Sierra Vista Fellowship

24-0505 MITUNA MPE BIYANO # 2

May 4, 2024 admin5

Nsango: 64-0823E MITUNA MPE BIYANO # 2

Molingami Mwasi Liloba Oyo abongi be,

Tozali na biso kozila kaka Boyei ya Nkolo.

Kobatela miinda mia biso mipetwi, mitóndí kotonda na mafuta, koyoka Liloba limónisami mói na butú. Kati na mabondeli, ngonga nyoso; mokolo nyoso te, ngonga nyoso. Tozali na biso kaka komilengela na botikalaká na kati mpe bondimáká LILOBA NYOSO.

Tozali kotalela, ntango nyoso, baoyo bazali kolala kati na putulú ya mabelé bálamuka liboso. Kati na mwa ntango, tokomona bango; ba tata, ba mamá, mibáli, basi, bandeko babali mpe bandeko basi. Bango wana, batelemí libosó na biso mpenza. Tokoyeba na ntango yango, tokómí, ntango eyéí. Kondima ya Konetolama ekotondisa bomoto, makanisi mpe nzoto ya biso. Nsima nzoto iye ya kopola ikoláta kozanga kopola kati na Ngolu ya konetolama ya Nkolo.

Na nsima tokobanda koya elongó. Biso baoyo tozali na bomoi mpe totikali tokobóngwana. Nzoto iye ya kufa ikomóna kufa te. Na pwasa, ekozala lokola nde eloko moko kokómba koleka likoló na biso…tokobóngwana. Longwa na mpaka mobali kino elengé mobali, longwa na mpaka mwasi kino na elengé mwasi.

Nsima moké, tokozala kotambola lokola likanisi elongo na baoyo basili kosekwa. NA NSIMA…NKEMBO…tokomemama na bango elongo kokutana na Nkolo na mipepe.

Ntango nini yango ezali koya mpo na biso. Monguna AMEKAKA ko bóla biso na nsé ntango nyoso, na bolózí ya mabánza, mpe kolemba na motéma, kasi Nkembo na Nzambe, akoka te. Tozali na Emoniseli ya koyeba Azali NANI; Atindakí nani kobianga biso kobima, tozali Banani, ezali te tokozala banani, kasi TOZALI BA NANI. SIKAWA Etiami lóngo kati ya BOMOTO, MOTEMA mpe MOLIMO na biso, mpe eloko moko te ekoki kolongola yango na biso. Toyebi Boniboni? Nzambe Alobaki bongo!

Oyo ezali ezalelo ya biso te, ezali nyoso ya yo, Satana, okoki kozala na yango. Tolingi ata ndambo na yango te mpe tosengeli na yango lisusu te. Tozali na Ezalelo Ekoya esilaki kotongama mpo ya biso. Mpe tólobaka naino, zábolo, tosili kokata ntina, EBÉLEMÍ Botongi bosili. Misala miké mia bosúkisi mikokí na esika yango. Mpe nazali na nsango lisusu mpo na yo, NOKI MPENZA, Azali koya kozua biso mpo tókoka kozala na mibú 1000 ya bosepeli makwéla bozángí kotémisama elongó na Ye, mpe obiangámí te, mpe okozala kuna te.

Makambo ya nkembo nini oyo Etindá oyo ezali komonisa biso ntango nyoso to Finaka Play. Nzambe Ye moko Akitáki mpe Alobaki na nzela ya bibebú ya moto na ntina ete Akoka koyebisa biso makambo manso maye. Aponaki biso mpe Apesaki biso Emoniseli ya solo mpe MOBIMBA ya Ye moko.

Azalaki Liloba likómí mosuni, ezali te Liloba ya mokolo ya Mose, Mose azalaki na mokolo wana, Liloba; ezali te Liloba na mokolo ya Noa, Noa Azalaki Liloba mpo ya Mokolo wana; Ezali te mokolo…Liloba mpo ya mokolo ya Elia, Elia Azalaki Liloba yango mpo ya mokolo yango; kasi Azalaki Liloba na eleko beébeé, mpe bazalaki kobika na nsima.

Bobelemí?…Yang’oyo eyei. Ezali poké etóndi mbala mibale mpe etóndi bozitó meké, mpe tolingí Yango mingi mpenza!!

Eloko yango moko ezongeli! Nde elembetele ya Molimo Mosanto, ntango Nzambe amónisí yo mpe omóni yango, ELOBI NKOLO mpe oyambi yango. Ezali te oyo ezali yo, oyo ezalaki yo, to eloko moko te na ntina na yango, ezali nde oyo Nzambe asalí mpo na yo sikawa. Elembetele yango wana.

Aleluya, Akótisi losété na kati. Sikawa tika ete tóyoka Ye kokangisa Yango.

Apesi biso elembetele ya Molimo Mosanto, Yoane 14. Alobaki: “Nazali na makambo mingi ya koyebisa bino, Nazali na ntango te ya kosala yango, kasi wana ekoya Molimo Mosanto, Akoyebisa bino, koyeisa na ekaniseli na bino makambo mayebisaki ngai bino, mpe Akoyebisa bino lokola makambo makoya.”

Bozali komona te? Elembetele yango wana. Oyo wana nde koloba libosó mpe kozala…kozala na ndimbola ya Bonzambe ya Liloba likomámí. Sikawa, oyo wana te nde elembetele ya mosakoli?

Molimo Mosanto nde mosakoli ya eleko moko na moko. Azali mosakoli ya eleko ya biso. Liloba likoyaka BOBELE epai ya mosakoli wana. Ezali Nzambe koloba mpe komimónisa na nzela ya mosakoli na Ye. Azali Liloba mpo ya mokolo. Etindá oyo, LIKOLÓ NA BANDE nde ndimbola ebongi be ya Liloba, na bondimisami ya Bonzambe.

“Wana oyo Ebongí be ekoya, oyo nyoso ezali ya ndambo ekolimwa.” Na bongo biloko nyos’oyo mikémiké ya kopumbwa likoló na nsé lokola mwana, komeka kosolola minoko ya sika, mpe biloko bisúsu biye binso, wana oyo Ebongí be…Mpe lelo tozali na, na nzela ya lisungi ya Nzambe, ndimbola ebongí be ya Liloba na bondimisami ya Bonzambe!

Na boye nyoso ya ndámbo-ndámbo esili kolimwa. “Wana ezalaki ngai mwana, nalobaki pelamoko mwana, Nasósólákí lokola mwana; kasi esilí ngai kokóma moto mobimba, Nabwaki makambo manso ya bo mwana.” Amen!

Oyo ebongi be esili koya; ndimbola ebongi be ya Liloba. KOFINA PLAY. Nde nyoso Mwasi na Ye ya libala asengeli na yango, mpe nyoso alingí.

Boya mpe bó Fina Play elongó na biso Lomingo loye na 12:00 nsima ya nzángá, ntango ya Jeffersonville, mpe bóyoka LILOBA LIBONGI BE ELONGO NA NDIMBOLA EBONGI BE, NA BONDIMISAMI YA BONZAMBE wana ezali biso koyoka:

Mituna Mpe Biyano # 2- 64-0823E

Ndeko Joseph Branham

24-0428 MITUNA MPE BIYANO # 1

April 27, 2024 admin5

Nsango: 64-0823M MITUNA MPE BIYANO # 1

Balingami bayoki ya Bande,

Nakoki kaka koloba yango na koleka te, ezali na ELOKO TE ya monene koleka koyoka Mongóngó ya Nzambe koloba na biso na nzela ya mwanje motindami na Ye oyo andimisami mpo na mokolo na biso. Emoniseli nsima ya Emoniseli Nkolo azali komonisa biso. Ezali na nsuka te na Yango. Liteya moko na moko ezali lokola toyokaki Yango naino te. Ezali Liloba ya Bomoi, Manna ya sika, Bilei bibómbamáki bia Nzambe mpo na Mwasi na Ye ya libala, mpe nyonso oyo tosengeli kosala ezali KOFINA PLAY.

Toyoki nyoso na ntina ya Konetolama NA BISO oyo ekoya noki. Tozali kokende…GLORY, TOZALI KENDE na Lipati ya Libala. Abongisaki BISO liboso kozala Kuna na boyebi na Ye makambo liboso, mpe ezali na eloko moko te ekopekisa yango. Liloba awa lisangani na moto, mpe bango mibale bakomi Moko. Ezali komonisa Mwana ya moto. Liloba mpe Lingomba bakómí Moko. Nyoso Mwana ya moto asalaki, Azalaki Liloba, Lingomba lisálaka eloko yango moko.

Yambo nakóba, okoki kolinga kotanga yango lisusu!! Ndenge nini tokoki kotika zábolo akitisa biso? Koyoka oyo tozali kotalela. Koyoka tozali ba nani. Koyoka oyo ezali koleka SIKAWA.

Tozali kokende wapi? Na Lipati na BISO ya Libala oyo tobongisamaki liboso na ntina na yango na nzela ya boyebi na Ye makambo liboso, epai wapi BISO, Liloba na Ye mpe Lingomba, tokomi MOKO ELONGO NA YE, mpe nyoso Mwana ya Moto Asalaki, TOSALAKA ELOKO YANGO MOKO!!

Na nsima toyokaki nyonso na ntina ya Ezalelo ya Biso Ekoya. Nzambe Mobongisi asali Engumba ya BISO ya Sika, epai wapi Akofanda na BISO, Mwasi na Ye ya Libala. Atongí Yango mpe Atii eloko nyoso ya moke kaka mpenza na mpósa na BISO; kaka oyo Tolingaki kosepela na yango. Epai wapi ekozala na bosenga ya pole te, mpo Mwana na Mpate akozala Pole na biso. Epai wapi mosakoli akofanda pembeni na ekuke ya biso; akozala mozalani na biso. Tokolia longwá na banzete wana, tokotambola na balabala wana ya wolo tii na Etóko mpe tokomela. Tokotambola na ba paladíso ya Nzambe, na Banje kopumbwapumbwa likolo ya mabelé, koyemba ba nzémbo. Nkembo! Aleluya!

Kokokisa Liloba na Ye epai na biso; Ye, Likonzí ya Móto, asalaki ete elílí na Ye ézuama elongo na mwanje na Ye motindami kotálisa mpe koyebisa mokili, “Boyoka Ye.” Esengeli te totia ntembe na Liloba moko, mpo Ezali liloba ya mosakoli te, Ezali Liloba ya Nzambe lilobámélí Mwasi na Ye ya libala. Na nsima Ayebisaki biso, tozali na etáliseli útá na bobongisami liboso, kondimisa biso. Amonaka biso te, Ayokaka kaka mongóngó na biso na nzela ya Makila ya Yesu. Tobongí be na miso na Ye.

Bozindo bozali kobianga bozindó lokola naino soko moké te, mpe Tata azali kotondisa biso na Liloba na Ye limónísámí. Eloko nyoso tosengeli koyeba etiamaki na bande mpe epesami na BISO. Ezali kaka na nsuka te na Etíndá oyo Liloba ya Bomoi. Ezali na eloko moko te monene koleka koyeba TOZALI Mwasi na Ye ya Libala. Bondimisami ezali koyeba ete koyoka Mongóngó wana, Kofina Play, ezali Mokano mwa Nkolo mobongí be; Manáka ma Ye Apesaki.

Ezali na mingi mosusu ezali koya! Ezali Liloba liyebi kokauka te ya Mai ma Bomoi mpo na Mwasi na Ye ya Libala. Totíkálá naino kozala na mpósa makasi boye libosó Soki moké te na bomoi na biso mobimba, kasi tozwá naino bopémi ya boye soki moké te wana ezali biso komɛla mpe komɛla nyonso tolingi.

Lomingo moko na moko, Mwasi ya libala asepelaka mingi koyangana elongo na eteni ya Mwasi ya libala útá na mokili mobimba, koyoka Akomónisa nini nsima. Ayebisaki biso soko tokoki koya awa na Eyanganelo te, kokende na losambo esika moko boye; tókende na yango.

Tokokí te biso banso koyangana elongo na ezalelo efándí mosakoli; esika na ye ya mosala epai wapi atiamáki, kasi tokoki kobongola mangomba na biso, to Bandako na biso íkóma bandakonzambe, epai wapi totii ye na etéyelo. Epai wapi tokoki koleisama na LILOBA LIBONGI BE BOBELE LOLENGE LIMÓNÍSÁMÁKÍ.

Ezali na bokutani bonéne te, bopakolami bonéne te, esika monene te ya kozala koleka kofanda elongo na bisika ya Likoló, koyokaka Mongóngó ya Nzambe.

Nabiangi bino boya koyoka Mongóngó ya Nzambe mondimisami elongo na biso Lomingo loye na 12:00 nsima ya nzángá, ntango ya Jeffersonville, lokola azali koloba na biso mbala moko lisusu na nzela ya mwanje na Ye motindami, mpe azali koyanola mituna nyonso tozali na yango na mitema na biso, mpe kondimisa biso ete tozali Mwasi na Ye ya Libala.

Ndeko. Joseph Branham,

Liteya ya mokolo mwa Lomingo: Mituna Mpe Biyano #1 64-0823M

24-0421 Kondimisa Liloba Na Ye

April 20, 2024 admin5

NSANGO: 64-0816 Kondimisa Liloba Na Ye

Molingami Lingomba- Mwasi ya Libala,

Mwana ya moto ayei mpe amimonisi kati na mosuni ya moto epai ya Mwasi na Ye ya libala. Alobaki Yango, tondimi Yango, mpe Akokisi Yango. Tozali Lingomba- Mwasi na Ye ya Libala oyo tomibongisi na boyókáká mpe bondimáká Liloba nyonso libimákí na monoko na Ye.

Ekozala na Lisekwa ya bakufi. Akokokisa yango. Ekozala na Konetolama ya Lingomba. Akokokisa yango. Ekozala na Bokonzi moko ya bilánga nkóto. Akokokisa yango. Ekozala na Likoló ya sika mpe nsé ya sika. Akokokisa yango, mpo ete Liloba na Ye lilobaki bongo.

Biso nde tokozala kuna. Akokokisa yango. Biso nde tosili kokóma eteni ya Liloba oyo. Abongisaki BISO libosó mpo na kozala Kuna. Ekozala na Konetolama na boyebi na Ye makambo liboso mpe eloko moko te ekopekisa yango, tokozala kuna!

Satana amekaki bandá kala mpo bato bábete ntembe kaka na Liloba moko oyo lilobámákí. Bino nde bósála bongo te. Bóndima kaka Liloba moko na moko. Osengeli kondima Liloba nyoso mpo ózala Kuna. Ezali liloba ya mosakoli te, Ezali Liloba ya Nzambe oyo litiámákí mpe libómbamákí likoló na ba Bande.

Nganga-nzambe monene, episkópo, kadinali, mobateli? “Nzambe! Liloba nyonso likobimaka na monɔkɔ ya Nzambe.” Toyebí boni ete ezali Liloba ya Nzambe? Alobi bongo, nsima Akokísí Yango. Akokisaka Liloba na Ye.

Osengeli kondima Liloba nyoso likobimaka na monoko ya Nzambe. Akokisaki Yango ete ezali Liloba na Ye likoló na ba Bande. Asili kotálisa ete William Marrion Branham azali mwanje na Ye ya Nsambo motindami; Mongóngó ya Nzambe mpo ya mokolo na biso. Baoyo banso bandimi Etindá mpe motindami te bakokufa.

Sikawa , nazali kaka koloba na bayóki oyo te. Oyo etiámí na bande, bomoni, mpe Ekendaka na mokili mobimba. Bosósólí, bato ya mokili, ete Liloba moko, Liloba moko, lisakola moko te, libóké ya masakola te, Liloba moko, nde nyoso Ewa azangaki kondima.

Azali Liloba, mpe tozalaki eteni ya Liloba na Ye. Yango nde ntina tozali awa, kondimisa esika na biso kati na bomoi. Kondima Liloba nyonso. Kotikala na Liloba. Kotálisa Mwasi ya Libala na Liloba moko na moko lizalí likoló ya bande.

Na mokolo na biso, Mwana ya moto amónisámi. Akangísí Lingomba na Motó; asangísí libala ya Mwasi ya libala. Kobianga ya Mobali ya libala eyei. Mwana na moto ayei na mosuni ya moto kosangisa bango mibale elongo. Ye nde Liloba. Tozali Liloba na Ye, mpe bango mibale basangani elongo.

Ekosengela na bomónisami ya emóniseli ya Mwana ya moto… Moyangeli ya lingomba te…Yesu Klisto, akokita na mosuni ya moto kati na biso, mpe akosala Liloba na Ye mpenza solo ete ekosangisa Lingomba mpe Ye lokola moko, Mwasi ya Libala, mpe na nsima kokende Ndako na Lipati ya Libala. Amen.

Bomonisami ya Liloba ekosangisa Mwasi ya libala. Ezali komonisa Mwana ya moto lisusu, bato ya teoloji ya lingomba te. Mwana ya moto! Liloba mpe Lingomba bakómi moko. Nyoso esaláki Mwana ya moto ezalaki Liloba. Biso, Mwasi na Ye ya Libala, tokosala eloko yango moko.

Tosangani na Molimo Mosanto, Liloba na Ye, Mongóngó na Ye, mpe tozali komilengela kokende na Lipati ya Libala. Liloba lisangisí biso, mpe nyoso mibale bakomi MOKO.

Tolobi BA BANDE, BA BANDE, BA BANDE. Esengeli koyoka ba Bande na bandako na bino, na mangomba na bino. Tolobáméli mabe mpo na kotia litómbá mingi likoló ya koyoka ba Bande. Mpo na nini tolobí bongo? Nani azali koloba na BISO likoló ya ba Bande?

Sikawa, bókanisa, ezalaki Yesu te kosolola na Abalayama kuna, oyo akokaki kososola makanisi na motema ya Sala nsima na Ye. Yango ezalaki Yesu te, Abotamaki naino te. Kasi ezalaki Moto moko kati na mosuni ya moto, oyo Abalayama abiangaki “Elohim, Mozui monene ya Nguya Nyonso.”

Soko ondimí ete Mwana ya moto Amonisami kati na mokolo na biso; Nzambe koloba na nzela ya mbɛbu ya moto, ndenge nini moto akokaki te komona litómbá ya kotia Mongóngó wana lokola MONGÓNGÓ YA LITOMBÁ KOLEKA OSENGELI KOYOKA?

Nazali koloba mabe te na basusu baoyo bamonaka te mpe bandimaka te oyo tondimí; bazali bandeko na biso mibali mpe basi, kasi NASEPELI MINGI KOLEKA, NATÓNDI KOTÓNDA, NANDIMISAMI KOLEKA ete oyo nde nzela epesami na Nzambe epai na Mwasi na Ye ya libala. Nakoki kosala eloko mosusu te.

Mpo na ngai mpe ndako na ngai, Kofina Play nde NZELA BOBELE MOKO.

Nabiangi mokili mbala moko lisusu koya mpe kosangana elongo na biso mokolo mwa Lomingo na 12:00 nsima ya nzángá, ntango ya Jeffersonville, lokola tozali koyoka Kokokisa Liloba Na Ye 64-0816.

Ndeko. Joseph Branham

Makomi ya kotanga liboso ya losambo:

St. Matai 24:24

St. Malako 5:21-43 / 16:15

St. Luka 17:30 / 24:49

St. Yoane 1:1 / 5:19 / 14:12

Baloma 4:20-22

I Batesaloniki 5:21

Baebele 4:12-16 / 6:4-6 /13:8

I Mikonzi 10:1-3

Yoele 2:28

Yisaya 9:6

Malaki 4

24-0414 Ezalelo Ekoya Ya Mobali Ya Libala Ya Likoló Mpe Mwasi Ya Libala Ya Mabelé

April 13, 2024 admin5

Nsango: 64-0802 EZALELO EKOYA YA MOBALI YA LIBALA YA LOLA MPE MWASI YA LIBALA YA MOKILI

Molingami Múngwa Ya Mabelé,

Oo, molingami Mwasi ya libala, ntango nini oyo tozali na yango, kofanda elongo na bisika ya Likoló, libosó ya Liloba, kokémba, koyeba tozali banani, toúti wapi, mpe tozali kokende wapi.

Koyeba, útá na bozindó ya mitema na biso, tozali SIKAWA bana mibali mpe bana basi ya Nzambe. EZALI Te tokozala, tozali SIKAWA. Tozali biteni ya makanisi ya Nzambe.

Ntango Satana abundisaka biso, mpe amekaka kotalisa biso mabunga na biso, makambo na biso ya kala, mpe kokwea na biso ya mokolo na mokolo; ntango ameki kobuka biso na nsé kati na makanisi mpe molimo na biso na nkutá na ye, tokaniselaka kaka ye mpe toyebisaka ye, “Nzambe, útá kozalisama ya mokili, amonaki ngai liboso; ezali solo Satana, NGAI, mpe Atindaki Yesu kosikola NGAI.” OZUÍ!

“SikawaSatana, tika ngai, mpo Makila ya Mwana na Ye ezali koloba mpo na NGAI. Nakoki kosúmuka te. Mabungá na ngai, iyo, ebelé ya mabungá na ngai, ekoki kútu komónama na Nzambe te. Eloko kaka moko Ayokaka ezali mongóngó na NGAI kosambela mpe kosanzola Ye, mpe eloko sé moko azali komona ezali etáliseli na NGAI.”

Etaliseli na biso ezali koyanganisa biso útá na ebimelo ya ntango mpe elimwelo ya ntango, na likoló mpe na ngelé, kosangisa biso na nsé ya Liloba Apesaki mpo na Mwasi na Ye ya libala likoló ya bande. Ezali eloko sé moko oyo Akomemia; mpo Ezali Nzela na Ye epesamaki.

Nini nde Akoyebisa mpe Akomónisa biso nsima? Toyoká Ye koloba na nzela ya mosakoli na Ye mbala mingi mpenza mpe koyebisa biso na ntina ya lolenge ezalelo na biso ya sika ekozala, kasi mbala oyo ekozala lokola nde toyokaki naino eloko moko te na ntina na Yango liboso.

Nzambe Motongi abongisaki oyo mpo na Molingami na Ye. Bomoni? Oo, esika nini oyo esengeli kozala, ntango, Lolenge ya Bonzambe, Nzambe Motongi abongisaki yango mpo ya Eténi ya Bonzambe oyo ebongisamáki libosó na Motindo ya Bonzambe, na nzela ya Nzambe ya Bonzambe Oyo—Oyo azali Mobandisi ya Bomoi ya Bonzambe! Engumba yango ekoúlana nde na nini? Bokanisa naino yango!

Tokoki mpenza te komipekisa. Kosepela mpe bozili na biso ezali tii na sóngé. Mitema na biso mizali kobeta noki noki mpo na koyoka Nzambe koloba mbala moko na biso mpe koyebisa biso ete azali sikawa kosala mpe kobongisa Ezalelo na biso ya sika mpo ete tokoka kobika Seko na Sekó elongo na Ye.

Nini mosusu tokoyoka, mpe nini ekomonisama na biso Mokolo mwa Lomingo, wana ezali Ye koyebisa biso nyoso na ntina ya Kobongisama libosó, Etáliseli, Lotómo, Mokolo ya Mwambe, Ngomba Mosanto, Piramidi, mpe Kobiangama ya Bule?

Tokoki nde kozinga makanisi na biso zingázingá na makambo mazali kosalema sikawa mpenza? Nzambe azali koyanganisa Mwasi na Ye ya Libala útá na mokili mobimba mpo ákoka koyebisa biso Ezalelo na biso ya sika ekoúlana na nini. Akoyebisa biso tii na mwa makambo nyonso ya mikemike. Ntango ya nkembo nini oyo tokozala na yango.

Epai mosusu, bitumba na biso bikómá naino makasi boye libosó te. Satana azali kotúta biso lokola libosó naino te. Bitumba na ye bimónaní te lokola nde bizali kokita to kolongwa.

Kasi NKEMBO na Nzambe, KONDIMA na biso kati na Liloba na Ye ematá naino boye libosó te. KONDIMA na biso na boyebáká tozali banani etiamí lóngo na bozindó ya bomoto na biso, na motindo ete tokoki koningisama te.

Tozali na ELOKO TE ya kobanga; ELOKO TE ya komitungisa mpo na yango. Tata azali na mokumba na biso mobimba. Azali kokamba mpe kotambolisa LITÁMBÉ NA BISO MOKO NA MOKO. Asimbi biso na motema ya Litándú na Ye. Satana azali kaka mobángisi oyo nsuka na ye ebelemi, mpe ayebi yango. Ye nde azali kobanga, ayebi ete azali na likambo na Mwasi Liloba Lilobámí ya Nzambe mpe alongami mbala nyonso.

TOZALI LILOBA. Tozalaki kati na Ye útá ebandeli. Tokozala yango mokolo mosusu te, TOZALI YANGO SIKAWA. Soko tozali Liloba, na bongo tokoki KOLOBA LILOBA, SOKO KAKA TONDIMI….MPE TONDIMI.

Ozali to mondimi (LILOBA) to ozali mobeti ntembe (LILOBA TE). Ezali na singa moko te na nzoto na biso oyo ezangi kondima Liloba ata moko. Nde yango! Toútí kaka kotalisa na Satana: tozali Liloba. Tokoki kozala loposo ya nsé ya likaká, KASI TOZALI NAINO KAKA ETENI YA NZOTO!!!

Na bongo ntango mobúki lokuta wana ayei nsima ya moko na biso, Mwasi ya libala ayei elongo longwa na mokili mobimba mpe to BETI YE MPE TOBETI YE na Liloba.

Ntango malali mayei likoló na moko na biso, tosanganaka elongo mpe to TOBETAKA YE! Ntango moko na biso amiyókí ete akómí na nsé mpe akití tosalaka nini biso banso? KOBETA YE!

Tozali kokende Ndako, Mwasi ya libala. Ntango ekoki. Mwasi ya libala amibongisi. Tozali na kati ya BWATO. Akangi ekuke mpe tobatelami na kati. Tokoki koyoka mozíki mpo ya Mwasi ya libala kotambola na elekelo kosangisama elongo na Mobali ya libala.

Tokozala na bosepeli ya makwéla ma biso mpo na bilánga 1000, nsima tokokende elongo moko na mosusu mpe Ye na Ezalelo na biso ekoya.

Bozanga yango te, baninga. Ezali bobele na nzela moko epesami mpe endimisami na Nzambe: Ba BANDE. Ezali Likonzí ya Móto koloba mpe kokamba Mwasi na Ye ya Libala.

Eloko sé eloko ekosala yo, tia Mongóngó wana liboso na yo mpe libota na yo Lomingo loye. Kondima eyaka na nzela ya koyoka, koyoka Liloba, mpe Liloba liyaka epai ya mosakoli. Molimo Mosanto azali Mosakoli mpo na mokolo na biso koloba na Mwasi na Ye ya libala na nzela ya ba Bande.

Otómbelamí boyei bolamu komibakisa na biso Lomingo loye na 12:00 nsima ya nzángá, ntango ya Jeffersonville, lokola eteni ya Mwasi ya libala bakosangana elongo, koyoka, banso na ntango moko, Nzambe koloba na nzela ya mwanje na Ye ya nguya mpe koyebisa biso manso na ntina ya: Ezalelo Ekoya Ya Mobali Ya Libala Ya Likoló Mpe Mwasi Ya Libala Ya Mabelé 64-0802.

Ndeko Joseph Branham

24-0407 Mabulu Matobwani

April 6, 2024 admin5

NSANGO: 64-0726E Mabulu Matobwani

Balingami Bameli Útá Na Etóko,

Mwasi ya libala akozala ndenge moko lisusu te nsima ya nsuka ya mpóso ya Pasika ya Káfúkafu oyo Nkolo apesaki biso. Tokangamaki na kati elongo na Ye, kozala na boyokani mpe kosambela Ye nsuka ya mpóso mobimba. Bozali na ye etondisaki bandako na biso mpe mangomba na biso.

Tozalaki na nsé ya bozili na etingia monene ya ndenge wana. Toyebaki oyo ezalaki Mokano ya Nkolo mpo na biso. Nzambe azalaki komilengela kosala likambo moko. Tokangaki mokili mpe biloko nyonso na yango ya kobenda bokébi. Tosanganaki útá na mokili mobimba na lobánzo moko. Tozalaki kofanda elongo na bisika ya likoló, komilengela lokola Azalaki kosolola NA BISO na nzela.

Mitema na biso mizalaki kogánga: “Nkolo, sala ete nazala mingi lokola Yo. Bongisa ngai mpo na boyei na Yo noki. Pesa ngai Emoniseli koleka. Molimo Mosanto na Yo átondisa nsinga nyonso ya bomoto na ngai.”

Lokola losambo moko na moko lobandáki, tolobaki na kati na biso mpenza:“Ekoki kozala nde boni? Nayoká Mateya maye bomoi na ngai mobimba, kasi sikawa nyonso emonani lokola nde ya sika, lokola nde nayokaki yango naino liboso te. Azalaki komónisa Liloba na Ye na mitema mpe milimo na biso lokola liboso naino te.

Emoniseli eleki na nguya eyaki lisusu na mitema na biso… Ezali Ye…YE. Ezali Molimo Mosanto Ye moko KOLOBA NA BISO MBALA MOKO MPENZA.

Ngai te! Ye! Ezali nde Ye! Naúti kaka koyebisa bino, Azwi kaka nzoto na ngai. Azwi kaka lolémo na ngai, azwi miso na ngai, mpo ayebaki ete nakopesa yango epai na Ye, yango wana Ayei bobele mpe asalaki ete nasala yango. Na bongo, ezali ngai te! Ezali Ye! Mpe ngai te kuna libanda elongo na bino, ezali Ye libanda kuna elongo na bino. Ye nde Lisekwa mpe Bomoi. Oo, Nzambe, Nzambe; bóndima yango. Oo, bato: Bondima Ye. Bóndima Ye. Azali awa.

Apesi biso Emoniseli tóyéba BA BANDE nde Mongóngó ya Nzambe koloba na biso lelo. Ezali Maloba na Ye, Mongóngó na Ye…MONGÓNGÓ NA YE, etíámákí na bande mpe EBOMBAMAKI mpo tokoka ko YOKA YE koloba na biso Maloba ya bomoyi ya Seko. Nde nzela na Ye epesami mpo na Mwasi na Ye ya Libala.

Ezali Mai ya mpío, peto, Etóko kopunjuapunjua, mpe kopunjuapunjua. Na koleka emeláki biso, nakoleka togángáki: “Mosusu Nkolo, MOSUSU. Tondisa kopo na ngai Nkolo, tondisa yango Nkolo”. Mpe Asalaki yango! Na koleka tomeli, NA KOLEKA APESI BISO.

Na nsima, Satana alobámáki ete alóngami na nguya ya Nsango Malamu. Na nzela ya Nzambe ya Lola Oyo abongisaki mpe atindaki mwanje na Ye koteya Nsango Malamu epai na biso. Na nzela ya Nzambe Oyo akomáki Liloba mpe atindaki Mwanje na Ye Oyo azalaki wana kondimisa Liloba na Ye. “Bóbima na kati ya bato, na Nkombo ya Yesu Klisto”.

Zábolo ASENGELAKI KO tíka mobeli nyoso, moto ya mpasi nyoso. Sikawa nguya ya Nzambe etemisi biso lisusu na bokolongono ya nzoto mpe makasi.

Na nsima, útá na bozindó ya motema na biso tolobaki ete:

Nandimi sikawa Yesu Klisto, lokola Mwana ya Nzambe oyo asekwi, Azali Mobikisi na ngai, Azali Mokonzi na ngai, Azali Mobikisi ya nzoto na ngai. Nabikisami na nzoto sikawa. Nabikisami. Nakobika mpo na Ye Oyo akufaki mpo na ngai. Nakotelema longwá awa na bomoi ya sika, kokende liboso kosala makokí na ngai nyonso Ye Oyo…mpo na Ye Oyo asekwaki mpo na ngai. Aleluya!”

Oyo nde Mai ya Etóko tomelaka útá na yango mokolo na mokolo. Ezali liziba sé moko liútí mbala moko na Lola oyo ezali kosopana ntango nyonso. Limíkokí. Ntango nyonso mpio mpe pɛto. Lizangi kotiola soko moké te. Ezali Mai ya bomoi mazali kobongwana ntango nyonso, komonisa eloko ya sika epai ya Mwasi ya libala ntango nyonso.

Ezali kopunjuapunjua ntango nyoso. Tosengeli te kobenda yango na ebéndeli, kopusa yango na mopepe, kobalusa yango, to komibakisa na yango. Ezali liziba ya Nzambe ya Mai ya bomoi, mpe tokoki kobánza te komela eloko mosusu.

Toyoki lelo, “Mai na biso nde mai ya malamu koleka okoki komela. Totii yango na nzela ya matámbé ma biso 7 ya bokongoli. Na nsima, tobakisi minaná nyonso oyo TOKONGOLAKI lisusu na mai oyo tokanisi osengeli koloba otóndisami na mái.”

Nkembo na Nzambe, tosengeli te kozua libakú to komítúna nini tozali komela to nini ebakisami to ekongólámí. NYOSO tozali na yango bosenga ezali kati na Mai na biso. Nyonso tosengeli kosala ezali KOFINA PLAY mpe komela lokola Ezali kozólola.

Libóndi nini boye komela Mai oyo. Tokolinga kokende bakilometele na bakilometele na nzela na biso kaka komela útá na Yango, kasi tosengeli te. Tomemaka Yango bisika nyoso tokendaka. Na bandako na biso, na mangómbá na biso, na mosala, kotambwisa mítuka na biso, kokende kotambola…TO MELAKA, MPE TO MELAKA, MPE TO MELAKA.

Oo, mokili, yaka komela na Liziba oyo Nzambe apesi. Ezali esika sé moko oyo osengeli komitungisa te mpe koloba, “Nabondeli Molimo Mosanto abatela ngai ete namela eloko moko te oyo nasengeli te komela.” EZALI NYOSO LILOBA PETO LINDIMISAMI KOSOPANA LONGWA NA MAZIBA YA LIKOLÓ.

Esika mosusu ezali te mpo na Mwasi na Ye ya libala komɛla!

Yaka Komela elongo na biso na Etóko na biso Lomingo loye na 12:00 nsima ya nzángá, ntango ya Jeffersonville, lokola tozali koyoka: Mabulu Matobwani 64-0726E.

Ndeko. Joseph Branham

Makomi ya kotánga liboso ya koyoka Liteya:

Njembo 36:9

Yilimia 2:12-13

St. Yoane 3:16

Emoniseli Mokapo ya 13

Pasika 2024

March 28, 2024 admin5

Molingami Mwasi ya Libala ya Klisto,

Kalvari esengeláki èkanisama mokolo nyoso. Mpe toyokaki makambo mingi na ntina na yango, totángá mingi mpenzá na ntina na yango. Batéi batéyá likoló na yango.útá ebandeli ya ntango. Bayembi bayembá likoló na yango, kati na bileko. Basakoli balobaki yango libosó, mbula nkóto minei libosó kútu ekóma. Mpe basakoli ya lelo oyo batalisaka na nsima ntango nini ekómáki. Ezali mpenza mokolo ya litómbá koleka! Ezali moko ya mikolo ya litómba koleka oyo Nzambe atánísá ndèle na mabelé.

Koyangana ya godi nini oyo longwá na mokili mobimba Mwasi ya libala akozala na yango na nsuka ya póso oyo ya Pasika. Tokokanga bikuke ya biso mpe tokokanga mokili ya libándá kokanga.Tokokanga ba masíni na biso nyoso na ntina ete makanisi ma biso mábendama te, mpe koloba na Ye kati ya mokolo mobimba. Tokotombola mingóngó na biso epai na Ye kati na boyokani, na likanisi moko, na lobánzo moko, kokúmisa Ye, kosanzola Ye, koyebisa Ye Boniboni tolingi Ye.

Tokoyoka Mongóngó na Ye koloba na mitema na biso lokola tozali kobonzela Ye bomoi ya biso lisusu. Eloko moko te ekozala na litómbá koleka epai na biso lokola ezali biso komiléngele mpo na Boyéi na Ye ya noki. Mwasi ya libala azali komibongisa lokola naino libosó Soki moké te.

Nalingi ete biso nyoso tosangana mpo na manáka maye:

MOKOLO MWA MINEI

Ezalaki Mokolo mwa Minei na mpókwa nde Nkolo Yesu azuaki Elambo ya nsuka elongo na bayekoli na Ye, kati na ekaniseli ya Elekeli libosó ya Esóde ya bana ya Yisalaele. Libakú lilamu nini oyo tozali na yango kozala na Elambo elongo na Nkolo kati na ba ndako ya biso, libosó ya nsuka ya mpóso na biso ebónzámelí, mpe kosenga Ye álimbisa biso na masumu na biso mpe kopesa biso nyoso tozali na yango bosenga kati ya mobembo.

Sala yango, Nkolo. Bikisa mobéli. Bóndisá oyo alembí. Pesa esengo na monyókolami. Pesa kimia na oyo alembi mpe biléi epai na ye Oyo azali na nzala, bimeli na ye oyo azali na mposa, esengo na oyo atóndí na mawa, nguya epai na lingomba. Nkolo, memá Yesu Kati na biso na mpokwa oyo, lokola tobelémi kozua Elámbo kotalisa nzóto ya Ye etútámákí. Tobóndeli, Nkolo, ete Átámbolela biso na loléngé moko ya kokámwa…

Pambola basusu, Nkolo, zíngázíngá na mokili mobimba, baoyo bazali kozila na esengo boyéi ya Nkolo, na mínda mibongisamí, mpe bilekelo ya mílinga nyoso péto, mpe Pole ya Nsango Malamu kongenga kati na bisika ya molilí.

Tika ete tóbanda biso banso na 6:00 nsima ya nzángá na ntango ya mboka ya bino, koyoka Elámbo 62-0204 mpe na nsima mosakoli akomema biso kati na Elámbo ya godi mpe na Molúlú ya Kosukolana Makaká oyo ekozala koyemba na app ya Lifeline na Angelé to na nkótá isúsu na bofináká na ekanganeli ezali na nsé awa.

Kolanda Liteya, tokoyangana elongo na mabóta ya biso kati na ba ndako ya biso, mpe kolia Elámbo ya Nkolo.

MOKOLO MWA MITANO

Tika ete tokende na libondeli elongo na mabóta na biso na 9:00 ya ntóngó, mpe na nsima lisusu na 12:00 nsima ya nzángá, kobianga Nkolo kozala na biso mpe kotondisa ba ndako na biso na Molimo Mosanto lokola tozali komíbonzela epai na Ye.

Tika ete makanisi ma biso mázonga na mokolo wana na Kalvari, esili koleka mbula nkóto mibale, mpe komona Mobikisi na biso kokakema likoló na ekulúsu, mpe bongo komipesa biso mpeza motindo yango ntango nyoso kosala yango ekosepelisaka Tata:

Mpe mokolo oyo, na bozaláká na litombá koleka, moko ya mikolo minene koleka, tika ete tótala na biloko misato bikeseni mokolo yango elingaki koloba epai na biso. Tokokaki kozua mokamá na yango, kasi na ntóngó oyo, Naponi bobele biloko misáto ya motuya biye tolingi kotala yango, mpo na mwa ntango ikolanda, oyo Kalvari elingaki koloba epai na biso. Mpe Nabondeli ete ekweisa mosumuki nyoso oyo azali awa na eleko beébé; ekosala ete mobúlami nyoso ákwéa na mabóngó na Ye; oyo ekosala ete mobeli nyoso átombola kondima na Ye epai ya Nzambe, mpe kolongwa, abíkí; mosumuki nyoso, abikisami, mozóngi nsima nyoso ázonga, mpe ámíyóka nsóni; mpe mobúlami nyoso ásepela, mpe kozua etemelo ya sika mpe elikia ya sika.

Na nsima na 12:30 nsima ya nzángá, tika ete tokangana elongo kati na ba ndako na biso koyoka, Mokolo Wana Na Kalvari 60-0925

Na nsima Tika ete tókangana elongo kati na libondeli kati na ekaniseli ya bobakisami na ekulúsu ya Nkolo na biso.

MOKOLO YA PÓSO

Tika ete mbala moko lisusu tósangana banso kati na libondeli na 9:00 ya ntóngó mpe 12:00 nsima ya nzángá, mpe tólengele mitema na biso mpo ya makambo manéne Akosala mpo ya biso na kati na biso.

Nakoki koyoka Ye koloba: “ Satana, yaka awa!” Azali Mokonzi sikawa. Asemboli loboko, Azui fungóla wana ya kufa mpe akangi yango pembeni na Ye, Atingamisi yango na lokéto na Ye Moko. “Nalingi koyebisa yo. Osakaní ntango molai mingi. Nazali mobotami ya ngondo Mwana ya Nzambe na bomoi Makilá ma Ngai mazali naino ya mobésu likolo na ekulúsu mpe nyongo efutámi mobimba! Ozali lisusu na makoki te. Olongólamí makoki manso. Pesa Ngai mafungola wana!” .

Na nsima na 12:30 nsima ya nzángá, tokoya biso nyoso elongo koyoka LILOBA: Bokundami 57-0420.

MOKOLO MONENE nini oyo ekozala mpo ya Mwasi na Ye ya libala zingázingá ya mokili mobimba.

Na nsima Tika ete tókangana elongo kati na mabondeli na 3:00 nsima ya nzángá.

MOKOLO MWA LOMINGO

Tika ete libosó tólamuka na ntá ntóngó lokola esalaki Ndeko Branham na ntóngó oyo moninga na ye mwa ndeke ya tólo motáné, alamúsáki ye na 5:00 ya ntóngó. Tika bobele totónda Nkolo mpo na kosekwisa Yesu longwá na bakúfi.

Na ngonga ya Mitano na ntóngó oyo, moninga na ngai moké na tólo na ye motáné apumbwaki na lininísa mpe alamúsaki ngai. Ezalaki lokola nde mwa tólo na ye elingaki kopasuka elobaki ye ete : “Asekwi.”

Na 9:00 ya ntóngó mpe 12:00 nsima ya nzángá, tika ete tókangana lisusu kati na monyolólo na biso ya mabondeli, kobondela ba moko mpo na basusu mpe komilengele koyoka Mongóngó ya Nzambe.

Na 12:30 nsima ya nzángá, tokoya elongo koyoka Liteya ya biso ya Pasika. Elembo Ya Solo Ya Pasika 61-0402 .

Na 3:00 nsima ya nzángá, tika ete tósangana mbala moko lisusu kati ya libondeli, kotonda Ye mpo ya NSUKA YA PÓSO YA KÁFÚKAFU APESI BISO ELONGO NA YE MPE ELONGO NA MWASI NA YE YA LIBALA ZÍNGÁZÍNGÁ YA MOKILI MOBIMBA.

Epai na Bandeko na ngai mibali mpe basi na ngámbo ya bibale binéne, lokola na mbula elekí, Nalingi kobianga bino kosangana elongó na biso na ntango ya Jeffersonville, mpo na ntango inso ya mabondeli likoló na Manáka maye. Namoni atá ko bongo ete koyóka bande mokolo mwa Minei, mwa Mitano mpe mwa Póso nsima ya nzángá na ntango ya Jeffersonville ekozala kpókósó mingi mpo ya ebelé kati na bino, na bongo Nabondeli bino bomiyoka ba nsómi koyoka Mateya mango na ntango ekobonga mpo ya bino. Nzókande, ata ko bongo Nakolinga ete biso banso tókangana elongo na mokolo mwa Lomingo na 12:30 nsima ya nzángá, ntango ya Jeffersonville, koyoka Liteya ya biso ya mokolo mwa Lomingo elongo.

Nakolinga mpe kobianga bino mpe bana na bino ete bózala kati na misalá ya botongi ya creation, journaling, mpe mimekano mia YF, oyo libota na bino mobimba bakoki kosepela na yango elongo. Tokanisi ete bokolinga yango lokola nyoso ezuí mobóko na yango likoló na LILOBA tokozala koyóka nsuka ya póso oyo.

Mpo ya manáka ya nsuka ya mpóso, mayebisi likoló ya komilengela mpo ya molúlú ya Elámbo, bisaleli bikosengelama na yango mpo ya misala ya botongi ya creation, Mimekano ya Pasika, mpe mayebisi masúsu, bótala bikanganeli bizali na nse awa.

Tika ete tókanga ba telefóne ya biso mpo na nsuka ya mpóso ya Pasika, longola sé kozua bilílí, koyoka Eteni ya Liloba ya mosakoli mpo ya Mokolo, mpe koyoka bande longwá na app ya the Table, app ya Lifeline, to ekanganeli ekoki kosalemela mpo ya kozua Liteya.

Ezali lokumu lonéne mpo na Ngai kobianga bino mpe libota na bino bóya elongo na Mwasi ya libala ya mokili mobimba mpo ya nsuka ya póso etóndi na MABONDELI, MASANZOLI MPE KOBIKISAMA NA MALALI. Nandimi yango mpenza ete nsuka ya póso eye ekobóngola bomoi na bino mpo ya libela.

Ndeko Joseph Branham

Boyóki Losambo (Audio Service)

MOKOLO MWA MINEI 6:00 nsima ya nzángá ( ntango ya mboka na mboka)

62-0204 Elámbo (Elámbo ya godi mpe Molúlú ya Kosukolana makaká)

Ngonga 1 na minúti 55

MOKOLO MWA MITANO 12:30 nsima y’a nzángá (ntango ya mboka na mboka)

60-0925

Mokolo Wana Na Kalvari

Ngonga 1 na minúti 42

MOKOLO MWA PÓSO 12:30 nsima ya nzángá (ntango ya mboka na mboka)

57-0420
Bokundami

Ngonga 1 na minúti 4

MOKOLO MWA LOMINGO 12:30 nsima ya nzángá (Ntango ya Jeffersonville)

61-0402
Elembo Ya Solo Ya Pasika

Ngonga 2 na minúti 10

24-0331 Elembo Ya Solo Ya Pasika

March 27, 2024 admin5

Nsango: 61-0402 Elembo Ya Solo Ya Pasika

24-0330 Bokundami

March 27, 2024 admin5

NSANGO: 57-0420 Bokundami

24-0329 Mokolo Wana Na Kalvári

March 27, 2024 admin5

NSANGO: 60-0925 Mokolo Wana Na Kalvári