Nsango: 63-0317E Ntaka Kati na Bileko Sambo ya Lingomba Mpe Bilembo Sambo

• 25-0309 Ntaka Kati na Bileko Sambo ya Lingomba Mpe Bilembo Sambo
• 25-0309 Ntáká Kati kati na Bileko Nsambo Ya Lingombá Mpe Bilembo Nsambo
• 23-0716 Ntáká Kati kati na Bileko Nsambo Ya Lingombá Mpe Bilembo Nsambo
• 22-0123 Ntaka Kati na Bileko Sambo ya Lingomba Mpe Bilembo Sambo
• 21-0117 Ntaka Kati na Bileko Sambo ya Lingomba Mpe Bilembo Sambo
• 19-0324 Ntaka Kati na Bileko Sambo ya Lingomba Mpe Bilembo Sambo
• 19-0324 Ntaka Kati na Bileko Sambo ya Lingomba Mpe Bilembo Sambo
• 17-0319 Ntaka Kati na Bileko Sambo ya Lingomba Mpe Bilembo Sambo
• 17-0319 Ntaka Kati na Bileko Sambo ya Lingomba Mpe Bilembo Sambo

BranhamTabernacle.org

Nsango: 63-0317E Ntáká Kati kati na Bileko Nsambo Ya Lingombá Mpe Bilembo Nsambo

• 25-0309 Ntaka Kati na Bileko Sambo ya Lingomba Mpe Bilembo Sambo
• 25-0309 Ntáká Kati kati na Bileko Nsambo Ya Lingombá Mpe Bilembo Nsambo
• 23-0716 Ntáká Kati kati na Bileko Nsambo Ya Lingombá Mpe Bilembo Nsambo
• 22-0123 Ntaka Kati na Bileko Sambo ya Lingomba Mpe Bilembo Sambo
• 21-0117 Ntaka Kati na Bileko Sambo ya Lingomba Mpe Bilembo Sambo
• 19-0324 Ntaka Kati na Bileko Sambo ya Lingomba Mpe Bilembo Sambo
• 19-0324 Ntaka Kati na Bileko Sambo ya Lingomba Mpe Bilembo Sambo
• 17-0319 Ntaka Kati na Bileko Sambo ya Lingomba Mpe Bilembo Sambo
• 17-0319 Ntaka Kati na Bileko Sambo ya Lingomba Mpe Bilembo Sambo

BranhamTabernacle.org

Balingami Baoyo Bazongisámí,

Natikalá soko moké te kolemba na boyóki Mongóngó ya Nzambe koyebisa tozali ba nani, epai wapi toútí, epai wapi tozali kokende, tozali awa kosala nini, boni Alingí bisó.

Bonganga ya Molimó, libota ya bokonzi, kopesa mbeka ya molimó epai ya Nzambe, mbuma ya mbebu na bango, kopesa masánzoli na Nkombo na Ye.” Baoyo ba—Baoyo bato motindo nini! Azali na bango.

Libondi mpe kimia ya bisó bobele moko iyaka na boyókáká Mongóngó ya Nzambe koloba na bisó, nsima kozóngisa monoko epai ya Tata na bokabáká mbeka ya molimó na nzela ya mbuma ya mbebu na bisó, kopesa masanzoli na Nkombó na Ye.

Mokili mobimba oyo ezali kokímela. Bokeli bozali kokímela. Tozali kokímela mpe kozila boyéi ya Nkoló. Mokili oyo mosimbí eloko moko te mpo ya bisó. Tobelemí kolongwa mpe kokende na Lipati na bisó ya Libala mpe EZALELO Ekoya elongó na Ye mpe basúsu banso baoyo basili kozuama Kúná, bobele na epai esúsu ya ezipelo ya ntango, kozila bisó.

Tika ete tótélema mpe tóminingisa! Tófina mitéma mia bisó, tómilamusa na oyo ezali kosalema sikawa mpenza mpe oyo ekokóma na ntango ya kobwéta líso.

Ata mbala moko soki te kati na lisoló ya mokili etíkálá kokoka ete Mwasi ya libala ya Klisto ásangisama útá na mokili mobimba, banso na ntango moko mpenza, koyóka Mongóngó ya Nzambe koloba mpe komónisa Liloba na Ye epai ya Mwasi na Ye ya libala.

Bandimi, bómítúna, mongóngó yango nini, motéi yango nini, moto nini yango, akoki kosangisa mpe koyéisa Mwasi ya Klisto  nyoso elongó? Soko Ozali Mwasi ya libala ya Klisto, oyebi ete ezali na yango kaka te na Mongóngó mosúsu kasi Mongóngó ya Nzambe likoló ya ba bande.

Ee, Molimó Mosanto azali kati na moko na moko na bisó, mosala moko na moko ya lingombá, kasi Nzambe Ye moko Ayebisaki bisó Akosambisa mokili na Liloba na Ye. Mwasi ya libala ayebi ete Liloba ya Ye likoyaka epai ya mosakoli na Ye. Mosakoli na Ye nde molimboli SÉ MOKO wa bonzambe ya Liloba na Ye. Oyo elobaki Ye ekoki kobakisamela eloko te to eloko eyebi kolongolama na yango te. Ezali Liloba, likoló ya ba bande, oyo bisó nyoso tokosambisama na yango, mpe liloba mosúsu te soko ndimbola ya Liloba yango.

Ekoka te mpo ya mongóngó mosúsu ata nini kosangisa Mwasi ya libala. Bobele Mongóngó ya Nzambe likoló ya ba bande nde mokoki kosangisa Mwasi na Ye ya libala. Ezali Liloba sé moko Mwasi ya libala bango nyoso bakoyókana likoló na yango. Ezali Mongóngó sé moko Nzambe Ye moko Andimisákí kozala Mongóngó ya Ye epai ya Mwasi na Ye ya libala. Mwasi na Ye ya libala asengeli ázala na Likanisi Liókó mpe na Lobánzo Lókó mpo ya kozala elongó na Ye.

Batéi bakoki koteya, balakisi bakoki kolakisa, babateli bakoki kobatela, kasi Mongóngó ya Nzambe likoló ya ba bande nde mosengeli kozala Mongóngó ya motúya koleka oyo basengeli kotia libosó ya bato. Nde Etémelo ya Mwasi ya libala.

Soko bozali na Emoniseli ya yango, na bongo oyo nde ekosalema.

Liloba liyebisi bisó Adama abungisaki libula ya ye, mabelé. Elekaki longwá na loboko na ye kino epai na oyo atékéláki, Satana. Atekáki kondima na ye epai na Nzambe, na mabánza ya Satana. Abungisaki eteni nyoso na yango na maboko ya Satana. Alekisaki yango longwá na loboko na ye kino na oyo ya Satana.

Nzambe azali Nzambe ya molongo, bipai binso, kasi Mwana na Ye, Adama, azalaki na mabelé oyo na nsé na bokonzi na ye moko. Akokaki koloba, akokaki kopesa nkombo, akokaki kosolola, akokaki kotelemisa bokeli, akokaki kosala eloko ata nini elingaki ye kosala. Azalaki na bokonzi mobimba, ya likoló mingi ya mabelé.

Adama abungisaki yango nyoso, kasi Nkembo na Nzambe, nyoso oyo atangwaki na yango mpe abungisaki esikolamáki na Mosikoli Ndeko na bisó, mosúsu te kasi nde Nzambe na Nguya Nyoso, oyo akómáki Emanuele, moko na bisó. SIKAWA, EZALI YA BISÓ.

Tozali bana mibali mpe bana basi na Ye baoyo bakoyángela mpe kozala mikonzi mpe banganga elongó na Ye. Tozali na bomoi ya Sekó elongó na Ye mpe baoyo nyoso tolingi. Bokono lisúsu te, bolózí lisúsu te, kúfa lisúsu te, bobele sékó na sékó nyoso elongó.

Ntango tokanisí yango,  tokoki nde kotika zábolo ákwéisa bisó na nsé boni? Ezali ya BISÓ, nde epai tozali kokende nokí mpenza. Apésí bisó eloko monéne koleka oyo Akokaki kopesa bisó. Mikolo miké miye mia mimekano na bitumba likoló na mabelé oyo mizali kozindisama noki na ELONGA ya bisó MONÉNE OYO ETIKALI KAKA MIKOLO MIKÉ LIBOSÓ NA BISÓ.

KONDIMA YA BISÓ ezalá naino monéne boye libosó soko moké te. Esengo na bisó ezalá naino likoló boye libosó soko moké te. Toyebi tozali ba nani mpe epai wapi tozali kokende. Toyebi tozali kati na Mokáno mwa Ye mobongí be na botíkaláká na Liloba na Ye. Nyoso tosengeli na yango kosala ezali kotikala na ba bande mpe kondima Liloba moko na moko; kosósola yango nyoso te, KASI KONDIMA LILOBA MOKO NA MOKO…mpe TONDIMÍ YANGO!

Kondima eyaka na boyóki, boyóki Liloba. Liloba likoyaka epai ya mosakoli. Nzambe Alobakí Yango. Nzambe Abómbakí Yango na bande. Nzambe Amónisaki Yango. Toyóki Yango. Tondimí YANGO.

Okoki bobele kozua Emóniseli oyo na boyókáká Mongóngó ya Nzambe likoló ya ba bande.

Nyoso oyo Klisto akosala na nsúka ekomónisamela bisó póso oyo, kati ya Bilembo Nsambo, soko Nzambe akolingisa bisó. Bomoni? Malamu. Ekomónisama. Mpe ekomónisama, lokola Bilembo bizali kobúkama mpe bizali kopesamela bisó, nsima tokoki komóna etandelo monene oyo ya lisiko ezali nini, mpe ntango nini mpe boni boni ekosalema. Ebómbami nyoso kati na Búku oyo ya mabómbami awa. Etiami elembo, ekangami na Bilembo Nsambo, mpe bongo Mwana Mpate kaka nde Moko Oyo akoki kobúka yango.

Lomíngo loye na 12:00 nsima ya nzángá, ntango ya Jeffersonville, eteni ya Mwasi ya libala útá na mokili mobimba akozala koyóka Mongóngó ya Nzambe banso na ntango moko. Tokozala kozingela lóla na mopepe mokási ya mabondeli ma bisó mpe kosanzola Ye. Nabiangi yo óya komíbakisa na bisó lokola tozali koyóka:

Ntáká Kati kati na Bileko Nsambo Ya Lingombá Mpe Bilembo Nsambo 63-0317E.

Nabondeli bino bóbósana te na ntina ya mbóngwáná ya ntango kati na Jeffersonville nsúka ya póso oyo.

Ndeko Joseph Branham

Nsango: 63-0317M Nzambe Komibomba Kati Na Komikitisa, Nsima Komimonisa Na Motindo Moko

• 25-0302 Nzambe Komibomba Kati Na Komikitisa, Nsima Komimonisa Na Motindo Moko
• 23-0709 NZAMBE KOMIBOMBA KATI NA KOMIKITISA, NSIMA KOMIMONISA NA MOTINDO YANGO MOKO
• 22-0116 NZAMBE AMIBOMBAKA KATI NA KOMIKITISA MPE AMIMONISAKA NA MOTINDO MOKO
• 21-0110 NZAMBE AMIBOMBAKA MPE AMIMONISAKA KATI NA KOMIKITISA
• 19-0317 NZAMBE KOMIBOMBA KATI NA KOMIKITISA, NSIMA KOMIMONISA NA MOTINDO YANGO MOKO
• 17-0318 NZAMBE KOMIBOMBA KATI NA KOMIKITISA, NSIMA KOMIMONISA NA MOTINDO YANGO MOKO

BranhamTabernacle.org

Balingami Folólo ya Libeke,

Na mikolo ya sánzá 28 Sánzá ya Mibale, 1963, Káké engulúmákí.

Whew-whew, Banje Nsambo baútakí na sékó na sékó mpe bamónánáki na Mwanje ya Nsambo Motindami ya Nzambe. Ayambamáki na likoló kati ya piramídi ya liboké ya banje. Na nsima lipata ya Bonzambe ya Nkembo limónanákí kati na etando likoló ya Arizona. Ezalaki elembo, Nzambe azalaki kozóngisa mwanje na Ye ya nsambo na Jeffersonville kofungola Bilembo Nsambo.

Mokolo ya nsánzá 28 na sánzá ya Mibalé, 2025, mikili nsambo mitandání kati na bitando. Mwasi ya libala azali komíbongisa Ye moko Koyangana mpe koyóka Bilembo Nsambo.

Obiangámí, na Nkoló Ye moko, koyangana na Mwasi ya libala útá zíngá-zíngá ya mokili mobimba, koyóka Mongóngó ya Nzambe komónisa Emoniseli ya Bilembo Nsambo.

Mokolo oyo basakoli mpe bato ya bwányá batálelákí mpe bazilákí útá ebandeli ya ntango, ezali kokóma. Mwanje ya nguya oyo Nzambe alobaki ete akotínda na mabelé na mikolo ya nsúka ayáki kofungola mpe komónisa mabómbami ma Nzambe mabómbamákí, mpo ete Nkoló na bisó Yesu ákoka kozónga mpo ya Mwasi na Ye ya LIBALA sembo mpe komema bisó na Lipati na bisó ya Libala.

Lotómo na ngai ya libosó, lokola nakótaki kati ya losámbo ya sika, Nabálisákí elengé mobali mpe mwasi baoyo bazaláki kotelema kati na biló. Tika ete ézala elilíngí, ete Nakozala mosali sémbo epai na Klisto, kozua Mwasi ya libala abélémi mpo ya molúlú ya Mokolo mwango.

Lelo oyo, Liloba liye likokísámí.

Nzambe azali koloba na nzela ya mwanje na Ye, koléngele Mwasi na Ye mpo ya molúlú ya Mokolo wana. Tozali kolanda Malako ma Ye molongó nsima ya molongó. Mwasi ya libala amíbongisí na BOTÍKÁLÁKÁ NA MONGÓNGÓ YA NZAMBE LIKOLÓ YA BA BANDE.

Toyókaki nini na nzela ya ndótó Mpe bimónoneli? BILÉI, YANGO OYO AWA, awa nde esíká yango. Mongóngó moyébisaki ye: “Yéisa Biléi na kati. Bómbá Yango na kati. Yango nde nzela bobele moko ya kobátela bango awa, ezali kopesa bango Biléi.”

Ebele bandimaka alingi kaka koloba: “botikala kaka na Liloba,” Mpe yango EZALI SOLO, azali koloba yango; kasi Mwasi ya libala akotanga mpe kati-káti ya milongó lokola Mobali ya libala azali koloba na Mwasi na Ye ya libala.

Ata bimónoneli Nzambe azali kopesa awa na esiká yango, izali mpenza kosósolama mabe. Nde ntina bozali koyoka ngai likoló ya ba bande koloba: “ bóloba Yango ELOBÍ ba bande, bóloba Yango ELOBÍ bimónoneli.” Sikawa, soko bozali mpenza ya kolamuka, bokomóna eloko moko. Bomoni? Nalikíí esengeli te na simba yango na loboko na ngai mpe nátalisa bino.

Ata bimónoneli bisósólamákí mabe, ata ko apesaki ndimbola na yango. Yango azalaki koyebisa bisó, soko bolingí kobúlungana te, to kosósola mabe te, bófina play mpe bóyoka mpenza oyo Mongóngó ya Nzambe elobí.

Nayebi Liloba lizali na ndimbola mibalé, kasi oyo nde ndimbola ya ngai: ndótó mpe bimónoneli ilobí eloko yango moko; bótikala na ba bande. Soko Ozali na motúna, kendé na ba bande. Ba bande nde Biléi ya Nzambe bibómbamákí. Bóloba kaka oyo ezali likoló ya ba bande; bóbakisa eloko moko na Yango te. Ba bande nde Yango Elobí Nkoló Yawe epai ya Mwasi na libala. Liloba liyaka bobele epai ya mosakoli, ye moko. Mosakoli azali molimboli SÉ MOKO ya bonzambe ya Liloba ya Nzambe.

Mosakoli azalaki na lotómo ya kobianga mpe kokamba Mwasi ya libala. Nakosambisama na oyo elobámí likoló ya BA BANDE.

Eloko nyoso ezali kotálisa ngai na ba BANDE.

Balingami na ngai folólo ya Libeke, mpo na ngai, KOFINA PLAY NDE NZAMBE KATI YA KOMIKITISA LELO.

 Póso na póso Nazali kozua bosepeli koleka; nini nde ekomónisama lelo lokola Mwasi na Ye ya libala azali koyangana koyoka Liteya? Nayebi ete Molimó Mosanto akozala kopakola moko na moko na bisó lokola Azali komónisa lokola libosó naino soko moké te. Nayoki kaka ete ntango sé ntango, Akoya mpe kozua bisó tokende na Lipati na bisó ya Libala.

Tozali, bana mibali mpe bana basi ya Nzambe.

Tozali, libota útá na Nzambe. Tozali basangoli ya mabelé. Tokokonza bozalisi. Tokokela biloko bízala. Tozali Mwasi ya libala!

Tika ete tómíbonzela ya sika na mosala, mpe tómibúlisa epai ya Klisto.

Ndeko Joseph Branham

Nsango: 62-1230e Oyo Ezali Nde Elembo Ya Nsuka Mobali?

• 25-0223 Oyo Ezali Nde Elembo Ya Nsuka Mobali?
• 23-0625 Oyo Ezali Nde Elembo Ya Nsuka Mobali?
• 22-0109 Oyo Ezali Nde Elembo Ya Suka Mobali?
• 18-1230 Oyo Ezali Nde Elembo Ya Nsuka Mobali?
• 16-1218 Oyo Ezali Nde Elembo Ya Nsuka Mobali?

BranhamTabernacle.org

Baningá Mibali,

Oyo nde, elembo yangó. Oyo nde, ntango yangó. Oyo nde, Etindá. Oyo nde, Liloba. Oyo nde, Mongóngó ya Nzambe. Oyo nde, Mwana ya Moto. Oyo nde, nzela ya Nzambe epésámí. Oyo nde, nsúka ya ntango.

Mosakoli moko te, ntómá moko te, soko moké te, kati na ntango ata nini, abíká ndèle na ntango lokola oyo tozali kobika kati na yango sikawa. Ekomámí kati na bitando. Ekomámí likoló na mabelé. Ekomámí kati na zoloná moko na moko. Oyo nde nsúka soko bokokí kotánga lokomá ya lobóko.

Ye nani azali na litói, tika ete áyóka yango elobaki Nzambe, mpe etiamáki na bande, na ntina ete ézala liloba na ngai te, mabánza ma ngai te, likanisi na ngai te, kasi Mongóngó mpenza ya Nzambe kolaka Mwasi na Ye ya libala nzelá na Ye BOBELE MOKO ebongí be epesámí mpo ya lelo ezali nini.

Yaka mpe yóká lokola azali koyebisa mpe komónisa bisó na nzela ya makomí, na nzela ya bimónoneli, na nzela ya ndimbola ya ndótó, kotikala na Etíndá, kotikala na ba bande. BOBELE koloba yango ezali likoló ya ba bande.

Ezali te na nzela malamu koleka, sokí te nzela endimísámí koleka, ezánga kozala koyóka Mongóngó ya Nzambe koúta na Nzambe Ye moko. Nzambe apesaki motindo epai ya Mwasi na Ye ya libala na bolobáká kati na mosakoli na Ye mpe na boyebisáká bisó, BÓFINA PLAY, mpútu.

Lobá Yango, téyá Yango, tátólá mpo na Yango, mpe yebisa mokili na ntina na Yango, kasi Ayébisí bisó ezali na nzela sé moko ebongí be epesámaki kokómisa Mwasi ya libala na bobongi be:

koyóka Mongóngó ya Nzambe likoló ya ba bande. Soko eloko moko eleki mayéle ma yo, yóká bande. Esengeli ézala ya LIBOSÓ, mpe Mongóngó ya litombá koleka osengeli koyóka. Ezali Liloba na Ye libongí be Atiaki likoló ya bande.

Sikawa kokánisa kútu yangó na mosúsu, ndótó. Oyo ezalaki emónoneli. Bilei, Yango oyo awa. Oyo nde esiká yango.

Bóyoka, na nzela ya ndótó mpe bimónoneli, Bilei mpo ya Mwasi ya libala bizali wapi? Esiká yango nde wapi? Etindá mpo ya Mwasi ya libala ezali likoló ya ba bande.

Na bongo oyo eyókání lokola ndako, epai na ngai. Oyo nde esiká yango. Mpe soko botali malamu, ndótó ilobáki eloko yango moko, bomóní, epai wapi Biléi.

Mpo tóndimisama tosímbí Yango, ayebisi bisó mbala moko lisúsu, ba bande nde Biléi mpo ya Mwasi ya libala.

“Ntango ezali lisúsu te.” Soko ezali, tika ete tómíléngele, baningá, kokútana na Nzambe na bisó.

Ee, Nkoló, yango nde mpósá ya motema mwa bisó, koléngelama kokútana na Yo, kozala Mwasi na Yo ya libala. Esengelaki tósala nini Nkoló? Nzela na Yo epesami ezali nini? Mwango na Yo ezali nini? Nzela na Yo ebongí be ezali nini? Otindelaki bisó mosakoli oyo Okokaki koloba na kati na ye koyebisa bisó. Tobóndeli Yo lakisá bisó.

Biléi bitóndí kotonda bitiami na kati sikawa. Tika ete tósalela Yango. Tósálela Yango sikawa.

Boni moto akoki kozala akúfí miso? Ayebisi bisó eloko ya kosála: Biléi bitóndi kotónda likoló ya ba bande; bósálela biangó SIKAWA. Oyo nde lilako ya Nzambe epai ya Mwasi na Ye ya libala.

Soko ozali koloba ete ondimí Etindá oyo, ondimí William Marrion Branham azali mosakoli motindami ya Nzambe oyo atíndamáki kobianga Mwasi ya libala kobima, bomoi na ye bokokísí nyoso makomí malobaki na ntina na ye; ondimí Ezali Mongóngó ya Nzambe mpo ya lelo oyo, na bongo YE; Nzambe, koloba na nzela ya mosakoli na Ye, azali koyebisa Mwasi na Ye ya libala na Lingala polele eloko ya kosala.

Ata ko tosekámí, tonyókwámí, mpe totálámí na nsé mpo toyókaka bobele ba bande, tozali kosala mpenza kaka oyo Ayebisáki bisó tósála. Matondi Nkoló mpo ya Emóniseli.

Nalingi nabianga mokili komíbakisa na bisó Lomíngo loye na 12:00 nsima ya nzángá, ntango ya Jeffersonville, lokola tozali koyoka: “Oyo Ezali Nde Elembo Ya Ntango, Mobali?” Tokozala koyóka nyoso na ntina ya:

Nkáké, Bilembo Nsambo, Libángá Piramidi, Biléi ya Molimó, Sekó na Séko, Lipingá ya Banje, Mboka mokonzi ya mosala mwa ngai, Emónoneli, Ndótó, Lisakoli, Sekelé ibómbámí, Likomí nsima ya Likomí.

Ezali na eloko te eleki monene kati na bomoi oyo koleka koyóka mpe kotósa Mongóngó ya Nzambe.

Ndeko Joseph Branham

 Makomí:

Malaki Mokapo ya 4

St Matai 13:3-50

Baloma 9:33/ 11:25/ 16:25

1 Bakolinti 14:8/ Mokapo ya 15

Bagalatia 2:20

Baefese 3:1-11 / 6:19/ 5:28-32

Bakolose 4:3

1Batesaloniki 4:14-17

1Timote 3:16

Baebele 13:8

2 Petelo 2:6

Emoniseli 1:20 / 3:14 /5:1 / 6:1/ 10:1-7/ Mokapo ya 17

NSANGO: 61-0806 Mpóso Ya Ntuku Nsambo Ya Danyele

PDF

• 25-0216 Mpóso Ya Ntuku Nsambo Ya Danyele
• 16-1126 Mpóso Ya Ntuku Nsambo Ya Danyele

BranhamTabernacle.org

Balingami Batáleli & Bazili,

Ezali na bosepeli bonéne kati ya Mwasi ya libala lokola libosó naino soko moké te. Tozali kati na bozili na etíngiá monéne; mbúla na bisó ya yubile ebélemi koya. Mwasi ya libala azilá ntango molai mpenza mpo ya mokolo oyo kokóma. Nsúka ya likabo ya Mabota ekómí mpe ebandeli ya Sekó na séko elongó na Nkoló na bisó ekobanda nokí.

Tozali kosósola ntango tozali kobika kati na yango na nzela ya boyóki Liloba. Ntango elekí. Ntango ya Konetolama ebelemi. Tokómí. Molimo Mosanto asíli ayakí mpe amónisi epai na Mwasi na Ye ya libala makambo nyoso minéne, ya bozindó, ya sekelé.

Tokómí na nsúka, koluka Nzambe; komíbongisa. Tobwákí makambo nyoso ya mokili oyo. Mitungisi ya mokili oyo mizali  elóko te epai na bisó. Kondima ya bisó ematí na misándá ya koleka ndengé etíkalá ndèle kozala. Molimo Mosanto azali kopesa Mwasi na Ye moponami Kondima ya konétolama, mpo Áya mpe kolongola Ye.

Póso iye Ntúkú motóbá na libwá ibétí alimá; bolongwi ya Bayúda ebétí alimá; eleko ya Lingómbá ebétí alimá. Tozali na ntango ya nsúka, ntango ya nsúka, eleko na lingomba ya Laodikia, nsúka na yango. Batindami minzóto nyoso batéí etíndá ya bangó. Ebimí. Tozali sé koséma.

Ntango ya makambo maleki motó nini oyo tozali kobíka kati na yango. Ezali ntango makasi koleka ya ba ntango lokola mongúna azali kobundisa moto nyóso lokola libosó naino soko moké te. Azali kobwakela bisó nyos’oyo azali na yango. Akómí na nsúka, zambí ayebí ete ntango na ye esúkí kosúka.

Kasi na ntango yango moko, totikálá naino kozala na esengo koleka boye te na bomoi na bisó.

• Totikálá naino te kozala pene na Nkoló boye.
• Molimo Mosanto atóndísí singa moko na moko ya mosuni ya nzóto ya bisó.
• Bolingo na bisó mpo na Liloba na Ye etíkálá naino kozala monéne boye te.
• Emóniseli na bisó ya Liloba na Ye etóndisí bomoto ya bisó.
• Tozali kolonga mongúná moko na moko  na nzela ya Liloba.

MPE, totíkálá naino kondimisama boye te na oyo ezali bisó:

• TOBONGÍSÁMÁ LIBOSÓ
• TOPONÁMÁKÍ
• TOZUÁMÁKÍ KATI YA EBELÉ
• MOMBÓTO YA BOKONZI
• MOLINGAMI WA MOTÉMA
• OYO YA SEKÓ, ALÁTÍ ELAMBÁ PÉMBÉ, MAMA YESU, KOYÓKA BÁNDE, MONGENGELAMI, NGONDO PETO, OYO ATÓNDI NA MOLIMO, OYO AYEBÍ KOLÓNGAMA TE, OYO ATIAMÍ NA BOKONZI YA MWANA, OYO ABÉBISÁMÍ TE, MWASI LILOBA MOSEKA.

Nini nde ekoya nsima? Libángá lizali koya. Tozali kotálela, kozila mpe kobóndela monúti moko na moko ya mokolo na mokolo. Eloko mosúsu nyoso etali bisó te kasi komíbongisa mpo na boyéi na Ye.

Ezali te: “Tolíkíí bongo”, TOYEBI.

Ntembe izali lisúsu te. Na ntango moké, na ntango ya kobwéta líso ekosíla, mpe tokozala na ngambo mosúsú elongó na balingami na bisó nyoso mpe Ye na Elámbo na bisó ya Libala.

MPE YANGO EZALI SÉ EBANDELI…MPE NSÚKA EZALI TE!!

Yaka komíbongisa mpo na Elámbo yango ya Libala elongó na bisó Lomíngo loye na 12:00 nsima ya nzángá, ntango ya Jeffersonville, lokola Nzambe azali koloba na nzela na mwanje na Ye ya nguya, oyo Atindákí kokamba Mwasi na Ye ya libala, lokola azali koyebisa, mpe komónisa, ba sekelé nyoso ya Nzambe.

Ndeko Joseph Branham

Litéya: 61-0806- Póso Ya Ntúkú Nsambo Ya Danyele

NSANGO: 61-0730E Ntina Motoba Ya Boyei Ya Gabriele Epai Na Danyele

PDF

• 25-0209 Ntina Motoba Ya Boyei Ya Gabriele Epai Na Danyele
• 16-1125 Ntina Motoba Ya Boyei Ya Gabriele Epai Na Danyele

BranhamTabernacle.org

MolingamiMwasi na libala Oyo Azali Kosepela,

Totálisi bilongi ya bisó na epai ya Likoló kati na libóndeli mpe malómbó koyeba mokolo mpe ngonga mpenza tozali kobika kati na yango.

Lokola libosó naino soko moké te, tozali kofanda kati na bisiká ya likoló, longwá na mokili mobimba, koyóka Nzambe koloba mpe komónisa Liloba na Ye epai ya bisó na nzela ya mwanje motindami na Ye ya nguya. Mwanje motindami ya mabelé oyo Tata atindákí epai na Mwasi na Ye ya libala kati na mokolo oyo ya nsúka komónisa Liloba ya Ye.

Gabaliéle azali mwanje ya bato baponámí na Nzambe, Bayúda. Kasi epai na Mwasi na Ye ya libala ya Mabóta, Melikisedeke Ye moko ayáki mpe alobákí na nzela ya mosuni ya moto kati na mwanje ya mabelé abiangamákí William Marrion Branham, ete Ákoka koloba mpe komónisa Liloba na Ye YONSO epai na Molingami na Ye Mwasi ya libala ya motéma.

Asaláki ete Étiama na bande, Ébómbama, mpe Ébátelama, na ntina ete Mwasi ya libala Ákoka kozala na Biléi ya Ye ya molimó, Máná mabómbámí, na nsóngé ya misapi ya bangó na monúti moko na moko ya mokolo na mokolo kino na nsúka ya ntango.

Bomoto na bisó ya kati etóndí na epakweli ya lolengé wana lokola tozali koyóka Mongóngó ya Nzambe komónisa Liloba na Ye epai na bisó. Boni Azipólí Liloba na Ye ete tókoka komóna polélé mpe kosósola ntína na Yango. Ezali komónisa ngonga mpenza tozali kobika kati na yango, koyebisa bisó tozali ba nani mpe nini nde ekosalema noki mpenza; boyéi noki ya Konétolama na bisó.

Azali kútu komónisa na Mwasi na Ye ya libala yango ekosalema awa na mabelé na ntango tozali elongó na Ye na Elámbo ya Libála. Boni Akofungola míso makúfí ma bato na Ye baponámí; baoyo Abetaki na lolándá mpo na ntina ya Mwasi na Ye ya libala ya Mabóta.

Baninga na ngai, Nayebi motindo nini tolembí kolemba na mokili oyo mpe kotálela na etingiá Boyéi na Ye kozua bisó tókende, kasi tiká mpe ete tósepela mpe tózala na matóndí kati na oyo ezali kosalema sikawa mpenza libosó na míso ma bisó mpenza.

Tiká tótómbola mabóko, mitéma, mingóngó mia bisó likoló, mpe tósepela. Kaka te ete tozali kotála libosó na oyo ekosála Ye mpo na bisó nokí mpenza, kasi tiká ete tósepela na ntina na yango ezali Ye komónisa bisó SIKAWA mpenza.

Azali koyebisa bisó tozali Mwasi na Ye ya libala oyo abongísamákí libosó kosangana elongó na Ye na Liloba na Ye. Azali kondimisa bisó lisúsu na lisúsu, tozali kati na Mokáno mwa Ye mobongí be na botíkaláká na Mongóngó mwa Ye, Liloba na Ye, mwanje na Ye. Apesi bisó KONDIMA na boyebaká mpe na bosósólaká tozali ba nani:

LIOBA NA YE KOBIKA KATI NA MOSUNI.

Tozali na eloko ya kobánga te; eloko ya kotungisama na ntina na yango te; eloko ya kozala na mawa na yango te. Nayebí yango boní? NZAMBE ALOBAKI BONGO!

NA BONGO TIKÁ ETE TÓSEPELA, TÓZALA NA ESENGO, TÓZALA NA MATONDI; LILOBA YA BOMOI LIZALI KOBIKA MPE KOFANDA KATI NA BISÓ. TOZALI MOMBÓTO NA YE YA  BOKONZI YA TÓMBWÁ. 

Nandimí sóló ete Nkoló asengeli mpe kozala asepélí na boyebáká ete ntango ekómí mpe tosili komiléngele na bomíbateláká solo mpe sembo na Liloba na Ye.

Lokola elengé mobali oyo atalákí kati na talatála mpo na mbala ya libosó, tozali kotála kati na Liloba na Ye, komóna TOZALI ba nani.

Nkoló…EZALI NGAI. Nazali Mwasi Liloba na Yo ya bomoi. Nazali oyo Oponákí. Nazali kati na Yo, Ozali kati na ngai, tozali Moko.

Tozánga kozala na biyenga boni mpe kozala bato ya esengo koleka baoyo ndèle babiká likoló ya mabelé? Babulami banso mpe basakoli libosó na bisó balingaki kobíka kati na mokolo oyo mpe komóna bilaká biye kokokisama. Kasi na NGOLU ya Nzambe, Atiakí BISÓ awa.

Ndengé tózila ezali te:

Brrrr! Oo! Whew! Na maloba masúsu, ntango mongúná alongólámí, nsúka ya lisúmu eyéi, bokótisami ya boyengebene ya lobiko na lobíko eyéi, Satana atiámí elembo kati na libúlú ya bozíndó lizangí nsúka, mpe boyebi ya Nkoló bokozipa mabelé lokola mái makozipaka mbú. Amen! Nkembo na Nzambe! Ezali koya, ndeko, ezali koya!

Kopakolama nini yango ekozala mokolo mwa Lomíngo na 12:00 nsima ya nzángá, ntango ya Jeffersonville, lokola tozali Koyangana elongó útá na mokili mobimba koyóka mwanje ya Nzambe, Mongóngó ya Nzambe epai ya Mwasi na libala, komemela bisó Liteya: Ntina Motóbá Ya Boyéi Ya Gabalièle Epai Ya Danyele 61-0730E.

Ndeko Joseph Branham

NSANGO: 61-0730M Malako Ya Gabriele Epai Na Danyele

PDF

• 25-0202 Malako Ya Gabriele Epai Na Danyele
• 16-1124 Malako Ya Gabriele Epai Na Danyele

BranhamTabernacle.org

Balingami Baoyo bazali na ntina,

Ntango ya Malíli makasi ya bikámwa nini oyo tozalaki kozala na yango wana eyékolákí bisó Bileko Nsambo Ya Lingomba, na nsima Nzambe komónisa kútu koleka epai na bisó kati na Búku ya Emoniseli ya Yesu Klisto. Lolengé mikapo misáto mia libosó ya Emoniseli mizalaki Bileko ya Lingómbá, na nsima lolengé Yoane azuamáki na likoló kati na mikapo ya 4 mpe ya 5 kotálisa bisó makambo masengelákí koya.

Kati na mokapo ya 6, Amónisáki lolengé Yoane akitísamáki likoló na mabelé lisúsu komóna makambo kosálema maye makokende longwá mokapo ya 6 kino ya 19 ya Emóniseli.

Boni Mwasi ya libála akopámbolama na mwa Lomíngo lokola tozali koyóka Mongóngó ya Nzambe koloba na nzela ya mwanje na Ye ya nsambo ya nguya mpe koyebisa bisó oyo ekomónisama nsima.

NAzali na nsai mingi koyebisa ete tokobanda sikawa boyekoli bonéne bwa Póso Ntúkú Nsambo ya Danyele. Mosakoli alobaki ete ekokangisa oyo etikali kati na Etindá libosó tókoka kokende kati ya Bilembo Nsambo; Keleló Nsambo; Malózí Másáto; mwasi likoló ya mwésé; kobwakama ya zábolo motáné; nkóto Mokámá na ntúkú minei na minei baoyo batiámí elembo; yónso ezali kokóma kati ya ntango oyo.

Búku ya Danyele ezali mpenza manáka mpo ya eleko mpe ntango tozali kobika kati na yango, mpe ata émónana kpókósó boni, Nzambe akofungola mpe akoyéisa yango petee mpo ya bisó.

Mpe Nzambe ayebi ete yango ezali ngai koluka sikawa, ete Nákoka kobóndisa bato na Ye mpe koyebisa bango yango ebélemi, ézala awa na ntóngó oyo, mpe libandá Kúná na mikili ba bande oyo ikokende, mokili mobimba, ete tozali na ntango ya nsúka.

Tozali bato toponámí na Nzambe baoyo tozali kozila na etingia mpe kobóndela mpo ya mokolo yango mpe ngonga yango. Mpe miso ma bisó matálí epai ya Likoló, mpe tozali kotálela Boyei na Ye.

Tika ete banso tózala pelamókó Danyele mpe tóbóngola bilongi na bisó na epai ya Likoló, kati na libondeli mpe malómbó, wana eyebi bisó na nzela ya botángi ya Liloba mpe na boyóki Mongóngó na Ye, boyei ya Nkoló ezali kobelema noki noki; tozali na nsúka.

Sungá bisó Tata kotia pembeni bozitó nyoso, lisúmu nyóso, kozanga kondima ya moké nyoso oyo ezali kokanga bisó na petee. Tiká ete sikawa tópúsa na epai ya elembo ya ebiangeli ya likoló, na boyebáká ete ntango ya bisó ezali na ndelo.

Etindá esí ebimí. Nyoso ebelemi sikawa; tozali kozila mpe kopéma. Lingómbá litiami elembo mosika. Bato ya kanza bazali kolútisa kanza ya bango. Mangómbá mazali kokóba kozinda kati boí mangómbá, kasi babulami na Yo Bazali kobelema na Yo koleka.

Tozali na Mongóngó kogánga útá na lisóbé, kobianga bato bázonga na Etindá ya ebandeli; kozónga kati na makambo ya Nzambe. Tosósoli na nzela ya Emóniseli makambo maye mazali kosálema.

Yaka komíbakisa na bisó Lomíngo loye na 12:00 nsima ya nzángá, ntango ya Jeffersonville, lokola Nzambe azali komónisa Liloba ya Ye epai na bisó, wana ezali bisó kobanda boyekoli bonéne na bisó ya Búku ya Danyele.

Ndeko Joseph Branham

61-0730M– Malako Ya Gabaliéle Epai Ya Danyéle.