Obubaka: 65-0718E Emmere Ey’Omwoyo Mu Ntuuko Zaayo

PDF

• 24-0728 Emmere Ey’Omwoyo Mu Ntuuko Zaayo
• 23-0108 Emmere Ey’Omwoyo Mu Ntuuko Zaayo
• 21-0912 Emmere Ey’Omwoyo Mu Ntuuko Zaayo
• 20-0329 Emmere Ey’Omwoyo Mu Ntuuko Zaayo
• 18-1014 Emmere Ey’Omwoyo Mu Ntuuko Zaayo
• 16-1221 Emmere Ey’Omwoyo Mu Ntuuko Zaayo

BranhamTabernacle.org

Empungu zikuŋŋaanira awamu

Endiga z’Ekisibo kya Katonda abaagalwa,

Mu nnaku Mukama waffe Yesu zeyalimu wano ku nsi mu mubiri, abalina omuze gw’okubuusabuusa n’abatakkiriza baamugamba:

Olituusa wa okutubuusisabuusisa? Oba nga ggwe Kristo, tubuulirire ddala.

Omulundi gumu nate, Agenda kwogera gyetuli kaate era agambe bombiriri Abeekennenyi b’ensobi n’Omugole We, “Ndi muntu ava eri Katonda, eyatumibwa okuva eri Katonda, eyayawulibwa Katonda, ne BWATYO BWAYOGERA MUKAMA ey’amazima. Mbadde mu maaso Ge okumala ebbanga ggwanvu nnyo, nja kwogera gyemuli nga Katonda Mwene. 

Njagala wano waleme kubaawo kubuusabuusa, era mmwe okukkiriza, ndi mubaka wa Katonda eri mmwe. Obubaka bw’enjogera, n’omubaka, bali ekintu kyekimu ddala. Tuli omu era tuli beebamu. Yantuma gyemuli okuciikirira BWATYO BWAYOGERA MUKAMA , Kigambo ku Kigambo.

Mujjukire, Ekigambo kya Katonda kigamba Taliiko ky’Alikola okutuusa ng’Asoose kukimbikkulira. Abantu baagala okuteeka okuvvuunula okwabwe ku kyenjogera, naye Ebigambo byenjogera gyemuli tebyetaaga kuvvuunula. Gwe yogera KYOKKA ekyo kyenjogera.

Era njagala omanye nti Ekigambo kyekimu Kyenjogera gyoli, era kibeera mu ffe. Olina obuyinza bwa Katonda omulamu mu ggwe. Ggwe Omugole w’Ekkanisa ennamu.

Oluvannyuma lw’okuvaawo kwange, naye nga ekyeya tekinnatandika, Katonda abagabiridde ekifo eky’ekyama ew’okwekweka nga omusango tegunnakuba nsi. Ojja kubeera eyo nga olindirira, ng’olya Emmere eno entereke gy’ajja okuba ng’Akulekera. Ojja kuba nga obeerawo ku bulungi n’ekisa eby’okubikkulirwa kwa Yesu Kristo nga bwe yeekakasa gyoli buli lunaku.

Eri ggwe, Ejja kuba Mmere ey’Omwoyo mu ntuuko zaayo. Ejja kulwaza abalala mu mbuto zaabwe. Nja kubeera waabirungo nnyo nti tebajja kugisobola. Naye eri mmwe, Endiga ze, Ejja kubeera Omugaati gw’Obulamu, Yesu Kristo aba obumu jjo, leero, n’emirembe gyonna.

Teweerabira, njakukuliisiza “AWO”; ssi mu kifo ekimu ekirala wabula, “AWO”. Abantu bajja kukusekerera era bagambe nti oli mutabufu wa mutwe, naye kyebayita ekitabufu ky’omutwe era ekiralu, Katonda ajja kukiyita Kyakitalo.”

Yatugamba nti obuweereza obw’amaanyi Katonda bweyamuwa bwali kika ekituukiridde eky’ekiseera ky’Eriya. Ekyeya nga kinaatera okuggwaako, Yamuyitayo era n’amutwala emmanga mu NNYUMBA ya nnamwandu okutuusa ng’ekyeya kiweddeko. 

Yagamba nnamwandu yali teyeetabisetabisenga n’abatakkiriza newankubadde okutwala akabonero k’ensolo mu kiseera ky’ekyeya, n’olwekyo yayita Eriya okumuwanvuyiza ku nnaku. Yali mwetegefu okufa engeri gyeyali asigazza obusigaza akagaati kamu akatono , otuntu tutono kweyali akyanyweredde.

Eriya yamukoowoola ng’agamba , “Ako sooka okawe nze, kubanga BWATYO BWAYOGERA MUKAMA, nti Eppipa ey’obutta terikendeera so n’akasumbi k’amafuta tekaliggwaawo, okutuusa ku lunaku Mukama lw’alitonnyesa enkuba ku nsi.”

Omukyala yalina okusoosa Katonda. Yalina okukkiriza era anywerere ku buli kigambo omubaka kyeyagamba. Yamanya nti omubaka n’Obubaka bwe beebamu. Ebigambo bye yamugamba byalina okutuukirira, kubanga kyali BWATYO BWAYOGERA MUKAMA.

Bwekityo bwekiri ne leero, nti Omugaati gw’Obulamu abaana kwebalya , bagoberera Obubaka bwa Katonda, okubabeezawo mu kaseera k’ekyeya.

Ekigambo ekyo kyekimu kizze gyetuli era kiri muffe era tuli mu kulya ku Bintu bya Katonda eby’ekyama ebikwekeddwa okuva eri ensi. Atubikkulidde nti Obubaka n’omubaka bali omu. Emmere ey’Omwoyo eyidde, era eri mu ntuuko zaayo kati.

Oyanirizibwa eri nate OLUNAKU OLULALA OLW’EBBALUWA EMMYUFU . Tujja kubaka mangu akasumbi kaffe ak’Amafuta , era kajja kuba kayiwa. Olwo tujja kusena eppipa y’Obutta, era ejja kujjula ebooge. Tujja kutuulira wamu mu bifo Byomuggulu okuva wonna mu nsi, nga tukwekeddwa eyo mu kifo kyaffe eky’ekyama, ngatuwoomerwa Emmaanu enkweeke nga Katonda bwe yeekakasa gyetuli.

Jjangu okuŋŋaane naffe mu kisibo ky’endiga Ssande ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), nga bwetuwulira omubaka wa Katonda ng’atuleetera Obubaka bwa Katonda: Emmere y’Omwoyo Mu Ntuuko zaayo 65-0718E.

Ffe ne doola emu n’ennusu za sente kinaana okuzimba tabanako,  bangi ku bantu b’ekkanikiro ly’emmotoka (oba galagi) bamaze okusalawo nti egenda kubeera galagi yabwe. Naye lisigala ddundiro ly’Endiga za Katonda.

Bro. Joseph Branham

Ebyawandiikibwa byokusoma

1 Bassekabaka 17:1-7
Amosi 3:7
Yoweri 2:28
Malaki 4:4
Lukka 17:30
Omut. Yokaana 14:12

Obubaka: 65-0718M Okugezaako Okuweereza Katonda Nga Katonda Si Bw’Ayagala

PDF

• 24-0721 Okugezaako Okuweereza Katonda Nga Katonda Si Bw’Ayagala
• 23-0101 Okugezaako Okuweereza Katonda Nga Katonda Si Bw’Ayagala
• 21-0905 Okugezaako Okuweereza Katonda Nga Katonda Si Bw’Ayagala

BranhamTabernacle.org

Obubaka: 65-0711 OKUKWATIBWA ENSONYI

• 24-0714 OKUKWATIBWA ENSONYI
• 22-1225 OKUKWATIBWA ENSONYI
• 21-0829 Okukwatibwa Ensonyi

BranhamTabernacle.org

Empungu zikuŋŋaanira awamu

Branham Tabanako abaagalwa,

Tweyanzeege nnyo nti yatwawula edda okulonda ekkanisa entuufu ey’okuteekamu ab’amaka gaffe.

(Ow’oluganda Branham yagamba)
Singa mbadde nneeroboza ekkanisa, Nnandilonze ekkanisa ya Baibuli, ey’Enjiri Enzijuvu, ekwata ebiragiro ebyasooka, eyannamaddala, singa mbadde nnonda eyo ey’okuteekamu ab’amaka gange.

(Ow’oluganda Joseph agenda mu maaso)
Tweyanzeege nnyo nti tugamba ensi omusumba waffe y’ani, era nti tweyisiza ddala nga ye.

(Ow’oluganda Branham yagamba)
Singa on’onekkaanya enneeyisa y’ekkanisa eyo, wekkaanye bwekkaanya nneeyisa ya musumba okumala akabanga, era nga bulijjo ojja kuzuula nti ekkanisa yeeyisa nga musumba.

(Ow’oluganda Joseph agenda mu maaso)
Tweyanzeege nnyo nti ssi nsonga wa wetuli mu nsi, Asisinkana naffe.

(Ow’oluganda Branham yagamba)
Yasuubiza okusisinkana wonna wonna babiri oba basatu webakuŋŋaanira awamu. Kya mazima. Awo omukkiriza owa nnamaddala w’awummuliza essuubi lye, kiri ku Kigambo kya Katonda ekyo ekiri okulabisibwa.

(Ow’oluganda Joseph agenda mu maaso)
Tweyanzeege nnyo nti tukkiriza nnabbi We, na buli Kigambo ekyayogerwa.

(Ow’oluganda Branham yagamba)
B’oba ng’onzikiriza okubeera nnabbi wa Katonda, gwe wuliriza ekyo kye nkugambye.

    
(Ow’oluganda Joseph agenda mu maaso)
Nnabbi we yali wa kubuulira ki?

(Ow’oluganda Branham yagamba)
Obubaka obutuukiridde, okudda eri Ekigambo.

(Ow’oluganda Joseph agenda mu maaso)
Yatumibwa lwa nsonga ki?

(Ow’oluganda Branham yagamba)
“Okufuna Omugole oyo!”Ogwo mulimu. Ekyo y’ensonga embeesezza wano. Ekyo kye ngezaako okukola, kwe kuyitayo Omugole.

(Ow’oluganda Joseph agenda mu maaso)
Watya nga tukyamizzaamu ekigere kimu mu nkumba yaffe?

(Ow’oluganda Branham yagamba)
Era ekyo kyennali nnina okukola, okukuumira Omugole oyo ng’akumba buteerevu.

(Ow’oluganda Joseph agenda mu maaso)
Kaakati Kitaffe kiki kyaterese mu ggwanika kulw’Omugole we?

(Ow’oluganda Branham yagamba)
Nzirayo eka, okuzza obujja ebirayiro byange, era ntandike buggya.
Kale ekyo kye tuteekateeka okukola, eyo y’ensonga embeesezza wano.

(Ow’oluganda Joseph agenda mu maaso)
Mukama atenderezebwe, tutandika ddi enkuŋŋaana zaffe ez’okuzza obujja?

(Ow’oluganda Branham yagamba)
Era olwo, Mukama ng’Ayagadde, amakya ga Sande eggya tujja kutandika olukuŋŋaana. Era mwenna munnyambe, era tujja kusaba, kubanga kyabadde mu mutima gwange okugezaako…Baagambye, “Kale, tuyinza okugenda e Louisville oba tuyinza okuserengeta e New Albany.” Naye olukuŋŋaana lwabadde lulina kuba lwa Jeffersonville. Nja kugenda e Louisville n’e New Albany, mu biseera eby’enjawulo, naye kino kirina kubeera wano e Jeffersonville.

(Ow’oluganda Joseph agenda mu maaso)
Tuli beetegefu Kitaffe. Empugu zo zijja kuba zikuŋŋaana era nga ziwuliriza. Kiki ekigenda okubaawo mu kaseera kano?

(Ow’oluganda Branham yagamba)
“…Nneetaga okukkiriza okusingako.” Ekyo y’ensonga lwaki ndi waka kati kwe kufuna e—ekibwatukira ekiggya eky’okukkiriza.

(Ow’oluganda Joseph agenda mu maaso)
Mukama atenderezebwe, naffe ekyo kyetwagala Kitaffe, ekibwatukira ekiggya eky’OKUKKIRIZA.
Tumanyi okukkiriza kujja na kuwulira, kuwulira Kigambo Kyo, era Ekigambo Kyo kijja eri nnabbi.

Obubaka buno, amaanyi ga Katonda Omuyinza w’ebintu byonna, gabunye wonna mu nsi, naye kati ekiseera ky’okwawukana kigenda mu maaso. Katonda ayita Omugole, ne Setaani ayita ekkanisa. Tuli kitundu ku Bubaka Buno, Ekigambo Kye, Omugole We!

Tulina obukakafu bwebumu era tumanyi kyetwogerako. Tetukwatibwa nsonyi nti tukkiriza Obubaka Buno n’Omubaka We, kubanga bebamu. Tetukwatibwa nsonyi okugamba: “tukkiriza buli Kigambo”. Tetukwatibwa nsonyi kugamba: “Tuzannya entambi mu kkanisa yaffe”. Tetukwatibwa nsonyi okugamba: “Tuli bantu ba ntambi.”
Kituzibuwalira okutegeera nti omukkiriza yenna, oba omuweereza w’obuweereza bw’emirundi etaano, agamba nti akkiriza Obuweereza buno, era n’agamba nti ow’oluganda Branham nnabbi era mubaka wa Katonda, olwo n’akkiriza era n’agamba abantu kikyamu era tekisinziira ku Kigambo okuzannya Eddoboozi lya Katonda erilabisiddwa ddala mu Kkanisa yabwe.

(Ow’oluganda Branham yagamba)
Leka tukubiririzenga mu bbanga erisaaniramu n’eritasaaniramu; tunenyenga, era tunenye, era…n’okugumiikiriza kwonna n’enjigiriza.
Kubanga ebiro birijja lwe batalikkiriza kuwulira kuyigiriza kwa bulamu; ng’okwegomba kwabwe bo bwe kuli…balyekuŋŋaanyiza abayigiriza, amatu nga gabasiiwa;
era balikyama okuva ku mazima okugobereranga enfumo obufumo.

(Ow’oluganda Joseph agenda mu maaso)
Bwek ituuka ku Kigambo kya Katonda ekitatabikiddwamu kintu, ekyannamaddala, ekikakasibbwa Katonda, Ekigambo kya Katonda ekirabisiddwa, Kirabika nga n’okuswaza ekiswaza ekibiina kiri ekirala. Kibaswaza era bakkiriza nti kiwakanya Ekigambo okubeera Ekkanisa y’Entambi.

Naye eri ffe, Kyannamaddala. Tekukwatibwa nsonyi. Bwetwasembeza nnabbi oyo, waliwo Ekintu ekimu ekyatuula munda muffe, era kati tewali kiyinza kutwala kifo kyakyo.Tukyenyumirizaamu okuyitibwa omu ku bo, Ekkanisa y’Entambi, Ekibiina ky’Entambi, abantu b’Entambi.

Tukwaniriza okujja owulirize Obuweereza bwa Katonda obw’Etambi wamu ne Branham Tabanako , Sande ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), nga bwetukkuŋŋaana n’okusuubira okw’ekitalo; nga tuzza bujja ebirayiro byaffe, era tuddeyo bupya, okuyita mu kuwuliriza: Okukwatibwa Ensonyi 65-0711.

Owol. Joseph Branham

Kaakati Ebyawandiikibwa by’enkya,

Makko essuula 8:
“34N’ayita ebibiina n’abayigirizwa be, n’abagamba nti Omuntu bw’ayagala okungoberera, yeefiirize yekka, yeetikke omusalaba gwe, angoberere.

35Kubanga buli ayagala okulokola obulamu bwe alibubuza; na buli alibuza obulamu bwe ku lwange n’olw’enjiri alibulokola.

36Kubanga kimugasa ki omuntu okulya ensi zonna, n’okufiirwa obulamu bwe?

37Kubanga omuntu yandiwaddeyo ki okununula obulamu bwe?

38Kubanga buli ankwatirwa ensonyi nze n’ebigambo byange mu mirembe gino egy’obwenzi era emibi, n’Omwana w’omuntu alimukwatirwa ensonyi oyo lw’alijjira mu kitiibwa kya Kitaawe ne bamalayika abatukuvu.

Obubaka: 65-0429E Okweroboza Omugole

BranhamTabernacle.org

Empungu zikuŋŋaanira awamu

Omugole wa Katonda Omulonde omwagalwa,

Kitaffe yalonda Omugole we nga n’emisingi gy’ensi teginnabawo. Yayagala Omugole anaalabirwamu enneeyisaye yennyini. Yayagala Omugole anaamusikiriza ng’akuuma Ekigambo Kye.

Omugole anaaberanga yeeweereddeyo ddala gyali n’eri Ekigambo Kye ekisuubize, okutuusa nga endowooza yennyini eyali mu Ye eri mu bo. Baali ba kuba Mubiri gwe gwegumu, magumba gegamu, Mwoyo y’omu, buli kimu kyekimu, nga bakoleddwa mu ngeri entereevu obulungi okutuusa nti ababiri abo bakufuuka Omu.

Yayagala okubabumbamu empisa ye yennyini, kubanga Omukyala yali wa kubeera ddala nga Ye Omwami . Alinze okuva lweyateeka Adamu ne Kaawa be abaasooka ku nsi okuzzaawo Omugole We atuukiridde. Abadde amumamirako, ng’amukomyawo eri okwolesebwa kw’Omugole okujjuvu; kubanga bajja kubeera Omugole we ow’Ekigambo Ekyogere.

Bweyamulaba, Yali musanyufu nnyo, Kunkomerero yalina Omugole atalyekkiriranya n’Ekigambo yadde ekimu. Omugole ataakikole yadde n’okuba ng’abuusabuusamu ekimu ku Kyo, naye anaakitwala nga ddala bwekiri. Bajja kugamba ensi tekyetagisa kuvvuunulwa kwonna, kubanga ly’eddoboozi lya Katonda eddoongofu.

Nga bwatunuulira Omugole we swiitimutima omutono omutukirivu, Yamwenyumirizaamu nnyo, Yalina bubeezi kumulabisa wonna. Kale n’ayita malayika we owomusanvu ow’ekitalo, amwerabireko nga bwalifaanana. Yayagala malayika ono alabe Omugole, era amulabise, malayika asobole okugamba Omugole butya bw’ali omubalagavu.Bwatyo asobole okumuzzaamu amaanyi era amutegeeze nti Ye Katonda amanyi ddala kiki Omugole ky’Ali.

Kale yatwala malayika we n’amuteeka ku kifo ekyawaggulu asobole okumulengerako. Nga bw’amulengera, Omwoyo wa Katonda yayogera gyali ng’agamba, “Omugole Wuuyo.” Yatunula, n’akulaba GWE awo. Omutima gwe gwasanyuka.

Buli omu ku MMWE yali ayambaziddwa engoye z’amawanga gammwe gyemuva: Switzerland, Bugirimaani, wonna mu nsi, buli ggwanga. Enviri empanvu ennungi ddala nga zeewuubira ku mugongo, emikono gy’amasaati, ne ssikaati wansi bulungi. Era MMWE mwenna mwali mu mudigido ogukumba, “Mu maaso, abajaasi akakristaayo, tukumba twolekera ng’abagenda mu lutabaalo.” Nga bw’atunula, Twatandika okukumba nga twolekera mu bwengula; Twali Kigambo.

Weebale Kitaffe. Ekyo nga kizzaamu emitima gyaffe amaanyi leero. Tukwagala n’Ekigambo Kyo na buli kimu ekiri muffe. Tukkiriza buli Kigambo. Obubaka buno butujaamu nga gilavuzi ku mukono.

Twagala okubeera Omugole Wo ow’Ekigambo Ekituukiridde. Tetumanyi ngeri ndala yonna ey’okukikolamu okujjako okusigala n’Ekigambo kyo, Emmaanu eno eyaterekebwa gyewalekawo kulw’Omugole Wo asobole okwetegeka.

Tulaba nti ekiseera kiri kumpi. Ensi enyenyegana wansi waayo ne zi Musisi. Bamalayika bo abanoonyereza bali wonna. Ensi esulikidddwa kifuula nnenge. Entalo, okulwana, okutta, obuwuka obutamanyiddwa obuvaako endwadde n’endwadde buli wamu. Omulabe alumba ntakera mu busungu obungi, ng’agezaako okutulugunya Omugole Wo, naye Mukyala wo omulonde swiitimutima munywevu yeekutte ku Kigambo Kyo.

Tuyambe Kitaffe tuleme okukyamyamu ekigere kimu. Leka amaaso gaffe tugakuumire kuggwe era twekwate ku Mukono gwo Ogutakyukakyuka. Yongeza OKUKKIRIZA kwaffe, Otuwe byetwetaaga. Jjangu obeere n’Omugole wo Ssande eno, ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), nga bwetukuŋŋaanira ku Ddoboozi Lyo ery’olunaku okukuwulira ng’oyogera: Okweroboza Omugole 65-0429E.

Kuno kwe kusaba kwaffe Kitaffe:

Ai Katonda w’Eggulu, saasira ensi ey’eyibi n’abantu ab’ekibi, Mukama, nga bwetuli akawungeezi kaleero. Katonda, ngezaako okuyimirira mu bbanga wakati era nga nsaba ekisa kya Katonda Katonda wa Isiraeri, nti onooyogera eri Ekibiina kino akawungezi kaleero era oyite Omugole Wo okussaayo omwoyo, Mukama, obutatambula nga bagoberera akabonero k’ekikwate kyonna, naye bagoberere eddoboozi ly’Enjiri ya Mukama Yesu Kristo. Leka kibe, Ai Katonda. Ka kimanyibwe, ekiro kyaleero, nti Gwe oli Katonda, era Ekigambo Kyo Mazima. Nga, mu mutima gumu, mu maaso g’abantu bano bonna, tubakoowoola eri okussaayo omwoyo okw’Ekigambo Kyo.

Owol. Joseph Branham

ebyawandiikibwa by’okusoma biri …

Oluberyeberye 24:12-14
12N’ayogera nti Ai Mukama, Katonda wa mukama wange Ibulayimu, ompe, nkwegayiridde, omukisa leero, olage ekisa mukama wange Ibulayimu.
13Laba, nnyimiridde ku nsulo z’amazzi; n’abaana abawala b’ab’omu kibuga bafuluma okusena amazzi:
14kale kibeere bwe kiti; omuwala gwe nnaagamba nti Sena ensuwa yo, nkwegayiridde, nnywe; naye anaagamba nti Nnywa, nange nnaanywesa n’eŋŋamira zo: oyo abeere oyo gwe walagirira omuddu wo Isaaka; era bwe ntyo bwe nnaategeera ng’olaze ekisa mukama wange.

Okubikkulirwa 21: 9
9Ne wajja omu ow’oku bamalayika omusanvu abalina ebibya omusanvu, abajjula ebibonyoobonyo omusanvu eby’enkomerero; n’ayogera nange, ng’agamba nti Jjangu, nnaakulaga omugole, mukazi w’Omwana gw’endiga.

Obubaka: 65-0429b Ensigo Terisika Wamu E’ekisusunku

BranhamTabernacle.org

Empungu zikuŋŋaanira awamu

Omubiri gw’omubiri gwe abaagalwa,

Ndi musanyufu nnyo nti Katonda takyusa ndowooza Ye ku Kigambo Kye. Y’omu jjo, leero n’emirembe gyonna. Engeri gyeyakolamu ebintu okuva ku luberyeberye, Abikola mu ngeri y’emu leero. Katonda, Mwene, ng’ayoleseddwa mu mubiri gw’omuntu, olw’Omusaayi gwa Yesu Kristo, okutukuza obulamu asobole okulabirwa mu bwo.

Omubaka waffe leero okulagibwa kwe mu byawandiikibwa ku kiki ky’Ali kuli mu kugenda mu maaso. Y’Omwoyo Omuktukuvu, Mwene, ng’Akola okuvvuunula kwe kennyini. Tekyetaagisa kuva kwono kugenda kwoli okuzuula amazima oba okuvvuunula; Omwoyo Omutukuvu awadde ekkanisa Abaefeso 4, yonna mu muntu omu, nnabbi We alabisiddwa.

Omutume: Omutume kitegeeza “atumiddwa,” oba, “omuntu atumiddwa okukola omulimu. (omumiisani)” Ndi mumiisani.
    
Nnabbi: Onzikiriza okubeera nnabbi wa Katonda?

Omubuulizi w’Enjiri: “Kolanga omulimu ogw’omubuulizi w’enjiri, tuukirizanga okuweereza kwo. Ebiro birijja lwe batalikkiriza kuwulira kuyigiriza kwa bulamu.”

Omusumba: Mumpise, “omusumba wammwe”; era mwogera bulungi, kubanga ekyo kyendi.

Omuyigiriza: Njagala okwogera ku Kigambo, oba okusomesa essomo lino elya Sande sukuulu, ku Kigambo ky’Akabonero.

Kyenkanankana ne = Mbamanyi, baganda bange, muba nga abantunuulira okubeera abusoluuti wammwe (abusoluuti kigambo eky’amakulu ametooloovu ekitegeeza kamala byonna, nantateekebwako bukwakkulizo, ekirongoofu, ekituukiridde, ekijjuvu, ekiteetaagisa kakwate na birala, ekyenkomeredde, ekyemalirira, ekitafugibwa tteeka, ekitatyobolwa) okutuusa wa…kasita mba nga ngoberera Katonda, nga Pawulo bwe yagamba mu Kyawandiikibwa, “Mungoberere, nga bwengoberera Kristo.”

Obubaka buno ye abusoluuti waffe, bwetutyo tumugoberera nga bwagoberera Kristo.

Ssikizalawa nti waliyo abasajja b’Abaefeso 4 abaayitibwa Katonda bangi abaawule era abayitibwa Katonda okutuukiriza emirimu gino; olw’EKISA KYE, ndi omu ku bo. Naye tuli ba mayina (tu li lanka (jjinja) lya wansi ko, omugaso gwa wansi ko), nnabbi wa Katonda Malayika ow’omusanvu ye MEJA (ye wa lanka (ow’ejjinja) elya waggulu).
Ku lw’abo wonna mu nsi abayita “Branham Tabernacle” mbu“y’ekkanisa yabwe erabirwako”: omusumba waffe, obuweereza bwaffe obw’obuliwo, abusoluuti waffe, Abaefeso 4 waffe byonna biri ku lutambi. Tukkiriza bwe buweereza nnakabala Ye bwe yalina ng’aliwano ku nsi.

    
Nga mirembe, nga kiwummulo, tekitwetaaza kweralikirira oba okukuumira engabo yaffe okumpi oba akasengejja nga tuwulira Ekigambo. Ky’Ekigambo kya Katonda ekikakasiddwa, ekirabisiddwa, emmaanu ensu buli bwetukiwulira era kyekitwetagisa okukola kyokka kwekutuula ntende tunyumirwe emitima gyaffe nga bwegibuguumirira munda muffe nga bw’ayogera naffe mu kkubo.

Era bonna Kitange b’Ampadde, balijja. Endiga zange, amayiba gange, ziwulira eddoboozi lyange. Omugwira tezijja kumugoberera.” Era eddoboozi lya Katonda kyeki? Kye Kigambo kya Katonda. Eddoboozi ly’omuntu yenna kyekiki bwe kitaba kigambo kye? Kye Kigambo kya Katonda; bajja kuwulira Ekigambo kya Katonda.

Wakyaliyo EBISINGAKO kulw’Ekkanisa ye. Tetutegeera butegeezi lunaku luno n’omubaka walwo, Ekigambo kyaleero, byokka, naye essanyu erisinga eryali liwereddwa omuntu kyaddaaki limaze ne lituukirira. Tuli kitundu ku Mwoyo gwe, ekitundu ku Mubiri gwe; nnyama ya nnyama Ye, ggumba lya ggumba Lye; Kigambo kya Kigambo Kye, Bulamu bwa Bulamu Bwe, FFE Mugole wa Kristo!

Kitiibwa!! Erinnya lya Mukama Lyebazibwe!! Aleluuya!! Omugole we yeetegedde era alikwetegeka ng’akozesa Ekigambo Kye.

Ekyo Ekkanisa ky’eri okukola leero, kubanga Yesu kye Kigambo era ye Mugole omusajja, era omugole aba kitundu ku mugole omusajja. N’olwekyo Ekigambo ekyokutuukirizibwa mu lunaku luno kye kitundu kyekimu eky’Ekigambo ekyatuukirizibwa mu lunaku Lwe, era kye Kigambo kyekimu, obumanyirivu bwe bumu, obulamu bwe bumu.

Jjangu obeereko mu mbeera y’Ekigambo kyekimu, obumanyirivu bwebumu, Obulamu bwebumu Ssande eno ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), era owulire: Ensigo Terisika Wamu E’ekisusunku. 65-0429B.

Owol. Joseph Branham

Ebyawandiikibwa by’okusoma:
Matayo 1:18-20 / 24:24
Lukka 17:30
Omut. Yokaana 5:24
Abaggalatiya 4:27-31
Oluberyeberye 2:15
Isaaya 9:6
Malaki 4

Nsango: 65-0427 Katonda Akyusa Endowooza Ye?

BranhamTabernacle.org

BA MPONGO BAZALI KOYANGANA

Omugole w’Okwagala Okutuukiridde omwagalwa,

Ai Katonda omwagalwa, tetwagala kwagalakwo okw’ekyerekerezo , Kitaffe. Ka tutambulire mu kwagalakwo okutuukiridde. Katu—tetumala gajja Kigambo wano na wali, ne tukireetera okuja mu kikwate ekimu oba ekiyiiye, oba ekintu ekimu. Leka tutwale Ekigambo nga bwekiri, nga tukkiriza Enjiri enzijuvu, byonna Yesu byeyatuyigiriza ffe okukola.

Okwo kwekuyaayaana kwaffe okusinga obukulu era okuviira wansi ddala ku ntobo z’emitima gyaffe, okubeera mu kwagala kwa Katonda okutuukiridde. Tetukyetaagirako ddala okumunyiiza, naye okumusanyusa mu byonna byetwogera ne byetukola. Twagala okubeera batabani be ne bawala be abatongozeddwa era abalabisiddwa.

Tukizuula wa engeri y’okubeeramu mu kwagala kwe okutuukiridde ne tumusanyusa? Tuteekwa okugenda eri Ekigambo Kye, kubanga tumanyi Ekigambo Kye ge mazima n’obulamu. Ekigambo kye bulijjo kiba kyekimu, enteekateeka ye bulijjo eba y’emu, kubanga tayinza kujjulukuka.

Ekigambo kitugamba, engeri gyeyakolamu ebintu omulundi ogwasooka, bulijjo alibikola mu ngeri y’emu. Lubeerera ateekwa kusigala nga y’omu. Ekigendererwa kye bulijjo kibadde nga kyekimu. Ebikolwa bye bibadde nga bye bimu. Engeri gy’Akolamu ebintu, engeri gy’Awonyamu abantu, engeri gy’Akulemberamu abantu be, bulijjo Alisigala nga y’omu.    

Baibuli etugamba mu Kigambo Kye ekitakyuka nti Ekigambo kya Katonda kijja eri bannabbi be bokka. Tekiribaawo nti akibikkulira bakulu ba kkanisa oba omuyigirize mu by’okusoma Katonda, eri ba nnabbi be bokka. N’okugamba yagamba nti taliiko kye yakola okutuusa nga asoose kukilaga bannabbi be.

Omuntu bulijjo ayagadde ekibiina ekikoleddwa abantu, akabondo k’abantu abamu okubakulembera. Naye tekibangako bwekityo nti eyo y’enkola ya Katonda, Bulijjo yatuma omukulembeze omuyiteyo mu ngeri ey’omwoyo , nnabbi omwawule n’Ekigambo okukulembera abantu be. Nnabbi oyo yalabisibwa era yalondebwa okubeera omukulembeze waabwe ow’essaawa eyo.

Katonda yalonda era n’ateeka mu bifo abakulembeze abalala abaawule bangi nga bajjuziddwa n’Omwoyo Omutukuvu; era balina ebifo byabwe,naye Yalabula abakulembeze abo, “mwekuume okuva eri Empagi y’Omuliro eyo.” Empagi y’Omuliro eyo ekolaki…EKULEMBERA ABANTU EKIRO N’EMISANA.

Olwo Ekigambo ne kitugamba, “Nga bwekyali mu nnaku za Sodoma, bwekityo bwekiriba Omwana w’Omuntu nga abikkulibwa.”  Okusiinzira ku Kigambo Kye mu Malaki 4, n’Ebyawandiikibwa bingi, Ye waakukomawo mu Kkanisa ye mu ngeri ekwatikako; mu bantu, mu bitonde eby’olulyo lw’abantu, mu ngeri y’okubeera nnabbi.

Nnabbi ono tulimumanya tutya? Alikakasa kiki ky’ali ng’akozesa Ekigambo. Alimanya ebyama ddala eby’omutima. Alibikkula Ekigambo kyonna eri abantu. Alikakasibwa Empagi y’omuliro okukulembera Omugole. Katonda n’okuba alyekubisa ekifaananyi ne nnabbi We.

Abamu balibeera nga Yokaana ku kazinga Patumo bagezeeko okumusinza, naye aligamba, “Tunula ekyo obutakikola, kubanga ndi muddu munno, era omu ku ba nnabbi, sinza Katonda.” Omugole alikimanya obutamusinza, omuntu, wabula okusinza Katonda MU MUNTU OYO.

Alikimanya nti ye ye Katonda gw’alonze okwogera Ebigambo eby’obwannantakolansobi. Alikimanya nti ye yeyali omubaka malayika ow’omusanvu eyalondebwa Katonda. Ensi eriraba era n’ewulira Eddoboozi lya Katonda nga lyogera okuyita mu ye era eriraba Adamu asoose okuzzibwawo mu bulamba.

Alikulembera omugole ng’akozesa Empagi y’Omuliro. Aliba afuna obubaka bwe obufunika era obutegeerekeka ng’abujja eri Logos era ng’abuwa Omugole mu lugendo lwabwe okugenda mu nsi ensubize. Omugole aliba n’Okubikkulirwa era amanye nti ono ye mubaka wa Katonda ateereddwawo. Lino ly’ekkubo lya Katonda eriteereddwawo. Kuno kwe kwagala kwa Katonda okutuukiridde.

Jjangu otwegatteko Ssande ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), era owulire: Katonda Akyusa Endowooza Ye? 65-0427.

Owol. Joseph Branham

Okubala 22:31

Obubaka: 65-0426 Akakasa Ekigambo Kye

Empungu zikuŋŋaanira awamu

Abaana abato abaagalwa bwemutyo abayinza okuyiga,

Nga mbeera ya mu ggulu gye tutuddemu ku Ssande nga omugole wa Kristo akuŋŋaanidde awamu mu kubeerawo kw’Omwoyo Omutukuvu. Tulinga abakiwulira nga afuula emibiri gyaffe egifa emiramu.

Tewali kufukibwako mafuta kusingako, yadde embeera eberwamu esingako, ku mbeera eyo mw’onyigira zannya n’owulira eddobooza lya Katonda nga lyogera nawe. Katonda aterezezza n’azza mu kifo amatu gaffe okuwulira n’okukkiriza buli Kigambo, kubanga ssi kirala okujjako El, Elah, Elohim, oyo Eyeebeezawo Yekka, Omuyinza Wa Byonna, kirimaanyi Omu, ng’ayogera eri buli omu kuffe era nga atubikkulira nti tuli batabani be era bawala be abalabisiddwa.

Nga kyali kya maanyi nnyo ng’ensigo ya Katonda eyayawulibwa edda, okuva wonna mu nsi, nga bassa emikono gyabwe emitukuvu buli omu ku munne. Amaka gaffe n’amakanisa gaffe gajjuzibwa okubeerawo kw’Omwoyo Omutukuvu. Okukkiriza kwaffe kwali kuzimbiddwa, kubanga twali tumanyi ani yali ayogera naffe. Olwo yatugamba amaanyi ago agafuula ekintu okuba ekiramu gaali mu ffe. Twakkiriza n’emitima gyaffe gyonna n’emmeeme zaffe, kubanga bwatyo bwe Yayogera.

Olwo n’atugamba okugamba, “Mukama Katonda, Nzikiriza n’omutima gwange gwonna.” Twaddamu buli kigambo okuva ku ntobo z’emitima gyaffe. Yagamba, “Obulwadde tebusobola kuyimirira mu kibiina nga kino.” Omwoyo gwaffe gwasanyuka nga bwe tuwulira Ebigambo bino, kubanga twali tumanyi kiki ekyali kigenda mu maaso.

Yagamba, “Buli omu ayagala Omwoyo Omutukuvu, wanika emikono gyo, BULI WAMU W’OLI. abaKyagala …Ddala nzikiriza nti Katonda ajja kujjuza buli omu kummwe, Kati kati, n’Omwoyo Omutukuvu.”
Ddala mu kaseera ako, twajjuzibwa, ne tujjuzibwa nate, n’Omwoyo we Omutukuvu, Eddoboozi lya Katonda lyali lyakamala okukyogera.

Olwo eri abo abaali beetaaga okuwonyezebwa mu mibiri gyabwe, Yagamba, “Mbalagira, mu Linnya lya Yesu Kristo, okuyimirira ku bigere byammwa era musembeze okuwonyezebwa kw’emibiri gyammwe.” Mu kaseera ako kennyini, buli mukkiriza, okuva wonna mu nsi, eyalina okukkiriza era ng’akkiriza, YAWONYEZEBWA.

Kino kyabaawo wa? Mu kabiina akamu akatono ak’abantu abakuŋŋaanidde awamu? Nedda, kyali kuva mu WONNA MU NSI omugole bweyali nga atuula awamu mu bifo eby’omu Ggulu ng’awuliriza Eddoboozi lya Katonda ery’olunaku lwaffe.

TEKISOBOKA omuntu yenna, oba ekibiina ky’abantu, okugatta Omugole mu ngeri etyo. Mwoyo Mutukuvu yekka y’ayinza okukikola ng’akozesa okwogera okuyita mu muwereza we ateereddwao ku lw’olunaku. Obubaka buno buli BWATYO BW’YOGERA MUKAMA. Tekiriiko kwewuunya, tekiriiko kukubaganya birowoozo, Katonda ataddewo kino ly’ekkubo Lye eriteereddwawo olw’olunaku lwa leero.

Nga kiwummulo n’emirembe bye tulina. Tewali we kitwetaagisiza kweraliikirira oba okubuuza ekyo ekiri okwogerwa gyetuli. Tewali we kitwetaagisiza kuddayo ku Kigambo kukikebera, kubanga tuwuliriza Ekigambo kya Katonda Ekikakasibbwa ku lw’olunaku lwaffe. Twetuulira bwetuulizi mabega, ne tuggula emitima gyaffe, okutegeera kwaffe n’emmeeme zaffe, era tugambe AMIINA, AMIINA, AMIINA.

Nedda, tetusaanidde. Nedda, tetutegeera buli kimu. Naye TUKKIRIZA buli Kigambo. Yagamba ako kekaali akabonero akannamaddala akalaga nti olina Omwoyo Omutukuvu, era Mugole We yekka yajja okukkiriza era asigale na buli Kigambo. FFE MUGOLE OYO….Alleluia!.

Kiyitira waggulu ddala w’ab’ekitalo, abeeyita abalowooza ennyo, n’akibikkulira abaana abato bwebatyo abayinza okuyiga.

Ndi musanyufu nnyo nti ndi mwana omuto bwentyo nnyinza okuyiga.

Akakasizza okuyita mu byaasa kiki kye Yali mu buli mulembe. Yakikakasa ng’ayita mu bannabbi be. Yakikakasa bweyajja mu mubiri, n’atwala ebyoonoono byaffe nakubibwamu emisumaali ku musaalaba, olwo n’azuukira nate n’atuma Omwoyo Omutukuvu okukomawo.

Kaakati akikakasizza mu mulembe gwaffe ng’ayita mu kukomawo n’okwebikkulira mu mubiri g’omuntu omulundi gumu nate nga bwe yasuubiza mu Kigambo Kye nti bwalikola. Yeekakasa okubeera Omwana w’omuntu, obuweereza bwa Yesu Kristo mwennyini, nga abikkiddwa mu mubiri g’omuntu.

Era kati, essuula Ye eyaakamalirizo, ensonga yennyini ey’enteekateeka eno ey’ekitalo, okutujjira, Omugole we azziddwawo mu bujjuvu, era akakasiddwa, asigadde n’Ekigambo.

Wandyagadde okubeera ku lusozi olunaku olwo Yesu we yayogerera ne 5000? Wandyagadde okumulaba ng’akakasa eri ensi kiki kye Yali ng’agabirira emigaati n’ebyennyanja? Wandyagadde okuba ng’otudde wansi w’amafuta ago, ng’owulira buwulizi ddoboozi Lye nga libudabuda omutima gwo n’Ebigambo bye eby’Obulamu Obutaggwawo?

Osobola, bw’oba nga okkiriza Obubaka buno n’omutima gwo gwonna.

Jjangu otuule wansi w’amafuta ago ku lusozi wamu naffe Ssande eno ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), era owulire Katonda nga akakasa ensi kiki ky’Ali mu lunaku lwaffe. Lukka 17:30 ng’ayogera gy’oli era ng’akutegeeza B-R-A-N-H-A-M ly’Eddoboozi lyange gy’oli Erikakasibbwa era Eddonde. Jjangu omuwulire nga: Akakasa Ekigambo Kye 65-0426.

Ow’oluganda. Joseph Branham

Ebyawandiikibwa by’okusoma:

Omutukuvu Matayo 11:4-19 / 28:20
Omutukuvu Makko 11:22-26
Omutukuvu Lukka 8: 40-56 / 17:30
Omutukuvu Yokaana 14:12
Abaebbulaniya 4:12-15 / 13:8
Malaki 4

Obubaka: 60-0522E Okutongozebwa #4

PDF

• 25-0525 Okutongozebwa #4
• 21-0711 Okutongozebwa #4
• 18-0708 Okutongozebwa #4 – Preliminari
• 16-0228E Okutongozebwa #4

BranhamTabernacle.org

Empungu zikuŋŋaanira awamu

Empungu abaagalwa, leka ffenna tukuŋŋaanire wamu tuwulire
Obubaka Okutongoza Omwana #4 60-0522E Sande eno ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda).

Birangiddwa ow’oluganda Joseph Branham.

Ebyawandiikibwa by’okusoma ng’okuwulira Obubaka tekunnaba:
Abaefeeso 1: 8-22 / 2: 1 / 4:30
Abaebbulaniya 7: 1-3
Oluberyeberye 14: 18-24
Omutukuvu Matayo 26: 26-29
Omutukuvu Yokaana 17:17
Abaggalatiya 1: 8
Yobu essuula 38 yonna

Obubaka: 60-0522M Okutongozebwa #3

PDF

• 25-0518 Okutongozebwa #3
• 21-0704 Okutongozebwa #3
• 19-0701 Okutongozebwa #3
• 16-0228M Okutongozebwa #3

BranhamTabernacle.org