Category Archives: Uncategorized

25-1102 Imana Yiyerekanye

Ubutumwa: 64-0614m Imana Yiyerekanye

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Jambo Ryagaragajwe,

Turashobora kuvyiyumvira! Ya Nkingi y’Umuriro nyene Yaje kuri abo bagabo banditse Bibiliya ni Yo Nkingi y’Umuriro nyene twumviriza iminsi yose, Idusobanurira amabanga yose ya Bibiliya: Ijambo Ry’Imana Ryagaragajwe !

Imana Yari Yitwikiriye mu bavugishwa baYo ba kera kugira ngo Ibabwire Amajambo YaYo. Ivyo ni vyo Yakoze ico gihe. Ariko mu gihe cacu, umuvugishwa wacu, William Marrion Branham yari Ijambo Rizima ku bantu, Ritwikiriwe n’Inkingi y’Umuriro.

Ugusigwa ni umuntu. Ijambo Kristo risobanura “uwasizwe,” murabona, “uwasizwe.” Ico gihe, Mose yari Kristo mu gihe ciwe, yari uwasizwe. Yeremiya yari Kristo mu gihe ciwe, afise igice c’Ijambo ry’ico gihe.

Imana Isobanura Ijambo RyaYo bwite. MweneData Branham yaraYavuze; Imana YaraYasobanuye. Yari afise Ijambo. Si umugwi, William Marrion Branham! Imana Yaronse UMUNTU UMWE. Ntashobora kuronka ubwenge bubiri canke butatu butandukanye bufise ivyiyumviro bitandukanye. Ifata UMUNTU UMWE, kandi acika Ijambo ry’Imana Rizima Ritwikiriwe inyuma y’umubiri w’umuntu.

Ntitukiri inyuma y’uwo mwitwikiro, bana bato. Imana Yarigaragaje neza kuri mwebwe. Umwitwikiro wa kera w’idini n’uw’imigenzo watwikira Ijambo ry’Imana waratantamutse, kugira Rishobore kugaragara! Muri iki gihe ca nyuma, ico gihuzu c’imigenzo caratantabutse, kandi ng’iyi Inkingi y’Umuriro. Ng’Iyi, Igaragaza Ijambo ry’iki gihe. Igihuzu caratantabutse.

Mwitegereze ayo ma bande uko aza, mwitegereze umwe wese, ingene Rirushirizaho kuba Iritomoye; namba ufise amatwi yo kwumva, murabona, amaso yo kubona.

Ivyo ni vyo bigihuma amaso abantu iki gihe. Bashaka kuvuga ko bizera ko umuvugishwa w’Imana yazanye Ijambo ariko ko ubu, ukwo gusigwa kuri ku bandi ngo baturongore, atari umuvugishwa.

Umuvugishwa yatubwiye ko Imana Idashobora kwihenda Ijambo RyaYo. Mu gihe ca nyuma, bitegerezwa kuba co kimwe ubugira kandi. Imana Ntishobora guhindura inzira yaYo, canke guhindura Ijambo RyaYo. Yavuze ko Itahindutse. Yama Irungika abavugishwa baYo atari ukugira ngo bazane Ijambo RyaYo vyonyene, ariko ngo barongore Umugeni WaYo.

Nk’uko vyakozwe mu bihe vyose, Ubumana bwari butwikiriwe mu mubiri w’umuntu. Murabe, ni vyo. Abavugishwa bari Ubumana, butwikiriye. Bari Ijambo ry’Imana (ni vyo?) Ritwikiriwe mu mubiri w’umuntu. Kubw’ivyo, naho nyene ntibamenye Mose wacu, murabona, Yesu.

Ubu, kubwacu si Ijambo Ryanditswe gusa, ni ukuri. Ubu turi muri We. Ubu turiko turahimbarwa. Ubu turaMwihweza. Ubu turaMubona, Ijambo, Arigaragaza.

Rero, ducika igice ciWe. Turi umwitwikiro uMutwikira. Turi igice ciWe; igihe cose Kristo Ari muri mwebwe, nk’uko Kristo Yari Uw’Imana.

Turi mu ngoro ya Kristo inyuma y’umwitwikiro w’urukoba rwacu rw’umuntu. Turi ivyete vyanditswe, Ijambo Ryanditswe. Turi Ijambo Ryanditswe, Ryagaragajwe.

Kandi iyo ubonye Ijambo Rigaragajwe, ubona Imana Data, kuko Jambo Ari Data. Ijambo Ni Imana. Kandi Ijambo, Ryagaragajwe, Ni Imana ubwaYo Ifata Ijambo RyaYo Bwite IkaRigaragaza mu bizera. Nta kintu na kimwe gishobora kuRigira Rizima atari abizera, abizera gusa.

Imana, Itwikiriye mu mubiri w’umuntu, Ivuga kandi Iduhishurira Ijambo RyaYo umunsi ku munsi. Imana mu mubiri w’umuntu Iba muri umwe wese muri twebwe.

MweneData Joseph Branham

Ubutumwa: 64-0614M – “Imana Yiyerekanye”.

Igihe: isaha zitandatu z’umutaga kw’isaha ya Jeffersonville (isaha imwe y’ijoro mu Burundi).

*Mwibuke igihe co mu rushana.

25-1026 Hindukiriza Amaso Kuri Yesu

Ubutumwa: 63-1229E Hindukiriza Amaso Kuri Yesu

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Abumviriza ama Bande,

Igihe kirageze aho umuntu wese ategerezwa kwibaza ati: “Igihe numviriza ama bande, ni Ijwi irihe numviriza? Mbega ni ijwi rya William Marrion Branham gusa, canke numviriza Ijwi ry’Imana ry’iki gihe cacu? Mbega ni ijambo ry’umuntu, canke ndiko numviriza Uko Niko Uhoraho Agize? Mbega nkeneye umuntu wo gusobanura ivyo ndiko ndumva, canke Ijambo Ry’Imana ntiRikeneye insobanuro?”

Inyishu yacu ni iyi: Turiko twumviriza Ijambo Ryavuzwe Ryihaye umubiri. Twumviriza Alufa na Omega. TuraMwumviriza, Inkingi y’Umuriro, Avuga biciye mu minwa y’abantu nk’uko Yavuze ko Yobikoze mu gihe cacu.

Ntitwumviriza umuntu, twumviriza Imana, wawundi ejo, uno munsi, n’ibihe bidashira. Ijwi ry’Imana Rizima, Rifise ubukuba Rifise ubugi buruta ubw’inkota zose Rikinjira n’aho Ritanya ubugingo n’impwemu Rigatanya ingingo n’umusokoro, Risuzuma ivyo umutima wiyumvira ukagabira.

Twarahishuriwe ko ico Yari igihe Yagendagenda i Galilaya Ari co nyene Ari muri iri joro i Jeffersonville; ni naco Ari muri Branham Tabernacle. Ni Ijambo ry’Imana Ririko Riragaragazwa. Ico Yari ico gihe, ni co Ari muri iri joro, kandi nico Azoba ibihe bidashira. Ivyo Yavuze ko Yokoze, Yarabikoze.

Uwo mugabo si Imana, ariko Imana Iracariho kandi Ivugana n’Umugeni WaYo biciye kuri uwo mugabo. Ntidushobora gusenga uwo muntu, ahubwo dusenga Imana Iri muri uwo muntu; kuko niwe muntu Imana Yahisemwo ngo abe IJWI RYAYO kandi arongore Umugeni WaYo muri iyi minsi y’iherezo.

Kubera ko Yaduhaye uku Guhishurirwa guhambaye kw’iki gihe c’iherezo, ubu turashobora kumenya ABO TURI BO, Ijambo Ryihaye umubiri mu gihe cacu. Satani ntashobora kuduhenda, kuko turazi ko turi Umugeni Jambo WiWe w’inkumi Yashumbushijwe.

Iryo Jwi Ryatubwiye Riti: Ivyo dukeneye vyose TWARAMAZE kubihabwa. Ntitubirindira. Vyaravuzwe, NI IVYACU, TURAVYEGUKIRA. Satani nta bubasha afise kuri twebwe; yaratsinzwe.

Ata nkeka, Satani ashobora kuduteza indwara, akabonge, n’imibabaro yo mu mutima, ariko Data Yaramaze kuduha ubushobozi bwo kumuta HANZE…TUVUGA IJAMBO GUSA, na we ategerezwa kugenda….s’ukubera tuvuga gutyo, ariko kubera IMANA YABIVUZE GUTYO.

Iyo Mana nyene Yaremye inkezi, igihe ata nkezi zariho. Ivyo vyahaye mushiki wacu Hattie icipfuzo c’umutima wiwe: abahungu biwe babiri. Ivyo vyakijije Mushikiwacu Branham ikivyimba imbere y’uko ukuboko kw’umuganga kumukorako. Ni IYO MANA NYENE Itari kumwe gusa natwe, ARIKO IRIHO KANDI IGERERA MURI TWEBWE. TWEBWE TURI IJAMBO RYAGIZWE UMUBIRI.

Iyo turavye kandi twumvirije Ijwi riri ku ma bande, turabona kandi twumva Imana Yihishura mu mubiri w’umuntu. Turabona kandi twumva uwo Imana Yatumye ngo aturongore tuje mu Gihugu c’Isezerano. Twemera ko Umugeni wenyene Azogira uko Guhishurirwa, nuko ducika abatagira ubwoba. Ntibikenewe kugira uruhagarara, guhagarika umutima, kubabara, gucika intege, kwibaza canke kwiganyira…TURI UMUGENI.

Umviriza maze ubeho mweneData, ubeho!
Umviriza Yesu ubu nyene maze ubeho;
Kuko Vyafashwe amajwi ku ma bande, haleluya!
Ni ivyo vyonyene twumviriza maze tukabaho.

Yoo Mugeni wa Yesu Kristo, mbega igihe c’ubwiza tubayemwo. Ivyo turindiriye, umunota ku munota. Umwanya n’umwanya tuzobona abakundwa bacu, hanyuma, mu kanya nk’ako gukubita urugohe, tuzoba tuvuye hano kandi tuzoba turi kumwe na bo hakurya. Ni hafi cane bisa nk’aho dushobora kuvyumva…IMANA ISHIMWE !!

Ngwino Mugeni, reka twongere gufataniriza kw’Ijwi ry’Imana kuri uyu w’iyinga isaha zitandatu ku mutaga, kw’isaha ya Jeffersonville (isaha icumi na zibiri ku mugoroba mu Burundi), mu gihe twumviriza Atubwira Ijambo ry’Ubugingo Budashira.

MweneData Joseph Branham

Ubutumwa: 63-1229E Hindukiriza Amaso Kuri Yesu

Ivyanditswe:
Guharura 21:5-19
Yesaya 45:22.
Zekariya 12:10 .
Uwera Yohana 14:12

25-1019 Hariho Umuntu Ng Aha Ashobora Kwatsa Itara

Ubutumwa: 63-1229M Hariho Umuntu Ng Aha Ashobora Kwatsa Itara

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni wa Kristo, reka dukoranire hamwe ku w’iyinga kw’isaha zitandatu z’umuhingamo kw’isaha ya Jeffersonville (isaha icumi na zibiri ku mugoroba mu Burundi), kugira twumvirize 63-1229M Hariho Umuntu Ng’Aha Ashobora Kwatsa Itara.

MweneData Joseph Branham

25-1012 Uguhererwa

Ubutumwa: 63-0901E Uguhererwa

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Amabande,

Rero mwebwe abantu bo mu ma bande.

Mwami, twotangura gute guserura ico ayo majambo matomato atanu asigura kuri twebwe Umugeni wa Yesu Kristo? Ni Uguhishura kw’Ubutumwa bw’igihe kuri twebwe. Ni Imana Ivuga biciye ku ntumwa mumarayika waYo Ibwira Umugeni WaYo Iti: “Ndazi ko uzogumana n’Ijwi RyaNje. Ndazi ico Ijambo RyaNje Riri kuri aya ma bande Rizosigura kuri wewe. Ndazi ko uzogira Uguhishurirwa ko ubu Butumwa Navuze kuri aya ma bande ari Ikimenyetso CaNje c’iki gihe.”

“Nashize Ijwi RyaNje kuri izi bande ; kuko ubu Butumwa butegerezwa kuba incamake y’Ijambo ryose. Hazoba ibihumbi n’ibihumbagiza bizokwumviriza Ijwi RyaNje kuma bande kandi bazogira Uguhishurirwa ko ari igikorwa caNje. Ni Mpwemu Yera w’iki gihe. Ni Ubutumwa bw’Ikimenyetso CaNje.”

“Narungitse abakozi b’Imana benshi b’abizigirwa kw’isi yose kugira ngo bamenyeshe igikorwa caNje. Igihe bagaruka, baMbwiye bati: ‘Twumviye amabwirizwa yawe mu kuvuza ama bande yaWe. Twabonye abantu bizera Ijambo Ryose. Bagize inzu yabo ishengero kugira ngo bakire Ubutumwa BwaWe. Twarababwiye, ko abo bose boje munsi y’Ikimenyetso CaWe, Ubutumwa bw’igihe, bokijijwe.’”

Ni igihe c’aho umuntu wese ategerezwa kwisuzuma no kwibaza ati, inzira y’Imana itunganye y’iki gihe ni iyihe? Ijambo ry’umuvugishwa Ryarashitse. Vyaremejwe ko ari ukuri KWONYENE, ikintu CONYENE kizohuza Umugeni WaYo.

Ivyo yavuze vyose vyashitse neza na neza nk’uko yabivuze. Inkingi y’Umuriro Iracari ng’aha hamwe natwe. Ijwi ry’Imana Riracavugana natwe ku ma bande. Umuvugishwa yatubwiye neza ko Imana Izorengana gusa aho Izobona Ikimenyetso. Ni igihe co guhererwa kuri bose kugira ngo bashike munsi y’ubwo Butumwa Kimenyetso.

Twarabonye Ukuboko kw’Imana gukomeye muri iki gihe c’iherezo. Yaduhaye Uguhishura kw’ukuri kw’Ijambo RyaYo kandi Kwaje munsi y’ikimenyamenya c’Ikimenyetso. Rero, mu gihe turi munsi y’ikimenyamenya c’Ikimenyetso, reka dukoranire hamwe maze dufate Isangira Ryera mu guhererwa; kuko tuzi ko urubanza rw’Imana ruri hafi.

Nipfuza gutumira umwe wese muri mwebwe ngo yumvirize kandi aze agire Isangira Ryera hamwe n’igikorwa co kwozanya Ibirenge kuri uyu w’iyinga, mu gihe tuzokwumviriza Ubutumwa: Uguhererwa 63-0901E.

Ubutumwa hamwe n’Isangira Ryera bizoba biri kuri Radiyo y’Ijwi guhera isaha icumi n’imwe yo ku muhingamo kw’isaha ya Jeffersonville. Ndasavye mugire umwidegemvyo wo kugira igikorane canyu isaha icumi n’imwe yo ku muhingamo kw’isaha y’aho muba namba mubishaka, mu gihe nzi ko benshi mu bizera bacu bo mu mahanga gutangura igikorane canyu kw’isaha y’i Jeffersonville bizogorana. Hazoba hariho umuhora wo kuvomamwo ico gikorane.

MweneData Joseph Branham.

Ivyanditswe vyo gusoma imbere y’igikorane:

Kuvayo 12:11
Yeremiya 29:10-14
Uwera Luka 16:16
Uwera Yohana 14:23
Ab’i Galatiya 5:6.
Uwera Yakobo 5:16

25-1005 Ikimenyetso

Ubutumwa: 63-0901m Ikimenyetso

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugenzi w’Ikimenyetso,

Iyo duhuriye hamwe, ntituvuga gusa ivy’Ubutumwa, duhurira hamwe kugira ngo dushireko Amaraso, dushireko Ikimenyetso; kandi Ikimenyetso ni Ubutumwa bw’igihe! Ubwo ni bwo Butumwa bw’uyu munsi! Ubwo ni bwo Butumwa bw’iki gihe.

Twarishizeko ico Kimenyetso, ku ngo zacu no ku miryango yacu. Ntiduterwa isoni. Ntitwitaho uwubizi. Turashaka ko umuntu wese abimenya, uwurengana wese kugira ngo abone kandi akamenya ko : Turi Abantu b’Amabande. Turi Inzu y’Amabande. Turi Umugeni w’Amabande w’Imana.

Mpwemu Yera = Ikimenyetso = Ubutumwa. Bose ni kimwe. Ntimushobora kubitandukanya. Data, Umwana, Mpwemu Yera = Umwami Yesu Kristo. Ntimushobora kubitandukanya.

Ubutumwa = Intumwa. Uko abanegura bovuga kwose, UMUVUGISHWA YAVUZE, ko udashobora kubatandukanya.

Imana ni umunezero wawe. Imana ni inkomezi zawe. Kumenya ubu Butumwa, kumenya ko Ari Ukuri kwonyene, kumenya ko Ari Ikimenyetso, ni co kiduhagije. Bamwe bashobora kuvuga bati, “NdaBwizera. NdaBwizera. Nizera ko ari Ukuri. NdaBwakira nk’Ukuri.” Ivyo vyose ni vyiza, ariko yamara Butegerezwa gushirwa mu ngiro.

Umuvugishwa yavuze ko ubu Butumwa ari Ikimenyetso c’iki gihe. Ubu Butumwa ni Mpwemu Yera. Namba ufise Uguhishurirwa ukwo ari kwo kwose kw’ubu Butumwa urashobora kubona neza igihe tubayemwo. Benshi cane bavuga bati: “NdaBwizera. Imana Yarungitse umuvugishwa. Ni Ubutumwa bw’igihe,” ariko bakirata mu kuvuga ko batavuza, kandi ko batazovuza, Ijwi nyene ry’Ikimenyetso mu mashengero yabo.

Imana ntiyavuze biciye ku mumarayika waYo w’inkomezi ngo Ivuge ikintu gusa kiretse gifise insiguro. Yatubwiye ko atwigisha akoresheje ibigereranyo n’ibitutu. Muri ubu Butumwa, umuvugishwa yinjira mw’ido n’ido kugira ngo atubwire ivyo Rahabu n’umuryango wiwe bakoze kugira ngo BAROKOKE, babe Umugeni. Yaratomoye neza ivyo yakoze.

Igihe abahungu b’amabande bavuza “BANDE”…Rindira gato, iyo ntumwa yakoze iki? Yavugije Bande. None yakoze iki? Yahinduye inzu yiwe ISHENGERO ry’AMABANDE. Ntiyagira isoni zo kuvuga ati: «Raba uwo mugozi utukura, ivyo bisigura ko ndi ISHENGERO RY’AMABANDE».

Wibaza ko iyo avuga ati: “Ego, nizera intumwa n’Ubutumwa, ariko ntitukivuza ama Bande mw’ishengero ryacu. Mfise umwungere avuga ngo OYA, ni uwo kuvuga ubutumwa gusa no gusubiramwo ivyo ama bande avuga.” None mwibaza ko yari kurokoka… ???

Yarashizeko ikimenyetso, kandi inzu yiwe yarakijijwe, atari uko yari guhonera hariya aho yari ari.

Mwarumvise ko abakozi b’Imana benshi biregura ku bijanye no kuvuza ama bande, ariko benshi muri bo bose bavuga bati: “Umuvugishwa ntiyigeze avuga ngo muvuze ama bande mw’ishengero.”

Uwo muvugishwa yavuze ko Rahabu yahinduye inzu yiwe ishengero, kandi ishengero ryiwe ryaravuza ama Bande. Kandi kuko yavuza Amabande mw’ishengero ryiwe, we, n’Ishengero ryiwe ryose ry’Amabande, bari munsi y’Ikimenyetso kandi bararokotse. Irindi shengero ryose ryarahonye.

BeneData na bashikanje, ndabasavye, simvuze ko umwungere adashobora kuvuga ubu Butumwa, canke ko ari bibi iyo abikoze. Mu buryo bwanje, ndiko ndavuga ubutumwa ubu biciye muri iri kete, ariko ugurura umutima wawe kandi wumvirize ivyo umuvugishwa ariko aravuga n’ivyo avuga akugabisha. Nimba uri umwungere atavuza, canke atazovuza ama bande mw’ishengero ryawe mu gutanga ubwoko bunaka bw’urwitwazo; uko vyoba biri kwose, bivanye n’Ijambo, naho yovuga gute ko yizera Ubutumwa bw’igihe, bivanye n’ivyo nizera Ijambo Rivuga, Ikimenyetso, Ubutumwa bw’iki gihe, Ntikiriko kirashirwako.

Kuri uyu w’iyinga, ndabatumiye kuza kwumviriza hamwe na Branham Tabernacle isaha zitandatu ku mutaga, kw’isaha ya Jeffersonville (isaha icumi na zibiri ku mugoroba mu Burundi), Ubutumwa: Ikimenyetso 63-0901M. Nimba udashobora kwifatanya natwe, uravuza Ubutumwa ubwo ari bwo bwose bw’Ikimenyetso, maze Ugishireko.

MweneData Joseph Branham.

Ivyanditswe vyo gusoma imbere yo kwumviriza Ubutumwa:

Itanguriro 4:10
Kuvayo igice ca 12
Yosuwa igice ca 12
Ivyakozwe n’Intumwa 16 :31 / 19 :1-7.
Abaroma 8:1.
1 Ab’i Korinto 12:13
Abanyefeso 2:12 / 4:30
Abaheburayo 6:4/9:11-14/10:26-29/11:37/12:24/13:8, 10-20.
Uwera Yohana 14:12

25-0928 Igihe c’Ukwegerana.n’Ikimenyetso Caco

Ubutumwa: 63-0818 Igihe c’Ukwegerana.n’Ikimenyetso Caco

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Wegeranye,

Ndanezerewe, n’ivyo twiteze bihambaye, vyo kuba muvyo Imana Iriko Irakora vyose mu gihe cacu. Ivyiyumviro vy’Imana uhereye kw’itanguriro biriko birashitswa imbere y’amaso yacu, kandi turi igice cavyo.

Muri Bibiliya yose, abavugishwa barahanuye kandi bavuze ivyari bigiye gushika. Rimwe na rimwe ubwo buvugishwa ntibwashitse imyaka amajana mu nyuma, ariko igihe ukunengesera kw’igihe kwashika, vyarashitse ; kuko iciyumviro c’Imana kivuzwe biciye mu muvugishwa waYo GITEGEREZWA gushika.

Umuvugishwa Yesaya yavuze ati, « Inkumi izosama inda. » Umuryango wose w’Abaheburayo waronse umukobwa wabo mutoya wari witeguriye kuronka uyo mwana. Bamuguriye ibirato bisanzwe, n’ibirato birebire, hamwe n’agapupe gatoya, hanyuma bitegurira ukuza kw’uyo mwana. Ibihe n’ibihe vyararenganye ariko mu nyuma Ijambo ry’Imana Ryarashitse.

Nama nibaza nk’umwana w’umuhungu akiri muto ariko aregera mu bigero, Mwami, ndabona mw’Ijambo RyaWe yuko Wamye Ushira hamwe ihanga ryaWe mu gushitsa Ijambo RyaWe. Washize hamwe abana baWe b’Abaheburayo kubw’umuntu, Mose, Wabarongoresheje Inkingi y’Umuriro bagana mu Gihugu c’Isezerano.

Igihe Wahinduka umubiri hanyuma Uba hano kw’isi, Washize hamwe abigishwa baWe. Wabatandukanije n’ikintu cose hamwe n’umuntu wese kugira Ubahishurire Ijambo RyaWe. Ku munsi wa Pentekote, Wakoranirije hamwe ubugira kandi Ishengero RyaWe mu kibanza kimwe, bahuje umutima n’inama imbere y’uko Uza hanyuma Ubahe Mpwemu Yera.

Nariyumviriye, gute ivyo vyoshoboka uyu munsi Mwami ? Umugeni WaWe Akwiragiye kw’isi yose. Mbega Umugeni bose bazoza i Jeffersonville ? Simbona ukuntu ivyo vyoshika Mwami. Ariko Mwami, ntiwigeze Uhindura integuro yaWe. Ni Ibwirizwa RyaWe, nta buryo na bumwe bwo kubihagarika. Uzobikora gute ?

IMANA ISHIMWE…UYU MUNSI, turashobora kubibona n’amaso yacu bwite, kandi ikirushirije, TURI IGICE CAVYO : Ijambo Rihoraho ry’Imana Rishikijwe. Ntituri mu kibanza kimwe IMBONA NKUBONE, dukwiragiye kw’isi yose, ariko Mpwemu Yera YASHIZE HAMWE UMUGENI WIWE KUBW’IJWI RY’IMANA IJAMBO RYIWE RYAVUZWE KANDI RISHIRWA KU MA BANDE, Ikintu Ntabanduka c’Imana uyu munsi, ni ugukoraniza hamwe no GUSHIRA HAMWE UMUGENI WAYO… KANDI NTA NA KIMWE GISHOBORA KUBIHAGARIKA.

Imana Iriko Ikoraniriza hamwe Umugeni WaYo. Ariko Ariyunga uhereye mu Buseruko hamwe no mu Burengero, mu Buraruko no mu Bumanuko. Hariho igihe co kwegerana, kandi nico kiriko kirashika ubu. Ariko Yiyunga kubw’iki ? Izamurwa. Amen !

Igihe co kwegerana kiriko kiriko kirashika UBUNYENE !!! N’igiki kiriko kiradushira hamwe ? Mpwemu Yera kubw’Ijambo RyiWe, Ijwi RyiWe. Turiko twishira hamwe kubw’iki ? IZAMURWA !!! Twese turagiye kandi NTA N’UMWE tuzosiga inyuma.

Imana Iriko IraMutegura. Ego mugenzi, gushira hamwe ! Ariko Yishira hamwe n’iki ? N’Ijambo !

Ijambo ry’igihe cacu ni iRihe? UBU BUTUMWA, IJWI RYAYO, Ijwi ry’Imana ku Mugeni WaYo. Si umuntu. Si abantu. Si umurwi. IJWI ry’Imana ku ma bande, Ryemejwe n’Inkingi y’Umuriro.

« Isi n’ijuru bizovaho, ariko Ijambo RyaNje Ntirizovaho. » Ariko Ariyunga na UKO NIKO UHORAHO AGIZE hatitaweho ivyo idini iryo ari ryo ryose canke umuntu uwo ari we wese yovuga.

Hatisunzwe ivyo ari vyo vyose UMUNTU yovuga, turiko dukoranirizwa hamwe n’Ijwi rya UKO NIKO UHORAHO AGIZE Ryemejwe maze Riragaragazwa kubw’igihe cacu. Si kubw’insobanuro z’umuntu munaka ; kuki twokora ivyo ? Ivyo birahinduka ku muntu uwo ari we wese, ariko Ijwi ry’Imana ku ma bande NTIRYIGERA RIHINDUKA kandi Ryatangajwe n’Inkingi y’Umuriro ubwaYo kuba Ijambo ry’Imana hamwe n’Ijwi ry’Imana.

Ikibazo cavyo, umuntu, ntazi umurongozi wiwe. Ego, mugenzi. Bazokwiruka inyuma y’idini, bazokwiruka inyuma ya musenyeri canke umuntu, ariko ntibazokwiruka inyuma y’Umurongozi, Mpwemu Yera mw’Ijambo. Murabona ? Bavuga bati, « Yoo, rero, ndakekeranya guhinduka uwashize icizere mu muntu ; ndakekeranya ko nzonyerera. » Yoooo, ni ivyo !

Aho ni ho ibihari vyatanguriye mu makoraniro yabo maze bavuga bati, « Murabona, bariko bashira hejuru umuntu, MweneData Branham. Bamufata nk’Imana kandi bariko bamwiruka inyuma, umuntu, si Mpwemu Yera. »

Ubujuju, turiko DUKORANIRA kw’IJWI RY’IMANA RYAVUZWE RIRAGARAGAZWA BICIYE MURI UYO MUNTU. Nimwibuke, uwo ni we muntu Imana Yahisemwo kugira abe Ijwi RyaYo kugira ngo ahamagare hanyuma arongore Umugeni WaYo muri iki gihe. Iryo ni Ryo Jwi RYONYENE Ryagaragajwe n’Imana ubwaYo.

Ariko ku rundi ruhande, BAriko bakoranira hamwe kubw’ABANTU. NTIbazovuza Ijwi ry’Imana ku ma bande mu mashengero yabo. Murashobora kwiyumvira ivyo ??? Umukozi w’Imana avuga ko yizera ubu Butumwa ko Ari Ubutumwa bw’igihe, Uko Niko Uhoraho Agize, ariko ugasanga ariko azana ivyitwazo vyo KUTAvuza iryo Jwi mu mashengero yabo, ariko umuvugabutumwa ku bantu BATEGEREZWA kumwumviriza hanyuma abandi bavugabutumwa bigisha Ijambo… nuko bavuga ko turiko turakurikira umuntu !!!

Twarumvise kuw’iyinga uheze ico Imana Yakoreye abo bantu !!

Turiteguriye Ubukwe. Turiko turahinduka Umwe na We. Ijambo Rihinduka mwebwe, kandi muhinduka Ijambo. Yesu Yavuze ati, « Uwo munsi muzobimenya. Ico Data Ari cose, nico Ndi ; kandi ico Ndi cose, nico muri ; kandi ico muri cose, nico Ndi. Uwo munsi muzomenya ko Ndi muri Data, namwe muri muri Jewe, naNje Ndi muri mwebwe. »

Urakoze Mwami kubw’Uguhishura kwaWe ubwaWe n’ukwacu, muri iki gihe cacu. Mu gutegura umugeni WaWe kubw’Ijambo Ryavuzwe.Turazi ko turi mu bugombe bwaWe butunganye kubwo kugumana n’Ijwi RyaWe Ryafashwe amajwi.

Ndatumiye isi kwumviriza Ijwi ry’Imana Ryonyene Ryemejwe mu gihe cacu kuri uyu w’iyinga. Muratumiwe kuza kwifatanya natwe kuw’iyinga isaha zitandatu ku muhingamo kw’isaha ya Jeffersonville (isaha icumi na zibiri ku mugoroba mu Burundi), mugihe twumviriza : 63-0818, Igihe C’Ukwegerana N’Ikimenyetso Caco. Namba mudashobora kwiyunga ku muhora wa terefone maze mwumviririze hamwe natwe, tora bande, BANDE IYO ARI YO YOSE ; zose ni Uko Niko Uhoraho Agize, maze mwumvirize Ijambo ry’Imana Ribatunganya hanyuma Ribategurire ukuza kwiWe kuri hafi.

MweneData Joseph Branham.

Zaburi 86 :1-11
Uwera Matayo 16 :1-3

Ariko Yishira hamwe. Ariteguye. Kuki ? Ni Umugeni. Ukwo ni ukuri. Kandi Ariko Yishira hamwe n’Umukwe WiWe, murabona, kandi Umukwe ni Ijambo. « Ubwa mbere na mbere Jambo Yariho kandi Jambo Yahoranye n’Imana kandi uwo Jambo Yari Imana. Kandi Jambo Yambaye umubiri Abana natwe. »

25-0921 Ikirego

Ubutumwa: 63-0707m Ikirego

Kuvoma Ubutumwa

Bakunzi Barekuriwe,

Ubu, hariya, “bo,” atari umunyavyaha. “Bo”, ni ukuvuga ishengero ry’ico gihe, babonye ikosa kuri uwo Mugabo Yari Ijambo. Si vyo ? Babonye ikosa kuri uwo Mugabo Yari Ijambo. Ubu babona ikosa mw’Ijambo Rikora biciye mu muntu.

Kuva mu ntango isi yaraMuhevye, yaraMwanse, yanse kugumana n’Ijambo RyiWe igumana n’imigenzo yabo, za nemera zabo, ivyiyumviro vyabo. Bama bahusha integuro y’Imana; Imana, nk’Umuntu, Yari Ijambo kandi ubu Ijambo Rikora biciye mu muntu.

Ariko mu gihe cacu Yavuze Ati: “Nzogira umugwi mutoyi, abatowe bakeya. Bari muri Jewe kuva kw’itanguriro. BazoNyakira, bizere Ijambo RyaNje n’umuntu nahisemwo ngo ahishure Ijambo RyanNe. Azoba ari Ijwi RyaNje kuri bo.”

“Ntibaterwa isoni no gutangaza Ijwi RyaNje. Ntibazoterwa isoni no kubwira isi ko Nasubiye kuza kandi ko Niyerekanye ubwaNje biciye mu mubiri w’umuntu nk’uko Navuze ko Nobikoze. Iki gihe ntibazosenga uwo muntu, ahubwo bazoNsenga, Ijambo, Rizovuga biciye mu muntu. BazoNkunda kandi bazoMvugira ku mugaragaro n’ibibabamwo vyose.”

“Rero, nabahaye ivyo bakeneye vyose kugira ngo babe Umugeni WaNje. Nabakomeje n’Ijambo RyaNje ; kuko BO ARI IJAMBO RYANJE Ryihaye umubiri. Iyo bakeneye gukira, bavuga Ijambo RyaNje. Iyo bafise intambamyi iyo ari yo yose ibabangamiye, bavuga Ijambo RyaNje. Iyo bafise umwana yazimiye, bavuga Ijambo RyaNje. Ico bakeneye cose, bavuga Ijambo RyaNje, kuko bo ari Ijambo RyaNje Ryihaye umubiri muri bo.”
“Barazi abo bari bo, kuko Narabihishuriye. Bagumye ari imvugakuri n’abizigirwa kw’Ijambo RyaNje kandi bakoranira hamwe kubw’Ijwi RyaNje. Kuko bazi Ijwi RyaNje, Ijambo RyaNje, Mpwemu Yera WaNje. Barazi ko, aho Ijambo Riri ariho Inkona Zizokoranira.”

Mu gihe umuvugishwa wiwe azovuga Ijambo RyiWe kandi akarega uru runganwe kubera kubambwa kwa kabiri kwa Yesu Kristo, agatangaza ko baciriwe urubanza, Umugeni Azoba Ariko Aranezerwa. Kuko turazi ko TURI Umugeni Wiwe Yemeye kandi Yakiriye Ijambo Ryiwe. Turasemerera bivuye ibwina mu mutima wacu kandi tuvuga duti:

Ndi uwaWe, Mwami. Ndirambitse kuri iyi alutari, ndishikanye uko nzi ko bishoboka jewe ubwanje. Kura isi muri jewe, Mwami. Nkuramwo ibintu bishobora kubora; mpa ibitabora, ni Ryo Jambo ry’Imana. Ese noshobora kuba hafi cane y’Ijambo, gushika aho Ijambo Rizoba riri muri jewe, nanje ndi mw’Ijambo. Ubikore, Mwami. Ese ntokwigera ndaRitera ibitugu.

Hariho ubuzima, kandi hariho urupfu. Hariho inzira nziza, kandi hariho inzira mbi. Hariho ukuri, kandi hariho ikinyoma. Ubu Butumwa, iri Jwi, Ni inzira itunganye Imana Yatanze y’iki gihe. Muze mwifatanye n’igice c’Umugeni w’Imana w’inkomezi mu gihe tuzokoranira hamwe kubw’Ijambo Ryiwe Ryahishuwe maze twumvirize Ubutumwa: Ikirego 63-0707M

MweneData Joseph Branham

25-0914 Mbega Ubuzima Bwawe Burabereye Ubutumwa Bwiza?

Ubutumwa: 63-0630E Mbega Ubuzima Bwawe Burabereye Ubutumwa Bwiza?

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi beneData na bashiki bacu,

Ndakunda Umwami, Ijambo ry’Imana, ubu Butumwa, Ijwi RyaYo, umuvugishwa waYo, Umugeni WaYo, gusumba ubuzima ubwabwo. Vyose NI KIMWE KURI JEWE. Sinigera nshaka kugira imyumvikano ku kanyuguti kamwe, agace na kamwe, canke IJAMBO RIMWE Imana Yanditse mw’Ijambo RyaYo canke Yavuze biciye mu muvugishwa waYo. Kuri jewe vyose ni Uko Niko Uhoraho Agize.

Imana YaraRyiyumviriye, hanyuma Iribwira abavugishwa baYo, maze bandika Ijambo RyaYo. Hanyuma Yarungitse umumarayika waYo w’inkomezi, William Marrion Branham, kw’isi mu gihe cacu kugirango Ishobore kwihishura ubwaYo mu mubiri w’umuntu ubugira kandi nk’uko Yakoze hamwe na Aburahamu. Hanyuma Yavugiye mu muvugishwa waYo kugirango abe Ijwi Ry’Imana kw’isi, kugirango ahishurire kandi asigurire Umugeni WaYo Yatoranijwe amabanga yose yari yaranyegejwe kuva kw’itanguriro ry’isi.

Ubu, Umugeni WaYo, MWEBWE, muriko muracika Ijambo Ryihaye umubiri, Umwe naYo, Umugeni Jambo Wayo Yashumbushijwe.

Ndazi ko ntatahurwa muvyo mvuga no muvyo nandika. Ndashobora kuvuga nicishije bugufi nk’uko umuvugishwa wacu yavuze, ko ntize kandi ndazi ko ntashobora kwandika canke kuvuga neza ivyo numva mu mutima wanje. Ndemera ko bisa naho nandika mu buryo bugumye rimwe na rimwe. Iyo ndabikoze, si ukwerekana ukutubaha, canke kugira inyifato mbi canke gucira urubanza umuntu, sivyo na gatoya. Ndabikora bivuye ku rukundo ruri mu mutima wanje mfitiye Ijambo Ry’Imana.

Nshaka ko umwe wese yemere kandi yizere ubu Butumwa Imana Yarungitse ko ari ubwo gusohora Umugeni WaYo. Sinigeze numva mu mutima wanje canke niyumvira ko abavugabutumwa batokwigera basubira kuvuga ubutumwa, vyoba bigiye kurwanya Ijambo Ry’Imana. Mfise umwete gusa w’Ijwi ry’Imana ku ma bande. Nizera ko ari Ijwi ngirakamaro gusumba ayandi ABAVUGABUTUMWA BOSE bategerezwa gushira UBWAMBERE imbere y’abantu. Ibi ntibisigura ko badashobora kuvuga ubutumwa, nshaka gusa kubahimiriza kuvuza ama bande mu mashengero yabo igihe abantu bakoraniye munsi y’ukwo gusigwa.

Ego, nokunda kubona isi yose yumviriza Ubutumwa bumwe mu mwanya umwe kw’isi yose. Atari ukubera « jewe » nabivuze, canke kubera « jewe » nahisemwo ibande yo kwumviriza, ariko numva ata nkeka ko Umugeni Yobona ukuntu Imana Yaciye inzira y’ukugene ibi bishika mu gihe cacu.

Iki gihe iyo tuba dufise amajwi yafashwe ya Yesu Avugira kuma bande, atari inyandiko za Matayo, Mariko, Luka canke Yohana z’ivyo Yesu Yavuze (kuko bose babivuze bitandukanye gatoya) ariko dushobora kwumviriza Ijwi Rya Yesu, igihagararo ciWe, imvugo zo mwibarabara nka za hain’t, totes na fetches ziWe n’amatwi yacu, mbega umukozi w’Imana uno munsi yobwira ishengero ryiwe ngo, « Ntituvuza Ijwi Ryafashwe Rya Yesu mw’ishengero ryacu, nahamagariwe kandi nasigiwe kuvuga Ubutumwa, kandi nkaRisubiramwo. MuRyumvirize gusa ni mwataha muhira. » Mbega abantu bobishigikira ? Birababaje kuvuga, ariko ni vyo neza na neza bariko barakora uno munsi. Nta TANDUKANIRO rihari, uko bovyoza kwose bakabisiga ivyera.

Kubwanje, MweneData Branham yaraduhaye akarorero. Yarakunda igihe amashengero yose, imihana, canke aho baba bari hose, bari ku muhora wa telefone ku buryo bashobora kwumviriza Ubutumwa bose mu mwanya umwe. Yari azi ko bashobora, kandi boronka amabande maze bakayumviriza mu nyuma, ariko yashaka ko bahuriza hamwe kandi bakumva ubwo Butumwa bose mu mwanya umwe… KUBWANJE YARI IMANA YEREKA UMUGENI IVYOBAYE MU GIHE CACU N’IVYO ATEGEREZWA GUKORA.

Umukozi w’Imana wese w’ukuri yizera Ubutumwa azokwemera ko ata na kimwe gihambaye nko kwicara munsi y’ugusigwa kw’Ijwi Ry’Imana, Ryafashwe amajwi kandi Ryashizwe ku ma bande. Umugeni Azokwizera, kandi Azogira Uguhishurirwa, ko Ubu Butumwa ari Ijambo Ry’Imana Ry’iki gihe. Nshobora vyonyene guca urubanza n’Ijambo, ariko uwutovuga ko ubu Butumwa ari Icishimikizo Ntanyiganyizwa cabo nta Guhishurirwa afise kw’Ijambo ry’iki gihe, rero, boshobora gute kuba Umugeni WaYo ?

Si ukuBusubiramwo gusa, kuBuvuga canke kuBwigisha, ariko kuBwumviriza kuma bande ni ho HANTU HONYENE Umugeni Ashobora kuvuga ko Yizereye Ijambo Ryose. Ubu Butumwa ni Uko Niko Uhoraho Agize. Ivyo mvuga canke nigisha si Uko Niko Uhoraho Agize, ariko ivyo Ijwi Ry’Imana Rivuga kuma bande NI… ni Ijwi RYONYENE Ryemejwe n’Inkingi y’Umuriro.

Ndazi ko hariho beneData na bashikibacu bavuga, kandi bafata ko, « Namba mutumviriza Ubutumwa Branham Tabernacle yatangaje, mudasoma amakete y’Inkona Zikoranira Hamwe, kandi ntimwumvirize mu mwanya umwe imuhira iwanyu ntimuri Umugeni », canke, « Ni bibi kuja ku rusengero, mutegerezwa kuguma imuhira iwanyu. » IVYO SI VYO NAMBA. SINIGEZE niyumvira ivyo, mvuga ivyo, canke nizera ivyo. Ivyo vyateye n’ugutandukana kwinshi, kwiyumva nabi, no kudafatanya hagati mu Mugeni kandi umwansi akoresha ivyo mu gutandukanya abantu.

Sinigera nshaka gutandukanya Umugeni, nshaka guhuza Umugeni mu gihe Ijambo Ryavuze ko DUTEGEREZWA GUHUZA NK’UMUNTU UMWE. Ntitwotegerejwe gutongana, ariko nta na kimwe kindi gishobora kuduhuza atari Ijwi Ry’Imana Riri ku ma bande.

Ntitwotegerejwe guharira no kubwira abantu ivyo BATEGEREZWA GUKORA atari uko ntibari Umugeni, mukore gusa uko UMWAMI ABARONGORA. Baracari beneData na bashikibacu. Dukeneye gukundana no kwubahana.

Rero ntimutongane. Murabona ? Ishavu rivyara ishavu. Ako kanya, mubabaza Mpwemu Yera kandi Aja kure yanyu, muzoba muriko muratongana. Rero Mpwemu Yera Arigurukira. Ishavu rivyara ishavu.

Hamwe n’ivyo umuvugishwa yavuze ng’aha, sinigera nshaka kubabaza Mpwemu Yera. Sinigera nshaka gutongana. Dushobora guhanurana mu rukundo, ariko atari ugutongana. Namba naravuze ico ari co cose cashavuje uwo ari we wese mu vyo nanditse canke navuze, ndabasavye mumparire, siyo yari intumbero yanje.

Nk’uko nabivuze mbere, numva umuhamagaro ku buzima bwanje uvuye ku Mwami wo kwereka abantu Ijwi Ry’Imana ry’iki gihe. Abandi bakozi b’Imana bafise iyindi mihamagaro kandi nkumbure babona ibintu ugutandukanye. Umwami Ashimwe, bakora ivyo BUMVA barongowe na Mpwemu Yera gukora. Igikorwa c’ibango ryanje ni ukubwira Umugeni gusa nti, “FYONDA UVUZE” kandi “Ijwi Ry’Imana Riri ku ma bande Ni Ijwi Rihambaye gusumba ayandi ushobora kwumviriza.” “Nizeye ko abavugabutumwa botegerejwe kuvuza Ijwi Ry’Imana Riri kuma bande mu mashengero yabo.”

Amakete nandika buri yinga ni ay’igice c’Umugeni yumva ko bari igice ca Branham Tabernacle. Ndazi ko abandi benshi bayasoma, ariko mfise inshingano gusa zo gukora nk’uko numva ndongowe gukorera ishengero ryacu. Ishengero ryose ririgenga ; bategerezwa gukora nk’uko bumva barongowe n’Umwami gukora, ivyo bikaba ari Ijambo 100 kw’ijana. Sindabarwanya, ntitwemeranya gusa. Ariko kuri jewe na Branham Tabernacle, dushaka gusa kwumviriza Ijwi Ry’Imana Riri kuma bande.

Ndatumiye isi kwifatanya natwe buri yinga. Ndabahimiriza namba badashobora kwifatanya natwe, gutora ibande, ibande iyo ari yo yose, no gufyonda bakavuza. Bazosigwa nk’uko batavyigeze mbere. Rero, ndabatumiye iri yinga kwifatanya natwe kuw’iyinga isaha zitandatu ku mutaga, kw’isaha ya Jeffersonville (isaha icumi na zibiri ku mugoroba mu Burundi), mu gihe duhurira hamwe maze tukwumviriza, 63-0630E Mbega Ubuzima Bwawe Burabereye Ubutumwa Bwiza ?

MweneData Joseph Branham.

25-0907 Ukuvayo Kwa Gatatu

Ubutumwa: 63-0630m Ukuvayo Kwa Gatatu

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ukuvayo kwa Gatatu,

Iyo udafise ijisho rya mpwemu, ntubitahura. Ariko ijisho rya mpwemu rishobora kubona Ububasha bw’Imana bugenda kuko Buri kumwe neza na neza n’Ijambo. Ni Jambo, kandi Ijambo ry’Imana Ntiryigera Rihinduka. Ivyo Yakoze mu ntango, Iriko Irabikora n’ubu kandi ijisho rya mpwemu rirabibona, riravyizera, kandi RIRAVYUMVA.

Isi yoshobora kutavuga rumwe nanje ku vyo nizera ko ari inzira Imana Yatanze ku bwa kino gihe : Ijwi Rihambaye kuruta ayandi yose utegerezwa kwumviriza ni Ijwi ry’Imana Riri ku ma bande. Mutegerezwa kuvuza ama bande mu mashengero yanyu, ariko NIMBA mwizera vy’ukuri ubu Butumwa, rero ntimushobora kutemeranya n’ivyo umuvugishwa w’Imana avuga.

Kuri uyu w’iyinga tuzokoranira hamwe nk’uko abana b’Abaheburayo babigira kugira ngo baronke manu yaba yabahawe mw’ijoro, yobazigama umunsi uza. Tuzokorana kubwa Manu yacu ya Mpwemu Izoduha inkomezi z’Ukuvayo kwacu guhambaye kugiye kuza vuba.

Nta buryo namba bwiza buriho kuruta kureka Ijwi ry’Imana Rikabivuga ubwaYo, kuvyerekeye Yo nyene, n’ubu Butumwa tugiye kwumviriza BURAKWIYE !

Imana Yafashe umuntu umwe mu bugaragwa, Iramwigisha. Iraheza Iramugarura, afata ibintu mu minwe, maze asohora abantu. Urabona ico nshaka kuvuga? Ntishobora guhindura umugambi waYo. Ni Imana.

Rero aha Iratubwira neza ko Itigera Ihindura umugambi waYo. Ivyo Yakoze kuva mu ntango, Izobisubiramwo mu mpera, Yarabisezeranye. Rero ubu dutegerezwa kumenya Umugambi waYo w’ico gihe kuko uzoba ari uwo Mugambi nyene ubu.

Ntizokwigera Ikorana n’umugwi. Ntiyigeze Ibigira. Ikorana n’umuntu ku giti ciwe; kandi Yarabikoze, kandi Izobikora. Yarasezeranye, no muri Malaki 4, ko Yobikora.

Nta na rimwe Ikorana n’umugwi. Rero, Yasezeranye ko mu gihe cacu Izorungika umuntu Umwe, Malaki 4, afise Uko Niko Uhoraho Agize.

Uko ni ko biri. Hariho rero isezerano ryaYo, ivyo Yasezeranye, ivyo Yavuze ko Izokora, rero ng’ibi. Mbega abantu bahimbawe, twotegerejwe kuba; Ibaha ikimenyetso, ikimenyetso casezeranywe mw’Ijambo RyaYo, Ijambo Ryasezeranywe. Yasezeranye ko Izobikora.

None Imana Yahisemwo gute kurongora Umugeni WaYo ico gihe?

Imana Yahisemwo, mu gihe c’Ukuvayo. Yahamagaye umugwi. Kandi muri uwo mugwi, ndashaka ko mubona ikintu, Yaronse babiri bonyene bagiye mu gihugu c’isezerano. None Yahisemwo kubasohora akoresheje iki?

Ng’ibi. Ibi birahambaye cane kugira ngo ubwenge bwa mpwemu bubitahure. Ni gute Imana Yahisemwo kurongora no kujana Umugeni mu Gihugu c’Isezerano?

Politike? Idini? Yahisemwo umuvugishwa, afise ikimenyetso c’insigabwenge c’Inkingi y’Umuriro, kugira ngo abantu ntibazokwihende. Ivyo umuvugishwa yavuze vyari Ukuri. Kandi Imana Yaramanutse, mu Nkingi y’Umuriro, maze Irigaragaza, Yerekana Ijambo RyaYo. Ni vyo ? Ivyo ni vyo Yakoze mu kuvayo kwaYo kwa mbere. Ukuvayo kwa kabiri kwaYo…

Rero, kugira ngo abantu ntibakore ikosa, Yabarungikiye umuvugishwa afise ikimenyetso c’insigabwenge c’Inkingi y’Umuriro kubera ukuvayo kwabo guhambaye.

None Yakoze iki mu kuvayo kwa mbere? Yarungitse umuvugishwa, asizwe afise Inkingi y’Umuriro, aca ahamagara abantu. Uko kwari ukuvayo kwaYo kwa mbere…

Ukuvayo kwa kabiri. Yazanye Umuvugishwa, Yasizwe, uwo ari Umwana WaYo, Imana-Umuvugishwa. Mose yavuze ko azoba Umuvugishwa; kandi Yari Afise Inkingi y’Umuriro, Akora ibimenyetso n’ibitangaza…

Kandi ng’aha Yarasezeranye ivyo nyene mu kuvayo mu minsi ya nyuma, kandi Ntishobora kubihindura…

Benshi bazovyemeza mu kuvuga ngo, ego, yarungitse umuvugishwa guhamagara Umugeni, ariko ubu Mpwemu Yera Azorongora Umugeni biciye mu gikorwa c’Imana; ariko ivyo Ntiyabivuze…reka tubandanye gusa gusoma.

Raba Inkingi y’Umuriro Yarabahamagaye, Ibajana mu gihugu c’isezerano, bari munsi y’ugusigwa kw’umuvugishwa. Inkingi y’Umuriro bashobora kuraba, Ibajana mu gihugu c’isezerano, barongowe n’umuvugishwa yasizwe. Kandi baguma bamuhakana. Si vyo? Ego cane.

Iyi Nkingi nyene y’Umuriro iriko Irarongora abantu ubugira kandi mu Gihugu c’isezerano, Inganji y’Imyaka Igihumbi.

Inkingi y’Umuriro, munsi y’uburongozi bw’Imana…Imana yari Umuriro, kandi Inkingi y’Umuriro yasize gusa amavuta umuvugishwa. Inkingi y’umuriro yari guhagarara nk’icabona co mw’Ijuru c’uko Mose yahamagawe.

Ubu, mwibuke, Mose ntiyari Inkingi y’Umuriro. Yari umurongozi yasizwe, munsi y’iyo Nkingi y’Umuriro, kandi iyo Nkingi y’Umuriro Yemeza gusa Ubutumwa bwaYo n’ibimenyetso n’ibitangaza.

Nta kosa ririho bagenzi. Si ivyo ndiko ndavuga; ndi mweneSo gusa. Ariko, n’ico Imana Iriko Irabemeza, n’ico kibigira Ukuri. Iyo Inkingi y’Umuriro nyene Yakoresheje mu kundi kuvayo kubiri, Yarayizanye muri mwebwe iki gihe, kandi YaYigaragaje biciye mu vy’ubumenyi.

Imana Ntiyigera Ihindura umugambi waYo. Imana Irafise inzira Yateguriye Umugeni WaYo iki gihe : Inkingi y’Umuriro, munsi y’uburongozi bw’Imana…Imana Yari uwo Muriro, kandi Inkingi y’Umuriro Yasize amavuta gusa umuvugishwa.

Hariho Ijwi Rimwe Ryonyene, umuvugishwa umwe, afise Uko Niko Uhoraho Agize, William Marrion Braham. Si we Inkingi y’Umuriro, ariko ni we murongozi yasizwe munsi y’iyo Nkingi y’Umuriro.

Twese twipfuza kuba mu Bugombe bw’Imana BUTUNGANYE. Ijambo RyaYo Ryemejwe NI Ryo bugombe bwaYo butunganye. Ijambo Ryemejwe ry’iki gihe cacu ni ubu Butumwa. Umuvugishwa waYo Yatorewe kurongora Umugeni waYo. Namba utavyizera, ntushobora kuba Umugeni waYo.

Ni muze maze mwitegurire Ukuvayo kwacu guhambaye mu kwumviriza Ijambo ry’Imana Ritunganye hamwe natwe kuw’iyinga isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi), mu gihe twumviriza : Ukuvayo Kwa Gatatu, 63-0630M.

MweneData Joseph Branham.

25-0831 Kuki utaka? Vuga!

Ubutumwa: 63-0714m Kuki utaka? Vuga!

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Shengero ry’Imana,

Imana Yaravuze kandi Yavuze Iti: “Sinkorera kw’isi, kiretse biciye mu bantu. Ndi—Ndi—Ndi Umuzabibu; muri amashami. Kandi Nzokwimenyekanisha gusa igihe Nshobora kuronka umuntu UMWE. Kandi naramuhisemwo, William Marrion Branham. Namurungitse guhamagara Umugeni Wanje. Nzoshira Ijambo RyaNje mu kanwa kiwe. Ijambo Ryanje Rizoba ijambo ryiwe. Azovuga Amajambo YaNje kandi avuge ivyo Mvuga vyonyene.”

Ijwi ry’Ivyanditswe Ryavuze biciye mu Nkingi y’Umuriro maze riramubwira riti: “Naraguhisemwo, William Branham. Uri uwo muntu. Naguhagurukije kubw’iyi ntumbero. Nzobikwemeza nkoresheje ibimenyetso n’utwumiza. Uzomanuka guhishura Ijambo RyaNje no kurongora Umugeni Wanje. Ijambo RyaNje Ritegerezwa gushitswa Riciye kuri WEWE.”

Umuvugishwa wacu yari azi ko yarungitswe kubw’iyo ntumbero nyene yo guhishura amabanga yose yo muri Bibiliya no kurongorera Umugeni w’Imana mu Gihugu c’Isezerano. Yari azi ko ivyo yavuze, ko Imana Yovyubahiriza kandi Ikabishitsa. Ndashaka ko utigera wibagira iryo Jambo. Ivyo umuvugishwa wacu yavuze, Imana Izovyubahiriza, kuko Ijambo ry’Imana Ryari muri William Marrion Branham. Ni Ijwi ry’Imana kw’isi.

Yari azi ko ari intumwa mumarayika w’indwi w’Imana yasizwe. Yari azi mu mutima wiwe ibintu vyose Imana yari yamuvuzeko mw’ijambo RyaYo. Ivyariko biraturira ibwina mu mutima wiwe vyari vyacitse ukuri. Yari yasizwe kandi yamenye ko yari afise UKO NIKO UHORAHO AGIZE. Nta kintu na kimwe cari kigiye kumuhagarika kuja kuvuga Ijambo ry’Imana.

Imana Yamubwiye Iti: «Ijambo ryanje, nawe, intumwa yaNje, muri ikintu kimwe.» Yari azi ko ari we yatowe ngo avuge Ijambo ry’ukutihenda. Ivyo ni vyo vyonyene yari akeneye. YOVUGA, MAZE IMANA IKABISHITSA.

Uguhishurirwa kw’ubu Butumwa HAMWE n’intumwa y’Imana kwasize ukwizera kwacu nk’uko bitigeze bibaho mbere. Kwadusohoye mw’izinguzingu rikomeye. Kwadutandukanije n’ibintu vyose kiretse ubu Butumwa BwaYo, Ijambo RyaYo, Ijwi Ryayo, Amabande yaYo.

Naho twoba turi inkekwa gute, naho twoba dutwengwa gute, dukekezwa gute, nta tandukaniro na ritoya rihari. TURABUBONA. TURABWIZERA. Hariho ikintu kiri muri twebwe. Twari twaratoranirijwe kuBUbona kandi nta na kimwe kizoduhagarika kuBWIzera.

Twibuka ivyo iryo yerekwa ryavuze, “subirayo ubike Imfungurwa”. Ni hehe hari iyo nzu y’ububiko? Branham Tabernacle. Ni hehe hari ico ari co cose mu gihugu, canke kw’isi yose aho ari ho hose, kizogereranywa n’Ubutumwa dufise? NI Ijwi Ryonyene Ryemejwe n’Imana ubwaYo ngo Ribe Uko Niko Uhoraho Agize. IRYO JWI RYONYENE!

Ni hehe handi twoshobora, canke twoshaka kuja, igihe yavuga ati;

Aha niho Imfungurwa zabitswe…
Zabitswe ng’aha. Ni ku mabande. Zizoja kw’isi yose ku ma bande, aho abantu bari, mu mazu yabo.
Izo bande zizogwa nyene mu minwe y’abatoranijwe b’Imana. Irashobora kurongora Ijambo, Izorongora ikintu cose neza na neza mu nzira yaco. Ni co gituma yansubije gukora ibi: “Bika Imfungurwa ng’aha”.

Turi Umugeni Jambo WaYo Atunganye Yagumanye n’Imfungurwa ZaYo Zabitswe. NtiDukeneye gusubira gutaka, Tuvuga Ijambo gusa maze Tukabandanya Tuja imbere, kuko TURI Ijambo.

Nta na kimwe co kwiganyira. Nta bikorane vy’amasengesho vy’ijoro ryose dukeneye kugira ngo tumenye abo turi bo, Ijambo Ryarabiduhishuriye. Turazi abo turi bo, neza nk’umuvugishwa w’Imana, kandi yaramaze kutubwira ko yariko aragenda.

Umwe wese muri twebwe! Waba uri umugore wo mu nzu, canke waba uri umukozi wo munzu mutoya, canke waba uri umutamakazi, canke umusore, canke umutama, canke ico uri cose, turagiye, uko biri kwose. Nta n’umwe muri twebwe azosigara.” Amen! “Umwe wese muri twebwe aragiye, kandi nta kindi na kimwe kigiye kuduhagarika.”

Muravuga ivyo kuduha UKWIZERA kw’Izamurwa !!!

Ni uze wifatanye n’igice c’Umugeni w’Imana mu gihe dukoranira hamwe kw’Ijwi ry’Imana Ryemejwe, mu gihe Ivugana natwe kandi Itubwira Iti: Mukunzi wanje, Uwo Naisemwo, Umugeni Wanje, Kuki Utaka ? Vuga, maze ubandanye imbere.

MweneData Joseph Branham

Ubutumwa: 63-0714M Kuki Utaka? Vuga!

Igihe: isaha zitandatu ku mutaga kw’isaha ya Jeffersonville (isaha icumi na zibiri ku mugoroba mu Burundi)

Ikibanza: Ariko hariho Ishengero Rimwe Ryonyene Nyaryo, kandi ntiwifatanya na Ryo. Urivukiramwo. Murabona? Kandi iyo urivukiyemwo, Imana Nzima Irakora ubwaYo biciye muri wewe, kandi Ikimenyekanisha. Murabona ? Aho ni ho Imana Igerera, mw’Ishengero RyaYo. Imana Ija mw’Ishengero iminsi yose, Iba mw’Ishengero. Iba muri wewe. Uri Ishengero RyaYo. Uri Ishengero RyaYo. Uri Ihema Imana Igereramwo. Uri Ishengero ry’Imana Nzima, wewe ubwawe.