Obubaka: 63-0322 Akabonero Ak’okutaano

• 25-0413 Akabonero Ak’okutaano
• 23-0820 Akabonero Ak’okutaano
• 22-0227 Akabonero Akookutaano
• 21-0221 Akabonero Ak’okutaano
• 19-0504 Akabonero Ak’okutaano
• 17-0408 Akabonero Ak’okutaano

BranhamTabernacle.org

Omubiri Gwa Kristo Ogumu Ogw’ekitalo Abaagalwa,
Kiki ekigenda mu maaso leero? Ekigambo kya Katonda kiri mu kutuukirizibwa. Ennaku Omugole z’Alindiridde okumala ebbanga gganvu kaakano ziri mu kwolesebwa mu maaso gaffe gennyini. Ennaku nnabbi wa Katonda ze yatulabulako nti zijja kaakano ziri wano.

Akabonero kabikkuddwa. Kiki ekyo? Ekyama kyanjuluzibbwa. Olaba? Era ekyama bwekyanjuluzibwa, olwo ekkondeere livuga. Lirangirira olutalo. Kawumpuli agwa era omulembe gw’ekkanisa guggulwawo.

• Russia
• Olutalo
• Obwa nnakalyakani
• Amafuta
• Kawumpuli

Russia bw’ekkirira eyo okufuna amafuta ago, mwekalirize amaaso. Russia, enkola y’obwa nnakalyakani, tebulina kyebuwangula. Ekigambo kya Katonda tekiyinza kulemererwa. Enkola y’ekirooma y’egenda okuwangula ensi. Malayika w’okuzikiriza akyakwatiridde omukono gwa Russia ne zi bbomu nnamuzisa; OKUTUUSA NGA EKKANISA EZZE AWAMU, ERA OMUBIRI GWA KRISTO OGUMU OGW’EKITALO. “Siyinza kukola kintu kyonna, nga tonnatuuka omwo.” O ekyo bwekiba nga ssi kukakasibwa okw’omukisa!

Ekkanisa, Omugole We, ejja awamu. okuva wonna mu nsi nga Omubiri Gwa Kristo Ogumu Ogw’ekitalo, nga bawuliriza Katonda nga Ayogera era nga Avvuunula Ekigambo Kye. Tulaba Ekigambo nga kituukirizibwa munsi okutwetooloola, naye era tulaba Ekigambo nga kituukirizibwa n’okwolesebwa mu ffe.

Tuli mu kufuna kucamuka olw’okubikkulirwa nga bwekitabaangawo emabega nga obunnabbi buno butuukirira.

Ensi eri mu kukankana n’okutya. Balindiridde, nga batunula n’okwewuunya kiki ekigenda okuddako? olw’enkya lukwatiridde ki?

Bino byonna bitegeeza ki? Russia egenda kutwala amatwale? Ate eby’enfuna biri bitya?

Ebiro nga biri bityo, Omugole ali MIREMBE. TUWUMUDDE, nga tujjuzibbwa Omwoyo We Omutukuvu, nga tumuwulira nga Ayogera okuyita mu malayika We ow’ekitalo nga bw’Atugamba:
Temutya kintu kyonna ekisibo kyange ekitono, yemmwe ba swiitimutima bange abalonde. Yemmwe:

Abalonde nga emisingi gy’ensi tegginnabawo. Amiina! Era beesimbu eri Ekigambo. Amiina! Owaaye! Ekyo nkyagala. “Baayitibwa, baalondebwa nga emisingi gy’ensi tegginnabawo.” Era olwo, beesigwa eri Ekigambo, okuyita mu kusalawo kwabwe, bonna nga bacamusibbwa Omwenge omuggya n’Amafuta, nga bavugira kuli kwennyini, nga baserengeta okumusisinkana. Bamanyi nti Ebibwatuka bijja kutuyingirizaawo ekintu, mangu nnyo.

Akitegeera nti tuli beesimbu eri Ekigambo Kye. Tukikoze n’okusalawo kwaffe. Kati tuli mu kuvugira kuli kwennyini, nga tumanyi nti Ebibwatuka bijja kutuyingirizaawo ekintu mangu nnyo, era ajja kujja Atutwale mu maka Gaffe Amaggya.

N’okuba waliwo bingiko by’Ayagala tumanye. Ekintu ekimu kiri mu kubumbujjirira ddala mu mutima gwe ky’Ayagala okutugamba. Kumpi tayinza kulinda engeri gy’Amanyi nti kijja kutuwa Okucamuka. Olw’Ekisa kya Katonda, Yakkiriza nnabbi We okutulaba, abantu be, ku ludda luli nga tuli naye. Yagamba, “Bwennabalaba, mwenna mwali mu BYAMBALO EBYERU.”

Twali tukuŋŋaanyizibbwa wamu naye. Twamusitula netumuwanika waggulu nnyo eyo ku kintu ekigulumivu. Twamugamba, “ku nsi, wali mukulembeze waffe”.

Waaliyo bukadde na bukadde obwaffe nga tudduka gy’ali n’okum ugwa mu kifuba n’okumuyita, “ow’oluganda”. Mbagirawo Eddoboozi okuva waggulu lyayogera ne ligamba, “Abantu bano beebo bewakyusa b’okulembedde. Ojja kulamulwa ekyo ky’obagambye”.

Nnabbi yayogerera waggulu n’agamba, “Ekibiina kya Pawulo bwekiba nga kinaayingira, bwekityo n’ekyange kijja kuyingira, kubanga mbuulidde Ekigambo kyekimu kyennyini.” Era ffenna ne tuleekaanira waggulu FFENNA OMULUNDI GUMU N’EDDOBOOZI LIMU:

“Ekyo Kwetuwumulidde!”

Erinnya lya Mukama lyebazibwe, tuwummulidde ku buli Kigambo kyeYayogera okuyita mu nnabbi We. Tuliramulwa Kigambo ekyo. Ye ffe abaali abantu ba nnabbi. Yeeyali omukulembeze waffe eyatukulembera okutuleeta eri Kristo. Ffenna twali tutaddeko Ebyambalo Ebyeru. Twali tetuwummulidde ku ekyo omuntu omu kyeyagamba nti kyeyagamba, oba omuntu omu kyeyagamba nti kyekyategeeza, twali tuwummulidde ku buli Kigambo kyeyagamba.

Nga lunaku era kiseera eky’okubeeramu, Omugole. Bw’owulira amawulire leero, ojja kutegeera ekyabaddewo jjo. Nyiga Zannya, era ojja kuwulira ekinaabawo enkya, n’olunaku oluddako, n’olunaku oluddako, n’olunaku oluddako.

Jjangu okuŋŋaanire wamu n’Omubiri Gwa Kristo Ogumu Ogw’ekitalo ku ssaawa 6 ezoomuttuntu mu budde bwe Jeffersonville (ze ssaawa 2 ez’ekiro e Uganda), nga bwetuwulira: Akabonero Akookutaano 63-0322. Tewali kwewuunya, tewali kusuubira, naye OKUMANYA nga owulira BWATYO BW’AYOGERA MUKAMA omulongoofu okuva mu Ddoboozi lya Katonda ku lw’olunaku lwaffe.

Owol. Joseph Branham.

Ebyawandiikibwa by’okusoma nga okuwulira Obubaka tekunnatandika:

Danyeri 9:20-27
Ebikolwa by'Abatume 15:13-14
Abaruumi 11:25-26
Okubikkulirwa 6:9-11 / 11:7-8 / 22:8-9

Obubaka: 63-0321 Akabonero Ak’okuna

• 25-0406 Akabonero Akookuna
• 23-0813 Akabonero Ak’okuna
• 22-0220 Akabonero Akookuna
• 21-0214 Akabonero Ak’okuna
• 19-0428 Akabonero Ak’okuna
• 17-0402 Akabonero Ak’okuna

BranhamTabernacle.org

Omugole acamusiddwa abaagalwa,

Olunaku lw’Obubaka bwelwatuuka, ffenna twali wamu, mu kifo kimu, okuva wonna munsi, amangu ago lwe wajja okuwuuma okuva mu Ggulu ng’empewo ewuuma n’amaanyi. “Amakya amalungi, ab’emikwano. Leka tuyimirire kati akaseera katono olw’okusaba”. Omwoyo Omutukuvu yajjuza ennyumba zaffe zonna n’amakanisa mwetwali tutudde, okubeerawo Kwe.

Olwo amaanyi ag’okubikkulirwa kw’Ekigambo negatandika okutuwa okucamuka okw’essanyu, okucamuka okw’okumatizibwa; okucamuka nti Kyakakasibwa, Kyalagibwa nti Kituufu, nti yeffe Mugole wa Yesu Kristo swiitimutima omulonde.

Tulindiridde n’okusuubira okw’amaanyi Ebibwatuka Omusanvu ebyo okwatula amaloboozi gaaByo, kubanga tumanyi kati, awatali kisiikirize kya kubuusabuusa, nti ffe kibiina ekyo ekitutte EKigambo kya Katonda. Tujja kusalamu obutundu era tusale nga tukozesa Ekyo. Tusobola okuggala eggulu, tusobola okuziba kino, oba okukola ekyo, kyonna kyetwagala okukola. Omulabe ajja kusalibwa Ekigambo ekiva mu kamwa kaffe, kubanga kisala okusinga ekitala kyonna eky’obwogi obubiri. N’okuba twandiyise obuwumbi kikumi obwa kkiro lukumi z’ensowera singa tubadde tuzaagala. Kyonna KYETWOGERA, kigenda kutuukirira, kubanga ky’Ekigambo kya Katonda nga kiva mu kamwa ka Katonda.

Tuliba n’obufuzi obusukkulumu obujjuvu, kunsi, kubanga tuli ka katonda akatono. Katonda ye Katonda w’ensi yonna ng’otwaliddemu obwengula bwonna n’emunyeenye, buli wamu, naye tujja kuba n’ensi wansi w’obufuzi bwaffe ffe. Tusobola okwogera, tusobola okutuuma amannya, tusobola okugamba, tusobola okuyimiriza obutode, tusobola okukola ekintu kyonna kyetwagala; busika bwaffe bwebuzziddwawo.

Setaani agamba, “Naye balina omusango!” Naye Aleekaanira waggulu n’agamba, “TEBALINA. Baatudde ebibi byabwe era bayimirira mu maaso GANGE nga baggyiddwako omusango mu bujjuvu. N’okuba ssisobola na kukijjukira. Bali mu bujjuvu obwa buli ngeri mutabani Wange.”

Ekyo si kirowoozo kyaffe, newankubadde okubeera ekigambo kyaffe, naye KIGAMBO KYE, KISUUBIZO KYE, kubanga Katonda lubeerera takyusa Kigambo Kye newankubadde engeri Ye ey’okukolamu ebintu. Bulijjo akozesa muntu, era Atugamba yeffe Mugole We azziddwawo mu bujjuvu era ayolesebbwa oyo asigadde n’EKigambo Kye.

Tetubadde na kintu kyonna okujjako Ekigambo Kye nnakabala. Tetwogeraganyizza byakikaba, oba kakibe okutunula ku kintu ekirala kyonna , naye tusigadde n’Eddoboozi lya Katonda, Ekigambo ekyambadde omubiri nga kifuuse omubiri, Empagi y’Omuliro ekakasiddwa, Omwana w’Omuntu, Bwatyo Bw’Ayogera Mukama. Yeffe Mugole Kigambo We embeerera.

Yogera ku kucamuka olw’okubikkulirwa. Nga mwannyinaffe ku Luzzi, tekyatwetaagisa kusigalawo kiro kyonna newankubadde okusigalawo okutuusa ekiro ekiddako, tuKifunye kati kati. Yeffe nsigo Ye. Ekitangaala ekyo kyatukubako era ekintu ekimu munda ne kibwatuka okudda mu bulamu obuggya. Kati tuli mu kkubo nga tugamba buli omu, “Tuwangudde. Okwewuunya kwonna kuweddewo, Katonda Mwene Ayogera gyetuli na buli Bubaka Bwetuwulira, nga Atugamba: ‘Yemmwe bembadde nnindiridde. Kaakati ngenda kubatwala mu anemuunu (oba akaseera k’okuwummulamu oluvannyuma lw’embaga ey’okufumbiriganwa). Nkukoledde Amaka agalabika obulungi mu ngeri ddala nga bw’oyagalamu buli kimu. Tugenda kumala obutaggwawo wamu.”

Eri ffe, Amazima ag’Ekigambo kya Katonda Ekisuubize gakakasibbwa ne gabikkulwa . Yokaana 14:12, Yoweri 2:28, Timoseewo ekyokubiri 3, Malaki 4, Okubikkulirwa 10. Kaakano tujuzibbwa Amafuta era tucamusibbwa.

Wandyagadde okuba n’okucamuka kuno kwekumu? Osobola, naye waliwo ekifo kimu kyokka ew’okuKufunira. Nga Yesu lwe yali ku mbaga omwenge negubaggwako. Baali banywera ddala omwenge era gwali gubawa okucamuka, naye OMWENGE OGUSINGA OBULUNGI gwajja butereevu okuva eri Yesu Mwennyini.

Jjangu onywe Omwenge Ogusinga Obulungi era ofune Okucamuka olw’okubikkulirwa Okusinga Obulungi wamu naffe Sande ku ssaawa 6 ezoomuttuntu mu budde bwe Jeffersonville (z’essaawa 2 ez’ekiro e Uganda), nga bwetuwulira: Akabonero Akookuna 63-0321.

Wetegeke okutamiirira ku Mwenge Gw’Omwoyo Omutukuvu.

Owol. Joseph Branham

Ebyawandiikibwa by’okusoma mu kwetegekera okuwulira essomo “Akabonero Akookuna” 63-0321.
Omut.Matayo 4
Omut. Lukka 24:49
Omut. Yokaana 6:63
Ebikolwa by’Abatume 2:38
Okubikkulirwa 2:18-23, 6:7-8, 10:1-7, 12:13, 13:1-14, 16:12-16, 19:15-17
Olubereberye 1:1
Zabbuli 16:8-11
II Samwiri 6:14
Yeremiya 32
Yoweri 2:28
Amosi 3:7
Malaki 4

Obubaka: 63-0320 Akabonero Ak’okusatu

• 25-0330 Akabonero Ak’okusatu
• 23-0806 Akabonero Ak’okusatu
• 22-0213 Akabonero Akookusatu
• 21-0207 Akabonero Ak’okusatu
• 19-0414 Akabonero Ak’okusatu
• 17-0401 Akabonero Ak’okusatu

BranhamTabernacle.org

Omugole embeerera abaagalwa,

Mbadde nsaba era nga nsaba Katonda kiki kyeYandinneetaaze okuwandiika n’okwogera ekyandibadde omukisa era okuzzibwamu amaanyi mu ngeri emu, gy’oli, Omugole We. Ssirina bigambo, era ssimanyi kyakwogera. Mpulira nga ssisaanidde na kuwandiika obugambo obutonotono bwempandiika, naye ky’ekitiibwa ekisinga obw’ekitalo mu bulamu bwange okubaako ne kye mmukolera.

Nzikiriza ekiseera okuwulira Obubonero buno Omusanvu wekujjidde kituukirivu ddala. Tusobola okulaba enteekateeka ya Katonda ey’ekitalo nga ebikkulibwa era nga yeeyanjula mu maaso gaffe. Bubaka ku Bubaka bufuuka Okubikkulirwa kusingako era Okubikkulirwa okusingako. TuMulaba nga Atwebikkulira nga atukulembera. Tumanyi nti tuli mu kukola kyennyini kye Yatugamba okukola, “okusigala n’Ekigambo.” Tewali ngeri esingako ey’okukolamu ekyo esinga ku KUNYIGA ZANNYA.

Mpulira nga okuyitibwa kw’Atadde ku mutima gwange kwe kukuuma Obubaka buno, Eddoboozi Lye, entambi zino mu maaso gammwe bulijjo; okubataangaliza nga mpita mu kuwandiika obulambulukufu obusingako omugaso gw’okuwuliriza entambi. Nkimanyi nti ssisobola kukiyisaawo kituuke gyemuli bulungi, naye MMANYI ndi mutuufu mu kubagamba “NNYIGA ZANNYA,” nga bwe bitali birowoozo byange, kufumiitiriza kwange, newankubadde ebigambo byange, naye Ebigambo bya Katonda Mwenne nga Ayogera okuyita mu mubaka malayika we owomusanvu, nga Atugamba:

Oluusi bwetusoma obusomi, era, kaakano, mubeere beegendereza ddala. Era bwemusoma, mufune entambi, muziwuliririze kumpi ddala. Kubanga, ojja kukifunira ku ntambi, kubanga babadde baloongosa entambi ezo , era nnungi nnambulukufu ddala. N’olwekyo, ojja kukifunira kw’ezo mu butangaavu obusingako.

Nga bweŋŋambyenga emirundi mingi emabega, ssiwakanya buweereza oba ekintu kyonna Katonda ky’Atadde mu Kkanisa Ye. Ekyo kyandibadde kikontana n’Ekigambo kya Katonda. Nzikiriza nti bufukiddwako amafuta era buyitiddwa Katonda. Naye nzikiriza nti okuwuliriza n’okuteeka eddoboozi lya Katonda lyennyini mu maaso g’abantu kirina okubeera ekintu ekisinga omugaso omusajja yenna eyayitibwa Katonda ky’Ayinza okukola.

Tekimala okugamba, “Ntegeeza ekibiina kyange okuzannya entambi.” Bw’oba nga okkiriza:

• Tewali kufukibwako mafuta kusinga ku kuwulira Eddoboozi lya Katonda ku lutambi.
• Okubikkulirwa kwonna kulina kuva mu Ddoboozi Eryo.
• Okugonnomolerwako kw’okukkiriza okw’omuyiika kwetwetaaga kulijja kuva mu ekyo Eddoboozi eryo kyelyogera.

Omuweereza yenna ayinza atya obutaagala kuwuliriza Ddoboozi eryo, wamu n’ekkanisa ye, era agambe AMIINA ERI BULI KIGAMBO?

Buli muntu alina okubeera n’ekintu ekimu ky’awulira era ky’akkiriza nga ky’ekintu EKISINGA OMUGASO kyebayinza okukola okubeera Omugole wa Kristo. Ekintu ekimu kirina okubeera Okwagala kwa Katonda okutuukiridde OKUSINGA OMUGASO. Okwo bwe buweereza bw’omusumba wo? Okuwuliriza abasumba abalala? Siri kugamba nti ekyo kikyamu, ssi n’akatono, era ekyo kirungi ddala okusinziira ku Kigambo, naye okkiriza nti ekintu EKISINGA OMUGASO kwe kuwuliriza Eddoboozi lya Katonda erikakasibbwa ku lutambi?

Bwekiba nga ekyo ky’okkiriza nti ky’ekintu EKISINGA OMUGASO ky’oyinza okukola, olwo nsoga ki eyandileetedde obuweereza obutaagala kuzannya n’okuwuliriza BUBAKA OBUTUUKIRIDDE OBUSINGA OMUGASO obwo wamu n’ebibiina byabwe?

Weebuuze, oba buuza omusumba wo ekibuuzo kino: Okkiriza nti okunokola kuno kutuufu, oba eno nsobi era nga ow’oluganda Branham y’akitegedde obubi bubeezi, oba agezaako kwewaana?

Olaba, kyennyini ekyandibaddewo kati! Era, eri ekkanisa, Kyeki? Ekigambo Ekyambadde omubiri nga kifuuse omubiri wakati mu bantu be nate! Olaba? Era tebakikkiriza bukkiriza.

Bw’oba nga okkiriza okunokola kuno okubeera amazima, era nga gy’oli LY’EDDOBOOZI LYA KATONDA, Ekigambo ekyambadde omubiri nga kifuuse omubiri, kati omuntu yenna ayinza atya obutalaba nti TEWALI KISINGA MUGASO KU kuwulira Eddoboozi eryo.

Zuukuka embeerera eyeebase, wandifuna okukkiriza kuno, ekitali ekyo, oli nga bw’agambye: “Tokikkiriza bukkiriza.”

Nga nnabbi bweyatugamba, yeffe Kitabo ekiggya eky’Ebikolwa by’Abatume, Ettabi eryo eriggya, Abalonde Be. N’olwesonga eyo bangi bawulira muli nti Omwoyo Omutukuvu kaakano Atukulembera nga ba ssekinnoomu oba Atukulembera kuyita mu buweereza, ssi kuyita mu nnabbi We.

Mulimu amazima mangi mu kino, NAYE nnabbi ne kino yakitereeza, n’atubikkulira amazima.

Omuntu omu yabadde ayogera nange wano ebbanga ssi ddene emabega. Yagambye, “Naye ow’oluganda Branham…” [Ow’oluganda Branham atereeza eddoboozi lye throat—Ed.] Munsonyiwemu. Yagambye, “Ssi luvannyuma nga Omwoyo Omutukuvu amaze okujja, teri Bamalayika bakulembera kkanisa, oba bakulembera ba ssekinnoomu. Nedda, ssebo.” Yagambye, “Mwoyo Mutukuvu y’Atuluŋŋamya.”

Okwo kutegeera mu bukyamu wakati wa Malayika n’Omwoyo Omutukuvu. EYO NSOBI, Bamalayika baagenda mumaaso nga bakulembera ekkanisa, era bakyakulembera ekkanisa. Mu butuufu.

Malayika We ali mukukulembera n’okuluŋŋamya Ekkanisa Ye. Ffe ffenna tulina ekifo n’okuyitibwa kwaffe, naye malayaika yekka ye w’okukulembera Omugole.

Wuliriza nnabbi wa Katonda kyeyagamba ku buweereza obulala bwonna nga bugerageranyizibbwa ku ekyo Katonda kyeyali AMUYITIDDE OKUKOLA,

Era nga omuntu omu—addukanya amasimu, taba wa masannyalaze ddala. Ayinza okukikolako omulimu omutonotono. Era nga, omuntu bw’abeera makanika w’emikutu gy’amasannyalaze n’amasimu, kale, kikakafu nti… Omusajja musimi wa binnya bya bikondo, era nga takolangako mulimu gwonna ku zi waya (oba emikutu) egy’amasimu oba amasannyalaze, kyandimusingirako obulungi okwebalama zi waya; naye ayinza okukola omulimu gw’okuzikuba ebiraka oba ekintu ekimu.

Naye Ekintu ekyannamaddala bwekinaabikkulwa ku lunaku olusemba, eky’ekitundu ekisembayo eky’Ekkanisa, olwo Katonda lw’Agambye nti lw’Alitutumira, okusinziira ku Byawandiikibwa. Era tukinoonyererezzaamu emirundi n’emirundi, nti yakyogererawo nga tekinnabaawo nti Omwoyo wa Eriya ajja kuddira mu muntu omu.

Omuntu omu bw’agezaako okwerariikirira ebiteetaagisa nga akugamba, “kyetaagisa kingi ko okusinga ku kuwuliriza entambi. Ow’oluganda Branham takyogerangako nti muzannye entambi mu kkanisa. kijja kwetaagisa obuweereza okutuukiriza Omugole;” *oba kyonna omuntu yenna ky’ayinza okukugamba, okugezaako okukuleetera okubuusabuusa nti okuwuliriza Eddoboozi lya Katonda erikakasibbwa ku ntambi mu kkanisa yammwe nti kikyamu…

Nga ccali omu yakatandika, nga agezaako okukwerariikiriza ebiteetaagisa; bw’oba nga omanyi wa ew’okuyimirira, tegeerawo ky’akkiriza.

Bwebaba bagamba nti bakkiriza, “Obubaka buno kye Kigambo. William Marrion Branham ye mubaka malayika wa Katonda ow’omusanvu. Obubaka buno ky’ekyenkomeredde, nnantateekebwako bukkwakkulizo kamala byonna nnantakolansobi. Obubaka buno Ye Mwana w’Omuntu nga yeebikkula mu mubiri nga bweYasuubiza nti Bw’Alikola…”

Kiri nga bw’onootwala akamyu n’okasumulula keetaaye mu kisibo, era nga ozibye buli kituli. Yimirira buyimirizi ku luggi; kateekwa okukomawo. Eyo y’engeri yokka eriyo ku kyo. Okaggalidde. Olaba? Kajja kwetaaga okukomawo bufuutifuuti ddala ku luggi nate, ’kubanga eyo y’engeri yokka gyekasobola okufulumamu. Kajja kuyisaamu omutwe gwako wano, kumpi kamenye obulago bwako; era kagende ku luuyi eri, ku luuyi eri. Yimirira buyimirizi okekkaanye, era kajja kukomawo butereevu. Olaba? Ky’ekyo kyonna.

Sigala n’Enjigiriza y’Olutambi Eyo. Yogera bwogezi ekyo entambi zekyogera. Tokyusa Kigambo n’Ekimu. Togattako, newankubadde okutoolako Ekigambo kimu ku kyo. Ly’Eddoboozi lya Katonda gyo’li.. Ky’Ekigambo Ekyambadde omubiri nga kifuuse omubiri. By’Ebigambo eby’obwannantakolansobi. Ye ye musumba wo. Malayika we Akukulembera. Kiri Bwatyo Bw’Ayogera Mukama.

Gwe kasita oba nga oli mu Kigambo ekyo, oli mirembe.

Mujje mukoleeze ttabaaza zammwe era ogijjuze Amafuta Sande eno ku ssaawa 6 ezoomuttuntu mu budde bwe Jeffersonville (ze ssaawa 2 ez’ekiro e Uganda), nga malayika wa Katonda omulonde bw’abwatuka n’amenya Akabonero Akookusatu 63-0320, n’Akabikkulira Omugole We.

Owol. Joseph Branham.

Ebyawandiikibwa by’okusoma mu kwetegekera okuwulira essomo lya, “Akabonero Akookusatu.”
Ebyawandiikibwa:
Omut. Matayo 25:3-4
Omut. Yokaana 1:1, 1:14, 14:12, 17:17
Ebikolwa by’Abatume essuula 2
I Timoseewo 3:16
Abaebbulaniya 4:12, 13:8
I Yokaana 5:7
Ebyabaleevi 8:12
Yeremiya essuula 32
Yoweeri 2:28
Zekkaliya 4:12

Obubaka: 63-0319 Akabonero Ak’Okubiri

PDF

BranhamTabernacle.org

Ettabi eriggya abaagalwa,

Kibaddewo, ekyo abatukuvu bonna abaatusooka kyebabadde balindirira. Omuti nnakabala kaakano guteeseeko ettabi eriggya. Tutuuse. Ye ffe ttabi eryo eriggya. Omwoyo Omutukuvu asse era Omwoyo wa Katonda ali ku ffe. Okukkiriza kwa Pentekoote okw’abatume nnakabala kuzziddwawo Malayika We ow’omusanvu. Kaakati, nnabbi We agenda nnyumba ku nnymba ng’amenya omugaati wamu naffe. Waliwo obubonero obw’ekitalo, ebyewuunyo, n’okubikkulirwa ku kubikkulirwa ebiri okufukibwa kuffe.

Tuli mu kukuuma ttabaaza zaffe nga zaaka era nga zijjudde amafuta. Tusigadde n’Ekigambo nnakabala nga bweYatugamba okukola. Abalala bayinza okwagala ekkanisa, naye TETUYINA KYETWAGALA OKULEKA EDDOBOOZI LYA KATONDA NNAKABALA.

Kaakati, lowooza bulowooza nti kati leka tugezeeko bugeza okunnyikiza munda ekyo kyetukkiriza nti Omwoyo Omutukuvu kyeyanditwetaaze okumanya.

Ow’oluganda Branham agamba
Kaakati jjukira, tewali kyakubikkulwa, Katonda taliiko ky’Alikola yadde okutuusa nga Asoose kukibikkulirwa baddu be bannabbi era nga tannakola kintu kyonna, Akibikkula.

Ow’oluganda Joseph agenda mumaaso.
Tewali kiyinza kubikkulwa eri Omugole, kuyita mu nnabbi We kyokka, Bwewabaawo ebyama byonna eby’okubikkulwa, okubikkulirwa kwonna okupya, ekintu kyonna kyetwetaaga okubeera Omugole We n’okusobola okubeera mu kukwakkulibwa, kiteekwa kusooka kujja eri nnabbi, era olwo ye ajja kukitubikkulira, Omugole We.

Nga abikkula ki? Ekyama ky’ebibwatuka omusanvu. Ekyo kitegeeza ki? Kitegeeza ekintu kimu oba bibiri.
Ekisooka
Kiri bw’adda kulutambi era nga kijja kubikkulirwa nga ky’ekiseera kyo okubikkulirwa gyetuli?

Ow’olugnada Branham agamba,
Naye nkubamu akafaananyi ebyama ebyo bwebitandika okufuluma. Katonda Yagamba, Kikwatiriremu kati. Lindako akadakiika. Nja kukibikkula mu lunaku olwo. Tokiwandiika yadde, Yokaana, kubanga bajja kukyesittalako. Kireke bulesi kigende, olaba? Naye nja kukibikkula mu lunaku olwo nga kirina obwetaavu okukolebwa.

Oba (ekyokubiri), bw’Asindika nnabbi We okukomawo kunsi okutwanjula gy’Ali, olwo nnabbi We ajja kubikkula gyetuli ekyama ky’ebibwatuka omusanvu.

Ow’oluganda Branham yagamba.
Era olwo wajja kujjawo ebibwatuka musanvu eby’ekyama ebitawandiikiddwa yadde. Ekyo kituufu. Era nkikkiriza ekyo. Okuyita mu bibwatuka ebyo Omusanvu kijja kubikkulirwa mu nnaku ezisembayo okusobola okukuŋŋaanya Omugole awamu, olw’okukkiriza kw’okukwakkulibwa. Kubanga kyetulina kaakano tetwandisobodde kukiyinza. Waliwo ekintu ekimu, tulina okulinnya wala ko.

Ow’oluganda Joseph agenda mumaaso.
Tekijja kubeera kibinja ky’abantu ekinaabikkula ekyama ekyo. Kijja kubeera Omubaka Malayika We w’omusanvu, William Marrion Branham. Ekyo tekiri kubanga nze ŋŋambye bwentyo. Ekyo kiri kuganga EKIGAMBO KIGAMBA BWEKITYO.

Ow’oluganda Branham yagamba,
Twala ekitabo ky’obubonero n’Abumenya n’Alaga malayika ow’Omusanvu kubanga kino kyokka, Ebyama bya Katonda bwe buweereza bwa Malayika ow’omusanvu.

Ow’oluganda Joseph agenda mumaaso.
kikyogera kyonna awo wennyini. Ebyama bya Katonda bwe buweereza b’atali mulala yenna okujjako malayika ow’omusanvu. Ebibwatuka omusanvu bijja kukuŋŋaanya Omugole wamu era bituwe okukkiriza kw’okukkwakkulibwa kwokuntikko.

Ebibwatuka bwebiba nga byebijja okukuŋŋaanya awamu Omugole, era nga ekyama ky’ebibwatuka kirina okuva mu malayika w’omusanvu, olwo nno tewali kisinga kuba kyamugaso eri Omugole okukola okusinga OKUNYIGA ZANNYA. Ekyo kyekijja okukuŋŋaanya Omugole kulw’okukwakkulibwa.

Musigale n’Ekigambo Nnakabala ku lutambi. MUNYIGE ZANNYA. Era entambi zijja kubikkula kinji kukyo nga bwemuyiga.
Ow’oluganda Branham agamba.

Ow’oluganda Joseph agenda mumaaso,
Erinnya lya Mukama lyebazibwe. Ekitiibwa kya Mukama. Twagala enneewulira eyo gyetufuna okuva mu kuwulira Eddoboozi lya Katonda nga lyogera gyetuli ku ntambi. Tuwulira buwulizi Omwoyo Omutukuvu nga Atunaaza fenna nga bwetutambala wonna nakyo. Tujja kugenda nakyo eka. Tukikwatira ku zi ppiro emitwetwe.

Mujje muwulirize wamu naffe, Ssande ku ssaawa 6 ezomuttuntu mu budde bwe Jeffersonville (ze ssaawa 2 ez’ekiro e Uganda), Omwoyo Omutukuvu nga bw’Ajja, n’Akunta munju zaffe n’Atubikkulira byonna byetwetaaga nga bwetuwulira Akabonero Akookubiri 63-0319.

Ow’oluganda Joseph Branham.

Ebyawanidiikwa by’okusoma nga okuwulira Obubaka tekunnatandika biri;

Omut Matayo 4 : 8
Omut Matayo 11 : 25-26
Matayo 24 : 6
Omut Makko 16 : 16
Omut Yokaana 14 : 12
2 Abassesalonika 2 : 3
Abaebbulaniya 4 : 12
Okubikkulirwa 2 : 6
Okubikkulirwa 6 : 3 & 4
Okubikkulirwa 17
Okubikkulirwa 19 : 11 – 16
Yoweeri 2 : 25
Amosi 3 : 6 & 7

Nnaabakyala w’Eggulu abaagalwa,

Nze, Kabaka wo, ngenda kubwatuka gy’oli ku Sande era nkugambe GGWE, GGWE Mugole wange. Nnakwawula dda GGWE. Nkununudde GGWE. Nkujjeko omusango GGWE era ne nteeka amannya gammwe mu Kitabo kyange eky’omwana Gw’endiga nga ensi tennabaawo. Ye MMWE ba nnabakyala bange ba swiitimutima .

Nkulinze ne nkulinda GGWE bwentyo nsobole okuzzaawo byonna Adamu wange eyasooka byeyafiirwa. Obusika bwe bwonna bweyafiirwa. Okussa ekimu kwe kwonna n’eddembe lye okuba omulamu. Nnali mmuwadde obuyinza obusukkulumu, obujjuvu nsi. Yali Katonda ku nsi eno okubeera abantu nga nze bwendi Katonda wa buli nsi n’obwengula bwonna omuli emmunyeenye.

Yalina ensi ye wansi w’obufuzi bwe. Yali asobola okwogera, nga asobola okutuuma amannya, nga asobola okuyimiriza obutonde, yali asobola okukola ekintu kyonna ky’ayagala. Naye yaKifiirwa kyonna.

Kaakati, nga bwennakusuubiza GGWE mu Kigambo Kyange, Nzizizzaawo byonna byeyafiirwa era mbikuddizza GGWE. Binunuddwa. Obwannannyini bwonna obwomu mateeka ku byonna ebyabuzibwa Adamu kaakano BIBYO. Obwannannyini bonna obwomu mateeka ku kyapa ky’obulamu obutaggwawo ekiviira ddala ku mubereberye, ekitegeeza nti GGWE kaakano olina buli kimu Adamu ne Kaawa kyebaafiirwa.

Nnafuuka omununuzi wo owomu lulyo. Nnabanja ekyo ekyali EKYANGE. Nnatwala ekitabo ky’obununuzi okuva mu Mukono gwa Kitange, ne njuzaako obubonero okuva ku Kitabo ne nkisindikira Omubaka malayika wange owomusanvu okukikubikkulira GGWE. Alikukudizzaawo okukkiriza kwa Baibuli nnakabala era alikukubikkulira ebyama Byange BYONNA.

Ndaze ebintu bino okuba amazima era nembikakasa okuyita mu kulabisibwa gy’oli nga nkozesa Adamu wange asoose okuzzibwawo mu bulamba; Omubaka nnabbi malayika wange owomusanvu. Yasobolanga okwogera n’atonda bu kaamuje, n’addiza ekyennyanja ekimu obulamu bwakyo, n’afuga embeera n’azzaayo kibuyaga gy’ava. Yasobolanga okwogera n’azuukiza abafu. N’okuba naba n’ekifaananyi kyange nekikubibwa wamu naye okulaga ensi, ono ye Adamu Wange asoose okuzzibwawo, mumuwulire. Kaakano GGWE, Nnabakyala Wange, beera na byonna Adamu byeyafiirwa.

Jjukira, Omubaka malayika wange owomusanvu ajja kubeera ku nsi mu kaseera WeNnajjira. Ajja kubanjula MMWE GYENDI. Bwekatyo akagombe kange akasemba kalivuga n’abafiira mu Kristo balizuukira. Abo abalamu abalisigalawo balikwatibwa mu bbanga wamu nabo, okunsisinkana nze mu bbanga mu kaseera keekamu omubaka Wange owomusanvu kaali okuweeramu Obubaka Bwe. Akabonero akasembayo kabikkulwa. Akagombe akasembayo kalivuga; Ndijja okubanja ebyange, MMWE, era ndibatwala MMWE eri embaga YAFFE ey’obugole.

Nnaabakyala wange omwagalwa, jjangu ompuliriza nga njogera eri GGWE era nga nkubikkulira buli kimu kyeweetaaga. Nterese emmere eno KULULWO GGWE osobole okufuuka Nnaabakyala wange. Njakuba njogera NAAWE ku ssaawa 6 ezomuttuntu bu budde bwe Jeffersonville (ze ssaawa 2 ez’ekiro e Uganda), wennaKuBwatukira Akabonero Akasooka 63-0318.

Owol. Joseph Branham

Ebyawandiikibwa by’okusoma mu kwetegekera okuwulira Obubaka:

Omut. Matayo 10:1 / 11:1-14 / 24:6 / 28:19
Omut. Yokaana 12:23-28
Ebikolwa By’Abatume 2:38
2 Abassesalonika 2:3-12
Abaebbulan iya 4:12
Okubikkulirwa 6:1-2 / 10:1-7 / 12: 7-9/ 13:16 / 19:11-16
Malaki essuula eyokusatu n’essuula eyokuna zonna
Danyeri 8:23-25 / 11:21 / 9:25-27

Okutuusa ekiseera ekinaddako, Katonda abawe omukisa, era okutuusa nga tusisinkanye nate ku Mmeeza ya Katonda gy’Ayanjuluzza n’Emmere etuukiridde, Emmere eyaterekebwa kulwaffe mu budde buno, enkya ku ssaawa 6 ezomuttuntu bu budde bwe Jeffersonville (ze ssaawa 2 ez’ekiro e Uganda). Katonda abawe omukisa, era Shalom.