All posts by admin5

25-0713 Sel Plas Bondye Founi Pou Adore

Mesagj: 65-1128m Sel Plas Bondye Founi Pou Adore

PDF

Ankenn responsablite pou Tradiksyon ki fèt nan Branham Tabernacle

Byenneme Fanmi Jezikri,

Gen yon bagay k ap pase kòm jamè ak Lepouz Kris toupatou sou latè a. Bagay ke nou tande pale de yo e nou te anvi wè yo kounye a ap manifeste devan je nou.

Sentespri a ap ini Lepouz Li a jan L di Li t ap fè l, pa SÈL mwayen ke L bay pou jodi a, Vwa Bondye a sou bann yo.

Li revele e Li konfime Pawòl Li a kòm jamè. Tankou yon pi atèzyen, Revelasyon an ap bouyi anndan nou.  

Inyon espirityèl Kris sa ak Legliz Li a kounye a, lè chè a tounen Pawòl, e Pawòl la tounen chè, manifeste, konfime. Egzakteman sa Bib la anonse pou jodi a, se sa k ap rive, jou apre jou. Oh, sa ap akimile tèlman vit laba a, nan dezè sa yo, e tèlman bagay ap pase, ke mwen pa menm ka swiv.

Chak jou, gen plis Revelasyon k ap revele epi k ap manifeste ba nou. Menm jan ak pwofèt la, bagay yo ap pase epi y ap dewoule tèlman vit, nou pa menm ka swiv yo…GLWA!!!

Tan nou an rive. Ekriti ap akonpli. Chè ap tounen Pawòl, epi Pawòl la ap tounen chè. Sa pwofèt la te di ki t ap rive a ap rive kounye a.

Poukisa nou menm?

Pa gen leven, pa gen son ki pa klè, pa gen entèpretasyon moun ki nesesè nan mitan nou. Nou jis ap tande Pawòl Pi Pafè a ki soti nan bouch Bondye a, alò ke L ap pale avè nou de bouch a zòrèy.

Kounye a nou wè menm Pawòl pwomiz sa a, nan Lik, nan Malachi, tout lòt pwomès sa yo pou jodi a, ki vin tounen chè, ki abite nan mitan nou, ke nou te tande ak zòrèy nou; kounye a nou wè Li (ak je nou) k ap entèprete pwòp Pawòl Li a, nou pa bezwen okenn entèpretasyon lòm.

Epouz, li pa t ka pi klè pase sa. Se Bondye, ki kanpe devan Epouz Li nan chè moun, ke nou ka wè ak pwòp je nou, k ap pale epi k ap entèprete pwòp Pawòl Li, epi k ap mete l sou bann. Pawòl Pafè a ki pwononse e ki anrejistre pa Bondye Li menm, kidonk li pa bezwen okenn entèpretasyon moun.

  •  Bondye ap ale dirèkteman ak Lepouz Li a, sou bann yo.
  • Bondye ap entèprete pwòp Pawòl Li a, sou bann yo.
  • Bondye ap revele tèt Li, sou bann yo.
  • Bondye ap di Lepouz Li a, nou pa bezwen okenn entèpretasyon lèzòm, Pawòl Mwen an sou bann yo se tout sa LEPOUZ MWEN BEZWEN.

Sonje, lè n kite isi a, kòmanse bouje sot nan pay la kounye a; nou pral nan grenn lan, men lonje nan Prezans Pitit la. Pa ajoute, sa m te di; pa retire, sa m te di a. Paske, m pale Verite a otan ke m konnen L, jan Papa a te ban mwen. Ou wè?

Bondye bay SÈL MWAYEN PAFÈ a pou Lepouz la fè egzakteman sa Li kòmande nou pou fè. Sa pat janm posib, jiska jodi a. Pa gen devinèt, pa gen poze kesyon, pa gen mande tèt ou si yon bagay te ajoute, retire, oswa entèprete. Lepouz la resevwa vrè Revelasyon an: JWE BANN YO SE MWAYEN PAFÈ BONDYE A.

Nan nenpòt ka, kite m di l ankò. Revelasyon Mwen se ke Lepouz Jezikri a, pa lòt moun, LEPOUZ LA, pa bezwen ANYEN LÒT ke Vwa Bondye a sou bann yo. 

Men lè yon fwa Sentespri sa a vrèman…Pawòl otantik antre nan ou (Pawòl la, Jezi), lè sa a, frè, Mesaj la pa okenn sekrè pou ou lè sa a; ou konnen L, frè, Tout limen devan w.

Mesaj la pa yon sekrè pou mwen. Jezikri se menm lan a yè, jodi a e pou tout tan. Tout syèl la ak tout tè a rele Jezi. Jezi se Pawòl la.

E Non an nan Pawòl la paske Li se Pawòl la. Amèn! Kisa L ye alò? Pawòl entèprete a se manifestasyon Non Bondye a.

Bondye ap ini Epouz Li a ak Vwa Li, ke Li anrejistre e sere pou jodi a, pou L ka rasanble Lepouz Li a pou fòme yon sèl Blòk. Lepouz la pral wè e pral rekonèt Sa kòm SÈL MWAYEN Li ka rasanble Lepouz Li a.

Li fè l gen plis ke 60 ane de sa pou montre nou kijan Li ta pral fè l jodi a. Nou se “youn nan legliz li yo ki konekte”.

Si m pa kwè nan al legliz, poukisa m gen legliz? Nou te genyen yo toupatou nan peyi a, ki te konekte lòt swa a, chak de san mil kare te gen youn nan legliz mwen yo.  

Anpil predikatè di legliz yo ke lè yo “konekte pa telefòn” oubyen “yo konekte an dirèk”, oubyen “y ap koute menm Mesaj la an menm tan”, sa pa vle di ale legliz. LI FÈK DI KE SE SA! Se senpleman swa yo pa konnen Pawòl la oswa yo pa kapab li lèt lanmou a tankou Epouz la.

Kisa yon legliz ye? Ann wè sa Frè Branham di kisa yon legliz ye.

Anpil, anpil asanble resevwa ekipman sa a ke nou tout genyen isit la nan tabènak la. Nou konekte tou ak moun Phoenix yo, tout kote gen sèvis, yo resevwa dirèkteman… Moun yo rasanble nan legliz, nan kay, ak bagay konsa, epi yo konekte gras a bon kalite ond.

Frè Branham di klèman ke moun ki nan “kay” yo ak “bagay konsa” te youn nan legliz li yo ki te te konekte pa telefòn. Kidonk, kay yo, estasyon gaz yo, bilding yo, fanmi yo ki te rasanble ansanm ki te konekte avè li pa telefòn, te fè yo te tounen yon legliz.

Ann li yon ti kras plis nan LÈT LANMOU a.

Nou priye pou tout legliz yo ak asanble ki rasanble bò kote ti mikwofòn yo-yo-yo toupatou, nan peyi a, jiska Kòt Lwès la, monte nan mòn Arizona yo, desann nan plèn Texas yo, jiska Kòt Lès la, toupatou nan peyi a, Seyè, kote nou rasanble. Anpil lè separe nou nan tan an, men, Seyè, nou fòme ansanm yon sèl blòk aswè a, kwayan, k ap tann Vini Mesi a.

Kidonk, lè nou konekte pa telefòn, ap koute Frè Branham NOU TOUT AN MENM TAN; yo te fòme ansanm yon sèl blòk, kwayan, k ap tann vini Mesi a.

Men, nou di si nou fè sa jodi a, sa pa vle di ale legliz, li pa bon, se pa rasanble ansanm, sitou lè nou wè jou a ap pwoche. Sa se pa ale legliz?

Kite m poze nou yon kesyon epi reponn asanble nou an. Pastè yo, si Frè Branham te la jodi a, an chè, epi nou te ka an dirèk oubyen konekte pa telefòn pou tande l chak Dimanch maten, an menm tan ak Lepouz la atravè lemond, èske nou t ap KONEKTE epi tande Frè Branham oubyen èske nou t ap preche?

Frè Branham di klèman ke devwa nou se anvè legliz nou. Si nou te la 60 ane de sa epi Frè Branham t ap fè yon sèvis, men legliz nou a pa t ap asiste, yo t ap fè pwòp sèvis pa yo (sa anpil pastè te fè nan epòk sa a), èske nou t ap ale nan “legliz nou a”, oswa èske nou t ap ale nan “Branham Tabènak la” pou tande Frè Branham?

M ap ba nou repons mwen. Mwen t ap kanpe nan pòt la anba lapli, nèj oswa tanpèt de nèj pou m antre nan Tabènak la pou m tande pwofèt Bondye a. Si m te ALE nan lòt legliz sa a, mwen t ap chanje legliz menm swa a.

Men, fanm sa a, li pa t konnen si pwisans la te nan baton an ou non, men li te konnen Bondye te nan Eli. Se la Bondye te ye: nan pwofèt Li a. Li te di, “Seyè a vivan e nanm ou vivan, mwen p ap kite w.”

Mwen envite nou vin jwenn nou epi pou nou vin youn nan legliz Frè Branham yo ki konekte Dimanch a midi, lè Jeffersonville, alò ke n ap tande Vwa Bondye a ki pote Mesaj la ban nou: Sèl Plas Bondye Founi Pou Adore 65-1128M.

Frè Jozèf Branham

25-0629 Eseye Rann Bondye Yon Sèvis San Se Pa Volonte Bondye

Mesagj: 65-1127B Eseye Rann Bondye Yon Sèvis San Se Pa Volonte Bondye

PDF

Ankenn responsablite pou Tradiksyon ki fèt nan Branham Tabernacle

Byenneme Lepouz Chris, annou reyini ansanm Dimanch a midi, lè Jeffersonville, pou tande 65-1127B – Eseye Rann Bondye Yon Sèvis San Se Pa Volonte Bondye.

Frè Jozèf Branham

25-0622 Zèv Se Lafwa Eksprime

Byenneme Pawòl Ki Tounen Lachè,

Alelouya! Teren kè nou te prepare nan tande Pawòl la e Li revele nou ke NOU SE Epouz vètye Kris la; Pitit Gason Bondye ki presye, vètye, san peche, ki kanpe la avèk yon Epouz Pawòl, ki pi, san melanj, lave avèk Dlo pwòp San Li.

Nou vin Pawòl la ki manifeste ki tounen lachè, pou Jezi ka pran nou, moun li te predestine anvan fondasyon mond lan, nan sen Papa a.

Mond lan ka wè ekspresyon Lafwa nou an sou fason nou aji e eksprime ke nou resevwa vrè Revelasyon Bondye de Pawòl Li a ki konfime, e ke nou pa pè. Sa pa enterese nou sa mond antye a di ou kwè…NOU PA PÈ. Peze Jwe se chemen Bondye bay Epouz Jezikri a.

Anpil moun di ke yo kwè Mesaj tan lafen sa a, yo kwè ke Bondye voye yon pwofèt, yo kwè ke William Marrion Branham te setyèm anj mesaje a, yo kwè ke li pwononse Sa Seyè A Di, men yo PA KWÈ ke Vwa a se vwa a ki pi enpòtan ke nou dwe tande. Yo pa kwè ke li pwononse Pawòl ki enfayib. Yo pa kwè nan jwe bann nan legliz yo.

Sa sa vle di? SA VLE DI KE LI PA T REVELE POU YO!

Se yon revelasyon. Li revele l ba nou pa gras Li. Se pa anyen ou fè. Nou pa travay pou jwenn lafwa. Lè w gen lafwa, yo ba ou l pa gras Bondye. E Bondye revele l ba ou, kidonk lafwa se yon revelasyon. E tout Legliz Bondye a bati sou revelasyon an.

Yo revele l ba nou pa LAFWA, ke Mesaj sa a se Vwa Bondye sou bann yo ki te anrejistre, ki te sere, pou nouri e pèfeksyone Epouz Jezikri a.

Se yon LAFWA otantik, san melanj, nan sa Bondye di se Verite. E sa ankre nan kè nou ak nanm nou, e pa gen anyen ki ka bouje Li. L ap rete la a jiskaske pwofèt Li a prezante nou Seyè nou an.

Nou pa ka fè lòt jan. Li te prepare nou pou nou resevwa e kwè Sa anvan fondasyon mond lan. Li te konnen ke nou t ap resevwa Vwa Li nan laj sa a. Li te konnen nou davans e Li te destine nou pou nou resevwa.

Alò, zèv ke Sentespri an ap fè jodi a, pa vizyon sa yo ki pa janm echwe, pwomès sa yo ki pa janm echwe, tout siy apostolik ki te pwomèt nan Bib la, de Malachi 4, epi, oh, Apokalips 10:7, tout sa yo ap akonpli; epi li pwouve pa lasyans e tout lòt mwayen. E si m pa di nou Verite a, bagay sa yo pa t ap rive. Men si m di nou Verite a, yo rann temwayaj ke m di nou Verite a. Li toujou menm jan an, yè, jodi a, e pou tout tan, e manifestasyon Lespri Li a ap anlve yon Lepouz. Kite lafwa sa a, revelasyon sa a desann nan kè nou, ke, “Sa se lè a.”

Sa se lè a. Sa se Mesaj la. Sa se Vwa Bondye a k ap rele Lepouz Jezikri a. Oh Legliz, se pou Seyè a prepare teren kè nou pou nou gen Lafwa, epi revele nou ke lè nou tande Vwa sa a, sou bann yo, se sa ki pral pèfeksyone epi ki pral ini Lepouz Jezikri a.

Mwen envite nou yon lòt fwa ankò pou vin jwenn nou Dimanch a midi, lè Jeffersonville, pou fè monte LAFWA nou pi wo, epi chita ansanm avè nou nan lye selès alò ke nou pral tande Vwa Bondye a k ap prepare nou pou lè L ap vini byento.

Frè Jozèf Branham

Tanpri rete nan lapriyè pou nou semèn pwochèn alò ke nou pral antame premye kan nou an Still Waters.

Mesaj: Zèv Se Lafwa Eksprime 65-1126

Ekriti pou li:
Jenèz 15:5-6, 22:1-12
Akt 2:17
Women 4:1-8, 8:28-34
Efèz 1:1-5
Jak 2:21-23
Jan 1:26, 6:44-46

25-0615 Inyon Envizib Lepouz Kris La

Mesagj: 65-1125 Inyon Envizib Lepouz Kris La

Ankenn responsablite pou Tradiksyon ki fèt nan Branham Tabernacle

Byenneme Dam Bondye Chwazi A,

Pa gen mwayen pou echape sa a, nou se Jenn Espirityèl Bondye, yon ekspresyon atribi panse Li yo, e nou te nan Li anvan fondasyon mond lan.

Nou pa ka ale pi lwen, nou egzakteman menm jan ak menm grenn ki te antre nan tè a. Nou se menm Jezi a, sou fòm Epouz la, avèk menm pwisans lan, menm Legliz la, menm Pawòl la k ap viv epi ki abite an nou pou fòme yon tèt, KI PARE POU ANLÈVMAN AN.

Li di nou ke nou te separe de premye inyon nou an, pa lanmò espirityèl, e kounye a nou ne de nouvo, oswa remarye, nan nouvo inyon Espirityèl nou an. Se pa ansyen vi natirèl nou an ak bagay ki sou latè, men Lavi Etènèl. Jèm ki te nan nou nan kòmansman an, te jwenn nou!

Kisa sa vle di? Sa vle di ansyen liv nou an ale avèk ansyen inyon nou an, li te ranvwaye. KOUNYE A li nan “Nouvo Liv” Bondye a; pa liv lavi a…non, non, non…men nan Liv Lavi Ti Mouton a. Moun Ti Mouton an te rachte yo. Se sètifika maryaj nou an kote vrè Jèm Etènèl nou an pran rasin.

Èske nou pare? Men li. Pito nou zongle tèt nou epi prepare nou pou nou kriye epi rele glwa, alelouya, louwe swa Letènèl, se yon kanon doub epi gwo kalib selès.

“Èske w vle di m ke ansyen liv mwen ak tout erè mwen yo, tout echèk mwen yo…”

Bondye jete l nan Lanmè ke Li Bliye a, epi ou pa sèlman padonnen, men ou jistifye…Glwa! “Jistifye.”

E sa sa vle di? Sa vle di ou pa janm fè sa nan Je Bondye. Ou pafè devan Bondye. GLWA! Jezi, Pawòl la, pran plas ou. Li vin ou menm, yon pechè sal, pou ou ka, vin Li menm, PAWÒL LA. Nou se PAWÒL la.

Sa fè nou vin ti Jèm Li ki te predestine depi nan kòmansman an. Nou se Pawòl sou Pawòl, sou Pawòl, sou Pawòl, sou Pawòl, epi k ap atenn grandè pafè Kris la pou L ka vin chache nou pou vin Lepouz Li.

Kisa k ap pase KOUNYE A?

Se Inyon Envizib Epouz Kris la k ap rasanble otou Pawòl la, atravè mond lan.

Sa a kominike atravè nasyon an. A new York, kounye a li onzè vennsenk. Anlè nèt, a Filadèlfi e nan rejyon sa a, byenneme sen sa yo ki chita la k ap tande, kounye a, toupatou nan legliz yo. Anlè nèt, nan sid, toupre Meksik, anlè nèt toupre Canada, epi yon ti kal toupatou. 300km, atravè kontinan Amerik di Nò, gen moun ki la a, k ap tande kounye a. Dè milye e dè milye k ap tande.

E sa se Mesaj mwen pou nou, Legliz, nou menm ki fè yon inyon, yon inyon espirityèl pa Pawòl la.

Li di ke se te yon inyon espirityèl Kris avèk Legliz Li a, e Sa ap FÈT KOUNYE A MENM. Lachè tounen Pawòl, e Pawòl la tounen lachè. Nou manifeste, epi konfime; egzakteman sa Bib la te anonse pou jodi a, e se sa k ap rive kounye a, jou apre jou, andedan nou.

Bondye pral gen yon Legliz vètye. Vrè, fidèl, Epouz Pawòl Li. NOU SE DAM ELI Seyè Jezikri nou.

Ki Lè L Ye, Mesye?

Nou resevwa revelasyon an nan dènye jou sa yo, kote Mesaj Seyè Bondye a pral rasanble Lepouz Li ansanm. Sa pa t pwomèt nan okenn lòt aj. Sa te pwomèt nan laj sa a: Malachi 4, Lik17:30, Jan 14:12, Jowèl 2:38. Pwomès sa yo egzakteman menm jan Jan Batis te idantifye tèt li nan Ekriti yo.

Kiyès ki te akonpli Ekriti sa yo?

Setyèm pwisan anj Li a, William Marrion Branham. Li te toujou fè l dapre modèl la. Li te fè l, chak fwa, dapre modèl la. Li fè l ankò nan epòk nou an, atravè pwofèt Li a, nan dènye jou yo, L ap rasanble epi L ap rele Lepouz vètye Li pou L soti.

Ala yon bèl moman Lepouz la ap viv. Chak rasanbleman ap vin pi gwo e pi dous. Pa janm te gen yon tan konsa. Tout dout disparèt.

Vin jwenn nou alò ke n ap tande Pawòl Bondye te pwomèt la pou epòk nou an k ap pale epi k ap di nou kiyès nou ye epi ki sa k ap pase nan epòk nou an. Inyon Envizib Epouz Kris La 65-1125.

Frè Jozèf Branham

Ekriti:
Matye 24:24
Lik 17:30 / 23:27-31
Jan 14:12
Akt 2:38
Rom 5:1 / 7:1-6
2 Timote 2:14
1 Jan 2:15
Jenèz 4:16-17 / 25-26
Danyèl 5:12
Jowèl 2:28
Malachi 4

25-0608 Yon Gid

Mesagj: 62-1014E Yon Gid

PDF

BranhamTabernacle.org

Byenneme Lepouz K ap Regwoupe,

Epitou Bondye te toujou voye gid Li yo, Li pa t janm rete san yon gid, a travè tout aj yo. Bondye te toujou gen yon moun ki reprezante L sou tè sa, nan tout aj yo.

Bondye pa vle nou konte sou entèlijans nou, ni sou okenn lide lèzòm. Se poutèt sa Li voye yon Gid bay Lepouz Li; paske li gen entèlijans, li konn kijan pou l pwosede e sa pou l fè. Bondye PA JANM CHANJE pwogram Li. Li pa janm manke voye yon Gid bay pèp Li a, men ou dwe aksepte Gid sa a.

Ou dwe kwè chak Pawòl ke Li pwononse atravè Gid Li a. Ou dwe pran dirèksyon ke Gid Li a di pou w ale. Si w kòmanse koute epi kwè lòt vwa antan ke gid ou, ou jis ap pèdi.

Jan 16 di ke L te gen anpil bagay pou di nou epi revele nou, konsa Li ta pral voye nou Sentespri Li pou gide nou epi di nou bagay sa yo. Li di ke Sentespri a se gid pwofèt pou chak laj. Kidonk, yo te voye pwofèt Li yo pou reprezante Sentespri a pou gide Lepouz Li a.

Le Sentespri te voye pou kondwi legliz, pa kèk gwoup moun. Sentespri a trè saj. Lèzòm vin fòmalist, endiferan.

Se pa nonm lan, men Sentespri a NAN nonm sa a. Nonm ke Li chwazi pou reprezante tèt Li epi pou l gid nou sou tè a, yon gid ki kondwi pa Gid Selès nou an. Pawòl la di nou nou dwe swiv Gid sa a. Kèlkeswa sa nou panse, sa ki sanble rezonab ou sa kèk lòt moun di, nou pa nan pozisyon pou nou jije sa, sa se biznis gid la sèl.

Bondye voye yon Gid, e Bondye vle w sonje ke se Gid pa Li ke yo nonmen.

Gid pwofèt nou te nonmen pa Bondye pou l pwononse Pawòl Li a. Pawòl li SE PAWÒL BONDYE. Gid pwofèt la, e li menm sèl, gen entèpretasyon diven Pawòl la. Bondye te di l Pawòl Li de bouch a zòrèy. Kidonk, ou pa janm ka diskite, chanje ou rezone Pawòl Gid ou a.

Ou dwe swiv Li, e Li menm sèl. Si w pa fè sa, w ap vin pèdi. Sonje, lè w kite Li, Gid ke Bondye chwazi a, ou poukont ou, kidonk nou vle rete pre gid la ke Li chwazi a, epi tande e obeyi a chak Pawòl ke L pwononse atravè li.

Gid nou an te anseye nou ke ansyen testaman an se te yon lonbraj nouvo testaman an.

Lè Izrayèl te kite peyi Lejip pou ale latè pwomiz, nan Egzòd 13:21, Bondye te konnen yo pa t janm pase nan wout sa anvan. Se te sèlman karant mil distans, men kan menm yo te bezwen yon bagay pou ale avè yo. Yo te kab pèdi chemen yo. Kidonk, Limenm, Bondye, te voye yon Gid pou yo. Egzòd 13:21, di yon bagay konsa: “Mwen voye Zanj Mwen devan nou, Kolòn Dife a, pou kenbe nou sou chemen an,” pou gide yo al nan latè pwomiz sa. Epi desandan Izrayèl yo te swiv Gid sa, Kolòn Dife a (lannwit), Nyaj la lajounen. Lè L te kanpe, yo te kanpe. Lè L te deplase, yo te deplase. E lè L te mennen yo toupre peyi a, e ke yo pa t diy pou yo travèse, Li te mennen yo tounen ankò nan dezè a.

 Li di ke se legliz la jodi a. Nou t ap deja ale si nou te jis redrese tèt nou epi mete lòd, men Li te oblije antrene nou isi e la, isi e la, isi e la.

Yo te jis dwe swiv gid yo a jan LI T AP swiv e t ap tande Kolòn Dife a. Li te di yo sa Bondye te di, e yo te oblije obeyi chak Pawòl ke l te pwononse. Li te Vwa Gid la. Men yo t ap remèt an kesyon epi yo t ap diskite avèk gid Bondye te chwazi a, se konsa yo te monte desann nan dezè a pandan 40 an.

Te gen anpil predikatè nan epòk Moyiz. Bondye te chwazi yo pou ede pèp la, paske Moyiz pa t ka fè tout bagay. Men devwa yo se te dirije pèp la sou sa Moyiz te di. Bib la pa di nou anyen sou sa mesye sa yo te di, li jis di nou sa Moyiz te di kòm etan Pawòl la pou gide pèp la.

Lè Bondye te retire Moyiz sou sèn nan, Jozye te òdone pou dirije pèp la, sa ki reprezante Sentespri a jodi a, Jozye pa t preche anyen nouvo, ni li pa t eseye pran plas Moyiz, ni li pa t eseye entèprete sa gid la te di; li tou senpleman li sa Moyiz te di epi li di pèp la: “Rete avèk Pawòl la. Rete avèk sa Moyiz te di”. Li jis li sa Moyiz te di.

Ala yon tip pafè jodi a. Bondye te konfime Moyiz avèk yon Kolòn Dife. Pwofèt nou an te konfime avèk menm Kolòn Dife a. Pawòl Moyiz te pwononse yo se Pawòl Bondye a e yo te plase nan Lach la. Pwofèt Bondye a te pale nan epòk nou an, e Sa te plase sou bann.

Lè Moyiz te retire sou sèn nan, yo te chwazi Jozye pou dirije pèp la epi kenbe Pawòl ke Moyiz te pwononse, devan yo. Li te di yo pou yo kwè epi rete avèk chak Pawòl ke gid Bondye a te pwononse.

Jozye te toujou li sa Moyiz te ekri, Pawòl apre Pawòl, nan woulo yo. Li toujou plase Pawòl la devan yo. Pawòl la pou epòk nou an pa t ekri, men Li te anrejistre pou ke Sentespri a te ka fè Lepouz Li tande sa L te di, Pawòl apre Pawòl, lè w Peze Jwe.

Bondye pa janm chanje pwogram Li. Li se Gid nou an. Vwa Li se sa ki gide e ki ini Lepouz Li jodi a. Nou jis vle tande Vwa Gid nou an, alò ke L ap kondwi nou pa Kolòn Dife a. Se inyon envizib Lepouz Kris la. Nou konn Vwa Li.

Lè gid nou vanse sou chè a, Sentespri a sezi l, e Se pa li menm ankò, men Gid nou an. Li leve tèt li epi li kriye: “Sa Seyè A Di, Sa Seyè A Di, Sa Seyè A Di!” E chak manm Epouz Kris la atravè mond lan vin jwenn li. Poukisa? NOU KONNEN CHÈF NOU JIS FASON LI PALE A.

Gid nou an = Pawòl la

Pawòl la = Vin jwenn pwofèt la

Pwofèt la = Sèl entèprèt diven Bondye a; Gid terès Li a.

Rete dèyè Pawòl la! O, wi, mesye! Rete ak Gid sa. Rete dwat dèyè L. Pa pase devan L, rete dèyè L. Kite L kondwi w, pa kondwi L. Lage ba Li.

Si nou pa vle pèdi, vin tande Gid nou an alò ke Li pral pale atravè gid terès ke L chwazi a Dimanch sa a midi, lè Jeffersonville.

Frè Jozèf Branham

Mesaj:

62-1014E – Yon Gid

Ekriti:

Mak 16:15-18

Jan 1:1 / 16:7-15

Akt 2:38

Efèz 4:11-13 / 4:30

Ebre 4:12

2 Pyè 1:21

Egzòd 13:21

25-0525 Adopsyon #4

Mesagj: 60-0522E Adopsyon #4

PDF

BranhamTabernacle.org

Byenneme Konvèti,

Lè nou Peze Jwe, n ap tande Pawòl Bondye ki enfayib. Chak Pawòl se Verite, chak fraz se Verite. Yo rele nou e yo prezève nou, nou ranpli e yo mete nou apa; ranpli ak Sentespri a, e nou deja nan Peyi Karanan. Nou pa pè anyen…ANYEN, nou konnen kiyès nou ye.

Piske nou rete fidèl ak Pawòl Li a, jan Li mande nou, Li pral di nou ke Li kite yon eritaj pou nou. Ki lè Ou te fè sa, Papa? Lè M te chawzi nou e ke M te ekri non nou nan Liv Lavi Ti Mouton an anvan fondasyon mond lan. 

Lè plenitid tan an te rive, Mwen te voye Jezi, Ti Mouton an, ki te mouri depi fondasyon mond lan, pou nou te ka resevwa eritaj nou pou nou vin piti gason ak pitit fi Mwen, bondye amatè.

Mwen te oblije tcheke nou pou wè si nou t ap fè bri ou si nou te gen kote lous anvan M te ka plase nou.

  • “Èske nou kwè ke jwe Vwa Mwen sou bann yo nan legliz la se mal?”
  • “Wi, nou pa ta dwe jwe bann nan legliz.”
  • “Kondane sa. Nou fè bri.”
  • “Èske nou kwè ke Pawòl Mwen sou bann yo bezwen entèpratasyon?”
  • “Wi, Li bezwen yon moun pou eksplike Li.”
  • “Nou fè bri. Mete sa deyò. Nou poko pare.”

Lè nou pare, n ap di “Amèn” a chak Pawòl.

  •  “Èske nou kwè ke Mwen se menm lan a yè, jodi a e pou tout tan?”
  • “Amèn.”
  • “Èske nou kwè ke Vwa Mwen sou bann yo se VWA KI PI ENPÒTAN ke nou dwe tande?”
  • “Amèn.”
  • “Èske nou kwè ke Vwa Mwen sou bann yo pral ini Lepouz la?”
  • “Amèn.”
  • “Èske nou kwè ke pwisan anj Mwen pral prezante nou ban Mwen?”
  • “Amèn.”

Nou kòmanse solid kounye a. Mwen tcheke nou pou wè si nou fè bri ou si nou gen kote ki lous. Mwen pare pou fèmen pòt la. Mwen pral poze So Mwen sou nou. Nou pase enspeksyon Mwen an. 

Kounye a kite M di nou yon bagay, pèp cheri Mwen ki nan peyi kote nou tande bann yo, a letranje oubyen kèlkeswa kote nou ye a, nou pa bezwen pè. Tout bagay anfòm. Mwen te konnen nou anvan fondasyon mond lan. Mwen te konnen tout bagay ki ta pral rive.   

M ap vin chèche nou byento pou mennen nou yon Plas kote pa gen lanmò, ni lapenn, ni jalouzi, ni anyen; jis pèfeksyon, lanmou pafè.

Disi la, pa janm bliye, Mwen ban nou Pawòl Mwen an, nou SE PAWÒL MWEN ki fèt chè. Si nou bezwen NENPÒT BAGAY, pwononse Li, answit kwè L; Se eritaj nou.

Mwen pral voye Vwa Mwen ban nou ankò Dimanch sa e M pral eksplike nou tout Sa. M pral di nou ankò kiyès nou ye, kote nou prale, e kijan Sa ye laba a, nan moman an.

Vin jwenn Lepouz Mwen alò ke M pral fè yo chita ansanm nan lye selès Dimanch sa a midi, lè Jeffersonville, epi tande M k ap plase nou nan pozisyon nou pa Pawòl Mwen an. 60-0522E Adopsyon #4

Frè Jozèf Branham

25-0518 Adopsyon #3

Mesagj: 60-0522M Adopsyon #3

PDF

BranhamTabernacle.org

Byenneme Vyèj Ki Pi,

Lè nou Peze Jwe, se myèl nan wòch la, se yon lajwa nou pa ka eksprime, se yon asirans ki beni, se yon lank pou nanm nou, se espwa nou ak sipò nou, se Wòch Laj yo, se tout sa ki bon, se Chemen Bondye bay la pou jodi a.

Paske nou Peze Jwe, Vwa Bondye a fiyanse nou; li fiyanse nou ak Kris, kòm yon Vyèj ki Pi a Pawòl Li. Nou gen yon sèl Titè, yon Sèl Vwa, yon Sèl pwofèt, k ap gide nou pa Sentespri a.

Men sa se legliz la, ke m ap anseye. Sa pral sou bann yo. Mwen vle moun ki tande bann yo sonje ke sa se pou legliz mwen.

Ala yon konfimasyon pou nou ke nou nan Volonte pafè Li. Bann yo se pou legliz li. L ap anseye nou. L ap di nou, tande bann yo.

Li kòmanse Seri Adopsyon sa a ap di nou sa ki te pase kèk jou anvan. Apresa, nan chak Mesaj, li pale de moman an lè l te anlve. Jan li enpòtan pou Epouz la tande sa ki te pase e sa Epouz la te di l.

Pwofèt nou pral jije pa Pawòl la ke li preche e ke l kite sou bann yo. Lepouz la ki te lòt bò a, di l ke Seyè nou an t ap aksepte l. Apresa l ap prezante nou ba Li kòm twofe ministè li, apresa n ap retounen sou tè a ankò pou nou viv pou tout tan.

Chak Pawòl ke nou tande se yon pepit. Nou jis kontinye ap poli Li epi poli Li pandan L ap revele nou plis alò ke n ap li ant liy yo.

Jan nou renmen pataje L ak frè e sè nou yo, “Èske nou tande sa?”

“Li chwazi nou an Li anvan menm ke te gen yon mond”? Sa se eritaj nou. Bondye chwazi nou, epi Li kite Jezi vini pou peye pri a. Pou kisa? San Li koule, pou yo pa repwoche nou okenn peche. Anyen ke ou fè.

Epi, touswit apre sa,èske nou sezi sa?

“Sen,sen, sen, pou Seyè a.” Je w fikse sou Kalvè a, e anyen p ap kenbe w! Pandan tout vi w, w ap mache sou Chemen Wa a, wen ak Luil onksyon presye a, ap antre nan lye trè Sen. Whew! Amèn.

Nou te tankou baton Arawon an, yon vye baton sèch ke l te pote nan dezè a pandan karant an.  Men kounye a, paske nou te repoze nan Kote Selès sa a ap tande Vwa Bondye a k ap pale avè nou sou bann yo, nou te boujonnen e nou te fleri, ranpli ak Sentespri Li a, epi nou se Lepouz Li k ap rele byen fò:

  • Sen, sen, sen, sen, pou Seyè a, bann yo an premye nan kè nou.
  • Sen, sen, sen, sen, pou Seyè a, Li chwazi nou anvan fondasyon mond lan.
  • Sen, sen, sen, sen, pou Seyè a, nou se Lepouz Jezikri a.
  • Sen, sen, sen, sen, pou Seyè a, sa pa fè okenn diferans sa moun yo di, nou p ap retire bann yo, n ap jwe yo plis.
  • Sen, sen, sen, sen, pou Seyè a, nou gen je nou fikse sou Kalvè a, e anyen pral kanpe nou.     

M tèlman kontan pou m ini kè m ak anpil moun isi a ki konnen ke Sa se Pawòl Bondye a ki enfayib. E Li, Li se Verite, chak Pawòl se Verite, chak Mo, chak pwen. E avèk gras Bondye, m te gen privilèj wè Peyi a kote nou prale yon jou.

Vin jwenn nou Dimanch a midi, lè Jeffersonville, alò ke pwofèt la pral pran chak Pawòl e pral kontinye poli Li. L ap mennen L Jenèz e l ap poli Li, l ap mennen L nan Egzòd e l ap poli L ankò, epi menm nan Apokalips; e tout Sa se Jezi!

Frè Jozèf Branham

Mesaj:

Adopsyon #3 60-0522M

Ekriti:

Matye 28:19

Jan 17:7-19

Akt 9:1-6, Chapit 18 e 19

Women 8:14-19

1 Korint 12:12-13

Galat 1:8-18

Efèz Chapit 1

Ebre 6:4-6, 9:11-12

25-0511 Adopsyon #2

Mesagj: 60-0518 Adopsyon #2

PDF

BranhamTabernacle.org

Byenneme Prèt Wayal,

Tout moun mòde dwèt nou, sere konsyans nou, manyen kè nou. Jodi a, Lepouz Jezikri a ap rele:

Jodi a, pwofesi sa a akonpli devan je nou.

Mwen kwè ke, youn nan jou glorye sa yo, lè konfederasyon ini legliz sa a pral mete tèt yo ansanm, epi ke nouvo pap la ki soti de Etazini pral plase lòt bò a selon pwofesi a, lè sa a yo pral fòme yon imaj tankou bèt la.

Vwa pwofèt Bondye a te pwononse Sa le 19 Desanm 1954, epi 9 mwa apre, Robert Prevost, ke nou konnen jodi a kòm Pap Leo XIV, te fèt. Kounye a li se nouvo pap Wòm. “Ensi Di Seyè A” akonpli.

7 Me, 1946, BONDYE plase pwofèt Li nan Green’s Mill, Indiana, pou l te ba l komisyon l epi pou l te pwoklame nan mond lan, men pwisan setyèm anj mesaje Mwen, Vwa Mwen pou mond lan. Koute Li.

Lè Anj Seyè a te rankontre m nan Green’s Mill, Indiana, uit ane de sa, ap swiv mwen, depi m t piti, ap montre m vizyon, lè m al wè L, Li di m: “Si w sensè, fè moun yo kwè w, pa gen anyen k ap kanpe devan lapriyè w.”

William Marrion Branham se Vwa ke Bondye chwazi pou mond lan. Yon pwisan pwofèt ke Pawòl Bondye a al jwenn. Selon Pawòl la, li se SÈL entèprèt diven Pawòl Bondye a.

Li te konfime pa Bondye Limenm, pa Kolòn Dife A.

7 Me, 2025, SATAN plase Konklav Kadinal li yo nan Chapèl Sistin nan lavil Wòm pou yo te chwazi Vikè Kris yo, pou akonpli Ensi Di Seyè A.

Li te konfime pa lòm avèk YON LIY LAFIMEN BLAN. 

Lepouz Kris la atravè mond lan ap rejwi, ap rele, ap kriye epi ap louwe Seyè alò ke nou tande, epi wè ak pwòp je nou, pwofesi pwofèt la k ap akonpli.

Se kòmsi nou wè Lanmè Wouj la louvri devan je nou. Laman Fre k ap tonbe sot nan syèl la. Dè milyon de zòtolan pou nouri Epouz la. Dlo k ap soti nan Wòch la. Dife k ap desann epi k ap boule sakrifis la ak Eli.

Pwofesi ap akonpli chak jou. Pawòl Bondye te pwomèt la ap manifeste nan lavi nou. Bagay yo ap fèt toupatou. Lepouz la prepare tèt Li nan tande epi kwè Pawòl la. Nou se Pawòl la ki vin fè kò.

An verite, nou rive. Tan an toupre. Lepouz la ap rejwi epi l ap reyini ansanm atravè mond lan kòm jamè oparavan. Pwofèt la ap rasire Lepouz la lè l di nou ke nou se prèt wayal Bondye, yon nasyon sen, yon pèp espesyal ke yo rele, eli, chwazi, epi mi apa.

KOUNYE A NOU SE Pitit gason ak Pitit fi Bondye, ki kondwi pa Lespri Bondye a, pa pa lèzòm, men pa Lespri a. Nou konnen, san okenn dout, NOU SE LEPOUZ LI. LAFWA nou ap atenn nouvo somè chak jou. Pa gen anyen ki ka kanpe nou oubyen ki ka ralanti nou, Bondye revele L epi Li ankre L nan kè nou e nan nanm nou.

Lepouz la totalman rekonèt ki moun nou ye. Nou nan Tè pwomiz espirityèl nou an, nan posesyon tout bagay nèt. Nou gen lapè Selès, benediksyon Selès, Lespri Selès. TOUT BAGAY POU NOU. Nou jis ap prepare nou pou sa Li rezève pou nou. 

Twonpèt Seyè a pral sonnen, e mò an Kris yo pral resisite an premye. Kò selès sa yo pral desann epi yo pral rantre non kò terès glorifye epi y ap chanje nan yon moman, nan yon bat je. Nou tout ap anlve avè yo, pou rankontre Seyè a nan lè a.

Ala yon jou. Ala yon tan. Pa gen mwayen pou mwen pou eksprime an pawòl sa nou resanti andedan nanm nou. Kè nou ap bat. Se pa nou menm k ap fè sa, Sentespri a tankou yon pi artezyen k ap bouyi andedan nou. Lepouz la ap tann moman sa a depi epòk Adan…E KOUNYE A NOU LA A.  

Nou swete nou la byenvini. Nou envite nou. Nou sipliye nou. Vin jwenn nou pou pi bèl moman mond lan janm pase, alò ke nou pral tande Vwa Bondye a k ap revele nou Pawòl Li a Dimanch sa a midi, lè Jeffersonville, alò ke nou pral tande: 60-0518 Adopsyon #2.

Frè Jozèf Branham

Ekriti pou li anvan Mesaj la:

Jenèz 1:26

Efèz Chapit 1

Women 8:19

Galat 1:6-9

Ebre Chapit 6

Jan 1:17

25-0504 Adopsyon #1

Mesagj: 60-0515E Adopsyon #1

PDF

BranhamTabernacle.org

Byenneme Moun Yo Ki Adopte,

Kounye a n ap manje bagay yo ki solid nan Bondye e nou gen yon konpreyansyon klè de Pawòl Li a. Bondye ban nou vrè Revelasyon de Pawòl Li a. Lespri espirityèl nou toutafè klè.

Nou KONNEN egzakteman Kiyès Li ye. Nou KONNEN egzakteman kisa Li ye. Nou KONNEN egzakteman kote nou prale. Nou KONNEN egzakteman ki moun nou ye. Nou KONNEN nan Ki Moun nou te kwè e nou konvenki ke Li gen pwisans pou kenbe depo nou jiska jou sa la a.

Li pale e Li revele nou tout mistè yo ki te kache depi fondasyon mond lan. Li rakonte nou kijan lòt moun te toujou rejte chemen ke L te bay la e yo te vle yon lidèchip diferan, men Li t ap gen yon ti gwoup ki t ap rete fidèl ak Pawòl Li a.

Atravè mond lan, yo p ap rasanble yon sèl kote pou gen bagay an komen. Men ti gwoup pral epapiye sou tout tè a.

Glwa, nou epapiye sou tout tè a, men nou Ini, pou fè Youn, lè nou Peze Jwe e n ap tande Vwa Bondye a k ap pale avè nou.

Annou gade epi gen yon avangou de sa L pral di nou atravè pwisan anj Li a nan Dimanch.

Byenneme Moun yo ke M chwazi, kounye a nou chita ansanm nan lye Selès. Pa jis nenpòt ki kote, men nan lye “Selès”; se pozisyon nou antan ke kwayan. Nou nan yon atmosfè lapriyè e nou pare pou Mesaj la. Nou reyini ansanm antan ke sen, batize avèk Sentespri a, ranpli avèk benediksyon Bondye yo. Yo rele nou, yo chawzi nou,  epi lespri nou mennen nan yon atmosfè Selès. 

Kisa k ka rive. Sentespri M pral repann sou tout kè yo. Nou rejenere e nou vin tounen yon nouvo kreyati nan Jezikri. Tout peche nou yo anba San an. Nou nan adorasyon pafè, ak men nou e kè nou ki leve vè Mwen, ap adore M ansanm nan lye Selès.

Nou Predestine, Eli, nan Presyans Mwen. Chwazi, Sanktifye, Jistifye pa Predestinasyon. Li enposib ke nou sedwi. Mwen predestine nou anvan fondasyon mond lan. Nou se yon Bondye amatè, ki sele pa Sentespri ki te pwomèt la; pa sèlman fèt nan fanmi an, men Pitit gason ak Pitit fi M ki adopte.

M pral beni nou avèk gerizon divin, presyans, revelasyon, vizyon, pwisans, lang, entèpretasyon, sajès, konesans, e tout benediksyon Selès yo, avèk yon jwa inexprimab epi ki plen ak Glwa.  

Chak kè pral ranpli avèk Lespri Mwen an. Nou pral mache ansanm, chita ansanm, nan lye Selès. Pa yon sèl move panse nan mitan nou, pa yon sèl sigarèt k ap fimen, pa yon sèl rad kout, pa yon sèl sesi, sela ou lòt bagay, pa yon sèl move panse, pèsonn pa gen anyen kont lòt, tout moun ap pale ak lanmou e an amoni, tout moun ak yon sèl akò nan yon kote.

Apresa toudenkou pral gen yon bwi k ap soti nan Syèl la tankou yon van fò pwisan e Mwen pral beni nou ak tout benediksyon espirityèl yo. Apresa n ap tankou David, k ap danse devan Ak la, ap di mond lan nou pa wont, NOU SE LEPOUZ MWEN KI KOUTE BANN YO! Nou peze jwe e nou kwè CHAK PAWÒL ke Mwen pwononse. Nou p ap, e nou pa ka tranble!

Lòt moun ka rejte Li, ou pa ka konprann Li, men pou nou menm, Se Badj Onè nou. Jan David te di madanm li a;  “ou panse sa se te yon bagay, jis tann jiska demen, nou pral tande plis bann toujou, ap louwe Seyè a, ranpli ak Lespri Li; paske n ap viv nan Kanaran, an wout vè tè pwomiz la.”

Apresa M pral gade depi anlè Syèl la e M pral di nou:

“Nou se Lepouz Mwen selon Pwòp kè Mwen.”

Benediksyon sa yo ka pou nou tou. Vin jwenn nou Dimanch sa a midi, lè Jeffersonville, epi viv eksperyans prezans Seyè a kòm jamè oparavan alò ke n ap tande Vwa Bondye a pou jou jodi a k ap pale avè nou epi k ap pote nou Mesaj la: Adopsyon #1 60-0515E.

Sonje, sa se pou legliz la, pa pou etranje a. Se yon mistè an enigm pou li, li pa janm ka konprann, sa pase anlè tèt li, li pa konn anyen de sa, anyen menm. Men, pou legliz la, se myèl nan wòch la, se yon jwa inexprimab, se asirans lan ki beni, se lank nanm lan, se espwa nou e sipò nou, se Wòch Laj yo, oh, se tout bagay ki bon. Paske syèl la ak tè a pral pase, men Pawòl Bondye a p ap janm pase.  

Frè Jozèh Branham

Ekriti pou li anvan Mesaj la:

Jowel 2:28

Efèz 1:1-5

1 Korint 12:13

1 Pyè 1:20

Apokalips 17:8

Apokalips 13