Gbedasi: 60-1211E Laodikea Hame Ƒe Agbenɔɣi La

---

• 24-1208 Laodikea Hame Ƒe Agbenɔɣi La
• 23-0618 Laodikea Hame Ƒe Agbenɔɣi La
• 20-1227 Laodikea Hame Ƒe Agbenɔɣi La
• Hɔ̃wo Le Ƒuƒom Ɖedu
• 19-0310 Laodikea Hame Ƒe Agbenɔɣi La
• 16-0410 Laodikea Hame Ƒe Agbenɔɣi La

BranhamTabernacle.org

Ame Tiatia Lɔlɔ̃tɔwo,

Kpɔɖa, Mele tsitre le ʋɔa nu le eƒom: ne amea ɖe se nye gbe, eye wòʋu ʋɔa la, Mage ɖe eme le egbɔ, eye maɖu nu kplii, eye eya hã aɖu nu Kplim.

Subɔsubɔdɔ, miʋu miaƒe ʋɔtruwo na Mawu ƒe dɔla hafi gbada nava yi. Migbugbɔ Mawu ƒe Gbe la de miaƒe nyagblɔtiwo dzi to nyaƒokawo ƒoƒo me. Enye Mawu ƒe Gbe ɖeka kolia si dzi woɖo kpe na míaƒe ŋkeke la kple Nya siwo medana ƒu o. Enye Gbe ɖeka kolia kple Ale Aƒetɔ La Gblɔ Esi. Enye Gbe ɖeka kolia si Ŋugbetɔa katã ate ŋu agblɔ AMEN na.

Agbenɔɣi gãtɔ kekeake le ɣeyiɣiawo katã me yenye esi. Yesu le Eɖokui ŋu ɖɔm na mí esime Eƒe amenuveve ŋkekewo le nuwum. Ɣeyiɣia va ɖo nuwuwu. Eɖe Eƒe dzesidedewo fiam mí le agbenɔɣi mamlɛ sia me. Ena míekpɔ Eya ŋutɔ ƒe Mawunyenye gã kekeake kple amenuvevetɔ la zi mamlɛtɔ. Agbenɔɣi siae nye Eya ŋutɔ ƒe ɖeɖefia ƒe tamekpe la.

Mawu va le Laodikea ƒe agbenɔɣi sia me eye wòƒo nu to amegbetɔ ƒe ŋutilã dzi. Wolé Eƒe Gbe ɖe mɔ̃ dzi eye wodzrae ɖo be wòakplɔ Eƒe Nya Ŋugbetɔ la ahade blibo. Ðeko Gbe bubu aɖeke mateŋu awɔ Eƒe Ŋugbetɔ wòade blibo o negbe Eya Ŋutɔ ƒe Gbe ko.

Le agbenɔɣi mamlɛtɔ sia me la, wotsɔ Eƒe Gbe si le nyaƒokawo dzi la da ɖe akpa; woɖee do goe le hameawo me. Ðeko womedi be yewoaƒo nyaƒokawo o. Eyata Mawu gblɔ be, “Mele tsitre tsi ge ɖe miakatã miaŋu. Matu wò aƒu gbe tso Nye nu me. Nuwuwu lae nye esi.”

“Le agbenɔɣi adreawo katã me la, nyemekpɔ naneke o negbe ame siwo dea bubu woawo ŋutɔ ƒe nya ŋu wu Tɔnye ko. Eyata le agbenɔɣi sia ƒe nuwuwu la, mele miatsɔ ge aƒu gbe tso Nye nu me. Ekpan. Mele nu ƒo ge nyuie. Ẽ, mele afisia le Hame la titina. Mawu ƒe Amen, nuteƒewɔla kple nyateƒetɔ aɖe Eɖokui afia eye anye NYE NYAGBLƆƉILA.”

Abe alesi wònɔ tsã ene la, wole du dzi vavã be yewoawɔ abe alesi wo tɔgbuiwo wɔe le Axab ŋɔli ene. Wonɔ alafa ene eye wo katã woda asi ɖe edzi; eye to wo katã ƒe nya ɖeka gbɔgblɔ me la, woble amewo. Gake nyagblɔɖila ÐEKA, ÐEKA KO, tɔ dzɔ eye susɔeawo katã mesɔ o elabena Mawu tsɔ ɖeɖefia la de asi na ame ÐEKA KO.

Esia menye gbɔgblɔm mele be subɔsubɔdɔwo katã nye alakpa eye wole amewo blem o. Eye nyemele gbɔgblɔm hã be ame si si yɔyɔ le be wòasubɔla mate ŋu aɖe gbeƒã alo afia nu o. Mele gbɔgblɔm be subɔsubɔdɔ atɔ̃ vavãtɔa la atsɔ NYAƑOKAWO, Mawu ƒe Gbe na Ŋugbetɔa la, aɖo Gbe vevitɔ kekeake si WÒLE BE MIASE. Gbe si le nyaƒokawo dzi lae nye Gbe ÐEKA si dzi Mawu ŋutɔ ɖo kpe be enye Ale Aƒetɔ La Gblɔ Esi.

Mikpɔ nyuie le aʋatsonyagblɔɖilawo ŋu, elabena amegãxi nyanyrãwo wonye.

Aleke miawɔ anya mɔ nyuitɔ si dzi miato egbea la kple kakaɖedzi? Mamã aɖe tɔgbe le xɔsetɔwo dome. Hatsotso ɖeka gblɔ be subɔsubɔdɔ atɔ̃a la ana Ŋugbetɔa ade blibo, eye bubu gblɔ be Mizi Play ko. Mele be míama o; ele be míawɔ ɖeka abe ŊUGBETƆ ÐEKA ene. Nukae nye ŋuɖoɖo nyuitɔ?

Mina míaʋu miaƒe dziwo ɖe du eye míase nya si Mawu le gbɔgblɔm to Eƒe nyagblɔɖila dzi na Ŋugbetɔ la. Elabena mí katã míelɔ̃ ɖe edzi be Nɔviŋutsu Branham nye Eƒe dɔla adrelia.

Le amegbetɔ ƒe nuwɔna ɖeɖeko nu la, ame sia ame nya be afisi ame geɖe le la, nukpɔsusu kukluklui gɔ̃ hã nɔa nufiafia gã aɖe ƒe nya suesuesue siwo wokatã wolé ɖe asi ŋu. Ekema ameka si ŋusẽ si medana ƒu o si woagbugbɔ aɖo te le agbenɔɣi mamlɛ sia me anɔ, elabena esia atrɔ ayi Nya Dzadzɛ Ŋugbetɔ la ɖeɖeɖego na agbenɔɣi mamlea gbɔ? Ema gɔmee nye be Nya la agasu mía si ake abe alesi wotsɔe na bliboe, eye wose egɔme bliboe le Paulo ƒe ŋkekeawo me. Magblɔ amesi si wòanɔ na mi. Anye nyagblɔɖila si dzi woɖo kpe bliboe, alo esi dzi woɖo kpe bliboe wu nyagblɔɖila ɖesiaɖe le agbenɔɣiawo katã me tso Henox dzi vaseɖe egbe gɔ hã, elabena ahiã be nyagblɔɖisubɔsubɔdɔ si nye tamekpetɔ la nanɔ ame sia si, eye Mawu aɖee afia. Mahiã be wòaƒo nu na eɖokui o, Mawu aƒo nu ɖe eta to dzesi la ƒe gbe dzi. Amen.

Alea, Gbedeasi sia si Eƒe gbedeasitsɔla ɖe gblɔ la, wotsɔe na bliboe, eye wose egɔme bliboe.

Nukae Mawu gagblɔ tso Eƒe dɔla adrelia kple eƒe Gbedeasia ŋu? dɔla adrelia kple eƒe Gbedeasia ŋu?

• Mawu gbɔ koe wòasenu tso.
• “Ale Aƒetɔ la gblɔ esi” anɔ esi eye wòaƒo nu ɖe Mawu nu.
• Anye Mawu ƒe nuƒola.
• EYA, ABE ALESI WOÐE GBLƆ LE MALEAXI 4:6 ME ENE LA, ATRƆ ÐEVIWO ƑE DZIWO ATRƆ AÐE FOFOWO ŊU..
• Agbugbɔ he ŋkeke mamlɛa ƒe ametiatiawo la vɛ eye woase nyagblɔɖila aɖe si dzi woɖo kpe la wòagblɔ nyateƒea tututu abe alesi wònɔ kple Paulo ene.
• Agbugbɔ nyateƒea aɖo te abe alesi wònɔ wo si ene.

Ke emegbea ɖe nya kae Wògblɔ tso mía ŋu?

Eye amesiwo wotia kplii le ŋkeke ma dzi la woanye amesiwo aɖe Aƒetɔ la ɖe go vavã eye woanye Eƒe Ŋutilã kple woanye Eƒe gbe eye woawɔ Eƒe dɔwɔwɔwo. Aleluya! Ɖee miekpɔea?

Ne ɖikeke aɖe gakpɔtɔ le miame la, mibia Mawu to Eƒe Gbɔgbɔ me be wòayɔ mi fũ eye wòakplɔ mi, elabena Nya la gblɔ be, “ WOMATEŊU AFLU AME TIATIAWO ŊUTƆ KƆŊ O ”. Ame aɖeke meli si ate ŋu aflu mi nenye be mienye Ŋugbetɔ la o.

Esi Metodistetɔwo da ƒu la, Mawu fɔ ame bubuwo ɖe tsitre eye ale wòyi edzi le ƒeawo me vaseɖe esime le ŋkeke mamlɛ sia me la, dukɔ bubu aɖe gava le anyigba dzi, amesiwo le woƒe gbedeasitsɔla te la woanye gbe mamlɛtɔ na agbenɔɣi mamlɛtɔ.

Ẽ amegã. Hame la meganye Mawu ƒe “nuƒola” o. Ezu eya ŋutɔ ƒe nuƒola. Eyata Mawu le tɔtrɔm ɖe eŋu. Ato nyagblɔɖila la kple ŋugbetɔ la dzi atɔtɔe, elabena Mawu ƒe gbe anɔ eme. Ẽ ele nenema, elabena egblɔ le Nyaɖeɖefia ƒe ta mamlɛa kpuikpui 17 me be, “Gbɔgbɔ la kple ŋugbetɔ la gblɔ bena: Va.” Zi ɖeka ake la xexeame agase nu tso Mawu gbɔ tẽ abe alesi wònɔ le Pentekoste dzi ene; gake ẽ ɖe, woagbe Nya Ŋugbetɔ ma abe alesi wònɔ le agbenɔɣi gbãtɔa me ene.

Gbe le Ŋugbetɔa si, gake nusi le nyaƒokawo dzi koe wòagblɔ. Elabena Gbe ma TSO MAWU GBƆ TẼ, eyata mehiã gɔmeɖeɖe aɖeke o le esime wotsɔe na bliboe eye wose egɔme bliboe ta.

Va wɔ ɖeka kpli mí Kwasiɖagbe sia le ƔETRƆ ga 12 me, Jeffersonville ƒe game dzi, esi míase Gbe ma wòaɖe: Laodikea Hame La Ƒe Agbenɔɣi La 60-1211E fia mí.

Nɔvi. Joseph Branham

Gbedasi: 60-1211M Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo

---

• 24-1201 Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo
• 23-0611 Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo
• 20-1220 Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo
• Hɔ̃wo Le Ƒuƒom Ɖedu
• Egbe Ƒe Numegbe / Gbesiagbebolo
• 19-0303 Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo
• 16-0403 Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo

BranhamTabernacle.org

Ŋdi Na Mi Xɔ̃wo,

Ɣeyiɣi aɖeke meva kpɔ le xexeame ƒe ŋutinya me si me Kristo ƒe Ŋugbetɔ si tso xexeame ƒe akpa vovovowo ate ŋu awɔ ɖeka ɖe du le ɖekawɔwɔ me abe esia ene, esime gbeɖiɖi aɖe tso Dziƒo, Mawu ƒe Gbe ŋutɔ, te ŋu va ge ɖe eme adãtɔe o.

Ŋɔŋlɔawo le eme vam. Enye ɖekawɔwɔ Nuku ƒe ɣeyiɣi la ƒe dzesi. Kristo ƒe Ŋugbetɔ ƒe ɖekawɔwɔ makpɔmakpɔ la le edzi yim esi míenɔ anyi ɖe Vi la ŋkume, le tsitsim, le Eɖokui dzram ɖo to Mawu ƒe Gbe ŋutɔ sese me.

Wole míawɔm blibo to Eƒe subɔsubɔdɔ atɔ̃a dzi.

Ame nenie xɔe se be dzimetɔtrɔ aɖeke mele nunanawo kple yɔyɔwo me o? Biblia gblɔ be nunana atɔ̃ le hamea me. Mawu ɖo Apostolowo, alo dɔgbedelawo, apostolowo, nyagblɔɖilawo, nufialawo, nyanyuigblɔlawo, kplɔlawo ɖe hamea me.

• Mawunyagblɔla: Maɖi ɖe mɔadzi. Ame aɖe agblɔ be, “Mawunyagblɔlae nènyea?” Magblɔ be, “Ẽ amegã. Oo, ẽ, mawunyagblɔlae menye.”
• Nufiala: Ke azɔ nusita nyemetsɔe yi ɖaɖe gbeƒã ŋdi sia gbeɖe o, enye be, mesusu be, le nufiafia me la, míase egɔme nyuie wu be míatsɔ mawunyakpukpui aɖe ko adzo le edzi. Ðeko míafiae.
• Apostolo: Nya “dɔgbedela” gɔmee nye “ame si wodɔ.” “Apostolo” gɔmee nye “ame si wodɔ.” Dɔgbedela nye apostolo. Me—me, dɔgbedela menye, abe alesi mienya ene la, mewɔa nyanyuigbɔgblɔdɔ, dɔgbededɔ, abe zi adre ene le ƒugodo, le xexeame godoo.
• Nyagblɔɖila: Èxɔ dzinye se be Mawu ƒe nyagblɔɖilae menyea? Ekema yi ɖawɔ nu si megblɔ na wò be nàwɔ.
• Kplɔla: Mienya nusi mewɔ na mia? Mieyɔam be miaƒe kplɔla, ke miegblɔnɛ nyuie, elabena eyae menye.

Eye mekpɔ ame miliɔn mawo le tsitre ɖe afima, megblɔ be, “Branham wokatã nyea?” Egblɔ be, “Kpao.” Egblɔ be, “Wò dzimetrɔlawoe wonye.” Eye megblɔ be, nye—megblɔ be, “Medi be makpɔ Yesu.” Egblɔ be, “Menye haɖe o. Awɔ ɣeyiɣi aɖe hafi Wòva haɖe. Gake Ava gbɔwò gbã eye woadrɔ̃ ʋɔnu wò to Nya si nèɖe gbeƒãe la dzi,

Emegbe mí katã míado míaƒe asiwo ɖe dzi agblɔ be, “Ema dzie míele dzudzɔm ɖo!”

Nane le dzadzram ɖo be wòadzɔ. Nukae le dzɔdzɔm? Ame kuku siwo le Kristo me la dze tsitretsitsi gɔme ƒo xlãm godoo. Mele sesem le ɖokuinye me be tɔtrɔ aɖe va le nye ŋutilã me. Nye ɖa ɣi, edzo. Kpɔ nye mo ɖa…nye ayilele katã bu. Nye vevesesewo kple teƒeɖuɖuwo….WODZO. Nye blanuiléle ƒe seselelãme nu yi enumake. Wotrɔm le ɣeyiɣi kpui aɖe me, le aɖabaƒoƒo me.

Emegbe míadze ŋkutsatsa ɖe mía ŋu ƒo xlã eye míakpɔ míaƒe lɔlɔ̃tɔwo. Oo míatɔwo, Dada kple Papa woema… Ŋutikɔkɔe, vinyeŋutsuvi…vinyenyɔnuvi. Tɔgbuinye, Mamanye, oo, mi ame evea siaa dzrom vevie. Eeh…nye zɔhɛ xoxoa lae ma. Oo MIKPƆ, Nɔviŋutsu Branham, míaƒe nyagblɔɖila ɖa, Aleluya!! Ekpan vɔ. Ele dzɔdzɔm!

Emegbe ɖe du la, kasia la, woakɔ mí adzoe ɖaa le yamenutome le anyigba ta me. Míado go Aƒetɔ la le Eƒe mɔ dzi esime wòaɖi gbɔna. Míanɔ tsitre ɖe afima kplii le anyigba sia ƒe klobototowo dzi eye míadzi ɖeɖekpɔkpɔ ƒe hadzidziwo. Míadzi ha eye míakafu Eyama ɖe Eƒe amenuveve xɔname si Wòna mí ta.

Nusiwo katã wodzra ɖo ɖi na Eƒe Ŋugbetɔ. Ɣeyiɣi kae nye me to ge míala le mavɔmavɔ me kple mía nɔewo, kple mía Aƒetɔ Yesu. Amesiwo ŋu ku le mate ŋu aɖe alesi míesena le mía ɖokui me le míaƒe dziwo me afia o, Aƒetɔ.

Ne èdi be yease Eyama wòayɔ wò be Eƒe Ŋugbetɔ, eye wòagblɔ alesi wòanɔ Kplii na wò la, va wɔ ɖeka kpli mí le Kwasiɖagbe sia le ƔETRƆ ga 12 me, Jeffersonville ƒe game dzi, eye woayra wò agbɔ eme.

Nɔvi. Joseph Branham

60-1211M Ɖetugbui Ewoawo, Kple Yudatɔ Akpe Alafa Ɖeka Kple Bla Ene Vɔ Eneawo

Gbedasi: Filadelfia Hame La Ƒe Agbenɔɣi 60-1210

• 24-1124 Filadelfia Hame La Ƒe Agbenɔɣi
• 23-0604 Filadelfia Hame La Ƒe Agbenɔɣi
• 20-1213 Filadelfia Hame La Ƒe Agbenɔɣi
• Hɔ̃wo Le Ƒuƒom Ɖedu
• 19-0224 Filadelfia Hame La Ƒe Agbenɔɣi
• 16-0402 Filadelfia Hame La Ƒe Agbenɔɣi

---

BranhamTabernacle.org

Aƒenɔ Yesu Kristo Lɔlɔ̃tɔ,

Nukae Kwasiɖagbe sia ahe vɛ na Yesu Kristo ƒe Ŋugbetɔ la? Nukawoe Gbɔgbɔ Kɔkɔe la aɖe afia mí keŋkeŋ? Dzesidede Deblibo. Míase egɔme bliboe azɔ to Ɖeɖefia dzi, nuŋtɔŋtɔa si wotsɔ tsitre ɖe sɔɖenua ŋu kple vavãtɔa kple vɔvɔlia. Yesu ye nye Agbe ƒe Abolo vavãtɔ la. Eyae nye Eƒe bliboa. Mawu Ðekae Wònye. Eyae nye Hebritɔwo 13:8. Eyae nye MENYE LA.

Kristo, to dzedze le ŋutilã me kple Eya ŋutɔ ƒe Ʋu kɔkɔɖi me la, eɖe míaƒe nuvɔ̃wo ɖa zi ɖeka tegbee to Eŋutɔ ƒe vɔsa me; eyata Ewɔ mí BLIBOE azɔ. Eƒe agbe ŋutɔŋutɔ le mía me. Eƒe Ʋu kɔ mía ŋu. Eƒe Gbɔgbɔ yɔa mí fũ. Eƒe kabiwo yɔ dɔ mí vɔ XOXO.
Eƒe Nya la le míaƒe dzi kple nu me. Kristo Wònye le míaƒe agbe me ke menye nu bubu aɖeke o, esime nusianu si le míaƒe agbe me le gbegblẽm le nu maɖinu zum, negbe Eya kple Eƒe Nya la ko.

Míaƒe dzi ayɔ fũ kple dzidzɔ esi Wòle gbɔgblɔm na mí to Eƒe Mawu ƒe sedede dzi be, Yenya amesi tututu anye Yeƒe Ŋugbetɔ. Alesi Wòtia míi. Eyɔ mí. Eku ɖe mía ta. Exe fe ɖe mía ta eye míenye Etɔ, ke Eya ɖeka ko tɔ. Eƒoa nu, eye míeɖoa to, elabena enyɔa mía ŋu. Míawo koe nye Eƒe nunɔamesi eye ame bubu aɖeke mele esi o negbe MÍAWO ko. Eyae nye míaƒe Fiawo dzi Fia eye míenye Eƒe fiaɖuƒe. Míenye Eƒe nunɔamesi mavɔ.

Ado ŋusẽ mí eye wòaklẽ na mí to Eƒe Gbe Nya me. Aɖe eme eme nakɔ eye wòaɖee afia be Yee nye alẽawo ƒe Ʋɔtru. Enye Alfa kple Omega siaa. Eyae nye Fofo, Eyae nye Vi la, eye Eyae nye Gbɔgbɔ Kɔkɔe la. Ele Ðeka, eye míele Ðeka kplii kple le Eyama me.

Afia dzigbɔɖi mí, abe alesi Wòwɔe na Abraham ene, to alesi wòle be míalala dzigbɔɖitɔe ahado dzi ne míedi be ŋugbedodo aɖe nasu mía si la gɔmeɖeɖe me.

Aɖe ŋkeke si me tututu míele afia mí kɔtɛ. Alesi xexeame katã ƒe aɖaŋuɖeha asẽ ŋu alea gbegbe le dunyahehe me, eye wòazi ɖe dziɖuɖua dzi be amewo katã nawɔ ɖeka kplii to asidada ɖe gɔmeɖose siwo wowɔ wòzu se dzi, ale be womade dzesi ame aɖeke abe wonye hamewo ene o negbe ɖe woƒe aɖaŋuɖoha ɖu wodzi tẽ alo le mɔ si mele tẽ o nu hafi.
Aɖe ame ƒe agbɔsɔsɔme si ayi kpli wo, asusu be yewole Mawu subɔm
le ɖoɖowɔha la ƒe ŋkɔ me. Gake Egblɔ na mí be, “Migavɔ̃ o, elabena womaflu Ŋugbetɔ la o, míanɔ Eƒe Nya, Eƒe Gbe la gbɔ.”

Aleke gbegbe wòade dzi ƒo na mí enye si be míase Eyama wòagblɔ na mí be: “Milé me ɖe asi sesĩe, midzrae ɖo. Migana ta gbeɖe o, ke boŋ mido Mawu ƒe aʋawɔnu bliboa, aʋawɔnu ɖesiaɖe, nunana ɖesiaɖe si mena mi la le mia si. Dzi megaɖe le ƒowò gbeɖe o lɔlɔ̃tɔ, ɖeko nànɔ ŋgɔ kpɔm kple dzidzɔ elabena Nye, wò Fiawo dzi Fia kple Aƒetɔwo dzi Aƒetɔ, Srɔ̃wò, ye le fiakuku ɖo ge na wò.”

Wòenye Nye hame vavã la; Mawu ƒe gbedoxɔ ŋutɔ ŋutɔ la to Nye Gbɔgbɔ Kɔkɔe si le agbe le miame la dzi. Miazu sɔtiwo le gbedoxɔ yeye la me;
Gɔmeɖokpe ŋutɔ ŋutɔ si alé xɔtutu gã la. Maɖo mi abe dziɖulawo ene kple apostoloawo kple nyagblɔɖilawo, elabena Mena mi Nye Nya la, nye Ŋutɔ ƒe ɖeɖefia.

Aɖee fia mí eme akɔ be woŋlɔ míaƒe ŋkɔwo ɖe Eƒe Alẽvi la ƒe Agbe Ƒe Agbalẽ me doŋgɔ na xexeame ƒe gɔmeɖoɖoanyi ke. Eyata míele Eƒe Fiazikpui ŋkume nɔ ge zã kple keli be míasubɔ le Eƒe gbedoxɔ me. Míenye amesiwo Aƒetɔ la léna bena tɔxɛ; Eƒe Ŋugbetɔ míenye.

Ŋkɔ yeye asu mía si le Eƒe ŋkɔ tsɔtsɔ me. Anye ŋkɔ si woatsɔ na mí ne Wòxɔ mí ɖe Eŋutɔ gbɔ. Míanye Eƒe Aƒenɔ Yesu Kristo.

Yerusalem yeye la ɖiɖi gbɔna tso Mawu gbɔ le dziƒo, Ŋugbetɔ aɖe si wowɔ leke na na Srɔ̃a. Ku, vevesese, alo avifafa maganɔ anyi o. Nenema ke vevesese maganɔ anyi o elabena nuxoxowo ŋu va yi. Mawu ƒe ŋugbedodo dzeanyiwo katã avame. Tɔtrɔ la ade blibo. Alẽvi la kple Eƒe Ŋugbetɔ woaxɔ anyi anɔ le Mawu ƒe blibodedewo katã me.

Aƒn. Yesu Kristo lɔlɔ̃tɔ, TSƆE KU DRƆ̃. Adzeanyi wu nusi nàte asusu.

Mele amesiame kpem be wòava wɔ ɖeka kpli mí le ƔETRƆ ga 12 me, Jeffersonville ƒe game, esime míaƒe Srɔ̃, Yesu Kristo, aƒo nu to Eƒe dɔla gbedeasitsɔla adrelia sesẽ dzi aɖagblɔ nu siawo katã na mí.

Nɔvi. Joseph Branham

Gbedeasi: Filadelfia Hame La Ƒe Agbenɔɣi 60-1210

Gbedasi: 60-1209 Sardes Hame Ƒe Agbenɔɣi La

---

• 24-1117 Sardes Hame Ƒe Agbenɔɣi La
• 23-0528 Sardes Hame Ƒe Agbenɔɣi La
• 20-1206 Sardes Hame Ƒe Agbenɔɣi La
• 19-0217 Sardes Hame Ƒe Agbenɔɣi La
• 16-0401 Sardes Hame Ƒe Agbenɔɣi La

BranhamTabernacle.org

Nyaƒokatɔ Lɔlɔ̃tɔwo,

Aleke gbegbe wònye dzidzɔ na mí enye si be woyɔ mí be “Nyaƒokatɔwo”. Míaƒe dziwo ƒua du kple dzo kwasiɖa sia kwasiɖa esi míenya be míawɔ ɖeka ɖe du le xexeame godoo to Mawu ƒe Gbe si le nu ƒom na mí sese me.

Míenya be, ɖikeke ɖeka pɛ hã ƒe vɔvɔli aɖeke manɔmee la, míele Mawu ƒe Lɔlɔ̃nu deblibo la me to anyinɔnɔ kple Eƒe Nya la me; toɖoɖo Eƒe Gbe to Eƒe dɔla gbedeasitsɔla adrelia sese la dzi.

Gbedeasitsɔla si Wòtia na míaƒe ŋkekea ye nye William Marrion Branham. Eyae nye Mawu ƒe akaɖi na xexeame, si ɖea Mawu ƒe kekeli fiana. Ele Eƒe Nya Dzadzɛ Ŋugbetɔ tiatia la yɔm to Eƒe dɔla dzi.

To Eƒe Nya la sɔsrɔ̃ nyuie me la, Eɖee fia mí to Eƒe Gbɔgbɔ Kɔkɔe la dzi be William Marrion Branham ye nye dɔla si Wòtia be yeatsɔ Eƒe Ɖeɖefia kple Subɔsubɔdɔ ana na míaƒe ŋkekea. Míekpɔ Eƒe dɔla, MÍAƑE ƔLETIVI, le Eƒe nuɖusi me esi Wòle Eƒe ŋusẽ name be wòaɖe Eƒe Nya la afia eye wòayɔ Eƒe Ŋugbetɔ la do goe.

Ena Eya ŋutɔ ƒe Ɖeɖefia blibo la mí. Gbɔgbɔ Kɔkɔe la de dzesi Eɖokui fia mí to Eƒe dɔla gbedeasitsɔla adrelia ƒe agbenɔnɔ me; dɔla si Wòtia be wòanye Eƒe ŋkuwo na míaƒe ŋkekea.

Alesi míaƒe dziwo bia le mía me esi Wògblɔa na mí kple Gbedeasi ɖesiaɖe be enye Yeƒe tameɖoɖo be yeakplɔ mí ava Yeɖokui gbɔ; be míenye Eƒe Nya Ŋugbetɔ.

Elɔ̃a alesi Wòtia mí hafi woɖo xexeame gɔme anyi le YE ME la gbɔgblɔ na mí zi gbɔ zi geɖe. Alesi Wònya mí helɔ̃ mí do ŋgɔ.

Alesi míelɔ̃a Eyama sese wòanɔ nuƒome eye wògblɔna na mí be Eƒe Ʋu ye ɖe mí eye míate ŋu ava fɔbubu me GBEÐE o. Míate ŋu anɔ ʋɔnudɔdrɔ̃ me gbeɖe o, elabena womate ŋu abu nuvɔ̃ ɖe mía ŋu o.

Alesi míanɔ anyi Kplii esi wòaxɔ Eƒe anyigbadzifiazikpui si nye Dawid tɔ, eye míaɖu fia Kplii; abe alesi Wòwɔe le dziƒo ene, kple ŋusẽ kple atsekpakpa ɖe anyigba blibo la katã dzi. Agbe sia ƒe tetekpɔ kple dodokpɔwo maɖi naneke o le ɣemaɣi.

Gake Exlɔ̃ nu mí hã kuɖe alesi wòle be míaɖɔ ŋu ɖoe ŋu. Be le agbenɔɣiwo katã me la, weinti eveawo tsi ɖe wo nɔewo xa. Alesi futɔa te ɖe ŋu alea gbegbe ɣesiaɣie; fluna ame ale gbegbe. Mawu tia Yuda gɔ̃ hã, eye wòfia nui le nyateƒe me. Egblɔ nyaɣaɣlawo ŋuti sidzedze na amewo. Wotsɔ ŋusẽ ƒe subɔsubɔdɔ aɖe nɛ eye wòda gbe le dɔnɔwo ŋu eye wònya gbɔgbɔ vɔ̃wo do goe le Yesu ƒe Ŋkɔ me. Gake mete ŋu yi mɔa ƒe nuwuwu o.

Màte ŋu ayi kple Nya la ƒe akpa aɖe ko o, ele be nàxɔ Nya la KATÃ. Ame aɖewo li siwo dze abe ɖe woƒo wo ɖokui ɖe Mawu ƒe nuwo me alafa ɖe alafa dzi kloe ene, gake o.

Egblɔ be mesu be Yeŋutɔ yeawɔ ɖeka kple hame bliboa, alo Efesotɔwo ene ƒe subɔsubɔdɔ atɔ̃awo gɔ̃ hã o. Exlɔ̃ nu mí be le agbenɔɣi ɖesiaɖe me la, hamea trana, eye menye hameviwo ɖeɖekoe o ke boŋ nunɔlawo ƒe hatsotsoa hã — alẽkplɔlawo tɔ medzɔ o tututu ko abe alẽawo hã ene.

Eyata to Eya ŋutɔ ƒe lɔlɔ̃nu ƒe aɖaŋuɖoɖo si wòɖo kplikpaa me la, Etsɔ Eɖokui va kpea dzi le míaƒe agbenɔɣia me abe Alẽkplɔla Gãtɔ ene le Eƒe dɔla gbedeasitsɔla adrelia ƒe subɔsubɔdɔa me be wòakplɔ Yeƒe dukɔ atrɔ ayi nyateƒea kple nyateƒe ma ƒe ŋusẽ gbogbo la gbɔ.

Ele Eƒe gbedeasitsɔla me eye amesi adi be Mawu ƒe blibonyenye nanɔ yesi la adze gbedeasitsɔla la yome abe alesi gbedeasitsɔla la nye Aƒetɔ la yomedzela to Eƒe Nya dzi ene.

Medi be Mawu ƒe blibonyenye nanɔ asinye eye madze Eƒe gbedeasitsɔla yome. Eyata na mí, Branham ƒe Agbadɔ la, mɔ ɖeka kolia si dzi míato adze gbedeasitsɔla la yome esi wòle Aƒetɔ la yome dzem to Eƒe Nya dzi la, yenye be MÍAZI PLAY dzi eye míase Mawu ƒe Gbe Dzadzɛ la wòagblɔ nya siwo medana o na mí.

Mehiã be míasusu alo alé ŋku ɖe nusi sem míele ŋu o, ɖeko wòle be míazi Play dzi eye míaxɔ Nya ɖesiaɖe si sem míele la dzi ase.

Mese Nɔviŋutsu Branham gblɔ nya si gbɔna la gbeɖeka ŋdi kanya le Voice radio dzi. Esi Mesee la, eva nye dzi me be alea tututue me / míesena le mía ɖokui me ne míegblɔ be:

ÐEKO MÍEZIA PLAY HESENA NYAƑOKAWO.

Eɖi míaƒe Xɔse ƒe nyagbɔgblɔ nam.

Susuma tae mexɔa Gbedasi sia dzi se, enye be Etso Mawu ƒe Nya la me. Eye nusianu si le Mawu ƒe Nya godo la, nyemexɔe se o. Ate ŋu anɔ nenema, gake kokoko la, ɖeko manɔ anyi kple nusi Mawu gblɔ la, eye emegbe maka ɖe edzi be tɔnye dzɔ. Azɔ, Mawu ate ŋu awɔ nusi Wòdi. Eyae nye Mawu. Gake zi alesi mele Eƒe Nya la gbɔ ko la, ekema menya be ele eteƒe. Mexɔe se.

Ŋutikɔkɔe, egblɔe wòde BLIBO ale gbegbe. Subɔsubɔdɔ bubuawo katã ateŋu anyee, elabena Mawu ateŋu awɔ nusi Wòdi, kple amesi Wòdi, Enye Mawu. Gake zi alesi meli kpli Eƒe Nya, Eƒe Gbe, Nyaƒokawo ko la, ekema menya be ele eteƒe. Mexɔe se.

Menya be ame geɖewo xlẽa nye lɛtawo eye wosea nya si megblɔna kple nusi mexɔ se be enye Aƒetɔ la ƒe Lɔlɔ̃nu na míaƒe hame la gɔme baɖa. Magagblɔe ɖokuibɔbɔtɔe dzro abe alesi nyagblɔɖila la gblɔe ene be: “Nye hame ɖeɖeko tɔe nye lɛta siawo. Amesiwo di be yewoayɔ Branham ƒe Agbadɔa be yewoƒe hame. Amesiwo DI BE WOADE DZESI YEWO EYE WOAYƆ YEWO BE NYAƑOKA TƆWO”.

Ne mielɔ̃ ɖe nusi megblɔ kple mexɔ se dzi o la, ekema enyo 100% nɔvinyeŋutsuwo kple nɔvinyenyɔnuwo. Nye lɛtawo menye miatɔ alo tsi tre ɖe miawo alo miaƒe hamewo ŋu o. Miaƒe hame le eɖokui si eye ele be miawɔ abe alesi miese le mia ɖokui me be wokplɔ mi be yewoawɔ ene, gake le Nya la nu la, nenema ke mía tɔ hã le, eye esiae nye nusi míexɔ se be enye Mawu ƒe mɔ si wota na mí.

Míexɔa amesiame ɣesiaɣi be woawɔ ɖeka kpli mí Kwasiɖagbe ɖesiaɖe le ƔETRƆ ga 12 me, Jeffersonville ƒe game dzi. Kwasiɖa sia me la, Mawu ƒe Ɣletivi na míaƒe agbenɔɣia, William Marrion Branham, atsɔ Gbedasi, 60-1209 Sardes Hame La ƒe Agbenɔɣi vɛ na mí.

Nɔvi. Joseph Branham

Gbedasi: 60-1208 Tiatira Hame Ƒe Agbenɔɣi La

---

• 24-1110 Tiatira Hame Ƒe Agbenɔɣi La
• 23-0521 Tiatira Hame Ƒe Agbenɔɣi La
• 20-1129 Tiatira Hame Ƒe Agbenɔɣi La
• 19-0210 Tiatira Hame Ƒe Agbenɔɣi La
• 16-0323 Tiatira Hame Ƒe Agbenɔɣi La

BranhamTabernacle.org

Ŋugbetɔ Lɔlɔ̃tɔ Si Me Woklẽ Ɖo,

Alesi Aƒetɔ la le eɖem fia mí be le agbenɔɣiawo katã me la, hatsotso sue aɖe ŋutɔ nɔ anyi ɣesiaɣi si nɔ Eƒe Nya la gbɔ. Womege ɖe futɔ la ƒe mɔ̃ si blea ame me o, ke boŋ woyi edzi nye nyateƒetɔ kple nuteƒewɔla na Nya la hena woƒe ŋkekea.

Gake ɣeyiɣi aɖeke meva kpɔ o, alo amewo ƒe hatsotso aɖeke, si ŋu Aƒetɔ la ƒo adegbe le, alo ka ɖe edzi, wu mí o. Míenye Eƒe Aƒenɔ Ŋugbetɔ Tiatia si woma aflu o, eye vevietɔ wu la, WOMATEŊU aflu mí o; elabena míesea Alẽkplɔla ƒe Gbe eye míedzea Eyome.

Ele eɖem fia mí be le agbenɔɣiawo katã me la, amewo ƒe hatsotso eve nɔ anyi, wo ame evea siaa le gbeƒã ɖem woƒe ɖeɖefia tso Mawu gbɔ kple woƒe ƒomedodo kple Mawu. Gake Egblɔ na mí be, Aƒetɔ la nya amesiwo nye Etɔ. Ekplɔa míaƒe tamesusuwo ɖo. Enya nusi le míaƒe dzi me. Ekpɔa míaƒe dɔwɔwɔwo to nyagblɔɖila la kple Eƒe Nya la gbɔ nɔnɔ me, siwo nye nusi le mía me ƒe ɖeɖeɖego kɔtɛ. Míaƒe susuwo, míaƒe tameɖoɖowo nye nusi Wònya esi Wòle ŋku lém ɖe míaƒe nuwɔna ɖesiaɖe ŋu.

Egblɔ na mí be ŋugbedodo siwo katã Wòdo na agbenɔɣi ɖesiaɖe, nye MÍATƆ. Ekpɔa mí amesiwo le edzi yim le Eƒe dɔwo wɔm nuteƒewɔwɔtɔe vaseɖe nuwuwu. ENA MÍ ŋusẽ ɖe dukɔwo dzi. Egblɔa na mí be míenye dziɖula ŋusẽtɔ, ŋutetetɔ, siwo mebɔbɔna o, siwo ate ŋu anɔ te ɖe nɔnɔme ɖesiaɖe nu ŋusẽtɔe ale gbegbe. Futɔ si mɔkpɔkpɔ bu ɖee wu gɔ̃ hã agbã gudugudu ne ehiã. Míaƒe dziɖuɖu ɖeɖefia to Eƒe ŋusẽ me anɔ abe Vi la ŋutɔ tɔ ene. ŊUTIKƆKƆE!!

Míewɔ Mawu ƒe goglome ƒe numetoto le míaƒe agbe me. Enye ame ŋutɔ ƒe numetoto kuɖe Mawu ƒe Gbɔgbɔ si le miame ŋu. Mawu ƒe nunya kple sidzedze to Eƒe Nya dzi klẽ ɖe míaƒe susuwo dzi.

Míeyina afisiafi si Ŋugbetɔsrɔ̃a le. Eyama magblẽ mí ɖi gbeɖe o. Míadzo le Eƒe akpa dzi gbeɖe o. Míama fiazikpui la Kplii. Woatsɔ Eƒe ŋutikɔkɔe kple bubu aɖo fiakuku na mí.

Eɖe alesi gbegbe futɔ nye ameflula le agbenɔɣi ɖesiaɖe me kple alesi wòle vevie be míanɔ anyi Kple EƑE NYA GƆMEDZETƆ LA la fia mí. Womate ŋu atrɔ Nya ɖeka pɛ hã o. Agbenɔɣi ɖesiaɖe tsɔ ɖe kpee eye woɖe ɖe le me, le esi wotsɔ woawo ŋutɔ ƒe gɔmeɖeɖe de Nya gɔmedzetɔa; eye wobu tegbee to esia wɔwɔ me.

Le Tiatira Hamea ƒe Agbenɔɣia me la, beble gbɔgbɔ ma ƒo nu to Roma ƒe papa dzi eye wòtrɔ Eƒe Nya. Ewɔe wònye “avuléla ɖeka le Mawu kple amegbetɔ dome (menye amegbetɔwo o).” Eyata fifia eléa avu le avuléla kple amegbetɔwo dome. Aleae wotrɔ Mawu ƒe ɖoɖo bliboa; menye to nya aɖe tɔtrɔ me o, ke boŋ to ŋɔŋlɔdzesi ÐEKA tɔtrɔ me. Satana trɔ “E” wòzu “A”.

Woadrɔ̃ ʋɔnu Nya ɖesiaɖe to Eƒe Nya Gɔmedzetɔa si wogblɔ le nyaƒowo dzi dzi. Eyata ELEBE Eƒe Ŋugbetɔ nanɔ anyi kple nyaƒokawo. Esime futɔa le agbagba dzem be yeaɖe dzi le ameawo ƒo to ɖoɖo bubu, susu bubu, ŋɔŋlɔdzesi bubu nana wo me hã la, Ŋugbetɔ la ANƆ ANYI KPLE NYA GƆMEDZETƆA.

Le agbenɔɣi ɖesiaɖe me la, Yesu dea dzesi Eɖokui kple agbenɔɣi ma ƒe gbedeasitsɔla la. Woxɔa ɖeɖefia si le Nya la ŋu tso Eyama gbɔ na woƒe agbenɔɣia. Nya sia ƒe ɖeɖefia kplɔa Mawu ƒe ame tiatiawo doa goe le xexeame eye wòva wɔa ɖeka blibo kple Yesu Kristo.

Eyɔ ame geɖewo eye wòɖo wo be woanye yayra na hame la, gake GBEDEASITSƆLA LA ÐEKA KOE le esi si Wòyɔ be wòakplɔ yeƒe hamea to Eƒe Gbɔgbɔ Kɔkɔe la me. GBE ÐEKA ye li kple Ale Aƒetɔ La Gblɔ Esi. GBE ÐEKA li si Wògblɔ be Yeatsɔ adrɔ̃ ʋɔnu mí. GBE ÐEKA aɖe li si dzi Eƒe Ŋugbetɔa le woƒe dzeƒe mavɔ la tum ɖo. GBE MA NYE MAWU ƑE GBE LE NYAƑOKAWO ME.

Ŋugbetɔ, Mawu ƒe lɔlɔ̃nu na mí enye Blibodede, eye le Eƒe ŋkume la, MÍEDE BLIBO. Ke blibodede ma nye dzigbɔɖi, lala Mawu… kple alala kpɔ Mawu si ŋu. Egblɔ na mí be enye míaƒe de ƒe ŋgɔgbedede ƒe ɖoɖo. Dodokpɔ, tetekpɔwo kple xaxa geɖewo ate ŋu anɔ mía ŋu, gake miaƒe nuteƒewɔwɔ na Eƒe Nya le dzigbɔɖi dim le mía me be míade blibo eye míazu blibo, esi naneke maʋe te do mí o.

Míaŋlɔ be gbeɖe be XƆSE vana to nusese me, Nya la sese me, eye Nya la vana nyagblɔɖila la o.

Va kpɔ dzidzɔ gãtɔ kekeake le wò agbe me esi nànɔ anyi ɖekae kpli mí le Dziƒo nutowo me esi míase Mawu ƒe Gbe wòahe Nya la vɛ na mí le: Tiatira Hame La Ƒe Agbenɔɣi 60-1208 ŋu, ƔETRƆ ga 12:00, Jeffersonville ƒe game dzi.

Nɔvi. Joseph Branham

Gbedasi: 60-1207 Pergamo Hame Ƒe Agbenɔɣi La

---

• 24-1103 Pergamo Hame Ƒe Agbenɔɣi La
• 23-0514 Pergamo Hame Ƒe Agbenɔɣi La
• 20-1122 Pergamo Hame Ƒe Agbenɔɣi La
• 19-0203 Pergamo Hame Ƒe Agbenɔɣi La
• 16-0320 Pergamo Hame Ƒe Agbenɔɣi La

BranhamTabernacle.org

Ŋugbetɔ Nɔaƒe Dzadzɛ Lɔlɔ̃tɔ,

Ðe miele vivi sem na Hame ƒe Agbenɔɣi Adreawoa? Mawu le nyɔnyɔ nam si tɔgbe medzɔ kpɔ o nam Eƒe Ŋugbetɔ. Ele Ɖeɖefia geɖe, Xɔse geɖe, kple kakaɖedzi geɖe nam mí esi míenya amesiwo míenye, kple nusi wɔm míele to Nya la gbɔ nɔnɔ, Eƒe Mɔ si wona mí egbea me.

Azɔ Ele gbɔgblɔm na mí be: “Tso Kwasiɖagbe ƒe subɔsubɔdɔa dzi la, mido miaƒe gbɔgbɔme tamebubu. Mina Gbɔgbɔ Kɔkɔe la nana wòage ɖe Eme ɖaa ko eye wòalé gbɔgbɔ me dɔwɔwɔ le nusiwo katã Mawɔ me. Enye Nye Nya si Gbɔgbɔ la gbɔ agbe si Nye nyagblɔɖila Maleaxi 4 tɔ ɖe gblɔ”.

Mina míaxlẽ Eƒe Nya ʋɛ aɖewo ahalé wo eye míatsɔ míaƒe gbɔgbɔme tamebubu ade wo me.

Mawu ɖo Eƒe kplɔla si yɔ fũ kple Gbɔgbɔ na Eƒe hatsotso si yɔ fũ kple Gbɔgbɔ; Eƒe dɔla; eye Etsɔ ŋkɔ aɖe ƒe nutrenu ɖo edzi, gake mele be wòaɖee afia o. Ele be wòadzrae ɖo ɖe eɖokui gbɔ, mikpɔea. “Ame aɖeke menyae o negbe eya ŋutɔ ko.”

Eyata Mawu tsɔ kplɔla si yɔ fũ kple Gbɔgbɔ na Eƒe Ŋugbetɔ na Eƒe hatsotso si yɔ fũ kple Gbɔgbɔ. KPLƆLA, MENYE KPLƆLAWO na Eƒe hatsotso si yɔ fũ kple Gbɔgbɔ la o.

Esime wògbɔna xexeame kpuie la, Kekeli ƒe dɔla gã si ava mía gbɔ, si akplɔ mí ado goe, Gbɔgbɔ Kɔkɔe gã aɖe, ava le ŋusẽ me, eye wòakplɔ mí ayi Aƒetɔ Yesu Kristo gbɔ.

Kekeli ƒe dɔla gã aɖe. Amekae nye Kekeli ƒe dɔla gã la na agbenɔɣi mamlɛ sia? William Marrion Branham ye. Menye Gbɔgbɔ Kɔkɔe la ŋue wòle nu ƒom tsoe o. Eva xoxo eye wògblɔ be ema ava.

Ema AKPLƆ MÍ ADO GO. Míenyae vavã eye míexɔe se be Gbɔgbɔ Kɔkɔe lae le mía kplɔm, gake edze ƒã be etsɔ Eƒe dɔla kple Gbɔgbɔ Kɔkɔe la ƒo ƒui eye wògblɔ be EYA (Eƒe Gbɔgbɔ Kɔkɔe) akplɔ mí (TO) Eƒe Kekeli ƒe dɔla gã la dzi.

Eyi edzi bla wo ɖekae esi wògblɔ be:

Anɔ eme be manyae o, .

Menye ɖe wòle gbɔgblɔm be Gbɔgbɔ Kɔkɔe la manya amesi Wònye o, ke boŋ Eƒe anyigbadzi dɔla gbedeasitsɔla si Wòtia be WÒAKPLƆ MÍ ADO GO.

Gake anɔ afisia le ŋkeke siawo dometɔ aɖewo me. Awɔ…Mawu ana woanyae. Mahiã be wòaɖe eɖokui afia o, Mawu ana woanyae. Mawu aɖo kpe Eya Ŋutɔ tɔ dzi.

Azɔ hã, menye ɖe Wòle gbɔgblɔm be Gbɔgbɔ Kɔkɔe la anɔ afisia ŊKEKE SIAWO ƑE ÐEWO o, ke boŋ Eƒe Kekeli ƒe dɔla gã lae be wòakplɔ Eƒe Ŋugbetɔ. Mahiã be wòaɖe eɖokui afia o, Mawu Ŋutɔ ana Eƒe Ŋugbetɔ anya Eƒe kplɔla gã to ƉEƉEƉIA me.

Ðe miele gbɔgbɔme ƒe akpadzia léma? Ɖee miele amesi nye Kekeli ƒe dɔla si Mawu tia be wòakplɔ Yeƒe Ŋugbetɔa kpɔma? Ðee wògblɔ le afisia be wotsɔ atikplɔa na kplɔla bubuwoa?

Mànɔ agbe si kɔkɔ wu wò pastɔ gbeɖe o. Miɖo ŋku esia dzi ko, mikpɔea.

Esime ame bubuwo mate ŋu ase mía gɔme o eye woaɖu fewu le mía ŋu gɔ hã la, aleke gbegbe míele dzidzɔ kpɔm eye míeda akpe vavã le Ɖeɖefia la ta be miagblɔ be, WILLIAM MARRION BRANHAM YE NYEE MÍAƑE PASTƆ.

Azɔ esi wònye be gbedeasi siawo dometɔ ɖesiaɖe la ɖe woɖoe ɖe “dɔla” la— (dɔla amegbetɔ) gbɔ ta la, dɔdeasi gã aɖe ŋutɔ kpakple mɔnukpɔkpɔ wɔnuku aɖee nye eƒe akpa.

Woɖo Gbedeasi la ɖe Eƒe dɔla, emegbe Eƒe dɔla Tsɔe na Ŋugbetɔa; menye subɔsubɔdɔa ɖeɖeko o, ke boŋ na EƑE ŊUGBETƆ LA KATÃ eye Ele nyaƒoka dzi be amewo katã nase. Womate ŋu atsɔ akpe ɖe eŋu alo aɖee le eme o, eye mehiã GƆMEÐEÐE AÐEKE o.

Ele vava ge kpuie, eye ne Eva la, Ava gbɔwò gbã, eye woadrɔ̃ ʋɔnu wò le Nyanyui si nèɖe gbeƒãe la nu, eye míanye wò teviwo.” Megblɔ be, “Èle gbɔgblɔm be nyee nye amesiawo katã ƒe ŋgɔnɔla?” Egblɔ be, “Amesiame. Wodzi wò kplɔla.”

Ne ʋɔnudrɔ̃gbe gã la ɖo la, Ele vava ge ɖe Eƒe Kekeli ƒe dɔla gbɔ gbã eye wòadrɔ̃ ʋɔnui gbã le nyanyui si wòɖe gbeƒãe la nu. Míenye EƑE TEVOWO. Eyae nye mía dometɔ ɖesiaɖe ƒe ŋgɔnɔla abe alesi wònye Mawu ƒe KPLƆLA tiatia ene.

Mizã míaƒe gbɔgbɔme nu gɔmesesea na ema. Woatsɔ nya si Mawu ƒe dɔla gblɔ la adrɔ̃ ʋɔnu mí. Alea ɖe, ɖee miedi be miafe dze le miaƒe agbe mavɔ ŋu to nusi ame aɖe gblɔ be EYA GBLƆ dzi esime miate ŋu asee tẽ tso EGBƆA?

Aleke ame aɖe awɔ axɔe ase be SUBƆSUBƆDƆ LE VEVIE WU NUSIWO LE NYAƑOKAWO ME. Ne miexɔ ema se, alo woƒoe ɖe mianu to tamebubu me la, anyo na mi wu be miatrɔ ayi GƆMEDZE NYA la gbɔ; elabena nya siwo le nyaƒokawo dzi ye woatsɔ adrɔ̃ ʋɔnu mi. Minɔ Nya la gbɔ abe alesi Woɖe gblɔ ene.

Gake nyagblɔɖila sia ava, eye abe alesi ŋgɔdola na vava gbãtɔ do ɣli be, “Kpɔ ɖa, Mawu ƒe Alẽvi, si tsɔ xexeame ƒe nu vɔ̃ yina” ene la, nenema ke ɖikeke mele eme o be ado ɣli be, “Kpɔ ɖa, Mawu ƒe Alẽvi la gbɔna le ŋutikɔkɔe me.” Awɔ esia, elabena abe alesi Yohanes nye nyateƒe ƒe gbedeasitsɔla na ame tiatiawo ene la, nenema ke ame siae nye gbedeasitsɔla mamlɛtɔ na ŋugbetɔ tiatia la si wodzi to Nya la me.

Amekae akplɔ mí afia Aƒetɔ Yesu? Eƒe Kekeli ƒe dɔla gã, William Marrion Branham ye.

Va zu Ŋugbetɔ Nɔaƒe Dzadzɛ kpli mí esi míase Eƒe dɔla gbedeasitsɔla gã la wòahe Ɖeɖefia bubuwo vɛ na mí, Kwasiɖagbe le ƔETRƆ ga 12:00 me, Jeffersonville ƒe game dzi, esi míase Gbedeasi 60-1207 – “Pergamo Hame La Ƒe Agbenɔɣi”.

Nɔvi. Joseph Branham

Gbedasi: 60-1206 Smirna Hame La Ƒe Agbenɔɣi

---

• 24-1027 Smirna Hame La Ƒe Agbenɔɣi
• 23-0507 Smirna Hame La Ƒe Agbenɔɣi
• 20-1115 Smirna Hame La Ƒe Agbenɔɣi
• 19-0127 Smirna Hame La Ƒe Agbenɔɣi
• 16-0316 Smirna Hame La Ƒe Agbenɔɣi

BranhamTabernacle.org

Ŋugbetɔ Lɔlɔ̃tɔ Si Gbɔgbɔ La Yɔ fũu,

Amewo ƒe hatsotso ɖeka koe li; amewo ƒe hatsotso tɔxɛ aɖe ŋutɔ, siwo te ŋu sea nusi Gbɔgbɔ la le gbɔgblɔm le agbenɔɣi mamlɛ sia me. Enye hatsotso tɔxɛ aɖe si xɔ Nyaɖeɖefia na agbenɔɣi sia. Hatsotso ma nye Mawu tɔ. Hatsotso si mate ŋu ase nu o la, menye Mawu tɔ o.

Hatsotso si ate ŋu, eye wòle nusi si Gbɔgbɔ la le gbɔgblɔm sem la, xɔa Nyaɖeɖefia Vavã la. Míawoe nye amesiwo si Mawu ƒe Gbɔgbɔ la le. Míawoe nye amesiwo Mawu dzi eye wotsɔ Gbɔgbɔ Kɔkɔe la nyrɔ̃ mí. Míenye Eƒe Ŋugbetɔ si Gbɔgbɔ yɔ fũu si xɔ Nyaɖeɖefia na míaƒe agbenɔɣi.

Gɔmesese kae le Play Zizi si na mí? NYAƉEƉEFIA! Enye nusese, nuxɔxɔ kple anyinɔnɔ kple Mɔ si Mawu ta egbea la dzi. Mawu ƒe Gbe Ŋutɔ si le nu ƒom ɖe to me na Eƒe Ŋugbetɔ. Enye Gbɔgbɔ Kɔkɔe si le nu ƒom na míaƒe dziwo kple luʋɔwo.

Míenya be Mawu zãa ame siwo wotsɔ Eƒe Gbɔgbɔ si ami na tsɔ ƒoa nu, gake teƒe bubu aɖeke megali woase Ale Aƒetɔ La Gblɔ Esi le o negbe to Play Zizi kple Eƒe dɔla adrelia, William Marrion Branham, ƒe GBE sese me ko. Enye Gbe ɖeka kolia si Gbɔgbɔ Kɔkɔe la ŋutɔ ɖo kpe edzi. Eyae nye Mawu ƒe Gbe, Mawu ƒe nyagblɔɖila, Mawu ƒe pastɔ, na mí, kple xexeame.

Ne ele nu ƒom la, míegblɔna be AMEN na Nya ɖesiaɖe; elabena Mawu Ŋutɔe le nu ƒom na mí. Eƒe Nya la yenye Nya ɖeka si mehiã gɔmeɖeɖe aɖeke o. Mawu wònye le eƒe gbe zãm tsɔ le nuƒom na Eƒe Ŋugbetɔ.

Mawu Ŋutɔe le gbɔgblɔm na mí be, “Vinye suewo, menye miawoe Tiam o, ke boŋ Nyee tia mi. Hafi ɣletivimeʋuʋudedi ƒe vi sue aɖe ko nanɔ anyi la; hafi miava Nyam abe mia Mawu gɔ̃ hã la, Menya mi. Mienɔ Nye Susu me, nɔ anyi le Nye Tamesusu mavɔwo me. Mienye Nye Nya Nuku Ŋugbetɔ woɖe gblɔ ŋutɔŋutɔ.

Togbɔ be mienɔ Nye Tamesusu mavɔwo me hã la, Nyemeɖe mi gblɔ o vaseɖe Nye ɣeyiɣi kple azãgbe si Meɖo ɖi la dzi. Elabena Menya be MIAnye Nye hatsotso tɔxɛ si anɔ Nye Nya la gbɔ. Mamleawo katã da ƒu, gake Menya be miada ƒu o.

Menya be woti miayome eye woɖu fewu le mia ŋu elabena mietsi Nye nyagblɔɖila gbɔ, gake mienye Nye Weinti Vavã si metra ɖa tso Nye Nya la gbɔ o, ke boŋ mienye nyateƒetɔ kple nuteƒewɔla na Nye nyagblɔɖila si gblɔa Nye Nyawo.

Bubu geɖewo hã li siwo wofianu nuteƒewɔwɔtɔe, gake womesrɔ̃a alesi wòle vevie be woagblɔ nya si Megblɔ to Nye dɔla dzi ko la ɣesiaɣi o.”

Aleke gbegbe wòle be míaɖɔ ŋu ɖoe nye si be míase gbe ÐEKA, elabena gbe ɖeka koe le Gbɔgbɔ la si si nye Mawu ƒe gbe.

Oo, aleke gbegbe wòle vevie enye si be woase Mawu ƒe gbe to Eƒe gbedeasitsɔlawo dzi, eye emegbe woagblɔ nusi wona wo be woagblɔ na hameawo.

“Nye Nya la va Nye nyagblɔɖila gbɔ ɣesiaɣi, gake le ŋkeke sia me la, Mena wolé Nye Gbe ɖe mɔ̃ dzi ale be VODADA aɖeke naganɔ nusi Megblɔ na Ŋugbetɔ la ŋu o. Dzidzeka ɖeka koe li, atikplɔ ɖeka koe li, eye eyae nye NYA si megblɔ to Nye dɔla dzi. Abe alesi wònɔna le agbenɔɣi ɖesiaɖe me ene la, Nye nyagblɔɖilae nye Nya na ŋkekea.”

Nyaƒokawo, Eƒe Gbe, nye lɔlɔ̃gbalẽ na mí. Togbɔ be futɔ la le míatem ɖe anyi ɣesiaɣi to míaƒe dodokpɔwo kple xaxawo kple nɔnɔme sesẽwo me hã la, Edɔ Eƒe dɔla sesẽ la be wòagblɔ na mí be menye naneke wu Mawu ƒe lɔlɔ̃ si wòtsɔ tia mí o, si le kpeɖom edzi na mí be Etia mí be míaʋa o.

Eƒe tameɖoɖo gã lae nye be ne míekpe fu hena ɣeyiɣi vi aɖe vɔ la, Ana míade blibo, aɖo mí anyi ahado ŋusẽ mí. Egblɔ na mí be míaƒe Aƒetɔ Yesu gɔ̃ hã de blibo to Eƒe fukpekpe me. Yayra ka gbegbee nye si Wògblẽ ɖi na mí. Elabena to míaƒe fukpekpe me la, Akplɔ mí ayi blibodede hã me.

Ele míaƒe de tum ɖo to míaƒe dodokpɔwo kple xaxawo me. Elabena womewɔ míaƒe de fukpekpe manɔmee o. Eyata míaƒe fukpekpe nye DZIƉUƉU na mí, ke menye nunana o.

Aleke míate ŋu aɖo kpe míaƒe lɔlɔ̃ dzi na Eyama?

• To nusi Wògblɔ dzi xɔxɔ se me.
• Eƒe Nya la gbɔ nɔnɔ.
• Míaɖokui kpɔkplɔ kple dzidzɔ to míaƒe dodokpɔwo kple xaxawo me, be Eya, le Eƒe nunya gã la me, ɖe mɔ be wòava eme.

Alesi Wòdoa míaƒe gbɔgbɔ ɖe dzi to Eƒe Nya sese me. Eƒe Gbe fa akɔ na míaƒe luʋɔ. Ne míezi Play dzi eye míese Eƒe nuƒoƒo la, míaƒe agbawo katã ɖiɖina. Míate ŋu adze kesinɔnu siwo wodzra ɖo ɖi na mí le míaƒe xaxa katã me la ŋububu me gɔ̃ hã gɔme o.

Oo, Yesu Kristo ƒe Ŋugbetɔ, aleke gbegbe dzi dzɔm enye si be menye Wo Dometɔ Ðeka kple mia dometɔ ɖesiaɖe. Dzidzɔ kae yɔa nye dzi me fũu be manya be Ena Eƒe Nya ƒe Ɖeɖefia mí. Esi Wògblɔ na mí be woaɖi wonɔewo ale gbegbe be aflu ame tiatiawo ŋutɔ ɖe wòle bɔbɔe ɖe la, Ena ƉEƉEƉIA VAVÃTƆ la mí.

Va, ge ɖe Gbɔgbɔ la me kpli mí Kwasiɖagbe sia le ƔETRƆ ga 12 me, Jeffersonville ƒe game dzi, esi míele Nya deblibo la se ge: 60-1206 — Smirna Hame La Ƒe Agbenɔɣi

Nɔvi. Joseph Branham

Gbedasi: 60-1205 Efeso Hamea Ƒe Agbenɔɣi

---

• 24-1020 Efeso Hamea Ƒe Agbenɔɣi
• 23-0430 Efeso Hamea Ƒe Agbenɔɣi
• 20-1108 Efeso Hamea Ƒe Agbenɔɣi
• 19-0120 Efeso Hamea Ƒe Agbenɔɣi
• 16-0313 Efeso Hamea Ƒe Agbenɔɣi

BranhamTabernacle.org

Ŋugbetɔ Vavãtɔ Lɔlɔ̃tɔ,

Ɣeyiɣi wɔnuku kae nye si me míele esi Eƒe Agbe le sisim hele ʋuʋum le mía me kple to mía me, hele agbe nam mí. Eya Manɔmee la, agbe aɖeke manɔ anyi o. Eƒe Nya lae nye míaƒe gbɔgbɔ ŋutɔ.

Le viviti tiɖitiɖi ƒe ŋkeke vɔ̃ɖi sia me la, míenye Eƒe agbenɔɣi ƒe hatsotso mamlɛtɔ si fɔ ɖe tsitre; Eƒe Ŋugbetɔ vavã si le ŋkeke mamlɛa me si aɖo to Gbɔgbɔ la ko, Mawu ƒe Gbe na míaƒe ŋkekea.

Alesi míelɔ̃a be míase Wòagblɔ na mí be, “Na Nyea la, wotsɔ mi sɔ kple sika dzadzɛ si woƒo. Miaƒe dzɔdzɔenyenyee nye Nye dzɔdzɔenyenye. Miaƒe nyenyewo nye Nye ŋutikɔkɔe nyenyewo. Miawoe nye Nye Ŋugbetɔ Vavãtɔ lɔlɔ̃tɔ.”

Esi wòdze abe míaƒe aʋawɔwɔwo le sesẽm ɖe edzi kwasiɖa sia kwasiɖa ene la, ɖeko míezia Play dzi be míase Wòaƒo nu na mí vividoɖeameŋutɔe alea eye wòagblɔ na mí be, “Migatsi dzi o, miedze na Nye nyanyui la. Mienye atsyɔ kple dzidzɔ nu. Melɔ̃a ŋkuléle ɖe miaŋu esime miele futɔ dzi ɖum to miaƒe dodokpɔwo kple agbe sia me tetekpɔwo me.”

Mekpɔ wò lɔlɔ̃ ƒe dɔ; wò agbe ƒe yɔyɔ kɔkɔ wònye be Nàsubɔm. Menya do ŋgɔ na xexeame ƒe gɔmeɖoanyi be àde dzesi Nye dɔla sesẽ si Madɔ be wòanye Nye Gbe na wò; alesi womaflu wò ne amegãxi nyanyrawo va ƒo xlã wò hele agbagba dzem be yewoagblɔ be ɖeɖefia sɔsɔe le yewo si o. Màtra ɖa tso Nye Nya la gbɔ o, le ɣeyiɣi aɖeke me o, MENYE KPLE IOTA ÐEKA O. Ànɔ Nye Nya, Nye Gbe gbɔ.

Àkpɔ alesi Weinti Vavã la kple alakpa weinti siwo dze egɔme le Eden-bɔa me woatsi ɖe du le agbenɔɣiawo katã me la adze sii esi mele Nye Nya la ɖem fia wò.

Nusi dze egɔme le gɔmedzehamea me ayi edzi le agbenɔɣi ɖesiaɖe me. Alesi le hame ƒe agbenɔɣi gbãtɔ me la, Satana ƒe alakpa weinti la adze gege ɖe eme gɔme, eye wòaɖu hameviwo dzi to eƒe nicolaitane gbɔgbɔ me. Gake aleke gbegbe melɔ̃e be wò, Nye Ŋugbetɔ tiatia la, koe womaflu o.

Kwasiɖa sia me la, Mana Nye Nya la me akɔ ƒã le mewò to da la ƒe nuku ƒe nyaɣaɣla gã la ɖeɖefia me. Maɖe nu siwo dzɔ le Eden-bɔa me la afia mi tsitotsito; ale si Satana ƒo eɖokui ɖe ameƒomea me.

Anye dzidzɔdodo susu ale gbegbe ne ède dzesii be wotsɔ Nye, Agbeti si le Eden-bɔa me, si ŋu womate ŋu ate ɖo vaseɖe fifia o le Adam ƒe gegea ta la, na mi azɔ, Nye dziɖulawo.

Esia anye wò fetu. Mana Mawu ƒe paradiso ƒe mɔnukpɔkpɔ wò; hadede Kplim ɣesiaɣi. Woma ma wò ɖa tso Gbɔnye gbeɖe o. Afi si mayi la, wò, Nye Ŋugbetɔ la ayi. Nusi nye Tɔnye la, mamã kpli wò, Nye lɔlɔ̃tɔ.

Alesi míaƒe dziwo le du dzi le mía me esime míele nya siawo xlẽm. Míenya be Eƒe ŋugbedodowo me vava le aƒe tum kabakaba, eye bebli hafi míate ŋu alala. Neva eme be míaɖabla awɔ ɖe Eƒe Nya dzi eye míato esia me aɖo kpe míaƒe dzedze be míakpɔ gome le Eƒe ŋutikɔkɔe me dzi.

Medi be makpe mi be miava wɔ ɖeka kpli mí esime míele míaƒe Hame ƒe Agbenɔɣi Adreawo nusɔsrɔ̃ gã la dzi, afisi Mawu le Eƒe Nya la ɖem fia mí to Eƒe mɔ si wona mí, Eƒe dɔla gbedeasitsɔla adrelia dzi.

Nɔvi. Joseph Branham

Kwasiɖagbe ƔETRƆ ga 12 me, le Jeffersonville ƒe game dzi.
60-1205 Efeso Hame Ƒe Agbenɔɣi La

Gbedasi: 60-1204E Patmo Ŋutega La

---

• 24-1013 Patmo Ŋutega La
• 23-0423 Patmo Ŋutega La
• 20-1101 Patmo Ŋutega La
• Egbe Ƒe Numegbe / Gbesiagbebolo
• 19-0113 Patmo Ŋutega La
• 16-0312 Patmo Ŋutega La

BranhamTabernacle.org

Nya Deblibo Ŋugbetɔ Lɔlɔ̃tɔ,

Nukae le edzi yim le Ŋugbetɔa me le xexeame godoo? Míele gegem ɖe Gbɔgbɔ la me, míele tsotsom hele ɣli dom be, “Ŋutikɔkɔe! Aleluya! Mikafu Yehowa!” Mawu le míakɔm hele Eƒe Nya la ɖem fia Eƒe Ŋugbetɔ la.

Nusiwo míexlẽ hese le míaƒe agbemeŋkekewo katã me la le dzedzem azɔ. Agbegbɔgbɔ gã aɖe le edzi yim. Nya la le kekeli klẽm na mí wu tsã.

Míesenɛ le míaƒe luʋɔwo ƒe gogloƒe me ŋutɔ. Nane to vovo, nane le edzi yim. Míele sesem le mía ɖokui me be Gbɔgbɔ Kɔkɔe la le ami sim na mí, tsɔ Eƒe Nya yɔ míaƒe dziwo kple susuwo me fũ.

Míate ŋu ase Eƒe nuƒoƒo na mí be: Menya be futɔ la le avu wɔm kpli mi wu tsã ŋutɔ, gake migavɔ̃ o ɖevi suewo, TƆNYEE MIENYEE. Metsɔ Nye lɔlɔ̃, dzideƒo kple ŋutete na mi. Miɖe Nya la gblɔ ko, eye Mawɔe. Meli kpli mi ɣesiaɣi.

Le míaƒe Yesu Kristo ƒe Nyaɖeɖefia ŋuti nusɔsrɔ̃ gã me la, míele mɔ kpɔm vevie kwasiɖa sia kwasiɖa na nusi Wòaɖe afia mí le emegbe. Eƒe Nya koe nye míaƒe sitsoƒe, ŋutifafa kple akɔfafa. Míeɖoa to nyuie zi gbɔ zi geɖe geɖe. Xexlẽme ɖesiaɖe si míexlẽa la, míedina be míado ɣli ahakpa abobo sesiẽ esime Nya la le ʋuʋum le míaƒe ŋkume. Kɔkɔdzɔe ƒe Xose la le ɖiɖim ɖe Ŋugbetɔ la dzi , eye wòle míaƒe luʋɔwo me yɔm fũ

Mibu eŋu kpɔ, teƒe bubu aɖeke meli le xexeame si nàte ŋu ayi o, negbe le wò asibidɛwo nu tututu, be nàse Mawu ƒe Gbe aƒo nu na wò eye wòaɖe Eƒe Nya la afia.

Alesi Mawu ɖe nutsyɔnu la ɖa, hee ɖe megbe, eye wòna Yohanes kpɔ eme eye wòkpɔ nusi hame la ƒe agbenɔɣi ɖesiaɖe le wɔwɔ ge, eye Wòŋlɔe ɖe Agbalẽ me Heɖoe ɖe mí. Emegbe esime ɣeyiɣia ƒe blibonyenye va la, Mawu dɔ Eƒe dɔla adrelia sesẽ la ɖa be Wòaɖee agblɔ, eye wòaɖe nusi katã Wòdi be yeagblɔ la afia.

Yohanes ŋlɔ nusi wòkpɔ, gake menya eƒe gɔmesese o. Yesu menyae gɔ̃ hã esime Wònɔ anyigba dzi afisia o. Ame aɖeke le agbenɔɣiawo katã me menya o, vaseɖe egbe, ɣeyiɣi sia, dukɔ sia, MÍ, Eƒe Ŋugbetɔ.

Alesi Wòɖee fia mí be akaɖi adre mawo nɔ agbe kple kekeli hem tso agba gã ma ƒe nunɔamesiwo me. Egblɔ alesi wo dometɔ ɖesiaɖe tsɔ eƒe amikawo nyrɔ̃ ɖe eme la na mí. Hame ƒe agbenɔɣi ƒe dɔla ɖesiaɖe nɔ dzo me kple Gbɔgbɔ Kɔkɔe la kple eƒe amika si nyrɔ ɖe Kristo me, nɔ Kristo ƒe agbe tututu hem eye wònɔ Kekeli ma nam hamea. Ke azɔ, míaƒe ŋkeke mamlɛa ƒe gbedeasitsɔla, gãtɔ kekeake le gbedeasitsɔlawo katã dome la, ɖe agbe ma ke kple Kekeli ma ke ɖe go to agbe si woɣla kple Kristo le Mawu me dzi.

Emegbe míaƒe dɔla sesẽ la gblɔ na mí be menye ɖeko gbedeasitsɔla ɖesiaɖe ɖo teƒenɔnu le afima o, GAKE MÍA DOMETƆ ƉESIAƉE HÃ, Mawu ƒe xɔsetɔ vavãwo. Woɖe mía dometɔ ɖesiaɖe hã ƒe teƒenɔnu le afima fia wòwɔ nuku ŋutɔ. Mía dometɔ ɖesiaɖe le nu hem tso dzɔƒe ɖeka me ke abe gbedeasitsɔlawo ene. Wotsɔ mí katã nyrɔ̃ ɖe agba ɖeka ma ke me. Míeku na mía ɖokui eye MÍAƑE agbe ɣla ɖe, kple Kristo Yesu mía Aƒetɔ la me.

Alesi wòdea dzi ƒo na mí to gbɔgblɔ be ame aɖeke mate ŋu aɖe mí le Mawu ƒe Asi me o me. Womate ŋu atrɔ asi le míaƒe agbe ŋu o. Míaƒe agbe si wokpɔna la le bibim hele keklẽm, le kekeli kple Gbɔgbɔ Kɔkɔe la ƒe ɖeɖeɖegowo nam. Míaƒe agbe ememetɔ, si womekpɔna o la ɣla ɖe Mawu me eye Aƒetɔ la ƒe Nya la nyia mí.

Aʋaawo nu sẽ ŋutɔ. Futɔa le dziku dom wu tsã, hele agbagba ɖesiaɖe dzem be yeaɖe dzi le mía ƒo, ate mí ɖe anyi, gake mate ŋu awɔe o. Mawu ŋutɔ ƒoa nu na mí to amegbetɔ ƒe nuyiwo dzi eye wògblɔna na mí be, MÍENYE EƑE ŊUGBETƆ, AMESIWO WÒTIA, eye Eɖua abosam dzi ƔESIAƔI.

Míaƒe Aƒetɔ Deblibo, si le Eƒe Nya Deblibo la gblɔm, le Ŋutifafa Deblibo nam, Eƒe Ŋugbetɔ Deblibo la.

Abe kokoko ene la, míele xexeame kpem be woava nyrɔ̃ woƒe amika ɖe AGBA GÃ la me, Gbedeasi sia, si wodzra ɖo helé ɖi na Ŋugbetɔ la. Míanɔ ɣli dom sesiẽ ahanɔ abobo kpam le ƔETRƆ ga 12 me, Jeffersonville ƒe game dzi, esi míanɔ Mawu ƒe Gbe sem wòaƒo nu aɖe nusi dzɔ le: Patmo Ŋutega La 60-1204E me afia.

Nɔvi. Joseph Branham