Ekisibo ekitono ekya Eriya abaagalwa,

Tuli bantu ba nvuma, abatannyonnyoleka, era abatali baabulijjo eri ensi, era n’eri abakkiriza bangi. Naye newankubadde kiri tyo, tuli bwakabona obw’omwoyo, eggwanga eddangira, nga tuwayo ssaddaaka ez’omwoyo eri Katonda, n’ebibala by’emimwa gyaffe nga tuwa ettendo erinnya Lye.

Twagala okugamba ensi nti tuli basanyufu nnyo, tweyanzege nnyo, era tussiddwamu nnyo ekitiibwa okubeera omu ku bo. Tutunze amayinja gaffe gonna ag’omuwendo amalala, ye nga bw’Atuwadde ejjinja ery’omuwendo ogw’ekitalo ennyo, okubikkulirwa kwe Ye.

Tulaba Ekigambo kya Katonda kyennyini nga kirabisiddwa. Ekigambo kyennyini eky’ennaku ezisembayo. Ebyaka byennyini eby’akawungeezi ebyali eby’okwaka. Kibikkuriddwa mu buziba mu mitima gyaffe nti Eddoboozi lye tuwulira ku ntambi Ye Mwana w’Omuntu nga Yeebikkula. Eddoboozi eryo lyatugamba, “Sigala wano, tunuulira eno emmere eterekebbwa, gye mbayingirizza ku ntambi. Bwemuba n’ebibuuzo byonna, mukomeewo mujulize entambi zino. N’okuba kiyinza okuba nga tekyeruddwa kutegerekeka bulungi gyoli naye za olutambi emabega era owuliririze kumpi.” Bw’oba nga oli Mugole, Omwoyo Omutukuvu Ajja kukikubikkulira. Jjukira, Entambi tezeetaaga kuvvuunulwa kwonna. Yogera bwogezi ekyo ekiri ku ntambi. Ndi musumba wammwe. Era mmwe kisibo kyange ekitono. Musigale n’enjigiriza y’olutambi. Mmanyi nti bangi nnyo tebategeera kyetukola mu kuwulira Obubaka bwebumu ffenna mu kaseera keekamu. Naye ekyo tekirina buzibu, basigala baganda baffe era bannyinaffe. Tubaagala, era tetugezanga ne twogera ekibi gyebali.

Buli omu alina okukola nga bw’awulira nti bw’akulembeddwa Katonda okukola. Katonda akola era n’Atukulembera nga ba ssekinnoomu. Nnabbi yatugamba, Tuteekwa okukebera buli kimu n’Ekigambo, era ne tukikakasa n’Ekigambo, era ddala nga Ye bwe yakola. Ekigambo kya leero kiri, era bulijjo kibaddenga Baibuli. Baibuli etugamba, mu nnaku ezisembayo, ajja kubikkula mu bujjuvu ebyama byonna ebitategeerekeka n’ebyakisibwa mu Baibuli Ye, nga Akozesa nnabbi gwe Yali Agenda okusindika. Ye Yennyini yali wa kwogera nga Ayitira mu nnabbi ono, era Yeebikkule mu mubiri, era ddala nga bwe Yakola eri Ibulayimu. Ekigambo kye ssi kya kubeera bigambo bya bantu, naye ebigambo byennyini ebya Katonda Mwene. Kya kubeera Bwatyo bw’Ayogera Mukama, bw’etyo Baibuli n’Eddoboozi eryo bijja kubeera omu, era nga byebimu.

Waliwo obuziba obuli mu kukoowoola obuziba mu mitima gyaffe okuwulira Eddoboozi eryo eryakakasibwa. Twagala okuwulira Eddoboozi eryo erya Katonda butereevu okuva mu nnabbi We omulonde.

Waliwo okwagala nga kungi mu mitima gyaffe, okuwulira Eddoboozi eryo, era netuteeka buteesi, era nga tumanyi nti teturina kubuuza kintu kyonna kyetuwulira, tulina kukkiriza bukkiriza BULI KIGAMBO. Tewali kifo kyonna wetusobola okukolera ekyo. Ssi nti omuntu omu yanditugamba ekintu ekikyamu oba otukulembera okutuwabya, kubanga nabo balina Omwoyo Omutukuvu, naye tumanyi nti banditugamba ekintu ekikyamu bumutamanya, naye bwetuwulira Eddoboozi lya Katonda erikakasibbwa ku lutambi, ne bwetuba nga tetutegeera kiri kugambibwa, taata Katonda yagamba tulina bubeezi kugamba, “AMIINA”. Tukkiriza buli kigambo. Tetuyinza kukola ekyo ku ddoboozi eddala lyonna.

Twalagirwa eddoboozi eryo oku

“Temumpuliriza, naye MUWULIRIZE kyengambye. Kyengambye bwe Bubaka. Temussa Mwoyo Gwonna ku mubaka, mutunuulire Obubaka. Amaaso gammwe mugakuumire ssi ku mubaka naye ku Bubaka. Kye bwogera ekyo kye kintu ekyokutunuulira.”

Kyeyayogera bwe bubaka bw’Ekiseera. Tulina okukuumira amaaso gaffe ku Bubaka. Kye kintu kyokutunuulira. Ali mukubikkula bintu gyetuli nga bwekitabangawo. Buli bubaka bwetuwulira buwulikaka nga Obubaka obupya bwetutawulirangako, newankubadde nga tubuwulirizza bikumi na bikumi bya mirundi emabega. Tetusobola kukinnyonnyola. Kiringa abali okubuwuliriza omulundi ogusooka era nga Atuwa okubikkulirwa okusingako era okusingako.

Tetuyinza na kukiteebereza omuntu yenna obutayagala kuwuliriza Bubaka buno wamu naffe. Waliwo obumu n’okubeera awamu eby’engeri etya wakati w’Omugole n’Ekigambo Kye. Tuli bamativu mu bujjuvu nga bwekitabangawo bu budde obulala bwonna mu bulamu bwaffe.

Omulundi gumu nate, tuli wansi w’okusuubira okw’amaanyi. Kiringa obubonero obuli okubembulwa kati kati. Agenda kutulaga ebintu byetutalabangako emabega, era atangaaze ku bintu byetuwulidde emirundi mingi nnyo emabega. Naye kati, tujja bukiraba nga kyeruddwa bulungi.

Tumanyi nti buli kimu kyetwetaaga ku lw’okukwakkulibwa Kwe okunaatera okujja ly’Eddoboozi eryo ku ntambi. Katonda yatuma nnabbi We nga Ayita mu kwolesebwa eri ennyuma w’eddungu mu Arizona, eyo gyeyasitulibwa ba malayika musanvu era olwo n’atumibwa okukomawo e Jeffersonville okubikkula ebyama ebyakisibwa eby’obubonero omusanvu eri Omugole.

Jangu weeyunge ku mukutu wamu naffe, Katonda nga bw’Ayogera naffe mumwa ku kutu Sande eno ku ssaawa 4 ezookumakya mu budde bwe Jeffersonville (ze ssaawa 11 ez’akawungeezi e Uganda) era tujja kuwulira Katonda Nga Yeekweka Mu Binyoomebwa era Nga Yeebikkulira Mu By Byennyini, 63-0317M. Tujja kutandikira Obubaka ku katundu aka 90, oluvannyuma lw’olukunŋŋaana lw’okuwongayo.

Owol. Joseph Branham.

Ebyawandiikibwa by’okusoma biri

1 Ebyomumirembe 17 : 1 – 8

Isaaya 35 : 8

Isaaya 40 : 1 – 5

Isaaya 53 : 1

Malaki 3 mu bulamba bwayo

Omut Matayo 11 : 10

Omut Matayo 11 : 25 ne 26

Omut Yokaana 14 : 1 – 6

Abakkolinso 13 mu bulamba bwayo

Okubikkukirwa 21 mu bulamba bwayo