Yeekaalu ya Katonda abaagalwa,

Obubaka buno tebuliiko kkomo mu maanyi. Butuukiridde mu bwo bwennyini. Ky’ekigambo ekisembayo ku bintu byonna. Tewali kintu kirala kyonna eri Omugole okujjako Eddoboozi eryo eryakwatibwa ku ntambi. Bwe Bubaka bwa Katonda obukakasibbwa obw’ekiseera. Ye kamala byonna waffe.

Tuli mu lugendo lwaffe tugenda Munsi Ensuubize, nga tukulembeddwa Omwoyo Omutukuvu, Empagi y’Omuliro. Emmere yaffe ey’Omwoyo eterekebbwa okutubeezaawo mu lugendo lwaffe. Buli kyetwetaaga kigabiriddwa.

Dawudi yategeka mu bungi ddala nga okufa kwe tekunnabaawo ebintu byonna ebyali byetaagisibwa okuzimba ennyumba ya Katonda. Yalagira nti erina okubeera ngulumivu eyeekitiibwa byansusso, nga yaalinnya, era yaakitiibwa, okuyita mu mawanga gonna.

Olwo n’ayogera eri Sulemaani, n’amuwa byonna byeyali ategese olw’okuzimba kwa Yeekaalu kulwa Mukama. Yamuwa enkola enaddiŋŋanwa mu kukola akabalaza, era n’ey’amayumba gaakwo, ey’amawanika, ebisenge bya waggulu, ebisenge ewawummulirwa, n’ekifo ky’entebe y’ekisa. 

Yamuwa enkola enaddiŋŋanwa eyabuli kimu kyeyalina mu mwoyo, ekikwatagana ku mpya z’ennyumba ya Mukama. Ebisenge byonna okwetooloola wonna, amawanika g’ennyumba ya Katonda, n’ey’amawanika ag’ebintu ebyawongebwayo.

Kuby’obwannannyini bya bakabona n’abaleevi, na ku buli mulimu gwonna ogw’obuweereza bw’ennyumba ya Mukama. Era yamuwa ebibya byonna eby’obuweereza mu nnyumba ya Katonda. Zaabu ne ffeeza kulwa buli kikozesebwa mu kuweereza kwonna kwonna. Obuzito bwa zzaabu ne ffeeza owa buli kikondo-kya-tabaaza . Zaabu ne ffeeza ku lwa buli mmeeza okwabanga emigaati egy’okulaga, amalobo g’ennyama, amasowaani, ebikompe n’amabaafu.  

Ku lw’ekyoto ky’obubaane, zaabu ennongoofu eyapimibwa; era zaabu kulw’enkola eyaddiŋŋanwa ey’eggaali y’abakerubi, abanjuluza ebiwawaatiro byabwe, ne babikka ku ssanduuko ey’endagaano ya MUKAMA.

Ebyo byonna ebyali biterekeddwa kulw’ekizimbe. Tewali kyali kyabulako yadde. Ateekwa okugoberera endagiriro nnakabala butuukirivu ddala okuzimba Yeekaalu ya Mukama.

Naye mu lunaku lwaffe, Katonda ali mukuzimba yeekaalu endala, Omugole We. Yeekaalu eno terizikirizibwa, naye eribaawo lwa butaggwaawo naYe. Ategese n’Atereka mu ngeri y’omuyiika ku lwa buli kimu ekyetaagibwa okuzimba Yeekaalu Ye empya.

Obulamba bwa Katonda, Ensigo y’Omusota, Sabbiiti Ensanvu eza Danyeri, Emirembe Omusanvu Egy’Ekkanisa, Obubonero Omusanvu, Okutegeera Olunaku Lwo, Okufumbiriganwa n’Okugoba, Okwolesa mu lwatu okubereberye okwa Katonda, Akabonero, Kamala Byonna, Abaafukibwako Amafuta, Emmere y’Omwoyo, Kristo kye Kyama, n’ebikumi n’ebikumi by’obulala bwonna, obuteekwa okugobererwa mu butuufu ddala.

Aterese buli kimu kyetwetaaga, naye tulina okugoberera endagiriro nnakabala mu butuufu ddala, nga tetukyusa nnukuta n’emu newakudde akatonnyeze akamu. 

Kaakati, kyekino kyeŋŋamba amakya gaaleero, kwe kutereka Emmere.Okutereka Emmere, bwotyo osobole okuba ne ky’on’olya, bw’otyo osobole okuba ne ky’onoliirako embaga. Kifune ku ntambi zo. Tuula mu busendekerevu bw’ekisenge. Oba oli awo, nga ndi wala nnyo ebunaayira, ojja kusigala nga ojjukira nti ebintu bino bituufu. Tuula mu kisenga kyo owulirize. Olaba?Era eno Mmere, nga eterekebwa, mu ggwanika.

Yagamba nti Tabanako ewulikika nga awaka gy’ali okusinga ekifo ekirala kyonna ewalala. Ky’ekifo Emmere weyali eterekebwa.

Wabweru mu nkuŋŋaana gyeŋŋenda, temumpulirako nga mbuulira Obubaka buno. Nedda, nnabasuubiza, okujja mu tabanako eno. Wano wennyini wembuulirira Obubaka bwange. Nninayo busatu oba buna wano, Mukama bw’Ampadde, Nnina Ebyawandiikibwa kubwo, ekyo ssisobola kweeteeka ku lugwanyu okububuulira awalala wonna okujjako wano wennyini. Wano Ekigambo kya Katonda wekyatandikira okufuluma. Era, okutuusa nga Katonda akikyusizza, ŋŋenda kusigala wano wennyini era nga nkifulumiza wano wennyini. Ekyo kituufu.

Nnabbi wa Katonda yayogera n’agamba nti waaliwo ekibiina ky’abantu abamukkiriza, era nga bayala era nga banyweredde ku buli kigambo kye yayogera. Yemmwe kibiina ky’abantu ekyo. Yemmwe kibiina kye. Yemmwe kisibo kye ekitono.

Mbadde mu kusaba era mpulira Katonda atukulembera okugoberera Obubaka bweyaleeterea nnabbi we okutereka mu bungi mu ggwanika lye okuzimba Omugole We.

Tujja kugenda mumaaso nga tugoberera nnabbi We nga bwetuwuliriza: Kano K e Kabonero k’Enkomerero, Ssebo? 62-1230E. Nnandyagadded okukwaniriza okutwegattako Sande ku ssaawa 4 ezookumakya, mu budde bwe Jeffersonville, (ze ssaawa 11 ez’akawungeezi e Uganda),

, okuwulira Emmere eno eyategekebwa n’eterekebwa mu ngeri ey’enjawulo enaakuzimba okufuuka Yeekaalu Ya Katonda.

“Obudde tewakyali.” Bwekiba, leka tweteeketeeke, ab’emikwano, okusisinkana Katonda waffe. Wabaddewo Emmere nnyingi eyingiziddwa kati. Katugikozese. Katugikozese kati.

Owol. Joseph Branham