All posts by admin5

21-0725 ESIKA YA LOSAMBO NZAMBE APESI

Nsango: 65-0425 ESIKA YA LOSAMBO NZAMBE APESI

BranhamTabernacle.org

BA MPONGO BAZALI KOYANGANA

Balingami baoyo bazongisami na bomoi,

Boniboni tolingaka koyangana elongo poso na poso kosala lipati likolo ya mana ya molimo Abongiselaki Mwasi na Ye ya Libala. Ezali kopesa biso makasi oyo tozali na yango bosenga mpo ya mobembo. Ezali bomoi penza ya Masiya ye moko, etalisami, kobongisa Lingomba na Ye mpo ya konetolama.

Likonzi ya Moto ebengaki biso kobima, mpe ezali kokamba biso na mokili ya elaka, na nse ya kopakolama ya Mosakoli ya Ye ya nguya, William Marrion Branham.

Ndeko Branham azali Likonzi ya Moto te. Azali mokambi mopakolami, na nse ya Likonzi yango ya moto. Likonzi ya Moto ezali kaka kokokisa etinda na ye na nzela ya bilembo mpe bikamwiseli. Ezali Molimo Mosanto na Ye monene kotalisama kati na biso mpe ezali mbala nkoto koleka basakoli basusu banso liboso.

Bokoki nde te komona Mwana ya Moto, Mwana ya Moto na lolenge ya Etinda ya lisakoli, kozonga lisusu kati ya Lingomba na Ye, kati na lisakoli, komonisa Yesu Klisto lolenge moko lobi, lelo, mpe libela? Etikala kosalema ata mbala moko te kati na bileko kino na ntango oyo.

Makanisi ya biso ya molimo esimba yango. Tomoni yango mpe tondimi Liloba moko na moko. Etinda oyo, ba bande oyo nde nzela Nzambe abongisi mpo ya kosimba likanisi yango kuna libanda epai wapi nkona yango ekonami. Toyokaki Mongongo yango, Pole ebetaki biso mpe tozwi bomoi.

Ezali kofandisa biso na bisika bileki Likolo, SIKOYO KAKA. Ezali te ete tokozala, tozali sik’oyo. Tosili kosekwisama, molimo mpe nzoto ekoti kati na mosala. Ezongisi biso na bomoi lisusu na bozali ya Nzambe, epai wapi Molimo na Ye azali. Ezali te oyo  bokozala, bozali yango! Ezali kaka zabolo nde azali kolinga koyiba yango longwa na biso.

  • Motuna: Boyei na Bomoi?
  • Eyano.  : Iyo
  • Motuna: Klisto akomi solo epai na bino?
  • Eyano.  :Iyo
  • Motuna: Nguya ya Nzambe etalisami?
  • Eyano   :Iyo
  • Motuna: Bozali kati ya Lingomba yango, Lingomba oyo Nzambe amibongiseli?
  • Eyano: Iyo
  • Motuna: Bozali kati na yango ndenge nini, boyebi ndenge nini ete bozongisami na bomoi kati na yango?
  • Eyano: Makanisi ya biso mobimba; bomoto ya biso mobimba ezali kati na Klisto. Klisto azali na kati ya biso, komitalisa ya moko lokola Moto ya bomoi, kokokisa ete Azali awa.

Tozali mosuni ya mosuni na Ye, mpe mokuwa ya mokuwa na Ye, nzoto ya nzoto ya Ye, Nkombo ya Nkombo ya Ye, Mwasi na Ye ya Libala. Tozali kati ba Ye. Tozali mosuni ya Ye mpe mikuwa ya Ye.

Tokoki kokufa te, tozongisami na bomoi. Nguya ya bomoi oyo esekwisi biso longwa na bomoi ya masumu, mpe ebongoli bomoto ya biso, esekwisi biso na motindo mosusu ya koloba, kati na Klisto Yesu, lisekwa yango na mobimba yango ekomema biso na kokemba.

Tobotami mpe tobongwani, tobatisami na Molimo Mosanto, kati na Yesu Klisto. Toyeisami na bomoi na nguya ya liloba moko na moko. Tozali kotatwela liloba moko na moko na bolobaka “ Amen”.

Wan’ezali biso koyangana elongo kati na Klisto Yesu; na likanisi moko, mpe lobanzo loko, nyos’oyo tozali na yango bosenga, soko tokozala na KONDIMA mpetondimi, AKO pesa biso yango.

Toyeba ete Akozala na ndako  moko na moko na biso, na losambo na biso moko na moko to epai nyoso wapi toyangani, mpo ete tozali bana ba Ye babali mpe basi, Lingomba na Ye Mwasi na Ye ya Libala.

Nayebi Azali awa. Nandimisami Azali awa. Nayebi ete ezali na nguya ya kopesa bomoi oy’esengeli kati na Lingomba mpo ya kobikisa moto nyos’oyo afandi awa.

Bondimi Etinda oyo? Bondimi ete yango nde nzela ya Nzambe mpo na lelo? Bondimi ete ezali Mwana ya moto komimonisa kati na mosuni ya moto? Bondimi Liloba moko na moko?

Soko olingi lobiko ya nzoto, lobiko ya molimo, to ELOKO NINI nyos’ozali na yango bosenga, boye nati mondenge liboso na yo ete ondima Mongongo ya Nzambe epakolami, endimisami mpo na mokolo ya biso:

Sala ete kaka sikoyo nguya ya lisekwa eyeisa kondima na bango na bomoi, Nkolo, na oyo bazali kosala. Ezali na mondimi azali na maboko na Ye likolo ya mondimi, nzoto yoko na nzoto mosusu, nguya likolo na nguya. Mpe ezali nguya ya Nzambe na nzela ya mwana mobali ya Nzambe to mwana mwasi ya Nzambe, na nzela ya Mwana na Nzambe. O Nzambe, tika ete Satana atika bat’oyo somi! Tika ete babikisama na sima ya nzanga oyo, na nzela ya nguya oyo esekwisaka, oy’epesaka bomoi ya bozali bondimisami, Yesu Klisto. Na Nkombo na Yesu Klisto, tika ete ezala bongo!

Yaka mpe mibakisa na biso na nse ya: Esika ya Losambo Nzambe Apesi 65-0425, mpe ozwa lobiko ya nzoto na yo, opakolama na Molimo Mosanto,  ozwa kosepela ya bomoto na yo ya kati ekofanda yo na bisika ya Likolo mpe koyoka Mwana na moto kosolola Mokolo ya Lomingo oyo na ngonga ya 2 sima ya nzanga, ntango ya Jeffersonville.

Ndeko Joseph Branham

Makomi ya kotanga liboso ya koyoka liteya:

Dutelonome 16: 1-6

Malaki 4:5

Santu Matayi1:23

Santu Malako 16:17

Santu Luka17:30

Santu Yoane 4:23/10:1-7

Baloma 8:1-11

I Bakolinti 12:13

Baefese 1:21

I Batesaloniki 4:16

Baebele 13:8

Emoniseli 22:19

21-0718 ESODE YA MISATO

Nsango: 63-0630m ESODE YA MISATO

BranhamTabernacle.org

BA MPONGO BAZALI KOYANGANA

Balingami bana babali mpe bana basi ya Nzambe,
ezali makasi koyeba esika ya kobanda. Kokanisa, tozalakikofanda elongo na misanda mileki likolo, longwa na mokilimobimba, na bomelaka longwa na Mai yango ya bomoi, bokomaka Bana babali mpe Bana basi ya Nzambe. Etinda oyoezali kopesa biso lisosoli mobimba, na botiaka biso na esika yabiso, mpe boyebisaka biso oyo Tozali kati na Klisto Yesu.

Etinda oyo ezali kosala nini?

“Mpo ete nabalisi bino, Nabandisi bino, lokola moseka yampeto.”

Kembo, Nzambe atindaki Mwanje na Ye ya sambo motindamikobalisa biso na Ye lokola moseka peto. Biso toko Sambisamana liloba nyoso Ye Alobaki. Yango elingi koloba osengeliKOFINA PLAY.

Ye akomaki Biblia ya Ye ya liboso na likolo, sima akomakiBiblia ya Ye ya mibale na libanga. Biblia ya Ye ya misatoakomaki likolo na ekomelo, mpo na mokili monene ya mayeleya boyebi esengelaki koya. Kasi lelo, mokolo monene yaemoniseli, tozali na mosala mwa Ye mobimba mpe mobongi be, Mongongo ya Nzambe Ye penza kobenga Mwasi na Ye yaLibala na nzela ya ba Bande:

“Mpe OKOLAKISA biso epai na Nkolo Yesu wana ekoya Ye, pelamoko mbano ya mosala na yo.”

Mpe biso banso togangaki na lobanzo moko,

“Toyebi yango! Tozali kopema na kondimisama.” Balobaki, “ Okotalisa biso epai na Ye, mpe na mbisa tokozonga biso nyosona mabele lisusu, kobika mpo na libela.

Mwasi na Klisto agangaki epai na nani ete akolakisa biso epaiya Nzambe? Mosakoli ya Nzambe na nzela ya MOSALA NA YE. Ndenge nini ozanga koyoka ba bande oyo na lingomba nayo?

Kaka Etinda oyo, ba bande oyo nd’ekoki komema Lingomba naNzambe na boyokani elongo na Nzambe, kino komonana yaMobali ya Libala ekomonana kati na biso. Ngai nayebi ndengenini koloba na bino ete “botikala na ba bande?” Nazongaki katina etandelo komona oyo mosakoli alobaki.

Nazali kolikia ete makanisi ya molimo ezali kosimba yango. Nandimisami et’ezali bongo. Kasi nazali komitungisa, libandakuna. Nzoka nde, okoki kokende na mikili nyoso te. Okokikotinda ba bande kuna. Nzambe akozala na nzela moko yakosimba makanisi yango kuna epai wapi nkona yango ekonami. Ezali solo. Mpe kaka ntango pole ebeti yango, ekoki, Ezwibomoi. Lokola mwana mwasi moke na etoko ya mai, alobaki,”oyo ezali yango.” Asimbaki yango

Mpo na biso ezali mafuta ya nzoi likolo ya libanga, ezali esengoezangi kolimbolama, ezali kondimisama epambolami, ezalilongo ya bomoto ya kati, ezali elikia mpe Efandelo ya biso, ezaliLibanga na bileko, ezali nyoso.

Makanisi ya biso ya molimo ezangi kobulungana. Toyebi penzaYe azali nani. Toyebi penza oyo Ye azali. Toyebi solo solo bisotozali banani. Toyebi penza penza esika tozali kokende. Toyebinani tondimeli mpe tondimisami ete azali na makoki ya kobatelaoyo topesi na maboko na ye kino na mokolo wana.

Na sima soko Nzambe amonisi biso ete tozali ba ntoma na Ye, nguya nyos’oyo ezali na Lola, oyo nyoso Nzambe Azali, banjena Ye nyoso mpe nguya na Ye nyoso ezali kotelema sima ya MALOBA YA BISO. Esengeli Nzambe amemia Liloba, mpoalobaki ete” Eloko nyoso bokokanga na mabele, yangoekokanga ngai na Likolo. Eloko nyoso bokofungola na mabelenakofungola yango na Likolo.”

Ntango ya kokende Ndako yang’oyo. Kobima yang’oyo. Mwasina Libala ya Yesu Klisto, akobimisama na mokili ya elaka.

Na Esode ya Ye ya liboso, Abimisaki bango na mokili yamabele oyo. Na Esode ya mibale, Abimisaki bango longwa namotindo moko ya molimo, kokotisa bango na libatisa kati namolimo ya Molimo Mosanto, sik’oyo azali komema biso longwana libatisa ya molimo na Molimo Mosanto, kozongisa biso naseko na seko, na nzela ya Likonzi ya moto yango moko, na nzelaya lolenge yango moko ya kopakolama, Nzambe yango mokokosala makambo yango moko!

Tika mipepe mipepa. Tika bikumbaki bininganisa, tozali nakobatelama pepele libela. Tozali kopema kaka wana likolo yaliloba moko na moko.

Yaka komibakisa na biso mokolo na Lomingo na ngonga ya2:00 sima ya nzanga, ntango ya Jeffersonville, mpe kopemalikolo na liloba moko na moko Nzambe Alobi na mokolo nabiso. Komilengele yo moko mpo na boyei bwa ye bobelemi mpekoyoka: Esode ya Misato 63-0630M

Ndeko Joseph Branham

Esode 3:1-12
Genese mokapo ya 37
Genese mokapo ya 43

21-0711 Kotiama Lokumu Ya Mwana #4

NSANGO: 60-0522E Kotiama Lokumu Ya Mwana #4

PDF

BranhamTabernacle.org

BA MPONGO BAZALI KOYANGANA

Balingami ba MPONGO,

tika ete toyangana mpe toyoka liteya ya 60-0522E Kotiama na bokonzi ya mwana # 4  mokolo ya Lomingo oyo na ngonga ya 2 sima ya nzanga, ntango ya Jeffersonville.

Ndeko Joseph Branham

Makomi ya kotanga liboso ya liteya:

Baefese 1: 8-22 / 2:1 / 4:30
Baebele 7:1-3
Genese 14:18-24
St. Matayi 26:26-29
St. Yoane17:17
Bagalatia1:8
Yobo 38

21-0704 KOTIAMA NA BOKONZI YA MWANA #3

NSANGO: 60-0522M Kotiama Lokumu Ya Mwana #3

PDF

BranhamTabernacle.org

BA MPONGO BAZALI KOYANGANA

Balingami ba MPONGO, tika ete toyangana mpe toyoka liteya ya 60-0522M Kotiama na bokonzi ya mwana # 3 mokolo ya Lomingo oyo na ngonga ya 2 sima ya nzanga, ntango ya Jeffersonville.

Ndeko Joseph Branham

Makomi ya kotanga liboso ya liteya:

Matayo 28:19
Yoane 17:7-19
Misala 9:1-6, Mikapo 18 mpe19
Baloma 8:14-19
1 Bakolinti 12:12-13
Bagalatia 1:8-18
Baefese mokapo 1
Baebele 6:4-6, 9:11-12

20-0620 Kotiama na bokonzi ya mwana # 2

NSANGO: 60-0518 Kotiama Lokumu Ya Mwana #2

PDF

BranhamTabernacle.org

Balingami ba MPONGO, tika ete toyangana mpe toyoka liteya ya 60-0518 Kotiama na bokonzi ya mwana # 2 mokolo ya Lomingo oyo na ngonga ya 2 sima ya nzanga, ntango ya Jeffersonville.

Ndeko Joseph Branham

Makomi ya kotanga liboso ya liteya:
Genesis 1:26
Ephesians First Chapter
Romans 8:19
Galatians 1:6-9
Hebrews Sixth Chapter
John 1:17

21-0620 KOTIAMA NA BOKONZI YA MWANA #1

Nsango: 60-0515e KOTIAMA NA BOKONZI YA MWANA # 1

BranhamTabernacle.org

BA MPONGO BAZALI KOYANGANA

Balingami ba Mpongo, tika ete toyangana mpe toyoka liteya 60-0515e
Kotiama na bokonzi ya mwana # 1 mokolo ya Lomingo oyo na ngonga ya 2 sima ya nzanga, ntango ya Jeffersonville.
Ndeko Joseph Branham

Makomi ya kotanga liboso ya liteya:

Yoele 2:28
Baefese 1:1-5
I Bakolinti 12:13
I Petelo1:20
Emoniseli 17:8
Emoniseli 13

21-0613 MOKONZI ABWAKAMI

NSANGO: 60-0515M Mokonzi Oyo Aboyami

PDF

BranhamTabernacle.org

BA MPONGO BAZALI KOYANGANA

Baninga na ngai balingami,baoyo nalingi kati na sango malamu, bana oyo naboti mpo ya Nzambe,

Nazali na matondi ete tozali koyoka Mobateli na biso. Tozali ba mpate oyo ye azali kobatela. Tozali lingomba ya Ye. Ba bande oyo etiamaki mpe ebombamaki mpo na biso. Tozali baninga ya motindami na ye, mwanje ya 7, mpe baoyo ya Ye ya bolingo na Sango Malamu.Tozali bana na Ye oy’aboteli Nzambe.

Mokolo moko Etinda oyo engengaki liboso na biso mpe toyokaki Yesu Klisto lolenge moko lobi loleki, lelo mpe libela. Epesaki kimia na koleta na biso, mpe tozali na nzala na yango lisusu koleka. Etinda oyo, Liloba ya Ye, Mongongo ya Ye, ezali Nkolo Yesu Klisto. Ezali nyos’oyo tozali na yango bosenga, nyos’oyo tolingi, nyos’oyo tozali nayango.

Soko Emoniseli moko ekokaki kopesamela biso oy’ekeseni na Liloba likomami, tokoki koyamba yango te, mpo ete yango nde penza Satana asalaki epai na Ewa. Azalaki na Liloba, kasi azalaki kolukaluka pole ya sika, mpe Satana amonaki kati nayango ete ye Ewa azwaki yango. Tolingi soko moke te kobakisa eloko soko nini na Liloba, to kolongola eloko moko longwa na Liloba te; kasi kaka kotika yango ndeng’ezali. Kotikala kaka na Liloba, mpo ete eloko nyos’ekeseni ezali kozanga kondima. Esengeli TOTIKALA NA MOSALA YA BANDE.

“Natikala te koteya eloko moko, na bomoi na ngai, oyo nayokela yango soni. Na kolongola bande ata moko te soko liteya moko te oyo etiami na ba bande. Nazali kotikala na oyo Molimo Mosanto Azali koloba. Yango nde nazali kobika na yango mpe nakokufa na yango”. Ezali te ete nameka koloba mpo na ngai moko sikoyo. Kasi nazali kaka komeka kopesa bino elembeteli ya makamb’oyo ezali kosalema, mpo ete bokoka komona mpe kosolola. Ezali ete bato balingi kokambama na bato.

Ba bande ezali oyo Molimo Mosanto azali koloba ete Akamba Mwasi na Libala. Tozali kobika na liloba nyoso mpe tokokufa na liloba nyoso mpo ete ezali OYO ELOBI NKOLO YAWE. Tokotelema elongo na Liloba ya Nzambe ata soko ekozwa eloko nyos’oyo tozali na yango na bomoi na biso; tokotikala na Liloba.

Bande nyos’oyo tozali koyoka ezali komema biso penepene na Ye mpe ezali komonisa Liloba na Ye lisusu na koleka. Ezali kaka oyo tozali na yango bosenga mpo ya mokolo yango. Tolingi Mwana ya Kisi kokamba biso te; tolingi nzela oyo Nzambe Abongisi: Mosakoli na Ye.

Libondeli na biso ezali,”O Nzambe sunga biso ete tokakola Liloba ata mbala moko te. Tika ete totikala alima na Liloba yango mpe kobika yango. Etali biso te soko nini ezali koya to nini ezali kokende, oyo moto ata nani akoloba to akosala, tika ete biso totikala na Liloba ya yo.”

Bitumba ezali koya makasi mokolo na mokolo. Satana azali na kanza ndenge atikala kozala liboso te. Ayebi ete ntango na ye ekomi na suka, mikolo na ye ezali ya kotanga sasaipi. Azali na mokili na nse ya bokonzi na ye. Boye azali kobundisa Mwasi ya Libala.

Mbala mosusu bitumba bileki makasi. Tokomi na suka mpe tolembi kino tobandi kolela boye:

Nazali kokufa na posa ya kozonga ndako, mpe nalingi komona Yesu,
Nalingi koyoka ngengele kitoko wana kobeta uta na libongo ya kimia;
Ekongengela nzela na ngai mpe ekolimwisa kobanga nyoso;
Nkolo, tika ete totala na ngambo mosusu ya ezipelo ya ntango.

Tata ayebaki ete tokozala na mitungisi mpe tokolemba, kaka lokola mosakoli na Ye.
Na bongo na nta tongo yoko Alamukisaki mosakoli na Ye, koyikisa ye mpiko. Atikaki ye kotala mpe kokende na Ngambo mosusu ya Ezipelo ya Ntango.

Na mbisa Azongisaki ye koyebisa biso ndenge makambo yango ekozala. Zuwa ezalaki kuna te. Kolemba ezalaki te. Kufa to malali ezalaki kuna te. Liwa likoki konunisa yo lisusu te. Ezalaki koleka bobongi kwa.

Na bongo Mwasi na Libala amatisaki ye likolo, mpe atiaki ye likolo na esika monene etombwi mpe bagangaki na bolobaka ete:

“Toyebi tokozonga elongo moko na yo, na mabelé mokolo moko”. Balobaki, “Yesu akoya, mpe y’okosambisama kokokana na Liloba oteyaki biso. Na bongo soko okondimama na ntango yango, mpe toyebi okondimama,” mpe balobaki, “bongo okolakisa biso epai na Ye lokola mbano ya mosala na yo.”

Na bongo wana, ekozonga Mwasi na Libala na mabele, tokozonga elongo na Ye, mosakoli ya Nzambe, mpe AKOLAKISA BISO EPAI NA YE LOKOLA LIBONZA YA MOSALA MWA YE. Na ntina wana esengeli na biso ete totikala na mosala ya bande.

Nakanisi ezali na Litomba kokotisa awa oyo toyokaki mosakoli koloba esili koleka mwa poso mike:

“Ba bande oyo ezali kokende kaka…Nazali kosolola na losambo na ngai, ndeko. Nazali na mokumba te na oyo Nzambe apesi yo ete oleisa; Nazali na mokumba ya motindo ya Biloko oyo nazali koleisa bat’oyo. Oy’ezali kaka mpo na Eyanganelo oyo. Bomoni? Sik’oyo, soko bato balingi koyoka ba bande, etali kaka bango. Kasi Nazali kosolola na bat’oyo Nzambe Apesi na ngai.

Nde tina tokotikala na biso na ba bande. Nde tina tozali koloba ete William Marrion Branham azali mobateli na biso. Nde tina tokolobaka ete tozali Eyanganelo ya ye. Tozali oyo Nzambe apesi ye. Iyo, tozali MOKO NA BANGO, KEMBO.

Sok’olingi kozala moko ya bailingomba na ye, FINA PLAY. Sok’okolinga koyoka ba bande na biso elongo, tobengi yo ete omibakisa na biso Mokolo ya Lomingo na ngonga ya 2 sima ya nzanga, ntango ya Jeffersonville, wan’ekoyangana biso elongo na bandimi mosusu zingazinga na mokili mpe koyoka: MOKONZI ABWAKAMI 60-0515M.
Ndeko Joseph Branham

Boyoka oyo: Nazalaki na mabondeli mpo ya koyeba soko Tata akokaki kolinga biso toyoka bande nini na mokolo mokoya. Nayokaki na motema na ngai lokola ete Azalaki kokamba ngai ete toyoka, “ Malakisi likolo ya Kotiama ya Mwana na ebonga ya bokonzi”. Nabandaki Ko bondela mpe koluka mokano na Ye. Wan’esilisaki ngai kobondela, natelemaki, nafungolaki Biblia na ngai na pwasa mpe nabandaki kotanga, ezalaki Bagalatia 4: 1-7. Tata akokisaki mpe ayanolaki mabondeli na ngai mbala moko lisusu.

Ngai mpe basali ya VGR tokozwa mwa ntango ya bopemi na poso 3 ezali kolanda. Wan’ekozala biso na bopemi, nakozala kaka kotindela bino mokanda mokuse kondimisa mpo na liteya oyo tokozala koyoka.

Nazali kosenga bino bokanisa ngai mpe basali ya VGR na mabondeli na bino.

Makomi ya kotanga liboso ya koyoka liteya

1 Samwele Mokapo ya 8
Santu Malako16: 15-18

21-0606 EKONGOLELI YA MOT’OYO AKANISAKA

Nsango: 65-0822E EKONGOLELI YA MOT’OYO AKANISAKA

BranhamTabernacle.org

BA-MPONGO BAZALI KOSANGANA

5.6.2021

Balingami bana mike ya Nzambe,
Tomonaki Nzambe na nguya kofanda kati na Liloba na Ye, kobeta bato ya mayele, baoyo na boyebi mpe basambeli ya eleko oyo na kufa miso; kasi azali komonisa yango epai na biso, bana mike oyo tolingi koyekola, bana mike ya Nzambe. Tokokoka te mpe tokoyoka liloba ya moto mosusu te. Ezali likambo na biso te; to ezali Etinda oyo, ba bande oyo, to eloko mosusu te.

Ntango ayaki mbala ya liboso, Azalaki moto. Ntango ayaki mbala ya mibale kati na ndambo mibale, azalaki moto. Ntango ayaki na lolenge ya Yoane mobatisi, Azalaki moto, ntango Ayei na eleko ya biso, mbala moko lisusu Amimonisi kati na moto. Azali sasaipi komimonisa kati na mosuni mbala oyo lisusu kati ya moko na moko na biso. Mwasi na Ye ya Libala oyo alingi Liloba.

Tozwi yango na mitema na biso. Makanisi na biso mpe bomoto ya biso ezali sasaipi koumela na bozali ya Mwana mpo na kokemba, mpo ete ba mpate bakolingaka biloko ya ba mpate: “ Ba mpate na ngai bakoyokaka Mongongo ya ngai.” Oyo wana nde tozali kobika na yango, liloba moko na moko. Ezali kaka te liloba moko awa mpe moko kuna, kasi Liloba nyos’oyo ekobimaka na monoko ya Nzambe, nde oyo tozali kobika na yango.

Tobotami bana na Nzambe, totondisami na Molimo ya Nzambe. Tozalaki bana ya Nzambe ntango nyoso, mpe tokozala ntango nyoso bana ya Nzambe. Ndenge ya kokabola yango ezali te mpo ete tozali na Bomoi ya Seko. Totikala kobanda te, soko boyebi kosuka mpe te.

Tozali na ekongoleli ya mot’oyo akanisaka: Liloba na Ye, Etinda ya Ye, Mongongo ya Ye, mpe epesi biso koleta ya moto mosantu. Toleti makambo ya Likolo mpe toyambi Liloba yango na mitema ya biso. Tomonaki yango kotalisama liboso na biso, mpe sik’oyo to tozali komona yango kotalisama NA KATI ya biso, mpe bomoto ya biso mobimba ezingami penza na yango.

Ezali ba mosusu bazali kotalela ete moto moko boye amonisa bango ya koleka. Koleka oy’ezali na kati na bande, koleka n’esika ete Malaki ya 4 kaka nde akamba bango. Kasi ayebisaki biso ete ekitaki koleka na nzela ya Luther, na mbisa na nzela ya Wesley mpe ata na bato ya kitela, mpe sik’oyo ezali na miso, ya lisakoli, Malaki 4, mpe kuna ezali na eloko mosusu etikali te ete eya kasi Ye moko koya mpo ya Mwasi na Ye ya Libala.

Mpe atalaki na sima kuna mpe amonaki yango, amonaki moto moko alati elamba ya pembe, azalaki kotambola liboso; mpe sima na yanglo, alobaki ete etalaki…alobaki,” Ndeko Branham, ezalaki yo”. Mpe alobaki ete, “ baye bazalaki kotambola kuna, alobaki,” na sima na yo, ezalaki bato ya langi ndenge na ndenge bamemi bendele; Georgia, Alabama, bisika nyoso ya motindo na motindo, bazalaki kotambola kokende liboso”, koya na motó epai wapi Klisto azalaki komimonisa kati na emononeli. O, Aleluya

Ezali Liloba yango moko kati na mitema na biso mpe ezali kobenda biso kati na yango. Tozali kobimisa kati na biso eloko mosusu nyos’oyo ezali koloba ete, “ Ezali kaka Malaki na 4 te, eloko ya koleka yango ezali. Mibunga ezali kati na Etinda Mikolo ya Etinda ya moto moko eleka kala. Ezali ebongiseli mpe kotemela Liloba soko bozali koyoka bande na mbala moko. Tolingi na biso yango kaka te”. Biso tozali kobika kaka na Liloba ya Nzambe, Liloba nyos’oyo ekobimaka na mokoko ya Nzambe mpo na eleko oyo, yango nde ekongoleli ya biso.

Tososoli ete mosala ya ba bande ezali mpo ya moto nyoso te. Epai na bateyi ata na esika nini to na ntango nini, oyo ezali kolobamela bino te mpo ya kosambisa malakisi ya bino, oyo ezali te mpo ya ba mpate na bino. Liteya oyo, mpe mateya mosusu nyoso alobaki etindameli biso, Eyanganelo ya Ye. Ezali mpo ya EYANGANELO ya yo te, bobele soko balingi kozwa yango. Kasi etindameli biso, Eyanganelo ya Ye.

Napesamelaki makoki ya koleisa ba mpate na Ye. Mpe nazali na lotomo ya kosala nyos’oyo nayebi epusi malamu mpo ya kopesa biloko malamu oyo nayebi.

Nalingaki nayeisa eloko moko polele alima mbala moko lisusu. Nayebi ete ebele bazali koloba makamb’oyo ezali na yango kaka solo te, mpe ezali kolobama mpo na kopengwisa mpe kokosa bato.

• Nazali kotemela mosala ya Baefese 4:11. Natikala koloba te, to kutu kokanisa bongo te. Nzokande ngai natiamaki na mosala na Ndeko Branham ete nazala eteni na mosala yango. Boye nakoki koangana yango ndenge nini.

• Natelemeli kokende na losambo. Natikala koloba yango te, kokanisa bongo te soko kondima yango te. Tozali koyangana elongo kati na Eyanganelo na losambo te mpo ete tozali kotonga mpe tozali na esika te mpo ya koyangana, kasi soko Nkolo Alingi tokoyangana elongo ntango botongi bokosila.

• Esengeli boyoka bande na ntango moko poso nyoso elongo moko na Jeffersonville mpo ete ozala Mwasi na Libala. Natikala koloba te, kondima te, soko kokanisa eloko ya ndenge wan ate. Na bomoi na ngai mobimba natikala koloba kaka FINA PLAY. Epai ya mosala nalobá ete bozongisa Ndeko Branham na eteyelo mpe boyoka ba bande.

Ata ko bongo bateyi ebele bazali koyebisa bato na bango makambo ya motindo oyo, naboyebaka ete nalobá to nakomá eloko ya ndenge yango te. Bazali kaka kotia somo kati na bato mpe kokosa bango.

Esengeli bomituna bino penza, “ Mpo na nini bateyi bazali kotemela koyoka Mongongo na Nzambe na ntango moko?” Bazali koloba ete ezali MABE mpe ebongiseli mpo ya biso nyoso koyoka bande na ntango moko. Eloko nini ezalaki mabe ntango Ndeko Branham Azalaki awa mpe asalaki yango?

Bokanisi ete soko bato bazalaki koyoka “yango” na mosika bango nyoso na ntango moko bakokaki kotemela yango mpe koloba ete ezalaki kotemela Liloba? Eloko moko ezali kolongobana te.
Nzambe Apesi Mwasi na Ye ya Libala ekongoleli, ezali Liloba na Ye, Etinda ya Ye, Mongongo mwa ye. Liloba ezali koya epai ya Mosakoli na Ye. Mosakoli azali molimboli ya Liloba ya Ye. Ezalaka ntango nyoso etinda ya moto moko, ebolo te. Nzambe atindaki Molimo Mosanto na Ye kokamba Mwasi na Ye ya Libala, mpe Molimo Mosanto yango Akotalisa bino epai ya mosakoli ya Ye, oyo APONI kokamba Mwasi na Libala na nzela ya Liloba na Ye. Nzambe ayebi kobongola etandelo na Ye te. Atikalá ntango nyoso kokamba bato na Ye wana emizipaki Ye na kati ya mosuni ya moto.

Mbela etindameli yo, opusami te, ete oya koyangana elongo moko na etonga ya bot’oyo bandimaka LILOBA NYOSO ezali Liloba ya Nzambe elobami na motindami na Ye mwanje ya 7, wan’ezali biso koyoka: Ekongoleli ya mot’oyo akanisaka 65-9822E, na ngonga ya 2:00 PM…, ntango ya Jeffersonville.

Ndeko Joseph Branham

Mituya 19:9
Baefese 5:22-26

21-0530 KLISTO AMONISAMI KATI NA LILOBA YA YE MOKO

Nsango: 65-0822m KLISTO AMONISAMI KATI NA LILOBA YA YE MOKO

BranhamTabernacle.org

BA-MPONGO BAZALI KOSANGANA

29.5.2021

Nkolo akumisama, ezali ba mpongo koyangana elongo. Mokanda kouta na Eyanganelo ya Branham mpe Ndeko Joseph Branham.
Kososola mokolo na bino mpe etinda na yango; toyokaki bande yango esili koleka mwa ba poso, mpe tozalaki kokoba na lipati ya yango. Ezalaki liteya kitoko mingi.

Kati na liteya wana Ndeko Branham alobaki…

…”Okoki komilingisa te kobakisa eloko to kolongola eloko ( meka te), mpo ete soko omeki komitiela ndimbola ozali nde kolongola eteni na yo na Buku ya bomoi.

Ozali nde komeka koloba eloko moko oyo Molimo Alobi te? Ozali nde kosala ete eyokana lokola eloko moko to ozali kozwa yango kaka nden’elobi mpe kotika yango ndeng’ezali. Ozali nde kosala okati bande awa, olongoli mpe osali makambo, ezali solo te? Olobi nde ete, malamu, nazali kaka koyoka na ngai te ete esengelaki nasala oyo to ntango mosusu nayebi ete lingomba na ngai endimaka yango te.
Yango ezali kaka liloba ya moto moko mpo na yango.

Moto yango moko nde Nzambe.
Akobi koloba na eteni oy’elandi.

Nayebi ete bibongiseli bameka kotelemisa. Kobwaka yango libanda, kobalola, kopusa yango na lokolo mpe eloko ata nini. Kasi na ngolu ya Nzambe, Nazali na nzela ya ngai, kogangaka longwa na ekolo kino ekolo, longwa na esika yoko kino esika esusu, longwa na lingomba lyoko kino lingomba lisusu.

Bima na kati na yango, ezangi koyebana na bato ebele kasi ezali solo.

Nkolo akumisama mpe toyebi ete bazali naino kopusa kobeta yango na makolo ba bango, mpe bazali naino kobimisa yango libanda, mpe kopusa yango libanda, mpe alobaki mpe ete wana ba bande ezali kokutana na bato ndenge na ndenge, alobaki ete, ba mpate balingi yango, kasi ba ntaba bazali kobeta yango na makolo na bango kobwaka yango libanda, boye soko olingi likomi yango okoki kokomela ngai na WatsApp na motango…Nzambe Apambola bino Malamu mingi sik’oyo.

Sik’oyo BA MPONGO KOYANGANA ELONGO, 29.5.2021 EYANGANELO ya Branham & Ndeko Joseph Branham

Molingami Mwasi ya libala ya Etinda ya moto moko,,
Nazali na esengo mingi ete Nzambe Ye mei aponaki mosakoli mpo y’a eleko ya biso liboso ya bozalisi ya mokili. EteAponaki Etinda oyo Akokaki komema mpe aponaki kutu lolenge ya moto yango penza. Atiaki kati na ye oy’ekokaki kobenda bato y’a eleko ya biso.

Na motindami ya Ye aponami, Amonisi epai ya Mwasi ya Ye ya libala oyo ezali bango mpe oyo motindami ya bango azali.
Epai na ba mosusu nyoso, abeti miso na bango na lolanda. Bakoki soko moke te kolongwa na sima y’a ezipelo komona Nzambe oyo Abombami kati na mosuni ya moto.

Atiaki penza motema na Ye likolo na biso, na ndeng’ete Alayisaki mosakoli ya biso na lolenge y’a elamba oy’ezalaki ye: lolenge, posa, mpe makambo manso, kaka ndenge esengelaki azala; aponaki penza ye na ndeng’esengelaki mpo na biso, na ntina ete akoka kobenga Mwasi y’a libala ya Ye.
Moko na mabanga minene ya kotuta libaku monguna azali kosalela lelo ezali kokabola Etinda na Biblia na bolobaka:”Soko ezalaki ete opona kati ya etinda mpe Biblia nde oponi nini?”

Mayele mabe nini oyo y’a zabolo koloba eloko y’a ndenge boye. Soko moto moko atuni yo motuna ya boye, okoki mbala moko koloba ete bazali na emoniseli ya liloba te ezala ata nini.Etinda oyo ezali Klisto Amonisami kati na Liloba na Ye moko.
Maloba penza ya mosakoli ezal:

Sasaipi, tokuti ete Eliya akokaki koloba yango mpo ete Etinda ya ngonga mpe Liloba ya Nzambe, to Motindami, Etinda, – Etinda, mpe Liloba, ezalaki penza eloko moko. Mosakoli, Liloba, Etinda;motindami, Etinda, mpe Etinda
Ezalaki moko. Yesu alobaki ete,”Soko nasali misala oy’ekomami na tina na ngai te, boye bondima Ngai te”. Ezali malamu. Moto nyoso mpe etinda ya ye azali moko.

Okoki te kokabola Etinda na Motindami, bazali eloko moko. Okoki mpe te kokabola Biblia na Etinda, bazali eloko moko.Ezali Nzambe kolimbola Liloba ya Ye.

Tozali na liloba ya suka, etemelo, mpe yango ezali Liloba ya Nzambe. Biblia mobimba ezali Liloba ya moto te, soko ekomamaki mpe na moto te, eyeisamaki mpe na moto te, ekoki mpe komonisama na moto te. Ezali Liloba ya Nzambe emonisami na Nzambe Ye moko, molimboli ya Ye moko, Klisto komimonisa kati na Liloba ya Ye moko

Liloba ya Ye ezali na bosenga ya ndimbola te. Oyo elobi Ye na nzela ya bibebu ya mosakoli ezali Liloba kolimbolama. Akebisaki biso ete tobongola ata litono moko to elobelo moko te, mpo ete ezali Nzambe. Nzambe komonana na lolenge ya mosuni ya moto. Nzambe Ye moko na lolenge ya makomi, lolenge ya mosakoli, amonisami kati na mosuni.

Mpo ya kokoma Biblia, Nzambe atindaki basakoli ya Ye, ezalaki nzela azalaki na yango mpo ya komema Liloba ya Ye epai ya bato, na bolekaka na bibebu ya basakoli na Ye. Basakoli wana bazalaki kokoma Liloba ya Nzambe liyebi kokwea te.

Bazalaki na boyokani ntango nyoso na Nkolo Liloba. Babikaki ntango nyoso na bozali ya Mokolo Liloba, koyeba oyo Buku ekozala. Bazalaki na ekomeli na maboko na bango wana babelemaki kokoma ntango nyoso, kotia na nkomá oyo nyoso Ye Alobaki mpe Akitisaki.

Kasi na mokolo ya biso, Asololi mbebu na litoi na mosakoli ya biso, mpo kobengama na ye ezalaki y’a likolo mingi. Kobengama ya Ye ezalaki komonisa Liloba ya Nzambe oyo ekomamaki kati na Biblia longwa na Genese kino na emoniseli.

Nyoso ezwami kati na Liloba ya Ye, Biblia, kasi ebombamaki longwa na bozalisi ya mokili mpe moto moko te ayebaki mabombami yango. Bobele sok’ozali n’Etinda oyo mpe ondimi ete ezali ndimbola ya Biblia, soko boye te yo mpe okoyeba Liloba nyoso ya Nzambe te.

Soko tokaboli Biblia na Etinda ya ntang’oyo, tokozala kaka lokola bibongiseli. Tokozala tozali kotanga kasi nabozangaka koyeba to kozwa emoniseli mobimba. Tokokoka soko moke te kokoma Mwasi Liloba ya Ye. Tokozala kozila, kozila mpe kozila kasi tokozwaka biyano soko moke te.

Tokotanga Malaki, Yoane, Luka, Baebele, Emoniseli mpe na mbisa tokotuna:” Wapi ko oyo Nzambe Alakaki ete akoya lisusu na mosuni ya moto mpe kobongola motema ya bana; koyebisa biso makambo mingi oyo tokoki kosimba te; kosolola na biso na nzela ya mwanje ya Ye ya nguya mpe komonisa biso mabombami nyoso oy’ekomami kati na Biblia? Bilembo sambo elingi koloba nini? Solo ya BoNzambe ezali nini, Nkake, Emoniseli ya solo.

Mosakoli na biso motindami kaka nde MOLIMBOLI MOKO YA LILOBA YA NZAMBE KATI NA BONZAMBE Ye nde Nzambe Aponaki ete aloba mpe alimbola Liloba na Ye na nzela na Ye.

Pelamoko Mose, ye azalaki Liloba ya Nzambe na bomoi ezipami kati na mosuni y’a moto epai na biso. Azalaki oyo Nzambe Aponaki mpo ya kobenga Mwasi na Ye Ya Libala

Akebisaki bato mokolo mwa Lomingo loleki:
Liloba ya Ye emonisami epai ya moto moko. Ezalaka bongo ntango nyoso, mosakoli moko ayaki na Liloba ya Nkolo, eleko moko na moko, ntango moko na moko, kati na mobimba y’a makomi. Liloba ezali koya epai ya moko. Na bileko nyoso ndenge moko, ata kati na bileko ya lingomba, longwa na oyo ya liboso penza Lino na oyo y’a suka. Ba mosusu bazali na bisika ya bango, ezali solo, botala, kasi BOTIKALA MOSIKA NA LIKONZI YA MOTO WANA.

Zala mosika na Likonzi yango ya moto. Likonzi yango ya moto ezalaki nini? KOKAMBA BANA. Mokambi na biso Likonzi ya moto ezali Nzambe kosolola na biso ba nzela ya motindami na Ye mwanje ya 7, kokamba biso na mokili ya elaka.

Tozali baponami na Ye. Tozali baponami ya Nzambe. Tozali Mwasi na ye ya Libala oyo abengami. Tozali na emoniseli ya Ye lobi loleki, lelo mpe libela.

Tososoli mokolo na biso mpe motindami na biso. Tososoli baoyo tozali: Liloba ya Ye litalisami. Tozali Mwasi na ye ya Libala oy’amibongisi na Liloba lya Ye limonisami.

Yaka koyoka na ngonga ya 2 sima ya nzanga, ntango ya Jeffersonville, mpe koyoka biyano na nyos’oyo ekomamaki mpe ebombamaki kati na Biblia. Yaka mpe zwa Klisto Amonisami kati na Liloba ya Ye moko.

Ndeko Joseph Branham

Makomi ya kotanga liboso so ya koyoka
Esode 4:10-12
Yisaya 53:1-5
Yilimia1:4-9
Malaki: 4:5
St. Luka 17:30
St. Yoane 1:1 / 1:14 / 7:1-3 / 14:12 / 15:24 / 16:13
Bagalatia 1:8
2 Timote 3:16-17
Baebele 1:1-3 / 4:12 / 13:8
2 Petelo 1:20-21
Emoniseli 1:1-3 / 10:1-7 / 22:18-19

Kino ntango ekoya. Mpe tozali koyangana zingazinga na liloba oyo y’a lokumu lobi mpe tozali kosala yango lelo mpe lokola, mokolo nyoso, tozala na ndako,to na mosala, tozala na kati na motuka tozali kokumba na balabala; tika tobanzabanza likolo na Liloba y’a Nzambe mpe tokuta Klisto amonisami kati na Liloba ya Ye moko 65-0822M
Nzambe Apambola bino mpe Shalom.