Kiki ekinakunganya Omugole n ‘okutuwa okukwakulibwa mu kukiriza kwe twetaaga?
Nzikiriza nti, okuyita mu Bibwatuka ebyo Omusanvu, kijja kubikulwa mu naku ezisembayo okusobola okukunganya Omugole olwo kukiriza okw’ oKukwakulibwa.
Owoluganda Branham, Ebibwatuka Omusanvu eby ‘enkana n’ebyama Omusanvu bya bikulwa dda? Byabikulwa mu bubonero Omusanvu, naye nga tebinamanyisibwa gyetuli nga Ebibwatuka?
Nedda, byabikulwa mu bubonero Omusanvu; ekyo Ebibwatuka Omusanvu kye byaliko. Byali bilina okubikula…. Ebibwatuka Omusanvu ebyayogera amoloboozi ga byo era nga tewali n’omu eyali ayinza okukola kyebyali… Yokana ya manya kyebyali, naye ya ganibwa oku kiwandiika. Ya gamba, “Naye malayika owo musanvu, mu nakku ez’ okufuwa kwe, ebyama omusanvu eby’ Ebibwatuka Omusanvu bijja kubikulwa.” Era malayika ow’ Omusanvu ye mubaka ow’ Ekanisa ey’ Omulembe gw’ Omusanvu.
Ekitibwa kidde eri Katonda, kiky’ awo ekyokudibwamu kyange. Ekyama ky’ Ebibwatuka Omusanvu kibikudwa. Ly’ Edoboozi lya Katonda ku ntambi era kati nga li kunganya Omugole wamu era nga lituwa OKUKIRIZA OKW’ OKUKWAKULIBWA, kwe twetaaga.
Webale, Owoluganda Branham, olwo kudamu ekibuuzo kyange. Namanya nti kyokudamu eri ekibuuzo kyembadde nina ku mutima gwange kyandiba ku ntambi.
Ekyo kyekyoka kyenetaaga okumanya. Nja kugenda mu maaso nga Nyiga Zanya buli lunaku era nfune n’ okufuna OKUKIRIZA OKUSINGAWO okw’ oKukwakulibwa.
Jangu ofune Okukiriza okw’ oKukwakulibwa naffe ku Sand’ eno ku sawa mukaaga ez’ omutuntu., nga zezinaaba esawa z’obudde bwe Jeffersonville, nga bwe tuwulila Ebibuuzo N’ Ebyokudamu Ku Bubonero 63-0324kumakya.
Tusobola okuKyogerako, ne tuBuyigiriza, n’okubuBuulira ne tubuBuulira, naye waliwo EDDOBOOZI LIMU LYOKKA eririna “Bw’Atyo Bw’Ayogera Mukama,” era muteekwa okukkiriza buli Kigambo. Waliwo Eddoboozi limu lyokka ly’osobola okwesigamyako enkomekkerero yo ey’omubutaggwawo. Waliwo EDDOBOOZI LIMU LYOKKA Katonda lyeYalonda okukulembera Omugole We, era MUGOLE WE YEKKA Y’AJJA OKUBA N’OKUBIKKULIRWA OKWO.
Waaliwo nnabbi mpungu omu yekka gweYalonda nga ensi tennatondebwa okumubikkulira EKIGAMBO KYE KYONNA….WILLIAM MARRION BRANHAM, era ye, era ye yekka, ye mubaka mpungu wa Katonda ow’omulembe guno. Ye, era ye yekka, ye yatumibwa okukulembera Omugole wa Katonda.
Okuyitibwa kwange, oba okuyitibwa kw’abaweereza bonna abalala, kuli ekintu kimu kino: OKUBAKULEMBERA NGA BABATWALA ERI YE, OYO EMPUNGU YA KATONDA EY’EKITALO. Oyo gweYalonda. Oyo gweYakakasa n’Empagi Ey’Omuliro. Oyo gweYalonda bwe Yabikkula Akatabo ako, n’Akayuzaako Obubobero obwo, n’AKasindika wansi ku nsi, okuKatubikkulira, ffe abantu Be.
Ebigambo byeyayogera ku lutambi si bigambo bye, bye Birowoozo bya Katonda byennyini nga byogeddwa ne bikwatibwa ku lutambi Omugole We asobole okubiwulira; era MMWE mwekka, Omugole WE mmwe mulina Okubikkulirwa okutuufu kw’ekyo.
Omugole, kirowoozeeko! Tutuuse. Kiwedde. Okunoonyereza kwa ssaayansi kuKikakasizza. Okukakasibwa kw’Ekigambo kuKikakasizza. Era tuutuno! Era Okubikkulirwa kuno kuva eri Katonda, era ge Mazima. Era kubanga muKitegeera, TULI batabani Be era Bawala Be abaziddwawo mu bujjuvu.
Tewakyali kwewuunya. Mpaawo bya kwebuuza bibuuzo. FFE MUGOLE KIGAMBO WE ATUUKIRIDDE. Tutegedde kiki kyetuli. Yeffe abo, olw’Ekisa kya Katonda, be Yaganya empungu Ye okulaba nga twambadde ebyambalo ebyeru.
Muddeemu amaanyi Omugole. Kumpi Tutuuse. Tusobole okuKiwulira. Kitubikkuliddwa n’okukirawo kati ku bwekyali kitubikkuliddwa. Omulabe atukyawa, NAYE KATONDA ATWAGALA. Tali bubeezi naffe kyokka, wabula ALI MUFFE. YEFFE KIGAMBO KYE NGA KIFUUFE OMUBIRI.
Ali mu kukakasa Sitaani nti, TETUYINZA, ERA TETUJJA KULEMERERWA. Eriyo KUKKIRIZA na kubuusabuusa. Ffe tulina KUKKIRIZA kwokka. Si okwekkiririzaamu, wabula OKUKKIRIRIZA MU KIGAMBO KYE, era EKYO teKiremererwa. FFE KIGAMBO. Katonda Bw’Atyo Bwe yagamba!!
Si ggwe waMulonda, YE YE YAKULONDA. Sitaani ayinza atya okubaako ky’akukola, KATONDA YAKULONDA. Yakulonda kubanga YAKUMANYA nti toliremwa kukkiriza Kigambo Kye. Sitaani akugamba nti, “naye olemererwa, n’olemererwa, n’olemererwa”…oli mutuufu, ddala nnemererwa mu mubiri gwange, NNAJIBWAKO OMUSANGO, era sijja kulemererwa kukkiriza BULI KIGAMBO.
Tutuuka ne tugezesebwa ne tuyita mu bigezo olwa KATONDA, Ye asobole OKUKAKASE OMULABE WE, ERA OMULABE WAFFE… nti TULI MUGOLE KIGAMBO WE ATUKIRIDDE.
Leka Omwoyo Omutukuvu ow’Ekitalo Ajjule amaka gammwe, amasinzizo gammwe, oba wonna gyemunaabeera Sande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), nga bwe tuwulira empungu ya Katonda ey’ekitalo nga ereeta Okubikkulirwa kwa Akabonero Ak’okutaano 63-0322.
Owol. Joseph Branham
Ebyawandiikibwa eby’okusoma nga nga tonnawulira Bubaka:
Eddoboozi lya Katonda liri mu kututwala ku mitendera gyetutabangako, era nga Libikkula Ekigambo Kye. Tulobye obumwa bwaffe mu Biwawaatiro Bye eby’ekitalo nga bw’Atuyimusa mu bwengula. Tuli mu kuseeyeeyeza waggulu eyo wala nnyo okuva ebire by’omu bbanga webikoma. Tusobola okulengera wala nnyo eyo mu butaggwaawo. Kubikkulirwa okulambirira okuggya gyetuli. Gy’Akoma okututwala waggulu, gyekikoma okutubeerera ekitangaavu okulaba. Tusobola okuleekaana nti: NKIRABA…NKIRABA.
Kati Addidde Ebiwawaatiro Bye eby’ekitalo, n’Abiwuuba okuwuuba okunene n’Atugamba nti, “MUBUUKE OBUTO BWANGE, MUBUUKE.” Mu kusooka twali tutidde nnyo. Omulabe yali ajjuzza ebirowoozo byaffe n’okubuusabuusa okungi kutya. Sisobola, siyinza na kusobola. Awo ne tuMuwulira nga Aleekaana era nga Abwatuka nga Atuddamu nti, “MUSOBOLA, OBUWUNGU BWANGE OBUTO, MUTANULE BUTANUZI KUKUBA BIWAWAATIRO BYAMMWE!!”
Awo, amangu ago obuwawaatiro bwaffe obutono ne butandika okupepeya bwebutyo nga eky’obutonde. Gyetukoma okuwuliriza Ekigambo Kye nga kiddiŋŋana okutugamba kyetuli, na kiki kyetulina okukola, ebiwawaatiro byaffe gyebikomye okubeera eby’amaanyi. Papa, papa, papa….Nyiga Zannya, Nyiga Zannya, Nyiga Zannya…olwo ogenda okwekanga nga, tuli mu kubuuka. Tuli Mpungu.
Okutya okutonotono bwekugezaako okuyingira ebirowoozo byaffe, twatunula butunuzi wonna ne tutandika okuwuliriza Eddoboozi Lye. Wuuyo awo, nga Abuukira awo wennyini okumpi naffe Asobole okutubaka bwetutandika okugwa. Tukizuula nti tetulina kintu kyonna kya kutya, Taata Mpungu ali awo wennyini naffe. Ali mu kwetegereza buli lutambula lwetukola. Tajja kubaako ky’Aganya kututuukako.
Emirembe nga egyo n’okukakasibwa byetutawulirangako. Agenda Atubuulira bulijjo, yemmwe Buwungu bwange obuto. Muli mu kugondera era nga mukola kye nnabagamba okukola nga musigala n’Eddoboozi lyange lye nnabalekera.
Akimanyi nti bw’Atugamba ekintu kyonna ku ntambi, tujja kugenda tukikole, kubanga tukimanyi nti kiba Kigambo Kye. Ajja kuyimirira ddala emabega wa kyo. Ne bwe kiba nga tekiwandiikiddwa mu Baibuli, era Ajja kuyimirira emabega wa kyo mu buli ngeri yonna.
Tumanyi, bwe kiba nga kiri wabweru wa Yo, Ajja kuKibikkulira nnabbi We. Tukizuula nti ebyama bya Katonda byonna bitegeezebwa eri nnabbi We, era ye yekka, kale oba nga waliwo ekintu kyonna kyetwetaaga okumanya, kiri ku lutambi.
Yogera ku maanyi ag’Okubikkulirwa agaleeta okucamusibwa. Twagala okukileekaana nga amaloboozi gaffe tugamazeeyo. Twala ensi emanye, ndi mpungu ya lutambi!
Ebirowoozo bya Katonda byafuuka okutondebwawo bwe byayogerwa, mu ngeri y’Ekigambo. Awo w’Akileetera eri—eri ggwe nga ekirowoozo, ekirowoozo Kye, era ne Kikubikkulirwa. Awo, kisigala nga kirowoozo okutuusa nga okyogedde.
Kitubikkuliddwa. Ekitiibwa. Kati twagala kuKyogera. Yeffe Mugole wa Yesu Kristo. Yammanya, n’Anjawulirawo nga n’ensi tennatondebwa. Yenze Kigambo Kye ekiramu nga kifuuse omubiri. Yaŋŋamba SABA onaawebwa. Konkona, onaggulirwawo. Buli kyetwetaaga, TUKYOGERA.
Guno gwe mulembe g’Empungu era ffe buwungu Bwe obuto. Tetubangako basanyufu kusingawo oba abamativu okusingawo mu bulamu bwaffe. Mpaawo kutya. Mpaawo bya kwelariikirira.
Mbaaniriza okujja okubuuka okutuuka mu bwengula obwa waggulu ko wamu naffe Sande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), nga empungu ya Katonda ey’ekitalo bw’ereekana gyetuli n’ebikkula Akabonero Ak’okuna 63-0321.
Owol. Joseph Branham
Ebyawandiikibwa eby’okusoma mu kwetegekera okuwulira Akabonero Ak’okuna 63-0321.
Weetegeke, Sande eno ogenda kufuna okucamusibwa olw’Okubikkulirwa okusingako ku kwewali obadde nakwo mu bulamu bwo. Ojja kuba otamiirira butamirizi ku Kigambo. Kijja kuba kirungi nnyo, era ekyanjulukufu…n’obutaangavu nga kitangaavu okusinga ku bwekyali nga Akyogera. Era waliwo engeri emu yokka ey’okuKifunamu, oteekeddwa Okunyiga Zannya!
Funa entambi, Ziwulirize ng’otekeddeyo ddala omwoyo. Kubanga, ojja kukifunira ku lutambi, kubanga babadde bazannya entambi ezo nga baziddiŋŋana, era nnungi ddala era nnambulukufu. Kale, ojja kukifuna nga kitangaavu okusingawo nga okijja ku ezo.
“Mujja kuKifuna nga kitangaavu okusingawo nga muKijja ku, ” EWA?
Yogera ku ngeri gyekiri ekikulu Okunyiga Zannya n’okuwulira Entambi. EKITIIBWA!! Kino si kigambo kyange, kino kye KIGAMBO KYA KATONDA nga Agamba Omugole We, KIJJE KU EZO…KU NTAMBI.O Ababuulizi, mwekuumire wala n’amabega gange.
Omuntu yenna alanga nti akkiriza Obubaka buno ayinza atya okugamba nti okuzannya entambi si ky’ekintu EKISINGAYO OBUKULU Omugole ky’ayinza okukola? Omusumba ayinza atya okuteeka obuweereza bwe waggulu w’obw’obwa nnabbi? Si okubunokola obunokozi kyokka…nange ekyo kyendi mu kukola kati, naye okuzannya Eddoboozi eryo eri ekisibo kye basobole “OKUKIFUNA NGA KITANGAAVU OKUSINGAWO NGA BAKIJJA KU EZO”.
Obuweereza obusingayo obukulu mu nsi yonna bwe Buweereza Bw’Olutambi. Teriiyo kisinga bukulu ku Kunyiga Zannya. Waliwo Eddoboozi limu lyokka eryayawulibwa Katonda okubeera Bw’Ati Bw’Ayogera Mukama eri Omugole We, Eddoboozi eriri ku Ntambi.
Leka mbeere mulambulukufu ku kino omulundi omulala nate. SIWAKANYA muweereza yenna yenna okubuulira, ka kubeere okukiwulira muli nti omuweereza takkirizibwa kubuulira oba okuyigiriza, nakyo sikiwulira muli. Naye kulwange ne kulw’obuweereza bwange, nnayitibwa kugamba nsi okuwuliriza Ekigambo Ekitalabika nga kyambaziddwa omubiri ne kirabika, ekyo ekikwatiddwa ku lutambi ne kiterekebwa ku lutambi olwa magineeti. Nzikiriza nti ly’Eddoboozi lya Katonda, and ERYO, era ERYO lyokka, lyanukula ebibuuzo byammwe byonna. Lijja kubawa byonna byemwetaaga, omwo nga mwemuli n’Okukkiriza okw’Okukwakkulibwa, kubanga Liri BW’ATYO BW’AYOGERA MUKAMA.
Omugole teyeetaaga kigambo kyange, nze ndi mu kunokola bunokozi Kigambo ekyo nga abaweereza abalala bonna bwebakola. Munokola era ne mwogera ku engeri gyekiri ekikulu ennyo okuwulira obuweereza bwammwe n’okuyitibwa kwammwe, mukama waffe Atenderezebwe. Ndi mu kugamba abantu nti OBUWEEREZA OBUSINGAYO OBUKULU ly’Eddoboozi lya Katonda ku Lutambi. Mpaawo kiRisinga bukulu. Tebeetaaga kuba na kintu kirala kyonna.
Siri mu kwogera bintu bino kuleetera bantu kuba na mwoyo mukyamu oba okutandika okulaba obubi omuweereza yenna oba obuweereza bwonna, Kikafuuwe. Mbaagala. Baganda bange. Katonda atadde okuyitibwa ku bulamu bwabwe. Ngeza ntya ne njogera ekigambo ekirwanisa abasajja ba Katonda abaafukibwako amafuta, NAYE KINKAKASEEKO okwogera n’okugamba nti bangi ku bo batadde essira erisusse ku buweereza BWABWE ne batateeka Ddoboozi lya Katonda ku lutambi nga EDDOBOOZI ERISINGAYO OBUKULU Omugole ly’ayinza okuwulira.
ŊŊambye bugambi nti, “Muzze Ow’oluganda Branham ku bituuti byammwe,” era bangi ku baweereza beetanuliddeko ogw’okugamba abantu baabwe engeri Ow’oluganda Branham gy’ataakyogerako ekyo ku lutambi, era mbu BO be baayitibwa okutwala Ekigambo ne bakiwa abantu; nga bawa eby’okwekwasa OBUTAZANNYA NTAMBI MU MAKANISA GAABWE.
Bagamba nti KIKYAMU omusumba bw’azannya entambi mu kkanisa ye, nga balaga abantu nga bwekirimu ensobi nga bagamba nti, bwe baba nga bali mu kuwuliriza buwuliriza ntambi mu makanisa gaabwe, era nga tebawuliriza buweereza, abo si Mugole.
Mpulidde eby’okwekwasa bingi byebakozesa era byebagamba abantu. Mu ngeri ennyangungu, tebajja kugamba bantu baabwe nti, “ENTAMBI KYE KINTU EKISINGAYO OBUKULU KYEMUTEEKEDDWA OKUWULIRIZA.” Singa ekyo bakikola, olwo abantu bajja kubuuza…”olwo lwaki tuba tetuzannya ntambi mu kkanisa yaffe bwekiba nga ky’EKISINGAYO obukulu?”
Ono gwetugenda okuwuliriza ku Sande:
Katonda Yeeyolesa mu Musajja omu, n’Ayogera eyamuli emabega; n’ekyo Saala kyeyali akoze, okusekera mu lusiisira. Era Ebyawandiikibwa bino byonna, ebya Malaki, n’ebirala bwe bityo, byakyogerako mu bubonero nti kyandibaawo mu nnaku ez’oluvannyuma. Abaebbulaniya 4 waagamba nti, “Ekigambo ekyo” kikomawo nate. Malaki 4 yagamba nti Kiridda kirikomawo nga kiyita mu musajja omu.
Ekigambo ekyo kikomyewo nate nga kiyita mu musajja omu era tulina Eddoboozi Lye nga lyakwatibwa ku Lutambi era tugenda kuba tuLiwulira BULI SANDE.
Ndi musanyufu okukibaanjulira ekyo omulundi omulala nate, Sande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), tujja kuba tuwuliriza Ekigambo ekirabisiddwa mu mubiri ne kikwatibwa ku lutambi olwa magineeti. Kituwa Okubikkulirwa ku Akabonero Ak’okusatu 63-0320.
Nga kinnaba kiseera kikulu kyetunaaba nakyo, Omugole. Nga ssanyu lingi nnyo erinajjula emitima gyaffe. Nge mirembe nnyo eginaamaamira ku mmeeme zaffe, nga bwetuwulira ekyo Katonda Mwene kyeYagamba Sitaani nti: “Baleke bokka. Bw’obaako omu ku bo gw’obaka, Ekisibo Kyange ekitono ekijjuziddwa Amafuta Ge ne Envinyo w’Ekigambo ekirongoofu, togeza n’omukaka okugamba zi ‘Bikira Maaliya’ zo, oba ekimu ku bikwate byo. Amagalo go gakuumire wala okuva webali. Bamanyi wa gye bagenda, kubanga bafukiddwako Amafuta gange era balina omwenge ogw’essanyu, kubanga bamanyi Ekigambo Kyange eky’ekisuubizo. ‘Ŋŋenda kubazuukiza nate.’ Abo tobakosa! Togenda nga ogezaako okubaleetamu obuvuyo…weekuumire wala okuva webali, kyokka.”
Tetulina kya kutya. Tulina Ekigambo. FFE KIGAMBO. Tewali kituyimiriza. Ffe batabani era bawala ba Katonda. Sitaani, bituwe, ffe bannannyini ba BULI KIMU. Katonda Bw’Atyo BweYayogera. Kyawandiikibwa!
Omugole teyewuunyizza Bubaka buno oba omubaka Waabwo okuva mu 1933, Empagi y’Omuliro bwe yalabika wansi ku Mugga Ohio ku lunaku olwo Tubaddenga tukimanyi nti William Marrion Branham ye mubaka malayika wa Katonda ow’omusanvu ow’amaanyi gwe Yatuma ku nsi okuyita Omugole weTubaddenga tukimanyi nti William Marrion Branham ye mubaka malayika wa Katonda ow’omusanvu ow’amaanyi gwe Yatuma ku nsi okuyita Omugole we.
Okuva ku lunaku olwo, Katonda abadde akuŋŋaanya Omugole we wamu olw’Okujja kwe. Tuli wansi w’okusuubira okunene kutyo; kubanga tukimanyi nti lujja kubaawo olunaku lwonna kati.
Abadde azimba Okukkiriza kwaffe nga bwe kitabangawo, ng’atugamba, ng’atugumya nti, tuli Mugole we omwesigwa. Tumanyi nga tusigala n’Emmere Ye Eterekeddwa, kyonna kye twetaaga kiri OKWO, KU NTAMBI.
Ekyo tukimanya tutya mu bukakafu? Ekigambo kigamba nti Katonda TALIIKO KY’ALIKOLA okutuusa nga’Akibikkulidde abaddu be bannabbi. Ekigambo kigamba nti Katonda TALIIKO KY’ALIKOLA okutuusa nga’Akibikkulidde abaddu be bannabbi.
Ennaku z’okwebuuza ziwedde. Omugole asimbye amakanda ku wa w’ayimiridde. Tewali kikulu okusinga okuwulira Katonda ng’ayogera n’Omugole we ku Ntambi. Bye Bigambo byokka ebyakakasibwa Katonda Mwene okuba Bw’Ati Bw’Ayogera Mukama.
Essaawa ya kamalirizo era tusobola okuwulira obuzito bw’omukka omubi ogw’omulabe waffe ogutwetoolodde. Entalo zitusimbidde olunyiriri era Sitaani alumbira ku njuyi zonna, naye Katonda atenderezebwe tulina Emmere ey’Omwoyo, era tutuula ku Meeza ya Mukama emisana n’ekiro, nga tulya ku Mmaanu eyo Eyakwekebwa. Ayongera okutubikkulira ebisingawo era ebisingawo buli lunaku nga bw’Atugamba nti, “Byonna biteredde swiitimutima wange. Ndi naawe. Nakugamba nti sirikuleka sirikwabulira. Genda mu maaso ng’ofuba. Basetaani abo bagobere ebweru. Nkuwa bbomu Yange nnamuzisa, Ekigambo kyange, Kikozese. NnaKirowooza. Awo ne Kiiwandiikibwa, era kati, mu kiseera kyo, Nkyogedde osobole okumpulira NZE nga nkugamba nti, Bw’atyo bw’ayogera Mukama, Ggwe Mugole Wange. Ggwe Kigambo ekirabisiddwa mu mubiri.”
Katonda ayogedde okuyita mu mimwa gy’omuntu w’okunsi n’Atuwa Ekigambo kye; tetulina kye tutya. Si Kigambo kyaffe, ebirowoozo byaffe, okulowooza kwaffe, kye Kigambo kya Katonda kye Yatuwa FFE. OKUKKIRIZA kwaffe kuli mu Kigambo kye era Ekigambo kye TEKIYINZA KULEMWA!
Kati, nga bwe tuwulira Obubonero buno nga bubembulwa, Omwoyo Omutukuvu Ayogera naffe omulundi gumu nate era tusobola okulaba amannya gaffe nga gawandiikiddwa eyo mu Kitabo ky’Obulamu eky’Omwana gw’Endiga. Kumpi tetusobola kwefuga… WEEWAWO, erinnya lyange ly’eriwandikiddwayo. Ayogera ku NZE.
Jjangu otwegatteko Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), era owulire Akabonero Ak’okubiri 63-0319 , nga Eddoboozi Lya Katonda bwe likugamba nti amannya gammwe gawandiikiddwa mu Kitabo ky’Obulamu eky’Omwana gw’Endiga.
Owol. Joseph Branham
Ebyawandiikibwa eby’okusoma nga nga tonnawulira Bubaka:
Tewali kifo mu nsi kyosobola kufuna kitiibwa ekyo n’enkizo okuwulira Ebigambo bino okuggyako ng’olina Okubikkulirwa okutuufu n’ONYIGA ZANNYA.
Ebintu ebisinga obukulu ensi by’ebadde erindirira okuva ku ntandikwa y’ebiseera, bigenda mu maaso mu kiseera kino, era tuli kitundu ku Kyo. Alindiridde olunaku luno, essaawa eno, abantu bano; MMWE, okutuukiriza n’okuyisaawo Enteekateeka Ye Ennene.
Okubikkulirwa kw’ekyama ky’Obubonero Omusanvu, Ebibwatuka okubikkulwa, okutuukirizibwa kwaffe, Adamu we azziddwawo mu bujjuvu, Okujja kwe, ebintu bino byonna biri mu kwolesebwa era bituukirira KATI, mu GGWE, OMUGOLE WE!
Si mu kiseera kya Musa. Si mu kiseera kya Nuuwa. Si mu kiseera kya Yesu, si na mu kiseera kya Yokaana oba ekya Pawulo; Kigenda mu maaso kati, KATI KATI, NAAWE.
Tetwagala kuKisubwa. Twagala tubeere beetegefu olw’okujja kwe. Okusobola okukola ekyo, tulagiddwa okugenda mu KIGAMBO okufuna eby’okuddamu byaffe. Si endowooza yange, oba endowooza oba ebirowoozo by’omuntu omu, wabula ekyo Ekigambo kya Katonda ekikakasiddwa kye kyogera.
Tukimanyi nti Omugole alina okugamba “amiina” eri buli Kigambo era yeegatte wamu okubeera Omu. Kale tulina okutunula mu Kigambo kya Katonda tulabe ekigenda okugatta Omugole awamu.
Era awo wagenda kuvaayo Ebibwatuka musanvu eby’ekyama ebitaawandiikibwa na kuwandiikibwa. Ekyo kituufu. Era nzikiriza nti, okuyita mu Bibwatuka bino Omusanvu, bijja kubikkulwa mu nnaku ez’oluvannyuma okusobola okugatta Omugole awamu olw’okukkiriza okw’okukwakkulibwa.
Awo wennyini weKiri mu Kigambo. Ebibwatuka Omusanvu bijja kubikkulwa mu lunaku lwaffe okusobola okugatta Omugole awamu olw’okukkiriza okw’okukwakkulibwa.
Eddoboozi lya Katonda eri Omugole y’ani? William Marrion Branham.
Kati, ndi bubeezi muganda wo, olw’ekisa kya Katonda, naye Malayika wa Mukama bw’akka wansi, kifuuka, olwo, Eddoboozi lya Katonda gy’oli…Siyinza kwogera kintu kyonna mu nze, wabula ekyo ky’Andaga, nze kye njogera ekyo. Ggwe kkiriza ekyo era wekkaanye ekinaatukawo.
Mukkirize Ekyo mulabe ekinaatukawo n’ekinaagenda mu maaso ku Ssande eno, nga bwe tukuŋŋaana awamu, nga tufuna okukkiriza kwaffe okw’okukwakkulibwa, nga tumuwulira nga Abwatuka eri Omugole We.
Oyogera ku “kutuula kati mu bifo eby’omu Ggulu”? Kiriba kitya! Bwe tuba nga tusobola okuwulira bwe tuti, nga tutudde wansi wano ku nsi, nga Okukwakkulibwa tekunnajja, mu mbeera eno gye tulimu kati; era nga tusobola okunyumirwa, ne tuyimirira okwetooloola ebisenge, ne tuyimirira mu nkuba, okusobola okuwulira obuwulizi Kino; kiriba kitya nga tumulabye ng’Atudde awo! Oh, owange! Oh, kiriba kiseera kya kitiibwa.
Tosubwa okubaayo mu kiseera kino eky’ekitiibwa. Oyanirizibwa okukuŋŋaana naffe nga bwe tuwulira: Akabonero Akasooka 63-0318, ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda).
Twesindise okutuuka waggulu ku mazzi ag’ettosi ne twanjuluza ebiwaawaatiro byaffe. Ebimuli byaffe ebitonotono bifulumyeyo era kati birabibwamu Eddanga Ery’omu Kiwonvu eryo. Tuwaddeyo obulamu bwaffe mu bujjuvu eri Katonda n’Ekigambo kye.
Tuli mu kiseera eky’enkomerero era tuva Ebuvanjuba n’Ebugwanjuba, mu Bukiikakkono n’Obukiikaddyo, nga twetegekera Okukwakkulibwa okwo. Tukyenywerezza kuli obutasagaasagana okumala eddakiika entonotono okutuusa nga buli kaayi k’omubiri kajjudde Omwoyo Omutukuvu. Tuli mu kwetegekera KWAMBUKA.
Olunaku lutuuse. Ali mu kuyita abantu be okujja awamu gy’Ali mu bumu obwannamaddala ne Ye Mwene. Ye Yesu Kristo nga Awangaalira n’Omwoyo we mu mubiri gwaffe, ng’Akola ebintu bye bimu bye yakola nga bendera ewanikiddwa eri ensi.
Ekintu ekisinga obukulu mu Byawandiikibwa kigenda mu maaso mu kiseera kyaffe .
Ekikolwa, wadde Malayika, oba ekintu kyonna, ky’atasobola kukola, okujjako Omwana gw’Endiga yekka. Yajja n’Aggya Akatabo ku Mukono ogwa ddyo ogw’Oyo eyali Atudde ku Nnamulondo, n’Akabikkula, n’Akayuzaako Envumbo ezo ezaakaliko, n’Akasindika wansi ku nsi, eri malayika we ow’omusanvu, okuKabikkulira Ffe, Omugole we.
Na buli kitonde ekiri mu Ggulu, ne ku nsi, ne wansi w’ensi, munda mu nnyanja, ne byonna ebiri mu byo tuleekaana nti: nti Eri oyo atudde ku ntebe, n’eri Omwana gw’endiga, omukisa gubenga n’ettendo n’ekitiibwa n’amaanyi emirembe n’emirembe, amiina! Amiina, era amiina!
Buli kitonde, buli muntu okuva ku ntandikwa y’ebiseera abadde alinze olunaku luno okutuuka. Ne Katonda yennyini alinze okutuusa nga malayika we omulonde atuuse ku nsi nga tannavaayo kutwala Katabo, okukaayuza n’Akabikkula n’okubikkula ebyama bye byonna eri Omugole we omulonde.
Kati tumanyi ekyo omuntu yenna ku nsi, okuva ku ntandikwa y’ebiseera, ky’abadde tamanyi. Buli kintu ekyabuzibwawo mu kugwa kw’omuntu. Buli kintu ekibadde kikwekeddwa mu Kigambo kye. Buli Omugole ky’ayagala kiwandiikiddwa era ne kiteekebwa mu ggwanika lya Katonda ery’emmere ettonotono.
Atutunuzza okusukka olutimbe lw’ebiseera era tweraba naye ku Ludda olulala. Omugole yeetegese ng’awulira Ekigambo.
Tumulinze nga tulina ekimuli kyaffe mu ngalo. Ekiseera kumpi kituuse. Akalimi k’essaawa enkadde eri katambula. Tuwulira omusinde gw’embalaasi ziri nga zidduka, omusenyu nga gwekulukuunyiza wansi wa nnamuziga z’ekigaali. Ekigaali ekivugibwa embaalasi kiri ekikadde kinaatera okuyimirira.
Bw’Anaatuuka tujja kubuuka okuva mu nsi eno enkadde tuggwe butereevu mu Mikono gye. Ajja kutukwata Agambe nti, “ Mbadde nnagenda okukutegekera ekifo, naye Byonna biwedde kati, mubisi gwanjuki wange”.
Okubeerawo leero n’owulira Obubaka buno n’okusinga kisingako ku bwekyali nga bukwatibwa ku lutambi. Atubikkulira bingi ko ku luli kati n’okusingawo kati. Kiki ekiyinza okubaawo?
Jjangu okuŋŋaane wamu naffe ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), era onyumirwe okuwuliriza: 63-0317E Ebbanga Wakati w’Emirembe gy’Ekkanisa Omusanvu N’Obubonero Omusanvu . Y’Emmere Eyaterekebwa Mukama gy’Ategekedde Omugole okulya.
Owol. Joseph Branham
Ebyawandiikibwa by’olina okusoma nga twetegekera okuwulira Obubaka:
Nga kiseera kya kitiibwa nnyo ky’abadde awa Omugole we, ng’Abikkula Ekigambo kye nga bwe kitabangawo. Buli Bubaka bwe tuwulira buwulikika nga bwetutawulirangako. Emitima gyaffe n’emyoyo gyaffe gijjudde essanyu nga bwe tulya ku Mmaanu Ensu ekka okuva mu Ggulu. Kiwulikika nga abali mu kulaba ku bimu kw’ebyo ebinaabaawo mu kyeggulo kyaffe eky’embaga ey’Obugole ebindabinda nga bw’Atuliisa Okubikkulirwa ku Okubikkulirwa.
Tuli mu kuwaayo ssaddaaka ez’omwoyo eri Katonda, okuyita mu bibala by’emimwa gyaffe, nga tutendereza Erinnya lye. Tukkalidde mu kifo kyaffe ng’emmunyeenye ez’omu bwengula.
Atugasse awamu mu bifo eby’omu ggulu, ng’Atufukako Omwoyo We Omutukuvu, ng’Atuteekateeka olw’okujja kwe okunaatera okubaawo. Kye kyokka kye tusobola okulowoozaako. Kye ekijjudde mu birowoozo byaffe byonna. Kye twagala okukola kwe KUWULIRA EKIGAMBO. Atugamba emirundi n’emirundi nti tuli Mugole we. Kuno kwe Kwagala kwe okutuukiridde okuyita mu kusigala n’Ekkubo lye lye Yateekawo.
Tuli bajaasi mu Kabondo ke Ak’Obuweereza Bw’Entambi , era tukyenyumirizaamu nnyo. Kabonero akatimbibwa ku lugoye ak’ekitiibwa. Twagala okukileekaana n’okutegeeza ensi nti, WEEWAAWO, TULI OMU KUBO.
Atugabiridde Emmere eyaterekebwa ffe okugirya. Emmaanu yennyini eya Katonda yennyini ng’Ayogera n’Omugole we, ng’atumanyisa nti tuli mu ggye Lye.
Tukuŋŋaanidde wansi w’ekiddukiro ekinene eky’eggulu mu bumu obungi ennyo, okutuusa nga Omwoyo Omutukuvu Atadde buli omu ali mu Mubiri ogwo mu kifo kye okutuusa okuwonyezebwa okutali na kwetegekere okw’omwoyo n’omubiri byombiriri lwe kutanudde okubaawo.
Atulonze okubeerea abaserikale be. Tubadde mu kutendekebwa, nga twetooloddwa buggwe nga ky’Ekigambo kye. Kati twambadde era twetegese okulwana. Genero waffe ow’amayinja 5 atulagidde eky’okukola: Sigalira ddala n’okusomesa kwange okw’olutambi.
Era kakasa, yogera kyokka olutambi kye lwogera. Tobaako na kirala kyonna ky’oyogera. Okiraba? Kubanga, Ekyo Mba sikyogera kubwange nze. Ye Y’Aba Akyogera , laba. Era emirundi mingi nnyo, okutabulwatabulwa, abantu basituka ne bagamba nti, “Kale, gundi-ne-gundi yagamba kyali kitegeeza kino-na-kino.” Kireke — Kireke bulesi nga bweKiri.
Tekiri William Branham ky’atugamba ku ntambi, Kiri KATONDA ky’Ayogera eri Omugole we ku ntambi. Bino bye BIRAGIRO Bye. Waliwo engeri emu yokka gy’oyinza okugonderamu ebiragiro bino okuva ewa Genero wo ow’amayinja 5 era n’oKireka nga bweKiri, NYIGA ZANNYA.
Tuli mu ggye lya Katonda, nabwegutyo tulina okugondera ebiragiro byaffe Kigambo ku Kigambo. Tugenda mu maaso. Tuli basajja bazira, abasajja ab’okukkiriza, abasajja ab’amaanyi, abasajja ab’okutegeera, abasajja ab’Okubikkulirwa.
Tuyingira mu kussa ekimu okutuukiridde ne Kitaffe nate, nga tuyimiridde ku ludda luli olulala olw’oluwonko ssaabawonko, nga tewakyali kijjukizo kya kibi na kimu kiyimusibwa okutuwakanya. Adamu we azzibbwawo.
Ye Katonda mu binyomebwa omulundi omulala nate. Si kya buli muntu, wabula Omugole We yekka, era tukiraba bulungi era mu bulambulukufu.
Ndi wansi w’okusuubira okunene okuwulira Obubonero Omusanvu omulundi gumu nate. Ajja kuba Atubikkulira Ekigambo kye nga bwe kitabangawo. Tujja kuba tufuna Okubikkulirwa okusingawo okw’Ekigambo kye.
Abadde Alinze okutuusa leero okutubikkulira ebisingawo. Byonna bye twetaaga bikwatiddwa ku lutambi era nga bitulinze okubiwulira nga tukozesa olunwe lw’engalo zaffe okukoonako obukoonyi.
Kino kye kiseera ekisinga okuba eky’ekitiibwa mu byafaayo by’ensi. Tuli ku lusebenju lw’obudde bw’okujja kwe okucima Omugole we. Ensi esuubira ebintu bino byonna ebyayogerwa mu Byawandiikibwa; ng’enjuba okugwa mu ttuntu n’ebintu ebya buli ngeri okubaawo. Naye kyatuukawo dda, era tebaakimanya.
Mujjukire, Kwasibibwa envumbo nga kusibiddwa Ebibwatuka Omusanvu Ebyo Eby’ekyama. Mulaba?
Ebintu ebikulu bigenda kubaawo nga tuddamu okukuŋŋaana omulundi gumu nate okuwulira Katonda nga Abwatuka n’Abikkula ebisingawo eri Omugole we ku Bubonero Omusanvu obwo.
Nkwaniriza okutwegattako ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi e Uganda), nga bwetutandika ku lukalala olukulu luno olw’amasomo nga tulutandika n’Obubaka: 63-0317M Katonda Nga Yeekweka Mu Binyoomebwa, Olwo N’Abyebikkuliramu.
Nga Ow’oluganda Branham bw’addamu okuwongayo Branham Tabanako, n’abantu eri Katonda, ka tuddemu okwewongayo, amaka gaffe, amakanisa gaffe, oba yonna gye tukuŋŋaanidde, gy’Ali.
