Gbedasi: 64-0614M Nukoklo Le Mawu Ŋu

PDF

---

• 25-1102 Nukoklo Le Mawu Ŋu
• 24-0218 Nukoklo Le Mawu Ŋu
• 22-0731 Nukoklo Le Mawu Ŋu
• 21-0516 Nukoklo Le Mawu Ŋu
• Hɔ̃wo Le Ƒuƒom Ɖedu
• 19-0630 Nukoklo Le Mawu Ŋu
• 19-0623 Nukoklo Le Mawu Ŋu
• 16-1127 Nukoklo Le Mawu Ŋu

BranhamTabernacle.org

Nya Lɔlɔ̃tɔ Si Woɖe Ɖe Go,

Ðe míate ŋu abu Eŋua! Dzo Sɔti ma ke si va ŋutsu mawo siwo ŋlɔ Biblia la nye Dzo Sɔti ma ke si míesea gbesiagbe, si ɖea Biblia ƒe nya ɣaɣlawo katã gɔme na mí: Woɖe Mawu ƒe Nya la ɖe go!

Mawu tsyɔ nu Eɖokui dzi le Eƒe blema nyagblɔɖilawo me be yeagblɔ Yeƒe nyawo na wo. Emae nye nusi Wòwɔ ɣemaɣi. Gake le míaƒe ŋkekea me la, míaƒe Nyagblɔɖila, William Marrion Branham nye Nya gbagbe na amewo, eye Dzo Sɔti la tsyɔ wo dzi.

Amisisi lae nye ame la. Nyagbe Kristo gɔme enye “amesiamina,” mikpɔea, “amesiamina la.” Ekema, Mose nye Kristo le eŋɔli me, enye amesiamina la. Yeremia nye Kristo le eƒe eŋɔli me, kpakple Nya la ƒe akpaa ɖe na ŋkeke ma.

Mawu ɖea Eya Ŋutɔ ƒe Nya gɔme. Nɔviŋutsu Branham ɖe wo gblɔ; Mawu ɖe wo gɔme. Nya la nɔ esi. Menye hatsotso o gake William Marrion Branham ye! AME ƉEKA su Mawu si. Susu vovovo eve alo etɔ̃ kple tamesusu vovovowo mate ŋu su Esi o. Etsɔa AME ƉEKA, eye wòzu Mawu ƒe Nya gbagbe si wotsyɔ nu kple amegbetɔ ƒe ŋutilã. 

Míegale avɔ ma megbe o, ɖevi suewo. Mawu va dze na mi le gaglagbe. Wodze kɔmahatsɔŋkɔ kple kɔnyinyi ƒe avɔ xoxo la tso Mawu ƒe Nya la me, alebe woate ŋu aɖee ɖe go! Le ŋkeke mamlɛ sia me la, wodze kɔnyinyi ƒe avɔ ma ɖe eve, eye Dzo Sɔti lae nye esi le tsitre ɖe afisia. Eyae nye Esi, le Nya la ɖem ɖe go na ŋkeke sia. Avɔ la dze.

Mile ŋku ɖe nyaƒokaawo ŋu alesi wole vavame la, mile ŋku ɖe wo dometɔ ɖesiaɖe ŋu, alesi Eme le kɔkɔm ɖedzi geɖe wu la; ne to le mia si be miase nu la, mikpɔea, ŋku be miakpɔ nu.

Emae nye nusi gakpɔtɔ le ŋku gbam na amewo egbea. Wodi be yewoagblɔ be yewoxɔe se be Mawu ƒe Nyagblɔɖila ye tsɔ Nya la vɛ, gake fifia la amisisi la le ame bubuwo dzi be woakplɔ mí, ke menye nyagblɔɖila la o.

Nyagblɔɖila la gblɔ na mí be Mawu mate ŋu agbã Eƒe Nya la o. Le ŋkeke mamlɛawo me la, ele be wòaganye nu ma ke. Mawu mate ŋu atrɔ Eƒe mɔ, alo atrɔ Eƒe Nya o. Egblɔ be Yemetrɔ o. Menye ɖeko Wòdɔa Eƒe nyagblɔɖilawo ɖa ɣesiaɣi be woatsɔ Yeƒe Nya la vɛ ko o, ke boŋ be woakplɔ Yeƒe Ŋugbetɔa la.

Abe alesi wòvaa me le agbenɔɣi ɖesiaɖe me ene la, Mawunyenye la ɣla ɖe amegbetɔ ƒe ŋutilã me. Mide dze sii be, Ewɔe. Nyagblɔɖilawo nye Mawunyenye, si tsyɔ̃ nu. Wonye Mawu ƒe Nya (ele teƒea?) si ɣla ɖe amegbetɔ ƒe ŋutilã me. Nenema ke, womede dze si míaƒe Mose la hã o, mikpɔea, Yesu.

Fifia menye Nya si woŋlɔ ɖi koe wònye na mí o, ke boŋ enye nu vavã. Míele Eyama me. Azɔ míele dzidzɔ kpɔm. Azɔ míele ekpɔm. Azɔ míekpɔe, Nya la, si le Eɖokui ɖem ɖe go.

Emegbe, míezu Eƒe akpa aɖe. Míawoe nye avɔ si tsyɔa nu Eyama dzi. Míenye Eƒe akpa aɖe; Zi alesi Kristo le miame ko, abe alesi Kristo nye Mawu tɔ ene.

Míele Kristo xɔm ɖe gbedoxɔ me le míaƒe amegbetɔ xɔmetsovɔ ŋutigbalẽ te. Míenye Agbalẽŋɔŋlɔ, Nya si woŋlɔ. siwo Woŋlɔa agbalẽ siwo woŋlɔ ɖe agbalẽ me, nya si woŋlɔ ɖi. Míenye Nya si woŋlɔ, si woɖe ɖe go.

Ke ne miekpɔ Nya la si woɖe ɖe go la, miekpɔ Fofo la, Mawu, elabena Nya la enye Fofo la. Nya la enye Mawu. Ke Nya, si woɖe ɖe go la, enye Mawu Ŋutɔ si tsɔ Ye Ŋutɔ ƒe Nya hele Eɖem ɖe go le xɔsetɔwo dome. Naneke mate ŋu agbɔ agbe Esia o negbe xɔsetɔwo ko, xɔsetɔwo ɖeɖeko.

Mawu, si wotsɔ tsyɔ nu kple amegbetɔ ƒe ŋutilã, le nu ƒom hele Eƒe Nya la ɖem fia mí gbesiagbe. Mawu le amegbetɔ ƒe ŋutilã me le agbe le mía dometɔ ɖesiaɖe me.

Nɔvi. Joseph Branham

Gbedeasi: 64-0614m – “Nukoklo Le Mawu Ŋu”.
Game: ƔETRƆ ga 12 Jeffersonville ƒe game.

Miɖo ŋku game ƒe tɔtrɔ la dzi.

Gbedasi: 63-1229E Miɖe Ŋku Kpɔ Yesu

---

• 25-1026 Miɖe Ŋku Kpɔ Yesu
• 24-0211 Miɖe Ŋku Kpɔ Yesu
• 22-0724 Miɖe Ŋku Kpɔ Yesu
• 20-0531 Miɖe Ŋku Kpɔ Yesu
• 18-0325 Miɖe Ŋku Kpɔ Yesu

BranhamTabernacle.org

Nyaƒokasela Lɔlɔ̃tɔwo,

Ɣeyiɣia de be ele be amesiame nabia eɖokui be: “Ne mele to ɖom nyaƒokawo la, Gbe kae mesena? Ðe William Marrion Branham ƒe gbe koe mesena, alo ɖe mesea Mawu ƒe Gbe na míaƒe ŋkekea? Ðe wònye amegbetɔ ƒe nya, alo ɖe mele Ale Aƒetɔ La Gblɔ Esi Sem? Ðe mehiã ame aɖe si aɖe nusi sem mele la gɔmea, alo ɖe Mawu ƒe Nya mehiã gɔmeɖeɖe aɖeke oa?”

Míaƒe ŋuɖoɖoe nye be: Míele Nya si Wogblɔ wòzu ŋutilã la sem. Míele Alfa kple Omega ƒe nyawo sem. Míele Eyama, Dzosɔti la sem, wòle nu ƒom to amegbetɔ ƒe nuyiwo dzi abe alesi Wògblɔ be Yeawɔe le míaƒe ŋkeke me ene.

Míesea amegbetɔ ƒe nya o, míesea Mawu, eyama ke etsɔ, egbe, yiɖe mavɔmavɔ me ƒe nya. Mawu ƒe Gbe ɖa wu, sẽ ŋu wu yi ɖaɖɛ nuevee, si lãa ƒu gɔ̃ hã, eye wònye tamesusu siwo le dzi me la ƒe dzesidela.

Woɖee fia mí be Nusi wònye esime Wòzɔ le Galilea la nye nu ma ke si Wònye le zã sia me le Jeffersonville; nu ma ke si Wònye le Branham ƒe Agbadɔa me. Enye Mawu ƒe Nya si wole ɖeɖem ɖe go. Nusi Wònye ɣemaɣi la, Eganye zã sia, eye Wòanye ɖaa. Nusi Wògblɔ be Yeawɔ la, Ewɔe.

Amea menye Mawu o, gake Mawu gakpɔtɔ le agbe hele nu ƒom na Eƒe Ŋugbetɔ to ame ma dzi. Mía katse asubɔ amea o, ke boŋ míesubɔa Mawu le ame ma me; elabena eyae nye ame si Mawu tia be wòanye YEƑE GBE eye wòakplɔ Yeƒe Ŋugbetɔ le ŋkeke mamlɛ siawo me.

Esi Wòna nuwuɣi gã sia ƒe Ɖeɖefia mí ta la, míate ŋu ade dzesi AMESIWO MÍENYE azɔ, Nya si zu ŋutilã le míaƒe ŋkekea me. Satana magate ŋu aflu mí o, elabena míenya be míenye Eƒe ɖetugbui leaƒe Nya Ŋugbetɔ si wogbugbɔ ɖo te bliboe.

Gbe ma gblɔ na mí be: Wotsɔ nusiwo katã hiã mí la na mí XOXO. Mehiã be míagalala o. Woɖee Gblɔ, MÍATƆ YE, MÍATƆ WÒNYE. Ŋusẽ aɖeke mele Satana si ɖe mía dzi o; Woɖu edzi.

Kakaɖedzitɔe la, Satana ate ŋu atsɔ dɔléle, blanuiléle, kple dziveame aƒu gbe ɖe mía dzi, gake Fofo la na ŋutete mí xoxo be míanyae DO GO…ƉEKO MÍEƉEA NYA LA GBLƆ NA, eye ele nɛ be wòadzo….menye le esi míegblɔe ta o, ke boŋ le esi MAWU GBLƆE TA.

Mawu ma ke si wɔ kadzidɔewo, esime kadzidzɔe aɖeke menɔ anyi o. Si na nɔvinyɔnu Hattie eƒe dzi ƒe didi: viaŋutsu eveawo. Si da gbe le nɔvinyɔnu Branham ŋu tso ŋutètè ma si me hafi ɖɔkita ƒe asi na ka eŋu. Enye MAWU MA KE si mele kpli mí ɖeɖeko o, KE BOŊ ELE AGBE HELE MÍA ME. MÍAWOE NYE NYA SI WOWƆ ZU ŊUTILÃ.

Ne míeɖe ŋku heɖo to gbe si le nyaƒokawo dzi la, míekpɔa hesea Mawu wònɔa Eɖokui ɖem fia le amegbetɔ ƒe ŋutilã me. Míekpɔa heɖoa to amesi Mawu dɔ ɖa be wòakplɔ mí ayi ɖe Ŋugbedodonyigba la dzi. Míede dzesii be Ŋugbetɔ la ɖeɖeko si ye Ɖeɖefia ma anɔ, alea míezu vɔvɔ̃manɔsitɔwo. Mehiã be míatsi dzodzodzoe, anye nuxaxatɔwo, dziɖeleameƒotɔwo, abia nya míaɖokui se alo atsi dzimaɖi o…MÍENYE ŊUGBETƆ LA.

Ɖo to eye nànɔ agbe, nɔvinye, nɔ agbe!
Miɖo to Yesu fifia eye mianɔ agbe;
Elabena Wolée ɖe nyaƒokawo dzi, Aleluya!
Ðeko wòle be míaɖo to anɔ agbe.

Oo, Yesu Kristo ƒe Ŋugbetɔ, ŋkeke gã kae nye si me míele. Nusi míele mɔ kpɔm na, miniti ɖesiaɖe. Ŋkeke ɖesiaɖe ko fifia míele míaƒe lɔlɔ̃tɔwo kpɔ ge, ekema, le aɖabaƒoƒo ɖeka me la, míado le afisia eye míanɔ wo gbɔ le go kemɛ. Egogo ale gbegbe be edze abe míate ŋu asee le míaɖokui me ene…ŊUTIKƆKƆE!

Va Ŋugbetɔ, mina míawɔ ɖeka ake aƒo xlã Mawu ƒe Gbe le Kwasiɖagbe sia le ŊDƆ ga 12 me, Jeffersonville ƒe Game, esi míase Eyama wòagblɔ Agbe Mavɔ ƒe Nya la na mí.
Nɔvi. Joseph Branham

Gbedeasi: 63-1229E Miɖe Ŋku Kpɔ Yesu
Ŋɔŋlɔawo:
Mose IV 21:5-19
Yesaya 45:22
Zaxaria 12:10
Yohanes Kɔkɔe 14:12
 

Gbedasi: 63-1229M Ame Ađe Le Afisia Si Ate Ŋu Asì Kekeli La

PDF

---

• 25-1019 Ame Ađe Le Afisia Si Ate Ŋu Asì Kekeli La
• 24-0204 Ame Ađe Le Afisia Si Ate Ŋu Asì Kekeli La
• 22-0717 Ame Aɖe Le Afisia Si Ate Ŋu Asi Dzo La
• 20-0524 Ame Aɖe Le Afisia Si Ate Ŋu Asi Dzo La
• 18-0318 Ame Aɖe Le Afisia Si Ate Ŋu Asi Dzo La

BranhamTabernacle.org

Kristo Ƒe Ŋugbetɔ Lɔlɔ̃tɔ, mina miaƒo ƒu ɖe du Kɔsiɖagbe le ŊDƆ ga 12 me, Jeffersonville ƒe game, be míase 63-1229M Ame Aɖe Le Afisia Si Ate Ŋu Asi Kekeli La.

Nɔvi. Joseph Branham

Gbedasi: 63-0901E Dzodzodzoetsitsi

---

• 25-1012 Dzodzodzoetsitsi
• 23-1231 Dzodzodzoetsitsi
• 22-0612 Dzodzodzoetsitsi
• 19-0901 Dzodzodzoetsitsi
• 17-0903 Dzodzodzoetsitsi

BranhamTabernacle.org

Nyaƒoka Ŋugbetɔ Lɔlɔ̃tɔ,

Azɔ mi amewo le nyaƒokawo dzi.

Aƒetɔ, aleke míawɔ adze nusi nya sue ade siawo nye na mí, Yesu Kristo ƒe Ŋugbetɔ la gbɔgblɔ gɔmee? Enye gaƒoƒoa ƒe Gbedeasi ƒe Ɖeɖefia na mí. Mawu wònye le nuƒom to Eƒe dɔla gbedeasitsɔla dzi be yeagblɔ na Yeƒe Ŋugbetɔ be, “Menya be ànɔ anyi kple Nye Gbe. Menyae be Ɖeɖefia asu asiwò be Gbedeasi siawo siwo meɖe gbeƒã ɖe nyaƒokawo dzi Nye Dzesi na egbea.

“Mede Nye Gbe Nyaƒoka siawo dzi; elabena ele be Gbedeasi siawo naƒoƒu Nya blibo la. Ame akpewo ɖe akpewo teƒe woase Nye Gbe le nyaƒokawo dzi eye Ɖeɖefia asu wosi be Nye subɔsubɔdɔ yenye esia. Enye egbea ƒe Gbɔgbɔ Kɔkɔe la. Enye Nye Dzesi Gbedeasi”

“Medɔ mawunyagblɔla wɔnuteƒe geɖewo ɖe xexeame katã be woaɖe gbeƒã Nye subɔsubɔdɔ la. Esi wotrɔ gbɔ la, wogblɔ Nam be, ‘Míewɔ ɖe Wò sededewo dzi to Wò nyaƒokawo ƒoƒo me. Míekpɔ ame siwo xɔ nya ɖesiaɖe dzi se. Wowɔ woawo ŋutɔ ƒe aƒe hame be woaxɔ Wò Gbedeasi. Míegblɔ na wo be, nusiwo katã ava le Wò Dzesi, gaƒoƒoa ƒe Gbedeasi te la, akpɔ ɖeɖe.

Ɣeyiɣia de afisi wòle be ame sia ame nalé ŋku ɖe eɖokui ŋu ahabia eɖokui be, nukae nye Mawu ƒe mɔ deblibo la na egbea? Nyagblɔɖila ƒe nya la meda ƒu zi ɖeka kpɔ o. Woɖo kpe edzi be eya koe nye nyateƒe ƉEKA, nu ƉEKA si awɔ Eƒe Ŋugbetɔ la ɖekae.

Nusianu si wògblɔ la dzɔ abe alesi tututu wògblɔe ene. Dzo Sɔti la gakpɔtɔ le afisia kpli mí. Mawu ƒe Gbe gakpɔtɔ le nu ƒom na mí le nyaƒokawo dzi. Nyagblɔɖila la gblɔ na mí koe ma be Mawu ato mía ŋu ayi ne Wòkpɔ Dzesi la ko. Enye Dzodzodzoetsitsi ƒe ɣeyiɣi na amesiame be woage ɖe Dzesi Gbedeasi ma te.

Míekpɔ Mawu ƒe Asi gã la le nuwuɣi sia me. Ena Eƒe Nya ƒe Ɖeɖefia vavãtɔ mí eye eva le Dzesi la ƒe dzesidede te. Azɔ, esi míele Dzesi la ƒe dzesidede te la, mina míava ƒo ƒu axɔ Kɔmuniɔ la le Dzodzodzoetsitsi me; Elabena míenya be Mawu le ɖoɖo wɔm be yeawɔ ʋɔnudɔdrɔ̃ ŋudɔ.

Medi be makpe mia dometɔ ɖesiaɖe be miase eye be miawɔ Kɔmuniɔ kple afɔkɔklɔ ƒe takpekpe le Kwasiɖagbe sia, esi míase Gbedeasi: Dzodzodzoetsitsi 63-0901E.

Gbedeasi la kple Kɔmuniɔ ƒe Takpekpe la anɔ Voice Radio dzi tso ɣetrɔ ga 5 me le Jeffersonville ƒe game dzi. Taflatse mivo faa be miawɔ takpekpea le miaƒe nutome game dzi le ɣetrɔ ga 5 me, ne miedi, le esi menyae be asesẽ na míaƒe xɔsetɔ geɖewo siwo le ƒugodo be miadze miaƒe takpekpe la gɔme le game ma dzi. Takpekpe ƒe faɛl si woate ŋu axɔ ɖe mɔ̃ dzi la ƒe linka anɔ anyi.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:
Mose II, 12:11
Yeremya 29:10-14
Luka Kɔkɔe 16:16
Yohanes Kɔkɔe 14:23
Galatiatɔwo 5:6
Yakobo Kɔkɔe 5:16

Gbedasi: 63-0901M Dzesi

---

---

• 25-1005 Dzesi
• 23-1217 Dzesi
• 22-0605 Dzesi
• 21-1219 Dzesi
• 20-0315 Dzesi
• 19-0825 Dzesi
• 17-0820 Dzesi

BranhamTabernacle.org

Dzesi Ƒe Ŋugbetɔ Lɔlɔ̃tɔ,

Ne míeva ƒo ƒu la, míeƒoa nu tso Gbedeasi la ŋu ko o, míeƒoa ƒu be míazã Ʋua, be míazã Dzesi la; eye Dzesi lae nye gaƒoƒoa ƒe Gbedeasi! Emae nye ŋkeke sia ƒe Gbedeasi! Emae nye ɣeyiɣi sia ƒe Gbedeasi.

Míezã Dzesi ma na mía ɖokuiwo, míaƒe aƒewo, kple míaƒe ƒomewo. Ŋu mele miakpem o. Míetsɔ ɖeke kuɖe amesi nyae ŋu o. Míedi be amesiame nanyae, ame sia ame si va yina la nakpɔe eye wòanya be: Míenye Nyaƒoka Mewo. Míenye Nyaƒoka Ƒe. Míenye Mawu ƒe Nyaƒoka Ŋugbetɔ.

Gbɔgbɔ Kɔkɔe = Dzesi = Gbedeasi. Wo katã wole ɖeka. Miate ŋu ama wo dome o. Fofo, Vi, Gbɔgbɔ Kɔkɔe = Aƒetɔ Yesu Kristo. Miate ŋu ama wo dome o. Gbedeasi = Gbedeasitsɔla. Meka nusi ɖeklemiɖelawo gblɔ o la, NYAGBLƆƉILA LA GBLƆ BE, miate ŋu ama wo dome o.

Mawu ye nye miaƒe dzidzɔ. Mawu ye nye miaƒe ŋusẽ. Gbedeasi sia nyanya, anya be Enye Nyateƒe ɖeka kolia, Anya be Enye Dzesi la, emae nye nusi su na mí. Ame aɖewo ate ŋu agblɔ be, “Mexɔe Se. Mexɔe Se. Mexɔe se be Enye Nyateƒe. Melɔ̃ Xɔe be Enye Nyateƒe la.” Ekatã nyo, gake kokoko la Ele be woazãe.

Nyagblɔɖila gblɔ be Gbedeasi sia nye Dzesi la na egbea. Gbedeasi sia nye Gbɔgbɔ Kɔkɔe la. Ne Gbedeasi sia ƒe Ɖeɖefia aɖe le miasi la, miate ŋu akpɔ gaƒoƒo si me míele la kɔte. Ame geɖe alegbegbe le gbɔgblɔm be, “Mexɔe Se. Mawu dɔ nyagblɔɖila aɖe ɖa. Enye gaƒoƒoa ƒe Gbedeasi,” gake woƒo adegbe to gbɔgblɔ be yewomeƒoa, eye yewomaƒo, Dzesi la ŋutɔŋutɔ ƒe Gbe le yewoƒe hamewo me o.

Mawu meƒo nu to Eƒe dɔla sesẽ la dzi hegblɔ nya aɖe ko o negbe ɖe gɔmesese aɖe le eŋu hafi. Egblɔ na mí be yefia nu mí to kpɔɖenuwo kple vɔvɔliwo dzi. Le Gbedeasi sia me la, nyagblɔɖila la yi eme tsitotsito be yeagblɔ nusi Raxab kple eƒe ƒomea wɔ be woakpɔ ƉEƉE, be woazu Ŋugbetɔ la na mí. Eƒe nyame kɔ kuɖe nusi nyɔnua wɔ la ŋu.

Esi nyaƒoka ŋutsuviawo ƒo “NYAƑOKA” la…milala vie, nukae gbedeasitsɔla ma wɔ? Woƒo nyaƒoka aɖe. Emegbea nukae wòwɔ? Ewɔ eƒe aƒe NYAƑOKA HAME. Mekpe ŋu nɛ be wòagblɔ be, “Mikpɔ ka dzĩ ma ɖa, ema gɔme yenye be NYAƑOKA HAME ye menye”o.

Miesusu be ɖee wògblɔ be, “Ẽ, mexɔ gbedeasitsɔla la kple Gbedeasi la dzi se, gake míegaƒoa Nyaƒokawo le míaƒe hame la me o. Pastɔ aɖe le asinye si gblɔna be O, ɖeko wòle be wòaɖe gbeƒã Aɖaxlẽ nya siwo nyaƒokawo gblɔna.” Miesusui be akpɔ ɖeɖea …???

Ezã dzesi la, eye eƒe aƒe la kpɔ ɖeɖe, loo etsrɔ̃ le afima le afisi wònɔ.

Miese be mawunyagbɔla geɖewo doa taflatse le nyaƒokawo ƒoƒo ŋu, gake wo dometɔ akpa gãtɔ katã gblɔ be: “Nyagblɔɖila la megblɔ kpɔ be woaƒo nyaƒokawo le hamea me o.”

Nyagblɔɖila gblɔ be Raxab wɔ eƒe hame, eye eƒe hame la ƒo Nyaƒokawo. Eye esi wòƒo Nyaƒokawo le eƒe hame me ta la, eya, kple eƒe NYAƑOKA Hame la katã, nɔ DZESI la te eye wokpɔ ɖede. Hame bubu ɖesiaɖe tsrɔ̃.

Nɔviŋutsu kple nɔvinyɔnuwo, taflatse, nyemele gbɔgblɔm be pastɔ mate ŋu aɖe gbeƒã Gbedeasi sia o, alo be menyo ne ewɔnɛ o. Le nye ŋutɔ nye mɔ nu la, mele gbeƒã ɖem fifia to lɛta sia dzi, gake miʋu miaƒe dzi eye miaɖo to nusi nyagblɔɖila la le gbɔgblɔm hele tokla nam mi tso eŋu. Ne miaƒe pastɔ mele eƒom o, alo maƒo, ƒo nyaƒokawo le miaƒe hamea me o to taflatse aɖe ƒomevi nana me la; nukakee wòɖanye, le Nya la nu o, meka alesi gbegbe wògblɔ be mexɔ gaƒoƒo la ƒe Gbedeasi dzi se o, le nusi mexɔ se be Nya la gblɔ nu la, Dzesi la, gaƒoƒo la ƒe Gbedeasi la, womele ezãm o.

Kwasiɖagbe sia, mele miakpem be miava se Gbedeasi: Dzesi 63-0901M kple Branham ƒe Agbadɔ le ŊDƆ ga 12 me, Jeffersonville ƒe game dzi. Ne miate ŋu awɔ ɖeka kpli mí o la, miƒo Dzesi ƒe Gbedeasi ɖesiaɖe, eye mizã Esia.

Nɔvi. Joseph Branham

Ŋɔŋlɔ siwo woaxlẽ hafi ase Gbedeasi la:
Mose I, 4:10
Mose II, ta 12 lia
Yosua ta 12 lia
Dɔwɔwɔwo 16:31 / 19:1-7
Romatɔwo 8:1
Korintotɔwo I, 12:13
Efesotɔwo 2:12 / 4:30
Hebritɔwo 6:4 / 9:11-14 / 10:26-29 / 11:37 / 12:24 / 13:8, 10-20
Yohanes Kɔkɔe 14:12

Gbedasi: 63-0818 Ɖekawɔwɔ Ƒe Ɣeyiɣi Kple Dzesi

PDF

---

• 25-0928 Ɖekawɔwɔ Ƒe Ɣeyiɣi Kple Dzesi
• 23-1126 Ɖekawɔwɔ Ƒe Ɣeyiɣi Kple Dzesi
• 22-0515 Ɖekawɔwɔ Ƒe Ɣeyiɣi Kple Dzesi
• 19-0811 Ɖekawɔwɔ Ƒe Ɣeyiɣi Kple Dzesi
• 17-0702 Ɖekawɔwɔ Ƒe Ɣeyiɣi Kple Dzesi
• 15-0909 Ɖekawɔwɔ Ƒe Ɣeyiɣi Kple Dzesi

BranhamTabernacle.org

Ŋugbetɔ Lɔlɔ̃tɔ Si Wɔ Ɖeka,

Dzi le dzɔyem ale gbegbe, eye mele mɔkpɔkpɔ gã sia te, be manye nusiwo katã Mawu le wɔwɔm le míaƒe ŋkekea me ƒe akpa aɖe. Mawu ƒe susuwo le gɔmedzedzea me la le emevam le míaƒe ŋkume fifia, eye míenye eƒe akpa aɖe.

Le Biblia katã me la, nyagblɔɖilawo gblɔ nya ɖi hegblɔ nusi ava dzɔ. Ɣeaɖewoɣi la, nyagblɔɖi mawo meva eme o ƒe alafa geɖe megbe, gake esi ɣeyiɣi ƒe blibonyenye va la, eva me; elabena elebe Mawu ƒe susu si wogblɔ to Eƒe Nyagblɔɖila dzi la NAVA eme.

Nyagblɔɖila Yesaya gblɔ be, “Ðetugbi Leaƒe aɖe afɔ fu”. Hebritɔwo ƒe ƒome ɖesiaɖe na wo vinyɔnuvi sue nɔ klalo be wòadzi vi sia. Woƒle afɔkpawo kple afɔwuiviwo, kple avɔvuwo, eye wodzra ɖo be vidzĩa nava. Dzidzimewo va yi, gake mlɔeba la, Mawu ƒe Nya la va eme.

Abe ŋutsuvi sue ene esi metsi gbɔna la, mebiaa ɖokuinye kokoko be, Aƒetɔ, mekpɔe le Wò Nya me be Ewɔa Wò dukɔ ɖeka kokoko be Nàwɔ Wò Nya nava eme. Èwɔ Wò Hebriviwo ɖekae to ame ɖeka, Mose, si kplɔ wo kple Dzosɔti la yi Ŋugbedodo Nyigba la dzi.

Esi Nèzu ŋutilã henɔ anyigba dzi afisia la, Èwɔ Wò nusrɔ̃lawo ɖekae. Èmawo ɖa tso nusianu kple amesiame gbɔ heɖe Wò Nya la fia wo. Le Pentekoste ŋkekea dzi la, Ègaƒo Wò Hame la nu ƒu ɖe teƒe ɖeka ake, le susu ɖeka me kple dzi ɖeka me hafi Nète ŋu va tsɔ Wò Gbɔgbɔ Kɔkɔe la na wo.

Mebu be, aleke ema ate ŋu adzɔ egbe Aƒetɔ? Wò Ŋugbetɔ la kaka ɖe xexeame godoo. Ðe Ŋugbetɔ la katã ava Jeffersonville a? Nyemekpɔ be ema ate ŋu ava me o Aƒetɔ. Gake Aƒetɔ, Mètrɔa Wò ɖoɖo gbeɖe o. Wò se wònye, mɔ aɖeke meli si dzi woato atɔe te o. Aleke Nàwɔe?

ŊUTIKƆKƆE…EGBEA, míate ŋu akpɔ kple mía ŋutɔ ƒe ŋkuwo, eye vevietɔ wu la, MÍENYE EƑE AKPA AƉE: Mawu ƒe Nya mavɔ la le eme vam. Míele ŊUTILÃ me le teƒe ɖeka o, míekaka ɖe xexeame godoo, gake Gbɔgbɔ Kɔkɔe la WƆ EƑE ŊUGBETƆ LA ƉEKAE AZƆ TO MAWU ƑE GBE DZI. EƑE NYA SI WOGBLƆ EYE WOLÉ ƉE NYAƑOKAWO DZI, si nye Mawu ƒe Tɔɖoƒe na egbea, le EƑE ŊUGBETƆ LA WƆM ƉEKAE… EYE NANEKE MELI SI ATE ŊU ATƆE TE O.

Mawu le Eƒe Ŋugbetɔ la wɔm ɖekae. Ele ƒu ƒom ɖekae, tso Ɣedzeƒe va Ɣetoɖoƒe, kple Anyiehe yi Dziehe. Ɖekawɔwɔ ƒe ɣeyiɣia ɖe li, eye eyae le dzi yim fifi laa. Nukae Wòle ɖeka wɔm na? Kɔkɔdzoe. Amen!

Ɖekawɔwɔ ƒe ɣeyiɣi la le edzi yim FIFI LAA!!! Nukae le mía wɔm ɖekae? Gbɔgbɔ Kɔkɔe la to Eƒe Nya, Eƒe Gbe dzi. Nuka ta míele ɖeka wɔm? KƆKƆDZOE LA!!! Eye míakatã míele yiyim eye míele amea ƉEKE gblẽm ɖi o.

Mawu le Edzram ɖo. Ẽ amegã, ɖekawɔwɔ! Nukae Wòle ɖeka wɔm kple? Kple Nya la!

Nukae nye Nya na míaƒe ŋkeke la? GBEDEASI SIA, EƑE GBE, Mawu ƒe Gbe na Eƒe Ŋugbetɔ. Menye ame o. Menye amewo o. Menye hatsotso o. Mawu ƒe GBE, si dzi woɖo kpe, kple Dzosɔti, le nyaƒokawo dzi.

“Elabena dziƒowo kple anyigba nu ava yi, gake Nye Nya ya nu mayi akpɔ o.” Ele Eɖokui wɔm ɖekae kple ALE AƑETƆ GBLƆ ESI meka nya si kɔmahatsɔŋkɔ aɖe alo ame bubu aɖe gblɔ o.

Meka nusi AMEAƉE gblɔ o la, míele ɖekawɔm kple Ale Aƒetɔ La Gblɔ Esi ƒe Gbe si dzi woɖo kpe, si woɖe fia na míaƒe ŋkeke la. Menye ame aɖe ƒe gɔmeɖeɖe o; Nukata míawɔ ema? Ema trɔna kple ame ɖesiaɖe, gake Mawu ƒe Gbe si le nyaƒokawo dzi METRƆNA GBEƉE O eye Dzosɔti la Ŋutɔ ye ɖegbeƒãe be Enye Mawu ƒe Nya kple Mawu ƒe Gbe.

Kuxi si le eŋu, na ame, nye be menya eƒe kplɔla o. Ẽ, amegã. Woaƒo ƒu ɖe kɔmahatsɔŋkɔa ɖe ŋu, woaƒo ƒu ɖe bishɔf aɖe alo amea ɖe ŋu, gake womaƒo ƒu ɖe Kplɔla la, Gbɔgbɔ Kɔkɔe si le Nya la me ŋu o. Mikpɔea? Wogblɔna be, “Oo, enyo, mele vɔvɔ̃m be mava zu wɔtsomewɔla; mele vɔvɔ̃m be mava to afɔ gbegblẽ.” Ooooo, yee nye ma!

Afisiae ɖeklemiɖelawo fia asi woƒe hamewo le hegblɔa be, “Kpɔ ɖa, wole amegbetɔ dom ɖe dzi, Nɔviŋutsu Branham.Wonye mawunyenye dzi xɔsetɔwo eye wole ƒu ƒom ɖe eŋu, amegbetɔ la, ke menye Gbɔgbɔ Kɔkɔe la o.”

Abunɛnya, míele ƉEKA WƆM le MAWU ƑE GBE SI DZI WOƉO KPE SI WOGBLƆ TO AME ma dzi ŋu. Miɖo ŋku edzi be, ame mae Mawu tia be wòanye Yeƒe Gbe si ayɔ Yeƒe Ŋugbetɔ do goe ahakplɔe le ŋkeke sia me. Ema koe nye Gbe ƉEKA si dzi Mawu Ŋutɔ ɖo kpe.
Gake akpasagatɔe la, WOLE ɖeka wɔm le amegbetɔwo ŋu. Womaƒo Mawu ƒe Gbe le nyaƒokawo dzi le woƒe hameawo me O. Ɖee miate ŋu abu ema ŋua??? Osɔfo aɖe si gblɔ be yexɔ Gbedeasi sia dzi se be enye gaƒoƒoa ƒe Gbedeasi, Ale Aƒetɔ la Gblɔ Esi, gake ekpɔ taflatsedodo ƒomevi aɖe be yemaƒo Gbe ma le yewoƒe hamewo me O, ke boŋ yewoagblɔ mawunya na ame siwo WÒLE be woaɖo to wo kple osɔfo bubuwo woaɖe gbeƒã Nya la…emegbea wobe míele ame ɖo kplɔm!!!

Nusi Mawu wɔ na amemawo ko míese Kwasiɖagbe si va yi !!

Míele dzadzram na srɔ̃ɖeɖe la. Míele Ɖeka zum kple Eyama. Nya la zua mi, eye miezua Nya la. Yesu gblɔ be, “Le gbe ma gbe la, mianyae. Nusiwo katã Fofo la nye la, Menye, eye nusiwo katã Menye la, mienye; eye nu siwo katã mienye la, Menye. Gbemagbe mianyae be Mele Fofo la me, Fofo la le Menye, Mele miame, eye miele Menye.

Akpe na Wò Aƒetɔ ɖe Ɖeɖefia kuɖe Ɖokuiwò ŋu, kple mía ɖokuiwo ŋu, le míaƒe ŋkekea me ta. Wò Ŋugbetɔ le Eɖokui dzram ɖo to Wò Nya si Nègblɔ la dzi. Míenyae be míele Wò Lɔlɔ̃nu Deblibo la me to Wò Nya si wolé ɖe mɔ̃ dzi la gbɔ nɔnɔ me.

Mele xexeame kpem be wòaɖo to Mawu ƒe Gbe ɖeka kolia si dzi woɖo kpe na míaƒe ŋkekea le Kwasiɖagbe sia. Mɔɖeɖe li be miawɔ ɖeka kpli mí Kwasiɖagbe le ŊDƆ ga 12 me, Jeffersonville ƒe game, esi míase: 63-0818, Ɖekawɔwɔ Ƒe Ɣeyiɣi Kple Dzesi. Ne miate ŋu anɔ kaŋu ahaɖo to kpli mí o la, mitia nyaƒoka aɖe, NYAƑOKA ƉESIAƉE; Wo katã wonye Ale Aƒetɔ La Gblɔ Esi, eye miaɖo to Mawu ƒe Nya la wòana miade blibo eye wòana miadzra ɖo ɖe Eƒe vava kpuie la ŋu.

Nɔvi. Joseph Branham

Psalmo 86:1-11 .
Mateo Kɔkɔe 16:1-3.

Ele Eɖokui wɔm ɖekae. Ele dzadzram ɖo. Nukaŋutie? Eyae nye Ŋugbetɔ la. Ele teƒe. Eye Wòle Eɖokui wɔm ɖekae kple Eƒe Ŋugbetɔsrɔ̃ la, mikpɔea, eye Ŋugbetɔsrɔ̃ lae nye Nya la. “Le gɔmedzedzea me la Nya la li, Nya la li kple Mawu, eye Nya la nye Mawu. Eye Nya la va zu ŋutilã eye wònɔ mía dome.”

Gbedasi: 63-0707m Fɔ̃bubu

---

BranhamTabernacle.org

Lɔlɔ̃tɔ Siwo Ŋu Fɔbubu Megale O,

Azɔ, afima, “wo,” menye nuvɔ̃wɔla o. “Wo,” si nye, ŋkeke ma ƒe hame la, wokpɔ vodada le Amesi nye Nya la ŋu. Esɔ gbea? Wokpɔ vodada le Amesi nye Nya la ŋu. Fifia wokpɔ vodada le Nya la si le dɔwɔm to amea dzi ŋu.

Tso gɔmedzedzea me ke la, xexeame gbe Eyama, gbe ŋu le Egbɔ, gbe be yemanɔ anyi kple Eƒe Nya la o to woƒe kɔnyinyiwo, woƒe dzixɔsewo, woƒe susuwo me lele ɖe asi me. Woda Mawu ƒe ɖoɖo la ƒu kokoko; Mawu, abe Amegbetɔ ene, amesi nye Nya la, eye fifia Nya la le dɔ wɔm to amea dzi.

Gake le míaƒe ŋkekea me la, Egblɔ be, “Hatsotso sue aɖe anɔ asinye, ame ʋɛ aɖewo siwo wotia. Wonɔ Menye tso gɔmedzedzea me. Woaxɔ Nye eye woaxɔ Nye Nya kple ame si Metia be Maɖe Nye Nya la afia dzi ase. Eya anye Nye Gbe na wo.”

“Womakpe ŋu be woaɖe gbeƒã Nye Gbe o. Womakpe ŋu be yewoagblɔ na xexe sia be Megava eye Meɖe Ɖokuinye ɖe go to amegbetɔ ƒe ŋutilã me abe alesi Megblɔe ene be Mawɔ o. Ɣeyiɣi sia me la, womasubɔ amea o, ke boŋ Woasubɔ Nye, Nya la, si aƒo nu to amea dzi. Woalɔ̃m kple woƒe ameti ƒe ka ɖesiaɖe.”

“Ale, mena nusiwo katã hiã wo be woazu Nye Ŋugbetɔ la wo. Metsɔ Nye Nya tɔ kpɔ de wo, elabena wonye Nye Nya si zu ŋutilã. Ne wohiã dɔyɔyɔ la, woɖea Nye Nya gblɔna. Ne mɔxenu aɖe le mɔxem na wo la, woɖea Nye Nya la gblɔna. Ne vi ɖe le wosi si tra mɔ la, woɖea Nye Nya la gblɔna. Nukake hĩa wo la, woɖea Nye la gblɔna, elabena wonye Nye Nya si zu ŋutilã le wo me.”

“Wonya amesiwo wonye, elabena Meɖe Ɖokuinye fia wo. Woti aŋkwaretɔ kple nuteƒewɔlawo na Nye Nya eye wole ɖeka wɔm ɖe du le Nye Gbe ŋu. Elabena wonya Nye Gbe, Nye Nya, Nye Gbɔgbɔ Kɔkɔe la. Wonya be, afisi Nya la le la Hɔ̃wo woaƒo ƒu ɖo.”

Esi Eƒe Nyagblɔɖila anɔ Eƒe Nya la gblɔm anɔ fɔbum dzidzime sia le Yesu Kristo ƒe kakla ɖe ati ŋu zi evelia ta eye wòaɖe gbeƒã be wotsrɔ̃ la, Ŋugbetɔ la anɔ dzidzɔ kpɔm. Elabena míenya be MÍENYE Eƒe Ŋugbetɔ si lɔ̃ xɔ Eƒe Nya. Míedoa ɣli tso míaƒe dzi ƒe gogloƒe hegblɔa be:

Tɔwòe menye, Aƒetɔ. Metsɔ ɖokuinye ɖe vɔsamlekpui sia dzi, abe alesi menya ewɔwɔ kple ɖokuinyee ene. Ɖe xexeame ɖa le menye, Aƒetɔ. Ɖe nusiwo gblẽna ɖa le menye; na nu siwo megblẽna o lam, Mawu ƒe Nya la. Na be mate ŋu anɔ agbe ɖe Nya ma nu kplikplikpli ŋutɔ, vaseɖe esime Nya la nanɔ menye, eye nye hã manɔ Nya la me dzro. Wɔe dzro, Aƒetɔ. Negadzɔ be matrɔ le Eyome gbeɖe o.

Agbe hã li, eye ku hã li. Mɔ nyuitɔ aɖe li, eye mɔ gbegblẽtɔ hã li. Nyateƒe li, eye alakpa hã li. Gbedeasi sia, Gbe sia, nye Mawu ƒe mɔ deblibo si wona egbea. Va wɔ ɖeka kple Mawu ƒe Ŋugbetɔ ŋusẽtɔ ƒe akpa aɖe esi míaƒo ƒu le Eƒe Nya si woɖe fia la ŋu eye míase Gbedeasi: Fɔbubu La 63-0707M. 

Nɔvi. Joseph Branham

Gbedasi: 63-0630E Ɖe Wò Agbe Dze Na Nyanyui Laa?

PDF

---

• 25-0914 Ɖe Wò Agbe Dze Na Nyanyui Laa?
• 23-1008 Ɖee Wò Agbe Dze Na Nyanyuie Laa?
• Easter 2022
• 22-0415 Ɖee Wò Agbe Dze Na Nyanyuie Laa?
• 22-0414 Dodo Etɔ̃lia

BranhamTabernacle.org

Nɔviŋutsu & Nɔvinyɔnu Lɔlɔ̃tɔwo,

Melɔ̃ Aƒetɔ la, Mawu ƒe Nya, Gbedeasi sia, Eƒe Gbe, Eƒe Nyagblɔɖila, Eƒe Ŋugbetɔ, wu agbe ŋutɔ. Wo katã wole ƉEKA NA NYEA. Nyemedi gbeɖe be mawɔ ƒoƒose kple iota ɖeka, sue ɖeka, alo NYA ƉEKA si Mawu ŋlɔ ɖe Eƒe Nya me alo gblɔ to Eƒe nyagblɔɖila dzi o. Na nyea la, Ale Aƒetɔ la Gblɔ Esi ɖeɖe sɔŋ ye.

Mawu Susui, emegbe Egblɔe na eƒe nyagblɔɖilawo, eye woŋlɔ Eƒe Nya la. Emegbe la Edɔ Eƒe dɔla sesẽ, William Marrion Branham, ɖe anyigba dzi le míaƒe ŋkekea me ale be Wòagate ŋu aɖe Eɖokui afia le amegbetɔ ƒe ŋutilã me ake, abe alesi Wòwɔe kple Abraham ene. Emegbe la Eƒo nu to Eƒe Nyagblɔɖila dzi be wòanye Mawu ƒe Gbe na xexeame, be wòaɖe nya ɣaɣla siwo katã woɣla tso xexeame ƒe gɔmeɖoanyi ke la fia Eƒe Ŋugbetɔ si woɖo ɖi la ahaɖe wo gɔme.

Azɔ, Eƒe Ŋugbetɔ, MIAWO, le Nya si wowɔ ŋutilã; Ðeka kple Eyama, Eƒe Nya Ŋugbetɔ si wogbugbɔ ɖo te keŋkeŋ zum.

Menya be wosea gɔnyeme baɖa le nusi megblɔa kple nusi meŋlɔa me. Magblɔe abe alesi míaƒe nyagblɔɖila gblɔe ene ɖokuibɔbɔtɔe dzro be, nyemenya agbalẽ o eye menyae be nyemateŋu ŋlɔ alo agblɔ nusi sem mele le nye dzi me nyuie o. Melɔ̃ ɖe dzi be edze abe meŋlɔa nu akpasesẽtɔe akpa ɣeaɖewoɣi. Ne mewɔe nenema la, menye be mafia amemabumabu, alo be maɖo nɔnɔme baɖa alo be madrɔ̃ ʋɔnu ame aɖe baɖa o, ke boŋ akpa saga lae. Mewɔa esia kple lɔlɔ̃ tso dzi me ke na Mawu ƒe Nya la ye.

Medi be amesiame nalɔ̃ axɔ Gbedeasi sia si Mawu dɔ ɖa be wòayɔ Yeƒe Ŋugbetɔ la do goe la dzi se. Nyemese le nye dzi me alo susu me kpɔ be mele be mawunyagblɔlawo megagblɔ mawunya gbeɖe azɔ o; anye tsitretsitsi ɖe Mawu ƒe Nya la ŋu. Ɖeko mezã ɖe Mawu ƒe Gbe le nyaƒokawo dzi la ŋu. Mexɔese be eyae nye Gbe vevitɔ si wòle be SUBƆSUBƆDƆAWO KATÃ nade
amewo ŋkume GBÃ. Esia mefia be womagblɔ mawunya o, ɖeko medi be made dziƒo na wo be woaƒo nyaƒokawo le woƒe hamewo ne ameawo ƒo ƒu le amisisi ma te.

Ẽ, malɔ̃ esia be xexeame katã nase Gbedeasi ɖeka ma ke le game ɖeka dzi le xexeame godoo. Menye esi “nye” megblɔe ta, alo le esi “Nye” ye tia nyaƒoka la be woase ta o, ke boŋ mese le ɖokuinye me be kakaɖedzitɔe la Ŋugbetɔ la akpɔ alesi Mawu ta mɔ aɖe na esia be wòadzɔ le míaƒe ŋkekea me.

Ɖee wolé Yesu ƒe nyawo ɖi wòle nuƒom egbe le nyaƒoka dzi, menye Mateo, Marko, Luka aloo Yohanes ƒe ŋɔŋlɔwo le nusi Yesu gblɔ ŋu o (elabena wokatã wogblɔe wò tovovo vie), gake míate ŋu se Yesu ƒe Gbe, Eƒe amenyenye, Eƒe hain’t, totes, kple fetches kple míaŋutɔ ƒe towo la, ɖee subɔsubɔdɔ la agblɔ na woƒe hamea egbea be, “Míele Yesu ƒe nyaléɖi ƒo ge le míaƒe hamea me o. Woyɔm hesi ami nam be maɖe gbeƒãe, Aɖaxlẽ. Miawo la ne mienya ɖo Aƒeme la mise.” Ðe amewo alɔ̃ ɖe ema dzia? Nublanuinya be woagblɔ, gake, gake nu ma tututue wole wɔwɔm egbea. VOVOTOTO AƉEKE mele wo dome o, meka alesi woasi aŋɔ ɣi nɛ o.

Na nyea la, Nɔviŋutsu Branham na kpɔɖeŋu aɖe mí. Elɔ̃a ɣeyiɣi si me hamewo katã, aƒewo, alo afisiafi si wole la, nɔ telefoni ƒe katsatsa dzi ale be woate ŋu ase Gbedeasi la katã le game ɖeka me. Enya be woateŋu, eye woaxɔ, nyaƒokawo eye woasee emegbe, gake edi be woawɔ ɖeka eye woase Gbedeasi la ɖe du le game ɖeka dzi….NA NYEA LA MAWU WÒNYE LE EƑE ŊUGBETƆ FIAM NUSI AVADZƆ LE MÍAƑE ŊKEKE ME KPLE NUSI WÒLE BE MÍAWƆ.

Gbedeasi dzi xɔsetɔ mawunyagblɔla vavã ɖesiaɖe alɔ̃ ɖe edzi be naneke megali wu anyinɔnɔ ɖe Mawu ƒe Gbe si wolé ɖe nyaƒokawo dzi ƒe amisisi te o. Ŋugbetɔ la axɔe ase, eye Ɖeɖefia la anɔ esi, be Gbedeasi sia nye Mawu ƒe Nya na egbea. Nya la koe mate ŋu adrɔ̃ ʋɔnu, gake amesiame si magblɔ be Gbedeasi sia nye yeƒe Tɔɖoƒe o la, meɖo Nya la ƒe Ɖeɖefia ɖeke na egbea o, alea ɖe aleke wòateŋu anye Eƒe Ŋugbetɔ?

Menye exexlẽ, eƒe gbeƒãɖeɖe alo efiafia ɖeɖeko ye o, gake esese le nyaƒokawo dzi koe nye TEƑE ƉEKA si Ŋugbetɔ la ate ŋu agblɔ le be mexɔ Nya ɖesiaɖe dzi se. Gbedeasi nye Ale Aƒetɔ la Gblɔ Esi. Nusi meɖea gbeƒã alo fiana la menye Ale Aƒetɔ La Gblɔ Esi o, gake nusi Mawu ƒe Gbe gblɔ le nyaƒokawo dzi la YENYEE…eyae nye Gbe ƉEKA si dzi Dzo Sɔti la ɖo kpe.

Menya be nɔviŋutsu kple nɔvinyɔnuwo li siwo gblɔna, eye wosena le wo ɖokui me be, “Ne miesea Gbedeasi si Branham ƒe Agbadɔ gblɔ la o, xlẽa Hɔ̃wo le Ƒuƒom Ɖe Du ƒe Letawo, eye miesea wo le miaƒe aƒewo me le game ɖeka dzi o la, mienye Ŋugbetɔ la o,” alo be, “Egblẽ be woade sɔleme, ele be miati aƒeme.” EMA MESƆ GBE KURA O. Nyemesusu ema, gblɔ ema, alo xɔ ema dzi se KPƆ o. Ema he mamã, vevesesewo, kple nɔvikadede manɔanyi geɖe va Ŋugbetɔ la dome gɔ hã eye futɔ la le ema zãm tsɔ le amewo dome mam.

Nyemedi kpɔ be mama Ŋugbetɔ la dome o, medi be mawɔ Ŋugbetɔ la ɖeka abe alesi Nya la gblɔ be ELE BE MÍAWƆ ƉEKA ABE ƉEKA ENE. Mele be míanɔ dzrehem kple mía nɔewo o, gake gblɔeɖe la naneke megali si ate ŋu awɔ mí ɖeka o negbe Mawu ƒe Gbe le nyaƒokawo dzi ko.

Mele be míanɔ nya hem anɔ gbɔgblɔm na amewo be nusia WÒLE BE WOAWƆ alo ne menye nenem o la womenye Ŋugbetɔ la o, miwɔ abe alesi AƑETƆ LA KPLƆ MI. Wokpɔtɔ nye mía nɔviŋutsuwo kple nɔvinyɔnuwo. Ehĩa be míalɔ̃ míanɔewo ade bubu míanɔewo ŋu.

Azɔ, mègawɔ dzre o. Mikpɔea? Dziku dzia dziku. Hafi nava nya la, ède abi Gbɔgbɔ Kɔkɔe la ŋu wòdzo le gbɔwò, anɔ dzre ŋu ɖom. Ekema Gbɔgbɔ Kɔkɔe la Adzo dzo. Dziku dzia dziku.

Kple nusi Nyagblɔɖila la gblɔ le afisia la, nyemedi be made abi Gbɔgbɔ Kɔkɔe la ŋu gbeɖe o. Nyemedi be mawɔ dzre gbeɖe o. Míate ŋu drɔ̃ nya le lɔlɔ̃ me, ke menye le dzrehehe me o. Ne megblɔ nya aɖe si do dziku na ame aɖe le nusi meŋlɔ alo gblɔ la me, taflatse tsɔe kem, menye nye tameɖoɖo wònye o.

Abe alesi meɖee gblɔ va yi ene la, mese yɔyɔ aɖe le nye agbe dzi tso Aƒetɔ la gbɔ be mafia asi Mawu ƒe Gbe na egbe ameawo. Mawunyagblɔla bubuwo ɖo yɔyɔ bubuwo eye ɖewohĩ kpɔa nuwo to vovoe, woakafu Aƒetɔ la, wole nusi WO se le wo ɖokui me be Gbɔgbɔ Kɔkɔe la kplɔ yewo be yewoawɔ la wɔm. Nye subɔsubɔdɔ lae nye be magblɔ na Ŋugbetɔa ko be, “Mizi Play” kple “Mawu ƒe Gbe le nyaƒokawo dzi lae nye Gbe vevitɔ kekeake si miate ŋu ase.” “Mexɔe se be ele be subɔsubɔdɔa naƒo Mawu ƒe Gbe le nyaƒokawo dzi le woƒe hamewo me.”

Leta siwo meŋlɔna kwasiɖa sia kwasiɖa la nye Ŋugbetɔ la ƒe akpa si se le woɖokui me be yewonye Branham ƒe Agbadɔ la ƒe akpa aɖe. Menya be ame bubu geɖewo xlẽa wo, gake mawɔ abe alesi mese le ɖokuinye me be wokplɔm na míaƒe hame lae koe kpɔ ŋkume nam. Hame ɖesiaɖe le eɖokui si; Ele be woawɔ abe alesi wose le woɖokui me be Aƒetɔ la kplɔ yewo be yewoawɔ ene, nusi nye Nya la 100% dzi. Nyemetsitre ɖe wo ŋu o, ɖeko míelɔ̃ ɖe nu ɖeka dzi o. Ke nye kpakple Branham ƒe Agbadɔ ya la, ɖeko míedi be míase Mawu ƒe Gbe le nyaƒokawo dzi.
Mekpea xexeame be wòava wɔ ɖeka kpli mí kwasiɖa sia kwasiɖa ya. Medea dzi ƒo na wo be ne womate ŋu awɔ ɖeka kpli mí o la, be woatia nyaƒoka aɖe, nyaƒoka ɖesiaɖe, eye woazi play. Woasi ami na wo geɖe wu tsã. Alea, mele miakpem kwasiɖa sia me be miava wɔ ɖeka kpli mí Kwasiɖagbe sia le ŊDƆ ga 12, Jeffersonville ƒe game, esi míawɔ ɖeka ase, 63-0630e Ɖee Wò Agbe Dze Na Nyanyuie Laa?
   

Nɔvi. Joseph Branham

Gbedasi: 63-0630m Dodo Etɔ̃lia

---

• 25-0907 Dodo Etɔ̃lia
• 23-1001 Dodo Etɔ̃lia
• 22-0414 Dodo Etɔ̃lia
• 21-0718 Dodo Etɔ̃lia

BranhamTabernacle.org

Dodo Etɔ̃lia ƒe Ŋugbetɔ Lɔlɔ̃tɔ,

Ne gbɔgbɔme ŋku mele asiwò o la, ke mele asiwò ye. Gake gbɔgbɔme ŋku ate ŋu akpɔ Mawu ƒe Ŋusẽ le zɔɖem elabena Ele kpli Nya la tututu. Nya lae, eye Mawu ƒe Nya la metrɔna gbeɖe o. Nusi Wòwɔ le gɔmedzedzea me la, Ele nu ma ke wɔm fifia eye Gbɔgbɔme ŋku la le ekpɔm, le edzi xɔm se, hele ESIA SEM.
    
Xexeame ate ŋu agbe lɔlɔ̃ ɖe nusi mexɔ se be enye Mawu ƒe mɔ si wona egbea la me dzi kplim: Gbe vevitɔ kekeake si wòle be miase yenye Mawu ƒe Gbe le Nyaƒokawo dzi. Ele be miaƒo nyaƒokawo le miaƒe hamewo me, gake NE miexɔ Gbedeasi sia dzi se vavã la, ekema miate ŋu agbe lɔlɔ̃ ɖe nusi Mawu ƒe Nyagblɔɖila le gbɔgblɔm dzi o.

Kwasiɖagbe sia la, míaƒo ƒu abe alesi Hebriviwo wɔe ene be woaxɔ mana si wona wo le zã me, si alé wo ɖe te le ŋkeke si gbɔna me. Míaƒo ƒu ɖe míaƒe Gbɔgbɔme Mana si ana ŋusẽ mí ɖe míaƒe Dodo gã si gbɔna kpuie la ta.

Ðeko mɔ nyui aɖeke meli si dzi woato ana Mawu ƒe Gbe Ŋutɔ nagblɔe, tso Eɖokui ŋu o, eye Gbedeasi sia si míase la KPE!

Mawu kplɔ ame ɖeka yi gbedzi, nɛ tutuɖo. Ke ekplɔe gbɔ, eye wòxɔ nua ŋgɔ, eye wòkplɔ dukɔ la do goe. Miekpɔ nusi gblɔm melea? Mate ŋu atrɔ Eƒe ɖoɖo o. Eyae nye Mawu.

Ke le afisia la, Ele egblɔm na mí kɔte be yemetrɔa Yeƒe ɖoɖo gbeɖe o. Nusi Wòwɔ tso gɔmedzedzea me ke la, Agawɔe le nuwuwu, Edo ŋugbe. Eyata azɔ la ele be míanya nusi Eƒe ɖoɖo nye ɣemaɣi elabena Aganye Ɖoɖo ma ke fifia.

Mawɔ dɔ kple hatsotso gbeɖe o. Mewɔe kpɔ o. Ewɔa dɔ kple ame ɖeka; ke Ewɔe, eye Wòagawɔe. Edo ŋugbe, le Maleaxi 4 gɔ̃ hã me be, Yeawɔe.

Mewɔa dɔ kple hatsotso gbeɖe o. Eyata, Edo ŋugbe le míaƒe ŋkekea me be Yeadɔ ame ɖeka, Maleaxi 4, kple Ale Aƒetɔ La Gblɔ Esi ɖa.

Esɔ gbe. Ke Eƒe ŋugbedodo yenye ema, nusi Wònye va yi; edo ŋugbe be nusi Yegblɔ la ye Yeawɔ, eye míawoe nye esi. Dukɔ ka gbegbee nye si, dzidzɔtɔwo, wòle be míanye; le dzesi nam wo, to Eƒe Nya dzesi si ŋugbe wodo, Nya si ŋugbe wodo la me. Edo ŋugbe be Yeawɔe.

Aleke Mawu tia be yeakplɔ Yeƒe Ŋugbetɔ agbɔ ɣemaɣi?

Mawu tia, le dodo ƒe ŋkekeawo me, Eyɔ hatsotso aɖe do goe. Eye tso hatsotso ma me la, medi be miade dzesi nane, eve koe su Esi siwo yi ɖe ŋugbedodonyigba la dzi. Nukae Wòtia be yeatsɔ akplɔ wo ado goe?

Eyae nye esi. Esia le vevie ale gbegbe be gbɔgbɔmesusu nalé. Aleke wɔ Mawu tia be yeakplɔ Ŋugbetɔ la alé ayi Ŋugbedodonyigba dzi?

Dunyahehe? Ɖoɖowɔha? Etia nyagblɔɖila aɖe, kple Dzosɔti ƒe gbɔgbɔme dzesi, be dukɔ la megawɔ vodada o. Nusi nyagblɔɖila gblɔ la nye Nyateƒe. Ke Mawu ɖi, le Dzosɔti aɖe me, heɖo kpe Eɖokui dzi, ɖe Eƒe Nya la fia. Ele eteƒea? Nusi Wòhe vɛ ema, Eƒe dodo gbãtɔ la. Eƒe dodo evelia…

Eyata, be wòakpɔ egbɔ be dukɔ la mawɔ vodada o la, Edɔ nyagblɔɖila aɖe kple Dzo Sɔti la ƒe gbɔgbɔme dzesi na woƒe dodo gã la.

Nukae Wòwɔ, dodo gbãtɔ la? Edɔ nyagblɔɖila aɖe, si wosi ami na kple Dzosɔti, eye Wòyɔ dukɔ la do goe. Emae nye Eƒe dodo gbãtɔ…

Dodo evelia, Ekplɔ Nyagblɔɖila aɖe, amesiamina, si nye Via, Mawu-Nyagblɔɖila vɛ. Mose gblɔ be Anye Nyagblɔɖila; eye Dzosɔti la nɔ esi, eye wòwɔ dzesiwo kple nukunuwo…

Eye le afisia la Edo ŋugbe ma ke le dodo la me le ŋkeke mamlɛawo me, eye Mate ŋu atrɔe o…

Ame geɖewo alɔ̃ ɖe edzi to gbɔgblɔ me be, ẽ, Edɔ nyagblɔɖila aɖe ɖa be wòayɔ Ŋugbetɔ aɖe do goe, gake fifia la Gbɔgbɔ Kɔkɔe la akplɔ Ŋugbetɔ la to subɔsubɔdɔa dzi; gake Megblɔe nenema o…mina míayi nuxexlẽ la dzi.

Mide dzesi Dzosɔti si yɔ wo do goe, kplɔ wo yi ŋugbedodonyigba la dzi, le nyagblɔɖila ƒe amisisi te. Dzosɔti aɖe si dzi woate ŋu akpɔ, kplɔ wo yi ŋugbedodonyigba la dzi, le nyagblɔɖila amesiamina te. Eye woyi edzi gbe nu le egbɔ. Esɔ gbea? Kakaɖedzitɔe.

Dzosɔti sia ke gale dukɔ la kplɔm yi Ŋugbedodonyigba aɖe dzi, Milenium lae.

Dzosɔti la, le Mawu ƒe kpɔkplɔ te…Mawue nye Dzo la, eye Dzosɔti la si ami na nyagblɔɖila la ɖeɖe ko. Dzosɔti la tɔ yenye be wòanɔtsi tre abe Dziƒoɖasefo ene be woyɔ Mose

Azɔ, miɖo ŋku edzi be Mose menye Dzosɔti la o. Eyae nye kplɔla amesiamina, le Dzosɔti ma te, eye Dzosɔti la ɖo kpe eƒe Gbedeasi la dzi kple dzesiwo kple nukunuwo ɖeɖe ko.

Vodada aɖeke meli o, xɔ̃wo. Menye nusi gblɔm mele ye o; mia nɔviŋutsu koe menye. Gake, nusi dzi Mawu le kpe ɖom na mi lae, nusi wɔe wònye Nyateƒe. Dzosɔti ma ke si Wòzã na eve kemeawo la, Ehee va mia dome egbea, eye Wòɖo kpe Edzi kple dzɔdzɔmenunya.

Mawu metrɔa Eƒe ɖoɖo gbeɖe o. Mɔ aɖe le Mawu si na Eƒe Ŋugbetɔ la egbea: Dzosɔti, le Mawu ƒe kplɔkplɔ te…Mawu nye Dzo la, eye Dzosɔti la si ami na Nyagblɔɖila ɖeɖe ko.

Gbe ɖeka koe li, nyagblɔɖila ɖeka, si si Ale Aƒetɔ La Gblɔ Esi la le, William Marrion Braham ye. Menye Dzosɔti la o, gake enye kplɔla si wosi ami na le Dzosɔti ma te,

Míakatã míedi be míanɔ Mawu ƒe Lɔlɔ̃nu DEBLIBO la me. Eƒe Nya YENYE Eƒe Lɔlɔ̃nu Deblibo. Nya si dzi woɖo kpe na míaƒe ŋkeke la yenye Gbedeasi sia. Wotia Eƒe nyagblɔɖila be wòakplɔ Eƒe Ŋugbetɔ la. Ne miexɔ ema dzi se o la, miate ŋu anye Eƒe Ŋugbetɔ la o.

Miva dzra ɖo na míaƒe Dodo gã la to Mawu ƒe Nya Deblibo la sese kpli mí me Kwasiɖagbe le ŊDƆ ga 12 me, Jeffersonville ƒe game dzi, esi míase: Dodo Etɔ̃lia 63-0630M.
Nɔvi. Joseph Branham

Gbedasi: 63-0714M Nukata Nèle Ɣlidom? Ƒonu

---

• 25-0831 Nukata Nèle Ɣlidom? Ƒonu
• 23-1022 Nukata Nèle Ɣlidom? Ƒonu
• Easter 2022
• 22-0417 Nukata Nèle Ɣlidom? Ƒonu
• 22-0414 Dodo Etɔ̃lia
• 20-0426 Nukata Nèle Ɣlidom? Ƒonu
• 19-0804 Nukata Nèle Ɣlidom? Ƒonu
• 17-0604 Nukata Nèle Ɣlidom? Ƒonu

BranhamTabernacle.org

Mawu Ƒe Hame Lɔlɔ̃tɔ,

Mawu ƒo nu hegblɔ bena, “Nyemewɔa dɔ le anyigba dzi o, negbe to amegbetɔ dzi. Nye—nye—nyee nye Weinti la; miawoe nye alɔdzeawo. Eye Maɖe Ɖokuinye ɖe go ko ne Mate ŋu akpɔ ame ÐEKA. Eye Metiae, William Marrion Branham ye. Medɔe ɖa be wòayɔ Nye Ŋugbetɔ do goe. Matsɔ Nye Nya la ade nu me nɛ. Nye Nya la anye eƒe Nya. Agblɔ Nye Nyawo eye wòagblɔ nusi magblɔ ko.”

Ŋɔŋlɔ la ƒe Gbe ƒo nu to Dzosɔti la dzi eye wògblɔ nɛ be, “Metia wò, William Branham. Wòe nye ame la. Medo wò ɖe dzi ɖe taɖodzinu sia ta. Matsɔ dzesiwo kple nukunuwo aɖo kpe dzi wò. Èle ɖiɖim be yeaɖe Nye Nya la afia eye yeakplɔ Nye Ŋugbetɔ. Elebe Nye Nya la na va me to dzi WÒ.”

Míaƒe nyagblɔɖila nya be taɖodzinu si tututu tae wodɔ ye ɖo yenye be yeaɖe Biblia me nyaɣaɣlawo katã afia eye yeakplɔ Mawu ƒe Ŋugbetɔ la ayi Ŋugbedodo Nyigba dzi. Enya be nusi wògblɔ la, Mawu ade bubu eŋu eye wòana wòava eme. Medi be miagaŋlɔ Nya ma be gbeɖe o. Nusi míaƒe nyagblɔɖila gblɔ la, Mawu ade bubu eŋu, elabena Mawu ƒe Nya nɔ William Marrion Branham me. Eyae nye Mawu ƒe Gbe na xexeame.

Enya be yenye Mawu ƒe dɔla gbedeasitɔla amesiamina adrelia. Enya nya siwo katã Mawu gblɔ tso eŋu le Eƒe Nya la me le eƒe dzi me. Nusi nɔ bibim le eƒe dzi me ɖaa ke la zu nu vavã. Wosi ami nɛ eye wònya be ALE AƑETƆ LA GBLƆ ESI le ye si. Naneke mele mɔ xe ge nɛ be wòayi aɖagblɔ Mawu ƒe Nya la o.

Mawu gblɔ nɛ be, “Nye Nya, kple wò, Nye gbedeasitsɔla la, mile ɖeka.” Enya be yee wotia be yeagblɔ Nya si medana la o. Ema koe nye nusi wòhiã. AƑO NU, EYE MAWU ANA WÒAVA ME.

Gbedeasi sia ƒe Ɖeɖefia KPLE Mawu ƒe gbedeasitsɔla si ami na míaƒe xɔse geɖe wu tsã. Eʋu mí yi ɖe fli gãwo me. Ema mí ɖa tso nusianu gbɔ negbe Eƒe Gbedeasi, Eƒe Nya, Eƒe Gbe, Eƒe nyaƒokawo ko.

Meka alesi gbegbe míeɖanye ame ʋɛ o, alekeke gbegbe wokoa mí, woɖua fewu le mía ŋu o la, mewɔa naneke kura o. MÍEKPƆE. MÍEXƆE SE. Nane le mía me. Woɖo mí ɖi be míakpɔ ESIA eye naneke mele mɔ xe ge na mí be míaxɔ ESIA se o.

Mieɖo ŋku nusi nutega ma gblɔ be, “Yi ɖadzra Nuɖuɖu ɖo.” Afikae ye nudzraɖoƒe ma le? Branham ƒe Agbadɔ la ye. Afikae nane si le abe esia ene le le dukɔa me, alo le xexeame ƒo xlã le afisiafi, si asɔ kple Gbedeasi siwo le mía si? EYAE nye Gbe ɖeka si dzi Mawu Ŋutɔ ɖo kpe enye Ale Aƒetɔ La Gblɔ Esi. GBE ƉEKA KOLIA!

Teƒe bubu kae míagate ŋu, alo teƒe bubu kae míadi be míayi, esi wògblɔ be;

Afisiae wodzra Nuɖuɖu la ɖo…

Wodzrae ɖo ɖe afisia. Ele nyaƒokawo dzi. Ayi ɖe xexeame godoo le nyaƒokawo dzi, afisi amewo le woƒe aƒewo me le. Nyaƒokamawo adze Mawu ƒe ameɖoɖiwo siwo me tututu. Ate ŋu afia mɔ Nya la, Afia mɔ nusianu ɖe eƒe mɔ nu pɛpɛpɛ. Susuma tae Wògbugbɔm ɖo ɖa be mawɔ esia: “Dzra Nuɖuɖu la ɖo ɖe afisia.”

Míenye Eƒe Nya Deblibo Ŋugbetɔ si tsi Eƒe Nuɖuɖu Si Wodzra Ɖo Ɖi la gbɔ. Megahiã be míade ɣli azɔ o, ɖeko míeɖea Nya la gblɔna eye míeyia ŋgɔ, elabena MÍENYE Nya la.

Naneke meli si ŋu woatsi dzi ɖo o. Mehiã be míawɔ zã bliboa katã ƒe gbedodoɖa kpekpewo atsɔ aɖe amesiwo míenye afia o, woɖe Nya la ɖe go na mí. Míenya amesiwo míenye, abe Mawu ƒe nyagblɔɖila ene, eye wògblɔ amesi yina na mí xoxo.

Mía dometɔ ɖesiaɖe! Eɖanye aƒenɔ nènye o, alo ènye dɔ—dɔlanyɔnu sue aɖe, alo nyɔnu tsitsi, alo ɖekakpui, alo ŋutsu tsitsi, alo nukake nènye la, míele yiyim, alekeke hã. Mía dometɔ ɖeke magasusɔ o.” Amen “Mía dometɔ ɖesiaɖe le yiyim, eye míagatɔ te nu bubu aɖeke o.”

Kɔkɔdzoe le XƆSE me nana mí ƒe Nya gblɔm mielea!!!…

Va wɔ ɖeka kple Mawu ƒe Ŋugbetɔ ƒe akpa aɖe esi míaƒo ƒu ɖe Mawu ƒe Gbe si dzi woɖo kpe ŋu, esi Wòaƒo nu agblɔ na mí be: Nye Lɔlɔ̃tɔ, Nye Ametiatia, Nye Ŋugbetɔ, Nukata Nèle Ɣli dom, Ƒo Nu, eye ɖe zɔ.

Nɔvi. Joseph Branham

Gbedeasi: 63-0714M Nukata Nèle Ɣli Dom? Ƒo nu!
Game: ƔETRƆ ga 12, Jeffersonville ƒe game
Teƒe:

Gake Hame vavã ɖeka koe li, eye mègea ɖe Eme o. Wodzia wò ɖe Eme ye. Mikpɔea? Eye ne wodzi wò ɖe Eme la, Mawu gbagbe la Ŋutɔ wɔadɔ to dziwò, eye wòɖea Eɖokui fiana. Mikpɔea? Afimae Mawu nɔa, Eƒe Hamea me. Mawu dea Sɔleme gbesiagbe, ɖeko wònɔa Sɔlemeha me. Enɔa agbe le mewò. Wòenye Eƒe Hame. Ènye Eƒe Hamea. Agbadɔ si me Mawu nɔa ye nènye. Mawu gbagbe la ƒe Hame wò ŋutɔ, nènye.