Gbedasi: 63-1110E Amesi Le Miame

---

• 24-0114 Amesi Le Miame
• 22-0626 Amesi Le Miame
• 17-0730 Amesi Le Miame

BranhamTabernacle.org

Xɔsetɔ Lɔlɔ̃tɔ Siwo Si Xɔse Deblibo Le

Gbe sia gbe míaƒe dziwo le ƒoƒom kple mɔkpɔkpɔ gã aɖe. Míele lalam kpɔ Eƒe Vava kpuie la ƒe gaƒoƒo la be wòava ɖo. Vɔvɔ̃ ɖe sia ɖe bu. Nya biabia ameɖokui se megali o, “Ɖee míenye Eƒe Ŋugbetɔa”? Eku seke ɖe míaƒe dziwo me abe ɖe medzɔ kpɔ gbeɖe o ene, MÍENYE EƑE ŊUGBETƆ.

Wokɔ mí yiɖe Dziƒo le Dziƒo ƒe ayaƒoƒo me, le toɖom Yesu Kristo ƒe subɔsubɔdɔ, si gbugbɔ do ŋutilã le Eƒe Hame la me. Woɖo kpe Gbedeasi sia dzi kɔtɛ to Mawu ƒe Nya dzi, bena mate ŋu nye amegbetɔ o, elebe wòanye Mawu si le nuƒom ɖe to me na Eƒe Ŋugbetɔ.

Míexɔe se be menye ame ye le nuƒom na mí le nyaƒoka siawo dzi o, Mawu ye.

Nusi mele agbagba dzem be magblɔ enye be, “Migabu miaƒe kakaɖedzi kpɔ gbeɖe o.” Migaɖe asi Satana wòagblɔ nya baɖa kuɖe ŋunye o; elabena, geɖe li. Gake milé kakaɖedzi ma me ɖe asi; elabena, ne miewɔe o la, mava me o. Migakpɔ dzinye, abe amegbetɔ ene o; amegbetɔ menye, meyɔ fũ kple vodadawo. Gake mikpɔ nusi gblɔm mele kuɖe Eŋu. Eyae Wònye. Eyae nye Amesi ye.

Elebe kakaɖedzi nanɔ miasi eye miaxɔ nusi GBLƆM WÒLE dzi se, LO MELE ME VA GE O. Míekpɔa Mawu ƒe nyagblɔɖila dzi abe ame, abe alesi geɖewo susuna be míewɔnɛ ene o. Míele amegbetɔ ŋutilã ƒe xɔmetsovɔ la godo, eye nusiwo katã kpɔm míele hele sesem la nye Mawu si le nuƒom to amegbetɔ ƒe nuɣiwo dzi, EYE KAKAƉEDZI LE MÍASI EYE MÍEXƆ NYA ƉE SIA ƉE DZI SE.

Yesu Kristo ƒe Ɖeɖefia na egbe lae ma. Be woaxɔe se be Mawu wònye, menye amegbetɔ, si le nuƒom le nyaƒokawo dzi o. Ne nèda ema ƒu la, xɔ̃nye, èda gaƒoƒo la ƒe Gbedeasi la ƒu eye màte ŋu nye Ŋugbetɔ la o.

Satana tsɔ eƒe gɔmeɖeɖe kpeɖe ema ŋu, eye 99% le ɣeyiɣi me la exlẽna Gbedeasi la tututu ko abe alesi wòwɔe na Xawa ene, gake wode se nɛ be wòanɔ anyi kple Nya la; nusi Adam gblɔ nɛ yenye nusi Mawu gblɔ, menye nusi amebubu aɖe gblɔ be egɔme ye wònye o. Elebe wòanɔ anyi kple Mawu ƒe Gbe.

Ŋkeke gãtɔ kekeake si xexeame menya kpɔ o lae nye esi. Yesu Kristo ƒe agbe, si nɔ agbe heɖe Eɖokui fia le Eƒe nyagblɔɖila ƒe agbe me, le agbe azɔ le ŋutilã me le MÍ, Eƒe Ŋugbetɔ la me.

Míele nusi ƒe gbe Wòɖe na mí be míawɔ la wɔm tututu: minɔ anyi kple Nya la to anyinɔnɔ kple Mawu ƒe Gbe le nyaƒokawo dzi me. Enye Mawu ƒe nyaƒoka subɔsubɔdɔ kple ɖoɖo na egbea.

Ne nèxɔ William Marrion Branham dzi se be enye dɔla gbedeasitsɔla adrelia si Mawu tia, amesi Mawu tia be yeaƒo nu na aɖaɖe adzame nyaɣaɣlawo katã fia le Nya la me, Mawu ƒe Gbe na dzidzime sia, ame aɖe si si xɔse le wu ame bubu ɖe sia ɖe vavã, amesi Aƒetɔ la ƒe dɔla gblɔna be “ne nèna amewo xɔ dzi WÒ se la, naneke manɔ tsitre ɖe wò gbedodoɖawo ŋgɔ o”, la ekema Kɔsiɖa sia gbe anye ŋkuɖodzi ŋkeke si meɖi bubu aɖeke na wò.

NANEKE mate ŋu xɔ Gbedeasi Sia ƒe Ɖeɖefia ɖa le míasi o, NANEKE O. Míete ŋu le ɖike ge le Eŋu o. Ne Wògblɔe la, Míexɔe se. Anye be Míate ŋu se Egɔme kura o, gake Míexɔe se tso.

Yesu Ŋutɔ gblɔ na mí be: “Amesi le mia me Etri akɔ wu Amesi le xexeame.” Mina ema nageɖe míaƒe dziwo me nyuie. Eƒe Gbɔgbɔ le agbe le mía me. Ɖee míate ŋu se ema gɔmea? Fifi laa, esi miele leta sia xlẽm la, Gbɔgbɔ Kɔkɔe la, Mawu Ŋutɔ, Dzo Lilikpo la, le agbe hele mía mea? Aleke míewɔe henya be enye nyateƒe mahã? MAWU YE GBLƆE NENEMA!!

Satana le egblɔm na mí madzudzɔmadzudzɔe be míenye amedokponu alegbegbe. Ke etɔ dzɔ, nenema míele. Eɖoa ŋku dzi na mí be, míele afisi wòle be míanɔ le Nya me o. Etɔ gadzɔ ake, míele afima o. Míewɔa nusiwo míenya nu be míate ŋu wɔ wu nenema.
Tsɔ ke mí Aƒetɔ, etɔ dzɔ.

Gake kple míaƒe vodadawo katã, míaƒe gbɔdzɔgbɔdzɔwo katã, míaƒe kpododonuwo katã gɔ hã la, metrɔ nyateƒe sia be, MÍENYE ŊUGBETƆ LA. MÍEXƆ NYA ƉE SIA ƉE DZI SE o!

Míele míaɖokuiwo alo nane si míate ŋu wɔ dzi kpɔm o, míele nyama. Ɖeko míenyae be Etia mí hena mí Eƒe Nya ƒe Ɖeɖefia eye naneke mate ŋu xɔ Ɖeɖefia ma le mía si o. Eku se ke ɖe míaƒe dzi kple luʋɔ me.

Egblɔ na mí be XƆSE DEBLIBO nenɔ míasi. Ele míasi Aƒetɔ, XƆSE DEBLIBO le Wò Nya me. Xɔse le míasi le nusi Wò nyagblɔɖila gblɔ me be Enye Ale Aƒetɔ La Gblɔ Esi. Menye eƒe nya ye o, gake Wò Nya na mí ye.

Wò nyagblɔɖila gblɔ na mí be nukake míehĩa la, ne ɖeko míaxɔe se ko, heɖo xɔse ɖe Wò Nya me la, nu sia nu si míehĩa la ate ŋu su mía si. MÍEXƆ SE.

Aƒetɔ, hĩa aɖe le ŋunye. Megbɔna ŋku Wò me kple xɔse ɖe sia ɖe si le asinye le Wò Nya me, elabena Mate ŋu da ƒu o. Gake egbea la, Aƒetɔ, nyemegbɔna ŋku Wò me kple nye xɔse ɖeɖeko o, gake kple xɔse si Nèna Wò dɔla kple gbedeasitsɔla adrelia sesẽ la.

O Aƒetɔ Mawu, mele Wò biam be nàkpɔ nublanui na mí. Eye nàbe ŋutsu ɖe sia ɖe kple nyɔnu ɖe sia ɖe si nɔ anyi ɖe afisia, si ŋu dɔlele ƒomevi alo fukpekpe ɖe sia ɖe le la eye abe alesi Mose tsɔ eɖokui de gbagbaƒe, ɖe amewo ta ene la, zã sia me la melolo nye dzi ɖe ŋku Wò me, Aƒetɔ. Kple xɔse ɖe sia ɖe si le asinye, si le me Wò, si Wò nènam la, metsɔwo na wò.

Azɔ mele gbɔgblɔm be: Nusi le asinye la, tsɔm mele na nyasela siawo! Le Yesu Kristo Nazaretetɔ ƒe Ŋkɔ me la, gbenu le wò dɔlele gbɔ, elabena Amesi le wò me la tri akɔ wu, wu gbɔgbɔvɔ̃ ma si le agbagba dzem be yeaɖe wò agbe ɖa. Mawu ƒe viwo mienye. Woxɔ mi ƒle.

Evɔ. Eƒe Nya mate ŋu da ƒu o. Nukake míehĩa la, ate ŋu su míasi.

Va wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, be míaxɔ yayra kple amisisi gã sia tso Mawu gbɔ esime Ŋugbetɔ la ƒe akpa aɖe aƒo ƒu ɖe du le xexea katã me ase Mawu ƒe Gbe wòatsɔ eƒe Xɔse awɔ ɖeka kple míaƒe XƆSE.

Nɔvi. Joseph Branham

63-1110E Amesi Le Mia Me

Gbedasi: 63-1110M Luʋɔ Siwo Le Gaxɔ Me Fifia

PDF

---

• 24-0107 Luʋɔ Siwo Le Gaxɔ Me Fifia
• 22-0619 Luʋɔ Siwo Le Gaxɔ Me Fifia
• 17-0813 Luʋɔ Siwo Le Gaxɔ Me Fifia

BranhamTabernacle.org

Dukɔ Lɔlɔ̃tɔ Si Ma Ɖa,

Mawu va le míaƒe ŋkeke me heɖe Eɖokui fia le amegbetɔ ŋutilã me, le ŋutsu aɖe si woyɔ be William Marrion Branham me, alebe Wòate ŋu wu Eƒe Nya ŋu. Yesu Kristo le míaƒe ŋkeke me ƒe Ɖeɖefia ye ma.

Ase Gbe ma kple axɔ Nya ɖe sia ɖe dzi se la nye Mawu ƒe Mɔ ɖeka si wona na egbea. Edɔ ŋutsu geɖewo si wosi ami na kple Eƒe Gbɔgbɔ Kɔkɔe ɖo ɖe xexeame, gake ŋutsu ɖeka ko Wòdɔ heƒo nu to dzi be yeaɖe Yeƒe Nya fia aɖakplɔ Yeƒe Ŋugbetɔ.

Metrɔa Eƒe Ɖoɖo alo Eƒe alesi Wòwɔa nuwo kpɔ gbeɖe o. Alesi Wòwɔe zi gbãtɔ la, Ewɔnɛ nenema ɣesiaɣi. Ekplɔa Eƒe dukɔ le Eɖokui si, to Dzo Lilikpo la dzi.

Migaŋlɔe be kpɔ gbeɖe o, MIENYE Mawu ƒe Ŋugbetɔ tiatia eye naneke meli si abosam ate ŋu wɔ alo agblɔ si ate ŋu aɖe ɖa le gbɔwò o, NANEKE o! Eɖowò ɖi doŋgɔ na xexeame ƒe gɔmeɖoɖoanyi ke. Enya wò le ɣeyiɣi ma me, eye ènɔ anyi kple Eyama. Enya wò ŋkɔ xoxo. Enya nu sia nu kuɖe ŋu wò xoxo. Enya wò nɔnɔme deamedziwo kple madeamedziwo xoxo. Enya wò kpododonuwo, wò vodadawo xoxo, gake Ekpɔtɔ lɔ̃ wò hetia wò elabena ènye Eƒe akpa aɖe.

Eƒe Nya ko wò luʋɔ ate ŋu ɖu. Naneke mate ŋu na wò kɔɖiɖi o negbe Eƒe Nya. Èlɔ̃a Eƒe Nya xexlẽ kple ŋugbledede le Eyama ŋu, gbedodoɖa tso wò dzi me ɖaa ke. Ne èse Eƒe Gbe ƒo nu na wò teŋ la, ekɔa wò dzi yiɖe ɣeyiɣi ƒe xɔmetsovɔ la godo. Elabena ènyae be ènɔ anyi kple Eyama le Dziƒo nutowome esime Wòle nuƒom ɖe to me na wò, le Eƒe Nya ɖem fia, le ŋku ɖom dzi na wò be, NYE ŊUGBETƆ YE NÈNYE.

Abosam ate ŋu to wò aɖato wò agato wò memie. Àte ŋu ɖiɖi alegbegbe ɣeaɖewoɣi eye nàse le ɖokuiwò me be ènye ame si doa kpo nu keŋkeŋ; àse le ɖokuiwò me be edokpo nu na Eyama wu ame bubu ɖe sia ɖe. Ènye vɔ̃ɖitɔwo ƒe vɔ̃ɖitɔ, gake le afi aɖe, le wò luʋɔ me ɖaa ke la, èle Gbe Vi Fatu ma sem le gbɔgblɔm na wò be: “Naneke mate ŋu ma wò ɖa le gbɔ NYE o, NYE NYAE NÈNYE. Mede wò ŋkɔ Nye Alẽvi Ƒe Agbegbalẽ me, Nyeŋutɔ.”

Nukae mate ŋu gblɔ be made dzi ƒo na wò egbea?

Nɔ Nya la me ko. ZI PLAY gbe sia gbe eye se Mawu ƒe Gbe wòaƒo nu be Ale Aƒetɔ La Gblɔ Esi eye wòagblɔ na wò be; mele ɖeka wɔm kpli wò le Nye Nya ŋu. Àte ŋu ɖu NUSIANU dzi, elabena Nye Nya le agbe hele mewò. Meɖo kpe dzi na wò be, XƆSE DEBLIBO le asiwò. Ezã Dzesi La, ke Ede wò dzodzodzoetsitsi me.

Manɔ tsitre ɖe Nye Nya megbe. Mawɔ nusi Megblɔ be Mawɔ la.
Alegbegbe Eƒe Nyawo si Wògblɔa na mí le nyaƒokawo dzi wɔ nukue. Míenyae be Menye ame aɖe, ŋutilãme me aɖe ye le míadome o. Mawu Mavɔ la Ye le nuƒom na mí, Eƒe Ŋugbetɔ la.

Wokpe wò be nàwɔ ɖeka kple Ŋugbetɔ la Kɔsiɖagbe sia le ŋdɔ ga 12 me, Jeffersonville ƒe game, esime míaƒo ƒu ɖe du ase Gbe Vi Fatu ma: 63-1110M Luʋɔ Siwo Le Gaxɔ Me Fifia.

Nɔvi. Joseph Branham

Mose I 15:16
Mateo Kɔkɔe 23:27-34
Yohanes Kɔkɔe 4:23-24 / 6:49 / 14:12
Petro I 3: 18-22
Petro II 2:4-5
Yuda 1:5-6

Gbedasi: 63-0901E Dzodzodzoetsitsi

---

• 23-1231 Dzodzodzoetsitsi
• 22-0612 Dzodzodzoetsitsi
• 19-0901 Dzodzodzoetsitsi
• 17-0903 Dzodzodzoetsitsi

BranhamTabernacle.org

Fofo Lɔlɔ‌tɔ,

Míefe dze eteƒe didi akpa.
Míede sɔleme eteƒe didi akpa. Tso keke Gbedeasi, Dzesi La, sese megbe la, eƒu wò Ŋugbetɔ gbe ɖe dzodzodzoetsitsi me.

Míenyae be nane le ɖoɖom be yeadzɔ. Game la tu aƒe. Míedi be Wò nàva aɖaɖe mí dzo le xexe sia me. Míedi be míanɔ anyi kpli Wò. Míetsi dzodzodzoe le míaƒe luʋɔwo me ɖaa ke.

Ɖeko míele nuƒo ƒo ge kuɖe ŋua? Ɖee míetsi dzodzodzoe kakaka? Ɖee míele avifam na Wò abe alesi wòle be míawɔe zã kple kelia?

Oo, Hame, tso eye nàʋuʋu ɖokuiwò! Defe wò dzitsinya ŋu, nyɔ ɖokuiwò, le gaƒoƒo sia me! Elebe míatsi dzodzodzoe, alo míatsrɔ‌!
Nane gbɔna tso Aƒetɔ la gbɔ! Menyae abe ALE AƑETƆ LA GBLƆ ESI ene. Nane gbɔna, ke anyo na mí wu be míatsi dzodzodzoe. Ele ku kple Agbe dome. Ato míadome ayi eye míakpɔe o.

Míenyae be ehĩa dzodzodzoetsitsi be wòahe Wò va kpea dzi. Elebe Wòasu míasi fifia loo míatsrɔ‌. Aƒetɔ, na míazu amesiwo tsi dzodzodzoe abe ɖe míetsii gbeɖe kpɔ o ene, ekema Nàɖe zɔ va kpea dzi eye nàva akplɔ Wò Ŋugbetɔ si le lalam la dzoe.

Kpeɖe míaŋu Fofo be míazi ageɖe Eme. Menye be míazɔ ko ageɖe Eme, bɔbɔeɖe o, gake míazi ageɖe me.
Menye be míaƒo nu kuɖe Eŋu ɖeɖeko eye míayi edzi kple míaƒe gbesiagbe gbenɔnɔwo o. Míedi be míadi Wò kple míaƒe dzi blibowo, kple míaƒe luʋɔ blibowo kple míaƒe susu blibo. Aƒetɔ, kpeɖe míaŋu.

Míenyae be míeda ƒu le ŋu Wò zi geɖe, Aƒetɔ, gake Ègblɔ na mí be ne míeda ƒu la, ema meɖo naneke awɔ le me o; gege míenye be woatsɔ dze egɔme, gake Wò èle tsitre le afima na mí kple asi sesẽ aɖe si àte ŋu ɖo ɖa aɖakɔ mí dzi le tsia tame.

Nyagblɔɖila ɖegbeƒã na mí be Wò nàto míaŋu ayi ko esime Nàkpɔ be wozã Dzesi la. Aƒetɔ, míewɔ ɖe Wò nufiameawo dzi eye míezã Dzesi la hewɔ míaƒe aƒeawo Nyaƒoka Hame, le toɖom hele Nya ɖe sia ɖe dzi xɔm le sesem.

Dzesi la—la koe Wòdea dzesi. Gaƒoƒo la ƒe Gbedeasi ye ma! Ŋkeke sia ƒe Gbedeasi la! Ɣeyiɣi sia ƒe Gbedeasi ye nye Ema. Le Yesu Kristo ƒe Ŋkɔ me, Mixɔe!

Míenya be ele eteƒe, eye míexɔe se hele nu sia nu dzi wɔm le nusi nyagblɔɖila gblɔ na mí ŋu.

Míexɔe se be nu sia nu le eme vam hele dzɔdzɔm le Wò game deblibo me. Naneke medo le eƒe teƒe o. Míekpɔ Wò nukunuwo katã, eye míese heva dzesidede ƒe Dzesi la te.

Azɔ esi míele dzesidede ƒe Dzesi la te la, míele Kɔmunĩɔ ɖu ge Kɔsiɖagbe sia le dzodzodzoetsitsi me. Elabena míenyae be Èle eɖom be yeaƒo nu kple ʋɔŋudɔdrɔ‌.

Nà be Míaɖui abe Ŋutititozã ƒe dzesi ene, esime Woɖui le nɔnɔme kpata me, le dzodzodzoetsitsi ƒe ɣeyiɣi me. Míegale dzodzodzoetsitsi me ake egbe Fofo.

Míeda akpe, Aƒetɔ, be míate ŋu kpɔ megbe le ƒe sia me eye míakpɔ nusiwo katã Nèwɔ na mí la. Èɖe Wò Nya fia mí hena mí Ɖeɖefia ɖe Ɖeɖefia dzi abe esi meva me kpɔ gbeɖe o ene.

Míenyae azɔ be míenye Viwò ŋutsuviwo kple nyɔnuviwo. Míenye Wò Ŋugbetɔ Nya Deblibo si Nèlala kpɔ eteƒe didi alegbegbe. Ètia mí, ɖo mí ɖi eye azɔ Ègbɔna na mí.

Aƒetɔ, na be míadi Wò zã kple keli. Nà be míazu amesiwo tsi dzodzodzoe alegbegbe anɔ avifam na Wò sesiẽ. Nà be míazi ageɖe Eme abe alesi medzɔ kpɔ o ene. Nà be esia nanye ƒe si me nàva le na mí.
Míelɔ‌a Wò Fofo, eye míedi be míanɔ Wò Lɔlɔ‌nu deblibo me. Va eye nànɔ anyi kpli mí esime míawɔ ɖeka le fíeɣi ga 5 me, Jeffersonville ƒe game, le Wò Gbe ŋu eye míase Wò nàgblɔ alesi míage ɖe : Dzodzodzoetsitsi 63-0901E me na mí. Ekema nɔ anyi kpli mí esime míakpɔ gome le Aƒetɔ la ƒe Fíeɣinuɖuɖu me, le dzodzodzoetsitsi me.

Esiawoe nye míaƒe agbewo ƒe ŋkeke gãtɔ kekeakewo Fofo. Elabena míenyae be Ègbɔna le madidi me be yeakplɔ mí yiɖe míaƒe Tsɔme Ƒe me kpli Wò. Míele mɔkpɔm gbesiagbe kple mɔkpɔkpɔ gã aɖe na amekɔkɔewo si dzo yi doŋgɔ na mí. Míenyae be ne míekpɔ wo la, Wò vava ƒe game ɖo ye…. ŊUTIKƆKƆE!!!

Míetsi dzodzodzoe na ŋkeke ma, Fofo.

Nɔvi. Joseph Branham.

Ŋɔŋlɔ siwo woaxlẽ do ŋgɔ na takpekpe la:

Mose II 12:11
Yeremia 29:10-14
Luka Kɔkɔe 16:16
Yohanes Kɔkɔe 14: 23
Galatiatɔwo 5:6
Yakobo Kɔkɔe 5:16

Gbedasi: 58-1228 Nukata Betlexem Sue La?

---

• 23-1224 Nukata Betlexem Sue La?
• 18-1223 Nukata Betlexem Sue La?

BranhamTabernacle.org

Ŋugbetɔ Lɔlɔ̃tɔ Si Zã Dzesi La,

Medi be míakatã míadzra míaɖokuiwo ɖo hena Aƒeme Kɔmuniɔ̃ tɔxɛ aɖe ŋutɔ ƒe takpekpe le Ƒe Yeye la ƒe dzodragbe, Kɔsiɖagbe, Dzome 31lia. Míase Gbedeasi, 63- 0901E Dzodzodzoetsitsi, si mee Nɔviŋutsu Branham yi ɖe Kɔmuniɔ̃ kple Afɔkɔklɔ takpekpewo me le nyaƒoka la ƒe nuwuwu.

Wole Gbedeasi la ƒo ge le Voice Radio dzi (le Eŋlisigbe me ɖeɖeko), eye míakplɔ takpekpe la ƒe ɖoɖo ɖo abe alesi míewɔe hena Aƒeme Kɔmuniɔ̃ takpekpe siwo vayi ene, kpeɖe saŋku hagbe la ŋu le takpekpe la ƒe Kɔmunĩɔ ƒe akpa ƒe ɣeyiɣi me, kpakple Nyanyuie Hagbewo le Afɔ Kɔklɔ ƒe ɣeyiɣi me. Míadze takpekpe la gɔme le Jeffersonville ƒe fĩeɣi ga 5 me. Na mi amesiwo le ƒu godo la, meɖekuku mivo faa be miaƒo nyaƒoka eye miawɔ Kɔmunĩɔ le miaƒe du me ƒe ɣeyiɣi me alebe miawɔ Kɔmunĩɔ do ŋgɔ na zã ga wuieve le 2023 me.

Nyemate ŋu asusu mɔŋu nyuie aɖe be míawu ƒe 2023 sia ŋu, eye míadze dɔtsɔtsɔ na Aƒetɔ la ƒe ƒe yeye gɔme le 2024 me, wu be míazi kpoo le Eƒe ŋkume, atsi dzodzodzoe wu na Eyama, amã Eƒe fíeɣinuɖuɖu, anɔ gbedom ɖa ɖe míanɔewo eye atsɔ nɔ míanɔewo kem, anɔ afɔ klɔm na Eƒe amekɔkɔewo, kple Eƒe Nya sese o. Fíeɣi tɔxɛ ka nye ge wòala.

Mɔnu si woato axɔ/adzra Kɔmunĩɔ ƒe wein kple abolo la woenye esi woɖo ɖe gɔme.

Meda akpe alegbegbe be Aƒetɔ na mɔ aɖe mí be míawɔ ɖeka ɖe du hena mɔnukpɔkpɔ kɔkɔe tɔgbe aɖe alea. Kakaɖedzitɔe la mele mɔkpɔm be mado go miakatã le Eƒe kplɔ̃ ŋu.

Kɔsiɖagbe sia, míele Kristmas Gbedeasi la se ge: Nukata Betlexem Sue La? 58-1228 ŋdɔ ga 12 me, Jeffersonville ƒe game.

Mawu nayra mi,

Nɔviŋutsu Joseph Branham

Kɔsiɖagbe, Dzome 24, 2023

58-1228 Nukata Betlexem Sue La?
Ŋdɔ ga 12 me, Jeffersonville ƒe Ga me

Kɔsiɖagbe, Dzome 31, 2023

63- 0901E Dzodzodzoetsitsi / Aƒeme Kɔmuniɔ̃ kple Afɔ Kɔklɔ fĩeɣi ga 5 Jeffersonville ƒe Game

Gbedasi: 63-0825E Xɔse Deblibo

---

• 23-1210 Xɔse Deblibo
• 22-0529 Xɔse Deblibo
• 19-0908 Xɔse Deblibo

BranhamTabernacle.org

Xɔse Deblibo Ƒe Ŋugbetɔ Lɔlɔ̃tɔ,

Míaƒe XƆSE vaa tso nu sese me, Nya la sese me. Nya la vana na nyagblɔɖila.

Nyagblɔɖila nye:

Nya La zu ŋutilã! Aleluya! Nya La le dɔwɔm le amegbetɔ ŋutilã me, to ŋutilã me dzesiwo me, to nulékpɔ dzesiwo me, to Ŋɔŋlɔme dzesiwo me, blibodedetɔe, be yeahe Xɔse Deblibo va na wò hena Kɔkɔdzoe Deblibo.

Míele nusi tututu Nya la gblɔ na mí be míawɔ la wɔm to Mawu ƒe Gbe ɖeka si dzi woɖo kpe la sese dzi be wòaƒo nu aɖaɖe Eƒe Nya fia to amegbetɔ ŋutilã dzi be wòana mí Xɔse Deblibo.

Mieɖo…miaƒe towo ku na nububu ɖe sia ɖe negbe nusi gblɔm Gbɔgbɔ la le. Mikpɔea? “Amesi si to le (si le esem la), mikpɔea nusi gblɔm Gbɔgbɔ la le na hameawo”; amesi si nusemɔ̃ le, si léna nusi Gbɔgbɔ la le gbɔgblɔm na hameawo. Mikpɔea?

Míenye Eƒe nusémɔ̃ si le Nya ɖe sia ɖe lém hele exɔm le sesem. Ne Wòna mí ɖoɖo be: “Migblɔ nusi le nyaƒoka mawo dzi. MENYE Mawu ƒe Gbe na mi. Mieyɔam be miaƒe kplɔla, eye miele egblɔm nyuie, elabena eyae menye.” Míele woŋuti ŋudɔ wɔm. Nukake gblɔm Wòle la, ɖikeke ƒe vɔvɔli aɖeke mele afi aɖeke o; míeyia azɔli dzi ko. Nukake Aƒetɔ le gbɔgblɔm to Eƒe nyagblɔɖila dzi la, ame aɖeke meli le xexeame si ate ŋu ƒo nu na mí aɖe mí ɖa le me o, míeyina dzi nenema ke ko.

Azɔ míele gegem ɖe Xɔse Deblibo me, blibodede blibo si mate ŋu da ƒu o la me. Xɔse ma medana ƒu gbeɖe o.

Azɔ Xɔse Deblibo le míasi le Eƒe Nya me. Míele míaɖokuiwo dzi kpɔm o. Míele naneke vɔ̃m o, abe Hiob ene. Míele vɔvɔm esime míele ƒutsotsoe gãwo kpɔm hele toyim le tsi me abe Petro ene o. Ŋkeke mawo ŋu va yi.
AZƆ, míele Nya Deblibo ma si le agbe hele míame la dzi kpɔm. Míele gegem ɖe Ŋugbetɔ la ƒe nulékpɔ me. Míele gegem ɖe kɔkɔdzoe ƒe nɔnɔme me.

Ne míele gbedom ɖa la, míexɔna se be míexɔna nusi biam míele la, eye asu míasi; wole etsɔ ge na mí. Ɣeyiɣi, teƒe, nububu aɖeke mele etrɔ ge o. Míenyae bena wowɔe vɔ. Ekpan. Aleke míewɔ henyae? Elabena menye míaƒe Nya ye o, gake EƑE NYA, si Wòɖe gblɔ hetsɔ na mí ye. ŊUSẼ KPLE XƆSE DEBLIBO LE míasi be MÍAƉEE GBLƆ.

Tututu ko abe alesi Yesu wɔe na Eɖokui ene la, míele dzesi dem míaƒe tsitrenɔƒe; amesi míenye. Nu ɖeka si wòle be míawɔ ekema, yenye be míaɖo xɔse ɖe nusi míenye la me. Aɖo xɔse ɖe nusi NYA la le gbɔgblɔm be míenye la me! Ekema Mawu ƒe Nya la ava míame aɖaɖe Eɖokui ɖe go; elabena míenye xɔsetɔ. Eye xɔsetɔ nye “Mawu ƒe xɔse si le zɔ̃ ɖem le míame.”

Ke azɔ, míezu amesiwo wosi ami na kple Gbɔgbɔ ma ke, mesia siwo wosi ami na; ŋkeke mamlea ƒe mesiawo, be míana Yesu Kristo ƒe tsitretsitsi la nadze woakpɔ; be míatsɔ afia be Meku o, gake le Gbɔgbɔ Kɔkɔe ƒe nɔnɔme me la, Ele Eƒe dukɔ me; le agbasam le Eƒe Ŋugbetɔ dome, kple lɔlɔ̃ ƒe nuwɔna Nɛ, le Eɖokui trɔm ɖe, Eya me. Wole ɖeka zum na Srɔ̃ɖeɖe Nuɖuɖu la; eye dzesi mawo ke, si ƒe ŋugbe Mawu ma ke do, le Nya ma ke me la, le Eƒe ɖeɖeɖego mawo ke wɔm.

Naneke megasusɔ na mí be míawɔ o negbe be Míaxɔe se; eye le Exɔxɔ se me la Enye nuvavã la si wɔna Xɔse Deblibo la. Migase ema, LE EXƆXƆ SE ME LA ENYE NUVAVÃ SI WƆNA XƆSE DEBLIBO LA.

Ɖe lãmeka falɛfalɛ aɖe le wò ŋutilã me si keaɖi le Nya ɖeka ŋua: KPAO
Ɖee nèxɔ Nya ɖe sia ɖe dzi sea: Ẽ
Ɖee Wòna wò Gbedeasi sia ƒe Ɖeɖefia: Ẽ
Ɖee Ŋugbetɔ la ɖeka ko si Ɖeɖefia vavã la anɔa: Ẽ
Ɖee nènya be yenye Eƒe Ŋugbetɔa: Ẽ
Ɖee Wògblɔ be le Nya ɖe sia ɖe xɔxɔ se me la ana wò Xɔse Debliboa: Ẽ
EKEMA ENYE XƆSE DEBLIBO ŊUGBETƆ NYA LA!!

Oo Aƒetɔ dzra mí ɖo abe ɖe medzɔ kpɔ o ene esime míaƒoƒu ɖe du Kɔsiɖagbe be míase Wò Nya la. Kpeɖe mía ŋu be míagakpɔ míaɖokuiwo dzi gbeɖe ake o, gake míaxɔ Wò Nya si Nèɖe gblɔ na mí ko dzi se. Míekpɔ Hehe ƒe Ŋusẽ Etɔ̃lia le zɔɖeɖe me eye Míenyae be Ele míame. Elebe míanɔ Wò Nya ɖem anɔ gbɔgblɔm eye míanɔ edzi xɔm nɔ sesem.

Míenyae be Egbɔna le madidi me na Wò Ŋugbetɔ Nya Deblibo la. Nukakee míehĩa la, Fofo, NUKAKEE MÍEHĨA LA, míenya be míele Exɔ ge. Elabena Enye Wò Nya si Nèɖe gblɔ na mí vɔ xoxo. Naneke meli be woawɔ o negbe be WOAXƆESE. Míexɔese Fofo, míexɔse. Azɔ na míaɖezɔ ɖe WÒ NYA dzi.

Míele míaƒe gegewo, nuvɔ̃wo kple dzidadawo katã me ʋum. Kpɔ mí to Vi Wò ƒe Ʋu me afisi wotso afia na mí le to Wò Amenuveve kple nublanuikpɔkpɔ dzi.
Nà be tɔtrɔ aɖe nava Wò Ŋugbetɔ me abe esi medzɔ kpɔ gbeɖe o ene. Trɔ Wò Gbɔgbɔ Kɔkɔe ɖe míadzi eye tsɔ nusiwo katã hĩa mí la na mí.

Dɔlelelawo ahaya tso woƒe fukpekpewo katã me. Megbedela atrɔ gbɔ va Nya la gbɔ. Wò Ŋugbetɔ le xexea katã me akpɔ wò mɔ si wona na egbe eye wòaxɔse.

Ne ame aɖeke mele asiwò si ada asi ɖe dziwò o la…da asi ɖe ɖokuiwò dzi…xɔsetɔ ye nènye. Èzu Nya la, esime nèxɔ Nya la.

Va Aƒetɔ Yesu, Wò Ŋugbetɔ le eɖokui dzram ɖo le eɖokui siasia ɖe Wò ŋkume dzi, le tsitsim. Míedi be Wò Nya na do awu na mí aɖawɔ leke na mí.

Va si ami na mí abe esi medzɔ kpɔ o ene Kɔsiɖagbe sia le ŋdɔ ga 12 me, Jeffersonville ƒe game, esime wò Ŋugbetɔ ƒe akpa aɖe aƒoƒu ɖe du be yease WÒ naƒo nu aɖaɖe alesi míaxɔ: Xɔse Deblibo 63-0825E fia mí.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:

Marko Kɔkɔe 11:22-26/ 16: 15-18
Yohanes Kɔkɔe 14:12 / 15:7
Hebritɔwo 11:1 / 4:14
Yakobo 5:14
Yohanes I 3:21

Gbedasi: 63-0825M Aleke Mawɔ Aɖaɖudzii?

---

• 23-1203 Aleke Mawɔ Aɖaɖudzii?
• 22-0522 Aleke Mawɔ Aɖaɖudzii?
• 19-0818 Aleke Mawɔ Aɖaɖudzii?
• 17-0910 Aleke Mawɔ Aɖaɖudzii?

BranhamTabernacle.org

Ta Me Dzogbenya Lɔlɔ̃tɔ,

Alegbegbe míaƒe dziwo dzokpo kple dzidzɔ Kɔsiɖagbe esime míese míaƒe Aƒetɔ ƒo nu hegblɔ nusi le emevam fifia la na mí. Míele ɖeka wɔm kple Nya la eye míele ƉEKA zum kple Eyama. Madidi kura o míele ɖeka wɔ ge kple amekɔkɔe siwo dzo doŋgɔ na mí be míanɔ ƉEKA kpli wo. Emegbe míakatã le ƉEKA wɔ ge kple Kristo abe ƉEKA ene hena Alẽvi la ƒe Srɔ̃ɖeɖe Nuɖuɖu la.

Dzidzɔ kae yɔ míaƒe luʋɔwo fũ esime Wògblɔ na mí be míasusui le ɣeyiɣi ɖeka me, le aɖabaƒoƒo ɖeka me, xexeame gɔ hã manya nusi le dziyim o; gake kasia la, míele míaƒe lɔlɔ̃tɔ siwo dzo yi la kpɔ ge le míaƒe ŋkuwome, eye míagale ɖeka wɔ ge kpli wo ake.

Mɔkpɔkpɔ kae yɔ míaƒe dziwo me be míasusui be, kasia la, míele míatɔwo, míanɔwo, nɔviŋutsuwo, nɔvinyɔnuwo, srɔ̃ŋutsuwo, srɔ̃nyɔnuwo, viwo, gɔ hã míaƒe nyagblɔɖila kpɔ ge. MÍELE WO KPƆ GE, LE ŊUTILÃ ME!!

Míele enya ge tututu le ɣeyiɣi ma me be, yenye ESI; Ɣeyiɣi la de, míeva ɖo, EVƆ. Numuame to Ɖeɖefia me ƒe nya gblɔm mielea!! Esi mele susum bum hele nuƒom le eŋu fifia la, mele mia ŋkɔ sem miele ɣlidom, ŊUTIKƆKƆE, ALELUYA, WOAKAFU AƑETƆ LA ƑE ŊKƆ.

Ɣeyiɣi kae nye esia le míasi sum, míele azãɖum le lɔlɔ̃ leta sia siwo wogblẽ ɖi na mí ŋu. Lɔlɔ̃ leta siwo míate ŋu ɖe do go ɣesiaɣi si míedi aɖaxlẽwo ɖe dzi kple ɖe dzi ake kple ake. Menye ema ɖeɖeko o, gake ELOLOWU gɔ hã, míete ŋu le míaƒe Aƒetɔ la ŊUTƆ sem wòle nuƒom na mí to amegbetɔ ƒe nuɣiwo dzi hele gbɔgblɔm na mí be, “Medzra lɔlɔ̃ leta siawo ɖo ɖi na miawo ko, Nye dzi lɔlɔ̃tɔ. Menyae xoxo be ɣeyiɣi aɖe avava be ahĩa be yease Nye magblɔ alesi gbegbe Melɔ̃na wò eye nènye Tɔnye la na wò.”

“Medi be magblɔ na wò be gbe sia gbe ne futɔ la le ƒoƒom ɖe dzi wò, ne èle wò dodokpɔ kple tetekpɔwo me tom la, TƆNYEE NÈNYE.
Mexe fe la vɔ. Meɖu ɖe sia ɖe si wòɖanye dzi la vɔ…ɖee nèɖo TOMA lɔlɔ̃tɔ? NUKAKEE nèhĩa la, meɖudzi na wò vɔ, elabena melɔ̃na wò “.

“Menya mi do ŋgɔ hafi xexea aɖe nava nɔ anyi gɔ hã. Enye Nye akpa aɖe tso ƔEYIƔI ma me. Mele ŋku ɖom ema dzi fifia o, gake Meɖo ŋkui. Mègaŋlɔ nusi megblɔ na wò be o, ènye Ŋutilã tso Nye Ŋutilã me, Gbɔgbɔ tso Nye Gbɔgbɔ me, Ƒu tso Nye Ƒu me”.

“Ɣeyiɣi si ƒe nya Menɔ gbɔgblɔm na mi la va ɖo. Vevesesewo maganɔ anyi o, dodokpɔwo kple tetekpɔwo; ŋkekemawo ŋu va yi. Azɔ míawo ɖeɖeko ɖe du wònye le Mavɔmavɔnyenye me”.

“Milé dzi ɖe ƒo. Mikpɔtɔ nɔ dzi yim. Agudzedze la tu aƒe. Xaxaɣi siwo katã me tom nèle gbe sia gbe la ɖeko wòle wò tem ɖe Eyama ŋu wu ye.”

“Ne nane va dzi wò, eye èdze sese le ɖokuiwò me be ègbã gudugudu alegbegbe, ɖeɖi te ŋu wò eye nu tikɔ na wò, eye èdze abe ɖeko màgate ŋu kpɔtɔ ayi dzi o la, mele be nàŋlɔe be gbeɖe o, mele afima kpli wò tututu. Nye Nya le agbe le me Wò. Nye Nya ye nènye.”

“Megblɔ na wò be, ɖe Nya la gblɔ. Nusiwo katã dim miele la, ne miedo gbeɖa la, mixɔese bena Miaxɔe eye Asu miasi. Woatsɔe na mi. Meɖudi na mi vɔ”.

Gɔmesese kae le Nya siawo si na mí. Wolé na mí ɖe te gbe sia gbe. Ekɔa míaƒe Gbɔgbɔ dzi henana mí teƒe le Dziƒo nutowome kple Eyama. Agbe ko nɔm míele na Mawu kple Eƒe Nya la. Taɖodzinu ɖeka ye le míasi, eyae nye Yesu Kristo. Ema Godo la, nu bubu aɖeke megale vevie o.

Míelé Ŋutega la. Xɔmetsovɔ la heyi ɖe megbe eye míele Eyama Kpɔm, Eƒe Nya si zu ŋutilã, le nuƒom na mí to eƒe amegbetɔ ƒe nuɣiwo dzi. Míele lɔlɔ̃ me kple Nya sia, Gbedeasi sia, Gbe ma.

Va wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, eye nàwɔ wò agbe me ƒe numetoto gãtɔ kekeake. Ase alesi nàɖu aʋa ɖe sia ɖe si Satana tsɔa ɖona wò mɔ dzi. Nàyɔ wò dzi fũ kple dzidzɔ kpakple dzikpɔkpɔ esime nànyae be yenye Yesu Kristo ƒe Ŋugbetɔ.

Nɔvi. Joseph Branham

63-0825M Aleke Mawɔ Aɖaɖudzii?

Nyaɖeɖefia 3:21-22

Gbedasi: 63-0818 Ɖekawɔwɔ Ƒe Ɣeyiɣi Kple Dzesi

PDF

---

• 23-1126 Ɖekawɔwɔ Ƒe Ɣeyiɣi Kple Dzesi
• 22-0515 Ɖekawɔwɔ Ƒe Ɣeyiɣi Kple Dzesi
• 19-0811 Ɖekawɔwɔ Ƒe Ɣeyiɣi Kple Dzesi
• 17-0702 Ɖekawɔwɔ Ƒe Ɣeyiɣi Kple Dzesi
• 15-0909 Ɖekawɔwɔ Ƒe Ɣeyiɣi Kple Dzesi

BranhamTabernacle.org

Ŋutilã tso Eƒe Ŋutilã Me, Nya tso Eƒe Nya Me, Agbe tso Eƒe Agbe me, Gbɔgbɔ tso Eƒe Gbɔgbɔ Me,

Nɔvinye ŋutsu kple nyɔnu xɔasiwo, mixlẽ nyameʋuʋu ma ɖeka ma ake ake. Mixlẽ nusi Mawu Ŋutɔ yɔ mi fifia ko. Aleke amegbetɔ aɖe ate ŋu ŋlɔ nusi gɔme ema nye na mí le amegbetɔ ƒe nyagbe gblɔewo mee. Womateŋu ɖee gblɔ o. Ne ɖeko míate ŋu se egɔme keŋkeŋ aɖazae, kple míaƒe dzi, susu kple luʋɔ blibowo la, mexɔese vavã be anye ne Kɔkɔdzoe la va me.

Nukae le afima be woavɔ̃? Nukae le afima be ame na tsi dzimaɖi kuɖe eŋu? Satana le aʋawɔm tsitre ɖe míaŋu, le funyafunya wɔm mí, le dɔlelewo hem va míadzi, le ƒoƒom ɖe míaƒe susuwo dzi kple susu baɖa ƒomevi ɖe sia ɖe, gake naneke meli si ate ŋu wɔ vɔ̃ mí o. Ɖee nane ate ŋu wɔ vɔ̃ Yesua? KPAO, ekema nenema ke naneke mate ŋu wɔ vɔ̃ mí o. Egblɔ fifia ko be: MÍENYE Yeƒe Ŋutilã, Yeƒe Nya, Yeƒe Gbɔgbɔ.

Dzidzɔ kple akɔfafa kae nye esi le míasi le míaƒe dzime ne míele ŋugbledem le nusi Wòle gbɔgblɔm na mí dzi. Ɖeɖefiawo si Mawu le míanam, nyaƒoka ƒe agba, ɖe nyaƒoka ƒe agba, ɖe nyaƒoka ƒe agba dzi. Gbɔgbɔ Kɔkɔe le fiafiam le míame abe Tometsi Vudo la ene.

Woɖomí ɖi be míakpɔe eye Míasee. Míele eye míate ŋu ge alo woable mí o. Míele míaƒe mɔ dzi yina be míado go míaƒe Ta, míaƒe Xɔnametɔ, míaƒe Srɔ̃ŋutsu, míaƒe Fia, míaƒe Aƒetɔ, míaƒe Lɔlɔ̃tɔ, míaƒe Ɖela, le gododo Teƒe si wona mí la me!

Migase esia zi ɖeka ake lo: Mawunyenye ƒe blibodede La keŋkeŋ le MÍAƑE ŋutilã, Eƒe Hame la me, gbãnɔƒeawo. Nusiwo katã Mawu nye la, Etrɔe ɖe Kristo me; eye nusiwo katã Kristo nye la, wotrɔe ɖe Hame la me; míawo, Eƒe Ŋugbetɔ la. Menye nane si le dzɔdzɔ ge gbeɖeka ye o, EGBLƆ BE ELE MEVAM LE MÍAME FIFI LAA.

Ɖee miate ŋu bu eŋu kpɔa, tso keke ɣeyiɣi la ƒe gɔmedzedze me ke la, Mawu metsɔ Eƒe adzame nyaɣaɣla si nɔ Eƒe susume na ame aɖeke, va sẽ ɖe egbea o. Nukata Wòwɔ ema ɖo? Elabena Enɔ lalam be yeana MÍAWO míanyae le ŋkeke mamle siawo me abe alesi Wòdo ŋugbe ene. Enɔ lalam kpɔ mí. Enyae be míawoe nye ame Ɖeka si woateŋui, eye woase, EGƆME KEŊKEŊ… ŊUTIKƆKƆE!!!

Etia mí be míanye Yeƒe Ŋugbetɔ elabena Enyae bena míage o. Míele nya ma me lé ge ɖe asi meka nusi le xexeame ƒe susɔea katã si be wòagblɔ kuɖe Eŋu o. Míele Nya ma me lé ge ɖe asi ke NYA ma ƉEƉEKO! Woɖo mí ɖi be míanɔ tsitre ɖe afima. Míe NYE vi siwo Yesu Kristo xɔ.

Geɖe wu li gɔ hã. Mise nyuie lo…de fetsu ɖokuiwò. Ta la (Mawu) kple Ŋutilã la (Míawo) zu nu ɖeka. Enye Mawu si woɖe ɖe go le MÍA me.

• Mawu kple Eƒe Hame la le ƉEKA, “Kristo le MIA me.”
• Míe NYE Mawu ƒe Ɖeɖefia Gã la.
• Míetsɔ Eƒe Ŋkɔ gɔ hã; Eƒe Ŋkɔ yenye Yesu, Amesiamina la.
• MÍENYE Kristo ƒe Ŋutilã si wosi ami na la.
• MÍELE Mawu ɖem ɖe go abe alesi ŋutilã Ma wɔe ene.

Míenye Eƒe Ŋugbetɔ, si wodo fu kple Eƒe Gbɔgbɔ. Hame la, le viwo dzim, Eƒe Gbɔgbɔ la do fui wòle Eƒe Ŋkɔ tsɔm; le Eƒe Agbe tsɔm. Satana ƒe ŋuɖoɖo la le Míasi. Ta La le afisia. Kristo, Aƒetɔ si fɔ̃ ɖe tsitre la, le afisia le Eƒe Tsitretsitsi ƒe Ŋusẽ ma ke si me Wònɔna kokoko me, le Eɖokui ɖem ɖe go le míame, Eƒe Ŋugbetɔ Nya si Woɖe ɖe go la.

Mawu le Eƒe Ŋugbetɔ la wɔm ɖeka fifia. Ele wowɔm ɖeka le xexea katã me kple Eƒe Nya la, nu ɖeka si ahe Eƒe Ŋugbetɔ la va ɖe du. Gbɔgbɔ Kɔkɔe la le Eƒe Ŋugbetɔ la kplɔm hele ƒuƒome ɖe du. Le agbenɔɣi ɖe sia ɖe me, nyagblɔɖila nye Gbɔgbɔ Kɔkɔe la na woƒe ŋkeke la.

Mibu esia ŋu kpɔ. Ne amewo le gbɔgblɔm be míele gbetem ɖe dɔla gbedeasitsɔla adrelia dzi akpa la, miɖo ŋku dzi be, Mawu Ŋutɔ de EƑE NYAƔAƔLAWO KATÃ siwo Wòlé ɖe Eƒe Susume hafi xexea aɖe gɔ hã na nɔa anyi, Eƒe dɔla gbedeasitsɔla adrelia ƒe asiwo me. Mawu Ŋutɔ kaɖe Ŋutsu sia dzi 100%, alegbegbe be Ede Eƒe nuwuɣi Ɖoɖo gã la eƒe asiwo me. Ena eyama…MISE, ENA EYAMA Eƒe nyaɣaɣlawo ƒe Ɖeɖefia ŋutsu ma. Ena ŋutsu ma nusiwo womeŋlɔ gɔ hã o ƒe Ɖeɖefia. Egblɔ be nukake wògblɔ le anyigba dzi la nɔ vevie alegbegbe be, Wole gbeɖiɖi ma ke gbugbɔ gblɔ ge le dziƒo.

Ɖikeke aɖeke meli o be Mawu dɔ ŋutsu siwo yɔ fũ kple Gbɔgbɔ Kɔkɔe la le xexe sia me. Gake ŋutsu siawo dometɔ ɖe sia ɖe, togbɔ be woyɔ fũ kple Gbɔgbɔ Kɔkɔe la, wotɔ mate ŋu dzɔ o fãa. Mawu meɖona kpe nusi gblɔm wole dzi be enye Ale Aƒetɔ La Gblɔ Esi, hegblɔ na mi be miaxɔ Nya ɖe sia ɖe dzi se o. Ame ɖeka koe li si si tɔtete le tso Mawu gbɔ, Eƒe dɔla gbedeasitsɔla adrelia ye.

Miate ŋui, eye elebe, pastɔ nanɔ miasi. Gake ne pastɔ ma mele egblɔm na mi be MAWU ƑE GBE le nyaƒokawo dzi yenye GBE VEVIETƆ SI WÒLE BE WOASE, eye wòde GBÃ miaƒe ŋkume esime wòanɔ esem kpli mí, menye anɔ gbɔgblɔm na mi ko be esiae nye nusi nyagblɔɖila gblɔ o la, pastɔ gbegblẽtɔ yema le miasi.

Amekakee le miakplɔm la, ne gɔ hã miele gbɔgblɔm be Gbɔgbɔ Kɔkɔe ye wònye la, anyo na mi wu be mianɔ ɖeka wɔm kple Gbedeasi sia, Gbe Ma, abe alesi Wònye Gbe Ɖeka si te ŋu gblɔ be, “MENYE MAWU ƑE GBE NA MI”.

Ne woɖo mi ɖi be Miakpɔe la, miele Ekpɔ ge. Ne mele nenema o la, miele ekpɔ ge gbeɖe o; womeɖo mi ɖi be miakpɔe o.

Míekpɔ dukɔwo le ɖeka wɔm, míekpɔ xexeame le ɖeka wɔm, míekpɔ hamewo le ɖeka wɔm. Míekpɔ Ŋugbetɔa le ɖeka wɔm, le ɖeka wɔm kple Nya la. Nukaŋutie? Nya lae nye Mawu. Eye esi Nya la…Esi Ŋugbetɔsrɔ̃la (nye Nya la), eye Ŋugbetɔla (nye Nya la sela), Woƒo ƒu le Ɖekawɔwɔ me. Wowɔ ɖeka abe srɔ̃ɖeɖe ene. Mikpɔea, Wole dzadzram ɖo na srɔ̃ɖeɖe, eye Wo—Wozu Ɖeka. Nya la zu wò, wò èzu Nya la. Yesu gblɔ be, “Le ŋkeke ma me miadze sii. Nusi katã Fofo la nye la, Menyee; eye nusi katã Menye la, mienyee; eye nusi katã mienye la, Menyee. Le ŋkeke ma me la miadze sii bena Mele Fofo la me, Fofo la le Menye, Nye hã mele mia me, eye miawo miele Menye.”

Mele miakpem be miava wɔ ɖeka kpli mí le Mawu ƒe Gbe ŋu Kɔsiɖa sia gbe le ŋdɔ ga 12 me, Jeffersonville ƒe game, esime míase, Ɖekawɔwɔ Ƒe Ɣeyiɣi Kple Dzesi 63-0818.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:

Psalmowo 86:1-11
Mateo kɔkɔe 16:1-3

Gbedasi: 63-0728 Kristo Yenye Mawu Ƒe Nyaɣlaɣla Si Woɖe Fia

---

• 23-1119 Kristo Yenye Mawu Ƒe Nyaɣlaɣla Si Woɖe Fia
• 22-0508 Kristo Yenye Mawu Ƒe Nyaɣlaɣla Si Woɖe Fia
• 20-0705 Kristo Yenye Mawu Ƒe Nyaɣlaɣla Si Woɖe Fia
• 19-0728 Kristo Yenye Mawu Ƒe Nyaɣlaɣla Si Woɖe Fia
• 17-0723 Kristo Yenye Mawu Ƒe Nyaɣlaɣla Si Woɖe Fia

BranhamTabernacle.org

Nyagblɔɖila Ƒe Dzi Ƒe Lɔlɔ̃tɔ Vevietɔ,

Woawoe nye a—amesiwo wodi na Wò, to Gbɔgbɔ la kple to Nyateƒe ƒe Nya la dzi. Eye mele gbedom ɖa be Nàyra wo, Aƒetɔ, eye léwo ɖi ɖe du kplikplikpli kple Kristo ƒe lɔlɔ̃ ƒe bablawo.

Midzraɖo, míele yayrawo, amisisiwo kple Ɖeɖefia xɔ ge wu tsã. Míele woŋkɔ sem le míaƒe luʋɔwo me, nane le mɔ dzi gbɔna. Game la su. Míele dzidzɔ me alegbegbe hele mɔkpɔkpɔ gãwo me. Ŋugbetɔ la le xexea katã me le ƒuƒom be yease Gbedeasi aɖe si le míakɔ ge yi kɔkɔƒe yeyewo, aɖayɔ mí fũ, agayɔ mí fũ, eye emegbe la agbugbɔ yɔ mi fũ kple Eƒe Gbɔgbɔ Kɔkɔe tso Mawu ƒe fiazi la me.

Ŋɔŋlɔ le eme va ge. Toklãnana va me. Ʋɔŋudɔdrɔ̃ tu aƒe. Aƒetɔ la gbɔna be yeayɔ Yeƒe Ŋugbetɔ yiɖe míaƒe Srɔ̃ɖeɖe Zã la me. Yɔyɔ mamlea ɖi. Mawu ƒe vava va ɖo. EGBƆNA NA MÍ.

Míenye Eƒe Nuku si woɖoɖi si le Ekpɔm helɔ̃ Xɔe. Wogbã míaƒe nuvɔ̃wo, wobu. Wogeɖe Yesu Kristo ƒe Ʋu ƒe nuŋlɔtsi me, eye mele be woagaɖo ŋku wo dzi gbeɖe o. Mawu ŋlɔ WOKATÃ be. Míele tsitre abe Mawu ƒe viŋutsu kple vinyɔnu, le Mawu ƒe ŋkume ene. Míenyee FIFIA…menye miavanyee o; míenye Mawu ƒe viŋutsuwo kple vinyɔnuwo.

Míele dzesi dem nu ɖeka, NYA LA. NYAƑOKAWO. GBEDEASI SIA. Wole ɖeka.

Eye zi ɖeka ake, ɣeyiɣi aɖe koe nye esi, esime Ètsɔ ŋutega la fia, agbadɔ sue la le afisia, kuɖe woadzra Nuɖuɖu la ɖi, bena ɣeyiɣi aɖe gbɔna esime wole esia katã hĩa ge ŋu… “Dzra Nuɖuɖu sia ɖi ɖe afisia na ɣeyiɣi la.

Ɣeyiɣi lae nye esi. Nuɖuɖu lae nye Esi. Míawoe nye dukɔ la. Ɖeɖefia la le Míasi.

Bubuwo ate ŋu da Nyaƒoka Subɔsubɔdɔ la ƒe asixɔxɔ ƒu. Míawo ya o. Míaƒe agbewo ye, enye nu sia nu na mí. Ewu agbe na mí. Ne míeɖo biabia aɖe kuɖe nane ŋu la, míeyina ɖabiana ame aɖe be neɖe egɔme na mí, alo wòadii na mí o. Ɖeko míewɔna tututu abe alesi Mawu ƒe dɔla fia mí be míawɔe ne míele nugɔmesem o alo ne biabia aɖe le míasi ene.

Ɖee miese egɔmea? Ne mieda ƒu la, mitrɔ gbɔ va nyaƒoka sia gbɔ ake. Nyemenya va sẽ ɖe ɣekaɣie maganɔ anyi kpli mi o. Miɖo ŋku dzi, Nyateƒe lae nye esi, kuɖe ALE AƑETƆ LA GBLƆ ESI ŋu. Nyateƒe Lae. Ŋɔŋlɔ lae Wònye.

Ne mieda ƒu la, mitrɔ gbɔ va nyaƒoka la gbɔ.

Migakpɔ dziku ɖe míaŋu o, nusi WÒGBLƆ lae ma…KPEƉE, esiae nye ALE AƑETƆ LA GBLƆ ESI ƑE NYATEƑE la ŋu. Megblɔ be Eƒe akpa aɖe, Eƒe ɖe, alo ne ame aɖe ɖe nusi nye Nya si wosi ami na kple esi menyee o la o. NYAƑOKAWO NYE ALE AƑETƆ LA GBLƆ ESI.

Ɖewomahĩ miate ŋu Lée, alo ase Egɔme o alo womekpɔ Ɖee fia mi haɖe o. Gake na míawo ya la, nusi gblɔm WÒLE na mí to Eƒe nyagblɔɖila dzi yenye esi.

Ènya alesi ègblɔa nuwo na srɔ̃wò, nyɔnuvi sue si ɖe ge nàla la. Èlɔ̃nɛ alegbegbe, ɖeko ègblɔna nyaɣaɣlawo nɛ, eye nènana wònɔa wò axadzi, eye wòlɔ̃na wò kple nu sia nu. Mienya alesi wòle.

Nusi Mawu, Kristo, le wɔwɔm na Hame lae ma. Mikpɔea? Ena Wòle nyaɣaɣlawo nyam, nyaɣaɣlawo ɖeɖeko. Menye ahĩadzela siawo o; Esrɔ̃a Ye gblɔm mele.

Ke ɖeko míele Wokatã xɔm de eme ko. O alesi gbegbe Ŋugbetɔ aɖe dzɔadzi hetina dzodzodzoe doŋgɔ na eƒe srɔ̃ɖeɖe tututu. Bebli hafi míate ŋu zi kpoo. Míele minitiawo ɣlẽm…. aɖabaƒoƒoawo. Eyi edzi kpɔtɔ le egblɔm na mí ɖe dzi kple ɖe dzi ko alesi gbegbe Wòlɔ̃na mí.

Satana kpɔtɔ le ƒoƒom ɖe míadzi wu tsã ŋutɔ, gake nusi medzra ɖo ɖi na o la, yenye be fifia la míe NYA amesiwo míenye. Ɖikeke aɖeke megali o, MÍAWOE NYE NYA SI WOƉE GBLƆ LA. Míate ŋui, eye míele ewɔm, le Nya la ɖem le gbɔgblɔm. Ŋuɖoɖo le míasi na Satana. Mawu ɖo kpe Eɖokui dzi. Míenye Eƒe Nya gbagbe la eye míele nuƒom kple tɔtete si Wòna mí la.

Azɔ Yenye esia egbe, le Eƒe Nya me, le numake si Wòwɔ le afima la ɖem ɖe go. Mate ŋu de dzesi tanyenye bubu aɖeke o. Kpao, amegã. Bishɔf aɖeke meli o, naneke kura o. Ele dzesi dem Tanyenye ɖeka, Kristo ye ma, eye Kristo yenye Nya la. Oo, míatɔwo! Whew! Melɔ̃a ema. Uh! Ẽ, amegã.

Míenye Fiaɖuƒe aɖe me tɔ, ke Fiaɖuƒe lae nye Mawu ƒe Nya si zu Gbɔgbɔ kple Agbe le míaŋutɔ ƒe agbe me. Le esiata, míenye Eƒe Nya gbagbe la.

Le nyateƒe me la esia le nyawo KATÃ gblɔm xɔ̃nyewo, NE ƉEƉEFIA VAVÃTƆ LA LE MIASI BE MIAXƆE EYE MIAXƆE SE.

Mide dzesi azɔ, míwɔ ɖeka ɖe du le Tanyenye ɖeka te, abe, gbaɖegbe Israel ene. Azɔ miele egɔme sema? Abe gbaɖegbe Israel ene; Mawu ɖeka, si dzi woɖo kpe kple Dzo Lilikpo, eye Wòɖe Eɖokui fia to nyagblɔɖila aɖe dzi, be wòanye Nya la. Mawu ma ke, Dzo Lilikpo ma ke, le nɔnɔme me ma ke dzi; Mate ŋu trɔ Eƒe mɔ o. Enye be…Ede blibo ko alesi wòate ŋui.

Nyagblɔɖila la… mina esia negeɖe me. Mawu ɖeka, si dzi woɖokpe kple Dzo Lilikpo, to nyagblɔɖila aɖe dzi, be enye Nya la na ŋkeke ma, eye Mate ŋu trɔ o.

Mate ŋu ayi dzi agayi dzi, eye míate ŋu dzɔdzi aɖadeka kple numegbe ɖe numegbe dzi; eye míele ewɔ ge, le xexea katã me Kɔsiɖagbe sia le ŋdɔ ga 12 me, Jeffersonville ƒe game, esime míase: Kristo Yenye Mawu Ƒe Nyaɣaɣla Si Woɖe Fia 63-0728.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:

Mateo kɔkɔe 16:15-17
Luka Kɔkɔe Ta 24lia
Yohanes Kɔkɔe 5:24 / 14:12
Korintotɔwo I ta 2lia
Efesotɔwo Ta 1
Kolosetɔwo Ta 1
Nyaɖeɖefia 7:9-10

Gbedasi: 63-0724 Mawu Meyɔna Ame Va Ʋɔnudɔdrɔ̃ Me Le Toklãnana Eyama Manɔmee Gbã O

---

BranhamTabernacle.org

Gaƒoɖokui Tometi sue, Tometi gã, Agbledela & Nyɔnu Aƒedzikpɔla Lɔlɔ̃tɔwo,

Nukake ye wònye si le Mawu si na mi be miawɔ la, dzikpɔkpɔ le miasi ɖe ema dzi. Elebe miana akɔŋta Mawu ɖe eta. Meka alesi futɔ la le gbɔgblɔm na mi be mieɖi naneke o la, miele vevie na Mawu alegbegbe be Eƒe wɔti gã la mate ŋu wɔ dɔ miawo manɔmee o.

Eyɔ mi, tia mi, ɖo mi ɖi, eye wòna mi Eƒe nuwuɣi ƒe Gbedeasi gã la ƒe ɖeɖefia. Eɖo ŋu ɖe miaŋu 100%. Miawoe nye Yesu Kristo ƒe Ŋugbetɔ ŋutɔŋutɔ, Eƒe Dzi lɔlɔ̃tɔ, eye Wòlɔ̃na mi ŋutɔ.

Enana toklã madzudzɔmadzudzɔe amewo le dukɔwo katã me be, “Mitrɔ dzi me, alo miatsrɔ̃”, “Mitrɔ gbɔ va Nya la gbɔ”, “Midzraɖo, nane le dzɔdzɔ ge.” Ɣeyiɣi ma va ɖo mlɔeba. Mawu gbɔna na Eƒe Ŋugbetɔ la, tututu ko abe alesi Wòdo ŋugbe be yeawɔe ene. Eyɔ Eƒe Ʋufɔti la do go le ʋufɔti la me.

Geɖewo tra mɔ le Mawu ƒe nuwuɣi ƒe Gbedeasi gã la gbɔ egbea, le gbɔgblɔm be, “nusi wògblɔ be adzɔ la, meva me o. Nuwo katã le nenema ke. Dzidzimewoe va yi hafi Mawu ƒe nyagblɔɖilawo ƒe nyagblɔɖi geɖewo va me. Gake evame tso, tututu abe alesi wogblɔe ene. Nya ɖe Nya dzi.

Eƒe Biblia gblɔ na mí be: Abe alesi wònɔ le Noa ƒe ŋkekewo me ene la, nenema ke wòanɔ le Amegbetɔ Vi la ƒe vava me”. Hafi Mawu nadɔ eƒe ʋɔnudɔdrɔ̃ ɖa be yeatsrɔ̃ xexeame le tsiɖɔɖɔ ƒe agbenɔɣi gã ma me la, Mawu dɔ nyagblɔɖila aɖe ɖo xexeame. Nukae nyagblɔɖila ma wɔ?

Edzra amewo ɖi na ɣeyiɣi la. Noa dzra amewo ɖi, ke enye nublanuikpɔkpɔ ƒe yɔyɔ do ŋgɔ na ʋɔŋudɔdrɔ̃ la.

Noa dzra amewo ɖi hafi ʋɔŋudɔdrɔ̃ la va enawo toklã kuɖe eŋu. Enye Mawu ƒe Mɔ si wòta na ŋkeke ma.

Mawu ƒe nyagblɔɖila gblɔ na mí be Mawu metrɔna Eƒe ɖoɖo gbeɖe o. Nusi Wòwɔ le ɣeyiɣi ma me la, Egale ewɔm egbea. Ɖeko míele ANYI NƆ GE KPLE ƉOƉO SI MAWU NA EGBEA EYE MÍAZI PLAY.

Abe ɣeyiɣi ma me ene la, amewo gblɔna be míetena gbe ɖe Mawu ƒe nyagblɔɖila dzi akpa; Gbɔgbɔ Kɔkɔe Wònye, menye William Branham ye o. Míegblɔna be, AMEN, menye amegbetɔ ƒe nyae sem míele o, nusi EYA GBLƆ ko sem míele.

Gbɔgbɔ Kɔkɔe lae nye Nyagblɔɖila na gaƒoƒo sia; Ele kpe ɖom Eƒe Nya dzi, hele Eɖem fia. Gbɔgbɔ Kɔkɔe nye Nyagblɔɖila le Mose ŋɔli. Gbɔgbɔ Kɔkɔe nye Nyagblɔɖila le Mixa ŋɔli. Gbɔgbɔ Kɔkɔe, si ŋlɔ Nya la, va heɖo kpe Nya la dzi.

Gake Nɔviŋutsu Branham gblɔ na mi kɔsiɖa si va yia me pɛ be;

Azɔ, mikpɔea, mikpɔ nyuie kokoko na nusi sem miele la. Mikpɔea? Geɖewo le eme akpa wɔe bena amegbetɔ ƒe akpa ko wònye

Nyemegblɔe bena Aƒetɔ la gblɔ ema nam o. “Me” xɔese, mikpɔea. Eye mexɔese be mele be woawɔe o.

Na nye kple nye aƒe ya, matsɔ nusi Mawu ƒe dɔtsɔla kple gbedeasitsɔla adrelia XƆNASE, SUSUNA ALO GƆ HÃ SENA LE EƉOKUI ME le mawunyagblɔla, bishof alo ame bubu ɖe sia ɖe ta me.

Amekae Mawu dɔ kpɔ be wòadrɔ̃ ʋɔŋu nusi Yeƒe nyagblɔɖila xɔase, sena le eɖokui me alo susuna gɔ hã be wogbɔɖe me alo womegbɔ ɖe eme o hã?…Mina magblɔ amesi mesusu be eyae la na mi.

Mikpɔ Kora, le ŋkeke siwo me Mawu dɔ Mose kple gbedeasi ɖa la ɖa, ke Kora kple Datan bu susu, va Mose gbɔ, hegblɔ be, “Azɔ, lala vie, ele gbe tém ɖe ɖokuiwò dzi akpa! Èsusui be wòenye kpe ɖeka si le aƒua ta; kpakpaxe si le ba me, woénye ɖeka si li. Mana nànyae be ame bubuwo li siwo hã le, kɔkɔe!”

Toklãnana, ʋɔŋudɔdrɔ̃ tu aƒe. Mitrɔ gbɔ va GƆMEDZEDZE NYA la gbɔ. Mitrɔ gbɔ va Mawu ƒe Gbe si dzi woɖo kpe na míaƒe ŋkeke kpɔ. Mitrɔ gbɔ va Mawu ƒe nyagblɔɖila gbɔ. Gbedeasi sia, Eƒe Gbe. Elebe Wòanye GBÃTƆ kple nu vevietɔ la na mi.

Ɖikeke aɖeke meli be gbe, kple yɔyɔ le bubuwo si, be woaɖe gbeƒã aɖafia Gbedeasi sia o. Gake Nyaƒokawo, Gbe ma, elebe wòanye Gbe vevietɔ si miate ŋu se le miaƒe aƒewo me, miaƒe ʋuwo me, eye vevietɔ la, le miaƒe hamea me, ne miedi be mianye Mawu ƒe Ŋugbetɔ.

Miva se Gbe ma kpli mí Kɔsiɖagbe le ŋdɔ ga 12 me, le Jeffersonville ƒe game, esime Mawu ƒe nyagblɔɖila anɔ toklã nam xexeame bena Aƒetɔ la ƒe vava tu aƒe. Esia ate ŋu anye zi mamletɔ la.

Nɔvi. Joseph Branham

Mawu Meyɔna Ame Va Ʋɔnudɔdrɔ̃ Me Le Toklãnana Eyama Manɔmee Gbã O.
63-0724

Ŋɔŋlɔ siwo woaxlẽ do ŋgɔ na takpekpe la:

Yesaya 38:1-5
Amos Ta 1