Ubutumwa: 63-0317e Icanzo Hagati Y Ibihe Ndwi Vy Ishengero N Ibimatanishije Udushashara Ndwi

• 25-0309 Icanzo Hagati Y Ibihe Ndwi Vy Ishengero N Ibimatanishije Udushashara Ndwi
• 23-0716 Icanzo Hagati Y Ibihe Ndwi Vy Ishengero N Ibimatanishije Udushashara Ndwi
• 22-0123 Icanzo Hagati Y Ibihe Ndwi Vy Ishengero N Ibimatanishije Udushashara Ndwi
• 21-0117 Icanzo Hagati Y Ibihe Ndwi Vy Ishengero N Ibimatanishije Udushashara Ndwi
• Inkona Zirakoranira Hamwe
• 19-0324 Icanzo Hagati Y Ibihe Ndwi Vy Ishengero N Ibimatanishije Udushashara Ndwi
• 17-0319 Icanzo Hagati Y Ibihe Ndwi Vy Ishengero N Ibimatanishije Udushashara Ndwi

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bagarukanywe,

Sinigeze nduha kwumva Ijwi ry’Imana Ritubwira abo turi bo, aho tuva, aho tuja, ivyo tuzoragwa, n’ingene Adukunda.

Ubuherezi bw’ivya mpwemu, ihanga ry’ubwami, rihereza Imana ibimazi vya mpwemu, ivyamwa vy’iminwa yabo, bashima Izina ryaYo.” Mbega—mbega abantu! Yarabaronse.

Ukwirurwa n’amahoro vyacu vyonyene bizanwa n’ukwumva Ijwi ry’Imana Rivugana natwe, hanyuma tugasubira kuvugana na Data mu gutanga ibimazi vya mpwemu biciye ku vyamwa vy’iminwa yacu, dushima Izina ryiWe.

Iyi si yose iriko iraniha. Ibidukikije biriko biraniha. Tuniha kandi turindiriye ukuza kw’Umwami. Iyi si ntaco idufitiye. Twiteguriye kugenda no kuja mu Mazimano yacu y’Ubukwe no Muhira Iwacu ho muri kazoza turi kumwe na We n’abo bose basanzwe bari hariya, neza hirya y’igihuzu c’igihe, baturindiriye.

Reka duhaguruke twinyiganyize! Shiture agatimanama kacu, twikangure ku biriko biraba ubu nyene n’ibizoba mu kanya nk’ako gukubita urugohe.

Nta na rimwe muri kahise k’isi vyashobokeye Umugeni wa Kristo ko Yunga ubumwe kw’isi yose, bose mu gihe kimwe neza na neza, kugira ngo Yumve Ijwi ry’Imana Rivuga kandi Rihishurira Ijambo ryaYo Umugeni waYo.

Abizera, mwibaze, ni irihe jwi, ni wuhe mukozi w’Imana, ni uwuhe muntu, ashobora guhuza no gushira hamwe Umugeni wa Kristo ? Namba uri Umugeni wa Kristo, urazi gusa ko ata rindi Jwi Ririho Atari Ijwi ry’Imana Riri ku mabande.

Ego, Mpwemu Yera Ari muri umwe wese muri twebwe, muri buri rwego rw’ishengero, ariko Imana ubwaYo Yatubwiye ko Izocira isi urubanza Yisunze Ijambo RyaYo. Umugeni Arazi ko Ijambo RyaYo Riva ku muvugishwa waYo. Umuvugishwa waYo ni we WENYENE musobanuzi avuye ku Mana w’Ijambo RyaYo. Ivyo yavuze ntibishobora kwongerwako canke ngo bigabanywe. Ni Ijambo, ku mabande, twese tuzocirwako urubanza, kandi nta rindi jambo canke insobanuro y’iryo Jambo.

Ntibishoboka ko hari irindi jwi ryohuza Umugeni. Ijwi ry’Imana Ryonyene Riri ku mabande Rishobora guhuza Umugeni WaYo. Ni Ryo Jambo Ryonyene Umugeni Ashobora kwemeranyako. Ni Ryo Jwi Ryonyene Imana ubwaYo Yagaragaje ko Ari Ijwi RyaYo ku Mugeni WaYo. Umugeni WiWe Ategerezwa kuba mu Ciyumviro kimwe n’Uguhuriza hamwe kugira ngo Abe kumwe na We.

Abakozi b’Imana barashobora gukora igikorwa c’Imana, abigisha barashobora kwigisha, abungere barashobora kuragira, ariko Ijwi ry’Imana Riri ku mabande Ritegerezwa kuba ari ryo Jwi Rihambaye kuruta ayandi yose bategerezwa gushira imbere y’abantu. Ni Icishimikizo Ntanyiganyizwa c’Umugeni.

Namba ufise Uguhishurirwa kw’ivyo, rero ibi nivyo bigiye gushika.

Ijambo Ritubwira ko Adamu yatakaje iragi ryiwe, isi. Ryavuye mu kiganza ciwe rija k’uwo yarigurishijeko, ari we Satani. Yagurishije ukwizera Imana kwiwe, ku vyiyumviro vya Satani. Yatakarije agace kose mu biganza vya Satani. Ryavuye mu kiganza ciwe rija kwa Satani.

Imana ni Imana y’ibiriho vyose, ahantu hose, ariko umuhungu wayo Adamu yari afise iyi si mu bubasha bwiwe bwite. Yarashobora kuvuga, yashobora kwita izina, yashobora kuvuga, yashobora guhagarika ibidukikije, yashobora gukora ivyo ashaka vyose. Yari afise ububasha bushitse kandi burengeye ubundi bwose kw’isi.

Adamu yarabitakaje vyose, ariko Imana Ishimwe, ivyo yatakaje vyose n’ivyo yahevye vyose vyaracunguwe n’Umucunguzi wacu w’Incuti yo hagufi, nta wundi atari Imana Mushoboravyose, Yabaye Imanuweli, umwe muri twebwe. UBU, NI IVYACU.
Turi abahungu n’abakobwa biwe bazoganza bakaba abami n’abaherezi hamwe na We. Turafise ubugingo budashira na We hamwe n’abo dukunda bose. Nta ndwara, nta mubabaro, urupfu, gusa ibihe bidashira twese hamwe.

Iyo twiyumviriye ivyo, tworeka gute Satani akadukubita hasi? Ni IVYACU, aho niho turiko turaja vuba cane. Yaduhaye ikintu gikomeye kuruta ibindi vyose yoshobora kuduha. Iyi minsi mikeyi y’ibipimo n’ibigeragezo kuri iyi si birohamishwa n’ingoga hamwe n’INTSINZI YACU IKOMEYE IRI NEZA MU MINSI IRI IMBERE YACU.

UKWIZERA kwacu ntikwigeze kuba ugukomeye kuruta. Umunezero wacu ntiwigeze uba mwinshi nk’uwo. Turazi abo turi bo n’aho tuja. Turazi ko turi mu Bugombe Bwiwe Butunganye mu kugumana n’Ijambo Ryiwe. Ico dukeneye gukora conyene ni ukugumana n’amabande no kwizera Ijambo Ryose; atari ugutahura na gatoya, ARIKO KWIZERA IJAMBO RYOSE…kandi TURABIKORA !

Ukwizera kuva ku kwumva, kwumva Ijambo. Ijambo Riza ku muvugishwa. Imana Yarabivuze. Imana YaraRifashe amajwi. Imana YaraRihishuye. TuraRyumva. TuraRyizera.

Ushobora kuronka uku Guhishurirwa honyene mu kwumviriza Ijwi ry’Imana ku mabande.

Ivyo vyose, ivyo Kristo Azokora kw’iherezo tuzobihishurirwa muri iri yinga, mu Dushashara Indwi, Imana Niyo Yabiturekurira. Murabona ? Ni Vyiza. Bizohishurwa. Kandi bihishurwe, uko Udushashara Tumenagurwa Tukaturekurirwa, rero niho dushobora kubona ico ari co uwo mugambi uhambaye w’ugucungura, hamwe n’igihe n’ingene bigiye gukorwa. Vyose bihishijwe muri iki Gitabu c’amabanga ng’aha. Vyadomweko ikimenyetso, Yahagurutse Afise Udushashara Indwi, kandi rero Umwagazi w’Intama ni We wenyene Ashobora kuTumenagura.

Kuri uwu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi) igice c’Umugeni kw’isi yose kizoba kiriko kirumviriza Ijwi ry’Imana bose mu mwanya umwe. Tuzoba turiko dutera ijuru n’amasengesho yacu kandi turiko turaYisenga. Ndabatumiye kuza kwifatanya natwe mu gihe tuzokwumviriza: Icanzo Hagati y’Ibihe Ndwi vy’Ishengero n’Ibimatanije Udushashara Ndwi, 63-0317E

Ndasavye ntimwibagire ivy’ihinduka ry’igihe i Jeffersonville mu mpera y’iryi yinga.

MweneData Joseph Branham

Ubutumwa: 63-0317m Imana Yihisha Mu Biciye Bugufi Hanyuma Ikihishura Muri Ivyo Nyene

• 25-0302Imana Yihisha Mu Biciye Bugufi Hanyuma Ikihishura Muri Ivyo Nyene
• 23-0709 Imana Yihisha Mu Biciye Bugufi Hanyuma Ikihishura Muri Ivyo Nyene
• 22-0116 Imana Yihisha Mu Biciye Bugufi Hanyuma Ikihishura Muri Ivyo Nyene
• 21-0110 Imana Yihisha Mu Biciye Bugufi Hanyuma Ikihishura Muri Ivyo Nyene
• Inkona Zirakoranira Hamwe
• 19-0317 Imana Yihisha Mu Biciye Bugufi Hanyuma Ikihishura Muri Ivyo Nyene
• 17-0318 Imana Yihisha Mu Biciye Bugufi Hanyuma Ikihishura Muri Ivyo Nyene

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Birungu vyo mu Kidengeri,

Kuwa 28 ukwezi kwa kabiri, Vyaraturagaye. Fiuuu, fiuuu, Abamarayika Indwi baje bavuye mu bihe bidashira kandi babonetse ku Ntumwa Mumarayika w’Indwi w’Imana. Yadugijwe mw’ipiramide y’umugwi w’inyenyeri. Ico gihe, igicu c’insigabwenge cabonetse mu kirere hariya Arizona. Cari ikimenyetso, Imana Yariko Irarungika umumarayika w’indwi waYo kugaruka i Jeffersonville kwugurura Udushashara Ndwi.

Kuwa 28 ukwezi kwa kabiri 2025, imibumbe indwi yaratonze mu kirere. Umugeni Ariko Aritegurira gukoranira hamwe kugira Yumvirize Udushashara Ndwi.

Muratumiwe, n’Umwami UbwiWe, gukoranira hamwe n’Umugeni kw’isi yose, kwumiriza Ijwi Ry’Imana Rihishura Uguhishura kw’Udushashara Ndwi.

Umunsi abavugishwa n’abanyabwenge bipfuje kandi barindiriye kuva kw’itanguriro ry’igihe, biriko biraba. Umumarayika w’inkomezi uwo Imana Yavuze ko Yorungika kw’isi mu minsi ya nyuma yaraje kwugurura no guhishura amabanga y’Imana yanyegejwe, ku buryo Umwami Wacu Yesu Ashobora kugaruka kubw’Umugeni WiWe w’umwizigirwa no kudutwara mu Mazimano yacu y’Ubukwe.

Inshingano yanje ya mbere, mu gihe ninjiye mu rusengero rushasha, nahezagiye ubugeni bw’umusore n’inkumi bari mu biro. Bibe ikigereranyo, ko nzoba umukozi w’Imana w’umwizigirwa kuri Kristo, kugira ntegure Umugeni kubw’ibirori vyo kuri urya Munsi.

Uyu munsi, iri Jambo Ririko Rirashitswa. Imana Ivugira mu mumarayika waYo, ategura Umugeni waYo kubw’birori vyo kuri urya Munsi. Dukurikiza amabwirizwa yaYo urudome ku rundi. Umugeni Yariteguye ubwiWe mu KUGUMANA N’IJWI RY’IMANA RIRI KU MABANDE.

Ni ibiki twumvise nyene mu nzozi n’ivyeretswe ? Imfungurwa, NG’IZI, iki nico kibanza. Ijwi Ryaramubwiye Riti, « Injiza Imfungurwa. Zibike. Ubwo ni bwo buryo bwonyene bwo kubagumiza ng’aha, ni ukubaha Imfungurwa. »

Benshi bizera ko bisigura gusa « gumana gusa n’Ijambo, » kandi ivyo NI UKURI, arabivuga, ariko Umugeni vyongeye Azosoma hagati y’imirongo mu gihe Umukwe Ariko Aravugana n’Umugeni.

N’ivyeretswe Imana Itanga ng’aha ku kibanza, bitahurika nabi cane. Ni yo mpamvu munyumva ku mabande, mvuga nti, « Muvuge ivyo amabande avuga. Muvuge ivyo ivyeretswe bivuga. » Ubu, namba mwikanguye neza, murabona ikintu kinaka. Murabona ? Nizigiye ko ntazotegerezwa kugifata mu kiganza no kukibereka.

N’ivyeretswe ntivyatahurika, mbere n’inyuma yuko abahaye insiguro. Ivyo ni vyo yariko aratubwira, namba mudashaka kuzazanirwa, canke kudatahura, Mufyonde Muvuze maze mwumve neza na neza ivyo Ijwi Ry’Imana Rivuga.

Ndazi ko Ijambo Rifise insiguro nyinshi, ariko ng’iyi insuguro yanje : inzozi n’ivyeretswe vyavuga kimwe vyose ; mugumane n’amabande. Namba mufise ikibazo, muje mu mabande. Amabande Ni Imfungurwa Zabitswe n’Imana. Muvuge gusa ibiri ku mabande ; ntimwongereko na kimwe. Amabande ni Uko Niko Uhoraho Agize ku Mugeni. Ijambo Ryaje ku muvugishwa wenyene. Umuvugishwa ni we musiguzi w’Imana WENYENE w’Ijambo. Umuvugishwa yategerezwa guhamagara no kurongora Umugeni. Nzocirwa urubanza n’ibivugwa ku MABANDE.
Vyose binyerekeza ku MABANDE.

Bakunzi banje Birungu vyo mu kidengeri, kuri jewe, GUFYONDA NO KUVUZA NI IMANA MU BICIYE BUGUFI MURI KINO GIHE.

Uko iyinga rije, ndushiriza kunezerwa ; ni ibiki bigiye guhishurwa uno munsi mu gihe Umugeni WiWe Akorana kugira ngo Yumvirize Ubutumwa ? Ndazi ko Mpwemu Yera Azosiga umwe wese muri twebwe mu gihe Ahishura Ijambo RyiWe nk’uko bitigeze biba mbere. Ndumva, mu mwanya uwo ari wo wose nyene, ko Azoza maze Akadutwara ku Mazimano y’Ubukwe Bwacu.

Turi abahungu n’abakobwa b’Imana. Turi uruvyaro ruva ku Mana. Turi abaragwa b’isi. Tuzogenzura ibidukikije. Tuzovuga ibintu bibeho. Turi Umugeni.

Twishikane ubugira kandi ku gikorwa, kandi twiyegurire ubwacu Kristo.

MweneData Joseph Branham.

Igenekerezo : 2 Ukwezi kwa Gatatu 2025

Ubutumwa : Imana Yihisha mu Biciye Bugufi Hanyuma Ikihishura Muri Ivyo Nyene.

Isaha : Isaha zitandatu ku mutaga, kw’isaha ya Jeffersonville (Isaha imwe yo mw’ijoro mu Burundi.)

Ubutumwa: 62-1230e Migenzi Mbega Iki Ni Ikimenyetso C Iherezo?

Kuvoma Ubutumwa

• 25-0223 Mugenzi, Iki Ni Ikimenyetso c’Iherezo?
• 23-0625 Mugenzi, Iki Ni Ikimenyetso c’Iherezo?
• 22-0109 Mugenzi, Iki Ni Ikimenyetso c’Iherezo ?
• 18-1230 Mugenzi, Iki Ni Ikimenyetso c’Iherezo?
• 16-1218 Mugenzi, Iki Ni Ikimenyetso c’Iherezo?

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bagenzi nkunda,

Iki ni Ikimenyetso. Iki ni igihe. Ubu ni, Ubutumwa. Ibi ni, Ijambo. Iri ni Ijwi ry’Imana. Uyu ni, Umwana w’Umuntu. Iyi ni, inzira Imana Yatanze. Iki ni, igihe c’iherezo.

Nta muvugishwa, nta ntumwa, nta na rimwe, mu gihe ico ari co cose, yigeze abaho mu gihe nk’iki tubayemwo ubu. Vyanditswe mu kirere. Vyanditswe hejuru y’isi. Vyanditswe mu kinyamakuru cose. Iri ni iherezo, namba ushobora gusoma inyandiko y’ukuboko.

Uwufise ugutwi, ni yumve ivyo Imana Yavuze, kandi vyafashwe amajwi, rero ntivyoba ijambo ryanje, ivyiyumviro vyanje, ico ndavyibazako, ahubwo Ijwi ry’Imana nyene Ryigisha Umugeni WaYo ico ari co inzira yaYo YONYENE itunganye Yatanze y’uyu munsi.

Ngwino maze wumvirize mu gihe Itubwira kandi Iduhishurira biciye mu Vyanditswe, mu vyeretswe, biciye mu gusobanura indoto, kugira ngo ugumane n’Ubutumwa, ugumane n’ama bande. Vuga GUSA ibiri ku ma bande.

Nta bundi buryo bwiza, canke uburyo bwizewe kuruta kwumva Ijwi ry’Imana Rivuye ku Mana ubwaYo. Imana Yategetse Umugeni waYo mu kuvuga biciye ku muvugishwa waYo kandi Itubwira, GUFYONDA TUKAVUZA, nta bindi.

Rivuge, Ryigishe, Rishingire intahe, kandi uRibwire isi, ariko, Itubwira ko hariho uburyo bumwe bwonyene bwo gutunganya Umugeni: kwumviriza Ijwi ry’Imana ku ma bande. Namba hari ikintu kikuzazaniye, vuza iyo bande. Ritegerezwa kuba IRYA MBERE, kandi Ijwi rihambaye kuruta ayandi yose utegerezwa kwumviriza. Ni Ijambo RyaYo Ritunganye Yashize kuri bande.

Ubu gereranya mbere ivyo hamwe n’ibindi, indoto. Ibi vyari iyerekwa. Imfungurwa, ng’izi. Ikibanza ni iki.

Umviriza, mu ndoto n’ivyeretswe, Imfungurwa z’Umugeni Ziri hehe? None ikibanza ni ikihe? Ubutumwa bw’Umugeni buri ku ma bande.

Kandi ivyo bimeze nk’i muhira, kuri jewe. Aha ni ho hantu. Kandi namba mubibona, indoto zavuze co kimwe, murabona, aho Imfungurwa ziri.

Kugira ngo amenye neza ko twabitahuye, yongera kutubwira, ko ama bande ari Imfungurwa z’Umugeni.

“Nta gihe gisigaye.” Namba ari uko biri, reka twitegure bagenzi, guhura n’Imana Yacu.

Ego, Mwami, ico ni co cipfuzo c’umutima wacu, co kwitegurira guhura naWe, kuba Umugeni WaWe. None twokora iki ga Mwami? Uburyo bwaWe Watanze ni ubuhe? Umugambi waWe ni uwuhe? Uburyo bwaWe butunganye ni ubuhe? Waturungikiye umuvugishwa Woshobora kuvugiramwo ngo Utubarire. Ndagusavye Utwigishe.

Hariho Imfungurwa nyinshi Zashizwemwo ubu. Reka tuZikoreshe. Reka tuZikoreshe ubu.

Umuntu ashobora kuba impumyi gute? Atubwira ico dukora: hariho Imfungurwa nyinshi Zabitswe ku ma bande; muZikoreshe UBU. Iri ni ibwirizwa ry’Imana ku Mugeni WaYo.

Namba uvuga ko wizera ubu Butumwa, wizera William Marrion Branham ko ari intumwa muvugishwa w’Imana yarungitswe gusohora Umugeni; ubuzima bwiwe bushitsa ivyanditswe vyose vyamuvuzeko; wizera ko ari Ijwi ry’Imana ry’iki gihe, hanyuma YO; Imana, Ivugira mu muvugishwa waYo, Ibwira Umugeni mu congereza gisanzwe ico Akwiye gukora.

Naho dutwengwa, tugahamwa, tugakengerwa kubera twumviriza gusa ama bande , turiko turakora neza neza ivyo Yatubwiye gukora. Urakoze Mwami ku Guhishurirwa.

Ndashaka gutumira isi ngo yifatanye natwe kuri uyu w’iyinga isaha zitandatu ku mutaga, kw’isaha ya Jeffersonville (isaha imwe y’ijoro mu Burundi), mu gihe twumviriza: “Mugenzi, Mbega Iki Ni Ikimenyetso C’Iherezo ?” Tuzoba turiko twumviriza vyose ku vyerekeye:

Imituragaro, Udushashara Indwi, Urutare mw’iforoma ya Piramide, Imfungurwa za Mpwemu, Ibihe Bidashira, Umugwi w’Abamarayika, Icicaro Canje Gikuru, Iyerekwa, Indoto, Ubuvugishwa, Amabanga Yanyegejwe, Ivyanditswe ku Vyanditswe.

Nta kintu gihambaye muri ubu buzima kiruta kwumviriza no kwumvira Ijwi ry’Imana.

MweneData Joseph Branham.

Ivyanditswe:

Malaki Igice ca 4

Uwera Matayo 13:3-50

Abaroma 9:33/11:25/16:25

1 Ab’i Korinto 14:8 / Igice ca 15

Ab’i Galatiya 2:20

Abanyefeso 3:1-11 / 6:19 / 5:28-32

Ab’i Kolosayi 4:3

1 Ab’i Tesalonike 4:14-17

1 Timoteyo 3:16

Abaheburayo 13:8

2 Petero 2:6

Ivyahishuriwe Yohana 1:20/3:14/5:1/6:1/10:1-7/Igice ca 17

Ubutumwa: 61-0806 Iyinga Rya Mirongirindwi Rya Daniyeli

• 25-0216 Iyinga Rya Mirongirindwi Rya Daniyeli
• 16-1126 Iyinga Rya Mirongirindwi Rya Daniyeli

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Mureretse & Murindiriye,

Hariho umunezero hagati mu Mugeni nk’uko bitigeze bibaho mbere. Dufise igishika cinshi; umwaka wacu wa yubire witeguye kuba. Umugeni Yarindiriye igihe kirekire cane ko uwo munsi ushika. Iherezo ry’igihe c’Abanyamahanga rirashitse kandi intango y’ibihe bidashira hamwe n’Umwami Wacu izotangura vuba.

Turatahura igihe tubayemwo mu kwumva Ijambo. Igihe caraheze. Igihe c’Izamurwa kiri hafi. Twarashitse. Mpwemu Yera Yaraje maze Ahishurira Umugeni wiWe ibintu vyose bikomeye, vyimbitse, vy’ibanga.

Turondera Imana n’intege zacu za nyuma; twitegura. Twarikuye ibintu vyose vy’iyi si. Imyitwarariko y’ubu buzima ntaco itubwiye. Ukwizera kwacu kwashitse ku rwego rwo hejuru kuruta uko vyari bimeze mbere. Mpwemu Yera Ariko Araha Umupfasoni wiWe Yatowe Ukwizera kw’Izamurwa, ku buryo Ashobora kuza maze Akamutwara

Aya mahinga mirongo intandatu n’icenda vyarahuye neza ; ukugenda kw’Abayuda kwarahuye neza ; igihe c’ishengero carahuye neza. Turi mu gihe c’iherezo, igihe c’iherezo, igihe c’ishengero rya Lawodikiya, iherezo ryaco. Intumwa nyenyeri bose baravuze ubutumwa bwabo. Bwaratangajwe. Tubandanya gusa ku muvuduko.

Mbega igihe c’amayobera turiko turabamwo, ni igihe kigoye kuruta ibindi vyose mu gihe umwansi ariko aratera abantu bose nk’uko atigeze mbere. Ariko ata ivyo afise vyose kuri twebwe. Ari mu kwihebura, kuko azi ko igihe ciwe cashitse kw’iherezo.

Ariko muri ico gihe nyene, ntitwigeze tugira umunezero nk’uwo mu buzima bwacu.

• Ntitwigeze twegera Umwami nk’uko bimeze.
• Mpwemu Yera Yuzura agace kwose k’umubiri wacu.
• Urukundo dufitiye Ijambo ryiWe ntirwari bwigere ruba uruhambaye.
• Uguhishurirwa kwacu kw’ijambo ryiWe kwuzuza umushaha wacu.
• Turiko turatsinda umwansi wese dukoresheje Ijambo.

KANDI, ntitwigeze tumenya neza abo turi bo :

• ABATORANIJWE
• ABATOWE
• ABAHISWEMWO
• URUBUTO CAMI
• ABAKUNDWA
• AB’IBIHE BIDASHIRA, ABAMBAYE IMVUNE ZERA, ABAPFASONI BA YESU, ABUMVIRIZA BANDE, ABAMURIKIWE, INKUMI ZITAKOZWEKO, ZUZUYE MPWEMU, ABADATSINDWA, ABAGIZWE ABANA, ABATAVANZE, UMUGENI JAMBO W’INKUMI.

Ni igiki kizokurikira? Ibuye ririko riraza. Turareretse ; turarindiriye kandi turasenga umunota wose w’umusi wose. Nta kindi gihambaye atari ukwitegurira ukuza kwiWe.

Si, “Turavyizigiye”, TURABIZI. Nta gukekeranya kukiriho. Mu kanya gatoyi, mu kanya nk’ako gukubita urugohe bizohera, kandi tuzoba turi ku rundi ruhande n’abakundwa bacu bose na WE ku Mazimano yacu y’Ubukwe.

KANDI IYO NI INTANGO GUSA…KANDI NTA HEREZO!!

Ni muze mwitegurire ayo Mazimano y’Ubukwe hamwe natwe kuri uyu w’iyinga isaha zitandatu zo ku mutaga, kw’isaha ya Jeffersonville (isaha imwe y’ijoro mu Burundi), mu gihe Imana Ivugira mu mumarayika waYo w’inkomezi, uwo Yarungitse kurongora Umugeni WaYo, mu gihe avuga, kandi ahishura, amabanga yose y’Imana.

MweneData Joseph Branham.

Ubutumwa: 61-0806 – Iyinga Rya Mirongwirindwi Rya Daniyeli

Ubutumwa: 61-0730E Intumbero Zitandatu Zatumye Gaburiyeli Agendera Daniyeli

• 25-0209 Intumbero Zitandatu Zatumye Gaburiyeli Agendera Daniyeli
• 16-1125 Intumbero Zitandatu Zatumye Gaburiyeli Agendera Daniyeli

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Anezerwa,

Twatumbereje amaso yacu mw’Ijuru mu gusenga no mu kwinginga kugira ngo tubone umunsi n’isaha nyene tubayemwo.

Nk’uko bitigeze bibaho mbere, twicaye ahantu ho mw’ijuru, tuvuye hirya no hino kw’isi, twumva Imana Ivuga kandi Ihishura Ijambo ryaYo biciye ku ntumwa mumarayika waYo w’inkomezi. Intumwa mumarayika wo kw’isi Data Yarungikiye Umugeni wiWe muri iki gihe ca nyuma kugira ngo ahishure Ijambo ryaYo.

Gaburiyeli ni umumarayika kw’ihanga ry’Imana ryatowe, Abayuda. Ariko ku Mugeni waYo w’Umunyamahanga, Melekisedeki ubwiWe Yaraje Avugira mu mubiri w’umuntu mu mumarayika wo kw’isi yitwa William Marrion Branham, ku buryo Yashobora kuvuga no guhishurira Ijambo ryiwe RYOSE Umugeni wiWe mukundwa akunda.

Yari yaRifashe ijwi, araRibika, araRizigama, ku buryo Umugeni Yoronka Imfungurwa ziWe za mpwemu, Manu Yanyegejwe, ku ntoke zabo umunota wose w’umunsi wose gushika kw’iherezo ry’igihe.

Umuntu wacu w’imbere yuzuye mwene ukwo gusigwa mu gihe twumva Ijwi ry’Imana Riduhishurira Ijambo ryaYo. Ukuntu Ipfukura Ijambo ryaYo kugira ngo tubone neza kandi dutahure insobanuro yaRyo. Ni uguhishura igihe nyene tubayemwo, Ikatubwira abo turi bo n’ibizoba vuba cane; Izamurwa ryacu rigiye kuza vuba.

Mbere ariko ahishurira Umugeni waYo ibizoba hano kw’isi mu gihe tuzoba turi kumwe na we ku Mazimano y’Ubukwe. Ingene azohumura amaso yahumye y’ihanga ryaYo Yatoye; abo Yahumishije amaso kubera Umugeni wiwe w’Umunyamahanga.

Bagenzi banje, ndazi ingene turushe cane n’iyi si kandi twipfuza ukuza kwaYo kugira ngo Itujane, ariko kandi reka tunezerwe kandi dukenguruke ibiriko biraba ubu nyene imbere y’amaso yacu.

Tuduze ibiganza vyacu, imitima yacu, amajwi yacu kandi tunezerwe. Si uko gusa turindiriye ivyo Igiye kudukorera vuba cane, ariko reka tunezerwe kuvyo Iriko Iraduhishurira kandi Idukorera UBU nyene.

Iriko Iratubwira ko turi Umugeni waYo Yatoranije twifatanya na Yo n’Ijambo RyaYo. Ariko aratwizeza kenshi, ko turi mu Bugombe bwaYo butunganye mu kugumana n’Ijwi ryaYo, Ijambo ryaYo, umumarayika waYo. Yaduhaye UKWIZERA mu kumenya no kwemera abo turi bo:

IJAMBO RYAYO RIBA MU MUBIRI.

Nta na kimwe dufise co gutinya; Nta na kimwe co kwiganyira; Nta na kimwe co kutubabaza. None ivyo ndabimenya gute? IMANA YARABIVUZE ! RERO TUNEZERWE, DUHIMBARWE, DUKENGURUKE ; IJAMBO RIZIMA RIBAHO KANDI RIGERERA MURI TWEBWE. TURI URUBUTO CAMI RWAYO RUDASANZWE.

Nizera vy’ukuri ko Umwami na we nyene ategerezwa kunezerwa mu kumenya ko igihe cashitse kandi ko twiteguye mu kuguma turi ab’ukuri n’abizigirwa kw’Ijambo ryiWe.
Nka ka gahungu gatoyi karavye mu cirore ubwa mbere, natwe turiko turaraba mw’Ijambo Ryiwe, tukabona abo TURI BO. Mwami…NI JEWE. Ndi Ijambo Mugeni Ryawe Rizima. Ndi uwo Wahisemwo. Ndi muri Wewe, Uri muri jewe, turi Umwe.

None twoshobora gute kudahimbaza no kuba abantu bahimbawe kuruta abandi bose babayeho kw’isi? Abera bose n’abavugishwa bose b’imbere yacu baripfuje kubaho muri iki gihe no kubona aya masezerano ashika. Ariko kubw’UBUNTU bw’Imana, Yadushize ng’aha.

Ntidushobora kurindira:

Yooo! Mana weee! Fiuuu! Mu yandi majambo, igihe umwansi yamaze kwirukanwa, iherezo ry’icaha rirashika, ukuzana ubugororotsi buhoraho kurashika, Shetani yugaranirwa mu mwobo w’i kuzimu, kandi ubumenyi bw’Uhoraho buzopfuka isi nk’uko amazi atwikira ikiyaga. Amen! Imana Ihabwe Icubahiro! Biraje, mweneData, biraje !

Mbega ugusigwa kuzoba ku munsi w’iyinga isaha zitandatu ku mutaga, kw’isaha ya Jeffersonville (isaha imwe y’ijoro mu Burundi), mu gihe tuzokoranira hamwe tuvuye hirya no hino kw’isi kugira ngo twumve umumarayika w’Imana, Ijwi ry’Imana ku Mugeni, Rituzanira Ubutumwa: 61-0730E Intumbero Zitandatu Zatumye Gaburiyeli Agendera Daniyeli.

MweneData Joseph Branham

Ubutumwa: 61-0730M Amabwirizwa Gaburiyeli Yahaye Daniyeli

• 25-0202 Amabwirizwa Gaburiyeli Yahaye Daniyeli

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakundwa Bafise Intumbero,

Mbega Urushana rw’igitangaza twaronse mu gihe twiga Ibihe Ndwi vy’Ishengero, hanyuma rero Imana Ikaduhishurira mbere n’ibindi mu Gitabu c’Ivyahishuriwe Yohana ca Yesu Kristo. Ingene ibice bitatu vya mbere vy’Ivyahishuriwe Yohana vyari Ibihe vy’Ishengero, hanyuma rero ingene Yohana yazamuwe mu gice ca 4 n’ica 5 atwereka ibintu vyategerezwa kuzoza.

Mu gice ca 6, Yarahishuye ingene Yohana yasubiye kugwa kw’isi kugira ngo abone ibintu biriko biraba bizova mu gice ca 6 gushika mu gice ca 19 c’Ivyahishuriwe Yohana.

Ese ukuntu Umugeni azohezagirwa kuw’iyinga mu gihe twumva Ijwi ry’Imana Rivuga biciye ku mumarayika waYo w’indwi w’inkomezi kandi Rikatubwira ibigiye guhishurwa hanyuma.

Ndanezerewe cane no kubamenyesha ko ubu tuzotangura icigwa gihambaye c’Amayinga Mirongirindwi Ya Daniyeli. Umuvugishwa yavuze ko bizofatanira mu Butumwa busigaye imbere y’uko twinjira mu Dushashara Ndwi; Inzamba indwi; Amagorwa atatu; umugore ari mu zuba; kwirukana ca gisato gisa n’agahama; ibihumbi ijana na mirongo ine na bine vyashizweko ikimenyetso; vyose bishika hagati y’iki gihe.

Igitabu ca Daniyeli ni co kirangamisi nyaco c’ikiringo n’igihe tubayemwo, kandi naho cosa n’ikigoye gute, Imana izokimenagura maze Ikigire icoroshe kuri twebwe.

Kandi Imana irazi ko arivyo ndiko ndarondera ubu, kugira ngo nshobore kwirura ihanga ryaYo no kuribwira ibiri hafi, haba hano muri iki gitondo, no hanze biciye mu bihugu izo bande zizojamwo, kw’isi yose, ko turi mu gihe c’iherezo.

Turi abantu Imana Yatoranije bipfuza kandi basenga uwo munsi n’iyo saha. Kandi amaso yacu arangamije mw’Ijuru, kandi turindiriye Ukuza kwaYo.

Twese tube nka Daniyeli maze duhindukirize amaso yacu yerekeje mw’Ijuru, mu gusenga no mu kwinginga, mu gihe tuzi mu gusoma Ijambo no kwumva Ijwi RyaYo, ko ukuza kw’Umwami kuriko kuregereza ningoga; turi kw’iherezo.

Dufashe Data gushira ku ruhande uburemere bwose, icaha cose, ukutizera kwose gutoyi kwodutera vyoroshe. Reka noneho twiruke tuja ku mpera y’umuhamagaro wo mw’ijuru, kuko tuzi ko igihe cacu gifise aho kigarukira.

Ubutumwa bwarasohotse. Vyose birateguye ubu; turarindiriye kandi turaruhutse. Ishengero Ryashizweko ikimenyetso. Ababisha bariko bararushiriza gukora ibibi. Amashengero ariko acika amadini birushirije, ariko abera baWe bariko baraza baKwegera.

Turafise Ijwi Risemerera rivuye mu bugaragwa, Rihamagarira abantu gusubira ku Butumwa bw’inkomoko; gusubira ku bintu vy’Imana. Turatahura mu Vyahishuriwe Yohana ko ibi bintu biriko biraba.

Ni muze mwifatanye natwe kuri uwu w’iyinga isaha zitandatu ku mutaga, kw’isaha ya Jeffersonville (isaha imwe y’ijoro mu Burundi), mu gihe Imana Izoduhishurira Ijambo RyaYo, mu gihe dutangura icigwa cacu gihambaye c’Igitabu ca Daniyeli.
MweneData Joseph Branham.

61-0730M – Amabwirizwa Gaburiyeli Yahaye Daniyeli