Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Urindirijwe,
Kandi ndazi ko inyuma y’uko nzoba maze kugenda mva muri iyi si, aya mabande n’ibi bitabu bizobandanya kubaho, kandi benshi muri mwebwe bana batoya, muzobona mu minsi izoza, ko ari neza na neza ukuri, kuko ndabivuze mw’Izina ry’Umwami.
Ni muze mukoranire hamwe na twebwe Inkukuma, kuri uyu w’iyinga isaha zitandatu kw’isaha ya Jeffersonville (isaha imwe y’ijoro mu Burundi), mu guhe tuzokwumiriza Ubutumwa –Kandi Ntavyo Uzi Bwavuzwe kw’Igenekerezo rya 15, Ukwezi kw’Umunani Umwaka w’1965.
Kubwo uguhitamwo kwaWe bwite, wahisemwo William Marrion Branham kugira ngo abe umuntu w’igihe. Wamuhisemwo kuguira ngo atume tumera magabo. Watiriganije ibiganza vyiwe. Watwaye amaso yiwe mw’iyerekwa. Nta kintu na kimwe yari gushobora kuvuga kiretse ico Wamweretse.
Nta kintu na kimwe yari gushobora kuvuga kiretse ico Washize mu kanwa kiwe. Ni We waganza ururimi rwiwe, intoki ziwe, n’ibihimba vyose vy’umubiri wiwe. Yari yuzuye ububasha bwaWe.
Boba batariko barasuzuma ivyo yavuze kuri Bande ? Boba bariko barafata ko ivyo yavuze ari Ijambo, Inzira yateguwe n’Imana kubwo iki gihe ? Iyoba yovugije Bande, Ijwi ryawe ryagaragajwe kubwo abantu, aho kwigira ubwabo Ijwi nyamukuru , botegerejwe kumenya y’uko ico bariko barumviriza ko ari icasizwe c’ikinyoma mu nyigisho y’igihe ca nyuma.
Ivyo ntibisigura yuko mudakeneye umwungere. Ntibisigura yuko bose ari abungere basizwe b’ibibinyoma . Ntibisigura yuko hariho benshi bigisha neza na neza ivyo MweneData Branham yavuze. Bisigura yuko ikintu c’ingirakamaro kuruta ibindi vyose mutegerezwa kwumviriza, ni Ubutumwa kuri Bande; Ni co conyene ari NIKO UHORAHO AGIZE.
Ni ikintu co kwisungwa. Ni Icishimikizo ntanyiganyizwa. Ni Ijambo rya nyuma. Ni ryo Jambo ryonyene Ritunganye. Mu gihe umwungere, umurongozi wanyu wo muri mpwemu, atariko arumviriza Iryo Jambo ritunganye n’abantu biwe, ikintu kinaka kizogenda nabi.
Kubera iki igikorwa c’ivugabutumwa kitovuza Ijwi ryaWe ryagaragajwe mu mashengero yabo ? Ni gute bovuga yuko ari ikinyoma mu gihe bavuga yuko bizeye ko ari Ijambo ? Ni kuki bazana ivyitwazo vyose hanyuma bakavuga yuko ivugabutumwa ryabo ari inzira yawe wateguye kubwo iki gihe, atari Ijwi ryaWe ryagaragajwe kuri Bande ?
Kuko batera ubwoba abantu bavuga ngo ni kubera tuvuga tuti, « FYONDA UVUZE. » Mu kwumviriza Ijwi ryawe, ngo turiko turasenga umuntu, ngo si wewe uriko uravuga biciye muri uwo Muntu ?
Dusenga WEWE WENYENE DATA . Twarabisuzumye n’Ijambo ryawe twitonze. Utubwira biciye mu muhanuzi wawe kuri buri Butumwa twumviriza kuri Bande uti : Ni inzira yawe wateguye kubwo iki gihe gusa.
Ni hehe handi Umugeni wawe yogenda kiretse neza na neza kw’Ijambo ryaWe. Turi Umugeni Jambo Nkumi waWe. Dutegerezwa kugumana n’inkingi y’umuriro yaWe. Niho hantu honyene twoshobora guhazwa turi, maze tukavuga amen kuri buri Jambo twumvirije.
Data, TuraKubona hanze y’Ishengero ryawe uriko uragerageza kwinjira, kandi bijanjagura umutima wacu. Umunyororo wo kugaza uri imbere kandi twaruguruye urugi kugira ngo winjire. Nta kindi kintu tuzi. Nta kindi kintu dukeneye. Ntidushobora gufata n’ikindi kintu. Twibungenze Ijambo ryawe.
Kandi n’uku biri, nta Jambo na rimwe ryokwongerwako canke ngo rikurwe muri Bibiliya. Nimugumane n’iryo Jwi. “Uwo Ritazi ntibomukurikira,”
Ni gute umuntu adashobora kubona inzira yateguwe n’Imana iki gihe? Ariko Imana shimwe, turashobora kuYibona, kuko twatoranirijwe kuYibona. Ntidushobora kandi ntituzoshobora guhemukirwa kuko turi Ijambo ryagaragajwe.
BeneData na Bashikibacu, reka ivyo vyinjire ibwina akanya gatoyi , TURI IJAMBO RYAGARAGAJWE! Imana ubwayo, Ivugira mu munwa w’umuntu, Iriko Iratubwira ko TURI IJAMBO. Ntidutinya ikintu na kimwe vy’ukuri. Ikintu cose dukeneye ni icacu.
Imana y’iki gihe kibi iriko irakora ukwo ishoboye kwose kugira ngo ihende ihanga ry’Imana ryigire kure ry’Ijwi ryaYo ryagaragajwe. Igerageza gutuma batizera Ijambo na rimwe, nk’uko yabikoze kuri Eva kw’itanguriro.
Ariko Jambo-Mugeni wa Kristo ariko aregera Umutwe. Turiko turasubira ku mugenzi wacu aho twatanguriye. Igihe c’ukuvayo kiregereje. Imana igiye kuzozira Umugeni waYo yagumanye n’Ijambo ryaYo.
Mpwemu Yera ari hano ahamagarira gusohoka Umugeni wa Kristo. Ariko arabikora mu kwemeza Ijambo ryiwe ry’Isezerano kubwiwe, kubwo iki gihe, mu kwerekana yuko ari Kristo.
Nta kintu gihambaye nk’ugukoranira hamwe n’Umugeni kw’isi yose,mwumviriza Ijwi ry’Imana Rivugana namwe ata guca ku ruhande. Ntidukekeranya, canke mbere ngo dusenge twibaza yuko ivyo turiko twumviriza yuko ari Ukuri. Kuko ni Niko UHORAHO AGIZE , IJAMBO RYAGARAGAJWE GUSA.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Shengero ryo Munzu,
Ni muze dukoranire hamwe maze twumvirize Ubutumwa Ni Ukuhe Gukwerwa Kuri Wa Musozi Bwavuzwe kw’igenekerezo rya 25E Mukakaro 1965 kuri uyu w’Imana isaha zitandatu kw’isaha ya Jeffersonville ( Isaha imwe y’ijoro mu Burundi)
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi Bakoraniriza Hamwe Intama mu Ruhongore,
Birampagije cane kandi ndakengurukira Umwami kuba umwe wese muri mwebwe mukoranira mu Ruhongore rw’Intama z’Imana buri yinga, ahantu hacu h’akabanga tunyegejwe, tugaburirwa kandi tubeshwaho na birya Bifungurwa Vyanyegejwe. Ni Uguhishura kwa Yesu Kristo, Atwigaragariza kandi Atwihishurira ubwiWe.
Yarinyegeje ubwiWe ku buryo abandi baBiraba neza kandi ntibaBibone, ariko kuri twebwe, Umugeni WiWe Yatoranije, turaBibona biri ku mugaragaro kandi twizeye Ijambo Ryose. Twagumanye n’Ijambo n’umuhanuzi wiWe mu gihe bari Umwe kandi co kimwe.
Namba uri umwana w’Imana, uzogumana n’umuhanuzi w’iyi Bibiliya. Ni Ijambo.
Abahanuzi benshi basizwe iki gihe bavuga bati, “Ni Mpwemu Yera utegerezwa kugumana naWe, si umuhanuzi.” Nk’abahanuzi ba kera, namba dufise ikibazo, hategerezwa kuba inyishu itomoye. Dutegerezwa kuja KW’IJAMBO kugira turabe ico umuhanuzi yavuze imbere yacu.
Ariko hariho Kristo Impwemu imwe y’inkomoko, kandi iryo ni Ijambo Ryihaye umubiri nk’uko Yasezeranye kubikora.
Kristo Impwemu IMWE y’inkomoko Yasezeranye, Malaki 4, Luka 17, Umwana w’Imana Yihishura ubwiWe mu mubiri w’umuntu.
Itegereze, barasa. Basizwe co kimwe. Ariko itegereze, « Ku vyamwa vyabo… »
Ndanka kuvuga ibi bintu ariko isaha irarenganye kandi igihe kirihuta. Ibi ni ivyavuzwe kandi vyigishijwe iki gihe n’izo mbwebwe z’inkazi Paulo yagabishije kw’ishengero, kandi abasizwe b’ibinyoma mweneData Branham yavuze ko boje. Bari ng’aha muri twebwe, neza nk’uko babivuze.
Ng’aha hari igice c’ikete ryanditswe n’umukozi w’Imana. Icamwa cabo kigerageza guterera ugukekeranya ku muhanuzi w’Imana. Bagabisha abantu babo ko turi imana mu gukurikira umuhanuzi no Gufyonda Tukavuza.
Mwumvirize ukuntu ibi ari ivy’uruhendo.
Mbabajwe n’uko iyi dayimoni yinjiye mu butumwa bwacu ku buryo ubu twita ibitabu vy’inyigisho za William Branham IJWI RY’IMANA. William Branham ntiyari mu bisanzwe ijwi ry’Imana, ariko ahubwo ijwi ry’umuntu Imana Yakoresheje. Bibiliya Ntiyigeze Ivuga ko yari ijwi ry’Imana, ariko ahubwo Bibiliya Imwerekana nk’ijwi ry’umumarayika w’Indwi. (Ivyahishuriwe Yohana 3 :14 ; 10 :7)
Tuje kw’IJAMBO kandi tureke umuhanuzi w’Imana ashire ku mugaragaro iyi nyigisho y’ikinyoma.
*Namba nabababaje mu kuvuga ivyo, mumbabarire, ariko, numvise ko bishobora kumvikana, ariko, NDI IJWI RY’IMANA KURI MWEBWE.
Ikosa riteye ubwoba ryarakoze n’umugwi w’ubutumwa mu kugira imana William Branham mu kumugira icishimikizo ntanyiganyizwa. William Branham ntiyigeze aba icishimikizo ntanyiganyizwa ! Ijambo ry’Imana ni Ryo cishimikizo ntanyiganyizwa.
Amen, Ijambo ry’Imana Ni Icishimikizo Ntanyiganyizwa Cacu. Ijambo ry’Imana Ryaje kuri nde, wewe canke WE ? Ni nde musobanuzi w’IJAMBO RY’IMANA yavuye ku Mana, wewe canke WE ? Ni nde Inkingi y’Umuriro Yagaragaje kuba Uko Niko Uhoraho Agize, wewe canke WE ?
Kubera ko ufise abantu babiri, ufise ivyiyumviro bibiri.
Rero ni murindire gatoya, vyumvikana nk’ibinyuranye n’ivyo WAVUZE. Yavuze ko tumuraba ko ari Icishimikizo Ntanyiganyizwa Cacu.
Mu gihe nkurikira Imana, nk’uko Paulo yavuze mu Vyanditswe, « Mu nkurikire, nk’uko nkurikira Kristo. »
Ivyo ntibisizwe ? Ntiyari azi ico yariko aravuga ?
Ni igiki umuhanuzi w’Imana ahejeje kutubwira mw’iyinga riheze ?
Tubona ko iyo umuntu aje, arungitswe n’Imana, yagenywe n’Imana, afise UKO NI KO UHORAHO AGIZE y’ukuri, ubutumwa n’intumwa ni ikintu kimwe kandi ni co kimwe.
Yavuze ko udashobora kubitandukanya, ni co kimwe, ariko uvuga ko twotegerejwe ?
William Branham ntatandukanye n’umuntu uwo ari we wese apfa, kuko yari umuntu w’ibimeze nk’ibishobisho, nk’uko Eliya yari ameze.
Amen, yari umuntu gusa ata nkeka, ariko yari UMUNTU Imana Yatoye guhishura Ijambo ryaYo Ryose, no kuturongorera mu Gihugu c’Isezerano. Yari uwo Imana Yavuze, zana abantu kuKWizera .
Co kimwe, yasizwe, yigisha Ubutumwa Bwiza bwa pentekoti, ariko ahakana isezerano ry’igihe ca none ry’Ijambo Ryagaragajwe. « Yesu Kristo Wawundi ejo, uno munsi n’ibihe bidashira. »
Tumenya gute itandukaniro namba ari abasizwe na Mpwemu Yera b’ukuri ? Aduha uburorero kugira tumenye abahanuzi b’ibinyoma ku muhanuzi w’ukuri.
Balamu na Mose, Mikaya na Zedekiya, Yeremiya na Hananiya. Muri co gihe cose, bose bari abahanuzi b’Imana basizwe, ariko ico atubwira gukora, GUMANA N’UMUHANUZI W’IMANA YAGARAGAJWE. Ubwo ni bwo buryo BWONYENE bwo kumenya neza ko ukurikira Inzira Imana Yateguye, kandi uri mu bugombe butunganye bwaYo.
Na jewe jenyene ndi hafi igihe Abikora. Nari ijwi ryonyene Yakoresheje, kubivuga. Ntivyari ivyo nari nzi ; ni ico nihebeye gusa jewe ubwanje, ico Yavugiyemwo.
Yooo Data, ese ukuntu dukenguruka ku buntu n’imbabazi vyaWe kuri twebwe. Watubwiye ko ata kintu na kimwe kidashoboka kuri weWe. Nta kintu na kimwe kidashoboka hamwe natwe. Kuko ibintu vyose bishobokera abizeye, kandi TURIZEYE.
Ni muze dufatanye kuw’iyinga isaha zitandatu ku mutaga, kw’isaha y’i Jeffersonville(isaha imwe y’ijoro mu Burundi), mu gihe dufise Ijwi Ry’Imana Ryatoranijwe Ritubwira ku vyerekeye Abasizwe b’Igihe c’Iherezo, Ubutumwa Bwavuzwe kw’igenekerezo rya 25 mukakaro mu gitondo, umwaka wa 1965.
Ubu ni wo mwanya, ubu ni co gihe turiko turafungura ku bintu vy’akabanga vy’Imana binyegejwe isi. Ikintu abo bantu batwenga ni co kintu dusengera. Ikintu abo bantu bita « ubusazi », tucita « Igihambaye ! » Imana Yaduhishuriye ko hariho inzira imwe yonyene yo kuba Umugeni WaYo, ni GUFYONDA TUKAVUZA.
Ariko Imana Ishimwe, dufise Ibifungurwa vyanyegejwe, Ibifungurwa vya mpwemu, ku buryo tubayeho ku buntu n’imbabazi ry’uguhishura kwa Yesu Kristo muri iyi minsi ya nyuma, Yigaragaza ubwiWe mw’ihanga ryiWe.
Hamwe n’Ubutumwa Bwose Umugeni Yumva, Atwemeza ko ari Ubugombe Butunganye BwiWe. Si ivyo TWIYUMVIRA ko Avuga, canke ivyo TWIYUMVIRA ko bisigura, NI NEZA NA NEZA ivyo Avuga kandi abandi ntibashobora gusa kuBibona ; barahumishijwe. Imana YaraBinyegeje. BaraBiraba neza, ariko ntibaBibona. Kuri twebwe, NI VYO TUBONA GUSA.
Mu gihe tuba dukoranye buri yinga, si twe tubona turumvise ivyo Aja kutubwira no kuduhishurira. Kuri uyu w’inyinga, Ntazoduha utuvunji tw’inzahabu duto duto twanyegejwe, Agiye kuzoduha ikirundo nyamukuru c’ubutare maze AGISUBIREMWO N’URWAMO RWINSHI yongere Agisubiremwo kugira ngo Amenye neza ko twaBitahuye.
• Umuhanuzi yari yarabaye igihe kirekire cane mu Nyonga h’Imana, abanahuzi bo mw’Isezerano Rya Kera, canke igihe ico ari co cose, igihe baba mu Nyonga h’Imana gushika aho bacika Ijambo, Ubutumwa Bwabo ni Ijambo ubwaRyo. Kandi, mwibuke, yavuze « UKO NIKO UHORAHO AGIZE. »
• Tubona ko igihe umuntu aje, arungitswe avuye ku Mana, yagenywe n’Imana, afise UKO NIKO UHORAHO AGIZE y’ukuri, ubutumwa n’intumwa biba ari kimwe kandi ari co kimwe.
• Rero igihe umuntu aje afise UKO NIKO UHORAHO AGIZE, we n’Ubutumwa ni ikintu kimwe.
• Ijuru Rirabitangaza, Bibiliya Irabitangaza,Ubutumwa burabitangaza, vyose ni co kimwe.
Yooo ! Ubugira kandi, bigira Ubutumwa n’intumwa nk’ikintu kimwe. Imfungurwa za mpwemu zirateguwe, kandi ni muri iki gihe .
Kuri twebwe, twizeye igihe c’Imana tubayemwo, intumwa Yarungitse, Ijambo Ryose yavuze; ibi bintu ni Imfungurwa Zanyegejwe.
Ese ukuntu dukunda ubu Butumwa, kandi igihe nyene twiyumvira tuti, “Hashobora kuba ibindi gute ?” Ashira ibuye ry’ukunengesera kuri Bwo mu kutubwira abo turi bo ubu.
Mbega igihe c’ubwiza tubayemwo. Ni igihe abahanuzi bose bipfuje kubona ; iki gihe nyene. Turazi mu bisanzwe ko Ishengero Ryiteguriye kugenda. Amasaha ya nyuma yo kwugara ariko aregereza kandi turiko turazimanganira vuba mu Bihe Bidashira. Dutegerezwa kuguma mu murongo kandi tugumize amaso ku Nzira Imana Yateguye y’igihe cacu : Ijambo RyaYo, umuhanuzi waYo, ari we Jambo ry’igihe cacu.
Yazanye Kristo ng’aha gute ? Kubw’Ijambo ry’abahanuzi. Ni vyo ? Azozana Umugeni waYo ng’aha gute ? Kubw’ Ijambo ry’abahanuzi.
Hashobora gukorwa iki ? Ni igiki gitegerezwa gukorwa ? Yatubwiye ico dutegerezwa gukora : kubaza umuhanuzi, Bibiliya, aho tudashobora kwongerako canke gukura kuri Ryo. Namba tubikoze, Imana Idukura mu Gitabu c’Ubugingo.
Igihe kirarengeranye cane, dutegerezwa kuba mu Bugombe BwaYo Butunganye kugira ngo tube Umugeni WaYo. Nta na rimwe dushaka gukorera Imana igikorwa atari Ubugombe bwaYo naho coba cumvikana neza gute. Imana Yatanze isizerano ry’ukuntu Yari Igiye kubikora iki gihe. Imana Yabivuze ng’aha nyene mw’Ijambo ryaYo, ukuntu Yobikoze.
Umugeni WaYo IzoMutwara gute ? Kubw’ Ijambo, atari ku mukogote mushasha, atari kubw’ iciyumviro c’umunyetewolojiya munaka. Ariko bijanye n’Ijambo Ryayo IzoMumenyekanisha . Rero ntushire ikintu na kimwe kuri Ryo canke ukure ikintu na kimwe kuri Ryo . Rireke uko Rimeze. Murabona ?
Ku bantu bamwe, bishobora kuba bizazanye mu gihe hariho abahanuzi benshi basizwe bavuga ico ari co Ubugombe bw’Umwami bw’iki gihe. Bavuga bati, « Ni bibi kuvuza amabande mw’ishengero, mweneData Branham ntiyigeze abivuga. Igikorwa c’ivugabutumwa ubu ni ngira kamaro kurushiriza, kandi ni inzira yateguwe n’Imana y’iki gihe. Gumana n’umwungere wawe. »
Rero, ni vyiza kwumviriza amabande, ariko atari mw’ishengero ? Ntidutegerezwa kwizera Ijambo ryose riri ku ma bande, gusa ivyo Mpwemu Yera Atubwira ibiri kandi bitari Ijambo ? Kwumviriza igikorwa c’ivugabutumwa bizotunganya Umugeni ? Namba ntagumanye n’umwungere wanje sinshobora kuba Umugeni ? Namba mvuza amabande gusa, ndi inyuma y’Ubugombe Butunganye bw’Imana ?
Uwizera wese ashaka gukora ivyiza hamwe no kuba mu Bugombe Butuntanye bw’Imana. Nta n’umwe ashaka gukora nabi canke kuba mu ruhusha rutari Ubugombe bwaYo. Hategerezwa kuba inzira nziza kandi igororotse.
Ni abahe bavugabutumwa dutegerezwa kwumviriza… bose ? Dutegerezwa gusuzuma ivyo bavuga ko ari Ijambo iyo dutashe imuhira mu kwumviriza amabande, canke twotegerejwe gufata ijambo ryabo ? Icishimikizo Ntanyiganyizwa ni iki rero, ijambo ry’umwungere wacu, canke ico mweneData Branham yavuze kw’ibande ?
Yavuze neza nk’igihe Mose yabwira Isirayeli, amaze kugaragazwa n’Imana n’Inkingi y’Umuriro, kandi yamenye ko yemejwe kuba umukozi w’Imana wo kubarongorera gusohoka. Ariko imbere yuko binjira mu gihugu, yababwiye ati, “Uyu munsi ntanze ijuru n’isi kw’ivyabona bizobagiriza, ntimwongereko ikintu na kimwe ku vyo navuze, canke ngo mukureko Ijambo kuri Vyo.”
Rero ndavuze, mw’Izina Rya Yesu Kristo : Ntimwongereko ikintu na kimwe, ntimukureko, ntimushireko ivyiyumviro vyanyu bwite kuri Ryo, muvuge gusa ivyavuzwe kuri izo bande, mukore gusa neza na neza ivyo Umwami Imana Yabategetse gukora, ntimwongere kuri Ryo!
Ivyo ni UMWAMI MANA Yacu Adutegeka ko du shobora KUVUGA IVYAVUZWE KU MABANDE VYONYENE. Ntidushobora kwongerako, gukurako, gushiramwo ivyo tuvyibazako, ivyiyumviro vyacu, insiguro yacu kuri Ryo. Muvuge gusa ivyavuzwe ku mabande.
Namba wizeye aya majambo yavuzwe n’umuhanuzi Yagaragajwe n’Imana ko ari ukuri, rero ni gute GUFYONDA UKAVUZA bidashobora kuba ikintu c’ingirakamaro gusumba ibindi Umugeni Ashobora gukora?
Yimenyekanishije gute igihe Yaza ? Mu muntu afise impwemu ya Eliya kuri we, yasohotse avuye mu bugaragwa. Azokwimenyekanisha ku mugeni WiWe gute ? Yasezeranye co kimwe muri Malaki 4, imbere yuko Ahonya isi, nk’uko vyari bimeze mu minsi ya Sodomu.
Mukunzi Mugeni w’Igihugu c’Isezerano, ufise UGUHISHURIRWA kw’ukuri. Uri mu Bugombe Butunganye bw’Imana. Waramenye uwo uri we. Uri mu Mugambi w’Imana mu Gufyonda Ukavuza. Uri Ijambo. Uri igice c’Umukwe. IMANA ISHIMWE !!!
Ni ubuhe buryo bwo gutangura Umwaka Mushasha. Umugeni Yunze ubumwe, Akurikira itegeko ry’Imana mu Gufyonda Akavuza.
Ni muze ubwanyu mwitegurire Izamurwa hamwe natwe isaha zitandatu ku mutaga kw’isaha y’i Jeffersonville, (isaha imwe y’ijoro mu Burundi), mu gihe twumviriza “Kugerageza Gukorera Imana Igikorwa Atari Ubugombe bw’Imana” Ubutumwa bwavuzwe kw’igenekerezo rya 18 mukakaro umwaka wa 1965M.
MweneData Joseph Branham
Ivyanditswe vyo gusoma imbere yo kwumviriza Ubutumwa:
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Busho bwo ng’aha,
Nipfuza ko tugira Isangira Ryera ubugira kandi mu mihana yacu ku Munsi Mukuru w’Umw aka Mushasha, kw’igenekerezo 31 kigarama. Amabwiriza y’ukuntu turonka umuvinyu, n’ukuntu ducumba umukate w’Isangira Ryera bishobora kuboneka ku mbuga zikurikira. Urubuga rushobora kuvomamwo ijwi ry’igikorane ruzoboneka vuba ku rubuga rwacu. Canke, ushobora kuvuza ijwi ry’igikorane murikuye ku rubuga rwa Lifeline.
Ku bo ng’aha mu micungararo ya Jeffersonville, mushobora gutora umuvinyo w’Isangira Ryera ku wa gatanu, igenekerezo rya 30 kigarama, hagati y’isaha indwi n’isaha icumi ku muhingamo, munsi y’igisenge c’Ijwi ry’Imana.
Tuzokwumviriza Kunyinyurana, Ubutumwa Bwavuzwe kw’igenekerezo rya 31 kigarama 1962, guhera isaha icumi n’imwe ku muhingamo ku wa gatandatu(isaha 6 z’ijoro hano mu Burundi) igenekerezo rya 31 kigarama. MweneData Branham amaze kuzana Ubutumwa bw’Ugukesha kw’Umwaka Mushasha, tuzohagarika ibande maze tugire nk’iminota icumi y’indirimbo zo gutazira mu gihe twitegurira Isangira ry’Umwami. Tuzosubizamwo ibande aho mweneData atangurira igikorane c’Ingaburo Yera. Kuri iyi bande, yakuyemwo igice c’igikorane c’ukwozanya ibirenge, ari vyo natwe tuzokurikiza.
Mu gihe duhindukiriye ku wundi mwaka mu Gikorwa CiWe, dusubire kuMushikanira ubuzima bwacu gushasha mu kubanza kwumviriza Ijambo RyiWe, hanyuma gusangira rero Isangira Ryera RyiWe. Mbega akaryo k’igiciro dufise ubugira kandi kugira imihana yacu Igicaniro co guha kaze Umwami w’Abami kugira ngo Yinjire maze Afatanye natwe.
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi ba Mesiya batoya,
Turi abasizwe n’Imana ; basizwe na Mpwemu WaYo umwe, n’ibikorwa bimwe, n’Ubushobozi bumwe, n’ibimenyetso bimwe. Vyava ku nkukuma bija ku nkukuma, biva kw’Ijambo bija kw’Ijambo, gushika aho ukunengesera kwa Yesu Kristo kugaragazwa mu mibiri yacu yose, mu vy’umubiri, mu vya mpwemu, canke ico dukeneye cose. Burya Bushobozi buzana ubuzima bwibera kandi bugerera muri twebwe. Turi ba Mesiya batoya b’Imana.
Icipfuzo gihambaye gusumba ibindi c’umutima w’uwizera wese ni ukuba mu BUGOMBE BUTUNGANYE bw’Imana. Nta na rimwe dushaka kuba mu ruhusha rutari ubugombe bwaYo. Imitima yacu iramanyagurika kandi turajanjagurwa iyo twumva ko twakoze ico ari co cose kitoYihimbara. Turazi ko Imana Ifise Ubugombe Butunganye, kandi dushaka gusa kuba mu MUGAMBI W’UBUGOMBE BWAYO BUTUNGANYE.
Mu buzima bwanje, nafashe ingingo ikomeye mu kuvuga ko nizeye ko ikintu c’ingira kamaro kuruta ibindi uwugize Umugeni wese ashobora gukora, bose hamwe abaKristo basanzwe n’abakozi b’Imana, ni UGUFYONDA UKUVUZA. Nizeye ko ari Ijwi ry’Imana Rwagaragajwe RYONYENE ry’iki gihe cacu dutegerezwa kwumviriza no kugamburukira Ijambo Ryose.
Navuze ko nizeye ko umukozi w’Imana akeneye kugarukana mweneData Branham kuri alutari zabo no kuvuza amabande mu mashengero yabo, mu gihe ari ryo Jwi rimwe ry’ingirakamaro gusumba ayandi abantu bategerezwa kwumviriza.
Nararonse abanegura benshi mu buzima bwanje kubera kuba narerekanye aho mpagaze ku vyo nizera ko ari Umugambi waYo n’Ubugombe bwaYo butunganye. Ntivyatahuritse kandi bavuze ko ntizeye amabango atanu yo mu Banyefeso 4.
Hategerezwa kuba ukuri kw’Ijambo rya Bibiliya. Namba uvuga ko wizeye ubu Butumwa, rero dutegerezwa gufata ivyo umuhanuzi yavuze, mu gihe ari insiguro nyene y’Ijambo ry’Imana. Kuko we ni umusiguzi WENYENE w’iryo Jambo.
Iyo mba nategerezwa kubaza umwe wese muri mwebwe nti, “Ni nde ashaka kuba mu bugombe bw’Imana butunganye?” Umwe wese muri mwebwe yovuga ati, “EGO, ico ni icipfuzo c’umutima wanje.” Rero dutegerezwa kuraba ku co umuhanuzi yavuze ko ari Ubugombe bw’Imana Butunganye.
Benshi cane bashaka guca iruhande no kuja mu yindi nzira kanaka. Ni wabikora, Imana Izoguhezagira, ariko uriko ukorera mu ruhusha rutari Ubugombe bwaYo, kandi atari mu Bugombe bw’Imana Butunganye. Imana Izokwemerera gukora ikintu kinaka, kandi Inaguhezagire mu kubikora, ariko ntibuba buraba Ubugombe bwaYo butunganye.
Imana Yarungitse intumwa mumarayika w’indwi waYo kw’isi gusohora Umugeni waYo. Twizeye ko yari Umwana w’Umuntu Yihishura ubwiWe mu mubiri w’umuntu. Ni Ijwi nyene ry’Imana Ryafashwe kw’ibande kandi Ryabikiwe Umugeni WaYo.
Imana ubwaYo yabwiye umuhanuzi waYo, ngo “ni wazana abantu kukwizera WEWE, nta na kimwe kizohagarara mu nzira yawe.” Yari uwatorewe n’Imana kurongora Umugeni WaYo. Nta n’umwe ashobora gufata ikibanza ciwe. Uko ba Kora bahaguruka bangana , canke ba Datani uko bangana, yari William Marrion Branham Imana Yahamagariye kurongora Umugeni waYo.Uyu ni Umugambi w’Imana n’UBUGOMBE BWAYO BUTUNGANYE.
Abungere bategerezwa gukora iki kugira ngo babe mu BUGOMBE BWAYO BUTUNGANYE : Gufyonda Bakavuza.
Ni igiki umuhanuzi w’Imana yakoze igihe yaja mu bikorane ? Gusengera abarwaye gusa, n’ibintu nk’ivyo ? Yavuga ibintu mu buryo buziguye ku buryo intama zovyumva, kuko tuzi Ico Yavuga. Ahandi ho, cari icambu kw’igera. Yaberetse ibimenyetso nko gusoma ivyiyumviro, kandi yari azi amabanga yari mu mitima yabo, kugira ngo akabure abantu gusa. Ariko rero yavuze ikintu c’ingirakamaro gusumba ibindi :
Ikintu ca mbere mwomenya, ibande yakorokeye mu nzu yabo. Biratahuritse, rero. Namba ari intama, izoza neza hamwe nayo. Namba ari impene, izoterera ibande hanze.
Mbega uri intama canke uri impene ? Umugwi mutoya w’Imana utumbereye kuri iryo Jambo. Turi mu Bugombe bwaYo Butunganye mu Gufyonda Tukavuza nk’uko vyamye, kandi biri, umugambi waYo w’inkomoko.
Gumana neza n’Ijambo RyaYo, kuko ivyo ni vyo bigiye kuzosohoka kw’iherezo, Ijambo, Ijambo kw’Ijambo. “Uwo ari we wese azokurako Ijambo Rimwe kuri Ryo, canke yongereze ijambo rimwe kuri Ryo!” Ritegerezwa kuguma ari, rirya Jambo.
Ndakengurukira Umwami cane kumenya, mu Guhishurirwa kwa mpwemu, ko ndi mu Bugombe bwaYo Butunganye bijanye n’Ijambo RyaYo. Sinongerako insiguro yanje kuri Ryo, canke ugutahura kwanje kuri Ryo, ariko numva n’amatwi yanje bwite ico ari co UKO NIKO UHORAHO AGIZE hamwe n’Ubugombe bwaYo Butunganye .
Ndabatumiye kuza no gusesengura hamwe natwe kuri uyu w’iyinga isaha zitandatu ku muhingamo kw’isaha y’i Jeffersonville (isaha imwe y’ijoro mu Burundi), mu gihe tuzokwumviriza : Mbega Imana Irigera Ihindura Iciyumviro caYo kw’Ijambo Ryayo ? Ubutumwa bwavuzwe kw’igenekerezo rya 18 ndamukiza ku mugoroba, umwaka wa 1965. Harimwo utuvunguka twinshi tw’izahabu muri ubu Butumwa, mugiye kuba ABATUNZI muri Mpwemu Yera WaYo ni twabikora. MweneData Joseph Branham.
Ivyanditswe vyo gusoma : Kuvayo igice ca 19 Guharura 22:31 Matayo 28:19 Luka 17:30 Ivyahishuriwe Yohana igice ca 17
