Omugole aleekaana era asanyuka abaagalwa,

Tuli mu Kigambo nga tubeera mu kaseera akasinga obw’ekitalo mu bulamu bwaffe. Okuyigiriza, okwewongayo mu kuweereza, n’okubikkulirwa. Tewali kisinga kuba kyamugaso ku kuwulira Eddoboozi lya Katonda ku lutambi.

Obubaka buno ye buli kimu gyetuli. Butuwa okumatira okujjuvu. Ekintu kyokka ekisobola okuwonya ennyonta y’emmeeme yaffe kwe kuwulira Katonda nga ayogera eri ffe okuyita mu nnabbi We.

Buli lunaku atuwa okubikkulirwa okusingako ku Ye ne ku ffe. Okukakasibwa nate okw’obuzibako nti, okuyita mu “kunyiga zannya,” tuli mu kuwulira Ekigambo Kye era tuli mu kukola ddala nga bweYatulagira okukola. Tuli ndiga Ze, era endiga tesobola kwekulembera; erina okuba n’omukulembeze. Era Omwoyo Omutukuvu Atukulembera eri Ye Mwene, Eddoboozi lye eryogerera Ebigambo eby’obwa nnantakolansobi ku lutambi.

Tetuli mu kuwuliriza ffenna wamu Obubaka buno nga ekituguddeko obugwi, Yatuloda okukikola. “Ebigere by’omutuukirivu bikulemberwa Mukama.” Waliwo ensonga. Tetusobola kukyebeera. Obubaka ku lutambi bwe byonna Omugole bye yeetaaga. Okuyita mu kuBuwulira, Buli mu kutuwa omukono ogw’amaanyi ogw’Okukkiriza okwenywereza n’okukkiriza buli Kigambo.

Lwaki tukkiriza nti kyamugaso nnyo bonna abeeyita “Omugole wa Katonda” okuwulira entambi?

Ekigambo kitugamba mu bwerufu nti Baibuli yennyini yawandiikibwa bannabbi. Tebyali birowoozo byabwe, newankubadde okuteekateeka kw’obwongo bwabwe, naye Omwoyo Omutukuvu yabawalirizanga okuwandiika Baibuli. Baibuli era Etugamba nti Mukama Katonda TALIIKO KY’ALIKOLA okutuusa nga Abikkudde Ekigambo kye eri nnabbi We. Abalala bayinza okuKyogera n’okuKirangirira, naye bakkirizibwa kwogera KYOKKA ekyo nnabbi wa Katonda ky’Amaze okwogera.

Bw’oba nga okkiriza nti William Marrion Branham ye mubaka malayika ow’omusanvu eyakakasibwa owa Katonda, olwo kyeyayogera KU LUTAMBI si bigambo bye, naye ebirowoozo bya Katonda Mwene byennyini nga byogeddwa. Owummulizza enkomekkerero yo ey’olubeerera ku buli Kigambo kye yayogera ku ntambi, nga bw’okkkiriza okubeera BWATYO BW’AYOGERA MUKAMA. Ssikyakugattibwako newankubadde okutoolebwako, newankubadde kyo okwetaaga okuvvuunulwa; Ye Mwana w’Omuntu nga ayogerera okuyita mu muntu Gweyalonda okutuukiriza Ekigambo Kye.

Omugole Owannamaddala amanyi omugaso gw’okuwulira entambi. Eri ffe, Entambi ky’eky’omugaso ogwawaggulu (oba major) obuweereza obulala bwonna bwa mugaso gwa wansi ko (oba mayina). Buli omu alina okwebuuza oba nga enkomekkerero ye ey’olubeerera yesigamizibbwa ku buli Kigambo nnabbi wa Katonda kyeyayogera. Bwemba nga nzikiriza nti ly’Eddoboozi lya Katonda eriri mu kwogera nga liyita Omugole We, olwo tewali kintu kyamugaso kusinga ku KUNYIGA ZANNYA, nga bweŋŋeenda okulamulwa buli Kigambo NNABBI WA KATONDA KYEYAYOGERA…si ekyo omuntu omu kyeyayogera mbu nnabbi wa Katonda kyeyayogera.

Bw’oba nga okkiriza nti weetaaga ekisingako ku ntambi, olwo si kyamugaso nnyo kiri awo gy’oli okussa essira ku kuwuliriza entambi, naye obukulu obusingako nga buteekeddwa ku buweereza. Osobola okubeera n’eky’omugaso ogwawaggulu kimu kyokka.

Nga bwetuwuliriza oluitambi Sande eno, Katonda Mwene ajja kwogera gyetuli Atugambe nti tulina ekyapa ky’omumateeka eky’obulamu obutaggwawo. Tulina obwannannyini ku buli kimu Adamu ne Kaawa kyebaafiirwa. Kigenda kuleetebwa gyetuli mu kubikkulirwa, n’okuva mu mukono gwa Mukama okuyita mu kukakasibwa.

Olwo Ajja kutugamba ekyabaawo mu ggulu. engeri Yesu Mwene gyeYatwala Ekitabo, n’Ayuzaako envumbo, olwo n’Akisindikira nnabbi gweYalonda n’Amugamba okukiwa Omugole We….yogera ku kuleekaana!!!! Buli kimu kunsi ne mu ggulu kijja kutuwulira nga tuleekaana era nga tuleekaanira waggulu nga bwetulaba amannya gaffe nga gawandiikiddwa mu Kitabo ky’Omwana Gw’Endiga eky’Obulamu.

Ow’oluganda Branham yagamba,
Era n’Atwala Ekitabo, (kitiibwa!) n’abikkula Ekitabo, n’Ayuzaako Obubonero; era n’Akisindika wansi ku nsi, eri Malayika We ow’omusanvu, okuKibikkula eri abantu Be! Kyekyo. O, owange! Kiki ekyabaawo? Okuleekaanira waggulu, okuleekaana, zi Aleeluuya, abafukeko amafuta, amaanyi, ekitiibwa, okwolesebwa!

Era Yokaana omukadde, eyali ayimiridde awo, muganda waffe, nga akaaba! “Lwaki,” yagamba, “buli kimu mu ggulu, buli kimu mu nsi, buli kimu mu nnyanja, kyampulira nga ndeekaana, ‘Amiina! Amiina! Emikisa, ekitiibwa, n’obuyinza, n’amaanyi, bibenga eri Ye omulamu emirembe n’emirembe.’”

Okubikkulirwa okw’ekitalo kuno oyinza kukuwulira wa? KU NTAMBI KWOKKA. Waliwo wo ekintu ekimu eky’ejawulo obubeezi eri Omugole bwebawulira Katonda Mwene nga Ayogera okuyita mu mimwa gy’omuntu nga abagamba, “YEMMWE MUGOLE WANGE SWIITIMUTIMA.”

Jjangu otuule mu maaso g’Omwoyo Omutukuvu okuyita mu Kunyiga Zannya, Sande eno ku ssaawa 6 ez’omu ttuntu mu budde bwe Jeffersonville (ze ssaawa bbiri ez’ekiro e Uganda), nga bwetuwulira Omubaka We owomusanvu nga aleeta : Ebbanga Wakati W’Emirembe Omusanvu Egy’Ekkanisa n’Obubonero Omusanvu 63-0317E.

Tujja kuba tuleekaana nga tusanyuka nga tugamba Aleeluuya.

Owol. Joseph Branham

Ebyawandiikibwa by’okusoma mu kwetegekera okuwulira Obubaka:

Ebyabaleevi: 25:47-55
Yeremiya: 32:1-15
Zakaliya: 3:8-9 / 4:10
Abaruumi: 8:22-23
Abaefeso: 1:13-14 / 4:30
Okubikkulirwa: 1:12-18 / essuula 5 yonna / 10:1-7 / 11:18