Obubaka: 60-1211E Ekkanisa y’Omulembe Gwa Lawodikiya

• 24-1208 Ekkanisa y’Omulembe Gwa Lawodikiya
• 23-0618 Omulembe Gw’ekkanisa Eyo Mu Lawodekiya
• 20-1227 Omulembe Gw’ekkanisa Eyo Mu Lawodekiya
• 19-0310 Omulembe Gw’ekkanisa Eyo Mu Lawodekiya
• 16-0410 Omulembe Gw’ekkanisa Eyo Mu Lawodekiya

BranhamTabernacle.org

Abalonde abaagalwa,

Laba, nnyimiridde ku luggi, nneeyanjula: omuntu yenna bw’awulira eddoboozi lyange, n’aggulawo oluggi, nnaayingira gy’ali, era nnaaliira wamu naye, naye nange.

Obuweereza, mugguleewo enzigi zammwe eri malayika wa Katonda nga tebunnakeerewa nnyo. Muzze Eddoboozi lya Katonda mu bituuti byammwe nga muzannya entambi. Lye Eddoboozi lya Katonda lyokka eryakakasibwa obutalekaawo kabuuza eri olunaku lwaffe nga lirina Ebigambo by’obwa nnantakola-nsobi. Lye Ddoboozi lyokka eririna Bw’Atyo Bw’Ayogera Mukama. Lye Eddoboozi lyokka  Omugole yenna  ly’asobola okuddiramu nti AMIINA. 

Gwe mulembe ogusinga obukulu mu biseera byonna. Yesu ali mu kutuwa okunnyonnyola ku Ye ky’ali ng’ennaku ez’ekisa kyE zigenda zifundikira. Ebiseera bituuse ku nkomerero yabyo. Atubikkulidde engeri ze zennyini mu mulembe guno ogusembayo. Atutunuzza omulundi gumu ogusembayo ku Bulamba bwE obw’ekisa era obusukkulumu Ye nga Katonda Mwene. Omulembe guno kwe kubikkulirwa okw’ejjinja ery’oku ntikko kwa Ye Mwene.

Katonda yajja mu mulembe guno ogwa Laodikiya era n’ayogera ng’ayita mu mubiri gw’omuntu ow’oku nsi. Eddoboozi lye Likwatiddwa era ne Literekebwa okukulembera n’okutuukiriza Omugole-Ekigambo wE. Mu ngeri ennyangungu tewali ddoboozi ddala liyinza kutuukiriza Mugole We wabula Eddoboozi lyE ye Mwene.

Mu mulembe guno ogusembayo, Eddoboozi lye ku ntambi liteekeddwa ku bbali; liggyiddwa mu masinzizo. Okukyogera mu ngeri ennyangungu tebaggya kuzannya ntambi. Kale Katonda agamba nti, “Ŋŋenda kubalwanyisa mwenna. Ŋŋenga kubasesema okuva mu kamwa kange. Eno y’enkomerero.”

“Okumala emirembe musanvu ku ginnaagyo, sirina kirala kye ndabye okuleka abantu okussa ekitiibwa mu kigambo kyabwe okukigulumiza waggulu w’ekyaNge. Kale ku nkomerero y’omulembe guno mbasesema mmwe okuva mu kamwa kange. Byonna biwedde. Ngenda kwogera bulungi. Weewaawo, ndi wano wakati mu Kkanisa. Oyo Amiina wa Katonda, omwesigwa era ow’amazima ajja kwebikkula era ajja KUBA NABBI WANGE.”

Nga bwe kyali edda, bagenze mu maaso mu ngeri ebasuumirwamu  nga bajjajjaabwe bwe baakola mu biseera bya Akabu. Baali ebikumi bina era bonna baali bakkiriziganya; era nga okuyita mu bonna okwogera ekigambo kimu, ne balimbalimba abantu. Naye nnabbi OMU, OMU BUMU, yali mutuufu n’abalala bonna nga bakyamu kubanga Katonda yali Okubikkulirwa akuwadde OMU YEKKA.

Kino tekitegeeza nti obuweereza bwonna bwa bulimba era nti bali mu kusiruwaza bantu. Era sigamba nti omusajja alina okuyitibwa okuweereza tasobola kubuulira wadde okuyigiriza. Ndi mu kugamba nti obuweereza obw’emirundi etaano OBUTUUFU bujja kuteeka ENTAMBI, Eddoboozi lya Katonda eri Omugole, nga Eddoboozi erisinga obukulu ly’OTEEKWA OKUWULIRA. Eddoboozi eriri ku ntambi lye ddoboozi LYOKKA erikakasiddwa Katonda yennyini obutalekaawo kabuuza okuba Bw’Atyo Bw’Ayogera Mukama.

Mwegendereze bannabbi ab’obulimba, kubanga gy’emisege egisikula.

Onoomanya otya mu bukakafu ekkubo ettuufu ery’olwaleero? Waliwo enjawukana obwenkanidde awo mu bakkiriza. Ekibinja ky’abantu ekimu kigamba nti obuweereza obw’emirundi etaano bujja kutuukiriza Omugole, ate ekirala kigamba nti Nyiga Bunyizi Zannya kyokka. Tetugenderera kwawukanyizibwa; tugenderera kwegatta nga OMGOLE OMU. Eky’okuddamu ekituufu kye kiruwa?

Ka tuggule emitima gyaffe nga tuli wamu tuwulire Katonda by’Ayogera ng’Ayita mu nnabbi we eri Omugole. Kubanga ffenna tukkiriziganya, Ow’oluganda Branham ye mubaka wE, malayika ow’omusanvu.

Ku musingi ogw’enneeyisa ey’obuntu yokka, omuntu yenna akimanyi nti awali abantu abangi era wabaawo endowooza ezaawukana ku nsonga entonotono ez’enjigiriza enkulu bonna gye bakwata awamu. Kale ani agenda okuba n’amaanyi ag’obwa nnantakola-nsobi agagenda okuzzibwawo mu mulembe guno ogusembayo, kubanga omulembe guno ogusembayo gugenda kuddayo mu kwolesa Omugole-Ekigambo Omulongoofu? Ekyo kitegeeza nti tujja kuddamu okufuna Ekigambo omulundi gumu nate nga bwe kyaweebwa butuukirivu ddala, era ne kitegeerwa butuukirivu ddala mu nnaku za Pawulo. Nja kubabuulira ani agenda okugafuna. Ajja kuba nnabbi nga akakasiddwa obutalekaawo kabuuza ddala nga, oba n’okukirawo okukakasibwa obutalekaawo kabuuza mu bujjuvu okusinga nnabbi yenna mu mirembe gyonna okuva ku Enoka okutuusa leero, kubanga omusajja ono ajja kuba n’obuweereza buli obw’obunnabbi obw’ejjinja ery’oku ntikko, era Katonda ajja kumulaga. Tajja kwetaaga kweyogerako, Katonda ajja kumwogerera nga Ayita mu ddoboozi ly’akabonero kali. Amiina .

Bwe kityo, Obubaka buno obwayogerwa omubaka wE bwaweebwa butuukirivu ddala, era butegeerwa butuukirivu ddala.

Kirala ki Katonda kye Yayogera ku mubaka we malayika ow’omusanvu n’Obubaka bwe?

• Era awo kiki kye Yatwogerako ffe?

Era n’abo abalonde abaliba naye ku lunaku olwo be baliba abo aboolesa mu mazima Mukama waffe era babeere Omubiri gwe era babeere eddoboozi Lye era bakole emirimu gye. Aleluuya! Okiraba?

Bw’oba okyalimu okubuusabuusa kwonna, saba Katonda nga Ayita mu Mwoyo wE akujjuze era akukulembere, kubanga Ekigambo kigamba nti, “ABALONDE BENNYINI TEBASOBOLA KUSIRUWAZIBWA”. Mpaawo musajja yenna ayinza kukusiruwaza singa oba Mugole.

Omugole ddala alina eddoboozi, naye lijja kwogera byokka ebiri ku ntambi. Kubanga Eddoboozi eryo LIRI BUTEREEVU OKUVA ERI KATONDA, bwe kityo teryetaaga kuvvuunula anti lyaweebwa butuukirivu ddala era litegeerewa butuukirivu ddala.

Jjangu twegatteko Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), nga bwe tuwulira Eddoboozi eryo nga Litubikkulira: Ekkanisa y’Omulembe Gwa Lawodikiya 60-1211E.

Owol. Joseph Branham

Obubaka: 60-1211M Embeerera Ekkumi, N’Abayudaaya Emitwalo Ekkumi N’ena Mu Enkumi Nnya

• 24-1201 Embeerera Ekkumi, N’Abayudaaya Emitwalo Ekkumi N’ena Mu Enkumi Nnya
• 23-0611 Embeerera Ekkumi, N’Abayudaaya Emitwalo Ekkumi N’ena Mu Enkumi Nnya
• 20-1220 Embeerera Ekkumi, N’Abayudaaya Emitwalo Ekkumi N’ena Mu Enkumi Nnya
• 19-0303 Embeerera Ekkumi, N’Abayudaaya Emitwalo Ekkumi N’ena Mu Enkumi Nnya
• 16-0403 Embeerera Ekkumi, N’Abayudaaya Emitwalo Ekkumi N’ena Mu Enkumi Nnya

BranhamTabernacle.org

Amakya amalungi Mikwano,

Mu byafaayo by’ensi tewabangawo kiseera Omugole wa Kristo okuva mu nsi yonna lwe yasobola okugattibwa wamu mu ndowooza emu, okuwuuma okuva mu Ggulu, Eddoboozi lya Katonda lyenyini, lwe Lyayinzanga okuyingirangawo mu n’amaanyi amangi.

Ebyawandiikibwa biri mu kutuukirira. Kye kiseera eky’okwegatta Akabonero k’Ensigo. Okwegatta okutalabika okw’Omugole wa Kristo kugenda mu maaso nga bwe tutudde mu maaso g’Omwana, nga twengera, nga Omugole yeetegeka okuyita mu kuwulira Eddoboozi lya Katonda lyenyini.

Tuli mu kutuukirizibwa obuweereza bwe obw’emirundi etaano.

Bameka abakkiriza nti ebirabo n’okuyitibwa tebyejjusibwa? Bayibuli yagamba nti mu kkanisa mulimu ebirabo bitaano. Katonda atadde mu kkanisa Abatume, oba abaminsani, abatume, bannabbi, abayigiriza, ababuulizi b’enjiri, abasumba.

• Omubuulizi: Nandigenze emmanga ku luguudo. Omuntu omu yandigambye nti, “Oli mubuulizi?” Nnandigambye nti, “Weewawo ssebo. Oh weewawo, ndi mubuulizi.”

• Omuyigiriza: Era kati ensonga lwaki sizze mu ngeri ya kubuulira enkya ya leero, eri nti, mbadde ndowooza nti, okuyita mu kuyigiriza, twandikitegedde bulungi okusinga ku kutwala obutwazi eky’okuyigako ebimu ku bikirimu ne tubibuuka. Kinaasingako nga tukiyigirizza buyigiriza.
  
• Omutume: Ekigambo “omuminsani” kitegeeza “oyo eyatumibwa.” “Apooso” kitegeeza “oyo eyatumibwa.” Omuminsani aba mutume. Nze —nze, ndi muminsani, nga bwe mumanyi, nkola omulimu gw’okubunya enjiri, ogw’obuminsani, emirundi nga musanvu emitala w’amayanja, okwetoloola ensi yonna.
  
• Nabbi: Onzikiriza nti ndi nnabbi wa Katonda? Olwo genda okole kye nkugamba okukola.

• Omusumba: Mumanyi kye mbakoze? Mumpita omusumba wammwe, era mwogera bulungi, kubanga bwentyo bwe ndi.

Era ne ndaba obukadde bw’abantu abo nga bayimiridde awo, ne ŋŋamba nti, “Bonna ba Branham?” Yagamba nti, “Nedda.” Yagamba nti, “B’abo bewakyusa.” Era ne ŋŋamba nti, nze—nnagamba nti, “Njagala kulaba Yesu.” N’agamba nti, “Tebunnatuuka. Kijja kuba kiseera nga tAnnajja. Naye Ajja kusooka kujja gy’oli era ojja kusalirwa omusango okusinziira ku Kigambo kye wabuulira, .

Olwo ffenna tujja kusitula emikono ne tugamba nti, “Tuwummulidde kw’ekyo!”

Waliwo ekitegeka okubeerawo. Kiki ekigenda mu maaso? Abafu mu Kristo bali mu kutandika kuzuukira wonna okwetooloola wendi. Mpulira okukyusibwa nga kujja mu mubiri gwange. Envi zange, ziweddewo. Laba obwenyi bwange…enkanyanya zange zonna zibuzeewo. Obulumi n’ebitera okunnuma….BIGENZE. Enneewulira yange ey’okwennyamira eweddewo amangu ago. Nkyusiddwa mu kaseera akatono, mu kutemya kw’ekikkoowe.

Olwo tujja kutandika okutunula okwetooloola tulabe abaagalwa baffe. Oh owange, Maama ne Taata baabo awo…Ekitiibwa, mutabani wange…muwala wange. Jjajja musajja, Jjajja mukyala, oh mbadde mbasubwa nnyo mwembi. Owange…wuuyo awo munywanyi wange omukadde. OH LABA, ye Ow’oluganda Branham, nnabbi waffe, Aleluuya!! Kiri wano. Kigenda mu maaso!

Olwo nga tuli wamu, omulundi gumu, tujja kusitulibwa waggulu ebweru eyo awalala mu bwengula okusukka ensi. Tujja kusisinkana Mukama waffe mu kkubo nga Ali mu kkubo lyE ng’Akka. Tujja kuyimirira awo naye ku mpagi ezeetoolola ensi eno tuyimbe ennyimba z’obununuzi. Tujja kuyimba era tuMutendereze olw’ekisa kye ekyatununula ky’Atuwadde.

Biki mu bulambirira ebiterekeddwa Omugole we. Nga tugenda kuba n’akaseera akanyuvu obutaggwawo bwonna buli omu ne munne, ne Mukama waffe Yesu. Ebigambo ebiva mu mubiri ogufa tebiyinzi kutegeeza, Mukama waffe, engeri gye tuwuliramu mu mitima gyaffe.

Bw’oba oyagala okuMuwulira nga Akuyita Omugole we, era nga Akubuulira bwekigenda okuba nga ali naYe, jjangu otwegatteko Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), era ojja kuweebwa omukisa ogusukkiridde ogutaliiko kigero.

Owol. Joseph Branham

60-1211M Embeerera Ekkumi, N’Abayudaaya Emitwalo Ekkumi N’Ena Mu Enkumi Nnya

Obubaka: 60-1210 Omulembe Gw’Ekkanisa y’e Firaderufiya

• 24-1124 Omulembe Gw’Ekkanisa y’e Firaderufiya
• 23-0604 Omulembe Gw’Ekkanisa y’e Firaderufiya
• 20-1213 Omulembe Gw’Ekkanisa y’e Firaderufiya
• 19-0224 Omulembe Gw’Ekkanisa y’e Firaderufiya
• 16-0402 Omulembe Gw’Ekkanisa y’e Firaderufiya

BranhamTabernacle.org

Mukyala Yesu Kristo Omwagalwa,

Ssande eno egenda kubeeramu biki by’eterekedde Omugole wa Yesu Kristo? Biki mu bulambirira Omwoyo Omutukuvu by’anaatubikkulira ? Okutegeera Okutuukiridde . Kati tujja kutegeera mu bujjuvu okuyita mu Okubikkulirwa, ekyaciikirirwa mu ngeri emu nga tekinnabaawo nga kigeraageranyizibwa bwankaliriza n’ekyo ekyakiciikirira n’ekintu kyennyini nga kigeraageranyizibwa n’ekisiikirize kyakyo. Yesu ye Mugaati ogw’Obulamu ogwa nnamaddala. Ye kyonna awamu mu bulamba bwakyo. Ye Katonda Omu. Ye Abebbulaniya 13:8. Ye NDI oli.

Kristo, nga ayita mu kulabikako mu mubiri n’okuyiwa Omusaayi gwe ye Mwene, aggyeewo ebibi byaffe omulundi gumu era kulwa byonna nga Yeewaayo Ye  Mwene; n’olwekyo kati atufudde ABATUKUVU. Obulamu bwe bwennyini buli mu ffe. Omusaayi gwe gutunaazizza. Omwoyo we atujjuza. Emiggo gye GYAMALA DDA okutuwonya.

Ekigambo kye kiri mu mutima gwaffe ne mu kamwa kaffe. Ye Kristo mu bulamu bwaffe so si kirala, kubanga buli kimu mu bulamu bwaffe kizimeera ne kifuuka ekitali kya makulu, okujjako Ye n’Ekigambo kye.

Omutima gwaffe gujja kujjula essanyu nga bw’Atugamba nti olw’ekiragiro kyE eky’obwakatonda, yamanya bulungi ani yali ow’okuba Omugole wE. Engeri gye Yatulondamu. Yatuyita. Yatufiirira. Yatusasulira omuwendo era tuli babE, era ye yekka. Ayogera, naffe ne tuMugondera, kubanga kye kitusanyusa. Ffe tuli kya bwannanyini kyE Ye yekka era talina balala bonna okuggyako FFE. Ye Kabaka wa Bakabaka waffe era ffe bwakabaka bwE. Tuli kya bwannanyini kyE obutaggwawo.

Ajja kutunyweza era Atwakeko Ekitangaala kyE nga Akozesa Ekigambo kyE eddoboozi lyE. Ajja kunnyonnyola bulungi era abikkule nti Ye Mulyango gw’endiga. Ye Alpha ne Omega byombiriri. Ye Kitaffe, Ye Mwana, era Ye Mwoyo Omutukuvu. Ali Omu, era naffe tuli bumu naye era mu Ye.

Ajja kutuyigiriza obugumiikiriza, nga bwe yakola Ibulayimu, ng’Annyonnyola engeri gye tulina okulindirira n’okuguma n’obugumiikiriza bwe tuba twagala okufuna ekisuubizo kyonna.

Ajja kutulaga butangaavu ddala olunaku lwennyini lwetulimu. Engeri omugendo ogugatta amakanisa n’enzikiriza bwegulifuuka ogw’amaanyi ennyo mu kisaawe ky’ebyobufuzi, era guyimusize ku gavumenti akazito okuleetera bonna okugwegattako okuyita mu kugondera enkola ennambike ab’obuyinza ze banaafuula amateeka, kibe nti tewaabe bantu banaatwalibwa nga kkanisa okuggyako okubeera mu bufuzi n’obuyinza bw’olukiiko lwabwe buteerevu oba si buteerevu.

Ajja kubikkula engeri abangi gyebagenda okugenda mu maaso batyo nakyo, nga balowooza nti baweereza Katonda wansi w’olusiisira lw’ekibiina ekitegeke. Wabula atugamba nti, “Temutya, kubanga Omugole tajja kulimbibwa, tujja kusigala n’Ekigambo kyE, Eddoboozi lyE.”

Nga kinaaba kizzaamu nnyo amaanyi okuMuwulira ng’Atugamba nti: “Munyweze, mukikuume. Temuggwaamu maanyi, wabula mwambale ebyokulwanyisa byonna ebya Katonda, buli kyakulwanyisa, buli kirabo kye mbawadde kiri mu maaso gyammwe. Toggwaamu maanyi mukwano, sigala busigazi ng’otunula mu maaso n’essanyu kubanga ogenda kutikkirwa Nze engule, Kabaka wa Bakabaka wo era Mukama wa Bakama, Omwami wo.”

Ggwe ekkanisa Yange eya nnamaddala; yeekaalu yennyini eya Katonda olw’Omwoyo Wange Omutukuvu abeera munda mu mmwe. Mulifuuka empagi mu yeekaalu empya;

omusingi gwennyini ogujja okuwanirira busimba ekizimbe ekizimbibwa waggulu ku ggwo. Nja kubateekawo ng’abawanguzi wamu n’abatume ne bannabbi, kubanga mbawadde Okubikkulirwa kw’Ekigambo kyange, ku Nze kyeNdi.

Ajja kutubikkulira butangaavu ddala nti amannya gaffe gaawandiikibwa mu kitabo kyE eky’Omwana gw’endiga eky’Obulamu ng’ensi tennatandikibwawo. N’olwekyo tujja kubeera mu maaso ga nnamulondo yE emisana n’ekiro okumuweereza mu yeekaalu yE. Ye ffe abantu ba Mukama waffe abafuna okufiibwako okw’enjawulo; ye ffe Mugole wE.

Tujja kuba n’erinnya eppya okuyita mu kufuna erinnya lyE. Lijja kuba linnya erituweebwa ng’Atutwala gy’Ali. Tujja kuba Mukyala Yesu Kristo wE.

Yerusaalemi ekiggya nga kikka okuva ewa Katonda okuva mu ggulu, Omugole ayonjereddwa bba. Tewaliba kufa nate, ennaku wadde okukaaba.Wadde okuddamu okuwulira obulumi nakyo tekiribaayo kubanga eby’olubereberye biweddewo. Ebisuubizo bya Katonda byonna eby’ekitalo birituukirizibwa. Enkyukakyuka eno erimalirizibwa. Omwana gw’Endiga n’Omugole wE bajja kusenga emirembe gyonna mu bintu bya Katonda ebituukirivu byonna.

Mukyala Yesu Kristo omwagalwa, KIROOTE KO. Kijja kuba kya kitalo nnyo okusinga bw’oyinza okulowooza.

Nnyaniriza buli muntu okujja okutwegattako ku Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), nga Bbaffe, Yesu Kristo, ayogera ng’Ayita mu mubaka we malayika ow’omusanvu ow’amaanyi era ng’Atubuulira ebintu bino byonna.

Owol. Joseph Branham

Obubaka: Omulembe Gw’Ekkanisa y’e Firaderufiya 60-1210

Obubaka: 60-1209 Omulembe Gw’ekkanisa Ey’Omusaadi

• 24-1117 Omulembe Gw’ekkanisa Ey’Omusaadi
• 23-0528 Omulembe Gw’ekkanisa Ey’Omusaadi
• 20-1206 Omulembe Gw’ekkanisa Ey’Omusaadi
• 19-0217 Omulembe Gw’ekkanisa Ey’Omusaadi
• 16-0401 Omulembe Gw’ekkanisa Ey’Omusaadi

BranhamTabernacle.org

Abantu b’Entambi Abaagalwa,

Nga twenyumiriza nnyo mu kuyitibwa “Abantu b’Entambi”. Emitima gyaffe gikuba n’essanyu buli wiiki nga tumanyi nti tujja kwegattira awamu okwetoloola ensi yonna nga tuwulira Eddoboozi lya Katonda nga Lyogera gyetuli.

Tukimanyi, awatali kisiikirize kya kubuusabuusa wadde ekimu, tuli mu Kwagala kwa Katonda okutuukiridde nga tusigala n’Ekigambo kye; okuwuliriza Eddoboozi lye ng’Ayita mu mubaka we malayika ow’omusanvu ow’amaanyi.

Omubaka gwe Yalonda ku lw’olunaku lwaffe ye William Marrion Branham. Ye ttabaaza ya Katonda eri ensi, nga emulisa ekitangaala kya Katonda. Ali mu kuyitayo Omugole-Ekigambo We Omulongoofu gwe Yalonda nga Ayita mu malayika We.

Okuyita mu kuyiga nkaliriza n’obwegendereza ku Kigambo kyE, Atubikkulidde nga Ayita mu Mwoyo wE Omutukuvu nti William Marrion Branham ye malayika gwe Yalonda okuwa Okubikkulirwa kwE n’Obuweereza bwE kulw’olunaku lwaffe. Tulaba malayika wE, EMMUNYEENYE YAFFE, nga ali mu mukono gwE ogwa ddyo nga bw’Amuwa amaanyi gE okubikkula Ekigambo kyE n’okukoowoolayo Omugole wE.

Atuwadde Okubikkulirwa okujjuvu okwa Ye Mwene. Omwoyo Omutukuvu nga Yeemanyisa gye tuli okuyita mu bulamu bw’omubaka wE malayika ow’omusanvu; malayika gwe Yalonda okubeera amaaso gE  kulw’olunaku lwaffe.

Nga emitima gyaffe gitutyemuka munda mu ffe nga bw’Atugamba mu buli Bubaka nti kye kigendererwa kyE okutuleeta gy’Ali; nti tuli Mugole-Kigambo wE.

Ayagala nnyo okutubuulira emirundi n’emirundi engeri gye Yatulondamu nga ensi tennatandikibwawo MU YE. Engeri gye twamanyibwawo Ye era n’Atufuula Abaagalwa bE.

Engeri gye twagala ennyo okumuwulira ng’Ayogera n’okutugamba nti twanunulibwa Omusaayi gwe era TETUSOBOLA kujja mu kusingibwa musango. Tetulisobola kubeerayo mu kusalirwa omusango, kubanga ekibi tekiyinza kutubalirwako.

Engeri gye tunaakkalira wamu naYe nga bw’Adda ku nnamulondo yE eya Dawudi ey’oku nsi, ne tufuga naYe; nga bwe Yakola mu ggulu, ng’Alina amaanyi n’obuyinza ku nsi yonna. Ebigezo n’okugezesebwa kw’obulamu buno bijja kulabika ng’ebitali kantu mu kaseera ako.

Naye era Atulabudde engeri gye tulina okwegendereza. Nti okuyita mu mirembe gyonna emizabbibu ebiri gyamerera wamu nga giriranaganye. Engeri omulabe gy’abadde okumpi ennyo bulijjo; nga mukugu nnyo mu kuwuddiisa obusimu bw’omubiri. Ne Yuda yalondebwa Katonda, era n’ayigirizibwa mu mazima. Yalegako ku kumanya ebyama. Yalina obuweereza obw’amaanyi obwamuweebwa era yawonya abalwadde n’agoba emizimu mu Linnya lya Yesu. Naye teyasobola kugenda lugendo lwonna.

Tosobola kugenda mu maaso na kitundu butundu ku Kigambo, olina okutwala Ekigambo KYONNA. Waliwo abantu abalabika nga beenyigira mu bintu bya Katonda kumpi kikumi ku buli kikumi, naye si bwe bali.

Yagamba nti tekimala okuba nga Yeekwataganyizza n’ekkanisa yonna, oba n’okuba nga Yeekwataganyizza  n’obuweereza obw’emirundi etaano obw’Abaefeso nnya. Yatulabula nti mu buli mulembe ekkanisa ebula, era si abagoberezi bokka wabula ekibiina ky’abakulembeze b’enzikiriza — abasumba bakyamu n’endiga bweziri mu ngeri y’emu bw’etyo.

N’olwekyo olw’okuteesa okuweweddwa ne kulyoka kuweebwa okw’okwagala kwe Ye Mwene, Yeereeta ku kifo mu mulembe gwaffe ng’Omusumba Omukulu mu buweereza bw’omubaka wE malayika ow’omusanvu okukulembera abantu bE okudda mu mazima n’amaanyi amangi okukirawo ag’amazima ago.

Ali mu mubaka wE era oyo anaaba ne Katonda mu bujjuvu bwE nga Katonda ajja kugobera omubaka oyo anti omubaka oyo mugoberezi wa Mukama waffe nga Akozesa Ekigambo kya Mukama waffe.

Njagala mbeere ne Katonda mu bujjuvu bwE nga Katonda era ngoberere omubaka wE. Bwe kityo, eri ffe, Branham Tabanako, engeri yokka ey’okugoberera omubaka nga bw’agoberera Mukama waffe nga akozesa Ekigambo kya Mukama waffe, kwe KUNYIGA ZANNYA n’okuwulira Eddoboozi lya Katonda Eddongoofu nga Lyogera gyetuli ebigambo eby’obwa nnantakola-nsobi.

Tetwetaaga kuteebereza oba kukebera bye tuwulira, tulina kunyiga bunyizi Zannya ne tukkiriza buli Kigambo kye tuwulira.

Nnawulira Ow’oluganda Branham ng’ayogera okunokola kuno wammanga amakya agamu ku Voyisi leediyo. Bwe nakiwulira, kyajja ku mutima gwange nti eno yennyini y’engeri nze / ffe gye tuwuliramu ku kwogera nti:

TUNYIGA BUNYIZI ZANNYA NE TUWULIRA ENTAMBI.

Gyendi kyawulikika nga enjatula etegeeza Okukkiriza kwaffe.

Eyo y’ensonga lwaki nzikiririza mu Bubaka buno, eri nti kubanga Buva mu Kigambo kya Katonda. Era ekintu kyonna ekiri ebweru w’Ekigambo kya Katonda, sikikkiriza. Kyandiba nga kiri kityo, naye era nja kusigala busigazi ne Katonda kye Yayogera, na bwentyo mbe mukakafu nti ndi mutuufu. Kati, Katonda asobola okukola ky’Ayagala. Ye Katonda. Naye kasita mba nga nsigala n’Ekigambo kye, awo mmanyi nti ekyo kyonna kiri bulungi. Nzikiriza ekyo.

Ekitiibwa, yakyogera BUTUUKIRIVU nnyo butyo. Obuweereza obulala bwonna bwandiba nga, kubanga Katonda asobola okukola ky’Ayagala, n’oyo gw’Ayagala okukikola naYe, Ye Katonda. Naye kasita mba nga nsigala n’Ekigambo kyE, Eddoboozi lyE, Entambi, awo nmanya nti ekyo kyonna kiri bulungi. Nzikiriza ekyo.

Nkimanyi bangi basoma ebbaluwa zange ne bategeera bubi bye njogera ne kye nzikiriza nti kwe Kwagala kya Mukama waffe eri ekkanisa yaffe. Mu bwetoowaze ka njogere nate nga nnabbi bwe yogera nti: “Ebbaluwa zino zigendereddwa eri kkanisa yange yokka. Abo abaagala okuyita Branham Tabanako ekkanisa yaabwe. Abo abaagala OKWERAGIRA AWAMU N’ABANTU B’ENTAMBI ERA ABAYITIBWA EKYO”.

Bw’oba tokkiriziganya na bye njogera ne bye nzikiriza, ekyo tekirina buzibu kikumi ku kikumi baganda bange ne bannyinange. Ebbaluwa zange tezigendereddwa eri mmwe oba okuwakanya mmwe oba ekkanisa zammwe. Ekkanisa yo yeemalirira era olina okukola nga bw’owulira nga okulembeddwa okukola, naye okusinziira ku Kigambo, bw’etyo n’eyaffe nayo yeemalirira, era kino kye tukkiriza nti lye kkubo Katonda lye Yatuwa.

Bonna bulijjo baanirizibwa okwegatta naffe buli Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda). Sabbiiti eno, Emmunyeenye ya Katonda ey’omulembe gwaffe, William Marrion Branham, egenda kutuleetera Obubaka, 60-1209 Omulembe Gw’Ekkanisa y’e Saadi.

Owol. Joseph Branham

Obubaka: 60-1208 Omulembe Gw’Ekkania Ey’Omusuwatira

• 24-1110 Omulembe Gw’Ekkanisa Ya Suwatira
• 23-0521 Omulembe Gw’Ekkanisa Ya Suwatira
• 20-1129 Omulembe Gw’Ekkanisa Ya Suwatira
• 19-0210 Omulembe Gw’Ekkanisa Ya Suwatira
• 16-0323 Omulembe Gw’Ekkanisa Ya Suwatira

BranhamTabernacle.org

Omugole Ayakiddwako Ekitangaala Omwagalwa,

Engeri Mukama gy’Atubikkulira nti okuyita mu mirembe gyonna bulijjo wabaddengawo akabinja akatono ennyo akasigaddenga n’Ekigambo kye. Tebaagwa mu mutego gw’omulabe ogw’obulimba, wabula baasigala nga beesigwa eri Ekigambo eky’omulembe gwabwe.

Naye tewabangawo kiseera, newankubadde ekibinja ky’abantu, Mukama kye Yenyumirizzaamu, oba kye Yeesize ennyo okukirawo, ku ffe. Yeffe Mugole We Omulonde atajja, era n’ekisinga obukulu, ATASOBOLA, kulimbibwa; kubanga tuwulira Eddoboozi ly’Omusumba ne tumugoberera.

Ali mu kutulaga nti okuyita mu mirembe gyonna wabaddengawo ebibinja by’abantu bibiri, byombi nga birangirira okubikkulirwa kwabyo okuva eri Katonda n’enkolagana yaabyo ne Katonda. Wabula Yatugamba nti, Mukama amanyi ababe. Alondoola ebirowoozo byaffe. Amanyi ebiri mu mitima gyaffe. Alaba emirimu gyaffe nga tusigala ne nnabbi n’Ekigambo kye, nga bino kwe kwolesebwa okufuutifuuti okw’ebyo ebiri munda mu ffe . Ebigendererwa byaffe, ebiruubirirwa byaffe bimanyibwa gy’Ali nga bw’Atunuulira buli kikolwa kyaffe.

Atugamba nti ebisuubizo byonna byeyawa buli mulembe, BYAFFE. Atulaba ffe abasigala nga tukola emirimu gye n’obwesigwa okutuusa ku nkomerero. ATUWADDE obuyinza ku mawanga. Atugamba nti tuli bafuzi aba amaanyi, ab’obusobozi, abatawetebwa mitawaana abasobola okugumira embeera yonna n’amaanyi mangi . N’omulabe asinga obumalirivu amaanyi gajja kumuggwa bwe kiba kyetaagisa. Engeri gyetunaayolesaamu enfuga yaffe olw’amaanyi ge ejja kuba nga eyagala kutuukagana n’ey’Omwana We yennyini. EKITIIBWA!!

Tulabyeko ku buziba bwa Katonda mu bulamu bwaffe. Bwe bumanyirivu omuntu bw’afuna nga sekinnoomu obw’Omwoyo wa Katonda ng’Abeera mu ffe. Ebirowoozo byaffe byakibwako ekitangaala ekiva mu magezi n’okumanya kwa Katonda okuyita mu Kigambo kye.

Tugenda buli Omugole omusajja w’Abeera. Tetujja kulekebwa Ye. Tetujja kuva ku mabbali ge. Tujja kugabana naYe nnamulondo. Tujja kutikkirwa engule y’ekitiibwa kyE n’ettendo Lye.

Atubikkulidde engeri omulabe gy’abadde alimba mu buli mulembe n’engeri gye kiri ekikulu ennyo kityo okusigala N’EKIGAMBO KYE NNAKABALA. Tewali Kigambo na kimu kiyinza kukyusibwa. Buli mulembe gwayongerako era ne gutoolako, okuyita mu kuteeka okuvvuunula kwabwe ku Kigambo nnakabala; era ne baba nga babuze butadda okuyita mu kukola ekyo.

Mu Mulembe gw’Ekkanisa ya Suwaatira, omwoyo ogwo ogw’obulimba gwayogera nga guyita mu Paapa w’e Rooma ne gukyusa Ekigambo kye. N’akifuula okuba “omutabaganya omu wakati wa Katonda n’omuntu (so si n’abantu).” Kale kaakano ye mutabaganya wakati w’omutabaganya n’abantu. Na bw’etyo, enkola ya Katonda ey’emirimu yonna yakyusibwa; si na kukyusa ekigambo kimu, wabula na kukyusa ENNUKUTA EMU. Sitaani yali akyusizza “E” n’agifuula “A”.

Buli Kigambo kiriramulwa okusinziira ku Kigambo Kye nnakabala ekyogerwa ku ntambi. N’olwekyo, Omugole We ATEEKWA okusigala n’entambi. Ng’omulabe agezaako okumalamu abantu amaanyi ng’ayita mu kubawa enkola y’emirimu ey’enjawulo, ekirowoozo eky’enjawulo, ennukuta ey’enjawulo, Omugole ajja KUSIGALA N’EKIGAMBO NNAKABALA.

Mu buli mulembe Yesu Yeeragira wamu n’omubaka w’omulembe ogwo. Bafuna okuva gy’ali okubikkulirwa ku Kigambo eky’omulembe gyabwe. Okubikkulirwa kw’ekigambo kuno kuggya abalonde ba Katonda mu nsi ne kubaleeta mu bumu obujjuvu ne Yesu Kristo .

Ayise era n’Ayawula abasajja bangi okubeera omukisa eri ekkanisa, naye Alinayo mpozzi OMUBAKA OMU YEKKA gwe Yayita OKUKULEMBERA ekkanisa Ye ku buyinza bw’Omwoyo we Omutukuvu. Waliwo EDDOBOOZI LIMU eririna Bw’Ati Bw’Ayogera Mukama. Waliwo EDDOBOZI LIMU lye Yagamba nti ly’Alisinziirako okutusalira omusango. Waliwo EDDOBOZI LIMU Omugole we lye bataddeko ekifo kyabwe gyebanakomekkerera mu butaggwawo. EDDOBOZI ERYO LYE DDOBOZI LYA KATONDA KU NTAMBI.

Omugole, okwagala kwa Katonda ku lwaffe kwe Kutuukirizibwa, era mu maaso ge, TUTUUKIRIDDE. Era okutuukirizibwa okwo kwe kugumiikiriza, okulindirira Katonda… n’okulinda Katonda. Atugamba nti gwe mutendera oguyitibwamu ogw’okukuza empisa zaffe. Tuyinza okuba n’ebigezo bingi, okugezesebwa, n’ebibonyoobonyo, naye obwesigwa bwo eri Ekigambo Kye buleeta obugumiikiriza mu ffe tusobole okuba abatuukirivu era abajjuvu, nga tetulina bitatuuka.

Tetujja kwerabira OKUKKIRIZA kujja na kuwulira, okuwulira Ekigambo, n’Ekigambo kijja eri nnabbi.

Jjangu owulire essanyu erisinga obuyitirivu mu bulamu bw’otuula wamu naffe mu bifo eby’omu Ggulu nga bwe tuwulira Eddoboozi lya Katonda nga lituleetera Ekigambo ku: Omulembe Gw’Ekkanisa ya Suwaatira 60-1208 , Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda).

Owol. Joseph Branham

Obubaka: 60-1207 Omulembe Gw’Ekkanisa Ya Perugamo

• 24-1103 Omulembe Gw’Ekkanisa Ya Perugamo
• 23-0514 Omulembe Gw’Ekkanisa Ya Perugamo
• 20-1122 Omulembe Gw’Ekkanisa Ya Perugamo
• 19-0203 Omulembe Gw’Ekkanisa Ya Perugamo
• 16-0320 Omulembe Gw’Ekkanisa Ya Perugamo

BranhamTabernacle.org

Omugole Omuwala Omulongoofu Omwagalwa,

Obadde onyumirwa Emirembe gy’Ekkanisa Omusanvu? Katonda ali mu kuwa Omugole We okudda obuggya nga bwe kitabangawo. Ali mu kutuwa Okubikkulirwa okusingawo, Okukkiriza okusingawo, n’okukakasibwa okusingawo nga tumanyi kye tuli, ne kyetuli mu kukola nga tusigala n’Ekigambo, Ekkubo Lye lye Yatuwa olwaleero.

Kaakati Atugamba nti: “Okutandika n’olukuŋŋaana lw’oku Ssande okweyongerayo mu maaso, mwambale endowooza yammwe ey’omwoyo. Leka Omwoyo Omutukuvu aKinnyikize munda era mumanye ekifo kya buli kimu mu mwoyo n’engeri ey’okukikozesaamu mu bye ŋŋenda okukola. Kye Kigambo kyange ekiweereddwa Omwoyo obulamu ekyayogerwa nnabbi wange owa Malaki 4”.

Ka tusome era tukwate ebimu ku Bigambo bye era tukozese endowooza yaffe ey’omwoyo ku byo.

Katonda Yateekawo omukulembeze we ajjudde Omwoyo eri ekibinja kye ekijjudde Omwoyo; Malayika we; era n’Amuteekako akabonero k’erinnya, naye tasaanidde kulibikkula. Alina okulyekuumira ye kennyini, laba. “Tewali muntu amanyi wabula ye kennyini.”

Kale Katonda yawa Omugole We omukulembeze ajjudde Omwoyo olw’ekibinja kye ekijjudde Omwoyo. OMUKULEMBEZE, SSI ABAKULEMBEZE olw’ekibinja kye ekijjudde Omwoyo.

Agenda okujja mu nsi mangu, malayika ono omukulu ow’Ekitangaala agenda okujja gyetuli, oyo alitukulembera okutufulumya, Omwoyo Omutukuvu ow’ekitalo, nga Ajja mu maanyi, era alitukulembera Atutwale eri Mukama waffe Yesu Kristo.

Malayika omukulu ow’Ekitangaala. Malayika omukulu ow’Ekitangaala eri omulembe guno ogusembayo y’ani? William Marrion Branham. Tali mu kwogera ku Mwoyo Mutukuvu. Amazze okujja ate agamba nti alijja.

OYO ALITUKULEMBERA OKUTUFULUMYA. Mazima tumanyi era tukkiriza nti Omwoyo Omutukuvu y’Atukulembera, naye mu bulambulukufu ateeka malayika we mu kifo kye n’Omwoyo Omutukuvu wamu n’Agamba nti Ye (Omwoyo We Omutukuvu) ajja kuba atukulembera (okuyita mu / nga akozesa) malayika We omukulu ow’Ekitangaala.

Agenda mu maaso n’okubasibira wamu ng’Agamba nti:

Oboolyawo tajja kukimanya,

Tali mu kugamba nti Omwoyo Omutukuvu tajja kumanya ky’Ali, wabula ategeeza malayika We omubaka We ow’oku nsi gwe yalonda OKUTUKULEMBERA OKUTUFULUMYA.

Wabula ajja kuba atuuse wano ezimu ku nnaku zino. Alimanyi… Katonda alimumanyisa. Talyetaaga na kwemanyisa, Katonda ajja kumumanyisa. Katonda ajja kukakasa Owuwe .

Nate, tali mu kugamba nti Omwoyo Mutukuvu ajja kuba atuuse wano EZIMU KU NNAKU ZINO , wabula malayika we omukulu ow’Ekitangaala ow’okukulembera Omugole We. Talyetaaga na kwemanyisa , Katonda ajja kumanyisa omukulembeze we omukulu eri Omugole We Ye Mwene ng’Ayita mu OKUBIKKULIRWA.

Kati oli mu kuteegera ekifo kyakyo n’engeri ey’okukikozesaamu  mu mwoyo? Olaba malayika w’Ekitangaala y’ani Katonda gwe Yalonda okukulembera Omugole We? Kirina we kigamba wano nti akati mu mbiro zino kaweereddwa eri abakulembeze abalala?

Tolibeerako mu bulamu buli mu kifo kya waggulu-ko okusinga ku musumba wo. Ggwe jjukira bujjukizi ekyo, laba.

Wadde ng’abalala bayinza obutatutegeera ne beeyisa oba okwogera eby’obunyoomi gyetuli, nga tuli basanyufu era nga tweyanzeege mazima olw’Okubikkulirwa okutwogeza nti, WILLIAM MARRION BRANHAM YE MUSUMBA WAFFE.

Kati nga bwe kiri inti buli bumu ku bubaka buno butegeezebwa bugenda eri “malayika” oyo — (omubaka ali mu mubiri gw’omuntu ow’oku nsi) obuvunaanyizibwa obunene ennyo awamu n’enkizo ey’ekitalo [“privilege”—omwagaanya okukola abalala kyebatakkirizibwa oba kyebatasobola – Ed] gwe mugabo gwe.

Obubaka bwategeezebwa nga bugenda eri malayika We, olwo malayika we n’abutuusa eri Omugole; si eri obuweereza bwokka, wabula eri OMUGOLE WE YENNA era Buli ku lutambi bonna basobole okubuwulira. Tebusobola kwongerwako oba okutoolebwako, era tebwetaaga KUVVUUNULA KWONNA.

Ajja mangu, era bw’Alijja Ajja kusookera gy’oli ggwe, era olisalirwa omusango okusinziira ku Njiri gye wabuulira ggwe, naffe tuliba buvunaanyizibwa bwo.” Nnagamba nti, “Ky’otegeeza nze bano bonna mbavunaanyizibwako?” N’agamba nti, “Buli omu. Wazaalibwa oli mukulembeze.”

Olunaku olukulu olw’omusango bwe lulituuka, Ajja asookera wa malayika we ow’Ekitangaala era ajja kusooka ye okusalira musango okusinziira ku njiri gye yabuulira. Ffe tuli BUVUNAANYIZIBWA BWE. Avunaanyizibwa ku buli omu ku ffe nga bwe kiri nti ye yali OMUKULEMBEZE Katonda gwe Yalonda.

Teeka kw’ekyo ekifo n’enkozesa yo ey’omu mwoyo. Tulisalirwa omusango okusinziira ku ebyo malayika wa Katonda bye yayogera. Kale, oyagala okugezesa akakisa akatwaliramu obulamu bwo obutaggwaawo nga osinziira ku muntu omu by’agamba nti OLI BYE YAYOGERA so nga osobola okubiwulira butereevu okuva eri OLI?

Omuntu yenna ayinza atya okukkiriza nti eriyo OBUWEEREZA OBUSINGA KU EKYO EKIRI KU NTAMBI. Bw’oba okkiriza ekyo, oba ng’obadde omatiziddwa ekyo okuyita mu kubaganya ebiriwoozo, kirungi oddeyo ku KIGAMBO NNAKABALA; kubanga ogenda kusalirwa omusango okusinziira ku bigambo ebiri ku ntambi. Sigala n’Ekigambo nga bwe kyayogerwa.

Naye nnabbi ono alijja, era ng’omulangirizi w’okujja okusooka bwe yaleekaana nti, “Laba Omwana gw’endiga wa Katonda, aggyawo ekibi ky’ensi,” era bw’atyo awatali kubuusabuusa ajja kuleekaana nti, “Laba Omwana gw’endiga wa Katonda, ajja mu kitiibwa.” Kino ajja kukikola, kubanga era nga Yokaana bwe yali omubaka w’amazima eri abalonde, bw’atyo n’ono bw’ali omubaka asembayo eri omugole Azaaliddwa-Ekigambo era omulonde.

Ani agenda okutwanjula eri Mukama waffe Yesu? Malayika we omukulu ow’Ekitangaala, William Marrion Branham.

Jjangu obeere Omugole Omuwala Omulongoofu wamu naffe nga tuwulira omubaka malayika we omukulu nga atuleetera Okubikkulirwa okusingawo, Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira Obubaka 60-1207 – “Omulembe Gw’Ekkanisa Y’e Perugamo” .

Owol. Joseph Branham

Obubaka: 60-1206 Omulembe Gw’Ekkanisa Ey’OMu Sumuna

• 24-1027 Omulembe Gw’Ekkanisa Ey’OMu Sumuna
• 23-0507 Omulembe Gw’Ekkanisa Ey’OMu Sumuna
• 20-1115 Omulembe Gw’Ekkanisa Ey’OMu Sumuna
• 19-0127 Omulembe Gw’Ekkanisa Ey’OMu Sumuna
• 16-0316 Omulembe Gw’Ekkanisa Ey’OMu Sumuna

BranhamTabernacle.org

Omugole Ajjudde Omwoyo Omwagalwa,

Waliwo ekibinja ky’abantu kimu kyokka; ekibinja ky’abantu eky’enjawulo ennyo, abasobola okuwulira Omwoyo ky’Agamba mu mulembe guno ogusembayo. Kye kibiina eky’enjawulo ekifunye Okubikkulirwa kw’omulembe guno. Ekibinja ekyo kya Katonda. Ekibinja ekitasobola kuwulira, si kya Katonda.

Ekibinja ekisobola, era ekiwulira Omwoyo ky’Agamba, kifuna Okubikkulirwa okw’amazima. Ye ffe tulina Omwoyo wa Katonda. Ye ffe abaazaalibwa Katonda ne babatizibwa n’Omwoyo Omutukuvu. Ye ffe Mugole we Ajjudde Omwoyo afunye Okubikkulirwa okw’omulembe gwaffe.

Kitegeeza ki gye tuli okunyiga Zannya? OKUBIKKULIRWA! Kwe kuwulira, okusembeza n’okusigala n’Ekkubo lya Katonda Ly’Ataddewo kulw’olwaleero. Eddoboozi lya Katonda lyenyini nga lyogera kamwa ku kutu eri Omugole we. Ye Mwoyo Omutukuvu nga Ayogera eri emitima gyaffe n’emmeeme zaffe.

Tukimanyi Katonda akozesa abasajja abaafukibwako amafuta n’Omwoyo we okwogera, wabula tewali kifo kirala w’osobola kuwulira Bw’Atyo Bw’Ayogera Mukama  okuggyako okuyita mu Kunyiga Zannya n’okuwulira EDDOBOOZI lya malayika we ow’omusanvu, William Marrion Branham. Lino lye ddoboozi lyokka eryakakasibwa Omwoyo Omutukuvu yennyini obutalekaawo kabuuza. Ye lye Ddoboozi lya Katonda, nnabbi wa Katonda, omusumba wa Katonda, gye tuli, era eri ensi.

Bw’ayogera, tugamba nti AMIINA eri buli Kigambo; kubanga ye Katonda yennyini nga Ayogera naffe. Ekigambo kye kye Kigambo kyokka ekiteetaaga kuvvuunulwa. Ye Katonda nga Akozesa eddoboozi lye okwogera n’Omugole We.

Ye Katonda yennyini nga Atugamba nti, “Abaana bange abato, si mmwe mwaNnonda,wabula Nze eyabalonda. Nga tewannabaawo yadde akatundu k’enfuufu y’emmunyeenye; nga sinnamanyibwa gyemuli nga Katonda wammwe, nnabamanya. Mwali mu Birowoozo byange, nga gyemuli balamu mu Birowoozo byange ebitaggwawo. Muli Mugole Wange ow’Ensigo y’Ekigambo Ekyogere akiragira ddala.

Newankubadde nga mwali mu Birowoozo byange ebitaggwawo, saabateeka mu kikula ekirabikako okutuusa mu ntuuko Yange eyateekateekebwa era eyalagirwa. Kubanga nnali mmanyi nti MMWE mujja kuba kibiina kyange eky’enjawulo ekigenda okusigala n’Ekigambo kyange. Ebirala byonna biremereddwa, naye nnali mmanyi nti temujja kulemererwa.

Nkimanyi nti muyigganyizibwa era musekererwa kubanga musigadde ne nnabbi Wange, naye mmwe Muzabbibu Gwange Ogw’amazima ogutavudde ku kigambo kyaNge, wabula ogusigadde nga gwa mazima era nga mwesigwa eri nnabbi Wange ayogera Ebigambo byange.

Waliwo abalala bangi abayigiriziddwa n’obwesigwa, wabula tebayiga bulijjo oba kyetaagisa kwenkana wa okwogera ebyo byokka bye Njogedde nga mpita mu mubaka WaNge.”

O, nga tulina kubeera beegendereza obwenkanidde awo okuwulira eddoboozi LIMU, kubanga Omwoyo alina eddoboozi limu lyokka eryo nga lye ddoboozi lya Katonda.

Oh, nga kikulu nnyo okuwulira eddoboozi lya Katonda eriyitira mu babaka be, n’oluvannyuma okwogera ebyo ebibaweereddwa okwogera eri ekkanisa.

“Ekigambo kyange bulijjo kizzenga eri nnabbi Wange, naye mu lunaku luno, Nnasiima Eddoboozi Lyange Likwatibwa ku lutambi bwewatyo WALEME KUBANGAWO NSOBI KU bye Nnayogera eri Omugole. Waliwo bbiriji emu yokka, omuggo omugolokofu gumu gwokka, era ogwo kye KIGAMBO kye Nnayogera nga mpita mu malayika waNge. Nga bwe kiri mu buli mulembe, Nabbi wange ye Kigambo eky’olunaku.”

Entambi, Eddoboozi Lye, ye bbaluwa ey’omukwano gye tuli. Nga omulabe atukuba wansi buli kiseera okuyita mu kugezesebwa kwaffe n’ebibonyoobonyo n’emitawaana gyaffe, Yatuma malayika we ow’amaanyi okutugamba nti ekyo si kirala wabula okwagala kwa Katonda okwatulonda gye tuli, ng’Atukakasa nti Yatulonda nga bwe tutajja kuseguka.

Ekigendererwa kye ekinene kiri nti nga tumaze okubonaabona okumala akaseera, Ajja kutufuula abatuukiridde, Atusimbe bunywevu era atugumye. Yatugamba nti ne Mukama waffe Yesu yatuukirizibwa lwa kubonaabona kwe. Nga mukisa nnyo gw’Atulekera. Kubanga nga Ayita mu kubonaabona kwaffe, naffe Ajja kutuyingiza mu butuukirivu.

Ali mu kuzimba empisa zaffe okuyita mu kugezesebwa n’ebibonyoobonyo byaffe. Kubanga empisa zaffe tezikolebwa awatali kubonaabona. Bwe kityo, okubonaabona kwaffe buwanguzi gye tuli, so si kirabo.

Tuyinza tutya okuMukakasa nti tuMwagala?

• Nga tukkiriza by’Ayogera.
• Nga tusigala n’Ekigambo kye.
• Nga tweyisa bulijjo n’essanyu okuyita mu kugezesebwa n’ebibonyoobonyo byaffe, ebyo Ye, mu magezi ge amangi, by’aganya okubaawo.

Engeri gy’Asitula omwoyo gwaffe nga tuwulira Ekigambo kye. Eddoboozi lye libudaabuda emmeeme yaffe. BwetuNyiga Zannya ne tuMuwulira ng’Ayogera, emigugu gyaffe gyonna gitutikkulwa. Tetusobola na kutandika kulowooza ku bya bugagga ebituterekeddwa nga tuyise mu kubonaabona kwaffe kwonna.

Oh, Omugole wa Yesu Kristo, nga nsanyuse nnyo okubeera Omu Ku Bo na buli omu ku mmwe. Essanyu nga lijjuza omutima gwange okumanya nti atuwadde Okubikkulirwa kw’Ekigambo kye. Bw’Atugamba nti kijja kuba kisembereganye nnyo kyandirimbye n’abalonde bennyini oba nga kiyinzika, Atuwadde OKUBIKKULIRWA OKUTUUFU.

Mujje, muyingire mu Mwoyo wamu naffe Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira Ekigambo ekituukiridde :  60-1206 — Omulembe gw’Ekkanisa y’e Sumuna .
   

Owol. Joseph Branham

Obubaka: 65-1205 Omulembe Gw’Ekkanisa ya Efeso

• 24-1020 Omulembe Gw’Ekkanisa ya Efeso
• 23-0430 Omulembe Gw’Ekkanisa ya Efeso
• 20-1108 Omulembe Gw’Ekkanisa ya Efeso
• 19-0120 Omulembe Gw’Ekkanisa ya Efeso
• 16-0313 Omulembe Gw’Ekkanisa ya Efeso

BranhamTabernacle.org

Omugole Omutuufu Omwagalwa,

Nga ekiseera kya kitalo kye tulimu ng’Obulamu bwe bukulukutira era nga bukubira entunnuunsi munda mu ffe era okuyita mu ffe, nga butuwa obulamu. Awatali Ye, tewandibaddewo bulamu. Ekigambo kye gwe mukka gwaffe gwennyini.

Mu lunaku luno olubi oluteeka okunenyezebwa olw’ekizikiza, yeffe kibinja kye eky’omulembe ogusembayo ekiyimuseewo; Omugole we omutuufu ow’olunaku olw’oluvannyuma ajja okuwuliriza Omwoyo yekka, Eddoboozi lya Katonda eri olunaku lwaffe.

Nga twagala nnyo okuMuwulira ng’Atugamba nti, “Eri nze, mugeraageranyizibwa ku zaabu omulongoofu akubiddwa. Obutuukirivu bwammwe bwe butuukirivu bwange. Ebikula byammwe bye bikula byange eby’ekitiibwa. Mmwe Mugole Wange Omutuufu omwagalwa.”

Entalo zaffe nga bwe zirabika okuba nga zeeyongera okukaluba buli wiiki, tunyiga bunyizi Zannya okuMuwulira ng’Ayogera naffe mu ngeri empoomu ennyo n’Atugamba nti, “Temweraliikirira, musaanira enjiri Yange. Muli kintu ekirungi era eky’essanyu. Nyumirwa okubalaba nga muwangula omulabe olw’ebigezo byammwe n’okugezesebwa okw’obulamu buno.”

Ndaba okutegana kwammwe okw’okwagala; kwe kuyita okwa waggulu okw’obulamu bwammwe okumpeereza. Namanya nga ensi tennatandikibwawo nti mujja kutegeera malayika Wange ow’amaanyi gwe nnaaba nsindikise okubeera Eddoboozi lyange gyemuli; engeri gye mutalirimbibwa ng’emisege emikambwe gizze ne gibeezingako nga gigezaako okwewozaako nti girina okubikkulirwa okwenkanankana. Mwali temuli ba kuva ku Kigambo kyange, wadde okumala akaseera akatono, WADDE EKIPIMO EKITONO NNYO EKIZIBU OKULABA. Mwali ba kusigala n’Ekigambo kyange, Eddoboozi lyange.

Mwali ba kutegeera nga bwe mbabikkulira Ekigambo kyange engeri Omuzabbibu Ogw’amazima n’omuzabbibu ogw’obulimba egyatandikira mu Lusuku Adeni bwe gyali gigenda okukulira awamu okuyita mu mirembe gyonna.

Buli ekyatandikira mu kkanisa eyasooka bwe kyali kigenda okweyongerayo okuyita mu buli mulembe gwonna. Engeri mu mulembe gw’ekkanisa ogwasooka, omuzabbibu gwa Sitaani ogw’obulimba gye gwali gujja okutandika okusenserra okuyingira mu, n’okuwangula ekibiina (abagoberezi) okukyeddiza nga gukozesa omwoyo gwagwo ogw’ekinikolayiti . Naye nga bwennyumirwa nti ggwe wekka , Omugole Wange omulonde, ggwe atajja kulimbibwa.

Wiiki eno, nja kunaazaawo buli kubuzaabuza kwonna okwetoolodde Ekigambo kyange mu mmwe nga mbikkula ekyama ekikulu eky’ensigo y’omusota. Ŋŋenda kubabikkulira mu buli bulambulukufu bwonna ekyaliwo mu lusuku Adeni; engeri Sitaani gye yatabula olulyo lwe mu lulyo lw’omuntu.

Kijja kuba kirowoozo ekibudaabuda omutima ennyo kityo bwe mukitegeera nti Nze, Omuti gw’Obulamu mu Lusuku Adeni, ogwali gutatuukikako okutuusa kati olw’okugwa kwa Adamu, kati gubaweereddwa mmwe, abawanguzi baNge.

Eno y’ejja okuba empeera yammwe. Nja kubawa omukisa ogw’olusuku lwa Katonda; okussanga ekimu nange buli kiseera. Temulyawukanyizibwa nange. Gye ηηenda, ggwe, Omugole Wange gy’onoogenda. EkyaNge, nja kukigabana naawe, omwagalwa waNge.

Engeri emitima gyaffe gye gitukubira okumu-kumu munda mu ffe nga tusoma ebigambo bino. Tukimanyi nti okutuukirira kw’ebisuubizo bye kusembera mangu, era kumpi tetusobola kulinda. Ka twanguye okugondera Ekigambo kye era bwe tutyo tulage nti tusaanidde okugabana ekitiibwa kyE.

Njagala okubawenyeza okujja okutwegattako nga tweyongerayo n’okuyiga kwaffe okukulu okw’Emirembe gy’Ekkanisa Omusanvu, Katonda gy’Atubikkulira Ekigambo kye nga Akozesa Ekkubo lyE lye Yatuwa, omubaka we malayika ow’omusanvu.

Owol. Joseph Branham

Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda).
60-1205 Omulembe gw’Ekkanisa y’e Efeso

Obubaka: 60-1204E Okwolesebwa okw’e Patumo

• 24-1013 Okwolesebwa okw’e Patumo
• 23-0423 Okwolesebwa okw’e Patumo
• 20-1101 Okwolesebwa okw’e Patumo
• 19-0113 Okwolesebwa okw’e Patumo
• 16-0312 Okwolesebwa okw’e Patumo

BranhamTabernacle.org

Omugole w’Ekigambo Ekituukiridde Omwagalwa,

Kiki ekigenda mu maaso mu Mugole okwetoloola ensi yonna? Tuli mu kuyingira mu Mwoyo, nga tusituka ne tuleekaana nti, “Ekitiibwa! Aleruuya! Mukama Atenderezebwe !” Katonda ali mu kutusitulira mu ssanyu eppitirivu era nga Abikkula Ekigambo kye eri Omugole we.

Ebintu bye tusomye ne bye tuwulidde mu bulamu bwaffe bwonna kati biri mu kwolesebwa. Okuweebwa obulamu okw’ekitalo kaakano kugenda mu maaso. Tuli mu kwakibwako Ekitangaala ky’Ekigambo nga bwe kitabangawo.

Tukiwulira mu buziba bwennyini obw’emmeeme zaffe. Waliwo eky’enjawulo, waliwo ekigenda mu maaso. Tuwulira Omwoyo Omutukuvu ng’Atufukako amafuta, ng’Ajjuza emitima gyaffe n’ebirowoozo byaffe n’ekigambo kye.

Tusobola okuMuwulira ng’Ayogera naffe: Nkimanyi nti omulabe abalwanyisa nga bwe kitabangawo, naye temutya mmwe abato, MULI BANGE. Mbawa okwagala kwange, obuvumu bwange n’obusobozi bwange. Mwogere bwogezi Ekigambo, era nja kukikola. Ndi nammwe bulijjo.

Mu kuyiga kwaffe okw’ekitalo okw’Okubikkulirwa kwa Yesu Kristo, tuli wansi w’okusuubira okw’amaanyi buli wiiki ku by’Agenda okuddako okutubikkulira. Ekigambo kye kye kiddukiro kyaffe kyokka, emirembe gyaffe n’okubudaabudibwa kwaffe. Tuwuliriza muddiriŋŋanwa ng’abasuubira okubaako kyetufuna emirundi n’emirundi n’emirundi. Buli katundu ke tusoma, twagala okukuba enduulu tuleekaane ng’Ekigambo bwekyanjuluzibwa mu maaso gaffe. Okukkiriza okw’Okukwakkulibwa kuli mu kujja ku Mugole, nga kujjuza emmeeme gyaffe

Teebereza, tewali kifo kirala mu nsi gy’osobola kugenda, wabula awo ku ntoli z’engalo zo, okuwulira Eddoboozi lya Katonda nga Lyogera naawe era nga Libikkula Ekigambo kye.

Engeri Katonda gye Yaggyawo olutimbe, n’Alusika n’Aluzza emabega, n’Aganya Yokaana okutunula munda alabe kiki buli mulembe gw’ekkanisa kye gwali gugenda okukola, n’aKiwandiika mu Kitabo n’aKituweereza. Olwo, okutuukirira kw’ebiro bwe kwatuuka, Katonda Yatutumira malayika we ow’amaanyi ow’omusanvu okuKyogera, n’okubikkula byonna bye Kyali Kitegeeza.

Yokaana yawandiika bye yalaba, naye nga tamanyi makulu gaabyo. Yesu n’okukimanya teyakimanya bwe yali wano ku nsi. Tewali muntu yenna mu mirembe gyonna yali amanyi, okutuusa leero, mu kiseera kino, abantu bano, FFE, Omugole We.

Engeri gye Yatubikkulira nti ettabaaza ezo omusanvu zaali zisaka obulamu n’ekitangaala okuva mu nsako z’ekibya ekikulu. Yatubuulira engeri buli emu ku zzo bwe yalina olutambi lwayo nga lunnyikiddwa munda omwo. Buli mubaka w’omulembe gw’ekkanisa yali ku muliro gw’Omwoyo Omutukuvu ng’olutambi lwe lunnyikiddwa ne lubbira mu Kristo, nga asaka obulamu bwa Kristo bwennyini  n’okumulisa Ekitangaala ekyo eri ekkanisa. Era kaakano, omubaka waffe ow’olunaku olw’oluvannyuma, asingayo mu babaka bonna, yalina obulamu bwe bumu n’Ekitangaala kye kimu nga byolesebwa obulamu obwali bukwekeddwa ne Kristo mu Katonda.

Awo malayika waffe ow’amaanyi n’atugamba nti awo buli mubaka teyakiikirirwa bukiikirirwa kyokka, WABULA BULI OMU KU FFE NAYE YAKIIKIRIRWA, abakkiriza ba Katonda ab’amazima . Buli omu ku ffe naye akiikiriddwa eyo mu ngeri ey’ekifaananyi. Buli omu ku ffe asaka okuva mu nsibuko y’emu nga ababaka. Ffenna tunnyikiddwa mu kibya kyekimu. Tufudde eri ffe fennyini era obulamu BWAFFE bukwekeddwa ne, ne mu, Kristo Yesu Mukama waffe.

Engeri gy’Atuzzaamu amaanyi ng’Agamba nti tewali muntu ayinza kutukuulayo mu Mukono gwa Katonda. Obulamu bwaffe tebusobola kwerijjirwako. Obulamu bwaffe obulabika bwaka era bumulisa, nga buwa ekitangaala n’okwolesebwa kw’Omwoyo Omutukuvu. Obulamu bwaffe obw’omunda, obutalabika bukwekeddwa mu Katonda era nga buliisibwa Ekigambo kya Mukama.

Entalo nkambwe. Omulabe ataamye nga bwe kitabangawo, ng’agezaako nga bw’asobola okutumalamu amaanyi, okutukuba okutussa wansi, naye tasobola kukikola. Katonda Mwene ayogera naffe ng’Ayita mu mimwa omuntu ow’oku nsi n’Atugamba nti, FFE MUGOLE WE, GWE YALONDA, era Kiwangula sitaani BULI KISEERA.

Mukama waffe Omutuukirivu, ng’Ayogera Ekigambo kye Ekituukirivu, ng’Awa Emirembe Egituukiridde, eri Omugole We Atuukiridde.

Nga bulijjo, tuyita ensi okujja okunnyika ettabaaza zaabwe mu KIBYA EKIKULU, Obubaka buno, obwaterekebwa mu ggwanika ly’Emmere era ne bukuumibwa mu mbeera yabwo y’emu ku lw’Omugole. Tujja kuba tukuba enduulu n’okuleekaana ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira Eddoboozi lya Katonda nga Lyogera n’okubikkula ebyabaawo mu: Okwolesebwa Okw’e Patumo 60-1204E.

Owol. Joseph Branham