Obubaka: 62-0204 Okusembera
All posts by admin5
24-0324 Okutegeera Olunaku Lwo N’Obubaka Bw’alwo
Obubaka: 64-0726M Okutegeera Olunaku Lwo N’Obubaka Bw’alwo
- 24-0324 Okutegeera Olunaku Lwo N’Obubaka Bw’alwo
- 22-0904 Okutegeera Olunaku Lwo N’Obubaka Bw’alwo
- 21-0418 Okutegeera Olunaku Lwo N’Obubaka Bw’alwo
- 19-1110 Okutegeera Olunaku Lwo N’Obubaka Bw’alwo
- 17-1015 Okutegeera Olunaku Lwo N’Obubaka Bw’alwo
- 16-0626M Okutegeera Olunaku Lwo N’Obubaka Bw’alwo
Ab’Omuwendo era Abaagalibwa Ennyo Abaagalwa,
Nga kya kitalo okumanya nti tuli Mugole We Ow’Omuwendo era Ayagalibwa ennyo. Tukolebwa okuva mu nsi yonna, nga twekuŋŋaanya okwetoloola Ekigambo kye, nga tuwuliriza Eddoboozi lya Katonda nga liriisa emmeeme zaffe.
Tukikkirizza mu bujjuvu bwaKyo, era ne mu maanyi g’okukakasibwa kwaKyo n’Okubikkulirwa. Tufuuse ekitundu ku Kyo. Kintu ekiri mu ffe. Kisinga bulamu gye tuli.
Tutegedde: Omubaka we Malayika ow’Omusanvu.
Tutegedde: Obubaka bw’Ekitangaala eky’Akawungeezi.
Tutegedde: Kyetuli.
Katonda atutte Ekigambo kya nnabbi we n’atutemayo. Atutemyeyo nga Akozesa Malaki 4, nga bwe Yasuubiza nti Alikola. Tukkiriza buli Kigambo n’emitima gyaffe gyonna.
Waliwo okuzuukusibwa okw’ekitalo okugenda mu maaso mu bantu. Nabo bali mu kutegeera obukulu bw’okuwulira Eddoboozi eryo. Bali mu kwagala okukomawo bazannye entambi mu masinzizo gaabwe.
Kibategeezeddwa Omwoyo Omutukuvu, nti lino lye Kkubo Katonda lye Yateekaawo olw’olwaleero. Bakitegedde nti lino lye Ddoboozi lye beetaaga okuwulira. Ye Mmere ya Katonda eterekeddwa olw’okutuukiriza Omugole We.
Ekigambo kyakisuubiza. Entambi ziKilangirira. Bali mu kuKikkiriza.
Kyakola ki? Kyatawaanya bakabona, okulaba abantu abo nga bava mu masinzizo ne bagenda. Yagamba nti, “Omu ku mmwe bw’ajjumbira enkuŋŋaana ze, ajja kugobwa mu kkanisa. Tujja kukuggyira ddala mu kibiina ky’eddiini kino.”
Tekikkirizika naye leero kifuuse ekintu kye kimu. Bajja kukuggya mu masinzizo gaabwe singa ogamba nti, “Nkwegayiridde, muzannye entambi.” Twali tusobola okukilowoozaako nti kino kye kinaabeeranga ekyawula abantu? Okuzannya Eddoboozi lya Katonda mu makanisa gaffe?
Ekkanisa yeerabidde bannabbi baabwe. Bagamba nti “tebakyabeetaaga.” Naye Katonda akimanyi nti alina okuba nabo; Atemayo abantu be nga Akozesa Ekigambo kye. Naye eri ab’ennaku zino kibalabikira nga eky’edda ennyo.
Tujja kusigala ne nnabbi waffe. Tukkiriza nti lye Ddoboozi eliri mu kuyitayo Omugole We. Eri ffe, okukyogera mu ngeri ennyangungu, tewali kintu kikulu okusinga OKUNYIGA ZANNYA.
Ayi endiga za Katonda, muwulire Eddoboozi lya Katonda! “Endiga zange ziwulira Eddoboozi lyange.”
Jjangu owulire era otegeere Eddoboozi eryo wamu naffe, Ssande ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu ey’omu kawungeezi e Uganda), nga bwetuwulira, Okutegeera Olunaku Lwo N’obubaka Bwalwo 64 -0726M.
Owol. Joseph Branham
24-0317 Okugenda Okusukka Olusiisira
Obubaka: 64-0719E Okugenda Okusukka Olusiisira
- 24-0317 Okugenda Okusukka Olusiisira
- 22-0828 Okugenda Okusukka Olusiisira
- 21-0411 Okugenda Okusukka Olusiisira
- 17-1011 Okugenda Okusukka Olusiisira
- 15-1216 Okugenda Okusukka Olusiisira
Abajaasi Abakristaayo abaagalwa,
Kirowoozeeko! Eno y’enkomerero y’ebiseera, Aleluuya! Tuli wano. Olunaku olukulu olw’okujja kwa Mukama waffe okucima Omugole we lusembedde. Tuli mu kwekuŋŋaanya okuva mu nsi yonna, nga tutuukirizibwa okuyita mu kuwuliriza Eddoboozi lya Katonda. Tutunula era tulindirira abaagalwa baffe okulabika…Kati kyandibaawo ku lunaku lwona lwonna.
Ekintu kyokka kye tulagiddwa okukola kwe “kusigala n’Ekigambo”. Kye tulaba kyokka ye Yesu, era ye Kigambo nga kifuuse omubiri. Ekyo kwe Kubikkulirwa okw’omulembe gwaffe. Luno lwe Lusiisira lwa Katonda eri Omugole we.
Obubaka buno, Eddoboozi lino, entambi zino, ze byonna byetwetaaga olw’Okukwakkulibwa. Tetwetaaga kintu kirala kyonna. Tuyitiddwayo, twawukanyiziddwa okuva ku buli kimu okuggyako Eddoboozi eryo. Tuli bamativu nti Eddoboozi eryo lye Kkubo Katonda lye Yateekawo kulw’olwaleero.
Kirowoozeeko, Yatuwa nnabbi asinga obukulu mu mirembe gyonna. Oyo Empagi y’Omuliro gweyasiima ekifaananyi kyayo okukwatibwa wamu naye asobole okugamba ensi nti, “Ono ye malayika wange ow’amaanyi. Ye Ddoboozi Lyange gyemuli. By’ayogera ku nsi Nja kubiddamu mu ggulu. Tewali amufaanana”.
“Nze mmwesigisizza, era ye yekka, ebyama byange byonna bye nnakweka okuva ku ntandikwa y’ensi. Ye gwe nnategekerawo okubayita MMWE okuva mu nsi eno okuggya gyendi. Ye gwe nnalonda okubalembera, okubaluŋŋamya n’okubalagirira. Nnalangirira gyemuli nti Mumuwulire, kubanga ye si y’ayogera, NZE NJOGERA, NDI OW’AMAANYI!”
Njawudde era mpise abasajja ab’amaanyi okulangirira n’okubuulira ensi nti, “Leero, ebyawandiikibwa mu Malaki 4, Okubikkulirwa 10:7, ne Lukka 17:30 bituukiridde mu maaso gammwe. Malayika we ow’amaanyi atuuse, ng’Ebyawandiikibwa bwe byalangirira. Katonda ali wano mu ffe, nga Yeebikkula okuyita mu mubiri gw’omuntu ow’oku nsi nga bwe yagamba nti Alikola.”
Ye Yesu Kristo aba obumu jjo, leero n’emirembe gyonna. Tuyitiddwa okubasonga gy’Ali, oyo malayika wa Katonda. Y’oyo Omwoyo Omutukuvu gwe yalonda okukulembera n’okukoowoolayo Omugole we. Temukubaganya birowoozo, temwerariikirira biteetaagisa, temulwana yadde okujjamu obukuubagano obuva mu kwerariikirira ku ani agenda okubeera kabona omukulu; ani anaabeera kino, ekyo, oba kiri. MUSIGALE N’EDDOBOOZI ERYO. Kubanga waliwo EDDOBOZI LYA KATONDA eryakakasibwa obutaleekawo kubuusabuusa kwonna limu lyokka era erinnya lye ye William Marrion Branham.
Tulina okwegendereza ennyo okusigala n’Eddoboozi eryo, anti bangi nnyo abaagala okubakulembera okubakyamya okuLivaako. Obulombolombo bwabwe bukugira Eddoboozi eryo erya nnamaddala obutatuuka mu bantu. Afuuse mugenyi eri bangi nnyo ku bo. Eddoboozi lyabwe litutte ekifo ky’Eddoboozi eryo, okutuusa nga Katonda, mu ngeri y’entambi, bw’abakyalira, aba mugwira.
Okubeerawo kuli okw’ekitiibwa ekisukkulumu kuli naffe. Omusajja yenna awulira Omwoyo asobola okukiraba nti Eddoboozi eryo lye Ddoboozi lya Katonda. Lwe Lusiisira lwa Katonda olw’olwaleero.
Buli muntu eyeeyita Omugole wa Kristo alina okusalawo Lusiirira ki lw’alimu. Alina okwebuuza ekibuuzo kino eky’enjawulo: Ddobozi ki Omugole yenna ly’ayinza okuddamu nti “AMIINA”, nga Lyogedde?
Bw’oba nga ddala oli Mugole wa Kristo, ng’olina Okubikkulirwa kw’Ekigambo okwa nnamaddala okw’ennaku zino, waliwo eky’okuddamu kimu kyokka: Eddoboozi lya Katonda ku Ntambi. Kya lwatu nti Sitaani agezaako okukozesa ekyo okutuukiriza ebiruubirirwa bye mu ngeri nnyingi ez’enjawulo, naye tewali kya kuddamu kirala eri Omugole . Kyangu nnyo bwe kityo.
Ffenna tukimanyi nti Sitaani akozesa eky’okuddamu ekyo okutwawulamu. Naye Ekigambo kitugamba nti Omugole ateekwa okuba nga AGATTIDDWA WAMU… BWETULI, okuyita mu DDOBOZI LYOKKA ERITUGATTA.
Jjangu ogattibwe wamu naffe, kubanga essaawa ya kikeerezi nnyo.
“Njagala kugenda awatali lusiisira. Si nsonga kinfiiriza ki, nja kutwala omusaalaba gwange era ngugumire buli lunaku. Nja kugenda okusukka olusiisira. Si nsonga abantu banjogeddeko ki, njagala kuMugoberera wabweru w’olusiisira. Ndi mwetegefu okugenda.”
Bw’oba oyagala okubeera mu Lusiisira lwa Katonda olwa leero, OTEEKWA OKUKKIRIZA nti Eddoboozi lya Katonda eriri ku ntambi lye ddoboozi erisinga obukulu ly’olina okuwulira.
Jjangu weegatte ku kitundu ky’Omugole Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu ey’omu kawungeezi e Uganda), nga tuwulira Eddoboozi Katonda lye yalonda okukulembera Omugole We, nga bw’atuleetera Obubaka, Okusukka Olusiisira 64-0719E.
Si “olusiisira lwonna lw’osanze”; wabula “OLUSIISIRA LULI.”
Owol. Joseph Branham
Ebyawandiikibwa by’olina okusoma nga Olukuŋŋaana terunnatandika:
Abaebbulaniya 13:10-14
Matayo 17:4-8
24-0310 Embaga Ey’Amakondeere
Obubaka: 64-0719M Embaga Ey’Amakondeere
Abaana B’Ekitangaala Abaagalwa,
Nga tweyanzeege nnyo okubeera nga tutambulira mu Kitangaala kye. Okubeera ekitundu ku Kitangaala ekyo, okubeera nga tusunsulibwa mu kiti kye kimu n’Ekitangaala Kye. Okubeera nga tuyitidda era nga tulondeddwa Ye. Tuli Mugole wa Kristo, ebiwandiiko ebitwogeerako bye bimu. Ababiri bano kati bali Omu.
Sirina ngeri gyensobola kukiwandiika mirundi mingi okusukkirira. Tetulina ngeri gyetusobola kukyogera kimala. Obubaka buno butegeeza BULI KIMU gye tuli. Okumanya nti tulina Okubikkulirwa okw’amazima okw’Ekigambo kye kisukka ekintu kyonna kye tuyinza okuteeka mu bigambo.
Okubeera nga tuli mu lunaku luno n’okubeera ekitundu ku bigenda mu maaso, kye kitiibwa ekisinga obunene Katonda ky’Ayinza okutuwa. Nga gyekyakoma okubeera eky’ekitalo okutuulanga mu nkuŋŋaana mu Branham Tabanako, nga olaba n’okuwulira malayika wa Katonda ng’aleeta Obubaka buno, n’okukirawo KIKIRAWO okubeera eky’ekitalo okubeera ku nsi mu lunaku luno, era mu kiseera kino, era okubeera okutuukirizibwa kw’Ekigambo ekyo.
Katonda, mu Pulogulaamu ye ey’ekitalo, akoze Ekkubo tusobole okuba nga tukuŋŋaanyizibwa okuva mu nsi yonna, nga tuwuliriza Eddoboozi lya Katonda ffenna mu kiseera kye kimu, okuba nga tutuukirizibwa Ekigambo kye. Okubeera nga tulindirira okuwulira akatikitiki konna omubaka waffe malayika ow’omusanvu ng’agamba nti;
“Laba Omwana gw’Endiga wa Katonda aggyawo ekibi ky’ensi!”
Tewabangawo kintu kyonna kiringa Ekyo okuva ku ntandikwa y’ebiseera. Okumaliriza kw’Enteekateeka ya Katonda ey’ekitalo kugenda mu maaso, KATI KATI, era tuli kitundu ku Yo. Olunaku lwa Mukama waffe olukulu lusembedde.
Ebyama byonna bibikkuliddwa eri Omugole okuyita mu mubaka malayika wa Katonda. Envumbo, Emirembe, Ebibwatuka, Okukkiriza Okw’Okukwakkulibwa, Okusika Okw’okusatu…BULI KIMU kyogeddwa era kiri ku ntambi n’olwekyo Omugole asobola okuziwulira emirundi n’emirundi, era KITUTUUKIRIZA.
Omwoyo Omutukuvu akomyewo mu Kkanisa nate; Kristo, yennyini, nga Abikkuliddwa mu mubiri gw’omuntu ow’oku nsi, mu kiseera eky’akawungeezi nga bwe yasuubiza.
Saayo omwoyo kati Omugole, Kino kifune.
Tuyitiddwayo Ekigambo; Kristo Yennyini yatuyita. Atuviiriddeyo bwanjulukufu; Abaebbulaniya 13:8, Lukka 17:30, Malaki 4, Abaebbulaniya 4:12, Ebyawandiikibwa bino byonna bye yasuubiza.
Ye Yesu, Omwana wa Katonda, Y’Atwebikkulidde nga ayita mu Byawandiikibwa bino ebyategekebwa olw’olunaku luno, NGA MULAMU NATE.
Era okukikkiriza, ke kamanyiso akalaga Omwoyo Omutukuvu.
Katonda yatuma nnabbi we okukoowoolayo Omugole we. Ekigambo kitugamba nti nnabbi ye Kigambo kya Katonda ekiramu, nga kyoleseddwa. Ke kabonero akasembayo ensi k’erifuna; Yakuwa ng’Ayogera nga Ali mu kikula ky’omuntu ow’oku nsi.
Omusajja munda mu mubiri oguva mu ttaka ery’oku nsi, nga Yeefaananyiriza nnabbi, kyokka ate nga Yali Elohim nga Ayawula ekirowoozo ekyali mu mutima gwa Saala, emabega We. Era Yesu n’Agamba nti, “Nga bwe kyali mu nnaku za Lutti, bwe kityo bwe kiriba ku kujja kw’enkomerero y’ensi, Omwana w’omuntu,” so si Omwana wa Katonda, “Omwana w’omuntu bw’Aliba Yeebikkula. ”
Omugole akimanyi nti okuggyako ng’oli mu Kigambo entakera, tojja kumanya y’Ani. Bamanyi obwetaavu nnanteewalibwa obw’okukuuma Eddoboozi eryo mu maaso gaabwe buli lunaku nga banyiga Zannya.
Kati Omugole alina okuva mu kkubo n’adda ebbali, n’agenda waggulu, kisobozese bannabbi ba Katonda ababiri abali mu kitabo ky’Okubikkulirwa okulabikako ku nsi okufuuwa Ekkondeere Ery’omusanvu. Bamanyise Kristo eri bali.
Jjangu obeere ekitundu ku bunnabbi obuli mu kutuukirizibwa Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu ey’omu kawungeezi e Uganda), nga nnabbi wa Katonda aleeta Obubaka, Embaga Y’Amakondeere 64-0719M, n’ayogera eri Kitaffe n’agamba nti,
Wandibaayo abamu ebweru okwetoloola amawanga, okwetoloola ensi yonna, nga n’olutambi luno lwandibasisinkana mu maka gaabwe oba mu makanisa gaabwe. Twagala okusaba, Mukama waffe, nti ng’olukuŋŋaana lugenda mu maaso, ku —ku…oba nga olutambi luli mu kuzannyibwa, oba ekifo kyonna kye tuyinza okubeeramu, oba —oba embeera, leka Katonda ow’ekitalo ow’omu Ggulu asseemu ekitiibwa obwesimbu buno obw’emitima gyaffe enkya ya leero, era owonye abalina bwetaavu, obawe bye beetaaga .
Owol. Joseph Branham
Ebyawandiikibwa by’olina okusoma nga tonnawulira Bubaka: Eby’Abaleevi 16
Eby’Abaleevi 23:23-27
Isaaya 18:1-3
Isaaya 27:12-13
24-0303 Omulimu Ogw’ekikugu
Obubaka: 64-0705 Omulimu Ogw’ekikugu
Enju Omulimu Ogw’Ekikugu Abaagalwa,
Nga bubadde butuuukirivu-bwemalirire ddala Obubaka buno obugobereganye gyebuvuddeko eri Omugole wa Kristo. Katonda, nga yebikkulako olutimbe mu maaso gaffe, nga yeebikkulira mu bwanjulukufu. Ensi tesobola Kukiraba, naye eri ffe, Omugole we, Kye kyokka kye tusobola okulaba.
Tumenye ne tuwaguza okuyita mu lutimbe olwo era tuMulaba mu bwanjulukufu. Katonda, nga Ali emabega w’ensusu z’abantu. Ekigambo kifuuse omubiri, ddala nga bwe Yasuubiza mu Lukka 17 ne Malaki 4. Yeekwese mu lutimbe oluli mu kikula ky’omuntu ow’okunsi, mu nnabbi we ne mu Kkanisa ye.
Ffe bantu abasinga okuba abasanyufu mu nsi bwe tuwulira Katonda nga Ayogera ng’Ayita mu mubaka-malayika we era n’Atubuulira nti,
Mbeebaliza nnyo. Ndi musanyufu nnyo okuba nga ntwalibwa nga ali omu kummwe. Ndi musanyufu nnyo okubeera omu ku mmwe. Katonda abeere nammwe. Ajja kubeera nammwe. Talibaleka. Talibaabulira. Tajja kukulekawo. Omaze okumenya n’owanguza okuyita mu lutimbe olwo kati.
Tufuuse bantu abatategeerekeka eri buli omu, n’eri ab’omu ffe mwennyini, naye tukyenyumirizaamu nnyo, tweyanzeege nnyo, olw’Okubikkulirwa kw’Atuwadde ku Kigambo kye eky’olunaku luno. Okubeera abasirusiru ku lwa Kristo n’Ekigambo kye ekyoleseddwa.
Tuddidde okukkiriza kwaffe ne tukuteeka wamu n’okukkiriza kwa nnabbi we, era tugattiddwa wamu, nga tukola EKITOLE ekinene ekyo ekya Katonda. Taliiko ky’Asobola kukola wetutali; tetuliiko kye tusobola kukola nnabbi oyo w’awatali; yadde okubaako kye tusobola okukola kyonna Katonda w’Atali. Kale nga tuli wamu, TUKOLA EKITOLE KIMU, Ennyingo eyo; Katonda, nnabbi we, Omugole we. Tufuuse Omulimu gwe Ogw’ekikugu.
KyaMutwalira emyaka enkumi nnya okukola Omulimu gwe ogw’ekikugu ogwasooka. Kati, kiMutwalidde emyaka enkumi bbiri okukola Omulimu gwe ogw’ekikugu omulala, FFE, Omugole We, Enju ye ekoleddwa nga mulimu gwa kikugu, Adamu ow’Okubiri ne Kaawa ow’Okubiri. Kati tuli beetegefu okugenda mu lusuku olwo, Emyaka Olukumi egyo. Azzeemu okutubumba era kati tuli beetegefu.
Ffe Mugole-Kigambo We atuukiridde, nga tuli kitundu ku Bitonde bye EBYASOOKAWO. Ekikolo, enduli, n’ekisusunku, kati biri mu kukuŋŋaanira mu Nsigo, nga byetegekedde amazuukira, era nga byetegekedde amakungula. Alpha afuuse Omega. Ensigo eyakka munda, eyise mu mitendera n’eddamu n’efuuka Ensigo.
Ensigo, eyagwa mu lusuku Adeni, n’efiira eyo, nga ekomyewo. Okuva mu nsigo eri eyali tetuukiridde bulungi eyafiira eyo, okudda mu Nsigo eno etuukiridde, Adamu Ow’okubiri.
Kati tufuuse Adamu Ow’okubiri, Omugole ow’amazima, Ensigo eyo, nga ekomyewo n’Ekigambo ekyasooka nate. Tulina okuba n’Ekigambo kyonna okusobola okubeera Ensigo. Tetusobola kuba na kitundu kya Nsigo; tuba tetusobola kukula, tulina okubeera n’Ensigo nga nnamba.
Ekyasigaddeyo ekintu kimu kyokka, amakungula gatuuse. Twengedde nga mboona. Twetegekedde Okujja Kwe. Kiseera ky’amakungula. Ensigo ekomyewo mu mbeera yaayo eyasooka. Enju Omulimu Ogw’Ekikugu ezzeewo, Kristo n’Omugole we.
Okuzzaamu nnabbi we n’Omugole we amaanyi, Mukama yawa malayika we okwolesebwa okw’ekitalo. Yamulengeezaayo okulaba FFE nga bwetulifaanana, Omugole We. Nga tumuyitako, yagamba nti twali bakyala abatono abawoomera amaaso okutunuulira. Yagamba nti ffenna twali tumutunuulidde bulungi, nga bwe tuyitawo.
Ku nkomerero, abamu baali babalize okuva mu lunyiriri, era nga bafuba nga bwe basobola okudda mu lunyiriri. Olwo n’abaako kye yalaba ekikulu ennyo, baali batunudde awantu awalala awamu ebweru, nga tebali mu kumutunuulira. Baali batunuulidde bifa mu kkanisa eyo eyafuluma n’eba mu kavuyo.
Nga nneenyumiriza era nga nneeyanzeege nnyo okugamba nti, si FFE, abaali ab’omu maaso, tetwalegezaamu ku nkuba ya mugu newankubadde oba okumuggyako amaaso.
Kale, Omulimu ogw’ekikugu ogwo n’Omwana wa Katonda, Omulimu ogw’ekikugu ogwo n’Omugole, era guli Kitundu ku Ye, ate nga gulina okuba nga kwe kituukirizibwa kwe’Ekigambo. Ekigambo kituukiriziddwa, era twetegekedde okujja kwa Mukama waffe.
Nga tweyazeege nnyo okumanya nti, ffe Nju ye ey’Emirimu Egituukiridde, Omugole We owannamaddala. Ekigambo kituukiridde, era twetegekedde okujja kwa Mukama waffe.
Nkwaniriza okujja okutwegattako Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda), okuwulira Ekigambo wamu naffe, era ofuuke ekitundu ku B’Enju ya Katonda ey’Emirimu Egituukiridde, nga bwe tuwulira nnabbi ng’atuleetera Obubaka: Omulimu Ogw’Ekikugu 64-0705 .
Owol. Joseph Branham
Ebyawandiikibwa by’olina okusoma nga tonnaba kuwuliriza lukuŋŋaana:
Isaaya 53:1-12
Malaki 3:6
Omut. Matayo 24:24
Omut. Makko 9:7
Omut. Yokaana 12:24 / 14:19
24-0225 Omuntu Atategeerekeka
Nsango: 64-0614M Omuntu Atategeerekeka
- 24-0225 Omuntu Atategeerekeka
- 22-0807 Omuntu Atategeerekeka
- 21-0523 Omuntu Atategeerekeka
- 16-1130 Omuntu Atategeerekeka
Mikwano abaagalwa,
Ziri ssaawa ssaawa 6:00 (mukaaga) ez’omu ttuntu e Jeffersonville, essaawa eri 1:00 (emu) ey’oku makya mu Afrika, ziri ssaawa 4:00 (nnya) ez’oku makya mu Arizona; Omugole akuŋŋaanyiziddwa okuva mu nsi yonna. Tulindiridde akaseera kano wiiki yonna. Tuli wansi w’okusuubira okunene, nga tulindirira Katonda okwogera naffe ng’Ayita mu mimwa gy’omuntu w’oku nsi ng’Ayita mu mubaka we malayika ow’omusanvu ow’amaanyi. Tuli mu kusaba nti, “Mukama nteekateeka, onfukeko amafuta, era ompe Okubikkulirwa okusingawo okw’Ekigambo Kyo.”
Tuli bamativu, kubanga tukimanyi awatali kubuusabuusa, nti nnabbi, era nnabbi yekka, y’alina Ebigambo by’Obulamu eby’essaawa eno. Tuyinza obutasobola kubinnyonnyola byonna, naye tukimanyi nti tukkiriza buli Kigambo era tukiwummuliddeko.
Tukimanyi, nti ddala nga Mukama bwe yakola ne Musa, Katonda Ali mu kutegeka okugulumiza nnabbi we mu maaso gaffe. Ku mulundi ogwo, Yakankanya nsozi zokka. Ku mulundi guno, Agenda kukankana eby’omu bbanga mu bwengula era n’ensi.
Akaseera katuuse. Emitima gyaffe gyeyongeddemu okukuba munda mu ffe. Tuwulira Oluyimba lwaffe olw’Eggwanga nga lutandika okuzannyibwa. Mu mwoyo gumu, Omugole okuva mu nsi yonna asituka ku bigere byabwe n’atandika okuyimba, KKIRIZA BUKKIRIZA , ebintu byonna biyinzika, Kkiriza Bukkiriza. Katonda Ategeka okwogera naffe .
Tuwulira: “Amakya amalungi mikwano.”
Emitima gyaffe gisanyuka okuwulira obuwuliza ebigambo bino 3 ebyangungu. Nabbi yaakampita mukwano gwe. Awo n’atugamba nti, .
Mbasubwa mwenna. Si—sifaayo gye ngenda, si—si…si ye, si yemmwe. Nnina emikwano, buli wamu okwetoloola ensi, naye si ye—si ye—si ye mmwe mwenna. Waliwo eky’enjawulo ku kabinja kano akatono kye si…simanyi. Mbalowoozako…Sirinaayo ki—kibinja ku nsi, kye mmanyi, eky’ekuumira ku lusegere lwange ennyo ng’ekibinja kino. Nsaba—nsaba Katonda Atuganye tubeere ba nnantasattululwa nnyo tutyo, okutuusa nga, mu Bwakabaka obugenda okujja, ka tubeere eyo wamu; y’essaala yange.
Kubikkulirwa ki okunene Katonda kw’anaatubikkulira leero? Kiki kye tugenda okuwulira? Twandiba nga tuKiwulidde mingi, emirundi mingi emabega, naye olwaleero lujja kuba lwa njawulo, obutafaanagana na lunaku lulala lwonna emabega.
Kye ki? Emmere y’Omukkiriza. Gwe Mugaati Ogw’okulaga oguva mu Ggulu gwe tugenda okugabulwa. Omugaati Ogw’okulaga nga gwa ffe ffekka, Omugole we. Ekitiibwa ky’Okwolesebwa okulabikako oba okunnyonnyokwa obusimu bw’omubiri okwa Katonda ekimaamidde Omugaati ogwo Ogw’okulaga ky’ekiri mu kutukuuma nga tetuvunda.
Ab’ebweru batutunuulira ne batubuuza nti, “Bantu mmwe mukola ki? Muwuliriza buwuliriza ntambi zokka? Muli Bantu Abatategeerekeka aba ddala.”
Ekitiibwa!! Tuli basanyufu nnyo, era twebaza nnyo Mukama okubeera Abantu Abatategeerekeka; abasirusiru ku lulwe n’Ekigambo kye ekyakasibwa obutaleekaawo kabuuza. Tusanyuka okugamba ensi nti, “WEEWAAWO, NZIKIRIRIZA MU BUWEEREZA BW’OLUTAMBI. NZIKIRIRIZA MU KUNYIGA ZANNYA. NZIKIRIZA LYE DDOBOZI ERISINGA OBUKULU LY’OSOBOLA OKUWULIRA. WEEWAAWO, NZIKIRIRIZA MU KUZZA ENTAMBI KU BITUUTI.”
Nga olutimbe olubikkako olw’ebikkirizibwa ebitambuziddwanga okuyita mu mirembe lumaze okuggibwawo, osobola okulaba nti Katonda akyali Katonda w’Ekigambo kye. Akyakuuma Ekigambo kye. Ye — Ye Katonda, Omuwandiisi w’Ekigambo kye.
Si nsonga kiki omuntu omulala yenna ky’akola, oba ky’ayogera, tuKikkiriza, n’oluvannyuma ne tuKikolerako. Bwoba toKikoze, olwo oba tokikkiriza. Toli mabega wa lutimbe lubikkako. Ekibikkako ekyo kya muntu omu. Obubaka obwo buli kimu.
Nsuubira era nneesiga nti—nti mubadde n’okutegeera okw’omwoyo okw’ekyo Katonda ky’Abadde agezaako okutuusa eri Ekkanisa nga Takyogedde kaati. Olaba? Ekyo kweggamba, oluusi, tuba tulina okwogera ebintu mu ngeri nga kyandireetera abamu okukogga, kyandiviirako abamu okufuluma, abamu okulekulira, n’abandi oku—oku —okukifumiitirizaako nnyo okumala akabanga. Naye ekyo kikolebwa mu bugenderevu. Kiteekwa okukolebwa bwe kityo.
Ekigambo kyabikkulirwa eri nnabbi wa Katonda. Teriiyo kibinja, Bafalisaayo, oba Abasaddukaayo, oba ekiwayi oba ekika ekimu. Tulina NNABBI yekka! Katonda yafuna omusajja omu. Teyafuna birowoozo bibiri oba bisatu eby’enjawulo. Yafunayo omusajja omu. Y’alina Ekigambo, era ye yekka.
Awo kiyinza okuba ng’abamu bandigamba nti, “Ky’otegeeza Katonda asobola okukola ekintu ng’ekyo kagenderere?” Mazima ddala Yakikola. Akyakikola n’okutuusa kati.
Nga bwe baagamba emyaka bikumi na bikumi emabega, ne leero tuwulira ekintu kye kimu: “Naye waliwo abasajja abalala wano Katonda be yayita.” Ekyo kituufu. Era kasita bagoberera ne beekuumira ku mugendo, Amiina, naye omu bw’agezaako okusitukiramu atwale ekifo kya Katonda Katonda kye yawa nnabbi waffe, ekyo kye Yateekateekerawo era n’Amwawula eri omulimu ogwo, tulina okusigala n’Ekigambo ekyakakasibwa obutaleekaawo kabuuza, Eddoboozi lya Katonda kulw’olunaku lwaffe.
Weetegereze, okufa, okwekuumira wala okuva weKiri kati. Olina okuKiyingiramu ng’oyita mu lutimbe luno olubikkako, ekitali ekyo tolisobola. Nga Katonda yali Asobola okubasaasira, naye jjukira kye kyali, nti Katonda ali mu kwoleka ekyo ekyali emabega w’olutimbe olwo. Wekkaanye ekyali emabega w’olutimbe, Ekigambo! Kyali kibisse ku ki? Ekigambo! Kyali ki? Kiri mu ssanduuko. Kyali Kigambo, ekibikkako ekyo kye kyali kikweese. Okiraba? Era Yesu ye yali Ekigambo ekyo, era Ye Kigambo ekyo na kati, era ekibikkako ky’omubiri Gwe kyali kikibisseeko.
Eri ffe, ekintu ekyo kati kifuuse ekirabikako! Tekikyali kigambo bugambo, wabula ekintu eky’obuliwo! Amiina!
Tukimanyi nti mu maaso g’abalala tuli Bantu-ntu Abatategeerekeka, era tuyinza okuwulikika nga ba ssikirabanga abawunikiriza okutunulako eri ensi, naye kiri mu kuwalulira gy’ali bonna.
Jjangu obeere wamu naffe nga tusalibwamu enjola ezitunywereza ku Kigambo Ssande ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda), nga tuwulira nnabbi ng’abuulira ensi engeri gye tuli Abantu Abatategeerekeka 64-0614E . Tukyenyumirizaamu nnyo era tweyanzeege okugamba nti bwetuli.
Owol. Joseph Branham
Ebyawandiikibwa by’olina okusoma nga tonnawulira Bubaka:
I Abakkolinso 1:18-25
II Abakkolinso 12:11
24-0218 Okubikkula Katonda
Obubaka: 64-0614M Okubikkula Katonda
- 24-0225 Omuntu Atategeerekeka
- 24-0218 Okubikkula Katonda
- 22-0807 Omuntu Atategeerekeka
- 22-0731 Okubikkula Katonda
- 21-0523 Omuntu Atategeerekeka
- 21-0516 Okubikkula Katonda
- 19-0630 Okubikkula Katonda
- 19-0623 Okubikkula Katonda
- 16-1130 Omuntu Atategeerekeka
- 16-1127 Okubikkula Katonda
Omugole Ali Emabega W’Olutimbe Omwagalwa,
Lwaki nsigala mbagamba emirundi n’emirundi nti, “OKUNYIGA ZANNYA kye kintu ekisinga obukulu ky’oyinza okukola”? Lwaki nsigala ŋŋamba abasumba nti, “Muzze Ow’oluganda Branham mu bituuti byammwe”?
Ensonga nnyangu nnyo bw’eti. Nga owuliriza Eddoboozi ly’omubaka malayika ow’omusanvu ku lutambi, kwe kuba ng’owuliriza EKIGAMBO EKIRAMU.
Mu maaso g’abantu, Katonda yaddamu ne Yeekweka emabega w’olutimbe n’Alaga obukakafu obw’enkomeredde ku Musa, nga Akokezesa olutimbe olwo, nga Yeebikkira emabega w’Omuliro gwe gumu, Empagi y’Omuliro y’emu yakka. Okuva —okuva kw’olwo…Okuva gyebali, bwebatyo basobole okuwulira Ekigambo kya Katonda kyokka . Mukifuna? Ekigambo kyokka, baawulira Eddoboozi lye. Kubanga, Musa, eri bo, ye yali Ekigambo ekiramu.
Yogera ku Muweereza ow’obuliwo! Eddoboozi lye tuli mu kuwuliriza ku lutambi lye Ddoboozi ly’Ekigambo Ekiramu eky’olunaku lwaffe. Mu ngeri ennyangu-ngu tekyeyongerako bukulu kusukka awo.
Mu kiseera kya Musa, abaana ba Isiraeri abaali mu lusiisira bokka be baali basobola okuwulira Eddoboozi lye. Naye leero, Katonda Yayagala ENSI YONNA ewulire Eddoboozi lye, BW’ATYO N’ASIIMA LIKWATIBWE KU LUTAMBI, Omugole we asobole okuwulira Eddoboozi ly’Ekigambo Ekiramu.
Katonda yali yeebisseeko olutimbe nga Ali munda mu nnabbi we, asobole okwogera Ebigambo bye gye bali. Ekyo kye yali akoze. Musa ye yali Kigambo ekyo ekiramu eri abantu, nga kibikkiddwako Empagi y’Omuliro .
Bw’oba nga tolina Kubikkulirwa kw’ekyo olw’omulembe gwaffe, tosobola kuba Mugole wa Yesu Kristo. Bw’okufuna, olwo GWE Mugole wa Yesu Kristo era ojja kuba olina okugamba nti, “tewali kintu kikulu okusinga okuwuliriza entambi, kubanga Lye Ddoboozi lya Katonda nga Lyogera naawe kamwa ku kutu.”
Bangi bagezaako okutiisa abantu ne bagamba nti tusukkulumya nnabbi; tuli mu kumusinza. Bannange, Ye ye yayogera ebintu bino, so si nze. Nze njuliza bujuliza Kigambo.
Nga bwe kyakolebwanga mu buli mulembe, Obwakatonda bwebikkiranga munda mu lutimbe lwa Mubiri gwa Muntu ow’okunsi. Weetegereze, Yakikola. Bannabbi baalinga Katonda, nga Abikkiddwako olutimbe. Be baali Ekigambo kya Katonda (ekyo kituufu?) nga kibikkiddwa mu lutimbe lw’omubiri gw’omuntu. Kale bwebatyo, era tebaategeera kubeerawo kwa Musa waffe, olaba, Yesu.
Tetuli mu kusinza muntu, wabula Katonda, oyo nga Yeebisseeko olutimbe, olwo nga ye nnabbi, era lw’Ali mu kwebikkuliramu. Ekyo okusobola okukitegeera n’okukikkiriza, oteekwa okukola kino.
Temukyali mabega wa lutimbe olwo, Abato, Katonda Abaviiriddeyo ne muMulabira mu bujjuvu.
Tetukyali mabega wa lutimbe olwo, tusobola okulaba nti Ye Katonda nga Yeebikkula okulabibwa bwanjulukufu. Kizuuse nti okuwuliriza Eddoboozi eryo ku ntambi ye Katonda nga Ayogera n’Omugole we. Tukkiriza nti Ly’Ekkubo Lye lye Yatuteerawo olwaleero.
Tuyinza okugamba AMIINA eri Eddoboozi eryo lyokka, teri ddala. Eddoboozi eryo lijja kubuulira, liyigirize era litubikkulire byonna bye twetaaga okumanya. Eddoboozi eryo lijja kutwanjulayo ewa Mukama waffe Yesu Kristo. Eddoboozi eryo lye byonna bwe twagala era bye twetaaga.
Tweyanzeege nnyo olw’obuweereza obw’emirundi etaano Katonda bw’Akozesa okusonga abantu ku Ddoboozi eryo; olw’abasumba abafunye okwolesebwa okwo era nga balina okubikkulirwa nti okuzannya entambi mu masinzizo gaabwe kye kintu ekisinga obukulu kye bayinza okukolera abantu baabwe.
Tukwaniriza okujja okuwuliriza Eddoboozi eryo ery’Ekigambo Ekiramu ery’amaanyi wamu naffe Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda), nga bwe tuLiwulira nga libikkula: Okumaamula Olutimbe ku Katonda Abaddenga Omubikkeko 64-0614M .
Owol. Joseph Branham
24-0211 Tunula Eri Yesu
Obubaka: 63-1229E Tunula Eri Yesu
Ensigo Emeruse Omwagalwa,
Oyinza okulowooza ku ngeri gye kyandibadde eky’ekitalo okutuula wansi n’owulira omubaka malayika wa Katonda ow’omusanvu ng’akubuulira nga bw’ateekekanga kubabuulira Kuteesa kwa Katonda kwonna? Okugenda bulambulukufu nnyo ku Kusika Okw’okusatu, n’okukukakasa engeri gye kukakasiddwamu kati ?
Engeri Katonda gye Yayogeramu bu kaamuje ne butondebwawo; mu ngeri y’emu nga bwe Yayogera n’Atonderawo Ibulayimu endiga ennume. Engeri Eddoboozi eryo lye limu bwe lyamugamba okwogera eri mwannyinaffe omutono omuwombeefu ayitibwa Hattie, eyali yaakamala okwogera ekintu ekituufu, era amutegeeze nti Eddoboozi lye limu eryayogera ne Litondawo bu kaamuje Lyagamba nti ligenda kumuwa kyonna ky’ayagala era alabe oba tekiibeewo mu kiseera ekyo kyennyini.
Engeri olunaku lumu bwe yali ayigga mu ddungu ne mikwano gye, omuyaga ogw’amaanyi bwe gwajja ogwandimuwalirizza okuva we yali. Naye nga Katonda bwe yayogera naye, kamwa ku kutu, n’Agamba nti, “Nze Nnatonda eggulu n’ensi. Nnakkakkanya embuyaga ez’amaanyi ku mayanja.”
Engeri gye yabuuka n’aggyako enkoofiira ye ng’Eddoboozi eryo limugambye nti, “Yogera bwogezi eri omuyaga, nagwo gunaateeka. Kyonna ky’onooyogera, ekyo kye kijja okubaawo.”
Teyabuusabuusa Ddoboozi eryo, wabula yayogera n’agamba nti, “Omuyaga, teeka. Era, omusana, yaka mu ngeri eya bulijjo okumala ennaku nnya, okutuusa lwe tuva wano.”
Mbagirawo nga yaakakyogera, obukuba-kuba obulimu omuzira, omuzira ogutannasaanuuka na byonna byayimirira. Engeri mu kaseera buseera omusana bwe gwali gutandise okwakira ku mugongo gwe. Kikuŋŋuunta n’akyusa obuufu bwe n’ebire, ng’ekintu ekitategeerekeka, ne byeyongerayo waggulu mu bbanga, era omusana ne guba nga gwaka oluvannyuma lw’obudakiika butono.
Olwo n’akubuulira engeri emyaka 16 nga tekinnatuuka na kweyoleka, Katonda gye yamulaga nti waliwo ekizimba mu nda ya Mwannyinaffe Branham ku ludda olwa kkono, n’ensonga lwaki kyateekebwayo. Engeri gye baasaba ne basaba Katonda akiggyewo. Olwo, ne bakkiriza nti yali Katonda nga Agezesa bugezesa kukkiriza kwabwe.
Awo nga tekinnaba kuggyibwamu na kulongoosebwa, yali ayogera ne Katonda era ng’aMugamba nga bw’abadde omukyala ow’enjawulo gy’ali. Engeri gy’atamwemulugunyangako olw’obutatera kuba waka. Engeri gye yamutegekerangawo buli kimu bwe yayagalanga okugenda okuyigga, okuwummulamu n’okwogera ne Mukama.
Awo n’awulira ekintu mu kisenge. Nga bw’atunula waggulu, Eddoboozi eryo ne Ligamba nti, “Yimirira,” ne Limugamba nti, “Kati kyonna ky’onooyogera, bwe kityo bwe kinaaba.”
Yasooka n’alindamu-kko akadakiika, oluvannyuma n’agamba nti, “Omukono gw’omusawo nga tegunnamukwatako, Omukono gwa Katonda gujja kuggyawo ekizimba ekyo, n’okuzuulibwa tekijja kuzuulibwa.”
Nga wakyabulayo kitundu kya katikitiki omukono gw’omusawo okumukwatako, omukyala n’awona. Engeri omusawo gye yamugamba nti, “Njagala okukukakasa nate, Mukyala Branham, nti ekizimba ekyo tekiriiyo. Tolina kizimba kyonna.”
Nga Kituukirivu nnyo Ekigambo kya Mukama waffe!
Okumuwulira ng’akugamba nti tewakyali kubuusabuusa mu birowoozo bye, amanyi Okusika Okw’okusatu kye ki, era amanyi kye Kukola. Mu ndowooza ye, kijja kuba kintu ekigenda okutandikawo okukkiriza okw’Okukwakkulibwa, olw’okuva wano.
Nga ffe bwetulina okubeera obubeezi abakissaamu ekitiibwa, era tusirike, nga bwekiri nti essaawa enaatera okutuuka Katonda w’agenda okutukolera ebinene. Ekiseera ekyo bwe kinaatuuka, okunyigirizibwa bwe kunaakka, olwo tujja kulaba kye tubadde tulabira mu mbeera ey’akaseera obuseera, nga kyeyolekera mu bujjuvu bw’amaanyi gaakyo.
Tujja kufuna omukisa ogwo omunene Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda). Njagala okukwaniriza obeere ekitundu kuffe nga bwe tuwulira: Tunula Eri Yesu 63-1229E .
Tujja kuba tetukuŋŋaana kuwulira musajja; eriyo abasajja bangi ku luguudo, era bonna byeboogera bifaanagana. Tetujja kuba nga tulindirira oba nga tuwulira omuweereza obuweereza, oba omusumba, tujja kuba tulindirira era nga tuwulira Yesu.
Tujja kuba tugattibwa wamu okuva mu nsi yonna okuwulira Omusajja Oyo, Omusajja wa Katonda Oyo, Yesu oyo ow’e Nazaaleesi ey’omubiri, nga ye Katonda, ng’Ayogera n’Omugole We.
Oteekwa okwebuuza nti, otunuulidde ki leero? Bw’otunula olaba ki? Awantu w’osobola okuMulabira wokka wali nga oMutunuulira ng’oyita mu Kigambo.
Kye yali bwe yatambulanga mu Ggaliraaya, kye kintu kye kimu ky’ali ekiro kino mu Jeffersonville, ekintu kye kimu ekyo ky’ali ku Branham Tabernacle. Ogendera kulaba ki bw’otunula, omutandisi, omusajja w’ekibiina ky’eddiini? Ekyo Yesu tolikiMulabamu. Bw’otunula, oba ogenderedde kulaba muntu yeeyisa mu ngeri ya ki-kabona ennyo? Ekyo Yesu tolikiMulabamu. Nedda, Yesu omulaba otya? Omulabira mu Kigambo kya Katonda ekyoleseddwa, kubanga ye yali Ekigambo kya Katonda ekyayolesebwa. Kye yali mu kiseera ekyo, ky’Ali ekiro kya leero, era ky’Aliba lubeerera.
Tunuulira Yesu kati obe mulamu; Kiwandiikiddwa mu Kigambo, aleluuya!
Ky’ekyo kyokka nti “tutunula ne tuba balamu.”
Owol. Joseph Branham
Ebyawandiikibwa by’olina okusoma nga weetegekera okuwulira oluku ŋŋaana:
Okubala 21:5-19
Isaaya 45:22
Zekkaliya 12:10
Omut. Yokaana 14:12
24-0204 Waliwo Omusajja Wano Asobola Okuteekako Ekitangaala
Obubaka: 63-1229M Waliwo Omusajja Wano Asobola Okuteekako Ekitangaala
- 24-0204 Waliwo Omusajja Wano Asobola Okuteekako Ekitangaala
- 22-0717 Waliwo Omusajja Wano Asobola Okussaako Ekitangaala
- 20-0524 Waliwo Omusajja Wano Asobola Okuteekako Ekitangaala
- 18-0318 Waliwo Omusajja Wano Asobola Okuteekako Ekitangaala
Ekifaananyi kya Yesu Kristo Abaagalwa,
Abantu balowooza nti tuli balalu, nga tutudde mu maka gaffe ne mu masinzizo gaffe, nga tuwuliriza entambi. Balowooza nti tufa enjala. Nebatakimanya-ko nnyo nti tutudde mu maaso g’Ekitangaala ky’Omwana Aweebwa Ekitiibwa Ekisukkulumu, nga twengera, era nga tuliisibwa Emmere Eterekeddwa ng’ennyana eziri mu kiraalo.
Yeffe Ŋŋaano ennoongoseemu okusinga ko ku ndala, nga etegekeddwa okutwalibwa. Bwe baba baagala okuwangaalira mu nnono zaabwe, bagende mu maaso. Si FFE, tuwangaalira mu Kitangaala ky’olunaku lwaffe.
Ekitangaala ky’olunaku lwaffe kye ki? Katonda yatuma mu nsi malayika we ow’amaanyi ow’omusanvu okukulembera Omugole we. Yali ki? Yali nnabbi. Bye yayogera byatuukirira. Yali Kigambo kya Katonda ekyoleseddwa. Yali kwolesebwa kw’Ekitangaala ky’Ekigambo kya Katonda. Yali Kitangaala kya Katonda kulw’olunaku lwaleero.
Musa yagenda bugenzi butereevu mu maaso, mu ngeri yonna, kubanga ye yali Obulamu, ye yali Ekitangaala ky’ekiseera ekyo. Kye yalina, kyali ki? Katonda ng’Ayolesa Ekigambo kye ekyasuubizibwa okuyita mu Musa, era Musa ye yali Ekitangaala.
Eriya ye yali Ekitangaala… Ekitangaala! Aleluuya! Ye yali Ekitangaala. Ekitangaala! Yali Kigambo kya Katonda ekyoleseddwa.
Yokaana, bwe yajja ku nsi… Yesu yagamba nti, “Yali Musana ogwakaayakana ogumulisa.” Aleluuya! Lwaki? Ye yali Ekigambo ekyoleseddwa.
Olwo okusinziira ku Kigambo, Ekitangaala ky’omulembe gwaffe ye nnabbi wa Katonda, William Marrion Branham. Oyo ayogerera waggulu mu ddungu ly’e Babulooni nti, “Mukifulumemu, abantu bange, muleme kugabana ku bibi byakyo.”
Ye yali okutuukirizibwa kwa Malaki 4:5, ne Okubikkulirwa 10:7. Yayogera bwogezi nti, “kijja kubaawo,” era ne kibaawo, awatali kintu kyonna mu kyo. Teyalinaawo ka kaamuje; tewaaliwo n’akamu awo. Yagamba bugambi nti, “Leka wabeerewo,” era ne wabaawo.
Ekigambo kya Katonda tekisobya, era Kirina okutuukirira. Tulabye Omusana; Ekigambo kye kye yasuubiza olw’olunaku luno. Kikakasibbwa era ne kiragibwa okusukka okuwakanyizibwa kwonna nti Ge Mazima. Kye Kitangaala ky’ekiseera.
Tewali kisobola kuwanyisibwa kudda mu kifo ky’okumanya nti kye tuli mu kuwuliriza kye Kigambo ekyolesebbwa eky’olwaleero. TEKIRIIMU MAGI GA NSIRI MU KYO… TEMULI YADDE . Abalala bwe baba bamativu n’ekintu ekirala, bagende mu maaso, naye si ffe.
Tekitegeeza nti tosobola kuwuliriza musumba wo, oba nti obuweereza tebusobola kubuulira; si bwekiri n’akatono, naye OTEEKWA okusengejja buli kigambo ky’owulira ng’okiyisa mu kasengejja ka Katonda ak’ekitalo, OBUBAKA BUNO KU LUTAMBI.
Bwebagamba nti ennaku z’Obubaka bw’omusajja omu zaggwaako, ago GE MAGI G’ENSIRI. Bwe bagamba nti Obubaka buno si ye Abusoluuti waabwe, ago GE MAGI G’ENSIRI. Bwe bagamba nti okuwuliriza entambi tekimala, ago GE MAGI G’ENSIRI.
Tewali kisinga ku Kunyiga obunyizi Zannya, ng’okimanyi nti osobola okugamba AMIINA eri buli kigambo. Tewali kifo kirala w’oyinza kukolera ekyo okuggyako ng’owuliriza Obubaka bw’ekiseera.
Kati ffe kifaananyi kya Yesu Kristo olwaleero. Ffe Kigambo kye ekyolesebbwa. Ffe be yalonda okufuna Okubikkulirwa kuno okw’ekitalo okw’ekiseera eky’enkomerero. Ffe MUGOLE WE.
Omugole we yekka y’ajja okuba n’Okubikkulirwa okwa nnamaddala okw’Ekitangaala kya leero. Bajja kumanya, Ekitangaala kino kijja kubatuukiriza. Ekitangaala kino ye Mwoyo Omutukuvu nga Ayogera okuyita mu mubaka we malayika.
Wandyagadde okutuula mu maaso g’Omusana gw’Ekiseera kino? Olwo nno nkwaniriza okujja okutwegattako Ssande ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda), nga bwetuwulira Waliwo Omusajja Wano Asobola Okuteekako Ekitangaala 63-1229M.
Owol. Joseph Branham.
Ebyawandiikibwa by’olina okusoma nga tonnaba kuwuliriza lukuŋŋaana:
Olubereberye 1:3, Essuula 2
Zabbuli 22
Yoweri 2:28
Isaaya 7:14, 9:6, 28:10, 42:1-7
Omut. Matayo 4:12-17, Essuula 24 ne 28
Omut. Makko Essuula 16
Okubikkulirwa Essuula 3
24-0128 Ebika Ebisatu Eby’Abakkiriza
Obubaka: 63-1124E Ebika Ebisatu Eby’Abakkiriza
- 24-0128 Ebika Ebisatu Eby’Abakkiriza
- 22-0710 Ebika Ebisatu Eby’Abakkiriza
- 17-0917 Ebika Ebisatu Eby’Abakkiriza
Omukkiriza omwagalwa,
Nga kya kitalo okugamba nti, NDI MUKKIRIZA. Si mu kikwate; wabula Ekigambo! Si mu kibiina ky’eddiini; wabula mu Kigambo! Si ekyo omuntu omulala ky’ayogera; naye Ekigambo kye kyogera!
Tetuteeka kabuuza ku kintu kyonna, tukikkiriza bukkiriza. Ka kibeere nti Kiwulikika kitya oba omuntu omulala yenna ky’alina okukyogerako, tuli mukkiriza wa nnamaddala. Tulina okubikkulirwa okw’omwoyo okw’Ekigambo.
Tulaba essaawa gyetubeeramu. Tulaba Obubaka bw’ekiseera. Tulaba omubaka w’ekiseera. Tulaba Katonda nga yebikkulira mu Kigambo Kye. Tulaba nga tewali kirala kyonna okuggyako Obubaka Buno, Omubaka Ono, Ekigambo Kino.
Omukkiriza owa nnamaddala tawulira kintu kirala okuggyako Ekigambo. Ky’ekyo kyokka. Atunuulira Ekigambo. Takinoonyako bituli bikirimu. Tanoonya miziziko gikyekweseemu. Akkiriza Katonda, era ekyo kikigonjoola, era yeegendera bwegendezi mu maaso. Olaba? Y’oyo omukkiriza.
Tetusobola kuwulira kirala kyonna okuggyako Ekigambo; Ekigambo ekyo ekijja eri nnabbi yekka. Tekiriimu bituli, si kuvvuunula kwa muntu omu, Ekigambo Ekirongoofu ekyayogerwa ne kiteekebwa ku ntambi ku lw’Omugole.
Omwoyo awadde Ekigambo ekyo obulamu mu ffe era Kifuuse kiramu. Olw’okukkiriza, tukiraba era tukikkiriza. Wajja kubaawo okuwuuma okuva mu Ggulu okunaaleeta okubatizibwa kw’Omwoyo Omutukuvu mu Mugole mu ngeri ey’omuggundo ennyo bw’etyo, okutuusa nga kujja kutusitula okuva ku nsi, mu Kisa eky’Okukwakkulibwa. Katonda yakisuubiza.
Tuteekebwa mu kugezesebwa buli kiseera, buli lunaku. Sitaani agezaako okutugamba ebigezo byaffe n’okugezesebwa mbu aba Katonda nga Atubonereza. Naye KATONDA ATENDEREZEBWE, si bwekiri, Sitaani y’akikola nga Katonda akiganyizza okuba.
Katonda ali mu kututeekamu bwegendereza, era Atwola alabe bwetweyisa. Okugezesebwa kujja kutukankanya, okututeekera ddala wansi ennyo, Alabe we tunaayimirira. Naye tuwangula buli lutalo, kubanga tuli byakulabirako ebiramu; ekigambo kya Katonda kibeera mu ffe era nga kiyita mu ffe.
Tuli ba muwendo kwenkana wa mu maaso Ge?
Teri n’omu asobola kutwala kifo kyo, ne bw’oba mutono otya. Ogamba nti, “Ndi mukyala bukyala ow’awaka.” Tewali asobola kutwala kifo kyo. Katonda, mu mbalirira y’entambuza y’emirimu gye ey’ekitalo, bw’Atyo bw’Agutegese ennyo nnyini, Omubiri gwa Kristo, mu nsengeka ennungi, okutuusa nga tewali ayinza kutwala kifo kyo.
Ekyo nga kya kitalo? Buli omu ku ffe alina ekifo. Buli omu ku ffe yali wano Katonda bwe yayogera ekigambo ensi n’etondebwawo. Omubiri gwaffe yaguteeka wano mu kiseera ekyo kyennyini. Katonda yatuteeka ku nsi mu kiseera kino okutuukiriza Ekigambo Kye era Atuwe Obulamu Obutaggwaawo.
Buli muntu alina okukola okusalawo. Oyimiridde wa ku Kigambo kino, Obubaka buno, omubaka ono? Kikulu kwenkana wa okuwulira Ekigambo ekyogerwa ku ntambi?
Okubuna mu bitundu byonna eby’enjawulo eby’ensi, entambi zino zikuyezeeyo yonna, obuweereza obungi obw’entambi .
Bwe Buweereza obw’olutambi obututumiziddwa okuva eri Katonda eri Omugole we okwetoloola ensi yonna. Bukubuulira wa wennyini w’oli, kiki kyennyini ky’oli, era oba ddala oli mukkiriza mu Kigambo.
Oli mu kimu ku bibiina bino. Mu mbeera yo gy’olimu eya kati kati, embeera ebirowoozo byo mwebitambulira mu buliwo kati, eyo, ggwe ali wano mu kibiina ekindabako kati, naawe alibeera mu kibiina ekitandabeko eky’olutambi luno, embeera eyo ebirowoozo byo byeginaabeeramu oluvannyuma lw’okuwuliriza olutambi luno, ekukakasa kibiina ki mw’ogwa.
Oluvannyuma lw’okuwuliriza olutambi luno, lukakasa kibiina kya bantu nnabaki b’ogwamu. Abamu bakkiriza nti weetaaga ekisingawo ku Kigambo ekitagattidwamu kantu ekyayogerwa ku ntambi. Abamu bakkiriza nti ennaku z’Obubaka bw’omusajja omu zaggwaako; mbu olina okuwuliriza omusumba wo ekitali ekyo obuze.
Enjawukana esinga obunene mu Bubaka leero bwe bukulu obuteekeddwa ku kuwulira entambi. Abamu bayigiriza nti kikyamu okuzannya entambi mu kkanisa; mbu musumba yekka y’alina okuweereza. Abamu bagamba nti waliwo kasavu kanyama, naye tebalinaayo lunaku lwe bazannya ntambi, oba bwe baba nga bakikola tekitera nga bw’okiwukira okubaawo.
Nga tulina ebirowoozo bingi nnyo, ebirowoozo bingi nnyo, okuvvuunula kw’Ekigambo kungi nnyo, mutuufu y’ani? Ani gw’osaanidde okukkiriza? Ekyo kye kibuuzo buli omu ku ffe ky’alina okwebuuza.
Nabbi yatugamba tukikebere n’EKIGAMBO, so si muntu yenna ky’ayogera. Ekyo okikola otya? Waliwo ENGERI EMU yokka ey’okukola ekyo, NYIGA ZANNYA.
Wateekwa okubaawo eky’okuddamu ekituufu, engeri entuufu. Buli muntu alina okwesalirawo. Ssande eno y’egenda okusalawo ebiseera eby’omu maaso by’abo bonna abawulira Obubaka buno.
Waliwo ky’osaanidde okwebuuza: Omuntu yekka alina Bw’ati bw’ayogera Mukama, y’ani? Empagi y’Omuliro yakakasa ani? Anaatwanjulayo eri Yesu y’ani? Eyayogera Ekigambo eky’obwa nnantakolansobi y’ani? Ebigambo byali by’ani ebyayogerwa ku nsi ne biba bikulu nnyo, okutuusa nga byawaawaalira mu ggulu?
Bw’oba nga wandyagadde okuba n’eby’okuddamu ebituufu, nnandyagadde nkwanirize okujja okuwuliriza Ssande eno ku ssaawa 6:00 (mukaaga) ez’omuttuntu, mu budde bwa Jeffersonville (z’essaawa bbiri ez’ekiro e Uganda), Obubaka : 63-1124E — Ebika Bisatu Eby’Abakkiriza .
Owol. Joseph Branham
Omut. Yokaana 6:60-71