All posts by admin5

25-0810 Ebigenda Mumaaso Ng’Obunabbi Bwabirambulula

Obubaka: 65-1206 Ebigenda Mumaaso Ng’Obunabbi Bwabirambulula

BranhamTabernacle.org

Omugole Ow’Amazima era Omulamu Omwagalwa,

Yesu, Kigambo Mwennyini, bweYajja ku nsi emyaka 2000 egiyise, yajja nga bweYagamba nti bw’Alijja, nga Nabbi. Ekigambo kyE kirangirira nti nga tannajja nate, okulabisibwa okujjuvu okw’Omuntu Yesu Kristo kujja kuddamu okulabisibwa mu mubiri, mu nnabbi. Nabbi oyo azze, erinnya lye ye William Marrion Branham.

Omuntu yenna ayinza atya okukiraba naye n’atakitegeera nti okuwuliriza Eddoboozi lya Katonda nga Lyogera nabo butereevu ku ntambi kwe Kwagala kwa Katonda okutuukiridde? Tukimanyi nti Ekigambo bulijjo kijja eri nnabbi wE; Tekisobola kujja mu ngeri ndala yonna. Kiteekeddwa okujja nga kiyita mu kkubo lya Katonda omukutu gwE gwe Yatugamba nti gulibaawo. Eyo y’engeri yokka gye Kirijjangamu lubeerera. Katonda atambula mu ngeri gye yasuubiza nti ajja kukikola. Talinaayo lw’Alemererwa kukikola mu ngeri y’emu gy’Akozenga bulijjo.

Buli omu ku bo yalya ekintu kyekimu, bonna baazinira mu Mwoyo, bonna baali bafaanaganya ebintu byonna byebaalina; naye bwe kyatuuka ku kiseera eky’okwawukana, Ekigambo kye kyakola okwawukanya. Bwe kityo bwe kiri ne leero! Ekigambo kyakola okwawukanya! Ekiseera bwe kyatuuka…

Tulaba ekiseera ekyo nga kigenda mu maaso kati, Ekigambo kiri mu kwawukanya. Omugole alumirizibwa ogw’okuyitiriza nnabbi bwe bagamba nti, “Waliwo abasajja abaayitibwa Katonda abalala, abajjuzibwa Omwoyo Omutukuvu okukulembera Omugole leero. Mweetaagayo-kko ebirala, si kuba na ntambi zokka. Katonda alina abasajja b’Ataddewo leero okukulembera ekkanisa.”

“Ogezaako okulowooza nti ggwe wekka mu kibinja. Ekibiina kyonna kitukuvu!” Katonda taakolangako bw’atyo. Kye yali amanyi kyali kirina okuba nga kisingako awo. Era n’agamba nti, “Kale, ekibiina kyonna kitukuvu. Ogezaako okwefuula nti…” Bwetuba ba kukyogera leero, y’enjogera ekozesebwa gye tuyitira egamba nti, “Ejjinja lyokka ku lubalama.”

Era Musa yali akimanya nti Katonda Yamutuma emmanga eyo kukola mulimu ogwo.

Katonda ddala alina abasajja abajjudde Omwoyo Omutukuvu okukulembera Omugole wE; ekitegeeza okubakulembera ERI BW’AYOGERA MUKAMA, NABBI OMUBAKA . Kubanga Obubaka n’omubaka bye bimu. Eryo lye kkubo lya Katonda nnantakyukakyuka lye Yateekawo kulw’olwaleero, n’okuva edda n’edda bulijjo.

Kubanga baawuliriza ensobi. Musa, omukakase wa Katonda obutalekaawo kabuuza, era omukulembeze okubalaga ekkubo erigenda mu nsi ensuubize, era nga baali batuuse wala nnyo nga byonna bibadde bulungi, naye olwo bwe bataayagala kweyongerayo mu maaso naye…. Kati, abakkiriza basobola OkuKiraba, naye abatakkiriza tebasobola kulaba Ekyo nga kikakasibwa obutalekaawo kabuuza.

Tewalondebwa bulondebwa okusembeza Okubikkulirwa kuno okw’ekitalo okw’ekiseera eky’enkomerero okw’ennaku zino, wabula Katonda, nga Ayita mu mu ngeri y’entambi zE ez’Emmere eyaterekebwa mu ggwanika, ayogera eri Omugole wE omwagalwa wakati w’ennyiriri.

Olwo bw’oba mutabani oba muwala wa Katonda, wabeeranga mu Katonda ebbanga eryo lyonna. Naye Yali amanyi kalimiro ki na budde ki mw’ogenda okusimbibwa. Kale kati ofuuliddwa ekitonde, mutabani oba muwala wa Katonda ayoleseddwa okweŋŋanga okusoomoozebwa kw’ekiseera kino okulaga mu ngeri emalawo okubuusabuusa kwonna Katonda omutuufu era omulamu ow’essaawa eno, Obubaka obuli mu kufuluma nga busaasaana wonna mu kiseera kino. Ekyo kituufu! Wakolebwa eyo ng’ensi tennatondebwa.

Nga bbaluwa ya mukwano nnyo eri wakati w’ennyiriri eri Omugole We, EKITIIBWA!!! Teyakoma ku kutumanya n’Atulonda ng’ensi tennatondebwa, wabula wano Atugamba nti Yatulonda tubeere batabani ne bawala bE abooleseddwa olw’OLUNAKU lwa LEERO . Yatuteeka wano ku nsi leero, okusinga abatukuvu abalala bonna okuva ku lubereberye, kubanga Yakimanya nti tujja kweŋŋanga okusoomoozebwa kw’essaawa eno okulaga mu ngeri emalawo okubuusabuusa kwonna Katonda omutuufu era omulamu ow’essaawa eno, Obubaka obuli mu kuvaayo nga busaasaana wonna mu kiseera kino.

Twali mu Katonda, nga akaayi mu mubiri gw’ekitonde akalambiddwako empisa zaakyo ez’obuzaale, ekigambo, ekimu ku bikula bye okuva ku lubereberye, naye KATI tuli mu bifo eby’omu Ggulu mu Kristo Yesu, nga tuwuliziganya naYe nga tuyita mu Kigambo kyE, okuyita mu Kigambo kye; kubanga TULI KIGAMBO KYE, era Kiriisa emmeeme zaffe.

Tetusobola, era tetujja kukuba bulamu bwaffe mpiso ya kintu kirala kyonna okuggyako Ekigambo kya Katonda ekitatabikiddwamu birala. Tukimanyi era tukkiriza nti Lye kkubo lya Katonda lye Yateekerawo olwaleero.

Twandyagadde nnyo ggwe okutwegattako Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira EDDOBOZI LYOKKA, Eddoboozi lya Katonda ku ntambi, ly’osobola okuddiramu AMIINA, ku buli Kigambo ky’owulira.

Owol. Joseph Branham

Obubaka: Ebigenda Mumaaso Ng’Obunabbi Bwabirambulula 65-1206

Ebyawandiikibwa by’olina okusoma nga tonnawulira Bubaka:
Olubereberye 22
Ekyamateeka 18:15
Zabbuli 16:10 / 22:1 / 22:18 / 22:7-8 / 35:11
Isaaya 7:14 / 9:6 / 35:7 / 50:6 / 53:9 / 53:12 / 40:3
Amosi 3:7
Zekkaliya 11:12 / 13:7 / 14:7
Malaki 3:1 / 4:5-6
Omut. Matayo 4:4 / 24:24 / 11:1-19
Omut. Lukka 17:22-30 / 24:13–27
Abebbulaniya 13:8 / 1:1
Omut. Yokaana 1:1
Okubikkulirwa 3:14-21 / 10:7

25-0803 Ebintu Ebirina Okubeerawo

Obubaka: 65-1205 Ebintu Ebirina Okubeerawo

BranhamTabernacle.org

Ebikula Bya Katonda Abaagalwa,

Buli Kigambo ekyayogerwa mu Bubaka buno bbaluwa ya mukwano eri Omugole wE. Okulowooza nti Kitaffe ali mu Ggulu atwagala nnyo, nti teyakoma bukomi ku kwagala tusome Kigambo kyE, naye Yayagala tuwulire Eddoboozi lyE nga Lyogera era emitima gyaffe asobole okutugamba:; “Mmwe lugero lwaNge olulamu, ekikula kyange ekiramu, kye nsobola okwolesa eri ensi.”

Olwo okulowooza nti oluvannyuma lw’okwewaayo kwe kwonna kwe yakola wano ku nsi, obulamu bwe Yabeeramu, ekkubo lye Yatambuliramu, yasaba ekintu kimu kyokka:

“Nze gye ndi, nabo babeere eyo.” Yasaba kussa kimu naffe, ekyo kye kintu kyokka kye yasaba Kitaffe mu ssaala, okuba naawe ng’omubeesa-beesa wE oba munne bwe bayita awamu emirembe gyonna.

Gye ndi, “ Ekigambo kyE,” naffe gyetulina okuba, okufuna okussa ekimu kwE, okubeesa-beesa kwE, emirembe gyonna. N’olwekyo, tulina okutambulira ku buli Kigambo kye Yayogera naffe ku ntambi tubeere Omugole w’Ekigambo kyE Embeerera, ekitufuula ekitundu ku Omugole Omusajja.

Okwo kwe kubikkulirwa kwa Yesu Kristo mu ssaawa eno.; Si ekyo kyeYali mu kiseera ekirala, wabula ky’Ali KATI. Ekigambo kya leero. Awo Katonda w’Ali leero. Okwo kwe Kubikkulirwa okw’olwaleero. Kaakano kuli mu kukula munda mu Mugole, nga kutubumba okudda mu kigera ekijjuvu eky’abaana ab’obulenzi n’abawala abatuukiridde.

Tweraba mu Kigambo kyE. Tumanyi kye tuli. Tukimanyi nti tuli mu nteekateeka yE. Lino lye Kkubo lya Katonda lye Yateekawo kulw’olwaleero. Tukimanyi nti Okukwakkulibwa kuli kumpi. Mu bbanga ttono abaagalwa baffe bajja kulabika. Olwo tujja kumanya nti:; Tutuuse. Ffenna tugenda mu Ggulu…weewaawo, Eggulu, ekifo ekya nnamaddala era nga kino.

Tugenda mu kifo kya nnamaddala gye tugenda okukola ebintu, gye tugenda okubeera. Tugenda kukola. Tugenda kunyumirwa. Tugenda kuwangaalirayo. Tugenda mu Bulamu, mu Bulamu Obutaggwaawo obwa nnamaddala. Tugenda mu Ggulu ekifo ekirungi, mu lusuku ekifo ekirungi. Ddala nga Adamu ne Kaawa bwe baakolanga emirimu, ne bawangaalirayo, ne balya, ne banyumirwa, mu lusuku Adeni nga ekibi tekinnayingirawo, tuli mu kkubo lyaffe nga tuddayo eyo wennyini nate, nga tuddayo bulungi, bulungi dddala. Adamu eyasooka, okuyita mu kibi, yatufulumyayo ne tudda ebweru. Adamu ow’okubiri, okuyita mu butuukirivu, Atukomyawo nate; Atuwa obutuukirivu n’Atuzzaayo munda.

Omuntu yenna ayinza atya okuteeka mu bigambo kino kye kitegeeza gye tuli? Obwannamaddala obw’okuba nga tugenda mu lusuku olulungi gyetubeera abalamu obutaggwawo bwonna nga tuli wamu. Nga tewakyali nnaku, nga tewakyali bulumi oba ennaku, wabula okutuukirizibwa kwokka okwongezebwa ku kutuukirizibwa.

Emitima gyaffe gijaganya, emmeembe zaffe ziri ku muliro munda mu ffe. Sitaani yeeyongera okututeekako akazito buli lunaku, naye era tusanyuka . Lwaki:

● TUMANYI, FFE B’ANI.
● TUKIMANYI, TETUMUYIYE, ERA TETULI-MUYIWA.
● TUKIMANYI, TULI MU KWAGALA KWE OKUTUUKIRIDDE.
● TUKIMANYI, ATUWADDE OKUBIKKULIRWA OKW’EKIGAMBO KYE OKUTUUFU.

Ow’oluganda Yusufu, buli wiiki owandiika ekintu kye kimu. EKITIIBWA, nja kukiwandiika buli wiiki kubanga Ayagala omanye nga bw’Akwagala. Kiki ky’oli. Wa gy’ogenda. Ekifaananyi ekirimu ekizikiza kati kiri mu kufuuka ekifaananyi ekya nnamaddala eky’oku lupapula. Ye ggwe Kigambo nga kifuuka Ekigambo.

Ensi abaagalwa, mujje mutwegatteko Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), ku mukutu ogweyungibwako, si lwakuba nti “nze” nkuyita, wabula lwakuba nti “YE” akuyita. Si lwakuba nti “Nze” nalonze olutambi, wabula okuwulira Ekigambo nga oli wamu n’ekitundu ky’Omugole okwetoloola ensi yonna mu kiseera kye kimu.

Tuyinza okukizuula, nti kisoboka Omugole okuwulira Eddoboozi lya Katonda, okwetoloola ensi yonna, bonna mu kiseera kyennyini? Oyo alina okuba nga Katonda. Katonda Yaleetera nnabbi okukikola nga malayika wE ali wano ku nsi. Yakubiriza Omugole okwegatta mu kusaba, BONNA MU BUDDE BW’E JEFFERSONVILLE BWE BUMU, 9:00, 12;00, 3:00;, kisingawo kitya kati, nti Omugole asobola okwegatta nga OMU okuwulira Eddoboozi lya Katonda nga Lyogera nabo bonna mu kiseera kye kimu?

Owol. Joseph Branham

Obubaka: Ebintu Ebirina Okubeera 65-1205

Ebyawandiikibwa:
Omut. Matayo 22:1-14
Omut. Yokaana 14:1-7
Abebbulaniya 7:1-10

25-0727 Okukwakkulibwa

Obubaka: 65-1204 Okukwakkulibwa

BranhamTabernacle.org

Omugole Ataliiko Bukwakkulizo Omwagalwa,

Mukama Yatuwadde obudde akaseera akanyuvu ennyo katyo bwetwabadde mu nkambi sabbiiti ewedde nga bw’Atubikkulira Ekigambo kyE. Yakakasizza, nga Ayita mu Kigambo kyE, nti Abusoluuti waffe ye: Ekigambo kye, Obubaka Buno, Eddoboozi lya Katonda ku ntambi; byonna biri ekintu kye kimu, Yesu Kristo aba obumu jjo, leero n’emirembe gyonna.

Twawulidde engeri sitaani gy’agezaako okwawula Obubaka ku mubaka, naye ettendo libe eri Mukama waffe Yesu, Katonda yennyini yayogedde ng’Ayita mu malayika we ow’amaanyi n’Atugamba nti:

Tukizuula nti omusajja bw’ajja, ng’atumiddwa okuva eri Katonda, nga ayawuliddwa Katonda okuMuweereza, ng’alina BW’ATYO BW’AYOGERA MUKAMA, obubaka n’omubaka biba ekintu kimu era bye bimu. Kubanga aba atumiddwa okukiikirira BW’ATYO BW’AYOGERA MUKAMA, Kigambo ku Kigambo, n’olw’ekyo ye n’obubaka bwe kiri ekintu kye kimu.

Tosobola kwawula Bubaka ku mubaka, biri ekintu kye kimu, BW’ATYO BW’AYOGERA MUKAMA. Si nsonga eyafukibwako amafuta ow’obulimba yenna ky’ayogera, Katonda yagamba nti biri ekintu kye kimu era tebisobola kwawuzibwamu.

Awo n’Atugamba nti tetwetaaga kagoye kakuŋŋuunta okusengejjamu ebiwuka eby’engeri yonna nga tuwuliriza entambi, kubanga mu Bubaka Buno temuli biwuka wadde oluzzi-zzi oluva mu mibiri gy’ebiwuka oluBwetabiseemu. Lwe luzzi lwE olw’Ensulo olukulukuta bulijjo nga lulongoofu era nga luyonjo. Bulijjo luba lufukumula amazzi okuva ebuziba, terukalira, lugenda bugezi mu maaso nga lufukumula nga lufukumula, nga lutuwa Okubikkulirwa kw’Ekigambo kyE okusingawo era okusingawo.

Yatujjukizza OBUTEERABIRANGA nti endagaano yE naffe teyinza kwegaanibwa, Teteesebwako, naye okusinga byonna, Teriiko bukwakkulizo.

Ka kibeere okwagalwa, okuwagirwa, oba okwewaayo, ekintu bwe kiba nga tekiriiko bukwakkulizo kiba ABUSOLUUTI era nga tekigoberera nkola ez’engeri emu oba obukwakkulizo: kiba kijja kubaawo ne bwe watuukawo ekintu eky’engeri yonna ekirala.

Awo n’Ayagala okunyweza omusumaali, n’Atugamba nti leero Ebyawandiikibwa byE biri mu kutuukirira mu maaso gaffe.

Nti (s-u-n) enjuba y’emu eva mu buvanjuba ye (s-u-n) enjuba y’emu egwa mu bugwanjuba. Era (S-o-n) Omwana wa Katonda y’omu eyajja ebuvanjuba ne Yeekakasa obutaleekawo kabuuza nga Katonda Ayoleseddwa mu mubiri, ye (S-o-n) Omwana wa Katonda y’omu mu kitundu ky’ensi eky’eky’omu bugwanjuba w ano (ensi bwo’gy’awuzaamu wakati bibiri), oyo Ali mu kwemanyisa mu masekkati g’ekkanisa ekiro kyaleero, aba obumu jjo, leero, n’emirembe gyonna. Ekitangaala ky’Omwana eky’akawungeezi kizze. Leero Ekyawandiikibwa kino kituukiridde mu maaso gaffe.

Omwana w’Omuntu azzeemu okujja mu mubiri gw’omuntu ow’oku nsi mu kiseera kyaffe, nga bwe Yasuubiza nti Alikola, okuyitayo Omugole. Ye Yesu Kristo nga Ayogera butereevu gyetuli, era Tekyetaaga kuvvuunula kwa muntu yenna. Kye twetaaga kyokka, kye twagala, lye Ddoboozi lya Katonda okwogera ku lutambi nga liva eri Katonda yennyini.

Kwe kubikkulirwa kw’okwolesebwa kw’Ekigambo nga kifuulibwa eky’amazima. Era tuwangaalira mu lunaku olwo kati; Katonda atenderezebwe; okubikkulirwa kw’ekyama kyE.

Nga kiseera kya kitiibwa Omugole ky’Alimu, ng’agalamidde mu maaso g’Omwana, ng’ayengera. Eŋŋaano ekomyewo nate mu kikula ky’eŋŋaano, era mu ffe temuli kizimbulukusa. Eddoboozi lya Katonda eddoongoofu lyokka nga lyogera naffe, nga Litubumba era nga litwola okudda mu kifaananyi kya Kristo, Ekigambo.

Tuli batabani era bawala ba Katonda, ekikula kyE kye Yateekateekerawo okujja mu mulembe guno, omulembe ogusinga obukulu mu byafaayo by’ensi. Yakimanya nti tetujja kulemererwa, tetujja kwekkiriranya, wabula tujja kuba Omugole wE ow’Ekigambo omutuufu era omwesigwa, Ensigo ye ennangira ekira ku ya bulijjo eya Ibulayimu gye yasuubiza eyali egenda okujja.

Okukwakkulibwa kuli kumpi. Ekiseera kituuse ku nkomerero. Ajja okucima Omugole wE eyeetegese naye ng’atudde mu Maaso g’Omwana, ng’awulira Eddoboozi lyE nga liyambaza Omugole wE. Mu bbanga ttono tujja kutandika okulaba abaagalwa baffe abali ebusukka w’olutimbe lw’ebiseera, abalindiridde era abayaayaana okubeera naffe.

Entambi lye kkubo lya Katonda ly’Ataddewo okutuukiriza Omugole wE. Entambi zino kye kintu kyokka ekijja okugatta Omugole wE. Entambi zino lye Ddoboozi lya Katonda eri Omugole wE.

Nkuyita okujja okutwegattako, ekitundu ku Mugole wE Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira byonna ebikwata ku bigenda okubaawo mu bbanga ttono ddala: Okukwakkulibwa 65-1204 .

Owol. Joseph Branham

25-0720 Ku Biwaawaatiro By’ejjiba Eryeeru Ng’omuzira

Obubaka: 65-1128E Ku Biwaawaatiro By’ejjiba Eryeeru Ng’omuzira

BranhamTabernacle.org

Omugole wa Kristo Omwagalwa, ka tujje wamu Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), okuwulira 65-1128E Ku Biwaawaatiro By’ejjiba Eryeeru Ng’omuzira.

Owol. Joseph Branham

25-0713 Ekifo Kyokka Katonda Kye Yeroboza Eky’okusinzizamu

Obubaka: 65-1128M Ekifo Kyokka Katonda Kye Yeroboza Eky’okusinzizamu

BranhamTabernacle.org

Ab’enju Ya Yesu Kristo Abaagalwa,

Waliwo ekigenda mu maaso nga bwe kitabangawo mu Mugole wa Kristo okwetoloola ensi yonna. Ebintu bye tuwuliddeko era bye twegombyenga okulaba kati byeyolekera mu maaso gaffe.

Omwoyo Omutukuvu ali mu kugatta Omugole We nga bwe yagamba nti Alikola, nga Akozesa ekkubo lye LYOKKA lye Yateekerawo olwaleero, Eddoboozi lya Katonda ku ntambi.

Ali mu kubikkula n’okukakasa Ekigambo kyE obutalekaawo kabuuza nga bwe kitabangawo. Okufaananako n’oluzzi lw’ensulo, Okubikkulirwa kwesundira munda mu ffe.

Okwegatta okwo okw’omwoyo okwa Kristo n’Ekkanisa ye kati, ng’omubiri gufuuka Kigambo, n’Ekigambo nga kifuuka omubiri, nga kyoleseddwa, nga kikakasiddwa obutalekaawo kabuuza. Ekyo kyennyini Baibuli kye yagamba nti kiribaawo mu lunaku luno, kigenda mu maaso, buli lunaku. Lwaki, kyeyongera obungi ku bwangu obw’ekitalo ennyo ebweru awo, mu ddungu eryo, era ebintu nga bigenda mu maaso, okutuusa nga sisobola na kwekuumira mu mbeera ey’okumanya buli kyakagwawo.

Buli lunaku Okubikkulirwa okusingako era okusingako kuli mu kubikkulwa era ne kweyoleka gye tuli. Okufaananako ne nabbi, ebintu bigenda mu maaso era bituukawo ku bwangu obw’ekitalo, tetusobola na kwekuumira mu mbeera ey’okumanya buli kyakagwawo…EKITIIBWA!!!

Ekiseera kyaffe kituuse. Ebyawandiikibwa biri mu kutuukirira. Omubiri guli mu kufuuka Kigambo, n’Ekigambo kiri mu kufuuka omubiri. Ekyo kyennyini nnabbi kye yagamba nti kijja kubaawo kati kigenda mu maaso.

Lwaki ffe?

Tewali kizimbulukusa, tewali ddoboozi litategeerekeka, wadde okuvvuunula kw’omuntu mu masekkati gaffe. Tuli mu kuwuliriza buwuliriza Kigambo Ekituukirivu Ekirongoofu okuva mu kamwa ka Katonda nga bw’Ayogera naffe kamwa ku kutu.

Kati tulaba Ekigambo ekyo kye kimu ekyasuubizibwa, ekya Lukka, ekya Malaki, ebisuubizo bino ebirala byonna okuva leero, nga bifuuse omubiri, nga biwangaala naffe, gwe twawuliranga n’amatu gaffe; kati tuMulaba (n’amaaso gaffe) ng’Avvuunula Ekigambo kyE, tetwetaaga kuvvuunula kwonna kwa muntu .

Omugole, mu ngeri ennyangungu tekisobola kufuuka kirambulukufu nnyo kusukka awo. Ye Katonda, ng’Ayimiridde mu maaso g’Omugole we mu mubiri gw’omuntu ow’oku nsi, gwe tusobola okulaba n’amaaso gaffe, ng’Ayogera era ng’Avvuunula Ekigambo kyE, era ng’Akiteeka ku lutambi. Ekigambo Ekituukiridde ekyayogerwa Katonda yennyini era ne kikwatibwa Katonda yennyini ku lutambi, bwekityo tekyetaaga kuvvuunula kwonna kwa muntu.

  • Katonda ali mu kwogera butereevu eri Omugole wE, ku ntambi.
  • Katonda ng’Avvuunula Ekigambo kyE, ku ntambi.
  • Katonda nga Yeebikkula, ku ntambi.
  • Katonda nga Agamba Omugole wE, teweetaaga kuvvuunula kwa muntu kwonna, Ekigambo kyaNge ku ntambi kye byonna OMUGOLE WANGE BYE YEETAAGA.

Jjukira nti bw’ova wano, tandika okuva mu kisusunku kati; ogenda kufuuka mpeke, wabula galamira mu Maaso g’Omwana. Toyongerako, bye njogedde; totoolako, bye njogedde. Kubanga, njogera Amazima okusinziira nga bwe Ngamanyi, nga Kitaffe bw’Agampadde. Olaba?

Katonda ateereddewo Omugole EKKUBO LYOKKA ETTUUKIRIVU mw’ayinza okukolera nga bwe Yatulagira okukola. Kino tekisobokangako, okutuusa leero. Tewali kuteebereza, tewali kwewuunya, tewali kubuusabuusa oba waliwo ekintu kyonna ekyongeddwako, ekitooleddwako, oba ekivvuunuddwa. Omugole aweereddwa Okubikkulirwa okwa nnamaddala: OKUZANNYA ENTAMBI LYE KKUBO LYA KATONDA ERITUUKIRIDDE.

Okukikakasa obulungi singa kiba tekiggumidde, kanziremu nkyogere. Okubikkulirwa kwange kuli nti Omugole wa Yesu Kristo, so si abalala, OMUGOLE, TEYEETAAGA KIRALA KYONNA wabula Eddoboozi lya Katonda ku ntambi.

Naye Omwoyo Omutukuvu ddala…Ekigambo ekya nnamaddala bw’Amala okuyingira mu ggwe(Ekigambo, Yesu), olwo, ow’oluganda, Obubaka buba tebukyali kyama gy’oli olwo; oba oKimanya, ow’oluganda, Kyonna kiba kimulisiddwako ekitangaala mu maaso go. 

Obubaka si kyama gyendi. Yesu Kristo y’omu jjo, leero n’emirembe gyonna. Eggulu n’ensi byonna biyitibwa Yesu. Yesu ye Kigambo.

Era Erinnya liri mu Kigambo kubanga Ye Kigambo. Amiina! Olwo Ye ki? Ekigambo ekivvuunuddwa kwe kwolesebwa kw’Erinnya lya Katonda.

Katonda ali mu kugatta Omugole We nga akozesa Eddoboozi lye, lye yakwata ku lutambi n’Aliterekera olwaleero, asobole okugatta Omugole We wamu nga Ekitole Ekimu. Omugole ajja kukiraba era akitegeere nti y’ENGERI YOKKA gy’Ayinza okugatta Omugole wE.

Yakikola emyaka egisukka mu 60 egiyise okutulaga engeri gy’agenda okukikola leero. Tuli “emu ku kkanisa ze eziyungiddwa ku mukutu gw’oku ssimu.”

Bwemba sikkiririza mu kugenda mu kkanisa, lwaki nnina ekkanisa? Twabaleetedde bonna okwetoloola eggwanga, okweyunga ku mukutu ekiro kya luli, buli sikweeya mmayiro  ebikumi bibiri byabaddemu emu ku kkanisa zange.

Abaweereza bangi bagamba amakanisa gaabwe nti okubeera ku “mukutu gw’oku ssimu” oba “okuwuliriza butereevu mu kiseera ekyo kyennyini”, “okuwuliriza Obubaka bwe bumu mu kiseera kye kimu”, si kugenda mu kkanisa. YAAKAMALA OKUKYOGERA NTI BWEKIRI, KUBA KUGENDA MU KKANISA! Mu ngeri ennyangungu tebamanyi bumanya Kigambo oba tebasobola kusoma ya mukwano nga Omugole bw’asobola.

Ekkanisa kye ki? Ka tulabe Ow’oluganda Branham kye yagamba nti ekkanisa ky’eri.

Amakuŋŋaaniro mangi nnyo galina ekizimbe kino aweggamibwa nga mwenna bwe mukirina wano ku tabanako. Era nago gayungiddwa ku mukutu gw’ku ssimu mu Phoenix, ne kiba nga buli awali olukuŋŋaana, guyingira bulungi ddala mu…Era bakuŋŋaana mu masinzizo ne mu maka , n’ebintu ng’ebyo , okuyita mu jjengo essendeekerevu ennyo .

Ow’oluganda Branham ayogera butangaavu ddala nti abantu mu “maka” gaabwe ne “ebintu ng’ebyo” baali emu ku kkanisa ze eziyungiddwa ku mukutu. Na bwegatyo amaka, amasundiro g’amafuta, ebizimbe, ab’enju ababa bakuŋŋaanidde awamu nga bali ku mukutu kyabafuula kkanisa.

Katusome ebisingawo katono mu BBALUWA EY’OMUKWANO.

Tusabira amakanisa gonna n’ebibiina ebikuŋŋaanye okwetooloola — obu— obuzindaalo obubaka amaloboozi obutono ebweru emitala, okuva mu ggwanga lino, okugendera ddala okutuuka ku lubalama lw’omu bugwanjuba, engulu mu nsozi za Arizona, emmanga mu biwonvu bya Texas, awala okuyingira mu lubalama lw’Ebuvanjuba, wonna okwetooloola eggwanga, Mukama, gye bakuŋŋaanidde. Essaawa nnyingi zeetwawukana, mu budde bw’olunaku, bwetuli, naye, Mukama, tuli wamu ekiro kino nga ekitole kimu, abakkiriza, nga tulindirira Okujja kwa Masiya.

N’olwekyo okubeera ku mukutu, okuwuliriza Ow’oluganda Branham FENNA MU KISEERA KYEKIMU; baali wamu nga ekitole ekimu, abakkiriza, nga balindirira Okujja kwa Masiya.

Naye ggwe ogamba bw’okola ekyo leero, ekyo tekuba kugenda mu kkanisa, kikyamu, tekuba kukuŋŋaana n’okusingawo ddala nga bwe tulaba olunaku olwo nga lusembera, tekuba kugenda mu kkanisa?

Ka nkubuuze ekibuuzo era okiddemu ekibiina kyo. Singa Ow’oluganda Branham abadde wano leero, mu mubiri, era ng’osobola okuwuliriza buteerevu oba okweyunga ku mukutu okumuwulira buli Ssande ku makya, ffenna mu kiseera kye kimu n’Omugole okwetoloola ensi yonna, abasumba, MWANDYEEYUNZE KU MUKUTU ne muwulira Ow’oluganda Branham oba mwandibuulidde?

Ow’oluganda Branham ayogera butangaavu ddala nti obuvuunaanyizibwa bwo ye kkanisa yo. Singa wali wano emyaka 60 egiyise era nga Ow’oluganda Branham alina olukuŋŋaana, naye ng’ekkanisa yo tegenda kugendayo wabula ng’erina okusaba kwabwe (abaweereza bangi kye baakola mu kiseera ekyo), wandigenze mu “kkanisa yo”, oba wandigenze mu “Branham Tabernacle” okuwulira Ow’oluganda Branham?

Nja kukuwa eky’okuddamu kyange. Nnandibadde nnyimiridde ku mulyango mu nkuba, omuzira oba omuyaga ogw’amaanyi okuyingira mu Weema eyo okuwulira nnabbi wa Katonda. Singa NNALI ŋŋendanga mu kkanisa eyo endala, nnandikyusizza ekkanisa yange gyensabira okutandika n’ekiro ekyo.

Wabula omukyala oyo, yali tamanyi oba amaanyi gaali mu muggo ogwo oba nedda, naye yali akimanyi nti Katonda ali mu Eriya. Awo Katonda we yali: mu nnabbi wE. Yagamba nti, “Nga Mukama bw’Ali omulamu n’emmeeme yo nga bw’eri ennamu, sijja kukuleka.”

Nkuyita okutwegattako n’okubeera emu ku kkanisa z’Ow’oluganda Branham ezeeyunze ku mukutu Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga tuwulira Eddoboozi lya Katonda nga lituleetera Obubaka: Ekifo Kya Katonda Kyokka Kye Yateekawo Eky’Okusinzizaamu 65-1128M.

Owol. Joseph Branham

25-0706 Mpulidde Naye Kati Ndaba

Obubaka: 65-1127E Mpulidde Naye Kati Ndaba

BranhamTabernacle.org

Omugole Ayungiddwa ku Mukutu Omwagalwa,

Leero, Ebigambo bino Katonda bye yayogera ng’Ayita mu Mubaka wE Malayika ow’Omusanvu NE KAAKANO bikyatuukirizibwa okuyita mu FFE, OMUGOLE WA YESU KRISTO.

Bwemba sikkiririza mu kugenda mu kkanisa, lwaki nnina ekkanisa? Twabaleetedde bonna okwetoloola eggwanga, okweyunga ku mukutu ekiro kya luli, buli sikweeya mmayiro ebikumi bibiri byabaddemu emu ku kkanisa zange.

Baabadde mu masinzizo, mu maka, mu bizimbe ebitonotono, ne ku ssundiro ly’amafuta; nga basaasaanidde mu Amerika, nga bawuliriza, bonna mu kiseera kye kimu ddala Ekigambo nga kifuluma ne kigenda wonna.

Era leero, tukyali EMU KU MAKANISA GE. AKYALI MUSUMBA WAFFE. Ekigambo kye NE KAAKANO TEKYETAAGA KUVVUUNULA , era NE KAAKANO tukyakuŋŋaanyizibwa okwetoloola ensi yonna, NE TUYUNGIBWA KU MUKUTU, nga tuwuliriza EDDOBOOZI lya Katonda nga Lituukiriza Omugole wa Yesu Kristo.

Leero, Ekigambo kino kikyatuukirizibwa.

Lwaki ekyo baakikola mu kiseera ekyo? Lwaki abasumba baggalawo amakanisa gaabwe okuwulira Obubaka mu kiseera ekyo? Bandibadde balinda bulinzi kufuna ntambi, olwo bo ne babuulira Obubaka bennyini eri abantu baabwe oluvannyuma; era nkakasa bangi abatalina Kubikkulirwa baakola batyo.

Oba olyawo abamu baagamba ebibiina byabwe nti, “Kati muwulirize, tukkiriza Ow’oluganda Branham nnabbi wa Katonda, naye teyagamba nti tulina okumuwuliriza mu makanisa gaffe. Nze ŋŋenda okubuulira ku Ssande eno, ne buli Ssande; mufune entambi muziwulirize mu maka gammwe.”

Omugole mu kiseera ekyo, ddala nga Omugole bw’ali kati, yalina Okubikkulirwa, era nga baagala okuwulira Eddoboozi lya Katonda butereevu bo bennyini. Baayagala okubeera bumu n’Omugole okwetoloola eggwanga okuwulira Eddoboozi lya Katonda nga bwe lifuluma okugenda wonna. Baayagala okwemanyisa nga abali emu ku kkanisa ze, amaka ge, oba wonna we baabeeranga, n’Obubaka, Eddoboozi, era kaakano, nga z’entambi.

Leero, Ekigambo kino kikyatuukirizibwa.

Lwaki bo baakiraba / ffe tukiraba ate abalala nebatakiraba? Olw’okumanyirawo, twayawulibwa okulaba Kino. Naye mmwe abataayawulibwa, temujja kuKiraba. Eŋŋaano ekiraba era etandise okwesika nga evaayo.

Tekitegeeza nti olina okulekera awo okugenda mu kkanisa yo. Era tekitegeeza nti omusumba wo alekere awo okuweereza. Kitegeeza butegeeza nti obuweereza bungi nnyo n’abasumba bangi nnyo beerabidde EKINTU EKIKULU, era tebagamba bantu baabwe nti EDDOBOOZI ERISINGA OBUKULU ly’oteekwa okuwulira lye EDDOBOOZI lya Katonda ku ntambi.

Okugenda mu kkanisa buli lunaku lwa buli wiiki tekikufuula Mugole; ekyo si kye kyetaago kya Katonda. Abafalisaayo n’Abasaddukaayo enjigiriza eyo baali baagikugukamu bulungi ddala. Baali bamanyi buli nnukuta ya buli Kigambo, naye Ekigambo Ekiramu kyali kiyimiridde AWO WENNYINI mu mubiri gw’omuntu ow’oku nsi, naye baakola ki? Ekintu kye kimu abangi ennyo kye bakola leero.

Bajja kugamba nti, “ebyo byali bibiina bya madiini bye yali ayogerako. Baali bagaanye okukkirizza Ow’oluganda Branham okuyingira mu makanisa gaabwe okubuulira, naye ffe tubuulira Ekigambo ne twogera ekyo kyennyini kye yayogera.”

Ekyo kirungi bya nsusso. Mukama atenderezebwe. Ekyo ky’osaanidde okukola. Naye ate bagamba nti, leero kya njawulo, kikyamu okuzannya entambi z’Ow’oluganda Branham mu kkanisa yo. Tolina njawulo na Bafalisaayo n’Abasaddukaayo, oba amadiini.

Oli munnanfuusi.

Nga bwe kyali mu kiseera ekyo, Ye Yesu, ng’Ayimiridde ku mulyango ng’Akonkona, ng’Agezaako okuyingira okwogera butereevu n’Ekkanisa Ye, era tebajja kuggulawo nzigi zaabwe, era tebajja kuzannya ntambi mu masinzizo gaabwe. “Tajja kujja mu kkanisa yaffe ate abuulire”.

Omulabe agenda kukikyusa ekyo era akiruke-luke mu njuyi nnyingi nnyo anti AKYAWA okwasanguzibwa, naye wadde kiri kityo, kiri mu kweyolekera mu maaso gaffe gennyini era bangi bali mu kwesikamu nga bavaayo.

“Ku lubereberye waaliwo” [Ekibiina kigamba nti, “Ekigambo,” —Ed.] “Kigambo n’aba awali” [“Katonda,”] “Kigambo n’aba” [“Katonda.”] “Kigambo n’afuuka omubiri, n’abeerako gye tuli.” Ekyo kituufu? Kaakano tulaba Ekigambo ekyo kyennyini ekyasuubizibwa, ekya Lukka, ekya Malaki, ebisuubizo bino ebirala byonna okuva leero, nga bifuuka omubiri, nga biwangaala naffe, oyo gwe twawulira n’amatu gaffe; kaakano tuMulaba (n’amaaso gaffe) ng’Avvuunula Ekigambo kyE, tetwetaaga kuvvuunula kwonna kwa muntu. Ayi Ekkanisa ya Katonda omulamu, abali wano n’abali ku masimu, zuukuka mangu, nga tebunnakeerewa!

Mugguleewo emitima gyammwe muwulire Katonda bye Yaakabagamba mmwe, amakanisa ge gonna. Kaakano tuMulaba, n’amaaso gaffe, NGA AVVUUNULA EKIGAMBO KYE YE. Tetwetaaga kuvvuunula kwonna kwa muntu!! ZUUKUKA NGA TEBUNNAKEEREWA!!

Ebintu bino tubiwuliddeko obulamu bwaffe bwonna ebyali bigenda okubaawo mu kiseera eky’enkomerero. Kaakano tulaba n’amaaso gaffe nga bigenda mu maaso.

Yatugamba nti, waliwo EKKUBO LIMU LYOKKA, ERYO LY’EKKUBO LYA KATONDA LYE YATEEKERAWO OMUGOLE WE. OTEEKWA OKUSIGALA N’EDDOBOOZI LYA KATONDA KU NTAMBI.

Mpita ensi okujja okutwegattako Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), tuwulire Ekkubo lya Katonda lye Yateekawo kulw’olwaleero. Olwo naawe oyinza okugamba nti, “Nkuwuliddeko, naye kati nkulaba”.

Owol. Joseph Branham

Obubaka: 65-1127E Mpulidde Naye Kati Ndaba

Ebyawandiikibwa

Olubereberye 17
Okuva 14:13-16
Yobu essuula 14 ne 42:1-5
Amosi 3:7
Makko 11:22-26 ne 14:3-9
Lukka 17:28-30

25-0629 Okugezaako Okuweereza Katonda Nga Si Kwe Kwagala Kwe

Obubaka: 65-1127B Okugezaako Okuweereza Katonda Nga Si Kwe Kwagala Kwe

BranhamTabernacle.org

Omugole wa Kristo omwagalwa, leka tujje wamu Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda) tuwulire 65-1127b Okugezaako Okuweereza Katonda Nga Si Kwe Kwagala Kwe.

Ow’oluganda Joseph Branham

25-0622 Ebikolwa Kwe Kukkiriza Okwolesebwa

Obubaka: 65-1126 Ebikolwa Kwe Kukkiriza Okwolesebwa

BranhamTabernacle.org

Ekigambo Ekifuuse Omubiri Abaagalwa,

Aleruuya! Akalimiro akagimu okumukulira ensigo mu mutima gwaffe kategekeddwa okuyita mu kuwulira Ekigambo era Kitubikkulidde nti, YE FFE Mugole wa Kristo ow’empisa; omwana wa Katonda ow’omuwendo, ow’empisa, atalina kibi, ng’ayimiridde n’Ekigambo Omugole ekiroongoofu, ekitatabikiddwamu birala, nga anaazibwa Amazzi g’Omusaayi Gwe Yennyini.

Tufuuse Ekigambo ekyoleseddwa ekifuuse omubiri, Yesu asobole okututwala ffe, be Yategekerawo nga ensi tennatondebwa, mu kifuba kya Kitaffe.

Ensi esobola okulaba okulaga mu bikolwa okw’Okukkiriza kwaffe ku ngeri gye twali tweyisaamu, n’okulaga nti tulina Okubikkulirwa okwa nnamaddala okuva eri Katonda okw’Ekigambo kyE ekyakakasibwa obutalekaawo kabuuza, era TETULIIMU KUTYA. Tetufaayo ku nsi yonna ky’eyogera oba ky’ekkiriza…TETULIIMU KUTYA. Okunyiga Zannya lye kkubo lya Katonda lye Yateekerawo Omugole wa Yesu Kristo.

Eriyo bangi abagamba nti bakkiriza Obubaka buno obw’ekiseera eky’enkomerero, bakkiriza Katonda yatuma nnabbi, bakkiriza nti William Marrion Branham ye yali omubaka malayika ow’omusanvu, bakkiriza nti yayogera Bw’Atyo Bw’Ayogera Mukama, naye TEBAKKIRIZA nti Eddoboozi eryo lye ddoboozi erisinga obukulu ly’oteekwa okuwulira. Tebakkiriza nti yayogera Ebigambo by’obwa nnantakola-nsobi. Tebakkiririza mu kuzannya ntambi mu masinzizo gaabwe.

Ekyo kitegeeza ki? KITEGEEZA NTI TEKINNABABIKULIRWA!

Kuno kubikkulirwa. Akikubikkulidde olw’ekisa kyE. Si kintu kyonna kye wakola. Teweekolerera kuyingira mu kukkiriza. Bulijjo obaddenga olina okukkiriza, kukuweebwa kisa kya Katonda. Era Katonda akikubikkulira, n’olwekyo okukkiriza kubikkulirwa. Era Ekkanisa ya Katonda yonna ezimbiddwa ku kubikkulirwa.

Olw’OKUKKIRIZA kitubikkuliddwa nti Obubaka buno lye Ddoboozi lya Katonda ku ntambi eryakwatibwa ku ntambi, ne literekebwa, okuliisa n’okutuukiriza Omugole wa Yesu Kristo.

KWE KUKKIRIZA okwa nnamaddala, okutatabikiddwamu birala mu ekyo Katonda kye yagamba nti ge Mazima. Era Kusudde ennanga mu mutima ne mu mmeeme zaffe era tewali kigenda kuKusigula. Kugenda kusigala awo wennyini okutuusa nga nabbi wE atwanjudde eri Mukama waffe.

Tetusobola kweyamba. Yatuteekateeka okusembeza n’okukkiriza Ekyo ng’ensi tennatondebwa. Yakimanya nti tujja kusembeza Eddoboozi lyE mu mulembe guno. Yatumanyirawo era n’Atwawulirawo okuKisembeza.

Olwo, emirimu Omwoyo Omutukuvu gy’Akola leero, okuyita mu kwolesebwa kuno okutalemereddwako, ebisuubizo ebitalemereddwako, obubonero bwonna obw’abatume obwasuubizibwa mu Baibuli, obwa Malaki 4, era, oh, Okubikkulirwa 10:7, ebyo byonna biri mu kutuukirira; era nga bikakasiddwa ebya ssaayansi, mu buli ngeri endala. Era bwemba nga sibagambye Mazima, ebintu bino tebyandibaddewo. Naye bwemba nga mbagambye Amazima, bino bwe bujulizi nti mbagambye Amazima. Akyali y’omu, jjo, leero, n’emirembe gyonna, era okwolesebwa kw’Omwoyo gwe kuli mu kweddiza ku bbali Omugole. Leka okukkiriza okwo, okubikkulirwa okwo kugwe mu mutima gwo, nti, “Eno y’essaawa.”

Eno y’essaawa. Buno bwe Bubaka. Lino lye ddoboozi lya Katonda eriyitayo Omugole wa Yesu Kristo. Ayi Ekkanisa, nsaba Mukama Ategeke obulimiro obugimu okumukulira ensigo obw’omutima gwo okubeera n’Okukkiriza era Akubikkule nti okuwulira Eddoboozi lino, ku ntambi, kye kijja okutuukiriza n’okugatta Omugole wa Yesu Kristo.

Nziramu okubayita okujja okutwegattako Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), okutwala OKUKKIRIZA kwammwe ku ddala erya waggulu ko, era mutuule wamu naffe mu bifo eby’omu ggulu nga bwe tuwulira Eddoboozi lya Katonda nga lituteekateekera okujja kwE okubindabinda.

Owol. Joseph Branham

Nsaba mutukumire mu ssaala sabbiiti ejja nga tutandika enkambi yaffe esooka eya Still Waters Camp.

Obubaka : Ebikolwa Kwe Kukkiriza Okwoleseddwa 65-1126

Ebyawandiikibwa by’olina okusoma:
Olubereberye 15:5-6, 22:1-12
Ebikolwa 2:17
Abaruumi 4:1-8, 8:28-34
Abeefeso 1:1-5
Yakobo 2:21-23
Omut. Yokaana 1:26, 6:44-46

25-0615 Okwegatta Kw’Omugole Wa Kristo Okutalabika

Obubaka: 65-1125 Okwegatta Kw’Omugole Wa Kristo Okutalabika

BranhamTabernacle.org

Mukyala wa Katonda Omulonde Omwagalwa,

Tewali ngeri yonna ya kukyebalama, mmwe ndaga-butonde ya Katonda ey’Omwoyo, okulagibwa kw’ebikula by’ebirowoozo byE, era mwali mu Ye nga ensi tennatondebwa.

Tetusobola kweyongerayo, tufaananira ddala empeke yennyini eyagenda mu ttaka. Yeffe Yesu y’omu, mu kifaananyi ky’Omugole, nga tulina amaanyi ge gamu, Ekkanisa y’emu, Ekigambo kye kimu nga kiwangaalira era nga kituula mu ffe nga kiri mu kwebumba okudda mu kikula eky’omutwe, NGA TWETEGEKEDDE OKUKWAKKULIBWA.

Yatugamba nti twayawukanyizibwa ne tuva mu kwegatta kwaffe okwasooka, okuyita mu kufa okw’omwoyo, era nga kaakano tuzaaliddwa omulundi ogw’okubiri, oba tufumbiddwa omulundi ogw’okubiri, ne tudda mu kwegatta kwaffe okuggya okw’Omwoyo. Tewakyali bya bulamu bwaffe obw’obutonde obukadde n’ebintu by’ensi, wabula eby’Obulamu Obutaggwaawo. Akaweke akaali mu ffe ku lubereberye, katuzudde!

Ekyo kitegeeza ki? Kitegeeza nti ekitabo kyaffe ekikadde kigenze n’omukago gwaffe omukadde, kikyusiddwa. KAAKANO guli mu “Kitabo kya Katonda Ekiggya”; si ekitabo eky’obulamu… nedda, nedda, nedda… wabula mu Kitabo ky’Obulamu eky’Omwana gw’Endiga. Abo Omwana gw’endiga bye yanunula. Ye satifikeeti yaffe ey’obufumbo Akaweke kaffe akataggwawo aka nnamaddala mwe kanyweredde.

Oli mwetegefu? Kiikino kijja. Wandyesunako ne weetegekera okuleekaana n’okuyisaamu eddoboozi nti ekitiibwa, hallelujah, Mukama atenderezebwe, eno ya midumu ebiri ate nga ng’epakiddwamu eby’eggulu.

“Otegeeza kuŋŋamba nti ekitabo kyange ekikadde n’ensobi zange zonna, okulemererwa kwange kwonna…” Katonda yakiteeka mu Nnyanja y’Okwerabira kwE, era tosonyiyiddwa kyokka, wabula oggyiddwako omusango…Ekitiibwa! “Ng’oggyiddwako omusango.”

Era ekyo kitegeeza ki? Kitegeeza nti n’okukikola tokikolangako mu Maaso ga Katonda.
Oyimirira butuukirivu ddala mu maaso ga Katonda . EKITIIBWA! Yesu, Ekigambo, yakwata ekifo kyo. Yafuuka ggwe, ggwe, omwonoonyi omucaafu, osobole okufuuka Ye, EKIGAMBO. TULI KIGAMBO.

Ekyo kitufuula Akaweke ke akatono akaategekerwawo okuva ku lubereberye. Tuli Kigambo ekiri mu kuggyira ku Kigambo, ku Kigambo, ku Kigambo, ku Kigambo, era nga tuli mu kuyingira mu kikula kya Kristo ekijjuvu Asobole okujja okutucima okubeera Omugole wE.

Kiki ekigenda mu maaso KATI?

Kwe Kwegatta Okutalabika Okw’Omugole Wa Kristo ali mu kukuŋŋaana okwetoloola Ekigambo, okuva mu nsi yonna.

Kino kigenda wonna mu ggwanga. Mu New York, kati ziri eddakiika abiri mu ttaano ezaakayita ku ssaawa ttaano. Wala engulu eyo mu Philadelphia n’okwetooloolamu okuyitamu eyo, abatukuvu abo abaagalwa nga batudde awo nga bawuliriza, kati kati, mu masinzizo okwetoloola wonna. Wala engulu eyo, emmanga ddala okwetooloola Mexico, ewala engulu okwetoloola mu Canada n’okwetoloola, emitala. Mayiro ebikumi bibiri, wonna munda mu ssemazinga wa North America wano, kumpi, abantu bali ku kyo, nga bawuliriza kati kati. Enkumi emirundi enkumi, nga bawuliriza.

Era obwo bwe Bubaka bwange gyemuli, Ekkanisa, mmwe abali omugatte gumu, omugatte ogw’omwoyo ogugattiddwa Ekigambo,

Agambye nti Kwegatta kwa mwoyo okwa Kristo n’Ekkanisa yE, era kuli mu KUGENDA MU MAASO KATI KATI. Omubiri guli mu kufuuka Kigambo, n’Ekigambo kiri mu kufuuka omubiri. Twoleseddwa, era ne tukakasibwa obutalekaawo kabuuza; ekyo kyennyini Baibuli kye yayogera nti kya kubaawo mu lunaku luno, era Kigenda mu maaso kaakano, olunaku ku lunaku mu buli omu ku ffe.

Katonda agenda kuba n’Ekkanisa ey’empisa. Omugole we ow’amazima, omwesigwa, ow’Ekigambo. YEFFE MUKAZI WA Mukama waffe Yesu Kristo OMULONDE.

Tuli mu ssaawa mmeka kaakano, Ssebo?

Tufunye okubikkulirwa mu nnaku zino ez’oluvannyuma, okusobozesa Obubaka bwa Mukama Katonda okukuŋŋaanya Omugole we awamu. Tewali mulembe mulala gwasuubizibwa kino. Kyasuubizibwa mu mulembe guno: Malaki 4, Lukka 17:30, Omutukuvu Yokaana 14:12, Yoweri 2:38. Ebisuubizo ebyo bifaananira ddala nga Yokaana Omubatiza bwe yeeyanjula mu Byawandiikibwa.

Ani yatuukiriza ebyawandiikibwa bino?

Malayika we ow’amaanyi ow’omusanvu, William Marrion Branham. Bulijjo yakikolanga mu ngoberegana y’emu. Buli mulundi yakikolanga mu ngoberegana eyo. Addamu okukikola mu kiseera kyaffe, ng’Akoowoolayo n’Akuŋŋaanya Omugole wE ow’empisa mu lunaku luno olw’oluvannyuma nga Ayita mu nnabbi wE.

Nga kiseera kya kitiibwa Omugole ky’alimu. Buli lukuŋŋaana lweyongera obuyitirivu obulungi n’obuyitirivu obulungi era lweyongera obuwoomi n’obuwoomi. Tewabangawo kiseera nga kino. Okubuusabuusa kwonna kuweddewo.

Jjangu twegatteko nga tuwulira Ekigambo ekyatusuubizibwa eky’olunaku lwaffe nga kyogera, era nga kitubuulira kye tuli n’ebigenda mu maaso mu kiseera kyaffe. Owegatta Okutalabika Ow’omugole Wa Kristo 65-1125.

Owol. Joseph Branham

Ebyawandiikibwa :
Omut. Matayo 24:24
Omut. Lukka 17:30 / 23:27-31
Omut. Yokaana 14:12
Ebikolwa by’Abatume 2:38
Abaruumi 5:1 / 7:1-6
2 Timoseewo 2:14
1 Yokaana 2:15
Olubereberye 4:16-17 / 25-26
Danyeri 5:12
Yoweeri 2:28
Malaki 4.