Obubaka: 65-0218 Ensigo Tesikira Wamu Na Kisusunku

PDF

• 24-0602 Ensigo Tesikira Wamu Na Kisusunku
• 22-1106 Ensigo Tesikira Wamu Na Kisusunku
• 19-1027 Ensigo Tesikira Wamu Na Kisusunku
• 17-0104 Ensigo Tesikira Wamu Na Kisusunku

BranhamTabernacle.org

Omugole W’Ekigambo Embeerera Abaagalwa,

Tuli wano. Tutuuse. Ebiseera bisembedde. Ekisusunku kyawukanye ku Nsigo. Tubadde tugalamidde mu Kubeerawo kw’Omwana, nga twengera. Tujja kusigala mu Kubeerawo okwo okutuusa akabinja kaffe akatono lwe kaanengerera ddala nnyo eri Kristo, okutuusa lwe tunaafuuka omugaati ku mmeeza ye. Katonda yeebazibwe!

Obubaka buno bulaze Malaki 4 nti mutuufu, bulaze Lukka 17:30 nti mutuufu, bulaze Abebbulaniya 13:8 nti ntuufu, bulaze Omutukuvu Yokaana 14:12 nti mutuufu, bulaze Okubikkulirwa essuula ey’ekkumi nti ntuufu, okubembula kw’Obubonero Omusanvu, ebyama bya Katonda, ezzadde ly’omusota, okufumbiriganwa n’okwawukana n’ebyama bino ebirala byonna ebibadde bikwekeddwa wansi w’empagi okumala emyaka gino gyonna.

Tuli mbeerera eri Ekigambo. Tetusobola era tetujja kukwata ku kintu kirala kyonna. Buli Bubaka bwe tuwulira, buba buggya era bupya; Emmaanu ensu eyaakagwa okuva mu Ggulu.

Naye yatulabula nti mu kiseera eky’enkomerero walibeerawo emyoyo ebiri egiryebeera okumpi ennyo, gyandirimba abalonde bennyini, oba nga kiyinzika. Na bwegutyo, tulina okubeera ku bunkenke olw’omwoyo ogwo nga bwekiri nti gujja kulabika ng’Omugole yennyini.

Weetegereze, laba engeri gye kyefaananyiriza ennyo. Matayo yagamba, Omutukuvu Matayo 24:24, yagamba, nti, “Emyoyo ebiri egyo mu nnaku ez’oluvannyuma,” omwoyo gw’ekkanisa ogw’abantu b’ekkanisa, n’Omwoyo gw’Omugole ogw’abantu b’omugole, “gijja kwebeera kumpi nnyo okutuusa lwe kirikkirizisisa abaalonde bennyini obulimba oba nga kiyinzika.” Bwegityo bwe giryesemberera ennyo.

Yagamba nti OMWOYO gw’abantu b’ekkanisa n’OMWOYO gw’abantu b’omugole gijja kwebeera kumpi nnyo. Ekyo kitegeeza nti omwoyo gw’abantu b’ekkanisa kijja kugwetaagisa okugamba nti bakkiriza Obubaka bw’ekiseera gusobole okubeera OKUMPI ENNYO BWEGUTYO.

Oyo teyandibadde Mumesodisiti, Mubaputisiti, Omupulesibeteriyani, oba wadde Omupentekooti; bali wala nnyo n’Ekigambo ne batuuka n’okugaana Obubaka. Tewali n’omu ku bo alina mwoyo gusembereganye na gwa Mugole.

Sitaani agezezzaako, era abadde n’obuwanguzi bungi, mu kubeera omulimba bitya. N’okuba okuva ku lubereberye, yagamba bugambi nti, “Mazima,” bw’atyo n’agamba Kaawa akozese okulowooza kwe era mbu alina okumuwuliriza so si Kigambo kyokka. Waliwo ekintu kimu kyokka kye yalagirwa okukola: okusigala n’Ekigambo.

Eby’amazima ebyenkalakkalira:

Bw’oba ​​olina ekibuuzo, walina okubaawo eky’okuddamu. Ekyo nnabbi kye yatugamba. Eky’okuddamu kirina kuva mu Kigambo. Ekigambo kijja eri nnabbi yekka. Nabbi ye muvvuunuzi w’Ekigambo yekka. Omusajja oba omukazi yenna bw’akuwa eky’okuddamu, kirina okuba ekyo nnabbi kye yamala edda okwogera. Tekiyinza kuba kuvvuunula kwabwe, ndowooza oba kutegeera kwabwe. Balina okukiwagira n’Ekigambo ekyayogerwa nnabbi wa Katonda eyakakasibwa. Si kigambo kya nnabbi ng’ogasseeko, wabula ekyo nnabbi kye yayogera kyokka.

Kati waliwo enzikiriza bbiri ezigobererwa.

1: Oteekwa okukkiriza buli Kigambo ekiri ku butambi nga bwe buli Obubaka obusinga obukulu bw’olina okuwulira.

2: Tekikwetaagisa kukkiriza buli Kigambo ekiri ku butambi, era obuweereza kati bwe bulina obubaka obusinga obukulu bw’olina okuwulira.

Waliwo engeri ezaawukana nnyingi nnyo ez’endowooza ey’okubiri: Omwoyo Omutukuvu ajja kunkulembera oba omusumba wange okutubuulira Ekigambo ky’ekiriwa n’ekitali Kigambo ky’ekiriwa. Twetaaga ekisingawo ku ebyo Ow’oluganda Branham bye yayogera ku lutambi. Oteekwa okuba n’obuweereza okunnyonnyola oba okumenya-menyamu Ekigambo. Awatali buweereza tosobola kuba Mugole.

Waliwo ebikontana n’amazima ebirala bingi, naye tekisoboka kubiwandiika byonna. Naye tewali ngeri zaawukana oba oba bikontana na mazima mu ndowooza eri esooka. Mu ngeri ennyangungu, kiri, KKIRIZA BULI KIGAMBO.

Ng’abakkiriza mu Bubaka buno obw’ekiseera eky’enkomerero, mulina okwebuuza ebibuuzo bino:

1: Okkiriza nti nnabbi bye yayogera ku butambi ye Abusoluuti wo, oba okkiririza nti Mwoyo Mutukuvu ayita mu ggwe oba omusumba wo ye Abusoluuti?
[Abusoluuti kitegeeza : kamala byonna, nantateekebwako bukwakkulizo, ekirongoofu, ekituukiridde, ekijjuvu, ekiteetaagisa kakwate na birala, ekyenkomeredde, ekyemalirira, ekitafugibwa tteeka, ekitatyobolwa.]

2: Okkiriza nti obuweereza obw’emirundi etaano bulina obubaka obusinga obukulu Omugole bw’alina okuwulira, oba Bubaka obuli ku butambi bwe businga obukulu?

Bw’aba nga omusumba wo, omubuulizi wo, omusomesa wo, omubuulizi w’enjiri oba nnabbi wo takugamba nti okuwuliriza obutambi bwe BUBAKA OBUSINGA OBUKULU bw’olina okuwulira, aba MULIMBA, ERA GWE OMWOYO NNABBI GWE YATULABULAKO NTI GULIJJA.

Bw’aba agamba nti BWE Bubaka obusinga obukulu bw’osobola okuwulira, naye ng’akyagaana okuzannya obutambi mu kkanisa ye, WALIWO EKIKYAMU. Bw’aba nga ddala akkiririza nti okuwuliriza obutambi kye kintu ekisinga obukulu ky’osobola okukola, olwo yandisoose kuzannya butambi, olwo n’abuulira bw’aba awulira okukulemberwa.

Ekyokulabirako eky’ekyangu:

Bwemba nkugambye nti, okunywa amazzi amayonjo kye kintu nnamunigina ekisinga obukulu ky’osobola okukola kulw’obulamu bwo, era nti waliwo amazzi amayonjo ag’okunywa agalina obukakafu obuwandiike era agaakakasibwa GAMU…naye bw’ojja ewange okulya ekyeggulo, amazzi ago agalina obukakafu obuwandiike si ge nkuwa. Nkugamba nti, “amazzi ago osobola okuganywera mu maka go naye ewange, olina kunywa kye nkuwa.”

Bwe kiba nti amazzi ago KY’EKINTU EKISINGA OBULUNGI kye nsobola okukuwa olw’obulamu bwo, ekinaakuwa obulamu, olwo ekintu kye ngenda okusooka okukuwa ng’oyingidde mu maka gange ge mazzi ago amayonjo ag’okunywa.

Ndi mukyamu mu kugamba nti, “MUZANNYE ENTAMBI MU MAKANISA GAMMWE, ky’ekintu ekisinga obulungi ennyo ky’osobola okukolera abantu bo. Kiri Bw’Atyo Bw’Ayogera Mukama.”

Oba, bakyamu mu kugamba nti, “Kikyamu okuzannya obutambi mu kkanisa, Ow’oluganda Branham teyagambangako kuzannya butambi mu kkanisa yo. Tugamba abantu bazannye obutambi mu maka gaabwe, mu mmotoka zammwe, buli kiseera, NAYE ku kkanisa balina okuwulira NZE.”

Mwoyo ki ogukukulembera? Ogamba nti, “ebyo ebyogerwa ku butambi ye Abusoluuti wange era ky’ekintu ekisinga obukulu kye nsobola okuwulira”? Oba, ogamba nti, “Entambi tezimala. Si ze Abusoluuti wange era si ky’ekintu ekisinga obukulu eky’okuwulira, obuweereza ye Abusoluuti era bwe tulina okusinga okuwulira”?

Kati kye kiseera ky’Ensigo, oba ekiseera ky’Omugole. Ebisusunku bifudde. Ebisusunku bikaze. Ekiseera ky’Ekigambo embeerera, ekikwatibbwako. Mbeerera, jjukira, Ekiseera ky’Ekigambo embeerera.

Jjangu owulire Emmaanu ensu eyaakagwa okuva mu Ggulu Ssande eno ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), nga bwe tuwulira: 65-0218 Ensigo Tesikira Wamu Na Kisusunku.

Owol. Joseph Branham

Obubaka: 65-0217 Omussajja Ng’adduka Okuva Mu Maaso Ga Mukama

• 24-0526 Omussajja Ng’adduka Okuva Mu Maaso Ga Mukama
• 22-1030 Omussajja Ng’adduka Okuva Mu Maaso Ga Mukama

BranhamTabernacle.org

Abaana b’Endiga ba Mukama Abaagalwa,

Emitima gyaffe nga giyaayaanira olunaku luno buli wiiki lwe tusobola okwegatta okuva mu nsi yonna okuwulira Eddoboozi lya Katonda nga litugamba Ekigambo ky’Obulamu Obutaggwaawo. Tewali kirala kimatiza mmeeme zaffe ne kimalawo ennyonta yaffe okuggyako Eddoboozi lya Katonda.

Watugamba, Kitaffe, nti ennimiro ennene ey’amakungula njeru, eyengedde, era n’empeke kati nneetegefu okukubibwa okuggibwako akakuta. Empeke kati zanjaddwa mu Maaso g’Omwana era zengera eri Obwakabaka bwa Katonda.

Tuyimiridde, Kitaffe, ku kumatizibwa kwaffe kw’ekyo kye tumanyi nti Ge Mazima; Eddoboozi lyo ku lutambi lye ddoboozi LYOKKA erigenda okututuukiriza, ffe Omugole Wo.

Kizibu anti baganda baffe ne bannyinaffe batutegeera bubi nnyo. Tubasaba era ne tubeegayirira baleme kudduka kuva mu maaso Ge, wabula badduke okuyingira mu maaso ge.

Tukimanyi nti waliwo abasajja bangi abaafukibwako amafuta b’olonze n’oteekawo okutunuulira ebisibo byo, abaagala Obubaka buno n’emitima gyabwe gyonna, naye Kitaffe, balemererwa okuteeka Eddoboozi lyo eryakakasibwa ku lutambi mu maaso gaabwe. Balemererwa okubagamba nti buno Bubaka bwa musajja omu era nti Ggwe walonda omusajja oyo okukulembera Omugole Wo. Balemererwa okubagamba nti Eddoboozi Lyo lye ddoboozi LYOKKA erigenda okugatta n’okutuukiriza Omugole Wo.

Nteekwa “okukuba omulanga ogukivumirira.” Nkube omulanga oguvumirira buli kimu, na buli muntu, awakanya okuzannya Entambi Zo mu masinzizo gaabwe. Nkube omulanga oguvumirira omulimu gwabwe, nkube omulanga oguvumirira ekkanisa yaabwe, nkube omulanga oguvumirira bannabbi baabwe, nkube omulanga oguvumirira abaweereza baabwe, nkube omulanga oguvumirira bakabona baabwe. Nteekwa okukuba omulanga oguvumirira ekintu kyonna!

“Katugambe nti nzize okwegatta ne ba ggaayi mmwe. Omanyi, nzikiriza nti nja kukubuulira kye nzija okukola. Nninawo-kko akantu akatono wano ke nzikiriza nti nsobola okuleetera okubeera ak’o…okutugatta ffenna, ne tukola kino, ekyo, oba ekirala.”

Nteekwa okukuba omulanga ogukivumirira, nga bwekiri nti Ekigambo Kyo kyokka, ekyayogerwa nnabbi Wo, kye kiyinza OKUTUGATTA.
Okubuulira kwabwe kuyinza kutya? Bonna tebakkiriziganya buli omu ne munne era ebintu babiraba mu ngeri ya njawulo buli omu okwawukanako ne munne, okujjako ekintu kimu, bonna bakkiriziganya ku… OBUTAZANNYA NTAMBI MU MAKANISA GAABWE. Ekyo kiyinza kitya okubaawo, Kitaffe?

Watugamba nti tulina okuba ne ABUSOLUUTI OMU, oyo nga ky’EKigambo Kyo. Watugamba nti Ekigambo Kyo kijja eri nnabbi Wo, YEKKA. Watugamba nti ye YEKKA asobola okuvvuunula Ekigambo Kyo. Watugamba nti buli muweereza, buli mmemba mu kibiina, buli muntu, asobola KWOGERA EKYO OYO KYE YAYOGERA KYOKKA. Eddoboozi lye lye DDOBOZI LYOKKA eryakakasibwa Empagi Yo ey’Omuliro okuba Bw’ati Bw’ayogera Mukama.

Sigamba nti ba bulimba oba nti tebalina kubuulira. Era sigamba nti Mukama tali nabo, oba nti tebaafukibwako mafuta na kuyitibwa kubuulira, naye nnina okukuba omulanga ogubavumirira bwe beerema okugamba bantu baabwe nti okuwuliriza entambi kye kintu ekisinga obukulu kye bayinza okukola.

Okukyusa ennukuta emu oba akatonnyeze akamu kuba kufa. Oteereddewo Omugole Wo ekkubo okuwulira Bw’atyo Mukama n’amatu gaabwe. Bayinza batya obutabuulira bantu baabwe nti bwe Bubaka obusinga obukulu bwe bateekwa okuwulira? Bwe Bubaka bwokka bwe nsobola okugambirako AMIINA eri buli Kigambo, nga bwe butali Kigambo ky’omuntu, newankubadde okuvvuunula kw’omuntu ku Kigambo Kyo, ky’EKigambo Kyo Ekirongoofu.

Wagamba nti Obubaka n’omubaka bye bimu. Nabbi wo yakyogera era Ggwe wali wa kukituukirizanga. Ekigambo kyo ekyayogerwa nnabbi Wo TEKYETAAGA kuvvuunula engeri gye kiri nti Mwana w’Omuntu y’Ayogera obutereevu n’Omugole we.

Nteekwa okwegayirira abantu, mukomeewo eri okwagala kwammwe okwasooka. Mukomeewo eri ekyo kye mumanyi nti kiri BW’ATI BW’AYOGERA MUKAMA. Bw’oba ​​obadde weebuuza ekkubo ly’olina okuyitamu oba ky’olina okukola, jangu, saabala naffe ku mmeeri eyo ekiro kino. Tugenda mmanga e Nineeve, okukikaabirira. Tulina omulimu mu maaso ga Katonda, obwo bwe Bubaka buno ku lutambi.

Tukkiriza nti Okujja kwa Mukama kuli kumpi, era Agenda kuba n’Omugole, era tuli mu kwetegeka. Tetwagala kintu kirala okuggyako Ekigambo kya Katonda Ekirongoofu ekyayogerwa nnabbi we. Tugenda mu Kitiibwa, mujje musaabalire mu mmeeri yaffe.

Bw’oba nga ​​okkiririza nti Obubaka buno Ge Mazima, era nga busaana okububeererawo, nga busaana okufiirirwa, jangu otwegatteko Ssande eno ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), nga bwe tuwulira Obubaka bwe tukkiriza nti bukulu nnyo era bwa mangu gye tuli okuwulira: Omusajja Nga Adduka Okuva Mu Maaso Ga Mukama 65-0217.

Muli ndiga zange. Ekyo kibaawo kitya? Muli baana b’endiga ba Mukama be yampa okuliisa.

Owol. Joseph Branham.

Ebyawandiikibwa by’olina okusoma

Yona 1:1-3
Malaki 4.
Omut. Yokaana 14:12
Lukka 17:30

Obubaka: 64-0830E Ebibuuzo N’eby’okuddamu #4

• 24-0519 Ebibuuzo N’eby’okuddamu #4
• 22-1023 Ebibuuzo N’eby’okuddamu #4
• 18-0225 Ebibuuzo N’eby’okuddamu #4

BranhamTabernacle.org

Obubaka: 64-0830M Ebibuuzo N’Eby’Okuddamu #3

• 24-0512 Ebibuuzo N’Eby’Okuddamu #3
• 22-1016 Ebibuuzo N’Eby’Okuddamu #3
• 18-0218 Ebibuuzo N’Eby’Okuddamu #3

BranhamTabernacle.org

Empungu Abaagalwa,

Mujje mutwegatteko Ssande eno ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), okuwulira eby’okuddamu eri bibuuzo ebiri ku mutima gwo, nga bwe tuwulira 64-0830M Ebibuuzo N’Eby’Okuddamu #3.

Ow’oluganda Joseph Branham

Obubaka: 64-0823E Ebibuuzo N’eby’okuddamu #2

• 24-0505 Ebibuuzo N’eby’okuddamu #2
• 22-1009 Ebibuuzo N’Eby’okuddamu #2
• 18-0211 Ebibuuzo N’eby’okuddamu #2

BranhamTabernacle.org

Omuwala Omulongoofu Afumbiziddwa Abaagalwa,

Katonda atwagala nnyo ne kiba nti yaleetera nnabbi we okuddamu ebibuuzo byaffe BYONNA, era n’ateeka eby’okuddamu ku lutambi. Bwe tuba tukyetaaga, kye tulina okukola kyokka kwe KUKKIRIZA NE TUNYIGA ZANNYA.

Nnina Omwoyo Omutukuvu?

Obukakafu bw’Omwoyo Omutukuvu, Katonda bw’akubikkulira n’okiraba, BW’ATI BW’AYOGERA MUKAMA era n’okikkiriza.

Awo nkirina Mukama, nga bw’ombikkulidde Obubaka buno era mbukkirizza nga Bw’atyo bw’Ayogera Mukama!

Naye, kirabika nnemererwa nnyo…era ate eby’emabega byange byo?

Ensonga teri ekyo ky’oli, kye wali, oba ekintu kyonna ku ekyo, eri ekyo Katonda ky’akukoledde kati. Obujulizi bw’obwo.

Mukama, Tolaba by’emabega byange era n’okulaba tolaba wadde ensobi zange ennyingi ennyo kati, Owulira buwulizi ddoboozi lyange; Ekitiibwa Mukama, NINA OMWOYO OMUTUKUVU.

Ow’oluganda Branham, nkimanyi nti wagamba si ggwe kayinja kokka ku bbiici, naye ani anaabeera ng’alagirira Omugole wa Kristo mu kiseera eky’enkomerero?

Nga nyambibwako Katonda, nzikiriza nti nze ndagirira Omugole wa Yesu Kristo.

Nnina ebintu bingi ku mutima gwange, nkole ntya?

Mpaawo kirala kikulu kati wabula okugatta abaana ba Katonda bonna n’obagamba nti, “Tugende.”

Webale Mukama, ekyo kyennyini kye tukola. Tewali kirala kikola makulu gyetuli okuggyako Ekigambo kyo. Omwoyo wo Omutukuvu atulungamya ng’Akozesa nnabbi Wo era tukuŋŋaana okwetooloola Ekigambo kyo okuva mu nsi yonna, era tuli beetegefu okugenda.

Nnina ebibuuzo bingi, nneetaaga okulungamizibwa, obuyambi, n’eby’okuddamu. Ekyo nkiggya wa?

Ndi wano okugezaako okubayamba, kubanga mbaagala. Mmwe baana bange be nazaala eri Kristo. Mbabanjaayo buli omu ku mmwe. Nja kubabanjayo ekiro kya leero; Mwenna mbabanjayo ekiseera kyonna; Bulijjo mbabanjayo, era ekyo nga muganda wange ne mwannyinaze.

Naffe tukwagala nnyo Ow’oluganda Branham. Tukimanyi nti Katonda yakutuma okutulungamya n’okutulagirira. Tukikebedde n’Ekigambo era kikwataganira butereevu.

Kitange mu Njiri y’ani?

Muli baana bange; Nze—nze kitammwe mu Njiri, si taata nga bwe kyandibadde kabona, ndi—ndi kitammwe mu Njiri nga Pawulo bwe yagamba eyo.

Tukimanyi Omwoyo Omutukuvu akukulembera okutukulembera, Ow’oluganda Branham. Ogamba nga Pawulo bwe yagamba mu Baibuli, okugobererera ddala kye wayogedde, nga bwe kiri mazima, era tetuli ba kukyusa nnukuta emu newankubadde akatonnyeze akamu.

Kiki ky’olina okukola Ow’oluganda Branham?

Mbazadde eri Kristo, era kaakano, nze — mbafumbiza Kristo; mu ekyo mbanjula eri Kristo nga omuwala embeerera omulongoofu. Temunjiwa! Temunjiwa! Musigale nga muli muwala embeerera omulongoofu.

Otufumbizza Kristo nga embeerera eri Ekigambo kye. Tetusobola, era tetujja na kupepeya na mulala. Tukebera buli kye tuwulira ne kye tukola nga tuyita mu Kigambo Kyo ekiterekeddwa.

Ekintu ekisinga obukulu kye nsobola okukola okubeera Omugole We kye kiki, Ow’oluganda Branham?

Sigala butuufu n’Ekigambo.

Eby’okuddamu byonna eri ebibuuzo byaffe bisobola okufunzibwa mu bigambo bino:

SIGALA BUTUUFU N’EKIGAMBO.

Obubaka buno KYE Kigambo eky’olunaku lwaffe. Ow’oluganda Branham lye Eddoboozi lya Katonda eri olunaku lwaffe. Buli kimu kirina kusimba butereevu n’Ekigambo. Ekigambo tekyetaaga kuvvuunula. Bwe TUNYIGA ZANNYA, BYONNA BYETWETAAGA BIGABIRIRWA AWO, KU NTAMBI.

Olina ekintu ku mutima gwo kyewetaaga okufunira eky’okuddamu? Jjangu otwegatteko Ssande ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), nga bwe tufuna eby’okuddamu byaffe byonna nga bwe tuwulira: 64-0823E – Ebibuuzo N’Eby’okuddamu #2.

Owol. Joseph Branham

Obubaka: 64-0816 Okukakasa Ekigambo Kye

• 24-0421 Okukakasa Ekigambo Kye
• 22-0925 Okukakasa Ekigambo Kye
• 21-0509 Okukakasa Ekigambo Kye
• 17-1029 Okukakasa Ekigambo Kye

BranhamTabernacle.org

Omunnyo Gw’ensi Abaagalwa,

Awo wennyini nga kirabika nga ekitayinza kusingawo bulungi, Atuwa omuzingo gw’olutambi ogujjuddemu Okubikkulirwa okungi. Tulina okukiikirirwa okuva mu kuteekerwateekerwa. Eyo y’ensonga lwaki tuva ebuvanjuba n’obugwanjuba, obukiikakkono n’obukiikaddyo, okuwulira Ekigambo ekiramu nga kyolesebwa.

Katonda bwe yatonda ensi, twali mu ndowooza ye. Omuloopi waffe bw’akanya okutusongako engalo n’agamba Kitaffe nti, “baakola kino, baakola kino, baakola kino,” Omusaayi gwa Mukama waffe Yesu gutubikka. Bwe tuba tusaba, Katonda tatulaba, awulira buwulizi ddoboozi lyaffe ng’ayita mu Musaayi gwa Yesu.

Sitaani tasobola kututeganya; oba, asobola okukema, naye tasobola kufuna Mukristaayo eyazaalibwa omulundi ogw’okubiri. Kubanga, Katonda, okuva ensi lwe yatondebwa, yamulaba, n’atuma Yesu okumununula, era Omusaayi gwogera ku lulwe. Ayinza atya okwonoona nga tekisobola kulabibwa, n’okuba, Katonda okukiraba? N’okuba ta…Ekintu kyokka ky’awulira lye ddoboozi lyo. Alaba okukiikirirwa kwo. Amiina! Ekyo kituufu. Okiraba?

Nnabbi wa Katonda yatubuulira ebintu bino. Si ye yali ayogera; aba ategeeza butegeeza birowoozo bya Katonda, ebikula bye eby’ebintu ebirina okujja. Akozesa akamwa ke okubiraga. Era oluvannyuma lw’okubyogera, biba biteekwa okutuukirira. “Eggulu n’ensi biriggwaawo, naye Ekigambo kyange tekijja kulemwa.”

Atukakasizza Ekigambo kye emirundi n’emirundi. Tatukakasizza nti ye: Omwana w’Omuntu nga afuuse omubiri mu masekkati gaffe? Tatukakasizza nti: Nnabbi waffe atuukiriza buli Kyawandiikibwa ekimwogerako? Tatukakasizza nti: Ffe Mugole We? Tatukakasizza nti: Tulina obukukakafu obw’amazima obw’Omwoyo Omutukuvu?

Olwo kiki kye tweraliikirira? Atukakasizza, bwe tunaayimirira naye, ajja kuyimirira naffe. Ekigambo kye tekiyinza kulemererwa.

Bonna abakkiriza Obubaka buno era omubaka w’omulembe guno bajja kulokolebwa. Bonna abatakkiriza Bubaka n’omubaka, bajja kuzikirira wamu n’ensi.

Wuliriza okumpi ekkanisa. Bangi nnyo bategeera bubi, oba tebalina Kubikkulirwa kwa Kigambo. Balowooza tussa bingi nnyo ku musajja. Bw’oba ​​okkiriza mu mazima nti Ow’oluganda Branham ye nnabbi wa Katonda, olwo ggulawo omutima gwo n’emmeeme yo owulirize Bw’atyo bw’ayogera Mukama ky’agamba.

Kiki ekinagatta Omugole? Kiki ekinagatta Omugole okufuuka Omu ne Katonda ?

“Ku lunaku olwo Omwana w’omuntu alibikkulirwa.” Kiki? Okugatta Ekkanisa ku Mutwe, okwegatta, obufumbo bw’Omugole. Okuyita kw’Omugole omusajja kujja kuyitira ddala mu kino, Omwana w’omuntu bw’alikka n’ajja mu mubiri gw’omuntu okugatta bombi wamu. Ekkanisa erina okuba Ekigambo, Ye kye Kigambo, era ebibiri byegatta wamu, era, okukola ekyo, kijja kwetaagisa okwolesebwa kw’okubikkulirwa kw’Omwana w’omuntu.

Kijja kwetagisa okwolesebwa kw’okubikkulirwa kw’Omwana w’omuntu. Si ndowooza yo, si kutegeera kwo, si birowoozo byo wadde okubuulira kwo. Omwana w’omuntu ajja kugatta Omugole omukazi n’Omugole omusajja, era Kigenda mu maaso KATI KATI.

Kati tuli ku Mukolo gw’Embaga n’Omugole omusajja era mu bbanga ttono tugenda kusitula okugenda ku Kyeggulo kyaffe eky’embaga ne Hanemmuunu yaffe.

Ekigambo n’Ekkanisa bifuuka kimu. Kyonna Omwana w’omuntu ky’akoze, Ye yali Kigambo, Ekkanisa ekola ekintu kye kimu.

Tusobola kubeera balamu ku buli Kigambo ekiva mu Kamwa ka Katonda kyokka! Katonda akakasizza nti nnabbi waffe ke Kamwa ka Katonda olwaleero. Tumanya tutya nti Kigambo kya Katonda? Yagamba bwatyo, olwo N’akikakasa n’Ekigambo kye.

Ffe Mugole-Kkanisa eyategekebwa mu nnaku ez’enkomerero. Abayitiddwayo okuva mu birala bonna; ekinyonyi ekyo eky’amabala ekitonnyezeddwako amabala ag’Omusaayi gwe.

Taata, emitima gyaffe gibuuka, era omutima gwange gukuba, bwe ndowooza ku ekyo ne mmanyi nti Ebigambo byo bituufu, tewali na kimu ku Byo kiyinza kulemererwa.

Lino lyokka Katonda ly’ataddewo olwaleero. Y’engeri YOKKA ey’obutakyusa Kigambo na kimu. Jjukira, Omwoyo Omutukuvu asobola okujja n’afuka ku muntu amafuta, era ne kiba nga kikyali wabweru wa Kwagala kwa Katonda. TULINA OKUSIGALA N’EKIGAMBO EKYO EKYAKAKASIBWA NNAKABALA.

Bw’oba ​​oyagala okusigala n’Ekigambo ekyo n’okuwulira Eddoboozi lya Katonda wamu naffe, nkuyita okutwegattako Ssande ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), nga bwe tuwulira: Okukakasa Ekigambo Kye 64-0816.

Tekikwetaagisa kutwegattako wadde okuwulira olutambi lwelumu mu kiseera kye kimu naffe, naye nkulaajanidde, wulira nnabbi wa Katonda.

Ow’oluganda. Joseph Branham

Ebyawandiikibwa by’okusoma nga olukungaana terunnatandika:

Omut. Matayo 24:24
Makko 5:21-43 / 16:15
Lukka 17:30 / 24:49
Yokaana 1:1 / 5:19 / 14:12
Abaruumi 4:20-22
I Abasessaloniika 5:21
Abebbulaniya 4:12-16 / 6:4-6 /13:8
I Bassekabaka 10:1-3
Yoweeri 2:28
Isaaya 9:6
Malaki 4

Obubaka: 64-0802 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi

PDF

• 24-0414 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi
• 23-0312 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi
• 22-0918 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi
• 21-0502 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi
• 19-1103 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi
• 17-0924 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi

BranhamTabernacle.org

Mikwano Gya Nabbi Abaagalwa,

Omutima gwange guvulula olw’essanyu bwe ndowooza ku ffe okukuŋŋaana awamu ku Ssande eno okuwulira Eddoboozi lya Katonda nga lyogera naffe. Tewali ssanyu lisinga mu bulamu bwange okusinga okubeera mu maaso g’Omwoyo Omutukuvu ne mmuwulira ng’ayogera n’Omugole we, mumwa ku kutu.

Tewali kirala mu nsi eno ekindeetera essanyu n’emirembe, wabula Ekigambo kye. Bwe mpulira obuwulizi nti, “Amakya Amalungi Mikwano,” nneetuulira bwetuulizi ntende, ne nzikakkana, ne nnywa okuva mu Luzzi olwo olw’ensulo nga Lwogera nange Ebigambo by’Obulamu Obutaggwaawo. Okulowooza nti, Katonda yamututumira NZE NAAWE, era tuli MIKWANO gya nnabbi era omubaka wa Katonda.

Atwagala nnyo okutuusa nti yatuma nnabbi we okutubuulira byonna ebikwata ku Maka gaffe Agajja. Yali musanyufu nnyo okutubuulira byonna ebigakwatako, n’okuba mu bulambulukufu obungi n’okukira ku Yokaana byeyategeezebwa. Yatubikkulira nti, Si kibuga ekiri mu kikula kya sikweya, wabula kibuga kya piramidi, Omwana gw’endiga mw’anaabeereranga ku ntikko era nga ye Kitangaala ky’ensi.

Yatutegeeza nti enguudo zigenda kukolebwa mu zaabu ate n’amayumba mwe tusula gajja kuba ga zaabu omutangaavu. Kaakano Ateeka buli kantu akatono ddala mu ngeri ddala enaakatwegombesa, gyetwandikaagaddemu. Talina ky’Atakoze. Omwolesi w’endabika z’ebizimbe ow’obwakatonda agizimbidde FFE ffekka, Abaagalwa we.

Emiti egy’Obulamu gijja kubeerayo, era giribala ebibala eby’empooma ez’enjawulo kkumi na bbiri. Emiryango gy’ekibuga tegiriggalwawo ekiro, kubanga teriba kiro eyo, y’ajja okuba Omusana gwaffe.

Ani agenda okubeerayo?

Abo abaavaayo okuva mu nsi empya wamu ne Nuuwa nnabbi? Abo abaayingira naye mu lyato. Ekyo kituufu? Abo be bakitambulirako. Okiraba? Abo abayingira ne Nuuwa, olw’obubaka bwe, be baatambulira ku nsi empya oluvannyuma lw’okubatizibwa kwayo n’mazzi.

Ayogera ku ffe bannange! Tuli mu Lyato lyaffe olwaleero; Ekigambo kye, Obubaka buno, ne nnabbi Nuuwa waffe. Era eyo ku mutala guli mu Nsi eyo, Ekibuga ekyo Omwana gw’endiga gy’ali Omusana, ajja kuba atumanyi. Tuli bantu be, amayinja ge ag’omuwendo mu ngule. Tuvudde mu Buvanjuba ne Bugwanjuba, ne tujja eri Ekibuga ekyazimbibwa nga obugazi bwakyo n’obuwanvu ku ttaka byenkana. Ekibuga ekyo Ibulayimu kye yali anoonya.

Nga bwe ndaba Ekigambo nga kyekakasa, nkimanyi, awatali kisiikirize na kimu eky’okubuusabuusa, nti amayinja ag’omuwendo ag’engule yange gajja kwakayakana okukira buli kimu mu nsi, ku lunaku olwo.

Tusobola n’okutandika okuteebereza… Nnabbi wa Katonda yagamba nti, YAMANYA, awatali kisiikirize na kimu eky’okubuusabuusa, nti FFE mayinja ag’omuwendo ag’engule ye, era tujja kwakayakana tukire buli kimu mu nsi ku lunaku olwo. Aleluya… Ekitiibwa…Erinnya lya Mukama Lyebazibwe.

Mikwano, bwe tuba tulowooza nti kya kitalo kati, okutuula awamu okuva mu nsi yonna, nga tuwuliriza era nga tulya ku Ekigambo kye mu ntambi zino, kinaaba kitya nga tubeera mu Kibuga ekyo wamu naye!

Nnabbi wa Katonda ajja kuba muliraanwa waffe ow’oku muliraano. Tujja kulya naye ku miti egyo, era tujja kutambulira wamu mu nguudo ezo. Tujja kwambukira mu nguudo ezo eza zaabu paka ku nsulo, tunywe ku nsulo eyo, tutambule twesogge obulimiro bw’ebimuli bwa Katonda, nga Bamalayika beeyiye wonna ku nsi, nga bayimba ennyimba.

Oh, nga luliba Lunaku Lulungi! Lujaamu byonna. Ekkubo lirabika nga ery’akazeerezi n’ebinnya, oluusi bikuufa bizibu nnyo, naye, oh, bijja kundabikira nga buntu butono nnyo bwendimulaba, butono nnyo. Agannyannya agabi agakuyitibwa n’ebintu bye boogedde, ebyo byonna binaaba kiki nga mmulabye mu Kibuga ekyo ekirungi, ekirabika obulungi ekya Katonda?

Mikwano, kumpi sisobola kulinda kulaba, n’okubeera mu Kibuga ekyo. Nneegomba okubeerawo ne Mukama waffe era Omulokozi waffe, ne nnabbi we, era na buli omu ku mmwe.

Ŋŋenda mu Kibuga ekyo ekirungi
Mukama wange ky’ategekedde Ababe;
Eyo Abanunule ab’emirembe gyonna
Gyebayimbira “Ekitiibwa!” okwetooloola Nnamulondo Enjeru.
Oluusi mba awo ne nsubwa nnyo eggulu, .
N’ebitiibwa byalyo Nze byendilabira eyo;
Nga liriba ssanyu nga Omulokozi wange mukubyeko emmunye, .
Mu Kibuga ekyo ekirungi ekya zaabu!

Nnyaniriza ensi okujja okutwegattako, mikwano gya nnabbi, nga tukuŋŋaana okwetooloola Nnamulondo ye okuwulira Eddoboozi lya Katonda nga lyogera naffe ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), nga bwe tumuwulira ng’atubuulira byonna ebikwata ku: Amaka Agajja Ag’Omugole Omusajja Ow’omu Ggulu N’omugole Omukazi Ow’okunsi 64-0802. Nsobola okukusuubiza, lujja kuba lunaku lwa Kijjulo Makeke mu bulamu bwo.

Owol. Joseph Branham

Omut. Matayo 19:28
Omut. Yokaana 14: 1-3
Abeefeso 1:10
2 Peetero 2:5-6 / Essuula ey’okusatu
Okubikkulirwa 2:7 / 6:14 / 21: 1-14
Eby’Abaleevi 23:36
Isaaya Essuula ey’okuna / 28:10 / 65:17-25
Malaki 3:6

Obubaka: 64-0726E Ttanka Z’omu Ttaka Eziwomoggose

PDF

• 24-0407 Ttanka Z’omu Ttaka Eziwomoggose
• 22-0911 Ttanka Z’omu Ttaka Eziwomoggose
• 21-0425 Ttanka Z’omu Ttaka Eziwomoggose
• 19-1117 Ttanka Z’omu Ttaka Eziwomoggose
• 17-1022 Ttanka Z’omu Ttaka Eziwomoggose
• 16-0626E Ttanka Z’omu Ttaka Eziwomoggose

BranhamTabernacle.org

Abanywi B’Amazzi G’Ensulo Abaagalwa,

Tetuli bakookereko, tuli kitundu ku Kigambo kiri nnakabala ekyasooka okufuluma. Omwoyo Omutukuvu yennyini, akyengezza, n’akikasa, ne yeeyoleka gye tuli. Tukikkirizza mu bujjuvu bwakyo, mu maanyi g’okulabisibwa kwakyo n’okubikkulirwa kw’ekyo kye kiri, era ne tufuuka ekitundu ku kyo. Kitusingira obulamu.

Omwoyo Omutukuvu yennyini yayogera ng’ayita mu kibya ekiwombeefu, ekitasaana n’agamba nti, “Guuguno omuggo gwange ogw’obwakabaka, Ekigambo kyange, Gutwale ogende, oleete Obubaka.” Yatwala Ekigambo kye n’atusalayo, okutufuula Omugole we.

Kitabudde ba kabona okulaba abantu nga bava mu masinzizo ne bagenda okuzannya entambi. Baagamba nti, “Singa omu ku mmwe agenda mu nkungaana, mujja kugobwa mu kibiina, tujja kubafulumya ekibiina kyaffe”.

Eky’okuddamu kyabwe kye baabaddamu: Oyinza okutusumulula, kasita tugenda mu buli ngeri yonna! Tuli mu lugendo ne Mukama waffe Yesu, Olwazi lwaffe olwakubibwa, nga tulya Emmere ya malayika, emmaanu eyaterekebwa eyagwa okuva waggulu, era nga tunywa ku Lwazi. Tetulina kweraliikirira kyetunywa, Si kirala wabula EKIGAMBO EKIRONGOOFU.

Bulijjo tubadde n’okudda obuggya okugenda mu maaso. Ensulo yaffe bulijjo evulula nga bw’eddiŋŋana emirundi n’emirundi, n’emirundi n’emirundi. Tekiriiko kkomo.
Tufuna ekyokunywa ekirungi eky’amazzi agannyogoga buli lwe tunyiga Zannya. Tukyesigamyeko era kye tubeerako. Ky’olina okukola kyokka kwe kutuukayo n’onywa.

Tuwangaalira ku luzzi olwo olwefukumula lwokka buli lunaku! Tetulina kusika, kusima, kupika oba ekintu kyonna; kugabana bugabanyi ku kubo lye eryaweebwa, eriweebwa obuwa, kyokka. Osobola okutwala enkola zo zonna ezaakolebwa omuntu z’oyagala, enzizi zo zonna enkadde ezaalegama; ku lwaffe, tutuuse ku Nsulo ye ennongoofu. Yo ly’Essanyu lyaffe. Kye Kitangaala kyaffe n’Amaanyi gaffe.

Ye Mazzi gange. Ye Bulamu bwange. Ye Muwonya wange. Ye Mulokozi wange. Ye Kabaka wange. Buli kimu kyonna kye nneetaaga kisangibwa mu 0Ye. Kiki ekiyinza okunjagaza okugenda eri ekintu ekirala kyonna?

Ku lwaffe tewali walala we tuyinza kulaga okuggyako butereevu ku Nsulo Katonda gyeyatuwa. Tekyitwetaagisa nako kweraliikirira kye tunaanywa. Tekyitwetaagisa na kussaako kaziina ka kawero okusengejjamu agantu aganene agakulukutiramu, naye ne kayitamu kazambi w’oluzzizzi luli. TUFUNA BUFUNYI MAZZI G’ENSULO AGALIMU EBIRUNGO N’EBIRIISA BYONNNA BYETWETAAGA.

Atugumizza: Abaana bange abato, temuddamu kweraliikirira, mulina obujulizi obwa nnamaddala obw’okubeera n’Omwoyo Omutukuvu. Munkakasizza nti mukkiriza buli Kigambo. Mukisembezza, MMWE BANGE. TULI OMU. MWAMI NA MUKYALA.

Mbajjira mu kaseera katono, mu kutemya kw’ekikkoowe. Mbategekera Amaka amaggya. Mujja kwagala nnyo ka finisingi kenjiyooyoose.
Nkimanyi nti kibazibuwalira nnyo kati, era mulina ebigezo bingi n’okugezesebwa era emigugu gyammwe mitizo. Naye temwerabira, temulina kya kweraliikirira kyonna, mbawadde Ekigambo kyange. Ggwe Kigambo kyange. Nnakukolera dda buli kimu. Yogera Ekigambo era tobuusabuusa. Beera n’Okukkiriza kwo, kw’okwo nga ne Nabbi Wange yakuwa Okukkiriza kwe.

Nnandyagadde mutwegattako Ssande ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda), okuwulira 64-0726E Ttanka Z’omu Ttaka Eziwomoggose, era tunywe ku Luzzi luno olw’Ensulo nga bwe luvulula Kigambo kyereere Ekirongoofu ekiteetaaga busengejja.

Owol. Joseph Branham

Zabbuli 36:9
Yeremiya 2:12-13
Omut. Yokaana 3:16
Okubikkulirwa Essuula 13

Obubaka: 64-0726M Okutegeera Olunaku Lwo N’Obubaka Bw’alwo

• 24-0324 Okutegeera Olunaku Lwo N’Obubaka Bw’alwo
• 22-0904 Okutegeera Olunaku Lwo N’Obubaka Bw’alwo
• 21-0418 Okutegeera Olunaku Lwo N’Obubaka Bw’alwo
• 19-1110 Okutegeera Olunaku Lwo N’Obubaka Bw’alwo
• 17-1015 Okutegeera Olunaku Lwo N’Obubaka Bw’alwo
• 16-0626M Okutegeera Olunaku Lwo N’Obubaka Bw’alwo

BranhamTabernacle.org

Abatemeddwayo Abaagalwa,

Njagala buli omu amanye lwaki tuli basanyufu nnyo!!

Tukkirizza Ekigambo kya Mukama. Ekigambo ekibikkule ekyayogerwa nnabbi wa Katonda owa Malaki 4. Ffe Mugole wa Yesu Kristo. Yeffe abasigadde abeesigwa eri Eddoboozi lye eryakakasibwa. Yeffe b’Awadde Luulu ey’omuwendo omunene, Okubikkulirwa okw’amazima okw’Obubaka bwe n’omubaka we.

Katonda atutte Ekigambo kya nnabbi we n’atemayo Omugole akkiriza buli nnukuta na buli katonnyeze. Atutemyeyo, nga bwe yasuubiza nti ajja kukola. Yeffe ndiga za Katonda, era tuwulira Eddoboozi lya Katonda lyokka! “Endiga zange ziwulira Eddoboozi lyange,” nga bwe tunyiga Zannya.

Tukuŋŋaanyiziddwa okuva mu bitundu by’eggwanga byonna; okuva e New York, okuva e Massachusetts, okutuuka e Boston, Maine, Tennessee, Georgia, Alabama, n’okwetooloola eggwanga. Okuva mu Afrika okutuuka e Mexico, Bulaaya okutuuka mu Australia, tukuŋŋaana wamu, wansi w’Obubaka Bumu, Eddoboozi limu, era Liri mu kugatta Omugole olw’Okukwakkulibwa.

Nabbi waffe, omubaka wa Katonda, Omwana w’Omuntu nga yeebikkula mu mubiri, aleekaanira waggulu nti, “Sitaani, vva mu kkubo lyange, nnina Obubaka bwa Kabaka. Nze Mubaka wa Kabaka. Nnina Ekigambo ekikakasibwa ekya leero. Nnategekebwa dda okukoowoolayo n’okukulembera Omugole We.”

“Nzigyayo abantu ba ssekinnoomu, nga mbatema okuva mu bintu bino. Okubaggyamu; okubalaga, mu Byawandiikibwa, nti Katonda ayimiridde wano; n’okukakasibwa kw’Empagi ey’Omuliro.”

Katonda yakitegeera nti ku nsi waliwo abantu be yali yayawula edda okubeera n’Obulamu. Yategeera nti kye kyali ekiseera okutuma omubaka we okuyitayo Omugole we, bwatyo n’akikola. Ffe tukitegedde. Ffe be yali amanyi nti tujja kukkiriza buli Kigambo.

Ibulayimu yakitegeera nti Katonda yali ayogera naye ng’ayita mu mubiri gw’omuntu. Yategeera akabonero ke n’amuyita M-U-K-A-M-A, Elohim, era n’aweebwa Mukama omukisa. Tukitegedde nti nga bwe kyali ku lunaku olwo, bwe kityo bwe kiriba Omwana w’Omuntu bw’aliyolesebwa, Elohim, ng’ayogera okuyita mu mubiri gw’omuntu.

Tuli kitundu kye, n’ Omwana we, era tujja kusigala naye emirembe gyonna. Si lwa kuyitibwa kwaffe oba okulonda kwaffe, wabula lwa kulonda kwe. Tetwalina kya kukola kyonna ku nsonga eyo. Y’oyo eyatulonda ng’ensi tennatondebwawo.

Ne bw’obuulira otya, kyonna ky’okola, tekiyinza kwengera, tekiyinza kwolesebwa, tekiyinza kukakasibwa; okujjako ku lw’oyo yekka Eyagamba nti, “Nze Musana gw’ensi,” Ekigambo. Kale wajja kujja a—a—Amaanyi, Omwoyo Omutukuvu yennyini, okwengeza, oba okukakasa, oba okulaga nti kituufu, oba okwolesa ekyo kye yalagula nti kiribaawo mu lunaku luno. Ekitangaala eky’akawungeezi kye kileetera ekyo okubaawo. Nga kiseera kikulu!

Yatulaba mu kwolesebwa nga tuyita mu maaso ge. Twali mu mbeera y’emu Omugole gye yalimu ku ntandikwa, Alfa ne Omega. Yali atunuulira abamu nga baddiriza ebigere oba nga bakyamya enta, era ng’agezaako okubakomyawo, naye ffe twali tukuba enduulu nti, “Tuwummulidde kw’ekyo.”

Weetegereze, “Nga Yane ne Yambere nabo bwe baaziyiza Musa,” ajja kujjirako, abamu ku bo. Si, kati, tayogera ku Methodist, Baptist, wano; bavudde mu kifaananyi. Olaba? “Naye nga Yane ne Yambere bwe baaziyiza Musa ne Alooni, bwe batyo bwe bajja okuziyiza; omuntu eyayonooneka amagezi ge ku bikwata ku Mazima,” akyamiziddwa mu bigunje n’enjigiriza z’ekkanisa, mu kifo kya Baibuli.

Tulina kubeera beegendereza kwenkana wa okusigala n’Ekigambo ekituufu, ekikakasibwa eky’olunaku lwaffe. Bulijjo tulina okujjukira n’okutegeera ani Ekigambo gwekijjira. Ani muvvuunuzi yekka ow’Ekigambo ow’obwakatonda? Kigambo eky’ennaku zaffe y’ani?

Omwoyo wa Katonda, nga kye Kigambo kya Katonda, “Ekigambo kyange gwe Mwoyo era Bulamu,” Ajja kuteeka Omugole mu kifo kye. Kubanga, Ajja kutegeera ekifo kye mu Kigambo, olwo Abeere mu Kristo, ajja kumuteeka mu kifo kye.

Oyitibwa okujja okuwuliriza Eddoboozi lya Katonda lyokka erikakasibwa olw’olunaku lwaffe, era omanye ekifo kyo mu Kigambo era oteekebwe mu kifo kyo nga bwe tuwulira Elohim ng’ayogera okuyita mu nnabbi we era nga Atuleetera Obubaka: Okutegeera Olunaku Lwo N’Obubaka Bw’Alwo 64-0726M, ku ssaawa 6:00 (Mukaaga) ez’omu ttuntu mu budde bwa Jeffersonville (y’essaawa emu ey’ekiro e Uganda).

Ow’oluganda. Joseph Branham

Ebyawandiikibwa by’okusoma nga okuwulira Obubaka tekunnatandika:
Koseya: Essuula 6
Ezeekyeri: Essuula 37
Malaki: 3:1 / 4:5-6
II Timoseewo: 3:1-9
Okubikkulirwa: Essuula 11

Katonda, ntondamu okudda obuggya. Ka mbeere okudda obuggya okwo. Leka buli omu ku ffe abeere okudda obuggya okwo, okudda obuggya okwo mu nze. Ndeetera, Mukama, okulumwa enjala, ondeetere okuyontowala. Ntondamu, Mukama, ekyo ekyetaagisa mu nze. Leka nze, okuva ku ssaawa eno okugenda mu maaso, mbeere Wuwo; omuddu eyeewaddeyo n’okusingako, omuweereza omulungi, asingako okuweebwa omukisa okuva gy’oli; asobola okusingako, omuwoombeefu okusingako, ow’ekisa okusingako, omwetegefu okukola okusingako; atunuulira ebizzaamu amaanyi okusingako, ne yeerabira ebintu eby’emabega, n’ebimalamu amaanyi. Ka nnyige nga njolekera akabonero k’okuyitibwa kwa Kristo okwa waggulu. Amiina.

Owek. mu Katonda William Marrion Branham