Category Archives: Uncategorized

22-0220 Elembo Ya Minei

Nsango: Elembo Ya Minei 63-0321

BranhamTabernacle.org

Molingami Mwasi ya Libala oyo Alamukisami,

Ntango mokolo ya Etinda eyaki, tozalaki biso nyoso na lobanzo loko, na esika yoko, longwa na bipai nyoso ya mokili, wana na pwasa makelele mabimaki longwa na Likolo pelamoko Mopepe na Lokito monene. “Mbote, baninga. Tika ete totelema sasaipi kaka mpo na ntango moke mpo na libondeli”. Molimo Mosanto atondisaki ndako na biso mpe biyanganelo nab iso nyoso epai wapi tozalaki kofanda, na bozali na Ye.

Na bongo nguya ya Emoniseli ya Liloba ebandaki kopesa biso kolamukisa ya esengo, kolamukisa ya kosepelisama; kosepelisama ete Endimisami, Ekokisami, ete tozali Mwasi na Libala na Yesu Klisto ya motema oyo aponami.

Tozali kozila na na etingia monene nkake Nsambo yango ete ikoka konguluma mpo na biso na mingongo na yango, mpo ete toyebi sasaipi, na ntembe soko moke te, ete biso tozali etonga na bato oyo bayambi Liloba na Nzambe. Tosili kopapama mpe kokatama na yango. Tokoki kokanga Likolo, tokoki kokanga oyo, to kosala oyo kuna, nyo’oyo tolingi kosala. Monguna akobomama na Liloba oyo ezali kobima na monoko na biso, mpo ete Ezali na mopotu koleka mopanga mopeli na ngambo nyoso mibale. Tokoki kutu kobenga makiasi na kiasi na kiasi ya nzinzi soko tozali na bosenga na yango. Nyos’oyo BISO TOLOBI, ekosalema, mpo ete ezali Liloba na Nzambe kobima na monoko na Nzambe.

Tokozala na bokonzi mobimba, oyo eleki likolo koyangela mabele, mpo ete tozali nzambe moke. Nzambe azali Nzambe ya molongo mobimba, bisika binso, kasi biso tokozala na mokili na nse ya bokonzi na biso mpenza. Tokoki kosolola, tokoki kopesa nkombo, tokoki koloba, tokoki kotelemisa bozalisi, tokoki kosala eloko nyos’oyo tolingi; ezali libula nab iso oyo ezongisami.

Satana alobi,” Kasi bakweisami!” Kasi Ye azali koganga koloba ete, “BAKWEISAMI TE. Bayamboli masumu na bango mpe batelemi liboso na ngai balongisami mobimba. Nakoki kutu kokanisa yango lisusu soko moke te. Bazali mpenza-mpenza mwana na Ngai.”

Oyo wana ezali likanisi na biso te, soko te ete ezali Liloba na biso, kasi ezali LILOBA NA YE, ELAKA NA YE, mpo ete Nzambe abongolaka mwango na Ye soko nzila na Ye ya kosala makambo te. Asalelaka ntango nyoso moto, mpe Ye Azali koyebisa biso ete tozali Mwasi na Ye ya Libala oyo Azongisami mpe Atalisami mobimba oyo azali kotikala na Liloba na Ye.

Tozalaki na eloko moko mosusu te kasi Liloba na Ye ya Ebandeli. Tobandani te, soko totali ata eloko moko mosusu te, kasi totikali na Mongongo na Nzambe, Liloba Nzoto oyo ekomi mosuni, Likonzi na Moto oyo endimisami, Mwana na Moto, Oyo Elobi Nkolo. Tozali Ngondo Mwasi Liloba na Ye.

Osili koyoka kolamukisama na nzila ya Emoniseli. Lokola ndeko na biso ya mwasi kuna na Liziba, tokokaki te koumela butu mobimba soko koumela kino na mpokwa elandaki, tozali na Yango sasaipi mpenza. Tozali momboto na Ye. Pole wana ebetaki likolo na biso mpe eloko moko epasukaki mpo na Bomoi ya sika. Sikawa tozali nan zila koyebisa moto nyoso, “Tokomi. Mitungisi nyoso esuki, Nzambe Ye moko azali koloba na biso azali kosolola na biso na Liteya moko na moko tozali koyoka, koyebisa biso: ‘Bino nde nazalaki kozila. Sik’oyo nakomema bino na bosepeli ya libala na biso. Natongeli bino Ndako kitoko kaka ndenge bolingi eloko moko na moko. Tokolekisa seko-na seko.”

Mpo na biso, Solo ya Liloba ya Nzambe Lilakami ekokisami mpe emonisami. Kati na Yoane 14:12, Yoele 2:28, Timote ya Mibale 3, Malaki 4, Emoniseli 10. Totondi sasaipi na Mafuta mpe tolamukisami.

Bokolinga nde kozwa Kolamukisama yango moko? Bokoki, kasi ezali kaka na esika moko mpo ya kozwa Yango. Lokola ntango Yesu azalaki na lipati ya libala mpe bazangaki vinyo. Bazalaki solo komela vinyo mpe ezalaki kopesa bango kolamukisa, kasi VINYO YA MALAMU KOLEKA eutaki mbala moko kouta epai na Yesu ye moko.

Boya komela Vinyo ya Malamu Koleka mpe kozwa Kolamukisa ya Malamu koleka na nzila ya Emoniseli elongo na biso Mokolo na Lomingo na nzanga, ntango ya Jeffersonville, wana ekoyoka biso: Elembo ya Minei 63-0321.

Bomilengela kolangwa likolo na Vinyo ya Molimo Mosanto.

Ndeko Joseph Branham

Makomi ya kotanga kati na bolengeli koyoka Liteya “Elembo ya Minei” 63-0321.

St. Matai 4

St. Luka 24:49

St. Yoane 6:63

Misala 2:38

Emoniseli 2:18-23, 6:7-8, 10:1-7, 12:13, 13:1-14, 16: 12-16, 19:15-17

Genese 1:1

Njembo 16:8-11

II Samwele 6:14

Yilimia 32

Yoele 2:28

Amosa3:7

Malaki 4

22-0213 Elembo ya Misato

Nsango: Elembo ya Misato 63-0320

BranhamTabernacle.org

Molingami Mwasi na Libala Moseka,

Nazalaki kobondela mpe kosenga Nkolo soko akolinga Nakoma to naloba nini oyo ekokaki na lolenge moko to mosusu kozala mapamboli mpe elendiseli epai na bino, Mwasi na Ye na Libala. Nazali na maloba te, mpe nayebi eloko ya koloba te. Nazali koyoka mpenza ete nakoki te kutu kokoma mwa ndambo na maloba oyo nazali kokoma, kasi ezali libaku monene na bomoi na ngai kosala eloko ata nini mpo na Ye.

Na ndimi ete ntango ya koyoka Bilembo Sambo oyo ebongi mpenza be. Tokoki komona etandelo monene ya Nzambe komonisama mpe kozipolama liboso na biso. Liteya sima na Liteya ezali kokoma Emoniseli monene sima na Emoniseli. Tozali komona Ye komimonisa epai na biso mpe kokamba biso. Toyebi ete tozali kosala kaka oyo Ayebisaki biso kosala, « kotikala na Liloba. » Ezali na nzila ya monene eleki te mpo na kosala yango soko Kofina Play te.

Nazali koyoka ebiangeli oyo Atii na motema na ngai ezali kobatela Etinda oyo, mongongo na Ye, ba bande oyo liboso na bino ntango nyoso ; ko talisa binon tango nyoso litomba ya koyokaka ba bande. Nayebi ete nakoki te kokomisela bino yango ndenge esengeli, kasi na YEBI nazali alima wana ezali ngai koyebisa bino « Fina Play, » lokola ezali makanisi na ngai te, mabanza na ngai te, soko maloba na ngai te, kasi Liloba na Nzambe Ye moko kosolola na nzila ya mwanje na Ye motindami, koyebisa biso :

Ntango mosusu soko totangi kaka, mpe, sasaipi, bozala mpenza na bokebi. Mpe ntango bozali kotanga, bozua ba bande, boyoka mpenza yango na bokengi. Mpo ete, bokozua yango kati na bande, mpo été bazalaki koyoka ba bande wana kuna, mpe ezali mpenza malamu mpe polele. Boye bozua yango polele-polele kuna.

Lokola nalobá yango liboso mbala na mbala, natemeli lotomo te soko eloko mosusu nini oyo Nzambe atii kati na lingomba na Ye. Kosala bongo elingi koloba kotemela Liloba na Nzambe. Nandimi ete bapakolámi mpe babiangami na Nzambe. Kasi nandimi ete koyoka mpe kotia Mongongo mpenza ya Nzambe liboso ya bato nde esengeli ezala eloko ya litomba koleka oyo moto na Nzambe ata nani akokaki kosala. Ekoki kaka te koloba ete, « Nayebisaka eyanganelo na ngai bayoka ba bande. » Soko bondimaka :

·       Ezali na epakweli monene te koleka koyoka Mongongo na Nzambe kati na bande.

·       Emoniseli nyoso esengeli kouta na Mongongo wana.

·       Kondima ya konetolama oyo tozali na yango bosenga ekouta na Mongongo wana.

Ndenge nini motei ata nani azanga kolinga koyoka Mongongo yango, elongo na mangomba na bango, mpe koloba AMEN NA LILOBA MOKO NA MOKO?

Moto nyoso esengeli azala na eloko oyo bazali koyoka mpe kondima ete ezali ELOKO YA MOTUYA KOLEKA oyo bakoki kosala mpo na kozala Mwasi na Libala Klisto. Eloko moko esengeli ezala eloko ya Nzambe ya LITOMBA KOLEKA mpe Mokano na Ye ebongi be. Yango ezali nde lotomo ya mobateli na yo? Koyoka ntómo mosusu? Ezali te ete yango ezali mabe, soko moke te, mpe yango ezali mpenza malamu kokokana na Liloba, kasi bozali nde kondima ete eloko YA LITOMBA KOLEKA ezali koyoka Mongongo na Nzambe oyo endimisami likolo na ba bande?

Mituna yo mpenza to mobateli nay o motuna oyo: Ondimi ete eteni na liloba oyo ezali solo, to ezali nde miko mpe kaka kozanga kososola ya Ndeko Branham, to komeka komizwela lolendo?

Bomoni, mpenza oyo ekokaki kosalema sasaipi! Mpe, epai na lingomba, oyo yango ezali ? Liloba kati na nzoto likomi mosuni kati na bato na Ye lisusu! Bomoni? Mpe bazali kaka kondima yango te.

Soko bondimaka ete eteni na maloba oyo ezali solo, mpe epai na bino ezali MONGONGO NA NZAMBE, Liloba kati na nzoto likomi mosuni, na bongo ndenge nini moto ata nani azanga komona ete ELOKO MOKO YA LITOMBA MINGI koleka koyoka Mongongo yango ezali te.

Moseka molali mpongi bolamuka,  to bozali na Emoniseli oyo to bozali ndenge alobaki ete: “bondimi na bino kaka te.”

Lokola mosakoli ayebisaki biso, tozali Buku ya sika ya Misala, Motape yango ya sika, baponami na Ye. Na bongo, ebele bazali koyoka ete Molimo mosanto sasaipi kokamba biso lokola bato to azali kokamba bison a nzila ya lotomo, nan zila ya mosakoli na Ye te.

Ezali na solo mingi kati na oyo, KASI, mosakoli mpe asembolaki oyo, mpe amonisaki biso solo.

Moto moko azalaki kosolola nan gai awa eumeli mingi te. Alobaki, “Kasi Ndeko Branham…”[Ndeko Branham afungoli mongongo na ye—Mok.] Bolimbisa ngai. Alobaki, “Ezali te sima ya Molimo Mosanto koya, Banje te kokamba lingomba, to kotambwisa bato. Te, mobali. » Alobaki, « Ezali Molimo Mosanto nde azali kokamba biso. »

Oyo wana ezali kozanga kososola kati na Mwanje mpe Molimo Mosanto. YANGO EZALI LIBUNGA, Banje bazalaki kokamba Lingomba kuna, mpe bazali kokoba kokamba Lingomba. Ndenge esengeli.

Mwanje na Ye azali kokamba mpe kotambolisa Lingomba na Ye. Biso nyoso tozali na esika na biso mpe na ebiangeli na biso, kasi mwanje ye moko nde esengeli kokamba Mwasi na Libala.

Boyoka oyo mosakoli na Nzambe azali koloba na ntina na ntomo isusu kokokanisa na oyo Nzambe ABENGAKI YE KOSALA,

Kaka lokola moto oyo azali mo—mobongisi na ba singa ya telefone, azali moto ya lotiliki te. Akoki kosala mwa mosala likolo na yango. Mpe lokola, soko moto azali motii singa ya telefone, boye, akokoka mpenza ko…Moto  azali ntango mosusu motimoli ya mabulu, mpe asalá mosala ya singa ya telefone liboso te, epusi malamu atika mosala yango ya ba singa; kasi akoki kosala mwa eloko moko lokola mosala ya ngenge yango.

Kasi ntango eloko ya solo esengeli emonisama na mokolo ya suka, ya eteni ya suka ya Lingomba, ezali ntango Nzambe alobaki ete akotindela biso, kokokana na Makomi. Mpe tolukaki yango epai na epai, ete Alobaki liboso ete Molimo na Elia ekozonga kati na moto moko.

Ntango moto moko akomeka koswanisa yo, “ esengeli na eloko mosusu koleka koyoka kaka ba bande. Ndeko Branham alobá soko moke te ete bato bayoka ba bande kati na losambo. Esengeli ntomo ya batei mpo na kobongisa Mwasi na Libala;” to eloko mosusu nini oyo songolo pakala akoki koyebisa yo, komeka kobetisa yo ntembe ete koyoka Mongongo na Nzambe wana endimisami likolo na bande kati na losambo ezali miko…

Kaka lokola moto moko abanda, ameki koswana nayo; soko oyebi esika ya kotelema, oyebi oyo andimi.

Soko babeti ntolo ete bandimi, « Etinda oyo, ezali Liloba. William Marrion Branham azali mwanje ya Sambo motindami ya Nzambe. Etinda oyo ezali Etemelo na bango. Etinda oyo ezali Mwana na Moto komimonisa ye moko kati na nzoto lokola Alakaki ete akosala bongo…”

Ezali kaka lokola kozwa simbiliki mpe kofungola ye kati na lopango, mpe okangi malusu manso. Telema kaka na ekuke; akozonga. Nde suka na yango. Okangi ye na kati. Bomoni? Akozonga kaka na ekuke lisusu. ‘mpo ete ezali nzila nse yoko akokoka kobimela. Akofina moto na ye nan zila oyo, pene ete abuka kingo na ye; mpe akokende kuna, kuna. Telema kaka wana mpe tala ye, mpe akozonga nokinoki. Bomoni? Nde suka.

Botikala na Malakisi yango ya Ba Bande. Boloba kaka oyo ba bande elobi. Bobongola Liloba moko te. Bobakisa na yango, to bolongola Liloba moko longwa na yango te. Ezali Mongongo na Nzambe epai na bino. Ezali Liloba kati na Nzoto ekomi mosuni. Ezali Maloba mazangi kokwea. Azali mobateli na bino. Mwanje na Ye azali kokamba bino. Ezali Oyo Elobi Nkolo.

Ntango nyoso bozali kati na Liloba yango, bobatelami.

Boya kopetola mind ana bino mpe kotondisa yango na mafuta Mokolo na Lomingo oyo na nzanga, ntango ya Jeffersonville, wana mwaje na Nzambe moponami azali konguluma mpe kobuka Elembo ya Misato 63-0320, mpe komonisa yango epai na Mwasi na Ye ya Libala.

Ndeko Joseph Branham.

Makomi ya kotanga kati ya kolengela koyoka Liteya, “Elembo ya Misato.”

Makomi:

St. Matai 25:3-4

St. Yoane 1:1; 1:14; 14:12; 17:17

Misala Mokapo ya 2

I Timote 3:16

Baebele 4:12; 13:8

I Yoane 5:7

Lewitiko 8:12

Yilimia Mokapo ya 32

Yoele2:28

Jekalia 4:12

22-0206 Elembo ya Mibale

Nsango: 63-0319 Elembo ya Mibale

BranhamTabernacle.org

Molingami Motape ya Sika,

Ekomaki; oyo basanto nyoso liboso na biso bazalaki kozila bango nyoso. Nzete ya ebandeli esili kotia motape ya sika. Tosili tokomi. Tozali Motape yango ya sika. Molimo Mosanto akiti, mpe Molimo na Nzambe ezali likolo nab iso. Kondima ya Ebandeli, oyo ya bantoma, ya Kitelá ezongisami na mwanje na Ye ya 7. Sasaipi, mosakoli na Ye azali kekende longwa na ndako moko kino ndako mosusu, kobuka kwanga elongo nab iso. Ezali na bilembo binene, bikamwa, mpe emoniseli likolo na emoniseli ezali kosopama likolo na biso.

Tozali kobatela miinda nab iso ya kopela mpe etondi na mafuta. Tozali kotikala na Liloba ya Ebandeli, lokola Ayebisaki biso tosala. Bamosusu bakoki kolinga Lingomba, kasi biso to LINGI ELOKO MOSUSU TE KAKA MONGONGO NA NZAMBE YA EBANDELI.

Sasaipi, bokanisa yango sik’oyo. Tika kaka—kaka Tomeka komizindisa kati na oyo biso tondimaka ete Molimo Mosanto akokaki kolinga biso to yeba. Sikawa bokanisa, “Eloko moko te ekomonisama; Nzambe akosala eloko, soko moko te, kino liboso Akomonisa mwango na Ye epai na baombo na Ye, bango basakoli.” Mpe liboso asala ata eloko nini, azali komonisa yango.

Eloko moko ekoki komonisama epai na Mwasi na Libala te ; bobele na nzila ya mosakoli na Ye liboso. Soko ezali na mabombami oyo esengeli emonisama, emoniseli nyoso ya sika, eloko ata nini oyo tozali na yango bosenga mpo na kozala Mwasi na Libala mpe kokende na konetolama, esengeli naino eya epai na mosakoli mpe bongo YE akomonisa yango epai nab iso, Mwasi na Libala na ye.

Komonisa nini? Mabombami ya Nkake Sambo. Elingi koloba nini? Elingi koloba moko ya makambo mibale. Ezali to esili kozala likolo na bande mpe ekomonisama ntango ngonga ekoki mpo ekomonisamela biso,

Kasi nazali kobanza, ntango mabombami makobanda kobima, Nzambe alobaki ete, “Kanga yango mpo na sikawa. Zila monuti moko. Nakomonisa yango na mokolo yango. Koma yango, soko moke te, Yoane, mpo ete bako taa mabaku likolo na yango. Tika kaka—tika kaka yango eleka, bomoni. Kasi nakomonisa yango na mokolo wana ntango bosenga na yango kosalema bongo ekozala.”

To, ntango Azali kotinda mosakoli na Ye na mokili kolakisa biso epai na Ye, na bongo mosakoli na Ye akomonisa biso libombami ya Nkake Sambo.

Mpe na sima ezali na libombami ya Nkake sambo oyo kutu ekomami na yango te. Ezali solo. Mpe nandimi yango na nzila ya Nkake yango Sambo, ikomonisama na mikolo ya suka mpo ya koyanganisa Mwasi na Libala elongo mpo ya kondima ya konetolama. Mpo ete, oyo tozali na yango sasaipi, to—toko koka te kozala na makoki ya kosala yango. Ezali na eloko moko. Esengeli topusana liboso.

Ekozala te ebolo ya bato nde bakomonisa libombami yango, ekozala motindami na Ye mwanje ya 7, Willia Marrion Branham. Ezali te mpo ete “Ngai” nalobi yango; ezali mpo ete LILOBA ELOBI YANGO !!

« Azwi Buku mpe, ya bilembo, mpe abuki yango, » mpe alakisi mwanje na sambo ; mpo  oyo yango moko, mabombami ya Nzambe, ezali lotomo ya mwanje ya sambo.

Elobi yango polele wana. Mabombami ya nzambe ezali lotomo ya moto mosusu te soko mwanje ya sambo te. Nkake sambo ekoyeisa Mwasi na Libala esika moko mpe kopesa biso kondima ya konetolama.

Soko nkake ezali oyo ekoyanganisa Mwasi na Libala  elongo, mpe libombami ya nkake esengeli euta na mwanje ya 7, na bongo ezali na eloko mosusu te eleki na litomba mpo na Mwasi na Libala koleka KOFINA PLAY. Yangon de ekoyeisa Mwasi na Libala elongo mpo na Konetolama.

Botikala na Liloba ya Ebandeli likolo na bande. BOFINA PLAY.

Mpe ba bande ekomonisa mingi na yango, wana ezali bino koyekola.

Nkombo na Nkolo epambolama ! Nkembo na Nzambe ! Tolingaka eyokeli yango ya elengi oyo tozwaka ntango tozali koyoka Mongongo na Nzambe kosolola na biso likolo na ba bande. Tozali kaka koyoka Molimo Mosanto kosopana bo mai zingazinga nab iso wana ezali biso kotambola elongo na yango. Tozali kokende na yango na ndako elongo na biso. Tozali kosimba yango likolo na etielo nab iso ya motó.

Boya koyoka elongo nab iso Mokolo na Lomingo na nzanga, ntango ya Jeffersonville, wana Molimo Mosanto azali koya na makelele na kati y aba ndako nab iso mpe komonisa biso nyos’oyo tozali na yango bosenga, lokola tokoyoka: Elembo ya Mibale 63-0319

Ndeko Joseph Branham

Makomi ya kotanga liboso ya Liteya :

St. Matai 4 :8 / 11 :25-26 /24 :6

St. Malako 16 :16

St. Yoane 14 : 12 

2 Batesaloniki 2 :3

Baebele4 :12

Emoniseli 2 :6 / 6 :3-4 / Mokapo ya 17 / 19 : 11-16

Yoele 2 :25

Amosa 3 :6-7

22-0130 Elembo Ya Liboso

Nsango: 63-0318 ELEMBO YA LIBOSO

BranhamTabernacle.org

Molingami Mokonzi Mwasi ya Lola,

Ngai, Mokonzi na bino, nakongulumisela bino nkake Mokolo na Lomingo, bozali Mwasi na ngai ya Libala. Nabongisaki bino liboso. Nasikolaki bino. Nalongisaki bino mpe natiaki nkombo na bino na Buku ya bomoi ya Mwana na Mpate liboso ya kobandisama na mokili. Bozali Mokonzi Mwasi na ngai oyo nalingi wa motema.

Nazilaki bino mpe kozila lisusu mpo ete nakoka kozongisela bino oyo nyoso Adamu na ngai ya liboso abungisaki. Boyokani na ye nyoso mpe makoki na ye na bomoi. Napesaki ye bokonzi mpe boyangeli etombwaki mobimba ya mabele. Azalaki nzambe ya mabele ndenge moko ngai nazali mokonzi ya molongo.

Natiaki mabele oyo na nse na bokonzi ya ye moko. Akokaki kosolola, akokaki kopesa nkombo, akokaki kotelemisa mokili, akokaki kosala eloko nyoso alingaki kosala. Kasi abungisaki yango nyoso.

Sasaipi, lokola nalakaki bino kati na Liloba na Ngai, nazongiseli BINO nyoso oyo ye abungisaki. Esikolami. Makoki nyoso ya bozali na oyo nyoso ebungaki na nzela na Adamu ezali sasaipi ya BINO. Mokanda ya makoki ya kozala na bomoi na nseko, yango elingi koloba ete sik’oyo BINO bozali ba nkolo ya oyo nyoso Adamu abungisaki.

Nakomaki tata Mosikoli. Nasengaki oyo ezalaki ya ngai. Natalaki buku na ngai ya lisiko longwa na Loboko ya Tata na ngai, nabukaki bilembo longwa na buku mpe nakitisaki yango na nse epai na motindami na ngai mwanje ya sambo komonisa bino yango. Akozongisela bino kondima ya Biblia ya ebandeli mpe akomonisa bino makambo na ngai manso mabombami.

Nakokisi mpe nandimisi makambo nyos’oyo epai na bino na nzela ya Adamu na ngai ya liboso oyo azongisami mobimba ; mwanje na ngai ya sambo mosakoli motindami. Akokaki koloba mpe ko kela bisende, kozongisa bomoi epai ya mbisi, koyangela mipepe mpe kopesa  bikumbaki motindo ete bizonga epai wapi biutaki. Akokaki kosolola mpe kosekwisa bakufi. Nalingisaki kutu elili na ngai kozwama na ye elongo kolakisa mokili, oyo azali Adamu na ngai ya liboso oyo azongisami, boyoka ye. Sasaipi BINO, Mwasi Mokonzi na ngai, bozali na nyos’oyo Adamu abungisaki.

Bokanisa, motindami na ngai mwanje ya sambo akozala na mabele na ntango ya koya na ngai. Akotalisa BINO epai na NGAI. Kelelo yango ya suka ekoyula mpe bakufi kati na Klisto bakosekwa. Baoyo bazali na bomoi mpe batikali bakonetwa elongo na bango, kokutana na NGAI kati na mipepe na ntango yango moko mwanje na ngai ya sambo azali kopesa Etinda na ye. Elembo ya suka efungolami. Kelelo yango ya suka ekoyula ; nakoya mpo na kosenga bozwi na ngai, BINO, mpe bongo nakozwa BINO na Lipati na BISO ya Libala.

Mwasi Mokonzi na ngai molingami, boya koyoka NGAI kosolola na BINO mpe komonisa BINO nyos’oyo bozali na yango bosenga. Nabombaki Bilei oyo mpo na BINO mpo BINO bokoka kozala Mwasi Mokonzi na NGAI. Nakozala kosolola na BINO na ngonga ya 12 :00., ntango ya Jeffersonville, epai wapi Nakongulumesela BINO nkake Elembo ya Liboso 63-0318.

Ndeko Joseph Branham

Makomi ya kotanga kati na kolengele boyoki ya Liteya :

St. Matayi 10 :1 / 11 :1-14 /24 :6 /28 :19

St. Yoane 12 :23-28

Misala 2 :32

2 Batesaloniki 2 :3-12

Baebele 4 :12

Emoniseli 6 :1-2 / 10 :1-7 / 12 :7-9 / 13 :16 / 19 :11-16

Malaki Mikapo ya 3 mpe ya 4

Danyele 8 :23-25 / 11 :21 / 9 :25-27

22-0123 Ntaka Kati na Bileko Sambo ya Lingomba Mpe Bilembo Sambo

Nsango: 63-0317E Ntaka Kati na Bileko Sambo ya Lingomba Mpe Bilembo Sambo

BranhamTabernacle.org

Molingami Mwasi na Libala oyo azali koganga mpe kosepela,

Tozali kati na Liloba mpe tozali na ntango monene ya koleka na bomoi na biso. Malakisi, komibonzela, mpe emoniseli.Ezali na eloko moko te eleki koyoka Mongongo na Nzambe kati na bande.

Etinda oyo ezali nyoso mpo na biso. Ezali kopesa biso kimia kosepela ya motema mobimba. Eloko moko kaka oyo ekoki kosilisa mposa ya bomoto na biso ezali koyoka Nzambe kosolola na biso na nzela ya mosakoli na Ye.

Mokolo na mokolo azli kopesa biso emoniseli ya koleka ya Ye moko mpe ya biso moko. Kondimisama ya bozindo ete, na bo « finaka play, » tozalo koyoka Loloba na Ye mpe tozali kosala kaka oyo asengaki biso kosala. Tozali ba mpate na Ye, mpe mpate akoki komikamba te ; esengeli azala na mokambi. Mpe Molimo Mosanto azali kokamba biso epai na Ye moko, Mongongo na Ye koloba Maloba eyebi kokwea te likolo na bande.

Tozali koyoka Mateya oyo elongo kaka na libaku te, Aponaki biso koyoka yango bongo. « Matambe ya bayengebene ezali kotambolisama na Nkolo. » Ezali na ntina moko. Tokoki komipekisa te. Etinda likolo na bande nde nyos’oyo Mwasi na Libala azali na yango bosenga. Na boyokaka yango, ezali kopesa biso loboko makasi ya kondima kotingama mpe kondima Liloba moko na moko.

Mpo na nini tozali kondima ete ezali na litomba monene mpo na oyo nyoso bazali komibenga « Mwasi na Libala ya Nzambe » koyoka ba bande ?

Liloba yango moko ezali koyebisa biso polele ete Biblia ekomamaki na basakoli. Ezalaki makanisi na bango te, soko mabanza na bango te, kasi Molimo Mosanto azalaki kokamba bango kokoma Biblia. Biblia mpe ezali koyebisa biso ete Nkolo Yawe  akosala ELOKO TE bobele ete ayebisa mwango na Ye pai ya  basakoli na Ye. Ba mosusu bakoki koloba yango mpe kotatola yango, kasi bakoki kaka koloba oyo mosakoli na Nzambe asili koloba.

Soko bondimi ete William Marrion Branham azali mwanze na 7 motindami na Nzambe oyo andimisami, na bongo oyo alobaki likolo na BANDE ezali maloba ya ye te, kasi makanisi ya Nzambe penza ebimisami polele. Seko na seko na bino bozali kotia yango likolo na moboko oyo ezali Liloba alobaki likolo na ba bande, lokola bozali kondima ete yango ezali OYO ELOBI NKOLO. Ekoki kobakisama te soko kolongolama likolo na yango te, soko kutu ezali na bosenga ya ndimbola te ; ezali Mwana na Moto kosolola na nzela ya moto aponaki kokokisa Liloba na Ye.

Mwasi na Libala ya solo ayebi ntina ya koyoka ba bande. Mpo na bis oba bande ezali oyo eleki monene mpe ntomo mosusu nyoso ezali ya moke. Esengeli moto na moto amituna motuna soko seko na seko na ye ezali na Liloba nyoso mosakoli na Nzambe alobaki lokola moboko. Soko nandimi ete ezali Mongongo na Nzambe koloba mpe kobenga Mwasi na Ye ya Libala, na bongo ezali na eloko te koleka KOFINA PLAY, lokola nakosambisama na Liloba moko na moko oyo MOSAKOLI NA NZAMBE ALOBAKI…ezali te na nzela ya oyo moto songolo pakala alobaki ete mosakoli na Nzambe nde alobaki.

Soko ondimi ete ozali na bosenga ya eloko mosusu koleka ba bande, na bongo mpo na yo ntina ya kotia litomba mingi likolo na koyoka ba bande ezali te, kasi litomba na yo mingi ekozala likolo na ntomo ya koteya. Okoki kozala na eloko ya monene kaka moko.

Lokola tokozala koyoka bande Mokolo na Lomingo oyo, Nzambe Ye moko akosolola mpe akoyebisa biso ete tozali ba nkolo ya mokanda ya libula ya Bomoi na seko. Tozali na nyos’oyo Adamu na Ewa babungisaki. Ekomemelamela biso na nzela ya emoniseli, mpe longwa na Loboko na Nzambe na nzela ya kondimisama.

Na mbisa akoyebisa biso eloko nini ezalaki koleka na Lola. Ndenge nini Yesu ye moko akamataki mokanda, afungolaki elembo, mpe bongo atindaki yango epai na mosakoli oyo Aponaki mpe Ayebisaki ye kopesa yango epai na Mwasi na Ye ya Libala…osi oyoka koganga !!!! Nyoso likolo na mabele mpe kati na Lola ekoyoka biso ko ganga mpe kobeta tangwa wana ezali biso komona nkombo na biso ikomami na Buku ya Bomoi ya Mwana na Mpate.

Mpe Akamataki Buku, (kembo !) afungolaki Buku, mpe akangolaki bilembo na yango ; mpe akitisaki yango na mabele, epai na mwanje ya sambo, komonisa yango epai na bato na Ye ! Bokomi esika yango. Oo, Oo ! Nini nde ekomaki ? Koganga, kobeta milolo, ba aleluya, oyo apakolami, nguya, kembo, kotalisama !

Mpe mpaka na Yoane, oyo azalaki kotelema wana, ndeko na biso, oyo azalaki kolela ! « Mpo nini », alobaki, « nyoso na Lola, nyoso awa na mabele, mpe nyoso na nse na mai monene, eyokaki ngai kobelela ete, ‘Amen ! Amen ! Mapamboli, lokumu, mpe nguya, mpe makasi, ezala epai na Ye oyo azali na bomoi libela na libela.’ »

Bokoki koyoka emoniseli monene oyo wapi? KAKA LIKOLO NA BA BANDE. Ezali penza likambo monene mpo na Mwasi na Libala ntango bazali koyoka Nzambe Ye moko kosolola na nzela ya bibebu ya moto mpe koyebisa bango, « BOZALI MWASI NA NGAI YA LIBALA MOLINGAMI YA MOTEMA. »

Boya kofanda na bozali ya Molimo Mosanto na bo Finaka Play, Mokolo na Lomingo na ntango ya nzanga, ntango ya Jeffersonville, wan’ekoyoka biso mwanje na Ye ya sambo motindami komema : Ntaka Kati na Bileko Sambo ya Lingomba Mpe Bilembo Sambo 63-0317E

Tokozala koganga mpe kosepela mpe koloba aleluya.

Ndeko Joseph Branham

Makomi ya kotanga kati na bolengeli koyoka Liteya :

Lewitiko 25 :47-55

Yilimia 32 :1-15

Jekalia 3 :8-9 / 4 :10

Baloma 8 : 22-23

Baefese 1 :13-14 / 4 :30

Emoniseli 1 :12-18 / Mokapo ya 5 / 10 :1-7/ 11 :18

22-0116 NZAMBE AMIBOMBAKA KATI NA KOMIKITISA MPE AMIMONISAKA NA MOTINDO MOKO

Nsango: 63-0317M Nzambe Komibomba Kati Na Komikitisa, Nsima Komimonisa Na Motindo Moko

BranhamTabernacle.org

Balingami Etonga Moke ya Elia,

Tozali bato oyo tokeseni, bato ndenge mpe oyo tokoki kososolama na mokili te, mpe epai na bandimi mingi, mpe ata ko bongo tozali libota na banganga kati na molimo, ekolo ya bokonzi, tozali kopesaka mbeka na molimo epai na Nzambe, na mbuma ya bibebu na biso kopesa kembo na Nkombo na Ye. Tolingi toyebisa mokili ete tozali na esengo koleka, tozali na matondi mingi, mpe topesami lokumu mingi kozala moko na bango.

Totekisi mayaka nab iso mosusu nyoso, lokola Apesi biso mayaka ya motuya monene, Emoniseli ya Ye moko. Tozali komona Liloba na Nzambe penza komonisama. Elaka penza ya mikolo ya suka, Pole penza ya ntango ya mpokwa oyo esengelaki ebima.

Emonisami na bozindo na mitema nab iso été Mongongo oyo tozali koyoka likolo na bande ezali Mwana na moto komimonisa Ye moko. Mongongo yango eyebisaki biso ete: Botikala awa, botia miso likolo na Bilei oyo ebombami oyo nati yango mpo na bino likolo na ba bande. Soko bokozala na motuna ata ya ndenge nini, bozongela ba bande oyo. Ekoki kutu kozala lokola mwa kpokoso mpo na bino, kasi bofungola bande lisusu mpe boyoka na bokengi. Soko bozali Mwasi na Libala, Molimo Mosanto Akomonisa bino yango. Bokanisa, ba bande oyo ezali na bosenga ya ndimbola te. Boloba kaka oyo ezali likolo na bande. Nazali mobateli na bino mpe bino bozali etonga moke na ngai, botikala na malakisi ya ba bande.

Nayebi ete mingi bazali kososola te oyo ezali biso kosala na boyokaka Liteya moko biso nyoso na mbala moko, kasi yango ezali malamu, bazali ata ko bongo bandeko na biso basi mpe mibali mpe tolingi bango mpe esengeli na biso te kolobela bango mabe. Moto na moto asengeli kosala oyo ayoki été akambami na Nkolo kosala. Nzambe azali kosala mpe kokamba biso moto na moto.

Mosakoli ayebisaki biso été esengeli tomeka eloko nyoso na Liloba, mpe kopima yango na Liloba, kaka ndenge ye asalaki. Liloba mpo na lelo, mpe ezalaka ntango nyoso, Biblia. Biblia eyebisi biso na mikolo ya suka Akomonisa mabombami mpe sekele nyoso kati na Biblia na Ye polele na nzela ya mosakoli na Yeo yo Akotinda. Ye moko akosolola na nzela ya mosakoli yango mpe akomimonisa kati na mosuni kaka ndenge asalaki epai na Abalayama. Liloba na ye ekozala liloba ya moto te, kasi Maloba penza ya Nzambe Ye moko. Ekozala OYO ELOBI NKOLO, na bongo Biblia mpe Mongongo yango ekozala eloko nse moko.

Ezali na bozindo kobenga bozindo na kati na mitema na biso mpo ya koyoka Mongongo yango oyo endimisami. Tolingaka koyoka Mongongo na Nzambe mbala moko kouta na mosakoli na Ye aponami. Bolingo ezali penza na mitema na biso koyoka Mongongo yango mpe kozala kaka pepele na boyebaka ete tokoki kobeta ntembe ata na eloko moko te oyo tozali koyoka, tozali kaka na lotomo ya kondima LILOBA MOKO NA MOKO.

Ezali na esika mosusu te wapi tokoki kosala yango. Ezali te ete moko moko akoyebisa biso eloko moko ya lokuta soko ete akobungisa biso, lokola bango mpe bazali na Molimo Mosanto, kasi toyebi ete bakoki na nko te kolobela biso likambo ya lokuta. Kasi wana ekoyoka biso Mongongo ya Nzambe endimisami na likolo ya bande, ata soko tososoli oyo elobami te, Papa Nzambe alobaki ete esengeli kaka toloba AMEN, TONDIMI LILOBA MOKO NA MOKO. Tokoka te kosala yango na mongongo mosusu at aya motindo nini.

Topesameli motindo na Mongongo yango ko:

Boyoka ngai te; kasi boyoka oyo elobi ngai. Oyo elobi ngai ezali Etinda. Bozala na bokebi boko te likolo na motindami ; botala Etinda. Bobatela miso na bino likolo na motindami te, kasi Etinda. Oyo yango elobi, nde eloko ya kotia miso likolo na yango.

Oyo elobaki ye EZALI Etinda ya ntango. Esengeli tobatela miso na biso likolo na Etinda ; nde eloko ya kotia miso na biso likolo na yango.

Ezali komonisa biso makambo koleka liboso. Liteya moko na moko tozali koyoka ezali koyokana lokola nde toyoka nano kutu te. Ata ko toyoka yango mbala nkama na nkama liboso, tokoki kolimbola yango te, ezali nde lokola touti koyoka yango mpo na mbala ya liboso mpe azali kopesa biso emoniseli koleka mpe koleka lisusu.

Tokoki kaka te kokanisa ete ezala na moto moko oyo alingi te koyoka Mateya oyo elongo na biso. Ezali na bo moko mpe lisanga ya ndenge ya kokamwa elongo na Mwasi na Libala mpe Liloba na Ye. Tozali na kosepela na mitema kimia ndenge nano ekomela biso te na ntango mosusu na bomoi na biso.

Mbala moko lisusu tozali kozila na mposa monene. Ezali nde lokola ete Bilembo ebandi nde kofungolama sikoyo. Akomonisa biso makambo oyo nano tomona liboso te, mpe komema Pole na biloko oyo toyoka mbala na mbala liboso ; kasi sik’oyo, tokomona yango polele.

Toyebi ete biloko nyos’oyo tozali na yango bosenga mpe ye Konetolama na Yeo yo ebelemi, ezali Mongongo yango likolo na ba bande.

Nzambe atindaki mosakoli na Ye na nzela ya emoniseli kokende sima na lisobe kuna na Arizona epai wapi amemamaki na likolo na banje sambo, mpe bongo azongisamaki na Jeffersonville kofungola mabombami ya Bilembo Sambo epai na Mwasi na Libala.

Boya koyoka elongo na biso wana Nzambe azali kosolola na biso mbebu na litoi Mokolo na Lomingo oyo na 10 :00 na ntongo, ntango ya Jeffersonville, mpe tokoyoka : Nzambe Amibombaka Kati na Komikitisa Mpe Amimonisaka na Motindo Moko 63-0317M.

Tokobanda Liteya na molongo ya 94 sima ya molulu ya kobulisama ya losambo.

Ndeko Joseph Branham

1 Ntango 17 :1-8

Yisaya 35 : 8 / 40 :1-5/ 53 :1

Malaki Mokapo ya 3

St. Matayi 11 : 10, 11 :25-26

St. Yoane 14 : 1-6

1 Bakolinti Mokapo ya 13

Emoniseli Mokapo ya 21

22-0109 Oyo Ezali Nde Elembo Ya Suka Mobali?

Nsango: 62-1230e Oyo Ezali Nde Elembo Ya Nsuka Mobali?

BranhamTabernacle.org

Balingami Tempelo ya Nzambe,

Etinda oyo ezali na nguya ezangi suka. Ebongi be yango moko. Ezali Liloba ya suka likolo na makambo nyoso. Ezali na eloko mosusu te mpo na Mwasi na Libala kasi Mongongo wana oyo etiamaki likolo na bande. Ezali Etinda na Nzambe ya ntango. Ezali Etemelo na biso.

Tozali na mobembo na biso na Mokili ya Elaka, wana ezali biso kokambama na Molimo Mosanto, Likonzi na Moto. Bilei na biso ya Molimo ebombamaki mpo ya kosunga biso kati na mombembo na biso. Nyos’oyo tozali na yango bosenga epesamaki.

Dawidi alengelaki biloko ebele liboso na kufa na ye, nyoso oyo esengelamaki na yango mpo ya kotonga Ndako na Nkolo. Apesaki motindo ete esengeli eleka na malamu, na lokumu mpe na nkembo kati na bikolo binso.

Na bongo asololaki na Salomona, mpe apesaki ye nyoso oyo alengelaki mpo na botongi ya Tempelo ya Nkolo. Apesaki ye etandelo ya ekotelo ya litongi mpe na ndako na yango, mpe na bibombelo ya mosolo, na biteni ya ndako na likolo, biteni ya katikati, mpe na esika ya ebonga na ngolu.

Apesaki ye etandelo ya nyoso azalaki na yango na nzela ya Molimo, na biteni ya ndako na Nkolo. Biteni na ndako nyoso zingazinga, bibombelo na mosolo ya ndako na Nzambe, mpe bibombelo ya biloko binso bibonzamaki.

Bisika ya mosala ya ba nganganzambe mpe na balewi, mpe mpo na Mosala nyoso ya mosala na ndako ya Nkolo. Apesaki mpe ye bisaleli nyoso ya  mosala na ndako ya Nkolo. Wolo mpe Palata mpo ya bisaleli ya muziki mpo ya mosala ya ndenge na ndenge. Bozito ya wolo mpe palata mpo na bitemelo ya miinda ya motindo na motindo. Wolo mpe palata mpo ya mesa moko na moko mpo na lipa, esika ya kotingamisela misuni, nzungu, kopo mpe saani.

Mpo na etumbelo ya mpaka, wolo ya konangwa ya bozito; mpe wolo mpo na ebongiseli ya likalo mpo na ba keluba, oyo na mapapu masembolami libanda, mpe bazali kozipa sanduku na kondimana ya Nkolo.

Nyoso ebongisamaki mpe ebombamaki mpo na litongi. Eloko ezangaki te. Esengeli alanda mpenza etandelo mpo ya kotonga Tempelo na Nkolo.

Kasi na mokolo na biso, Nzambe azali kotonga Tempelo mosusu, Mwasi na Ye ya Libala. Tempelo oyo ekobebisama te, kasi ekobika na Ye elongo seko na seko. Abongisaki mpe abombaki biloko nyos’oyo esengelami na yango mpo ya kotonga Tempelo na Ye ya sika.

Bonzambe, Momboto na nyoka, Poso tuku sambo ya Daniele, Bileko sambo ya Lingomba, Bilembo sambo, Kososola Mokolo nay o, Kobala mpe koboma Libala, Kozipolama ya Nzambe, Elembo, Etemelo, Bapakolami, Bilei ya Molimo, Klisto azali Libombami, mpe nkama na nkama ya ba mosusu oyo esengeli elandema penza na molongo.

Abombaki biloko nyos’oyo tozali na yango bosenga, kasi esengeli tolanda etandelo na bokengi penza, na kobongolaka litono moko te soko moto ya likambo moko te.

Sasaipi, oyo nde nazali koloba na ntongo oyo, ezali kobomba Bilei. Kobomba Bilei, mpo ete bozala na eloko ya kolia, mpo ete bozala na eloko ya kosala na yango lipati. Bozwa yango kati na ba bande. Bafanda na pio ya eteni na ndako na bino, ntango mosusu wana ekozala ngai mosika mpo na ntango molai, bokozala kokoba kokanisa ete makambo oyo ezali solo. Bofanda na eteni na bino na ndako mpe boyoka. Bomoni? Mpe oyo ezali Bilei, kobomba na kati, na ndako ya ebombelo.

Alobaki ete Eyanganelo ezalaki mingi lokola ndako epai na ye koleka bipai bisusu binso. Ezalaki esika oyo Bilei bibombamaki.

Libanda na makita epai wapi nakendaka, bokoyoka ngai soko moke te koteya mateya oyo. Te nalakaki bino yango, kozonga na Eyanganelo oyo. Kaka awa nde nateyaka Mateya na ngai, longwa na esika oyo. Nazali na misato to minei na koleka awa oyo Nkolo apesi ngai, nazali na makomi likolo na yango, oyo nakomeka soko moke te koteya yango esika mosusu soko wapi, kasi kaka awa. Awa nde Liloba na Nzambe ebandaki kobima. Mpe kino Nzambe akobongola yango, nazali kotikala kaka awa mpe komema yango longwa na esika oyo. Ezali solo.

Mosakoli na Nkolo asololaki mpe alobaki ete ezali na ebolo ya bato oyo bandimi ye, mpe bazali na nzala mpe bakangani na liloba moko na moko oyo ye alobaki. Bino nde etonga ya bato yango. Bozali eyanganelo na ye. Bino nde etonga moke na ye.

Nazalaki na kati na mabondeli mpe nayokaki Nkolo kokamba biso kolanda Mateya oyo atindaki mosakoli na Ye kobomba ebele ebele kati na ndako na ebombelo na Ye kotonga Mwasi na Ye ya Libala..

Tokokoba kolanda mosakoli na Ye wana ezali biso koyoka: Oyo Ezali Nde Elembo ya Suka, Mobali? 62-1230E. Nasepeli kotindela bino mbela ete boya komibakisa na biso Mokolo ya Lomingo na 10:00 AM, ntango ya Jeffersonville, koyoka Bilei oyo ebongisamaki mpe ebombamaki oyo ekotonga bino kati na Tempelo ya Nkolo.

“Ntango ezali lisusu te.”Soko ezali bongo, tika ete tomibongisa biso penza, kokutana na Nzambe na biso. Biloko ebele etiami na kati sasaipi. Tika ete tosalela yango sikoyo.

Ndeko Joseph Branham

22-0102 Etemelo

Nsango: 62-1230M ETEMELO

BranhamTabernacle.org

Molingami Mwasi na Libala ya Etinda ya moto moko,

Mokanda ya Bolingo ya ndenge nini oyo mbula oyo ezalaki mpo na Mwasi na Libala. Ayanganisaki biso longwa na zingazinga na mokili mobimba na nzela ya eloko moko kaka oyo ekoki koyeisa Mwasi na Ye ya Libala elongo, Etinda ya eleko, Mongongo ya Nzambe penza kobenga Mwasi ya Libala kobima.

Mpe sikawa nandimi ete abelemi kokoma na esika ya suka ya tombwa na ngambo, koyeisa kondima oyo ekonetola Lingomba na kembo. Mpe Mpe Azali komisembola kati na Mateya.

Emoniseli ya Etinda oyo ekiti sasaipi na bozindo ya mitema na biso lokola longo. Bikela na biso ezali penzapenza elongo na Liloba. Toyebi ete malakisi na biso ebongi be na Liloba elongo, tozali kobakisa eloko moko na yango te soko kolongola eloko moko longwa na yango te. Mpo na biso ezali eloko mosusu te bobole Liloba likolo na bande.

Azalaki kobongisa biso mpo na tombwa ya suka na bopesaka biso kondima oyo tozali na yango bosenga mpo ya Konetolama. Kondima yango ezali kati na biso SIKAWA. Bomoi ya Klisto ezali penza komonana na motindo ya kokoma mosuni, na kati na biso, ndenge ezalaki kati na Klisto.

Tokoki komona bomoi na Ye. « Misala mizali ngai kosala bokosala yango mpe lokola, ye oyo akondima. » Ezali te oyo amizalisi mondimi ya nkombo kaka, soko oyo abanzi ete andimi, kasi « Oyo akondima. » « Oyo akondima ngai, misala mizali ngai kosala akosala yango lokola. » Mpo na nini ? Atiami lokola longo kati na libanga yango moko. Libanga ezalaki nini ? Liloba, ntango nyoso. Otiami bo longo kuna. Ezali monzoto ya epai ya likolo mpo na ntang’obungi na mbu.

Tozindi mpenza kati na Libanga yango. Tondimisami na yango. Tondimi ete yango ezali. Tozwaka liloba ya moto mosusu te. Totikalaka na Oyo Elobi Nkolo. Tokomi na Etemelo na biso.

Tozali na kosepela mobimba mpe mitema ikiti. Tozali lisusu ko wayawaya te ndenge ezalaki na mikolo ya basambisi, mpe na ebele monene lelo epai wapi moto na moto azali kosala oyo emonani malamu na miso na ye moko, epai wapi moto nyoso azalaki na etemelo ya ye moko mpe asalaki kaka oyo alingaki kosala. Nzambe abongolaka mobeko na Ye te, Akoka kosala bongo te mpe atikala Nzambe. Soko Nzambe atikala koloba eloko moko to kosala eloko moko, esengeli Asala yango ntango nyoso.

Nzambe atindaka basakoli ntango nyoso kokamba baton a Ye. Atindelaki biso mwanje na Ye ya 7 mosakoli; Mwana na Moto komimonisa kati na mosuni ya moto, kobenga Mwasi ya Libala kobima mpe kokamba ye. Ba bande ezali Mongongo ya Nzambe. YANGO NDE ETEMELO NA BISO. 

Amataki kuna. Ayebaki. Mpe nalingi yango, ndenge ayaki. Akomaki epai na etemelo na ye, esika na ye ya kotingama.

Nzambe azali kobenga Mwasi na Libala na Ye elongo. Akobongola manaka na Ye te. Akotinda te ebolo ya bato mpo na koyanganisa Mwasi na Ye ya Libala. Mwasi na Ye ya Libala akoyangana kaka zingazinga ya Liloba mpeto, yango nde mongongo ya Nzambe oyo ezali likolo na ba bande. Ezali Lotomo ya solo ya Nzambe mpo na lelo.

Ezali na nzela malamu te ya kobanda mbula ya sika koleka koya elongo mpe koyoka etingamelo na biso, Etemelo na biso, kosolola na biso. Nalingi kotindela moko na moko na bino ebiangeli koya mpe koyoka elongo na biso Mokolo na Lomingo na ngonga ya 10:00 na ntongo, ntango ya Jeffersonville, koyoka Liteya: Etemelo 62-1230M.

Soko bokoki komibakisa na biso te, nayikisi bino mpiko ete bomiponela Liteya ya kolanda na ba ndako na bino, to boyikisa mobateli na bino mpiko ete apona Liteya moko na ndenge ete bino mpe bofanda elongo na nse ya kopakolama monene ya koleka, mpe boyoka Etemelo ya Mwasi na Libala oyo endimisami.

Ndeko Joseph Branham

21-1219 Elembo

NSANGO: 63-0901M Elembo

PDF

BranhamTabernacle.org

Molingami Mwasi na Libala Elembo,

 Ntango ya Ndenge oyo nano ekomá liboso te kati na lisolo ya mokili. Molongo mobimba esengelaki etatola mpo na yango,lokola mikili mitano Miranda Mali na molongó moko elongo.

 Eloko moko ezalaki kosalema na mokolo a sanza12, na Sanza ya zomi na mibale, 2021 kati na Likolo, wana eloko moko ezalaki kosalema na mabele. Mwasi na Libala bazalaki koyangana elongo longwa na mokili mobimba wana ezalaki Nzambe kosolola na nzela y’a mosakoli na Ye, mpe Mwasi na Ye ya Libala bazalaki na Elambo mpe kosukolana makolo elongo na ba ndako na bango. 

Molunge ya molimo mpe bozali ya Nkolo ndenge nini oyo ezalaki na ba ndako na biso.

  Boko mibali bayokisi bande baselimwaki kati na ba ndako na biso mpe bakomisaki ndako ya biso losambo mpo na Nkolo. Totiaki Elembo na ba ndako na biso mpe na mabota na biso. Molimo Mosanto Atondisaki ndako na biso, motema na biso, mpe bomoto na biso na bozali na Ye. Ezalaki lokola nde tozalaki bana na Isalaele kobelema mpo na mobembo na biso kobima.

Liloba Azalaki kosolola na biso na nzela ya mwanje na Ye mpe epakolamaki na ba ndako na biso. Kufa ezalaki zingazinga na biso, kasi toyebaki ete tobatelamaki mpe ete ekoleka likolo na ba ndako ya biso. Tozalaki komilengele kolongwa mpo na mokili na BISO ya Elaka.

Totikala koyoka kobelema liboso te lokola tozalaki na butu wana. Toyebaki ete eloko moko ezalaki kosalema. Toyebaki ete Azalaki kobongisa biso mpa na koya na Ye, kasi esengelaki ezala ntango oyo, mokolo oyo, sanza oyo, mbula oyo. Makambo nyoso ezalaki na molongo mpe na esika na yango. Ezalaki na ntina.  Ezalaki kokoma lokola elembo epai na mokili. 

Makambo nyoso ya molimo oyo ezali kokoma ezali elembo kouta na Nzambe. Bozala na bokengi. Botala yango, bomoni. Botala, makambo nyoso ya molimo oy’ezali kokoma, makambo nyos’oyo ezali kokoma ezali elembo. Tozali awa kaka na mbalakata te. Makamb’oyo ezali kaka kokoma pamba te. Ezali elembo. Ezali elembo, kokota-Bokota kati na kobatelama noki. Noa azalaki elembo mpo na libota na ye; Elia azalaki elembo mpo na oyo ya ye; Yoane azalaki elembo mpo na oyo ya ye. Bomoni? Eloko nyoso, Etinda ya ntango, ezali elembo. Botala yango, botala oyo yango ezali kosala. Bomoni? Ezali elembo. Eloko moko na moko ezali na ntina.

Ntango Mose abandaki lotomo na ye kati na Isalaele, Isalaele ayanganaki noki noki longwa na bipai nyoso na Ejipito, kokende na Gosheni. Bazalaki kozonga epai na bango mpo bayebaki ete eloko moko ezalaki pene ya kokoma. 

Elilingi kitoko ndenge nini oyo mpo na lelo, lokola Mwasi na Libala azali koyangana zingazinga na Liloba ya ntango peto ezangi kobebisama; mpo ete biso mpe toyebi ete eloko moko ebelemi kokoma. 

Bazali kouta na ebimelo na ntango mpe na elimwelo na yango, bazali kouta na mikili esii, kosepela na lipati ya Mokonzi,  kolia bo bapaya na Ye zingazinga na Bilei na Ye bibombamaki na MESA na Ye.

Atindaki mwanje na Ye mosakoli na Etinda kobenga kobimisa, mpe kokamba Mwasi na Ye ya Libala na Mokili ya elaka. Amitalisi Ye moko kati na biso na Likonzi ya moto.Na bongo Atindaki Elembo mpo Mwasi na Ye ya Libala azala na nse na yango, mpo ete Akoyebaka kaka Elembo yango. 

Elembo mpo na lelo ezali nini?

Akoyeba kaka e-elembo. Yangon de Etinda ya ntango! Yangon de Etinda ya mokolo oyo! Yangon de Etinda y’a ntango oyo! Na Nkombo na Yesu Klisto boyamba yango!

Mwasi na Libala mpe Klisto bazali kokoma moko. Lotomo ya Mwasi na Libala mpe Lotomo ya Klisto ezali eloko moko. Nzambe Ye moko Azali koyeba Etinda ya motindami na Ye. Ayebi Mwasi na Ye ya Libala. Elili ezali kokoma solo ya likambo. Elaka moko na moko kati na Liloba na Ye ESALI YA BISO. Esengeli etosa biso.

Tozali kokoma Mwasi na Libala yang’oyo abongi be na nzela moko Nzambe Apesi mpo na lelo: Mongongo na Ye, Liloba na Ye kati na bande. Nzambe Atikala te kobongola manaka na Ye. Atindaka kaka mosakoli kokamba  bato na Ye. Azalaki na Ba mosusu oyo babengami mpe bapakolami, kasi bakokaki koloba KAKA oyo mosakoli alobaki, mpo ete maloba ma Ye mazalaki OYO ELOBI NKOLO mpo na bato.

Okondimisama ndenge nini 100% ete ozali koyoka Liloba na Nzambe libongi be? Mpo na ngai nzela ezali kaka moko: Fina Play. 

Ezali solo na ba mosusu babengami koteya Liloba, mpo ete ezali kati na Liloba mpe ekoki kopekisama te, kasi bakoki koteya kaka Liloba oyo bayoki likolo na bande longwa na motindami. Bakoki te koteya, kolakisa, kolimbola, kolongola to KOBAKISA ELOKO SOKO NINI NA YANGO MPO ETE EZALI MOKANO NA NZAMBE EBONGI BE. Yangon de Liloba elobi.

Ezali mabe te koyoka motei, lokola basusu bazali koloba, to Ezali mabe te kokende na losambo. Bosengelaki bokende na losambo, kasi Mwasi na Libala alingi koyoka bilei ya bam pate, mpe ebele bandimi ete nzela moko kaka ya koyoka Liloba peto ezali na bofinaka Play. 

Nzambe Azali kopambola bango mpe lotomo abengeli bango. Mpo ete natemeli bango te mpe nalingi bango mpe nandimi ete nakolekisa Seko na Seko elongo na Mwasi na Ye ya Libala nyoso oyo abongisamaki liboso. Nazali kaka mpo na lotomo ya ba bande. 

Mingi balobi ete esengeli kozala na motei mpo ozala Mwasi ya Libala. Nandimi yango, mpe nazali na ye, William Marrion Branham, mpo ete azali motei ya monene koleka nyoso mpe azali na lotomo monene koleka nyoso kati na molongo. Mpo ete ezali liloba na ye te, Etinda na ye te, makanisi na ye te, soko ndimbola na ye te. Ezali Liloba ya Nzambe moko kaka lindimisami mpo na mokolo ya biso.  Mpe iyo, ezali LOTOMO NA BOMOI koleka nyoso.

Motuna na ngai ezali: Bokoki kaka koyoka ba bande mpe kozala Mwasi na Libala ya Klisto, to esengeli nde na ngai kozala na eloko mosusu eleki Mongongo na Nzambe likolo na bande? 

Mpo na ngai mpe ndako na ngai, tozali NDAKO YA BA BANDE, mpe tondimi ete tozali Mwasi na Ye ya Libala mpe nyoso tozali na yango bosenga ezali Mongongo na Nzambe likolo na bande.

Soko okolinga komibakisa na biso na ndako, losambo, motuka na yo yo epai nse epai Nkolo akozala na yo, mpo na koyoka Yango Elobi Nkolo, mibakisa na biso Mokolo ya Lomingo na 9:00 ya tongo, ntango ya Jeffersonville koyoka Liloba na Nzambe kobongisa Mwasi na Ye ya Libala mpe komemela biso Liteya: Elembo 63-0901M.

Ndeko Joseph Branham

Makomi ya kotanga liboso ya koyoka Liteya:

Genese 4:10

Esode Mokapo ya 12

Yosua Mokapo ya 12

Misala 16:31 /19:1-7

Baloma 8:1

I Bakolinti 12:13

Baefese 2:12 / 4:30

Baebele 6: 4 / 9:11-14 /10:26-29 /11:37 /12:24 /13:8 /10-20

Stu. Yoane 14:12