Category Archives: Uncategorized

22-0731 Ugukurwako Umwitwikiro KwImana

Ubutumwa: 64-0614m Ugukurwako Umwitwikiro KwImana

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Jambo Ryanditswe,

Buri ndwi bigenda biba vyiza kurushiriza. Kuw’iyinga, twaronse akaryo ko kuraba, no gufata ingingo, TWABONYE IKI? Mbega twabonye umukozi w’imana, OYA! Mbega twabonye umwungere wacu, OYA! Igihe twaraba hirya y’umwitwikiro w’umubiri w’umuntu twabonye Yesu Kristo Yihishura kandi Yigaragaza.

Mu gihe twumviriza ayo ma bande uko yaza, vyarushirije kuja ku mugaragaro, namba ufise amatwi yo kwumva n’amaso yo kubona. Ubu tubona Imana neza. Igihuzu caratabuwe, kandi tubona Imana Iri imbere yacu neza, Inkingi y’Umuriro Yigaragariza bose.

Yahumishije bamwe, ariko kuri twebwe, Yahishuye Ukuri. Imana Yahaye ubwiza intumwa yaYo imbere yacu, kurya nyene Yabikoreye Mose.

Ntimukiri inyuma y’ico gihuzu bana Bato, Imana Yaraje Igaragara imbere yanyu.

Ni ibiki ? Ubumana Butwikiye mu mubiri w’umuntu. Imana, mw’ishusho y’umuntu, Yihisha mu maso yabo. Bashobora kubona gusa umuntu, bakavuga ko umuhanuzi w’Imana akora amakosa, kandi nawe ubwiwe niko yavuze, bagerageza kwigisha abantu ko hariho amakosa ku mabande. Ariko kuri twebwe, Umugeni WaYo Yatoranijwe, turumviriza Imana hanyuma ntitubonemwo amakosa.

Umwe yabonye umuntu, uwundi yabonye Imana. Murabona ? Kandi yari Imana Itwikiriye mu kiremwa muntu, vyose ibikora neza, ariko ni ukwizera kwanyu kw’ivyo mutabona.

Kuri twebwe, tuzokwizera kandi dukurikire amakosa y’umuhanuzi w’Imana yagaragajwe, namba ahari, imbere yuko twizera Niko Uhoraho Agize yaYo.

Mose ntiyategerezwa gukubita igitandara kabiri. Iyo mpwemu nyene yari kuba yavuze muri ico gihe iti, « Murabona, Mose akora amakosa. » Ariko amazi yaraje ukwo biri kwose, kandi namba utanyoye kuri iryo bita ikosa rya Mose, warapfuye. Niko bimeze iki gihe. Ng’ivyo ibirego.

Mose yari afise Ijambo. Rero mwibuke, Ijambo Rimaze kugaragazwa, Mose yasubira kuba Mose ubugira kandi. Murabona ? Ariko mu gihe rirya Jambo Ryari muri we kugira ngo Ritangwe, yaba ari Imana ; yemwe ntiyaba akiri Mose.

MweneData Branham yari afise Ijambo. Ijambo Rimaze kugaragazwa, mweneData Branham yasubira kuba mweneData Branham ubugira kandi, ariko mu gihe Iryo Jambo Ryari muri we kugira ngo Ritangwe ku bantu, ku ma bande, yaba ari Imana ; ntiyaba ari mweneData Branham. Rero twiga, ko ibiri kuma bande ari Amajambo y’Imana, kandi nta makosa ari mu Majambo y’Imana.

NtituVyizera gusa, ariko tuBibamwo. Igihe abandi bose baBija kure, tuBigumako. TuraVyizera. Ntaco bitwaye ico uwo ari we wese akora canke avuga, turaVyizera kandi rero dukora dushingiye kuri Vyo. Namba utabikora, rero ntuVyizera.

Niko mvuze, mw’Izina rya Yesu Kristo. Ntimwongereko ikintu na kimwe, ntimukureko, ntimushiremwo ivyiyumviro vyanyu, muvuge gusa ivyavuzwe kuri izo bande, mukore gusa neza na neza ivyo Umwami Imana Yategetse gukora, ntimwongere kuri Vyo.

Mufyonde muvuze kandi mwizere IJAMBO RYOSE nk’uko Imana Yadutegetse gukora. Ni akanwa k’Imana kavugira mu gutwi kw’Umugeni WaYo.

Imana Yatwikiriye kandi Yagaragaje Mose, mu mwitwikiro, mu kwitwikira ubwaYo n’Umuriro Umwe, Inkingi y’Umuriro Imwe Yamanutse. Kuva—kuva ico gihe… Kuri bo, Rero bashobora kwumva gusa Ijambo ry’Imana. Murabitahura? Ijambo gusa, bumvise Ijwi ryaYo. Kuko, Mose yari, kuri bo, Ijambo Rizima.

Imana Ntihindura, kandi Ntishobora guhindura umugambi waYo. Ni Yesu Kristo Wawundi nyene ejo, uno munsi no mu bihe bidashira. Rero, kuri twebwe, umuhanuzi waYo yagaragajwe, William Marrion Branham ni Ijwi ry’Imana Ryacu, kandi ni Ijambo Rizima ry’igihe cacu.

Rero si Ijambo Ryanditswe gusa kuri twebwe, ni ibintu vy’ukuri. Turi muri We. Ubu turaryoherwa. Ubu turaMwihweza. Ubu turaMubona, Ijambo, Yigaragaza ubwiWe. Biranyegejwe, hanze hariya, kuko (kuki?) Biranyegejwe mu mubiri w’umuntu. Murabona?

Naho vyogenda gute, ntibaBibona. Kuki? Ntivyarungitswe kuri bo.

Kubera ko uBibona, uriteguriye kuMwumva Akubwira ubugira kandi UWO URI WE ? Iyo Arabira hejuru mu bihome vy’Ubwiza maze Akakubona, Abona nde?

• Mbona Ijambo Ryagaragajwe. Ico Yavuze ko Yokoze muri iyi minsi ya nyuma, ndakibona gikura. Ndabona abana barya Urya Mutsima wa Shekina Uje Uvuye mu kwera kw’Ijambo, baRyizera. Amen!

• Rero ducika igice ciWe, mu gihe uri umwitwikiro uMutwikira. Uri igice ciWe, mu gihe Kristo ari muri wewe, mu gihe Kristo Yari Ijambo ry’Imana. Kuko Imana Yari muri We, YaMugize Imana. Kandi mu gihe Kristo Ari muri wewe, ivyizigiro vy’Ubwiza, ucika igice ca Kristo.

• “Wewe,” Havugwa hati, “muri ivyete vyanditswe,” canke, muri Ijambo Ryanditswe, Ryagaragajwe,” nta na kimwe gishobora kwongerwa kuri Ryo. Ntushobora kuvuga uti, “Ndi icete canditswe,” kandi ubayeho ubundi bwoko bunaka bw’ikintu kinaka atari ico Ibi Vyamaze kwandikwa, kuko nta na kimwe gishobora kwongerwako canke ngo gikurweko.

Izina ry’Umwami Yesu Kristo Rishimwe. ARATUBONA. TURAMUBONA. Turi Ijambo RyiWe Ryagaragajwe uno munsi.

Ni muze dufatanirize hamwe kuw’iyinga isaha zitandatu z’umutaga kw’isaha y’i Jeffersonville (isaha icumi na zibiri mu Burundi) mu gihe Imana Iri imbere yacu; Inkingi y’Umuriro Itwikiriwe mu mubiri w’umuntu, kandi Itubwira Ijambo dutegerezwa kubamwo muri iki gihe. Ni Ubwiza bwa Shekina butweza. Imitsima y’ibiterekerwa k’uwizera.

Ugukurwako Umwitwikiro kw’Imana, Ubutumwa
Bwavuzwe kw’igenekerezo rya 14 ruheshi mu gitondo, umwaka wa 1964.
MweneData Joseph Branham.

Ivyanditswe vyo gusoma imbere yo kwumviriza Ubutumwa :
Matayo 24:24
Luka 17:28-29
Yohana 14:14
1Ab’I korinto 12:13
2Ab’I korinto 3:6
2Ab I korinto 4:3
Ab’i Filipi 2:1-8
1Timoteyo 3:16
Abaheburayo 13:8
Ivyahishuriwe Yohana 10:7
Ivyahishuriwe Yohana 19:13
Kuvayo igice ca 19
Kuvayo igice ca 20
Yoweri 2:28
Malaki 4:5

22-0724 Hindukiriza Amaso Kuri Yesu

Ubutumwa: 63-1229E Hindukiriza Amaso Kuri Yesu

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Mico Yagaragaye,

Ni muze dukoranire hamwe hanyuma duce twumviriza Ubutumwa bwavuzwe igenekerezo rya 29 kumugoroba, ukwezi kwa Kigarama umwaka w’1963: Hindukiriza Amaso kuri Yesu. Isaha zitandatu kw’isaha ya Jeffersonville ( akaba ari isaha cumi na zibiri z’umugoroba kw’isaha yo mu Burundi).

MweneData Joseph Branham

Ivyanditswe vyo gusoma mu kwitegurira kwumviriza Ubutumwa:

Guharura21:5-19
Yesaya45:22
Zekariya12:10
Yohana14:12

22-0717 Hariho Umuntu Ng Aha Ashobora Kwatsa Itara

Ubutumwa: 63-1229M Hariho Umuntu Ng Aha Ashobora Kwatsa Itara

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

22-0710 Ubwoko Butatu Bw Abizera

Ubutumwa: 63-1124E Ubwoko Butatu Bw Abizera

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Vyiyumvire gusa, Ya Mana, Yaremye ibintu vyose Ikabishira mu rutonde, Yaramanutse maze Yiha umubiri muri twebwe, kugira ngo Iducungure. Kandi rero Yotwubahirije cane n’ukuba ng’aha kwaYo kw’icubahiro, ku buryo Yobaye ng’aha kuri iyi si y’ikinyavyaha mu minsi ya nyuma, kandi Yemeje ko Ijambo ryaYo ari Ryo, kuko Yari Ifise inshingano kuri Iryo Jambo.

Mpwemu Yera Yagize Rizima Iryo Jambo kuri twebwe. Ryacitse Rizima. Kubw’ukwizera turabibona. Turazi yuko ariko biri, kuko Ijambo ari ko Ryavuze, kandi Mpwemu Yagize Rizima Iryo Jambo kuri twebwe. Ubu twagizwe umwe n’Ijambo ry’Imana Ryagaragaye mu mubiri, neza nk’uko umuhanuzi yavuze ko Ryobaye.

Uwizera araRyizera, yizera (iki?) Ijambo. Si nemera; Ijambo ! Si idini; Ijambo! Si ico umuntu munaka wundi avuga; ico Ijambo Rivuga! Rero, mwibuke, uwo ni uwizera. Uwizera ntabaza ibibazo. Uwizera ntavuga ati, “Bishoboka gute? Iyo mba nshobora kuRironka Risiguwe!” Uwo ni uwutizera. Uh-huh. Ni uwizera, yuko, uko Rimeze kwose, “Namba ari Ijambo, Ni Ijambo! Uko ni Ukuri.”

Utegerezwa kwizera agace kwose k’ijambo n’inyuguti yose, n’ikintu cose cavuzweMwo. Gutegerezwa kuba ukuri. Namba uvuze uti, “Sinizera ivyo. Bimwe n’ivy’Imana, bimwe n’ivy’umuntu, bimwe muri vyo n’inkuru z’uguhiga gusa.” Yemwe, rero uri uwutizera. Uwizera ntabaza ibibazo. Uwizera araRyizera, ataravye uko vyumvikana canke ico uwo ari we wese ategerezwa kuRivugako, ukuntu Risa n’iRidashoboka, TURARYIZERA!

Umuntu wese ari ng’aha, hano, umuntu wese yumviriza iyi bande; kandi naho umunsi umwe ntegerezwa kuva muri iyi si, aya mabande azoguma ariho. Ivyo ni vyo. Murabona ? Kandi uri muri umwe muri iyi migwi. Utegerezwa kuba muri umwe muri yo.

Tubayeho mu minsi ya nyuma kandi utegerezwa kuraba ku buzima bwawe kandi ukaraba mugwi w’abantu urimwo uwo ari wo. Mbega uvuga uti, “Ndizera ko Imana Yarungitse umuhanuzi yagaragajwe n’Inkingi y’Umuriro?” Yatubwiye kwizera Ijambo Ryose. Kuvuga NEZA NA NEZA ibiri ku mabande no kudahindura Ijambo na Rimwe. Tuzocirwa urubanza n’ivyo YAVUZE, atari ivyo umuntu munaka yavuze ko yavuze, canke ico umuntu munaka avuga ko yashatse kuvuga, ariko n’ivyo amabande avuga.

Canke, ugiye kujana na Kora na Datani, kandi bo bavuga bati, “Si we muntu yera wenyene. Abandi bantu bahamagariwe gukora ibi bintu yakoze. Mushimikira cane rwose ku muhanuzi w’Imana. Mpwemu Yera Araturongora ubu. Iki ni igihe gitandukanye”.

Raba, muri muri umwe muri iyo migwi. Uko mumeze ubu nyene, uko ubwenge bwanyu bumeze ubu, yuko, mwebwe ng’aha muri iri koraniro riboneka, na mwebwe muzoba muri mw’ikoraniro ritaboneka ry’iyi bande, uko ubwenge bwawe buzoba bumeze umaze kwumviriza iyi bande, bikwemeza umugwi urimwo. Bikubwira neza na neza aho uri, namba uri uwizera Ijambo kandi uzogumana na Ryo, namba uzosohoka, canke uzimya iyo bande.

Izina ry’Umwami Rishimwe, turi ABIZERA b’inkomoko, atari umuntu munaka yemejwe n’uwundi muntu munaka; atari n’ikindi kintu kinaka, ariko Mpwemu Yera Yaduhishuriye Ijambo ubwaRyo. Tubona Ijambo Rishizwe ahabona, Ryemejwe kandi Rigaragajwe.

Dushirwa ku gipimo hamwe n’ibigeragezo, amabarabara y’umukungugu, n’izuba ryaka cane ry’uguhamwa, ariko ubwizigirwa bw’imitima yacu bukubika ivyo bikoresho vy’Ijambo. Ubu turiteguye kwinjira muri iyo foroma. Turi abana b’Imana, twakozwe neza kw’ Jambo raYo. Turi uburorero buzima, kandi Ijambo ry’Imana Riba muri twebwe. Ibigeragezo biza kutunyiganyiza, kudushira hasi rwose, kugira ngo tubone aho turi. Ariko ntidushobora kunyiganyiga, duhagaze kw’Ijambo Ryose.

Umviriza mu gihe Akubwira uwo uri we.

Nuko mwibuke gusa ko igice cose canyu cari hano, igihe Imana Yavuga ngo isi ibeho. Yashize umubiri wawe hano neza ico gihe. Kandi ntakindi kintu gishobora kuwutwara atari Imana.

Nta na kimwe gishobora kuBigukurako. Nta n’umwe ashobora gutwara ikibanza cawe naho woba mutoya gute. Uvuga uti, “Ndi umugore wo mu hira gusa.” Nta n’umwe ashobora gutwara ikibanza cawe! Imana, mu butunzi bwaYo buhambaye, Yashize Umubiri wa Kristo mu rutonde, gushika aho ata n’umwe ashobora gutwara ikibanza cawe.

Imana Ishimwe… Haleluya… Kwumviriza Imfungurwa z’Imana Zabitswe bigenda nyene birushiriza kuba IBIHAMBAYE. Uko turushiriza kwumviriza Imana Ivugira mu ntumwa yaYo Yatoranije itubwira abo turi bo, ni ko Ukwizera kwacu kurushiriza kuba kuniniya. Umunezero utagira agasembwa wo kumenya ko :
• Turi “ABIZERA B’INKOMOKO”
• Turi “UMWE MURI BO”
• Turi “UMUGENI”

Ndipfuza KUBATUMIRIRA GUFYONDA MUKAVUZA hamwe na nje, Branham Tabernacle, n’igice c’Umugeni wo kw’isi yose isasita, kw’isaha y’i Jeffersonville (isaha icuumi na zibiri ku mugoroba kw’isaha y’i Burundi), mu gihe tuzoba dukoranye kuva mu Buseruko, Uburengero, Uburaruko n’Ubumanuko kwumviriza : Ubwoko Butatu bw’Abizera, Ubutumwa bwavuzwe kw’igenekerezo rya 24 munyonyo ku mugoroba, umwaka wa 1963. Ibi ni vyo Mpwemu Yera Aturongorera gukora. Uyu ni umugambi w’Imana.

• Fyonda Uvuze : Ibande iyo ari yo yose Imana Igushize ku mutima.
• Fyonda Uvuze : Wumvirize igihe ico ari co cose uhisemwo.
• FYONDA UVUZE : Ni bwo ubutumwa bwanje kuri mwebwe.

MweneData Joseph Branham.

Ivyanditswe vyo gusoma :
Yohana 6:60-71.

22-0703 None Yesu Yitwa Kristo We Ndamugire Nte?

Ubutumwa: 63-1124M None Yesu Yitwa Kristo We Ndamugire Nte?

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Nkukuma
Ni muze dukoranire hamwe hanyuma twumvirize ubutumwa bwavuzwe itariki 24/11/1963mu gitondo- None Yesu Yitwa Kristo We NdaMugire Nte ? kuri uyu w’iyinga isaha zitandatu kw’isaha ya jeffersonville (isaha cumi na zibiri zo ku mugoroba kw’isaha yo mu Burundi)

MweneData Joseph Branham.

22-0529 Ukwizera Gushitse

Ubutumwa: 63-0825E Ukwizera Gushitse

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ukwizera Gushitse,

Ubugira kandi, mbona ko bidashoboka gushira mu majambo ico ubu Butumwa, amakete y’Urukundo y’umwihariko y’Imana, yanditswe n’Amaraso yiWe, yavuzwe n’Ijwi ryiWe, Busigura kuri twebwe. Ikindi kintu cose ntaco kivuze. TuraMukunda kuva ibwina mu mutima wacu kandi Vyaduhaye Urukundo Rushitse rwaYo. Nta na kimwe gishobora kudukura kuri iryo Jambo. Nta kundi kunyurwa mu buzima bwacu nko kuMwumviriza Avugana natwe nk’Umugenzi ku mugenzi.

Nta n’ubwo ari twebwe, ni We Aba muri twebwe, Yihamagara ubwaYo. Ni ubwina buhamagara ubundi bwina. Umunezero mwinshi wo gufyonda tukavuza no kwumviriza Imana Ikoresha ijwi ry’umuntu mu kutubwira, ko turi abatoranijwe baYo. Itubwira ko Idukunda imbere y’itanguriro y’isi; kuko Yamenye ko twoYikunze hamwe n’ivyari muri twebwe vyose, kandi ko twogumye turi abizigirwa kuri Yo no kw’Ijambo ryaYo.

Ico twakeneye cose, Yarakiduhaye. Nta na kimwe kibuze. Yari Ifise Ijambo ryaYo ryanditswe mw’ishusho ry’inyuguti kandi YaraRizigamye imyaka ibihumbi ku buryo Yashobora kutubwira Urukundo rwose rwari mu mutima waYo.

Hanyuma urukundo rwaYo rwabaye n’uruhambaye birushirije kuri twebwe mu gihe Yatubwiye Iti, “Nzoza mu mubiri ubugira kandi maze Mvugane namwe umunwa ku gutwi ku buryo hatazoba ukudatahura, uruzazane, ugukenera insiguro. Nzofata umwanya waNje maze Ngaragaze Urukundo rwaNje kuri mwebwe, kandi muzoshobora kurwumva musubire murwumve mwongere murwumve ubugira kandi. Nshaka ko mumenya, ko Data Ari muri Jewe, Ndi muri mwebwe, muri muri Jewe, turi UMWE. Umubiri wanyu ni Umubiri wanje, igufa ryanyu ni Igufa ryaNje, impwemu yanyu ni Mpwemu YaNje.

Nzobabwira ibiri mu mutima waNje vyose ido n’ido. Nzobigaragaza neza ku buryo muzomenya ata gukekeranya, ko Amajambo Nanditse kandi Navuze ari Ayanyu, kandi Ntazokwigera Atsindwa.

Nzobaha Ukwizera Gushitse, kandi Kuzoba Umutware w’ibishika vyose. Ico umwansi avuga cose, Kuzokiganza mu gihe mufise Ukwizera Gushitse muvyo Ijambo Rivuga ko muri. Ico umwansi agerageza kubabwira, nta n’ubwo mumwumviriza. Amatwi yanyu yarapfuye ku kindi kintu ico ari co cose kiretse ico Mpwemu Wanje Yamaze kubabwira. Kimase mu mitima yanyu, kandi nta na kimwe kizokwigera kibatuma muva kuri ivyo.

Ukwo Kwizera Gushitse dufise mu kumenya ko ubu Butumwa ari Uko Niko Uhoraho Agize, dushira uko KWIZERA GUSHITSE nyene kw’isezerano ryose Yatubwiye ko ari iryacu mw’Ijambo ryaYo. Namba turwaye kandi dukeneye ugukira, ni iryacu. Namba dukeneye ico ari co cose, dushobora kukironka, kuko twabaye abasizwe na Mpwemu WaYo. Turi ba mesiya baYo basizwe b’igihe c’iherezo, berekana ukuzuka kwa Yesu Kristo.

Ni ikintu c’urukundo mu gihe Yisutse ubwaYo muri twebwe. Twacitse Umwe hamwe na Yo kubw’ariya Mazimano y’Ubukwe Ahambaye. Mpwemu Wayo Ari ng’aha hamwe natwe no muri twebwe. Dufise ikintu kimwe gusa co gukora, ni ukuvyizera, ni ukuvyakira.

Ntituri intumwa mumarayika w’indwi waYo, ariko turi abahungu n’abakobwa baYo. Ibiganza vyacu ni Ibiganza vyaYo. Twizeye ibivugwa kw’ibande ko ari Uko Niko Uhoraho Agize. Ni Ijambo Rizima.

Umuhanuzi waYo ni umwungere wacu. Mu gihe twumviriza Ijambo Ryafashwe kw’ibande, twizera ko ari Imana Ivugana natwe Idaciye ku ruhande. Dufise Ukwizera Gushitse kwo kuvyizera.

Mu gihe dukoraniye hamwe kw’isi yose kugira ngo twumvirize Imana Ivugana natwe mu nzira y’umuhanuzi waYo, ukwizera kwacu kurushiriza kuduga kwongera kuduga mu gihe Imana Ishira Umugeni Wayo hamwe kw’Ijambo ryaYo Ryagaragajwe.

Ejo ntuzosa n’uwundi munsi n’umwe. Tuzofata Ukwizera Gushitse Kwacu Yaduhahe kandi tuzoGushira ku co ari co cose dukeneye, kandi tuzokironka mu gihe Inkingi y’Umuriro Izovugira mu ntumwa yaYo Yatoye kandi atubwira ati :

Murazi ico nabakoreye? Mwanyise, « umwungere wanyu » ; kandi mwavuze ukuri, kuko ndi we. Namba jewe, umwungere wanyu, nashingiwe intahe na Yesu Kristo yuko nkora igikorwa ciWe, rero mwizere Ijambo Ryanje. Mu gukora iki gikorwa c’ukwizera, mu kubarambikako ibiganza, ndirukanye indwara n’imibabaro bibagora. Ni mwizere ibi, kugira ngo mwishurwe imitwaro yanyu, ukwo yoba iri kwose, kuko ibintu vyose bishobokera abizera. Kandi iyo musenga, mwizera ko mwaronse ivyo mwasavye. Kandi ndagerageza kwizera ko nabironse, kandi mu mutima wanje ndakiriye ugukira ukwo ari kwo kwose kwanyu, ndakwakiriye, ivyo vyakoretse. Ndavyizeye, ndavyizeye n’ibiri muri jewe vyose.

Twizera hamwe n’ibiri muri twebwe vyose, ko Ubu Butumwa ari Ijwi ry’Imana, Ryavuzwe, Ryafashwe kw’ibande Ryagaragajwe kandi Ryabikiwe iki gihe. Twizeye ko ico dusaba cose, tuzokironka, kuko ni UKO NIKO UHORAHO AVUZE KO ARI IVYACU.

Ni muze dufatanye ku w’iyinga isasita, kw’isaha y’i Jeffersonville (isakumi na zibiri kw’isaha y’i Burundi) kugira ngo mwakire ico mukeneye cose mu gihe twumviriza umuhanuzi w’Imana atubwira ukuntu twakira : Ukwizera Gushitse, Ubutumwa Bwavuzwe kw’igenekerezo ya 23 myandagaro ku mugoroba, umwaka wa 1963.

MweneData Joseph Branham.


Ivyanditswe vyo gusoma :

Mariko 11:22-26
Mariko 16:15-18
Yohana 14:12
Yohana 15:7
Abaheburayo 11:1
Abaheburayo 4:14
Yakobo 5:14
1Yohana 3:21