Mesagj: 63-1124M Kisa M Ap Fè Ak Jezi Yo Rele Kris La?
Ankenn responsablite pou Tradiksyon ki fèt nan Branham Tabernacle
Mesagj: 63-1110M Nanm Ki Nan Prizon Kounye A
Ankenn responsablite pou Tradiksyon ki fèt nan Branham Tabernacle
Byenneme Moun Ki Separe,
Bondye vin nan epòk nou epi Li revele Tèt Li nan kò imen, nan yon nonm ki rele William Marrion Branham, pou L te ka akonpli Pawòl Li. Sa se Revelasyon Jezikri nan epòk nou.
Tande Vwa sa a epi kwè chak Pawòl se sèl Chemen ke Bondye bay pou jodi a. Li te voye anpil moun wen nan mond lan avèk Sentespri L, men L te voye epi L te pale atravè yon sèl moun pou revele Pawòl Li epi pou kondwi Lepouz Li.
Li pa janm chanje Pwogram Li oubyen Fason pou L fè bagay yo. Jan L te fè l premye fwa a, Li fèl chak fwa. Li kondwi pèp Li Limenm, pa Kolòn Dife a.
Pa janm bliye, NOU SE Lepouz ke Bondye chwazi e pa gen anyen dyab la ka fè ou di ki ka anlve nou sa, ANYEN! Li predestine nou anvan fondasyon mond lan. Li te konnen nou lè a, epi nou te avè L. Li te konn non nou. Li te konn tout bagay sou nou. Li te konn lè nou te anfòm e lè nou pat anfòm. Li te konn echèk nou yo, erè nou yo, e L te toujou renmen nou e L te chwazi nou paske nou te fè pati de Li.
Nanm nou ka jis nouri nou avèk Pawòl Li. Anyen ka satisfè nou eksepte Pawòl Li. Nou renmen li Pawòl Li epi medite sou Li, lè n ap priye nan fon kè nou. Lè nou tande Vwa L k ap pale dirèkteman avèk nou, sa leve nou odela rido tan an. Paske nou konnen ke nou chita avè L nan lye Selès alò ke L ap pale de bouch a zorèy avèk nou, ap revele Pawòl Li, ap raple nou: “OU SE LEPOUZ MWEN.”
Dyab la ka frape nou epi frape nou epi frape nou. Gendelè nou ka santi nou tèlman mal epi nou gen lenpresyon ke nou se yon echèk total; nou gen lenpresyon ke nou echwe anvè Li tankou pèsonn lòt moun. Nou se sa ki pi mal, men yon kote, nan fon nanm nou, nou tande Ti Vwa Trankil sa a di nou: “Anyen ka separe w de MWEN, OU SE PAWÒL MWEN. Mwen mete non w nan Liv Lavi Ayo Mwen an, Mwen menm.”
Kisa m ka di pou ankouraje nou jodi a?
Jis rete nan Pawòl la. PEZE JWE chak jou epi tande Vwa Bondye pwononse Men Sa Seyè A Di; M ap rasanble nou alantou Pawòl Mwen. Nou ka venk TOUT BAGAY, paske Pawòl Mwen viv epi L abite nan nou. Mwen pwouve nou ke nou gen LAFWA PAFÈ. Nou aplike Siy Lan, epi Li mete nou nan Dezespwa. M ap kanpe dèyè Pawòl Mwen. M pral fè sa M te anonse M t ap fè.
Jan Pawòl Li yo bèl lè L pale avèk nou sou Bann yo. Nou konnen Se pa yon nonm, yon moun chanèl ki nan mitan nou. Se Bondye Etènèl k ap pale avèk nou, Lepouz Li.
Nou envite pou vin jwenn Lepouz la Dimanch sa a midi, lè Jeffersonville, alò ke nou pral rasanble pou tande Ti Vwa Trankil sa a: 63-1110M Nanm Ki Nan Prizon Kounye A.
Frè Jozèf Branham
Ekriti pou li anvan sèvis la:
Jenèz 15:16
Matye 23:27-34
Jan 4:23-24 / 6:49 / 14:12
1 Pyè 3:18-22
2 Pyè 2:4-5
Jid 1:5-6
Mesagj: 63-0901E A Bout
Ankenn responsablite pou Tradiksyon ki fèt nan Branham Tabernacle
Mesagj: 63-0901M SiyLan
Ankenn responsablite pou Tradiksyon ki fèt nan Branham Tabernacle
Mesagj: 63-0825E Lafwa Pafe
Ankenn responsablite pou Tradiksyon ki fèt nan Branham Tabernacle
Byenneme Lepouz Lafwa Pafè,
Lafwa nou vin de sa nou tande, lè nou tande Pawòl la. Pawòl la vin a pwofèt la.
Pwofèt la se:
Pawòl la te fèt chè! Alelouya! Pawòl lan ap opere nan lachè imen, pa siy fizik, pa siy materyèl, pa siy selon Lekriti, pafètman, pou pote ban nou yon Lafwa Pafè pou yon Anlèvman Pafè.
N ap fè egzakteman sa Pawòl la mande nou fè lè n ap tande grenn Vwa Bondye ki konfime k ap pale epi k ap revele Pawòl Li atravè lachè imen pou ban nou Lafwa Pafè.
Nou gen…zòrèy nou soud pou nenpòt lòt bagay, sof sa Lespri Bondye a di. Nou wè? “Moun ki gen zòrèy (ki tande), tande sa Lespri a di legliz yo”; moun ki gen pòs radyo, kapte sa ke Lespri di legliz yo. Nou wè?
Nou se pòs kote nou tande Li ki sezi epi ki kwè chak Pawòl. Lè Li ban nou lòd: “Jis di sa ki sou bann sa yo. M SE Vwa Bondye pou nou. Nou rele m pastè nou, e nou byen di, paske se sa m ye.” Nou egzekite yo. Kèlkeswa sa L di, pa gen on lonbraj dout okenn kote; nou mache dwat. Kèlkeswa sa Seyè a di atravè pwofèt Li, pa gen moun nan mond lan ki ka dekouraje nou, nou kontinye menm jan.
Kounye a n ap antre nan Lafwa Pafè a, pèfeksyon pafè ki pa ka febli a. Lafwa sa a pa janm echwe.
Nou gen on Lafwa Pafè kounye a nan Pawòl Li. Nou pa gade tèt nou. Nou pa pè anyen, tankou Jòb. Nou pa pè lè n ap gade gwo vag yo epi n ap koule nan dlo a tankou Pyè. Jou sa yo fini.
KOUNYE A n ap gade Pawòl Pafè sa a k ap viv epi ki abite nan nou. N ap antre nan matyè Lepouz la. N ap antre nan kondisyon anlèvman an.
Lè nou priye, nou kwè ke nou resevwa sa nou mande, epi n ap genyen l; y ap ban nou li. Tan, espas, anyen lòt p ap janm chanje sa. Nou konnen sa regle. Li deja fini. Kijan nou fè konnen? Paske se pa Pawòl nou, men PAWÒL LI, ke li pwononse epi ke L ban nou. Nou gen PWISANS LAN EPI LAFWA PAFÈ POU PWONONSE L.
Jan Jezi te fè pou Tèt Li, nou rekonèt pozisyon nou; kiyès nou ye. Sèl bagay ki rete nou pou fè, se gen lafwa nan sa nou ye. Gen lafwa nan sa Pawòl la di nou ye! Lè sa a Pawòl Bondye a vin nan nou epi Li manifeste Tèt Li; pase nou se kwayan. Epi yon kwayan se “lafwa Bondye k ap aji nan nou.”
E kounye a, nou vin wen ak menm Lespri an, dè mesi wen; mesi de dènye jou an, pou fè rezireksyon Jezikri an klere; pou montre ke Li pa mouri, men nan fòm Sentespri a, Li nan pèp Li; ap bouje nan mitan Epouz Li, ak yon istwa renmen avè L, ap vide nan Li, Tèt Li. Y ap vin yon sèl pou Soupe Nòs lan; e menm siy, ke menm Bondye a te pwomèt, nan menm Pawòl la, ap fè menm manifestasyon L yo.
Pa gen anyen ki rete pou nou fè sof kwè Li; epi lè nou kwè L se sibstans lan ki kreye Lafwa Pafè a. Tande sa ankò, LÈ NOU KWÈ L SE SIBSTANS LAN KI KREYE LAFWA PAFÈ A.
Èske gen yon fib nan kò w ki doute yon Pawòl: NON
Èske ou kwè chak Pawòl: Wi
Èske Li ba w on Revelasyon de Mesaj sa a: Wi
Èske se sèl Lepouz la k ap gen vrè Revelasyon sa a: Wi
Èske nou konnen nou se Lepouz Li: Wi
Èske Li di lè nou kwè chak Pawòl, sa ap ban nou Lafwa Pafè: Wi
ALÒ NOU SE LEPOUZ PAWÒL LAFWA PAFÈ!!
Oh Seyè prepare nou kòm jamè alò ke n ap rasanble ansanm Dimanch pou tande Pawòl Ou. Ede nou pa janm gade tèt nou ankò, men sèlman pou nou kwè Pawòl Ou ke Ou pwononse pou nou. Nou wè Twazyèm Poul la an aksyon epi nou konnen ke Li rete nan nou. Nou dwe pale epi kwè Pawòl Ou.
Nou konnen W ap vini byento pou Lepouz Pawòl Pafè W la. Kèlkeswa sa nou bezwen, Papa, KÈLKESWA SA NOU BEZWEN, nou konnen n ap resevwa L. Paske se Pawòl Ou ke Ou deja pwononse pou nou. Pa gen anyen pou fè men jis KWÈ LI. Nou kwè l Papa, nou kwè l. Kounye a annou aji selon PAWÒL OU.
Nou konfese tout echèk nou, peche nou ak ofans nou. Gade nou atravè San Pitit Ou kote nou jistifye pa Gras Ou ak mizèrikòd Ou.
Kite gen yon chanjman nan Lepouz Ou kòm jamè. Vide Sentespri W sou nou epi ban nou tout sa nou bezwen.
Malad yo pral geri anba tout afliksyon. Retrograd la pral retounen a Pawòl la. Lepouz Ou atravè mond lan pral wè chemen ke Ou bay pou jou jodi a epi l ap kwè.
Si w pa gen pèsonn pou mete men sou ou…mete men w sou tèt ou…ou se yon kwayan. Ou vin tounen Pawòl la; ou vin Pawòl la, alò ke w resevwa Pawòl la.
Vini Seyè Jezi, Lepouz Ou ap prepare tèt li nan rete nan prezans Pawòl Ou, ap muri. Nou vle muni epi abiye de Pawòl Ou.
Vin wen nou kòm jamè Dimanch sa a midi, lè Jeffersonville, alò ke yon pati Lepouz Ou pral rasanble pou tande W k ap pale epi k ap revele nou kijan pou nou jwenn: Lafwa Pafè 63-0825E.
Frè Jozèf Branham
Ekriti pou li anvan sèvis la:
Mak 11:22-26 / 16:15-18
Jan 14:12 / 15:7
Ebre 11:1 / 4:14
Jak 5:14
1 Jan 3:21
Mesagj: 63-0825M Kouman Mwen Ka Gen Viktwa?
Ankenn responsablite pou Tradiksyon ki fèt nan Branham Tabernacle
Mesagj: 63-0728 Kris Se Miste Bondye A Ki Revele
Ankenn responsablite pou Tradiksyon ki fèt nan Branham Tabernacle
Mesagj: 63-0724 Bondye Pap Rele Lòm An Jijman San L Pa Avèti L Dabò
Ankenn responsablite pou Tradiksyon ki fèt nan Branham Tabernacle
Byenneme Resò Angrenay, Resò Prensipal, Fèmye ak Madan Lakay,
Kèlkeswa sa Bondye ban nou fè, nou gen responsabilite sou sa. Nou gen kont a rann Bondye pou sa. Kèlkeswa jan lènmi an ka di nou ke nou ensiyifyan, nou tèlman enpòtan pou Bondye ke gwo lòlòj Li pa ka fonksyone san nou.
Li rele nou, chwazi nou, predestine nou, epi ban nou yon Revelasyon sou gwo Mesaj Li sou lafen tan an. Li gen 100% konfyans nan nou. Nou se Lepouz Jezikri a menm, Cheri Li, e Li tèlman renmen nou.
Li te toujou avèti moun yo atravè nasyon yo: “Repanti nou sinon n ap peri”, “Retounen a Pawòl la”, “Prepare nou, gen yon bagay ki pral rive”. Tan sa a finalman rive. Bondye ap vini pou Lepouz Li, jan L te pwomèt nou Li t ap fè l. Li rele Wou Li pou l soti nan wou a.
Anpil moun elwaye yo de gwo Mesaj Bondye sou lafen tan an jodi a, yo di: “sa li di ki t ap rive, pa rive. Tout bagay menm jan an”. Pakèt jenerasyon pase anvan anpil pwofesi pwofèt Bondye yo te akonpli. Men yo rive malgre tou, egzakteman jan yo te di l, Pawòl sou Pawòl.
Bib Li di nou: “Kòm sa te ye nan epòk Noe, se konsa l ap ye lè Fis de lòm lan pral vini”. Anvan Bondye voye jijman an pou detwi mond lan nan gwo aj antediluvyen sa a, Bondye voye yon pwofèt nan mond lan. Kisa pwofèt sa a fè?
Li prepare moun yo pou lè a. Noe te prepare moun yo, e se te yon apèl mizèrikòd anvan jijman an.
Noe te prepare moun yo anvan jijman an te vini, li te avèti yo sou sa. Se te Chemen ke Bondye te bay pou jou sa a.
Pwofèt Bondye a te di nou ke Bondye pa janm chanje pwogram Li. Sa L te fè epòk sa a, Li fè menm bagay la jodi a. N ap jis RETE AVÈK PWOGRAM KE BONDYE BAY LA POU JODI A EPI PEZE JWE.
Tankou lè sa a, moun yo di ke nou akòde twòp enpòtans a pwofèt Bondye a; Se Sentespri a, pa William Branham. Nou di: AMÈN, nou pa koute mesye a, nou jis ap koute sa LI MENM LI DI.
Sentespri a se Pwofèt lè sa a; Li konfime Pawòl Li, Li pwouve L. Sentespri a se te Pwofèt epòk Moyiz. Sentespri a se te Pwofèt epòk Miche. Sentespri a, ki ekri Pawòl la, Li vini epi Li konfime Pawòl la.
Men Frè Branham fèk di nou semèn pase:
Kounye a, nou wè, m toujou mande nou pou nou fè atansyon ak sa n ap koute. Nou wè? Gen anpil ladann ki jis fè pati bò kote imen an.
M pa di se Seyè a ki di m sa. “Mwen” kwè, nou wè. E mwen kwè ke li pa ta dwe fèt.
Pou mwen menm ak lakay mwen, m pi pito sa setyèm anj mesaje Bondye a KWÈ, PANSE OUBYEN MENM SA L RESANTI pase nenpòt lòt minis, evèk ou moun.
Kiyès Bondye janm voye pou jije sa pwofèt Li kwè, panse oubyen menm sa l panse ki enspire ou non?…Kite m di nou kiyès m panse.
Gade Kore, epòk lè Bondye te voye Moyiz avèk mesaj la, epi Kore ak Datan te panse, yo vin bò kote Moyiz, epi yo di: “Bon, jis on minit, ou pran twòp bagay sou ou! Ou panse ke ou se sèl ti wòch sou plaj la; sèl kanna nan ti mas dlo a, ke se sèl ou menm. M ap fè w konnen ke gen lòt moun ki sen tou!”
Atansyon, jijman an toupre. Retounen nan PAWÒL ORIJINAL LA. Retounen nan Vwa Bondye ki konfime pou epòk nou an. Retounen a pwofèt Bondye a. Mesaj sa a, Vwa Li. Li dwe PREMYE bagay e bagay ki pi enpòtan pou nou.
Pa gen dout ke lòt moun gen on vwa, epi yon apèl, pou preche epi anseye Mesaj sa a. Men Bann yo, Vwa sa a, dwe Vwa a ki pi enpòtan ke nou ka tande lakay nou, nan machin nou, epi pi enpòtan, nan legliz nou, si nou vle vin Lepouz Bondye.
Vin tande Vwa sa a avè nou Dimanch a midi, lè Jeffersonville, alò ke pwofèt Bondye a ap avèti mond lan ke Seyè a pral Vini byento. Sa ta ka dènye fwa a.
Frè Jozèf Branham
Bondye Pap Rele Lòm An Jijman San L Pa Avèti L Dabò 63-0724.
Ekriti pou li anvan sèvis la:
Ezayi 38:1-5
Amos Chapit 1
