Sierra Vista Fellowship

24-0505 Biabiawo kple Ŋuðoðowo #2

May 4, 2024 admin5

Gbedasi: 64-0823E Biabiawo kple Ŋuðoðowo #2

PDF

Ŋugbetɔ Nya Blibo Lɔlɔ̃tɔ,

Aƒetɔ la ƒe Vava ko lalam míele. Hele míaƒe akaɖiawo dzram ɖo, yɔ fũ kple Ami, le Nya si woɖe fia zã kple keli sem.
Le gbedom ɖa, gaƒoƒo ɖe sia ɖe; menye gbe sia gbe o, gaƒoƒo ɖe sia ɖe. Ɖeko míele míaɖokuiwo lém ɖi le dzadzraɖo ƒe nɔnɔme me to anyinɔnɔ ɖe, kple NYA ƉE SIA ƉE dzi xɔxɔ se me.

Míele mɔkpɔm, ga sia ga me, na amesiwo le alɔ̃ dɔm le anyigba ƒe ʋuʋudedi me be woanyɔ gbã. Kasia la, míele wokpɔ ge; míafofowo, míadadawo, míasrɔ̃ŋutsuwo, míasrɔ̃nyɔnuwo, nɔviŋutsuwo kple nɔvinyɔnuwo. Woanɔ tsitre ɖe afima, le míaƒe ŋkume gã. Míanyae le ɣeyiɣi ma me be, míeva ɖo, ɣeyiɣi la de. Kɔkɔdzoe ƒe Xɔse ayɔ míaƒe luʋɔwo, susuwo kple ŋutilãwo fũ. Emegbe la gbegblẽ ŋutilã siawo ado magblẽmagblẽ le Aƒetɔ la ƒe kɔkɔdzoe ƒe Xɔse me.

Ke emegbe la míadze ƒuƒoƒo ɖe du. Mí amesiwo le agbe eye míetsi anyi la woatrɔ mí. Ku ŋutilã siawo mele ku kpɔ ge o. Kasia la, anɔ abe nane kplɔ nu to míadzi ene… woatrɔ mí. Tso amegã ɖeɖi me yiɖe ɖekakpui me, tso nyãga ɖeɖi me yiɖe ɖetugbui me.

Le ɣeyiɣi aɖe megbe la, míele mɔzɔ ge abe susu ene kple amesiwo fɔ̃ ɖe tsitre vɔ. EKEMA… ŊUTIKƆKƆE …wole míakɔ ge dzi kpli wo adogo Aƒetɔ la le yame.

Ɣeyiɣi kae nye esi si gbɔna na mí. Futɔ la le AGBAGBA DZEM be yealé mí ɖe teteɖeanyi me, míalé blanui eye dzi naɖe le míaƒo, gake ŋutikɔkɔe na Mawu, mate ŋui o. Ɖeɖefia LA kuɖe Amesi Wònye; amesi Wòdɔ be wòayɔ mí do goe; amesi míenye, menye amesi míava nye o, AMESI MÍENYE ŋu le míasi. AZƆ Eku seke ɖe míaƒe LUƲƆ, SUSU KPLE GBƆGBƆ me, eye naneke meli si ate ŋu xɔ ema le míasi o. Alekewɔ míenya mahã? Mawu gblɔe nenema!

Esia menye míaƒe aƒe me o, ekatã nye tɔwò, Satana, àte ŋu xɔe fãa. Míele eƒe akpa aɖeke dim o eye míegale edim ke o. Tsɔme Ƒe aɖe le míasi esi wotu na mí. ELE GBESƆSƆ. Wowu xɔtutu la ŋu. Asitɔtrɔ le ŋu mamleawo katã sɔ gbe. Ke nyanyanana geɖe wu le asinye na wò, LE MADIDI ME KURA O la, Egbɔna le míakplɔ ge alebe míate ŋu awɔ ƒe 1000 ƒe Srɔ̃ɖeɖemɔzɔzɔ madzudzɔ kple Eyama, eye womekpe wò o, eye mèle afima nɔ ge o.

Ŋutikɔkɔe nu kawoe nye esi Gbedeasi sia le ɖeɖem fia mí ɣesiaɣi ne míele Play Zim. Mawu Ŋutɔ ɖi va, heƒonu to amegbetɔ ƒe nuɣiwo dzi alebe Wòate ŋu agblɔ nusiawo na mí. Etia mí hena mí Eŋutɔ ƒe Ɖeɖefia vavã kple BLIBO la.

Enye Nya si va zu ŋutilã, menye Mose ƒe ŋkeke me ƒe Nya o, Mose enye ŋkeke ma ƒe Nya; menye Noa ƒe ŋkekewo me ƒe Nya o, Noa enye Nya la na ŋkeke ma; menye le ŋkeke…Nya la na Eliya ƒe ŋkeke o, Eliya enye Nya ma na ŋkeke ma; ke enye fifi ɣeyiɣi ƒe Nya, ke woawo nɔ agbe le tsã me.

Ɖee miesɔ gbea?…Yenye esi gbɔna. Enye tu nugbɔ eve eye wòkpe, ke míelɔ̃nɛ alegbegbe!!!

Nu ɖeka ma ke gava eme! Eyae nye Gbɔgbɔ Kɔkɔe ƒe kpeɖodzi, ne Mawu ɖee fia wò eye èkpɔ, ALE AƑETƆ GBLƆ ESI hexɔ edzi se la. Menye nusi nènye o, nusi nènye tsã o, alo naneke kuɖe eŋu o, nusi Mawu wɔ na wò fifia la ye. Eyae nye kpeɖodzi.

Aleluya, Eƒo gatagbadze la ɖe me. AZƆ mina míase Eyama Wòazii ɖe eme.

Ena mí Gbɔgbɔ Kɔkɔe ƒe kpeɖodzi la, Yohanes 14. Egblɔ be, “Nu geɖewo gale asinye magblɔ na mi. Ɣeyiɣi mele asinye be mawɔe o, gake ne Gbɔgbɔ Kɔkɔe la va la, Eya lagblɔ afia mi, aɖo ŋku nusiwo megblɔ na mi la dzi na mi, eye afia mi hã nusiwo lava va eme.” Ɖe miekpɔe oa? Emae nye kpeɖodzi la. Eyae nye agblɔe doŋgɔ eye anye… axɔ Nya si woŋlɔ la ƒe Mawume gɔmeɖeɖe la. Azɔ, ɖe ema menye nyagblɔɖila ƒe kpeɖodzi oa?

Gbɔgbɔ Kɔkɔe Lae nye agbenɔɣi ɖe sia ɖe ƒe nyagblɔɖila. Enye míaƒe agbenɔɣi la ƒe nyagblɔɖila la. Nya La vana na nyagblɔɖila ma ƉEƉEKO. Enye Mawu si le nuƒom hele Eɖokui ɖem fia to Eƒe nyagblɔɖila me. Enye Nya la na egbe. Gbedeasi Sia, LE NYAƑOKA DZI, nye Nya la ƒe gɔmeɖeɖe debliblo, kple mawume kpeɖodzi.

“Ke ne nu blibo la va la, ekema woaɖe nusiwo nye afãafãwo la ɖa.” Ekema nu sue siawo katã kuɖe ati kpo yi dzi kple anyi sigbe ɖevia ɖe ene, anɔ agbagba dzem be woaƒo nu kple gbegbɔgblɔwo, kple nu bubu siawo katã la, ne nu blibo la… Ke egbe, to Mawu ƒe amenuveve me la, Nya la ƒe gɔmeɖeɖe blibo la su mía si kpakple Mawume kpeɖodzi la! Ekema nusi nye afãafã la woɖee ɖa. “Esime menye ɖevi la, meƒoa nu abe ɖevi ene, mesea nu gɔme abe ɖevi ene; gake esi mezu ŋutsu la, meɖe ɖevime nuwɔwɔwo ɖa.” Amen!

Nu blibo la va; Nya la ƒe gɔmeɖeɖe blibo la va. MIZI PLAY. Nusi hĩa Eƒe Ŋugbetɔa ɖeɖekoe ma, eye eya ɖeɖekoe Wòhĩa.
Va Zi Play kpli mí Kɔsiɖagbe sia le Ɣetrɔ ga 12 me, Jeffersonville ƒe game, eye míase NYA BLIBO la, KPLE KPEƉODZI MAWUMETƆ esime míase: Biabiawo Kple Ŋuɖoɖowo #2 64-0823E

Nɔvi. Joseph Branham

24-0426 Biabiawo Kple Ŋuɖoɖowo 1

April 27, 2024 admin5

Gbedasi: 64-0823M Biabiawo Kple Ŋuɖoɖowo 1

Nyaƒokasela Lɔlɔ̃tɔwo,

Ɖeko nyemate ŋu agblɔe kakaka o, NANEKE melolo wu be woase Mawu ƒe Gbe wòaƒo nu na mí to Eƒe dɔla kple gbedeasitsɔla si dzi woɖo kpe na míaƒe ŋkeke dzi o. Ɖeɖefia ɖe Ɖeɖefia megbe la Aƒetɔ la le ɖeɖefia nam mí. Nuwuwu meli Nɛ o. Gbedeasi Ɖesiaɖe le abe ɖee Míesee kpɔ o ene. Enye Nya Gbagbe la, Mana Yeye, Mawu ƒe Nuɖuɖu si Wodzraɖo Ɖi na Eƒe Ŋugbetɔ la, eye nusi ko wòle be míawɔ lae nye MÍAZI PLAY.

Míese nusianu kuɖe MÍAƑE Kɔkɔdzoe si gbɔna le madidi me ŋu. Míeyina… ŊUTIKƆKƆE, MÍEYINA ƉE Srɔ̃ɖe Nuɖuɖu la me. Eɖo MÍ ɖi be míanɔ Afima to Eƒe nunyadaɖi dzi, eye naneke mele te tɔ ge o. Nya la le afisia wɔ ɖeka kple ame, eye eveawo zu Ɖeka. Ele Amegbetɔvi la ɖem ɖe go. Nya la kple Hame la zu Ɖeka. Nukakee Amegbetɔvi la wɔ la, Enye Nya la, Hame la wɔa numa ke.

Hafi mayi dzi la, ɖewomahĩ miedi miagaxlẽ ema ake!! Aleke míate na abosam wòana míalé blanui mahã? Mise nusi míele mɔkpɔm na. Mise amesi míenye. Mise nusi le mevam FIFIA.

Afika yim míele? Yiɖe MÍAƑE Srɔ̃ɖeɖe Nuɖuɖu ƒe afisi woɖomí ɖi le to Eƒe nunyadaɖi dzi, afisi MÍ, Eƒe Nya kple Hame, zu ƉEKA KPLE EYAMA, eye nukake Amegbetɔ Vi la wɔ la, MÍEWƆNA NUMA KE!!

Emegbe la míese nusianu kuɖe MÍAƑE Tsɔme Ƒe la ŋu. Xɔtula Mawumetɔ La ta MÍAƑE Du Yeye la, afisi Wòle agbe nɔ ge kpli MÍ, Eƒe Ŋugbetɔ le. Etu Esia hede nu sue ɖe sia ɖe tututu ko le MÍAƑE didi ŋu; nusi Avivi MÍA ŋu ko. Afisi míahĩa kekeli aɖeke le o, elabena Alẽvi lae anye míaƒe Kekeli. Afisi nyagblɔɖila anɔ agbe le ʋɔtru si le míaxa le; anye míaƒe aƒelika le. Míaɖunu tso atimawo me, míalia sika mɔ mawo dzi yiɖe vudo la gbɔ aɖano tsi. Míanɔ zɔzɔm ge ɖe Mawu ƒe paradisowo me, kple Mawudɔla siwo anɔ dzodzom le anyigba ta me, anɔ hagbewo dim. Ŋutikɔkɔe! Aleluya!

Ele Kpe Ɖom Eƒe Nya dzi na mí; Eya, Dzo Lilikpo la, na woɖe foto kple Eyama kple Eƒe dɔla kple gbedeasitsɔla be yeaɖo kpe dzi aɖagblɔ na xexeame be, “Miɖo To Eyama.” Mele be míake ɖi Nya ɖeka o, elabena Menye nyagblɔɖila ƒe nya ye o, Enye Mawu ƒe Nya si woɖe gblɔ na Eƒe Ŋugbetɔ la. Emegbe la Egblɔ na mí be, teƒenɔnu le míasi tso ɖoɖoɖi me, le kakaɖedzi nam mí. Mele míakpɔm o, míaƒe gbe ko sem wòle to Yesu ƒe Ʋu dzi. Míede blibo le Eƒe ŋkume.

Gogloƒe le gogloƒe yɔm wu tsã ŋutɔ, eye Fofo la le míayɔm fũ kple Eƒe Nya si woɖe fia. Nusianu si míehĩa be míanya la wolé ɖe mɔ dzi hetsɔe na MÍ.
Gblɔeɖe la nuwuwu meli na Gbedeasi Nya Gbagbe sia o. Naneke melolo wu be míanyae be MÍE nye Eƒe Ŋugbetɔ o. Kakaɖedzi si le esia nyanya me be Gbe ma sese, Play Zizi, nye Aƒetɔ la ƒe Lɔlɔ̃nu debliblo; Ena Eƒe ɖoɖo la.

Geɖe wu li si gbɔna! Enye Nya Tsi Gbagbe Si memiɛna o na Eƒe Ŋugbetɔ la. Tsikɔ me wu mí le míaƒe agbewo alea kpɔ o, gake míekpɔ fafa alea kpɔ o esime míele nusiwo katã dim míele la nom le nom.

Kɔsiɖagbe ɖe sia ɖe la, Ŋugbetɔ la kpɔa dzidzɔ alegbegbe be yeaƒo ƒu ɖe du kple Ŋugbetɔ la ƒe akpa aɖe le xexeame, be yease nusi ɖe ge Wòle afia emegbe. Egblɔ na mí be ne míate ŋu va afisia le Agbadɔa me o la, míadi hame aɖe le afi aɖe; aɖa yi.

Míakatã míate ŋu aƒo ƒu ɖe afisi nyagblɔɖila tu te ɖo o; eƒe tanɔƒe afisi wòɖo gɔme anyi ɖo o, gake míate ŋu trɔ míaƒe hamewo, alo míaƒe Aƒewo hamewo, afisi míadee nyagblɔti dzi le. Afisi woate ŋu anyi mí le kple NYA DEBLIBO TUTUTU KO ABE ALESI WOƉEE FIA ENE.

Ƒuƒoƒo si lolo wu aɖeke, amisisi si lolowu aɖeke, teƒe si lolowu aɖeke be woanɔ meli de anyinɔnɔ ɖe du le Dziƒo nutowome, anɔ Mawu ƒe Gbe sem ŋu o.

Mele miakpem be miava se Mawu ƒe Gbe si dzi woɖo kpe kpli mí Kɔsiɖagbe sia le ƔETRƆ ga 12 me, Jeffersonville ƒe game, esime Wòle nuƒo ge na mí zi ɖeka ake to Eƒe dɔla gbedeasitsɔla dzi, aɖo biabia siwo katã le míaƒe dziwo dzi, aɖana mí kakaɖedzi bena míenye Eƒe Ŋugbetɔ.

Nɔvi. Joseph Branham

Kɔsiɖagbe ƒe Gbedeasi: Biabiawo Kple Ŋuɖoɖowo #1 64-0823M

24-0421 Kpe Ɖoɖo Eƒe Nya Dzi

April 20, 2024 admin5

Gbedasi: 64-0816 Kpe Ɖoɖo Eƒe Nya Dzi

PDF

Ŋugbetɔ-Hame Lɔlɔ‌tɔ,

Amegbetɔ Vi la va heɖe Eɖokui fia le agbetɔ ŋutilã me na Eƒe Ŋugbetɔ la. Egblɔe, Míexɔe se, eye Wòɖokpe Edzi. Míenye Eƒe Ŋugbetɔ-Hame si dzra míaɖokuiwo ɖo Nya ɖe sia ɖe si doa go le Eƒe nu me sese kple edzi xɔxɔ se me.

Amekukuwo ƒe tsitretsitsi aɖe le anyi nɔ ge. Aɖo kpe dzi. Hamea ƒe Kɔkɔdzoe aɖe le anyi nɔ ge. Aɖo kpe dzi. Milenium aɖe le anyi nɔ ge. Aɖo kpe dzi. Dziƒo yeyewo kple anyigba yeye aɖe le anyi nɔ ge. Aɖo kpe dzi, elabena Eƒe Nya gblɔe nenema.

Míawoe anye amesiwo le afima nɔ ge. Aɖo kpe dzi. Míenye amesiwo wowɔ Nya sia ƒe akpa aɖe. Eɖo MÍ ɖi be míanɔ Afima. Kɔkɔdzoe aɖe le anyi nɔ ge to Eƒe nunyadaɖi dzi eye naneke mele te tɔ gee o, míele afima nɔ ge!

Eteƒe didi Satana dze agbagba be yeana amewo nake ɖi le Nya ɖeka si woɖe gblɔ ŋu. Migawɔ ema o. Mixɔ Nya ɖe sia ɖe dzi se ko. Elebe miaxɔ Nya ɖe sia ɖe dzi se alebe mianɔ Afima. Menye nyagblɔɖila ƒe Nya ye o, Enye Mawu ƒe Nya si wolé ɖi hedzraɖo ɖi ɖe Nyaƒokawo dzi.

Nunɔla gã la, bishɔf la, kardinal la, kplɔla la? “Mawu! Nya ɖesiaɖe si doa go tso Mawu ƒe nu me.” Aleke míawɔ anya be enye Mawu ƒe Nya mahã? Egblɔ nenema, emegbe Eɖo kpe Edzi. Eɖo kpe Eƒe Nya la dzi.

ELEBE miaxɔ Nya ɖe sia ɖe si doa go tso Mawu ƒe nu me. Eɖo kpe dzi be Yeƒe Nya Wònye le Nyaƒokawo dzi. Eɖo kpe dzi be William Marrion Branham nye Yeƒe dɔla gbedeasitsɔla adrelia; Mawu ƒe Gbe le míaƒe ŋkeke me. Amesiwo katã mexɔa Gbedeasi la kple gbedeasitsɔla dzi se o la woatsrɔ‌.

Azɔ, menye ameha sia ɖeɖe ko mele nu ƒom na o. Wole esia ɖe nyaƒoka dzi, mikpɔea, eye Eyina ɖe xexeame katã. Miese egɔmea, xexeametɔwo, Nya ɖeka ma, Nya ɖeka, menye nyafɔkpe ɖeka o, menye paragraf ɖeka o, Nya ɖeka, ema ɖeɖe koe Xawa ke ɖi.

Enye Nya la, eye míenye Eƒe Nya ƒe akpa ɖe xoxo. Susuma tae míele afisia, be míaɖo kpe míaƒe teƒe dzi le agbea me. Be míaxɔ Nya ɖe sia ɖe dzi se. Be míanɔ anyi kple Nya la. Be míafia asi Nya ɖe sia ɖe si le Nyaƒokawo dzi Ŋugbetɔ la.

Le míaƒe ŋkeke me la, Amegbetɔvi la ɖe eɖokui fia. ETSA Hame la na Ta; bla Ŋugbetɔ la ƒe srɔ‌ɖeɖe. Ŋugbetɔsrɔ‌ La ƒe yɔyɔ va ɖo. Amegbetɔvi La va le amegbetɔ ŋutilã me be yeabla eveawo ɖe du. Enye Nya la. Míenye Eƒe Nya, eye eveawo bla ɖe du.

Ehiã Amegbetɔvi la ƒe ɖeɖefia ƒe ɖeɖeɖego. Menye hanunɔla o…Mikpɔ nusi gblɔm melea? Mikpɔea, enye Amegbetɔvi la, Yesu Kristo, si aɖi va le amegbetɔ ƒe ŋutilã me le mía dome, eye wòawɔ Eƒe Nya nu vavãe ale gbegbe be esia awɔ Hame la kple Eyama woazu nu ɖeka, Ŋugbetɔ la, eye emegbe Ayi Aƒe le Srɔ‌ɖeŋkekenyuie ɖuƒe. Amen.

Nya la ƒe ɖeɖeɖego awɔ Ŋugbetɔ la ɖeka. Egale Amegbetɔvi la ɖem ɖe go ake, menye hame la ƒe mawuŋunusrɔ‌lawo o. Amegbetɔvi La! Nya la kple Hame la le ɖeka zum. Nukake Amegbetɔvi la wɔ la nye Nya la. Mí, Eƒe Ŋugbetɔ la, le numa ke wɔ ge.

Míewɔ ɖeka to Gbɔgbɔ Kɔkɔe la, Eƒe Nya, Eƒe Gbe dzi, eye míele dzadzraɖo wɔm be míayi ɖe Srɔ‌ɖeŋkekenyuie ɖuƒe la me. Nya la bla mí ɖedu, eye eveawo zu ƉEKA.

Miegblɔa be NYAƑOKAWO, NYAƑOKAWO, NYAƑOKAWO. Elebe miaƒo Nyaƒokawo le miaƒe aƒewo me, le miaƒe hamewo me. Wohea nya ɖe míaŋu elabena míetea gbe ɖe Nyaƒokawo ƒoƒo dzi akpa. Nukata míegblɔa nane nenema? Amekae le nuƒom na MÍ le Nyaƒokawo dzii?

Azɔ, miɖo ŋku dzi, ema menye Yesu ye nɔ nu ƒom na Abraham le afima, si ate ŋu anya Sara ƒe dzimesusuwo le Emegbe o. Menye Yesu ye o, womedzii haɖe o. Gake enye Ŋutsua ɖe si nɔ amegbetɔ ƒe ŋutilã me, si Abraham yɔ be “Elohim, Ŋusẽkatãtɔ gã la.”

Ne miexɔe se be woɖe Amegbetɔvi la fia le míaƒe ŋkeke me; be Mawu le nuƒom to amegbetɔ ƒe nuɣiwo dzi la, aleke ameaɖe mate ŋu kpɔ Gbe ma dadaɖi abe GBE VEVIETƆ KEKEAKE SI WÒLE BE MIASE ƒe asixɔxɔ o mahã?

Nyemele nyahem ɖe bubu siwo mele nusi míexɔ se dzi kpɔm hele edzi xɔm le sese ŋu o; mía nɔviŋutsu kple nɔvinyenyɔnu wonye, gake mekpɔ KƆƉIƉI ALEGBEGBE, ƉI ƑO ALEGBEGBE, KAKAƉEDZI ALEGBEGBE be esiae nye Mɔ si Mawu ta na Eƒe Ŋugbetɔ. Nyemate ŋu awɔe bubue o. Elabe na nye kple nye aƒe ya la, Play Zizi yenye MƆ ƉEKA si li.

Zi ɖeka ake mele xexeame kpem be wòava awɔ ɖeka kpli mí le Kɔsiɖagbe le FĨEƔI ga 12 me, Jeffersonville ƒe game, esime míase: Kpeɖoɖo Eƒe Nya Dzi 64-0816.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:

Mateo Kɔkɔe 24:24
Marko Kɔkɔe 5:21-43/ 16:15
Luka Kɔkɔe 17:30 / 24:49
Yohanes Kɔkɔe 1:1 / 5:19 / 14:12
Romatɔwo 4:20-22
Tesalonikatɔwo I 5:21
Hebritɔwo 4:12-16 / 6:4-6 / 13:8
Fiawo I 10:1-3
Yoel 2:28
Yesaya 9:6
Maleaxi 4

24-0414 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La

April 13, 2024 admin5

Gbedasi: 64-0802 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La

Anyigba Ƒe Dze Lɔlɔ̃tɔ,

Oo, Ŋugbetɔ lɔlɔ̃tɔ, ɣeyiɣi kae nye esi le míasi sum, le esime míenɔ anyi ɖe du le Dziƒo nutowome, le Nya la ƒe ŋkume, le tsitsim, le dzesidem amesiwo míenye, afisi míetso, kple afisi yim míele.

Be míanyae, tso míaƒe dziwo me ɖaa ke be, AZƆ la míenye Mawu ƒe viŋutsuwo kple vinyɔnuwo. Menye míava nye o, míenye FIFIA. Míenye Mawu ƒe susu ƒe nyenyewo.

Ne Satana le ƒoƒom ɖe míadzi, hele agbagba dzem be yeatsɔ míaƒe vodadawo, míaƒe tsɔ si va yi, kple míaƒe gbesiagbe gegewo fia mí la; ne wòle agbagba dzem be yeagbã mí gudugudu le míaƒe susu kple gbɔgbɔ me kple eƒe alakpawo la, ɖeko míeɖoa ŋku dzi nɛ hegblɔ na nɛ be, ”Mawu, tso xexeame ƒe gɔmeɖoɖoanyi me ke, kpɔm do ŋgɔ; esɔ gbe Satana, NYE, eye Wòdɔ Yesu ɖa be wòaxɔ NYE aƒle.” XLÃ NU NƐ!

“Azɔ, Satana, dzo ɖa le gbɔ nye, elabena Eƒe Vi ƒe Ʋu le nuƒom ɖe TENYEƑE. Nyemate ŋu awɔ nuvɔ̃ o. Nye vodada, ẽ, nye vodada geɖewo la, Mawu mate ŋu kpɔwo o. Nu ɖeka si wòsena lae NYE gbe si le Eyama subɔm kple kafum, eye nu ɖeka si Wòkpɔna lae nye NYE teƒenɔnu.”

Míaƒe teƒenɔnu le mía nu ƒom ɖe du tso ɣedzeƒe kple ɣetoɖoƒe, dziehe kple nyiehe, le míawɔm ɖeka le Nya si Wòna Eƒe Ŋugbetɔ le nyaƒoka dzi la te. Eyae nye nu ɖeka si ŋu Wòade bubu; elabena Enye Eƒe Mɔ si wòna la.

Nuka gblɔ ge Wòle kple ɖe ge wòle afia mí emegbe? Míese Eyama ƒo nu to Eƒe nyagblɔɖila dzi zi geɖe alegbegbe hegblɔ na mí kuɖe nusi míaƒe Aƒe yeye aɖi ŋu, gake ɣeyiɣi sia le nɔnɔ ge abe ɖe míese naneke kuɖe Eŋu kpɔ tsã o ene.

Xɔtula Mawumetɔ La, wɔe esia na Eƒe Lɔlɔ̃tɔ. Mikpɔea? Oo, teƒe kae wòanye, esime, Dzɔdzɔme Mawumetɔ, Xɔtula Mawumetɔ aɖe wɔe na nyenye Mawumetɔ aɖe si woɖoɖi Mawumetɔe to Mawu Mawumetɔ aɖe dzi Amesi—Amesi nye Mawume ƒe Agbe Tɔ! Nuka gɔ̃ Du ma aɖii! Mibu eŋu.

Bebli hafi míete ŋu le míaɖokuiwo lém. Míaƒe dzidzɔkpɔkpɔ kple mɔkpɔkpɔ de kɔkɔƒe mamlea. Míaƒe dziwo le du sim be yewoase Mawu wòaƒo nu tẽ na mí aɖagblɔ na mí be Yele míaƒe Aƒe yeye la wɔm hele etum alebe míate ŋu nɔ agbe le eme le Mavɔmavɔ me kple Eyama.

Nububu kae se ge míala, eye nuka ɖe ge wole afia mí Kɔsiɖagbe, esime Wòle nusianu gblɔ ge na mí kuɖe Ameɖoɖi, Teƒenɔnu, Agbenɔɣi, Ŋkeke Enyilia, To Kɔkɔe, Toxɔwo, kple Kpekpe Kɔkɔe ŋu?

Ɖee míate ŋu atsɔ míaƒe susuwo kuɖe nusi le mevam fifia tututu ŋua? Mawu le Eƒe Ŋugbetɔ la nuƒom ɖe du le xexea katã me alebe Wòateŋu gblɔ nusi míaƒe Aƒe yeye la aɖi na mí. Ele egblɔ ge na mí titotito. Ŋutikɔkɔe ƒe ɣeyiɣi kae nye esi le míasi su ge.

Le akpa kemea la, míaƒe aʋawo mesesẽ ɖe dzi nenema gbegbe kpɔ tsã o. Satana le míatom wu tsã. Eƒe ƒoƒoɖeamedziwo medze kpɔ be wole xodzoe alo le tetem ɖa o.

Gake ŊUTIKƆKƆE na Mawu, míaƒe XƆSE le Eƒe Nya me mediɖe dzi wu nenema kpɔ o. Míaƒe XƆSE le amesi míenye nyanya me ku seke wòde to ɖe míaƒe Luʋɔ me, wɔe be míate ŋu aʋã o.

NANEKE meli si ta wòle míavɔ̃ o; NANEKE si ta wòle be míaxa nu le o. Fofo la le míata kpɔm keŋkeŋ. Efiamɔ hekplɔa míaƒe AFƆTOƑE ƉESIAƉE. Eléa mí ɖe Eƒe Asi me. Satana nye ameflula si ƒe nuwuwu gogo ko, ke enyae. Eyae nye amesi le vɔvɔ̃m, enyae be yele dɔwɔm kple Mawu ƒe Ŋugbetɔ Nya si Woɖe gblɔ la eye ekpɔa gege ɣesiaɣi.

MíeNYE NYA LA. Míenɔ Eyama me tso gɔmedzedzea me. Míele ezu ge gbeɖeka o, MÍENYE FIFIA. Ne míenye Nya la, ekema míate ŋu ƉE NYA LA GBLƆ, NE MÍATE ŊU XƆESE KO…EYE MÍEXƆESE.

Loo mienye xɔsetɔ (NYA LA) alo mienye Ɖikela (MENYE NYA LA O). Ka lẽ ɖeka hã mele míaƒe ŋutilã me si keaɖi Nya ɖeka o. Miva ɖo! Míeɖo kpe dzi na Satana be: míenye Nya la. Míate ŋu anye agbadze le afɔ gɔme, GAKE MÍEKPƆTƆ NYE ŊUTILÃ LA ƑE AKPA AƉE!!!

Eyata ne alakpatɔ ma le yome na míadometɔ ɖeka la, Ŋugbetɔ la vana ɖe du tso xexea katã me eye míe XLÃNA NU NƐ GA XLÃNA NU NƐ kple Nya la.

Ne dɔlele va míadometɔ ɖeka dzi la, míewɔa ɖeka ɖe du he XLÃNA NU NƐ! Ne míadomtɔ ɖeka le dziɖeleameƒo ŋkɔ sem la, nukae míakatã wɔna? XLÃNA NU NƐ!

Míele Aƒe yim, Ŋugbetɔ. Game la su. Ŋugbetɔ La dzra Eɖokui ɖo vɔ xoxo. Míele Aɖakaʋu la me. Etu ʋɔtru la eye míele eme dedieɖe. Míele hagbe la sem na Ŋugbetɔ be wòava anɔ zɔ̃zɔ̃m esime wòanɔ ɖiɖim le agbaka la me be yeawɔ ɖeka kple Ŋugbetɔsrɔ̃ la.

Míanɔ míaƒe srɔ̃ɖemɔzɔ̃zɔ̃ me hena ƒe 1000, emegbe la míadzo kple míanɔewo kple Eyama yiɖe míaƒe Tsɔme Ƒe la me.

Migadae ƒu o, xɔ̃nyewo. Mɔnu ɖeka koe li si Mawu na heɖokpe dzi: NYAƑOKAWO. Enye Dzo Lilikpo si le nuƒom hele Eƒe Ŋugbetɔ la kplɔm.

Nukakee wɔm miele la, mide Gbe ma mia kple miaƒe ƒomea ŋkume Kɔsiɖa sia gbe. Xɔse vana tso nusese me, Nya la sese me, eye Nya vana na nyagblɔɖila la. Gbɔgbɔ Kɔkɔe la nye Nyagblɔɖila na míaƒe ŋkeke si le nuƒom na Eƒe Ŋugbetɔ to Nyaƒokawo dzi.

Miawoezɔ̃ ne miawɔ ɖeka kpli mí Kɔsiɖagbe sia le ƔETRƆ ga 12 me, Jeffersonville ƒe game, esime Ŋugbetɔ la ƒe akpa aɖe awɔ ɖeka ɖe du anɔ Mawu sem, wokatã le game ɖeka dzi, wòanɔ nuƒom to Eƒe dɔla sesẽ dzi eye wòagblɔ nusianu na mí kuɖe: Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La 64-0802 ŋu.

Nɔvi. Joseph Branham

24-0407 Tsido Siwo Gɔme Ŋɔ

April 6, 2024 admin5

Gbedasi: 64-0726E Tsido Siwo Gɔme Ŋɔ

PDF

Tometsi Vudo Me Nola Lɔlɔ̃tɔwo,

Ŋugbetɔ la magate ŋu nye ame ɖeka ma ke Ista ƒe Ŋkuɖoɖodzi kɔsiɖa nuwuwu sia si Aƒetɔ la na mí megbe o. Wotu míakatã ɖe xɔ me kple Eyama, le kadem henɔ Eyama subɔm kɔsiɖa ƒe nuwuwu la katã. Eƒe amegbɔnɔnɔ yɔ míaƒe aƒewo kple hameawo me fũ.

Míenɔ mɔkpɔkpɔ gãwo me alegbegbe. Míenyae be esia nye Aƒetɔ la ƒe Lɔlɔ̃nu na mí. Mawu nɔ dzadzraɖo wɔm be yeawɔ nane. Míetso ka le xexeame kple eƒe modzakaɖeɖewo gbɔ. Míewɔ ɖeka le xexea katã me le ɖekawɔwɔ me. Míenɔ anyi ɖe du le dziƒo nutowome, le míaɖokuiwo dzram ɖo esime Wòle NU ƑO ge KPLI MÍ le mɔ la dzi.

Míaƒe dziwo nɔ ɣli dom sesiẽ be, “Aƒetɔ, wɔm maɖi Wò wu. Dzram ɖo na Wò vava kpuie la. Nam Ɖeɖefia geɖe wu. Wò Gbɔgbɔ Kɔkɔe neyɔ nye ametia ƒe ka lẽ ɖe sia ɖe Dzro.”

Esime takpekpe ɖe sia ɖe dze egɔme la, míegblɔ le míaɖokuiwo me be, “Aleke wòate ŋu va mee? Mese Gbedeasi siawo nye agbea katã, gake azɔ la wokatã dze nuyeye, abe ɖee nyemese wo kpɔ gbeɖe tsã o ene “.

Ɖeɖefia si gbana go la gava míaƒe dziwo me ake…Eyae Wònye…EYA. Gbɔgbɔ Kɔkɔe Ŋutɔe Wònye le NUƑOM NA MÍ TẼ.

Menye nye o! Eya! Eyae nye Amea! Megblɔ na mi fifia ko be, nye ŋutilã ko Wòxɔ. Ɖeko Wòxɔ nye aɖe, xɔ nye ŋkuwo, elabena Enyae be megblẽwo ɖi na Ye, eyata ɖeko Wòva hena mewɔ ema. Eyata menye nyee o! Eyae Wònye! Ke menye nyee le egodo le afima kpli mi o, Eyae wònye le egodo le afima kpli mi. Eyae nye Tsitretsitsi kple Agbe la. Oo, Mawu, Mawu; mixɔe se. Oo, amewo: Mixɔ Eyama dzi se. Mixɔ Eyama dzi se. Ele afisia.

Ena mí Ɖeɖefia la be míanyae be NYAƑOKAWO nye Mawu ƒe Gbe si le nuƒom na mí egbea. Wonye Eƒe Nyawo, Eƒe Gbe…EƑE GBE, si wolé ɖi he DZRAƉOƉI alebe míate ŋu ƉOTO EYAMA wòagblɔ Agbe Mavɔ ƒe Nyawo na mí. Wonye Eƒe mɔ si wòta na Eƒe Ŋugbetɔ.

Enye Tome Tsi, fafa, si kɔ hele fiafiam hele fiafiam. Gawu míele nom la, gawu míedoa ɣli sesiẽ be, “Geɖe wu Aƒetɔ, GEƉE WU. Yɔ nye kplu la fũ Aƒetɔ, yɔe fũ Aƒetɔ”. Ke Ewɔe! Gawu míele nom la, GAWU WÒLE MÍANAM.

Emegbe la woɖe gblɔ be Satana kpɔ gege to Nyanyuie la ƒe ŋusẽ dzi.To Dziƒo Mawu Amesi ɖo hedɔ Eƒe dɔla be wòaɖe gbeƒã Nyanyuie la na mí dzi. To Mawu si Amesi ŋlɔ Nya hedɔ Eƒe Dɔla Amesi nɔ anyi be wòaɖo kpe Eƒe Nya dzi dzi. “Do go ɖa le amewo me, le Yesu Kristo ƒe Ŋkɔ me”.

ELE BE abosam na do go ɖa le dɔlela ɖe sia ɖe, fukpela ɖe sia ɖe me. Azɔ Mawu ƒe ŋusẽ fɔ mí ɖe tsitre na lãmesẽ kple ŋusẽ ake.

Emegbe la, tso míaƒe dzi me ƒe gogloƒewo me ke la míegblɔ be:

Azɔ melɔ̃ xɔ Yesu Kristo, abe Mawu ƒe Vi si fɔ̃ ɖe tsitre ene, Enye nye Ɖela, Enye nye Fia, Enye nye Dɔyɔla. Mehaya azɔ. Mekpɔ ɖeɖe. Matso le afisia le agbe ƒe yeyewɔwɔ me, be mayi ɖawɔ nye nyuietɔ kekeake Amesi…na Eyama Amesi fɔ̃ ɖe tsitre ɖe tanye. Aleluya!”

Tome Tsi yenye esi nom míele gbe sia gbe. Eyae nye vudo ɖeka si tso Dziƒo tẽ si le sasram ɣesiaɣi. Ele eɖokui si. Efana hekɔna kokoko. Meƒaƒãna gbeɖe o. Enye Tsi gbagbewo si le trɔna edzi edzi, ɖena nu yeye aɖe fiana Ŋugbetɔ la ɣesiaɣi.

Efiana kokoko. Mehiã be míagbɔe o, atroe o, aʋuʋui o, alo age ɖe eme o. Mawu ƒe Agbetsi vudo wònye, eye míate ŋu abu nububu nono ŋuti o.

Míesea egbea be, “Míaƒe tsi yenye tsi nyuietɔ kekeake si miate ŋu no. Míetsɔe to míaƒe nutsyɔtsyɔ ɖoƒe 7 tɔ la me. Emegbe la míetsɔ tomenu siwo katã MÍETSYƆ DO la gbugbɔ ge ɖe tsi si míesusu be miehĩa be miagblɔ be tsi su mi.”

Ŋutikɔkɔe na Mawu, mele be míade míaɖokuiwo afɔku me alo akeɖi le nusi nom míele alo nusi wotsɔ kpee alo tsyɔ le me ŋu o. NUSIANU si míehĩa la le míaƒe Tsia me. Nusi wòle be míawɔ koe nye be MÍAZI PLAY aɖano tsi esime wòle kɔkɔm ɖi.

Akɔfafa kae nye esi be woano Tsi sia. Míele akpa to ge agbadroƒe geɖewo na míaƒe mɔ be míano le Eme ko, gake mehĩa be míawɔe o. Míekɔ Nɛ yia afisiafi si míeyina. Le míaƒe aƒewo me, le míaƒe hamewo me, le dɔ me, ne míele míaƒe ʋuwo kum, ne míele azɔlizɔm…MÍENONA, GA NONA, GANONA ƉE DZI.

O xexe, va no tsi tso Mawu ƒe Vudo si Wòna la me. Eyae nye teƒe ƉEKA si mele be miavɔ̃ agblɔ be, “Mele gbedom ɖa be Gbɔgbɔ Kɔkɔe nakpɔ tanye be nyemagano nane si mele be mano o.” NUA KATÃ NYE NYA DZADZE SI DZI WOƉO KPE SI LE SASRAM TSO DZIƑO ƑE VUDOWO ME.

Teƒe bubu aɖeke megali na Eƒe Ŋugbetɔ la be wòano tsi le o!

Va no tsi kpli mí le míaƒe Tometsi Vudo la me Kɔsiɖagbe sia le ƔETRƆ ga 12 me, Jeffersonville ƒe game, esime míase: Tsido Siwo Gɔme Ŋɔ 64-0726E.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la sese:

Psalmowo 36:9
Yeremia 2:12-13
Yohanes Kɔkɔe 3:16
Nyaɖeɖefia Ta 13lia

Easter ƒe 2024

March 28, 2024 admin5

Kristo Ƒe Ŋugbetɔ Lɔlɔ̃tɔ,

Ele be woaɖo ŋku Kalvaria gbesiagbe. Ke míese nya tso eŋuti fũ xlẽ nu tso eŋuti fũ. Mawunyagblɔlawo gblɔa mawunya le eŋuti, tso gbaɖegbe ke. Hadzilawo dzia ha tso eŋuti, to agbenɔɣiawo katã me. Nyagblɔɖilawo gblɔe daɖi, ƒe akpe ene gɔ̃ hã hafi wòva dzɔ. Eye egbe nyagblɔɖilawo fiaa asi ɣesiɣi wòdzɔ va yi. Enye ŋkeke vevi aɖe ŋutɔ! Enye ŋkeke vevi le ŋkeke siwo Mawu ɖo ɖe anyigba la dzi dome.

Ƒuƒoƒo tɔxɛ kae nye esi le Ŋugbetɔ la si su ge le xexea katã me Ista ƒe kɔsiɖanuwuwu sia. Míele míaƒe ʋɔtruwo tu ge aɖatso kadede kple egodo xexeame. Míati míaƒe mɔ̃wo katã alebe womegaɖefu na mí o, eye míaƒo nu na Eyama le ŋkeke ɖe sia ɖe me ʋuu. Míele míaƒe gbewo kɔ ge dzi ɖe Eyama gbɔ le ɖekawɔwɔ me, le susu ɖeka kple gbe ɖeka me, akafu Eyama, asubɔ Eyama, be míagblɔ alegbegbe míelɔ̃ Nɛ Nɛ.

Míele Eƒe Gbe se ge wòaƒo nu na míaƒe dziwo esime míagbugbɔ kɔ míaƒe agbewo ŋu na Eyama. Naneke manɔ vevie na mí wu o esime míele míaɖokuiwo dzram ɖo na Eƒe Vava si le madidi me. Ŋugbetɔ La le Eɖokui dzram ɖo wu alesi dze.

Medi be míakatã míawɔ ɖeka hena ɖoɖo si gbɔna sia:

YAWOƉAGBE

Yawoɖagbe zã mee Aƒetɔ Yesu ɖu fĩeɣi Nuɖuɖu Mamlea kple Eƒe nusrɔ̃lawo, le ŋkuɖoɖo Ŋutititozã do ŋgɔ na Israel viwo ƒe dodo dzi. Mɔnukpɔkpɔ kae nye esi be míadoka kple Aƒetɔ la le míaƒe aƒewo me, do ŋgɔ na míaƒe kɔsiɖa ƒe nuwuwu kɔkɔe la, eye míabia Eyama be wòatsɔ míaƒe nuvɔ̃wo ke mí, eye wòana mí nusiwo katã hĩa mí na míaƒe mɔzɔzɔ la.

Wɔe dzro, Aƒetɔ. Yɔdɔ dɔnɔwo. Fa akɔ na amesiwo ŋu ɖeɖi te. Na dzidzɔ amesiwo wote ɖe anyi. Na ŋutifafa amesiwo ŋu ɖeɖi te, nuɖuɖu dɔwuinɔwo, tsi amesiwo tsikɔ le wuwum, dzidzɔ amesiwo lé blanui, ŋusẽ hame la. Aƒetɔ, he Yesu va míadome le zã sia me, esime míele dzadzraɖo wɔm be míaɖu kɔmunĩɔ si le Eƒe ŋutilã gbagbã la teƒe. Míele gbedom ɖa, Aƒetɔ, be Nesrã mí kpɔ le mɔ ɖedzesi aɖe dzi.

Yra bubuwo, Aƒetɔ, le xexea katã me, siwo le lalam kpɔ Aƒetɔ la ƒe Vava kple dzidzɔ, akaɖikawo le tsotso, kple dudzɔtoƒeawo si woŋu kɔ keŋkeŋ, kpakple Nyanyuie la ƒe Kekeli si le keklẽm le teƒe doblukɔwo.

Mina míakatã míadze egɔme le FĨEƔI GA 6 me, le miaƒe nutome ƒe game dzi, eye míase:

Kɔmunĩɔ 62-0204, ke emegbe la nyagblɔɖila le míakplɔ ge ayi ɖe míaƒe Kɔmunĩɔ takpekpe kple Afɔkɔklɔ Takpekpe me, esi woanɔ ƒoƒom le Lifeline app dzi (le Eŋlisigbe me), alo miate ŋu xɔ takpekpe la ɖe mɔ̃ dzi le Eŋlisigbe alo le gbegbɔgblɔ bubuwo me to link si le gɔme la zizi dzi.

Le Gbedeasia sese me la, míele ƒuƒo ge kple míaƒe ƒomeawo le míaƒe aƒewo me aɖaɖu Aƒetɔ la ƒe fĩeɣi Nuɖuɖu.

Le Gbedeasi la ɖokpɔkplɔ me la, míele ƒuƒoge ɖe du kple míaƒe ƒomeawo le míaƒe aƒewo me aɖaɖu Aƒetɔ la ƒe Fĩeɣi Nuɖuɖu.

FIƉAGBE

Mina míayi ɖe gbedodoɖa me kple míaƒe ƒomeawo le ŊDI GA 9 me, eye ake le ŊDƆ GA 12 me, anɔ Aƒetɔ la kpem be wòanɔ anyi kpli mí eye wòayɔ míaƒe aƒewo me fũ kple Gbɔgbɔ Kɔkɔe la esime míanɔ míaɖokuiwo ŋuti kɔm Nɛ.

Mina míaƒe susu woagbugbɔ yiɖe Kalvaria, le ƒe 2000 megbe, eye míakpɔ míaƒe Ɖela le atsitsoga la ŋu, eye emegbe la míade míaɖokuiwo Eƒe asiwo me be míawo hã míawɔ nusi dzea Fofo la ŋu kokoko:

Ke esi ŋkeke sia, nye ŋkeke vevi kple ŋkeke gãtɔwo kekeake dometɔ ɖeka na mí ale gbegbe la, mina míakpɔ nu vovovo etɔ̃ si ŋkeke sia nye na mí la. Míate ŋu axlẽ alafalafawo. Gake, ŋdi sia la, metia nu vevi ɖekaɖeka etɔ̃, siwo míedi be míakpɔ, le ɣeyiɣi ʋee siwo gbɔna la me, nusi Kalvaria nye na mí. Eye mele gbe dom ɖa be esia nabu fɔ̃ nuvɔ̃wɔla ɖesiaɖe si le afisia; awɔe be amekɔkɔe ɖesiaɖe nayi ɖe klo dzi; esi ado dɔléla ɖesiaɖe ƒe xɔse ɖe dzi ayi Mawu gbɔ, ale be wòazɔ adzo, ahaya; nuvɔ̃wɔla ɖesiaɖe, nakpɔ ɖeɖe; megbedela ɖesiaɖe natrɔ gbɔ, eye ŋu nakpee le eɖokui ŋu; eye ame kɔkɔe ɖesiaɖe, nadzɔ dzi, ahakpɔ tenɔnɔ yeye kple mɔkpɔkpɔ yeye.

Emegbe le ŊDƆ GA 12 me la, mina míawɔ ɖeka le míaƒe aƒewo me ase, Gbemagbe Le Kalvaria 60-0925.

Emegbe la mina míagawɔ ɖeka ɖe du ake le gbedodoɖa me le ƔETRƆ GA 3 me le ŋkuɖoɖo míaƒe Aƒetɔ ƒe kaklã ɖe atsitsoga ŋu dzi.

MEMLEƉAGBE

Mina míakatã míagawɔ ɖeka ake le ŊDI GA 9 , kple le ŊDƆ GA 12 me, eye míadzra míaƒe dziwo ɖo ɖe nu gã siwo wɔ ge Wòala na mí le míadome ta.

Mate ŋu ase Wòagblɔ be, “Satana, va afii!” Enye Aƒetɔ azɔ. Edo asi ɖa, gbo ku kple tsiẽƒe ƒe safuiawo le eƒe axada me, tsɔe ku Eya Ŋutɔ ƒe axa me. “Medi be made dzesi nane na wò. Ènye ameflula eteƒe didi. Nyee nye Mawu gbagbe ƒe Vi ɖetugbui leaƒe tɔdzidzia. Nye Ʋu la kpɔtɔ le sisim le atitsoga ŋu, eye woxe fe blibo la! Dzena aɖeke megale asiwò o. Woɖe ama wò. Tsɔ safuiawo Nam!”

Ekema emegbe LE ŊDƆ ga 12 me la, míakatã míava ɖe du ase NYA la: Ameɖiɖi 57-0420

ŊKUƉODZI ŊKEKE kae nye ge wòala na Eƒe Ŋugbetɔ le xexea katã me.

Emegbe la mina míagaƒoƒu ɖe du le gbedodoɖa me le ƔETRƆ GA 3 me.

KƆSIƉAGBE

Mina míafɔ̃ kaba abe alesi Nɔviŋutsu Branham wɔe ene esime eƒe xɔlɔ̃ sue, akɔtadzĩ, fɔ̃ eyama le ŊDI GA 5 me ene. Mina míada akpe na Aƒetɔ la ko be efɔ̃ Yesu ɖe tsitre tso kukuawo dome:

le ŋdi ga atɔ̃ ŋdi sia la, xɔ̃nye sue kple akɔtadzĩ la dzo va frese la to hefɔ̃m. Edze ko abe eƒe dzi sue la awo ene, esime wòle gbɔgblɔm be, “Efɔ̃ ɖe tsitre.”

Le ŊDI GA 9 me la mina míagawɔ ɖeka ake le míaƒe gbedodoɖa Kɔsɔkɔsɔ la me, anɔ gbedom ɖa ɖe míanɔewo ta eye míanɔ míaɖokuiwo dzram ɖo be míase Mawu ƒe Gbe.

LE ŊDƆ GA 12:30 me la, míele ƒuƒoge ɖe du be míase míaƒe Ista Gbedeasi la: Ista Ƒe Nutrenu Vavã La 61-0402.

Le ƔETRƆ GA 3 me la, mina míagawɔ ɖeka ake le gbedodoɖa me, anɔ akpedam Nɛ ɖe KƆSIƉA ƑE NUWUWU DZEANYI SI WÒNA MÍ KPLE EYAMA KPAKPLE EƑE ŊUGBETƆ LA LE XEXEA KATÃ ME ta.

Na nɔvinyeŋutsuwo kple nɔvinyenyɔnuwo le ƒugodo la, abe ƒe si vayi me ene la, medi be makpe mi be miawɔ ɖeka kpli mí le Jeffersonville ƒe game dzi, le esi ka gbedodoɖa ƒe gameawo katã le ɖoɖo sia me. Mede dzesi, alekekee hã, be Nyaƒokawo ƒoƒo le Yawoɖagbe, Fiɖagbe, kple le Memleɖagbe ɣetrɔ le Jeffersonville ƒe game dzi la asesẽ ŋutɔ na miadometɔ geɖewo, eyata meɖe kuku mivo fãa be miaƒo Gbedeasi mawo le ŋkekea ƒe game ɖe sia ɖe si adze edzi na mi dzi. Medi, alekekee hã, be míakatã míaƒoƒu ɖe du le Kɔsiɖagbe ŊDƆ GA 12:30 me le Jeffersonville ƒe game, be míase míaƒe Kɔsiɖagbe Gbedeasi la ɖe du.

Medi be magakpe mia kple miaƒe viwo be miakpɔ gome le Nutata ƒe ɖoɖowo, dzesidede agbalẽ, kple YF ƒe kizwo me, esi me miaƒe ƒomea katã ate ŋu se vivi le ɖe du. Míesusui be miele wolɔ̃ ge esime wotu wokatã ɖe NYA si se ge míele le kɔsiɖa ƒe nuwuwu sia dzi ta.

Kuɖe Kɔsiɖanuwuwu ɖoɖo la ŋu, nyanyanana kuɖe nuɖaɖa ŋu kuɖe Kɔmuniɔn takpekpe la ŋu, dɔwɔnu siwo hĩa ge wole na Nutata ɖoɖowo, Ista ƒe Kizwo, kple nyanyanana bubuwo la, mikpɔ link siwo le gɔme.

Mina míati míaƒe telefoniwo le Ista ƒe kɔsiɖanuwuwu la ta negbe na fotowo ɖeɖe, be míase Ŋkeke La Ƒe Numegbe, eye be míaƒo nyaƒokawo tso Table ƒe app, Lifeline ƒe app, alo link si dzi woxɔa nu ɖe mɔ̃ dzi me.

Enye bubu aɖe tɔgbe nam be makpe mia kple miaƒe ƒome va ɖe du kple Ŋugbetɔ la le xexea katã me na Kɔsiɖanuwuwu si yɔ fũ kple SUBƆSUBƆ, KAFUKAFU KPLE DƆYƆYƆ. Mexɔe se vavã be enye Kɔsiɖanuwuwu aɖe si atrɔ wò agbe yiɖe mavɔmavɔ me.

Nɔviŋutsu Joseph Branham

Takpekpe la ƒe Audio

Ista Kɔsiɖanuwuwua ƒe Tanyawoe nye si. Yawoɖagbe ƒe KƆMUNIƆ̃ kple afɔkɔklɔ le nusiwo woaxɔ ɖe mɔ̃ dzi la me.

YAWOƉAGBE – ƔETRƆ GA 6 (miaƒe game dzi)

KƆMUNIƆ̃ 62-0204

FIƉAGBE – ŊDƆ GA 12:30 me (miaƒe game dzi)

Gbemagbe Le Kalvaria 60—0925

MEMLEƉAGBE – ŊDƆ GA 12:30 (miaƒe game dzi)

Ameɖiɖi 57-0420

KƆSIƉAGBE – ŊDƆ GA 12:30 me (Jeffersonville ƒe game dzi)

Ista Ƒe Nutrenu Vavã La 62-0402