Category Archives: Uncategorized

21-1219 Akabonero

Obubaka: 63-0901M Akabonero

PDF

BranhamTabernacle.org

Omugole w’akabonero abaagalwa,
Tewabangawo kiseera nga kino emabega mu byafaayo by’ensi. Ensi yonna yabadde erina okuwaako obujulizi, planeti ttaano (planeti, kyetutera okuyita emmunyeenye, kigambo kya ssayansi ekitegeeza agasi agalala aganene agoomubwengula), planeti ttaano wezazze awamu mungeri y’olunyiriri. Ekintu ekimu kyabadde kigenda mumaaso Omwezi Gwekkumineebiri nga kkuminabbiri 2021 mu bwengula, ekintu ekimu bwekyabadde nga kigenda mumaaso kunsi. Omugole yabadde y’egasse awamu okuva wonna munsi Katonda nga bw’Ayogera okuyita mu nnabbi We. Era Omugole We yabadde n’okussa ekimu n’okunaaza ebigere awamu mu maka gaabwe.

Nga mbeera yabudde, n’okubeerawo kwa Mukama, ebyabadde mumaka gaffe! Abalenzi b’entambi abamu besozze amaka gaffe era netufuula amaka gaffe ekkanisa kulwa Mukama. Twatadde akabonero ku maka gaffe ne kub’amaka gaffe. Omwoyo Omutukuvu yajjuzza ennyumba yaffe, emitima gyaffe, n’emmeeme zaffe n’okubeerawo Kwe. Kyabadde nga bw’onogamba nti twabadde baana ba Isiraeli nga twetegekera olugendo lw’okuva.

Ekigambo kyabadde Kyogera gyetuli okuyita mu malayika We era kyasiigiddwa kumaka gaffe. Okufa kwabadde kutwetoolodde wonna, naye twabadde tukimanyi nti tuli mirembe, era nti ajja kutuyitako. Twabadde twetegeka okuva wano nga tudda munsi yaffe ensuubize.

Tetuwulirangako mbeera yakumpi nyo naye nga bwetwabadde ekiro ekyo. Twabadde tukimanyi nti waliwo ekigenda mumaaso. Twakitegedde nti Atutegeka olw’okujja Kwe. Naye kyabadde kirina kubeera budde buno, lunaku luno, mwezi guno, mwaka guno. Buli kimu kyatuukiridde bulungi, era mukifo kyennyini. Kyabadde n’amakulu, kyatuseewo ng’akabonero eri ensi. Buli kituukawo mu mwoyo kaba kabonero okuva eri Katonda. Beera mwegendereza, weetegereze ekyo, olaba? Wekkaanye, buli kituukawo mu mwoyo, buli kimu ekibaawo kabonero. Tetuli wano nga kigwa kitalaze. Obubonero buno tebubaawo bubeezi nga kigwa kitalaze. Kabobero, kabonero okwetegeka amangu. Nuuwa yali kabonero eri omulembe gwe. Eliya yali kabonero eri ogugwe, Yokaana yali kabonero eri ogugwe, olaba? Buli kimu, Obubaka bw’Ekiseera kabonero. Kyekkaanye, tunuulira kyekiri okukola, olaba? Kabonero. Buli kimu kirina amakulu.

Musa bweyatandika obuweereza bwe mu Isiraeri, Isiraeri amangu nnyo yakuŋŋaana okuva wonna mu Misiri nebagenda mu Goseni. Baali baddayo mu kifo gyebasibuka kubanga baamanya nti waaliwo ekyali kitegeka okubeerawo. Nga kyakulabirako ekituukiridde ddala ekyaleero! Omugole ng’Akuŋŋaanira ku Kigambo ekitatabikiddwamu birala, ekirongoofu eky’essaawa. Kuganga naffe nga bali bwebaali, tumanyi nti waliwo ekibindabinda okubeerawo.

Bava mu buvanjuba ne mu bugwanjuba, bava munsi ez’ewala, okuba n’ekijjulo wamu ne Kabaka, okulya ng’abagenyi Be, ku mmere Ye eyaterekebwa ku mmeeza Ye.

Yatuma nnabbi We malayika n’obubaka okuyitayo n’okukulembera Omugole We eri ensi ensuubize. Yeeraga mu ffe ng’alina Empagi y’Omuliro. Olwo, n’atuma akabonero Ke, Omugole We abeere wansi waako, Kubanga Ye ategeera kabonero ako kokka. Akabonero kaaleero keekaliwa? Ategeera kabonero kokka, ako bwe Bubaka Bw’Ekiseera. Ako bwe Bubaka bw’olunaku luno. Ako bwe Bubaka bw’ekiseera kino, Mu linnya lya Yesu Kristo, kafune.

Omugole, ne Kristo, bali kufuuka kimu. Obuweereza bw’Omugole n’Obuweereza bwa Kristo bwebumu. Katonda kennyini assamu ekitiibwa Obubaka bwannabbi We. Asizzaamu ekitiibwa Omugole We. Ekifaananyi kya kkamera eky’ekizikiza kiri kufuuka ekyabulijjo ekyalangi. Buli kisuubizo mu Kigambo Kye kyaffe. Kiteekwa okutugondera. Tuli kufuuka Omugole ow’Ekigambo oyo atuukiridde, okuyita mu kkubo lya Katonda ly’Ataddewo kulw’olwaleero, eddoboozi Lye, Ekigambo Kye ku ntambi.

Katonda bulijjo takyusa nteekateeka Ye. Bulijjo atumye nga nnabbi okukulemberanga abantu be. Yalinanga abalala abaali abayite era abafukeko amafuta naye baali bakkirizibwa kwogera bwogezi ekyo nnabbi kyeyali ayogedde kubanga ebigambo bye byali BWATYO BWAYOGERA MUKAMA eri abantu. Oyinza otya okubeera omukakafu kikumi ku kikumi, kimu kukinnakyo nti oli kuwulira ddoboozi lya Katonda erituukiridde? Waliwo engeri emu yokka, ku lwange. NYIGA ZANNYA.

Gyebali ddala abalala abayitibwa okubuulira Ekigambo kubanga kiri mu Kigambo era tekiyinza kuwakulwako lutalo. Naye bakkirizibwa kubuulira Kigambo ekyo kyebawulidde ku ntambi, okuva mu mubaka wa Katonda. Tebakkirizibwa kubuulira, kuyigiriza, kuvvuunula, kutoolako, oba okugatta ekintu kyonna kukyo, engeri gyekiri Ekigambo kya Katonda ekituukiridde. Ekyo Ekigambo kye kigamba.

Ssi kikyamu okuwuliriza omuweereza, nga abamu bwebagamba, era mubuufu bwebumu ssi kikyamu okugenda ku kkanisa. Olina okugenda ku kkanisa. Naye Omugole ayagala okuwulira emmere y’Omugole, era bangi bakkiriza nti engeri yokka ey’okuwuliramu Ekigambo ekituukiridde eri mu KUNYIGA ZANNYA.

Katonda abawe omukisa n’obuweereza bwabwe Katonda bw’Abayitidde, kubanga ssibalinaako buzibu, mbaagala era nzikiriza nti nja kumala obutaggwawo n’Omugole We eyamanyibwa edda Yenna. Nze ndi wa buweereza bwa Ntambi, ekyo kyokka.

Bangi bagamba, oteekeddwa okubeera n’omuweereza, okusobola okubeera Omugole. Nzikirizaganya nakyo, nkikola, WILLIAM MARRION BRANHAM, kubanga ye muweereza asingayo okubeera ow’ekitalo n’obuweereza OBUSINGAYO okubeera obw’ekitalo munsi. Kubanga ssi kigambo kye, bubaka bwe, birowoozo bye, newankubadde okubeera okuvvuunula kwe. Kye Kigambo kya Katonda ekikakasibbwa kyokka eky’olunaku lwaffe. Era ye, bwebuweereza obulamu obusinga okuba obw’ekitalo obuliyo. Ekibuuzo kyange kiri nti, Osobola okuwuliriza entambi kyokka n’obeera Omugole wa Kristo, oba kinneetagisa okubeera n’ekintu ekirala ekyongeddwako?

Nze n’ennyumba yange, tuli maka gantambi, era tukkiriza nti tuli Mugole We, era kyetwetaaga kyonna lye Ddoboozi lya Katonda ku Ntambi.

Bw’oba nga oyagala okutwegattako mumakaago, mu nnyumba yo, mu mmotoka yo, oba wonna mukama waakukwatiridde, okuwulira BWATYO BW’AYOGERA MUKAMA. Twegatteko Sande ku ssawa 3 ezookumakya mu budde bwe Jeffersonville (z’essaawa 10 ez’akawungeezi e Uganda), okuwulira Ekigambo kya Katonda nga kituukiriza Omugole We n’okumuleetera Obubaka Akabonero 63-0901M.

Owol Joseph Branham.

Ebyawandiikibwa by’okusoma nga okuwuliriza Obubaka tekunnatandika biri,

Olubereberye 4 : 10

Okuva essula ya 12 yonna

Yoswa essula ya 12 yonna, 16 : 31

Ebikolwa by’Abatume 19 : 1 – 7

Abaruumi 8 : 1

1 Abakkolinso 12 : 13

Abaefeso 2 : 12

Abaefeso 4 : 30

Abaebbulanyi 6 : 4 – 9

Abaebbulanyi 9 : 11 – 14

Abaebbulanyi 10 : 26 -29

Abaebbulanyi 11 : 37

Abaebbulanyi 12 : 24

Abaebbulanyi 13 : 8, 10 – 20

Omut Yokaana 14 : 12

21-1212 Okusssa ekimu

Obubaka: 65-1212 OKUSSSA EKIMU

BranhamTabernacle.org

Omugole wa Yesu Kristo abaagalwa,
Mukama yatulekera amateeka g’okukwatanga mungeri ekwatibwako asatu gokka, ag’okukola ng’Abakristaayo. Okubatiza, okunaaza ebigere, n’okussa ekimu. Okussa ekimu (oba okusembera) kuba nsisinkana yabuli mukkiriza, era kulina kukolebwa abo ababatizibbwa mu linnya lya Yesu Kristo era nga batambulira mu bulamu obutukagana n’obw’omukristaayo.

Okumala emyezi mingi kati, mbadde n’omugugu omunene ku mutima gwange ffe okubeera n’olukuŋŋaana l’okussa ekimu. Kati ebbanga lisukka mu mwaka kakyanga tusisinkanira ku mmeeza ya Mukama ne tunaaza n’ebigere.

Nga nkyayogera n’abakkiriza bangi, bonna boogera ekintu kyekimu. Ssinga tubadde tusobola okuba n’okussa ekimu. Nga nkyali mu kusaba, Katonda yatadde ku mutima gwange engeri ffenna gyetusobola okugattibwa awamu netuba n’olukuŋŋaana lw’okussa ekimu mumaka gaffe.

Mu Mwezigwomusanvu ogwa 1964 ow’oluganda ayitibwa Gagnon yawandiikira ow’oluganda Branham ng’amubuuza oba nga kyali kituufu ye okugaba okusembera mu makaage engeri gy’ataali muweereza. Ow’oluganda Branham yamuddamu ng’amugamba, “Ye, kukole, tekikwetaagisa kubeera muweereza okukola kino.”

Nneeyanzege nnyo eri Mukama nti atemye ekkubo Omugole wa Kristo mwagenda okubeera n’okubeera n’Okussa ekimu awamu n’okunaaza ebigere mumaka gaffe, n’ab’enju yaffe.

Era nate mukisa gwanjawulo nnyo. Jijja kubeera 56 kakyanga lunaku ow’oluganda Branham lweyaba n’olukuŋŋaana luno olw’okussa ekimu. Olutambi oluwulirizibwa lwetunaaba tukozesa kulw’obubaka bwa Sande lujja kubeerako ku Voice Radio, ku kibanja ky’okumutimbagano ekya Branham Tabanako, era ng’osobola n’okubuwanulayo.

Ffayiro eno erimu obubaka bwonna 65-1212 Okusssa ekimu, nga kugatiddwako akatundu akamaliriza olukuŋŋaana lwaffe olw’okussa ekimu okw’awaka. Tujja kuba tugoberera engeri y’emu nga bwetukola nga tusembera ku Branham tabanako. Okusooka, ow’oluganda Branham ajja kutuleetera obubaka Okussa ekimu. Kunkomerero y’olukuŋŋaana tujja kusabira omugaati n’enviinyo, olwo, tujja kubeera n’akabanga wakati kaddakiika kkumi ak’eddoboozi eriyimba erya ppiyano bwotyo osobole okubeera n’akaseera akamala okugaba okussa ekimu mumakaago. Ekigoberera eddoboozi essendeekerrevu erya ppiyano, ow’oluganda Branham ajja kusoma ekyawandiikibwa ky’olukuŋŋaana lw’okunaaza ebigere era olwo tujja kubeera n’eddakiika kkumi endala ez’eddoboozi ly’ekivuga ekiyimba oba eddoboozi ly’omulere kulw’okunaaza ebigere.

Nnandiwadde ekirowoozo ky’okuba n’enviinyo y’okusembera n’omugaati okwanjuluzibwa ku ssowaani ng’olukuŋŋaana terunnatandika engeri gyewataabeewo budde bwakulaazaamu okuva ku kutandika kw’olutambi okutuuka kunkomerero y’enkuŋŋaanna z’okussa ekimu n’okusembera. Tujja kuba tugabirira enviinyo n’obukompe obutono obwa pulaasitiika kulw’ekibiina kyekkanisa yokukyalo kyaffe kyokka.

Endagiriro ku wa w’osobola okugula enviinyo emmyuufu egondera amateeka g’ebyemmere n’engeri y’okukolamu omugaati gw’okusembera n’obubaka obulala obw’omugaso bukuweereddwa mubuwandiike wammanga.

Nga buli omu kummwe, ndi wansi nnyo w’okusuubira okw’ekitalo okuwulira obubaka buno obw’omuddiriŋŋanwa obuddako awamu, era n’olukuŋŋaana olw’okuntikko nga tuba n’olukuŋŋaana lw’okussa ekimu awamu n’okunaaza ebigeere nga bikulemberwa nnabbi wa Katonda.

Owol Joseph Branham.

21-1107 Olusuku Adeni Olwa Ssitaani

Obubaka: 65-0829 Olusuku Adeni Olwa Ssitaani

PDF

BranhamTabernacle.org

Empungu zikuŋŋaanira awamu

Omugole ayakiddwaako ekitangaala abaagalwa,

Obudde bw’emisana bwebwabadde nga buddako eddiba, twabadde tuyungiddwa ku mikutu era n’ajja mu mayumba gaffe n’abeera wamu naffe. Okuyita mu mawanga, ekitundu ku Mubiri gwa Kristo, Ogwo nnabbi We gweyaweebwa olukusa okuliisa, baatudde wamu mu bifo ebyawaggulu nga BW’AYOGERA naffe okuyita mu malayika We ow’amaanyi Gweyatuma; okwaasa ekitangaala eri ensi ng’Akozesa Omwoyo We Omutukuvu ayitira mu ye, okuyitayo Omugole We.

Ow’oluganda Branham yagamba,
Katonda yatuma, mu ssuula eno eyekuumin’omunaana, malayika omukulu, ekyama ekyo nga kimaze okutegeerebwa, malayika ow’amaanyi, oba, omubaka….

Katonda yatuma malayika, omubaka (okukolaki?) okuyitayo, “Muveeyo!” Obubaka Bw’ekiseera!…

Mumuveemu! Katonda yatuma omungi…malayika omukulu, oba, omubaka. Era Ekitangaala kye tekyali mu kasonda, Kyasaasaana wonna ku nsi… Okwaasa ekitangaala eri ensi, era ayiteyo abantu Be okuva mu kyo…

Kati, mumanyi ekyo geemazima. Omubaka yatumibwa okuva mu Ggulu, okuyitayo abantu ba Katonda okuva mu Babulooni. Era Ekitangaala kye kyamulisa ensi, Omwoyo Omutukuvu Ow’ekitalo.

Ow’oluganda Joseph agenfa mumaaso,
Sabbiiti ewedde omuweereza yagamba ekibiina kye nti njagala abantu bakkirize nti ow’oluganda Branham yeeyali malayika wa Kubikkuliwa 18, naye n’akisongako nti oyo yali malayika okuva mu Ggulu, era yali tayinza kuba waluganda Branham. Singa ow’oluganda yali akoze bukozi ekyo nnabbi KYEYAMUGAMBA okukola, okukikebera n’Ekigambo, era SSI nakutegeera kwe, YANDIWULIDDE, NTI N’OKUBA, YALI WAALUGANDA BRANHAM YEEYAGAMBA NTI YEEYALI MALAYIKA OYO.

Ow’oluganda Branham yagamba,
…Weetegereze, ono ye Malayika w’Ekitangaala, jjukira, malayika eyasemba, ye Malayika mu mulembe gw’ekkanisa eri Lawodikiya. Ye mubaka wa Lawodikiya, oyo nga, y’asembayo, kubanga essuula eddako yennyini y’essuula ey’ekkumun’omwenda, oyo nga ye Mugole ajja.

Ab’oluganda na bannyinaze, NKYAWA okwogera ebintu bino n’okubisongako. Ng’ow’oluganda Branham bw’agamba, “Ntegeerebwa kifuula nnenge ekisusse enyo”. Ssitegeeza nti abaweereza bonna bali kwogera bwebati, kakibe okukkiriza nti abaweereza bonna bakyamu nakyo ssikikola, oba nti tebalina kuweereza. NEDDA, naye bangi bali mukulimba abantu okuyita mu kuteeka essila erisingako kubuweereza bwabwe okuyita mu kubuulira Ekigambo, lyebanditadde mukunyiga zannya n’abantu baabwe ne mukuwulira KYENNYINI nnabbi kyeyayogera.

Bw’oba wayawulibwa edda, Okilaba. Tewali ngeri YaakuKikukweekamu. Otunula n’ogamba, “Kyeeruddwa bulungi nnyo mu maaso gange! Nkiteereddeko ddala amaaso. Nkiraba. Kiikino wano, Ekigambo, buli Kigambo, Kigambo ku Kigambo. Kyolesebbwa mu maaso gange era emmeeme yange yonna ezingiddwa mu kyo.”

Ka mbawe okunokola kuno baganda bange abaweereza, okutegeeza ddala ekyo nze, n’ekkanisa Mukama gy’ampadde okubeera omusumba waayo, kyetukkiriza bwekituuka ku kuzannya entambi mu kkanisa.

Era kino bwekiba nga kiri kukwatibwa ku lutambi; eri abaweereza bonna mu kifo kyonna, any time, kino tekitunuuziddwa mu butalabawo buweereza bwammwe, kino n’okuba tekitunuuziddwa eri ndiga zammwe. Obubaka Buno, n’obubaka obulala bwonna bwenjogerako, butunuuziddwa eri kibiina kyange. Ssi bwakibiina kyo okujjako nga baagala Kubufuna. Naye butunuuzuddwa abantu bano wano.

Abantu bagula entambi zino. Abantu okwetooloola ensi yonna bazigula ne bazizannya. Emirundi mingi bawandiika amabaluwa agajja eno. Era bulijjo mbajuliza, bwebaba abakyiise b’ekkanisa emu, “Laba omusumba wo.”

Ow’oluganda Joseph agenda mumaaso,

Bantunuulira ng’omusumba waabwe ow’okukyalo, bwentyo nembagamba, “NZIKIRIRIZA MU KUFUNA ENTAMBI N’OKUNYIGA ZANNYA. Ow’oluganda Branham ye musumba waffe. Tuli kitundu ku kisibo kye”.

Kaakati, musumba, njagala okimanye nti, nti, kino kiri eri kibiina kyange kyokka benjogerera ebintu bino. Era nnina olukusa okukola ekyo, kubanga ntumiddwa Omwoyo Omutukuvu okulabirira endiga zino. Era zinsanze bwessibagamba kyendowooza nti geemazima, n’engeri gyemmanyi nti gyegajjamu. Naye tekiri eri ensi oba eri amakanisa amalala. Mukole kyonna Katonda kyabagamba okukola. Ssisobola kukwanukulira, kakibe ggwe okunnyanukulira. Naye buli omu kuffe alina okwanukula mu maaso ga Katonda, olw’obuweereza bwaffe.

Ow’oluganda Joseph agenda mumaaso,

Nnina okwanukula eri Katonda olw’obuweereza bweyampa. Nabuli kaayi akali mumubiri gwange nzikiriza nti muteekwa okuzannya Eddoboozi Lya Katonda mu ngeri y’Obubaka obwakwatibwa ku ntambi mu kkanisa yo. Ly’ekkubo lya Katonda ly’ataddewo leero okwengeza Omugole We. Y’engeri YOKKA ey’Omugole okugattibwa awamu n’okutuukirizibwa.

Obubaka bwetunaatera okuwulira ku Sande bwayogerwa ne bukwatibwa ku lutambi KULW’OLUNAKU LWALEERO. Y’emmere Y’Omwoyo Muntuuko Zaayo. Ka tuggule emitima gyaffe Omwoyo Omutukuvu asobole okutufukako amafuta okuwulira kyeyali Atulabula okubeera obulindaala olw’ennaku zino ezisemba.

Yatugamba emyoyo gyombiriri gijjakuba gyolesebbwa mubujjuvu mu lunaku luno olusembayo. Yatugamba nti kijja kubeera kumpi nnyo kijja kulimba omulonde yennyini singa kibadde kiyinzika. Olunaku olwo luuluno.

Ow’oluganda Branham agamba,
Tunula, Yesu bweyajja, laba, Setaani yali mukibiina ekyo eky’abayigiriza ab’ekiyudaaya, ne balabbi ne bakabona, ng’agezaako okubagamba okukuumba etteeka lya Musa, kyokka ng’Ekigambo kyennyini kyagamba nti mu lunaku olwo Omwana w’omuntu ajja kubikkulirwa, laba, nti Yali Waakwebikkula. Kale baali bagezaako, kasita baabakuumanga nga banzikiriza, era n’okubakuumira kutteeka lya Musa.…Olaba kyayakola? Yali agezaako okubagamba, “Ekitundu ky’Ekigambo ekyo ddala kituufu, naye omusajja ono ssiyeye omuntu oli.” Olaba nga bw’ali omulimba? Lwerwo olunaku olwo lwennyini olw’obulimba.

Ow’oluganda Joseph agenda mumaaso,
Ffe TETUSOBOLA kulimbibwa, ffe Mugole. Ffe TULI baana ba Katonda. TULI kitundu ku kikula kya Katonda ekyali mu YE, ekyafuuka omubiri nga bweyafuuka omubiri, bwetutyo tusobole okuba n’okussa ekimu buli omu ne munne nga ab’eju ya Katonda ku nsi. Tetukijjukira kati, naye twaliyo. Yakimanya. Era yayagala ffe okubeera mumbeera w’asobolera okutukwatako, n’ayogera naffe era n’atwagala, era n’anyeenya emikono gyaffe, KITIIBWA!!!

Tewakyaliwo , “NDOWOOZA NDI Mugole We. KANSUUBIRE NTI NDI Mugole We.” TUMANYI TULI MUGOLE WE.

Omwoyo Omutukuvu ali munkola munda yaffe. Bulamu, ssi nneewulira yamubiri; ssi ngeri emu ey’ubujulizi bw’omubiri, naye Muntu, Yesu Kristo, Ekigambo kya Katonda nga kisimbye amakanda mu Mitima gyaffe, okuwa obulamu eri buli Kigambo eky’omulembe guno.

Oyanirizibwa okutwegattako ku mukutu egitegeddwa Ssande eno ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), Omwoyo Omutukuvu nga bw’Atwakira n’Ekigambo Kye ekyayogerwa okuyita mu Malayika We, era ng’atuleetera Obubaka buno: Edeni Ya Setaani 65-0829.

Owol. Joseph Branham.

Bwetyo bw’efundikira ebbaluwa, kale biibino ebyawandiikibwa by’okusoma ng’okuwulira obubaka bw’enkya ku lutambi tekunnaba.

2 Timoseewo 3:1-9
Okubikkuliwa 3:14
2 Abassesalonika 2:1-4
Isaaya 14:12-14
Matayo 24:24

21-1031 Akasegajja k’omuntu Alowooza

Obubaka: 65-0822E Akasengejja K’omuntu Alowooza

BranhamTabernacle.org

Empungu zikuŋŋaanira awamu

Abakkiriza ba Baibuli abaagalwa,

Nga lunaku lwakitiibwa lwetulimu. Emitima gyaffe gitutyemuka munda yaffe nga bwayogera naffe mu kkubo buli lunaku. Kristo abikkuliddwa gyetuli ng’ayita mu Kigambo Kye. Kwe kubikkulirwa kwa Yesu Kristo, Ekigambo kyennyini nga kyolesebbwa mu mubiri. Ly’Eddoboozi lya Katonda nga liyitayo Omugole We.

Tulina ekigambo ekisembayo, ekisukkulumu, Ekyenkomeredde kyaffe; Ky’Ekigambo Kye, Baibuli. Kaakati “Baibuli” bw’eba nga ye Abusooluuti waffe, leka tulabe nnabbi kyeyagamba nti Baibuli kyeyali.

Yagamba Katonda yawandiika Baibuli ng’Akozesa bannabbi kyokka. Eyo yeyali engeri Ye ey’okukikolamu. Eyo y’engeri gyeyalina ey’okuleetamu Ekigambo Kye eri abantu: okuyita mu mimwa gya bannabbi Be. Ekigambo Kye kyajja eri bannabbi bokka.
    
Nnabbi okutegeera kwe bulikiseera kwali nga kutegeddwa kw’ekyo Katonda kyeyagamba ; ssi omuntu kyeyalowooza, omulembe kyegwalowooza, ekkanisa kyeyalowooza, obwakabaka kyebwalowooza, naye Katonda kyeyalowooza!  Kyeyakolanga kyokka kwali kumanyisa birowoozo bya Katonda ng’abifuula Ekigambo. Katonda bweyamubikkulira ebirowoozo Bye gyali, yakitegeezanga ng’akozesa Ekigambo Ekiwandiike.

N’olwekyo, Baibuli yonna ssi bigambo byamuntu, era teyawandiikibwa muntu, oba okuleetebwa omuntu, era bwetyo tesobola kuvvuunulwa muntu. Kye Kigambo Kya Katonda nga kivvuunulwa Katonda Mwene, Omuvvuunuzi We Mwene. Ekigambo Kye.

Kaakati bannabi bano baagamba, “Ssinze. Tekirina bwekinkwatako, naye kiri BWATYO BWAYOGERA MUKAMA.”Kale, Baibuli eri BWATYO BWAYOGERA MUAKAMA ng’Ayise mu bannabbi. Bannabbi bano tebaayogera bwogezi n’okuwandiika Ekigambo obuwandiisi kyokka, naye era ye yali Omuvvuunuzi Owakatonda YEKKA ow’Ekigambo Ekyo.

N’olwekyo, Baibuli bye birowoozo bya Katonda byennyini nga biwandiikiddwa bannabbi. Nnabbi ye muvvuunuzi wakatonda yekka owa Baibuli. Obubaka, Ekigambo, Baibuli n’omubaka biri ekintu kyekimu. Y’ensonga lwaki, tulilamulwa okusinziira ku kuvvuunulwa kwa Baibuli okwayogerwa nnabbi.

“Watumibwa, okubeera omukulembeze. Era Katonda alijja. Era bwekiriba kityo, Alikulamula okusinziira kw’ebyo byewabayigiriza, okusooka, okulaba oba nga bayingira oba nedda. Tuliyingira kusinziira ku kuyigirizakwo.”

KIKI kyeyakoogera? Y’ALISOOKA okulamulwa okusinziira kubyeyatuyigiriza. Engeri YOKKA gyetuyinza okuyingira kiri kusinziira ku kuyigiriza KWE. Kale nga kyamugaso nnyo okwogera obwogezi ekiri kuntambi engeri gyekiri nti tulisalirwa omusango okusinziira ku KIGAMBO KYE KU NTAMBI; ekyo nga kwekuvvuunula kwa Baibuli.
Ogenda kwesigamya ekifo kyo gy’olikomekkerera obutaggwawo ku muntu omu ky’agamba? Taba Mugole!! Tugenda kukola era twogere ki?

Era bonna nebaleekaanira waggulu mubumu, “Ekyo tukimanyi! Tuwummudde n’obukakafu.” 

Kale, Omugole awummulidde ku buli Kigambo nnabbi kyeyayogera, ekyo nga kwekwali okuvvuunula kw’ebirowoozo bya Katonda ebyawandiikibwa bannabbi, era nga mu nnaku zino ez’oluvannyuma byogeddwa Katonda Mwene okuyita mu mimwa gyannabbi We.

“Olitwanjula Gyali, era tuliddayo ffenna kunsi nate, okuba abalamu lubeerera.”

O ab’oluganda ne bannyinaze, muzuukuke nga tebunabeera kikeerezi. Kuno kwe kuyita Kwe okusemba. Ggulawo omutima gwo era olabe engeri gy’oyinza okubeera ng’owuliriza Eddoboozi lya Katonda kuntambi. Bwetuba nga tugenda kulamulwa kusinziira ku Bubaka Katonda bweyayogerera mu nnabbi We ku ntambi, oyinza otya obutalaba ngeri gyekiri eky’amakulu, era engeri yokka ey’okugolola n’okutereera n’Ekigambo Kye , kiri kuyita mu kuwulira Ddoboozi Lya Katonda ku ntambi.

Weewawo, Katonda ayise obuweereza bw’emirundi 5, naye balina okussa essira ku kuwuliriza entambi okusinga obuweereza bwabwe. Ssitegeeza nti omusumba wo talina kubuulira oba kuyigiriza. Ssigamba nti lekeraawo okugenda ku kkanisa; olina okugenda ku kkanisa, naye omusumba wo bw’aba nga tasoosa ntambi, Eddoboozi Lya Katonda eririkusazisa omusango, era nga taziteeka mumaaso go ggwe okuziwuliriza, otaddeko akasengejja akakyamu.

Weebuuze, omuweereza bw’akugamba, olina kuzannya ntambi mu makaago era ssi mu kkanisa, ekyo n’okukola kikola amakulu? Mazima, tolimbiddwa nnyo bw’otyo. Eddoboozi n’Ekigambo byennyini ebigenda okukozesebwa okukusalira omusango birina kuwulirizibwa mu maka gammwe era ssi mu kkanisa? Ow’oluganda Branham teyayogerako nti Muzannye entambi mu kkanisa, naye mulina kuwuliriza nze ng’omusumba kyokka wammwe bwemujja ku kkanisa. Ddala olina okubikkulirwa kwonna?

Kiki ekyandibadde kisingako omugaso bwemujja awamu okusinza Mukama, okukula mu kutegeera Ekigambo, okusemberera Katonda, okusinga okwengezebwa nga muwulira LYOKKA…Eddoboozi Lya Katonda erikakasibbwa LYOKKA.

Osobola okukubamu akafaananyi Yoswa ng’agamba Isiraeri yonna, nkimanyi nti tulina ebigambo byennyini Musa byeyayogera, naye Musa teyakyogerako nti bwetujja awamu tulina okusoma byeyawandiika. Nze abakulembera kaakano era nja kubabuulira ebigambo bya Musa.

Era oluvannyuma yasoma ebigambo byonna eby’etteeka, emikisa n’ebikolimo, okusinziira ku byonna ebiwandiikiddwa mu kitabo ky’etteka.

Tewaaliwo Kigambo kw’ebyo byonna Musa byeyalagira, Yoswa kyataasoma mumaaso g’ekibiina kyonna ekya Isiraeri, n’abakazi, n’abato, abagwira abaali bamanyiddwa mu bo.

Mu njogera endala, ssinga Yoswa yalina akuuma akakwata entambi mu lunaku lwe, bweyakuŋŋaanyanga abantu, YANYIGANGA ZANNYA.

Malaki 4 azze ne BWATYO BWAYOGERA MUKAMA, era ogenda kulamulwa buli kigambo ekyayogerwa ku ntambi. Obubaka buno ke kasengejja ko. Wuliriza obe omulamu, gaana offe.

Tuyinza tutya okubizannyiramu zzaala ng’ekifo kyaffe gyetulikomekkererera mu butaggwawo kiriko akabuuza? Tuina okubeera nga tuwulira Ekigambo ntakera; mu maka gaffe, mu motoka zaffe, nga twoza engoye, nga tusomesa abaana, nga twoza emmotoka zaffe, nga tuli kutambulatambulamu, era n’okusingira ddala obukulu, nga tukuŋŋaanye mu makanisa gaffe.

Oyanirizibwa okwegatta ku kitundu ku Mugole We, ekikkiriza buli Kigambo ku ntambi, nga bwetuwulira obubaka: Akasegajja k’omuntu Alowooza 65-0822E, Sande ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda). Oba kubiriza omusumba wo okuzannya olutambi mu kkanisayo bwotyo nawe osobole okuwulira Eddoboozi lyennyini erigenda okukwanjula eri Mukama waffe Yesu Kristo, era olwo tujja kuddayo kunsi nate okubeera abalamu lubeerera. TEKIRUNGIWA KUSUKKA AWO.

Owol. Joseph Branham