All posts by admin5

21-0808 Katonda Akyusa Endowooza Ye?

August 7, 2021 admin5

Nsango: 65-0427 Katonda Akyusa Endowooza Ye?

BA MPONGO BAZALI KOYANGANA

Omugole w’Okwagala Okutuukiridde omwagalwa,

Ai Katonda omwagalwa, tetwagala kwagalakwo okw’ekyerekerezo , Kitaffe. Ka tutambulire mu kwagalakwo okutuukiridde. Katu—tetumala gajja Kigambo wano na wali, ne tukireetera okuja mu kikwate ekimu oba ekiyiiye, oba ekintu ekimu. Leka tutwale Ekigambo nga bwekiri, nga tukkiriza Enjiri enzijuvu, byonna Yesu byeyatuyigiriza ffe okukola.

Okwo kwekuyaayaana kwaffe okusinga obukulu era okuviira wansi ddala ku ntobo z’emitima gyaffe, okubeera mu kwagala kwa Katonda okutuukiridde. Tetukyetaagirako ddala okumunyiiza, naye okumusanyusa mu byonna byetwogera ne byetukola. Twagala okubeera batabani be ne bawala be abatongozeddwa era abalabisiddwa.

Tukizuula wa engeri y’okubeeramu mu kwagala kwe okutuukiridde ne tumusanyusa? Tuteekwa okugenda eri Ekigambo Kye, kubanga tumanyi Ekigambo Kye ge mazima n’obulamu. Ekigambo kye bulijjo kiba kyekimu, enteekateeka ye bulijjo eba y’emu, kubanga tayinza kujjulukuka.

Ekigambo kitugamba, engeri gyeyakolamu ebintu omulundi ogwasooka, bulijjo alibikola mu ngeri y’emu. Lubeerera ateekwa kusigala nga y’omu. Ekigendererwa kye bulijjo kibadde nga kyekimu. Ebikolwa bye bibadde nga bye bimu. Engeri gy’Akolamu ebintu, engeri gy’Awonyamu abantu, engeri gy’Akulemberamu abantu be, bulijjo Alisigala nga y’omu.

Baibuli etugamba mu Kigambo Kye ekitakyuka nti Ekigambo kya Katonda kijja eri bannabbi be bokka. Tekiribaawo nti akibikkulira bakulu ba kkanisa oba omuyigirize mu by’okusoma Katonda, eri ba nnabbi be bokka. N’okugamba yagamba nti taliiko kye yakola okutuusa nga asoose kukilaga bannabbi be.

Omuntu bulijjo ayagadde ekibiina ekikoleddwa abantu, akabondo k’abantu abamu okubakulembera. Naye tekibangako bwekityo nti eyo y’enkola ya Katonda, Bulijjo yatuma omukulembeze omuyiteyo mu ngeri ey’omwoyo , nnabbi omwawule n’Ekigambo okukulembera abantu be. Nnabbi oyo yalabisibwa era yalondebwa okubeera omukulembeze waabwe ow’essaawa eyo.

Katonda yalonda era n’ateeka mu bifo abakulembeze abalala abaawule bangi nga bajjuziddwa n’Omwoyo Omutukuvu; era balina ebifo byabwe,naye Yalabula abakulembeze abo, “mwekuume okuva eri Empagi y’Omuliro eyo.” Empagi y’Omuliro eyo ekolaki…EKULEMBERA ABANTU EKIRO N’EMISANA.

Olwo Ekigambo ne kitugamba, “Nga bwekyali mu nnaku za Sodoma, bwekityo bwekiriba Omwana w’Omuntu nga abikkulibwa.” Okusiinzira ku Kigambo Kye mu Malaki 4, n’Ebyawandiikibwa bingi, Ye waakukomawo mu Kkanisa ye mu ngeri ekwatikako; mu bantu, mu bitonde eby’olulyo lw’abantu, mu ngeri y’okubeera nnabbi.

Nnabbi ono tulimumanya tutya? Alikakasa kiki ky’ali ng’akozesa Ekigambo. Alimanya ebyama ddala eby’omutima. Alibikkula Ekigambo kyonna eri abantu. Alikakasibwa Empagi y’omuliro okukulembera Omugole. Katonda n’okuba alyekubisa ekifaananyi ne nnabbi We.

Abamu balibeera nga Yokaana ku kazinga Patumo bagezeeko okumusinza, naye aligamba, “Tunula ekyo obutakikola, kubanga ndi muddu munno, era omu ku ba nnabbi, sinza Katonda.” Omugole alikimanya obutamusinza, omuntu, wabula okusinza Katonda MU MUNTU OYO.

Alikimanya nti ye ye Katonda gw’alonze okwogera Ebigambo eby’obwannantakolansobi. Alikimanya nti ye yeyali omubaka malayika ow’omusanvu eyalondebwa Katonda. Ensi eriraba era n’ewulira Eddoboozi lya Katonda nga lyogera okuyita mu ye era eriraba Adamu asoose okuzzibwawo mu bulamba.

Alikulembera omugole ng’akozesa Empagi y’Omuliro. Aliba afuna obubaka bwe obufunika era obutegeerekeka ng’abujja eri Logos era ng’abuwa Omugole mu lugendo lwabwe okugenda mu nsi ensubize. Omugole aliba n’Okubikkulirwa era amanye nti ono ye mubaka wa Katonda ateereddwawo. Lino ly’ekkubo lya Katonda eriteereddwawo. Kuno kwe kwagala kwa Katonda okutuukiridde.

Jjangu otwegatteko Ssande ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), era owulire: Katonda Akyusa Endowooza Ye? 65-0427.

Owol. Joseph Branham

Okubala 22:31

21-0801 Akakasa Ekigambo Kye

July 31, 2021 admin5

Obubaka: 65-0426 Akakasa Ekigambo Kye

Empungu zikuŋŋaanira awamu

Abaana abato abaagalwa bwemutyo abayinza okuyiga,

Nga mbeera ya mu ggulu gye tutuddemu ku Ssande nga omugole wa Kristo akuŋŋaanidde awamu mu kubeerawo kw’Omwoyo Omutukuvu. Tulinga abakiwulira nga afuula emibiri gyaffe egifa emiramu.

Tewali kufukibwako mafuta kusingako, yadde embeera eberwamu esingako, ku mbeera eyo mw’onyigira zannya n’owulira eddobooza lya Katonda nga lyogera nawe. Katonda aterezezza n’azza mu kifo amatu gaffe okuwulira n’okukkiriza buli Kigambo, kubanga ssi kirala okujjako El, Elah, Elohim, oyo Eyeebeezawo Yekka, Omuyinza Wa Byonna, kirimaanyi Omu, ng’ayogera eri buli omu kuffe era nga atubikkulira nti tuli batabani be era bawala be abalabisiddwa.

Nga kyali kya maanyi nnyo ng’ensigo ya Katonda eyayawulibwa edda, okuva wonna mu nsi, nga bassa emikono gyabwe emitukuvu buli omu ku munne. Amaka gaffe n’amakanisa gaffe gajjuzibwa okubeerawo kw’Omwoyo Omutukuvu. Okukkiriza kwaffe kwali kuzimbiddwa, kubanga twali tumanyi ani yali ayogera naffe. Olwo yatugamba amaanyi ago agafuula ekintu okuba ekiramu gaali mu ffe. Twakkiriza n’emitima gyaffe gyonna n’emmeeme zaffe, kubanga bwatyo bwe Yayogera.

Olwo n’atugamba okugamba, “Mukama Katonda, Nzikiriza n’omutima gwange gwonna.” Twaddamu buli kigambo okuva ku ntobo z’emitima gyaffe. Yagamba, “Obulwadde tebusobola kuyimirira mu kibiina nga kino.” Omwoyo gwaffe gwasanyuka nga bwe tuwulira Ebigambo bino, kubanga twali tumanyi kiki ekyali kigenda mu maaso.

Yagamba, “Buli omu ayagala Omwoyo Omutukuvu, wanika emikono gyo, BULI WAMU W’OLI. abaKyagala …Ddala nzikiriza nti Katonda ajja kujjuza buli omu kummwe, Kati kati, n’Omwoyo Omutukuvu.”
Ddala mu kaseera ako, twajjuzibwa, ne tujjuzibwa nate, n’Omwoyo we Omutukuvu, Eddoboozi lya Katonda lyali lyakamala okukyogera.

Olwo eri abo abaali beetaaga okuwonyezebwa mu mibiri gyabwe, Yagamba, “Mbalagira, mu Linnya lya Yesu Kristo, okuyimirira ku bigere byammwa era musembeze okuwonyezebwa kw’emibiri gyammwe.” Mu kaseera ako kennyini, buli mukkiriza, okuva wonna mu nsi, eyalina okukkiriza era ng’akkiriza, YAWONYEZEBWA.

Kino kyabaawo wa? Mu kabiina akamu akatono ak’abantu abakuŋŋaanidde awamu? Nedda, kyali kuva mu WONNA MU NSI omugole bweyali nga atuula awamu mu bifo eby’omu Ggulu ng’awuliriza Eddoboozi lya Katonda ery’olunaku lwaffe.

TEKISOBOKA omuntu yenna, oba ekibiina ky’abantu, okugatta Omugole mu ngeri etyo. Mwoyo Mutukuvu yekka y’ayinza okukikola ng’akozesa okwogera okuyita mu muwereza we ateereddwao ku lw’olunaku. Obubaka buno buli BWATYO BW’YOGERA MUKAMA. Tekiriiko kwewuunya, tekiriiko kukubaganya birowoozo, Katonda ataddewo kino ly’ekkubo Lye eriteereddwawo olw’olunaku lwa leero.

Nga kiwummulo n’emirembe bye tulina. Tewali we kitwetaagisiza kweraliikirira oba okubuuza ekyo ekiri okwogerwa gyetuli. Tewali we kitwetaagisiza kuddayo ku Kigambo kukikebera, kubanga tuwuliriza Ekigambo kya Katonda Ekikakasibbwa ku lw’olunaku lwaffe. Twetuulira bwetuulizi mabega, ne tuggula emitima gyaffe, okutegeera kwaffe n’emmeeme zaffe, era tugambe AMIINA, AMIINA, AMIINA.

Nedda, tetusaanidde. Nedda, tetutegeera buli kimu. Naye TUKKIRIZA buli Kigambo. Yagamba ako kekaali akabonero akannamaddala akalaga nti olina Omwoyo Omutukuvu, era Mugole We yekka yajja okukkiriza era asigale na buli Kigambo. FFE MUGOLE OYO….Alleluia!.

Kiyitira waggulu ddala w’ab’ekitalo, abeeyita abalowooza ennyo, n’akibikkulira abaana abato bwebatyo abayinza okuyiga.

Ndi musanyufu nnyo nti ndi mwana omuto bwentyo nnyinza okuyiga.

Akakasizza okuyita mu byaasa kiki kye Yali mu buli mulembe. Yakikakasa ng’ayita mu bannabbi be. Yakikakasa bweyajja mu mubiri, n’atwala ebyoonoono byaffe nakubibwamu emisumaali ku musaalaba, olwo n’azuukira nate n’atuma Omwoyo Omutukuvu okukomawo.

Kaakati akikakasizza mu mulembe gwaffe ng’ayita mu kukomawo n’okwebikkulira mu mubiri g’omuntu omulundi gumu nate nga bwe yasuubiza mu Kigambo Kye nti bwalikola. Yeekakasa okubeera Omwana w’omuntu, obuweereza bwa Yesu Kristo mwennyini, nga abikkiddwa mu mubiri g’omuntu.

Era kati, essuula Ye eyaakamalirizo, ensonga yennyini ey’enteekateeka eno ey’ekitalo, okutujjira, Omugole we azziddwawo mu bujjuvu, era akakasiddwa, asigadde n’Ekigambo.

Wandyagadde okubeera ku lusozi olunaku olwo Yesu we yayogerera ne 5000? Wandyagadde okumulaba ng’akakasa eri ensi kiki kye Yali ng’agabirira emigaati n’ebyennyanja? Wandyagadde okuba ng’otudde wansi w’amafuta ago, ng’owulira buwulizi ddoboozi Lye nga libudabuda omutima gwo n’Ebigambo bye eby’Obulamu Obutaggwawo?

Osobola, bw’oba nga okkiriza Obubaka buno n’omutima gwo gwonna.

Jjangu otuule wansi w’amafuta ago ku lusozi wamu naffe Ssande eno ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda), era owulire Katonda nga akakasa ensi kiki ky’Ali mu lunaku lwaffe. Lukka 17:30 ng’ayogera gy’oli era ng’akutegeeza B-R-A-N-H-A-M ly’Eddoboozi lyange gy’oli Erikakasibbwa era Eddonde. Jjangu omuwulire nga: Akakasa Ekigambo Kye 65-0426.

Ow’oluganda. Joseph Branham

Ebyawandiikibwa by’okusoma:

Omutukuvu Matayo 11:4-19 / 28:20
Omutukuvu Makko 11:22-26
Omutukuvu Lukka 8: 40-56 / 17:30
Omutukuvu Yokaana 14:12
Abaebbulaniya 4:12-15 / 13:8
Malaki 4

21-0717 Okuva Okw’okusatu

July 17, 2021 admin5

Obubaka: 63-0630m Okuva Okw’okusatu

BranhamTabernacle.org

Empungu zikuŋŋaanira awamu.

Batabani ne bawala ba Katonda abaagalwa abalabisiddwa,

Omuntu n’ewokutandikira kumpi tamanyiiwo. Okulowooza nti, tubadde tutudde wamu mu mbeera ey’omuggulu, okuva mu nsi yonna, nga tunywa okuva ku Mazzi ago Amalamu, nga tufuuka batabani be ne bawala be abalabisiddwa. Obubaka buno buli mu kutuwa okutegeera okujjuvu, nga bututeeka ntende mu bifo byaffe, era nga butubuulira kiki KYETULI mu Kristo Yesu.

Obubaka buno buli mu kukola ki?

“Kubanga mbafumbiza, mbanjula eri Kristo, nga omuwala omulongoofu.”

Ekitiibwa, Katonda yatuma omubaka we ow’omusanvu okutwanjula gy’Ali nga omuwala omulongoofu. Tujja kulamulwa buli kigambo KYE YAYOGERA. Ekyo kitegeeza nti oteekeddwa OKUNYIGA EPPEESA LYA ZANNYA.

Yawandiika Bayibuli ye eyasooka mu bwengula. Olwo n’awandiika Bayibuli ye ey’okubiri mu jjinja. Bayibuli ye ey’okusatu yawandiikibwa ku lupapula ku lw’ensi ey’ekitalo, engezi ey’eby’obwongo ey’okujja. Naye leero, olunaku ol’okubikkulirwa olw’amaanyi, tulina omulimu gwe ogusinga gyonna omujjuvu era omutuukirivu, eddoboozi lya Katonda lyennyini ngga liyitayo Omugole We, nga liyita Mu Ntambi:

“Era OLI-twanjula eri Mukama Yesu w’anajjira, ng’ebikompe ebiraga obuwanguzi bw’obuwereza bwo.”

Era ffenna ne tuleekaanira waggulu nti

“Ekyo tukimanyi! Tuwummudde n’obukakafu.” Baagamba, “Olitwanjula gy’Ali, era olwo tujja kuddayo ku nsi nate, okubeera abalamu emirembe n’emirembe.”

Ani Omugole wa Kristo gwe yaleekana n’agamba nti y’ali twanjula eri Katonda? Nabbi wa Katonda OLW’OBUWEREZA BWE. Oyinza otya obutayagala kuzannya ntambi zino mu kkanisa yo?

Bubaka buno bwokka, entambi zino, ze ziyinza okuleeta ekkanisa mu kutabagana kuti ne Katonda, okutuusa ng’okulabisibwa kw’Omugole Omusajja kulabisiddwa muffe. Mmanya ntya okubagamba nti “musigale n’Entambi,” nnaddayo ku ndagiriro nnakabala okulaba nnabbi kyeyagamba.

Nsuubira nti obwongo obw’omwoyo busobola okibaka. Nkakasa mukikola. Naye nneewunya, eyo wabweru. Mu ngeri yonna, oyinza okukyalira amawanga gonna. Osobola okusindikayo entambi. Katonda ajja kuba n’engeri emu ey’okukwatamu obwongo obwo eyo wabweru ensigo gy’esigibwa. Kituufu. Mangu ddala ng’omusana gugyakidde, eba egenze, efuna obulamu. Nga omukazi oli eyali ku luzzi, yagamba, “Kikyo awo.” Yakifuna.

Eri ffe mubissi mu lwazi, ssanyu eritoogerekeka, bwe bukakafu obw’omukisa, y’ennanga y’emmeeme, ly’essuubi lyaffe era ekitusigazaawo, lwe lwazi olw’edda, kiri byonna.

Obwongo bwaffe obw’omwoyo buggiddwako ettosi. Tumanyi ddala kiki ky’Ali. Tumanyi ddala kiki kyetuli. Tumanyi ddala wa gye tugenda. Tumanyi oyo gwetwakkiririzaamu era tuli bamativu nti ayinza okukuuma ekyo kyetumuteresezza okutuusa ku lunaku luli.

Olwo Katonda bw’aba atubikkulidde nti tuli bakiise be, amaanyi gonna agali mu ggulu, kyonna Katonda ky’Ali, ba Malayika be bonna n’amaanyi ge gonna gayimirira emabega w’ebigambo byaffe, kubanga yagamba, “Buli kye munaasiba ku nsi, ekyo kye nnaakisiba mu ggulu. Buli kye munaasumulula ku nsi, ekyo kye naasumulula mu ggulu. Era mbawa ebisumuluzo by’Obwakabaka.”

Kiseera kya kudda ka. Okuva kuli kumpi. Katonda atulaga ani y’ani. Omugole wa Yesu Kristo, ajja kujjibwayo, ayingizibwe mu Nsi eyasuubizibwa.

Mu kuva kwe okwasooka, yabajja mu nsi eyookunsi, n’abayingiza mu nsi eyookunsi. Okuva okwokubiri, Yabajja mu mbeera ey’omwoyo, okubayingiza mu kubatiza kw’Omwoyo Omutukuvu. Kaakano atujja mu kubatizibwa kw’Omwoyo Omutukuvu, okutuzzaayo mu butaggwaawo, ng’Akozesa Empagi y’Omuliro y’emu, ng’Akozesa enkola y’emu enfukeko amafuta, Katonda y’omu nga akola ebintu byebimu!

Embuyaga kazikunte. Leka mbeera y’obudde ejjudde embuyaga, okumyansa kw’eggulu n’okubwatuka bikankane, tukuumiddwa bulungi okuva eri ekabi luberera. Tuwummulidde wali wennyini ku buli Kigambo.

Jjangu otwegatteko Ssande eno ku ssaawa 8:00 ez’akawungeezi, mu budde bwe Jeffersonville, (z’essaawa 3:00 (ssatu) ez’ekiro e Uganda), era owummulire ku buli Kigambo kyonna Katonda kyeyagamba kulw’olunaku lwaffe. Wetegekere okujjakwe okusembedde era owulire: Okuva Okw’okusatu 63-0630M.

Birangiddwa ow’oluganda Joseph Branham.

Ebyawandiikibwa by’okusoma ng’okuwulira Obubaka tekunnaba:

Okuva 3 :1 – 12

Oluberyeberye essuula 37 yonna

Oluberyeberye essuula 43 yonna

21-0711 Okutongoza Omwana

July 10, 2021 admin5

Empungu zikuŋŋaanira awamu

Empungu abaagalwa, leka ffenna tukuŋŋaanire wamu tuwulire
Obubaka Okutongoza Omwana #4 60-0522E Sande eno ku ssaawa 8:00 ez’akawungeezi, mu budde bwe Jeffersonville. (Z’essaawa 3:00 (ssatu) ez’ekiro e Uganda).

Birangiddwa ow’oluganda Joseph Branham.

Ebyawandiikibwa by’okusoma ng’okuwulira Obubaka tekunnaba:
Abaefeeso 1: 8-22 / 2: 1 / 4:30
Abaebbulaniya 7: 1-3
Oluberyeberye 14: 18-24
Omutukuvu Matayo 26: 26-29
Omutukuvu Yokaana 17:17
Abaggalatiya 1: 8
Yobu essuula 38 yonna