All posts by admin5

22-0710 Xɔsetɔ Ƒomevi Etɔwo

Gbedasi: 63-1124E Xɔsetɔ Ƒomevi Etɔwo

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Xɔsetɔ Lɔlɔ̃tɔ,

Bu eŋu ko, Mawu, Amesi wɔ nuwo katã heɖoe ɖoɖo me la, ɖi va hezu ŋutilã le mía dome, be yeaɖe mí. Ke emegbe la Ado bubu mía ŋu alegbegbe kple Eƒe Amegbenɔnɔ gã la, alebena Wòanɔ tsitre ɖe afisia le nuvɔ̃nyigba sia dzi le ŋkeke mamleawo me, heɖo kpe Eƒe Nya dzi be ele nenema, elabena Nya ma kpɔ ŋkume na Eyama.

Gbɔgbɔ Kɔkɔe la gbɔ agbe Nya ma na mí. Egbɔ agbe. Le Xɔse me la míele ekpɔm. Míenyae be ele alea elabena Nya la gblɔe nenema, eye Gbɔgbɔ la gbɔa agbe Nya ma na mí. Azɔ míele ɖeka wɔm to Mawu ƒe Nya si ɖe ɖe go le ŋutilã me dzi, tututu ko abe alesi nyagblɔɖila gblɔ be Awɔe ene.

Xɔsetɔ la xɔ Nɛ sena, xɔa (Nuka) sena? Nya la. Menye dzixɔse o; Nya la! Menye kɔmahatsɔŋkɔ la o; Nya la! Menye nusi ame bubu aɖe gblɔ o; nusi Nya la le gbɔgblɔm ye!
Azɔ, miɖo ŋku dzi be, xɔsetɔ lae ma. Xɔsetɔ mebiaa Nya aɖeke sena o. Xɔsetɔ megblɔna be, “Aleke wòate ŋui ɖo? Ne mate ŋu ana woaɖe Egɔme!” Dzimaxɔsetɔ ye ma. Uh-huh. Xɔsetɔ ye, ema, meka nusi Wònye o la, “Ne Wònye Nya la la, Nya la Wònye! Ema nye Nyateƒe.” Xɔsetɔ lae ma.

Ele be nàxɔ sue ɖe sia ɖe kple vi ɖe sia ɖe dzi se, kple nu sia nu si wogblɔ le eme le Afima. Elebe wòanye nyateƒe. Ne nègblɔ be, “Nyemexɔ ema dzi se o. Ɖewo nye Mawu, ɖewo nye agbetɔ, ɖewo le me nye adegbe yiyi ŋutinyawo sɔŋ ko.” Enyo, ekema dzimaxɔsetɔ ye nènye. Xɔsetɔ mebiaa nya aɖeke sena o. xɔsetɔ xɔ Nɛ sena, meka alesi Wòle gbe ɖem alo nusi wòle be ame bubu aɖe nagblɔ kuɖe Eŋu o, meka alesi Wòle dzedzem o la, MÍEXƆE SE!

Ame sia ame si le afisia, fifia, ame sia ame si le nyaƒoka sia sem; ke togbɔ be gbeɖeka elebe madzo le xexe sia me hã la, nyaƒoka siawo woakpɔtɔ anɔ agbe. Esɔ gbe. Mikpɔea? Ke miele hatsotso siawo dometɔ ɖeka me. Ele be mianye wodometɔ ɖeka.

Míele agbe le ŋkeke mamleawo me eye edze be nàkpɔ wò agbea ɖa aɖakpɔ hatsotso si ƒomevi mee nèle. Ɖee nègblɔa be, “Mexɔe se be Mawu dɔ nyagblɔɖila aɖe si dzi woɖo kpe kple Dzo Lilikpo ɖa?” Egblɔ na mí be míaxɔ Nya ɖe sia ɖe dzi se. Be míagblɔ nusi le nyaƒokawo dzi TUTUTU eye migatrɔ nya Ɖeka le me o. Wole ʋɔnudrɔge mí kple nusi WÒGBLƆ LA, menye kple nusi amea ɖe gblɔ be eya gblɔ, alo nusi le gbɔgblɔm be egɔme wònye o, gake kple nusi gblɔm nyaƒokawo le.

Alo, ɖee nèle yiyi ge kple Kora kple Datan, kpakple amesiwo gblɔa bena, “Menye eyae nye ame kɔkɔe ɖeka si li o. Woyɔ ame bubuwo be woawɔ nusiawo si wòwɔ la. Miete na gbe ɖe Mawu ƒe nyagblɔɖila dzi akpa. Gbɔgbɔ Kɔkɔe la le míakplɔm fifia. Agbenɔɣi bubu yenye esi”.

Miele hatsotso siawo ƒe ɖeka me. Le miaƒe fifia ƒe nɔnɔme tututu azɔ, susu ƒe nɔnɔme fifia tɔ, bena, miele mi le afisia le nyasela siawo siwo kpɔm mele kple ŋku do me, kple mi amesiwo le nyaƒoka sia selawo siwo kpɔm nyemele kple ŋku o dome la, miaƒe susu ƒe nɔnɔme fifiatɔ le nyaƒoka sia sese megbe la, le kpeɖom hatsotso si me miele la na mi la dzi. Egblɔa afisi miele la na mi tututu, ne mienye xɔsetɔ le Nya la me eye mianɔ anyi Kplii lo miazɔ ado go, lo miatsi nyaƒoka ma.

Woakafu Aƒetɔ la ƒe Ŋkɔ, míenye XƆSETƆ akuakuawo, menye ame aɖe si dzi ame bubu aɖe ƒo nya ɖo o; menye kple nu bubu aɖe o, gake Gbɔgbɔ Kɔkɔe la ɖe Nya la Ŋutɔ fia mí. Míele Nya la si wona emekɔ ƒã, ɖo kpe edzi heɖe ɖe go kpɔm.

Wodo mi kpɔ kple dodokpɔwo, mɔdodowo siwo yɔ fũ kple ʋuʋudedi, yometiti ƒe ŋdɔkutsu xɔdzo la, gake míaƒe dziwo ƒe nuteƒewɔwɔ le ƒoƒom kple Nya la ƒe dɔwɔnu ma. Míele gbesɔsɔ azɔ be míazɔ ayi ɖe bafinya me. Míenye Mawu ƒe viwo, siwo wowɔ tututu ɖe Eƒe Nya dzi. Míenye kpɔɖeŋu gbagbewo, eye Mawu ƒe Nya le agbe nɔm to míame. Dodokpɔwo vaa be yewoaʋuʋu mí, be yewoana míayi ɖe keke to me ɖaa ke, be woakpɔ afisi míanɔ tsitre ɖo ɖa. Gake míate ŋu aʋã o, míele tsitre ɖe Nya ɖe sia ɖe dzi.

Ɖo esime Wòle amesi nènye la gblɔm na wò.

Ɖo ŋku edzi ko be wò akpa ɖe sia ɖe nɔ afisia, esime Mawu ƒo nu xexeame dzɔ. Ede wò ŋutilã afisia tututu. Eye naneke mate ŋu aɖe ɖa o, negbe Mawu.

Naneke mate ŋu Aɖee ɖa le gbɔwò o. Ame aɖeke mate ŋu axɔ wò teƒe meka alesi nèle sue o. Àgblɔ be, “nyɔnu aƒedzikpɔla aɖe ko menye.” Ame aɖeke mate ŋu axɔ wò teƒe o! Mawu, le Eƒe nudzraɖoƒe gã me la, ɖo Kristo ƒe Ŋutilã le ɖoɖo me alegbegbe, wɔe be ame aɖeke mate ŋu axɔ wò teƒe o.

Ŋutikɔkɔe… Aleluya…Aɖo to Mawu ƒe Nuɖuɖu si wodzraɖo ɖi la le gã dom wu hele GÃ DOM WU ɖe dzi. Ga wu míele Mawu sem wòle nuƒom to Eƒe gbedeasitsɔla tiatia la dzi hele amesi míenye la gblɔm na mí la, gã wu míaƒe Xɔse zua.
Dzidzɔkpɔkpɔ si gbɔ eme be woanya be:

•Míenye “XƆSETƆ AKUAKUAWO”
•Míenye “WO DOMETƆ ƉEKA”
•Míenye “ŊUGBETƆ LA”

Medi be MAKPE wò be NAZI PLAY kplim, Branham Ƒe Agbadɔ la, kpakple Ŋugbetɔ ƒe akpa aɖe tso xexea katã me le ŋdɔ ga 12 me, le Jeffersonville ƒe game, esime míele ƒu ƒo ge ɖe du tso Ɣedzeƒe, Ɣetoɖoƒe, Dziehe kple Nyiehe aɖase: Xɔsetɔ Ƒomevi Etɔwo 63-1124E. Nusi Gbɔgbɔ Kɔkɔe la le míakplɔm be míawɔ lae nye esi. Na míawo la, Mawu ƒe ɖoɖo lae nye esi.

• Zi Play: Nyaƒoka kake Mawu ɖo wòdzi dzi.

• Zi Play: Ɖo to le ɣeyiɣi ɖe sia ɖe si nètia la dzi.

• ZI PLAY: Yenye nye gbedeasi na wò.

Nɔvi. Joseph Branham

Yohanes Kɔkɔe 6:60-71

22-0703 Nukae Mawɔ Kple Yesu Si Woyɔna Be Kristo?

Gbedasi: 63-1124M Nukae Mawɔ Kple Yesu Si Woyɔ Be Kristo?

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Hɔ̃ Lɔlɔ̃awo, mina mí katã míaƒo ƒu ɖekae eye míase Gbedasi 63-1124M – Nukae Mawɔ Kple Yesu Si Woyɔna Be Kristo? Kwasiɖagbe sia le ŋdɔ ga 12:00 me, le Jeffersonville ƒe game dzi.
Nɔviŋutsu Joseph Branham

22-0626 Amesi Le Miame

Gbedasi: 63-1110E Amesi Le Miame

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Ŋugbetɔ Xɔse Gãtɔ Lɔlɔ̃tɔ,

Menya be esia nye lɛta bɔbɔe aɖe ko si me gbeŋutise si mesɔ o le, gake medi be xexeame nanya be míexɔ nya ɖesiaɖe si míaƒe nyagblɔɖila gblɔ dzi se eye míelɔ̃ ɖe edzi be enye Ale Aƒetɔ La Gblɔe Esi. Ne míese egblɔ nya aɖe le nyaƒoka dzi la, Míexɔe se, Míexɔe, eye emegbe mía ŋutɔwo Míexɔe abe Mawu ŋutɔ le nu ƒom na mí tẽ ene.

Woɖe gbeƒãe, eye Mawu ƒe Nya la ɖo kpe edzi bliboe, be mate ŋu anye amegbetɔ o, ele be wòanye Mawu.

Míexɔe se be ŋutilãmedzesi mawo ke dze le anyigba dzi egbea siwo dze esime Yesu nɔ afisia. Dzo Sɔti ma ke si Paulo Kɔkɔe kpɔ kple Dzɔdzɔme ma ke, nɔ nu ma ke wɔm la, va le míaƒe ŋkekea me. Mawue le nu ƒom na mí tẽe be:

Gbɔgbɔ me dzesi ma ke si tututu Eŋutɔ Ɖe fia be Yenye Mesia la, ɖe Eyama fia egbea. Egakpɔtɔ nye Mesia la!

Àte ŋu axɔ yayra gã siawo NE èxɔe se be Nya ɖesiaɖe nye Ale Aƒetɔ La Gblɔ Esi, to play zizi me. Nenye be ènye ame aɖe si mexɔe se nenema o, eye wòle be nàtso nya me le nunya me alo to ame aɖe ƒe gbɔgblɔ na wò me be: “Aƒetɔ la ƒe Nyae nye esia, eye Nɔviŋutsu Branham ƒe nuƒoƒo koe nye esia,” la ekema esia menye tɔ wò o.

Le ɣeyiɣi si me Mose kplɔ Israel-viwo la, ɖeka nɔ anyi, eyae nye Mose. Ðeko wo dometɔ mamlɛawo dze Gbedeasia yome. Mikpɔea?

Gake egbea, na mí amesiwo XƆESE NENEMAE LA, míaƒe dziwo yɔ fũ kple dzidzɔ eye wole gogbam ale gbegbe be, míate ŋu aɖu mía ɖokuiwo dzi kura o.

Mesena le ɖokuinye me be Eɖe mí. Mesena le ɖokuinye me be míaƒe ŋkɔwo le Eƒe Agbalẽa me. Mexɔe se be Alẽvi la ƒe Ʋu lae ɖe mí.

Esi míexɔe se be Gbedasi sia nye Mawu ƒe Gbe si le nu ƒom na mí tẽ ta la, míexɔ esia be Mawu ŋutɔ le nu ƒom na mí tso nuyi me yi to me. ÐIKEKE AƉEKE meli be míaƒe ŋkɔwo le Eƒe Agbalẽa me o.

Magblɔe alea dzro, Yesu Kristo ƒe subɔsubɔdɔ si gbugbɔ dzɔ le Eƒe Hamea me le ŋkeke mamlɛ sia me. Emae nye nusi dzi mía dometɔ geɖe xɔ se. Mexɔe se kpli mi.

Alea tututue míexɔe se, Yesu Kristo gbugbɔ dzɔ, nɔ nu ƒom na Eƒe Ŋugbetɔ le nyaƒoka dzi.

Ɣesiaɣi si míezia play dzi la míaƒe xɔse ɖoa kɔkɔƒe yeyewo. Menye mawunyagblɔla bubu aɖe koe nye esia le nu ƒom o, Mawu Ŋutɔe nye esi le nu ƒom na mí. Nya dzadzɛ 100% koe dim míele.

Na mabia nya aɖe wò. Ðe William Marrion Branham nye wò pastɔa? Ðe eyae nye Mawu ƒe dɔla kple gbedeasitsɔla adrelia si dzi woɖo kpeea? Èxɔe se be nusi wòbia tso Mawu si be wòawɔ la, be Mawu wɔea? Èxɔe se be enye Mawu ƒe Gbe na ŋkeke siaa? Èxɔ nya ɖe sia ɖe si wògblɔ la dzi sea? Ekema wogale wòyra ge wu nyagbɔgblɔ Kwasiɖagbe.

Mɔ bubu aɖeke meli si dzi nàto axɔ yayra sia o negbe ɖe nèle to ɖom nyaƒokawo eye nèxɔe se be nusi sem nèle la nye Ale Aƒetɔ La Gblɔ Esi. Ele be nàxɔe ase be nya si gblɔm wòle lae nye Mawu si le nu ƒom na wò tẽ.

Nye, abe miaƒe pastɔ, mianɔvi ene, kple xɔse si le asinye la, mebia Mawu be wòatsɔe ade miadzi. Mexɔe se be maxɔ nusi mebia la. Azɔ ne miexɔe se kplim la; Metsɔ xɔse si le asinye la na mi hena gaƒoƒo sia.

Le mía gome la, eyae nye míaƒe kplɔla. Ame aɖeke meli le xexeame si si Xɔse le wu, alo lolo wu MÍAƑE PASTƆ, Mawu ƒe nyagblɔɖila o. Fifia Mawu ƒe nyagblɔɖila bia tso Mawu si be wòana EƑE XƆSE GÃ la mí. NE èxɔe se kple wò dzi blibo la, Azɔ enye WÒ XƆSE…. ŊUTIKƆKƆE, MÍEXƆE SE!!! Míaƒe Xɔse ate ŋu agbɔdzɔ hafi, gake megagbɔdzɔ zɔ o, elabena eƒe XƆSE le mía si fifia.

Ke azɔ, le Yesu Kristo, Mawu ƒe Vi la ƒe Ŋkɔ me la, gbe nu le wò fukpekpe, wò dɔléle gbɔ, eye nàgblɔ nɛ be, “Ele be nàdzo,” ‘elabena wò xɔse le asiwò, kpe ɖe nye xɔse ŋu, kple Yesu Kristo ƒe ŋusẽ, Amesi ƒe afisiafi nɔnɔ le afisia be yeatsɔ aɖo kpe edzi eye yeatsɔ afia be Yele afisia la, ana nàhaya le ɣeyiɣi sia me.

Nukae mate ŋu agblɔ si ana be nàva wɔ ɖeka kpli mí eye nàxɔ yayra gã sia? Bu eŋu kpɔ, nusianu si nèhiã la, àte ŋu akpɔe ne èva ɖo to eye Nàxɔe ase ko.

Va ɖo to Kwasiɖagbe le ŋdɔ ga 12:00, Jeffersonville ƒe game dzi, kple Ŋugbetɔ la. Míele ƒu ƒo ge ƒu eye míaɖo to tso Ɣedzeƒe, Ɣetoɖoƒe, Dziehe kple Anyiehe, míakatã le ɣeyiɣi ɖeka me, esime Ale Aƒetɔ la Gblɔ Esi aƒo nu na mí eye wòagblɔ nusianu na mí tso: Amesi Le Miame 63-1110E la ŋu na mí.

Ne màteŋu aɖo to kpli mí le ɣeyiɣi ɖeka me Kwasiɖagbe o la, mehiã o, ɖeko nàzi play dzi ɣesiaɣi eye nàɖo to eye nàxɔ nusi sem nèle la dzi ase be enye Mawu ƒe Gbe si le nu ƒom na wò.

Nɔvi. Joseph Branham

22-0619 Luʋɔ Siwo Le Gaxɔ Me Fifia

Gbedasi: 63-1110M Luʋɔ Siwo Le Gaxɔ Me Fifia

PDF

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Fofo Lɔlɔ̃a, nukae magate ŋu aŋlɔ egbea alebe Nàte ŋu azãm, le nɔnɔme sue aɖe me, atsɔ ade diƒo na Wò Ŋugbetɔ xɔasi laa?

Mawu va le míaƒe ŋkeke me henɔ agbe le amegbetɔ ŋutilã me, le ŋutsu aɖe si ŋkɔ nye William Marrion Branham me, alebena Wóate ŋu aɖe Nya la fia aɖawu eŋu. Emae nye Yesu Kristo ƒe ɖeɖefia le míaƒe ŋkeke me.

Be woase Gbe ma aɖaxɔ Nya ɖe sia ɖe dzi se be enye Mawu ƒe mɔ ɖeka si wona na egbe. Edɔ ame geɖewo siwo wosi ami na kple Eƒe Gbɔgbɔ Kɔkɔe ɖo ɖe xexeame, gake Ame ɖeka ko wòdɔ̃ heƒo nu to edzi be yeaɖe Yeƒe Nya afia aɖakplɔ Yeƒe Ŋugbetɔ la.

Metrɔa Eƒe Ɖoɖo alo Eƒe Alesi wòwɔna nuwoe kpɔ gbeɖe o. Alesi Wòwɔe zi gbãtɔ la, nenema Wòwɔnɛ ɣesiaɣi. Eya Ŋutɔ kplɔa Etɔwo, kple Dzo Lilikpo la.

Mienye Mawu ƒe Ŋugbetɔ si wotia hetia eye naneke meli si abosam ate ŋu awɔ alo agblɔ si ate ŋu axɔ ema le miasi o, NANEKE O! Eɖo mi ɖi do ŋgɔ na xexeame ƒe gɔmeɖoɖoanyi ke. Enya mi xoxoxo le ɣeyiɣi ma me, eye mienɔ anyi Kplii le ɣeyiɣi ma me. Enya miaƒe ŋkɔ xoxoxo. Enya nusianu kuɖe mia ŋu xoxoxo. Enya miaƒe nyui kple vɔ̃wo xoxoxo. Enya miaƒe gegewo xoxoxo, miaƒe vodadawo, eye Ekpɔtɔ lɔ̃ mi, elabena mienye Eƒe akpa aɖe.

Eƒe Nya ko miaƒe luʋɔ ate ŋu ɖu. Naneke mate ŋu aɖikɔ na mi o negbe Eƒe Nya la. Mielɔ̃a Eƒe Nya xexlẽ kple ŋugbledede le Eyama ŋu, gbedodoɖa tso miaƒe dzi ƒe gogloƒewo ke, gake ne miese Eƒe Gbe wòle nuƒom teŋ na mi la, ekɔa mi yi dzi yi le ɣeyiɣi ƒe xɔmetsovɔ la godo. Elabena mienyae bena mienɔ anyi kple Eyama le Dziƒo nutowome esime Wòle nuƒom tso nuɣi dzi yi ɖe tome na mi, hele Eƒe Nya ɖem fia, le ŋku ɖom edzi na mi be, MIENYE NYE ŊUGBETƆ.
Abosam ate ŋu anɔ zizim aɖanɔ zizim aganɔ zizim ɖe mia dzi. Àte ŋu aɖiɖi ɣeaɖewoɣi kakaka aɖase le ɖokuiwò me be enye amesi kpɔ gege deblibo; ase le ɖokuiwò me wòe dze agɔ le edzi wu ame sia ame. Wòenye vɔ̃ɖitɔ kekeake ƒe vɔ̃ɖitɔ kekeake la, gake le afiaɖe la, le eme ɖaa le wò luʋɔ me la, esea Gbe Vi Fatu ma agblɔ na wò be: “Naneke mate ŋu amawò ɖa le Nye Nya gbɔ o, NYE NYA YE NÈNYE. Mede wò ŋkɔ Nye Alẽvi La Ƒe Agbe Gbalẽ Me, Nyeŋutɔ.”

Nukae mate ŋu agblɔ aɖade dziƒo na mi egbea? Mizi play ko gbesiagbe eye miase Mawu ƒe Gbe wòaƒo nu aɖagblɔ na mi be: Ale Aƒetɔ La Gblɔ Esi.

Wokpe mi be miatu Ŋugbetɔ la Kɔsiɖagbe sia le ŋdɔ ga 12 me, Jeffersonville ƒe game, esime míaƒoƒu ɖe du be míase Gbe Vi Fatu ma: 63-1110M Luʋɔ Siwo Le Gaxɔ Me Fifia.

Nɔvi. Joseph Branham

Ŋɔŋlɔ siwo woaxlẽ:

Mose I 15:16
Mateo Kɔkɔe 23: 27-34
Yohanes Kɔkɔe 4: 23-24/6:49/14:12
Petro I 3:18-22
Petro II 2:4-5
Yuda 1:5-6

22-0612 Dzodzodzoetsitsi

Gbedasi: 63-0901E Dzodzodzoetsitsi

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Mawu ƒe Ʋu kadodo, Dzesi kadodo, Nubabla dukɔ lɔlɔ̃a.

Miɖo ŋku dzi ko be, míenye Xawa o, míenye ɖikela siawo dometɔ ɖeka siwo le ƒoƒose wɔm kple Satana o. Xɔse maʋamaʋa le mía si ɖe Nya sia me! Míelé Mawu ƒe Nya ɖe sia ɖe si Wòŋlɔ hegblɔ ɖe Nyaƒokawo dzi me ɖe asi sesĩe. Ena mí XƆSE DEBLIBO.

Míele xɔse gã aɖe si wòdze be wòanɔ míaŋutɔwo me dzi kpɔm o. Míele agbagba dzem be míanyo kakaka o; míete ŋu le nyonyo ge kakaka kpɔ gbeɖe o, míele ƒu da ge kokoko. Menye nu ma mee Wògblɔ na mí be míaɖo xɔse ɖo o. Egblɔ be xɔse nanɔ mia si eye mixɔ NYA ƉE SIA ƉE si Wògblɔ dzi se be enye Ale Aƒetɔ La Gblɔ Esi. MÍELE EWƆM eye Wòna mí XƆSE DEBLIBO ƉE EƑE NYA ME.

Mina míase nusi Gbɔgbɔ Kɔkɔe le nanam abe akɔŋta hele gbɔgblɔm na Fofo la kuɖe mía ŋu la ɖa.

“Meɖo to wò sededeawo. Medi hekpɔ ame ƒe hatsotso sue aɖewo siwo kaka ɖe xexea katã me. Medɔ nyaƒokaƒola aɖewo ɖo ɖe woƒe aƒe me eye woƒo nyaƒoka aɖewo. Esime wose nyaƒokawo la, woxɔ Nya ɖe sia ɖe dzi se. Azɔ wotrɔ woƒe aƒe zu hame be wòaxɔ Gbedeasi la. Wonye Wò Hɔ̃wo siwo le ƒuƒom be yewoase Wò Nya la.

Megblɔ na wo be amesiwo katã ava Dzesi La, gaƒoƒo la ƒe Gbedeasi la te la, woakpɔ ɖeɖe. Megblɔ na wo bena woazu Ɖeka kpli Wò kple Wò Nya la. Ne Wòwɔ dɔ ɖe wodzi la, ekema zã Dzesi ma ɖe woviwo dzi. Zãe ɖe woƒe lɔlɔ̃tɔwo dzi eye kplɔwo va Dzesi ma te ke woawo hã woakpɔ ɖeɖe.

Megblɔ na amesiwo nɔ nyaƒoka la sem be: Mebia wo na Mawu. Woxɔ Esia se esime Megblɔ Esia, kple woƒe dziwo kple luʋɔwo katã.
Tɔnye wonye, amesiwo melɔ̃na siwo le nyaƒokawo sem.

Megblɔ na wo be woalé ŋku ɖe nusi ava le Nutrenu Adreawo megbe ŋu: amewo ƒe ɖekawɔwɔ, dzesiwo ƒe ɖekawɔwɔ, dzodzĩ si le keklẽm mĩamĩamĩa le ŋkeke mamleawo me, wotsyɔ ta na wo le nu ɖeka sia me, Dzesi la.”

Oo, Hame, tso eye ʋuʋu ɖokuiwò! Do fetsu wò dzitsinya, nyo ɖokuiwò, le gaƒoƒo sia me! Edze be míatsi dzodzodzoe! Nane gbɔna tso Aƒetɔ la gbɔ! Menyae abe ALE AƑETƆ LA GBLƆ ESI ene. Nane gbɔna, eye anyo na mí wu be míatsi dzodzodzoe. Ele Agbe kple ku do me. Ato mía ŋu eye míakpɔe o.

Míenya bena nane le dzadzraɖo wɔm be yeadzɔ. Aƒetɔ la ƒe vava anye dzodzo kpata, kple aɖzametɔ. Míezu amesiwo tsi dzodzodzoe. Ɣeyiɣi la tu aƒe. Míede dzesi Dzesi la na míaƒe ŋkeke la eye wozãe.

Míele ŋutititozã ƒe dzesiwo ŋuti dɔ wɔm le Kɔsiɖagbe sia esi woɖu le nɔnɔme kpata aɖe me, le dzodzodzoetsitsi ƒe ɣeyiɣiwo me. Míele ƒuƒom ɖe du le xexea katã me, le Eƒe Nya ŋu.

Va kpɔ gome le nudzɔdzɔ gã sia me Kɔsiɖagbe sia le wòtrɔ ga 4 me, Jeffersonville ƒe game, esime míaƒoƒu be míase Nya : 63-0901E —Dzodzodzoetsitsi.

Nɔvi. Joseph Branham

Mose II 12:11
Yeremya 29:10-14
Luka Kɔkɔe 16:16
Yohanes Kɔkɔe 14:23
Galatiatɔwo 5:6
Yakobo Kɔkɔe 5:16

22-0529 Xɔse Deblibo

Gbedasi: 63-0825E Xɔse Deblibo

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Xɔse Deblibo Ƒe Ŋugbetɔ Lɔlɔ̃a,

Zi ɖeka ake la, mekpɔe be gbɔgblɔ mele eŋu be woagblɔ nusi Gbedeasi sia, Mawu ŋutɔ ƒe Lɔlɔ̃ letawo, si woŋlɔ kple Eƒe Ʋu, si woɖe gblɔ kple Eƒe Gbe, nye na mí o. Nububu ɖe sia ɖe menye naneke na mí o. Míelɔ̃a Eyama tso míaƒe dzi ƒe gogloƒewo me eye Esia na mí Lɔlɔ̃ Deblibo na Eyama. Naneke mate ŋu ate mí ɖa le Nya ma gbɔ o. Dzidzemekpɔkpɔ aɖeke mele míaƒe agbewo me wu be míase Eyama wòadoka kpli mí abe Xɔlɔ̃ kple xɔlɔ̃ ene o.

Menye míawo ŋutɔ gɔ hã wònye o, Eyae wònye le agbenɔm le míame, le ameyɔm do go va Eɖokui gbɔ. Enye gogloƒe si le gogoƒle yɔm. Dzidzɔkpɔkpɔ be míele nyaƒoka dzi zim eye be míase Mawu wòazã amegbetɔ ƒe gbe aɖagblɔ na mí be, míenye Eƒe ametiatiawo. Be wòagblɔ na mí be Yelɔ̃ mí do ŋgɔ xexeame ƒe gɔmeɖoɖoanyi; elabena Enyae be míele Ye lɔ̃ ge kple nusiwo katã le mía me, eye míawɔ nuteƒe na Eyama kple Eƒe Nya la.

Nusiwo katã míehĩa la, Etsɔe na mí. Naneke meʋete o. Eŋlɔ Eƒe Nya le leta ƒe nɔnɔme me heli ɖi na ƒe akpe akpewo alebe wòate ŋu gblɔ Lɔlɔ̃ sɔŋ si nɔ Eƒe dzi me na mí.
Emegbe la Eƒe lɔlɔ̃ zu gã wu na mí ŋutɔ gɔ hã esime Wògblɔ na mí be: “Magatrɔ gbɔ va le ŋutilã me zi ɖeka ake aɖaƒo nu tso nuɣi me yi to me na mi alebe nugɔmemasemase, tsakatsaka maganɔ anyi o, gɔmeɖeɖe magahĩa o. Matsɔ Nye ɣeyiɣi aɖaɖe Nye Lɔlɔ̃ gblɔ na mi, eye nutete asu miasi be miagbugbɔ se aɖase agase ake. Medi be mianyae be, Fofo la le Menye, Mele miame, miele Menye, míele ƉEKA. Miaƒe ŋutilã nye nye Ŋutilã, miaƒe ƒu nye nye Ƒu, miaƒe gbɔgbɔ nye Nye Gbɔgbɔ.

Magblɔ nusiwo katã le Nye Dzi me na mi la tsitotsito. Mana eme nakɔ ƒãa alegbegbe be mianyae ɖikeke aɖeke manɔmee be, Nya siwo meŋlɔ heɖegblɔ la nye miatɔ, eye womadaƒu kpɔ o.

Mana mi Xɔse Deblibo, eye Anye Aƒetɔ na nɔnɔme ɖe sia ɖe. Meka nusi futɔ la gblɔ o la, Aɖu dzi esime Xɔse Deblibo le mia si le nusi Nye Nya gblɔ be mienye la me. Meka nusi futɔ la le agbagba dzem be yeagblɔ na mi o la, miawo la migaɖotoe gɔ hã o. Miaƒe towo ku na nububu ɖe sia ɖe negbe nusi Nye Gbɔgbɔ gblɔ na mi vɔ ko. Eku seke ɖe miaƒe dziwo me, eye naneke mele miate ge ɖa le Egbɔ o.”

Xɔse Deblibo ma si le mía si le sidzedze Gbedeasi sia me be enye Ale Aƒetɔ La Gblɔ Esi la, míele XƆSE DEBLIBO ma ke zãm na ŋugbedodo ɖe sia ɖe si Wògblɔ na mí be enye míatɔ le Eƒe Nya me. Ne míedze dɔ hehĩa dɔyɔyɔ la, enye míatɔ. Ne míehĩa nu ɖe sia ɖe la, ate ŋu asu mía si, elabena míezu amesiwo wo si ami na kple Eƒe Gbɔgbɔ la. Míenye Eƒe mesiya ŋkeke mamlea tɔ siwo wosi ami na, siwo le Yesu Kristo ƒe tsitretsitsi fiam.

Enye lɔlɔ̃ ƒe nya Esime Wòle Eɖokui kɔm ɖe mía me. Míele ƉEKA zum kple Eyama hena Srɔ̃ɖeɖe Nuɖuɖu la. Eƒe Gbɔgbɔ le afisia kpli mí kple le mía me. Nu ɖeka koe le mía si be míawɔ, ke eyae nye be Miaxɔe se, alɔ̃ Axɔe.

Míenye Mawu ƒe dɔla kple Gbedeasitsɔla 7lia o, gake míenye Eƒe viŋutsuwo kple vinyɔnuviwo. Míaƒe asiwo nye Eƒe Asiwo. Míexɔ nusi wogblɔ le nyaƒoka dzi be enye Ale Aƒetɔ La Gblɔ Esi. Enye Nya gbagbe la.

Eƒe nyagblɔɖila nye míaƒe kplɔla. Esi míele Nya si wolé ɖe mɔ̃ dzi sem la, míexɔe se be Enye Mawu si le nu ƒom na mí teŋ. Xɔse Deblibo le míasi le emadzi xɔxɔ se me.

Esime míele ƒuƒom ɖe du le xexea katã me be míase Mawu wòaƒo nu na mí to Eƒe nyagblɔɖila dzi la, míaƒe xɔse le dzi dem bobobo esime Mawu le Eƒe Ŋugbetɔ hem va ɖe du le Eƒe Nya si dzi woɖokpe la ŋu.

Ŋkeke aɖeke manɔ anyi abe etsɔ ene o. Míele míaƒe Xɔse Deblibo si Wòna mí tsɔ ge eye míele Ezã ge na nukake hĩa mí, eye míele exɔ ge esime Dzo Lilikpo la anɔ nuƒom to Eƒe gbedeasitsɔla tiatia la dzi aɖagblɔ na mí be:

Ɖee mienya nusi mewɔ na mi laa? Mieyɔm be, “miaƒe kplɔla”; eye miegblɔe nyuie, elabena eyae menye. Ne Yesu Kristo de dzesi nye, miaƒe kplɔla, be Mele Eƒe dɔ wɔm la, ekema mixɔ nye Nya dzi se. To xɔse ƒe dɔ sia wɔwɔ me, to nye asiwo dada ɖe mia dzi la, mebufɔ̃ dɔvɔ̃ kple teteɖeanyi sia si le nuƒo dom na mi. Mixɔe se, ke miaxɔe, meka nusi wònye o, elabena nusianu le bɔbɔe na amesiwo xɔase. Eye ne miele gbedom ɖa la, mixɔe se be miexɔ nusi miebia la. Ke mexɔe se vavã be mexɔe, eye le nye dzi me la melɔ̃ xɔ miadometɔ ɖe sia ɖe ƒe dɔyɔyɔ, melɔ̃ xɔe, be eva me. Mexɔe se, Mexɔe se kple nusiwo katã le menye.

Míexɔe se kple nusiwo katã le mía me be, Gbedeasi sia nye Mawu Ƒe Gbe, si woɖe gblɔ, lé ɖi ɖe mɔ̃ dzi, ɖo kpe dzi hedzraɖo ɖi na ŋkeke sia. Míexɔe se be nukake míebia la, míele exɔ ge, elabena Enye ALE AƑETƆ LA GBLƆ ESI MÍATƆ WÒNYE.

Va tu mí Kɔsiɖagbe le ŋdɔ ga 12 me, Jeffersonville ƒe game, be nàxɔ nukake nèhĩa esime míaɖo to Mawu ƒe nyagblɔɖila wòagblɔ na mí alesi míawɔ axɔ: Xɔse Deblibo 63-0825E

Ŋɔŋlɔ siwo woaxlẽ:

Marko Kɔkɔe 11:22-26/ 16:15-18
Yohanes Kɔkɔe 14:12/15:7
Hebritɔwo 11:1/4:14
Yakobo 5:14
Yohanes I 3:21

22-0522 Aleke Mawɔ Aɖaɖudzii?

Gbedasi: 63-0825M Aleke Mawɔ Aɖaɖudzii?

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Lɔlɔ̃tɔ Siwo Wɔ Ɖeka,

Ɣeyiɣi kple Mavɔmavɔ le ɖeka wɔ ge esime Mawu kple Etɔwo le ɖeka wɔ ge.

Mele miakpem be miava wɔ ɖeka kple Mawu ƒe Ŋugbetɔ la aɖase Gbedeasi 63-0825M Aleke Mawɔ Aɖaɖudzii? Kɔsiɖagbe sia le ŋdɔ ga 12 me, Jeffersonville ƒe game.

Nɔviŋutsu Joseph Branham

Ŋɔŋlɔ si woaxlẽ doŋgɔ na subɔsubɔ la:

Nyaɖeɖefia 3:21-22

22-0515 Ɖekawɔwɔ Ƒe Ɣeyiɣi Kple Dzesi

Gbedasi: 63-0818 Ɖekawɔwɔ Ƒe Ɣeyiɣi Kple Dzesi

PDF

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Ŋugbetɔ Lɔlɔ̃ Gbãtɔa,

Esime míenɔ anyi ɖe du le Dziƒo nutowome le xexea katã me Kɔsiɖagbe la, míenɔ to ɖom Mawu ƒe Gbe ɖeka si dzi woɖo kpe wònɔ nuƒom na mí. Abe kokoko ene la, míenɔ mɔkpɔkpɔ gã aɖe me be míase nusi gblɔ ge Wòala na mí. Nukae Gbɔgbɔ Kɔkɔe la aɖe afia mí egbe mahã?

Ɖewomahĩ míese Eƒe Nyawo zi geɖe tsã, gake míenyae be ŋkeke ma le vovo to ge. Míele nane se ge si míese kpɔ tsã o. Míele Ɖeɖefia xɔ ge wu esi ŋu míate ŋu bu gɔ hã. Ele míaƒe dziwo, míaƒe susuwo kple luʋɔ ʋu ge, aɖaɖe nane si wòle be, woaɖe fia FIFIA, le Eƒe azãgbe nyuietɔ la me.

Ekema Eva me. Nyagbe gãtɔwo kekeake si Ŋugbetɔsrɔ̃ la ate ŋu agblɔ aɖaɖe fia Eƒe Ŋugbetɔ la, “Miawoe nye Tanyenye la ƒe blibodede keŋkeŋ le ŋutilã me, gbãtɔa la. Nusiwo katã Menye va yi la, Metrɔe ɖe Kristo me; nusiwo katã Kristo nye vayi la, Metrɔe ɖe MIAME. MIAWOE NYE nye Nya Ŋugbetɔ tiatia la.”

Míaƒe ameti la katã dzo kpo kple dzidzɔ. Ɖeko Fofo la gblɔ na mí bena, míenye Eƒe Ŋugbetɔ la. Míawoe nye amesiwo Wòlɔ̃na. Wodo fu mí kple Eƒe Nya la, ke Eƒe Nya ƉEƉEKO. Míaƒe vidzidɔ tu do nu bubu ɖe sia ɖe. Elala, hedi mí vevie…ƉE MÍATA!!

Ke minya nusia? Medɔ amebubu aɖeke ɖo ɖa be wòagblɔ Nya siawo na mí o, Eva heganɔ amegbetɔ ŋutilã me zi ɖeka ake, alebena Wòate ŋu aƒo nu teŋ, tso nuɣi me yiɖe to me, aɖa GBLƆ NA MÍ BE: “Melɔ̃a mi, nye Ŋugbetɔ dzi lɔlɔ̃a.”

Míelɔ̃a hadzidzi, míelɔ̃a kadodo, míelɔ̃a ƒuƒoƒo ɖe du kple xɔsetɔwo, gake nusi míelɔ̃a kekeake yenye Mawu ƒe Gbe sese; Ale Aƒetɔ La Gblɔ Esi, si le nuƒom na mí teŋ. Gbedeasi Ɖe sia ɖe nye lɔlɔ̃ leta tɔxɛ NA MÍ. NYA ɖe sia ɖe si Wòdi be yeagblɔ na mí la Edee nyaƒoka dzi alebe míaŋutɔwo míasewo.

Nukae gblɔ ge Wòala aɖaɖe fia mí Kɔsiɖagbe sia esime míaƒoƒu mahã? Kae nye azãgbe laa ?

Yesaya ƒo nu hegblɔ be, “Ɖetugbui le aƒe afɔ fu eye wòadzi viŋutsuvi aɖe”, gake ƒe 700 megbe hafi azãgbe la va ɖo be wòava me. Fia Dawid gblɔ bena, “Woŋɔ nye asiwo kple nye afɔwo,” gake Mekpɔ nye azãgbe lae nye ema be wòava me o elabena ega susɔ ƒe 1000.

Mawu ƒo nu to míaƒe nyagblɔɖila dzi le míaƒe ŋkeke me hegblɔ nu geɖewo siwo mate ŋu ava me o negbe egbe. Míele dukɔwo kpɔm wole ɖeka wɔm kple xexeame wu gbeɖe tsã. Míesusui be kɔmunism la nye nusi vayi vɔ be wotsrɔe, ke azɔ míele ekpɔm be ele agbe ŋutɔ henye dɔwɔnu le Mawu ƒe asiwo me, esime eya gblɔ nya ɖi va yi hegblɔ na mí be eyae wònye.

Xexeame susui be dukɔwo dome nyaʋiʋlia la wu enu, be nuklia ƒe aʋawɔwɔ ƒe ŋɔdzidoname megali o. Gake egbe la, nuklia ƒe aʋawɔwɔ ƒe ŋɔdzidoname la zu nuvavã. Wodzra nu sia nu ɖi ko le agbɔsɔsɔ me abe alesi wògblɔ na mí be anɔ ene. Azãgbe la va ɖo.

Kɔsiɖagbe la, Egale NU ƑO GE NA MÍ TEŊ zi ɖeka ake, eye míegale lɔlɔ̃ leta bubu aɖe si woɖe gblɔ hedzra ɖo ɖi na mí ko be míase se ge. Nuka gblɔ ge Wòala aɖa ɖe fia mí mahã? Kae nye azãgbe laa? Nukae le dzɔdzɔm?

Mawu le Eƒe Ŋugbetɔ la wɔm ɖekae. Ele ƒu ƒom ɖekae, tso Ɣedzeƒe va Ɣetoɖoƒe, kple Anyiehe yi Dziehe. Ɖekawɔwɔ ƒe ɣeyiɣia ɖe li, eye eyae le dzi yim fifi laa. Nukae Wòle ɖeka wɔm na? Kɔkɔdzoe La.

Ke nukae Gbedeasi Sia le wɔwɔm esime míele toɖom Mawu ƒe Gbe le xexea katã me mahã? Ele Ŋugbetɔ la kple Nya la wɔm ɖekae. Nya lae nye Mawu. Ŋugbetɔsrɔ̃ lae nye Nya la. Ŋugbetɔ lae nye Nya ma sela, eye míele vavam ɖe du le Ɖekawɔwɔ aɖe me. Míele dzadzraɖo wɔm na Srɔ̃ɖeƒe aɖe afisi míele Ɖeka zum kple Nya la le.

Nusiwo katã Fofo la nye la, Menye; eye nusiwo katã Menye la, mienye; eye nusiwo katã mienye la, Menye. Le ŋkeke ma me la miadzesi be Mele Fofo la me, Fofo la le Menye, Mele miame, eye miawo le Menye.” Mikpɔea? Le “ŋkeke ma me.” Ŋkeke kaa? Ŋkeke sia ye! Míekpɔ Mawu ƒe nyaɣlaɣla gã siwo woɣla la wole woɖem fia. Oo, alegbegbe melɔ̃ ema!

Azɔ game lae nye esi. Azɔ azãgbe lae nye esi. Ŋugbetɔ la dzra Eɖokui ɖo vɔ xoxo na Ŋugbetɔsrɔ̃ la. Míele toɖom esime míele zãtitina ɣli la sem be “Kpɔɖa, Ŋugbetɔsrɔ̃ la gbɔna!” Míele nuwuwuɣi tututu.

Va wɔ ɖeka kpli mí esime míawɔ ɖeka le Nya ŋu, Kɔsiɖagbe le ŋdɔ ga 12 me, Jeffersonville ƒe game, esime míase Mawu ƒe Gbe wòagblɔ na mí bena: Ɖekawɔwɔ Ƒe Ɣeyiɣi Kple Dzesi 63-0818 yenye esi.

Nɔvi. Joseph Branham

Ŋɔŋlɔ siwo woaxlẽ

Psalmo 86:1-11

Mateo Kɔkɔe 16:1-3

22-0508 Kristo Yenye Mawu Ƒe Nyaɣlaɣla Si Woɖe Fia

Gbedasi: 63-0728 Kristo Yenye Mawu Ƒe Nyaɣlaɣla Si Woɖe Fia

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Eƒe Dzi Ƒe Gadamaklui Lɔlɔ̃a,

Mexɔ bubu gãtɔ kekeake le xexeame. Aƒetɔ le mɔ ɖem nam be maɖo Yeŋutɔ ŋkume na mi, alebena Wòate ŋu aƒo nu na mi teŋ to nugo si Wòtia doŋgɔ na xexeame ƒe gɔmeɖoɖoanyi ke me be wòaƒo nu aɖaɖe Eƒe Nya katã fia mi.

Menye Mawu ƒe ame ko wònye o, Enye Mawu Ŋutɔ, Dzo Lilikpo la, Gbɔgbɔ Kɔkɔe si le nuƒom na mi teŋ, tso nuɣi me yiɖe to me, azɔ bubu kple gomekpɔkpɔ su mía si be míayɔ Eƒe nyagblɔɖila tiatia la be, MÍAƑE KPLƆLA.

Menyae be ɖeko wòtina gbɔgbɔ ɖe ƒo na amewo, gake míawo ya la ɖeko míemi Nɛ gbla. Elabena Eyae nye nu ɖeka si tina míaƒe tsikɔwuame ŋu heɖiakɔ na míaƒe luʋɔ. Enye Agbe Mavɔ ƒe Nyawo. Na míawo ya la, Enye Mawu ƒe Gbe. Enye gaƒoƒo la ƒe Gbedeasi la. Eyata, enye Nya la, Gbe la, Nyaƒokawo, ALO NUBUBU AƉEKE O!

Míewɔ ɖeka ɖe du le Ta ɖeka te abe gbaɖegbe Israel ene. Mawu ɖeka, si dzi woɖo kpe kple Dzo Lilikpo, hele Eɖokui ɖem fia to Eƒe nyagblɔɖila dzi be enye Nya la. Mawu ma ke, Dzo Lilikpo ma ke, nenema ke wògale egbea. Mawu mate ŋu trɔ Eƒe dzɔdzɔme gbeɖe o. Eƒe ɖoɖo mate ŋu atrɔ gbeɖe tso le nusi Wòtsɔ dze egɔme gbɔ o, elabena Enye seƒemanɔsitɔ eye Eƒe ɖoɖo kpakple Eƒe susuwo katã deblibo.

Ema tae míele mɔkpɔkpɔ gã aɖe me be míase nusi ɖe ge Wòle afia mí Kɔsiɖagbe. Egblɔ be Yetɔ asi eƒe go ɖe sia ɖe ƒo xlã, eƒe ememe kple egodo, eye ŋutɔ gɔ hã fia to Ŋɔŋlɔ la kple ɖoɖo le ɣeyiɣia me dzi, vasẽɖe esime míenyae be Gbedeasi sia nye Nyateƒe la. Vodada aɖeke meli o.

Gake Kɔsiɖagbe la, Gbɔgbɔ le Gbedeasi sia lé ge Aɖadee afisi Wòle fifia. Aɖo Esia anyi tututu le afisi Wodze egɔme le, Aɖaɖoe anyi ɖe fifi ɣeyiɣi me.
Mina míano vi aɖe le nusi Mawu le gbɔgblɔ ge na mí hele ɖeɖe ge afia mí to míaƒe kplɔla dzi Kɔsiɖagbe me:

Mienye nye dzi ƒe gadamaklui, amesiwo wodzi na Aƒetɔ la to Gbɔgbɔ la kple to Nyateƒe Nya dzi. Ɖeko mele gbedom ɖa hele Aƒetɔ la biam be neyra mi aɖalé mi ɖe du ɖe bablame le Kristo ƒe lɔlɔ̃ ƒe bablawo me.

Aƒetɔ la na medzra Nuɖuɖu ɖo ɖi na mi; gbe damawo, nyuie, le afisia le agbadɔ sia me. Azɔ egbe la, miele nyaƒoka blibo aɖe xɔ ge. Gbedeasi sia alé mi ɖe te aɖado ŋusẽ mi. Ana mi Gbɔgbɔ me ŋusẽ hena dɔdeasi si le ŋgɔgbe la.

Mina magagblɔ na mi abe alesi menyae be evivia na mi be miase ene: wotia mi, xexlẽme si woɖo ɖi, amemawo siwo woase. Miawoe nye Ŋugbetɔ tiatia si madaƒu o boŋ alé Nya ma me ɖe asi meka nusi wòle be xexeame ƒe susɔe awɔ kuɖe Eŋu o. Miawo nye Nya Ŋugbetɔ la!

Mawu ɖe nyaɣlaɣla gã sia fia mí, ke esiae nye Didi yeye. Azɔ Ele mia ŋu ƒom ɖe du afisi ɖeɖefia le ɖekawɔwɔ deblibo me le. Mawu le nuwɔna mawo ke ɖem fia to Eƒe Nya dzi, numawo ke si Wòwɔ, hele Nya la ɖem ɖe go le mia me.

Migaŋlɔ esia be kpɔ gbeɖe o, Gbɔgbɔ Kɔkɔe la, ɖeɖeko, yenye Amesi ɖea Kristo ƒe Mawume ɖeɖefia fia na, eye nenema ko wònɔ le agbenɔɣiawo katã me! Amekae Aƒetɔ la ƒe Nya la va naa? Nyagblɔɖila, ɖeɖeko.

Mede dzesi be mele nuƒom na ame akpewo le nyaƒoka dzi, nyaƒoka subɔsubɔdɔ le mía si le xexea katã me. Eye eze ko abe míate ŋu awɔ nyaƒoka le afisia si nyoawu zi gbɔ zi ewo wu afi bubu ɖe sia ɖe. Ɖeko mekpɔmɔ be ŋutsu ɖe sia ɖe si le nyaƒoka sia sem, kple nyɔnu ɖe sia ɖe, nase egɔme.

Azɔ ekpɔ ŋkume na wo ne wodi be yewoase nyaƒoka ɖe sia ɖe, gake nyemedi be miadaƒu esia o. Mi nyaƒoka dukɔ; le egodo le avetsuwo me kple afikake miele Esem le, azɔ mise.

Nyaƒokawo le mía si kuɖe nusi dzi míexɔ se ŋu. Míeɖo nyaƒokawo kuɖe ɖoɖo le hame me, alesi míawɔ nu le míakplɔ míaɖokui le Mawu ƒe hame la me ŋu, alesi wòle be míava ɖe du aɖanɔ anyi ɖe du le Dziƒo nutowome.

Mekpɔ mɔ be ame sia ame le nyaƒoka dzi le esia lém. Ne mieda ƒu la, migbugbɔ va nyaƒoka sia gbɔ ake. Nyemenya zi gbɔ zi nenie manɔ miagbɔ o. Miɖo ŋku dzi, Esiae nye Nyateƒe la, kuɖe ALE AƑETƆ LA GBLƆ ESI ŋu. Nyateƒe lae Wònye. Ŋɔŋlɔ lae Wònye.

Ta kple Ŋutilã la wozu nu ɖeka. Mawu wònye woɖe ɖe go le miame, Etɔwo. Susuma tae srɔ̃ŋutsu la kple srɔ̃nyɔnu la womeganye venɔvi o; wole ɖeka. Mawu kple Eƒe Hame le ɖeka, “Kristo le mia me,” Mawu ƒe ɖeɖefia gã.

Menye nye susu ye o; Eƒe ŋusẽ Wònye, Eƒe Nya wònye. Edo Eƒe ŋugbe; Egblɔ be anɔ afisia, ke eyae nye esi. Mawu ƒe viŋutsuwo mienye. Menye miava nye ye o; MIENYE FIFIA!

Yɔ míaƒe kplu fũ Aƒetɔ, míedoe ɖe dzi Aƒetɔ, va eye náti míaƒe luʋɔ ƒe tsikɔwuame ŋu. Dziƒo Bolo, nyi mí, sẽ ɖe esime míagadi ake o. Yɔ míaƒe kplu fũ, yɔe fũ eye yɔdɔ mí keŋ.

Nyɔnyɔ ƒe ɣeyiɣi kae nye esi míele ɖoɖo ge le xexea katã me esime míaƒo ƒu ɖe du Kɔsiɖagbe be míase: Kristo Yenye Mawu Ƒe Nyaɣlaɣla Si Woɖe Fia 63-0728 le ŋdɔ ga 12 me, Jeffersonville ƒe game.

Nɔvi. Joseph Branham

Ŋɔŋlɔ Siwo Woaxlẽ

Mateo Kɔkɔe 16:15-17
Luka Kɔkɔe Ta 24
Yohanes Kɔkɔe 5:24/14:12
Korintotɔwo I Ta 2lia
Efesetɔwo Ta 1
Kolosetɔwo Ta 1
Nyaɖeɖefia 7:9-10