All posts by admin5

22-0109 Ɖee Esiae Nye Nuwuwu Dzesi laa, Amegã?

Gbedasi: 62-1230E Amegã, Nuwuwu Ƒe Dzesie Nye Esia?

PDF

BranhamTabernacle.org

Mawu ƒe Gbedoxɔ Lɔlɔ̃a,

Gbedeasi sia ƒe ŋusẽ meɖo seƒe o. Ede blibo le Eɖokui me. Eyae nye Nya mamlea ɖe nuwo katã dzi. Nububu aɖeke megali o negbe Gbe ma si wolé ɖe nyaƒoka dzi. Enye Mawu ƒe Gbedeasi gaƒoƒo tɔa si dzi woɖo kpe. Eyae nye míaƒe Tɔɖoƒe.

Míele míaƒe mɔzɔzɔ me tuta Ŋugbedodo Nyigba dzi, esime Gbɔgbɔ Kɔkɔe la, Dzo Lilikpo la le míakplɔm. Wodzra míaƒe Gbɔgbɔme Nuɖuɖu ɖo ɖi be wòalé mí ɖe te le míaƒe mɔzɔzɔ la me. Wolé nusiwo katã hĩa mí la nam mí.

Do ŋgɔ na eƒe ku la, Dawid dzra nu geɖewo siwo hĩa be woakɔ tu Aƒetɔ ƒe aƒe la ɖi. Ede se be edze be wòaɖo atsyɔ geɖe, axɔ ŋkɔ gã, kple ŋutikɔkɔe, le duwo katã me.

Emegbe la eƒonu na Salomo, hetsɔ xɔ la ƒe akpata, eŋu xɔwo, nudzraɖoƒewo, dzisasrãwo kple xɔ emetɔwo kpakple nutsyɔnu la xɔ ƒe nɔnɔme de asi na eyama.

Etsɔ nusiwo katã wòbu ɖe ta me la ƒe nɔnɔme de asi nɛ, siwo nye Yehowa ƒe aƒe la ƒe kpɔwo kple eŋu xɔwo katã godoo, Mawu ƒe aƒe la ƒe nudzraɖoƒewo kple nu kɔkɔeawo dzraɖoƒewo.

Nunɔlawo kple Lewi-viwo ƒe hawo, kple nusianu na Aƒetɔ la ƒe aƒe ƒe subɔsubɔdɔwo katã. Ena eyama Aƒetɔ la ƒe aƒe ƒe subɔsubɔdɔwɔnuwo katã hã. Sika kple klosalo na subɔsubɔnu ƒomeviwo katã. Sika kple klosalo ɖe akaɖiti ɖe sia ɖe ŋu. Sika kple klosalo na ŋkumeɖobolo ƒe kplɔ̃, gaflowo, ʋutrewo kple kpluwo kpakple goeawo.

Sika nyuitɔ alesi atu dzudzɔdovɔsamlekpui la nu hekpe ɖe sika Kerubiawo, siwo keke aʋala hetsyɔ YEHOWA ƒe nubablaɖaka dzi la ƒe tasiaɖam la ŋuti.

Wodzra nusianu ɖi heƒoƒuwo ɖi na xɔtutu la. Naneke meʋe te o. Edze be wòakplɔ xɔtutu la ƒe nɔnɔme tata do tututu alebe wòatu Yehowa ƒe Gbedoxɔ la.

Gake le míaƒe ŋkeke me la, Mawu le Gbedoxɔ bubu tum si nye Eƒe Ŋugbetɔ la. Womele Gbedoxɔ sia ya tsrɔ̃ ge o, boŋ anɔ agbe Mavɔ kple Eyama. Edzra nusianu si wohĩa be woatu Eƒe Gbedoxɔ yeyea ɖi geɖe heƒoƒui ɖi.

Mawunyenye, Da ƒe Nuku, Daniel Ƒe Kɔsiɖa Blaadreawo, Hame Ƒe Agbenɔɣi Adreawo, Nutrenu Adreawo, De Dzesi Wò Ŋkeke la, Srɔ̃ɖeɖe Kple Srɔ̃gbegbe, Nukoklo Le Mawu Ŋu, Dzesi la, Tɔɖoƒe, Amesiaminawo, Gbɔgbɔme Nuɖuɖu, Kristo Nye Nyaɣlaɣla, kple alafa ɖe alafa dzi ƒe bubuwo, siwo yome wòdze be woadze tututu.

Edzra nusianu si hĩa mí ɖi, gake edze be míakplɔ xɔtutu la ƒe nɔnɔme do tututu, esime míatrɔ dzesi aɖeke alo nane si meɖi naneke o.

Azɔ, nusi gblɔm mele ŋdi sia lae nye be, esiae nye Nuɖuɖu dzadzraɖo. Nuɖuɖu dzadzraɖo, ale be nane nanɔ mia si miaɖu, ale be nane nanɔ miasi be miatsɔ anyi mia ɖokuiwoe. Miakpɔ Esia le miaƒe nyaƒokawo dzi. Mibɔbɔ nɔ anyi ɖe xɔ me le ɖoɖoezizi me. Ɖewohĩ, ne medzo vɔ eteƒe didi la, miagaɖo ŋku dzi kokoko be nusiawo nye nyateƒe. Mibɔbɔ nɔ anyi ɖe miaƒe xɔ me eye miaɖo toe. Mikpɔea? Ke esiae nye Nuɖuɖu la, si woƒoƒu ɖi, le nudzraɖoƒe.

Egblɔ be yevona geɖe le agbadɔa me wu teƒe bubu ɖesiaɖe. Eyae nye teƒe si woƒoƒu Nuɖuɖu la ɖo ɖi.

Le egodo le takpekpeawo me afisi meyina la, miesena kpɔ gbeɖe be meɖea gbeƒã Gbedeasi siawo o ɖe. Kpao, medo ŋugbe na mi, be mava agbadɔ sia me. Afisia tututu ye meɖea gbeƒã nye Gbedeasiawo tso. Etɔ̃ alo ene bubuwo si Aƒetɔ la nam, gale asinye le afisia, Ŋɔŋlɔawo le asinye kuɖe ŋu, si nyema akatse aɖegbeƒãe le teƒe bubu aɖeke negbe afisia ko o. Afisiae Mawu ƒe Nya dze gododo tso. Azɔ, vaseɖe si me Mawu natrɔe la, mele afisia nɔ ge aɖegbeƒãe tso afisia tututu. Esɔ gbe.

Aƒetɔ la ƒe nyagblɔɖila ƒo nu hegblɔ bena amehatsotso aɖe li siwo xɔ ye dzi se, eye dɔ le wowum eye woléa ɖe nya ɖe sia ɖe si yegblɔ ŋu. Miawoe nye amehatsotso ma. Mienye eƒe ƒuƒoƒe la. Mienye eƒe ha sue la.

Menɔ gbedodoɖa me eye mese be Aƒetɔ la le míakplɔm be míase Gbedeasiawo Si Wòna Eƒe nyagblɔɖila ƒoƒu ɖi wosɔgbɔ le Eƒe nudzraɖoƒe me be wòatu Eƒe Ŋugbetɔ la.

Míele edzi yi ge adze Eƒe nyagblɔɖila la yome esime míase: Ɖee Esiae Nye Nuwuwu Dzesi laa, Amegã?62-3012E. Medi be makpewò be nàva tu mí Kɔsiɖagbe le ŋdi ga 10 me, Jeffersonville ƒe ga me, be míase Nuɖuɖu sia si wodzraɖo ɖi tɔxɛ si atu wò ɖe Aƒetɔ la ƒe Gbedoxɔ la me.

“Ɣeyiɣi megali o.” Ne wòle la, mina míadzra míaɖokuiwò ɖo, xɔ̃wo, be míado go mía Mawu la. Nuɖuɖu sɔgbɔ li si woda ɖi azɔ. Mina Míazãe. Mina Míazãe fifia.

Nɔvi. Joseph Branham

22-0102 Tɔɖoƒe

Gbedasi: 62-1230M Tɔɖoƒe

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Ame Ɖeka Gbedeasi Ƒe Ŋugbetɔ Lɔlɔ̃a,

Ŋkuɖodzi Ŋkeke ƒe ƒe kae nye esi na Ŋugbetɔ la. Ewɔ mí ɖekae tso xexea katã me kple  nu ɖeka ko lia si ate ŋu ahe Eƒe Ŋugbetɔ la vɛ ɖe du, gaƒoƒo la ƒe Gbedeasi la, Mawu ƒe Gbe la ŋutɔ ŋutɔ si le Eƒe Ŋugbetɔ la yɔm do goe.

Ke azɔ mexɔe se be Ele gbesɔsɔ be yeatu kɔkɔƒe gã la le go kemea dzi, be yeahe Xɔsea aɖe si akɔ Hame la adzo yi ɖe Ŋutikɔkɔe me vɛ. Ke Ele  Gbedeasiawo me.

Gbedeasi sia ƒe Ɖeɖefia ku seke hedeto ɖe míaƒe dziawo me azɔ. Míaƒe nuwɔnawo sɔ kple Nya la tututu. Míenyae be míaƒe nufiafia deblibo kple Nya la, míele le ɖeke tsɔm le Ekpem alo le Eɖe ɖem le Me o. Na míawo ya la, míele nububu aɖeke dim o negbe Nya la le nyaƒoka dzi.

Ele míadzram ɖo hena kɔkɔƒe mamlea esime wòle Xɔse si hĩa mí na Kɔkɔdzɔe la nam mí. Xɔse ma, le mía me AZƆ. Wole Kristo ƒe agbe ɖem ɖe go kloe le nɔnɔme aɖe si do ŋutilã me, le mía me, abe alesi wònɔ Kristo me ene.

Míele Eƒe agbe kpɔm. “Dɔ siwo wɔm Mele la woawo kee miawɔ.” Menye amesi wɔ eɖokui be yexɔese o, amesi susui be yexɔese o, gake, “Amesi xɔese.” “Amesi xɔ Dzinye se la, dɔ siwo wɔm Mele la, eya hã awɔe.” Nukata? Èku seke ɖe Agakpe ma ke dzi. Nukae nye Agakpe laa? Nya la, kokoko. Èku seke ɖe afima. Wò dziehe Ɣletivi lae wònye ne èbu le atsiaƒu dzi.

Míeku seke ɖe Agakpe ma dzi alegbegbe. Míexɔ kakaɖedzi kuɖe Eŋu. Míenya Nusi Wònye. Míetsɔa amebubu aɖe ƒe Nya o, míenɔa anyi kple Ale Aƒetɔ La Gblɔ Esi. Míeva ɖo míaƒe Tɔɖoƒe la gbɔ.

Míekpɔ kɔɖiɖi fũ hekpɔ dzidzɔ. Megahĩa be woabia nya aɖe abe alesi wònɔ le Ʋɔŋudrɔlawo ƒe ŋkekewo me, kple ame geɖewo alegbegbe egbea ene, afisi amesiame wɔa nusi dzɔ le eƒe nukpɔkpɔ ŋu, afisi amesiame ɖo eƒe tɔɖoƒe le hewɔa nusi dzroe ko o. Mawu metrɔa Eƒe dɔwɔwɔ o, Mateŋui aganye Mawu o. Ne Mawu gblɔ nane kpɔ alo wɔa nane la, edze be Wòawɔ numa ke ɣesiaɣi.

Mawu dɔa nyagblɔɖila aɖe ɖa kokoko be wòakplɔ Eƒe dukɔ. Edɔ Eƒe dɔla kple nyagblɔɖila adrelia ɖa; Amegbetɔ Vi la si le Eɖokui ɖem fia le agbetɔ ŋutilã me, be yeayɔ Yeƒe Ŋugbetɔ la do go aɖakplɔe. Nyaƒokawo nye Mawu Ƒe Gbe na Eƒe Ŋugbetɔ la. MÍAƑE TƆƉOƑE LAE MA.

Eyi ɖe dzigbe le afima. Enyae. Ke melɔ̃a ema, alesi wòhevae. Eƒe tɔɖoƒe la su eyama si, eƒe atiziɔti la.

Mawu le Eƒe Ŋugbetɔ yɔm ɖe du. Matrɔ Eƒe ɖoɖo la o. Madɔ amehatsotso aɖeke be wòaƒo Eƒe Ŋugbetɔ la nu ƒu o. Eƒe Ŋugbetɔ la awɔ ɖeka le Nya dzadze la, si nye Mawu Ƒe Gbe le Nyaƒokawo dzi ŋu. Enye Mawu ƒe subɔsubɔdɔ vavã na egbea.

Mɔnu nyuie aɖeke mele wu be míadze Ƒe Yeyea gɔme esime míava ɖe du aɖase míaƒe atiziɔti la, míaƒe Tɔɖoƒe la, wòaƒo nu na mí o. Medi be makpe amesiame be wòava se nu kpli mí Kɔsiɖagbe ŋdi ga 10 me, Jeffersonville ƒe game, aɖase Gbedeasi: Tɔɖoƒe 62-1230M.

Ne miate ŋu atu mí o la, mele dzidem ƒo na mi be miatia Gbedeasi aɖe aɖaƒo le miaƒe aƒewo me, alo mide dziƒo na miaƒe kplɔla be netia Gbedeasi aɖe alebe miawo hã mianɔ anyi ɖe du, le amisisi gãtɔ kekeake si li la te, aɖase Ŋugbetɔ la ƒe Tɔɖoƒe si dzi woɖo kpe la.

Nɔvi. Joseph Branham

21-1226 Nukata Betlexem Suea

Gbedasi: 63-1214 Nukata Betlexem Suea

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Sukuvi Lɔlɔ̃awo,

Medi be magblɔ mawunya na mi aɖafia nu mi egbe to nye leta dzi. Gbã la mina míagbugbɔ to nusi míesrɔ̃ Kɔsiɖagbe vayi me.

Aleke woléna Mawu ƒe nuku aɖe si woɖoɖii? ZI PLAY.

Nukae Yosua gblɔ na eƒe mawunyagblɔlawo be woawɔ?
Miyi ɖe Yerixo aɖagblɔ mawunya na amewo le PLAY ZIZI me, eye wò kple wòaƒe la míakpɔ ɖeɖe.

Eƒe gbedeasitsɔlawo gbɔ, hegblɔ be “Meɖoto wò sedeɖeawo. Ke nyɔnu aɖe ŋu míeke ɖo, esime míeƒo Nyaƒokawo.

Ŋu mele míakpem o. Míetsɔ ɖeke le me na amesi le Ekpɔm o. Míedi be ame sia ame ne Kpɔe Aɖase. Míede Esia míaƒe aƒewo me, míaƒe hameawo me, afi sia afi si míeyia, bena ame sia ame si va le yiyim la nanya be wode dzesi mí kple míaƒe Dzesi la; Yesu Kristo, Eƒe Nya, Gbɔgbɔ Kɔkɔe la, gaƒoƒo la ƒe Gbedeasi la, Nyaƒokawo, Mawu ƒe Gbe la.

Míele ekpɔm be dziku la le gbesɔsɔ be yeato anyigba dzi, ke nu sia nu si mele Dzesia te o la, atsrɔ̃. Gake ne Wòkpɔ Dzesi ma la, Ato mía ŋu ava yi. Nusi Mawu bia na gaƒoƒo lae ma. Fĩeɣi ŋɔli Gbedeasi la, ye nye be woazã Dzesi la.

Aleke gbegbe wògblɔ na mí be agogo sukuviwo?

•Agblɔ ko be Mexɔese la…mesu o.
•Azɔ ƒo xlã afisi Wòle la…mesu o, awɔwò nàvɔ̃ɖi ɖe dzi.
•Nyemefinafi o.
•Medena Branham ƒe Agbadɔ me.
•MEXƆ GBEDEASI LA DZI SE.
•MEXƆ NYA ƉE SIA ƉE SI NÈGBLƆ ƉZI SE NƆVIŊUTSU BRANHAM…WOW!!!

Ema nyo, egɔme koe nye be àte ŋu axlẽ nu.

Migava tso didiƒe nenema gbegbe ko, agblɔ be, “Mexɔ Gbedeasi la dzi se” o. Miɖo to gbedeasitsɔla la. Mige ɖe Kristo me!
Mitsɔ Gbedeasi la, Midee miaƒe dzi me, alebena Dzesi la, Agbe si tututu nɔ Kristo me la nanɔ miame. “Ne Mekpɔ Ema la, mato mia ŋu ava yi.”

Nukae Mawu nɔ gbɔgblɔm na Eƒe Ŋugbetɔ la Gbedeasi ɖe Gbedeasi megbe hã? NYAƑOKAWO, NYAƑOKAWO, NYAƑOKAWO. Enyo be woaɖe gbeƒã Gbedeasi la aɖafia Gbedeasi la, gake edze be MIAƑO GBEDEASI LA.

Aleke ameaɖe ate ŋu agblɔ be yewolɔ̃a Gbedeasi la eye womedi be yewoaƒo Gbedeasi la le amewo ŋkume o mahã? Lɔlɔ̃ kadede ma ke si le nye kple Gbedeasi la dome la mele wo si, abe alesi medina be ame sia ame nava ɖe du aɖase Gbe ma si dzi woɖo kpe kple Dzo Lilikpo la o.

XƆSE maʋãmaʋã le mía si ɖe Eƒe Nya la me. Míenye Xawa o. Míenye ɖikelawo alo le ƒoƒose wɔm kple Satana o. Míelé Mawu ƒe Nya ɖe sia ɖe me ɖe asi sesĩe le Biblia me, kple Nya ɖe sia ɖe me le Nyaƒoka dzi. Elabena nyaƒokawo nye Mawu ƒe susuwo tututu, si woɖe gblɔ heɖe fia Eƒe Ŋugbetɔ la, eye mehĩa gɔmeɖeɖe aɖeke o. Eyae nye teƒe ɖeka si míenya be míate ŋu aɖe AMEN na Nya ɖe sia ɖe le.

Gbedeasi sia nye abolo yeye si ɖia tso Dziƒo, na míaƒe mɔzɔzɔ la. Enye Agbe Ƒe Abolo la, eye gbe sia gbe la yeyewɔwɔ tso Kristo gbɔ, tso Dziƒo, Gbɔgbɔ Kɔkɔe la, si vaa heyɔa míaƒe luʋɔwo fũ.

Míele anyinɔm ɖe du kple taɖodzinu ɖeka, Mawu ƒe Nya la, eye Nya ma ɖum míele. Míele Mawu ƒe Betlexem gbɔgbɔmetɔ la me, hele Mawu ƒe gbɔgbɔme Bolo ɖum, eye míaƒe luʋɔwo le Nya ɖe sia ɖe si Wògblɔ dzi ƒum, kple “Amen!” Míele vivisem le Dziƒo dɔlawo ƒe Nuɖuɖu sia si wodzraɖo ɖi na mí be míaɖu azã le dzi ŋu.

Va tu mí le Eƒe Akplɔ ŋuti aɖaɖu azã le Dziƒo dɔlawo nuɖuɖu ma ŋu kpli mí Kɔsiɖagbe sia le ŋdi ga 10 me, Jeffersonville ƒe game.

Ne mi nyaƒokatɔwo le afisia, si le nyaƒokawo sem la, adzrom be miase ema: Nukata Wòle Be Yesu Nava Betlexem ɖo.
Nukata Wòle Be Wòawɔe mahã?

Fofo la ƒo nu na mí to Eƒe nyagblɔɖila dzi zi ɖeka ake hekpe mi Nyaƒoka Dukɔa katã be miava se Gbedeasi : Nukata Betlexem Suea 63-1214

Nye mawunyagbɔgblɔ kple Nufiafia kpã azɔ, azɔ mina MÍAZI PLAY.

Nɔvi. Joseph Branham

21-1219 Dzesi

Gbedasi: 63-0901m Dzesi

Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Dzesi Ŋugbetɔ Lɔlɔ̃a,

Ɣeyiɣi aɖeke menɔ anyi kpɔ abe esia ene le xexeame ƒe nutinya me o. Ewɔ be xexeame katã ɖi ɖase le eŋuti, esime ɣleti nyigba atɔ̃ ɖo woɖokuiwo ɖe du ɖe fli me le yame. Nane nɔ mevam le Dzome 12, 2021 me le dziƒowo, esime nane nɔ mevam le anyigba dzi. Ŋugbetɔ la ƒo woɖokuiwo nu ƒu ɖe du le xexeame godoo esime Mawu ƒo nu to Eƒe nyagblɔɖila dzi, eye Eƒe Ŋugbetɔ wɔ Kɔmuniɔ̃ kple Afɔ Kɔklɔ ɖe du le woƒe aƒewo me.

Ayaƒoƒo kple Aƒetɔ la ƒe amegbɔnɔnɔ kae nye esi nɔ míaƒe aƒewo me. Nyaƒokaƒola aɖewo geɖe míaƒe aƒewo me eye míetsɔ míaƒe aƒeme wɔ hame na Aƒetɔ la. Míezã Dzesi la na míaƒe aƒewo kple míaƒe ƒomeawo. Gbɔgbɔ Kɔkɔe yɔ míaƒe aƒeme, míaƒe dzi me, kple míaƒe luʋɔwo taŋ kple Eƒe amegbɔnɔnɔ. Enɔ abe ɖe míenye Israelviwo siwo nɔ dzadzraɖo wɔm hena gododo ƒe mɔzɔzɔ la ene.

Nya la nɔ nuƒom na mí to Eƒe dɔla dzi eye wozãe na míaƒe aƒewo. Ku ɖeto ɖe mí keŋkeŋ, gake míenyae be míenɔ dedie eye be ato míaƒe aƒewo ŋuti ayie. Míenɔ dzadzraɖo wɔm be míadzo hena MÍAƑE Ŋugbedo Nyigba la.

Mímese alesi wògogo kpɔ gbegbe le míaɖokuiwo me kpɔ gbeɖe abe alesi míese le zã ma me ene o. Míenyae be nane nɔ dzɔdzɔm. Míenyae xo be Enɔ míadzram ɖo na Eƒe Vava la, gake elebe wòanye ɣeyiɣi sia, ŋkeke sia, ɣleti sia, ƒe sia. Nusianu deblibo hele eteƒe. Gɔmesese aɖe nɔ esi. Enɔ mevam be wòanye dzesi na xexeame.

Gbɔgbɔme nudzɔdzɔ ɖe sia ɖe nye dzesi aɖe tso Mawu gbɔ. Mikpɔ nyuie. Mide dzesi ema, mikpɔea. Milé ŋku ɖe eŋu, gbɔgbɔme nudzɔdzɔ ɖe sia ɖe, nu sia nu si dzɔna, nye dzesi. Míele afisia ɖe dome ko o. Nusiawo medzɔna ɖe dome ko o. Dzesi ye wònye. Dzesi ye wònye, be woayi—woayi ɖe dedienɔƒe, kaba. Noa nye dzesi na eƒe dzidzime; Eliya nye dzesi na etɔ; Yohanes nye dzesi na etɔ. Mikpɔea? Nu sia nu, gaƒoƒo la ƒe Gbedeasi, nye dzesi. Milé ŋku ɖe Eŋu, mikpɔ nusi wɔm Wòle la ɖa. Mikpɔea? Dzesi wònye. Gɔmesese le nu sia nu si. Esime Mose dze Eƒe subɔsubɔdɔ gɔme le Israel la, Israel ƒo ƒu kaba tso Egipte katã, ɖe Gosen. Wonɔ tɔtrɔm gbɔ va woƒe dedu me elabena wonyae be nane mɔ dzi gbɔna.

Kpɔɖeŋu deblibo kae nye esi na egbea, esime Ŋugbetɔ la le ƒuƒom ɖe du le gaƒoƒo la Nya tsimatɔea ŋu; elabena míawo hã míenyae be nane le mɔdzi gbɔna.

Wole vavam tso ɣedzeƒe kple ɣetoɖoƒe, wotso keke didiƒe ʋĩi, be woaɖu azã kple Fia la, aɖu fĩeɣi nuɖudu abe Eƒe amekpekpe le Eƒe Nuɖuɖu Si Wodzraɖo Ɖi ŋu le EƑE AKPLƆ DZI.

Edɔ Eƒe dɔla nyagblɔɖila ɖa kple Gbedeasi aɖe be wòayɔ Eƒe Ŋugbetɔ la do goe aɖakplɔe yi Ŋugbedo Nyigba la dzi. Ede dzesi Eɖokui le míado me kple Dzo Lilikpo la. Emegbe la, Edɔ Eƒe Dzesi ɖa ale bena Eƒe Ŋugbetɔ la nayi ete, elabena Dzesi ma koe Wòdoa dzesi.

Nukae nye Dzesi la na egbea?

Dzesi la—la koe Wòdoa dzesi. Emae nye gaƒoƒo la ƒe Gbedeasi la! Emae nye ŋkeke sia ƒe Gbedeasi la! Emae nye gaƒoƒo sia ƒe Gbedeasi la! Le Yesu Kristo ƒe Ŋkɔ Me la, Mixɔe!

Ŋugbetɔ la kple Kristo wole Ɖeka zum. Ŋugbetɔ La ƒe subɔsubɔdɔ, kple Kristo ƒe subɔsubɔdɔ, nye ɖeka ma ke. Mawu Ŋutɔ de dzesi Eƒe gbedeasitsɔla ƒe Gbedeasi la. Ede dzesi Eƒe Ŋugbetɔ la. Vɔvɔ̃li la le vavãtɔa zum. Ŋugbedodo ɖe sia ɖe le Eƒe Nya me nye MÍATƆ. Edze be wòaɖo to mí.

Míele Ŋugbetɔ Nya deblibo ma zum to mɔ si Mawu na egbe la dzi: Eƒe Gbe, Eƒe Nya, le Nyaƒoka dzi. Mawu metrɔa Eƒe ɖoɖo kpɔ gbeɖe o. Edɔna Nyagblɔɖila ɖa kokoko be wòakplɔ Eƒe dukɔ la. Bubuwo nɔ Eyama si si woyɔ hesi ami na, gake nusi nyagblɔɖila gblɔ ƉEƉEKO woate ŋu agblɔ, elabena eƒe Nyawo nye ALE AƑETƆ LA GBLƆ ESI na amewo.

Aleke nàte ŋu axɔ KAKAƉEDZI 100% be nèle Mawu Ƒe Nya DEBLIBO la sem mahã? Mɔnu ɖeka koe li na nyea: Zi Play.

Kakaɖedzitɔe la, bubuwo li si woyɔ be woaɖe gbeƒã Nya la, elabena ele Nya me ke Womate ŋu ahe nya ɖe eŋu o, gake Nya si wose tso gbedeasitsɔla gbɔ le Nyaƒoka dzi ko woate ŋu aɖe gbeƒã. Womateŋu aɖe gbeƒã, afia nu, aɖe egɔme, aɖe le me alo ATSƆ NANE AKPEE O Esi wònye MAWU ƑE NYA DEBLIBO la ta. Numae gblɔm Nya la le.

Megblẽ be woaɖo to mawunyagblɔla aɖe o, abe alesi ameaɖewo gblɔnɛ ene, nenema ke megblẽ be woade sɔleme o. Edze be miade sɔleme, gake Ŋugbetɔ la dzi be yease alẽ nuɖuɖu, eye geɖewo xɔese be mɔnu ɖeka si li be woase Nya dzadze lae nye Play Zizi.

Mawu nayra wo kple woƒe subɔsubɔdɔ si me Mawu yɔwo ɖo. Elabena nyemetsitre ɖe woŋu o ke melɔ̃wo hexɔe se be mele Mavɔmavɔ me nɔ ge kple Eƒe Ŋugbetɔ katã si woɖo ɖi. Nyaƒoka ƒe subɔsubɔdɔ tɔ ko meli na.

Geɖewo gblɔna bena Edze be mawunyagblɔla nanɔ asiwò be nànye Ŋugbetɔ la. Melɔ̃ ɖe dzi, ele asinye, William Marrion Branham ye, elabena eyae nye mawunyagblɔla gãtɔ kekeake si si subɔsubɔdɔ gãtɔ kekeake le le xexeame. Elabena menye eƒe nya, eƒe gbedeasi, eƒe susuwo ye o, nenema ke Menye eƒe gɔmeɖeɖe ye o. Eyae nye Mawu ƒe Nya ɖeka si dzi woɖo kpe na míaƒe ŋkeke la. Eyata ẽ, eyae nye SUBƆSUBƆDƆ AGBEAGBE gãtɔ kekeake si li.

Nye biabiae nye be: Ɖee nàte ŋu ase Nyaƒokawo ɖeɖeko aɖanye Kristo Ƒe Ŋugbetɔ la, loo ɖe wòle be nububu wu Mawu Ƒe Gbe le nyaƒoka dzi nànɔ asinye mahã?

Na nye kpakple nye aƒe ya la, NYAƑOKAƑE ME ye míenye, eye míexɔe se bena míenye Eƒe Ŋugbetɔ eye nusi ko MÍEHĨA ye nye Mawu ƒe Gbe le nyaƒoka dzi.

Ne adzrowò be nàtu mí le wò aƒe me, hame, ʋu me alo afikake Aƒetɔ la na nèle, be yease Ale Aƒetɔ La Gblɔ Esi la, va tu mí Kɔsiɖagbe le ŋdi ga 9 me, Jeffersonville ƒe game, aɖase Mawu ƒe Nya wòawɔ Eƒe Ŋugbetɔ la blibo aɖahe Gbedeasi: Dzesi 63-0901M vɛ na mí.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la ƒe sese:

Mose I 4:10
Mose II Ta 12lia
Yosua Ta 12 lia
Dɔwɔwɔwo 16:31/19:1-7
Romatɔwo 8:1
Korintotɔwo 12:13
Efesotɔwo 2:12/ 4:30
Hebritɔwo 6:4-9/ 9:11-14/10:26-29/11:37/12:24/13:8;10-20
Yohanes Kɔkɔe 14:12

21-1206 Egbe Me Nudzɔdzɔwo Me Kɔ To Nyagblɔɖi Dzi

Gbedasi: 21-1206 Egbe Me Nudzɔdzɔwo Me Kɔ To Nyagblɔɖi Dzi

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

21-1204 KƆKƆDZOE LA

Gbedasi: 65-1204 KƆKƆDZOE LA

PDF

Xɔe ɖe mɔ̃ dzi OGG
Xɔe ɖe mɔ̃ dzi MP3
Xɔe ɖe mɔ̃ dzi AMR

BranhamTabernacle.org

Ŋugbetɔ Gbe Lɔlɔ̃a,

Mexɔese be mate ŋu ƒo nu le míadometɔ ɖe sia ɖe teƒe le esia gbɔgblɔ me be, míaƒe agbe ƒe Akpedavɔsa kɔsiɖa ƒe nuwuwu gãtɔ kekeake me enye esi me míeto ko ye ma. ŊUTIKƆKƆE!!

Míese Nya ɖe Nya dzi, Ɖeɖefia ɖe Ɖeɖefia dzi. Míaƒe Tsikɔwuame ŋu va yi kple nu ɖeka si ate ŋu wɔe: Eƒe Nya la, gaƒoƒo la ƒe Gbedeasi la, Kristo Ŋutɔ si le Eƒe Ŋugbetɔ nuƒom.

Azɔ míele ekpɔm be Nya ma ke si ƒe ŋugbe wodo, kuɖe Luka ŋu, Maleaxi ŋu, egbe ƒe ŋugbedodo mamle siawo katã ŋu la, siwo zu ŋutilã, siwo le agbe le míakatã míadome la, siwo míese kple míaƒe towo la; azɔ míele Eyama kpɔm (kple míaƒe ŋkuwo) si le Eŋutɔ ƒe Nya gɔme ɖem, míehĩa ameaɖeke ƒe gɔmeɖeɖe o. O Mawu gbagbe ƒe hame, le afisia kple telefoniwo dzi, minyɔ̃ kaba, hafi gbada nava yi! Mawu nayra mi.

Ɖee míate ŋu abu eŋu kpɔ be míele Mawu ƒe Nya gbagbe la si woɖe ɖe go kpɔm, kple mía ŋutɔ ƒe ŋkuwo mahã? Míele Nya gbagbe la si gɔme ɖem wole le dzɔdzɔme ƒe nɔnɔme me kpɔm, Mawu le míadome! Mewɔ mo yaa be nunyala xoxoawo kpɔmɔ na ŋkeke sia o, gake FIFIA, míele agbe le ŋkeke mawo siwo ƒe ŋugbe wodo me, le ekpɔm hele Esem esime wole eɖem ɖe go le kple mía ŋutɔ ƒe towo kple ŋkuwo.

Míese woƒo nu le Ŋuwò, be Nàte ŋu wɔ kadzidɔewo. Míese woƒo nu le Ŋuwò, be Nàte ŋu wɔ agbo. Ke fifia míele Wòkpɔm, kple mía ŋutɔ ƒe ŋku! Ɖeɖeɖego la, ŋutega si zu nukpɔkpɔ le kodzogbeme

Nukae Wònye ekema? Nya si woɖe ɖe go nye Mawu ƒe Ŋkɔ ƒe ɖeɖeɖego.

Meka nusi gblɔm nyahelawo le o, míele le Eƒe Lɔlɔ̃nu deblibo me le esime míele ƒu nuƒom le míaƒe aƒewo me, le míaƒe hameawo me, alo afikake míeƒo ƒu ɖo, hele Eƒe Gbe sem.

Ɖee nyemexɔ sɔleme yiyi dzi se o ɖe, nukata hame le asinye mahã? Wole mía si le dua katã me, wotsaka le telefoniwo dzi etsɔ zã me, le agbadroƒe alafa eve skwɛr ɖe sia ɖe dome la nye hameawo ƒe dometɔ ɖeka le.

EƑE hameawo tsaka le telefoniawo dzi le xexeame godoo be woase Mawu ƒe Gbe wòaƒo nu, aɖayɔ Eƒe Ŋugbetɔ do go. Amɔwɔʋaʋã ɖeke mele míadome o, nusihe Mawu Tanyenye la le ŋutilã me ƒe blibodede la katã va míadome. Wole Amegbetɔvi la ɖem ɖe go, le ɖem fia, hele Hame la hem va ɖe du kple Mawu ƒe Mawunyenye blibo la le míadome. Ele dzesi kpɔkpɔ mawo ke kple Eɖokui ƒe ɖeɖeɖego fiam mí abe alesi Wòwɔe le gɔmedzedzea me ene esime Woɖe ɖe go le anyigba dzi le Mawu-Nyagblɔɖila ƒe nɔnɔme me.

Maleaxi 4 do eƒe ŋugbe, Ŋɔŋlɔa ƒe susueawo do eƒe ŋugbe. Fika subɔm míele le mahã? Le Mawu ƒe aƒe me henɔ anyi (le fifi ƒe ɣeyiɣi me).

Mede akpe alegbegbe na Aƒetɔ la ɖe nusiwo katã wɔm Wòle na Eƒe Ŋugbetɔ le ŋkeke mamle siawo me ta. Ele dzidem ƒo na mí, le kakaɖedzi nam mí, be míenye Eƒe Ametiatiawo siwo nɔ Eyama me do ŋgɔ na xexeame ƒe gɔmeɖoɖo anyi ke. Ɣeyiɣi dze anyi kae nye esi wòhenye na Eƒe Ŋugbetɔ la.

Aƒetɔ la ɖoe dzi dzi nam be mayi dzi kple Gbedeasi mamle siawo si Wodzraɖo Ɖi na mí na Eƒe Ŋugbetɔ la. Mekpɔ yayra alegbegbe be masusui be, Fofo la na mɔ aɖe be míate ŋu awɔ ɖekae ɖe du, le xexeame godoo me, be míase Gbedeasi siawo. Le nyateƒetoto me la enye, Kristo Ƒe Ŋugbetɔ Ƒe Ɖekawɔwɔ Makpɔmakpɔ La.

Esime wòzu be míete ŋu le takpekpe wɔm ɖe du le míagbɔ o, le Kovid kple gbedoxɔ yeyea ƒe tutu ta la, nu eve li si le míadzrom eye míedi be míawɔ vevie. Woawoe nye nu eve siwo Aƒetɔ la de se na Eƒe Ŋugbetɔ la be wòawɔ yi ɖe Eƒe tɔtrɔgbɔ: Kɔmuniɔ̃ kple Afɔ Kɔklɔ.

Esime menɔ gbedom ɖa hele Aƒetɔ la ŋkume dim la, Ede dzi di nam be míawɔ Kɔmuniɔ̃ kple Afɔ Kɔklɔ kple míaƒe ƒomeawo.

Mekpɔ yayra alegbegbe hekpɔ dzidzɔ alegbegbe esime Wòde esia dzi di nam, kple alesi míawɔe. Míele ewɔ ge le Kɔmuniɔ̃ mamlea ƒe takpekpe si Nɔviŋutsu Branham wɔ esime wònɔ afisia kpli mí, le Dzome 12, 1965 ƒe azã gbe dzi. Míakpɔ yayra hã be eyae le Kɔmuniɔ̃ la kple Afɔ Kɔklɔ takpekpea kplɔ ge na mí zi ɖeka ake.

Maɖo leta ɖo ɖe mi, eye made nusianu si kuɖe ŋu Branham Tabernacle ƒe yiɖɔa dzi, le ŋkeke ʋea ɖewo me. Mele ŋugbe dom na mi be anye ɣeyiɣi aɖe si Ŋugbetɔ la maŋlɔ be o. Mele mɔkpɔkpɔ gã aɖe me alegbegbe na Eƒe yayra gãwo siwo na ge Wòle mí.

Míadze egɔme Memleɖagbe sia, míele to ɖo ge míaƒe Gbe wòatsɔ Gbedeasi: Kɔkɔdzɔe La 65-1204 vɛ na mí, le ŋdi ga 9 me, Jeffersonville ƒe game. Awɔ ƒe 56 ɖe ŋkekea dzi esime Mawu ƒo nu to Eƒe gbedeasitsɔla dzi hede Eƒe nyaseka dzi, alebe Ŋugbetɔ naɖu azã le Eŋu aɖana Yeŋutɔ natsi, anɔ Eɖokui dzram ɖo hena Kɔkɔdzɔe ƒe vava madidi o la.

Míayi ɖoɖo la dzi esime míaƒo ƒu Kɔsiɖagbe le ga 2 me, Jeffersonville ƒe game, be míase: Nusiwo La Va Dzɔ 65-1205.

Emegbe Dzoɖagbe la míase: Egbe Ƒe Nudzɔdzɔwo Me Kɔ To Nyagblɔɖi Dzi 65-1206, eye Blaɖagbe la: Kplɔlanyenye 65-1207. Miate ŋu asewo le ɣeyiɣi si nya dze miakple miaƒe ƒomea ŋu dzi ko. Abe alesi wònɔ Kɔsiɖa si vayi ƒe nuwuwu ene la, míele wode ge Voice Radio dzi le ŋdi ga 9 kple fĩe ga 7 me siãa, Jeffersonville ƒe game dzi.

Ɣletigbalẽa ɖe ye nye esi bɔ ɖe eŋu le afisia kple ŋkekeawo, ɣeyiɣiawo kpakple Gbedeasi siwo se ge míala. Le ŋkeke ʋee siwo gbɔna me la, maɖo leta aɖe ɖo ɖe mi aɖa fia ɖoɖo la mi kuɖe míaƒe Kɔmuniɔ̃ Takpekpe si gbɔna la ŋuti.

Mele mɔkpɔm be manɔ anyi kpli mi, Eƒe Ŋugbetɔ Makpɔmakpɔ la, le Eƒe Fiazi la ŋu.

Aƒetɔ la Nayra Mi,

Nɔvi. Joseph Branham