Gbedasi: 65-1128m Subɔsubɔ Teƒe Ɖeka Si Mawu Na

---

• 25-0713 Subɔsubɔ Teƒe Ɖeka Si Mawu Na
• 21-1128M Subɔsubɔ Teƒe Ɖeka Si Mawu Na
• 19-0229 Subɔsubɔ Teƒe Ɖeka Si Mawu Na
• 17-1217 Subɔsubɔ Teƒe Ɖeka Si Mawu Na
• 15-1129M Subɔsubɔ Teƒe Ɖeka Si Mawu Na

BranhamTabernacle.org

Yesu Kristo ƒe Ƒome Lɔlɔ̃tɔ,

Nane le dzɔdzɔm geɖe wu tsã kple Kristo ƒe Ŋugbetɔ si le xexeame godoo la. Nu siwo ŋu míese nu le kple di vevie be míakpɔ la azɔ ɖe ɖe go le míaƒe ŋkume.

Gbɔgbɔ Kɔkɔe la le Eƒe Ŋugbetɔ la wɔm ɖekae abe alesi Wògblɔ be Yeawɔe, to Yeƒe mɔ ƉEKA kolia si wona na egbea, Mawu ƒe gbe le nyaƒokawo dzi dzi.

Ele eƒe Nya la ɖem fia hele kpe ɖom edzi geɖe wu tsã. Abe tometsi vudo ene la, Ɖeɖefia le fiafiam le mía me.

Kristo kple Eƒe Hame ƒe ɖekawɔwɔ gbɔgbɔmetɔ ma azɔ, esime ŋutilã le Nya la zum, eye Nya la le ŋutilã zum, woɖee ɖe go, heɖo kpe dzi. Nusi tututu Biblia gblɔ be ava me le ŋkeke sia me, ele eme vam, gbeawotsogbe. Nukaŋutie, ele tetem ƒoƒu kabakaba ŋutɔ le afima, le gbedada mawo ƒo, eye nuwo le dzɔdzɔm, ale be nyemate ŋu akplɔe ɖo o.

Gbesiagbe la, wole Ɖeɖefia geɖe wu ɖem fia eye wole wo ɖem ɖe go na mí. Abe Nyagblɔɖila ene la, nuwo le dzɔdzɔm eye wole eme vam kabakaba alegbegbe, míate ŋu akplɔe Eɖo gɔ̃ hã o…ŊUTIKƆKƆE!!!

Míaƒe ɣeyiɣia va ɖo. Ŋɔŋlɔawo le eme vam. Ŋutilã le Nya zum, eye Nya la le ŋutilã zum. Nusi tututu Nyagblɔɖila la gblɔ be adzɔ la le eme vam fifia.

Nukata míawo?

Amɔwɔʋaʋã aɖeke meli o, gbeɖiɖi si me mekɔ meli o, amegbetɔ ƒe gɔmeɖeɖe aɖeke meli si hiã le mía dome o. Ðeko míele nya Deblibo Dzadzɛ si tso Mawu ƒe nu me la sem esi Wòle nu ƒom na mí tso nuyi me yiɖe to me.

Azɔ míekpɔ Ŋugbedodonya ma ke, Luka tɔ, Maleaxi tɔ, ŋugbedodo bubu siawo katã tso egbe, wozu ŋutilã, le mía dome, esiwo míese kple míaƒe towo; azɔ míekpɔ Eyama (kple míaƒe ŋkuwo) wòle Eya Ŋutɔ ƒe Nya gɔme ɖem, míehiã amegbetɔ ƒe gɔmeɖeɖe aɖeke o.

Ŋugbetɔ, ɖeko eme magate ŋu kɔ wu ema o. Mawu Wònye, le tsitre ɖe Eƒe Ŋugbetɔ ŋkume le amegbetɔ ƒe ŋutilã me, be míate ŋu akpɔe kple mía ŋutɔwo ƒe ŋkuwo wòaƒonu aɖaɖe Eya Ŋutɔ ƒe Nya gɔme, aɖadee Nyaƒoka dzi. Nya Deblibo si Mawu Ŋutɔ ɖe gblɔ eye wòlé ɖe mɔ̃ dzi, alebe mehiã amegbetɔ ƒe gɔmeɖeɖe aɖeke o.

• Mawu le nu ƒom na Eƒe Ŋugbetɔ tẽ, le nyaƒokawo dzi.
• Mawu le Eya Ŋutɔ ƒe Nya la gɔme ɖem, le nyaƒokawo dzi.
• Mawu le Eɖokui ɖem fia, le nyaƒokawo dzi.
• Mawu le gbɔgblɔm na Eƒe Ŋugbetɔ la be, miehiã amegbetɔ ƒe gɔmeɖeɖe aɖeke o, Nye Nya le nyaƒokawo dzi koe nye nusi NYE ŊUGBETƆ LA HIÃ.

Miɖo ŋui, ne miedzo le afisia la, adze ʋuʋu dzo le tsro la me azɔ la; miele gege ge ɖe nuku la me, gake minɔ Vi la ƒe Anyinɔnɔ me. Migatsɔ kpe, nusi megblɔ o; migaɖe le, nusi megblɔ me o. Elabena, megblɔa Nyateƒe la abe alesi Menyae ene, abe alesi Fofo la tsɔe nam ene. Mikpɔea? Migatsɔ Kpee o, migblɔ nusi Megblɔ la ko.

Mawu ta MƆ DEBLIBO ƉEKA si dzi Ŋugbetɔ la ato awɔ abe alesi Wòde se na mí be míawɔ ko ene. Esia mete ŋu dzɔ kpɔ gbeɖe, vaseɖe egbea o. Nuŋuti bubu kpɔ aɖeke meli o, nyabiabia ameɖokui se meli o, biabia meli be ɖe wotsɔ nane kpee lo, woɖe le eme loo, alo ɖe egɔme hã o. Wotsɔ Ɖeɖefia vavãtɔ la na Ŋugbetɔ la: NYAƑOKAWO ƑOƑO NYE MAWU ƑE MƆ DEBLIBO. 

Be eme nekɔ la, mina magagblɔe ake. Nye Ɖeɖefia yenye be Yesu Kristo ƒe Ŋugbetɔ, menye bubuwo o lo, ŊUGBETƆ LA, mehiã NU BUBU AƉEKE wu o negbe Mawu ƒe Gbe le nyaƒokawo dzi.  

Gake ne Gbɔgbɔ kɔkɔe ma vavã nya…Nya akuakua va geɖe mewò la (Nya la, Yesu), ekema, nɔviŋutsu, Gbedeasi la meganye nyaɣaɣla na wò o ekema; Ènyae, nɔviŋutsu, Eme akɔ na wò ƒãa.

Gbedeasi la menye nyaɣaɣla nam o. Yesu Kristo nye eyama ke etsɔ, egbe yiɖe mavɔmavɔ me. Woyɔa dziƒo kple anyigba katã be Yesu. Yesu yenye Nya la.

Ke Ŋkɔ la le Nya la me elabena Enye Nya la. Amen! Nukae Wònye ekema? Nya si gɔme woɖe nye Mawu ƒe Ŋkɔ ƒe ɖeɖeɖego.

Mawu le Eƒe Ŋugbetɔ la wɔm ɖekae kple Eƒe Gbe, si Wòlé ɖe mɔ̃ dzi hedzra ɖo ɖi na egbea ale be wòate ŋu aƒo eƒe Ŋugbetɔ la nu ƒu abe Nu Ɖeka ene. Ŋugbetɔ la akpɔe eye wòade Dzesii abe MƆ ƉEKA si dzi Wòato ate ŋu aƒo Eƒe Ŋugbetɔ la nu ƒu.

Ewɔe ƒe 60 kple edzivɔ yenye si be yeatsɔ fia alesi Wòle ewɔ ge egbea la mí. Míenye “eƒe hameawo dometɔ ɖeka le telefoni ƒe katsatsa la dzi”

Ne nyemexɔ hame yiyi dzi se o la, nukaŋutie hame aganɔ asinye? Miakpɔ wo le dukɔa katã me, siwo tsa ka kpli mí nyitsɔ zãme, le agbadroƒe alafa eve ɖesiaɖe domee kpeɖo la nye hamewo dometɔ ɖeka li.

Mawunyagblɔla geɖewo gblɔna na woƒe hamewo be “telefoni ƒe katsatsa” dzi nɔnɔ alo “strimin”, “Gbedeasi ɖeka sese le game ɖeka dzi”, menye sɔleme dede o. ÐEKO WÒGBLƆ FIFIA BE EYAE! Ðeko womenya Nya la o loo womate ŋu axlẽ lɔlɔ̃gbalẽa abe alesi Ŋugbetɔ la ate ŋui ene o.

Nukae nye hame? Mina míakpɔ nusi Nɔviŋutsu Branham gblɔ be enye hame la ɖa ko.

Ƒuƒoƒe geɖewo, geɖewo la mɔ̃ siawo le wo si abe alesi wole mia katã si le afisia le agbadɔa me ene. Wotsa ka le Phoenix hã, bena afisiafi si subɔsubɔwo le la, edena afima tẽ…Eye woƒoa ƒu ɖe hamewo kple aƒewo me, kple nuwo nenema , to yaʋala nyuia ɖe dzi.

Nɔviŋutsu Branham gblɔ eme kɔ ƒã be amewo le woƒe “aƒewo” kple “nuwo nenema” me nye yeƒe hamewo dometɔ ɖeka le telefoni ƒe katsatsa me. Ale la aƒewo, amidzraƒewo, xɔtutuwo, ƒomewo ƒe ƒuƒoƒo ɖe dzu ɖe eƒe telefoni ƒe katsatsa dzi la wɔwo wozu hame.

Mina míagaxlẽ LƆLƆ̃GBALẼ vi aɖe wu.

Míele gbedom ɖa ɖe hameawo kple ƒuƒoƒeawo katã siwo ƒoƒu ɖe mikrofoni s—s—sueawo ŋu le egodo le, dukɔa katã me, ʋuu tso Ɣetoɖoƒe Ƒuta, le dzigbe geɖe Arizona towo me, le anyigbe geɖe Texas nyigbawo dzi, ʋuu geɖe Ɣedzeƒe Ƒuta, le dua katã me, Aƒetɔ afisi woƒo ƒu ɖo ta. Gaƒoƒo geɖewo ma míadome, le ɣeyiɣi me, gake, Aƒetɔ, míele du zã sia me abe nu ɖeka ene, xɔsetɔ, siwo le lalam kpɔ Mesia la ƒe Vava.

Ke anɔ Telefoni ƒe Katsatsa dzi, anɔ to ɖom Nɔviŋutsu Branham ƉE DU LE GAME ƉEKA DZI la; wo/míele du abe nu ɖeka ene, xɔsetɔ, siwo le lalam kpɔ Mesia la ƒe Vava.

Gake wò ya èle gbɔgblɔm be ne miewɔ ema egbea la, ema menye sɔlemedede o, egblẽ, menye ƒuƒoƒo ɖe du zi geɖe wu alesi nu míele ŋkeke la kpɔm wòle gogom o, menye sɔleme dede yema oa?

Miɖe mɔ mabia nya aɖe mi eye miaɖo ŋu na miaƒe ƒuƒoƒea. Ne Nɔviŋutsu Branham le afisia egbea, le ŋutilã me, eye miateŋu ayi ɖe internet dzi alo atsa ka le telefoni dzi be miaɖo to eyama Kwasiɖagbe ŋdi ɖesiaɖe, ɖe du le game ɖeka dzi kple Ŋugbetɔ la le xexeame godoo ɖe, pastɔwo ye, ƉE MIATSA KA LE TELEFONI DZI aɖaɖo to Nɔviŋutsu Branham alo miagblɔ mawunya mahã?

Nɔviŋutsu Branham gblɔe kɔtɛ be miaƒe dɔ yenye miaƒe hame. Ne mienɔ afisia ƒe 60 enye si eye Nɔviŋutsu Branham nɔ takpekpe aɖe wɔm, gake miaƒe hame la mava o gake woa ŋutɔ woawɔ woƒe takpekpe ɖe (nusi mawunyagblɔla geɖewo wɔ le ɣemaɣi me), ɖe miayi “miaƒe hamea” me, alo miayi “Branham ƒe Agbadɔ” la me be yewoaɖo to Nɔviŋutsu Branham aa?

Mana mi nye ŋuɖoɖo la. Manɔ tsi tre ɖe ʋɔtrua nu le tsidzadza, sno alo ahom sesĩe me be mage ɖe Agbadɔ la me be maɖo to Mawu ƒe Nyagblɔɖila. Nenye be hame bubu ma mee ME YINA la, maɖɔ li hame le zã ma me.

Gake nyɔnu ma, menya ne ŋusẽ la le atizɔti la me alo o, gake enya be Mawu le Eliya me. Afima ye Mawu le: le Eƒe nyagblɔɖila me. Egblɔ be, “Yehowa le agbe, eye wò luʋɔ hã le agbe, nyemagblẽ wò ɖi o.”

Mele miakpem be miava wɔ ɖeka kpli mí eye mianye Nɔviŋutsu Branham ƒe hamewo dometɔ ɖeka le telefoni ƒe katsatsa dzi Kwasiɖagbe le ƔETRƆ ga 12 me, Jeffersonville ƒe Game, esi míase Mawu ƒe Gbe, wòatsɔ Gbedeasi: Mawu Ƒe Subɔsubɔ Teƒe Ɖeka Si Wona 65-1128m vɛ na mí.

Nɔvi. Joseph Branham

Gbedasi: 65-1127e Mese Ke Fifia Mele Ekpɔm

---

• 25-0706 Mese Ke Fifia Mele Ekpɔm
• 21-1127e Mese Ke Fifia Mele Ekpɔm
• 19-1222 Mese Ke Fifia Mele Ekpɔm
• 17-1210 Mese Ke Fifia Mele Ekpɔm
• 15-1231 Mese Ke Fifia Mele Ekpɔm

BranhamTabernacle.org

Ŋugbetɔ Lɔlɔ̃tɔ Si Le Telefoni Ƒe Ka Nu,

Egbea la, Nya siawo siwo Mawu gblɔ to Eƒe Dɔla Adrelia dzi la GAKPƆTƆ le eme vam to MÍ, YESU KRISTO ƑE ŊUGBETƆ la dzi.

Ne nyemexɔ hame yiyi dzi se o la, nukaŋutie hame aganɔ asinye? Miakpɔ wo le dukɔa katã me, siwo tsa ka kpli mí nyitsɔ zãme, le agbadroƒe alafa eve ɖesiaɖe domee kpeɖo la nye hamewo dometɔ ɖeka li.

Wonɔ hamewo, aƒewo, xɔtutu suewo, kple mɔ̃memidzraƒe gɔ̃ hã me; kaka ɖe Dukɔ Ƒoƒuawo me godoo, nɔ to ɖom Nya si nɔ dodom, wo katã le game ma ke tututu me.

Eye egbea la, míegakpɔtɔ nye EƑE HAMEWO DOMETƆ ÐEKA. EGAKPƆTƆ nye MÍAƑE KPLƆLA. Eƒe Nya la KOKOKO MEHIÃ GƆMEÐEÐE AÐEKE O, eye míe GAKPƆTƆ ƒoƒu ɖe xexeame godoo, TSA KA, le Mawu ƒe GBE sem le Yesu Kristo ƒe Ŋugbetɔ la wɔm bliboe.

Egbe sia la, wokpɔtɔ le Nya sia ŋu wum.

Nukatae wowɔ nenema ɣemaɣi? Nukatae kplɔlawo tu woƒe hameawo be yewoase Gbedeasi la ɣemaɣi tututu? Woate ŋu alala ko axɔ nyaƒokawo, emegbe woaŋutɔ woaɖe gbeƒã Gbedeasi la na woƒe amewo emegbe hafi; eye meka ɖe edzi be ame geɖe siwo si Ɖeɖefia aɖe mele o hã wɔe nenema.

Alo ɖewohĩ ame aɖewo gblɔ na woƒe ƒuƒoƒeawo be, “Azɔ miɖo to, míexɔe se be Nɔviŋutsu Branham nye Mawu ƒe nyagblɔɖila, gake megblɔ be ele be míaɖo to ye le míaƒe hamewo me o. Mele gbeƒã ɖem Kwasiɖagbe sia, kple Kwasiɖagbe ɖesiaɖe; mixɔ nyaƒokawo eye miɖo to wo le miaƒe aƒewo me.”

Ŋugbetɔ la ɣemaɣi me, tututu ko abe Ŋugbetɔ la fifia ene la, Ɖeɖefia aɖe nɔ wosi, eye wodi be yewoase Mawu ƒe Gbe tẽ na yewoɖokui. Wodi be yewoawɔ ɖeka kple Ŋugbetɔ la le dukɔa me godoo be yewoase Mawu ƒe Gbe esime wònɔ dodom. Wodi be woade dzesi yewo abe eƒe hamewo, aƒewo, alo afisiafi si yewole la dometɔ ɖeka, kple Gbedeasi, Gbe la, ke azɔ la, nyaƒokawo.

Egbe sia la, Nya sia gakpɔtɔ le eme vam.

Nukatae wo/míele Ekpɔm eye ame bubuwo mele ekpɔm o hã? To nunyaɖi dzi la, woɖo mí be míakpɔ Esia. Gake wò si womeɖo o la, Màkpɔe gbeɖe o. Lu la le Ekpɔm eye wòdze tetem ɖa.

Menye egɔme yenye be nàdzudzɔ wò hame yiyi o. Nenema ke menye egɔme hã yenye be wò kplɔla nadzudzɔ subɔsubɔdɔa wɔwɔ o. Gblɔeɖe la egɔme yenye be gbeƒãɖela kple kplɔla geɖewo ŋlɔ NU VEVIETƆ la be, eye womegblɔa na wotɔwo be GBE VEVIETƆ KEKEAKE si wòle be miase yenye Mawu ƒe GBE le nyaƒokawo dzi o.

Sɔlemedede le kwasiɖa ƒe ŋkeke ɖesiaɖe me mewɔa wò Ŋugbetɔ o; ema menye Mawu ƒe dzizizi o. Farisitɔwo kple Zadukitɔwo lé nufiafia ma ɖe susu me. Wonya Nya ɖesiaɖe ƒe ŋɔŋlɔdzesi ɖesiaɖe, gake Nya Gbagbe la nɔ tsitre ɖe AFIMA TUTUTU le amegbetɔ ƒe ŋutilã me, gake nukae wowɔ? Nu ma ke si geɖewo le wɔwɔm egbea.

Woagblɔ be, “Ema ya kɔmahatsɔŋkɔwo gblɔm wònɔ. Womaɖe mɔ na Nɔviŋutsu Branham le woƒe hamewo me be wòaɖe gbeƒã o, gake míawo ya míeɖea gbeƒã Nya la hegblɔa nusi tututu wògblɔ.”

Ema wɔ nuku loo. Woakafu Aƒetɔ la. Emae nye nusi wòle be nàwɔ. Ke emegbe nàgblɔ be, egbea la, eto vovo, mele eteƒe be woaƒo Nɔviŋutsu Branham ƒe nyaƒokawo le wò hame me o. Mètovovo ɖeke ɖeke le Farisitɔwo kple Zadukitɔwo, alo kɔmahatsɔŋkɔwo gbɔ o.

Alakpanuwɔla nènye.

Abe alesi wònɔ ɣemaɣi ene la, Yesu Wònye, si le tsitre ɖe ʋɔtrua nu le eƒom, le agbagba dzem be yeage ɖe eme aƒo nu na Eƒe Hame la tẽ, eye womaʋu woƒe ʋɔtruwo o, eye womaƒo nyaƒokawo le woƒe hameawo me o. “Mava míaƒe hame me aɖegbeƒã o”.

Futɔ la atrogbo ema eye wòatrɔe le mɔ geɖe nu le esi WÒLÉA FUI be woaklo nu le ye nu ta, gake ke hã, wole eɖem ɖe go le míaƒe ŋkume tututu eye ame geɖe le tetem ɖa.

“Le gɔmedzedzea me la,” [Ƒuƒoƒea gblɔ be, “Nya la li,”—Tala.] “eye Nya la li kple” [“Mawu,”] “eye Nya la nye” [“Mawu.”] “Eye Nya la zu ŋutilã, eye wòva nɔ mía dome.” Esɔ gbea? Azɔ míekpɔ ŋugbedodonya ma ke, Luka tɔ, Maleaxi tɔ, ŋugbedodo bubu siawo katã tso egbe, wozu ŋutilã, le mía dome, esiwo míese kple míaƒe towo; azɔ míekpɔ Eyama (kple míaƒe ŋkuwo) wòle Eya Ŋutɔ ƒe Nya gɔme ɖem, míehiã amegbetɔ ƒe gɔmeɖeɖe aɖeke o. O Mawu gbagbe la ƒe Hame, le afisia kple le telefoniwo dzi, minyɔ kaba, hafi gbada nayi!

Miʋu miaƒe dziwo eye miase nusi Mawu gblɔ na mi fifia, eƒe hamewo katã fifia ko. Azɔ míekpɔ EYAMA, kple míaƒe ŋkuwo, le EYA ŊUTƆ ƑE NYA GƆME ƉEM. Míehiã amegbetɔ ƒe gɔmeɖeɖe aɖeke o!! MINYƆ HAFI GBADA NAYI!!

Míese wogblɔ nusiawo le míaƒe agbewo katã me nusi ava dzɔ le nuwuɣia me. Azɔ míele ekpɔm kple míaƒe ŋkuwo be wole dzɔdzɔm.

Egblɔ na mí be, MƆ ƉEKA KOE LI, EMAE NYE MƆ SI MAWU NA SI WÒTA NA EƑE ŊUGBETƆ. ELE BE MIANƆ ANYI KPLE MAWU ƑE GBE LE NYAƑOKAWO DZI.

Mele xexeame kpem be woava wɔ ɖeka kpli mí le Kwasiɖagbe le ƔETRƆ ga 12 me, Jeffersonville ƒe game dzi, eye míase Mɔ si Mawu na egbe. Ekema wòhã àte ŋu agblɔ be, “Wogblɔ Nya Le Ŋuwò Mesee, Ke Azɔ Nye Ŋkuwo Kpɔ Wò”.

Nɔvi. Joseph Branham .

Gbedeasi: 65-1127E Wogblɔ Nya Le Ŋuwò Mesee Ke Azɔ Nye Ŋkuwo Kpɔ Wò.

Ŋɔŋlɔawo

Mose I, 17
Mose II, 14:13-16
Hiob 14 lia kple 42:1-5
Amos 3:7
Marko 11:22-26 kple 14:3-9
Luka 17:28-30

Gbedasi: 65-1127B Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O

PDF

---

• 25-0629 Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O
• 21-1127M Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O
• 19-1208 Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O

BranhamTabernacle.org

Kristo ƒe Ŋugbetɔ Lɔlɔ̃tɔ, mina míaƒo ƒu Kwasiɖagbe le Ŋdɔ ga 12 me, Jeffersonville ƒe game dzi, be míase 65-1127B – Agbagba Dzedze Be Woawɔ Dɔ Aɖe Na Mawu Si Menye Eƒe Lɔlɔ̃nu O.

Nɔvi. Joseph Branham

Gbedasi: 65-1126 Dɔwɔwɔwo Nye Xɔse Si Woɖe Ɖe Go

---

• 25-0622 Dɔwɔwɔwo Nye Xɔse Si Woɖe Ɖe Go
• 21-1126 Dɔwɔwɔwo Nye Xɔse Si Woɖe Ɖe Go
• 19-1201 Dɔwɔwɔwo Nye Xɔse Si Woɖe Ɖe Go
• 17-1203 Dɔwɔwɔwo Nye Xɔse Si Woɖe Ɖe Go

BranhamTabernacle.org

Nya Lɔlɔ̃tɔ Si Zu Ŋutilã,

Aleluya! Wodzra míaƒe dzi ƒe nuƒaƒã nyigba ɖo to Nya la sese me eye Eɖee fia mí be, MÍENYE Kristo ƒe Ŋugbetɔ dzadzɛ la; Mawu ƒe vi xɔasi, dzadzɛ, nuvɔ̃manɔŋutɔ, si le tsitre kple Ŋugbetɔ Nya dzadzɛ, tsimatɔe, si Eya Ŋutɔ ƒe Ʋu ƒe Tsi lé tsi na.

Míezu Nya si woɖe ɖe go zu ŋutilã, ale be Yesu nakɔ mí, amesiwo Wòɖo ɖi do ŋgɔ na xexeame ƒe gɔmeɖoɖoanyi la, ɖe Fofo la ƒe akɔnu.

Xexeame ate ŋu akpɔ míaƒe Xɔse ƒe ɖeɖeɖego to alesi míenɔ nu wɔm dzi, kple le eɖem fia be Ɖeɖefia vavãtɔ si tso Mawu gbɔ si nye Eƒe Nya si dzi woɖo kpe la le mía si, eye míevɔ̃na o. Míetsɔ ɖeke le me na nusi xexeame katã gblɔ alo xɔ se o…MÍELE VƆVƆ̃M O. Play zizi nye mɔ si Mawu na Yesu Kristo ƒe Ŋugbetɔ la.

Geɖewo li gblɔa be yewoxɔ nuwuɣi ƒe Gbedeasi sia dzi se, yewoxɔe se be Mawu dɔ nyagblɔɖila aɖe ɖa, yewoxɔe se be William Marrion Branham ye nye dɔla adrelia, yewoxɔe se be eɖe Ale Aƒetɔ La Gblɔ Esi gblɔ, gake YEWOMEXƆE SE be Gbe lae nye gbe vevitɔ kekeake si wòle be miase o. Womexɔe se be Nya siwo medanaƒu o lae wògblɔ o. Womexɔ nyaƒokawo ƒoƒo dzi se le woƒe hamewo me o.

Ema gɔmeɖe? EGƆME YENYE BE WOMEÐE FIA WO O!

Enye Ɖeɖefia. Eɖee fia mi to Eƒe amenuveve me. Menye nane si miewɔ o. Miewɔ dɔ geɖe xɔse me to miaŋutɔ ƒe agbagbadzedze me o. Ne Xɔse le miasi gbeɖe la, wotsɔe na mi to Mawu ƒe amenuveve me ye. Ke Mawu ɖee fia mi, eyata xɔse nye ɖeɖefia. Eye wotu Mawu ƒe Hame blibo la ɖe ɖeɖefia dzi.

Le XƆSE me la, woɖee fia mí be Gbedeasi sia nye Mawu ƒe Gbe le nyaƒoka siwo wolé ɖi ɖe mɔ̃ dzi, eye wodzra wo ɖo, be woatsɔ anyi Yesu Kristo ƒe Ŋugbetɔ la dzi awɔe blibo.

Enye XƆSE akuakua, tsimatɔe le nusi Mawu gblɔ be enye Nyateƒe la me. Eye Eku seke ɖe míaƒe dzi kple luʋɔ me eye naneke Maʋãe o. Anɔ afima tututu vaseɖe esime Eƒe nyagblɔɖila naklpɔ mí ɖe míaƒe Aƒetɔ la ŋkume.

Míate ŋu alé mía ɖokuiwo o. Edzra mí ɖo be míaxɔ Ema ahaxɔe ase doŋgɔ na xexeame ƒe gɔmeɖoɖoanyi. Enya be míaxɔ Yeƒe Gbe le agbenɔɣi sia me. Enya mí do ŋgɔ eye wòɖo mí be míaxɔe.

Ekema, dɔ siwo Gbɔgbɔ Kɔkɔe la le wɔwɔm egbea, to ŋutega siawo siwo medana ƒu gbeɖe o, ŋugbedodo siwo medana ƒu gbeɖe o, apostolo ƒe dzesi siwo katã ƒe ŋugbe wodo le Biblia me, le Maleaxi 4 me, kple, oo, Nyaɖeɖefia 10:7, esiawo katã le eme vam; eye woɖo kpe edzi to dzɔdzɔmenunya me, mɔ bubu ɖesiaɖe dzi. Eye ne nyemegblɔ Nyateƒe la na mi o la, anye ne nu siawo madzɔ o. Gake ne megblɔ Nyateƒe la na mi la, woɖia ɖase be megblɔ Nyateƒe la na mi. Eganye eyama ke, etsɔ, egbe, yiɖe mavɔmavɔ me, eye Eƒe Gbɔgbɔ ƒe ɖeɖego la le Ŋugbetɔ aɖe kɔm dzoe. Mina xɔse ma, Ɖeɖefia ma nage ɖe miaƒe dzi me, be, “Gaƒoƒo lae nye esia.”

Gaƒoƒo lae nye esi. Esiae nye Gbedeasi la. Esiae nye Mawu ƒe Gbe si le Yesu Kristo ƒe Ŋugbetɔ la yɔm do goe. Oo Hame, neva eme be Aƒetɔ la nadzra miaƒe dzi ƒe nuƒaƒã nyigbawo ɖo be Xɔse nasu miasi eye wòaɖee afia mi be Gbe sia sese, le nyaƒokawo dzi, yenye nusi ana Yesu Kristo ƒe Ŋugbetɔ la nade blibo eye wòawɔ ɖeka dzro.

Megale miakpem zi ɖeka ake be miava wɔ ɖeka kpli mí Kwasiɖagbe le ƔETRƆ ga 12 me, Jeffersonville ƒe game dzi, be miatsɔ miaƒe XƆSE ayi teƒe kɔkɔwo, eye mianɔ anyi ɖe du kpli mí le dziƒo nutowo me esi míase Mawu ƒe Gbe wòanɔ mía dzram ɖo na Eƒe vava kpuie la.

Nɔvi. Joseph Branham

Taflatse mido gbe ɖa ɖe mía ta le kwasiɖa si gbɔna me esi míadze míaƒe Still Waters Camp gbãtɔ gɔme.

Gbedeasi: Xɔse Nye Dɔwɔwɔwo Siwo Woɖe Go 65-1126

Ŋɔŋlɔ siwo woaxlẽ:

Mose I, 15:5-6, 22:1-12
Dɔwɔwɔwo 2:17
Romatɔwo 4:1-8, 8:28-34
Efesotɔwo 1:1-5
Yakobo 2:21-23
Yohanes Kɔkɔe 1:26, 6:44-46

Gbedasi: 65-1125 Kristo Ƒe Ŋugbetɔ Ƒe Ɖekawɔwɔ Makpɔmakpɔ La

PDF

---

• 25-0615 Kristo Ƒe Ŋugbetɔ Ƒe Ɖekawɔwɔ Makpɔmakpɔ La
• 23-0326 Kristo Ƒe Ŋugbetɔ Ƒe Ɖekawɔwɔ Makpɔmakpɔ La
• 21-1125 Kristo Ƒe Ŋugbetɔ Ƒe Ɖekawɔwɔ Makpɔmakpɔ La
• 21-1121 Tsikɔwuame
• Egbe Ƒe Numegbe / Gbesiagbebolo
• 19-1124 Kristo Ƒe Ŋugbetɔ Ƒe Ɖekawɔwɔ Makpɔmakpɔ La
• 17-1226 Kristo Ƒe Ŋugbetɔ Ƒe Ɖekawɔwɔ Makpɔmakpɔ La
• 15-1220 Kristo Ƒe Ŋugbetɔ Ƒe Ɖekawɔwɔ Makpɔmakpɔ La

BranhamTabernacle.org

Gbedasi: 62-1014E Mɔfiala

PDF

---

• 25-0608 Mɔfiala
• 22-0410 Mɔfiala
• 20-1011 Mɔfiala
• 18-1202 Mɔfiala
• 16-1026 Mɔfiala

BranhamTabernacle.org

Ŋugbetɔ Tsaɖila Lɔlɔ̃tɔ,

Ke azɔ Mawu dɔna Eƒe mɔfialawo ɖa ɣesiaɣi, eye mɔfiala megbea Esi nɔnɔ o, to agbenɔɣiwo katã me. Amea ɖe nɔna Mawu si kokoko si ke nɔa Eteƒe le anyigba dzi, le agbenɔɣiwo katã me.

Mawu medi be míazio ɖe míaƒe gɔmesese alo susu ɖesiaɖe si amegbetɔ wɔ me o. Esia tae Wòɖɔa Mɔfiala ɖe Eƒe Ŋugbetɔ ɖo; Elabena gɔmesese, alesi wòayi kple nusi wòawɔ la le esi. Mawu METRƆ Eƒe ɖoɖo kpɔ o. Meda ƒu Mɔfiala ɖoɖo ɖe Eƒe amewo kpɔ o, gake ele be mialɔ̃ axɔ Mɔfiala ma.

Ele be mialɔ̃ axɔ nya ɖesiaɖe si Wògblɔ to Eƒe Mɔfiala dzi la dzi ase. Ele be miayi le mɔ si dzi Eƒe Mɔfiala la gblɔ be miayi le la dzi. Ne mieɖo to eye miexɔ gbe bubuwo dzi se abe miaƒe mɔfiala ene la, ɖeko miava bu.

Yohanes Kɔkɔe 16 gblɔ be nu geɖe le ye si yeagblɔ na mí eye yeaɖee afia mí, ale Yeadɔ Yeƒe Gbɔgbɔ Kɔkɔe la be wòafia mɔ mí aɖagblɔe na mí. Egblɔ be Gbɔgbɔ Kɔkɔe lae nye nyagblɔɖila ƒe mɔfiala le agbenɔɣi ɖe sia ɖe me. Ale, wodɔ Eƒe nyagblɔɖilawo be woanɔ Gbɔgbɔ Kɔkɔe la teƒe be woafia mɔ eƒe Ŋugbetɔ la.

Gbɔgbɔ Kɔkɔe lae wodɔ ɖa be wòakplɔ hame la, menye amewo ƒe hatsotso aɖe o. Gbɔgbɔ Kɔkɔe lae nye nunya blibo la katã. Amegbetɔwo va liana, hezua ɖematsɔlemetɔwo.

Menye ame lae o, ke boŋ Gbɔgbɔ Kɔkɔe la le ame ma ME ye. Ame si Wòtia be wòanɔ Ɣeŋutɔ yeteƒe eye wòanye míaƒe anyigbadzimɔfiala si míaƒe Dziƒo Mɔfiala la kplɔna. Nya la gblɔ na mí be ele be míadze Mɔfiala ma yome. Nuka kee míesusu o, nu ka kee ɖi nusi dze o, alo nusi ame bubu aɖe gblɔ o, menye míatɔ wònye be míade mɔ esia me o, mɔfiala ɖeka koe.

Mawu dɔ Mɔfiala ɖa, eye Mawu di be nàɖo ŋkui be eyae nye Mɔfiala si Yetia la.

Mawu tia míaƒe Nyagblɔɖila mɔfiala la be wòagblɔ Yeƒe Nya. Eƒe Nya la nye MAWU ƑE NYA. Nyagblɔɖila mɔfiala, ke eya ɖeka ko si ye Nya la gɔmeɖeɖe mawumetɔ la le. Mawu gblɔ Eƒe Nya na Eyama tso nuyi yiɖe to me. Eyata màte ŋu aʋli nya, atrɔ, alo abu wò Mɔfiala ƒe Nya ŋu gbeɖe o.

Ele be nàdze Eyome, ke Eya ɖeka ko. Ne mèwɔe o la, àva bu. Ɖo ŋku edzi be, ne ègblẽe ɖi la, Mawu ƒe Mɔfiala si wòtia la, èle ɖokuiwò si, eyata míedi be míanɔ mɔfiala si Wòtia la gbɔ kplikplikpli, eye míase Nya ɖe sia ɖe si Wògblɔ to Eyama dzi la ahaɖo to.

Míaƒe Mɔfiala la fia mí be nubabla xoxoa nye nubabla yeyea ƒe vɔvɔli.

Esime Israel ʋu le Egipte ɖota ŋugbedodo nyigba dzi la, le Mose II 13:21 me la, Mawu nya bena womezɔ mɔ sia kpɔ o. Kpeti blaene ƒe mɔzɔzɔ koe, gake la, wohĩa nane si ayi kpliwo. Wòava bu mɔ. Eyata Eyama, Mawu, ɖo mɔfiala ɖe wo. Mose II 13:21, alo nane nenema, “Mele Nye Dɔla dɔm ɖe mia ŋgɔ, Dzolilikpo la, bene woakpɔ mia ta le mɔa dzi,” bene woakplɔ wo yi ŋugbedodo nyigba sia dzi. Eye Israel-viwo dze Mɔfiala sia yome, enyea Dzolilikpo (le zãme), Alilikpo dodo le ŋkeke me. Ne Etɔ la, wòtɔna. Ne Edze mɔ la, wòdzea mɔ. Eye esi Wòkplɔ wò gogo anyigba la, evɔ wòmedze be wòageɖe eme o la, Egakplɔ wo trɔ va gbeadzi ake.

Egblɔ be emae nye hame la egbea. Anye ne míedzo xoxo ne ɖe míeɖɔ mía ɖokui ɖo hege ɖe ɖoɖo me, gake Ehiã be wòakplɔ mí ƒo xlã aƒo xlã agaƒo xlã.

Ðeko wòle be woadze woƒe mɔfiala la yome abe alesi WÒDZE eye wòsenu tso Dzo Lilikpo la me ene. Egblɔ nusi Mawu gblɔ na wo eye ele be woaɖoto Nya ɖe sia ɖe si wògblɔ la. Eyae nye Mɔfiala la ƒe Gbe. Gake woke ɖi eye wohe dzre kple Mawu ƒe Mɔfiala si wòtia, ale wotsa le gbeadzi ƒe 40 sɔŋ.

Mawunyagblɔla geɖewo nɔ anyi le Mose ƒe ŋkekeawo me. Mawu ɖo wo be woakpe ɖe ameawo ŋu, le esime Mose mate ŋu wɔ wo katã o ta. Gake woƒe dɔe nye be woafia asi ameawo be woatrɔ ɖe nu si Mose gblɔ ŋu. Biblia megblɔa naneke kuɖe nusi amemawo gblɔ ŋu o, egblɔa nusi Mose gblɔ be eyae nye Nya si wòle be wòafia mɔ amewo la ko.

Esi Mawu ɖe Mose le kpea dzi la, woɖo Yosua be wòakplɔ ameawo, eya si le tsi tre ɖi na Gbɔgbɔ Kɔkɔe la egbea. Yosua meɖe gbeƒã nu yeye aɖeke o, nenema ke medze agbagba be yeaxɔ Mose ƒe teƒe hã o, eye medze agbagba be yeaɖe nya si mɔfiala la gblɔ la gɔme hã o; Ðeko wòxlẽ nusi Mose gblɔ eye wògblɔ na dukɔa be, “Minɔ anyi kple Nya la. Minɔ anyi kple nusi Mose gblɔ la”. Nusi Mose gblɔ la koe wòxlẽ.

Kpɔɖeŋu deblibo kae nye si na egbea. Mawu tsɔ Dzo Lilikpo aɖe ɖo kpe Mose dzi. Dzo Lilikpo ma ke ɖo kpe míaƒe nyagblɔɖila la dzi. Nya siwo Mose gblɔ la nye Mawu ƒe Nya eye wotsɔe de nubabla ƒe Aɖaka la me. Mawu ƒe Nyagblɔɖila ƒo nu le míaƒe ŋkekea me eye wodee nyaƒoka dzi.

Esi Mawu ɖe Mose le kpea dzi la, woɖo Yosua be wòakplɔ dukɔa to nya siwo Mose ƒo nu na wo la léle ɖe asi me le woƒe ŋkume dzi. Egblɔ na wo be woaxɔ Nya ɖe sia ɖe si Mawu ƒe mɔfiala gblɔ la dzi ase eye woanɔ kplii.

Yosua xlẽa nusi Mose ŋlɔ Nya ɖe Nya dzi tso le agbalẽŋɔŋlɔawo me ɣesiaɣi. Eɖoa Nya la wo ŋkume ɣesiaɣi. Womeŋlɔ míaƒe ŋkeke ƒe Nya ɖi o, gake wolée ɖe mɔ̃ dzi ale be Gbɔgbɔ Kɔkɔe la nate ŋu ana be Eƒe Ŋugbetɔa nase nusi Wògblɔ Nya ɖe Nya dzi, to Play Zizi me.

Mawu metrɔa Eƒe ɖoɖo gbeɖe o. Eyae nye míaƒe Mɔfiala. Eƒe Gbe yenye nusi le mɔfiam Ŋugbetɔ la eye wòle Eƒe Ŋugbetɔ la wɔm ɖekae egbea. Ðeko míedi be míase míaƒe Mɔfiala ƒe Gbe esi wòle mía kplɔm to Dzo Lilikpo la dzi. Enye Kristo ƒe Ŋugbetɔ la ƒe ɖekawɔwɔ makpɔmakpɔ la. Míenya Eƒe Gbe.

Ne míaƒe mɔfiala va nyagblɔti la dzi la, Gbɔgbɔ Kɔkɔe la ƒoa eyama eye Meganyea eya zɔ o, ke boŋ míaƒe Mɔfiala. Edoa Eƒe ta ɖe dzi le yame eye wòdoa ɣli be, “Ale Aƒetɔ la Gblɔ Esi, Ale Aƒetɔ la Gblɔ Esi, Ale Aƒetɔ la Gblɔ Esi!” Eye Kristo ƒe Ŋugbetɔ ɖe sia ɖe si le xexeame godoo la vaa egbɔ tẽ. Nukata? MÍENYA MÍAƑE KPLƆLA TO ALESI WÒƑOANU ƉEƉEKO DZI.

Míaƒe Mɔfiala = Nya La.
Nya la = vana na Nyagblɔɖila la.
Nyagblɔɖila la = Mawu ƒe mawume gɔmeɖela ɖeka kolia; Eƒe anyigba dzi mɔfiala.

Nɔ Nya la yome! Oo, ɛ̃, amegã! Nɔ anyi kple Mɔfiala ma. Nɔ Eyome tẽ. Megayi ɖe ŋgɔgbe Nɛ o, wò ya nɔ Eyome ko. Na Wòakplɔ wò, megakplɔ Eyama o. Na Wòawɔe.

Ne mèdi be yeabu o la, va ɖo to míaƒe Mɔfiala esi Wòaƒo nu to Eƒe anyigbadzi mɔfiala si wòtia dzi le Kwasiɖagbe sia le ƔETRƆ ga 12 me, Jeffersonville ƒe game dzi.

Gbedeasi:  
62-1014E — Mɔfiala La

Ŋɔŋlɔawo:
Marko Kɔkɔe 16:15-18 .
Yohanes Kɔkɔe 1:1 / 16:7-15
Dɔwɔwɔwo 2:38.
Efesotɔwo 4:11-13 / 4:30.
Hebritɔwo 4:12.
2 Petro 1:21.
Mose II, 13:21.

Gbedasi: 60-0522E Vixɔxɔ #4

PDF

---

• 25-0525 Vixɔxɔ #4
• 21-0711 Vixɔxɔ #4
• 18-0708 Vixɔxɔ #4
• 16-0228E Vixɔxɔ #4

BranhamTabernacle.org

Lɔlɔ̃tɔ Siwo Trɔ Dzime.

To Play Zizi me la, míele to ɖom Mawu ƒe Nya si me dana ƒu o. Enye be Nya ɖesiaɖe nye Nyateƒe, eƒe nyagbe ɖesiaɖe. Woyɔ mí hekpɔ mía ta, yɔ mí fũ eye woɖe mí ɖe aga; Gbɔgbɔ Kɔkɔe la yɔ mí fũ, eye fifia míele Kanaan nyigba dzi xoxo. Míevɔ̃na na naneke o…NANEKE O, míenya amesiwo míenye.

Esi míenɔ anyi kple Eƒe Nya la, abe alesi Wòde se na mí be míawɔe ene la, Ele gbɔgblɔ ge na mí be Yegblẽ domenyinu aɖe ɖi na mí. Ɣekaɣie Nèwɔ nu ma, Fofo? Esi Metia mi eye Mede miaƒe ŋkɔwo Alẽvi ƒe Agbegbalẽa me doŋgɔ na xexeame ƒe gɔmeɖoɖoanyi ke la.

Esi ɣeyiɣi ƒe blibodede la va la, Medɔ Yesu Alẽvi la, Si wowu tso xexeame ƒe gɔmeɖoanyia ke la, be miate ŋu axɔ miaƒe domenyinu be mianye Vinyeŋutsuwo kple nyɔnuwo, mawu suewo.

Ele be malé ŋku ɖe miaŋu le gbeɖeɖe krekrekre kple teƒe siwo le ƒuƒlu ta hafi mate ŋu ana teƒe mi.

• “Èxɔe se be Nye Gbe ƒoƒo le nyaƒokawo dzi le hamea me gblẽa?
• “Ẽ, mele be miaƒo nyaƒokawo le hamea me o.”
• “Mibu fɔe. Mile gbeɖem krekrekre.”

• “Miexɔe se be Nye Nya le nyaƒokawo dzi hiã gɔmeɖeɖea?”
• “Ẽ, Ehiã be ame aɖe naɖe egɔme.”
• “Èle gbeɖem krekrekre. Ètsɔe ƒu gbe. Mèsɔ gbe haɖe o.”

Ne èsɔ gbe la, àgblɔ be, “Amen” ɖe nya ɖesiaɖe dzi.

• “Èxɔe se be Menye Eyama ke Etsɔ, Egbe yiɖe mavɔmavɔ mea?”
• “Amen.”
• “Èxɔe se be Nye Gbe le nyaƒokawo dzi nye GBE VEVITƆ KEKEAKE si wòle be nàsea?”
• “Amen.”
• “Èxɔe se be Nye Gbe si le nyaƒoka dzi ana Ŋugbetɔ la nawɔ ɖeka?”
• “Amen.”
• “Èxɔe se be Nye dɔla sesẽtɔ la akplɔ mi afia Nyea?”
• “Amen.”

Èle sesẽm azɔ. Melé ŋku ɖe ŋuwò ɖe gbeɖeɖe krekrekre kple teƒe siwo le ƒuƒlu ta. Mesɔ gbe be be mado ʋɔa. Made Nye Nutrenu dziwò. Èɖu dzi le Nye nudodokpɔ me.

Azɔ mina magblɔ nane na mi, Nye lɔlɔ̃tɔ xɔasi siwo le nyaƒoka nyigbawo dzi; le Ƒuwogodo kple afisiafi si miele la, migavɔ̃ o. Nusianu le nyuie. Menya mi doŋgɔ na xexeame ƒe gɔmeɖoɖoanyi ke. Menya nusianu si adzɔ.

Megbɔna kpuie ɖe miawo ta eye makplɔ mi ayi Teƒe si ku aɖeke, vevesese aɖeke, ŋuʋaʋã aɖeke, naneke meli o; Blibodede ko, lɔlɔ̃ deblibo.
    
Vaseɖe ɣemaɣi la, migaŋlɔ be gbeɖe o, Metsɔ Nye Ŋya la na mi, miawoe NYE NYE NYA si zu ŋutilã. Ne NANE hiã mi la, migblɔe, ekema Mixɔe se; Miaƒe domenyinu ye.

Maɖo Nye Gbe ɖe mi ake le Kwasiɖagbe sia eye maɖe Wo katã gɔme na mi. Magagblɔ amesi mienye la na mi zi ɖeka ake, afisi mieyina, kple alesi Wòle le afima, fifi la.

Va wɔ ɖeka kple Nye Ŋugbetɔ esime Mana woaƒoƒu ɖe du anɔ anyi ɖe du le dziƒo nutowo me le Kwasiɖagbe sia le ƔETRƆ ga 12 me, Jeffersonville ƒe Game, eye Nàsem mana mi teƒe to Nye Nya dzi.  
60-0522E Vixɔxɔ #4.
   

Nɔvi. Joseph Branham
    

Gbedasi: 60-0522M Vixɔxɔ #3

PDF

---

• 25-0518 Vixɔxɔ #3
• 21-0704 Vixɔxɔ #3
• 18-0701 Vixɔxɔ #3
• 16-0228M Vixɔxɔ #3

BranhamTabernacle.org

Ðetugbi Leaƒe Kɔkɔe Lɔlɔ̃tɔ,

Ne míele Play dzi Zim la, enye anyitsi le agakpe la me, enye dzidzɔ manyagblɔ, enye kakaɖedzi yayra, enye seke na míaƒe luʋɔ, enye míaƒe mɔkpɔkpɔ kple anyinɔƒe, enye Dzidzimewo ƒe Agakpe, enye nusianu si nyo, enye Mawu ƒe mɔ si wona na egbea.

Esi Míezia Play dzi ta la, Mawu ƒe Gbe ɖe mí; Edo ŋugbe mí na Kristo, abe Ɖetugbui Leaƒe dzadzɛ na Eƒe Nya la. Nufiala Ɖeka koe le mía si, Gbe Ɖeka, nyagblɔɖila Ɖeka, si le mía kplɔm to Gbɔgbɔ Kɔkɔe la dzi.

Gake esia nye hame la, mele nu fiam mi. Esia yi ɖe nyaƒoka dzi. Medi be amewo naɖo to nyaƒokawo, miɖo ŋku dzi be, nye hame la tɔe nye esia.

Kpeɖodzi kae nye si wònye na mí be míele eƒe Lɔlɔ̃nu Deblibo la me. Nyaƒokawo nye eƒe hame la tɔ. Ele nu fiam mí. Ele gbɔgblɔm na mí be, miɖo to nyaƒokawo.

Edze Vixɔxɔ ƒe takpekpe fɔ ɖe wonɔewo nu sia gɔme esi wògblɔ nusiwo dzɔ ŋkeke ʋɛ aɖewo do ŋgɔ ko la na mí. Emegbe le Gbedeasi ɖesiaɖe me la, eƒoa nu tso ɣeyiɣi si me wokɔe dzo la ŋu. Aleke gbegbe wòle be wòanɔ vevie na Ŋugbetɔ la be wòase nusi dzɔ kple nusi Ŋugbetɔa gblɔ nɛ.

Woadrɔ̃ ʋɔnu míaƒe Nyagblɔɖila la to Nya si wòɖe gbeƒã hegblẽ ɖi ɖe nyaƒokawo dzi la dzi. Ŋugbetɔ la le akpa kemɛ gblɔ nɛ be míaƒe Aƒetɔ alɔ̃ axɔe. Emegbe atsɔ mí afiae abe eƒe subɔsubɔdɔ la ƒe kpluwo ene, emegbe míagatrɔ ayi Anyigba dzi ake be míanɔ agbe tegbee.

Nya Ɖesiaɖe si míese la nye sikakɔ. Ðeko míeyia edzi nɔa Ekɔm ɖe edzi henɔa Eŋu kɔm esime Wòle nu geɖe wu ɖem fia esi míele nu xlẽm le fliawo dome.

Aleke míelɔ̃a Emama kple mía nɔviŋutsuwo kple nɔvinyɔnuwo be, “Ɖee miese nya sia?”

“Etia mí le Eyama me hafi woɖo xexeame gɔme anyi oa”? Emae nye míaƒe domenyinyi la. Mawu tia mí, hena be Yesu nava xe fe la. Bena nuka? Eƒe Ʋu kɔkɔɖi si Wòwɔ, bena womabu nuvɔ̃ aɖeke na mí o. Naneke si nàwɔ la o.

Ekema, le ema megbe teti la, ɖe mielé esiawo dometɔ ɖekaa?

“Kɔkɔe, kɔkɔe, kɔkɔe, na Aƒetɔ.” Èda wò ŋkuwo ɖe Kalvaria dzi, eye naneke meli si atɔ te wò o! Wò agbe ƒe azɔli la ŋutɔ hã, ɖe èle zɔzɔm le Fia ƒe Mɔgã dzi, wotsɔ amisisi ƒe Ami xɔasi si ami na wò, ele zɔ ɖem yina Kɔkɔeƒe ƒe kɔkɔeƒe la. Whew! Amen.

Míenɔ ko abe Aaron ƒe Kpoti ene, si nye ati xoxo aɖe si ƒu kplakplakpla si wòlé ƒe blaene sɔŋ le gbedadaƒo. Gake azɔ, esi míetsi Teƒe Kɔkɔe ma to Mawu ƒe Gbe sese me la, ƒo nu na mí le nyaƒokawo dzi ta la, míetse eye míeƒo se, eƒe Gbɔgbɔ Kɔkɔe la yɔ mí fũ, eye mienye eƒe Ŋugbetɔ la le ɣli dom kple míaƒe dzɔfitowo:

• Kɔkɔe, Kɔkɔe, Kɔkɔe, Kɔkɔe, na Aƒetɔ la, nyaƒokawo le gbã le míaƒe dziwo me.
• Kɔkɔe, kɔkɔe, kɔkɔe, kɔkɔe, na Aƒetɔ la, Etia mí le xexeame do ŋgɔ na xexeame ƒe gɔmeɖoanyi.
• Kɔkɔe, kɔkɔe, kɔkɔe, kɔkɔe, na Aƒetɔ la, míenye Yesu Kristo ƒe Ŋugbetɔ.
• Kɔkɔe, kɔkɔe, kɔkɔe, kɔkɔe, na Aƒetɔ la, mewɔ vovototo aɖeke le nusi ame aɖe gblɔ ŋu o, míele nyaƒokawo ɖem ɖa o, míele geɖe ƒom wu.
• Kɔkɔe, kɔkɔe, kɔkɔe, na Aƒetɔ la, míaƒe ŋkuwo le Kalvaria dzi, eye naneke meli si atɔ mí te o.

Dzi le dzɔyem ŋutɔ be nye dzi wɔ ɖeka kple ame geɖewo le afisia siwo hã nya be Esiae nye Mawu ƒe Nya madaƒu la. Ekema Eya, Eya ƒe Nya ɖesiaɖe nye Nyateƒe, Nya ɖesiaɖe si le Eme, nyafɔkpe ɖesiaɖe si le Eme. Eye kpakple Mawu ƒe amenuveve la, gomekpɔkpɔ su asinye be nye ŋkuwo kpɔ Anyigba si dzi míava zɔ mɔ ayi gbeɖeka.

Va wɔ ɖeka kpli mí Kwasiɖagbe le ƔETRƆ ga 12 me, Jeffersonville ƒe game, esime Nyagblɔɖila la axɔ Nya ɖesiaɖe eye ɖeko wòayi edzi anɔ Eŋu kɔm. Atsɔ Esia ayi ɖe Mose I akɔ Eŋu, Atsɔe ayi Mose II me agakɔ eŋu ake, eye wòayi Nyaɖeɖefia gɔ̃ hã me; Eye eƒe akpa sue ɖe sia ɖe nye Yesu!

Nɔvi. Joseph Branham

Gbedeasi:

Vixɔxɔ #3 60-0522M

Ŋɔŋlɔawo:
Mateo 28:19.
Yohanes 17:7-19 .
Dɔwɔwɔwo 9:1-6, Ta 18 kple 19.
Romatɔwo 8:14-19.
Korintotɔwo I 12:12-13
Galatiatɔwo 1:8-18.
Efesotɔwo ƒe ta 1.
Hebritɔwo 6:4-6, 9:11-12

Gbedasi: 60-0518 Vixɔxɔ #2

PDF

---

• 25-0511 Vixɔxɔ #2
• 21-0627 Vixɔxɔ #2
• 18-0617 Vixɔxɔ #2
• 16-0224 Vixɔxɔ #2

BranhamTabernacle.org

Fia Nunɔlanyenye Lɔlɔ̃tɔ,

Amesiame neɖu eƒe asibidɛ, mide fe miaƒe luʋɔ, ne miaho miaƒe dzi le dɔme. Egbea la Yesu Kristo ƒe Ŋugbetɔ la le ɣli dom be:

Egbe sia, wowu nyagblɔɖi sia ŋu le míaƒe ŋkuwo me.

Mexɔe se be, le ŋutikɔkɔe ŋkeke siawo dometɔ ɖeka me, esime hamewo ƒe ƒuƒoƒo ƒe habɔbɔ sia aƒoƒu, eye papa yeyea ado tso Amerika Dukɔ Ƒoƒuawo me eye woaɖoe ɖe afima le nyagblɔɖi la ŋu la, ekema woawɔ nɔnɔme na lã la.

Mawu ƒe nyagblɔɖila ƒe Gbe Ɖee gblɔ le Dzome ƒe ŋkeke 19lia, ƒe 1954 me, eye le ɣleti 9 megbe la, wodzi, Robert Prevost, si míenya fifia abe Papa Leo XIV lia ene. “Ale Aƒetɔ La Gblɔ Esi” la va eme.

Le Dame ƒe ŋkeke 7lia, ƒe 1946 me la, MAWU da Eƒe nyagblɔɖila ɖe ɖoƒe le Green’s Mill, Indiana, be yeatsɔ eƒe dɔdeasi nɛ eye yeaɖe gbeƒã na xexeame be, Nye dɔla kple gbedeasitsɔla adrelia ŋusẽtɔ la, Nye Gbe na xexeame yenye esi. Miɖo To Eyama.

Esime Aƒetɔ la ƒe Dɔla dogom le egodo le afima le Green’s Mill, Indiana, ƒe enyi woenye esi, le esime wònɔ nye ɖo kplɔm, tso ɖevime ke, nɔ ŋutegawo fiam, esime meyi ɖe Egbɔ la, Egblɔ be, Egblɔ be, “Ne nàɖo mo vevie, ana amewo naxɔ dziwò se la, naneke manɔ te ɖe gbedodoɖa ŋgɔ o.”

William Marrion Branham nye Gbe si Mawu tia na xexeame. Nyagblɔɖila ŋusẽtɔ aɖe si gbɔ Mawu ƒe Nya la vana. Le Nya la ŋu la, eyae nye Mawu ƒe Nya ƒe Mawume gɔmeɖela ƉEKA si li.

Mawu Ŋutɔ ɖo kpe eyama Dzi, kple Dzo Lilikpo la.

Dame ƒe ŋkeke 7lia, ƒe 2025 me la, SATANA na ɖoƒe eƒe Kardinalwo ƒe Takpekpe le Sistine Sɔlemexɔ me le Roma be woatia woaƒe Kristo Teƒenɔla, be woawu Ale Aƒetɔ La Gblɔ Esi ŋu.

Amegbetɔ ɖo kpe eyama dzi kple DUDZƆ ƔI SI KAKA.

Kristo ƒe Ŋugbetɔ la le xexeame godoo le dzidzɔ kpɔm, le ɣli dom, aƒadom hele Aƒetɔ la kafum esime míele nyagblɔɖila ƒe nyagblɔɖi sem, hele ekpɔm kple míaŋutɔ ƒe ŋkuwo, wòle eme vam.

Ele abe ɖee míele Ƒu Dzĩ la kpɔm le ʋuʋu ɖi le míaƒe ŋkuwo me ene. Mana Yeye le gegem tso dziƒo. Tegli miliɔ̃wo le Ŋugbetɔ la nyim. Tsi le dodom tso Agakpe la me. Dzo le ɖiɖim le vɔ̃sa la bim kple Eliya.

Nyagblɔɖi le emevam gbesiagbe. Mawu ƒe Nya si ƒe ŋugbe wodo la le ɖeɖem ɖe go le míaƒe agbewo me. Nuwo le dzɔdzɔm ƒo xlã. Ŋugbetɔ la dzra Eɖokui ɖi vɔ xoxo to Nya la sese kple edzixɔse me. Míawoe nye Nya si zu ŋutilã.

Nyateƒee, míeva ɖo. Ɣeyiɣi la tu aƒe. Ŋugbetɔ la le dzidzɔ kpɔm hele ɖeka wɔm ɖe du le xexeame godoo abe alesi medzɔ kpɔ o. Nyagblɔɖila la le kakaɖedzi nam Ŋugbetɔa to gbɔgblɔ na mí me be míenye Mawu ƒe fia nunɔlanyenye, dukɔ kɔkɔe, dukɔ tɔxɛ aɖe si woyɔ, wotia, wotsɔ, eye woɖe ɖe aga.

AZƆ MÍENYE Mawu ƒe viŋutsuwo kple vinyɔnuwo, siwo Mawu ƒe Gbɔgbɔ le kpɔkplɔm; Menye amegbetɔe o, ke boŋ Gbɔgbɔ lae. Míenya, ɖikeke ƒe vɔvɔli ɖeka manɔmee be, míenye Eƒe Ŋugbetɔ. Míaƒe xɔse le kɔkɔƒe yeyewo ɖom gbesiagbe. Tetɔtɔ mí alo hehe mí ɖe megbe aɖeke meli o, Mawu Ɖee fia hekui seke ɖe míaƒe dzi kple luʋɔ me.

Ŋugbetɔ la de dzesi amesiwo míenye la bliboe. Míele míaƒe gbɔgbɔme Ŋugbedodonyigba dzi, le nusianu si le mía si la me keŋkeŋ. Dziƒo ŋutifafa, Dziƒo yayrawo, Dziƒo Gbɔgbɔ le mía si. NUSIANU NYE MÍATƆ. Ðeko míele dzadzram ɖo ɖe nusi le Esi na mí le emegbe ŋu.

Aƒetɔ la ƒe kpẽ la aɖi, eye ame kukuwo le Kristo me la, woafɔ gbã.
Dziƒoŋutilã siawo aɖiɖi ava anyigba eye woado anyigbatɔawo, ŋutikɔkɔe ƒe ŋutilãwo eye woatrɔ le ɣeyiɣi kpui aɖe me, le aɖabaƒoƒo ɖeka me. Woakɔ mí adzoe ɖe du kpli wo, be míado go Aƒetɔ la le yame.    

Ŋkeke kae nye nye si. Ɣeyiɣi kae nye si. Mɔ aɖeke meli si dzi mato agblɔ nusi mí katã míele sesem le mía ɖokui me le míaƒe luʋɔwo me. Míaƒe dziwo le du dzi. Míele ewɔm be wòadzɔ o, Gbɔgbɔ Kɔkɔe la le abe tometsi vudo aɖe si le fiafiam le mía me ene. Ŋugbetɔ la nɔ ɣeyiɣi sia lalam tso Adam ƒe ŋkekeawo me…eye MÍELE AFISIA AZƆ.

Míele dza dom na mi. Míele miakpem. Míele kokoƒom na mi. Mivawɔ ɖeka kpli mí hena ɣeyiɣi wɔnukutɔ kekeake si xexeame nya gɔ̃ hã, esi míase Mawu ƒe Gbe wòaɖe Eƒe Nya la fia mí Kwasiɖagbe sia le ƔETRƆ ga 12 me, Jeffersonville ƒe game, esime míase: 60-0518 Vixɔxɔ #2.

Nɔvi. Joseph Branham

Ŋɔŋlɔ siwo woaxlẽ doŋgɔ na Gbedeasi
Mose I, 1:26
Efesotɔwo ƒe ta gbãtɔ
Romatɔwo 8:19
Galatiatɔwo 1:6-9
Hebritɔwo ƒe Ta Adelia
Yohanes 1:17