Mesagj: 65-1125 Inyon Envizib Lepouz Kris La

PDF

Ankenn responsablite pou Tradiksyon ki fèt nan Branham Tabernacle

Byenneme Dam Eli,

Kisa ou t ap bay pou ke Seyè Jezi a vin lakay ou Dimanch sa a, chita sou kanape w, gade w nan je epi pale avè w dirèkteman?

Ou pa t ap ka pale. Ou pa t ap vle pale. Tout sa ou t ap vle fè, se gade Li epi kriye. Ou t ap menm pè ouvri bouch ou. Kisa ou tap ka di? Nan lespri w, ou t ap panse: “Seyè, m tèlman pa diy ke Ou isi a lakay mwen. Mwen pa anyen menm. Mwen desevwa W anpil fwa Seyè, men Seyè, m tèlman renmen W.

W ap reyalize alò nan kè w ke Li konn egzakteman sa m panse, pa gen anyen nou ka kache L. Li konn sekrè ki nan kè m.

Alò ke w ap gade nan bèl Je L, w ap wè anpil lanmou ak konpasyon. Li ta pale avè w san menm Li ouvri bouch Li. W ap di tèt ou: Li vrèman la a, lakay mwen, avè m.

Kè w ta kòmanse bat ankò pi vit, alò ke ou t ap wè ke Lap pare pou L di w on bagay. Men lè a, Vwa ki pi dous ke ou janm tande, t ap di: “Byenneme cheri Mwen, pa enkyete w, non w nan Liv Lavi Ayo Mwen. Se pa ansyen liv inyon natirèl ou a, men nouvo Liv Lepouz Mwen an. Se sètifika maryaj ou avè M.

Cheri Mwen, ou pa jis padone de tout peche w epi echèk ou, men pou Mwenmenm, ou JISTIFYE. Nan Je M, ou pa janm fè anyen ki mal.

Ou se presye pitit gason Mwen, presye pitit fi Mwen, vètye epi san peche. Ou kanpe pur; Lepouz pur Mwen ki lave avèk Dlo Pwòp San Mwen.

Anvan menm ke te gen yon lalin, zetwal oswa yon molekil, ou te pitit gason Mwen ak pitit fi Mwen. Ou se manifestasyon fizik atribi ki te nan Mwen nan kòmansman an.

Jèn espirityèl ou te nan Mwen pwiske ou son ekspresyon atribi Mwen, panse Mwen. Ou te nan Mwen menm anvan fondasyon mond lan.

Ou se Lepouz espirityèl Mwen ki rete nan Prezans Fis lan, ap muri, nan tande Pawòl Mwen. Kounye a, ou kòmanse gon revèy, nan tounen epi nan aliyen nou a Pawòl Mwen. Ou se Lepouz Mwen, Dam Eli Mwen.

Kounye a ou nan inyon espirityèl avè M. Kò w ap tounen Pawòl, e Pawòl la ap tounen kò; manifeste e konfime. Egzakteman sa Mwen di w ki t ap rive nan jou sa a, se sa k ap pase, jou aprè jou. Pawòl la k ap vin Pawòl la.

Ou resevwa vrè Revelasyon pou dènye jou sa a: rasanbleman Lepouz Mwen pa Mesaj Sa a. Pa gen lòt laj Mwen te pwomèt Li. Mwen pwomèt nou Li, nan aj sa a: Malachi 4, Lik 17:30, Jan 14:12.

Nou pral gen yon Festen Aksyon de gras Dimanch sa a, lè Mwen pral di w plis toujou. M pral pase plizyè zè avè w, kote nou pral kominye epi nou pral regale sou Pawòl Mwen. M pral rasire w ke nan rete avèk Pawòl Mwen, pwofèt Mwen, Vwa Mwen, nan Apiye sou Jwe, ou nan Volonte pafè Mwen an.

Mwen di yo nan Pawòl Mwen an, ke Mwen kanpe nan pòt la, ap frape. Si yon moun tande VWA Mwen, epi ouvri pòt la, M ap ante lakay li, M ap soupe avè l, epi limenm avèk Mwen. Anpil pa pral tande epi ouvri pòt yo, men pa Revelasyon, ou louvri pòt ou epi ou akeyi M anndan.

Yo pa dakò pou yo jwe Vwa M nan legliz yo. Si yo te jis kite Sentespri a sonde panse yo avèk Pawòl la, yo t ap dakò. Kite Kris, Pawòl wen an, sonde pwòp konsyans ou. Kite L antre nan ou, wè si Li vrè ou non.

Mwen di w ke li pa t ap on denominasyon ki t ap reyini nou, yo pa menm ka dakò sou youn ou de Pawòl nan Bib la. Èske Mwen di w li t ap on gwoup moun? Non! Mwen di w ke se te yon Mesaj ON sèl Moun; epi ou te tande epi ou te obeyi.

Paske yo p at vle tande epi aksepte pwogram orijinal Mwen depi kòmansman an, Mwen voye yo predikatè, anseyan, apot, pastè e pwofèt. Men yo te voye yo pou fè moun yo TOUNEN a pwogram orijinal Mwen ki pafè, anj pwisan Mwen. Paske Se Vwa Bondye pou ou.

Yo wen, men M jis gen ON SÈL PWOFÈT MESAJE POU KONDWI W. SENTESPRI A SE PWOFÈT LA. Èske m pa di w plizyè fwa, PAWÒL MWEN KI PWONONSE PA LIMENM PA BEZWEN ENTÈPRETASYON, PA AJOUTE NI RETIRE ANYEN A SA LI DI, JIS DI SA LI DI SOU BANN YO? Sa se pwofèt la, Sentespri a k ap kondwi w. 

Se li ke Mwen voye pou rele w pou w vin Lepouz Mwen. Se li ki pou prezante w ban Mwen. Se limenm Mwen te kanpe avè l alò ke m t ap montre l on apèsi sou ou, Lepouz Mwen. Mwen te di w tout bagay sou li nan Apokalips, lè M te di: “Mwenmenm Jezi, Mwen voye ANJ MWEN pou temwaye nou bagay sa yo NAN LEGLIZ YO. Se Mwenmenm, M jis itilize kò li epi vwa li pou pale avè nou.”

Ala yon bèl jou n ap pase ansanm avèk Li. Nou pat janm osi kontan e satisfè nan vi nou. Se SA. Se sa nou t ap tann tout vi nou.

Pa gen yon lonbraj dout nan kè nou oswa nan lespri nou. Paske nan chak Mesaj ke nou tande, Li di nou ke nou nan Volonte pafè Li. Gen on sèl Vwa ki pral ini nou, pèfeksyone nou, epi rasanble nou…Mwenmenm, MWENMENM K AP PALE ATRAVÈ PWOFÈT MWEN. PA PAWÒL LI, PAWÒL MWEN. SE CHEMEN KE MWEN BAY.

Tab la sèvi. Li plen chou, epi navè, epi radi… PAWÒL SOU PAWÒL, SOU PAWÒL. Nou pral gon Festen Aksyon de gras kòm jamè oparavan. Pral gon jubile atravè mond lan alò ke Lepouz la ap rasanble bò Tab yo pou tande Vwa Bondye a k ap pale avè yo. Lakay nou ak legliz nou pral ranpli avèk prezans Li. N ap rete bèbè eksepte pou Glwa nou yo, Alelouya, lwe Non Seyè a.

Vin patisipe nan Rasanbleman Aksyon de gras Fanmi Lepouz la, alò ke Li pral nouri nou. Pa an reta, alò ke nou pral kòmanse festen an Dimanch, a egzakteman midi, lè Jeffersonville. L ap la a, paske Li te di m Li ta pral la.

M AP VINI, e M pral di nou tout bagay sou Inyon Envizib Lepouz Kris La 65-1125.

M ap wè nou la a, a Tab 

Frè Joseph Branham

Alyas: Dam Eli Li

Mesagj: 65-0429e Chwazi Yon Epouz

PDF

Ankenn responsablite pou Tradiksyon ki fèt nan Branham Tabernacle

Byenneme Youn Sou Yon Milyon

Sa fè lontan M ap tann nou. Nou se cheri Mwen, e M tèlman renmen nou. Kòm Mwen pwomèt nou li, M konstwi yon nouvo Kay pou nou kote Nou pral viv ansanm pou Letènite. M fè tout bagay egzakteman jan nou renmen  l. 

M ka gade nou kounye a epi wè, nou se reflè Mwen nèt. Nou gen egzakteman karaktè Mwen, kò Mwen, zo Mwen, menm Lespri Mwen, menm tout bagay, egzakteman. Nou vin fè youn avè M.

Mwen voye anj pwisan Mwen sou latè a pou l rele nou pou nou soti nan Edenn Satan an. M voye l pou l ka eksprime panse Mwen, atribi Mwen, epi anonse nou bagay yo ki dwe vini. Mwen itilize bouch li epi vwa li pou eksprime bagay sa yo . Apre ke l di yo, Mwen akonpli yo, paske Syèl la ak tout tè a va pase, men Pawòl Mwen p ap janm pase.  

Mwen te konnen ke lè nou ta pral tande M pale, ap itlize vwa anj Mwen, nou t ap konnen nan fon kè w, ke se pa t li, Se te Mwenmenm ki t ap pale avè nou. Se te Mwenmenm ki t ap voye lèt lanmou ba nou, pou di nou, Mwen chwazi nou pou nou vin Epouz cheri Mwen.

Nan je M, pa gen pèsonn tankou nou. Pèsonn ka pran plas nou. Nou te rete lwayal e fidèl anvè Mwen. Lè M ap gade nou, kè M ap debòde de jwa.

Lè Mwen di nou: “Fè trè atansyon cheri, a sa nou tande, pral gen anpil wen ki pral itilize Pawòl Mwen, men yo fo.” Nou konprann avètisman M pa Revelasyon, epi nou rete lwayal e fidèl a Vwa Mwen.

Mwen te tèlman fyè lè nou te priye sensèman pou konnen nan ki legliz pou n fratènize. Mwen di nou pou nou fè bon chwa a, epi Mwen ba nou egzanp de kisa legliz pafè a ye. Nou sonje lè M te di ke yo tout gen lespri sou yo, epi nou chwazi legliz pafè a.      

Mwen menm di nou pou nou fè atansyon a kiyès ki pastè nou. Alò nou ka imajine kijan kè M sote de jwa lè Mwen wè ke nou te rete avèk pastè a ke Mwen te voye pou mennen nou a Mwen. Nou te konnen ke se te Sentespri Mwen ki t ap viv nan pwofèt Mwen pou gide nou vè Mwenmenm.  

M sonje jou a ke nou te tèlman kontan, epi tèlman eksite, lè Mwen te fè anj Mwen monte nan on kote ki wo, pou montre l on apèsi de nou. Nou te kanpe la a ap gade nou, alò ke nou t ap mache devan Nou sou chanson An Avan Sòlda Kretyen. 

Li te renmen anpil fason nou tout te abiye nan rad nasyonal nou de kote nou soti; tankou Swis, Almay, epi lòt kote atravè mond lan. Nou chak avèk cheve long nou ki te trè byen ranje. Jip nou te byen tonbe. Mwen te tèlman fyè e eksite pou M montre nou tout a li, pou l te ka retounen pou ankouraje nou epi di nou ke l te wè nou lòt bò a. 

Tout je yo te vire sou Nou. Lè kèk fi, nan fon liy la, te kòmanse gade lòt kote, li rele: “Pa fè sa! Pa soti nan mache opa a!”    

Lè Mwen di nou ke M t ap anmagazine Manje pou nou te ka nouri tèt nou, nou te konnen egzakteman de kisa M t ap pale. Nou te vle vin Epouz Pawòl Vyèj Mwen ki pi. M pa janm bare nou k ap fè je dou avèk on lòt moun. Se te toujou Mwenmenm, Pawòl Mwen. Sa te fè M tèlman kontan.

Mwen chwazi nou, NOUMENM, pou vin Epouz Mwen. M tèlman damou nou, menm jan nou damou Mwen. Pa dekouraje, pran kouraj, rete kontan, rejwi nou, jou a ap pwoche vit kote M ap vin chache nou. Ala yon bèl moman Nou pral genyen.

A tout lòt yo, REPANTI, tè a ap gwonde. On jou, Los Angeles ap nan fon lanmè a, jan Mwen di nou li. Kòlè Mwen ap gwonde jis anba li. M pap kenbe ban sab sa a pi lontan ankò. Nou pral glise nan oseyan an a 1.6 km de fon, jiska Lanmè Salton. L ap pi mal pase dènye jou Pompeii a.

Byento M pral pirifye tè sa a pa dife. M pral touye tout bagay ki sou li epi ki anba li. Nou wè sa k ap pase atravè mond lan, menm jan Mwen te di nou li. Nou wè Epouz Mwen k ap ini ansanm alantou Pawòl Mwen, menm jan Mwen te di nou li.

Moman an se kounye a. Sezon an se kounye a. Pare tèt nou!

Moman kolè Li a rive sou latè a. Chape poul nou pandan ke gen tan pou nou chape poul nou, epi vin jwenn Kris.

_____________________________

Nou envite pou vin jwenn nou, on pòsyon Epouz Li, alò ke n ap pare pou Vini Li, pandan ke nap tande Vwa Bondye k ap pale avè nou epi k ap pote Mesaj la ba nou: Chwazi Yon Epouz 65-0429A, Dimanch sa a a midi, lè Jeffersonville.

Frè Joseph Branham

Ekriti pou li anvan ou tande Mesaj la:

Jenèz 24:13-14

Ezayi 53:2

Apokalips 21:9

Mesagj: 64-0802 Kay K Ap Vini Pou Epou Selès Ak Epouz Terès

PDF

• 24-0414 Kay K Ap Vini Pou Epou Selès Ak Epouz Terès
• 23-0312 Kay K Ap Vini Pou Epou Selès Ak Epouz Terès
• 22-0918 Kay K Ap Vini Pou Epou Selès Ak Epouz Terès
• 21-0502 Kay K Ap Vini Pou Epou Selès Ak Epouz Terès
• 19-1103 Kay K Ap Vini Pou Epou Selès Ak Epouz Terès
• 17-0924 Kay K Ap Vini Pou Epou Selès Ak Epouz Terès

Ankenn responsablite pou Tradiksyon ki fèt nan Branham Tabernacle

Byenneme Epouz Terès,

Malachi 4 se Pawòl Bondye a, epi Li pwodwi selon espès li, NOUMENM, Epouz Li. Se Sentespri a, Moun Jezikri a, an aksyon, ki etabli nan kè nou. Nou vivifye pa CHAK Pawòl ke Li pwononse, paske “Mouton Mwen koute Vwa Mwen; yo pap swiv on etranje.”

Ala bèl dènye mwa sa yo te bèl, ap swiv pwofèt la nan Jeffersonville. Bondye pale atravè anj pwisan Li epi Li nouri nou avèk Manje Li ki konsève nan SÈL TI DEPO Li nan tout peyi a. Se Laman Kache a, jis pou Epouz Li.

A chak Mesaj ke nou tande, nou an kominyon epi n ap rejwi youn ak lòt: “M konnen ke m tande Mesaj sa yo anpil fwa deja, men m pa JANM tande yo tankou kounye a.” Li vrèman on sous Dlo Viv k ap bouyi anndan nou. Nou apèn ka kenbe tèt nou. Nou vle jis pale de sa. De tout egzistans nou, nou pat janm osi sèten de kiyès nou ye e ki kote nou prale.

Pa gen devinèt ankò:

“M vèman pa konnen. M tèlman fè dè bagay terib nan vi mwen. Mwen desevwa Seyè a tèlman souvan. Ondirè ke m TOUJOU ap fè gagòt.” 

Pa gen espwa ankò:

“M espere vrèman ke m son pitit Bondye. Mwen VLE sa. Mwen priye pou sa.

TOUT jou sa yo FINI. Kounye a NOU KONNEN. Glwa pou Bondye!!

Kijan nou fè konnen? Bondye pale avèk nou dirèkteman atravè Vwa L sou bann yo, L ap di nou san rete: “Mwen nan nou, nou nan Mwen. Nou fè YOUN. Mwen chwazi NOU anvan fondasyon mond lan. Nou se chè nan Kò Mwen, zo nan Zo Mwen.”

Ala yon Mesaj pafè Bondye te ba nou Dimanch, pou di nou kijan mond sa kote n ap viv la pa pou nou, se Edenn Satan. Kouman li te sedwi Èv nan kòmansman an pou li kesyone epi doute jis YON SÈL PAWÒL. Li te retire Vwal Sakre Bondye a, epi li te mete yon vwal konesans, lè sa a je l yo te louvri epi li te konnen ke l te toutouni.

Satan te pèvèti Pawòl orijinal la, epi li rann li avèg, kidonk li toujou toutouni epi li pa konn sa. Li vin larenn Satan epi tè sa a se wayòm Edenn li. 

Dimanch, Epou Selès nou vle raple Epouz terès Li ki kote Lakay Lavni nou an ye epi kijan L ap ye. “Cheri byenneme Mwen, kounye a ke M di w tout bagay sou mond sa a epi kijan se Edenn Satan an, M vle pale w YON FWA ANKÒ sou Lakay Lavni W avè M.

Mwen vle pale w de Li an detay. M konnen ke Ou tande M pale de Li trè souvan, men tann, fwa sa a w ap tande M pale de Li tankou M pa janm fè sa anvan.

M vle antre nan detay. M vle revele w ke ou nan Volonte M ki Pafè lè ou rete avèk Pawòl Mwen epi pwofèt Mwen. M vle ba w on egzanp de sa w ap fè jodi a kòm on egzanp pafè de nouvo Vil la kote ou pral viv.  

Nou vrèman pral rantre nan on bagay. M pral lage nou yon ti bagay; M konnen n ap sezi L. Ou pral viv nan Vil sa a avè M. Pwofèt Mwen pral rete toupre w. L ap vwazen w. Ou pral mache nan lari an lò sa yo epi w ap bwè nan Sous Mwen. Ou pral antre nan paradi Bondye yo, avèk Zanj ki pral plane epi ki pral chante im yo. 

Se ou k ap bijou nan kouwòn pwofèt Mwen an. Ou pral briye pase tout bagay nan mond lan, Jou sa a. Tèlman gen bagay Mwen vle revele w Dimanch. Ala yon bèl jounen nou pral pase ansanm.”

Li tèlman gen bagay an rezèv pou nou nan semèn kap vini yo, si Li pa vin chache nou anvan sa. Semèn aprè semèn, Li pral di nou kiyès nou ye, ki kote nou prale, kijan L ap ye Lòt bò a. L ap kondwi nou nan pi bèl semèn Pak ke nou janm genyen, k ap ranpli sèlman avèk louwanj epi adorasyon anvè Li.

Ala yon moman eksitan. N ap wè pwofesi k ap akonpli devan je nou. Nou wè Pawòl la k ap manifeste NAN NOU. Vini Li ta ka nenpòt ki moman. Nou kanpe devan pòt la avèk bouke nan men nou. Nou ka tande chwal yo k ap galope epi sab la k ap glise anba wou yo. 

Vye kabwèt la pral kanpe trè byento. N ap janbe pòt vye kò sa a epi n ap vole nan bra Li. Li pral gade nou epi L ap di: “Tout bagay fini kounye a, cheri, M pral mennen w kounye a nan Kay kote ou pral rete a.”

Nou envite w vin fè pati de pi gwo jou yo ke mond lan janm wè. Ti èg yo pral rasanble atravè mond lan pou tande Vwa Bondye a k ap pale avèk Epouz Li epi di l tout bagay sou: “Kay K Ap Vini Pou Epou Selès Ak Epouz Terès 64-0802, a midi, lè Jeffersonville.

Frè Joseph Branham

Rapèl: Pa bliye pasaj lè ete a.

Ekriti pou li anvan w tande Mesaj la:

Matye 19:28

Jan 14:1-3

Efèz 1:10

2 Pyè 2:5-6 / Chapit 3

Apokalips 2:7 / 6:14 / 21:1-14

Levitik 23:36

Ezayi Chapit 4 / 28:10 / 65:17-25

Malachi 3:6

Mesagj: 65-0829 Edenn Satan

PDF

Ankenn responsablite pou Tradiksyon ki fèt nan Branham Tabernacle

Byenneme Pitit Mwen Yo,

Nou se yon atribi de Mwenmenm, Papa Selès nou. Nou te an Mwenmenm depin nan kòmansman an. Nou pa sonje l kounye a, men nou te la avè M. M te tèlman anvi konnen nou paske M te vle kontakte nou, pale avèk nou, renmen nou, epi bannou lanmen.

Antanke pitit mwen, nou se yon pati de Mwen, ki fèt chè, menm jan M te fèt chè, pou nou ka an kominyon youn ak lòt tankou yon fanmi Bondye sou latè a. Se te objektif Mwen epi sa M te vle depi nan kòmansman an.

Mwen kreye yon Jaden Edenn pou nou pou nou ka kominye, men enmi Mwen an glise kò l avèk riz, epi li pran kontwòl mond sa a, ap mal entèprete pwogram Mwen an ki pou nou.

Se yon moman trèt ke nap vi la a, men se pi bèl epòk nan tout laj yo tou, paske kounye a nou an fas gran Milenyòm la ankò; nou an fas Edenn ankò.  

Lespri Mwen an se pa yon bagay ke yo anseye nou. Se yon bagay ke Mwen te predestine pa presyans Mwen an nan nou avèk men pwisan Mwen. Kounye a dènye apèl Mwen an destine a sezi Epouz Mwen; “Soti nan mitan yo, separe nou”.

Jodi a, yo pa eseye etabli Pawòl Mwen na kè moun yo, yo eseye etabli tèt yo. Legliz yo ap eseye etabli doktrin legliz la nan kè moun lan. Tout moun ap di: “Mwen fè sesi. Mwenmenm, mwen, pa m, denominasyon mwen, mwenmenm, sesi.” Y ap etabli tèt yo e non Pawòl Mwen an ki pwononse atravè pwofèt mwen an.  

Nou pa bezwen konprann tout sa Mwen di, nou jis dwe kwè L paske se sa Mwen di, epi sa regle pou tout tan.

Sentespri Mwen ap aji nan nou. Se yon Vi ki andedan nou, pa yon emosyon; pa yon sòt de prèv chanèl, men Se yon Moun, Mwenmenm, Jezikri, Pawòl Bondye a, ki etabli nan kè nou, epi li vivifye tout Pawòl aj sa a. Se Sentespri Mwen kap aji nan nou selon Pawòl la.

Premye epouz Mwen te echwe nan koute rezònman Satan an, men Mwen te rachte nou Mwenmenm, ki se Pawòl la ki fèt chè. NOU PAP DESEVWA M. Nou se Epouz Pawòl vyèj Mwen ki pap koute rezònman Satan. Nap rete avèk Pawòl Mwen.

Aprè Milenyòm la fini, lè sa a pral gen yon Edenn kap etabli ankò; M ap reprann gran Wayòm Mwen an. Mwen te goumen ak Satan nan jaden Jetsemane a, epi Mwen te reprann Edenn Mwen an. Kounye a M al prepare Nouvo Edenn nou ki nan Syèl la. M ap retounen pou nou ankò trè byento, donk pa kite kè nou boulvèse.

P ap gen lanmè ankò, paske premye syèl la ak premye tè a pral disparèt. M ap renove l avèk on batèm Dife ki pral touye tout mikròb, tout malèz, tout maladi, epi tout salte ki te janm egziste sou latè a.  

Li pral jayi, epi ap gen yon Nouvo Latè. Premye syèl sa a ak premye tè a pral disparèt. Pral gen yon Nouvo Jerizalèm kap desann de Mwen sot nan Syèl la. La a, M ap avèk nou, vrè atribi Mwen yo, pitit gason ak pitit fi Mwen yo. N ap kominye nan sentete, avèk je nou ki kache de tou peche.

Mwen tounen vin jwenn nou ankò jan Mwen te pwomèt nou M t ap fè. Mwen kenbe Pawòl Mwen anvè nou. Mwen fè anrejistre Pawòl Mwen sou bann mayetik konsa pap gen okenn malantandi, okenn kesyon, jis Pawòl Mwen ki pi pou nou; paske Se Ensi Di Seyè A.

Kenbe konsyans nou pi. Kenbe kè nou vwale. Kenbe je nou vwale de bagay mond lan, kap pouse nou vin on gwo moun.

Pa janm bliye, m ap retounen soti nan lwès epi m ap reprann chemen M ankò youn nan jou sa yo. Disi la, pran Non M avèk nou; L ap bannou jwa avèk rekonfò, pran Li, tout kote n ale, apiye sou jwe.

Pa fè konpwomi sou yon sèl Pawòl. Pawòl Mwen sou bann pa bezwen okenn entèpretasyon. Nou fè pati de Mwen, atribi Mwen. Mond sa a se Edenn Satan, men Mwen te fè nou yon Nouvo Edenn kote nou pral pase letènite ansanm. Disi la, ini tèt nou alantou Pawòl Mwen. Renmen youn lòt.

Vin ini avèk yo nan Branham Tabènak la Dimanch sa a midi, lè Jeffersonville, epi tande M kap pale atravè pwofèt Mwen chwazi a epi revele Pawòl Mwen, alò ke n ap tande; Edenn Satan 65-0829.   

Nan Non Li

Frè. Joseph Branham

Ekriti pou li:

2 Timote 3:1-9

Apokalips 3:14

2 Tesalonisyen 2:1-4

Ezayi 14:12-14

Matye 24:24

Mesagj: 65-0822e Filtè Yon Nonm Ki Reflechi

PDF

Ankenn responsablite pou Tradiksyon ki fèt nan Branham Tabernacle

Byenneme Asanble Frè Branham,

M ta renmen envite mond lan vin jwenn nou sou liy yo Dimanch sa a midi, lè Jeffersonville, alò ke nou menm Zèg yo nap rasanble ansanm a chak twasan kilomèt nan youn nan legliz pwofèt la. Nou pral koute Bondye kap pale atravè setyèm anj mesaje Li kap di nou:

Mesaj sa a, ensi ke tout lòt Mesaj yo ke mwen pote, yo adrese a asanble mwen. Li pa adrese a asanble nou sòf si yo vle resevwa L. Men Li adrese a pèp sa la a.

L ap pale a nou menm, GLWA, asanble li. Pa nou menm k ap di: “Frè Branham se pwofèt la, men li pa pastè mwen. Pastè nou di ke jwe bann nan legliz la li pa konfònm a Pawòl la pou jodi a.” Pastè nou di, nou dwe koute li. Selon Pawòl la, se li ki kondwi nou pa Sentespri a kounye a.”

Pwofèt la adrese li a ou menm epi a pastè w.

A tout minis, nenpòt kote, a nenpòt moman, sa a pa adrese pou manke nou dega anvè anseyman nou yo, sa a pa menm adrese a mouton nou yo.

Nou pa vle batay avèk nou menm frè ak sè. Nou konprann ke li pa adrese a nou, men a nou menm, ki kwè ke Sentespri a plase setyèm anj mesaje Li pou L pastè nou epi pou L kondwi nou, legliz Li. Nou kwè ke jwe bann yo se SÈL VRÈ CHEMEN an. Ou gen rezon fè sa pwofèt la di OU pou fè:

Epi mwen toujou reponn yo konsa, si gen yon manm kèk legliz: “Al wè pastè nou.”

Ou dwe fè jan pastè w la di.

Apresa pwofèt la di pastè w la ankò, jis pou li asire l ke li konprann.

Kounye a, pastè, mwen vle ke ou konnen, ke, se jis a asanble mwen ke mwen di bagay sa yo. E m gen dwa fè sa, paske m te plase pa Sentespri a pou m veye sou mouton sa yo.

Yo te voye l pou li veye sou nou, mouton li yo; sa yo ke Bondye plase sou RESPONSABILITE LI. Sentespri a se pastè nou alò ke Li pale avèk nou epi Li kondwi nou chak jou pa Vwa L ki konfime.

Se sa Seyè a kondwi nou pou fè. Nou pa kont ou menm oswa pastè w, oswa jan ou santi w kondwi pa Seyè a pou aji. Chak moun dwe fè sa yo santi ke Seyè a kondwi yo pou fè selon Pawòl la.    

Nou gen yon sèl filtè, MESAJ SA A. Tout sa nou tande dwe pase pa filtè sa a. Vwa a ke nou tande sou bann yo se sèl Vwa a ke nou gen 100% konfyans ladann ke se Ensi Di Seyè A.

Èske nou kwè ke onksyon sa sou moun sa yo, vle di ke se onksyon Sentespri a?” Wi, msye, Sentespri otantik Bondye a sou yon moun, e poutan yo fo.

Destinasyon etènèl nou depann de sa LI DI SOU BANN, pa sa nenpòt lòt moun oswa gwoup moun di. Kidonk, nou pa kapab, e nou pap tande okenn lòt. Kijan on moun ka pran on chans?

Vin rasanble avèk nou sitou ke nou wè jou a ap pwoche.

Moun yo ka chita dirèkteman lakay yo oswa…rasanble nan baz yo, legliz yo, e ensidswit, epi koute sèvis la.

Sa, zanmi m yo, selon pwofèt Bondye a, se pa entèpretasyon kèk moun sou sa Bib la di, se rasanble tèt nou ansanm ozalantou Pawòl la, sitou ke nou wè jou a ap pwoche.

Kisa lach la itil san Bondye? Li jis on bwat an bwa, avèk de tab an pyè.

Vin rasanble avèk nou alò ke nou pral tande filtè Bondye bay la, alò ke L ap pote nou Mesaj la: Filtè Yon Nonm Ki Reflechi 65-0822A.

Frè Joseph Branham 

Egzaminen poukisa w ap goumen. Egzaminen poukisa ou isi a. Egzaminen poukisa ou al legliz. Kisa ki fè w… Li bon pou al legliz, men pa jis al legliz; sa pap sove w.    

Mesagj: 65-0822M Kris Ki Revele Nan Pwòp Pawòl L

PDF

Ankenn responsablite pou Tradiksyon ki fèt nan Branham Tabernacle

Ti twoupo Mwen,

Mwen salye nou, epi noumenm nan sistèm telefonik sa a, ki vrèman, vrèman byen. Mwen tèlman rekonesan anvè Seyè a, nou ka enstale lakay nou, rasanble nan baz nou, legliz nou, epi koute sèvis la. Kèlkeswa kote vwa mwen ap rive, se pou ti twoupo sa a beni.  

Jodi a, mwen vle ekri nou yon ti lèt lanmou ki soti de kè mwen pou ankouraje nou. Se nou menm ke Bondye chwazi kòm Epouz Li anvan fondasyon mond lan; nou menm kap koute bann sa yo. Mwen di nou plizyè fwa, bann sa yo jis pou nou, nou se asanble mwen. Mwen pa responsab pou sa Bondye bay lòt minis yo veye; mwen jis responsab pou ki kalite Manje mwen ba nou. Bann sa yo pou nou, tabènak mwen sèlman, sa Bondye ban mwen pou m gide. Se Laman kache, lòt la pa ka pran L.

Kounye a, si gen kèk moun ki vle melanje manje a avèk bagay deyò, kite yo jwenn revelasyon an nan men Bondye epi pou yo fè sa Bondye di yo fè, manje kèlkeswa sa yo vle. M ap fè menm bagay la. Men Mesaj sa yo jis pou nou.

M fè tout sa m kapab pou m rete fidèl avèk Pawòl la, pou ou menm ke Bondye mete nan men mwen, paske mouton yo vle manje ki pou mouton. “Mouton Mwen koute Vwa Mwen.” Epi se de sa nap viv, tout Pawòl ki soti. Pa jis on Pawòl de tanzantan, men tout Pawòl ki soti nan bouch Bondye. Se de sa nap viv, nou menm sen yo.

Tout moun dwe gon bagay yo atache a li. Gon bagay ki dwe yon pwen datach, otreman di, on baz fondamantal. E tout moun dwe gon baz fondamantal oubyen on absoli. Pou mwen menm, epi pou moun yo ke m espere map mennen a Kris, epi atravè Kris, Bib la se baz fondamantal nou.

Kounye a, nou reyalize ke Bondye voye ba nou pwofèt Li yo. Se fason sa ke L genyen pou L pote Pawòl Li bay pèp la, atravè bouch pwofèt Li. Kounye a nan tan lafen sa a, Li te pwomèt pou L manifeste tèt Li ankò nan plenitid kò Li, nan Lespri. Se Bondye Li menm sou fòm on lèt, fòm on pwofèt, manifeste nan kò.

Mwen dwe viv toutan nan Prezans Otè a avèk plim mwen, pare a tou moman pou ekri tout sa L di. Lespri mwen fikse sou panse Li; pa sa lòm panse, sa aj la panse, sa legliz la panse, sa wayòm lan panse. Jis panse Bondye! Mwen jis eksprime panse Bondye yo a Pawòl la.

Lè Bondye revele m panse Li yo, mwen eksprime l ba nou an Pawòl sou bann, “ENSI DI SEYÈ A.” Se pa, “MEN SA MWEN DI.” Se, “ENSI DI SEYÈ A!” Mwen jis ka entèprete L si Otè a pèmèt mwen entèprete l pou nou; paske Se Pawòl Bondye a ki sanfay.

Gen anpil lòt moun ki eseye imite mwen, tankou prèt, e ensidswit. Epi kisa yo fè? Jis fè gagòt, se tou. Yo pa ka fè l. Bondye voye mwen, pwofèt Li, pou kondwi Epouz Li; pa yon lòt moun, oswa pa yon gwoup moun.

Mo yo ke mwen pwononse, e fason ke mwen aji, pral avegle lòt moun, men pral louvri je lòt. Li abiye mwen nan estil rad ke m pote, nati mwen, anbisyon mwen, tout bagay jan pou m ye. Li pafètman chwazi m pou ou. Lòt moun tap kanpe epi gade epi di: “Eben, mwen pa kapab. Gen…Mwen-mwen pa ka wè.” Yo avèg.

Lap revele L a moun ke Li pral revele L. Li tèlman reprezante ke Li ka kache tèt Li nan Ekriti a, pou teyolojyen an ki pi entelijan ki egziste. Li ka jis kache tèt Li, plase kò L la a nan Ekriti a, epi yo ka gade tout jounen an epi yo pa janm wè l; gade tout on vi, epi pa janm wè l. Li ka jis kache tèt Li, plase L la a.

Sa ki enpòtan kounye a se moun ki jwenn Mesaj la nan kè yo, yo dwe kouche nan Prezans Fis la, pou vin mi. Apiye sou Jwe epi apresa kite Fis la retire tout sa ki vèt nan nou, fè nou vin on Kretyen ki mi.

Lè l te vini premye fwa a, li te yon moun. Lè l te vini dezyèm fwa a; avèk on doub pòsyon, li te yon moun. Lè l te vini sou fòm Jan Batis, li te yon moun. Li te pwomèt pou l vini jodi a, epi viv epi revele tèt Li yon fwa ankò nan on moun; Fis de lòm lan kap viv nan kò yon moun.

Kounye a nou nan aj Je a, pwofetik, Malachi 4. Pa gen anyen lòt ki rete pou l vini, men se Li menm ki pou antre la, paske se dènye bagay ki genyen.

Tande ti ayo mwen yo, nou menm ke Bondye ban mwen pou gide. Lè a fin ta. Lap vini byento pou nou, Epouz Li. Rete avèk bann yo, li pa bezwen entèpretasyon.

Mwen envite nou, ti Zèg, pou vin jwenn mwen avèk sèl bagay ki pral rasanble Epouz Li ansanm Dimanch sa a, a midi, lè Jeffersonville. Nou pral tande Ensi Di Seyè A pandan ke Bondye ap pale atravè mwen epi ap revele: Kris Revele Nan Pwòp Pawòl Li 65-0822M

Sonje, RETE AVÈK MINISTÈ BANN YO, APIYE SOU JWE CHAK JOU.

Frè Branham

Ekriti pou li anvan nou tande Mesaj la:

Egzod 4:10-12

Ezayi 53:1-5

Jeremi 1:4-9

Malachi 4:5

Lik 17:30

Jan 1:1 / 1:14 / 7:1-3 / 14:12 / 15:24 / 16:13

Galat 1:8

2 Timote 3:16-17

Ebre 1:1-3 / 4:12 / 13:8

2 Pyè 1:20-21

Apokalips 1:1-3 / 10:1-7 / 22:18-19

Mesagj: ###

PDF

Ankenn responsablite pou Tradiksyon ki fèt nan Branham Tabernacle

Byenneme Epouz kap Tann,

E m konnen ke, aprè depa mwen de latè sa a, bann sa yo e liv sa yo pral kontinye viv, epi anpil nan nou, jèn timoun, nou pral dekouvri, nan jou ki pral vini yo, ke sa se egzakteman Verite a, paske mwen pwononse l nan Non Seyè a.

Vin rasanble avèk noumenm Zèg, Dimanch a midi lè Jeffersonville, alò ke nap koute 65-0815 – Epi Ou Pa Konn Sa.

Frè Joseph Branham