Category Archives: Uncategorized

23-0507 Omulembe Gw’Ekkanisa Ey’OMu Sumuna

Obubaka: 60-1206 Omulembe Gw’Ekkanisa Ey’OMu Sumuna

BranhamTabernacle.org

Abakkiriza Abannamaddala Abaagalwa,

Tuli nga abaana ba Isirayiri abaava e Misiri ne bayimirira mu okumala akabanga katono nga tebannatuuka mu nsi ensuubize. Ffenna tutambudde wamu. Ffenna tulabye ebyamagero bya Katonda bye bimu; bonna baalya emmaanu y’emu n’amazzi okuva mu Lwazi olwakubibwa. Ffenna tugambye nti tugoberera Empagi y’Omuliro. Naye BABIRI BOKKA be baatuuka mu Nsi Ensuubize mu kiseera ekyo. Lwaki? BABIRI BOKKA BE BAALI ABAKKIRIZA ABEESIGWA OBA ABANNAMADDALA. Njawulo ki eyaliwo wakati w’ekiseera ekyo ne kati? Abakkiriza abannamaddala baasigala n’Ekigambo.

Waliwo ekibinja kimu kyokka eky’enjawulo ennyo eky’abantu abasobola okuwulira Omwoyo by’ayogera. Ekibinja ekimu eky’enjawulo ekifuna Okubikkulirwa okw’amazima. Ekibinja ekyo kya Katonda. Bawulira Omwoyo by’ayogera era babifunye.

Yeffe kibinja ekyo eky’enjawulo abalina Omwoyo wa Katonda. Ffe abazaalibwa Katonda. Yeffe abaabatizibwa okuyingira mu mubiri gwa Mukama waffe Yesu Kristo olw’Omwoyo gwe.

Obukakafu obwannamaddala kwe KUWULIRA Omwoyo by’ayogera. Omwoyo ayogera. Omwoyo ayigiriza. Ekyo ky’ekyo kyennyini Yesu kye yagamba nti ky’Alikola ng’Azze. Yokaana 14:26, “Oyo alibayigiriza byonna, alibajjukiza byonna bye nnabagamba.”

Yesu yatusuubiza nti Ajja kuba abeera mu buli omu ku ffe. Yali wa kutukulembera, Atuluŋŋamye era Atulagirire ffe nga bassekinnoomu. Naye emyaka 72 egiyise leero, Katonda yayogera ng’ayita mu malayika we ow’amaanyi n’alangirira eri ensi nti, “Nze Ddoboozi lya Katonda gyemuli”. Yagamba buli kitonde ekiramu nti “Nze Omwoyo Omutukuvu nnina EDDOBOOZI lye ŋŋenda okukozesa okwogera nammwe n’okubikkula ebyama byange byonna”. Yali tafunangako mukisa Ddoboozi lye kukwatibwa ku lutambi ffe okusobola okuwulira Eddoboozi lye nga Lyogera naffe kamwa ku kutu.

Ng’owulira Eddoboozi lye ku ntambi tekijja kukwetaagisa kwewuunya, kusuubira, oba wadde okusaba nti by’owulira ge mazima. Omuntu ky’alina okukola KYOKKA kwe kunyiga Zannya, olwo n’asobola okuwulira Eddoboozi lya Katonda nga lirangirira gy’ali nti, “Bw’ati bw’ayogera Mukama”.

Weetaaga okuwonyezebwa: Nyiga Zannya. Weetaaga okufumbirwa: Nyiga Zannya. Weetaaga okuziikibwa: Nyiga Zannya. Olina ekibuuzo ku mutima gwo: Nyiga Zannya. Olina ky’oyitamu era weetaaga okuluŋŋamizibwa okw’amagezi: Nyiga Zannya. Olina okusalawo okukulu kw’olina okukola: Nyiga Zannya. Tomanyi kyakukola mu bulamu bwo: Nyiga Zannya owulirize Eddoboozi lya Katonda, Omwoyo Omutukuvu, nga Ayogera naawe kamwa ku kutu.

Omwoyo Omutukuvu ye nnabbi w’olunaku. Yagamba ensi nti, lino lye ddoboozi lye ntegese okubeera Eddoboozi lyange gye muli. Nja kujjuza abalala n’Omwoyo wange Omutukuvu, era mbatumye okubayambako, naye nnina Eddoboozi limu lyokka lye nnangirira okuba EDDOBOOZI LYANGE. N’okuba nneekubisizza naye ekifaananyi kyange okukakasa ensi nti, MuMuwulire.

Bambi temuntegeera bubi. Weewawo, waliwo abasajja ba Katonda abaafukibwako amafuta abajjudde Omwoyo Omutukuvu be yayita okuyamba abaana be. Nsaba mbeere nga ndi omu ku bo. Nabo basobola okukuwa amagezi, okukubudaabuda, n’okukulungamya mu lugendo lw’obulamu. Katonda abataddewo olw’ekigendererwa. Naye okubuulirirwa, okubudaabudibwa n’okuluŋŋamizibwa okusinga OBUKULU kw’osobola okufuna lye Eddoboozi lya Katonda okwogera naawe ng’onyiga Zannya. Ekintu kyonna kye nkugamba, oba omusajja omulala yenna, kiteekwa kusooka kuva mu Eddoboozi lya Katonda ku ntambi.

Tewali kisingako bukulu mu bulamu bwo, ku kuwuliriza Eddoboozi lya Katonda nga lyogera naawe. Weebuuze, waliwo ekintu kyonna mu nsi eno EKISINGAKO OBUKULU kye nnyinza okukola, oba ekisingako obukulu mu bulamu bwange, ku kuwuliriza EDDOBOOZI lya Katonda eryakakasibwa? Okuwuliriza Owol. Yusufu, NEDDA. Okuwuliriza omusajja omulala yenna, NEDDA. Tewali kintu KISINGA DDOBOOZI ERYO BUKULU.

Omuntu yenna bwaba alina Okubikkulirwa kwonna n’Omwoyo Omutukuvu mu bulamu bwe alina okugamba AMIINA. Tewali kisinga Kunyiga Zannya bukulu, mu nsi eno.

Nga tulina okwegendereza ennyo mu kiseera kino eky’enkomerero okusigala n’Ekigambo ekyo. Okuva mu bigambo bya Paapa, eyeeyita Omutuukiriza w’obuvunaanyizibwa bwa Katonda yennyini, okutuuka okukyusaamu akatonnyeze kamu oba akasaze kamu mw’ebyo ebiba byogeddwa. Mu Maaso ga Katonda, KYONNA OKUTWALIZA AWAMU KIBA MULABE WA KIGAMBO, MULABE WA KRISTO.

Tetwagala kubeera ng’abantu abaaliwo mu kiseera kya Samwiri.

Bwe baatuukirira Samwiri ne basaba kabaka. Samwiri yatya nnyo olw’okuba yali amanyi obulabe obukirimu omutima gwe katono gumutyemuke. Katonda yali akulembeddenga abantu be ng’ayita mu nnabbi ono eyawongebwayo mu butukuvu, eyakakasibwa mu Byawandiikibwa, era n’awulira muli nti yali agaaniddwa…

Tusiima ebyamagero, amagezi, obugabirizi n’obukuumi bwa Katonda. Tukikkiririzaamu. Tukyagala nnyo. Era n’ekirala tetwagala kubeerawo nga tetubirina. Ensonga eri emu yokka nti twagala kabaka ow’okutukulembera mu lutalo…

“…TWAGALA KABAKA ALI OMU KU FFE ATUKULEMBERE.”

Katonda n’agamba Samwiri nti, “Laba, tebakugaanye, naye bagaanye NZE okubafuga.”

Okwawukana ku ekyo, tuwulira nga Erisa bweyali nga Ayogera ne Eriya. Eriya YAMUGAMBA KAATE, (leero kigenda kwogerwa ku lutambi,) ggwe sigala wano nga nze ngenda. Erisa yali tayagala, era teyasobola kukikola, yalina OKUBIKKULIRWA kw’Ekigambo ky’olunaku lwe.

Kati, tubalaba nga bwe bagenda mu maaso n’olugendo, baatuuka ku ssomero eryo. N’agamba nti, “Ggwe sigala wano kati. Beera wano, era osenge wano obeere omusomesa omulungi ow’eby’eddiini, n’ebirala. Era osanga, olunaku lumu, oyinza okufuuka akulira ettendekero lino. Naye nze nnina okweyongerayo kko mu maaso katono.”

57 Oyinza okukubamu akafaananyi omusajja wa Katonda okumatira okubeera omukulu w’ettendekero, ng’Amaanyi ga Katonda gaali gamwetoolodde awo wennyini we yali ayimiridde? Nedda ssebo. Yagamba nti, “Nga Mukama bw’ali omulamu n’omwoyo gwo bwe guli omulamu, nange sijja kukuleka.” Ekyo kinnyumira. Sigala nakyo, okumalibwamu amaanyi ne bwekwenkana wa, ne bwe kuba kuva wa maama wo, taata wo, oba wa musumba wo. Sigala naYe.

Nga Mukama bw’ali omulamu, nja kusigala n’Eddoboozi lya Katonda nga Nnyiga Zannya, kubanga Liri Bw’atyo bw’Ayogera Mukama gyendi.

Jjangu weegatte ku kisibo kyaffe, Ssande ku ssaawa 6:00 (Mukaaga) ez’omuttuntu, mu budde bwa Jeffersonville (y’essaawa 1:00 ey’akawungeezi e Uganda), nga tukuŋŋaana okuwulira Eddoboozi lye nga lyogera naffe n’okutuleetera Okubikkulirwa kwa: Omulembe Gw’Ekkanisa ya Sumuna 60-1206.

Owol. Joseph Branham

Okubikkulirwa 2:8-11

23-0430 Omulembe Gw’Ekkanisa ya Efeso

Obubaka: 65-1205 Omulembe Gw’Ekkanisa ya Efeso

BranhamTabernacle.org

Zaabu Omulongoofu Akubiddwa Abaagalwa,

Nga nneeyanzege nnyo okubeera nga nneegasse na buli omu kummwe, nga tuyingira mu Mwoyo era nga tuwuliriza Katonda ng’ayogera naffe, kamwa ku kutu. Tewali na yadde ekkomo ku ebyo by’atubikkulira. Emitima gyaffe gijjudde essanyu. Emyoyo gyaffe gibugaana essanyu. Omuntu ayinza atya okutegeera ebyo bye tuwulira?

Wuliriza buwuliriza Mukama yennyini by’atugamba, nti: “Ggwe Ekkanisa yange eya nnamaddala, Omugole Wange. Eri Nze, ogeraageranyizibwa ku zaabu OMULONGOOFU. Obutuukirivu bwo bwe butuukirivu bwange. Ebikula byo by’ebikula byange eby’ekitiibwa. Endagamuntu yo yennyini esangibwa mu Nze. Kye NDI, ky’ekiri  mu kulabikira mu ggwe. KYE NINA, ggwe ky’oli mu kwolesa.

Eri NZE, temuli nsobi yonna mu ggwe, oli wa kitiibwa munda ne kungulu. Okuva ku ntandikwa okutuuka ku nkomerero, ggwe mulimu gwange…era emirimu gyange gyonna gituukiridde.

Tojja kubeerayo mu kusalirwa omusango, kubanga ekibi tekiyinza kukubalirwako. Era nga n’ensi tennatondebwa, ekigendererwa kyange kyali kya kugabana na MWE Obulamu Bwange Obutaggwaawo.

Omuntu ayinza atya okukwata Ebigambo bino? Ebirowoozo byaffe biyinza bitya okutegeera ebigenda mu maaso? Kiki ekiri mu kubikkulirwa? Kirowoozeeko, tetwetaaga kukaaba mu mutima gwaffe ne tugamba nti, “Oo, ekyo kyandiba nga kyaliwo mu mulembe ogwasooka abatume we baasooka okusindikibwa.” TEWALI kitwetaagisa kutunula mabega, kubanga Ye, atakyuka wadde mu bukulu bwe oba mu makubo ge, ali mu masekkati gaffe KATI, ng’ayogera naffe era ng’atugamba nti aba bumu jjo, leero n’emirembe gyonna. Kino kye kiseera EKISINGA OBUKULU mu byafaayo by’ensi ky’oyinza okubeeramu.

Tukubibwa era ne tulongoosebwa, nga tujjudde okubonaabona Kristo kwe yaleka emabega. Tubalibwa ng’endiga ez’okuttibwa. Tuttibwa olunaku lwonna. Tubonaabona nnyo, naye mu byonna, tetwesasuza, era tetuleetera balala kubonaabona. Eri ye, tuli zaabu omulongoofu akubiddwa, tetuvunnamye, tetumenyese, tetuzikirizibbwa, wabula tufuuliddwa ekintu ekijjudde obulungi n’essanyu emirembe gyonna olw’ebigezo n’okugezesebwa kw’obulamu buno.

Kati alabula abalala bonna nti, “Muddeeyo ku kwagala kwammwe okwasooka”. Nga balina okwegendereza ennyo engeri gyekiri nti tosobola kukyusa KIGAMBO KIMU, wadde akatonnyeze oba akasittale.Ako ke kaali akakodyo ka Sitaani akasooka mu Lusuku Adeni. Kigambo kimu kyokka ky’ekigattibwako, olwo ne kifuuka mulabe w’Ekigambo.

Mu mulembe guno ogusembayo atulabula nti wajja kubaawo bannabbi ab’obulimba bangi abalirabika, nga bagamba abantu nti bwe batabakkiriza ne bye boogera , mujja kubula.

Waliwo ENGERI EMU YOKKA okukakasa nti TEWALI kyongeddwako, tewali kitooleddwako, tewali kikyusiddwa… nga tuwuliriza EDDOBOOZI LYA KATONDA erirongoofu…NYIGA ZANNYA.

Mukama yebazibwe olw’omuweereza owa nnamaddala, eyayigirizibwa n’obwesigwa, atakoma ku kubuulira obubuulizi endiga ze obukulu bw’okuwuliriza Obubaka buli lunaku mu maka gaabwe, naye nga babeera abakulembeze abatuufu, BASOOSA ERA BATEEKA KUMWANJO Obubaka Buno, Eddoboozi lino, Entambi Zino, mu maaso g’abantu mu kkanisa zaabwe.

Bwe njogera bino, bantegeera bubi ne banvunaana ogw’okwawulamu amasinzizo n’okugamba abantu obutagenda mu kkanisa. Ekyo mu njogera ennyangu si kituufu. EKIGAMBO ky’ekiri mu kuggya abantu mu makanisa gano agatali mu KUSOOSA ntambi mu masinzizo gaabwe. Abantu balumwa enjala okuwulira Ekigambo okuva eri Nabbi wa Katonda. Bawulira muli nti EKYO bwe Bubaka era Eddoboozi erisinga obukulu lye baagala okwegeka amatu. Bakiwulira muli nti okwo Kwe Kwagala kwa Katonda Okutuukiridde okuzannya entambi mu kkanisa yaabwe.

Bulijjo abantu mbagamba nti, “GENDA MU Kkanisa”. Bwe babuuza nti: “Ggwe owulira muli nti ababuulizi bakyasobola okubuulira?” Mbagamba “Yee.” Ssoogerangako wadde okulowooza nti tebalina kubuulira. Nze mbagamba bugambi ababuulizi, abasomesa, abasumba nti, “Mukole Katonda kye yabayita okukola, NAYE NSABA, muteeke Eddoboozi lya Katonda lyenyini ku lutambi KU MWANJO, SSI BUWEREEZA BWAMMWE”.

Okwo kwe KUBIKKULIRWA kwange. Balina okukola nga BWEBAWULIRA NTI BWEBAKULEMBEDDWA OKUKOLA. Nnina eddembe okubuulira n’okuyigiriza kye mpulira. Bwe baba baagala okugamba nti Ow’oluganda Branham tagambangako Kunyiga Zannya mu Kkanisa, Eddoboozi lya Katonda lyennyini lye bagamba nti bagoberera, ekyo kiri gye bali.

Omwoyo Omutukuvu ali mu kukulembera, era bulijjo abaddenga, Akulembera Omugole we. Tukkiriza nti atugamba nti, “MUNYIGE ZANNYA, MUSIGALE NE NABBI WANGE, EDDOBOOZI LYANGE, OMWOYO WANGE OMUTUKUVU.”

Kale, tujja kubaayo n’omwoleso ku kyo, kw’olwo, nga Eriya nnabbi nga kino tekinnatuuka. Era bw’oba omwana wa Katonda, ojja kusigala ne nnabbi wa Baibuli eno. Kye Kigambo. Weetegereze essaawa, entuuko.

Nnabbi wa Baibuli y’ani, Ekigambo, Omwoyo Omutukuvu!

Omwoyo Omutukuvu ye Nabbi w’essaawa eno; Ali mu kukakasa Ekigambo kye, ng’akiraga nti kituufu. Omwoyo Omutukuvu ye yali Nabbi w’omu ssaawa ya Musa . Omwoyo Omutukuvu ye yali Nabbi w’omu ssaawa ya Mikaaya. Omwoyo Omutukuvu eyawandiika Ekigambo, ajja n’akakasa Ekigambo.

Omwoyo Omutukuvu ow’essaawa eno atukulembera nga Akozesa nnabbi we, nga bw’akozenga mu buli mulembe. Katonda takyusa nteekanteeka ye.

N’olwekyo, muyitibwa okujja okutwegattako mu kye tuwulira nti y’enteekateeka ya Katonda nga tuwuliriza Omwoyo Omutukuvu ng’ayogera ng’ayita mu nnabbi we, era nga Akutukulembera nga bw’atuleetera Obubaka: Omulembe Gw’Ekkanisa ya Efeso 60-1205 , ku ssaawa 6:00 (Mukaaga) ez’omuttuntu, mu budde bwa Jeffersonville (y’essaawa 1:00 ey’akawungeezi e Uganda).

Owol. Joseph Branham
   

Ebikolwa By’Abatume 20:27-30

Okubikkulirwa 2:1-7

23-0423 Okwolesebwa okw’e Patumo

Obubaka: 60-1204E Okwolesebwa okw’e Patumo

BranhamTabernacle.org

Abaagalwa B’Ekigambo Kya Katonda Abaagalwa,

Nga kirungi nnyo okusobola okwogera eri buli omu ku mmwe nga mbayita Abaagalwa b’Ekigambo kya Katonda. Tewali kintu kyonna kiyinza kutwala kifo kyakyo. Okubeera n’omukisa okuwuliriza Mukama waffe buli lunaku olw’obulamu bwaffe, ng’ayogera naffe ng’ayita mu mimwa gy’omuntu, nga Atubuulira ky’ali era ne kye TULI. Tewali kifo, tewali ddoboozi, tewali kkanisa, era tewali musajja asobola kukubuulira bintu bino ng’EDDOBOZI LYA KATONDA.

Yatugamba nti okuluŋŋamizibwa kw’Ekigambo kuli ku ntambi. Kye tulina okukola kyokka kwe kunyiga Zannya Omwoyo Omutukuvu n’Ajjula ekisenge. Omubaka waffe yali asaka obulamu, n’ekitangaala, okuva mu by’obugagga eby’omu kibya ekyo ekinene ebirala byonna mwebisaka. Olutambi lwe olusika amafuta yali alunnyise omwo munda.

Obulamu bwe bubumbujja omuliro n’Omwoyo Omutukuvu. Olutambi lwe olusika amafuta (obulamu bwe) bunnyikiddwa mu Kristo. Okuyita mu lutambi olwo asika obulamu bwa Kristo bwennyini, era nga akozesa obwo, afulumya ekitangaala gye tuli, Omugole.

Awo n’Atugamba nti olutambi lw’omubaka We ow’amaanyi si lwelulimu lwokka, wabula ffenna tusaka ku nsibuko y’emu. Ffenna tunnyikiddwa mu kibya kyekimu. Tufudde mu mibiri gyaffe era obulamu bwaffe bukwekeddwa ne Kristo mu Katonda, nga busibiddwako akabonero Omwoyo Omutukuvu.

Tewali muntu ayinza kutusiguukulula mu ngalo ze. Obulamu bwaffe tebusobola kukwatibwako. Obulamu obulabika butwakiramu omuliro era bumulisiza mu ffe ekitangaala, nga buwa ekitangaala n’okwolesebwa kw’Omwoyo Omutukuvu. Obulamu bwaffe obw’omunda, obutalabika bukwekeddwa mu Katonda era buliisibwa Ekigambo kya Mukama . Tulina Okubikkulirwa kwa Yesu Kristo mu lunaku lwaffe.

Engeri Ekigambo gye kiriisa emmeeme yaffe. Tewali kintu kyonna kikifaanana. Engeri gy’ataddewo ekkubo Omugole, okuva mu nsi yonna, gy’ayinza okukuŋŋaana okuwulira Eddoboozi lya Katonda mu kiseera kye kimu. Abavumirira oba ababuusabuusa ne bwe boogera ki, Katonda akoze ekkubo era kawoowo akawoomu gy’ali. Yaakamala okutugamba nti Ajja kutugatta ffenna wamu ku nkomerero y’olunaku olw’okusatu. Ekitiibwa!!

Ffenna tujje wamu ku Ssande eno ku ssaawa 6:00 (Mukaaga) ez’omuttuntu, mu budde bwa Jeffersonville (y’essaawa 1:00 ey’akawungeezi e Uganda), okuwulira Eddoboozi lya Katonda nga kituleetera Okubikkulirwa kw’Ekigambo nga bwe tuwulira: Okwolesebwa okw’e Patumo 60-1204E .

Okusooka, tulina OKUYINGIRA MU MWOYO nga bwe tugenda okuwulira;

Eddoboozi eryafulumya Ekigambo kye mu Lusuku Adeni ne ku lusozi Sinaayi, eddoboozi eryo era nga ly’eryawulirwa mu kitiibwa ekisukkiridde eky’Olusozi olw’Okukyusibwa, lyali lizzeemu okuwulikika, era ku mulundi guno eri amakanisa omusanvu n’okubikkulirwa kwa Yesu Kristo okujjuvu era okw’enkomeredde.

Owol. Joseph Branham

Ebyawandiikibwa by’olina okusoma nga weetegekera okuwulira Obubaka.

Jjukira okusoma n’okuwulira ekitabo ky’Emirembe Omusanvu Egy’Ekkanisa.

Isaaya 28:8-12
Danyeri 7:8-14

Zekkaliya 4:1-6

Malaki 4:1-2, 4:5

Omut. Matayo 11:28-29, 17:1-2

Omut. Yokaana 5:22

Abebbulaniya 4 :3-4, 4:7-10, 4:12

Okubikkulirwa 1:9-20, 19:11-15

23-0416 Okubikkulirwa Kwa Yesu Kristo

Obubaka: 60-1204M Okubikkulirwa Kwa Yesu Kristo

BranhamTabernacle.org

Omuti gw’omugole Omwagalwa,

Nga jubileewo nnyo Omuti gw’Omugole gyegulina. Emitima gyaffe n’emmeeme zaffe zitutyemuka munda yaffe nga bwe kitabangawo. Atambula era ayogera naffe, nga abikkula Ekigambo kye. Ebintu bigenda mu maaso mangu nnyo kumpi tetusobola kwekuumira ku bwangu bwebituukirirako.

Tuwulira Ekigambo kya Katonda ekituukiridde nga kyoleseddwa Omuti gwa Nabbi ogutuukiridde, nga gubuulira Ekigambo kya Nabbi ekituukiridde, nga guvaamu ekibala kya Nabbi ekituukiridde, olw’Ekigambo kya Katonda ekituukiridde.

Buli kintu ekyasaanyizibwawo era ekyaliibwa ababaka abana ab’okufa abatta Omuti guno, kati kizzeemu okuzzibwawo nate okuyita mu babaka bana ab’Obulamu. Si babaka BATAANO, si babaka ab’emirundi etaano, si kibinja; Ababaka BANA bazzeemu okuzzaawo Omuti gw’Omugole.

Okuva ku ntandikwa y’ebiseera, Katonda alindiridde olunaku luno n’ekiseera kino okutuukirira asobole okulaba ebibala bye, mu kiseera kye, olw’entuuko za nnabbi. Ffe Kibala ekyo. Zino z’entuuko. Ekiseera ky’amakungula kituuse.

Wiikendi eno eya Paasika yabadde yanjawulo ku Paasika endala zonna omuntu yenna zeyali abaddeko. Tetuliddamu kuba kyekimu. Okubeerawo kwa Mukama ng’okwo. Nabadde nnindiridde Okukwakkulibwa okubaawo akatikitiki konna.

Mu Baibuli, Dawudi yayogera Ebigambo bino: Bampummudde engalo zange n’ebigere byange. Nnyinza okubala amagumba gange gonna; Bantunuulira, banvulumulira amaaso.

Abantu baali basomye era nga bawulidde ekitundu ekyo okumala ebikumi n’ebikumi by’emyaka, naye Yesu bwe yali awanikiddwa awo mu maaso gaabwe ku musaalaba, Omugole ateekwa okuba nga yamutunuulira n’ategeera nti, Olunaku luno, Ekyawandiikibwa Kino Kituukiridde mu maaso gaffe gennyini.

Kye bateekwa okuba nga baawulira bwe baategeera nti baali balaba, n’amaaso gaabwe, Ekyawandiikibwa ekyo nga kituukirizibwa, era nga bali kitundu ku Kigambo ekiwandiike.

Abo ye ffe KATI. Tubeera mu nnaku Ebyawandiikibwa byonna ebisembayo mwe bituukirizibwa mu maaso gaffe; era tuli kitundu ku Byawandiikibwa ebyo.

Atambulira ddala wakati mu ffe. Kwe kuggwaako kw’olunaku olw’okusatu . Alabiseeko n’atulaga akabonero k’okuzuukira kwe. Ye y’omu jjo, leero, n’emirembe gyonna. Ffe bibala ebiramu eby’Okubeerawo kwe. Ayoleseddwa era alabika gye tuli ffenna, Ekkanisa ye.

AKIKOLA ATYA?

Nabbi aggyiddwa mu nsi eno, naye Omwoyo Omutukuvu ali ku ntambi , era agenda mu mawanga n’okwetooloola ensi yonna. BWE BUWEEREZA OBUWEEREZEBWA KU MPEWO OBUTEEREEVU OBWA MUKAMA YESU KRISTO. Ali mu kugatta Omugole We yenna wamu nga Akozesa ekintu kyokka ekiyinza okukikola, era ekijja okukikola: Ekigambo kye. Eddoboozi lye. OKUNYIGA ZANNYA!

Leero, Ekyawandiikibwa Kino, Kituukiridde.

Ye Muti gw’Omugole Omusajja okuva mu Lusuku Adeni. Naye Omuti gw’Omugole Omusajja ogutaliiko Mukazi, teguyinza kubala bibala; Alina okuba n’Omuti gw’Omugole Omukazi. Oyo ye GGWE. Wazaalibwa ne matiiriyo y’omu. Ekigambo kifuuliddwa omubiri mu mmwe. Obulamu bwe bumu obuli mu Mugole Omusajja kati buli mu GGWE.

Omugole aleekaana nti: Aleluuya, Amiina, Ekitiibwa!!

Kiki ky’atutegekedde ekiddako?

Ensonga lwaki tuba n’obudde buno obw’enjawulo eri nti tusobolenga oku… Ku mutima gwange Omwoyo Omutukuvu yali antaddeko okulabula kuno okw’ okulumirizibwa, nti, “Ekkanisa mu lunaku luno erina okuba n’Obubaka buno.” Kubanga, nzikiriza nti bwe Bubaka bwa Baibuli obusinga okuba obukukunavu, kubanga bubikkula Kristo mu Kkanisa ye mu kiseera kino.

Bwe kityo, Omugole agenda kukuŋŋaana ku Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa 1:00 ey’akawungeezi e Uganda), nga bwe tuwulira: Okubikkulirwa Kwa Yesu Kristo 60-1204M.

Njagala okukukubiriza okuwulira, oba okusoma, buli wiiki okuva mu Kitabo ky’Emirembe gy’Ekkanisa, essuula gye tuba tuwulidde buli Ssande. Tujja kuba tuteeka Eddoboozi ly’Olungereza ku Lifeline – Voice Radio buli lunaku mu biseera eby’enjawulo, naye wulira eddembe okulisoma, okuwuliriza n’okulisoma wiiki yonna essaawa yonna.

Leka tusanyuke era tubeere basanyufu. Tossa mwoyo ku nsi eno n’ekibi n’okuggwaamu essuubi byonna ebitwetoolodde. Leka tujaguze kulwa byonna by’atukolera buli lunaku.

Mu biseera bya Musa, nkakasa abantu baakanya kubuuzanga Musa nti,

“Tuva ddi mu kifo kino? Tuva ddi wano?”

Mpulira Musa ng’akkakkanya abantu n’agamba nti:

“Katonda bw’anaaba nga mwetegefu. Naye kati, munyumirwe byonna by’abakolera MMWE”.

Mu nnyumba yo olina ebikere? NEDDA.

Olinayo enzige eziri mu kulya ebimera byo? NEDDA

Olinayo amazzi g’omusaayi g’onywa? NEDDA. Onywa amazzi amayonjo ag’ensulo. Weetulire bwetuulizi ntende onyumirwe byonna by’Akola ne by’Akubikkulira.

Eri bo, kufa, kuzikirizibwa na musango. Naye eri ggwe, ennaku zino ze nnaku ezisinga obukulu ku nsi. Mubeere n’essanyu, emirembe n’essanyu. Mutendereze butendereza Mukama waffe kyokka olw’ebyo byonna by’akola, era mwesunge ky’agenda okuzzaako.

Owol. Joseph Branham

23-0406 Ekijjulo

Obubaka: 57-0418 Ekijjulo

BranhamTabernacle.org

Omuti gw’omugole oguzziddwawo Abaagalwa,

Okuyita mu mwaka gwonna, nneesunga wiikendi lwe nsobola okusibira ddala ensi yonna wabweru, ne  njijako ebyuma byange byonna, ne  nsaba olunaku lwonna, ne  mpulira Eddoboozi lye nga lyogera n’omutima gwange, ne mba n’Okussa ekimu naye, era ne mpongayo obulamu bwange  mu bulamba bupya eri Obuweereza bwe. BULI LUNAKU lulina okuba lunaku lwa Paasika gye tuli, wabula wiikendi eno kikujjuko kya njawulo nnyo, ekitukuvu; ekiseera ekizziddwa ku bbali Omugole mw’ajjira awamu Okusinza. KINCAMUSIZZA NNYO bannange. Siyinza kulinda kweggalira munda ne Katonda mu kifo eky’ekyama, eyo mu Mwoyo, nga ndaba Obwenyi bwe; nga  neeggasse ku Omugole wa Kristo okwetoloola ensi yonna, nga tutudde mu bifo eby’omu Ggulu. Erinnya lya Mukama  waffe Lyebazibwe! Mazima ddala erina okubeera wiikendi esinga okwesungibwa era entukuvu mu bulamu bwaffe.

Oh, ka tukomeko wano nate, eddakiika endala emu yokka. “Mu bifo eby’omu Ggulu.” Kati, si kubeera bubeezi awantu wonna ebweru, wabula mu bifo eby’omu Ggulu. Tukuŋŋaanyiziddwa mu “by’omu Ggulu,” kitegeeza nti ekifo ky’omukkiriza. Nti, bwe mba nsabye ne necca, ggwe n’osaba ne wecca, oba ekkanisa n’saba ne yecca, era twetegekedde Obubaka, era nga tukuŋŋaanyidde wamu ng’abatukuvu, abaayitibwayo, ababatiziddwa n’Omwoyo Omutukuvu, nga tujjudde emikisa gya Katonda, nga twayitibwa, twalondebwa, nga tutudde wamu mu bifo eby’omu Ggulu kati, tuli bitonde  bya mu Ggulu mu myoyo gyaffe. Emyoyo gyaffe gituyingizza mu mbeera ey’omu Ggulu. Oh, ow’oluganda! Kikyo  awo, embeera ey’omu Ggulu! Oh, kiki ekiyinza okubaawo ekiro kya leero, kiki ekiyinza okubaawo ekiro kya leero singa tubeera tutudde wano mu mbeera ey’omu Ggulu, n’Omwoyo Omutukuvu ng’atambulira ku buli mutima oguzziddwa obuggya ne gufuulibwa ekitonde ekiggya mu Kristo Yesu? Ebibi byonna nga biri wansi w’Omusaayi, mu kusinza okutuukiridde, nga emikono gyaffe tugiwanise eri Katonda n’emitima gyaffe nga giyimusiddwa, nga tutudde mu bifo eby’omu Ggulu mu Kristo Yesu, nga tusinziza wamu mu bifo eby’omu Ggulu.

Wali otuddeko eyo? Oh, ntuddeko eyo okutuusa lwe nkaaba olw’essanyu ne ŋŋamba nti, “Katonda, tondeka kuva wano.” Ebifo eby’omu Ggulu mu Kristo Yesu, kyokka!

Nga Atuwa mikisa ki? Okuwonyezebwa okw’obwakatonda, okumanya ebintu nga tebinnatuukawo, okubikkulirwa, okwolesebwa, amaanyi, ennimi, okutaputa, amagezi, okumanya, emikisa gyonna egy’omu Ggulu, n’essanyu eritoogerekeka erijjudde Ekitiibwa, buli mutima nga gujjudde Omwoyo, nga tutambulira wamu, nga tutudde wamu mu bifo eby’omu Ggulu, mpaawo  kirowoozo na kimu eikibi mu ffe, mpaawo sigala n’omu akommonteddwa, mpaawo  lugoye lumu olumpi, mpaawo kino na kimu, kiri oba ekirala, mpaawo kirowoozo kimu ekibi, mpaawo alina nsonga ku munne, buli omu ng’ayogerera mu kwagala n’okukwatagana, buli muntu ng’alina endowooza emu mu kifo kimu , “olwo Amangu ago okuwuuma ne kuba mu ggulu ng’empewo ewuuma n’amaanyi.” Kikyo awo, “eyatuwa buli mukisa gwonna ogw’Omwoyo.”

Mukama waffe Yesu kkiriza okusinza kwaffe kwetunaakuwa ku wiikendi eno eya Paasika. Leka tuyingire mu bifo eby’omu Ggulu mu Kristo Yesu; tuwaguze tuyingire Awatukuvu w’Awatukuvu. Awatali kirowoozo kibi na kimu, awatali kituwugulaza na kimu, wabula mu ndowooza emu, mu Kifo kimu; olwo leka wabeerewo eddoboozi okuva mu Ggulu lijje ng’empewo ey’amaanyi efuuwa ng’eyingira mu buli maka gaffe. “Jjangu Mukama Yesu”, tuli beetegefu okukulaba maaso ku maaso.

Kubanga Omugole akomezeddwawo okuyita mu Bubaka bw’Ekitangaala eky’akawungeezi obw’omulembe gwaffe; okuyita mu Bubaka bwa Malaki 4. Tukwebaza Mukama olw’okwolesebwa kwa Kristo mu bujjuvu mu Kkanisa ye, si ekkanisa eyazimbibwa n’emikono, wabula okwolesebwa kwa Kristo mu bujjuvu nga kwolesebwa mu muntu, nnabbi wo, okuyita mu bubonero obunene n’ebyewuunyo, era azzeemu okubikkula Ekigambo kya Katonda kyonna. Era kati Kibeera mu Mugole Wo okwetoloola ensi yonna. Mwebale olw’okutuleka ne tuba abalamu okulaba Ekitangaala kino ekinene eky’akawungeezi, okusinziira ku bunnabbi.

Era Ekitangaala eky’ akawungeezi kiviirayo ki? Ekitangaala eky’akawungeezi kya ki? Kya kuzzaawo. Whew! Okifuna? [Ekibiina kigamba nti, “Amiina.”—Ed.] Ekitangaala eky’akawungeezi kirina ekigendererwa kye kimu nga Ekitangaala eky’oku makya kye kyalina, okuzzaawo ebyo ebyasalibwako Emirembe egy’Ekizikiza, okuyita mu Rooma. Katonda agenda kuzzaawo, ng’Ayasa Ekitangaala eky’akawungeezi (kiki?), okuzzaawo Ekigambo kya Katonda kyonna nate, okwolesebwa kwa Kristo mu bujjuvu mu Kkanisa ye. Buli kintu kye yakola, mu ngeri yennyini ddala bwe yakola, kiriba kityo nate mu Kitangaala eky’akawungeezi. Mulaba kye ntegeeza? Oh, ekyo si kya kitalo? [“Amiina.”] Era okumanya tubeera wano wennyini okukiraba kati, Ekitangaala eky’akawungeezi, ddala okusinziira ku bunnabbi.

Omugole omutuufu takoma ku Kujjibwako musango, newankubadde nga akimanyi nti ebibi bye biri nga by’atakolanga nako; Takoma ku Kutukuzibwa, newankubadde nga Alongooseddwa n’ateekebwa ku bbali okuweereza; Takoma ku Pentekooti, wadde nga Afunye okubatizibwa kw’Omwoyo Omutukuvu; naye Agendera ddala okutuuka ku KIGAMBO KY’OLUNNAKU LWAFFE: Malaki 4, Ekigambo kyennyini nga kifuuse omubiri nate mu muntu. Ekyo, “Nja kuzzaawo bw’ayogera Mukama,” ekijja okuleetera Omugole Okukkiriza Okw’Okukwakkulibwa. Era Ekigambo ekyo ekyoleseddwa, engeri yokka gyekijjamu,  kisobola okujja nga tuwulira Entambi, Erinnya lye ery’ekitalo lyebazibwe.

Omu ku bo, Martin Luther, atandika okumulisa Ekitangaala. Waaliwo Ekitangaala ekitono, amaanyi matono nnyo gokka, ag’okujjibwako omusango.

Awo ne wajja Wesley, n’amaanyi agasingako, okutukuzibwa.

Oluvannyuma lwa Wesley, ne wajja amusinga amaanyi, Pentekooti, okubatizibwa kw’Omwoyo Omutukuvu, mu nnabbi omulala omukulu. Mukiraba?

Naye mu nnaku ez’enkomerero, eza Malaki 4, Eriya wa kujja n’Ekigambo kyennyini. “Ekigambo kya Mukama kyajja eri nnabbi.” Mu Byaka eby’akawungeezi, wa kuvaayo, okuzzaawo n’okukomyawo. Kiki? “Okukyusa emitima gy’abaana eri Okukkiriza kwa Katonda.” Ekitangaala eky’okuna!

Mujje mukuŋŋaane okwetooloola Ekigambo, mu maka gammwe, mu wiikendi ya Paasika eno era leka tusinze Mukama. Mujjeeko amasimu gammwe okuggyako okukuba ebifaananyi, okuwulira Okunokola Kw’olunaku, n’okuzannya entambi okuva mu apu ya Table, apu ya Lifeline, oba omukutu gw’okuwanulayo olutambi.

Njagala ffenna twegatte kulw’enteekateeka eno wammanga:

OLUNAKU OLW’OKUNA

Lwali Lwakuna ekiro Mukama waffe Yesu n’alya ekyeggulo ekyasembayo n’abayigirizwa be, ng’ajjukira embaga ey’Okuyitako nga okuva kw’abaana ba Isirayiri tekunnatandika. Nga mukisa gwe tulina okussa ekimu ne Mukama mu maka gaffe, nga wiikendi yaffe entukuvu tennabaawo, era tumusabe atusonyiwe ebibi byaffe, era atuwe byonna bye twetaaga mu lugendo lwaffe.

Katonda, kebera emitima gyaffe kati. Omusaayi kweguli, Mukama? Bwe kiba nga si bwe kiri, tusaba ekyo — nti Ojja kuguteekako kati kati, nga okuggyawo ebibi byaffe n’obibikka, era bijja kwawukanyizibwa naffe, Mukama, ebibi by’ensi eno, tusobole okuba abatukuvu era abayanjulika eri Kitaffe kati nga bwe tujja okutwala — omubiri n’Omusaayi ogwayiika ogw’Omwana gw’endiga gwaffe, Omwana wa Katonda, Omulokozi waffe.

Ffenna tutandike ku ssaawa 12:00 (kkumi na bbiri) mu budde  bw’omu kitundu kyammwe, era tuwulire Okussa Ekimu 57-0418.

Ekinadda ku Bubaka, tujja kukuŋŋaana n’ab’enju zaffe mu maka gaffe tulye ekyeggulo kya Mukama.

Mu bbanga ttono tujja kuba n’akayungiro k’okuwanula olutambi n’olukuŋŋaana lw’Okussa Ekimu byombi, oba, bijja kubeera ku Voice Radio.

OLUNAKU OLW’OKUTAANO

Leka tugende mu kusaba n’amaka gaffe ku ssaawa 3:00 (ssatu) ez’oku makya, n’oluvannyuma nate ku ssaawa 6:00 (mukaaga) ez’omu ttuntu, nga tuyita Mukama abeere naffe era ajjuze amaka gaffe n’Omwoyo Omutukuvu nga bwe twewaayo gy’ali.

Leka ebirowoozo byaffe biddeyo ku lunaku olwo e Kalvario, emyaka egisukka mu 2000 egiyise, tulabe Omulokozi waffe ng’alengejjera ku musaalaba, era olwo tweweeyo naffe mu ngeri y’emu okukola bulijjo ekyo ekisanyusa Kitaffe:

Kati tukizuula nti kyamwoleka bulungi. Omubumbi kati yalina Ekigambo nga kyoyoleseddwa mu Mulimu gwe ogw’ekikugu nate, ogwayitibwa Omwana we, Katonda, Emmanuel. Lowooza bulowooza, nti Omuntu ne yeewaayo nnyo okutuusa Katonda lwe yeeragira munda mu ye, mu mubiri ogwo, n’afuuka, Ye ne Katonda ne bafuuka Omu. “Nze ne Kitange tuli Omu. Kitange abeera mu Nze. Nkola ekyo ekisanyusa Kitange bulijjo.”

Watya singa Omukristaayo leero asobola okuba n’obujulizi obw’engeri eyo? Wandibadde mulimu gwa kikugu wano wennyini mu Yuma, ku luguudo. Bw’oba oli mukyala mwozi wa ngoye ebweru eyo emabega  w’eyo gyebooleza engoye, osigala oli mulimu ogw’ekikugu eri Katonda, ng’ate osobola okugamba nti, “Nkola ekyo bulijjo ekisanyusa Katonda,” era ensi yonna esobola okulaba —omulimu gwa Yesu Kristo nga gwolesebwa mu ggwe.

Olwo ku ssaawa 6:30 (mukaaga kitundu) ez’omu ttuntu, leka twegatte wamu mu maka gaffe okuwulira,  Okutuukirizibwa 57-0419.

Olwo tuddemu twegattire wamu mu kusaba ku ssaawa 9:00 (mwenda) ez’ekawungeezi nga tujjukira okukomererwa kwa Mukama waffe.

OLUNAKU OL’WOMUKAAGA

Tuddemu ffenna twegatte mu kusaba ku ssaawa 3:00 (ssatu) ez’oku makya, ne 6:00 (mukaaga) ez’omu ttuntu, era tutegeke emitima gyaffe olw’ebikulu by’anaatukolera wakati mu ffe,

Mbadde njogera akabanga katono akayise ku ngeri ebidiba ebinene gye biloopaamu emmunyeenye.

Olwo ku ssaawa 6:30 (mukaaga kitundu) ez’akawungeezi, ffenna tujja kukwatagana okuwulira EKIGAMBO: Okuziika 57-0420.

Nga luno lugenda kuba lunaku lwa bbaluwa Myufu eri Omugole We okwetoloola ensi yonna.

Olwo tuddemu twegattire wamu mu kusaba ku ssaawa 9:00 (mwenda) ez’akawungeezi nga tujjukira okukomererwa kwa Mukama waffe.

SANDE

Nga lunaku olutuukiridde olw’okuwuliriramu n’okulya ku Kuzzibwawo Kw’Omuti Gw’Omugole. Ka tusooke tuzuukuke nga bukyali nga Ow’oluganda Branham bwe yakola ku makya mukwano gwe omuto, kaamukuukulu bwe yamuzuukusa ku ssaawa 11:00 (kkumi n’emu) ez’oku makya. Ka twebaze Mukama olw’okuzuukiza Yesu mu bafu:

Ssaawa kkumi n’emu enkya ya leero, mukwano gwange omuto alina ekifuba emmyuufu yabuuse n’agwa waggulu ku ddirisa n’anzuukusa. Kyalabise ng’omutima gwe omutono ogwagala okwabika, nga gugamba nti, “Azuukidde.”

Ku ssaawa 3:00 (ssatu) ez’oku makya tuddemu okwegattira ku lujegere lwaffe olw’okusaba, nga tusabiragana n’okwetegekera okuwulira Eddoboozi lya Katonda.

Ku ssaawa 6:30 (mukaaga kitundu) ez’akawungeezi tujja kujja wamu okuwulira Obubaka bwaffe obwa Paasika: Okuddizibwawo kw’Omuti Gw’omugole 62-0422.

Oluvannyuma lw’olukuŋŋaana luno, leka tuddemu okwegatta mu kusaba, nga tumwebaza olwa WIIKENDI EY’ENJAWULO GY’ATUWADDE OKUBEERA NAYE WAMU N’OMUGOLE WE MU NSI YONNA.

Eri baganda bange ne bannyinaze emitala w’amayanja, ng’omwaka oguwedde, nnandyagadde okubayita okwegatta naffe ku mikolo gino mu budde bw’e Jeffersonville, olw’ebiseera byonna eby’okusabiramu ku nnyanjulabudde eno n’olw’olutambi olw’okuzannyibwa ku Ssande ku makya. Wabula nkitegeera nti okuzannya Entambi ku Lwokuna, Olwokutaano, n’Olwomukaaga akawungeezi mu budde bw’e Jeffersonville kiyinza okubabeerera ekizibu nnyo abasinga obungi ku mmwe, kale nsaba mubeere ba ddembe okuzannya Obubaka obwo mu kiseera kyonna eky’olunaku ekibanyumira. Wabula, ate, nandyagadde ffenna twegattire wamu ku Ssande ku ssaawa 6:30 (mukaaga kitundu) ez’omu ttuntu, mu budde bw’e Jeffersonville, okuwulira Obubaka bwaffe obwa Ssande nga tuli wamu.

Era njagala okubayita n’abaana bammwe okubeera ekitundu ku mpapula z’okukola eza Creations n’okusomesebwa, n’ebibuuzo bya YF, amaka go gonna bye gasobola okunyumirwa awamu. Tulowooza nti mujja kubyagala anti byonna byesigamiziddwa ku KIGAMBO kye tugenda okuwulira wiikendi eno.

Ku lw’ennyanjulabudde ya wiikendi, okutegeezebwa ku ngeri y’okutegekamu olukuŋŋaana lw’Okussa Ekimu, ebintu ebigenda okwetaagibwa mu pulojekiti za Creations, Ebibuuzo bya Paasika (Quizzes), n’amawulire amalala, laba emikutu wammanga.

Kiba kitiibwa nnyo gyendi okukuyita ggwe n’ab’omu maka go okujja awamu n’Omugole okwetoloola ensi yonna ku wiikendi ejjudde OKUSINZA, OKUTENDEREZA N’OKUWONYEZEBWA. Nzikiriza nti ddala enaaba wiikendi ejja okukyusa obulamu bwo emirembe gyonna.

Ow’oluganda Joseph Branham

Empeereza Audio

Wansi waliwo okubuulira kwa wiikendi ya Paasika. Empeereza y’Ekijjulo/Okwoza Ebigere ku Lwokuna y’emu ku nkola y’okuwanula.

LWAUNA– 6:00 PM (obudde bw’ekitundu)

(EKITUNDU KYA TAPE) + Ekijjulo 57-0418

LWAKUTAANO – 12:30 PM (obudde bw’ekitundu)

Obutuukirivu 57-0419

LWAMUKAA– 12:30 PM (essaawa y’omu kitundu)

Okuziika 57-0420

SSANDE– 12:30 PM (obudde bwa Jeffersonville)

Okuzzaawo Omuti Gw’omugole 62-0422

23-0402 Okukwakkulibwa

Obubaka: 65-1204 Okukwakkulibwa

BranhamTabernacle.org

Ba Kigambo Waggulu Ku Kigambo Abaagalwa,

Amakanisa mangi gasobeddwa, gasoberwa, gatabuddwatabuddwa, gasoberwa olw’okufiirwa, gasobeddwa awatali kumanya kya kukola, gavuyizza era gazzeemu obuvuyo nga beewuunya kiki ekigenda mu maaso ne bano mbu “Abantu b’Entambi” okuva mu nsi yonna buli Ssande.

Kwe Kwegatta Kw’omugole Wa Kristo Okutalabika, nga Atudde mu maaso g’Omwana, nga Ayengera, nga Yeetegeka. Omugole waffe ow’omu Ggulu abadde atubuulira byonna ebikwata ku maka gaffe ag’omu maaso naye.

Wiiki ntono zokka emabega Yatugamba nti: “Ensi eno si Maka go, lusuku Adeni olwa Sitaani, era nja kugizikiriza n’omuliro. Ggwe swiitimutima Wange, gwe nnalonda nga ensi tennatondebwa okubeera Omugole wange. Kati, ku Ssande eno ng’enda kukubuulira byonna ebikwata ku Kukwakkulibwa kwange okubindabinda.”

Tuli wansi w’okusuubira okunene kutya. Tusobola okukuwulira mu bbanga. Ebintu biri mu kutuukawo mangu nnyo.

Ekyo kyennyini Baibuli kye yagamba nti kiribaawo mu lunaku luno, kigenda mu maaso, buli lunaku. Lwaki, kikuŋŋaanyiza ku bwangu obw’ekitalo ennyo ebweru eyo, mu ddungu eryo, n’ebintu ebigenda mu maaso, okutuusa nga sisobola na kwekuumira ku bwangu bwakyo. Tuli kumpi n’Okujja kwa Yesu, okwegatta n’Ekkanisa Ye, Ekigambo we kifuuka Ekigambo.   

Bino byonna bigenda mu maaso ku lwaffe, Omukyala We Omulonde, Omugole w’olunaku luno. Ffe ffekka abalaba ebintu bino nga byebikkula bwanjulukufu.

Atutegese okubeerawo ku mulembe guno era tewali mulala asobola kutwala kifo kyaffe. Kati tuli batabani na bawala Be abayoleseddwa tusobole okussa ekimu naye; ekyo ky’Ayagala.

FFE Kigambo Waggulu ku Kigambo, nsigo ya bulamu ku nsigo ya bulamu, Obulamu waggulu ku Bulamu, era ekigera ekijjuvu eky’Omugole wa Mukama waffe Yesu Kristo.

Bw’oba olina obwetaavu, Bwogere. Ggwe Kigambo waggulu ku Kigambo. Totunuulira buwolongofu butwetoolodde wonna mu nsi; obulwadde, endwadde, ettemu, okuggwaamu essuubi, okugwa eddalu okw’abantu abatamanyi oba basajja oba bakazi. FFE MUGOLE, omugole wa Mukama waffe Yesu Kristo eyategekebwa edda, eyaweebwa obutuukirivu, eyayolesebwa.

Tobaako KY’OTYA. Musanyuke era mujaguze. Ebiseera bisembedde. Twetegeka okuva mu nnyumba eno ey’ebiwuka, KITIIBWA!!!

Jjangu weetegekere Okuwakkulibwa, wamu naffe Ssande ku ssaawa 6:00 (mukaaga) ez’omuttuntu, mu budde bwe Jeffersonville. (Y’essaawa 1:00 (emu) ey’akawungeezi e Uganda). Toliddamu kuba kyekimu.

Owol. Joseph Branham

Zabbuli 27:1-5

23-0326 Okwegatta Kw’Omugole Wa Kristo Okutalabika

Obubaka: 65-1125 Okwegatta Kw’Omugole Wa Kristo Okutalabika

BranhamTabernacle.org

Omukyala Omulonde omwagalwa,

Kiki kye wandiwaddeyo Mukama waffe Yesu ayingire mu maka go ku Ssande eno, atuule mu ntebe yo, akutunuulire mu maaso ayogere naawe butereevu?
Tewandisobodde kwogera. Tewandiyagadde kwogera. Kye wandyagadde okukola kwe kumutunuulira n’okaaba. Wanditidde n’okwasamya akamwa ko. Kiki kyewandyogedde? Mu birowoozo byo wandibadde olowooza, Mukama, sisaanidde yadde n’akatono Ggwe okubeera wano mu maka gange. Nze asembayo wansi mu ba wansi. Nkulemeredde emirundi mingi nnyo Mukama, naye Mukama, nkwagala nnyo.

Olwo wanditegedde mu mutima gwo, Amanyi kennyini kye ndowooza, tewali kintu kyonna kikwekeddwa okuva gy’Ali. Amanyi ebyama byennyini eby’omutima gwange.

Nga bw’oMutunuulira mu Maaso Ge ag’omuwendo, wandirabye okwagala n’okusaasira okungi ennyo. Yandibadde ayogera naawe awatali na kwasamya kamwa ke. Wandibadde olowooza, Mu butuufu Ali wano, mu maka gange, nange.

Omutima gwo gwanditandise okukukuba n’okusingawo, nga bw’omulaba ng’anaatera okubaako ky’akugamba. Omulundi gumu, Eddoboozi erisinga obuwoomu lyewali owulidde lyandigambye nti, “ .
Swiitimutima wange omwagalwa, teweeraliikirira, erinnya lyo liri mu kitabo ky’Obulamu kyange Eky’Omwana Gw’Endiga. Si ekitabo ekikadde eky’okugattibwa kwo okw’obutonde, wabula Ekitabo kyange ekipya eky’Omugole. Y’ebbaluwa yo ey’obufumbo nange.

Asingira mu Baagalwa, tosonyiyibbwa bibi byo byonna n’okulemererwa kwo byokka, wabula ewange, TOLINA MUSANGO. Mu Maaso Gange, tokolangako kibi kyonna.

Ggwe mwana wange ow’omuwendo, ow’empisa ennungi, atalina kibi. Oyimirira nga oli mulongoofu; Omugole wange atagattiddwamu birala anaaziddwa n’Amazzi g’Omusaayi Gwange Nze Mwene.

Nga tewannabaawo wadde omwezi, emmunyeenye oba akatoofaali k’obutonde akasingayo obutono, wali mutabani Wange era muwala wange. Ggwe kwolesebwa okukwatikako mu mubiri okw’ebikula ebyali mu Nze ku lubereberye.

Ensengekera yo ey’omwoyo yali mu Nze kubanga oli kwolesebwa kwa mpisa zange, ebirowoozo byange. N’okuba wali mu Nze nga ensi tennatondebwawo.

Ggwe Mugole Wange ow’omwoyo abadde agalamidde mu Maaso g’Omwana, nga oyengera, ng’owuliriza Ekigambo kyange. Kati otandise okuba n’okudda obuggya, ng’okomawo n’otereera n’Ekigambo kyange. Oli Mugole Wange Omulonde.

Kati olina obumu obw’omwoyo nange. Omubiri gwo gufuuka Kigambo, n’Ekigambo kifuuka omubiri; ekyoleseddwa ne kikakasibwa. Kye nnakugamba kyennyini nti kijja kubaawo mu lunaku luno, kigenda mu maaso, buli lunaku. Ekigambo nga kifuuka Ekigambo.

Olina Okubikkulirwa okwa nnamaddala okw’olunaku luno olusembayo: okukuŋŋaana kw’Omugole Wange awamu olw’Obubaka Buno. Tewali mulembe mulala gwonna gwe nnakisuubiza. Nakikusuubiza, mu mulembe guno: Malaki 4, Lukka 17:30, Omutukuvu Yokaana 14:12, Yoweri 2:38.

Tugenda kuba n’ekijjulo ky’okwebaza Katonda ku Ssande eno lwe ŋŋenda okubabuulira ebisingawo. Nja kumala essaawa naawe, nga tussa ekimu n’okulya ekijjulo ky’Ekigambo kyange. Nja kubakakasa nate nti nga musigala n’Ekigambo kyange, nnabbi Wange, Eddoboozi lyange, nga Munyiga Zannya, muli mu Kwagala Kwange okutuukiridde.

Nabagamba mu Kigambo kyange, nnyimiridde ku mulyango, era nkonkona. Omuntu yenna bw’awulira EDDOBOOZI lyange, n’aggulawo oluggi, ndiyingira gy’ali, ne ndya wamu naye, naye naye wamu nange. Bangi tebajja kuwuliriza baggulewo oluggi lwabwe, naye olw’Okubikkulirwa, ogguddewo oluggi lwo n’onnyaniriza munda.

Tebakkiriziganya na kuzannya Ddoboozi lyange mu masinzizo gaabwe. Singa baleka bulesi Omwoyo Omutukuvu okukebera ebirowoozo byabwe n’Ekigambo, bandikkirizagannyiza nakyo. Leka Kristo, Ekigambo ekyafukibwako amafuta, akebere omuntu wo ow’omunda. Muleke ayingire mu ggwe, olabe oba nga Ekyo kituufu oba nedda. Nnakugamba nti tekijja kuba kibiina ekinaabagatta awamu, tebasobola na kukkiriziganya ku Kigambo kimu oba bibiri mu Baibuli. Nnakugambako nti kijja kuba kibinja kya basajja? Nedda! Nnakugamba nti Bubaka bwa Musajja OMU; era n’owuliriza n’ogonda.

Olw’okuba tebaagala kuwuliriza na kukkiriza nteekateeka yange nnakabala okuva ku lubereberye, nnabaweereza ababuulizi, abasomesa, abatume, abasumba ne bannabbi. Naye baasindikibwa okusonga abantu OKUDDA ku nteekateeka yange nnakabala era etuukiridde, Malayika wange ow’amaanyi. Kubanga lye Ddoboozi lya Katonda gye muli.

Bafukiddwako amafuta, naye nze nnina OMUBAKA NABBI OMU yekka OKUBAKULEMBERA. OMWOYO OMUTUKUVU YE NABBI. Sikugambye emirundi mingi, EKIGAMBO KYANGE EKYAYOGERWA OKUYITA MU YE TEKYETAAGISA KUVVUUNULWA, TOYOGERAKO OBA TOTOOLAKO KINTU KYONNA KU KYAYOGEDDE, YOGERA BWOGEZI KYEYAYOGERA KU NTAMBI EZO? Oyo ye nnabbi, Omwoyo Omutukuvu nga Abakulembera.

Y’oyo gwe nnatuma okukuyita obeere Omugole Wange. Y’oyo agenda okukwanjula gyeNdi. Y’oyo gwe nnayimirira naye nga mmulaga ekifaananyi nga bw’olifaanana, Omugole Wange. Nnakubuulira byonna ebimukwatako mu Kitabo ky’Okubikkulirwa bweNnagamba nti, Nze Yesu ntumye MALAYIKA WANGE okubategeeza ebintu bino MU MAKANISA MUNDA. Ye NZE, omubiri gwe n’eddoboozi lye nkozesa bikozese okwogera naawe.”

Nga lunaku lwa kitalo nnyo lwe tulimu awamu naye. Tetubangako basanyufu kusingawo oba abamativu okusingawo mu bulamu bwaffe. Kino kye KYO. Kino kye tubadde tulinze obulamu bwaffe bwonna.

Tewali kisiikirize kya kubuusabuusa mu mitima gyaffe oba mu birowoozo byaffe. Kubanga na buli Bubaka bwe tuwulira, Atugamba nti tuli mu Kwagala Kwe okutuukiridde. Waliwo Eddoboozi limu lyokka erijja okubagatta, okubatuukiriza, n’okubaleeta awamu…Nze, NZE NGA NJOGERA NGA MPITA MU NABBI WANGE. SSI BIGAMBO BYE, EBIGAMBO BYANGE. LY’EKKUBO LYANGE LYENTADDEWO.

Emmeeza etegekeddwa bwanjulukufu. Ejjudde emboga, enva endiirwa eza buli langi n’ekikula…KIGAMBO KU KIGAMBO, KU KIGAMBO. Tugenda kuba n’ekijjulo ky’okwebaza Katonda nga bwe kitabangawo. Wagenda kubaawo jubileewo okwetoloola ensi yonna ng’Omugole akuŋŋaana okwetooloola Emmeeza zaabwe okuwuliriza Eddoboozi lya Katonda nga lyogera nabo. Amaka gaffe n’amakanisa gaffe gajja kujjula okubeerawo Kwe. Ebigambo bijja kutubula okuggyako zi Kitiibwa kya Mukama zaffe, zi Aleluuya, ne zi Erinnya Lya Mukama lyebazibwe.

Jjangu obeere ekitundu ku Lukungaana lw’Okwebaza Amaka g’Omugole, nga bw’atuliisa. Tolwawo, kuba tugenda kutandika okugabula ku Ssande, ku ssaawa 6:00 (mukaaga) ez’omuttuntu, mu budde bwe Jeffersonville. (Y’essaawa 1:00 (emu) ey’akawungeezi e Uganda). Ajja kubeerawo, kubanga yaŋŋambye nti ajja kubaawo.

NJIJA era nja kuba mbabuulira byonna ebikwata ku Okwegatta Kw’Omugole Wa Kristo Okutalabika 65-1125.

Tujja kulabagana wali ku Mmeeza.

Owol. Joseph Branham

(Oba Oyinza Okumuyita): Mukyala We Omulonde