Ekibiina abaagalwa,

Nnandyagadde okubabuulira n’okubayigiriza leero nga nkozesa engeri y’ebbaluwa yange. Ka tusooke tuddiŋŋane byetwayiga Sande ewedde.
Ofuna otya ensigo ya Katonda eyayawulibwa edda? NYIGA ZANNYA.
Kiki Yoswa kyeyagamba abaweereza be okukola? Mugende mu Yeriko, muweereze abantu nga MUNYIGA ZANYA, era ebyammwe n’ab’ennyumba yo bajja kulokolebwa.

Abaweereza be baakomawo, nebagamba nti,“Ngondedde ebiragiro byo. Era waabaddeyo omukazi gwetwasanze, bwetwazannye entambi.

Tetukwatibbwa nsonnyi. Tetufaayo ani aKiraba. Twayagala buli omu aKirabe era aKiwulire. Tukitadde mu maka gaffe, mu makanisa gaffe, buli wamu wetugenda, kibe nti buli omu ayitawo anaategeera nti tweragira wamu n’Akabonero kaffe; Yesu Kristo, Ekigambo Kye, Omwoyo Omutukuvu, Obubaka Bw’ekiseera, Entambi, Eddoboozi lya Katonda.

Tusobola okukiraba nti obusungu kumpi bwetegese okuyita munsi, era buli ekitali wansi wa Kabonero ako, kijja kuzikirira. Naye Bw’Alaba Akabonero ako, Ajja kutuyitako. Ky’ekyetaago kya Katonda eky’essaawa. Obubaka Bw’Ekiseera ky’akawungeezi, kwe kuteekako akabonero.

Yatugamba kijjakubeera kisembedde kumpi kwenkana wa, kibiina?
• Okugamba obugambi nti nkikkiriza … tekimala.
• Okwekoloobeza wekiri… tekimala, kikufuula mubi n’okusingawo.
• Ssibba.
• Ngenda ku Branham Tabanako.
• NZIKIRIZA OBUBAKA.
• NZIKIRIZA BULI KIGAMBO KYEWAGAMBA OW’OLUGANDA BRANHAM…OWANGE!!!

Ekyo kirungi, ekyo kitegeeza butegeeza nti osobola okusoma.

Totuuka butuusi kwenkana wano, gamba, “Nzikiriza Obubaka.” Ogondera omubaka. Yingira Kristo! 
Twala Obubaka, Butwale mu mutima gwo, nti oteekwa obubeera n’Akabonero ako, Obulamu bwennyini obwali mu Kristo bubeere mu ggwe. “Bwendaba ekyo, nja kukuyitako.”

Katonda kiki ky’Abadde agamba Omugole We Bubaka ku Bubaka? ENTAMBI, ENTAMBI, ENTAMBI. Kirungi okubuulira Obubaka n’okuyigiriza Obubaka naye oteekwa OKUZANNYA OBUBAKA.

Omuntu yenna ayinza atya okugamba nti bali mu Mukwano n’Obubaka ate naataagala kuzannya Bubaka mumaaso g’Abantu ? Tebalina nkolagana y’emu ey’omukwano n’Obubaka nga nze gyennina n’Obubaka, kubanga njagala buli omu okujja awamu bawulire Eddoboozi eryo erikakasibbwa Empagi y’Omuliro.
Tulina OKUKKIRIZA nnantasagaasagana mu Kigambo Kye. Tetuli Kaawa. Tetuli babuusabuusa oba abekkiriranya ne Seataani. Twenywereza ku buli Kigambo Kya Katonda mu Baibuli, na buli Kigambo ku Lutambi. Kubanga Entambi bye birowoozo bya Katonda byennyini, nga byogeddwa nebivvuunulwa eri Omugole We, era tekyetaaga kuvvuunula kwonna. Kye kifo kyokka kyetumanyi wetusobola okwogerera AMIINA eri buli Kigambo.

Obubaka buno mugaati musu ogugwa okuva mu ggulu, kulw’olugendo lwaffe. Gwe mugaati gw’obulamu, era buli lunaku tufuna okufuulibwa abaggya, okuva mu ggulu, Omwoyo Omutukuvu, ng’Ajja era ng’Ajjula emmeeme zaffe.

Tutudde wamu n’ekiruubirirwa kimu, Ekigambo Kya Katonda, era tulya ku Kigambo ekyo. Tuli mu Beeserekemu y’omwoyo eya Katonda, nga tulya emmere ya Katonda ey’omwoyo, era emmeeme zaffe ziteeka essira ku buli Kigambo kye Yayogera, ne “Amiina!” Tuwoomerwa Emmere ya bamalayika eyo eyaterekebwa ku lwaffe okugilya nga ekijjulo ky’embaga.

Jjangu otwegatteko ku Mmeeza Ye era olye ku Mmere Ya Bamalayika eyo ey’Eggulu wamu naffe Sande eno ku sawa 4 ez’okumakya mu budde bwe Jeffersonville (z’essaawa 11 ez’akawungeezi e Uganda)

Bwemuba nga mmwe abantu b’Entambi wano, abali okuwuliriza entambi, njagala mmwe okuwulira obwo: Lwaki Yesu yalina okujja e Beeserekemu. Lwaki yali ateekwa okukikola?

Taata Ayogedde naffe okuyita mu nnabbi We omulundi gumu nate era n’ayita mwena Abantu b’Entambi okujja okuwulira Obubaka: Lwaki Beeserekemu Omutono 63-1214.

Okubuulira kwange n’okuyigiriza bikomye awo, kaakti leka TUNYIGE ZANYA.

Owol. Joseph Branham