Hame geɖewo tsaka, tɔtɔ, tɔzi, ɖo kuxi, xaxa, womenya alesi woawɔ o, eye gɔmesese ŋutɔ gɔ hã mele wɔasi kuɖe nusi le dzɔdzɔm ɖe “Nyaƒoka Tɔ” siawo dzi le xexea katã me Kɔsiɖagbe ɖe sia ɖe o.
Enye Kristo Ƒe Ŋugbetɔ ƒe Ɖekawɔwɔ Makpɔmakpɔ la, míenɔ anyi ɖe Vi la ƒe Ŋkume, le tsitsim, le míaɖokuiwo dzram ɖo. Míaƒe Dziƒo Ŋugbetɔsrɔ̃ la le nusianu gblɔm na mí kuɖe míaƒe Tsɔme Ƒe kple Eyama Ŋu.
Kɔsiɖa ʋee aɖewo koe nye esi Wògblɔ na mí be: “Xexe sia menye miaƒe Aƒeme o, Satana Ƒe Eden ye, eye Mele etsrɔ̃ ge kple dzo. Ènye Nye dzi lɔlɔ̃tɔ, amesi Metia do ŋgɔ na xexeame ƒe gɔmeɖoanyi be wòanye nye Ŋugbetɔ. Azɔ, Kɔsiɖagbe sia la, mele nu sia nu gblɔ ge na wò tso Nye Kɔkɔdzoe si gbɔna le medidi me ŋu.”
Míele mɔkpɔkpɔ gã aɖe tɔgbe me alegbegbe. Míele eŋkɔ sem le yame. Nuwo le mevam kabakaba ŋutɔ.
Nusi ko Biblia gblɔ be adzɔ le ŋkeke sia me la, ele dzɔdzɔm, gbe sia gbe. Tsyo, ele emevam kabakaba alegbegbe le egodo afima, le gbedadaƒo mawo me, eye nuwo le dzɔdzɔm, si nyemegate ŋu le dzidom le tsɔtsɔm o. Míegogo Yesu ƒe Vava, be míawɔ ɖeka kple Eƒe Hame la, afisi Nya la zu Nya la le.
Esia katã le emevam na mí, Eƒe Aƒenɔ Tiatia la, ŋkeke sia ƒe Ŋugbetɔ la. Míawoe nye ame ɖeka siwo le nusiawo kpɔm wole ʋuʋum.
Eɖom mí ɖi na agbenɔɣi sia eye ame bubu aɖeke mate ŋu xɔ míaƒe teƒe o. Azɔ míenye viŋutsu kple vinyɔnuwo si woɖe ɖe go alebe míate ŋu do ka kple Eyama; nusi dim Wòle yema.
MÍENYE Nya ɖe Nya dzi, agbekui ɖe agbekui dzi, Agbe ɖe Agbe dzi, kple Aƒetɔ Yesu Kristo ƒe Ŋugbetɔ ƒe nɔnɔme deblibo la.
Ne èɖo hiahĩa aɖe la, Ɖee gblɔ. Ènye Nya ɖe Nya dzi. Mègakpɔ viviti dodo si ƒo xlã mí kpe ɖo le xexeame dzi o; dɔlele, dɔvɔ̃, hlɔ̃biabia, dziɖeleameƒo, amesiwo menya be yewonye ŋutsu alo nyɔnu o ƒe tagbɔgbegblẽ. MÍENYE ŊUGBETƆ LA, woɖo mí ɖi, wotso afia na mí, Aƒetɔ Yesu Kristo ƒe Ŋugbetɔ si woɖe ɖe go.
Migavɔ̃ NANEKE o. Mikpɔ dzidzɔ eye midzɔdzi. Ɣeyiɣi la tu aƒe. Míele dzadzraɖo wɔm be míadzo le dɔvɔ̃ƒe sia me, ŊUTIKƆKƆE!!!
Va dzra ɖo kpli mí na Kɔkɔdzoe La, Kɔsiɖagbe le ŋdɔ ga 12 me, Jeffersonville ƒe game. Màganye amema ke kpɔ gbeɖe o.
Nukae nàge nàla be Aƒetɔ Yesu nava wò aƒe me Kɔsiɖagbe sia, anɔ anyi ɖe wò aba dzi, akpɔ wò ŋkume, ŋkuviwòwo me gãa eye wòaƒo nu na wò teŋ mahã?
Màte ŋu aƒo nu o. Màdi be yeaƒo nu o. Nusiwo katã nàdi be yeawɔ lae nye nànɔ Eyama kpɔm ko anɔ avifam. Nàvɔ̃ ŋutɔ gɔ hã be yeake nu. Nukae nàte ŋu gblɔ? Le wò susume la nànɔ susum be, Aƒetɔ, nyemedze kura be Wò nànɔ afisia le nye aƒeme o. Nyee nye vloetɔ kekeake le vloetɔwo dome. Meɖe dzi le ƒo na Wò zi geɖe Aƒetɔ, gake Aƒetɔ, melɔ̃a Wò alegbegbe.
Àde dzesi le wò dzi me ekema be, Enya nusi susum mele tututu, naneke mele ɣaɣla Dee o. Enya nye dzi ƒe nyaɣaɣlawo tututu.
Esime nànɔ Eƒe Ŋku xɔasiawo me kpɔm tututu la, àkpɔ lɔlɔ̃ kple dɔmetɔtrɔ. Anɔ nuƒom na wò esime make Eƒe nu ŋutɔ hã o. Ànɔ susu bum be, Ele afisia nyateƒetɔe, le nye aƒe me, kplim.
Wò dzi adze dzu sisi wu ŋutɔ gɔ hã, esime nàkpɔ be Edi be yeagblɔ nane na wò. Kasia la, Gbe vivitɔ kekeake si nèse kpɔ la agblɔ be, “Nye dzi lɔlɔ̃tɔ, mègaxa nu o, wò ŋkɔ le Nye Alẽvi la ƒe Agbe ƒe Agbalẽ la me. Menye wò kodzogbeme ƒe ɖekawɔwɔ ƒe agbalẽ xoxo la o, gake Nye Ŋugbetɔ ƒe Agbalẽ yeye la. Enye wò srɔ̃ɖeɖe ɖeseɖigbalẽ Kplim.
Nye lɔlɔ̃tɔ kekeake, menye wò nuvɔ̃wo katã kple wò gegewo koe wotsɔ ke wò o, gake na Nyea la, wotso AFIA na wò. Le Nye Ŋkuwo me la, mèwɔ nugbegblẽ aɖeke kpɔ o.
Mienye Nye viŋutsuvi kple vinyɔnuvi xɔasi, dzadze, si ŋu nuvɔ̃ aɖeke mele o. Miele tsitre xele dzadze; Nye Ŋugbetɔ atiatia si wolé tsi na kple Eŋutɔ ƒe Ʋu ƒe Tsi la.
Mienye Nye viŋutsuwo kple vinyɔnuwo, hafi gɔ̃ ɣleti, ɣletiviwo, alo yakuia ɖe hã nava nɔ anyi. Nyenye siwo nɔ Menye le gɔmedzedzea me la ƒe ɖeɖeɖego kodzogbetɔ mienye.
Wò agbekui gbɔgbɔmetɔ nɔ Menye, elabena ènye Nye tamesusu, Nye nyenyewo ƒe ɖeɖeɖego. Mienɔ Menye gɔ hã do ŋgɔ na xexeame ƒe gɔmeɖoanyi.
Ènye Nye Ŋugbetɔ gbɔgbɔmetɔ si nɔ anyi ɖe Vi la ƒe Ŋkume, si le tsitsim, to Nye Nya sese dzi. Azɔ èdze nyɔnyɔ aɖe ɖoɖo gɔme, le tɔtrɔm gbɔ va hele ɖokuiwò dzɔm ɖe fli dzi kple Nye Nya. Ènye Nye Aƒenɔ Tiatia la.
Fifia la èle gbɔgbɔme ƒe ɖekawɔwɔ wɔm kplim. Wò ŋutilã le Nya zum; eye Nya la le ŋutilã zum; woɖe ɖe go heɖo kpe edzi. Nusi Megblɔ na mi be adzɔ le ŋkeke sia me la, ele dzɔdzɔm, gba wo tso gbe. Nya la le Nya la zum.
Ɖeɖefia vavã la le Asiwò na ŋkeke mamle sia: Nye Ŋugbetɔ ƒe ƒuƒoƒo ɖe du to Gbedeasi sia dzi. Nyemedo Eƒe ŋugbe le agbenɔɣi bubu aɖeke me kpɔ o. Medo Eƒe ŋugbe na wò, le agbenɔɣi sia me: Maleaxi 4, Luka 17:30, Yohanes 14:12, Yoel 2:38.
Míele Akpedavɔsa ƒe Azã ɖu ge Kɔsiɖagbe sia esime Mele geɖe gblɔ ge na wò wu ŋutɔ gɔ hã. Mele gaƒoƒowo me to ge kpli wò, anɔ kadom kple azã ɖum kpli wò le Nye Nya dzi. Magbugbɔ ka ɖe edzi na wò be le anyinɔnɔ kple Nye Nya, Nye nyagblɔɖila, Nye Gbe, Play Zizi me la, èle Nye Lɔlɔ̃nu deblibo me.
Megblɔ na wo le Nye Nya me be, Mele ʋɔtrua ŋu, eye mele eƒom. Ne ame aɖe se Nye GBE, eye wòʋu ʋɔtrua la, Mage ɖe eyama me, eye Maɖu nu kplii, eye eya Kplim. Geɖewo medi be yewoase eye yewoaʋu yewoƒe ʋɔtrua nam o, gake le Ɖeɖefia me la, èʋu wò ʋɔtru eye nèkpem be Mage ɖe me.
Womelɔ̃ ɖe Nye Gbe ƒoƒo dzi le woƒe hameawo me o. Ne ɖe ko woate ŋu ɖe asi le Gbɔgbɔ Kɔkɔe ŋu wòadzro woƒe susuwo me kpɔ kple Nya la, anye ne woalɔ̃ ɖe edzi. Mina Kristo, Nya si wosi ami na, wòadzro miaŋutɔ ƒe dzitsinya me. Mina Eyama wòage ɖe eme, mikpɔ be ɖe Ema le eteƒe alo o mahã.
Megblɔe na wò be manye kɔmahatsɔŋkɔ be mahe wò va ɖe du o, wometeŋu le lɔlɔ̃m ɖe Nya ɖeka alo eve dzi le Biblia me o. Ɖee Megblɔ na wò kpɔ be anye amewo ƒe hatsotsoa? Kpao! Megblɔ na mi be Enye Ame ƉEKA ƒe Gbedeasi; eye nèse hewɔ ɖe dzi.
Esime womedi be yewoase eye yewoalɔ̃ ɖe nye gɔmedze ɖoɖo la dzi le gɔmedzedzea me o ta la, Medɔ mawunyagblɔlawo, nufialawo, apostolowo, kplɔlawo kple nyagblɔɖilawo ɖo ɖe wo. Gake wodɔ wo ɖo ɖa be woafia asi amewo GBƆ va nye gɔmedze ɖoɖo deblibo la, Nye dɔla sesẽ gbɔ. Elabena Enye Mawu ƒe Gbe na mi.
Wosi ami na wo, gake NYAGBLƆƉILA GBEDEASITSƆLA ƉEKA KOE LE Asinye BE WÒAKPLƆ WÒ. GBƆGBƆ KƆKƆE YENYE NYAGBLƆƉILA LA. Ɖee Nyemegblɔe na wò zi geɖe be, NYE NYA SI WOƉE GBLƆ TO EYAMA DZI MEHĨA GƆMEƉEƉE AƉEKE O, GATSƆ ƉEKE KPEE ALO GAƉE ƉEKE ƉA LE ME O, GBLƆ NUSI WOGBLƆ LE NYAƑOKAMAWO DZI OA? Nyagblɔɖila yenye ma, Gbɔgbɔ Kɔkɔe la le wò kplɔm.
Eyae nye amesi Medɔ be wòayɔ Nye Ŋugbetɔ doe. Eyae nye amesi wòle be wòakplɔ wò ɖo Nye ŋkume. Eyae nye amesi Menɔ tsitre Kplii esime Mefia wò, Nye Ŋugbetɔ ƒe ŋgɔdonukpɔkpɔ eyama. Megblɔ nu sia nu na wò kuɖe eyama ŋu le Nyaɖeɖefiawo me esime Megblɔ be, Nye Yesu medɔ NYE DƆLA ɖo ɖa be woaɖi nusiawo be ɖase na mi LE HAMEAWO ME. NYEE Wònye, eƒe ŋutilã kple eƒe gbe ko zãm mele be maƒo nu na wò.”
Ŋkeke dzeanyi kae nye esi metom míele ɖe du kple Eyama. Míekpɔ dzidzɔ wu alo dzɔdzi wu nenema gbegbe le míaƒe agbewo me kpɔ o. Eyae nye ESI. Nusi míenɔ lalam kpɔ le míaƒe agbeawo katã me lae nye esi.
Ɖikeke ƒe vɔvɔli ɖeke mele míaƒe dziwo alo susuwo me o. Elabena kple Gbedeasi ɖe sia ɖe si míesena la, Egblɔa na mí be míele Yeƒe Lɔlɔ̃nu deblibo me. Gbe ɖeka koe Li si awɔ mi ɖeka, ana miade blibo, eye ahe mi va ɖe du…Nye, NYE SI LE NUƑOM TO NYE NYAGBLƆƉILA DZI. MENYE EƑE NYAWO O, NYE NYAWO. ENYE NYE MƆ SI MENA.
Woɖo kplɔ̃ la. Eyɔ fũ kple yevumawo, kple yevumakaniviwo, radishiwo…NYA ƉE NYA DZI, ƉE NYA DZI. Míele Akpedavɔsa Zã ɖu ge wu gbeɖe tsã. Yubili aɖe le anyi nɔ ge le xexea katã me esime Ŋugbetɔ la aƒoƒu ɖe du le woƒe Kplɔ̃wo ŋu be yewoase Mawu ƒe Gbe wòaƒo nu na wo. Míaƒe aƒewo kple míaƒe hameawo me woayɔ kple Eƒe amegbɔnɔnɔ fũ. Awu gbɔgblɔ na mí negbe míaƒe Ŋutikɔkɔewo, Aleluyawo, woakafu Aƒetɔ la ƒe ŋkɔ ɖeɖewo.
Va nye Ŋugbetɔ Ƒomea Ƒe Akpedavɔsa Ƒuƒoƒe la ƒe akpa aɖe esime Wòle míanyi ge. Mègatsi megbe o, esime míele azãɖuɖu gɔme dze ge Kɔsiɖagbe, le ga 12 me tututu Jeffersonville ƒe game. Anɔ afima, elabena Egblɔnam be Yele ewɔge.
MEGBƆNA eye Mele nu sia nu gblɔ ge na wò kuɖe Wò Kristo Ƒe Ŋugbetɔ Ƒe Ɖekawɔwɔ Makpɔmakpɔ La 65-1125 ŋu.
Mele wò lalam eteƒe didi ŋutɔ. Wòenye Nye dzi lɔlɔ̃tɔ, eye Melɔ̃na wò ŋutɔ. Abe alesi Medo ŋugbe na mi ene la, Mele Aƒe yeye aɖe wɔm na mi afisi Míele agbe nɔ ge le ɖe du le Mavɔmavɔnyenye me. Mewɔ nu sia nu tututu abe alesi èlɔ̃na wo ene.
Mate ŋu akpɔ wò fifia agblɔ be, ènye Nye dzedzeme. De Nye tututu ye le Asiwò, Nye ŋutilã, Nye ƒuwo, Nye Gbɔgbɔ ma ke, Nye nu sia nu ma ke, tututu ko. Èzu ɖeka Kplim.
Medɔ Nye dɔla sesẽ ɖo ɖe anyigba dzi be wòayɔ wò do go le Satana ƒe Eden me. Medɔe alebe wòaɖe Nye susuwo gblɔ, Nye nyenyewo, eye magblɔ nusiwo ava nɔ anyi ƒe nyawo na mi. Mezã eƒe nu kple eƒe gbe be maɖe wo gblɔ to wodzi. Esime wògblɔwo vɔ megbe la, Mena wova me, elabena Dziƒowo kple anyigba ŋu woava yi, gake Nye Nya mada ƒu kpɔ gbeɖe o.
Menyae be esime èse Nye Meƒonu, le Nye dɔla ƒe gbe zãm la, ànyae le wòdzi me ɖaa be, menye eyae o, Nyee Wònye nɔ nuƒom na wò. Nyee Wònye nɔ lɔlɔ̃ ƒe leta dɔm ɖo ɖe wò, nɔ gbɔgblɔm na wò be, Metia wò be nànye Nye Ŋugbetɔ lɔlɔ̃tɔ.
Le Nye ŋkuwo me la, ame aɖeke meli abe wò ene o. Ame aɖeke mate ŋu xɔ tewòƒe o. Ètsi nyateƒetɔ kple nuteƒewɔla Nam. Ne Mele wò kpɔm la, Nye dzi kpɔa dzidzɔ.
Esime Megblɔ na wò be, kpɔ nyuie vevie lɔlɔ̃tɔ, na nusi sem nèle, amesiamina geɖewo le anyi nɔ ge le Nye Nyawo zã ge, gake wonye alakpatɔ la. Èse Nye toklãnana gɔme to Ɖeɖefia me eye ètsi nyateƒetɔ kple nuteƒewɔla na Nye Gbe.
Dzidzɔm kuɖe ŋuwò le esime nèdo gbeɖa atraɖie ɖe hame si me nèdoa ka kple ta. Megblɔ na wò be nàwɔ tiatia nyuietɔ la, eye Mena wò kpɔɖeŋuwo kuɖe nusi hame deblibo la nye ŋu. Èɖo ŋku dzi esime Megblɔ be wokatã ɖo gbɔgbɔwo, eye ètia hame deblibo la.
Megblɔ na wò ŋutɔ gɔ hã be nàkpɔ nyuie ŋutɔ kuɖe amesi wò kplɔla nye ŋu. Alebe nàte ŋu bu eŋu kpɔ alesi Nye dzi dzokpo kple dzidzɔ esime Mekpɔwò be ètsia nyi kple kplɔla si Medɔ be wòakplɔ va Gbɔnye. Ènyae be Nye Gbɔgbɔ Kɔkɔe ye le agbe le Nye nyagblɔɖila me be wòakplɔ wò va Gbɔnye.
Meɖo ŋku gbe si gbe mienɔ dzidzɔ kpɔm alegbegbe, eye mietsi dzodzodzoe ŋutɔ, esime Meyɔ Nye dɔla va teƒe kɔkɔ alebe Mate ŋu fia eyama wò ŋgɔdonukpɔkpɔ. Míenɔ tsitre le afima le miakpɔm esime miezɔ le Kristosrafowo Miɖo Ta Ŋgɔgbe ƒe hagbea dzi le Mía ŋgɔ.
Elɔ̃ alesi miakatã miedo awu le miaƒe de dukɔ si me mietso la tɔ nu; abe Switzerland, Germania, kple tso xexeame katã. Miadometɔ ɖe sia ɖe le miaƒe ɖa didi si wodzraɖo henyakpɔ alegbegbe me. Miaƒe kpoyokpoyoewo didi hele kɔkɔe. Enye dzidzɔ nam alegbegbe eye metsi dzodzodzoe be mafia miakatã eyama, alebe wòate ŋu trɔ gbɔ va aɖado ŋusẽ mi eye wòagblɔ na mi ekpɔ mi le Afima.
Ŋku ɖe sia ɖe nɔ Míadzi. Esime nyɔnuvi ʋe aɖewo, le flia ƒe megbe, dze ŋkutsatsa le teƒe bubuwo la, edo ɣli sesĩe be, “Migawɔ nenema o! Migado le afɔɖeɖe la me o!”
Esime Megblɔ na mi be Menɔ nuɖuɖu dzram ɖo ɖi na mi be miaɖu la, mienya nusi ŋu Menɔ nuƒom kuɖo tututu. Miedi be mianye Nye Ŋugbetɔ le Aƒe Nya Dzadze. Nyemelé mi kpɔ be miele ahĩadzem kple ame bubu aɖe o. Nye koe wònye kokoko, Nye Nya. Ema Wɔm be mekpɔ dzidzɔ alegbegbe.
Metia mi, MIAWO, be mianye Nye Ŋugbetɔ. Mele mialɔ̃m alegbegbe, tututu ko abe alesi miele Nye lɔ̃m ene. Dzi megaɖe le ƒo na mi o, milé dzi ɖe ƒo, mikpɔ dzidzɔ, dzi ne dzɔ mi, ŋkeke la le gogom kabakaba esime Mava na mi. Ɣeyiɣi dzeani ka mee to ge Míala.
Na mi ame susɔeawo la, MITRƆ LE DZI ME, anyigba le dzudzɔm tum kɔlikɔli. Gbe ɖeka la Los Angeles amlɔ atsiaƒu la te, abe alesi Megblɔ na mi be anɔ ene. Nye dziku le dzudzɔ tum kɔlikɔli le ete tututu. Nyemegale kesawɔe gbaka sia lé ge didi ɖe o. Aɖiɖi dze me le atsiaƒu la me, agoglo agbadroƒe ɖeka, atrɔ keke aɖaɖo Salton Ƒu la me. Avɔ̃ɖi tsɔwu Pompeii ƒe ŋkeke mamlea.
Mele anyigba sia ŋuti kɔ ge kple dzo le madidi me. Mawu nu sia nu le edzi kple le ete. Èkpɔ nusi le mevam le xexeame katã, abe alesi Megblɔe na wò ko. Èkpɔ Nye Ŋugbetɔ la le ɖeka wɔm ɖe du le Nye Nya ŋu, abe alesi Megblɔe na wò ko.
Ɣeyiɣi lae nye esi. Azãgbe lae nye esi. Dzra ɖokuiwò ɖo!
Eƒe dziku Ƒe gaƒoƒo la va anyigba dzi. Si esime ɣeyiɣi kpɔtɔ li be nàsi, eye nàge ɖe Kristo me.
Wokpe mi be miawɔ ɖeka kpli mí, Eƒe Ŋugbetɔ ƒe akpa aɖe, esime míele míaɖokuiwo dzram ɖo na Eƒe Vava, le esime míele Mawu ƒe Gbe se ge wòaƒo nu na mí ahe Gbedeasi : Ŋugbetɔ Aɖe Tiatia 65-0429E vɛ na mí Kɔsiɖagbe sia le ŋdɔ ga 12 me, Jeffersonville ƒe game.
Maleaxi 4 nye Mawu ƒe Nya, ke Etse ku etɔ etɔe, MÍ, Eƒe Ŋugbetɔ. Enye Gbɔgbɔ Kɔkɔe la, Yesu Kristo ƒe Ameti la, le dɔwɔwɔ me, si woɖo anyi ɖe míaƒe dziwo me. Wogbɔ agbe mí na NYA ƉE SIA ƉE si Wògblɔ, elabena “Nye alẽwo sea Nye Gbe; womadze ame tutɔ yome o.”
Alegbegbe ɣleti mamle siawo dzeanyi na míe, le nyagblɔɖila do kpɔkplɔ le Jeffersonville yome. Mawu nɔ nuƒom to Eƒe dɔla sesẽ dzi henɔ mía nyim kple Eƒe Nuɖuɖu si wodzraɖo ɖi tso Eƒe NUDZRAƉOƑE SUE ƉEKA me le dua katã me. Enye Mana Ɣaɣla, na Eƒe Ŋugbetɔ ɖeɖeko.
Kple Gbedeasi ɖe sia ɖe si míesena la, míedoa ka hedzɔna dzi kple míanɔewo be; “menyae be mese Gbedeasi siawo zi geɖe alegbegbe tsã, gake nyemesewo kpɔ GBEƉE abe fifia ene o”. Vavã la enye Tsi Gbagbe ƒe dzɔtsoƒe si le fiafiam le míame. Bebli míete ŋu le míaɖokuiwo lém. Eya ŋu ko míedi be míaƒo nu le. Míekpɔ kakaɖedzi wu gbeɖe le míaƒe agbewo me nenema gbegbe o, amesi míenye kple afisi yim míele.
Nyabiabia ameɖokui se megale ake o: “Ɖeko nyemenya o lo. Mewɔ nu dziŋɔwo le nye agbe me alegbegbe. Medze agɔ le Aƒetɔ la dzi zi geɖe alegbegbe. Edzea ko abe mewɔna vodada KOKOKO.”
Mɔkpɔkpɔ aɖeke megale o:
“Mekpɔ mɔ be menye Mawu ƒe vi vavã lo. MEDI BE manye. Mele gbedom ɖa be menye.”
Ŋkekemawo ŊU YI KEŊKEŊ. Fifia la MÍENYA. Ŋutikɔkɔe na Mawu!!
Aleke wɔ míenyae? Mawu le nuƒom na mí tẽ to Eƒe Gbe dzi le nyaƒokawo dzi, le gbɔgblɔm na mí madzudzɔmadzudzɔ be, “Mele miame, miele Menye. Míele ƉEKA. Metia MI doŋgɔ na xexeame ƒe gɔmeɖoɖoanyi ke. Mienye ŋutilã tso Nye Ŋutilã me, ƒu tso Nye Ƒu me.”
Gbedeasi deblibo kae nye esi Mawu gblɔ na mí Kɔsiɖagbe be wògblɔ nu sia nu na mí kuɖe alesi xexe sia si me míele agbe le la menye míatɔ o ŋu, enye Satana ƒe Eden. Alesi wòble Xawa le gɔmedzedze me be wòabia nya se eye wòake ɖi le NYA ƉEKA ko ŋu. Eɖe Mawu ƒe Nutsyɔnu Kɔkɔe la ɖa, hedo sidzedze ƒe Nutsyɔnu, ekema eƒe ŋkuwo ʋu eye wònyae be yele amama.
Satana tro gbo Nya gɔmedzedzetɔ la, eye fifia la egbã ŋku na eyama wɔebe ekpɔtɔ le amama eye menyae o. Ezu Satana ƒe fiasi eye anyigba sia nye eƒe Eden fiaɖuƒe la.
Kɔsiɖagbe la, míaƒe Dziƒo Ŋugbetɔsrɔ̃ di be yeaɖo ŋku dzi na Yeƒe anyigba dzi Ŋugbetɔ afisi míaƒe Tsɔmeƒe la le kple nusi Wòaɖi la. “Nye dzi lɔlɔ̃tɔ, azɔ esi Megblɔ nu sia nu na wò kuɖe xexe sia ŋu kple alesi wònye Satana ƒe Eden ŋu la, Medi be magaƒo nu na wò ZI ƉEKA AKE kuɖe Nye kpli WÒ ƒe Tsɔme Ƒe ŋu.
Medi be magblɔe na wò titotito ŋutɔ. Menyae be èse Meƒonu na wò kuɖe Eŋu zi geɖe, gake lala ko, akɔ ya la anɔ ko abe mese Meƒo nu tso eŋu na wò gbeɖe kpɔ o ene.
Medi be mage ɖe me titotito ŋutɔ. Medi be maɖe fia mi be miele nye lɔlɔ̃nu Deblibo me le anyinɔnɔ kple nye Nya kple Nye nyagblɔɖila me ta. Medi be mana mi nusi wɔm miele ƒe kpɔɖeŋu abe Du yeye si me nɔ ge miala ƒe kpɔɖeŋu deblibo ene.
Míele nane me ɖo ge vavã. Mele nu sue aɖe da ge ɖe mia gbɔ; Menyae be miele Elé ge. Miele Du ma me nɔ ge Kplim. Nye nyagblɔɖila anɔ xɔ si te ɖe miaŋu me. Anye miaƒe aƒelika. Miazɔ le sika mɔwo dzi eye miano tsi tso Nye Tsidzɔtsoƒe me. Mianɔ zɔzɔm le Mawu ƒe paradisowo me, kple Mawudɔlawo woanɔ agbasam le yame anɔ hagbeawo dzim.
Mianye dzonuwo le Nye nyagblɔɖila ƒe fiakuku me. Miaklẽ wu nu ɖe sia ɖe le xexeame, le Gbemagbe. Nu geɖewo le alegbegbe Medi be maɖe fia mi Kɔsiɖagbe. Ŋkeke dzeanyi kae nye esi me to ge míele ɖe du”.
Eɖo nu geɖe alegbegbe le nudzraɖoƒe me na mí le kɔsiɖa ʋe siwo gbɔna me, ne Meva hekɔ mí doŋgo o yema. Kɔsiɖa ɖe kɔsiɖa megbe, ele gbɔgblɔm na mí, amesi míenye, afisi yim míele, nusi Afima ɖa Aɖi. Ele míakplɔ ge ayi ɖe Easter ƒe kɔsiɖa ŋutikɔkɔetɔ kekeake si míeɖo kpɔ me, si ayɔ fũ kple naneke o negbe Eyama kafukafu kple subɔsubɔ.
Dzidzɔ ƒe ɣeyiɣi kae nye esi. Míele nyagblɔɖi kpɔm wòle eme vam le míaƒe ŋkuwo me. Míele Nya la kpɔm wòle ɖeɖem ɖe go le MÍA ME. Eƒe Vava ate ŋu anye ɣeyiɣi ɖe sia ɖe. Míele tsitre le ʋɔtru la ŋu kple seƒoƒo babla le míaƒe asiwo me. Míele sɔwo sem le du dzi eye ke le mimlim le woƒe tasiaɖamfɔwo te.
Tasiaɖam xoxo la atɔ le madidi me ŋutɔ. Míele kpo dzo ge ado to ŋutilã xoxo sia ƒe ʋɔtru me eye míadzo ayi ɖe Eƒe abɔwo me. Akpɔ mí aɖagblɔ be, “Evɔ keŋkeŋ azɔ, lɔlɔ̃tɔ, Makplɔ mi fifia ayi ɖe miaƒe Tsɔme Ƒe la me.”
Wokpemi be miakpɔ gome le ŋkeke gãtɔwo kekeake si xexea mekpɔ kpɔ o me. Hɔ̃ suewo le ƒuƒo ge ɖe du le xexea katã me be yewoase Mawu ƒe Gbe wòaƒo nu na Eƒe Ŋugbetɔ aɖagblɔ nu sia nu nɛ kuɖe: Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La 64-0802, ŋu le ŋdɔ ga 12 me, Jeffersonville ƒe game.
Nɔvi. Joseph Branham
Ŋkuɖodzinu: Migaŋlɔbe be gaƒoƒo ɖeka ahe ɖe megbe o.
Ŋɔŋlɔ siwo woaxlẽ do ŋgɔ na Gbedeasi la sese:
Mateo Kɔkɔe 19:28 Yohanes Kɔkɔe 14: 1-3 Efesotɔwo 1:10 Petro II 2:5-6 / Ta 3lia Nyaɖeɖefia 2:7 / 6:14 / 21:1-14 Mose III 23:36 Yesaya Ta 4lia / 28:10 / 65:17-25 Maleaxi 3:6
Nye mia Dziƒo Fofo, ƒe nyenye mienye. Mienɔ Menye tso gɔmedzedzea me ke. Miele ŋku ɖom edzi fifia o, gake mienɔ afima Kplim. Medi vevie be manya mi elabena Medi be matsaka kpli mi, aƒo nu kpli mi, alɔ̃ mi, aɖaʋuʋu miaƒe asiwo.
Abe vinye ene la, mienye Nye akpa aɖe, si zu ŋutilã, tututu ko abe alesi Mezu ŋutilã ene, alebena míate ŋu ado ka kple míanɔewo abe Mawu ƒe ƒome le anyigba dzi ene. Emae nye Nye taɖodzinu kple nusi Medi tso gɔmedzedzea me ke.
Mewɔ Eden Bɔ na mi alebena míate ŋu ado ka, gake Nye futɔ geɖe me kple amebeble, hexɔ xexe sia do se kple Nye ɖoɖo gɔmeɖeɖe na mi baɖa.
Alakpa ƒe gaƒoƒo mee miele agbe le, gake enye ŋutikɔkɔe kekeake ƒe ɣeyiɣi na agbenɔɣiawo katã, elabena ƒe Milenium gã la gale ŋkume na mi ake azɔ; Eden gale ŋkume na mi ake.
Nye Gbɔgbɔ menye nane si wofia mi o. Enye nane si Meɖoɖi to Nye nunyadaɖi dzi ɖe miame kple Nye asi sesẽ. Azɔ nye yɔyɔ mamlea le dodom yina be yealé Nye Ŋugbetɔ be; “Mido go ɖa le wodome, mima miaɖokuiwo ɖa”.
Egbe la womele agbagba dzem be yewoaɖo Nye Nya anyi ɖe amewo ƒe dziwo me o, wole agbagba dzem be yewoaɖo yewoɖokuiwo anyi. Hamewo le agbagba dzem be yewoaɖo hame la ƒe nufiafia anyi ɖe ame ƒe dzi me. Ame sia ame le gbɔgblɔm be, “mewɔ esia. Nye, me, tɔnye, nye kɔmahatsɔŋkɔ, nye, esia.” Wole woɖokuiwo ɖom anyi ke menye Nye Nya si woɖe gblɔ to nye nyagblɔɖila dzi o.
Mele be miase nu sia nu si gblɔm Mele gɔme o, ɖeko wòle be Miaxɔe se elabena Megblɔe nenema, ke ema ɖɔe ɖo yiɖe mavɔ.
Nye Gbɔgbɔ Kɔkɔe le dɔwɔwɔ dzi le mia me. Enye Agbe le miame, menye seseɖelãme aɖe o; menye ŋutilã me ƒe kpeɖodzinu aɖe ƒomevi o, gake Enye Ame, NYE, Yesu Kristo, Mawu ƒe Nya la, si woɖo anyi ɖe miaƒe dzi me, eye wògbɔa agbe agbenɔɣi sia ƒe Nya ɖe sia ɖe. Enye Nye Gbɔgbɔ Kɔkɔe si le dɔwɔwɔ dzi le miame le Nya la ŋu.
Nye ŋugbetɔ gbãtɔ la da ƒu le toɖoɖo Satana ƒe susuɖeɖe me ta, gake mexɔmi ƒle to Ɖokuinye, si nye Nya si zu ŋutilã dzi. MIELE DZI ƉE GE LE ƑO NAM O. Nye Ŋugbetɔ Nya si le aƒe si mele to ɖo ge Satana ƒe susuɖeɖe o lae mienye. Miele anyi nɔ ge kple Nye Nya La.
Ne Milenium la wu eŋu la, ekema wogale Eden aɖe ɖo ge anyi ake; woagatrɔ he Nye Fiaɖuƒe gã la va ake. Meʋli eta ʋuu kple Satana le Getsemane ƒe abɔ me, eye meɖudi hehe Nye Eden gbɔ va. Azɔ Medzo yi be madzra miaƒe Eden Yeye la ɖo na mi le Dziƒo. Magatrɔ gbɔ va ɖe miata ake le madidi me ŋutɔ, eyata migana miaƒe dziwo natsi dzodzodzoe o.
Atsiaƒu maganɔ anyi ake o, elabena dziƒo gbãtɔ kple anyigba gbãtɔ ŋu woava yi. Magbugbɔ wɔe yeye kple Dzo ƒe nyɔnyrɔ̃ si awu dɔlékui ɖe sia ɖe, dɔlele ɖe sia ɖe, dɔvɔ̃ ɖe sia ɖe, kple nu ƒoɖi ɖe sia ɖe si nɔ anyigba kpɔ.
Awo, eye Anyigba Yeye aɖe ado. Dziƒo gbãtɔ kple anyigba gbãtɔ siawo ŋu ava yi. Yerusalem Yeye aɖe anɔ ɖiɖim tso Gbɔnye le Dziƒo. Afimae Manɔ anyi kpli mi, Nye nyenye vavãwo, Vinyeŋutsuwo kple nyɔnuwo le. Míado ka le kɔkɔenyenye me, kple miaƒe ŋkuwo siwo anɔ gbagbã ɖe nuvɔ̃ ɖe sia ɖe.
Megava miagbɔ ake abe alesi medo ŋugbe na mi be Mawɔe ene. Melé Nye Nya me ɖe asi na mi. Mena wolé Nye Nya ɖe nyaƒoka dzi alebena nugɔmemasese ɖeka meganɔ anyi o, biabia aɖeke meganɔ anyi o, nye Nya dzadze la na mi ko; elabena Enye Ale Aƒetɔ La Gblɔ Esi.
Migaŋlɔ be kpɔ gbeɖe o, Matrɔ le ɣetoɖoƒe aɖado sɔ gbɔ va ake, le ŋkeke siawo ƒe dometɔ ɖeka dzi. Vaseɖe ɣemaɣi la, miheyi kple Nye Ŋkɔ la; Ana dzidzɔ kple akɔfafa mi, meheyi Kplii, le afi sia afi, le play zizi me.
Migawɔ ƒoƒose le Nya ɖeka dzi o. Nye Nya le nyaƒoka dzi mehĩa gɔmeɖeɖe aɖeke o. Mienye Nye akpa aɖe, Nye nyenye. Xexe sia nye Satana ƒe Eden, gake mewɔ Eden Yeye aɖe na mi afisi míele mavɔmavɔnyenye me to ge ɖe du le. Vasẽɖe ɣemaɣi la, miwɔ ɖeka le Nye Nya ŋu. Milɔ̃ mianɔewo.
Miva wɔ ɖeka kpli wo le Branham Ƒe Agbadɔ la me Kɔsiɖagbe sia le ŋdɔ ga 12 me, Jeffersonville ƒe game eye miase Nye maƒo nu to nyagblɔɖila si Metia dzi aɖaɖe Nye Nya fia mi esime miase; Satana Ƒe Eden 65-0829.
Le Eƒe ŋkɔ me, Nɔvi. Joseph Branham
Ŋɔŋlɔ siwo woaxlẽ: Timoteo II 3:1-9 Nyaɖeɖefia 3:14 Tesalonikatɔwo II 2:1-4 Yesaya 14: 12-14 Mateo 24:24
Medogbe na mi kple miawo le telefoni ƒe nuɖoanyi sia, si nyo ŋutɔ, ŋutɔ me. Meda akpe alegbegbe na Aƒetɔ la be miate ŋu anɔ anyi ɖe miaƒe aƒewo me, aƒo ƒu ɖe miaƒe teƒewo, miaƒe hameawo me, aɖase takpekpe la. Afikakee nye gbe le yiyim la, hatsotso sue ma nekpɔ yayra dzro.
Egbea la, medi be maŋlɔ lɔlɔ̃ ƒe leta aɖe na mi tso nye dzi me be made dziƒo na mi. Miawoe nye amesiwo Mawu tia be woanye Yeƒe Ŋugbetɔ doŋgɔ na xexeame ƒe gɔmeɖoɖoanyi; miele toɖom nyaƒoka siawo. Megblɔe na mi zi geɖe alegbegbe be, nyaƒokasiawo nye miatɔ, mienye nye ƒuƒoƒe. Nusi Mawu tsɔ na mawunyagblɔla bubuwo be woatsɔ kplɔ ame la mekpɔ ŋkume nam o; Nuɖuɖu si ƒomevi metsɔ le mianyim koe kpɔ ŋkume nam. Nyaƒokasiawo nye miatɔ, nye agbadɔ ɖeɖeko, esi Mawu nam be makplɔ. Enye Mana ɣaɣla, bubuwo mate ŋu Xɔe o.
Azɔ, ne ameaɖewo di be yewoatɔtɔ nuɖuɖu la kple nuwo le egodo le afima la, mina woaxɔ ɖeɖefia tso Mawu gbɔ aɖawɔ nusi Mawu le gbɔgblɔm na wo be woawɔ, woaɖu nu ɖe sia ɖe si wodi. Mawɔ numa ke. Gake Gbedeasi siawo nye miawo ɖeɖeko tɔ.
Mele agbagba dzem le tɔnye gome wɔm be manɔ anyi kple Nya la, ɖe miawo si wode nye asiwo me tso Mawu gbɔ ta, elabena alẽwo la alẽwo nuɖuɖu woɖuna. “Nye alẽwo sea Nye Gbe.” Ke esia dzie mienɔa agbe to, Nya ɖe sia ɖe si doa. Menye Nya aɖe ko fifia kple emegbe o, gake Nya ɖe sia ɖe si doa go tso Mawu ƒe nu me. Numa dzie mi amekɔkɔeawo nɔna agbe to.
Elebe nane nanɔ amesiame si si ŋu woléna ɖo. Elebe nane nànye atiziɔti, le nyagbe bubuwo me la, nya mamlea aɖe. Azɔ elebe nya mamlea alo tɔɖoƒe aɖe nanɔ ame sia ame si. Na nyea, kple na amesiwo mexɔese be mele kpɔkplɔm yina Kristo gbɔ, kple to Kristo dzi la, Biblia yenye míaƒe nya mamlea.
Azɔ, míede dzesi bena Mawu dɔ Eƒe nyagblɔɖilawo ɖo ɖe mí. Emae nye mɔ si le Eyama si hetsɔna Eƒe Nya na amewo, to Eƒe nyagblɔɖila ƒe nuɣiwo dzi. Azɔ le ŋkeke mamle siawo me la, Edo ŋugbe be yeaɖe Yeɖokui ɖe go le Yeƒe ŋutilã ƒe, blibodede me ake, le Gbɔgbɔ me. Enye Mawu ŋutɔ le leta ƒe nɔnɔme me, nyagblɔɖila ƒe nɔnɔme me, si woɖe ɖe go le ŋutilã me.
Elebe manɔ agbe nua Tɔ ƒe Ŋkume ɣesiaɣi kple nye nuŋlɔti le gbesɔsɔ ɣesiaɣi alebe maŋlɔ nukake gblɔm Wòle la. Nye tamesusu le Eƒe susuwo dzi; menye nusi susum ame le, nusi susum agbenɔɣi la le, nusi susum hame la le, nusi susum fiaɖuƒe la le dzi o. Mawu ƒe susuwo ɖeɖeko! Mawu ƒe susuwo ko meɖena gblɔna wozuna Nya.
Ne Mawu ɖe Eƒe susuwo fiam la, meɖenɛ gblɔna wòzuna Nya na mi le nyaƒoka dzi be, “ALE AƑETƆ LA GBLƆ ESI.” Menye, “Ale megblɔ Esi” o. Enyena, “ALE AƑETƆ LA GBLƆ ESI!” Mate ŋu aɖe Egɔme ko alesi nua Tɔ aɖemɔ nam be maɖe egɔme na mi; elabena Enye Mawu ƒe Nya si medana ƒu o.
Bubu geɖewo si dzea agbagba be yewoasrɔm li, abe nunɔlawo, kple wotɔewo ene. Ke nukae wowɔna mahã? Wotsakana ko, ekpan. Womate ŋu awɔe o. Mawu dɔ nye, Eƒe nyagblɔɖila, be makplɔ Eƒe Ŋugbetɔ la; menye amebubu, alo menye amewo ƒe hatsotso o.
Nya siwo gblɔm mele, kple alesi mele nuwɔm la, agbã ŋku na bubuwo, gake aʋu bubuwo ƒe ŋku. Edo awu nam kple awu ƒomevi si wòle be mado, nye dzɔdzɔme, nye didi, nu sia nu ko alesi wòle be manɔ. Etiam na mi ŋutɔ kɔŋ. Bubuwo ate ŋu tso aɖakpɔnu aɖagblɔ be, “Enyo, nyemateŋui o. Ema nye…Nye—nyemele nu kpɔm o.” Wogbã ŋku na wo.
Aɖefia amesi Wòdi be Yeaɖe fia. Wowɔe le nɔnɔme aɖe me alegbegbe be Ate ŋu aɣla eɖokui le Ŋɔŋlɔ la me, do bibliasukudela nyanu kekeake si li. Ate ŋu aɣla Eɖokui ko, anɔ anyi ɖe afima le Ŋɔŋlɔ la me ko, ke woateŋu ɖo ŋku anyi ŋkeke la katã gake womakpɔe gbeɖe o; woaɖo ŋku anyi agbea katã, gake womakpɔe gbeɖe o. Ate ŋu aɣla Eɖokui ko, anɔ anyi ɖe afima.
Nusi le vevie fifi la yenye be elebe amesiwo xɔ Gbedeasi la ɖe woƒe dziwo me la, woanɔ Vi la ƒe Ŋkume, be woaɖi. Mizi Play ke emegbe la mina Vi la name mumunyenye katã ɖa le miame, esi awɔ mi miazu Kristotɔ tsitsiwo.
Esime wòva zi gbãtɔ la, enye ame. Esime wòva zi evelia; kple akpa eve la, enye ame. Esime wòva zi etɔ̃lia le Yohanes Amenyrɔ̃la ƒe nɔnɔme me la, enye ame. Edo ŋugbe be yeava ŋkeke sia aɖanɔ agbe aɖaɖe Yeɖokui fia zi ɖeka ake le ame me; amegbetɔ Vi la si le agbe le amegbetɔ ŋutilã me.
Fifia míele Ŋku ƒe agbenɔɣi, nyagblɔɖitɔ, Maleaxi 4 tɔ me. Naneke megasusɔ si agava o negbe be Eya Ŋutɔ nage ɖe ema me, elabena nu mamlea si li ye ma.
Miɖo to nye alẽviwo, mi amesiwo Mawu nam be makplɔ. Game la yi boo. Egbɔna le madidi me ɖe miawo, Eƒe Ŋugbetɔ la ta. Minɔ anyi kple nyaƒokamawo, womehĩa gɔmeɖeɖe aɖeke o.
Mele mi Hɔ̃ suewo kpem be miava wɔ ɖeka kpli mí kpakple nu ɖeka si ahe Eƒe Ŋugbetɔ la vɛ ɖe du Kɔsiɖagbe sia, le ŋdɔ ga 12 me, Jeffersonville ƒe game. Miase Ale Aƒetɔ La Gblɔ Esi esime Mawu anɔ nuƒom to dzi nye aɖaɖefia be: Woɖe Kristo Fia Le Eŋutɔ Ƒe Nya Me 65-0822M.
Miɖo ŋku dzi, MINƆ ANYI KPLE NYAƑOKA ƑE SUBƆSUBƆDƆ LA. MIZI PLAY GBE SIA GBE.
Nɔviŋutsu Branham
Ŋɔŋlɔ siwo woaxlẽ hafi woase Gbedeasi la:
Mose II 4:10-12 Yesaya 53: 1-5 Yeremia 1:4-9 Maleaxi 4:5 Luka Kɔkɔe 17:30 Yohanes Kɔkɔe 1:1 / 1:14 / 7:1-3 / 14:12 / 15:24 / 16:13 Galatiatɔwo 1:8 Timoteo II 3:16-17 Hebritɔwo 1:1-3 / 4:12 / 13:8 Petro II 2:20-21 Nyaɖeɖefia 1:1-3/ 10:1-7 / 22:18-19
Eye menyae be, le nye dzodzo le anyigba sia dzi megbe la, nyaƒokamawo kple agbalẽmawo anɔ agbe ɖaa, ke mi ɖevi suewo miele ekpɔ ge, le ŋkeke siwo gbɔna me, bena esia nye Nyateƒe la tututu, elabena mele egblɔm le Aƒetɔ la ƒe Ŋkɔ me.
Va ƒoƒu ɖe du kpli mí Hɔ̃wo, Kɔsiɖagbe le ŋdɔ ga 12 me, Jeffersonville ƒe game, esime míase 65-0815- Eye Mènyae O.
Fofo, míelɔ̃awò alegbegbe. Aleke míate ŋu dze nusi sem míele le míaɖokuiwo me ɖem gbɔgblɔ mahã. Ètia mí, Eɖo mí ɖi, hezu Ame gbagbe be yeatsɔ Wò Agbe na ɖe míata.
Èŋlɔ Wòŋutɔ Wò susuwo na mí to Wò nyagblɔɖilawo dzi, alebe Wò Nya nàsu míasi. Ekema, abe alesi Nèdo ŋugbe ene la, Ègava zi ɖeka ake, le Ɖokuiwò ɖem fia le amegbetɔ ŋutilã me to nudzɔdzɔ siwo me kɔ to nyagblɔɖi me dzi, be yeaɖe Yeƒe Nya gɔme aɖaɖefia.
Le Wòŋutɔ wò tiatia ŋu la, Ètia William Marrion Branham be wòanye gaƒoƒo la ƒe ame. Ètia eyama be wòalé míaƒe susu. Èna eƒe asiwo ʋã. Èna eƒe ŋkuwo ʋã le ŋutegãwo me. Mate ŋu agblɔ naneke o negbe nusi Nède eƒe nu me. Èɖo kpɔkplɔ blibo ɖe eƒe aɖe, asibidɛwo, kple ɖe eƒe ŋutilã ƒe ŋutinu ɖe sia ɖe dzi. Enɔ Wò kpɔkplɔ te keŋkeŋ.
Ekema, le Wò tiatia ŋu zi ɖeka ake, Ètia mí be míanye gaƒoƒo la ƒe amewo. Wò hatsotso sue ƒoƒu ɖe du kple Wò Nya ƒe gbɔgbɔɖeame me, si gale Yesu Kristo ƒe agbe, tsem ake. Míenye Wò Nya si le ɖeka wɔm kple Nya la. Míate ŋu awɔ nu bubu aɖeke o.
Fofo, míedi be míanɔ Wò Lɔlɔ̃nu deblibo me; nu bubu aɖeke mele vevie na mí o. Míele míaƒe susu, míaƒe tamesusuwo, alo nusi ame bubu aɖe le gbɔgblɔm dim o, negbe Wò lɔlɔ̃nu.
Míeyi Wò Nya la gbɔ be míakpɔ nusi Nègblɔ be elebe míawɔ be míanye Wò Ŋugbetɔ. Ègblɔ be Èle ʋɔnudrɔ̃ge xexeame gbeɖeka kple Wò Nya la. Ègblɔ na mí be Wò Nya vana na Wò nyagblɔɖilawo ƉEƉEKO, amesiwo Nèɖoɖi kple siwo nèɖoɖi do ŋgɔ.
Ègblɔ na mí be Mevana na mawuŋunusrɔ̃la aɖe alo na amewo ƒe hatsotso aɖe gbeɖe o, negbe to Wò nyagblɔɖila dzi. Anye Wò Nya gɔmeɖela mawumetɔ ɖeka. Menye eƒe susuwo, eƒe tamesusuwo, eƒe gɔmeɖeɖe o, boŋ Wò si le nuƒom to eyama dzi, le Wòŋutɔ wò Nya gɔme ɖem ye.
Le agbenɔɣi ɖe sia ɖe me la, amewo ɖe mɔ amegbetɔwo na woŋutɔ ƒe gɔmeɖeɖe Wò Nya la, ke enana be woƒe ŋkuwo gbãna. Ewɔna numa ke si wòwɔ na Farizitɔwo kple Zadukitɔwo. Susuma tae amewo da ƒu Egɔme sese egbea. Wole nusi ame bubu aɖe le gbɔgblɔm kuɖe Eŋu la sem, le esime wòle be woase Nya si Wò nyagblɔɖila gblɔ na wo be woawɔ la.
Ègblɔ be, gbã Medɔ Nye Nya ɖa, ekema ne amewo maxɔ Nye Nya dzi se o la, ekema madɔ subɔsubɔdɔ la ɖo ɖe wo. Ègblɔ hã be le agbenɔɣi ɖe sia ɖe me la subɔsubɔdɔ la trana mɔ; menye wokatã o, gake wodometɔ geɖewo, eye wole amewo kplɔm va woɖokuiwo gbɔ. Míedi be míanɔ Wò Ɖoɖo gɔmedzetɔ la me.
Ele ametsakam alegbegbe, mawunyagblɔlawo mate ŋu lɔ̃ ɖe dzi kple wonɔewo o. Nɔvi. Ale mate ŋu alɔ̃ ɖe dzi kple Nɔvi. Sia o; Nɔvi. Sia mele lɔlɔ̃m ɖe dzi kple Nɔvi. Kemea o. Womate ŋu lɔ̃ ɖe dzi kple wonɔewo o. Nu ɖeka dzi ko wòle zezem be wole lɔlɔ̃m ɖo yenye be, mele be míaƒo nyaƒokawo le hamea me o.
Eganye Babilɔn zi ɖeka ake, ele ame tsakam alegbegbe. Míexɔese be Kpɔɖeŋu ɖeka koe li eye elebe míalã míaɖokuiwo be míasɔ kple Kpɔɖeŋu ma, menye be míadze agbagba be míalã Kpɔɖeŋu la be wòasɔ kpli mí o.
Subɔsubɔdɔ geɖewo alegbegbe tso kple woŋutɔ ƒe tamesusuwo, woŋutɔ woƒe gɔmeɖeɖewo kple nufiafiawo. Wokatã womede afia ɖeke o. Mawunyagblɔla gã siwo dzi woda asi ɖo wotso be yewole gbeƒãɖem hele gaƒoƒo la ƒe Gbedeasi la xlẽm, eye yewoƒe subɔsubɔdɔ lae nye Mawu ƒe Mɔ si wona na egbe, menye nyaƒokawo o.
Woɖo ame wɔnuteƒewo siwo le woƒe hamewo me yim, le toɖom wo hena ƒewo. Woɖo mawunyagblɔla geɖewo siwo srãnawo kpɔ, takpekpewo, nyɔnyɔ̃wo, siwo le gbeƒã ɖem, le gbɔgblɔm be nusi gblɔm yewole lae nye Wò Mɔ si nèna, menye nyaƒokawo o. Ekema gbeɖeka wogblɔ be, Gbedeasi la menye nyateƒe o.
Ɖee womenɔ nusi gblɔm wònɔ dzrom kple nyaƒokawo oa? Ɖeko wonɔ nusi wògblɔ be enye Nya la, Mawu ƒe Mɔ si wona na Egbea tsɔma? Ɖee wòƒo nyaƒokawo la, Wò Gbe si dzi woɖokpe na amewo, le esime woatsɔ woɖokuiwo ɖi abe gbe vevietɔ kekeake la, ɖee woanya be nusi sem yewonɔ la nye amesiamina alakpatɔ le nuwuɣi ƒe nufiafia me.
Menye egɔme yenye be miehĩa kplɔla o. Menye egɔme yenye be wokatã wonye kplɔla alakpatɔwo o. Menye egɔme yenye be geɖewo le gbeƒãɖem nusi Nɔviŋutsu Branham gblɔ tututu o. Egɔme yenye be nu vevietɔ kekeake si wòle be miase yenye Gbedeasi la le nyaƒokawo dzi; Eyae nye ALE AƑETƆ LA GBLƆ ESI ƉEKA la.
Eyae nye Mɔfiafli la. Eyae nye Tɔɖoƒe la. Eyae nye Nya mamle la. Eyae nye Nya Deblibo la. Negbe dza kplɔla aɖe, wò gbɔgbɔme kplɔla, le toɖom Nya dzadzea kple etɔwo la, nane agblẽ.
Nukata subɔsubɔdɔ la medi be yeaƒo Wò Gbe si dzi woɖo kpe le woƒe hameawo me mahã? Aleke woate ŋu agblɔ be menyo o esime wole gbɔgblɔm be yewoxɔese be Enye Nya laa? Nukata wole taflatse ƒomevi vovovowo dom hele gbɔgblɔm be yewoƒe subɔsubɔdɔ lae nye Wò Mɔ si wona na egbe, menye Wò Gbe si dzi woɖo kpe le nyaƒoka dzi ye o mahã?
Nukata wole vɔvɔ̃dom na amewo le esime wole gbɔgblɔm be esime míegblɔna be “MIZI PLAY” be woase Wò Gbe ta, ame ye subɔm míele ke menye Wò si le nuƒom to ame la dzie o mahã?
FOFO WÒ KO subɔm míele. Míedzroe eme kple Wò Nya la zi geɖe. Ègblɔ na mí to Wò Nyagblɔɖila kple Gbedeasi ɖe sia ɖe si míesena le nyaƒokawo dzi bena: Wò Mɔ ɖeka si wona na egbe lae ma.
Afika gɔ̃ Wò Ŋugbetɔ la agayi negbe tẽ yiɖe Wò Nya la gbɔ. Míenye Wò Nya Ŋugbetɔ le Aƒe la. Elebe míanɔ anyi kple Wò Dzo Lilikpo la. Eyae nye teƒe ɖeka si míate ŋu kpɔ kɔɖiɖi le eye míaɖe amen ɖe Nya ɖe sia ɖe si míesena dzi.
Fofo, míele Wò kpɔm le Wò hame la godo le agbagba dzem be yeage ɖe eme, ke ele míaƒe dzi gbãm. Safeteƒe la le ememe ke míeʋu ʋɔtru la na Wò be nàgeɖe eme. Míenya nububu aɖeke o. Míele nu bubu aɖeke dim o. Míate ŋu atsɔ nu bubu aɖeke o. Wò Nya la do fu mí.
Akpe na Wò Fofo ɖe Wò Nya ƒe Ɖeɖefia ta. Míetsi tre ɖe ame aɖeke ŋu o, Wò Nya si me kɔ to nyagblɔɖi me koe míele na. Míanɔ tsitre le Wò ŋku me gbeɖeka le ʋɔnudɔdrɔ̃ me. Kple míaƒe dzi blibowo míedi be míagblɔ be, “Fofo, míenɔ anyi kple Wò Nya la.”
Lé dzi ɖe ƒo na wò kplɔla, wò kplɔla gbɔgbɔmetɔ la, be wòa Zi Play Kɔsiɖagbe sia aɖase Mawu ƒe Gbe. Wole ʋɔnudrɔ̃ge wò gbeɖeka kple nusi Mawu ƒe Nya le gbɔgblɔm le nyaƒokawo dzi. Aleke nàte ŋu ado ɖokuiwò afɔku me kple nububu mahã?
Wokpe wò be nàva wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, be míase: Nudzɔdzɔ Siwo Me Kɔ To Nyagblɔɖi Dzi 65-0801e, esime Mawu anɔ nuƒom to ame si Wòtia ƒe nuɣiwo dzi. Amesi Wòtsɔ Eƒe sukuxɔ na, eƒe nunana na. Enae eƒe dzɔdzɔme, eƒe alesi wòwɔnanue, alesi wòƒonanue, kple nukakee wòwɔna. Ewɔ William Marrion Branham gaƒoƒo la ƒe ame be wòatsɔ lé gaƒoƒo la ƒe amewo, ke míenye GAƑOƑO LA ƑE AMEWO.
Nɔvi. Joseph Branham
Ŋɔŋlɔawo:
Mose I 22:17-18 Psalmowo: 16:10/ Ta 22 / 35:11 / 41:9 Zaxaria 11:12 / 13:7 Yesaya: 9:6 / 40: 3-5 / 50:6 / 53:7-12 Maleaxi: 3:1 / ta 4lia Yohanes Kɔkɔe 15:26 Luka Kɔkɔe: 17:30 / 24:12-35 Romatɔwo: 8:5-13 Hebritɔwo: 1:1 / 13:8 Nyaɖeɖefia: 1:1-3 / Ta 10
Míate ŋu anye nu bubu aɖeke o. Míate ŋu ase nu bubu aɖeke o. Míenya nu bubu aɖeke o. Míehĩa nu bubu aɖeke o. Afisi Lã si ƒo ʋu le, PLAY ZIZI, esi nye azãgbe la ƒe Nya la, afimae hɔ̃wo woaƒo ƒu ɖo. Nya le Agbe zum le míame.
Míenye ame ɖeka ma ke abe ame bubu ɖesiaɖe ene o! Mienye dukɔ aɖe si mã, le kɔkɔe na Aƒetɔ la, si tsɔ eɖokui na Nya kple Mawu ƒe Gbɔgbɔ, be yeatse Eƒe ŋugbedodo ƒe kutsetse na ŋkeke sia. Míele tsitsim edzi edzi hele ɖiɖim to Mawu ƒe Gbe sese dzi.
Nyagblɔɖila gblɔ na mí be míatrɔ gbɔ va nyaƒokasiawo gbɔ. Ne nyaƒoka mɔ̃ aɖe le miasi la, miƒo ame hatsotso aɖewo nu ƒu eye miƒoe, aɖase nyuie. Mise Eƒe Gbe, nusi gblɔm Wòle na mí. Mawu ƒe Nya mehĩa gɔmeɖeɖe aɖeke o; Enana Eŋutɔ eƒe gɔmeɖeɖe. “Menye Mawu ƒe Gbe na mi.”
Ke Eyae nye esi, Biblia, mele be woatsɔ ɖeka Kpee o alo aɖe ɖe le Eme o. Minɔ anyi kple aaGbe ma ɖeɖeko. “Womadze ame tutɔ aɖe yome o,”
Aleke ame aɖe mate ŋu akpɔ Mɔ si Mawu na na egbe mahã? Gake ŋutikɔkɔe na Mawu, míete ŋu le Ekpɔm, elabena wotia mí be míakpɔe. Womable mí o, eye womate ŋui o, elabena míenye Eƒe Nya si woɖe ɖe go.
Nɔviŋutsuwo kple nɔvinyɔnuwo, mina ema nageɖe eme vie minuti ɖeka ko, MÍENYE NYA SI WOƉE ƉE GO!! Mawu Ŋutɔ, le nuƒom to agbetɔ ƒe nuɣiwo dzi, le gbɔgblɔm MÍENYE NYA LA. Naneke meli be míavɔ̃ o. Nu sia nu si míehĩa la nye míatɔ.
Kɔsiɖa sia kɔsiɖa la míenɔna mɔkpɔkpɔ gã aɖe me be Aƒetɔ la nasrã mí kpɔ. Teƒe mele míasi le afisia be míana ame sia ame nanɔ anyi o, nenema ke ame sia ame mate ŋu va Jeffersonville o, eyata ɖeko wòle be míadɔ Nya ɖo ɖe wo to internet [yiɖɔ, ka me—Tala] ƒe mɔnu dzi.
Míele míaƒe aƒewo me, le míaƒe hameawo £me, le míaƒe ʋuwo me, ƒoƒu ɖe míaƒe mikrofoni suewo ŋu le xexea katã £me, hele lalam kpɔ Aƒetɔ la ƒe Vava.
Woƒo ƒu ɖe du kpli mí le Afrika, le lalam kpɔ Aƒetɔ la ƒe Vava. Woƒo ƒu ɖe du kpli mí le Mexico, le lalam kpɔ Aƒetɔ la ƒe Vava. Le Europa, Scandinavia, Australia, Ɣedzeƒe titina, Nyiehe Amerika, tso anyigba ƒe dzogoe eneawo dzi, le lalam kpɔ Aƒetɔ la ƒe Vava.
Ke míeƒoƒu le afisia le hame tanɔƒe la, agbadɔ la me, le lalam kpɔ Aƒetɔ la ƒe Vava. Gaƒoƒo geɖewo mã míadome, gake míele du abe KPEAA ƉEKA ene, xɔsetɔwo, le Mawu ƒe Gbe Asem, le lalam kpɔ Mesia ƒe Vava la.
MÍENYE dukɔ si Mawu yɔ hetia hetia do go le agbenɔɣi vɔ̃ɖi sia me na Eƒe Ŋkɔ. Wole míadom kpɔ hele míafiam Satana be míenye Nya la. Míenye Ŋugbetɔ Ti Gɔmedzetɔa ƒe akpa aɖe. Míele míaƒe agbe kpɔm wole eɖem ɖe go to Nya ma dzi.
Enye nu bɔbɔe na ame sia ame be wòaxɔe se be Yesu nye ŋuɖoɖo tẽ na nyagblɔɖi ɖe sia ɖe si wòle be wòava me le Eyama me, elabena wole megbe kpɔm be yewoa kpɔ be eva me. Gake le fifia ƒe agbenɔɣi vɔ̃ɖi sia me la, wogale numa ke si wowɔ tsã la wɔm, to Egɔme ɖeɖe le mɔnu bubu aɖe dzi, eye wona amewo geɖe beble sẽŋuwo me be woaxɔ alakpa aɖe dzi se. Ne ɖe woate ŋu ade dzesi be Nya ma kee le ɖeɖem ɖe go na agbenɔɣi sia ko.
Nu ɖeka koe ate ŋu he Ŋugbetɔ la va ɖe du, Gbedeasi siae. Nu ɖeka dzi ko míakatã miate ŋu alɔ̃ ɖo, Gbedeasi siae. Gbe ɖeka dzi ko woɖo kpe be enye Ale Aƒetɔ La Gblɔ Esi, Mawu ƒe Gbe le nyaƒoka dzi.
Azɔ, hame fafɛwo, ŋkumenuwɔlawo, ƒuƒu kplakplakplawo, kple wotɔewo, mawuŋunusɔsrɔ̃ ametɔwɔwɔe, ema mawɔe o; Ametiatiawo matsɔ ɖeke le me na ema kura o. Gake ele dzigbe le afima ɖi nu vavãtɔ la kloe. Aɖe asi le Nya ɖeka ŋu ko ye nye nusi katã wòle be nàwɔ. Ŋugbe si wodo na agbenɔɣi la; ɣeyiɣi gã aɖe ŋutɔ! Kristotɔwo, afisiafi, mitsɔ ɖe le eme na gaƒoƒo si me míele agbe le! Miŋlɔ nu ɖi, eye mixlẽ, aɖase nyuie.
Agbenɔɣi vɔ̃ɖi sia ƒe mawu le ɖe sia ɖe si wòate ŋu awɔ wɔm be yeable amewo esime wòalé Eƒe Gbe ma si dzi woɖo kpe te ɖa le wogbɔ. Edzena agbagba be yeana woakeɖi Nya ɖeka ko, abe alesi wòwɔe na Xawa le gɔmedzedzea me ene.
Gake Kristo ƒe Nya-Ŋugbetɔ la gbɔna Ta aɖe gbɔ. Míegbugbɔ le ɖeka wɔm kple míaƒe Zɔ̃he la le afisi míedze egɔme le. Gododo ƒe ɣeyiɣi la tu aƒe. Mawu gbɔna na Eƒe Ŋugbetɔ si le anyinɔm kple Eƒe Nya la.
Gbɔgbɔ Kɔkɔe la le afisia le Ŋugbetɔ aɖe yɔm do go na Kristo. Ele ewɔm to kpeɖoɖo Eƒe ŋugbedodo ƒe Nya dzi na Ŋugbetɔ dzi, na agbenɔɣi sia, le fiafiam be Kristo ye Wònye.
Naneke mele gã wu be nàwɔ ɖeka kple Ŋugbetɔ la le xexeame godoo, anɔ Mawu ƒe Gbe sem wòaƒo nu na wò teŋ o. Mehĩa be nàkpɔ mɔ, abia nya ɖokuiwò se alo ado gbeɖa ŋutɔ gɔ hã be nusi sem nèle la nye nyateƒe o. Elabena Enye ALE AƑETƆ LA GBLƆ ESI ƑE GBE, ƉEKA SI DZI WOƉO KPE.
Va wɔ ɖeka kpli mí:
Ke le nusiawo megbe la mekpɔ dɔla bubu aɖe si ɖi tso dziƒo va, ŋusẽ gã aɖe le esi; ke anyigba la klẽ kple eƒe ŋutikɔkɔe.
Le ŋdɔ ga 12 me, Jeffersonville ƒe game, esime míase: Agbenɔɣi Vɔ̃ɖi Sia Ƒe Mawu 65-0801M.
Nɔvi. Joseph Branham
Ŋɔŋlɔ siwo woaxlẽ do ŋgɔ na Gbedeasi sese:
Mateo Kɔkɔe ta 24lia/ 27: 15-23 Luka Kɔkɔe 17:30 Yohanes Kɔkɔe 1:1/14:12 Dɔwɔwɔwo 10:47-48 Korintotɔwo I 4:1-5/ ta 14 lia Korintotɔwo II 4:1-6 Galatiatɔwo 1:1–4 Efesotɔwo 2:1-2/ 4:30 Tesalonikatɔwo II 2:2-4 / 2:11 Hebritɔwo ta 7 lia Yohanes I Ta 1 / 3:10 / 4:4-5 Nyaɖeɖefia 3:14 / 13:4 / Ta 6-8 kple 11-12 / 18:1-5 Lododowo 3:5 Yesaya 14:12-14
