Category Archives: Uncategorized

Uncategorized

25-0907 Esode Ya Misato

Nsango: 63-0630m Esode Ya Misato

BranhamTabernacle.org

Molingami Mwasi ya libala Esóde ya Misato,

Soko Ozali na líso ya molimó te, omóna yango te. Kasi líso ya molímó likokí komóna Nguya ya Nzambe kotámbola zambí Ezali mpenza elongó na Liloba. Ezali Liloba, mpe Liloba ya Nzambe likokí kobongwana sokí te. Oyo esalákí Ye na ebandeli, Azali kosala motindo moko sasaipi mpe líso ya molimó lizali komónaYango, lizali Kondima Yango, mpe lizali KOYÓKA YANGO.

Mokili mokokí kozanga koyókana na ngai kati na oyo Nandimí kozala nzela epesámí na Nzambe mpo ya lelo: Mongóngó ya motúya koleka osengeli koyóka Ezali Mongóngó ya Nzambe likoló ya ba bande. Bosengeli Bóyóka ba bande kati ya ba ndakonzambe ya binó, kasi SOKO bondimí mpenza Etíndá oyo kati ya solo, boye bokoki kozanga koyokana te na oyo mosakoli ya Nzambe alobí.

Lomíngo loye tokoyangana lokola bana ya Baebele basaláki mpo ya kozua máná mapesamákí mpo ya bango na butú mobimba, maye makokaki kobatela bango kati ya mokolo mobimba molandákí. Tokoyangana mpo ya Máná ma bisó ma Molimó maye makopésa bísó makasi mpo mpo ya Boyéi ya Esóde ya bisó monéne ekoya nokí.

Ezali na yango kaka na nzela malamu koleka te soko kaka te kotika Mongongo ya Nzambe koloba yango Ye moko, na ntína na Ye moko, mpe Liteya oyo tokoyóka ETÓNDÍ NDE KOTÓNDA!

Nzambe amemákí moto moko kati na lisóbé, ayekólisákí ye Kúná. Mpe azóngisákí ye, mpe amemákí makambo na ngambo, mpe abimísákí bato. Bomóní eloko Nalingí kolobá? Akokí kobóngola manáka ma Ye te. Azali Nzambe.

Na boye áwa Azali koyebisa bisó polélé Atíkalá kobóngola manáka ma Ye soko moké te. Oyo esalákí Ye longwá na ebandeli, Akosala yango lisúsu na nsúka, Alakákí. Na bongo tosengeli tóyeba oyo manáka ma Ye mazalakí ndèle lokola ekozala eloko yango moko sikawa.

Akosalaka na ebólo ya bato soko moké te. Atikalá kosala yangó sokó moké te. Asálaka na moto moko; mpe Asálákí yango; mpe Akosála yango. Alakákí, atákati ya Malakí 4, Alingaki kosála yango.

Atíkalá kosala na ebólo ya bato te. Boye, Alakákí kati na mokolo ya bisó Akotínda moto Moko, Malakí 4, na Yango Elobí Nkoló.

Ezali solo. Na bongo elaká na Ye wana, oyo ezalaki Ye; elaká oyo Elobakí Ye Akosala, mpe bis’oyo awa. Bato ya esengo, nini oyo, tosengelakí kozala; kopesa bango elembo, na nzela ya Liloba na Ye lilakamákí. Alakákí Akosála yango.

Ndenge nini nde Nzambe Aponákí kokamba Mwasi na Ye ya libala ndèle?

Nzambe Aponákí, kati na mikolo ya Esóde, Abiangákí ebólo ya bato kobima. Mpe libandá ya ebólo yango, Nalingí bóyeba eloko moko, Azalaki bobele na mibalé baoyo bakendeki na mbóka ya elaká. Aponákí nini kobimisa bango na yango?

Yango oyo. Oyo ezali mpenza na motúya mpo ya makanisi ya molimó kosímba. Boni nde Nzambe Aponákí kokamba mpe komema Mwasi ya libala na Mboka ya Elaká?

Politíki? Ebongiseli? Aponákí mosakoli, na elembo ya likoló koleka ya Likonzí ya Móto, ete bato bámíkosa te. Oyo mosakoli alobaki ezalakí Solo. Mpe Nzambe Akití, kati na Likonzí ya Móto, mpe Amíndimísákí, Atálisaki Liloba na Ye. Ezali solo? Yango nde Amemákí, Esóde na Ye ya libosó. Esóde na Ye ya mibalé…

Na bongo, komíndimisa bato básála mabúngá te, Atindelakí bango mosakoli na elembo ya likoló koleka ya Likonzí ya Móto mpo ya esóde ya bangó monene.

Asalákí nini, na esóde ya libosó? Atindakí mosakoli, apakolamákí na Likonzí ya Móto, mpe abiangáki bato kobima. Ezalaki esóde ya Ye ya libosó…

Esóde ya mibalé, Ayéisákí mosakoli, mopakolami, oyo azalaki Mwana na Ye, Nzambe-mosakoli. Mose alobakí Akozala mosakoli; mpe Azalaki na Likonzí ya Móto, mpe asalákí Bilembo mpe bikamwiseli…

Mpe awa Alakákí elóko yango moko kati na esóde kati na mikolo ya nsúka, mpe Akokí kobóngola yango te…

Mingi bakoyókana na yango na bolobáká, ee, atindaki mosakoli kobianga Mwasi ya libala kobima, kasi sikawa Molimó Mosanto akokamba Mwasi ya libala na nzela ya botéi; kasi alobaki yango te…tókoba kotanga.

Bótála Likonzí ya Móto libiangáki bango kobima, likambákí bango na mboka ya elaká, na nsé ya mosakoli mopakolami. Lionzí ya Móto oyo bakokakí kotála, likambákí bango na mboka ya elaká, na nsé ya mosakoli mopakolami. Mpe ntango nyoso babóyákí ye. Ezali solo? Yango mpenza.

Likonzí ya Móto yango moko lizali kokamba bato lisúsu na Mbóka ya elaká, Bokonzi ya mbúla nkóto. Likonzí ya Móto, na nsé ya bokambami ya Nzambe…Nzambe azalákí Móto, mpe Likonzí ya Móto lipakólakí bobele mosakoli. Likonzí ya Móto lisengelaki kotelema pelamókó motátoli ya Lóla éte Mose abiangamáki kobima

Sikawa, bókanisa, Mose azalaki Likonzí ya Móto te. Azalaki mokambi mopakolami na nsé ya Likonzí yango ya Móto, mpe Likonzí ya Móto lindimisákí bobelé Etindá na ye na Bilembo mpe bikamwiseli.

Míko mazali te, baningá. Ezali te oyo ezali ngai koloba; Nazali sé ndeko wa binó. Kasi ezali oyo Nzambe azali kokokisa epai na bino, oyo ezali kosala yango Solo. Likonzí ya Móto yango moko Asáleláki mpo ya mibalé mosúsu Amemí  Yango lelo kati na binó, mpe Akokísí Yango na nzela ya zébi.

Nzambe Abongolaka manáka ma Ye soki moké te. Nzambe azali na nzela epesámí mpo ya Mwasi na Ye ya libala lelo: Likonzí ya Móto na nsé ya bokambami ya Nzambe…Nzambe azalaki Móto, mpe Likonzí ya Móto lipakoláki bobele mosakoli.

Ezali na Mongóngó sé moko, mosakoli sé moko, oyo azali na Yango Elobí Nkoló, William Marrion Branham. Azali Likonzi ya Móto te, kasi azali mokambi mopakolami na nsé ya Likonzí yango ya Móto.

Bisó nyoso tolingí kozala kati ya MOKÁNO mwa Nzambe MOBONGÍ BE. Liloba ya Ye NDE Mokano mwa Ye Mobongí Be. Liloba lindimísámí mpo ya mokolo na bisó nde Etíndá oyo. Mosakoli na Ye aponamákí kokamba Mwasí na Ye ya libala. Soko ondimí yango te, okokí kozala Mwasi na Ye ya libala te.

Yaká mpe míbongisá mpo ya Esóde ya bisó monéne na boyókáká Liloba ya Nzambe Libongí Be elongó na bisó mokolo mwa Lomíngo na 12:00 nsima ya nzángá, ntango ya Jeffersonville, lokola tozali koyóka: Esóde Ya Misato 63-0630M.

Ndeko Joseph Branham

Uncategorized

25-0831 Mpo Na Nini Koganga? Loba!

NSANGO: 63-0714M Mpo Na Nini Koganga? Loba!

PDF

BranhamTabernacle.org

Balingami Lingómbá ya Nzambe,

Nzambe Alobaki mpe Asolólákí: “Nasálaka eloko te na mabelé, bobele na nzela ya moto. Na—Na—Nazali Mowíti; bozalí mitápi. Mpe Nakomíyébisa bobele ntango Nakokí kozua moto MOKO. Mpe Naponákí ye, William Marrion Branham. Natíndákí ye na nsé kobianga Mwasi na Ngai ya libala kobima. Nakotia Maloba ma Ngai kati ya monoko na ye. Liloba na Ngai ekozala Liloba na ye. Akoloba Maloba ma Ngai mpe akoloba bobele oyo Nalobí.”

Mongóngó ya Likómí molobákí na nzela ya Likonzí ya Móto mpe molobaki na ye: “Naponí yo, William Branham. Yo nde moto yango. Natémisakí yo mpo na ntina oyo. Nakotálisa yo na nzela ya bilembo mpe bikámwiseli. Okokende Kúná komónisa Liloba na Ngai mpe kokamba Mwasi na Ngai ya libala. Liloba na Ngai lisengélí líkokisama na nzela na YO.”

Mosakoli ya bisó ayebákí atíndamákí mpo ya ntina mpenza ya komónisa mabómbami manso ya Biblia mpe kokamba Mwasi ya libala ya Nzambe na mboka ya Elaká. Ayebakí oyo alobaki, Nzambe akomemia mpe Akosala ete ékokisama. Nalingí bóbósana soki moké te Liloba wana. Oyo mosakoli na bisó alobáki, Nzambe akomemia, zambí Liloba ya Nzambe lizalaki kati na William Marrion Branham. Ye nde Mongóngó ya Nzambe epai ya mokili.

Ayebakí azalaki mwanje ya nsambo motindami ya Nzambe mopakolami. Ayebakí kati na motema na ye makambo manso Nzambe alobaki na ntina na ye kati na Liloba na Ye. Oyo ezalaki kopela kati na motema mwa ye ekómákí solo. Apakólamákí mpe ayebakí azalákí na YANGO ELOBÍ NKOLÓ. Ezalaki na eloko moko te elingaki kopekisa ye kokende libosó koloba Liloba ya Nzambe.

Nzambe Alobakí na ye: “Liloba ya Ngai, na yo, motindami na Ngai, bozali eloko moko.” Ayebakí ete azalaki ye oyo aponamákí koloba Liloba ya bozángi kokwéa. Nde nyoso asengélákí na yango. ALINGAKI KOLOBA, MPE NZAMBE ALINGAKI KOKOKISA YANGO.

Emóniseli ya Etindá oyo MPE motindami ya Nzambe apakólákí kondima ya bisó lokola libosó naino sokí moké te. Ezali kopúsa bisó kotambola kati ya mabúngútulú manéne-manéne. Ekabólí bisó na eloko nyoso longólá sé Etíndá na Ye, Liloba na Ye, Mongóngó mwa Ye, ba Bande na Ye.

Etali bisó te tózala moké boni, tósekama boni, tósakanama na yango boní, eyéisí bokeseni ata ndambo te. TOMÓNÍ YANGO. TONDIMÍ YANGO. Ezali na eloko moko kati na bisó. Tobongísamákí libosó komóna YANGO mpe Ezali na eloko moko te ekopekisa bisó kondima YANGO.

Tokanísí oyo emónoneli wana elobákí: “zongá mpe bómbá Biléi”. Ndako yango ya ebómbelo ezalákí wapi? Eyánganelo ya Branham. Wapi nde kati ya mboka, to zingázingá ya mokili mobimba esiká sé esiká ezali na elóko ata nini ekokokisama na Matéya tozali na yango? Ezali Mongóngó sé moko mondimísámí na Nzambe Ye Moko kozala Yango Elobí Nkoló. MONGÓNGÓ SÉ MOKO!

Wapi lisúsu nde tokokákí, to tolingákí kokende, ntango alobí;

Awa nde epai wapi Biléi bibómbamákí…

Ebómbamákí awa. Ezali likoló ya ba bande. Ekokende mokili mobimba likoló ya ba bande, epai wapi bato kati na ba ndako ya bango.

Ba bande yango ikokwéa alimá kati na maboko ya baoyo ya Nzambe babongísámí libosó. Akoki kokamba Liloba, Akokamba eloko nyoso kaka mpenza na nzela na yango. Nde ntina Azóngisákí ngai kosala oyo: “Bómbá Biléi awa”.

Tozali Mwasi Liloba na Ye ABONGÍ be oyo atíkalí na Biléi bia Ye Bibómbamákí. Bosengá ya kogánga lisúsu te, tolobí Liloba bobele koloba mpe tokei libosó, zambí TOZALI Liloba.

Eloko ya kotungisama na ntina na yango ezali te. Bosengá ezali te ya makútani ya mabóndelí ya butú mobimba komónisa tozali ba nani, Liloba lisilí komónisamela bisó. Toyebí tozali ba nani, kaka lokola mosakoli ya Nzambe, mpe asili koyebisa bisó nani nde azalaki kokende.

Moko na moko ya bisó! Ózala mama ya ndako, to ózala mwa—mwana mwasi, to ózala mpaka ya mwasi, to elengé mobali, to mpaka ya mobali, to ózala atá nani, tozali kokende ata boni. Ata moko na bisó akotíkala te.” Amen. “Moko na moko na bisó azali kokende, mpe tokotélemisa eloko moko mosúsu te.”

Lobá na ntina ya bopési bisó KONDIMA ya Konétolama!!!

Yáká komíbakisa na eténi ya Mwasi ya libala lokola tozali Koyangana zingázingá ya Mongóngó mwa Nzambe mondimísámí, lokola Azali koloba mpe koyebisa bisó: wa Ngai wa motema, moponami na Ngai, Mwasi na Ngai ya libala, Mpo ya nini Kogánga, Lobá, mpe kendé libosó.

Ndeko Joseph Branham

Liteya: 63-0714M   Mpo Na Nini Kogánga? Lobá!

Ntango:  12:00 nsima ya nzángá, ntango ya Jeffersonville

Esíká:

Kasi ezali bobele na Lingomba moko ya solo, mpe ómíbakisa na Yango te. Obótámí kati na Yango. Bomoni? Mpe soko obótamí kati na Yango, Nzambe ya bomoi Azali kosala Ye Moko na kati na yo, mpe Azali komíyebisa. Bomóní? Nde epai wapi Nzambe afándaka, kati na Lingomba na Ye. Nzambe Akendaka na Losámbo mokolo nyoso, Abíkaka sé kati ya Lingómbá. Abíkaka kati na yo. Yo nde Lingómbá na Ye. Ozali Lingómbá na Ye. Yo nde Mongómbo oyo Nzambe afándaka na kati. Ozali Lingómbá ya Nzambe na bomoi, yo moko.

Uncategorized

25-0824 Elambo

NSANGO: 65-1212 Elambo

PDF

BranhamTabernacle.org

Molingami Mwasi Ya libala Liloba Káka, Oyo Andimisámi,

Boni tozali na matóndí epai ya Molimó Mosanto mpo ya Emóniseli ya solo ya Liloba na Ye lindimisámí mpo ya lelo. Mingi bazali koloba ete bandimí Ndeko Branham azali mosakoli ya Nzambe oyo akokísí Makomi malakámí na ntina na ye moko, kasi Emoniseli ya solo ya Liloba mpe manáka ma Nzambe mabómbámí longwá na bango.

Na Litéya moko na moko oyo ezali mokandá ya bolingo Mwasi ya libala azali koyóka, Nzambe azali koyebisa bisó síki-siki tozali kati na Mokáno mwa Ye mobongí be na boyókáká nzela na Ye epesami mpo ya lelo, Mongóngó ya Nzambe likoló ya ba Bande.

Mpe tosengeli kolanda Ye, nde nzela sé moko kozua Bomoi ya Sekó. Na bongo Bokambami ya Nzambe ezali: landá Liloba lindimísámí ya ngonga na nzela ya Molimó Mosanto.

Nzela BOBELE MOKO na bomoi ya Sekó ezali: Molimó Mosanto kokamba yo kolanda Liloba lindimisami. Nani yango nde azali na Liloba lindimisami mpo ya lelo? Nani nde Nzambe Aponákí kolimbola Liloba na Ye? Nani nde Nzambe Alobaki ete azalaki Mongóngó na Ye mpo ya lelo? Nani nde Nzambe Ye moko Alobaki ete azalaki mokambi na Ye andimisami kokamba Mwasi na Ye ya libala lelo? Mosala ya botéi?

Bobele lokola Nalobaki, mpóngó moké wana eyókaki ye Mongóngó ya Mobali ya libala, akendekí na Yango, Liloba lipakólámí, lindimísámí ya Nzambe mpo ya mokolo ya nsúka. Noa azalaki Liloba lindimisámákí mpo ya mokolo na ye. Mose azalaki Liloba lindimisamákí mpo ya mokolo na ye. Yoane azalaki Liloba lindimisamákí

Bakoki kotia soko bokútoli nini to ndimbola nini na Yango oyo balingí, kasi:

WILLIAM MARRION BRANHAM NDE LILOBA YA NZAMBE LINDIMÍSÁMÍ MPO YA LELO!!

Na bongo bokambami ya Nzambe ezali: landá Liloba lindimísámí ya ngonga na nzela ya Molimó Mosanto.

Mpe koyokisa Mongóngó mwa Nzambe mondimisami kati ya ndakonzambe ya binó ezali te eloko ya motúya koleka Mwasi ya libala akoki kosala? Ezali na moyúya mingi koyóka Mongóngó mokesení?

Ezali nde Ebólo ya mibali mpe mosala na bango ya botéi nde ekosangisa mpe kokamba Mwasi ya libala? Mwasi ya libala akosangisama nde na oyo batéyi balobí? Bango nyoso balobaka eloko moko ekesení, na bongo tosengelákí tólanda nani?

Ndimbola ya bango ya Etindá oyo nde tokosambisama na yango? Bazali nde na Likonzí ya Móto kondimisa botéi ya bangó? Ndimbola na bango ya Liloba nde Etémelo na yo?

Mosakoli alobaki Mwasi ya libala AKOSANGISAMA. Mítúná, nini nde ekosala ete lisakoli oyo likokisama ete Nkoló Áya konetola Mwasi na Ye ya libala?

Na nsima, ntango bato ya Nzambe babandí kozonga Koyangana elongó, ezali na lisangá, ezali na nguya. Bomoni? Mpe ntango sé ntango bato ya Nzambe bakómí mobimba elongó, Nandimí ete nde lisékwa likosálema. Ekozala na ntango moko ya konétolama ntango Molimó Mosanto Abandí koyanganisa yango. Ba—ekozala na boké, ya solo, kasi ekozala na boyángani bonéne.

Ekozala nde na boyangani bonéne zingázingá ya botéi ya moto moko boye, soko kaka mosakoli ya Nzambe te oyo andimisámí? Ekozala nde na EBÓLO ya batéi zambí boókó ya batéi ya bótáno ya botéi balobí ete bosengelaki ATA MOKÉ TE koyóka Mongóngó ya Nzambe kati ya losambo ya binó, ezali libúngá. Bakokamba nde Mwasi ya libala ndèle?

BOLIMBISI BÓSUNGA NGAI! MOTÉI NINI NDE ESENGELAKI NÁLANDA, LOKÓLA NALINGÍ KOSANGISAMA KATI NA BOYÁNGANISAMI MONÉNE WANA.

Basúsu balobí batéi ya bótáno ya Nkáké Nsambo bakobongisa be Mwasi ya libala. Batéi basúsu ya bótáno balobí ete mikolo ya lotómo ya Moto Moko misílí. Batéi basúsu ya bótáno balobí esengeli na bisó kozónga na Pantekoste. Basúsu balobí Etindá ezali Etémelo TE. Basúsu balobí soko oyókisí ba bande ozali mondimi ya bonzambe. Banso balobaka mwa eloko ekesení, mpe BANSO bazali na ndimbola ikesení, makanisi makesení, kasi moko na moko alobaka BAkambámí na Molimó Mosanto.

MOTÉI NINI YA BÓTÁNO NDE ESENGELAKI NA NGAI KOLANDA? Ntango nyoso Nalandí mobateli na “NGAI” ya bótáno, Nakozala Mwasi ya libala? Ezali na “Bibólo” mingi mpenza ya batéi ya bótáno. Batéi oyo 20 bayéi elongó mpe basáli makútani ya bango, kasi bazangi mpenza mobimba kozala na boyokani na batéi basúsu 20 baoyo bazali na makútani makeseni…makútani nini nde esengelákí kokende mpo ya kobongisama be mpe kosangisama…bokó na bango…bango nyoso?

Mpe bato bandimí MOBÚLÚ OYO EKOSANGISA MPE KOBONGISA BE MWASI YA LIBALA? Banso balobí bazali BATÉI YA SOLO YA BÓTÁNO BABIANGAMÍ NA NZAMBE. Kasi bazali te kokamba yo epai ya BOKAMBAMI YA SOLO NA NZELA YA MOLIMÓ MOSANTO, BAZALI KOKAMBA YO EPAI YA BANGO MOKO MPE BOTÉI YA BANGO.

Epai na ngai, osengeli kútu te na emóniseli koyeba yango ekokaki sokí moké te KOSANGISA to KOKAMBA Mwasi ya libala mobimba. BOBELE LILOBA nde likosangisa Mwasi ya libala, na nzela ya MONGÓNGÓ YA NZAMBE YE MOKO LIKOLÓ YA BA BANDE.

Bandeko mibali mpe basi, epusí malamu bólamuka soko bozali kolanda mobateli oyo azali kaka kotéya mpe kotanga biténi ya maloba ya Liloba, oyo ezali bikamwa mpe EZALI MPENZA oyo asengelákí kozala kosála, kasi azali te koyebisa bino, mpe ya motúya koleka, azali te KOSALA yango, na boyókísáká bino MONGONGO YA NZAMBE LIKOLÓ YA BA BANDE KATI YA LOSÁMBO YA BINO.

Ndeko Branham ayebísaki bisó:

Sikawa tozali bobele na mitindo ya Bonzambe misáto ya kosala na nzoto oyo mitíkamelaki bisó: moko na yango ezali—ezali Elambo, bosukwani makolo, libatisa na mai. Nde bobele makambo masáto. Nde bobongi be ya mísáto, bomóní.

Nalingaki mpo ya bisó kozala na Molúlú ya Elambo mpe Kosukwana Makaká Lomíngo loye, soko Nkolo Alingí. Lokola tosalaki libosó, Nalingí koyíkisa bino mpiko bóbanda na 5:00 nsima ya nzángá na ntango ya mboka ya binó. Atá ko Ndeko Branham alobaki ete bantómá baliakí Elambo ntango nyoso bayaki elongó, alingaki mingi kozua yango na ntango ya pókwa, mpe abiangáki yango Biléi ya Nkoló ya pókwa.

Litéya mpe Molúlú ya Elambo ikozala na Voice Radio, mpe ekozala lisúsu na ekanganeli ya eternet longwá na nini Liteya likokí kozuama, mpo na baoyo bakoki kozala te na makoki ya kokóta na Voice Radio na mokolo mwa Lomíngo na pókwa.

Ndeko Joseph Branham

Uncategorized

25-0810 Makambo Ya Mikolo Oyo Emonisami Polele Na Nzela Ya Lisakoli

NSANGO: 65-1206 Makambo Ya Mikolo Oyo Emonisami Polele Na Nzela Ya Lisakoli

PDF

BranhamTabernacle.org

Molingami Mwasi ya libala ya Soló mpe ya Bomoi,

Ntango Yesu, Liloba Ye moko, ayaki na mabelé esili koleka mbúla 2000, Ayakí lokola elobákí Ye ete Akoya, lokola Mosakoli. Liloba na Ye liyebisí, ete libosó na Ye koya lisúsu, bomónisami mobimba ya Bomoto ya Yesu Klisto bokomónisama lisúsu kati ya mosuni, kati ya mosakoli. Mosakoli yango ayéi, nkombo na ye ezali William Marrion Branham.

Boni nde moto ata nani ázánga koyeba ete koyóka Mongóngó ya Nzambe koloba na ye mbala moko likoló ya ba bande ezali Mokano ya Nzambe ebongí be? Toyebí ete Liloba ya Nzambe likoyaka ntango nyoso epai ya mosakoli na Ye; Likokí koya na nzela mosúsu ata nini te. Lisengeli koya na nzela ya elekelo ya Nzambe oyo Alobaki na bisó libosó na ntina na yango. Bobele na nzela yango nde Likoyá ndèle. Nzambe Akiti na mosala lolengé lolakákí Ye ete akosála yango. Atikálá ata mbala moko te kozánga kosala yango lolengé yango moko Asalakí ntango nyoso.

Moto na moto na bango aléi eloko yango moko, banso babínákí kati ya Molimó, bazalakí banso na biloko nyoso esiká moko; kasi wana ntango ya bokabwani eyákí, Liloba nde liyéisaki bokabwani. Ezali mpe bongo lelo! Liloba nde liyéisakí bokabwani! Wana ntango eyeí…

Tomóní ntango yango kosalema sikawa, Liloba lizali kokabola. Mwasi ya libala afúndamí ete azali kotia litómbá mingi likoló ya mosakoli ntango balobí ete: “ezali na bato basúsu babiangami na Nzambe, batóndí na Molimó Mosanto kokamba Mwasi ya libala lelo. Bosengeli na basúsu bobelé ba bande te. Nzambe Atíí bato lelo kokamba lingomba.”

“Ozali komeka kokanisa ete ozali bobele yo moko kati na libóndo ya bato. Eyanganelo mobimba ezali bule!” Nzambe atíkalá kosala motindo wana ata moké te. Asengelaki koyeba malamu koleka wana. Mpe Alobaki: “Malamu, eyanganelo mobimba ezali bule. Ozali komeka komiyéisa…” Soko tolingi koloba yango lelo, elobelí ya balabála: “Mwa libángá bobele moko likolo ya libóngo.”

Mpe Mose ayebakí ete Nzambe atíndakí ye kokita kuna Mpo na yango.


Nzambe azali na mibáli batóndí na Molimó Mosanto kokamba Mwasi ya libala; kokamba bango NA YANGO ELOBÍ NKOLÓ, MOSAKOLI MOTINDAMI. Zambí Etindá Mpe motindamí bazali eloko yango moko. Yango nde nzela ya Nzambe eyebi kokwéa soko moké te mpo ya lelo mpe ntango nyoso.

Mpo ete bayókákí libúngá. Ntango Mose, oyo andimisamákí na Nzambe, mpe mokambi kotálisa bango nzela na mboka ya elaká, mpe bayáki mosiká mingi malamu mpenza, nsima balingaki kokóba elongó na ye te…. Sikawa, bandimi bakoki komóna Yango, kasi bazangi Kondima bakokí komóna te Oyo wana endimísámí.

Ezali kaka te ete boponamákí koyamba Emoniseli monene oyo ya ntango ya nsúka mpo ya lelo, kasi Nzambe, na nzela ya ba bande ya Ye Biléi bibombamákí, koloba kati káti ya molongó epai na Mwasi na Ye ya libala molingami wa motema.

Boye soko ozali mwana mobali ya Nzambe to mwana mwasi ya Nzambe, ozalaki kati ya Nzambe ntango nyoso. Kasi Ayebakí mabelé nini mpe ntango nini okokónama. Na bongo sikawa osalámí ekelámu, mwana mobali ya Nzambe, mwana mobali to mwana mwasi ya Nzambe kokútana na móndengé ya ngonga oyo kondimisa Nzambe ya solo mpe ya bomoi ya ngonga oyo, Etindá oyo ezali kobima na ntango oyo. Ezali solo! Osalamákí kuna libosó ya bozalisi ya mokili.

Mokandá nini ya bolingo oyo katikáti ya milongó epai ya Mwasi na Ye ya libala, NKEMBO!!! Ezali kaka te ete Ayebakí bisó mpe Aponáki bisó libosó ya bozalisi ya mokili, kasi awa Azali koyebisa bisó Aponákí bisó kozala bana mibali mpe bana basi ya Ye mpo ya LELO. Atíakí bisó awa na mabelé lelo, likoló ya babulami basúsu banso longwá na ebandeli, zambí Ayebakí ete tokokútana na móndengé ya ngonga oyo kondimisa Nzambe ya solo mpe ya bomoi ya ngonga oyo, Etindá oyo ezali kobima na ntango oyo.

Tozalaki kati ya Nzambe, mombóto, liloba, mosálá longwá na ebandeli, kasi tozali SIKAWA kofanda ELONGÓ kati na bisiká ya Likoló kati na Klisto Yesu, kozala na boyokani elongó na Ye na Liloba na Ye, na nzela ya Liloba ya Ye; mpo ete TOZALI LILOBA NA YE, mpe Ezali koléisa bomoto ya bisó.

Tokoki te, mpe tokokoka te, kokótisa tonga ya eloko ata nini kati na bomoi ya bisó kasi sé Liloba ya Nzambe lizangí kobebisama.

Toyebí mpe tondimí Ezali nzela ya Nzambe epésámí mpo ya lelo.

Tolingí mpo na yo ete ómíbakisa na bisó Lomíngo loye na 12:00 nsima ya nzángá, ntango ya Jeffersonville, lokola tozali koyóka MONGÓNGÓ BOBELE MOKO, Mongóngó ya Nzambe likoló ya ba bande, okokí koloba AMEN na yango, Liloba moko na moko oyókí.

Ndeko Joseph Branham

Liteya: Makambo Ya Mikolo Oyo Mamónísámí Polélé Na Nzela Ya Lisakoli 65-1206

Makomi ya kotanga libosó ya boyóki Litéya:

Genese 22

Dutelonome 18:15

Njembo 16:10 / 22:1/ 22:18 / 22:7-8 / 35:11

Yisaya 7:14 / 9:6 / 35: 7 / 50:6 / 53:9 / 53:12 / 40:3

Amosa 3:7

Jekalia 11:12 / 13:7 / 14:7

Malaki 3: 1 / 4:5-6

St. Matai 4:4/ 24:24/ 11:1-19

St. Luka 17:22-30 / 24:13-27

Baebele 13:8 / 1:1

Uncategorized

25-0803 MAKAMBO MASENGELI KOZALA

Nsango: 65-1205 MAKAMBO MASENGELI KOZALA

BranhamTabernacle.org

Balingami Misalá Ya Nzambe,

Liloba moko na moko oyo esolólamákí kati na Etindá oyo ezali mokandá ya bolingo epai ya Mwasi na Ye ya libala. Kokanisa ete Tata na bisó na Lóla alingí bisó mingi mpenza, na motindo ete Alingaki kaka tótánga Liloba na Ye te, kasi Alingaki tóyóka Mingóngó na Ye koloba na mitéma mia bisó ete Ákoka koyébisa bisó:
“ Bozali Liloba na Ngai ya bomoi, mosala na Ngai ya bomoi, ete Nákoka kotálisa yango polélé na mokili.”

Na bongo kokanisa ete nsima ya mbeka nyoso ya Ye Asálaki awa na mabelé, bomoi Abíkaki, nzela Atámbólaki, Asengaki bobele eloko moko:

“Ete epai ezali Ngai, bazala mpe wana lokola.” Asengaki bondeko na bisó, nde eloko moko kaka Asengaki Tata kati ya libondeli, boningá ya binó libela.

Epai wapi ezali Ngai, “Liloba na Ye,” tózala mpe wana lokola, koyamba bondeko na Ye, boningá na Ye, libela. Na ntina wana, esengeli tóbíka na Liloba moko na moko lilobaki Ye na bisó likoló ya ba bande mpo ya kozala Mwasi Liloba na Ye Moseka, oyo ezali kosala bisó eteni ya Mobali ya libala.

Nde Emoniseli ya Yesu Klisto kati ya ngonga oyo. Ezali te Oyo ezalaki Ye na ngonga mosúsu, oyo ezali Ye SIKAWA. Liloba mpo ya lelo. Wapi Nzambe azali lelo. Nde Emoniseli mpo ya lelo. Ezali sikawa kokóla kati ya Mwasi ya libala, kokómisa bisó na litongi mobimba ya bana ya Nzambe mibali mpe basi babongi be.

Tozali komimóna kati na Liloba na Ye. Toyebí tozali ba nani. Toyebi tozali kati ya manáka ma Ye. Oyo nde nzela ya Nzambe epesámí mpo ya lelo. Toyebí Konétolama ebelemi. Ekoúmela te balingami na bisó bakomónana. Bongo tokoyeba: Tosili tokómí.
Tozali bisó nyoso kokende na Lóla…ee, Lola, esiká mpenza ya solo kaka lokola oyo.

Tozali kokende na esiká ya solo epai wapi tokosála makambo, epai wapi tokobika. Tokosála misálá. Tokosepela. Tokobíka. Tozali kokende na Bomoi, na Bomoi ya Sekó ya solo. Tozali kokende na Lóla, na paladíso. Kaka lokóla Adáma na Ewa basálákí, mpe babíkákí, mpe baliaki, mpe basepélákí, kati na elanga ya Edéne libosó ete lisúmu líkóta, tozali mbala moko kozonga kuna lisúsu, kozonga, kozonga nsima. Adama ya libosó, na nzela ya lisúmu, abimísaki bisó libandá. Adama ya mibalé, na nzela ya boyengebene, azali kozongisa bisó na kati lisúsu; kolóngisa bisó mpe kozongisa bisó na kati.

Moto akokí nde kotia na maloba loléngé nini oyo elingí koloba epai na bisó? Solo ete tozali kokende na paladíso epai wapi tokobika kati na Sékó elongó. Mitungisi lisúsu te, mpasi to mawa, bobele bobongi be likoló ya bobongi be.

Mitema Mia bisó mizali kosepela, milimó mia bisó mizali na móto kati na bisó. Satana azali kotia likambá likoló ya likambá likoló na bisó mokolo na mokolo, kasi tozali naino kaka kosepela.
Mpo ya nini:

● TOYEBÍ, TOZALI BA NANI.
● TOYEBI, TOZÁNGÉLI YE TE, MPE TOKOZÁNGELA YE TE.
● TOYEBI TOZALI KATI YA MOKANO MWA YE MOBONGÍ BE.
● TOYEBI, APESI BISÓ EMONISELI YA SOLO YA LILOBA NA YE.

Ndeko Joseph okomaka likambo yango moko póso na poso. NKEMBO, Nakokoma yango póso nyoso mpo Alingí bóyeba boní Alingí bino. Baoyo bozali. Wapi ezali bino kokende. Elílí ezali kokóma elóko ya solo. Bozali Liloba kokóma Liloba.

Molingami mokili, yaka komíbakisa na bisó Lomíngo loye na 12:00 nsima ya nzángá, ntango ya Jeffersonville, na ekanganeli ya biyókeli, te mpo ete “Na” biangí yo, kasi mpo ete “A” biangí yo. Te mpo ete “Na” poní bande, kasi koyóka Liloba elongó na eteni ya Mwasi ya libala zingázingá ya mokili mobimba banso na ntango yangó moko.

Tokoki nde kosósola ete ekokí mpo ya Mwasi ya libala koyóka Mongóngó ya Nzambe zíngazíngá ya mokili, banso na ntango yango moko mpenza? Esengeli bobele kozala Nzambe. Nzambe asálakí ete mosakoli na Ye ásala yango ntango mwanje na Ye azalaki awa na mabelé. Ayíkisáki Mwasi ya libala mpiko kosangana kati na libondeli, BANSO NA NTANGO YANGO MOKO YA JEFFERSONVILLE, 9:00, 12:00, 3:00; elekí monene boni sikawa, ete Mwasi ya libala akoki kosangana lokola MOKO koyóka Mongóngó ya Nzambe koloba na bango banso na ntango yango moko?

Ndeko Joseph Branham

Litéya: Makambo Masengélí Kozala 65-1205
Makomi:

St. Matayo 22:1-14
St. Yoane 14:1-7
Baebele 7:1-10

Uncategorized

25-0727 Konetolama

Nsango: 65-1204 Konetolama

BranhamTabernacle.org

Molingami Mwasi Ya libala Oyo atíameli Mobeko te,

Nkoló apesí bisó ntango ya káfú-kafu ya ndengé wana na moláko póso eleki lokola Amónisakí Liloba na Ye epai na bisó. Atálisaki, na nzela ya Liloba na Ye, ete Etémelo ya bisó nde: Liloba ya Ye, Etíndá oyo, Mongóngó ya Nzambe likoló ya ba bande; bazali banso eloko moko, Yesu Klisto lolengé moko lobi, lelo mpe libela.

Toyókakí lolengé zábolo amekaka kokabola Etíndá na motindami, kasi masanzoli epai na Nkoló Yesu, Nzambe Ye Moko alobaki na nzela ya mwanje na Ye ya nguya mpe ayebisaki bisó:

Toyebi ete ntango moto ayei, atíndámí longwá na Nzambe, abongisamí na Nzambe, na ELOBÍ YAWE ya solo, etindá mpe motindami bazali moko mpe eloko yango moko. Zambí atíndámí kotálisa YANGO ELOBÍ NKOLÓ, Liloba na Liloba, na bongo ye mpe etindá na ye bazali azali eloko moko.


Okokí te kokabola Etindá na motindami, bazali eloko moko, YANGO ELOBÍ NKOLÓ. Etálí te oyo mopakolami ya lokutá ata nani alobí, Nzambe alobí bazali eloko moko mpe bakokí kokabolama te.

Na nsima Alobaki na bisó tosengeli te na ekongweli ya elambá ékanga nyama miké ata ya motindo nini ntango tozali koyóka ba bande, pámba te nyama miké to mái ya nyama miké izali te kati na Etíndá Oyo. Ezali Etóko na Ye ya etele oyo ezali ntango nyoso kotiola péto mpe sangi-sangi. Ntango nyoso kopunjuapunjua, ekaoka soki moké te, kaka kokóba kopúsa mpe kopúsa lisúsu, kopesa bisó Emóniseli koleka ya Liloba na Ye.

Akanisélákí bisó TÓBÓSANA SOKI MOKÉ TE ete Kondimana ya Ye na bisó Ezali ya kowángana te, ya kokakola te, kasi mingi koleka nyoso, ezangi mobeko.
Ézala bolingo, lisungí, to komítíka, soko eloko moko ezangí mobeko ezali ETÉMELO mpe ebongí te na maloba to mibeko ya boyókani: ekokóma ata nde eloko mosúsu nini ékóma.

Na nsima Alingaki kobéta losété malamu, na boye Ayebisaki bisó ete lelo oyo Makomi ma Ye mazali kokokisama libosó na míso ma bisó mpenza.

S-u-n (mwesé na Angelé: mol) oyo ekobimaka na ebómbelo ya ntango ezali s-u-n (mwésé na Angelé:mol.) oyo ekolálaka na elimwelo ya ntango. Mpe S-o-n (Mwana na Angelé:mol.) ya Nzambe oyo ayéi na ebimelo ya ntango amíndimísí lokola Nzambe amónaní kati na nzóto, nde S-o-n ( Mwana na Angelé: mol.) ya Nzambe yango moko na ndambo ya elimwelo ya ntango ya molongo awa, oyo azali komítalisa Ye Moko kati na lingomba na mpókwa oyo, lolengé moko lobi, lelo mpe libela. Pole ya mpókwa ya Mwana esili koya. Lelo oyo Likomí liye likokísámí libosó na bisó.

Mwana ya Moto ayei lisúsu na mosuni ya moto kati na mokolo ya bisó, bobele lokola elakákí Ye ete Akosala, kobianga Mwasi ya libala kobima. Ezali Yesu Klisto koloba na bisó mbala moko, mpe Esengeli na ndimbola ya moto moko te. Nyoso tosengeli na yango, Nyoso tolingí, ezali Mongóngó ya Nzambe likoló ya bande koúta na Nzambe Ye Moko.

Ezali emoniseli ya bomónisami ya Liloba likómí solo. Mpe tozali kobíka na mokolo yango; lokúmu epai na Nzambe; emoniseli ya libómbamí ya Ye Moko.

Ntango ya nkembo nini oyo Mwasi ya libala azali kozala na yango, kotikala kati ya Bozali ya Mwana, kotela. Lisángó likómí lisangó lisúsu, mpe ezali na mfúlu te kati na bisó. Bobele Mongóngó peto ya Nzambe koloba na bisó, koyema mpe kobongisa bisó na elilíngí ya Klisto, Liloba.

Tozali bana mibali mpe bana basi ya Nzambe, eteni na Ye Abongisaki koya kati na eleko oyo, eleko monene koleka kati na lisoló ya mokili. Ayebaki tokokwéa te, tokokakola te, kasi tolingaki kozala Mwasi ya libala ya Ye ya sembo mpe solo, Mombóto ya Bokonzi ya Likoló ya Abalayama koleka oyo asengelaki koya.

Konetolama ebelemi. Ntango ekómí na nsúka . Azali koya mpo ya Mwasi na Ye ya libala oyo Amíléngeli kasi Azali kofanda na Bozali ya Mwana, koyóka Mongóngó na Ye kolatisa Mwasi na Ye ya libala.
Nokí mpenza tokobanda komóna balingami na bisó baoyo bazali na ngambo mosúsu ya ezipelo ya ntango, baoyo bazali kozila mpe kotálela kozala na bisó elongó.

Ba bande nde nzela ya Nzambe epesami mpo ya kobongisa be Mwasi na Ye ya libala. Ba bande oyo nde eloko sé moko ekosangisa Mwasi na Ye ya libala. Ba bande oyo nde Mongóngó ya Nzambe epai na Mwasi na Ye ya libala.

Nabiangí yo óya mpe ósangana na bisó elongó, eteni ya Mwasi na Ye ya libala, Lomíngo loye na 12:00 nsima ya nzángá, ntango ya Jeffersonville, lokola tozali koyóka nyoso na ntina ya oyo ebelemí kokóma noki mpenza: Konetolama 65-1204.

Ndeko Joseph Branham

Uncategorized

25-0720 LIKOLO NA MAPAPU YA EBENGA PEMBE LOKOLA MBULA PEMBE

Nsango: 65-1128e LIKOLO NA MAPAPU YA EBENGA PEMBE LOKOLA MBULA PEMBE

BranhamTabernacle.org

Molingami Mwasi ya libala Ya Klisto,
Tika ete toya elongó mokolo mwa Lomíngo na 12:00 nsima ya nzángá, ntango ya Jeffersonville, koyóka 65-1128E Likoló Ya Mapapú Ya Ebengá Pémbé Lokola Mbúla Pémbé.

Ndeko Joseph Branham

Uncategorized

25-0713 ESIKA MOKO KAKA EPESAMI NA NZAMBE MPO NA KOBONDELA

Nsango: 65-1128M ESIKA MOKO KAKA EPESAMI NA NZAMBE MPO NA KOBONDELA

BranhamTabernacle.org

Balingami Libóta Ya Yesu Klisto,

Eloko moko ezali kosalema lokola libosó naino soki moké te na Mwasi ya libala ya Klisto na mokili mobimba. Makambo toyókaki na ntina na yango mpe totálelakí komóna mamónaní sikawa libosó ya míso ma bisó.

Molimó Mosanto azali kosangisa Mwasi na Ye ya libala lokola elobakí Ye ete Akosala, na nzela na Ye SÉ MOKO epesamí mpo ya lelo, Mongóngó ya Nzambe likoló ya ba bande.

Azali komónisa mpe kondimisa Liloba ya Ye lokola libosó naino soki moké te. Lokola etóko ya etele, Emóniseli ezali kopunjwapunjwa na kati ya bisó.

Lisangá kati ya molimó ya Klisto na Lingomba na Ye sikawa, ntango Mosuni mozali kokóma Liloba, mpe Liloba lizali kokóma mosuni, emonisamí, endimisami. Bobele mpenza oyo Biblia elobaki ekokóma kati na mokolo oyo, ezali kokóma, mokolo na mokolo. Na bongo, ezali koyíkana na noki mpenza kuna libandá, kati na masóbé wana, mpe makambo kokóma, na motindo ete Nakokákí kútu kozua nyoso na yango te.

Mokolo na mokolo Emónoneli koleka na koleka ezali kozala komónisama mpe kotalisama epai na bisó. Lokola mosakoli, makambo mazali kokóma mpe kosalema na lombangu mpenza, tokoki ata te koyeba nyoso na Yango…NKEMBO!!!

Ntango ya bisó ekómí. Likómí lizali kokokisama. Mosuni mozali kokóma Liloba, mpe Liloba lizali kokóma mosuni. Kaka oyo mosakoli alobakí ekosalema ezali kosalema sikawa.

Mpo ya nini bisó?

Ezali na mfúlu te, lolaká lozangí kosósolama te, ndimbola ya moto esengélámí na yango te kati na bisó. Tozali na bisó koyóka kaka Liloba Peto Libongí be útá na monoko ya Nzambe lokola Azali koloba na bisó mbebu na litói.

Sikawa tomóní Liloba yango moko lilakamákí, ya Luka, ya Malakí, bilaká binso biye longwá lelo, bikómí mosuni, kofanda kati na bisó, oyo toyókaki na matói ma bisó; sikawa tomóní Ye ( na míso ma bisó) kolimbola Liloba na Ye moko, tosengeli te na ndimbolá soko nini ya moto.

Mwasi ya libala, ekokákí na yango kaka te kokóma polélé koleka yango. Ezali Nzambe, kotelema libosó ya Mwasi na Ye ya libala kati na mosuni ya moto, oyo tokokí komóna na míso ma bisó moko, koloba mpe kolimbola Liloba na Ye Moko, mpe kotia yango likoló ya bande. Liloba Libongí be lilobámí mpe litiámí na bande na Nzambe Yemei, na bongo esengeli na ndimbola moko te ya moto.


● Nzambe azali koloba libélá na Mwasi na Ye ya libala, likoló ya ba bande.
● Nzambe kolimbola Liloba ya Ye Moko, likoló ya ba bande.
● Nzambe komimónisa Ye Moko likoló ya ba bande.
● Nzambe koyebisa Mwasi na Ye ya libala, bosengeli na ndimbola ata moko ya moto te, Liloba ya Ngai likoló ya ba bande nde nyoso MWASI NA NGAI YA LIBALA ASENGELI NA YANGO.

Bókanisa, ntango bolongwí awa, bóbanda kobima na ezipelo sikawa; bozali kokende kati ya mombóto, kasi bóúmela kati na Bozali ya Mwana. Bóbakisa te, oyo elobí Ngai; bólongola te, oyo elobí Ngai. Zambí, Nalobi Soló, na lolengé Nayebi Yango, lokola Tata apesaki ngai. Bomoni?

Nzambe abongisakí NZELA SÉ MOKO EBONGÍ BE mpo ya Mwasi ya libala kosala bobele yango epesakí Ye bisó motindo ete tósála. Etíkalá kobonga ata mbala moko libosó te, kino lelo. Kobánzabanza te, kolémalema te, motuna te soko eloko moko nde ebakisámí, elongolámí, to elimbolámí. Mwasi ya libala apesamelakí Emónoneli ya solo: KOYÓKA BA BANDE EZALI NZELA YA NZAMBE EBONGÍ BE.

Bobele soko ezali ete, Bótika Naloba yango lisúsu. Emoniseli ya ngai ezali ete MWASI YA LIBALA YA YESU KLISTO, basúsu te, MWASI YA LIBALA, asengeli NA ELOKO MOSÚSU TE kasi Mongóngó ya Nzambe likoló ya ba bande.

Kasi wana mbala moko Molimó Mosanto yango mpenza mpenza…Liloba ya solo liyéi kati na yo (Liloba, Yesu), nambisa, Ndeko, Etindá ezali ndèle sekelé epai na yo te; Oyebí Yango, ndeko, Epelí nde kopela libosó na yo.

Etindá ezali sekelé epai na ngai te. Yesu Klisto azali lolengé moko lobí, lelo mpe libélá. Lóla mpe mabelé nyoso ibiangámí Yesu. Yesu nde Liloba.

Mpe Nkombo ezali kati na Liloba zambí Azali Liloba. Amen! Azali ko nini ndèle? Liloba lilimbolamí nde bomónisami ya Nkombo ya Nzambe.

Nzambe Azali kosangisa Mwasi na Ye ya libala na Mongóngó na Ye, oyo Atíakí na ba bande mpe Abómbaki mpo ya lelo, na ntina ete Ákoka koyeisa Mwasi na Ye ya libala elongó lokola Libóké Moko. Mwasi ya libala a komóna yango mpe akoyeba Yango lokola NZELA SÉ MOKO Akoki komema Mwasi na Ye ya libala elongó.

Asalaki yango mbula 60 isílí koleka kotálisa bisó boni Akosala yango lelo. Tozali “moko ya masámbo ya ye likoló ya bikanganeli ya biyókeli”

Soko nandimaka kokende na losambo te, mpo ya nini ko Nazali na losambo? Tozalakí na yango bakanganàkí na bisó na telefone kati na mboka mobimba pókwa mosúsu, kilomètele nkámá mitano na Zómi na mwambe nyoso na matúmu manei izalaki na moko ya masámbo ya ngai.

Batéyi mingi bayebisaka masámbo ya bango kozala na “ekanganeli ya telefóne”, to “ kolanda manáka to Liteya na nzela ya biyókeli”, “koyóka Liteya yango moko na ntango moko”, ezali te kokende na losámbo. AÚTI KAKA KOLOBA EZALI KOKENDE NA LOSAMBO! Ezali to bayebi na bango kaka Liloba te to bakoki kotanga mokanda ya bolingo te lokola Mwasi ya libala akoki kotanga.

Lingomba nde nini? Bótika bobele tomona oyo Ndeko Branham alobi Lingomba Lingómbá nde nini.

Bikútanelo ebelé na ebelé, Bazali na efandelo oyo lokola bino nyoso bozali na yango awa longwá na eyanganelo. Ekanganí mpe elongó kati na Phoenix, ete esiká nyoso makútani mazali, eyaka mbala moko kati na…Mpe bayanganaka kati ya masámbo mpe kati ya ba ndako, mpe makambo ya lolengé wana, na nzela ya mwa mbóngé moké mpenza.

Ndeko Branham alobí polélé bato kati na “ba ndako” ya bango mpe “ makambo ya motindo yango” ezalaki moko ya masámbo na ye na nzela ya ekanganeli ya biyókeli. Na bongo ba ndako, bitékelo ya pitoló ya mítuka, matongi, mabota bayángani elongó longwá na ekanganeli na ye na nzela ya biyókeli esáláki bango kobiangama lingomba.

Tika ete tótanga koleka mwa moké MOKANDÁ YA BOLINGO.

Tobondeli mpo ya mangomba manso mpe biyanganeli nyoso bayangani zingázingá ya—ya—ya mwa mikolofóne libandá nyoso Kúná, útá na ekólo, mosiká kino na libóngo ya Elimwelo ya ntango, likoló kuna na ba ngómbá ya Arizona, na nsé kuna na mabánda ya Texas, koleka mosiká na libongo ya Ebimelo ya ntango, kati na mboka mobimba, Nkoló, epai wapi bayangani. Ngonga ebelé ikeseni, tozali kati na ntango, kasi, Nkoló tozali elongó na pokwa oyo lokola libóké moko, bandimi, kozila boyei a Masiya.

Boye kozala na ekanganeli ya biyókeli, koyóka Ndeko Branham NYOSO NA NTANGO YANGO MOKO; bazalaki elongó lokola liboké moko, bandimi, kozila boyei ya Masiya.

Kasi bozali koloba soko bosali bongo lelo, yango ezali kokende na losámbo te, ezali mabe, ezali Koyangana elongó te ata mingi na koleka wana emóní bisó mokolo kobelema, ezali kokende na losámbo te?

Tika nátuna yo motúna mpe óyanola eyánganelo na yo. Soko Ndeko Branham ázalaka awa lelo, kati na nzóto, mpe okokákí kolanda matéya ma ye to koyóka ye na nzela ya ekanganeli ya biyókeli koyóka ye mokolo ya Lomíngo nyoso na ntóngó, nyoso na ntango yango moko elongó na Mwasi ya libala na mokili mobimba, babáteli, bolingakí kokangana na Ndeko Branham na nzela ya biyókeli to bolingaki kotéya?

Ndeko Branham alobí polélé lotómo na yo nde lingomba na yo. Soko ózalaka awa esili koleka mbúla 60 mpe Ndeko Branham azalakí kotéya, kasi lingómba na yo balingaki koyóka ye te kasi kozala na losámbo ya bango moko ( oyo ebelé ya batéyi basálakí na mikolo yango), olingaki kokende na “losámbo na yo”, to olingakí kokende na “Eyánganelo ya Branham” koyóka Ndeko Branham?

Nakopesa yo eyano ya ngai. Nalingaki kozala kotelema na ekuke kati na mbúla, mbúla mpémbé to ekumbakí kokóta kati na Eyánganelo koyóka mosakoli ya Nzambe. Soko NAZALAKÍ kokende na losámbo wana mosúsu, mbe nakokaki kobóngola losámbo na pókwa wana.

Kasi mwasi yango, ayebakí na ye te soko nguya ezalaki kati na lingénda to te, kasi ayebakí ete Nzambe azalakí kati na Eliya. Nde esiká Nzambe azalaki: kati na mosakoli na Ye. Alobakí: “Lokola Yawe azali na bomoi mpe molimó na yo mozali na bómoi, Nakotika yo te.”

Nabiangí yo komíbakisa na bisó mpe kozala moko ya masámbo ya Ndeko Branham na nzela ya ekanganeli ya biyókeli mokolo mwa Lomíngo 12:00 nsima ya nzángá, ntango ya Jeffersonville, lokola tozali koyóka Mongóngó ya Nzambe komemela bisó Litéya: Esiká Moko Kaka Epesamí Na Nzambe Mpo Ya Kobóndela 65-1128M

Ndeko Joseph Branham

Uncategorized

25-0706 NAYOKAKI KASI SIKOYO NAMONI

Nsango: 65-1127e NAYOKAKI KASI SIKOYO NAMONI

BranhamTabernacle.org

Molingami Mwasi Ya libala Oyo azali koyóka elongó na nzela ya ekanganeli ya singa,

Lelo, Maloba maye Nzambe alobakí na nzela ya Motindami na Ye Mwanje ya Nsambo mazali NAÍNO KÁKA kokokisama na nzela ya BISÓ, MWASI YA LIBALA YA YESU KLISTO.

Soko Nandimí kati ya bokei na losambo te, mpo ya nini ko Nazali na losambo? Tozalaki na yango kati na mboka mobimba, bazalaki kolanda bisó elongó na nzela ya biyókeli na mpókwa mosúsu, matúmu mánei manso ya kilomètele nkámá mitano na Zómi na mwambe izalakí na moko ya masámbo ya ngai.

Bazalaki kati ya masámbo, ba ndako, matongi maké, mpe kútu etékelo ya pitoló ya mituka; ipalángání kati na Amerika mobimba, koyóka, banso na ntango yango moko mpenza Liloba lizalaki kobima.

Mpe lelo, tozali naino káka MOKO YA MASÁMBO YA YE. Azali NAINO KÁKA MOBATELI NA BISÓ. Liloba ya ye LISENGELI NAINO KÁKA NA NDIMBOLA TE,mpe tozali NAINO KÁKA toyángání útá na mokili mobimba, TOZALI NA EKANGANELI YA BIYÓKELI, koyóka Mongóngó ya Nzambe kobongisa be Mwasi na libala ya Yesu Klisto.

Lelo oyo, Liloba liye lizali naino káka kokokisama.

Mpo ya nini basalákí yango ndèle nsima kuna? Mpo ya nini babáteli bakangaki masámbo ya bango koyóka Etindá na ntango yango mpenza? Bakokaki na bango kaka kozila bázua ba bande, nambísa báteya Etíndá bango moko epai ya bato na bango nsima; mpe nandimisami mingi na bozangáká Emoniseli basalaki yango.

To ntango mosúsu bóko bayebisaki biyanganelo ya bango: “Sikawa bóyóka, tondimi Ndeko Branham azali Mosakoli ya Nzambe, kasi alobaki te ete tosengelákí toyoka ye kati na masámbo ya bisó. Nazali koteya Lomíngo loye, mpe Lomíngo moko na moko; bozwa bobele ba bande mpe Bóyoka yango na ba ndako na bino.”

Mwasi ya libala ndèle, bobele lokola Mwasi ya libala sasaipi, azalaki na Emóniseli, mpe Alingaki koyóka Mongóngó ya Nzambe mbala moko mpo ya bango moko. Balingaki kosangana na Mwasi ya libala kati na mboka mobimba koyóka Mongóngó ya Nzambe lokola ezalaki kobima. Balingaki koyebana lokola moko ya masámbo na ye, ba ndako, to esíká sé esiká ezalaki bango, na Etindá, Mongóngó, mpe sikawa, ba bande.

Lelo oyo, Liloba liye lizali naino káka kokokisama.

Mpo ya nini ba/ tomónáki yango nde bamosusu te? Na boyebaká makambo libosó, tobongisamákí komóna Oyo. Kasi yo oyo obongisamáki te, okomóna Yango sokí moké te. Lisangú lizali komóna Yango mpe libandí komibimisa.

Elingí koloba te ete osengeláki ótika kokende na losámbo na yo. Soko ete Mobateli na yo átika kotéya. Elingí bobele koloba ete ebelé ya batéi mpe babáteli babósaní LIKAMBO YA MOTÚYA, mpe bazángí koyebisa bato na bango ete MONGÓNGÓ YA LITÓMBÁ KOLEKA Osengeli koyóka ezali Mongóngó ya Nzambe likoló ya ba bande.

Kokende na losambo mokolo nyoso ya póso moko moko ekokómisa yo Mwasi ya libala te; yango te nde oyo Nzambe aséngí. Bafalisái na Basadukai bazalaki na boyebi mobimba ya malakisi wana. Bayebaki lilétele moko moko ya Liloba moko na moko, kasi Liloba ya Bomoi azalaki kotelema KAKA WANA kati na mosuni ya moto, kasi basalaki nini? Eloko yango moko mingi mpenza bazali kosala lelo.

Bakoloba: “yango ezalaki bibongiseli nde azalaki kosolola na ntina na bango. Balingaki te kotika Ndeko Branham kati na masámbo na bango kotéya, kasi totéyaka Liloba mpe tolobaka kaka oyo alobákí.”

Ezali bikamwa. Lokúmu na Nkoló. Yango nde osengelaki kosala. Bongo nsima óloba lelo ekeséní, ezali mabe koyóka ba bande ya Ndeko Branham kati ya losámbo na bino. Bokeseni te na Bafalisai mpe Basadukai, to bibongiseli.

Ozali mokosi.

Lokola ezalaki ndèle, Ezali Yesu, atélemí na ekuke kobeta, komeka kokóta na kati koloba mbala moko na Lingomba na Ye, mpe bakofungola bikuke ya bango te, mpe bakoyókisa ba bande na masámbo na bango te. “Akoya kati na losámbo na bisó te mpe koteya”.

Mongúna akobóngola yango mpe kopanza yango na ba nzela motindo na motindo lokola AYINAKA kobimisama polélé, kasi ata ko bongo, ezali komónisama libosó na míso ma bisó mpenza mpe mingi bazali komílongola.

“Na ebandeli ezalaki” [Losambo elobí: “Liloba,”—Mol,”] “mpe Liloba azalaki mboka na” [Nzambe,”] “mpe Liloba azalaki [“Nzambe.”] “Mpe Liloba akomí mosuni mpe afándí kati na bisó.” Ezali solo? Sikawa tomóni Liloba yango moko lilakámí, ya Luka, ya Malaki, bilaká binso biye longwá lelo, bikómí mosuni, kofanda kati na bisó, oyo toyókí na matói na bisó; sikawa tomóní Ye ( na miso ma bisó) kolimbola Liloba na Ye Moko, tolingí ndimbola moko te ya moto. O Lingomba ya Nzambe na bomoi, awa mpe na telefóne, bólamuka nokí, libosó ete ntango éleka mingi!

Bófungola mitema mia bino mpe boyoka oyo Nzambe aútí koyebisa bino, masámbo ma Ye manso. Sikawa tomóní Ye, na míso ma bisó, KOLIMBOLA LILOBA NA YE MOKO. Tolingí ndimbola ata moko te ya moto!! BÓLAMUKA LIBOSÓ ETE NTANGO ÉLEKA MINGI!!

Toyókí makambo maye bomoi na bisó mobimba oyo ekokóma na ntango ya nsúka. Sikawa tomóní na miso ma bisó yango kosálema.

Ayebisaki bisó, ezali NA NZELA SÉ MOKO, YANGO NDE NZELA EPESAMI YA NZAMBE ABONGISAKI MPO YA MWASI NA YE YA LIBALA. BOSENGELI BÓTIKALA NA MONGÓNGÓ YA NZAMBE LIKOLÓ YA BA BANDE.

Nabiangi mokili koya komíbakisa na bisó mokolo mwa Lomíngo na 12:00 nsima ya nzángá, ntango ya Jeffersonville, mpe koyóka Nzelá epesami na Nzambe mpo ya lelo. Na bongo bino mpe bokoki koloba: “Nayokaki mpo na Yo, kasi sikawa Namóní Yo”.

Ndeko Joseph Branham

Liteya: 65-1127E Nayókakí Kasi Sikawa Namóní

Makomí
Genese 17
Esode 14:13-16
Yobo mokapo ya14 mpe 42:1-5
Amosa 3:7
Malako 11:22-26 mpe 14:3-9
Luka 17:28-30