Category Archives: Uncategorized

21-1226 Kuki Betelehemu Ntoya

December 25, 2021 admin5

Ubutumwa: 63-1214 Kuki Betelehemu Ntoya

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Banyeshure Bakunzi biWe ,

Nipfuza kubabwira ubutumwa no kubigisha uno munsi mu buryo bw’ikete ryanje. Ubwambere
dusubiremwo ivyo twize kuw’iyinga uheze.

Ucakira urubuto rw’Imana rwatoranijwe gute ? GUFYONDA UKAVUZA.

Mbega Yosuwa yabwiye abakozi b’Imana gukora iki ? Kwinjira muri Yeriko, kubwira ubutumwa abantu mu GUFYONDA BAKAVUZA, kandi wewe n’inzu yawe muzokizwa.

Intumwa ziwe zaragarutse, kandi zavuze ziti, « Numviye amategeko yawe. Kandi hariho umugore twabonye, igihe twavuza amabande.

Ntitugira isoni. Ntitwitayeho uwuBibona. Twashaka ko bose baYabona kandi baYumviriza. TwaYashize mu mazu yacu, mu mashengero yacu, ahantu hose tuja, ku buryo abantu bose bahaciye bazomenya ko turangwa n’Ikimenyetso cacu; Yesu Kristo, Ijambo ryiWe, Mpwemu Yera, Ubutumwa bw’igihe, Amabande, Ijwi ry’Imana.

Dushobora kubona ko uburake bwiteguriye guca mu gihugu, kandi ikintu cose kitari munsi ya kirya Kimenyetso, kizohona. Ariko igihe Abona kirya Kimenyetso, Azoturengana. Ni igisabwa n’Imana c’igihe. Ubutumwa bwo ku kagoroba, ni ugushirako Ikimenyetso.

Yatubwiye ko bizoba vyegeranye ukungana gute banyeshure ?

. Kuvuga gusa ko ndavyizeye… ntibihagije.
. Kugendera hirya no hino y’aho Biri… ntibihagije, bikugira mubi birushirije.
. Siniba.
. Nja kuri Branham Tabernacle
. NIZEYE UBUTUMWA
. NIZEYE IJAMBO RYOSE WAVUZE MWENEDATA BRANHAM… YOOO!!!

Ivyo ni vyiza, ivyo bisigura gusa ko ushobora gusoma.

Ntuze gusa gushika ng’aha, uvuga uti, “Nizeye Ubutumwa.” Wumvire intumwa. Injira muri Kristo! Fata Ubwo Butumwa. Bwinjize mu mutima wawe, ku buryo utegerezwa kugira Ikimenyetso, Ubuzima nyene bwari muri Kristo bube muri mwebwe. “Igihe mbona Ivyo, Nzobarengana.”

Ni iki Imana Yabwira Umugeni waYo Ubutumwa ku Butumwa? AMABANDE, AMABANDE, AMABANDE. Ni vyiza kuvuga Ubutumwa no kwigisha Ubutumwa, ariko mutegerezwa KUVUZA UBUTUMWA.

Ni gute umuntu uwo ari we wese avuga ko bari mu rukundo n’Ubutumwa kandi ntashake kuvuza Ubutumwa imbere y’abantu ? Ntibafise imigenderanire imwe y’urukundo mfitanye n’Ubutumwa, mu gihe nshaka ko bose baja hamwe maze bakumviriza ivyo bigaragajwe n’Ijwi ry’Inkingi y’Umuriro.

Dufise UKWIZERA kutanyiganyiga mw’Ijambo ryiWe. Ntituri Eva. Ntituri abakekeranya canke abagiriranira imyumvikano na Satani. Dushimikiye kw’Ijambo ry’Imana ryose ryo muri Bibiliya, n’Ijambo ryose kw’Ibande. Kuko amabande ari ivyiyumviro nyene vy’Imana, vyavuzwe kandi vyahishuriwe Umugeni waYo, kandi ntibikeneye insiguro. Ni ho hantu honyene tuzi ko dushobora kuvuga AMEN kw’Ijambo Ryose.

Ubu Butumwa ni umutsima mushasha umanuka uvuye mw’Ijuru, w’urugendo rwacu. Ni Umutsima w’Ubugingo, kandi buri munsi turonka agafuto kavuye kuri Kristo, kavuye mw’Ijuru, Mpwemu Yera, Aza maze Akuzuza ubugingo bwacu.

Twicaye hamwe dufise intumbero imwe, Ijambo ry’Imana, kandi tugaburirwa kuri Iryo Jambo. Turi muri Betelehemu ya mpwemu y’Imana, turya Umutsima wa mpwemu w’Imana, kandi ubugingo bwacu bwemeza Ijambo Ryose Yavuze, hamwe na « Amen ! ». Turyoherwa n’Ibifungurwa vyo mw’Ijuru vy’umumarayika wiWe twabikiwe kugira ngo tubigirireko umunsi mukuru.

Muze tuje hamwe ku Meza yiWe maze tugire umunsi mukuru ku Bifungurwa vyo mw’Ijuru vy’umumarayika wiWe hamwe natwe kuri uyu w’iyinga isayine mu gitondo, kw’isaha ya Jeffersonville.

Namba abantu b’amabande muri ng’aha, mwumviriza amabande, ndipfuza ko mwumviriza iriya : « Ni Kuki Yesu Yategerejwe kuza i Betelehemu. Ni Kuki Yategerejwe kubikora ?

Data Yavuganye natwe biciye ku muhanuzi waYo irindi rimwe kandi Yatumiye mwebwe mwese bantu b’amabande kuza kwumviriza Ubutumwa, Kuki Betelehemu Mutoya, Bwavuzwe kw’igenekerezo rya 14 kigarama umwaka wa 1963.

Ukuvuga ubutumwa kwanje n’ukwigisha kwanje ubu birarangiye, ubu DUFYONDE TUVUZE.
MweneData Joseph Branham.

21-1219 Ikimenyetso

December 18, 2021 admin5

Ubutumwa: 63-0901m Ikimenyetso

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’ Ikimenyetso.
Ntihari bwigere na rimwe haba igihe nk’iki mbere muri kahise k’isi. Isi nzima yategerezwa kubishingira intahe, mu gihe imibumbe itanu yo mu kirere yitondetse ubwayo hamwe. Ikintu kinaka cariko kirashika kw’igenekerezo rya 12 kigarama, 2021 mu majuru, mu gihe ikintu kinaka cariko kirashika kw’isi. Umugeni Yari Yishize hamwe kw’isi yose mu Gihe Imana Yavuga Iciye mu muhanuzi waYo, kandi Umugeni waYo Yagira Ingaburo Yera n’Ukwozanya ibirenge hamwe mu mazu yabo.

Mbega ibihe vyiza n’ukuba ng’aho k’Umwami vyari bihari mu mazu yacu. Abahungu bamwe bavuza amabande bari binyobeje mu mazu yacu kandi inzu yacu twayigize ishengero ry’Umwami. Twashize Ikimenyetso ku mazu yacu no ku miryango yacu. Mpwemu Yera Yuzuye inzu yacu, umutima wacu, n’ubugingo bwacu n’ukuba ng’aho kwiWe. Vyari bimeze nk’aho twari abana b’abisirayeli biteguriye urugendo rwo kuvayo.

Ijambo Ryavugana natwe biciye mu marayika wiWe kandi Ryashirwa mu mazu yacu. Urupfu rwari rwadukikuje, ariko twari tuzi ko twari mu mutekano kandi rworengana amazu yacu. Twari twiteguye kugenda mu Gihugu CACU c’Isezerano.

Nta na rimwe twigeze twumva ukwegerana nk’uko twagize rirya joro. Twaramenye ko ikintu kinaka cariko kirashika. Twaramenye ko Yariko Aradutegurira Ukuza kwiWe, ariko categerezwa kuba iki gihe, uyu munsi, uku kwezi, uyu mwaka. Ikintu cose cari gitunganye kandi kiri mu mwanya waco. Vyari bifise insiguro. Vyariko birashika kubw’ikimenyetso kw’isi.

Ikintu cose gishika ca mpwemu ni ikimenyetso kivuye ku Mana. Mube maso. Mubirabe, murabona. Mwitegereze ikintu cose gishika ca mpwemu, ikintu cose gishika, ni ikimenyetso. Ntituri ng’aha giturumbuka. Ibi bintu ntibishika gusa giturumbuka. Ni Ikimenyetso. Ni ikimenyetso, co kuja—co kuja mu mutekano, vuba. Nowa yari ikimenyetso ku runganwe rwiwe, Eliya yari ikimenyetso ku rwiwe ; Yohana yari ikimenyetso ku rwiwe. Murabona ? Ikintu cose, Ubutumwa bw’igihe, ni ikimenyetso. MuBwitegerezen murabe ico Buriko Burakora. Murabona ? Ni ikimenyetso. Ikintu cose gifise insiguro.

Igihe Mose yatangura ikikorwa caYo muri Isirayei, Isirayeli yose muri Egiputa yakoraniye i Gosheni. Bariko baragaruka imuhira kuko bamenye ko ikintu kinaka cari kigiye gushika.

Mbega ikigereranyo gitunganye c’iki gihe, mu gihe Umugeni Akoranira kw’Ijambo ry’igihe ritagira agatosi ritavanze ; kuko natwe turazi, ko ikintu kinaka kigiye gushika.

Baza bava mu buseruko no mu burengero, baza bava mu bihugu vya kure, gukora umunsi mukuru hamwe n’Umwami, gufungura nk’umutumire wiWe bakikuje Ibifungurwa vyiWe Vyabitswe ku MEZA YIWE.

Yarungikanye umumarayika muhanuzi wiWe Ubutumwa bwo guhamagarira gusohoka no kurongorera Umugeni WiWe mu Gihugu c’Isezerano. Yimenyekanishije ubwiWe muri twebwe n’Inkingi y’Umuriro. Rero, Yarungitse Ikimenyetso ciWe kugira ngo Umugeni WiWe Akije munsi, kuko Amenya gusa ico Kimenyetso.

Mbega Ikimenyetso c’iki gihe ni ikihe ?

Amenya gusa I—Ikimenyetso. Ubwo ni Ubutumwa bw’igihe ! Ubwo ni Ubutumwa bw’iki gihe ! Ubwo ni Ubutumwa bw’uyu mwanya ! Mw’Izina rya Yesu Kristo, muBwakire.

Umugeni na Kristo bariko baraba Umwe. Igikorwa c’ibango c’Umugeni, n’igikorwa c’ibango rya Kristo, ni co kimwe. Imana UbwaYo Imenya Ubutumwa bw’intumwa yaYo. Yamenye Umugeni waYo. Icijiji kiriko kiraba ikintu kiboneka. Isezerano ryose mw’Ijambo ryaYo ni IRYACU. Ritegerezwa kutwumvira.

Turiko turaba Urya Mugeni Jambo Atunganye mu nzira Imana Yatanze y’iki gihe : Ijwi ryaYo, Ijambo ryaYo, kw’Ibande. Imana ntiYigera Ihindura umugambi waYo. Yamye Irungika umuhanuzi wo kurongora ihanga ryaYo. Yari Ifise abandi bahamagarwa kandi basizwe, ariko bashobora kuvuga GUSA ico umuhanuzi yavuze, kuko Amajambo yaYo Yari UKO NIKO UHORAHO AGIZE kw’ihanga.

Mbega ushobora kumenya UDAKEKERANYA 100 kw’ijana ko uriko urumviriza Ijambo RITUNGANYE ry’Imana? Hari uburyo bumwe bwonyene kuri jewe : Gufyonda ukavuza?

Ata nkeka hariho abandi bahamagariwe kuvuga Ijambo, kuko biri mw’Ijambo kandi ntivyohakanwa, ariko bashobora gusa kwigisha Ijambo bumvise kw’Ibande Rivuye ku ntumwa y’Imana. Ntibashobora kuvuga, kwigisha, gusobanura, kuvanaho canke KWONGERAKO IKINTU NA KIMWE mu gihe Ari IJAMBO RY’IMANA RITUNGANYE. Ivyo ni vyo Ijambo Rivuga.

Si bibi kwumviriza umuvugabutumwa, nk’uko bamwe bavuga, nta n’ubwo ari bibi kuja kw’ishengero. Mwotegerejwe kuja kw’ishengero, ariko Umugeni Ashaka kwumviriza imfungurwa z’intama, kandi benshi bizera ko uburyo bwonyene bwo kwumviriza Ijambo Ritagira agatosi ari Ugufyonda Bakavuza.

Imana Ibahezagire n’igikorwa c’ibango Imana Yabahamagariye. Kuko sindabarwanya kandi ndabakunda kandi nizeye ko nzobana n’Umugeni WaYo wese Yatoranijwe mu Bihe Bidashira. Nshigikiye gusa igikorwa c’ibango c’amabande.

Benshi bavuga ko utegerezwa kugira igikorwa c’Imana kugira ngo ube Umugeni. Ndavyemera, ni vyo, William Marrion Branham, kuko ni we mukozi w’Imana ahambaye kuruta abandi afise igikorwa c’Imana gihambaye kuruta ibindi kw’isi. Kuko si ijambo ryiwe, ubutumwa bwiwe, ivyiyumviro vyiwe, nta n’ubwo ari insiguro yiwe. Ni Ijambo ry’Imana Ryagaragajwe Ryonyene ry’igihe cacu. Kandi ego, ni IGIKORWA C’IMANA KIRIKO KIRABA gihambaye gusumba ibindi kibaho.

Ikibazo canje ni iki : Murashobora kwumviriza Amabande no kuba Umugeni wa Kristo, canke ntegerezwa kugira ikintu kinaka gisumba Ijwi ry’Imana kw’ibande?

Nka jewe n’inzu yanje, turi INZU Y’IBANDE, kandi twizeye ko turi Umugeni waYo kandi ico DUKENEYE CONYENE ni Ijwi ry’Imana kw’ibande.

Namba wokwipfuza gufatanya natwe mu nzu yawe, ishengero, imodoka canke aho ari ho hose Umwami Yaguhaye, kugira ngo wumvirize Uko Niko Uhoraho Agize, wifatanye natwe kuw’iyinga isatatu mu gitondo, isaha ya Jeffersonville,(isaha icumi z’umugoroba mu Burundi) kwumviriza Ijambo ry’Imana Ritunganya Umugeni waYo kandi Rituzanira Ubutumwa : Ikimenyetso, bwo kw’igenekerezo rya 1 nyakanga mu gitondo umwaka wa 1963.
MweneData Joseph Branham.
Ivyanditswe vyo gusoma mbere yo kwumviriza Ubutumwa :
Itanguriro 4:10
*Kuvayo igice ca 12 cose
Yosuwa igice ca 12 cose
Ivyakozwe n’Intumwa 16:31
Ivyakozwe n’Intumwa 19:1-7
Abaroma 8:1
Icete ca mbere c’Ab’I Korinto 12:13
Abanyefeso 2:12
Abanyefeso 4:30
Abaheburayo 6:4
Abaheburayo 9:11-14
Abaheburayo 10:26-29
Abaheburayo 11:37
Abaheburayo 12:24
Abaheburayo 13:8
Abaheburayo 13 :10-20
Uwera Yohana 14:12

21-1212 Ingaburo Yera

December 10, 2021 admin5

Ubutumwa: 65-1212 Ingaburo Yera

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wa Jesu Kristo
Umwami Yadusigiye amabwirizwa 3 yonyene yo mu buryo bw’umubiri yo gukora nk’abaKristo : Umubatizo, Kwozanya Ibirenge, n’Ingaburo Yera.
Ingaburo Yera ni uguhangana ku wizera kandi ryotegerejwe gufatwa gusa n’ababatijwe mw’Izina Rya Yesu Kristo, kandi babayeho ubuzima bujanye n’umuKristo.

Mu kiringo c’amezi menshi ubu, nagize umutwaro muniniya ku mutima wanje kubwacu wo kugira igikorane c’Ingaburo Yera. Ubu umwaka urarenga duhuriye ku Meza y’Umwami kandi tugize Ukwozanya Ibirenge. Mu gihe mvugana n’abizera benshi, bose bavuga co kimwe bati, « Nipfuza ko twofata Ingaburo Yera.”

Mu gihe nari ndi mu masengesho, Umwami Yanshize ku mutima uburyo twese twoshobora kuba hamwe kandi tugira igikorane c’Ingaburo Yera mu mazu yacu. Mu kwezi kwa mukakaro kw’umwaka wa 1964, mweneData yitwa Gagnon yandikiye mweneData Branham, amubaza namba vyomubera vyiza kutanga Ingaburo Yera mu nzu yiwe, mu gihe atari umukozi w’Imana. MweneData Brahnam yamwishuye kandi yamubwiye ati, « ego, uyifate, ntutegerezwa kuba umukozi w’Imana kugira ngo ukore ivyo. »

Ndakengurukira cane Umwami ko Yataze uburyo ku Mugeni Wa Kristo bwo kugira vyompi Ingaburo Yera n’Ukwozanya Ibirenge mu mazu yacu hamwe n’imiryango yacu. Vyongeye n’umuhezagiro udasanzwe cane ko hazoba haheze imyaka 56 ku munsi mweneData Braham yagira iki gikorane c’Ingaburo Yera.

Ijwi ryafashwe tuzoba dukoresha ku Butumwa Bwacu Bwo kuw’iyinga rizoba ryabonetse kuri Voice Radio, ku rubuga rwa Branham Tabernacle, kandi bwo kuvomwa. Ubu bubiko burimwo Ubutumwa Bwose, Ingaburo Yera, Bwavuzwe kw’igenekerezo rya 12 kigarama umwaka wa 1965, HONGEYEKO agace ko kwuzuza igikorane cacu c’Ingaburo Yera yo Muhira.

Tuzoba dukurikiza uburyo bumwe nk’igihe dufata Ingaburo Yera muri Branham Tabernacle. MweneData Branham azotubwira Ubutumwa, Ingaburo Yera. Igikorane giheze, azosengera umukate n’umuvinyu, hanyuma tuzogira iminota 10 yo kurindira havuga umuziki w’i piyano ku buryo tuzoronka igihe gihagije co gutanga Ingaburo Yera mu nzu zacu. Igikurikira umuziki wa piyano, mweneData Branham azosoma Ivyanditswe vy’igikorwa co Kwozanya Ibirenge, kandi rero tuzogira iyindi minota 10 yo kurindira y’umuziki wo Kwozanya Ibirenge.

Nobagira inama yo kugira umuvinyu n’umukate w’Ingaburo yera, biri ng’aho kw’isahani imbere y’igikorane, mu gihe hatazobaho uguhagarika kuva ibande itanguye, gushika ibikorane vy’Ingaburo Yera no Kwozanya Ibirenge biheze.
Tuzotanga umuvinyo n’udukombe dutoya twa plasitike kw’ikoraniro ryacu ryo ng’aha ryonyene. Amakuru y’ahantu mushobora kugura umuvinyu Kosher, n’ukuntu bakora Umukate w’Ingaburo Yera n’iyindi nkuru y’ingira kamaro murabironka mu makuru akurikira.

Nk’umwe wese muri mwebwe, ndi n’igishika cinshi co kwumviririza hamwe uru rukurikirane rugiye kuza rw’Ubutumwa, n’igikorane giheraheza vyose, kugira Ingaburo Yera n’Ukwozanya Ibirenge birongowe n’umuhanuzi w’Imana.

MweneData Joseph Branham.

21-1207 Uburongozi

December 6, 2021 admin5

Ubutumwa: 65-1207 Uburongozi

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Ingaburo Yera

December 6, 2021 admin5

MweneData Joseph Branham.

21-1206 Matukio Ya Sasa Yanadhihirishwa Na Unabii

December 5, 2021 admin5

Ubutumwa: 65-1206 Matukio Ya Sasa Yanadhihirishwa Na Unabii

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

21-1205 Ibintu Bitegerezwa Kuzobaho

December 4, 2021 admin5

Ubutumwa: 65-1205 Ibintu Bitegerezwa Kuzobaho

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

21-1204 IZAMURWA

December 2, 2021 admin5

Ubutumwa: 65-1204 IZAMURWA

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ijwi,

Nibaza ko nshobora kuvugira umwe wese muri twebwe igihe mvuze ko duhejeje kugira impera y’iyinga ihambaye ya Thanksgiving y’ubuzima bwacu. IMANA ISHIMWE !

Twarumvise Ijambo kw’Ijambo, Uguhishura ku Guhishura. Inyota yacu yaramazwe n’ikintu kimwe gusa kibishobora : Ijambo ryiWe., Ubutumwa bw’igihe, Kristo Ubwiwe Avugana n’Umugeni wiWe.

Ubu turabona iryo Jambo nyene Ryasezeranywe, rya Luka, rya Malaki, ayo yandi masezerano yose y’iki gihe, Ryihaye umubiri, Ribana natwe, kandi twumvise n’amatwi yacu ; ubu TuraMubona (n’amaso yacu) Asigura Ijambo ryiWe Bwite, ntidukeneye insuguro n’imwe y’abantu. Ewe Shengero ry’Imana Nzima, muri ng’aha canke ku ma telefone, mwikangure ningoga, imbere yuko igihe kirengana ! Imana Ibahezagire.

Mbega dushobora kwibaza ko tworavye, n’amaso yacu bwite, kw’Ijambo ry’Imana Ryagaragajwe ? Ko tworavye kw’Ijambo Rizima, Risiguwe mw’ishusho isanzwe, Imana muri twebwe ! Ntibitangaje ko abanyabwenge ba kera bari barindiriye uyu munsi, ariko UBU, tubayeho muri iyo minsi yasezeranywe, tubona n’amaso yacu bwite kandi twumva n’amatwi yacu bwite Ivyo bigaragajwe.

TwaraKwumvise, ko Washobora kurema inkezi. TwaraKwumvise, ko Washobora kurema umwagazi w’intama. Ariko ubu, twaKubonye n’amaso yacu ! Ukugaragara, iyerekwa ryashizwe ahabona.

We ni iki rero ? Ijambo Risiguwe ni ukugaragara kw’Izina ry’Imana.

Ivyo abanegura bavuga ntaco bitwaye, turi mu Bugombe bwiWe butunganye mu gukoranira mu mazu yacu, mu mashengero yacu, canke aho twokoranira hose, twumviriza Ijwi ryiWe.

Namba ntizera kuja kw’ishengero, ni kuki jewe ubwanje mfise ishengero ? Turayafise hirya no hino mu gihugu, twari dufatanije rya joro rindi mu buhinga bw’itelefone, ku birometero kwadrato, hariho rimwe mu mashengero yanje.

Amashengero YIWE arafatanije mu buhinga bwa telefone kw’isi yose, kugira ngo yumve Ijwi ry’Imana Rivuga kandi Rihamagarira Umugeni waYo gusohoka. Nta mwambiro uri muri twebwe, ni vyo bizana ukunengesera k’Ubumana mu buryo bw’umubiri muri twebwe. Umwana w’umuntu yaragaragaye, yarahishuwe, kandi Agarukana Ishengero hamwe n’Ubumana bw’Imana Bwuzuye hagati muri twebwe. Atwereka ibimenyetso vya bindi nyene biboneka n’ukugaragara kwiWe Bwite, nk’uko Yabikoze ubwa mbere igihe Yagaragara kw’isi mw’ishusho y’Imana-Muhanuzi.

Vyasezeranywe na Malaki 4, vyasezeranywe n’ibindi Vyanditswe. Musengera hehe ? Mu nzu y’Imana, mwicaye (muri k’ubu).

Ndakengurukira Umwami cane kuvyo Akorera Umugeni wiWe vyose muri iyi minsi ya nyuma. Yaraduteye intege, Yaraturemesheje, ko turi Abatoranijwe biWe bari muri We imbere y’itanguriro y’isi. Mbega igihe giteye igomwe c’Umugeni wiWe.

Umwami Yashize ku mutima wanje kubandanya n’ubu Butumwa bwa nyuma Bwashiriwe mu kigega Umugeni wiWe. Numva mpezagiwe cane no kwiyumvira, ko Data Yatanze uburyo bw’uko twoshobora gukoranira hamwe twese, hirya no hino kw’isi, kugira ngo twumvirize ubu Butumwa. Vy’ukuri ni Ubumwe Butaboneka bw’Umugeni wa Kristo.

Kubera tutashoboye kugirira ibikorane hamwe ng’aha, kubera Covid n’ukwubaka Ishengero (sanctuaire) rishasha, hariho ibintu bibiri tubuze twese kandi twipfuza gukora. Ni ibintu bibiri Umwami Yategetse Umugeni gukora, gushika ku Kugaruka kwiWe : Ingaburo Yera n’Ukwozanya Ibirenge.

Mu gihe nasenga kandi ndondera Umwami, Yashize ku mutima wanje kubwacu kugira vyompi Ingaburo Yera n’Ukwozanya Ibirenge hamwe n’imiryango yacu. Narahezagiwe cane kandi naranezerewe igihe Yashira ivyo ku mutima wanje, n’ukuntu dushobora kubikora. Tuzobikora kw’igenekerezo neza ry’igikorane ca nyuma c’Ingaburo Yera mweneData yagize igihe yari ng’aha hamwe natwe, kw’igenekerezo rya 12 Kigarama, 1965. Tuzoba duhezagiwe kandi tuzoba tumugifise arongora igikorane c’Ingaburo Yera n’Ukwozanya Ibirenge.

Nzobarungikira ikete, kandi nshire ku rubuga rwa Branham Tabernacle, ido n’ido ryose mu minsi mikeya. Ndashobora kubasezeranira ko kizoba igihe Umugeni Atazokwibagira. Ndi muri ukwo kurindirana igishika c’imihezagiro yiWe ihambaye Azoba Ariko Araduha.

Guhera kuri uyu wa gatandatu tuzoba twumviriza Ijwi Ryacu Rituzanira Ubutumwa : Izamurwa Bwavuzwe kw’igenekerezo rya 4 ukwezi kwa kigarama umwaka wa 1965, isatatu kw’isaha ya Jeffersonville. Izoba ari imyaka 56 ku umunsi ku wundi aho Imana Yavugiye mu ntumwa yaYo maze agashira Ijwi ryaYo kw’ibande, ku buryo Umugeni Yoshobora kuRigirirako umunsi mukuru no kwera ubwiWe, kwitegurira ubwiWe Izamurwa Rigiye kuza vuba.

Tuzobandanya ikirangaminsi mu gukorana kuw’iyinga isamunani kw’isaha y’i Jeffersonville, kugira ngo twumvirize : Ibintu Bitegerezwa Kuzobaho, Ubutumwa Bwavuzwe kw’igenekerezo rya 5 ukwezi kwa kigarama umwaka wa 1965

Hanyuma kuwa mbere tuzokwumviriza : Ibintu Bishika Muri iki Gihe Bisigurwa n’Ubuvugishwa, Ubutumwa Bwavuzwe kw’igenekerezo rya 6 ukwezi kwa kigarama umwaka wa 1965, no kuwa kabiri : Uburongozi, Ubutumwa Bwavuzwe kw’igenekerezo rya 7 ukwezi kwa kigarama umwaka wa 1965.

Mushobora kwumviriza igihe ico ari co cose kiboroheye mwebwe n’umuryango wanyu. Nko mw’iyinga riheze, tuzobushira kw’iradio Voice Radio bwompi isatatu zo mu gitondo na samoya y’ijoro kw’isaha y’i Jeffersonville.

Ng’aha hari ikirangaminsi nometseko kiriko iminsi, amasaha n’Ubutumwa tuzoba twumviriza. Mu minsi mikeya ikurikira, nzoza ndabarungikira ikete kandi nshire ku rubuga ikirangaminsi c’Igikorane c’Ingaburo Yera kigiye kuza.

Mu kurindira ko tuba hamwe namwe, Umugeni wiWe Ataboneka, ku Ntebe yiWe.

Imana Ibahezagire,
MweneData Joseph Branham.