku buryo Yaje maze Yihishura mu mubiri ubugira kandi ku buryo Yoshoboye kuvugana natwe umunwa ku gutwi. Yashaka ko Yo n’Umugeni WaYo bacika Umwe.
Kandi ubu, bagenzi, ntimuntahure nabi. Ese novuga ibi n’icubahiro mu mutima wanje, nzi ko ndi umuntu yagenewe Ibihe Bidashira azorenguka imbere y’Urubanza umunsi umwe: Abantu ibihumbi n’ibihumbi barabura ingabire yabo. Murabona? Ntibashobora kubitahura. Kandi bararaba bakanavuga bati: “Yooo, ni umuntu gusa.” Ivyo ni ukuri. Mbega Yari Imana canke Mose yacunguye abantu? Yari Imana muri Mose. Murabona? Baririye umucunguzi. Kandi igihe Imana Yabarungikira umucunguzi, barananiwe kubibona, kuko vyaciye mu muntu, ariko ntiyari umuntu, Yari Imana muri uwo muntu.
Iki gihe, ubugira kandi, abantu ibihumbi n’ibihumbi bariko barabura ingabire yabo bavuga bati: “Ntutegerezwa kwumviriza ama bande, ubu hari abandi bagabo basizwe,” ni ukuri, ariko barananirwa kumenya ko ari ryo Jwi RYONYENE Ryemejwe n’Imana, Rivuga Uko Niko Uhoraho Agize Riciye muri uwo muntu. Iryo jwi ni Urimu na Tumimu, Ica Ntabanduka caYo c’iki gihe.
Iyo turiko turumviriza Ijwi RyaYo ku ma bande tuba turiko turanywa vy’ukuri kw’Iriba rya Arutwaze ry’Imana, Ridakeneye inguvu, nta gukwega, nta kwifatanya, nta gukama ; turizera gusa tukanaruhukira kw’Ijambo Ryose Rivuzwe.
Mu kwumviriza iryo Jwi Riri ku ma bande, bijanye na Yesu ubwiWe, turafise ikimenyamenya c’ukuri ca Mpwemu Yera mu gihe cacu.
Hari rero ikimenyamenya c’inkomoko ca Mpwemu Yera ! Nta na rimwe Arambwira ikintu ico ari co cose kitari co. Ico, “Ni ikimenyamenya ca Mpwemu Yera, ni uwushobora kwizera Ijambo.” Mushobora kuRyakira.
Imana Yaraduhaye Isoko dushobora kunywako umunota wose wa buri munsi. Ryama Ari Rishasha. Si ikintu kidatemba, Ni Isoko RyaYo Ridakama kandi Ryihagije ; dutegerezwa gusa Gufyonda Tukavuza.
Mu kuvuga ivyerekeye INGABIRE iva ku Mana, murashobora kwiyumvira ingene iyi Ngabire Ihambaye vy’ukuri ? Mu Gufyonda Tukavuza gusa no kwumviriza Ijwi RyaYo ku ma bande, ni Ryo Ryonyene…IJWI RYONYENE mw’isi aho tudakeneye akayungiro, igikoresho co gukumira imyanda, canke ikintu ico ari co cose. Dutegerezwa kwumviriza gusa, kwizera, no kuvuga amen kw’Ijambo Ryose.
Ese uyu mwaka woba umwaka Aza kubwacu, Umugeni WiWe Mukundwa. Turi magabo kandi turindiranye igishika cinshi. Umunsi uwo ari wo wose tuzobona ico twipfuje kubona kiba. Tuzotahura, mu mwanya wo gukubita urugohe, ko tuzoba twavuye ng’aha, duhamagawe ku Mazimano yacu y’Ubukwe.
Mwami, igihe tuzobona iyo meza ihambaye iri hariya kubw’ayo mazimano, ireha ibilometero ibihumbi, tuzorabana hakurya y’imeza, ibicocoro bifise ibimenyetso vy’intambara, amarira y’umunezero amanuka ku matama yacu…Umwami Azoboneka mu bwiza bwiWe, ukwera kwiWe, Aze ku meza maze Azofata ibiganza vyiWe Bwite hanyuma Ahanagure amarira ku maso yacu, ati: “Ntimusubire kurira, vyose birarangiye. Mwinjire mu munezero w’Umwami. Imibabaro y’inzira izosa nk’aho ataco imaze ico gihe, niyo twashika ku mpera y’inzira.
Ngwino maze unywe, kandi unywe, wongere unywe kw’Isoko Yatanzwe y’iki gihe hamwe natwe kuri uyu w’iyinga isaha zitandatu ku mutaga, kw’isaha ya Jeffersonville (isaha imwe y’ijoro mu Burundi). Ni ho hantu HONYENE ushobora kwisanzura neza kandi uvuge AMEN kw’Ijambo Ryose wumviriza. Ni Iriba rya Arutwaze Yahaye Umugeni WiWe kunywako.
MweneData Joseph Branham
Ubutumwa: 64-0726E Ivyobo Vyatobotsemwo Imishwena
Ivyanditswe vyo gusoma imbere yo kwumviriza Ubutumwa:
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Yaryohowe,
Uyu munsi, ishengero ryaribagiye umuvugishwa waryo. Ntibakimukeneye ko avuga ubutumwa mu mashengero yabo. Bavuga ko bafise abungere babo bo kubabwira ubutumwa no gusubiramwo kandi bagasobanura Ijambo. Kuvuga ubutumwa ni ikintu gihambaye kuruta kwumviriza Ijwi ry’Imana ku ma bande mu mashengero yabo.
Ariko Imana Yari Izi ko Itegerezwa kugira umuvugishwa waYo; uko ni ko Yama Ihamagara kandi Ikarongora Umugeni waYo. Yaraturyohoye kugirango Idukure ku yandi mahanga n’Inkota yaYo y’ubugi bubiri, Mpwemu Yera WaYo, Ijwi RyaYo Ryavuzwe n’umuvugishwa waYo.
Yaraturyohoye Ikoresheje iryo Jwi. Ni co gituma Yatumye Rifatwa amajwi Rigashirwa ku mabande. Mu Guhishurirwa turabona ingene Ivyanditswe bitunganye! Umugeni ntashobora kwera kiretse Umwana Amwejeje.
Ntibiraba ukungene wigishije, ico ari co cose ukora, ntigishobora gusha, ntigishobora kugaragara, ntigishobora gushika ; atari We Yavuze ati, « Ndi Umuco w’isi, » Ijambo.
Ijambo Ryatubwiye ko Mpwemu Yera ubwiWe Azoza maze Atume twera, kugira ngo Yemeze, Agaragaze kandi Yigaragaze. Umuco wo ku kagoroba waraje. Imana Yigaragaza mu mubiri kugira ngo Ihamagarire Umugeni WaYo gusohoka.
Ni We yaBAhamagariye gusohokera muri Mpwemu Yera, mw’Ijambo RyiWe, mw’Ijwi RyiWe. Ni We Yabatoye. Ni We Abigisha. Ni We Ariko Arabarongora. Biciye kuki? Mpwemu Yera WiWe, Ijwi RyiWe Rivugana NAWE RIDACIYE KU RUHANDE.
Ariko ni ivya kera cane kuri bo muri iki gihe. Bararenganye ivyo kuvuza ama bande mu mashengero yabo. NtibaVyemera. Niyo mpamvu bameze uko bameze. Ariko kuri wewe, vyarahishuwe ko ari inzira Imana Yatanze, NI UKO NIKO UHORAHO AGIZE KURI WEWE.
Umuvugishwa w’Imana ni we muntu Imana Yatoye ngo Imuvugiremwo. Kwari UGUHITAMWO KW’IMANA kumukoresha kugira avuge Ijambo RyaYo no kuRishira ku ma bande kugira ngo Umugeni AGUME AFISE UKO NIKO UHORAHO AGIZE YO KWUMVIRIZA.
Ntishaka ko Umugeni WaYo Yizigira ivyo abandi bagabo bavuga, canke insobanuro zabo y’Ijambo RyaYo. Ishaka ko Umugeni WaYo Yumviriza umunwa ku gutwi. Ntishaka ko Umugeni WaYo Yizigira uwundi muntu atari Yo ubwaYo.
Iyo tuvyutse mu gitondo, turakunda ko Itubwira Iti: “Mwaramutse bagenzi. Ngiye kuvugana namwe uno munsi kandi Ndababwire ingene Ndabakunda cane n’ingene mwebwe na Jewe turi UMWE. Mfise benshi Nzoha ubugingo budashira, ariko MWEBWE mwenyene muri Umugeni Wanje Natoye nitonze. MWEBWE mwenyene nabahaye Uguhishurirwa imbere yuko isi ishirwaho.
Bijanye n’Ivyanditswe, Umwana w’Umuntu Yoje ubugira kandi maze Abeho kandi Yihishure mu mubiri w’umuntu, kandi Yarabikoze, kandi bavuga co kimwe. Ata nkeka, basubiramwo kandi bavuga Ubutumwa, ariko ntibazoshaka ko urya muntu abaganza.
Ibi nivyo biriko birashika neza na neza :
Kandi nk’uko vyari ico gihe, ni ko biri ubu ! Bibiliya Ivuga yuko ishengero rya Lawodikiya ryoMushize hanze, na We Ariko Akomanga, Agerageza kwinjira. Hariho ikintu kitagenda neza ahantu hamwe. None, kuki? Bari bigiriye insago zabo.
Umuntu ashobora kuvuga ati, « Ndazi kandi ndizeye ko MweneData Branham yari umuvugishwa. Yari umumarayika w’indwi. Ni we yari Eliya. Turizeye ubu Butumwa. » Maze bakarema ubwoko bunaka bw’urwitwazo, uko rumeze kwose, rwo kutavuza Ijwi Ry’Imana RYONYENE Ryemejwe mw’ishengero ryabo… Hariho ikintu kitagenda neza ahantu hamwe. None, kuki? Bari bigiriye insago zabo.
Mvuze ibi bintu atari ukugirango ntandukanye ishengero, Ijambo Ry’Imana Rirabikora. Nshaka ko duhurira hamwe, tube UMUCE UMWE hamwe n’umwe wese kandi hamwe naWe, ariko hariho inzira imwe yonyene yo kubikora : kw’Ijwi Ry’Imana ku ma bande. Iyo ni UKO NIKO UHORAHO AGIZE y’Imana.
Imana Yaraduhishiriye Inzira yaYo itunganye. Ni iy’ubwiza cane kandi iroroshe. Ubutumwa bwose twumviriza butubwira, buturemesha, budutera intege, ko TURI UMUGENI WAYO. Turi mu bugombe bwaYo butunganye. Turiteguye mu KUMWUMVIRIZA.
Ubu butumwa ni ubw’iki gihe gusumba ikinyamakuru c’ejo. Turi ubuvugishwa bwashikijwe. Turi Ijambo Ryagaragajwe. Imana Iratwemeza hamwe n’Ubutumwa bwose twumviriza ko uyu munsi, Iki Canditswe Kiriko Kirashika.
Birashoboka ko hoba hari abantu mu bihugu bitandukanye, kw’isi yose, bazoshikirwa n’iyi bande no mu ngo zabo canke mu mashengero yabo. Twosaba, Mwami, ko mu gihe c’igikorane, ku—ku… canke mw’iyi bande iriko iravuzwa, canke aho tuzoba turi hose canke—canke ukwo tuzoba tumeze kwose, Imana Ihambaye yo mw’Ijuru Yubahirize iki kiri mu mitima yacu iki gitondo, maze Ikize ababikeneye, Ibahe ivyo bakeneye.
Rindira gatoya… ni ibiki Ijwi Ry’Imana gusa Ryavugishijwe kandi Ryavuze ?… abantu bazoba bariko baravuze amabande mu mihana yabo canke mu mashengero yabo.
Ariko turanegurwa kandi turakarirwa mu kuvuga ko TUDASHOBORA kugira Ishengero ry’Amabande mu mihana ? MweneData Branham ntiyigeze avuga ivyo kuvuza amabande mw’ISHENGERO ryanyu ?
IMANA ISHIMWE, RYUMVIRIZE, RISOME, UKO NIKO UHORAHO AGIZE. Kandi ntiYAbivuze vyonyene, ariko mu kuvuza amabande mu mihana yanyu n’amashengero yanyu, Imana Yo mw’Ijuru Ihambaye Izokwubahiriza ubwizigirwa bwo mu mitima yanyu maze Ikize ababikeneye kandi Iduhe IVYO DUKENEYE VYOSE!!
Iki gisomwa kimwe CEMEZA ko abantu bumviriza abungere babo kandi NTIBUMVA IJAMBO, atari uko bohinyuje abungere babo maze bakabemeza bisunze IJAMBO ko turi mu BUGOMBE BUTUNGANYE BWAYO kandi KUVUZA AMABANDE MU MASHENGERO YABO ARI UBUGOMBE BWAYO BUTUNGANYE.
Sindiko ndashira ahatariho Ijambo canke ndaRivuga nabi nk’uko benshi bavuga ko ndabigira. Ryumvirize kandi uRYisomere ubwawe.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Atunganye,
Ibi si ivyo nikuriye mu mutwe gusa, bagenzi. Ibi ni UKO NIKO UHORAHO AGIZE, Ivyanditswe.
UmuKristo wese yipfuza kuba Umugeni, ariko turazi ko Umugeni wiWe Azoba ari inkehwa zatoranijwe gusa. Turazi ko Afise ubugombe bw’akagobero, ariko Umugeni wiWe Ategerezwa kuba mu bugombe bwiWe butunganye. Rero, dutegerezwa kurondera Imana mw’Ijambo RyaYo, hanyuma biciye mu Guhishurirwa, tuzomenya ubugombe bwaYo butunganye n’ingene twoba Umugeni WaYo.
Dutegerezwa gusesa Ivyanditswe, kuko turazi ko Imana ITIGERA Ihindura ivyiyumviro vyaYo ku bijanye n’Ijambo RyaYo. Imana Ntiyigera ihindura integuro yaYo. Niyigera Ihindura ICO ARI CO COSE. Uko yabikoze ubwa mbere kuratunganye. Ivyo Yakoze ejo Izobikora co kimwe uno munsi.
Uko Yahaye agakiza umuntu kuva mu ntango, Izotegerezwa guha agakiza umuntu uno munsi gutyo nyene. Uko Yakijije indwara umuntu wa mbere, Itegerezwa kubikora gutyo nyene uno munsi. Uko Imana Yahisemwo guhamagara no kurongora Umugeni WaYo, Izobikora gutyo nyene uno munsi; kuko Ni Imana kandi Ntishobora guhinduka. Ijambo ritubwira ko Yesu Kristo UKO YARI ARI ejo, n’uyu musi niko Akiri, niko Azokwama n’ibihe bidashira.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Jambo,
Tubaho mu bihe vy’umwijima, ariko NTA BWOBA dufise, Databuja Yaraje. Yaje gushitsa Ijambo RyiWe mu gihe c’iherezo. Ico Yari Ari ico gihe, nico Ari uno munsi. Ukwigaragaza kwiWe n’ibimuranga Yari Afise ico gihe, ni ko biri n’uno munsi. Aracari Ijambo ry’Imana, Yigaragaza mu mubiri w’umuntu mu mumarayika wiWe w’indwi w’ubushobozi kandi Yaraduhishuriye, ko turi Umugeni Jambo RyiWe Rizima.
Nta mwanya dufise wo guharira canke wo gutera induru; twararenganye ico gihe; turiko tuja imbere, dutegerezwa gushika hariya. Mpwemu Yera Yaje hagati yacu. Umwami Yesu mw’ishusho ya Mpwemu Yarihishuye kandi Yarigaragaje Aciye mu muvugishwa wiWe ko Ari Ijwi Ry’Imana ku Mugeni wiWe.
Yavuze ko Azoza. Yavuze ko Azobikora. Yavuze ko Azoseruka ku rubuga mu gihe ca nyuma kandi Akore ivyo bintu nk’uko Yabikoze igihe Yaza mu mubiri ubwa mbere, kandi ng’uyu hano Ariko Arabikora. Ni igiki kibateye ubwoba? NTA NA KIMWE!!!
Turi mu nzira ija mu Bwiza! Nta kintu na kimwe kizoduhagarika. Imana Igiye kwemeza Ijambo RyaYo. Sinitayeho ibishika. Igihe co gukora kirageze. Igihe kirageze co kwizera canke kutizera. Uwo murongo utandukanya ushikira umugabo wese n’umugore wese warashitse.
Mwavutse kubw’intumbero kanaka. Igihe Umuco Wakurasira, Wagukuyemwo umwijima wose. Igihe wumviriza Ijwi RyiWe Rivugana nawe ku ma bande, hari ikintu cabaye. Ryavuganye n’ubugingo bwawe. Ryavuze Riti: «Databuja Yaje, Araguhamagara, nturuhe, ntutinye, NdaGuhamagara, Uri Umugeni WaNje».
Yemwe bantu, mumenye neza! Ntimugafate amahirwe adakwiye kuri ivyo. Imana Irafise integuro : Ijambo RyaYo Ryarafashwe amajwi kuma bande. Databuja Yaraje Araguhamagara. Ni uze mu nzira y’Imana Yatanze.
Mbega ugusukwa kwa Mpwemu Yera WiWe Umugeni Azoba Ariko Aragira kuri uyu w’iyinga mu gihe Imana Izosubira gukoraniriza hamwe abana bayo maze Ikinjira mu mihana yacu, mu mashengero yacu, mu makoraniro yacu, kandi Ikaduhamagara Ivuga Iti: “Databuja Yaje, Arahamagara. Ico mukeneye cose, ni icanyu.”
Mureke ayo majambo yinjire ibwina mu mitima yanyu beneData na bashikibacu. ICO UKENEYE COSE, DATABUJA YAJE KANDI ARAKIGUHA.
Data Uri mw’ijuru, Ewe Mwami, reka vyongere bishike. Ibi bintu vyose navuze : «Yesu Yaje Araguhamagaye.» Mbega Akora iki iyo Aje ? Arahamagara. None reka vyongere bibe, Mwami. Reka Mpwemu Yera WaWe Aze mu bantu uno mugoroba, Umwami Yesu mw’ishusho ya—ya Mpwemu. Aze uno mugoroba Yihishure, maze Yigaragaze.
MweneData Joseph Branham
Ubutumwa: 64-0213 Hanyuma Yesu Araza Maze Arahamagara
Igihe : Isaha zitandatu zo ku mutaga kw’isaha ya Jeffersonville. (Isaha imwe y’ijoro mu Burundi)
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Gikorwa c’Imana c’Akaroruhore,
Ubuzima bwose bw’ukuri bwari mu mutumba, umurayi, no mu gishishwa, ubu buriko bukoranira muri twebwe, Uruvyaro Cami rw’Imana, Ibikorwa vyiwe vy’akaroruhore, kandi buriko butegurirwa kuzuka, hamwe n’iyimbura. Alufa yacitse Omega. Uwa mbere yacitse uwa nyuma, uwa nyuma na we ubu ni uwa mbere. Twaraciye mu nzira runaka maze tuba Ibikorwa vyiwe vy’Akaroruhore, igice cavuye kuri We.
Umugeni n’Umukwe ni Umwe!
Imana Yeretse umuvugishwa waYo imbere y’igihe umwe wese muri twebwe, Ibikorwa vyaYo vy’Akaroruhore, mu kwerekwa. Mu gihe yari ahagaze hariya ari kumwe n’Umwami yitegereza Umugeni Aca imbere yiwe.
Yarabonye umwe wese muri twebwe. TWESE amaso yacu yari ahanze KURI WE NEZA. Yavuze ko turi abantu basa n’abeza kuruta abandi bose yigeze kubona mu buzima bwiwe. Hariho gusa ikintu kinaki cari kidukikuje. Twari abeza cane kuri We.
Nimwibuke, uku kwari UKWEREKWA Umugeni; Uko Yoba Asa, no kutubwira neza na neza ivyo Yari Ariko Arakora. Nimwumvirize neza.
Azova mu mahanga yose, acike Umugeni. Umwe wese yari afise umushatsi muremure, kandi ata vyo kwisiga amarangi, ari abakobwa beza vy’ukuri. Kandi bariko barandaba. Ivyo vyerekana Umugeni ava mu mahanga yose. Murabona ? We, umwe wese yaserukira ihanga, uko batambuka mu buryo butunganye bahuje n’Ijambo.
Umugeni, reka mvuge ivyo ubugira kandi, UMUGENI, wo mu mahanga yose yari ahanze amaso ku mwungere wabo, ku mugwi w’abantu….OYA, ivyo sivyo yavuze. Bari bahanze amaso KU MUVUGISHWA, bamuraba.
Igihe cose bagumiza ijisho ryabo ku muvugishwa, batambukira mu gutungana. Ariko rero aratugabisha, hari ikintu cabaye. Bamwe baramukurako amaso batangura kuraba ikindi kintu cavuyemwo uruzazane.
Kandi, rero, ntegerezwa kuMuraba. Azova mu nzira z’Ijambo ni ntaraba, igihe ariko ararengana, n’iyo yabikora. Nkumbure kizoba ari igihe canje, igihe nzoba ntagihari, murabona, igihe nzoba nararangije, canke ico ari co cose.
Ategerezwa kuMuraba, Atari ukwo Azova mu nzira mu gihe Arengana. Ariko aca avuga ngo nkumbure coba ari igihe canje, igihe nzoba nararangije, igihe nzoba ntagihari hano, Bazova mu nzira mu kutarangamiza amaso yaBo kuri we.
Yariko aragabisha neza UMUGENI, Mutegerezwa kugumiza amaso yanyu kw’Ijwi Ry’Imana Riri ku ma bande. Iyo ni yo nzira Imana Yatanze y’iki gihe. Iryo ni ryo Jwi Rizohuza kandi Rizotunganya Umugeni. Niwakura amaso n’amatwi yawe kw’Ijwi, Uzova ku murongo winjire mu ruzazane.
Ubutumwa bwose burushiriza gutomoka. Ni Imana y’ubushobozi Iriko Irahishurwa imbere yacu, Igaburira Umugeni waYo Manu Yanyegejwe dushobora kurya Yonyene. Ni ubutunzi burenze ku bandi bose, ariko ni Imfungurwa Zanyegejwe z’Umugeni.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Branham Tabernacle,
Mbega ibihe vy’ubwiza turiko turagira. Ijambo hamwe n’Umugeni ni Umwe kandi ni co kimwe. Tubayeho inyuma y’igihuzu imbere y’Ubwiza bwa Shekinah. Turabona Imana Yihishije inyuma y’urushato mu ntumwa mumarayika waYo w’indwi. Imana, yongera kwihisha inyuma y’urushato rw’umuntu muri umwe wese muri twebwe. Nta kindi kibazo kiriho. Nta gukekeranya kundi, TURI Umugeni Jambo Atunganye Yahiswemwo, Yatoranijwe Jambo Yigize Umubiri.
Uko dufatanya hamwe tuvuye kw’isi yose, turiko turumviriza Ijwi RyaYo Rivuga kandi Riduhishurira Ijambo RyaYo mu buryo bushitse Uguhishura kwuzuye ko Yesu Kristo uko Yari Ari ejo, n’uyu munsi niko Akiri, niko Azokwama ibihe bidashira. Ukugaragara kw’Ijambo, Elohim, Imana mu mubiri Ivugana n’Umugeni WaYo. Imana mu mubiri kandi Igerera muri umwe wese muri twebwe. Umugambi wa nyuma w’Imana ubu uriko uragaragazwa bimwe bishitse kandi uhishurwa muri umwe wese muri twebwe.
Turanezerewe cane kandi turakengurukira Umwami kwitwa utuzeze n’abataye umutwe bafise ivyiyumviro bisa nk’ibidasanzwe. Ariko turazi Uwo tuboheyeko, n’abo turi bo : Umugeni w’Imana Aboshwe w’Amabande; kandi Iriko Iratwikwegerako, turushiriza kwegerana uko tugenda turushiriza kuba UMWE NA YO, Yesu Kristo uko Yari Ari ejo, n’uyu munsi niko Ari, niko Azokwama ibihe bidashira.
Twaciye mu gihuzu twinjira mu Nkingi y’Umuriro turasohoka dufise imihezagiro y’Imana! Abantu ntibashobora kubibona. Ntibashobora kubitahura. Ariko kuri twebwe, biragaragara, kuko turi mu Mpwemu Imwe n’Umwanditsi wacu hamwe n’Umurongozi wacu. Ni Ijwi ry’Imana Riri kuma bande Rirongora Umugeni WaYo.
Tubeshejweho n’Umutsima w’ibiterekerwa, Manu itangwa gusa ku bw’abantu batandukanye. Ni co Kintu conyene dushobora kurya. Ni co kintu conyene twemerewe kurya. Kandi Ni ivy’abantu gusa bemerewe, batoranijwe kandi bazi ico Uri wo.
Ndakunda gusa kuMwumva Atubwira ABO TURI BO :
Uwo nyene Yamanutse ku munsi wa Pentekote, ni we Mpwemu Yera nyene Yagaragaye iki gihe, kuva mu Bwiza Aja mu Bwiza, gushika mu Bundi. Kandi Agarutse ku Ruvyaro RwaYo rw’inkomoko, n’umubatizo wa Mpwemu Yera; n’ibimenyetso bimwe, ibitangaza bimwe, umubatizo umwe; abantu b’ubwoko bumwe, bakora mu buryo bumwe, n’ubushobozi bumwe, ukwiyumva kumwe. Ni ukuva mu Bwiza baja mu Bundi.
Tugarutse ku Ruvyaro rw’inkomoko n’umubatizo wa Mpwemu Yera. Ibimenyetso bimwe, ibitangaza bimwe, umubatizo umwe, ubwoko bumwe bw’abantu, bakora mu buryo bumwe, n’ubushobozi bumwe, ukwiyumva kumwe.
TURI UMUGENI JAMBO WIWE W’AMABANDE ATUNGANYE, YAGARUKANYWE MU BURYO BWUZUYE !
Turatsinda. Turacariho. Turahagaze. Tubayeho kw’Ijambo RyiWe Ritagira agatotsi Ryabikiwe Umugeni WiWe. Ririko Riradutunganya uko bukeye uko bwije. UKWIZERA kwacu kwashitse ku dusongero dushasha tuzi ABO TURI BO, kandi ni:
Urashaka kunezerwa gusumba uko wavyigeze? Urashaka kwumva uhagijwe 1000% ivyo uriko urumva ko ari Uko Niko Uhoraho Agize? Urashaka gutunganywa n’ijambo ry’Imana?
Rero ndabatumiye kuza kwifatanya natwe, Branham Tabernacle, kuri uwu w’iyinga isaha zitandatu ku mutaga kw’isaha ya Jeffersonville (isaha imwe y’ijoro mu Burundi), mu gihe twumviriza Ijwi ry’Imana Ritubwira Amajambo y’Ubugingo Budashira: Imana Ihambaye Igaragajwe Imbere Yacu 64-0629.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Jambo ry’Imana Rizima,
Iyi myaka yose nabihishije mu mutima wanje, ntwikira Kristo, iyo Nkingi nyene y’Umuriro Isobanura Ijambo, nk’uko vyasezeranywe.
Ndazi ko ibi bigiye kwumvikana nk’ibitari vyo ku bantu benshi, ariko niwihanganira gusa intumwa mumarayika w’Imana mu minota mikeyi, kandi ugasaba Imana ukundi Guhishurirwa, nizera ko We, biciye ku mfashanyo y’Imana n’Ijambo RyaYo, kandi bijanye n’Ijambo RyaYo, azoKuzana ng’aha nyene imbere yanyu. Imana, Yihishura kandi Yigaragaza, Isobanura kandi Ihishura Ijambo RyaYo.
Mbega umuvyuro wabaye muri uku kwezi guheze mu Mugeni wa Yesu Kristo. Imana, Yikurako umwitwikiro nk’uko bitigeze biba mbere, Ivugana n’Umukunzi WaYo, IMugaragariza urukundo, Imuhumuriza, Turi umwe na Yo.
Nta gushidikanya, nta gukekeranya, nta kwizibira, mbere nta n’igitutu c’ugukekeranya; Imana Yaraduhishuriye ko, Ijwi ry’Imana Rivugira ku ma bande ni INZIRA IMANA YATANZE KANDI ITUNGANYE KU MUGENI WAYO UYU MUNSI.
Yatanze iyi nzira ku buryo tutokwigera na rimwe dukenera kuyiyungurura, kuyitomora, kuyisigura, mugihe ihinyanyuwe n’umuntu mu buryo ubwo ari bwo bwose; wumvirize gusa Ijwi ry’Imana Risukuye Ribwira umwe wese muri twebwe umunwa ku gutwi.
Yari Izi ko iki gihe kizoza. Yari Izi ko Umugeni WaYo Ashobora kurya gusa iyo Manu Yanyegejwe, Imfungurwa z’Intama ZaYo. Nta kindi twokwipfuza kwumviriza atari Ijwi ry’Imana Rivuye ku Mana ubwaYo.
Twaratantabuye ico gihuzu tuja mu Bwiza bwa Shekinah. Isi ntishobora kubibona. Umuvugishwa wacu yoshobora kutavuga neza amajambo yiwe. Yoshobora kutambara neza uko bikwiye. Yoshobora kutambara impuzu z’abakuru b’idini. Ariko inyuma y’uwo mubiri w’umuntu, muri wo hari Ubwiza bwa Shekinah. Muri uwo hari ubushobozi. Muri uwo hari Ijambo. Muri uwo harimwo Umutsima w’ibiterekerwa. Muri uwo harimwo Ubwiza bwa Shekinah, ari bwo Muco Weza Umugeni.
Kandi gushika winjiye inyuma y’urwo rushato rw’igikoko bita tahashi, gushika uvuye mu rushato rwawe rwa kera, mu vyiyumviro vyawe vya kera, muri nemera zawe za kera, kandi ukaza mu Nyonga h’Imana; hanyuma Ijambo Rikaba ukuri kuri wewe, hanyuma ukavyuka ukaja mu Bwiza bwa Shekinah, ico gihe Bibiliya Ihinduka Igitabu Gishasha, ico gihe Yesu Kristo Ni Wawundi ejo, uno munsi, n’ibihe bidashira. Ubaye mu Nyonga hiWe, urya umutsima w’ibiterekerwa watanzwe gusa uwo munsi ku bizera, ku baherezi bonyene. “Kandi turi abaherezi, ubuherezi bw’ubwami, ihanga ryera, abantu bihariye, bashikanira Imana ibimazi vy’impwemu.” Ariko utegerezwa kwinjira, inyuma y’igihuzu, kugira ngo ubone Imana Ikuweko umwitwikiro. Kandi igihe Imana Ikuweko umwitwikiro, iryo riba Ijambo RyaYo Rigaragajwe.
Turi utuzeze kw’isi, ariko turanyuzwe no kumenya iyo Buro yacu iyo ari yo kandi turashima kuba turi abataye umutwe b’amabande biWe, bafatanijwe kugira bahuze n’Ijambo RyiWe, mu gihe ivyo bidukwegera kuri We.
Iyo utafatanijwe kugira uhuze n’ama bande, nta na kimwe uba uri atari umugwi w’imburakimazi!!!
Rero, mwitegereze, hariya, Imana! Yesu Yavuze ati, “Abo Ijambo Ryashitseko, biswe ‘imana,’” bari abavugishwa. Rero, uwo muntu ubwiwe ntiyari Imana, nk’uko umubiri wa Yesu Kristo utari Imana. Yari umuntu, Imana na Yo Yari Yitwikiriye muri We.
Imana, umunsi umwe Yitwikiriye inyuma y’inshato z’ibikoko bita tahashi. Imana, umunsi umwe Yitwikiriye mu mubiri w’umuntu witwa Melekisedeki. Imana, Yitwikiriye mu mubiri w’umuntu witwa Yesu. Imana, Yitwikiriye mu mubiri w’umuntu witwa William Marrion Branham. Imana, Yitwikiriye mu mubiri w’umuntu witwa UMUGENI WAYO.
Birahambaye cane kwibuka, ariko benshi cane barananirwa bakarondera ikindi kintu. Ikintu ca nyuma Aburahamu yabonye, ikintu ca nyuma kizoba imbere y’uko umuriro ugwa kandi ugacira urubanza isi y’Abanyamahanga, imbere y’uko umwana w’isezerano aza ku rubuga, ikintu ca nyuma ishengero giKristo rizobona gushika ku kugaragara kwa Yesu Kristo ni Melekisedeki, Imana Yagaragaye mu mubiri, Ihishurira Ijambo RyaYo Umugeni WaYo.
Nta na kimwe kindi kizoza. Nta na kimwe kindi casezeranywe mw’Ijambo RyaYo. Nta muntu, canke umugwi w’abantu bazoza gutunganya Umugeni.
Oya! Bashaka kuza hano mw’ishengero kubw’ugutungana. Murabona? Ko du—dufise ugufatanya hagati yacu ng’aha kw’ishengero, ariko ugutungana kuza hagati yacu n’Imana. Amaraso ya Kristo ni yo Adutunganya muri Mpwemu Yera.
Ubu Butumwa, Iri Jwi, Ijambo ry’Imana Ryemejwe, Ririko Riratunganya Umugeni wa Yesu Kristo.
Ndatumiye umwe wese muri mwebwe kuza kwumviriza hamwe natwe Ijwi ry’Imana mu gihe Ritunganya Umugeni WaYo kuri uwu w’iyinga isaha zitandatu ku mutaga, kw’isaha ya Jeffersonville, (isaha imwe y’ijoro mu Burundi) mu gihe twumviriza: 64-0617 Kristo Yagaragajwe Mu Bihe Vyose.
