Category Archives: Uncategorized

26-0111 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi

Obubaka: 64-0802 Amaka Agajja Ag’Omugole Omusajja Ow’Omu Ggulu N’Omugole Omukazi Ow’Oku Nsi

PDF

BranhamTabernacle.org

Swiiti mutima Wange Asingayo Omwagalwa,

Nkwagala nyo. Oli nnyama ya nnyama gwange, era oli ggumba lya ggumba lyange. Nga sinnatonda mmunyeenye, omwezi, Obwengula bwange bwonna, nakulaba era nakwagala Kw’olwo. Namanya nti oli kitundu kyange, Omwagalwa wange omu yekka. Nze naawe twali OMU.

Olunaku lwe nneegomba era lwe nnalindirira okuva lwe nnakulaba kw’olwo lutuuse. Kati nkuyita era nkugatta okuva ebuvanjuba n’amaserengeta, obukiikakkono n’obugwanjuba, nga nkozesa Eddoboozi lyange. Ggwe birowoozo byange, Ekigambo kyange, Omugole Wange, eyayolesebwa.

Njagala nnyo okukubuulira buli kimu ekiri mu mutima gwange, kale nakiwandiikisa bannabbi bange era ne nkikuuma ku lulwo okumala enkumi n’enkumi z’emyaka. Bangi bakisomye, era ne bakikkiriza okumala ebyasa byonna, naye ebintu bingi mbikuumye nga bya kyama okutuusa lwo TUUSE. Mmwe mmwekka be nja okubuulira.

Baali beegomba okumanya n’okuwulira ebintu bino byonna ebyewuunyisa bye nkuumye, naye nga bwe nnakusuubiza, nnindirira nga mbikuumye mu kyama okutuusa kati, KU LULWO, OMU WANGE ERA YEKKA.

Nakusuubiza nti nja kujja nate neebikkule mu mubiri gw’omuntu, nsobole okukubuulira, era nkubikkulire ebintu bino byonna. Nnali njagala owulire EDDOBOOZI LYANGE nga lyogera butereevu naawe.

Nfuse ku balala bangi amafuta n’Omwoyo Wange Omutukuvu okukubuulira ku kwagala kwange, naye nga bwe nkola bulijjo, era siyinza kukyuka, nalonda omusajja omu: Malayika wange, nnabbi wange, okubeera Eddoboozi lyange nsobole okwogera Bw’ati Bw’ayogera Mukama gy’oli.

Njagala okukugamba nti, tewalokolebwa ku lunaku lwonna olugere. Bulijjo obaddenga mulokole. Nze nzise buze kunnunula kuzaayo. Walokoka okuva ku lubereberye kubanga walina Obulamu Obutaggwaawo okusookera ddala. Bwe kityo, mu maaso gange, ebibi byo byonna sisobola ku bilaba, ekintu kyokka kye mpulira lye ddoboozi lyo. Nze ndaba oyo akukkikiridde.

Nga bwe nneegomba okukubuulira ebintu bingi nnyo. Omutima gwange gubukaabuka olw’okusannyuka. Engeri gye jjayaanira Ekyeggulo kyaffe eky’obugole, Okufuga kwaffe okw’emyaka lukumi nga tuli wamu. Okukubuulira mu bujjuvu byonna ebikwata ku maka gaffe ag’omu maaso nga tuli wamu; Engeri gye nkutegekedde buli kimu, nga buli kimu kyonna ki kyo.

Swiiti mutima Wange, bw’oba olowooza nti kirungi kati okuwuliriza Eddoboozi lyange nga lyogera naawe, lindako, kino kisiikirize busiikirize kyokka ekyekyo ekinaaba nga tubeera mu Kibuga ekyo ffenna. Nabbi wo ajja kuliraana; ajja kuba muliraanwa wo.

Tujja kutambulira mu nguudo ezo eza zaabu tunywe ku nsulo nga tuli wamu. Tujja kutambulira mu nsuku za Katonda nga Bamalayika bamamidde ku nsi, nga bayimba ennyimba….Nga Lunaaba lunaku!

Nkimanyi olugendo lulabika nga lugumu, era oluusi lukukaluubirira nnyo, naye kijja kuba kitono nnyo, kitono nnyo, nga Tuli wamu ne ba naffe.

Kati, ngenda kuddamu okukukunŋŋaanya wamu njogere naawe ku Ssande eno ku ssaawa 12:00 P.M., obudde bwa Jeffersonville, era mbabuulire byonna ebikwata ku “Amaka Agajja Ag’Omugole Omusajja Ow’Omu Ggulu n’Omugole Omukazi Ow’Oku Nsi”. Siyinza kulinda kubeera bumu naawe kw’olwo.

Jjukira era tewerabira nti nkwagala nnyo.

Ku lulwe,
Ow’oluganda. Joseph Branham

Ebyawandiikibwa:
Matayo Omutukuvu 19:28
Yokaana Omutukuvu 14: 1-3
Abeefeso 1:10
2 Peetero 2:5-6 / Essuula eyokusatu
Okubikkulirwa 2:7 / 6:14 / 21:1-14
Eby’Abaleevi 23:36
Isaaya Essuula ey’okuna / 28:10 / 65:17-25
Malaki 3:6

26-0104 Ttanka Z’omu Ttaka Eziwomoggose

Obubaka: 64-0726E Ttanka Z’omu Ttaka Eziwomoggose

PDF

BranhamTabernacle.org

Abanywi B’oluzzi Olw’ensulo Abaagalwa,

Nga Ssekukkulu n’omwaka omuggya bye tubadde nabyo. Tukkirizza era ne tusumulula ebirabo bya Katonda bye yaweereza Omugole we. Ekirabo kyaffe ekyasooka kye kirabo kya Ssekukkulu ekisinga obunene ekyali kisabikiddwa. Katonda yennyini yeesabika Ye Yennyini mu mubiri gw’omuntu n’asindika ekiteleke ekyo mu nsi. Kyali Kirabo kye ekinene ekyasooka okuzzaawo Omugole we.

Awo Katonda n’asindika ekiteleke ekirala ekinene eri Omugole we. Yatwagala nnyo n’ajja ne yeeyoleka mu mubiri omulundi omulala asobole okwogera naffe mumwa ku kutu. Yali ayagala Ye n’Omugole we bafuuke Omu.

Era kati mikwano, temuntegeera bubi. Kino ka njogere n’okusaamu ekitiibwa mu mutima gwange, nga mmanyi nti ndi muntu alina obulamu Obutaggwaawo nti njja kuyimirira mu maaso g’Omusango olunaku lumu: Enkumi n’enkumi z’abantu baffiriddwa ekirabo kyabwe. Okilaba? Tebasobola kukitegeera. Era batunula, ne bagamba nti, “Oo, musajja busajja.” ekyo kituufu. Yali Katonda oba Musa ye yanunula abantu? Yali Katonda mu Musa. Okilaba? Baakaabira omununuzi. Era Katonda bwe yatuma omununuzi gye bali, ne balemererwa okukiraba, kubanga kyali kiyise mu musajja, naye si musajja, yali Katonda mu musajja.

Leero, nate, enkumi n’enkumi z’abantu baffiriddwa ekirabo kyabwe ne bagamba nti, “tolina kuwuliriza ntambi, kati waliwo abasajja abalala abaafukibwako amafuta,” ekintu ekituufu, naye balemererwa okukimanya nti lye ddoboozi LYOKKA eryakakasibwa Katonda, ng’alyogera bw’ati bw’ayogera Mukama ng’ayita mu musajja oyo. Eddoboozi eryo ye Ulimu ya Katonda ne Sumimu, Ekyenkomeredde kye eky’ennaku zino.

Bwe tuba tuwuliriza Eddoboozi lye ku ntambi mu butuufu tuba tunywa okuva mu luzzi lwa Katonda olwo’sulo, nga tekyetaagisa kupampinga, tekyetaagisa kusika, tekyetaagisa kwegattako, tekyetaagisa kunnyoola; tukkiriza bukkiriza kyokka era nga tuwummuridde ku buli Kigambo Ekya yogerwa.

Nga tuwuliriza Eddoboozi eryo ku ntambi, okusinziira ku Yesu yennyini, tulina obukakafu obw’amazima obw’Omwoyo Omutukuvu mu kiseera kyaffe.

Kale waliwo obukakafu obw’amazima obw’Omwoyo Omutukuvu! N’okutuusa kati tangambangako kintu kikyamu kyonna. Nti, “Bwe bukakafu bw’Omwoyo Omutukuvu, y’oyo asobola okukkiriza Ekigambo.” Osobola okukisebeza.

Katonda atuwadde Ensulo gye tusobola okunywamu buli ddakiika ya buli lunaku. Bulijjo ebaampya. Si kintu ekimu ekitakulukuta, Ye Nsulo Ye etaggwaawo, eyeeyimirizaawo; Kyolina okukola kwe kunyiga Zzannya.

Nga twogera ku KIRABO ekiva eri Katonda, osobola okukilowoozamu ngeri Ekirabo kino gye kiri EKIKULU ddala? Nga olina kunyiga Zzannya n’owuliriza Eddoboozi lye ku ntambi, lye lyokka…EDDOBOZI LYOKKA mu nsi lyo teetaaga kasengejja, ekyuma ekisengejja, oba ekintu kyonna. Olina okuwuliriza buwuliriza, okukkiriza, n’akugamba nti amiina ku buli Kigambo.

Katonda yennyini yataddewo ekkubo lino, EKKUBO LYE LYOKKA, okufuna obulamu obutaggwaawo, n’okusingawo, OKUBEERA MUGOLE WE. Tusobola oku galamira mu kifuba kye ne tuyonka amaanyi gaffe okuva mu kuwuliriza Ensulo Ye, Eddoboozi lye, El Shaddai ng’ayogera n’Omugole We.

Omwaka guno gubeere omwaka gw’ajja oku tukima, Omugole we omwagalwa. Tutula era nga tulindirira n’okusuubira okungi. Olunaku lwonna kati tujja kulaba abo be twegomba okulaba nga balabika. Tujja kukitegeera, mu kaseera katono ak’okutemya kw’eriiso, tujja kuba tuvudde wano, nga tuyitiddwa ku Kijjulo kyaffe eky’Embaga.

Mukama, nga bwe tulaba emmeeza eyo ennene ng’egoloddwa awo olw’ekyeggulo ekyo, enkumi n’enkumi za mayiro, nga buli omu atunudde emitala w’emmeeza eri munne, bannazirwanako abalina enkovu z’olutalo, amaziga g’essanyu nga gakulukuta ku matama gaffe…Kabaka aveeyo mu bulungi bwe, obutukuvu bwe, akilire agye wansi ku mmeeza akwata emikono gye Ye asiimuula amaziga mu maaso gaffe, ng’agamba nti, “ Temukaaba nate biwedde, muyingire mu ssanyu lya Mukama.” Okutegana kw’ekkubo kujja kuba nga tekuliimu kw’olwo, Taata, bwe tunaatuuka ku nkomerero y’olugendo.

Jjangu onywe, onywe, onywe okuva mu Nsulo ya Katonda eyaweebwa kulwa leero naffe ku Ssande eno ku ssaawa 12:00 P.M., Jeffersonville time. Kye kifo KYOKKA kyo sobola okuwummuliramu n’ogamba nti AMIINA ku buli Kigambo ky’owulira. Lwe Luzzi lwe Olw’ensulo lwe yateekawo eri Omugole we okunywamu.

Ow’oluganda. Joseph Branham

Obubaka: 64-0726E Ttanka Z’omu Ttaka Eziwomoggose.
Ebyawandiikibwa by’olina okusoma nga tonnawulira Bubaka:
Zabbuli 36:9
Yeremiya 2:12-13
Yokaana Omutukuvu 3:16

25-1228 Okutegeera Olunaku Lwo N’Obubaka Bw’alwo

Obubaka: 64-0726M Okutegeera Olunaku Lwo N’Obubaka Bw’alwo

BranhamTabernacle.org

Omugole Atemeddwaayo Omwagalwa

Olwaleero ekkanisa yeerabidde nabbi waayo. Tebakyamwetaaga kubuulira mu makanisa gaabwe. Bagamba nti balina abasumba baabwe okubabuulira n’okujuliza n’okutaputa Ekigambo. Okubuulira Kye kikulu okusinga okuwuliriza Eddoboozi lya Katonda ku ntambi mu masinzizo gaabwe.

Naye Katonda yali akimanyi nti yalina okuba ne nnabbi we; y’engeri gy’azze ayita bulijjo n’okukulembera Omugole we. Yatutema okuva mu mawanga amalala n’Ekitala kye eky’obwogi obubiri, Omwoyo we Omutukuvu, Eddoboozi lye eryayogerwa nnabbi we.

Atutemye n’Eddoboozi eryo. Y’ensonga lwaki Yalina Okulikwata n’okuliteeka ku ntambi. Olw’Okubikkulirwa tulaba engeri Ebyawandiikibwa gye bituukiridde! Omugole tayinza kwengera okuggyako ng’Omwana amwengeseza.

Ne bw’obuulira otya, kyonna ky’okola, tayinza kwengera, tayinza kweyoleka, tayinza kukakasibwa; ku lw’oyo yekka Eyagamba nti, “Nze Musana gw’ensi,” Ekigambo.

Ekigambo kyatugamba nti Omwoyo Omutukuvu yennyini ajja kuvaayo atwengese, otukakasa, era otukakasa n’okweyoleka. Ekitangaala eky’akawungeezi kituuse. Katonda nga yeeyoleka mu mubiri okuyita Omugole we.

Y’oyo Akuyise n’Omwoyo we Omutukuvu, Ekigambo kye, Eddoboozi lye. Y’oyo Eyakulonda. Y’oyo Akuyigiriza. Ye y’akukulembera. Na ki? Omwoyo we Omutukuvu, Eddoboozi lye nga lyogerera BUTEREEVU NAAWE.

Naye Kya nkola-nkadde nnyo gyebali mu kiseera kino. Bayitawo dda mu kuzzannya etambi mu makanisa gaabwe. Tebakitegeera. Eyo y’ensonga lwaki bali mu mbeera gye balimu. Naye gy’oli, Kibikkuliddwa okuba ekkubo lya Katonda eryateekebwawo, KIRI BWATI BW’AYOGERA MUKAMA GY’OLI.

Kale waalina okuvaayo a—a—Amaanyi, Omwoyo Omutukuvu yennyini, okwengeza, oba okukakasa, oba okukakasa, oba okulaga nti by’ayalagula birina okubaawo mu lunaku luno. Ekitangaala eky’akawungeezi kye kivaamu ekyo. Nga kiseera kya maanyi nnyo!

Tuli Omugole Kigambo wa Katonda atuukiridde nnabbi we gwe yalaba mu kwolesebwa. Ffe be yatumira nnabbi we okuyitayo olw’ekigambo kye, era kati tulina OKUDDA OBUGYA, kubanga kati tumanyi kye tuli.

Okuzuukiza, awo, kye kigambo kye kimu ekikozesebwa awalala wonna, nnakinonnyezaako, kitegeeza, “kudda obugya.” “Alituzuukiza oluvannyuma lw’ennaku bbiri.” Ekyo kyandibadde, “Ku lunaku olwokusatu alituzuukiza nate, oluvannyuma lw’okutusaasaanya, n’atuziba amaaso, n’atuyuza.”

Taata yatuma nnabbi we okulabirira Omugole we tuleme kuva mu kkubo. Jjukira nti kino kyali kwolesebwa!

Omugole yayita mu kifo ky’ekimu kye yalimu ku ntandikwa. Naye nali mmutunuulira ng’ava mu kkubo, era nga ngezaako okumukomyewo emabega.

Naye “ye” yandimukomezzaawo atya leero? “Ye”, omusajja, tali wano ku nsi. LWA KIGAMBO! Kigambo KYOKKA ekikakasibwa olwaleero kye ki? Eddoboozi lya Katonda ku ntambi.

Abaweereza bayitibwa okubuulira Ekigambo nga bajuliza ddala nnabbi bye yayogera. Okusinziira ku nnabbi yennyini, tebalina kwogerako kintu kirala kyonna.

Mazima ddala, bayitibwa okuyigiriza n’okubuulira Ekigambo ekyo. Naye waliwo EDDOBOZI LIMU LYOKKA ERYA KAKASIBWA KATONDA YENYINI OKUBERA BW’OTI BW’AYOGERA MUKAMA.

Kale nnaange bwe njogera nti, mu Linya lya Yesu Kristo: Togattako kintu nna kimu, totolako, tokiteekamu ebirowoozo byo, ggwe yogera Bwogezi ebyo ebyogeddwa ku ntambi ezzo, ggwe kola bukozi ekyo kyennyini Mukama Katonda ky’alagira okukola; toyongera ku kyo!

Bw’ogamba nti “amiina” ku buli kigambo omusumba oba omuweereza wo ky’ayogera, oba obuze. Naye bw’ogamba nti “AMIINA” KU BULI KIGAMBO KATONDA KYAYOGERA NGA YITA MU NABBI WE KU NTAMBI OBA GGWE MUGOLE ERA OJJA KUBA N’OBULAMU OBUTAGWAAWO.

Nabbi wa Katonda ye musajja Katonda gwe yalonda okwogerera mu. Kw’ali KULONDA KWA KATONDA okumukozesa okwogera Ekigambo kye n’okukiteeka ku ntambi olwo Omugole BULIJJO ABEERA NGA NE BW’ATI BW’AYOGERA MUKAMA GWA WULIRA.

Tayagala Mugole we kwesigama ku basajja abalala bye boogera, oba okutaputa kwabwe ku Kigambo kye. Ayagala Omugole we awulire okuva mu kamwa ke okutuuka mu matu gaabwe. Tayagala Mugole we kwesigama ku muntu mulala yenna okuggyako Ye kennyini.

Bwe tuzuukuka ku makya, tumwagala okutugamba nti, “Mwasuzze bulungi Abe mikwano. Ngenda kwogera namwe leero mbabuulire engeri gye bbagalamu n’engeri nze naamwe gye tuli OMU.Nnina bangi be nja okuwa obulamu obutaggwaawo, naye GGWE wekka gwe mugole gwe nnonze. Ggwe wekka gwe nawa Okubikkulirwa nga ensi tennatandikibwawo.

Abalala bangi baagala nnyo okumpulira, naye nkulonze obeere Omugole Wange. Kubanga ontegedde era osigala n’Ekigambo kyange. Towekkirilannyiza, topepeyeza, naye osigadde nga oli wa mazima eri Ekigambo kyange.

Ebiseera bisembedde. Nzija ku bakima mu bbanga ttono nnyo. Okusooka, mujja kulaba abo abali nange kati. Oh, nga baagala nnyo okubalaba n’okubeera naamwe. Temweraliikirira abaana bato, buli kimu kituukiridde mu biseera, sigala nga owagguzza.”

Ng’omuweereza w’Enjiri, silaba kintu yadde ne kimu ekisigaddeyo okuggyako okugenda kw’Omugole.

Ow’oluganda Joseph Branham,

Obubaka: 64-0726M “Okutegeera Olunaku Lwo N’obubaka Bwaalwo”.

Obudde: Ssaawa 12:00 P.M., mu budde bwa Jeffersonville

Ebyawandiikibwa by’olina okusoma nga tonnawulira Bubaka:
Koseya: Essuula 6
Ezeekyeri: Essuula 37
Malaki: 3:1 / 4:5-6
II Timoseewo: 3:1-9
Okubikkulirwa: Essuula 11

25-1221 Okugenda Okusukka Olusiisira

Obubaka: 64-0719E Okugenda Okusukka Olusiisira

BranhamTabernacle.org

Ow’omukwano Omwagalwa,

Katonda takyuka. Ekigambo kye tekikyuka. Pulogulaamu ye tekyuka. Era Omugole we takyuka, tujja kusigala n’Ekigambo. Kitusingira obulamu gye tuli; Ye nsulo y’Amazzi Amalamu.

Ekintu kyokka kye twalagirwa okukola kwe kuwulira Ekigambo, nga rino lye ddoboozi lya Katonda eryakakasibwa nerikwatibwa ne liteekebwa ku ntambi. Ekintu kyokka kye tulaba si kiyiiye, si kibiina kya bassajjaa, tetulaba kirala okuggyako Yesu, era ye kye Kigambo ekyayaabala omubiri mu kiseera kyaffe.

Katonda ali mu lusiisira lwaffe era tuli mu kkubo erigenda mu Kitiibwa nga tukulemberwa Empagi y’Omuliro, nga ye Katonda yennyini ayogera ng’ayita mu nnabbi we eyakakasibwa owa Malaki 4. Tulya Manu eyo Eyakwekebwa, amazzi amalamu Omugole gwokka ng’ayinza okulya.

Katonda takyusa makubo ge, era ne sitaani takyusa makubo ge. Kye yakola emyaka 2000 egiyise, Era akola ekintu kye kimu leero, okuggyako nti yeyongedde bukujjukujju.

Kati, oluvannyuma lw’emyaka ebikumi bina, olunaku lumu Katonda yatambulira ddala wakati waabwe. Okusinziira ku Byawandiikibwa, Yalina okwambala omubiri n’okubeera mu bo. “Erinnya lye liriyitibwa Ateesa ebigambo, Omulangira ow’Emirembe, Katonda Omuyinza, Kitaffe Ataggwaawo.” Era bwe yajja mu bantu, ne bagamba nti, “Tetujja kuba na Musajja ono okutufuga!…”

Okusinziira ku Byawandiikibwa, Omwana w’Omuntu yajja omulundi omulala n’abeera omulamu ne yeeyoleka mu mubiri gw’omuntu, era n’akola, era boogera ekintu kye kimu. Mazima ddala, bajuliza era ne babuulira Obubaka, naye tebajja ku kkiriza musajja oyo kubafuga.

Kino kyennyini kye kigenda mu maaso:

Era nga bwe kyali mu kiseera ekyo, kati bwe kiri! Baibuli yagamba nti ekkanisa y’e Laodikiya yamuteeka ebweru, era yali akonkona, ng’agezaako okuyingira Waliwo ekikyamu awantu. Kati, lwaki? Baali beekoledde ensiisira yaabwe.

Omusajja asobola okugamba nti, “Nkimanyi era nzikiriza nti Ow’oluganda Branham yali nnabbi. Yali malayika ow’omusanvu. Ye yali Eriya. Tukkiriza Obubaka buno. Oluvannyuma nnanoonya Akasongasonga, kakibeere kyonna kye kiri, obutazannya Ddoboozi lya Katonda LYOKKA eryakakasibwa mu kkanisa yaabwe… Waliwo ekikyamu awantu. Kati, lwaki? Baali bakoze olusiisira lw’abwe.

Bino byogera si kwawula kkanisa, Ekigambo kya Katonda kye kikikola. Njagala twegatte wamu, tubeere EKITUNDU KIMU ne bannaffe era naye, naye waliwo engeri emu yokka ey’okukola ekyo: kwe kwetoloola Eddoboozi lya Katonda ku ntambi . Eyo ye BW’ATI BW’AYOGERA MUKAMA YOKKA eya Katonda.

Katonda atubikkulidde ekkubo lye erituukiridde. Kya kitiibwa nnyo ate nga kyangu nnyo. Buli Bubaka bwetuwulira nga atugamba, atugumya, nga atuzzaamu amaanyi, nti FFE MUGOLE WE. Tuli mu kwagala kwe okutuukiridde. Twetegese nga TUMUWULIRA.

Obubaka buno buppya nnyo osinga olupapula lw’amawulire olw’enkya Tuli bunnabbi obutuukirizibwa. Ffe tuli Kigambo ekyayolesebwa. Katonda atukakasa buli Bubaka bwe tuwulira nti leero, Ekyawandiikibwa kino kituukiridde.

Wandibaawo abamu ebweru okwetoloola amawanga, okwetoloola ensi yonna, nti olutambi luno lwe lunasisinkana mu maka gaabwe oba mu Kkanisa gaabwe. Twandisabye, Mukama, nti ng’olukuŋŋaana lugenda mu maaso, ku —ku…oba olutambi nga luzzannyibwa, oba ekifo kyonna kye tuyinza okuba mu, oba —oba embeera yonna, Katonda omukulu ow’omu Ggulu aseemu ekitiibwa obwesimbu buno obw’emitima gyaffe enkya ya leero, era awonye abali mu bwetaavu, abawe bye beetaaga.

Lindako katono….Eddoboozi lya Katonda eri ensi lyakamala kulagula ki ne ligamba ki?….abantu bandibadde bazzannya entambi mu maka gaabwe oba mu makkanisa gaabwe.

Naye tuvumirirwa n’okunenyazabwa nga bagamba nti TETUYINZA kuba na Kkanisa Ey’ewaka Eyolutambi? Ow’oluganda Branham tagambangako kuzzannya ntambi mu MAKKANISA gammwe?

EKITIIBWA KIDDE ERI KATONDA, KIWULIRE, KISOMA,KIRI BW’ATI BW’AYOGERA MUKAMA. Era teyakoma ku kukyogera, wabula nga muzzannya entambi mu maka gammwe ne mu makanisa gammwe, Katonda omukulu ow’eggulu ajja kussamu ekitiibwa obwesimbu bw’emitima gyaffe era awonye abali mu bwetaavu era atuwe KYONNA KYE TWEETAAGA!!

Kino ekinokwoddwa ekimu KIKAKASA nti abantu bawuliriza basumba baabwe era TE BAWULIRA KIGAMBO, oba bandibasomoozezza ne babakakasiza mu KIGAMBO nti tuli mu KWAGALA KWE OKUTUUKIRIDDE, era kiri mu KWAGALA KWE OKUTUUKIRIDDE OKU ZZANNYA ENTAMBI MU KKANISA ZAABWE.

Sikyusakyusa oba kujuliza Kigambo bubi nga bangi bwe bagamba nti bwe nkola. Kiwulire era okisome ggwe kennyini. Kyangu nnyo era kituukiridde nnyo, NNYIGA BUNNYIZI ZZANNYA owulire Eddoboozi lya Katonda nga lyogera naawe. Ogambe nti “Amiina” ku buli Kigambo ky’owulira. Tolina na kukitegeera, olina okukkiriza.

“Njagala kugenda nga sirina olusiisira. Ne bwe kinaaba kinfiiriza ki, nja kutwala omusaalaba gwange ngugumire buli lunaku. Nja kusukka olusiisira. Abantu ne bwe banaayogera ki, njagala kumugoberera wabweru w’olusiisira. Ndi mwetegefu okugenda.”

Jjangu osukkulume ku kiziyiza ky’eddoboozi mu Kigambo kya Katonda naffe ku Ssande eno ku ssaawa 12:00 P.M., obudde bwa Jeffersonville. Tekiriiko kkomo Katonda ky’asobola era ky’agenda okukola n’omntu omwetegefu okusukka olusiisira lw’omuntu.

Ow’oluganda. Joseph Branham

Obubaka: 64-0719E Okusukka Olusiisira

Ebyawandiikibwa: Abebbulaniya 13:10-14 / Matayo 17:4-8

25-1214 Embaga Ey’Amakondeere

Obubaka: 64-0719M Embaga Ey’Amakondeere

BranhamTabernacle.org

Omugole Atuukiridde omwagalwa,

Kino si kyakwekoza, mikwano. Kino KIRI BWATI BW’AYOGERARA MUKAMA, Ebyawandiikibwa.

Buli Mukristaayo ayagala okubeera Omugole, naye tukimanyi nti Omugole we ajja kuba mutono abaalondebwa. Tukimanyi nti alina okwagala okutatuukiridde, naye Omugole we alina okuba mu kwagala kwe okutuukiridde. Kale, tulina okunoonya Katonda mu Kigambo kye, n’oluvannyuma okuyita mu Kubikkulirwa, tujja kumanya okwagala kwe okutuukiridde y’engeri y’okufuuka Omugole we.

Tulina okunoonyereza mu Byawandiikibwa, kubanga tukimanyi nti Katonda TAkyusa ndowooza ye ku Kigambo kye. Katonda takyusa pulogulaamu ye. Talina KYAKYUSA. Engeri gye yakikola omulundi ogwasooka etuukiridde. Bye yakola eggulo Ajja kukola kye kimu ne leero.

Engeri gye yalokolamu omusajja ku lubelybelye, Ajja kuba alina okulokola omusajja leero mu ngeri y’emu. Engeri gye yawonyaamu omusajja eyasooka, Alina okukikola mu ngeri y’emu leero. Engeri Katonda gye yasalawo okuyita n’okukulembera Omugole we, Ajja kukikola mu ngeri y’emu leero; kubanga Ye Katonda era tayinza kukyuka. Ekigambo kitugamba nti Yesu Kristo YO’MU jjo, leero n’emirembe gyonna.

Kale, bwe tusoma Ekigambo kye, tusobola okulaba obulungi Engeri gye yasalawo okuyita n’okukulembera Omugole we buli mulembe. Yalonda OMUSAJJA OMU. Yagambye nti be baali Kigambo ky’olunaku lwabwe. Nabbi yatugamba nti TALINA kibiina kya basajja; balina amakubo ag’enjawulo, ebirowoozo eby’enjawulo, n’ekisinga obukulu, Yagamba nti, EKIGAMBO KYA KATONDA TEEKYETAAGISA KUVUNULWA.

Bwe kityo, buli nnabbi bye yayogera mu buli mulembe tebiyinza kwongerwako oba okuggyibwako. Kiteekwa okuba nga Kigambo ku Kigambo kye YAYOGERA. Kyangu nnyo singa ombuuza nti Ekkubo Katonda Lye yateekawo ly’eliriwa….Sigala ne Nnabbib.
Kati, tetukoma ku kumanya ekkubo Katonda lye yatuwa okuva ku ntandikwa bwe libadde, Mukama ajja kutuuka n’okwogera ng’ayita mu malayika we n’atubuulira by’agenda okukola mu biseera eby’omu maaso, Okukakasa obukakasa nnatte, KATONDA TAKYUSA PULOGULAMU YE’.

Omugole we (ffe) bw’etumala okuva ku nsi eno ne netuyitibwa ku Kijjulo ky’embaga, Katonda agenda kuyita atya Abayudaaya abalonde 144,000? Ekibiina ky’abasajja?

Kati, amangu ddala ng’Ekkanisa eno (Omugole) aggatiddwa wamu, Atwalibwa waggulu; n’ekyama ekyo eky’Akabonero Akw’omusanvu, oba abonero akw’Omusanvu, ekyama eky’okugenda. Era Abayudaaya bayitibwa ekyama ky’Ekkondeere ery’Omusanvu, nga be bannabbi ababiri, Eriya ne Musa, ne bakomawo.

Kale amangu ddala ng’Omugole asikiiddwa wamu, tujja kutwalibwa waggulu. Tukimanyi nti waliwo ekintu kimu kyokka ekiyinza okusika Omugole wamu, Omwoyo Omutukuvu, era Omwoyo Omutukuvu kye Kigambo kye, era Ekigambo kye eky’ennaku zino lye Ddoboozi lya Katonda, era Eddoboozi lya Katonda ye…

Bwemba nga nakunyiiza nga njogera ekyo, nsonyiwa, naye, mpulidde nti ekyo kiyinza okugaanibwa, naye, ndi ddoboozi lya Katonda gy’emuli. Mukilaba? Ekyo nky’ogere nate, ekiseera ekyo badde wansi w’okuluŋŋamizibwa, okilaba.

Mu nzikirize mbeeko kye nnyingizaamuko era njogere Okunnokola kumu kw’okka kuno okuva eri omubaka malayika wa Katonda eyakakasibwa kwandibadde kumala bonna abeeyita abakkiriza mu bubaka buno obw’ekiseera eky’enkomerero okubanjja Abasumba baabwe OKUNYIGA ZZANNYA mu makanisa gaabwe oba batuule wansi basobole okulonda Omusumba Alina OKUBIKKULIRWA OKW’AMAZIMA OKUVA ERI KATONDA.
Kale, Ekkondeere lyavuga era bannabbi bombi ne balabika nga tasobola kuba na malayika we ow’omusanvu n’Omugole we wano ku nsi mu kiseera kye kimu we bajja. Kale Abayudaaya abayita atya? Mu ngeri y’emu gy’ayita Omugole we ow’amawanga.

Era Abayudaaya bayitibwa ekyama ky’Ekkondeere ery’Omusanvu, nga lino be bannabbi ababiri…

Omugole alina okuva mu kkubo, okulinnya kati; kale abaweereza bombi, abaweereza ba Katonda ababiri, mu Okubikkulirwa, bannabbi ababiri, basobola okujja Okulabikako, okubafuuyira Ekkondeere ery’Omusanvu, okubamanyisa Kristo.

Kilabulukuffu bulungi, Katonda takyusa pulogulamu ye. Yatuma bannabbi be. Bwe kityo, Omugole we ajja kusigala n’ekkubo lye lye yateekawo, malayika we nnabbi, Eddoboozi lya Katonda ku ntambi.
Olwo okusobola okukitegeera obulungi, Katonda addamu okwogera n’agamba Omugole we nti: Osigadde nga olimwesigwa gyendi n’ekkubo lyange eryateekebwa, kale ekkubo lyange lye natekawo olw’olunaku lwo lijja kukugamba nti:

Malayika ow’omusanvu, omubaka, agambe nti, “Laba Omwana gw’endiga wa Katonda aggyawo ekibi ky’ensi!”

Kkulu nnyo EDDOBOZI ERYO; EDDOBOOZI LYA KATONDA ng’alyogera ng’aliyita mu malayika we ow’omusanvu ku ntambi. Katonda agenda kukozesa EDDOBOZI ERYO, EDDOBOOZI LYA MALAYIKA WE OMUSANVU. SSI KIBIINA…SI NZE…SI MUSUMBA WO…EDDOBOZI LYA MALAYIKA WE OMUSANVU OMUBAKA okutwanjula gy’ali, Mukama waffe Yesu Kristo.

Bwe tutyo, TUMANYI:
· FFE TULI MUGOLE WE.
· TULI MU KKWAGALA KWE OKUTUUKIRIDDE.
· TUGOBERERA PULOGULAMU YE EYA LEERO NGA TUNYIGA ZZANNYA.

Ekitundu ky’Omugole we kijja kuba kikuŋŋaana ku Ssande eno ku ssaawa 12:00 P.M., mu budde bwa Jeffersonville, nga tuwuliriza omusumba waffe, omubaka wa malayika wa Katonda, William Marrion Branham, era ajja kuba nga ayogera era atubikkulire nti tewali kkanisa ndala, tewali kibiina kya bantu kirala okuva ensi lwe yatandikibwawo, ababadde n’omukisa nti baalina okugaatibwa awamu nga bawuliriza Katonda ng’ayogera nabo butereevu.

Nga tuli bantu ba mukisa. Tuli basanyufu nnyo. Twesiimye nnyo. Omugole afuuka OMU n’Omugole Omusajja.

Ow’oluganda. Joseph Branham.
Embaga Y’amakondeere 64-0719M.
Ebyawandiikibwa by’olina okusoma nga tonnawulira Bubaka:
Eby’Abaleevi 16
Eby’Abaleevi 23:23-27
Isaaya 18:1-3
Isaaya 27:12-13
Okubikkulirwa 10:1-7
Okubikkulirwa 9:13-14
Okubikkulirwa 17:8

25-1207 Awo Yesu n’Ajja n’Ayita

Obubaka: 64-0213 Awo Yesu n’Ajja n’Ayita

PDF

BranhamTabernacle.org

Omugole w’ekigambo Omwagalwa,

Tuli mu ssaawa ezisinga okuba ez’ekkizikiza, naye tetulina KUTYA, Mukama waffe azze. Azze okutuukiriza Ekigambo kye ku lunaku olw’enkomerero. Kye yali mu kiseera ekyo, Kyaali ne leero. Okulabisibwa kwe n’okumanyibwa kwe kye kwali mu kiseera ekyo, bwe kuli ne leero. Akyali Kigambo kya Katonda, nga yeeyoleka mu mubiri gw’omuntu mu malayika we ow’amaanyi ow’omusanvu era atubikkulidde, tuli Mugole w’ekigambo kye omulamu.

Tetulina budde bwa kukubaganya birowoozo oba Okulumaŋŋanna; olunaku olwo twa luyiitamu dda; tugenda mu maaso, tulina okutuukayo. Omwoyo Omutukuvu azze mu ffe. Mukama waffe Yesu mu ngeri y’Omwoyo atubikkulidde era yeeyolese okuyita mu nnabbi we nti Ye lye Ddoboozi lya Katonda eri Omugole we.

Yagamba nti Ajja kujja. Yagamba nti kino ajja kukikola. Yagamba nti agenda kujja okulabikako mu nnaku ez’enkomerero akole ebintu bino nga bwe yakola bwe yajja mu mubiri omulundi ogwasooka, era wano abikola. Kiki ky’otya? TEWALI!!

Tuli mu kkubo lyaffe erigenda mu Kitiibwa! Tewali kigenda kutulemesa. Katonda agenda kunyweza Ekigambo kye. Sifaayo ku bigenda mu maaso. Ekiseera kituuse ekyo ku genda mu kukola. Ekiseera kituuse okukkiriza oba obutakkiriza. Layini eyo eyawula ejja ku buli musajja n’omukazi etuuse.

Wazaalibwa lwa kigendererwa. Ekitangaala bwe kyakukuba, Kyakuggyamu enzikiza yonna. Bwe wawulira Eddoboozi lye nga lyogera naawe ku ntambi, waliwo ekyaliwo. Kyayogera n’omwoyo gwo. Kyagamba nti, “Mukama waff azze era akuyita. Tokoowa, totya, nkuyita. Oli Mugole Wange”.

Oh abantu, mukakase! Tomala gatwala mukisa gwonna ogw’ekitundu ku kyo. Katonda alina pulogulaamu: Ekigambo kye Yakwata ku ntambi . Mukama waffe azze era akuyita. Jjangu oyite mu kkubo Katonda lye yateekawo.

Mukama agenda kuddamu okugatta Omugole we okwetoloola ensi yonna n’Eddoboozi lye. Agenda kutuzzaamu amaanyi, okutugumya, okutuwonya, okutuleeta mu Kubeerawo kwe okw’amaanyi n’okutugamba nti:

Mukama azze era akuyita. Oh, omwonoonyi, ayi, omuntu omulwadde, tolaba Mukama nga yeeyolekera mu bantu, wakati w’abakkiriza? Azze okuyita abaana be abakkiriza mu bulamu. Azze okuyita omwonoonyi okwenenya. Eyaddirila, Munnakkanisa, mukama waffe azze era akuyita.

Nga kufukibwako kwa Mwoyo Omutukuvu We Omugole kwa nnaaba nnakwo ku Ssande eno nga Katonda akuŋŋaanya abaana be wamu omulundi omulala nnakka mu maka gaffe, mu makanisa gaffe, mu nkuŋŋaana zaffe, n’atukoowoola n’atugamba nti, “Mukama waffe azze era atuyita. Kyonna kye mwetaaga, kiba kyammwe.”

Ebigambo ebyo binywere mu mitima gyammwe ab’oluganda. KYONNA KY’OBADDE WETAAGA, MUKAMA WAFFE AJJA ERA NAKIKUWA.

Kitaffe ow’omu ggulu, Ayi Mukama, kiddemu. Ebyo byonna bye njogedde nti, “Yesu azze n’akuyita.” Bw’ajja akola ki? Ayitta . Era kiddemu, Mukama. Omwoyo Wo Omutukuvu ajje mu bantu ekiro kino, Mukama waffe Yesu mu ngeri ya—ey’Omwoyo. Ajje ekiro kino yeebikkule, n’oluvannyuma yeeyolese.

W’oluganda. Joseph Branham,

Obubaka: 64-0213 Awo Yesu N’ajja N’ayita
Obudde: Ssaawa 12:00 P.M. Obudde bwa Jeffersonville

Ebyawandiikibwa: Yokaana Omutukuvu 11:18-28

25-1130 Omulimu Ogw’ekikugu

Obubaka: 64-0705 Omulimu Ogw’ekikugu

BranhamTabernacle.org

Omulimu ogw’ekikugu ogwa Katonda abagaalwa,

Obulamu bwonna obw’amazima obwali mu kikolo, mu luyange, n’ekikuta, kati bukuŋŋaana mu ffe, Ensigo ya Katonda ey’Obwakabaka, Emirimu gye egy’ekikugu, era gitekeddwatekeddwa ku lw’okuzuukira, nga betegefu okukungula.

Alpha afuuse Omega. Ekisooka kifuuse ekisembayo, ate ekisembayo kati kye kisooka. Tuyise mu nkola era tufuuse Emirimu gye gy’ekikugu, ekitundu ekikubiddwa okuva ku Ye.

Omugole nnaawasa Omugole Omu!

Katonda yalaga nnabbi we okusooka okulaba buli omu ku ffe, Emirimu gye egy’ekikugu, mu kwolesebwa. Nga ayimiridde awo ne Mukama ng’atunuulira Omugole ng’ayita mu maaso ge.
Yalaba buli omu ku ffe.

FFEnna TWAMWEKALIRIZA amaaso gaffe. Yagamba nti ffe abantu abasinga okulabika obulungi be yali alabye mu bulamu bwe. waaliwo empewo ku ffe. Twamulabikira bulungi nnyo gy’ali.

Jjukira nti kino kyali KWOLEBWA kw’Omugole; Engeri gye yandifaananyemu, n’okutubuulira ddala kye yali akola. Wuliriza bulungi.

Ajja kuva mu mawanga gonna, ajja kukola Omugole. Buli omu yalina enviiri empanvu, era nga talina meekaapu, abawala abalungi ddala. Era baali bantunuulira. Ekyo kyali kikiikirira Omugole ng’ava mu mawanga gonna. Okilaba? Ye, buli omu yali akiikirira eggwanga, nga bwe batambula nga bakwatagana bulungi n’Ekigambo.

Omugole, kanzzilemu okwogera ekyo, OMUGOLE, okuva mu buli ggwanga baali batunnulidde omusumba waabwe, ku kibiina ky’abasajja….NEEDDA, ekyo si kyali yagamba. Baali batunnulidde NABBI, nga bamutunuulira.

Kasita bakuumira eriiso lyabwe ku nnabbi, baali batambula bulungi. Naye ate n’atulabula, waliwo ekyaliwo. Abamu baamuggyeko amaaso ne batandika okulaba ekintu ekirala ekyamala okufuluma mu kavuyo.

Era, awo, nnina okumutunuulira. Omukyala ajja okuva mu lunyilili olwe kigambo singa simutunuulire, nga Ayitawo, singa Bwayitawo. Mpozzi kijja kuba kiseera kyange, nga mmaliliza, laba, nga mmaze, oba kyonna.

Yalina okumutunuulira, oba si ekyo ajja kuva mu kkubo nga bw’ayitawo. Naye ate agamba nti osanga kiyinza okuba nga kye kiseera kyange, nga mmaliliza, nga siri wano, Bayinza okuva mu kkubo olwo butamukuumirako maaso gaabwe.

Yali alabula bulungi OMGOLE, Olina okukuumira amaaso go ku Ddoboza lya Katonda ku ntambi. Elyo lye kkubo Katonda lyatadewo leero.

Elyo lye Eddoboozi erigenda okugatta n’okutuukiriza Omugole. Bw’oggya amaaso go n’amatu go ku Eddoboozi, Ojja kuva mu layini era ogende mu kavuyo.

Buli Bubaka bweyongera okutegeerekeka obulungi. Ye Katonda ow’amaanyi abikkulwa mu maaso gaffe, ng’aliisa Omugole we Emanu enkweke gye tusobola okulya yokka. Elimu emilisa kingi nnyo eri abalala bonna, naye Mmere Eyakwekebwa eri Omugole.

Nga Kwebaza Omugole kw’alina, ng’alya ekijjulo ku Kigambo, ng’afuuka Omugole w’Ekigambo kye ekituukiridde.

Ayimiridde yekka, okufaananako Omugole omusajja, “agaanibwa abantu, anyoomebwa n’agaanibwa amakanisa.” Omugole ayimiridde bw’atyo. Kiki? Ggwe Mulimu gwe Ogw’ekikukugu, laba, kye Kigambo ky’asobola okukoleramu, okweyoleka. Okugaanibwa!

Jjangu otwegatteko ku Ssande ku ssaawa 12:00, obudde bwa Jeffersonville, nga nze ssaawa bbiri eze kkiro e Uganda nga Katonda ayogera ng’ayita mu malayika we ow’amaanyi, n’atusala n’okutuloogosa okufuuka Okufuna Omulimu gwe ogw’ekikugu eri Katonda.

Muganda waffe. Joseph Branham

Obubaka: 64-0705 Omulimu ogw’ekikugu


Ebyawandiikibwa by’olina okusoma nga tonnaba kuweereza:
Isaaya 53:1-12
Malaki 3:6
Matayo Omutukuvu 24:24
Makko Omutukuvu 9:7
Yokaana Omutukuvu 12:24
Yokaana Omutukuvu 14:19

25-1109 Omuntu Atategeerekeka

Nsango: 64-0614M Omuntu Atategeerekeka

BranhamTabernacle.org

Katonda Alina Olususu Abaagalwa,

Tetukyali mabega wa lutimbe, Abato, Katonda azze mu maaso gaffe mu bujjuvu. Katonda ow’amaanyi ow’eggulu n’ensi, Eyeebikkanga bulijjo okuva eri abantu mu ngeri y’Empagi y’omuliro eyava eri Katonda n’Abeera mu mubiri ogw’oku nsi ogwayitibwa Yesu; oluvannyuma n’Addayo mu ngeri y’Empagi y’omuliro mweYava n’Alabikira Pawulo mu luguudo olugenda e Ddamasiko, kati Akomyewo nate nga tuMulaba mu bujjuvu era n’Addamu okubeera mu mubiri gw’omuntu mu malayika we Omubaka, William Marrion Branham, ng’Akoowoola Omugole wE okujja gy’Ali.

Katonda Yateeka malayika wE ku nsi Yeekiikirire ng’omubaka (ambasada) we gweYalonda okugenda ayingire mu nsi esukkulumye ku maanyi ag’obutonde. Ayawula n’aggyayo ebintu endowooza ey’obutonde by’etasobola kutegeera. Yatumibwa okufulumya ekyama kya Katonda n’okulagula ebintu ebiriwo, n’ebintu ebibaddewo, n’ebintu ebigenda okubaawo. Ye Ddoboozi lya Katonda eri Omugole.

Kye ki? Katonda, Katonda emabega w’ensusu, olususu lw’omuntu ow’oku nsi. Ekyo kituufu ddala.

Abanoonyereza ensobi bangi ennaku zino tebasobola kututegeera ffe abakkiriza abannamaddala abatuufu. Eri bo, tufuuse ba katwe-wungu. Bagamba nti tuli bantu abakkiririza mu bulamba bwa Katonda obulala era tusinza nabbi…

Omunoonyereza w’ensobi, ennaku ntono emabega, yaŋŋamba, emmanga mu Tucson. N’agamba nti, “Omanyi, abantu abamu bakufuula katwe-wungu, ate abalala ne bakufuula katonda omutono.”

Nnagamba nti, “Kale, ekyo kirina engeri gye kigendamu mu maaso obulungi.” Nnakimanya nti yali agezaako kunnoonyamu nsobi. Olaba? Yagamba nti, “Abantu balowooza nti oli katonda omutono.”

Nga bwe kyali nga Yesu ali wano ku nsi, bwekiri ne leero eri nnabbi wE. Abantu tebali mabega w’olutimbe; bazibiddwa amaaso obutalaba mazima. Tetwagala kirala okuggyako ekkubo lya Katonda lyeYateekawo kulw’olwaleero: Ye kennyini nga Abikkiddwa mu mubiri, Eddoboozi lya Katonda eryakwatibwa ku lutambi era ne Literekebwa kulw’Omugole.

Katonda bwe Yalabisibwa mu nsi, Yali Yeekwese emabega w’olutimbe; emabega w’olususu lw’Omusajja ayitibwa Yesu. Yali abikkiddwako ekibikkako era nga Yeekwese emabega w’olususu lw’omuntu ayitibwa Musa, era baali bakatonda abatono, so si BaKatonda abalala; naye baali Katonda, Katonda oyo omu, nga Akyusa bukyusa kakookolo kE, nga bakola ekintu kye kimu buli mulundi, nga baleeta Ekigambo kino. Katonda bw’Atyo bweYakikola.

Tusaliddwamu enjola z’Ekigambo, Obubaka bw’ekiseera. Kati kitufudde Ekigambo ekibikkiddwa emabega w’omubiri gw’omuntu ow’oku nsi. Omugole omukazi n’Omugole omusajja bali omu. Katonda ali omu, era Ekigambo ye Katonda! Tusaliddwamu enjola nga Ekigambo ky’ekitwola.

Eky’ennaku, okwawukana wakati mu bakkiriza leero kwe kuba nti bawulira nti tusukkulumya nnyo nnabbi wa Katonda eyakakasibwa obutalekaawo kabuuza. Okukontana n’ekyo, bo be baagala okussa obukulembeze obwo ku basumba baabwe.

Katonda takyusa nteekateeka Ye; Atuma OMUSAJJA OMU okukulembera Omugole wE. Ye Mwoyo wE Omutukuvu mu buli omu ku ffe, ng’Atukulembera nga akozesa Empagi Y’OMULIRO.

Ekigambo kijja eri omu. Mu buli mulembe, kye kimu, ne mu mirembe gy’ekkanisa, okuva ku mulembe ogusooka okutuuka ku gusembayo. Abalala balina ebifo byabwe, ekyo kituufu, weetegereze, naye mubeere wala n’Empagi eyo ey’Omuliro. Olaba?

NAYE LEERO TUWULIRA KI…EKINTU KYEKIMU.

Ojjukira Dasani ne banne bye baayogera ebweru eri? Ne bagamba nti, “Kaakano, Musa, lindamu wano eddakiika emu yokka! Ggwe weeyitiriza ekisusse, laba. Kati, waliwo abasajja abalala wano Katonda be Yayita.”

Tetuwakanya buweereza; Katonda abayise, wabula ab’oluganda ne bannyinaze, omusumba wammwe bw’aba tateeka Eddoboozi lya Katonda lyennyini ng’Eddoboozi erisinga obukulu ly’oteekwa okuwulira nga ayita mu kuzannya entambi mu kkanisa yammwe, aba takukulemberera mu kkubo lya Katonda lye Yateekawo.

Ekyo kituufu. Bano, buli omu, baali bagoberera awatali buzibu nga bwe beeyongerayo, naye omu ku bo bwe yagezaako okulinnya waggulu atwale ekifo kya Katonda kye Yawa Musa, oyo eyateekerwateekerwa era eyayawulibwa mu ntandikwa olw’omulimu ogwo, n’agezaako okutwala ekifo ekyo, omuliro gwakka ne gwasamya ensi n’ebamira ne babulirayo ddala mu yo. Olaba? Olaba? Beera mwegendereza. Olaba?

Ffenna tuteekwa okusalibwamu enjola z’Ekigambo ekyo ekyayogerwa ne kiteekebwa ku ntambi. Ekyo ye Abusoluuti wa Katonda. Ekyo kye Kigambo kyokka Omugole ky’ayinza okukkaanyaako. Obuweereza tebulisobola kugatta Mugole, Eddoboozi lya Katonda lyokka ku ntambi.

Siyinza kukola kintu kyonna awatali mmwe; temuyinza kukola kintu kyonna awatali nze ; era temuyinza kukola kintu kyonna awatali Katonda. Kale, awamu kikola omugatte, ennyungagana. Katonda Yantuma olw’ekigendererwa ekyo; mukikkiriza; era awo ne kibeerawo. Ky’ekyo kyokka, laba, kikakasiddwa butuukirivu ddala.

Nga bikwataganira wamu WOKKA webisobola okukola EKIMU, ennyungagana. Katonda Yatuma William Marrion Branham olw’ekigendererwa ekyo. Olwo, bw’oba oKikkiriza, y’embeera yokka enaaKisobozesa okubaawo; nga kikasiddwa butuukirivu ddala.

Si nze ayogera ekyo ab’oluganda ne bannyinaze. KATONDA Y’AKYOGERA EKYO NGA AYITA MU NABBI WE. Toganya musajja yenna kukugamba bya njawulo oba okugezaako okukunnyonnyola mu ngeri ey’enjawulo. EDDOBOOZI LYA KATONDA LYOKKA KU NTAMBI LYE LIJJA OKUGATTA N’OKUTUUKIRIZA OMUGOLE. ENGERI ENDALA YONNA, TOJJA KUBA MUGOLE.

Kale ndowooza nti abasingira ddala obungi ku ffe abakulu tulowooza ekintu kye kimu. Katonda, ng’Aliko olususu! Katonda, ng’Aliko olususu! Kiyinza okuwulikika ng’eky’obwa katwe-wungu, eri ensi, naye kiwalulira abantu bonna gy’ali.

Owulira bye yaakagamba? Katonda ng’Aliko olususu awalula abantu bonna gy’ali.

Ensi nga ensalwamu enjola z’ebyobwa katwe-wungu, ffe tuli mu kusalibwamu enjola ezitunyoola okutuyingiza Eddoboozi lya Katonda era tuyitibwa Omugole. Zituggya mu kavuyo kano, nga zituzza mu Maaso ga Katonda. Ffe tuli nnatti za Katonda ezisaliddwamu enjola z’Ekigambo kya Katonda.

Jjangu osalibwemu enjola ezikusibira mu Ddoboozi lya Katonda wamu naffe Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), nga bwe Liwalula abantu bonna okubaleeta gy’Ali.

Owol. Joseph Branham

Obubaka: Omuntu Atategeerekeka. 64-0614E

Ebyawandiikibwa: I Abakkolinso 1:18-25. / II Abakkolinso 12:11