All posts by admin5

25-0427 Wa Ki Rejte A

Mesagj: 60-0515M Wa Ki Rejte A

PDF

BranhamTabernacle.org

BByenneme Presye Zanmi,

Byenneme mwen, cheri mwen yo nan Levanjil la, pitit mwen yo ki fèt pou Bondye.

Ala yon bèl wikenn nou te pase avèk Seyè nou an. Se te tankou anyen lòt, jis pase tan avè L, pale avè L, tande Vwa Li, adore Li, remèsye Li epi di L a konbyen nou renmen L.

Se yon gwo onè pou nou viv nan epòk sa a epi pou nou fè pati de akonplisman Lekriti yo. Kijan pawòl yon mòtèl ka eksprime tout sa ki nan kè nou? Jan pwofèt la di, Se pa mwen menm, gen jis yon Bagay andedan mwen, k ap pouse epi k ap bouyi anndan mwen; yon sous atisyen Sentespri a. Se Lepouz la k ap prepare tèt li pou Epou a.

Jan yon Epouz eksite jis anvan maryaj li. Kè l ap bat tèlman vit alò ke dènye segonn yo ap ekoule…li konnen ke tan an finalman rive. “Mwen prepare tèt mwen. L ap vin chache mwen. Kounye a n ap fè YOUN.”

Nou vrèman ap viv nan dènye moman tan an. Lepouz la pral byento anlve epi y ap rele l pou Soupe lin de myèl nou an. L ap mennen nou nan nouvo somè. Pa gen kesyon ankò; pa gen dout ankò; NOU SE LEPOUZ LA.

E Li poko fini. Li vle beni toujou epi ankouraje Lepouz byenneme Li ke L chwazi a. Jan Li renmen ankouraje L epi di L konbyen Li renmen Li. Konbyen Li fyè de Li. 

Li gen ankò yon lòt Revelasyon espesyal pou L ba Li. Alò ke gen anpil vwa nan mond lan k ap rejte jwe bann yo, Li vle asire Epouz Li ankò ke yo nan Volonte pafè Li e y ap swiv Chemen ke Li bay la.

Pwogram Li te toujou rejte. Lepouz Li te toujou pèsekite. Moun yo toujou vle fason pa yo, pwòp lide yo. Yo vle yon lidè diferan pou kondwi yo. Men Bondye voye YON lidè pou kondwi Lepouz Li, Li menm, Sentespri a, e Sentespri nan epòk sa a, kòm TOUT LÒT EPÒK YO, SE PWOFÈT BONDYE A.

Yo te toujou vle ke dèzòm kondwi yo. Nan epòk Samyèl, Bondye di ke yo t ap rejte L paske yo pa t vle Samyèl kondwi yo. Sa te sanble etranj paske Samyèl te yon nonm tou, men diferans lan se te ke Samyèl te nonm ke Bondye te chwazi pou kondwi yo. Se pa t Samyèl, Se te Bondye ki t ap itilize Samyèl. Li te VWA AK MOUN ke Bondye te chwazi POU KONDWI YO, men yo te vle lòt vwa. 

Sayil te konnen pèp la te pè Samyèl, alò li te oblije deklare, “Sayil E Samyèl”. Li te oblije fè moun yo pè pou yo swiv li. An verite, yo te rele l. An verite, li te wen pa Samyèl pou l vin wa yo, men Bondye te TOUJOU gen yon Chemen ke L te bay, e pwofèy la ke L te chwazi pou kondwi yo, menm pou kondwi Sayil. Bondye te pale ak pwofèt Li a epi l te di Sayil sa pou l fè. Lè Sayil te deside ke li menm tou li te wen, e ke l pa t vle jis tande pwofèt la, Bondye te retire l wayòm li.

Kidonk lè yo te fè sa, lè gwo defèt la te rive, Alòs Sayil koupe de gwo toro bèf e l te voye yo bay tout pèp la. E Mwen swete pou ta remake la, lè Sayil te voye moso bèf yo bay tout pèp Izrayèl la, li di yo, “Se pou tout moun ki pa vle swiv Samyèl ak Sayil, pou l vin, menm jan, ak bèf sa a.” Èske w wè jan li te eseye nan malis reprezante tèt li ak òm de Dye a? Ala—ala sa te antikretyen! Krent pèp la se te akoz de Samyèl. Men Sayil fè yo tout swiv li paske pèp sa te pè Samyèl. “Ke yo swiv Samyèl ak Sayil.”

Yon jou Sayil te tèlman boulvèse.Li pa t ka jwenn yon repons nan men Bondye. Li pa t ka jwenn rekonfò. Li te vle repons. Li te konnen ki kote li te dwe ale pou jwenn repons ke l te vle a; te gen yon sèl kote, PWOFÈT BONDYE, SAMYÈL. Li te mouri, men li te toujou VWA BONDYE A, MENM NAN PARADI.

Papa nou te vle ke Lepouz Li konnen ki moun Li te chwazi pou kondwi Lepouz Li nan dènye jou sa a, alò Li te mennen pwisan anj Li odela rido tan an pou di nou ankò, rekonfòte nou epi ankouraje nou ke nou nan Volonte pafè Li ke L prevwa.

Koute avèk anpil atansyon TOUT sa pwofèt la di.

Bon, m pa ta vle w repete sa. Men m devan legliz mwen, oswa devan brebi pa m ke se mwen ki pastè a.

Anvan li di nou anyen, dabò li vle ke nou konnen ke se SÈLMAN pou NOU, LEGLIZ LI, BREBI LI, KE SE LI MENM KI PASTÈ A. Kidonk, si w pa ka di, “Frè Branham se pastè MWEN,” mwen di l deja, men senpleman pa gen nesesite pou kontinye li plis, sa a pa pou ou, an plis li pa t menm vle ke nou repete l bay pèsonn eksepte a sa yo ki kwè epi ki di, “Frè Branham se pastè mwen”.

Jis la a, se repons nou an pou kesyon kote nou jwenn anpil kritik paske nou di: “Frè Bramham se pastè nou.” (Sa se moun bann yo.) Yo gen rezon, se sa l ye, e se sa nou ye.

Tanpri pa fache avè m, m pa di bagay sa yo pou kontrarye pèsonn, sa pa t ap bon, men se sa L ap di a Lepouz la. M pa mete entèpretasyon pa m ladann, Li di l klèman…Pawòl Bondye a pa bezwen entèpretasyon.

Ke se te, ke m te nan kò sa ou deyò li, ke se te yon anlèvman, se pa t tankou okenn vizyon m te janm genyen.

Kounye a li di nou ke sa a pa t tankou okenn vizyon ke l te janm genyen. L al on kote li pa t janm ale. Li te ankò PI GWO ke tout vizyon ke l te janm wè. Li pa t ap reve, li wè kò li sou kabann lan; LI TE LA A.

Lepouz Jezikri a, kite sa a antre byen fon. Se te Lepouz Jezikri sou lòt bò a, tan prezan, ki te kouri vin jwenn li, ap kriye epi ap pran li, ap antoure l ak bra yo epi ap di, “Oh, presye frè nou!”

Li te la a; li te ka santi l; li te ka tande yo. Yo t ap pale avè l. Li te kanpe, epi l te gade, li te jenn. Li te vire tounen pou gade vye kò li ki te lonje la a avèk men li dèyè tèt li. 

Bon nou etabli ke LI TE LA A, e ke Se Lepouz Jezikri a ke l t ap gade. Kounye a annou tande sa yon vwa ki te anlè l t ap di l. 

E alòs Vwa sa ki t ap pale, apati de anlè tèt mwen an, te di, “Ou konnen, sa ekri nan Bib la ke pwofèt yo ap rasanble ansanm ak moun pa yo.”

Bondye pa t sèlman ap ankouraje pwofèt Li epi montre l yon bagay, men te gen byen plis ke Sa. Li t ap retounen epi di nou non sèlman ki kote nou prale e kijan l ap ye, men l ap di nou tou ke nou nan Volonte pafè Li lè nou Peze Jwe e ke se konsa ke nou rive kote nou jwenn Lepouz la. 

Frè Branham di ke l te tèlman anvi wè Jezi. Men yo di l:

“Kounye a, li jis yon tikras pi wo, jis anwo nan direksyon sa.” Yo te di, “Yon jou L ap vin kote w.”

Yo di l answit KIYÈS LI TE YE.

“Yo te voye w, pou w te yon lidè. Bondye pral vini. Epi lè L va vini, dabò, L ap jije w dapre sa w te anseye yo, ke yo antre ou pa pral depann de sa. N ap antre dapre ansèyman w lan.”

Kiyès yo voye kòm lidè? N ap jije dapre sa kiyès ki te anseye nou? N ap antre nan Syèl la dapre anseyman kiyès?  

Youn ka di, mwen anseye pèp mwen egzakteman sa Frè Branham di…amèn, ou sipoze fè sa e m kwè ke kèk fè sa, men pa di “Frè Branham e mwen.”

Annou kontinye li paske Li vle SÈTEN ke nou konprann pi klè.

E moun sa yo te rele byen fò, epi yo te di, “Nou konn sa. Epi nou konnen n ap retounen avèk ou, yon jou, sou tè a.” Yo te di, “Jezi pral vini, e yo va jije w dapre Pawòl ou te preche nou an.

N ap jije dapre Pawòl Li ke L preche nou an. Kidonk, jijman an vini de sa Vwa Bondye a di sou bann yo. Kijan yon moun ka di ke Vwa a sou bann yo pa VWA A KI PI ENPÒTAN ke nou ka tande?

“E answit si yo aksepte w nan moman sa, se sa k pral rive w,”

Èske nou pare? Sa pral anfonse klou a sou sa ki Volonte pafè Seyè a pou Lepouz Jezikri a. Lepouz la di pwofèt la sa LI PRAL FÈ. Pèsonn lòt. Pa yon gwoup. Pa yon lòt pastè, pwofèt Bondye, WILLIAM MARRION BRANHAM.

“Lè sa ou pral prezante nou ba Li, kòm twofe ministè w.”

Kiyès ki pral prezante nou bay Seyè Jezi?

Jou pou tande jis pwofèt la fini?

Frè Branham pa janm di pou jwe bann yo?

Lepouz la ap rele byen fò epi li di ke si nou vle vin Lepouz la, pito nou Peze Jwe.

Nou toujou pa konvenki? Ebyen, gen plis toujou.

Yo te di, “Ou pral gide nou a Limenm, epi, tout ansanm, nou va tounen sou tè a, pou viv pou tout tan.”

Kiyès ki pral kondwi nou a Li menm? Kiyès k ap kondwi Lepouz la? Lepouz la di l ke LI PRAL KONDWI LEPOUZ LA A LI MENM, apresa nou pral retounen sou tè a pou viv pou tout tan.

Si gen KRAS Revelasyon nan nou. Si nou pretann kwè Mesaj Sa a, m ap priye ke Bondye pral revele nou ke nou OBLIJE bay Vwa L, bann yo, PREMYE PLAS LA.

Pastè, remete pwofèt la dèyè chè nou. Bann yo se Vwa a ki pi enpòtan ke nou dwe tande paske n ap jije dapre VWA SA A.

Selon Pawòl la, lè nou tande Vwa Bondye a sou bann yo, nou nan Volonte pafè ke L bay pou epòk nou an.

Si Bondye louvri je nou sou vrè Revelasyon Pawòl Li a, mwen envite nou vin jwenn nou Dimanch a midi, lè Jeffersonville, alò ke n ap tande 60-0515M Wa Rejte A.

Frè Jozèf Branham

25-0417 Kominyon

Mesagj: Pak 2025 – Sèvis Espesyal Kominyon Ak Lavman Pye

PDF

Ankenn responsablite pou Tradiksyon ki fèt nan Branham Tabernacle

Byenneme Lepouz Kris,

Ala yon moman glorye Lepouz la pral genyen Wikenn Pak sa a. M kwè sa ap youn nan gwo moman nan vi nou; yon moman nou pap janm bliye. Yon wikenn memorab.

Chak Pak te yon moman tèlman espesyal pou Lepouz la, alò ke nou fèmen pòt nou a mond deyò a lè nou etenn tout aparèy nou yo ak distraksyon mond lan, e ke nou jis rekonsakre vi nou ba Li. Se yon wikenn antye konsakre a Li nan adorasyon, alò ke nou pale avè L tout jounen, epi ke nou tande Pawòl Li answit.

Lènmi an tèlman distrè nou epi kenbe nou okipe avèk anpil bagay nan lavi a ke li vin trè difisil pou nou fèmen a mond lan epi pou nou pale avè L. Menm aparèy yo ke nou itilize pou tande Pawòl la, Satan itilize yo pou fè nou pèdi tan. 

Men wikenn sa a pral diferan, e li pap sanble a okenn lòt wikenn Pak ke nou te janm genyen. 

Lè Seyè a te mete sou kè m pou m tande So yo, m pa t gen okenn lide kijan dat yo t ap tonbe. Men kòm toujou, tan Li pafè. De Dimanch de sa, nou te gen onè tande 4e So a , Laj Zèg la, 6 Avril, jou anivèsè pwofèt la, jan li apwopriye.

Men kounye a, Seyè a gen plis bagay toujou an rezèv pou nou. Jan mwen di l, lè mwen te santi ke Seyè a te mete sou kè m pou jwe So yo, mwen te konnen sa t ap pran plizyè semèn pou m fin jwe yo, paske gen 10 Mesaj nan seri a.

Alò ke m t ap konsilte kalandriye a, m te konstate ke Pak t ap tonbe anvan ke nou fin tande tout seri a. Mwen di tèt mwen, “mwen sipoze ke n ap oblije sispann tande So yo epi L ap ban mwen Mesaj pou Pak.”

Nan yon moman mwen wè…L ap PAFÈ. Nou ka kontinye jwe So yo avèk Setyèm So a ki pral jwe Dimanch Maten Pak la. M pat ka kwè sa, li te aliyen pafètman avèk orè a. Mwen te konnen touswit, SA SE OU, SEYÈ.

Mwen tèlman eksite e nan gwo atant pou peryòd Pak nou ansanm, e avèk Li menm. Mwen konnen Li fè orè a pou nou.

Kidonk, si Seyè a vle, n ap kontinye tande So yo pandan tout Wikenn Pak nou ki trè espesyal.

JEDI

Se te Jedi swa ke Seyè Jezi te pran Dènye Soupe a ak disip Li yo, an komemorasyon Pak la anvan egzòd pitit Izrayèl yo. Ala yon okazyon nou genyen pou nou kominye avèk Seyè a lakay nou, anvan wikenn sakre nou an, epi mande Li pou L padone nou pou peche nou yo, epi pou L ban nou tout sa nou bezwen nan vwayaj nou an. 

Akòde l, Seyè. Geri malad yo. Konsole sa ki fatige a. Bay lajwa a sa ki oprese a. Bay lapè a sa ki boulvèse a, manje a sa ki grangou, dlo a sa ki swaf, lajwa a sa ki tris, pwisans a legliz la. Seyè, mennen Jezi nan mitan nou aswè a, pandan nou sou pwen pran kominyon an ki reprezante kò brize Li a. Nou priye, Seyè, ke Li va vizite nou nan yon fason ekstraòdinè…

Beni lòt yo, Seyè, toupatou nan mond lan, k ap tann avèk jwa vini Seyè a, lanp yo prepare, ak mèch yo byen netwaye, epi Limyè Levanjil la k ap klere nan plas sonb yo.

Annou kòmanse a 6:00PM nan lè lokal nou yo pou nou tande Kominyon 62-0204, e answit pwofèt la pral prezante Sèvis espesyal nou Kominyon a e Lavman Pye yo, k ap jwe sou aplikasyon Lifeline lan (an Anglè), oubyen ou ka telechaje sèvis la an Anglè oubyen nan lòt lang lè w klike sou lyen ki anba a.

Apre Mesaj la, n ap rasanble ansanm ak fanmi nou lakay nou epi n ap pran Soupe Seyè a.

VANDREDI

Ann al an priyè ak fanmi nou a 9:00AM, epi answit a midi ankò, pou nou envite Seyè a pou L avè nou epi pou L ranpli kay nou ak Sentespri a alò ke n ap konsakre nou a Li. 

Ke panse nou retounen a jou sa a sou Kalvè a, apeprè 2000 an de sa, epi wè Sovè nou an pandye sou kwa a, epi annou angaje tèt nou tou pou toujou fè sa ki fè Papa a plezi: 

Epi jou sa a, ki tèlman enpòtan, youn nan pi gwo jou yo, annou egzamine twa bagay diferan ke jou sa te reprezante pou nou. Nou te ka pran dè santèn. Men, maten an, m jis chwazi twa bagay diferan, enpòtan ke nou vle egzamine, pou on lòt ti moman, ki montre sa Kalvè a te vle di pou nou. E m priye pou sa kondane tout pechè ki prezan; ke chak sen mete yo ajenou; ke chak malad leve lafwa li bay Bondye, epi mache ale, geri; ke chak pechè sove; chak retwograd retounen, epi pou yo wont tèt yo; epi pou chak sen rejwi tèt yo, epi pou yo reprann yon nouvo elan e yon nouvo espwa.   

Apresa a midi, annou rasanble ansanm lakay nou pou tande: 63-0323 Sizyèm So A.

Apresa annou ransanble ansanm ankò nan lapriyè touswit apre sèvis la, an komemorasyon krisifiksyon Seyè nou an.

SAMDI

Annou tout reyini ansanm yon lòt fwa nan lapriyè a 9:00AM e midi, epi prepare kè nou pou gwo bagay ke L pral fè pou nou nan mitan nou.

M ka tande L k ap di: “Satan, vin isit!” Se Li menm ki Chèf kounye a. Li lonje men L, rale kle lanmò a ak lanfè a bò kote L, epi Li kwoke l nan Pwòp tay Li. “M vle mete w an gad. Ou bay blòf ase lontan. M se Fis Dye vivan an ki soti nan yon vyèj. San M toujou imid sou kwa a, e tout dèt la peye! Ou pa gen okenn dwa ankò. Ou pa gen anyen ankò. Bann M kle sa yo!”

Apresa a 12:30PM, nou tout ap rasanble pou tande PAWÒL la: 63-0324m Kesyon Ak Repons Sou So Yo.

Ala yon JOU MEMORAB sa pral ye pou Lepouz Li, atravè mond lan.

Apresa annou retounen ansanm nan lapriyè touswit apre sèvis la.

DIMANCH

Tou dabò, annou leve bonè menm jan Frè Branham te fè maten an lè ti zanmi l, wouj gòj la, te leve l a 5AM. Annou jis remèsye Seyè a paske L te resisite Jezi pami lanmò yo:

A senk è maten an, ti zanmi m lan ki gen lestomak wouj la vole jiska fenèt mwen epi li reveye m. Ou ta di ti kè l ta pral eklate, pandan l ap di: “Li resisite.”   

A 9AM e a midi, annou rasanble ankò nan chèn priyè nou, pou priye youn pou lòt epi pou prepare nou pou tande Vwa Bondye a.

A 12:30PM, nou pral rasanble pou tande Mesaj Pak nou: 63-0324e Setyèm So A.

A 3PM, annou tout reyini ansanm yon lòt fwa nan lapriyè, pou remèsye L pou BÈL WIKENN LI BAN NOU AVÈ L EPI AVÈK LEPOUZ LI ATRAVÈ MOND LAN.

Pou frè m yo ak sè m yo a letranje, menm jan ak ane dènyè, m ta renmen envite nou vin jwenn nou lè Jeffersonville, pou tout moman lapriyè nan orè sa a. Sepandan, m reyalize ke l ap trè difisil pou pi fò nan nou pou jwe bann yo nan Jedi, Vandredi e Samdi lè Jeffersonville, kidonk tanpri santi nou alèz pou tande Mesaj sa yo nan moman k ap bon pou nou. Sepandan, m ta renmen pou nou tout rasanble ansanm Dimanch a 12:30PM, lè Jeffersonville, pou tande Mesaj Dimanch nou an ansanm.

M ta renmen envite nou tou, nou menm ak pitit nou, pou patisipe nan pwojè Kreyasyon yo, redaksyon jounal la, epi egzamen YF yo, ke tout fanmi nou ka jwi ansanm. Nou panse ke n ap renmen yo, paske tout baze sou PAWÒL la ke nou pral tande wikenn sa a.

Pou orè wikenn lan, enfòmasyon sou preparasyon sèvis kominyon an, materyèl ke n ap bezwen pou pwojè Kreyasyon yo, Egzamen Pak yo, epi lòt enfòmasyon, gade lyen ki anba yo.

Ann fèmen telefòn nou yo pou wikenn Pak la eksepte pou nou pran foto, pou tande Sitasyon Jou An, epi pou jwe bann yo nan aplikasyon Tab la, apliksayon Lifeline, oubyen pa lyen telechajeman yo.

Se tout on onè pou mwen pou envite nou, nou menm ak fanmi nou pou vin ansanm avèk Lepouz la atravè mond lan pou yon wikenn ranpli ak ADORASYON, LWANJ E GERIZON. M vrèman kwè ke se yon wikenn ki pral chanje lavi nou pou tout tan.

Frè Jozèf Branham

25-0413 Senkyem So A

Mesagj: 63-0322 Senkyem So A

PDF

Ankenn responsablite pou Tradiksyon ki fèt nan Branham Tabernacle

Byenneme Sa Yo K ap Repoze,

Nou la. Nou rive. Konfimasyon Pawòl la pwouve ke Revelasyon nou an de Mesaj sa a vini de Bondye. Nou nan VOLONTE PAFÈ LI lè nou rete avèk Vwa Bondye a sou bann yo.

Ki jan li enpòntan pou Peze Jwe? Pawòl yo ke n ap tande sou bann yo tèlman enpòtan, tèlman sakre, ke Bondye Li menm pa t ka konfye yo menm a yon Anj…pa menm a youn nan Anj selès Li yo. Li te dwe revele e transmèt bay Lepouz Li pa pwofèt Li a, paske se a li menm SÈL ke Pawòl la ale, a pwofèt Li a.

Bondye rache So yo, Li remèt yo bay setyèm anj mesaje Li ki te sou tè a, epi Li revele l tout Liv Apokalips la. Answit, Bondye pale atravè anj terès Li a epi Li revele TOUT BAGAY a Lepouz Li a.

Chak ti detay te pwononse e te revele ba nou. Bondye te tèlman gen sousi pou nou ke non sèlman Li rakonte nou sa ki te pase isi a sou tè a depi kòmansman tan an, men Li te pale atravè anj Li a epi Li te di nou sa k ap pase kounye a menm nan yon kote tankou paradi a.

Li pa t vle pou nou enkyè, oubyen pou nou pa sèten sou sa avni a rezève nou lè n ap kite tabènak terès sa a. Alò, Bondye Li menm mennen pwisan anj Li a odela rido tan an, pou l te ka wè Sa, manyen Sa, e menm pale avè yo ki Lòt bò a. Se pa t yon vizyon, li te LA A.

Bondye mennen l lòt bò a pou l te ka retounen e di nou: “m te la a, mwen wè Sa. Sa ap rive KOUNYE A MENM…Manman nou, papa nou, frè, sè, pitit gason, pitit fi,madanm, mari, granparan, Moyiz, Eli, TOUT SEN YO ki ale lòt bò a an Wòb Blan, ap repoze epi ap tann apre NOU”.

Nou p ap kriye ankò, paske se lajwa sèlman k ap genyen. Nou p ap tris ankò, paske se bonè selman k ap genyen. Nou p ap janm mouri, paske se lavi sèlman ki genyen. Nou p ap ka vin granmoun, paske nou tout ap jèn pou tout tan.

Se pèfeksyon…plis pèfeksyon…plis pèfeksyon, e nou prale lòt bò a!!! E tankou Moyiz, nou p ap menm kite yon zong, NOU TOUT PRALE…TOUT FANMI NOU.

Jan sa a enpòtan pou RENMEN pwisan setyèm anj sa a?

E L rele, Li di: “Tout sa yo ke w te janm renmen…” rekonpans pou sèvis mwen. M pa bezwen rekonpans. Li di: “Tout sa yo ke w te janm renmen, e tout sa yo ki te janm renmen w, Bondye ba ou yo.”

Annou li sa ankò tanpri: Kisa Li di?….Bondye ba OU yo!!

E n ap rejwenn yo e n ap rele: “N ap repoze sou Li”

Sou kisa nou repoze destinasyon etènèl nou an? SOU CHAK PAWÒL KI TE PWONONSE SOU BANN YO. M tèlman rekonesan anvè Seyè a ke Li ban nou Vrè Revelasyon ke Peze Jwe se bagay ki PI ENPÒTAN ke Lepouz la dwe fè.

Èske nou ta renmen repoze avè nou? Vin jwen nou Dimanch sa a midi, lè Jeffersonville, alò ke n ap tande tout sa avni a rezève nou, kote nou prale, e kijan pou nou rive la a, pandan ke n ap tande Vwa Bondye a k ap pale e k ap louvri: Senkyèm So A 63-0322.

Frè Jozèf Branham

Ekriti pou li anvan nou tande Mesaj la:
Danyèl 9:20-27
Akt 15:13-14
Women 11:25-26
Apokalips 6:9-11 / 11:7-8 / 22:8-9

25-0406 Katriyem So A

Mesagj: 63-0321 Katriyem So A

PDF

Ankenn responsablite pou Tradiksyon ki fèt nan Branham Tabernacle

Byenneme Sen Ki Fèt Nan Syèl la,

Papa ap rasanble nou ansanm atravè Pawòl Li, e jistifikasyon Revelasyon sa a ap ban nou stimilasyon. Li chwazi nou anvan fondasyon mond lan, paske Li te konnen ke nou t ap fidèl ak Pawòl Li selon pwòp chwa pa nou. 

Kite m di sa ankò pou sa byen klè. Li gade atravè tan an, jiska lafen tan an, e LI WÈ NOU…èske nou tande sa? LI WÈ W, LI WÈ M, e Li te renmen nou, paske selon pwòp chwa pa nou, nou t ap RETE AK PAWÒL LI.

Menm lè sa a, Li dwe te rele tout zanj Li yo ak cheriben L yo ansanm e lonje dwèt sou nou epi di: “MEN LI,” “SA SE LEPOUZ MWEN,” “MEN SA YO KE M T AP TANN!”

Menm jan ak Jan, se rezon sa ki fè n ap fè rèl sa yo ak kri sa yo, epi ap louwe Seyè a, nou stimile pa Nouvo Diven an e nou konnen, KLÈMAN, ke NOU SE Lepouz Li.

Se tankou tout lapli a ak loraj yo ke nou te genyen isit la nan Jeffersonville semèn sa a…Nou menm tou n ap voye yon AVÈTISMAN nan mond lan.

Lepouz la ap resevwa yon LORAJ REVELASYON, E SA A PWODUI YON VAG REVELASYON. LEPOUZ LA PREPARE TÈT EPI LI REKONÈT KIYÈS LI YE. METE KÒ W AN SEKIRITE IMEDYATMAN. PEZE JWE OSWA N AP ANEYANTI.

Nou p ap viv nan Laj Lyon an, ni nan Laj Bèf la, ni nan Laj Nonm lan; n ap viv nan LAJ ZÈG la, e Bondye voye ban nou yon pwisan èg, Malachi 4, pou kondwi e rele Lepouz Li pou l soti.

Jan sa a pral apwopriye Dimanch sa a, alò ke n ap ini ansanm pou tande Katryèm So a. Se pral anivèsè nesans pwisan èg pwofèt Bondye a.

Annou selebre bèl jou sa a e annou remèsye Seyè a paske Li voye ban nou èg mesaje Li a, ke Li voye pou rele nou epi pou revele Pawòl Li a.

Frè Jozèf Branham

Mesaj: Katryèm So A 63-0321

Lè: midi, lè Jeffersonville

Ekriti pou li pou prepare nou.

Matye 4

Lik 24:49

Jan 6:63

Akt 2:38

Apokalips 2:18-23, 6:7-8, 10:1-7, 12:13, 13:1-14, 16:12-16, 19:15-17

Jenèz 1:1

Som 16:8-11

2 Samyèl 6:14

Jeremi 32

Jowèl 2:28

Amos 3:7

Malachi 4

25-0330 Twazyèm So A

Mesagj: 63-0320 Twazyèm So A

PDF

Ankenn responsablite pou Tradiksyon ki fèt nan Branham Tabernacle

Byenneme Èv Espirityèl,

Kite m kòmanse lèt mwen jodi a avèk bonm atomik Bondye a; pa yon fizi 22, yon BONM ATOMIK pou Epouz Jezikri a.

Bon, si w vle make yo; natirèlman, nou tout konnen yo: Jezi, Jan 14:12; ak Jowèl, Jowèl 2:38; Pòl, 2 Timote 3; Malachi, chapit 4; epi Jan revelatè a, Apokalips 10:17, 1-17. Ou wè, egzakteman sa ki te dwe rive kounye a!

Remak e avètisman: sitasyon sa a pa pou ou si w kwè.

“Nou bay pwofèt Bondye a twòp enpòtans.” “Nou pa ka Epouz la si nou jis koute pwofèt la.” “Jwe bann nan legliz la pa bon.” “Yo te pase tòch la; bagay ki pi enpòtan jodi a se pou koute ministè a.” “Peze jwe nou tout an menm tan an se yon denominasyon.”

Pou legliz, kisa Sa ye? Pawòl enkane a ki te fè L chè nan mitan pèp Li ankò! Ou wè?

KABOOM…Alò lè nou peze jwe, nou ka koute Pawòl la ki te fè L chè, k ap pale de bouch a zòrèy ba nou pandan ke L ap revele Pawòl Li a.

E yon moun ka di ke se pa VWA A KI PI ENPÒTAN KE W KA KOUTE? Pati sitasyon sa a pou ou.

E yo jis pa kwè Sa.

Plis Revelasyon Seyè a ban nou nan Pawòl Li a, e de kiyès nou ye, se plis tout sa yo ki andeyò Revelasyon sa a ap elwaye yo.  

Kite m di sa, pou vrè, konsa ou va…sa va antre an pwofondè. Mwen vle w sezi sa. Sa se pwoblèm nou jodi a, ou wè, nou pa konn Pawòl la! Ou wè?

Bondye te wen moun pou preche Mesaj Sa a, men gen yon sèl Absoli: Pawòl la. Lè nou tande yon minis, ou nenpòt lòt moun k ap pale, nou dwe gen lafwa pou kwè ke sa l ap di se EGZAKTEMAN sa pwofèt Bondye a te deja di. Pawòl yo a, revelasyon yo a, entèpretasyon yo a ka echwe; Vwa Bondye a sou bann yo PA JANM KA ECHWE.

N ap pale de Bondye nan senplisite lè nou peze jwe…Li di l ANKÒ.

Yo rate L, Pawòl vivan an te manifeste nan lachè, pa Pawòl ki te pwomèt la. Pawòl la te pwomèt pou fè bagay sa yo. Pwomès la te fèt, ke sa ta pral konsa nan dènye jou yo.

Tande Tonè Li. Yon Tonè se Vwa Bondye a. William Marrion Branham se Vwa Bondye a pou jenerasyon sa a.

Epouz la–la poko gen yon revèy. Ou wè? Pa gen okenn revèy la, okenn manifestasyon Bondye pou brase Epouz la jiska prezan. Ou wè? Nou atann nou a sa kounye a. Sa va pran sèt Tonè enkoni sa yo laba, pou reveye L a nouvo, ou wè. Wi. Li va voye l. Li te pwomèt li. Kounye a gade.

Nou ka defòme l si nou vle, men Sèt Tonè Yo pral bay Lepouz la estimilasyon pa Revelasyon epi lafwa anlèvman an, ki vini sèlman pa Sentespri a k ap pale atravè pwofèt Bondye a. Se sa k ap pase KOUNYE A atravè mond lan. Bondye Estimile Lepouz Li avèk Pawòl Li.

Non sèlman sa, men Li deja di ènmi nou an kisa pou l fè.

Pa manyen yo. Yo konn kote yo prale, paske yo wenn ak Lwil Mwen. E kòm yo wenn ak Lwil Mwen, yo gen diven lajwa an, paske yo konn Pawòl pwomès Mwen, ‘Mwen pral resisite yo ankò.’ Pa fè Sa a mal! Pa eseye al deranje yo.

Li di ènmi nou an pou l pa manyen nou ak men sal li yo. Men èske maladi ka toujou atake nou? Wi. Èske nou toujou gen pwoblèm? Wi. Men Li di nou tou kisa pou nou fè.

Sa a pwofon. Li l dousman ankò e ankò.

Anvan yon Pawòl, se yon panse. Epi yon panse te dwe kreye. Trè byen. Kidonk panse Bondye a vin kreyasyon lè l te pwononse, pa yon Pawòl. Sa se lè l prezante l a─a oumenm kòm yon panse, panse L, epi l te revele a wou. Alò, li toujou yon panse jiskaske w eksprime l.

Panse Li yo vin tounen yon kreyasyon lè l te pwononse. Apresa, panse Li yo te prezante e te revele ba nou antan ke Pawòl la. Kounye a Li toujou yon panse avè nou jiskaske nou pwononse L. ALÒ NOU PWONONSE L …E NOU KWÈ L.

Mwen se Semans Wayal Abraham lan. Mwen se Lepouz Kris. Li te chwazi m e te predestine m anvan fondasyon mond lan pou m vin Lepouz Li, e anyen ka chanje sa. Chak pwomès nan Bib la pou mwen. Pou mwen, se Pawòl Li. Mwen se eritye Pwomès la menm. Li se Seyè Bondye a ki geri tout maladi m yo. Kèlkeswa sa m bezwen se pou mwen, Bondye di sa.

Bondye nan Senplisite: Lafwa vini de sa nou tande, lè nou tande Pawòl la. Pawòl la vini a pwofèt la.

Tout moun vle itilize “SITASYON” pou pwouve panse pa yo, ide pa yo, mesaj pa l. E yo gen rezon, mwen menm tou, se poutèt sa tout sa mwen ba nou se sitasyon pou m di nou: Rete avèk Bann yo. Koute Vwa sa a. Vwa sa a se Vwa Bondye. Nou dwe kwè chak Pawòl ki sou Bann yo, pa sa nenpòt lòt moun di. Vwa sa a SE VWA A KI PI ENPÒTAN KE NOU DWE TANDE.

Lòt itilize sitasyon pou mennen nou nan ministè pa yo, nan legliz pa yo, nan entèpretasyon pa yo, nan revelasyon pa yo. “Rete avè pastè nou.” (Ebyen, m renmen sa a tou, paske se sa nou fè, men avèk yon pastè diferan.) “Se pa li ki sèl ti wòch la sou plaj la.” “Li pa janm di pou jwe bann yo nan legliz la.”

Piga w mete okenn entèpretasyon pèsonèl ladan L. Li vle yon relasyon pi, ki pap varye, pa menm on ti pale. M patap dakò pou madanm mwen pale ansanm ak yon lòt gason. Lè w soti pou tande tout kalite rezònman, ki depase Sa, w ap tande, w ap pale ak Satan. Amèn! Èske sa pa fè w santi w relijye la? [kongregasyon an di, “Amèn.”–Editè a] Bondye vle w rete pi. Rete jis la ak Pawòl sa a. Rete. Rete jis avè L. Trè byen.

Kan ta mwen menm ak lakay mwen, nou pral peze jwe epi swiv Pawòl Bondye Enkane a k ap pale atravè setyèm anj mesaje Li a. Nou p ap ajoute entèpretasyon pèsonèl nou an Ladann; nou p ap fè ti pale oswa koute okenn rezònman. N ap RETE AVÈK PAWÒL SA A JAN L TE PWONONSE SOU BANN YO. Se Bondye an tout Senplisite.

Ala yon bèl moman nou pral pase Dimanch sa a midi, lè Jeffersonville, alò ke nou pral tande: Twazyèm So A 63-0320. M ta renmen envite nou vin jwenn nou alò ke n ap ini alantou Pawòl la pou jodi a.   

Frè Jozèf Branham

Ekriti pou li anvan nou tande Mesaj la:

Matye 25:3-4

Jan 1:1 / 1:14 / 14:12 / 17:17

Akt Chapit 2

1 Timote 3:16

Ebre 4:12 / 13:8

1 Jan 5:7

Levitik 8:12

Jeremi Chapit 32

Jowel 2:28

Zakari 4:12

Kite pwofite okazyon sa a pou m presize l yon fwa ankò. Mwen pa kont ministè kentip la. Mwen kwè nan ministè kentip la. Mwen pa panse sa a mal pou m tande yon minis. Mwen kwè ke nou dwe koute pastè nou kote Bondye plase nou. Pwen mwen se, m kwè ke Bondye voye yon pwofèt nan epòk nou an. Bondye revele Pawòl Li bay pwofèt Li a. Mwen ka twonpe m, pastè nou ka twonpe l, men nou DWE dakò ke (si nou di ke nou kwè ke MESAJ SA A se laverite epi ke Frè Branham se pwofèt Bondye a) sa ki sou bann yo se Men Sa Seyè A Di. Si nou pa kwè sa, ebyen nou pa kwè Mesaj sa a. Kidonk, mwen kwè ke se VWA A KI PI ENPÒTAN KE NOU DWE KOUTE. Nou pa bezwen koute m, nou pa bezwen koute okenn lòt moun, men NOU DWE KOUTE VWA SA A SOU BANN YO.     

25-0323 Dezyèm So A

Mesagj: 63-0319 Dezyèm So A

PDF

Ankenn responsablite pou Tradiksyon ki fèt nan Branham Tabernacle

Byenneme Moun Ki Koute Bann Yo,

K: Èske nou nan Volonte pafè Li lè nou jwe Bann yo?

R: WI.

K: Èske Epouz la bezwen plis pase sa ki pwononse sou Bann yo?

R: NON.

K: Èske nou manke yon bagay lè nou SÈLMAN koute Bann yo?
R: NON.

K: Èske nou ka vin Lepouz la lè nou SÈLMAN kote Bann yo?

R: TRÈ KLÈMAN, WI!

Kounye a sonje, “Pa gen anyen ki dwe revele; Bondye p ap fè anyen, ditou, anvan Li revele l an premye bay sèvitè L yo, pwofèt yo.”

Kidonk, TOUT sa nou bezwen te pwononse e li sou bann yo; oubyen, lè setyèm anj Li retounen sou tè a, L ap di nou li lè sa a.

O Epouz, annou imajine sa k ap pase avèk Lepouz Kris la atravè mond lan. Papa nou ap rasanble Epouz Li avèk Vwa Li epi L ap bat Tonè, “Men Sa Seyè A Di.”   

Sonje, Li di nou ki sa Tonè yo te ye: “yon gwo bwi Tonè se Vwa Bondye a”. E ki sa ki Vwa Bondye pou Lepouz la? Setyèm anj mesaje Bondye a, William Marrion Branham.

Li di pral gen sèt Tonè misterye ki pa menm ekri ditou. Epi atravè Sèt Tonè sa yo, Lepouz la pral rasanble pou lafwa anlèvman an.

Pawòl Seyè a vin a pwofèt Li yo. Si L te gen yon pi bon sistèm, Li t ap itilize li. Li chwazi pi bon sistèm lan nan kòmansman an e Li pa ka chanje, e Li p ap chanje.

Kidonk, Vwa Bondye a, k ap pale atravè setyèm anj Li, ap rasanble Epouz Li e L ap bann nou Lafwa Anlèvman an.

Legliz la pa mande tèt li depi 1933, jou sa a sou rivyè a, ke William Marrion Branham se Vwa Bondye a, k ap bat Tonè, “Men Sa Seyè A Di,” epi ki te voye pou rele, rasanble e kondwi Lepouz La. 

M ta renmen envite nou vin koute avè nou Dimanch a midi, lè Jeffersonville, alò ke Seyè Jezi nou an pral louvri Liv la, pral rache So a, epi pral voye L desann sou tè a, bay setyèm anj Li a, pou revele L ban NOU!

Frè Jozèf Branham

Dat: Dimanch, 23 Mas, 2025

Mesaj: Dezyèm So A 63-0319

Lè: midi, lè Jeffersonville

Ekriti pou li anvan nou tande Mesaj la:

Matye 4:8 / 11:25-26 / 24:6

Mak 16:16

Jan 14:12

2 Tesalonik 2:3

Ebre 4:12

Apokalips 2:6 / 6:3-4 / Chapit 17 / 19:11-16

Jowel 2:25

Amos 3:6-7

25-0316 Premye So A

Mesagj: 63-0318 Premye So A

PDF

Ankenn responsablite pou Tradiksyon ki fèt nan Branham Tabernacle

Byenneme Rèn Mwen Ki Nan Syèl La,

M gen anpil bagay an rezèv pou ou Dimanch sa a. Premyèman, ou pral tande yon batman Tonè. Se pral Vwa Mwen, Vwa Bondye k ap pale avè w, Epouz Mwen. M pral revele w Pawòl Mwen an ba ou kòm jamè. Ou pral wè Mwen, ti Mouton k ap senyen an ke yo te sakrifye depi fondasyon mond lan, k ap pran epi ouvri Liv la, rache So yo, epi voye l desann sou tè a, bay setyèm anj mesaje Mwen an, William Marrion Branham, pou revele W mistè ki te kache depi fondasyon mond lan!

Pral gen rèl, kriye, epi alelouya k ap soti toupatou nan mond lan alò ke m pral pale avè w. Lyon an pral gwonde; wen yo, pwisans lan, glwa a, manifestasyon an ap san parèy. Ou menm, Rèn Mwen an, w ap chita nan lye selès alò ke m pral pale avè w epi ke m pral ba ou Lafwa pou Anlèvman an.

Sonje byen, ou dwe gen Lafwa sa a ki te transmèt bay sen yo yon fwa pou tout. Mwen di w, ou dwe tande anj Mwen an ke M te voye ba ou.

Li dwe “restore Lafwa timoun yo tounen bay papa an.” Lafwa Bib orijinal lan dwe restore pa setyèm anj lan.

Pawòl Mwen di w, nan jou Vwa setyèm anj lan, l ap sonnen, klewonnen twonpèt Levanjil la, li gen pou l fini ak tout mistè Bondye yo. Pa gen anyen pou ajoute ni retire a sa mwen di sou bann yo; annik di sa Mwen pwononse atravè anj mesaje Mwen an. Se poutèt sa Mwen te fè anrejistre l, konsa ou t ap ka tou senpleman PEZE JWE epi tande egzakteman sa Mwen di, epi ki jan Mwen di l. Sa pral ba ou Lafwa Anlèvman an.

Byenneme Rèn Mwen, nan Je Mwen, ou pafètman, absoliman, san peche devan Mwen. Pa enkyete w, ou P AP pase nan tribilasyon; paske ou aksepte San Mwen, Pawòl Mwen, anj Mwen, Vwa Mwen, konsa ou totalman san peche devan mwen.

M tèlman gen bèl bagay an rezèv pou ou. Ou wè Pawòl Mwen k ap dewoule devan je w chak jou. Mwen prezante siy nan syèl la pou di w ke yon bagay pral rive. M ap vini, prepare w. Plase Pawòl Mwen, Vwa Mwen, an premye nan vi w.

Mete tou bagay sou kote, pa gen anyen ki pi enpòtan pase Pawòl Mwen an. Mwen konnen ke lènmi an ap eseye mete w atè, men Mwen te pwomèt ou ke Mwen t ap leve w. Mwen avè w, menm NAN OU. Ou menm avè M n ap vin fè Youn alò ke M ap revele w Pawòl Mwen an ba ou.

Ou konnen nan kè w, ou SE Rèn Epouz Mwen. Ou konnen ke Mwen predestine w. Ou konnen Mwen renmen w. Ou konnen Mwen avè w chak segonn, chak jou. Ou konnen Mwen p ap JANM KITE W.

Nou pral pase de bèl moman alò ke M pral revele w plis chak Dimanch, chak jou, alò ke ou pral tande M k ap pale avè w atravè anj Mwen an. Lòt moun ka pa konprann oubyen wè sa ou menm ou wè, men Li ankre nan kè w ke sa a se Chemen Mwen bay la. 

Ala yon refij Mwen ba ou. Ou ka senpleman Peze Jwe nenpòt ki lè, lajounen kou lannwit, pou w tande M k ap pale avè w. Mwen pral rekonfòte nanm ou alò ke M ap revele Pawòl Mwen an epi M ap di w kiyès ou ye. Chak Mesaj se pou ou, e pou ou menm sèl. Nou ka kominye e adore ansanm nenpòt lè ou vle.

Dimanch a midi, lè Jeffersonville, on pati nan Lepouz la pral rasanble atravè mond lan pou tande gwo mistè sa yo k ap revele. Mwen envite nou vin jwenn nou alò ke n ap tande, 63-0318 – “Premye So A”.

Frè Jozèf

Ekriti pou li an preparasyon pou tande Mesaj la:

Matye 10:1 / 11:1-14 / 24:6 / 28:19

Jan 12:23-28

Akt 2:38

2 Tesalonik 2:3-12

Ebre 4:12

Apokalips 6:1-2 / 10:1-7 / 12:7-9 / 13:16 / 19:11-16

Malachi chapit 3 e 4

Danyèl 8:23-25 / 11:21 / 9:25-27