Sierra Vista Fellowship

Ŋugbetɔ Lɔlɔ̃a Si Mu,

Esime Gbedeasi la ƒe nu ke la, míakatã míenɔ tame ɖeka, nɔ afi ɖeka, le xexea katã me, esime kasia gbe aɖe ɖi tso Dziƒo abe yaƒoƒo sesẽ aɖe ene. “Fiẽɣi na mi, xɔ̃wo. Mina míanɔ tsitre azɔ ko hena gbedodoɖa ƒe ɣeyiɣi vi aɖe”. Gbɔgbɔ Kɔkɔe yɔ míaƒe aƒewo kple hameawo me katã taŋ le afisi míenɔ anyi ɖo, kple Eƒe amegbɔnɔnɔ.

Emegbe la Nya la ƒe Ɖeɖefia ƒe ŋusẽ dze dzidzɔ numuame, kɔɖiɖi numuame nana mí; numuame sia bena woɖokpe Edzi, Wotsɔe fia, be míenye Yesu Kristo ƒe Ŋugbetɔ lɔlɔ̃a si wotia.

Míele lalam kple mɔkpɔkpɔ gã aɖe kpɔ Dziɖegbe Adremawo be woaɖe Woƒe gbewo ɖe go na mí, elabena míenyae fifia, ɖikeke ƒe vɔvɔ̃li ɖeke manɔmee, be míenye hatsotso ma si xɔ Mawu ƒe Nya la. Míele nu lã ge aɖatso nu Kplii. Míate ŋu atu Dziƒowo nu, míate ŋu ado ʋɔ esia nu, alo awɔ ema, nukake míedi be míawɔ. Wole futɔ la wu ge kple Nya si le go dom tso míaƒe nu me, elabena Eɖana wu yi nu eve sia nu eve. Míate ŋu ayɔ tagbatsu siwo sɔgbɔ de kpekpeme tɔn biliɔn alafawo ne míele wo dim. Nukake MÍE GBLƆ la, ele dzɔdzɔ ge, elabena Enye Mawu ƒe Nya si le dodom tso Mawu ƒe nu me.

Míele kpɔkplɔ kekeake, kple blibo ɖo ge ɖe anyigba dzi, elabena míenye mawu sue. Mawu nye xexeame ƒe Mawu, afi sia afi tɔ, gake míele anyigba ɖo ge ɖe míawo ŋutɔ ƒe kpɔkplɔ te. Míate ŋu ƒo nu, míate ŋu ana ŋkɔ, míate ŋu agblɔ nu, míate ŋu atɔ te dzɔdzɔme la, míate ŋu awɔ nu sia nu si míedi; míaƒe domenyinu si woɖo te ye.

Satana le gbɔgblɔm be, “Evɔ wokpɔ fɔbubue!” Gake Ele ɣli dom sesĩe helegbɔgblɔm be, “WOMEKPƆE O. Woʋu woƒe nuvɔ̃wo me hele tsitre le Ŋkunyeme esime wotso afia na wo keŋkeŋ. Nyemagate ŋu ɖo ŋku dzi gɔ hã o. Vi Nye wonye kɔtɛ.”

Menye míaƒe tamesusu ye, alo míaƒe nya ye o, gake EƑE NYAE, EƑE ŊUGBEDODOE wònye, elabena Mawu metrɔa Eƒe ɖoɖo alo Eƒe alesi wòwɔna nuwoe o. Ame ko Wòzãna kokoko, eye Wòle gbɔgblɔm na mí be míenye Eƒe Ŋugbetɔ si woɖe ɖe go heɖo te keŋkeŋ si nɔ anyi kple Eƒe Nya.

Míenɔ anyi kple naneke o negbe Eƒe Nya Gɔmedzedzetɔ la. Mímedze ahĩa, alo kpɔ nububu aɖe dzi gɔ hã o, boŋ míenɔ anyi kple Mawu ƒe Gbe, Nya si Do ŋutilã hezu ŋutilã, Dzo Lilikpo si dzi woɖo kpe, Amegbetɔ Vi la, Ale Aƒetɔ La Gblɔ Esi. Míenye Eƒe Ŋugbetɔ Nya si le aƒe.

Ahamumu to Ɖeɖefia dzi ƒe nya gblɔm mielea. Abe míanɔvinyɔnu le Vudo la to ene la, mele be míalala zã blibo la katã alo alala sẽ ɖe ŋufɔke o, Esu míasi fifi laa. Míenye Eƒe nuku. Kekeli Ma klẽ ɖe mía dzi eye nane le ememe gbã go ɖe Agbe yeye aɖe me. Azɔ míele mɔ dzi le gbɔgblɔm na amesiame be, “Míewɔe. Nyabiabia ameɖokui se vɔ, Mawu Ŋutɔ le nuƒom na mí kple Gbedeasi ɖe sia ɖe si sem míele, le gbɔgblɔm na mí be: ‘miawoe nye amesiwo lalam Mele. Azɔ mele miakplɔ ge yi Míaƒe srɔ̃ɖeɖe mɔkeke la. Metu Aƒe nyakpɔ aɖe na mi alesi ko mielɔ̃a nu sia nu. Míele le mavɔmavɔ me to ge ɖe du.”

Na míawo ya la, woɖo kpe Mawu ƒe Nya si ƒe Ŋugbe wodo ƒe Nyateƒe la dzi heɖe fia. Yohanes 14:13, Yoel 2:28, Timoteo Evelia 3, Maleaxi 4, Nyaɖeɖefia 10. Míeyɔ fũ kple Ami la azɔ eye míemu.

Ɖee nèdi be yeaxɔ Numuame ma kea? Àte ŋui, gake teƒe ɖeka ko wòate ŋu asu asiwò le. Abe alesi esime Yesu nɔ srɔ̃ɖeƒe la eye wein vɔ na wo ene. Wonɔ wein nom nyateƒetɔ eye wònɔ wo mum, gake WEIN NYUIETƆ KEKEAKE la va tẽ tso Yesu Ŋutɔ gbɔ.

Va no Wein Nyuietɔ Kekeake eye nàmu ŋutɔ ŋutɔ to Ɖeɖefia dzi kpli mí Kɔsiɖagbe le ŋdɔ ga 12 me, Jeffersonville ƒe ga me, esime míase: Nutrenu Enelia 63-0321.

Nɔ gbesɔsɔ be nàmu kple Gbɔgbɔ Kɔkɔe ƒe Wein.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na mawunya “Nutrenu Enelia” 63-0321 sese.

Mateo Kɔkɔe 4
Luka Kɔkɔe 24:49
Yohanes Kɔkɔe 6:63
Dɔwɔwɔwo 2:38
Nyaɖeɖefia 2:18-23, 6:7-8, 10:1-7, 12:13, 13:1-14, 16:12-16, 19:15-17
Mose I 1:1
Psalmowo 16:8-11
Samuel II 6:14
Yeremia 32
Yoel 2:28
Amos 3:7
Maleaxi 4

22-0213 Nutrenu Etɔ̃lia

February 12, 2022 admin5

Gbedasi: 63-0320 Nutrenu Etɔ̃lia

Ŋugbetɔ Lɔlɔ̃a Si Le Aƒe,

Menɔ gbedom ɖa ʋuu henɔ Aƒetɔ la biam se be nuka Wòana maŋlɔ aɖagblɔ si ate ŋu anye yayra kple dzideƒo na mi Eƒe Ŋugbetɔ la le go, aɖe me mahã. Nyagbewo mele asinye, eye nyemenya nusi magblɔ o. Mese le ɖokuinye me be nyemedze kura be maŋlɔ nya ʋewo siwo meŋlɔna o, gake bubu gãtɔ kekeake wònye nam le nye agbe me be mawɔ nane na Eyama.

Mexɔe se be Nutrenu Adre Siawo sese le ɣeyiɣi sia me la deblibo alegbegbe. Míele le ekpɔm be wole Mawu ƒe ɖoɖo gã la ɖem fia hele eʋum le míaƒe ŋkume. Gbedeasi ɖe Gbedeasi megbe le Ɖeɖefia gã zum ɖe Ɖeɖefia megbe. Míekpɔ Eyama wòle Eɖokui ɖem fia mí hele míakplɔm. Míenyae bena míele nusi Wògblɔ na mí be míawɔ la wɔm tututu, “anyinɔnɔ kple Nya la.” Mɔnu gãtɔ wu aɖeke meli be woawɔ ema wu Nyaƒoka Ƒoƒo o.

Mele esem le ɖokuinye me be yɔyɔ si Wòde nye dzi dzi yenye be malé Gbedeasi sia, Eƒe Gbe, nyaƒoka siawo ɖi ɖe miaƒe ŋkume ɣesiaɣi; be maɖe alesi wòle vevie be woase nyaƒokawo gɔme fia mi. Menyae be nyemate ŋu agblɔe nyuie o, gake MENYAE be tɔnye dzɔ esi mele egblɔm na mi be “Miƒo Nyaƒoka,” esi menye nye susuwo, nye tamesusu, alo nye nyawoe o, boŋ Mawu ŋutɔ si le nuƒom to Eƒe dɔla gbedeasitsɔla 7lia dzi ƒe Nyawoe, le gbɔgblɔm na mí be:

ɣeaɖewoɣi la ne míele nuxlẽm ko la, ke , azɔ, mikpɔ nyuie ŋutɔ. Ke azɔ ne miele exlẽm la, mixɔ nyaƒokawo, miɖo to wo nyuie ŋutɔ. Elabena, miele egɔme se ge le nyaƒoka dzi, elabena wogbugbɔ nɔ nyaƒokawo ƒom, eye wonyɔ ŋutɔ eye womekɔ ƒãa. Eyata, eme akɔ na mi wu le afima.

Abe alesi megblɔe zi geɖe doŋgɔ la, nyemetsitre ɖe gbeƒãɖelawo ŋu alo nusianu si Mawu de Eƒe hame la me ŋu o. Ema avanye be metsitre ɖe Mawu ƒe Nya ŋu. Mexɔe se be Mawu ye si ami na wo heyɔ wo. Gake mexɔe se be Mawu ŋutɔ ƒe gbe sese eye edede amewo ŋkume ye wòdze be wòanye nu vevietɔ kekeake si ame ɖesiaɖe si Mawu yɔ ate ŋu wɔ.

Be nàgblɔ be, ” Megblɔna na nye ƒuƒoƒea be neƒo nyaƒokawo” la mesu o. Ne nèxɔe se la:

•Amisisi gãtɔ wu aɖeke meli wu Mawu ƒe Gbe sese le nyaƒoka dzi o.

•Edze be Ɖeɖefia ɖesiaɖe nàva tso Gbe ma me.

•Kɔkɔdzoe ƒe xɔse si míehĩa la ava tso nusi gblɔm Gbe ma le me.

Aleke gbeƒãɖelawo medi be yewoase Gbe ma, kple woƒe hame, aɖaɖe AMEN ƉE NYA SIA NYA DZI MAHÃ?

Edze be nane nanɔ amesiame si si woase le woɖokuime eye woaxɔe se be enye nu VEVIETƆ KEKEAKE SI woate ŋu awɔ be woanye Kristo ƒe Ŋugbetɔ la. Elebe nane nanye Mawu ƒe lɔlɔ̃nu Deblibo kple VEVIETƆ KEKEAKE. Pastɔ wò ƒe subɔsubɔdɔ yea? Toɖoɖo gbeƒãɖela bubuwo yea? Nyemele gbɔgblɔm be egblẽ o, le go aɖeke me o, azɔ ema nyo ŋutɔ le Nya ŋu, gake ɖee nèxɔe se be nu VEVIETƆ KEKEAKE yenye be woase Mawu ƒe Gbe si dzi woɖo kpe le nyaƒoka dzia?

Ne emae dzi ye nèxɔ se be enye nu VEVIETƆ KEKEAKE si nàte ŋu wɔ la, ekema nukata gbeƒãɖelawo medi be yewoaƒo eye yewoase GBEDEASI DEBLIBO VEVIETƆ KEKEAKE ma kple yewoƒe ƒuƒoƒeawo mahã?

Bia nya sia ɖokuiwò se, alo pastɔ wò:
Ɖee nèxɔe se be numegbe sia nye nyateƒe, loo ɖe esia nye vodada aɖe kple nɔviŋutsu Branham ƒe nugɔmemasese, alo agbagba dzem wòle be yeado yeɖokui ɖe dzia?

“Mikpɔ, nusi adzɔ tututu azɔ!Eye, na hamea la, nuka Wònyee? Nya si do ŋutilã hezu ŋutilã le Etɔwo dome ake! Mikpɔea? Ke ɖeko womele Edzixɔm le sesem o.

Ne nèxɔe se be numegbe sia nye nyateƒe, eye na wò ya la enye MAWU ƑE GBE, Nya si do ŋutilã hezu ŋutilã la, ekema aleke wɔ ameaɖeke mate ŋu akpɔ be NANEKE meli le VEVIE WU Gbe ma sese o ma.

Ɖetugbui alɔ̃dɔla nyɔ̃, lo Ɖeɖefia sia le asiwò alo nèle abe alesi wògblɔe ene be: “ɖeko womele Edzixɔm le sesem o”

Abe alesi nyagblɔɖila gblɔe na mí ene la, míawoe nye Dɔwɔwɔwo ƒe Agbalẽ yeye la, Alɔdze yeye ma, Eƒe Ame tiatiawo. Alea la, geɖewo le esem le woɖokuime be Gbɔgbɔ Kɔkɔe la le míakplɔm azɔ abe ame ɖeka ɖeka ene alo le míakplɔm to gbeƒãɖelawo dzi, menye to Eƒe nyagblɔɖila dzi o.

Nyateƒe geɖe le esia me, GAKE nyagblɔɖila ɖɔ esia hã ɖo, heɖe nyateƒe la fia mí.

Ameaɖe nɔ nuƒom nam le afisia eteƒe medidi o. Egblɔ be, “Gake Nɔviŋutsu Branham…” [Nɔviŋutsu Branham te gbe me—Tala.] Taflatse. Egblɔ be, “Menye le esi Gbɔgbɔ Kɔkɔe la va megbe o, Dɔlawo ƒe ɖeke mekplɔ hame la, alo le amewo kplɔm ɖeka ɖekae o. Kpao, amegã.” Egblɔ be, “Gbɔgbɔ Kɔkɔe lae kplɔa mí.”

Emae nye Dɔla kple Gbɔgbɔ Kɔkɔe la gɔmemasese. VODADA YENYE MA, Dɔlawoe kplɔ Hame la yi edzi, eye wokpɔtɔ le Hame la kplɔm. Tututu.

Eƒe dɔla le Eƒe hame la kplɔm hele mɔfiam eyama. Miakatã míeɖo míaƒe teƒe kple yɔyɔ, gake dɔla ɖeka wòle be wòakplɔ Ŋugbetɔ la.

Miɖo to nusi Mawu ƒe nyagblɔɖila gblɔ kuɖe gbeƒãɖela bubuwo ŋu kɔ sɔ kple nusi Mawu YƆ EYAMA BE WÒAWƆ la,

Ele ko abe ame aɖe si nye e-e telefondɔwɔla, menye elektrikidɔwɔla tututu o. Ate ŋu awɔdɔ vi ɖe le eŋu ya. Hã abe, ne ame aɖe nye kadɔwɔla la, enyo, kakaɖedzitɔe la enye…Ame aɖe si nye elektrikiti ƒe dokula, eye mewɔ kadodo ƒe dɔ gbeɖe kpɔ o la, anyo nɛ wu be wòanɔ adzɔ ge na ka la; gake ate ŋu apatsi nua vie alo nane.

Gake esime woaɖe Nuvavãtɔ la afia le ŋkeke mamlea me, Hame la ƒe akpa mamletɔa tɔ la, eyae nye ɣeyiɣi si me Mawu gblɔ be Yeadɔ ɖo ɖe mí, le Ŋɔŋlɔawo ŋu. Eye míedzro me ʋuu ʋuu, be Egblɔe ɖi be Eliya ƒe Gbɔgbɔ la atrɔ gbɔ va ake le ameaɖe me.

Ne Ameaɖe le agbagba dzem be yeahedzre kpli wò aɖagblɔ na wò be, “ehiã wu nyaƒokawo ɖeɖeko sese. Nɔviŋutsu Branham megblɔ gbeɖe kpɔ be woaƒo nyaƒokawo le hame la me o. Gbeƒãɖelawoe hĩa be woana Ŋugbetɔ la wòadeblibo;” alo nukake ameaɖe ate ŋu agblɔ na wò, be yeadze agbagba awɔe be nàkeɖi, kple be Mawu ƒe Gbe si dzi woɖo kpe le nyaƒokawo dzi sese le wò hame me mele eteƒe o la…

Tututu ko abe alesi ameaɖe dze egɔme, dzea agbagba be yeahedzre kpli wò la; ne nènya afisi nànɔ tsitre ɖo la, nya nusi dzi xɔm wòle le sesem.

Ne wole gbɔgblɔm be yewoxɔse be, “Gbedeasi sia nye Nya la. William Marrion Branham nye Mawu ƒe dɔla kple gbedeasitsɔla adrelia. Gbedeasi sia nye Amegbetɔ Vi la si le eɖokui ɖem fia le ŋutilã me abe alesi Wòdo ŋugbe be Yele ewɔge ene…”la

Ele ko abe woalé fɔmizi eye woadee kpo aɖe me ene, eye miatu mɔ ɖe sia ɖe nu. Minɔ tsitre ɖe ʋɔtrua nu ko; ele nɛ be wòatrɔ gbɔ va. Nuakatã koe ma. Mietɔkpɔ doe ɖe me. Mikpɔea? Elenɛ be wòatrɔ gbɔ va ʋɔtrua nu ake, elabena eyae nye mɔnu ɖeka si wòateŋu ado to. Aɖo ta afisia, eye asusɔ vie wòaŋe kɔ; eye ayi afima ɖa, afima ɖa. Minɔ tsitre ko eye milé ŋku ɖe eŋu, eye atrɔ gbɔ va tututu. Mikpɔea? Evɔ.

Minɔ anyi kple Nyaƒoka Nufiafia ma. Migblɔ nusi gblɔm nyaƒokawo le ko. Migatrɔ Nya ɖeka o. Migatsɔ kpee, alo aɖe Nya ɖeka ɖa le me o. Mawu ƒe Gbe wònye na mi. Enye Nya si Do ŋutilã hezu ŋutilã. Wonye Nyawo siwo medanaƒu o. Eyae nye miaƒe pastɔ. Eƒe dɔla yele miakplɔm. Ale Aƒetɔ La Gblɔ Esi wònye.

Zi geɖe alesi ke mianɔ Nya ma me la, mianɔ dedie.

Miva dzra miaƒe akaɖiawo ɖo aɖayɔe fũ kple Ami Kɔsiɖagbe sia le ŋdɔ ga 12 me, Jeffersonville ƒe game, esime Mawu ƒe dɔla tiatia la aɖegbe abe dziɖegbe ene aʋu Nutrenu Etɔ̃lia 63-0320, Aɖefia Eƒe Ŋugbetɔ la.

Nɔvi. Joseph Branham.

Ŋɔŋlɔ siwo woaxlẽ le dzadzraɖo me na mawunya, “Nutrenu Etɔ̃lia” ƒe sese.
Ŋɔŋlɔawo:

Mateo Kɔkɔe 25:3-4
Yohanes Kɔkɔe 1:1, 1:14, 14:12, 17:17
Dɔwɔwɔwo Ta 2
Timoteo I 3:16
Hebritɔwo 4:12, 13:8
Yohanes I 5:7
Mose III 8:12
Yeremia Ta 32
Yoel 2:28
Zaxarya 4:12

22-0206 Nutrenu Evelia

February 5, 2022 admin5

Gbedasi: 63-0319 Nutrenu Evelia

Alɔdze Yeye Lɔlɔ̃a,

Evame; nusi ame kɔkɔeawo katã doŋgɔ na mí nɔ lalam kpɔ la. Gɔmedzedze ƒe Ati la to alɔdze yeye. Míeva ɖo. Míenye Alɔdze Yeye ma. Gbɔgbɔ Kɔkɔe la ɖiɖi, eye Mawu ƒe Gbɔgbɔ le mía dzi. Eƒe dɔla 7lia ɖo Pentekoste Xɔse la, apostolowo tɔa, Gɔmedzedze tɔ la te. Azɔ, Eƒe nyagblɔɖila le yiyim tso aƒeme yi ɖe aƒeme, le abolo gbãm kpli mí. Dzesi gãwo, nukunuwo, kple Ɖeɖefia ɖe Ɖeɖefia dzi li siwo wole kɔkɔm ɖe mía dzi.

Míedzra míaƒe akaɖiawo ɖi heyɔwo fũ kple Ami. Míele anyinɔm kple Nya Gɔmedzetɔ la, abe alesi Wògblɔe na mí be míawɔe ene. Bubuwo woate ŋu adzi Hame faa, gake míele NANEKE DIM O NEGBE MAWU ƑE GBE GƆMEDZEDZE TƆ LA.

Azɔ, misusu ema kpɔ ko azɔ. Mina ko—ko míadze agbagba míana nusi míexɔ se be Gbɔgbɔ Kɔkɔe la ana míanya la na geɖe me. Azɔ miɖo ŋku dzi, “Womaɖe naneke afia o; Mawu mawɔ naneke o, kura o, sẽ ɖe esime Wòaɖe fia Eƒe dɔlawo, nyagblɔɖilawo gbã.” Eye hafi Wòawɔ nane la, Eɖenae fiana.

Womate ŋu aɖe naneke fia Ŋugbetɔ la o; negbe na Eƒe nyagblɔɖila gbã. Ne nyaɣlaɣla aɖewo li si wòle be woaɖe fia, ɖeɖefia yeye aɖe, nusianu si míehĩa alebe míanye Eƒe Ŋugbetɔ be míayi Kɔkɔdzoe me la, Edze be wòava na nyagblɔɖila la gbã eye emegbe la EYA Aɖee afia mí, Eƒe Ŋugbetɔ la.

Aɖe nuka fia? Dziɖegbe Adreawo ƒe Nyaɣlaɣla La. Egɔme ɖe? Egɔme enye nu ɖeka le nu eve me. Lo ele nyaƒoka dzi vɔ xoxo eye woaɖe afia ne ɣeyiɣi la ɖo be woaɖe fia mí,

Gake mele eŋu bum kpɔ, esime nyaɣlaɣla mawo dze dodo la, Mawu gblɔ be, “Lé Ɖi fifia. Lala vie. Maɖe Afia le ŋkeke ma me. Megaŋlɔe o, kura o, Yohanes, elabena Woakli ŋui adze anyi. Ɖe asi le eŋu ko—ko, mikpɔea. Gake Maɖee afia le ŋkeke ma me esime wòhĩa be woawɔe le.”

Alo, ne Wògbugbɔ dɔ Eƒe nyagblɔɖila gbɔ va anyigba dzi be yeaɖo mí Eƒe ŋkume la, ekema Eƒe nyagblɔɖila aɖe Dziɖegbe Adreawo ƒe nyaɣlaɣlawo afia mí.

Azɔ, emegbe la Dziɖegbe Adre ƒe nyaɣlaɣlawo gbɔna esiwo womeŋlɔ ɖi kura gɔ hã o. Eye mexɔe se be emawo la, to Dziɖegbe Adremawo me la, wolewo ɖe ge afia le ŋkeke mamleawo me alebena woaƒoƒu Ŋugbetɔ la ɖe du hena Kɔkɔdzoe ƒe xɔse la. Elabena, nusi le mía si fifi la, mía—míete ŋu le ewɔ ge o. Nane li. Edze be míaɖe afɔ yi ŋgɔ vie wu.

Menye amewo ƒe hatsotso yele nyaɣlaɣla ma ɖe ge afia o, anye Eƒe dɔla kple gbedeasitsɔla 7lia, William Marrion Branham. Menye esi “ME” gblɔe nenema tae o; esi NYA LA GBLƆE NENEMA tae!!

“Exɔ Agbalẽ la kple, Nutrenuawo tɔ, hegbãwo,” eye wòfiae dɔla adrelia; elabena ema ɖeɖeko, Mawu ƒe nyaɣlaɣlawo, nye dɔla adrelia ƒe subɔsubɔdɔ.

Ele nuakatã gblɔm le afima tututu. Mawu ƒe nyaɣlaɣlawo menye ame bubu aɖeke tɔ wu dɔla adrelia o. Dziɖegbe Adreawo woaƒo Ŋugbetɔ la nu ƒu aɖana mí kɔkɔdzoe ƒe
xɔse.
Ne Dziɖegbeawo nye nusi aƒo Ŋugbetɔ la nu ƒu ɖe du, eye wòdze be Dziɖegbeawo ƒe nyaɣlaɣlawo nava tso dɔla 7lia gbɔ la, ekema naneke wɔwɔ meli si xɔ asi na Ŋugbetɔ la wu PLAY ZIZI azɔ o. Emae nye nusi aƒo Ŋugbetɔ la nu ƒu ɖe du na Kɔkɔdzoe la.

Minɔ anyi kple Nya Gɔmedzetɔ la le nyaƒoka dzi. MIZI PLAY.

Ke nyaƒokawo woaɖe geɖe afia kuɖe Eŋu, ne miele esrɔ̃me.

Woayra Aƒetɔ la ƒe Ŋkɔ! Ŋutikɔkɔe na Mawu! Míelɔ̃a seselelãme fatu ma si míexɔa tso Mawu ƒe Gbe sese me ne wòle nuƒom na mí le nyaƒokawo dzi. Ɖeko míesena Gbɔgbɔ Kɔkɔe yɔa mí ƒo xlãae esime míezɔa ƒo xlã Kplii. Míetsɔ Nɛ yia aƒe me kpli mí. Míelé Nɛ ɖe míaƒe suɖui dzi.

Va se kpli mí Kɔsiɖagbe le ŋdɔ ga 12 me, Jeffersonville ƒe game, esime Gbɔgbɔ Kɔkɔe age ɖe míaƒe aƒewo me abe yaƒoƒo sesẽ aɖe ene aɖaɖe nusiwo katã míehĩa la fia mí, esime míase: Nutrenu Evelia 63-0319.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la sese:

Mateo Kɔkɔe 4:8/ 11:25-26/24:6
Marko Kɔkɔe 16:16
Yohanes Kɔkɔe 14:12
Tesalonikatɔwo II 2:3
Hebritɔwo 4:12
Nyaɖeɖefia 2:6/6:3-4/ Ta 17lia/ 19:11-16
Yoel 2:25
Amos 3:6-7

22-0130 Nutrenu Gbãtɔ La

January 29, 2022 admin5

Gbedasi: 63-0318 Nutrenu Gbãtɔ La

Xɔe ɖe mɔ̃ dzi OGG

Xɔe ɖe mɔ̃ dzi MP3

Xɔe ɖe mɔ̃ dzi AMR

Dziƒo ƒe Fianyɔnu Lɔlɔ̃a,

Nye, si nye wò Fia la, mele Gbe ɖe ge na WÒ abe dziɖegbe ene Kɔsiɖagbe aɖagblɔ na WÒ be, NYE Ŋugbetɔ ye NÈNYE. Mexɔ WÒ ƒle. Metso afia na WÒ hede miaƒe ŋkɔwo Nye Alẽvi ƒe Agbe Gbalẽ me doŋgɔ na xexeame ƒe gɔmeɖoɖo anyi ke. Nye Fianyɔnu lɔlɔ̃tɔ ye NÈNYE.

Melala helala kpɔ WÒ alebena maɖɔ nusiwo katã nye Adam gbãtɔ la bu ɖo. Eƒe domenyinu katã si wòbu. Eƒe kadodo kple dzena na Agbe. Mena kpɔkplɔ eyama kple gãtɔ kple deblibo ɖe anyigba dzi. Enye mawu na anyigba abe alesi menye nuwɔwɔ la katã ƒe Mawu ene.

Anyigba sia le eŋutɔ ƒe kpɔkplɔ te. Ate ŋu ƒo nu, ate ŋu na ŋkɔ, ate ŋu na dzɔdzɔme la natɔ, ate ŋu awɔ nu sia nu si dzro eyama. Gake ebu Esia keŋkeŋ.

Azɔ, abe alesi medo ŋugbe na WÒ le Nye Nya me la, Meɖɔ nu sia nu si wòbu ɖo eye metsɔe gbɔ na WÒ. Woxɔe ƒle. Nunɔamesi le sea nu siwo katã Adam bu la zu MIATƆ azɔ. Agbe Mavɔ ƒe Ɖaseɖigbalɛ ma ƒe nunɔamesi si le sea nu, si gɔme enye be azɔ nu sia nu si ADAM bu la nye MIATƆ azɔ.

Mezu miaƒe Xɔnametɔ ƒometɔ. Mebia nusi nye Tɔnye la. Mexɔ xɔxɔ ƒe agbalẽ la tso Fofonye ƒe Asi me, dze nutrenuawo le agbalẽ la me heɖoe ɖa Nye dɔla kple gbedeasitsɔla adrelia le anyigba dzi be wòaɖe fia MI. Aɖɔ Biblia ƒe Xɔse gɔmedzetɔa ɖo na MI eye aɖe Nye nyaɣlaɣlawo katã afia MI.

Metsɔ fia heɖo kpe nusiawo dzi na mi to Nye Adam gbãtɔ si woɖɔ ɖo keŋkeŋ dzi; amesi nye Nye dɔla nyagblɔɖila gbedeasitsɔla adrelia. Ate ŋu aƒo nu aɖawɔ kadzidɔewo, ana agbe akpa, aɖo kpɔkplɔ ɖe ayaƒoƒo la dzi aɖagbugbɔ ɖo ahomuwo ɖe afisi wotso. Ate ŋu aƒo nu aɖafɔ kukuwo ɖe tsitre. Mena woɖe Foto Nye kplii be matsɔ fia xexeame be, Nye Adam gbãtɔ si woɖɔ ɖo ye nye esi, miɖo to eyama. Azɔ WÒ, Nye Fianyɔnu la, nusiwo katã Adam bu la nye tɔwò.

Miɖo ŋku dzi, Nye dɔla kple gbedeasitsɔla le anyigba dzi nɔ ge le Nye Vava ƒe ɣeyiɣi me. Aɖo WÒ NYE Ŋkume. Kpẽ mamlea aɖi eye kukuwo le Kristo me woafɔ̃ ɖe tsitre. Amesiwo le agbe eye wokpɔtɔ la woakɔwo ɖe dzi ɖe du kpli wo, be woado Gom le ya me le ɣeyiɣi ɖeka ma ke me si Nye dɔla adrelia le eƒe Gbedeasi la tsɔm na. Woʋu nutrenu mamlea. Kpẽ mamlea ma aɖe gbe; Mazɔ va ŋgɔ be mabia nusiwo nye Tɔnye si nye MIAWO, ke emegbe la Mele MIA kplɔ ge ayi ɖe MÍAƑE Srɔ̃ɖeɖe Ŋkeke nyuie la me.

Nye Fianyɔnu Lɔlɔ̃a, va ɖo Tom maƒo nu na WÒ aɖaɖe nu sia nu si nèhĩa la afia WÒ. Medzra Nuɖuɖu sia ɖo na WÒ alebena NÀ zu Nye Fiasrɔ̃. Madze nuƒoƒo na WÒ le ŋdɔ ga 12 me, Jeffersonville ƒe game, afisi mele Gbe ɖe ge Nutrenu Gbãtɔ La 63-0318 na WÒ le abe Dziɖegbe ene.

Nɔvi. Joseph Branham

Ŋɔŋlɔ siwo woaxlẽ le dzadzraɖo me na Gbedeasi la ƒe Sese:

Mateo Kɔkɔe 10:1/11:1-14/24:6/28:19
Yohanes Kɔkɔe 12:23-28
Dɔwɔwɔwo 2:38
Tesalonikatɔwo II 2:3-12
Hebritɔwo 4:12
Nyaɖeɖefia 6:1-2/10:1-7/12:7-9/13:16/19:11-16
Maleaxi Ta 3lia kple 4liawo
Daniel 8:23-25/11:21/9:25-27

22-0123 Gbagbãƒe Si Le Hame Ƒe Agbenɔɣi Adreawo Kple Nutrenu Adreawo Dome

January 22, 2022 admin5

Gbedasi: 63-0317E Gbagbãƒe Si Le Hamea ƒe Agbenɔɣi Adreawo Kple Nutrenu Adreawo Dome

Ŋugbetɔ Lɔlɔ̃a Si Le Ɣli Dom Hele Dzidzɔ Kpɔme,

Míele Nya la me eye míele míaƒe agbewo ƒe ɣeɣiyi gãtɔ kekeake me tom. Nufiafia, ɖokuitsɔtsɔna kple ɖeɖefia. Nububu aɖeke meli wu be woase Mawu ƒe Gbe le nyaƒoka dzi o.

Gbedeasi Sia nye nusianu na mí. Enana mí kɔɖiɖi deblibo. Nu ɖeka si ate ŋu tsi míaƒe luʋɔ ƒe tsikɔwuame ŋu yenye ase Mawu wòaƒo nu na mí to Eƒe nyagblɔɖila dzi.

Gbe sia gbe la Enana mí ɖeɖefia kuɖe Eɖokui kple míaɖokuiwo ŋu. Kakaɖedzi deto aɖe be, to “play zizi” me la, míele Eƒe Nya sem hele nuwɔm tututu ko abe alesi Wòde se na mí be míawɔe ene. Míenye Eƒe alẽ, eye alẽ mate ŋu kplɔ eɖokui o; ele be kplɔla nanɔ eyama si. Ke Gbɔgbɔ Kɔkɔe le míakplɔm va Eɖokui, si nye Eƒe Gbe si le Nya siwo medana o gblɔm le nyaƒoka dzi gbɔ.

Míakatã míele Gbedeasi siawo sem ɖe du ɖe dome ko o, Etia mí be míawɔe ye. “Aƒetɔ la ye dzɔa amedzɔdzɔewo ƒe afɔtoƒewo.” Susu aɖe li tae. Míate ŋu adokpoe o. Gbedeasi la le Nyaƒoka dzi ye nye nusi ɖeɖe dim Ŋugbetɔ la le. Le Esese me la, Ele Xɔse ƒe asi sesẽ la nam mí kuɖe Nya ɖe sia ɖe ŋu be míaxɔ edzi ase.

Nukata míexɔe se be ele vevie alegbegbe na amesiwo katã yɔa woɖokuiwo be “Mawu ƒe Ŋugbetɔ” la be woase Nyaƒokawo mahã?

Nya la le egblɔm na mí eme kɔ ƒãa be nyagblɔɖilawoe ŋlɔ Biblia. Menye woƒe susuwoe , alo tamesusuwoe o, boŋ Gbɔgbɔ Kɔkɔe si nɔ woʋam be woaŋlɔ Biblia ye. Biblia le egblɔm na mí be Yehowa Mawu mawɔ NANEKE o negbe Wòɖe Eƒe Nya fia Eƒe nyagblɔɖila. Bubuwo woate ŋu ƒonu kuɖe Eŋu Aɖegbeƒãe, gake nusi Mawu ƒe nyagblɔɖila gblɔ vɔ ƉEƉEKO woate ŋu agblɔ.

Ne miexɔe se be William Marrion Branham nye Mawu ƒe dɔla kple gbedeasitsɔla 7lia si dzi woɖo kpe la, ekema nusi wògblɔ le NYAƑOKA DZI menye eƒe nyawo o, gake Mawu Ŋutɔ ƒe susuwo ŋutɔ ŋutɔ si woɖe gblɔ woe. Míele míaƒe dzeƒe Mavɔ la dzudzɔm ɖe Nya ɖe sia ɖe si wògblɔ le nyaƒokawo dzi dzi, esime míexɔe se be enye ALE AƑETƆ LA GBLƆ ESI. Womate ŋu atsɔ kpee alo aɖe le eme o, nenema ke mehĩa gɔmeɖeɖe o; Amegbetɔ Vi la Wònye le nuƒom to ame si Wòtia be wòawu Eƒe Nya ŋu dzi.

Ŋugbetɔ vavã la nya nyaƒokawo sese ƒe vevienyenye. Na míawo ya la, nyaƒokawo nye gã eye subɔsubɔdɔ mamleawo katã nye sue. Edze be amesiame nabia woɖokui se be ɖe yewoƒe dzeƒe Mavɔ la ziɔ ɖe Nya ɖe sia ɖe si Mawu ƒe nyagblɔɖila gblɔ dzia. Ne mexɔe se be Mawu ƒe Gbe wònye le nuƒom hele Eƒe Ŋugbetɔ yɔm la, ekema naneke meli le vevie wu PLAY ZIZI o, esime le wole ʋɔnudrɔgem to Nya ɖe sia ɖe si MAWU ƑE NYAGBLƆƉILA GBLƆ dzi…menye to nusi ame aɖe gblɔ be Mawu ƒe nyagblɔɖila gblɔ dzi o.

Ne nèxɔe se be yehĩa wu nyaƒokawo la, ekema mele vevie na wò kakaka be nàte gbe ɖe nyaƒokawo sese dzi o, gake ɖe vevienyenye geɖe ɖe subɔsubɔdɔ la dzi. Gã ɖeka koe ate ŋu nɔ asiwò.

Esime míanɔ toɖom nyaƒoka Kɔsiɖagbe sia la, Mawu Ŋutɔ le nuƒo ge na mí aɖagblɔ na mí be Agbe Mavɔ la ƒe ɖaseɖigbalɛ le sea ŋu le mía si. Nu sia nu si Adam kple Xawa bu la le mía si. Wole ehe ge va na mí to ɖeɖefia me, kple tso Mawu ƒe Asi me to kpeɖoɖodzi dzi.

Emegbe la Agblɔ nusi dzɔ le Dziƒo na mí. Alesi Yesu Ŋutɔ xɔ Agbalẽ la, dze nutrenu la, emegbe ɖoe ɖa nyagblɔɖila si Wòtia la hegblɔ na Eyama be netsɔe na Yeƒe Ŋugbetɔ la…ɣlidodo ƒe nya gblɔm nèle hã!!! Nusianu le anyigba dzi kple le Dziƒo ase mía ŋkɔ be míedoɣli hedo aƒa lélélé esime míakpɔ míaƒe ŋkɔwo siwo woŋlɔ ɖe Alẽvi la ƒe Agbe Gbalẽ me.

Ke Etsɔ Agbalẽ la, (ŋutikɔkɔe!) ʋu Agbalẽ la, hedze Nutrenuawo; Heɖoe ɖa anyigba dzi, ɖo ɖa Eƒe dɔla adrelia, be wòaɖe fia Yetɔwo! Yenye ekem. Oo, míatɔwo! Nukae dzɔ? Aƒa léléléwo, ɣlidodoawo, Aleluyawo, amesiaminawo, ŋusẽ la, ŋutikɔkɔe la, ɖeɖeɖego la!

Eye Yohanes tsitsia, sinɔ tsitre ɖe afima, míanɔviŋutsua la, nɔ ɣli dom! “Nukata,” egblɔ be, “nu sia nu le Dziƒo, nusianu le anyigba, kple nusianu le atsiaƒu me, se be medo aƒa sesĩe be, ‘Amen! Amen! Yayrawo, bubu, kple kalẽ, kpakple ŋusẽ, na Eyama si le agbe tso mavɔ yiɖe mavɔ.”

Afikae nàte ŋu se ɖeɖefia gã sia le? NYAƑOKAWO ƉEƉEKO DZI. Nu tɔxe aɖe li na Ŋugbetɔ la ne wole Mawu Ŋutɔ sem wòle nuƒom to agbetɔ ƒe nuɣiwo dzi hele gbɔgblɔm na wo bena, “NYE ŊUGBETƆ LƆLƆ̃ MIENYE.”

Va nɔ anyi ɖe Gbɔgbɔ Kɔkɔe la ŋkume to Play Zizi dzi le ŋdɔ ga 12 me, Jeffersonville ƒe ga me, esime míase Eƒe dɔla kple gbedeasitsɔla adrelia wòahe: Gbagbãƒe Si Le Hamea Ƒe Agbenɔɣi Adreawo Kple Nutrenu Adreawo Dome 63-0317E vɛ na mí.
Míele ɣlidoge hele dzidzɔ kpɔ ge aɖanɔ gbɔgblɔm be Aleluya.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la:

Mose III: 25:47-55
Yeremia:32:1-15
Zaxaria: 3:8-9/4:10
Romatɔwo:8:22-23
Efesotɔwo:1:13-14/4:30
Nyaɖeɖefia: 1:12-18/ Ta 5lia/ 10:1-7/ 11:18

22-0116 Mawu Si Le Eɖokui Ɣlam Le Gblɔenyenye Me, Emegbe Le Eɖokui Ɖem Fia Nenema Ke

January 15, 2022 admin5

Gbedasi: 63-0317M Mawu Ɣlana Eđokui đe Gblɔenyenye Me, Emegbe Gađea Eđokui Fiana Nenema Ke

Eliya Ƒe Alẽha Sue Lɔlɔ̃a,

Míawoe nye dukɔ tɔxɛ, saga kple tutɔ na xexeame, eye hã na xɔsetɔ geɖewo, gake alekeke hã, míenye nunɔlanyenye gbɔgbɔmetɔ, fiaƒome dukɔ, si le gbɔgbɔme vɔsasawo wɔm na Mawu, kple míaƒe nuɣiwo ƒe kutsetse hele kafukafu tsɔm na Eƒe Ŋkɔ la. Míedi be míagblɔ na xexeame be dzi le míadzɔm alegbegbe, míede akpe alegbegbe, eye enye bubu na mí alegbegbe be míenye Wo Dometɔ Ɖeka.

Míedzra míaƒe dzonu susɔeawo katã, esime Wònamí Dzonu xɔasi la, Eyaŋutɔ ƒe Ɖeɖefia la. Míekpɔ Mawu ƒe Nya ŋutɔ si woɖe ɖe go. Ŋkeke mamleawo ƒe ŋugbedodo la ŋutɔ, fĩeɣi ŋɔli ƒe Kekeliawo siwo wòle be woaklẽ.

Woɖe fia wòde to le míaƒe dziwo me be Gbe si sem míele le nyaƒoka dzi la nye Amegbetɔ Vi la si le Eɖokui ɖem fia. Gbe ma gblɔ na mí be: minɔ afisia, mikpɔ Nuɖuɖu Sia si wodzraɖo ɖi si mede nyaƒokawo dzi na mí dzi. Ne biabia aɖe le miasi la, mitrɔ gbɔ va nyaƒoka siawo gbɔ. Ate ŋu nye nusi atsaka mi vie gɔ hã, gake migbugbɔ ƒo nyaƒoka la aɖase nyuie. Ne mienye Ŋugbetɔ la, Gbɔgbɔ Kɔkɔe la Aɖee fia mi. Miɖo ŋku dzi be, nyaƒokawo mehĩa gɔmeɖeɖea ɖeke o, migblɔ nusi le nyaƒokawo dzi ɖeɖe ko. Nyee nye miaƒe kplɔla eye miawoe nye nye alẽha suea, minɔ anyi kple nyaƒoka ƒe nufiafia la.

Menyae be ame sɔgbɔwo alegbegbe mesea nusi wɔm míele gɔme ne míele Gbedeasi ɖeka sem ɖe du le ɣeyiɣi ɖeka me o, gake enyo, wokpɔtɔ nye míanɔviŋutsuwo kple nɔvinyɔnuwo eye míelɔ̃awo eye mele be míaƒo nu tsitre ɖe wo ŋu kpɔ gbeɖe o. Edze be amesiame nawɔ nu abe alesi wose be Aƒetɔ la kplɔ yewo be yewoawɔe ene. Mawu wɔa dɔ hekplɔa mí tɔxɛ tɔxɛe.

Nyagblɔɖila gblɔ na mí be edze be míadzro nusianu me kpɔ kple Nya la, aɖaɖokpe dzi kple Nya la, tututu ko abe alesi wòwɔe ene. Nya egbetɔ, nye eye wònye Biblia, kokoko. Biblia gblɔ na mí be le ŋkeke mamleawo me la Aɖe nyaɣlaɣlawo katã kple nuɣlaɣlawo siwo le Eƒe Biblia me afia keŋkeŋ to nyagblɔɖila aɖe si dɔ ge Wòle ɖa dzi. Eya Ŋutɔ le nu ƒo ge to nyagblɔɖila sia dzi aɖaɖe Eɖokui afia le ŋutilã me tututu ko abe alesi Wòwɔe na Abraham ene. Eƒe Nya manye ame ƒe nyawo o, boŋ Mawu Ŋutɔ ƒe Nyawo ŋutɔ ŋutɔ. Anye ALE AƑETƆ LA GBLƆ ESI, alea Biblia kple Gbe ma woanɔ ɖeka aɖanye numa ɖeka ke.

Gogloƒe aɖe le gogloƒe aɖe yɔm le míaƒe dziwo me be míase Gbe ma si dzi woɖo kpe la. Míedi be míase Mawu ƒe Gbe tẽ tso Eƒe nyagblɔɖila si wòtia dzi. Lɔlɔ̃ ƒomevi aɖe le míaƒe dziwo me be míase Gbe ma eye míavo ko aɖanyae be mehĩa be míabia nya aɖeke le naneke si sem míele ŋu o, ɖeko wòle be míaxɔ NYA ƉESIAƉE dzi se.

Teƒe bubu aɖeke meli si míate ŋu awɔe le o. Menye be ame aɖe avagblɔ nya gbegblẽ aɖe na mí, alo akplɔ mí baɖa, esime Gbɔgbɔ Kɔkɔe le woawo hã si o, gake míenyae be woate ŋu agblɔ nane si gblẽ na mí fãa esi womedzi yewoawɔe o hafi. Gake ne míele Mawu ƒe Gbe si dzi woɖo kpe sem le nyaƒoka dzi la, ŋutɔ gɔ hã ne míele nusi gblɔm wole gɔme sem o la, Papa Mawu gblɔ be ɖeko wòle be míagblɔ be AMEN, MÍEXƆ NYA ƉESIAƉE DZI SE. Míate ŋu awɔ ema na gbe bubu aɖeke o.

Gbe ma de dɔ asi na Mí hã be:

Migaɖotom o; gake miɖo to nusi megblɔ la. Nusi megblɔ lae nye Gbedeasi la. Migatsɔ ɖeke le me na gbedeasitsɔla o; milé ŋku ɖe Gbedeasi la ŋu. Miaƒe ŋkuwo nenɔ, menye gbedeasitsɔla dzi o, boŋ Gbedeasi la dzi. Nusi Wògblɔ la, numa dzi wòle be woakpɔ.

Nusi wògblɔ la NYE gaƒoƒo la ƒe Gbedeasi la; Eyae nye nusi dzi wòle be woakpɔ.

Ele nuwo ɖem fia mí geɖe wu tsã. Gbedeasi Ɖesiaɖe si míesena la ɖena gbe abe Gbedeasi yeye si míese kpɔ gbeɖe o ene. Togbɔ be míesewo zi gbɔ zi alafawo tsã la, míate ŋu aɖe egɔme o, ele abe ɖee míele esem hena zi gbãtɔ ene eye Wòle Ɖeɖefia geɖe geɖe nam mí ɖe dzi wu.

Ɖe ko míate ŋu abu eŋu kpɔ be ame aɖe medi be yease Gbedeasi siawo kpli mí o. Ɖekawɔwɔ kple Ɖekanyenye ƒomevi aɖe le Ŋugbetɔ la kple Nya la dome. Míekpɔ kɔɖiɖi blibo wu ɣeyiɣi bubu ɖe sia ɖe le míaƒe agbewo me.

Zi ɖeka ake la míele mɔkpɔkpɔ gã aɖe te alegbegbe. Ele ko abe ɖee fifia hafi wole Nutrenuawo ʋum ene. Ele nusiwo míekpɔ gbeɖe va yi o fia ge mí aɖahe Kekeli va nusiwo míese zi geɖe, geɖewo kpɔ tsã dzi; gake fifia la, míele Ekpɔ ge eme na kɔ ƒãa.

Míenyae be nusianu si hĩa mí na Eƒe Kɔkɔdzɔe vava kpuie lae, nye Gbe ma le nyaƒokawo dzi.

Mawu to ŋutega dzi dɔ Eƒe nyagblɔɖila yi ɖe Arizona gbedadaƒo megbe afisi mawudɔla adre kɔe yi dzi le, eye emegbe la egbugbɔ dɔ eyama va Jeffersonville be wòaɖe Nutrenu Adreawo ƒe nyaɣlaɣlawo siwo le bebe ɖi fia Ŋugbetɔ la.

Va ɖo ka me kpli mí esime Mawu anɔ nuƒom to nuɣi dzi yi to me Kɔsiɖagbe sia le ŋdi ga 10 me, Jeffersonville ƒe game, eye míase: Mawu Si Le Eɖokui Ɣlam Le Gblɔenyenye Me, Emegbe Le Eɖokui Ɖem Fia Nenema Ke 63-0317M.

Míadze Gbedeasi la gɔme le xexlẽme #94 dzi, nuŋutikɔkɔ takpekpe la megbe.

Nɔvi. Joseph Branham

Kronika Gbãtɔ 17:1-8
Yesaya 35:8 / 40: 1-5 / 53:1
Maleaxi ta 3 lia
Mateo Kɔkɔe 11:10, 11:25-26
Yohanes Kɔkɔe 14:1-6
Korintotɔwo Gbãtɔ ta 13lia
Nyaɖeɖefia ta 21lia

22-0109 Ɖee Esiae Nye Nuwuwu Dzesi laa, Amegã?

January 8, 2022 admin5

Gbedasi: 62-1230E Amegã, Nuwuwu Ƒe Dzesie Nye Esia?

Mawu ƒe Gbedoxɔ Lɔlɔ̃a,

Gbedeasi sia ƒe ŋusẽ meɖo seƒe o. Ede blibo le Eɖokui me. Eyae nye Nya mamlea ɖe nuwo katã dzi. Nububu aɖeke megali o negbe Gbe ma si wolé ɖe nyaƒoka dzi. Enye Mawu ƒe Gbedeasi gaƒoƒo tɔa si dzi woɖo kpe. Eyae nye míaƒe Tɔɖoƒe.

Míele míaƒe mɔzɔzɔ me tuta Ŋugbedodo Nyigba dzi, esime Gbɔgbɔ Kɔkɔe la, Dzo Lilikpo la le míakplɔm. Wodzra míaƒe Gbɔgbɔme Nuɖuɖu ɖo ɖi be wòalé mí ɖe te le míaƒe mɔzɔzɔ la me. Wolé nusiwo katã hĩa mí la nam mí.

Do ŋgɔ na eƒe ku la, Dawid dzra nu geɖewo siwo hĩa be woakɔ tu Aƒetɔ ƒe aƒe la ɖi. Ede se be edze be wòaɖo atsyɔ geɖe, axɔ ŋkɔ gã, kple ŋutikɔkɔe, le duwo katã me.

Emegbe la eƒonu na Salomo, hetsɔ xɔ la ƒe akpata, eŋu xɔwo, nudzraɖoƒewo, dzisasrãwo kple xɔ emetɔwo kpakple nutsyɔnu la xɔ ƒe nɔnɔme de asi na eyama.

Etsɔ nusiwo katã wòbu ɖe ta me la ƒe nɔnɔme de asi nɛ, siwo nye Yehowa ƒe aƒe la ƒe kpɔwo kple eŋu xɔwo katã godoo, Mawu ƒe aƒe la ƒe nudzraɖoƒewo kple nu kɔkɔeawo dzraɖoƒewo.

Nunɔlawo kple Lewi-viwo ƒe hawo, kple nusianu na Aƒetɔ la ƒe aƒe ƒe subɔsubɔdɔwo katã. Ena eyama Aƒetɔ la ƒe aƒe ƒe subɔsubɔdɔwɔnuwo katã hã. Sika kple klosalo na subɔsubɔnu ƒomeviwo katã. Sika kple klosalo ɖe akaɖiti ɖe sia ɖe ŋu. Sika kple klosalo na ŋkumeɖobolo ƒe kplɔ̃, gaflowo, ʋutrewo kple kpluwo kpakple goeawo.

Sika nyuitɔ alesi atu dzudzɔdovɔsamlekpui la nu hekpe ɖe sika Kerubiawo, siwo keke aʋala hetsyɔ YEHOWA ƒe nubablaɖaka dzi la ƒe tasiaɖam la ŋuti.

Wodzra nusianu ɖi heƒoƒuwo ɖi na xɔtutu la. Naneke meʋe te o. Edze be wòakplɔ xɔtutu la ƒe nɔnɔme tata do tututu alebe wòatu Yehowa ƒe Gbedoxɔ la.

Gake le míaƒe ŋkeke me la, Mawu le Gbedoxɔ bubu tum si nye Eƒe Ŋugbetɔ la. Womele Gbedoxɔ sia ya tsrɔ̃ ge o, boŋ anɔ agbe Mavɔ kple Eyama. Edzra nusianu si wohĩa be woatu Eƒe Gbedoxɔ yeyea ɖi geɖe heƒoƒui ɖi.

Mawunyenye, Da ƒe Nuku, Daniel Ƒe Kɔsiɖa Blaadreawo, Hame Ƒe Agbenɔɣi Adreawo, Nutrenu Adreawo, De Dzesi Wò Ŋkeke la, Srɔ̃ɖeɖe Kple Srɔ̃gbegbe, Nukoklo Le Mawu Ŋu, Dzesi la, Tɔɖoƒe, Amesiaminawo, Gbɔgbɔme Nuɖuɖu, Kristo Nye Nyaɣlaɣla, kple alafa ɖe alafa dzi ƒe bubuwo, siwo yome wòdze be woadze tututu.

Edzra nusianu si hĩa mí ɖi, gake edze be míakplɔ xɔtutu la ƒe nɔnɔme do tututu, esime míatrɔ dzesi aɖeke alo nane si meɖi naneke o.

Azɔ, nusi gblɔm mele ŋdi sia lae nye be, esiae nye Nuɖuɖu dzadzraɖo. Nuɖuɖu dzadzraɖo, ale be nane nanɔ mia si miaɖu, ale be nane nanɔ miasi be miatsɔ anyi mia ɖokuiwoe. Miakpɔ Esia le miaƒe nyaƒokawo dzi. Mibɔbɔ nɔ anyi ɖe xɔ me le ɖoɖoezizi me. Ɖewohĩ, ne medzo vɔ eteƒe didi la, miagaɖo ŋku dzi kokoko be nusiawo nye nyateƒe. Mibɔbɔ nɔ anyi ɖe miaƒe xɔ me eye miaɖo toe. Mikpɔea? Ke esiae nye Nuɖuɖu la, si woƒoƒu ɖi, le nudzraɖoƒe.

Egblɔ be yevona geɖe le agbadɔa me wu teƒe bubu ɖesiaɖe. Eyae nye teƒe si woƒoƒu Nuɖuɖu la ɖo ɖi.

Le egodo le takpekpeawo me afisi meyina la, miesena kpɔ gbeɖe be meɖea gbeƒã Gbedeasi siawo o ɖe. Kpao, medo ŋugbe na mi, be mava agbadɔ sia me. Afisia tututu ye meɖea gbeƒã nye Gbedeasiawo tso. Etɔ̃ alo ene bubuwo si Aƒetɔ la nam, gale asinye le afisia, Ŋɔŋlɔawo le asinye kuɖe ŋu, si nyema akatse aɖegbeƒãe le teƒe bubu aɖeke negbe afisia ko o. Afisiae Mawu ƒe Nya dze gododo tso. Azɔ, vaseɖe si me Mawu natrɔe la, mele afisia nɔ ge aɖegbeƒãe tso afisia tututu. Esɔ gbe.

Aƒetɔ la ƒe nyagblɔɖila ƒo nu hegblɔ bena amehatsotso aɖe li siwo xɔ ye dzi se, eye dɔ le wowum eye woléa ɖe nya ɖe sia ɖe si yegblɔ ŋu. Miawoe nye amehatsotso ma. Mienye eƒe ƒuƒoƒe la. Mienye eƒe ha sue la.

Menɔ gbedodoɖa me eye mese be Aƒetɔ la le míakplɔm be míase Gbedeasiawo Si Wòna Eƒe nyagblɔɖila ƒoƒu ɖi wosɔgbɔ le Eƒe nudzraɖoƒe me be wòatu Eƒe Ŋugbetɔ la.

Míele edzi yi ge adze Eƒe nyagblɔɖila la yome esime míase: Ɖee Esiae Nye Nuwuwu Dzesi laa, Amegã?62-3012E. Medi be makpewò be nàva tu mí Kɔsiɖagbe le ŋdi ga 10 me, Jeffersonville ƒe ga me, be míase Nuɖuɖu sia si wodzraɖo ɖi tɔxɛ si atu wò ɖe Aƒetɔ la ƒe Gbedoxɔ la me.

“Ɣeyiɣi megali o.” Ne wòle la, mina míadzra míaɖokuiwò ɖo, xɔ̃wo, be míado go mía Mawu la. Nuɖuɖu sɔgbɔ li si woda ɖi azɔ. Mina Míazãe. Mina Míazãe fifia.

Nɔvi. Joseph Branham

22-0102 Tɔɖoƒe

January 1, 2022 admin5

Gbedasi: 62-1230M Tɔɖoƒe

Xɔe ɖe mɔ̃ dzi OGG

Xɔe ɖe mɔ̃ dzi MP3

Xɔe ɖe mɔ̃ dzi AMR

Ame Ɖeka Gbedeasi Ƒe Ŋugbetɔ Lɔlɔ̃a,

Ŋkuɖodzi Ŋkeke ƒe ƒe kae nye esi na Ŋugbetɔ la. Ewɔ mí ɖekae tso xexea katã me kple nu ɖeka ko lia si ate ŋu ahe Eƒe Ŋugbetɔ la vɛ ɖe du, gaƒoƒo la ƒe Gbedeasi la, Mawu ƒe Gbe la ŋutɔ ŋutɔ si le Eƒe Ŋugbetɔ la yɔm do goe.

Ke azɔ mexɔe se be Ele gbesɔsɔ be yeatu kɔkɔƒe gã la le go kemea dzi, be yeahe Xɔsea aɖe si akɔ Hame la adzo yi ɖe Ŋutikɔkɔe me vɛ. Ke Ele Gbedeasiawo me.

Gbedeasi sia ƒe Ɖeɖefia ku seke hedeto ɖe míaƒe dziawo me azɔ. Míaƒe nuwɔnawo sɔ kple Nya la tututu. Míenyae be míaƒe nufiafia deblibo kple Nya la, míele le ɖeke tsɔm le Ekpem alo le Eɖe ɖem le Me o. Na míawo ya la, míele nububu aɖeke dim o negbe Nya la le nyaƒoka dzi.

Ele míadzram ɖo hena kɔkɔƒe mamlea esime wòle Xɔse si hĩa mí na Kɔkɔdzɔe la nam mí. Xɔse ma, le mía me AZƆ. Wole Kristo ƒe agbe ɖem ɖe go kloe le nɔnɔme aɖe si do ŋutilã me, le mía me, abe alesi wònɔ Kristo me ene.

Míele Eƒe agbe kpɔm. “Dɔ siwo wɔm Mele la woawo kee miawɔ.” Menye amesi wɔ eɖokui be yexɔese o, amesi susui be yexɔese o, gake, “Amesi xɔese.” “Amesi xɔ Dzinye se la, dɔ siwo wɔm Mele la, eya hã awɔe.” Nukata? Èku seke ɖe Agakpe ma ke dzi. Nukae nye Agakpe laa? Nya la, kokoko. Èku seke ɖe afima. Wò dziehe Ɣletivi lae wònye ne èbu le atsiaƒu dzi.

Míeku seke ɖe Agakpe ma dzi alegbegbe. Míexɔ kakaɖedzi kuɖe Eŋu. Míenya Nusi Wònye. Míetsɔa amebubu aɖe ƒe Nya o, míenɔa anyi kple Ale Aƒetɔ La Gblɔ Esi. Míeva ɖo míaƒe Tɔɖoƒe la gbɔ.

Míekpɔ kɔɖiɖi fũ hekpɔ dzidzɔ. Megahĩa be woabia nya aɖe abe alesi wònɔ le Ʋɔŋudrɔlawo ƒe ŋkekewo me, kple ame geɖewo alegbegbe egbea ene, afisi amesiame wɔa nusi dzɔ le eƒe nukpɔkpɔ ŋu, afisi amesiame ɖo eƒe tɔɖoƒe le hewɔa nusi dzroe ko o. Mawu metrɔa Eƒe dɔwɔwɔ o, Mateŋui aganye Mawu o. Ne Mawu gblɔ nane kpɔ alo wɔa nane la, edze be Wòawɔ numa ke ɣesiaɣi.

Mawu dɔa nyagblɔɖila aɖe ɖa kokoko be wòakplɔ Eƒe dukɔ. Edɔ Eƒe dɔla kple nyagblɔɖila adrelia ɖa; Amegbetɔ Vi la si le Eɖokui ɖem fia le agbetɔ ŋutilã me, be yeayɔ Yeƒe Ŋugbetɔ la do go aɖakplɔe. Nyaƒokawo nye Mawu Ƒe Gbe na Eƒe Ŋugbetɔ la. MÍAƑE TƆƉOƑE LAE MA.

Eyi ɖe dzigbe le afima. Enyae. Ke melɔ̃a ema, alesi wòhevae. Eƒe tɔɖoƒe la su eyama si, eƒe atiziɔti la.

Mawu le Eƒe Ŋugbetɔ yɔm ɖe du. Matrɔ Eƒe ɖoɖo la o. Madɔ amehatsotso aɖeke be wòaƒo Eƒe Ŋugbetɔ la nu ƒu o. Eƒe Ŋugbetɔ la awɔ ɖeka le Nya dzadze la, si nye Mawu Ƒe Gbe le Nyaƒokawo dzi ŋu. Enye Mawu ƒe subɔsubɔdɔ vavã na egbea.

Mɔnu nyuie aɖeke mele wu be míadze Ƒe Yeyea gɔme esime míava ɖe du aɖase míaƒe atiziɔti la, míaƒe Tɔɖoƒe la, wòaƒo nu na mí o. Medi be makpe amesiame be wòava se nu kpli mí Kɔsiɖagbe ŋdi ga 10 me, Jeffersonville ƒe game, aɖase Gbedeasi: Tɔɖoƒe 62-1230M.

Ne miate ŋu atu mí o la, mele dzidem ƒo na mi be miatia Gbedeasi aɖe aɖaƒo le miaƒe aƒewo me, alo mide dziƒo na miaƒe kplɔla be netia Gbedeasi aɖe alebe miawo hã mianɔ anyi ɖe du, le amisisi gãtɔ kekeake si li la te, aɖase Ŋugbetɔ la ƒe Tɔɖoƒe si dzi woɖo kpe la.

Nɔvi. Joseph Branham

21-1226 Nukata Betlexem Suea

December 25, 2021 admin5

Gbedasi: 63-1214 Nukata Betlexem Suea

Xɔe ɖe mɔ̃ dzi OGG

Xɔe ɖe mɔ̃ dzi MP3

Xɔe ɖe mɔ̃ dzi AMR