All posts by admin5

25-0112 Ivyahishuriwe Yohana Igice Ca Kane Igihimba Ca 3

Ubutumwa: 61-0108 Ivyahishuriwe Yohana Igice Ca Kane Igihimba Ca 3

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi b’Ibihe Bidashira,

Igihe kirageze co gukuraho inkofero yacu y’intambara maze tukambara ivyiyumviro vyacu vya mpwemu, kuko Imana Iriko Iritegurira guha Umugeni waYo Uguhishurirwa kwinshi kw’Ijambo ryaYo.

Izoba Iriko Iraduhishurira amabanga yose ya kahise. Izotubwira ibigiye kuzoba muri kazoza. Ivyo abandi bose bo muri Bibiliya babonye gusa canke bumvise, Izoduhishurira akantu kose k’Ijambo RyaYo n’insiguro yaRyo kuri twebwe.

Tugiye kwumva no gutahura insiguro y’ibimenyetso vyo muri Bibiliya: Ibinyabugingo, Ikiyaga c’Ibirahuri, Intambwe, Inyana, Umuntu, Inkukuma, Intebe y’Imbabazi, Abarinzi, Abakuru, Amajwi, Igikoko n’Igishushanyo caco.

Tuzokwumva kandi dutahure vyose ku bijanye n’abarinzi b’Isezerano rya Kera. Yuda: umurinzi wo mu Buseruko; Efurayimu: umurinzi wo mu Burengero; Reyubeni: umurinzi wo mu Bumanuko; na Dani: umurinzi wo mu Buraruko.

Nta kintu na kimwe cari gushobora kuza aho ari ho hose iruhande y’iyo ntebe y’imbabazi kidaciye kuri iyo miryango. Intambwe, ubwenge bw’umuntu; Inka: inyana y’indogoba ; Inkukuma: Ukwihuta kwaYo.

Ukuntu Ijuru, isi, hagati, n’ahantu hose, bari abarinzi. Kandi hejuru hari Inkingi y’Umuriro. Nta kintu na kimwe cakora kuri iyo ntebe y’imbabazi kidaciye kuri iyo miryango.

Ubu hariho abarinzi b’Isezerano Rishasha: Matayo, Mariko, Luka na Yohana, bagenda batumbera imbere. Irembo ryo mu buseruko ririndwa n’intambwe, irembo ryo mu buraruko ririndwa n’inkukuma iguruka, Yohana, umuvugabutumwa. Hanyuma umuganga wo kuri uru ruhande, Luka, uwo mugabo.

Ubutumwa Bwiza Bune burinda Umuhezagiro wa Pentekote hamwe n’Ivyanditswe vyose kugira ngo Bushigikire neza na neza ivyo bavuze. Kandi ubu Ivyakozwe n’Intumwa bigaragaza uno munsi hamwe n’Ubutumwa Bwiza Bune ko Yesu Kristo ari Wawundi ejo, uno munsi, n’ibihe bidashira.

Iyo uwasizwe w’ukuri w’Imana avuze, ni Ijwi ry’Imana! Dushaka gusa gusemerera tuti, «Uwera, Uwera, Uwera, ku Mwami!»

Nta buryo na bumwe bwo kuRija kure. Mu vy’ukuri, ntidushobora kuRija kure, kuko ntiRizotuja kure. Twashizweko ikimenyetso gushika ku Munsi w’ugucungurwa kwacu. Nta kintu na kimwe co muri kazoza, nta kintu kiriho ubu, ingorane, inzara, inyota, urupfu, canke NTA NA KIMWE, gishobora kudutandukanya n’urukundo rw’Imana ruri muri Kristo Yesu.

Imbere y’ukwo isi iremwa amazina yacu yari yanditswe mu Gitabu c’Ubugingo c’Umwagazi w’Intama kugira ngo tubone UYU MUCO, ngo twakire Iri Jwi, ngo twizere Ubu Butumwa, ngo twakire Mpwemu Yera w’igihe cacu kandi tugendere muri We. Igihe Umwagazi w’intama Yicwa, AMAZINA YACU yanditswe ku Gitabu mu gihe nyene Izina ry’Umwagazi w’Intama Ryandikwamwo. IMANA ISHIMWE!!

Gutyo, nta kintu na kimwe gishobora kudutandukanya n’ubu Butumwa. Nta kintu na kimwe gishobora kudutandukanya n’iryo Jwi. Nta kintu na kimwe gishobora kudutwara Uguhishurirwa kw’iri Jambo. Ni ivyacu. Imana Yaraduhamagaye kandi Iraduhitamwo kandi Iradutoranya. Vyose ni ivyacu, ni ivyacu.

Hari uburyo bumwe gusa bwo kuronka ibi vyose. Utegerezwa kwozwa n’amazi y’Ijambo. Utegerezwa kwumva Ijambo imbere yo gushobora kwinjiramwo. Kandi hari uburyo bumwe gusa ushobora kwegera Imana, ni mu buryo bw’Ukwizera. Kandi Ukwizera kuzanwa n’ukwumva, ukwumva Ijambo ry’Imana, kwerekanywe kuva k’Uwera w’abera kuja mu ntumwa y’igihe.

Rero, ngaha, umumarayika w’igihe c’ishengero ariko arerekana muri ayo mazi uyu Mugabo uwo ari we hano, yerekana imbabazi ziWe, Amajambo yiWe, urubanza rwiWe, izina ryiWe. Vyose vyerekanwa hano aho mutandukanijwe n’ukuvyizera. Murabitahura?

Ntuhagarike kwumviriza amabande, gumana nayo gusa. Birondere mw’Ijambo maze murabe namba ari ukuri. Ni Inzira Imana Yatanze y’iki gihe.

Muze mwifatanye natwe muri kino gihe c’ubukanyi mu gihe tuzoba turi hamwe kw’isi yose maze twumvirize Ijwi Ry’Imana Rihishura Ijambo RyaYo ku Mugeni nk’uko bitigeze biba mbere. Nta gusigwa guhambaye kuruta gufyonda tukavuza maze tukumviriza Ijwi RyaYo.

Bivuye ibwina mu mutima wanje ndashobora kuvuga nti: Ndanezerewe cane ko nshobora kuvuga ko ndi Umwe muri Bo n’umwe wese muri mwebwe.

MweData Joseph Branham.

Ubutumwa: 61-0108 “Ivyahishuriwe Yohana, Igice ca kane Igihimba ca III”

Igihe: Isaha zitandatu ku mutaga kw’isaha ya Jeffersonville (Isaha imwe yo mw’ijoro mu Burundi).

25-0105 Ivyahishuriwe Yohana Igice Ca Kane Igihimba Ca 2

Ubutumwa: 61-0101 Ivyahishuriwe Yohana Igice Ca Kane Igihimba Ca 2

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni Shengero Ryo Muhira,

Reka dukoranire hamwe twese hanyuma twumvirize Ubutumwa, 61-0101 Ivyahishuriwe Yohana Igice ca Kane Ikigabane ca II uno w’iyinga isaha zitandatu zo ku mutaga kw’isaha ya Jeffersonville (isaha imwe yo mw’ijoro mu Burundi).

MweneData Joseph Branham

24-1231 Ukunyinyurana – Ingaburo Yera

Ubutumwa: 62-1231 Ukunyinyurana

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mugeni Mukundwa,

Nizigiye ko umwe wese muri mwebwe yagize Noheli y’igitangaza hamwe n’abagenzi banyu n’umuryango. Ese ukuntu nkenguruka uyu munsi ku kumenya ko Umwami Wacu Yesu Atari mu bwato bw’inka nk’uko isi iMubona uno munsi, ariko ni Muzima kandi Ari hagati mu Mugeni WiWe, Yihishura ubwiWe mw’Ijwi RyiWe nk’uko bitigeze biba mbere, UMWAMI ASHIMWE.

Nk’uko namaze kubitangaza, nipfuza ko tugira Isangira Ryera irindi rimwe mu mazu yacu/mu mashengero yacu buca ari Umwaka Mushasha, kuwa 31 Kigarama. Ku bipfuza gukora ico gikorwa, tuzokwmviriza Ubutumwa, 62-1231 Ukunyinyurana, hanyuma rero duce tuja mu gikorwa c’Isangira Ryera, ico mweneData azana ku mpera y’Ubutumwa.

Ku bizera bo ng’aha, tuzotangura bande kw’isaha imwe y’ijoro. Ariko, kuri abo baba ahantu h’amasaha atandukanye n’ayacu, ndasavye mutangure Ubutumwa kw’isaha ibabereye nziza. MweneData Branham amaze kuzana Ubutumwa bwiwe bw’ubuca ari Umwaka mushasha, tuzohagarika bande agace ka 59 gaheze (ku munota wa 53:04), maze tugire nk’iminota icumi y’umuziki w’inanga mu gihe dufata Ingaburo y’Umwami. Mu nyuma tuzobandanya bande, mugihe MweneData Branham arangiza igikorane. Kuri iyo bande, ntakora igice c’ukwozanya ibirenge, natwe ntituzogikora.

Amabwirizwa y’ukuntu turonka umuvinyu, n’ukuntu dukora umukate w’Isangira Ryera dushobora kubibona ku mihora iri munsi. Mushobora kuvuza canke kuvoma ijwi ku muhora canke mushobora kuvuza gusa ico gikorane kuri Radiyo y’Ijwi ku muhora wa Lifeline (kizoba kiriko kiravuzwa mu congereza isaha imwe y’ijoro kw’isaha ya Jeffersonville).

Mu gihe twegereje uwundi mwaka w’igikorwa c’Umwami Wacu, tuMugaragarize urukundo mu kubanza kwumviriza Ijwi RyiWe, hanyuma rero dusangire Ingaburo YiWe. Mbega umwanya w’ubwiza kandi w’icubahiro uja kuba mu gihe dusubira gushikana ubuzima bwacu ku Gikorwa CiWe.

Imana Ibahezagire.

MweneData Joseph.

24-1229 Ivyahishuriwe Yohana Igice Ca Kane Igihimba Ca 1

Ubutumwa: 60-1231 Ivyahishuriwe Yohana Igice Ca Kane Igihimba Ca 1

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bera Bambaye Imvune Zera,

Igihe twumviriza Ijwi ry’Imana Rivugana natwe, ikintu kinaka kiraba i bwina mu mushaha wacu. Turahinduka rwose kandi abadukikuje basa nk’abazazanirwa. Ninde ashobora kuvuga ikiriko kiba mu mitima yacu, mu bwenge bwacu, no mu mushaha wacu, mugihe Ijwi ry’Imana Rihishura Ijambo RyiWe ku Butumwa bwose twumviriza?

Nk’umuvugishwa wacu, twiyumva dutwawe mw’ijuru rya gatatu hanyuma impwemu yacu isa nk’iyiva muri uyu mubiri upfa. Nta majambo ahari yo gusobanura ukuntu twiyumva mugihe Imana Ihishurira Ijambo RyaYo twebwe uko bitigeze kubaho.

Yohana yatwawe ku kizinga Patimo hanyuma asabwa kwandika ivyo yabonye no kubishira mu gitabu citwa Ivyahishuriwe Yohana, kugira bize bitangwe mu bihe vyose. Ayo mabanga yari yarahishijwe kugeza aho yahishurirwa twebwe biciye mu marayika ntumwa w’indwi waYo yatoranijwe.

Nuko Yohana yumvise ryaJwi nyene hejuru yiwe hanyuma atwarwa mw’ijuru rya gatatu. Rya Jwi Ryamweretse ibihe vy’ishengero, ukuza kw’Abayuda, ugusukwa kw’ivyago, Izamurwa, Ukugaruka, Inganji y’Imyaka Igihumbi, hamwe n’Ahantu Hahoraho Hazoba abacunguwe baYo. Yaramutwaye hanyuma yereka mbere ibintu vyose Yohana nk’uko Yavuze ko Yobikoze.

Ariko ninde Yohana yabonye igihe yabona imyiteguro? Nta numwe vy’ukuri yabimenye kugeza uno munsi.

Ikintu ca mbere yabonye mu kugaruka yari Mose. Agereranywa n’abera bapfuye bazozuka, ibihe bitandatu vyose bisinziriye. Kandi si Mose wenyene yari ahagaze hariya, ariko Eliya yari hariya nawe.

Uwo Eliya yari ahagaze yari nde?

Kandi Eliya yari hariya; intumwa y’igihe ca nyuma, ari kumwe n’umugwi wiwe, w’abahindutse, Abazamuwe.

IMANA ISHIMWE… HALELUYA… ninde Yohana yabonye ahagaze hariya? Ntawundi atari intumwa mumarayika w’indwi w’Imana, William Marrion Branham, hamwe n’UMUGWI WIWE WAHINDUWE, WAZAMUWE… UMWE WESE MURI TWEBWE!! Eliya yagereranywa n’umugwi wahinduwe. Mwibuke Mose yabaye uwa mbere,hanyuma hakurikira Eliya. Eliya yategerezwa kuba intumwa y’igihe canyuma, kugira we n’umugwi wiwe bazuke… baze… neza, haze Izamurwa, ndavyibaza. Mose yazanye ukuzuka, hanyuma Eliya azana umugwi Wazamuwe. Kandi, bose bari baserukiwe neza hariya.

Tuvuge kuvy’ugukurwako umwitwikiro, uguhishura, n’Uguhishurirwa.

Ng’uyu! TuraMufise ubu, Mpwemu Yera, Yesu Kristo, wawundi nyene ejo hahise, uno munsi, n’ibihe bidashira. Uri… Arakubwira Ubutumwa, Arakwigisha, Agerageza gutuma ubona iciza n’ikibi. Ni Mpwemu Yera ubwiWe Avuga Akoresheje iminwa y’umuntu, Akora mu bantu, Agerageza kwerekana imbabazi n’ubuntu.

Turi Abera Bambaye Imvune Zera umumarayika waYoyabonye Baza bava mu mihingo yose y’isi kugira barye Umutsima w’Ubugingo. Dufitaniye amasezerano kandi twashingiwe kuri We kandi twarumvise ukudusoma kwiWe kw’ukuresha mu mutima wacu. Dufise isezerano na We, hamwe n’Ijwi ryiWe Ryonyene. Ntitwigera, kandi ntituzokwigera twiyononesha irindi jwi iryo ari ryo ryose.

Umugeni Ariko Aritegurira kujanwa nk’uko Yohana yakoze; mu Nyonga h’Imana. Tuzozamurwa kw’Izamurwa ry’Ishengero. Ese ukuntu ivyo biryohera umushaha wacu!

Ni iki Agiye Kuduhishurira Ubukurikira?

Imanza; akabuye ka simaragido; hamwe n’ico kagereranwa; ico kakoze. Yasipi, hamwe n’ayandi mabuye yose atandukanye. Azobihera vyose muri Ezekiyeli, hariya mw’Itanguriro, na hariya mu Vyahishuriwe Yohana, ukagaruka hagati ya Bibiliya, abishire hamwe; ayo mabuye yose atandukanye n’amabara.

Ni wawundi Mpwemu Yera nyene, ya Mana nyene, yerekana vya bimenyetso nyene, vya ibitangaza nyene, Ikora vya bintu nyene nk’uko gusa Yabisezeranye. Ni Umugeni wa Yesu Kristo Witegura mu kwumviriza Ijwi ryaYo.

Turabatumiye kwiyunga natwe mu gihe twinjira ahantu ho mw’ijuru isaha cumi na zibiri zo ku mutaga, isaha ya Jeffersonville ( isaha imwe yo mw’ijoro mu Burundi), kwumviriza Eliya, intumwa y’Imana muri kino gihe canyuma, ahishura amabanga yari yaranyegejwe mu bihe vyose.

MweneData Joseph Branham

Ubutumwa: 60-1231 Ivyahishuriwe Yohana Igice Ca Kane Igihimba ca 1

• Mwibuke Ubutumwa bwacu bw’Umwaka Mushasha, kuwa kabiri mw’ijoro: Ukunyinyurana 62-1231. Nta bundi buryo bwiza bwo gutangura Umwaka Mushasha.

24-1208 Igihe c Ishengero ry i Lawodikiya

Ubutumwa: 60-1211e Igihe c Ishengero ry i Lawodikiya

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

24-1201 Inkumi Cumi, N’ Abayuda Ibihumbi Ijana Na Mirongo Ine Na Bine

Ubutumwa: 60-1211m Inkumi Cumi, N’ Abayuda Ibihumbi Ijana Na Mirongo Ine Na Bine

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

24-1124 Igihe C Ishengero Ry I Filadelufiya

Ubutumwa: 60-1210 Igihe C Ishengero Ry I Filadelufiya

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

24-1117 Igihe C Ishengero Ry I Sarudi

Mesagj: 60-1209 Igihe C Ishengero Ry I Sarudi

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bantu ba Bande,

Ese ukuntu twishimiye kwitwa « Abantu ba Bande ». Imitima yacu iragurugumba n’umunezero buri yinga tuzi ko tuzohurizwa hamwe kw’isi yose mu kwumviriza Ijwi ry’Imana Rivugana natwe.

Turazi, ata kantu k’ugukekeranya na gatoya, ko turi mu Bugombe bw’Imana butunganye mu kugumana n’Ijambo ryaYo; kwumviriza Ijwi ryaYo biciye ku ntumwa mumarayika w’indwi waYo w’inkomezi.
Intumwa Yatoye w’igihe cacu ni William Marrion Branham. Ni itara ry’Imana kw’isi, rimurika umuco w’Imana. Iriko Irahamagara Umugeni w’Ijambo ryaYo Ritagira agatosi Yatoye biciye ku mumarayika waYo.

Mu kwiga twitonze Ijambo RyaYo, Yaraduhishuriye muri Mpwemu Yera wiwe ko William Marrion Branham ari umumarayika Yatoye ngo amuhe Uguhishurwa n’Ubusuku bw’iki gihe cacu. Turabona umumarayika waYo, INYENYERI YACU, mu kuboko kwaYo kw’iburyo mu gihe Imuha ububasha bwiwe bwo guhishura Ijambo RyaYo no guhamagara Umugeni WaYo.

Yaduhaye Uguhishura kwose kwaYo bwite. Mpwemu Yera Yimenyekanisha kuri twebwe biciye mu buzima bw’intumwa mumarayika waYo w’indwi; umumarayika yatoye ngo abe amaso yaYo y’igihe cacu.

Ingene imitima yacu igurumanira muri twebwe mu gihe Itubwira na buri Butumwa ko ari intumbero yaYo yo kutuzana kuri We; ko turi Umugeni Jambo waYo.

Ikunda kutubwira kenshi ukuntu Yadutoranije imbere y’itanguriro ry’isi MURI WE. Ukuntu twamenywe mbere y’igihe kandi twakunzwe na Yo.

Ese ukuntu dukunda kuYumva Ivuga kandi Itubwira ko twacunguwe n’Amaraso yaYo kandi ko tudashobora NA RIMWE kucirwako iteka. Ntidushobora kwigera tuba mu rukinja, kuko icaha kitashobora kuduharurwako.

Ukuntu tuzokwicarana na Yo mu gihe Izofata intebe y’ubwami yaYo yo kw’isi ya Dawidi, maze tukaganzana na Yo; nk’uko Yabigize mw’ijuru, Ifise inkomezi n’ububasha kw’isi yose. Ibipimo n’ibigeragezo vy’ubu buzima bizosa nk’aho ata co bimaze ico gihe.

Ariko kandi yaratugabishije ukuntu dutegerezwa kwiyubara. Ko mu bihe vyose iyo mizabibu ibiri yakuze yegeranye. Ukuntu umwansi yama ari hafi cane; ahendana cane. Mbere na Yuda yari yatowe n’Imana, kandi yigishijwe mu kuri. Yarasangira ubumenyi bw’amabanga. Yari afise ubusuku bw’inkomezi yahawe kandi yarakiza abarwayi akongera akirukana amadayimoni mw’Izina Rya Yesu. Ariko ntiyashobora kugenda inzira yose.

Ntushobora kujana n’igice gusa c’Ijambo, utegerezwa gufata Ijambo RYOSE. Hariho abantu basa n’abagira uruhara mu bintu vy’Imana hafi ijana kw’ijana, ariko si ko biri.

Yavuze ko bitari bihagije ko Yifatanije ubwaYo n’ishengero ryose, canke mbere n’ubusuku bw’ibikorwa bitanu vy’Abanyefeso kane. Yaratuburiye ko mu gihe cose ishengero rizimira, kandi si abakristo basanzwe gusa ariko n’umugwi w’abakuru b’idini — abungere barihenda nk’uko intama zihenda.

Rero kubera impanuro ntabanduka y’ubugombe bwaYo bwite, Yariyiziye ubwaYo ku rubuga mu gihe cacu nk’Umwungere Mukuru mu gikorwa c’intumwa mumarayika waYo w’indwi kugira ngo Isubize abantu baYo mu kuri no mu nkomezi nyinshi z’ukwo kuri.

Iri mu ntumwa yaYo kandi uwogira ukunengesera kw’Imana yokurikira iyo ntumwa nk’uko iyo ntumwa iyobokera Umwami mw’ijambo ryiWe.
Ndashaka kugira ukunengesera kw’Imana no gukurikira intumwa yaYo. Gutyo, kuri twebwe, Branham Tabernacle, uburyo bwonyene bwo gukurikira intumwa uko ikurikira Umwami mw’Ijambo ryiWe, ni UGUFYONDA TUKAVUZA maze tukumva Ijwi ry’Imana Ritagira agatosi Ritubwira amajambo y’ukutihenda.

Ntidutegerezwa gukeka canke gusuzuma ivyo twumva, dutegerezwa gusa Gufyonda Tukavuza tukizera Ijambo Ryose turiko turumviriza.
Narumvise mweneData Branham avuga amajambo akurikira mu gitondo kimwe kw’iradiyo y’Ijwi. Igihe naRyumva, vyaje mu mutima wanje ko ari uko nyene jewe / twebwe twiyumva mu kuvuga ngo:

TURAFYONDA TUKAVUZA TUKUMVIRIZA AMABANDE.

Vyumvikana nk’itangazo ry’Ukwizera kwacu kuri jewe.
Ni yo mpamvu nizera ubu Butumwa, ni ukubera Buva mw’Ijambo ry’Imana. Kandi ikintu cose kiri hanze y’Ijambo ry’Imana, sindacemera. Vyoshobora kuba uko, ariko n’ubu nzogumana gusa n’ivyo Imana Yavuze, kandi rero menye neza ko ndi mu kuri. Rero, Imana irashobora gukora ivyo Ishaka. Ni Imana. Ariko igihe cose nzogumana n’Ijambo ryaYo, rero nzomenya ko ari vyiza cane. Nizera ivyo.

Imana Ishimwe, yabivuze mu buryo BUTUNGANYE. Ibindi bikorwa vy’Imana vyose vyoshoboka, kuko Imana Ishobora gukora ivyo Ishaka, hamwe n’uwo Ishaka, Ni Imana. Ariko igihe cose nzoba ngumana n’Ijambo ryaYo, Ijwi RyaYo, Ayo Mabande, rero nzomenya ko vyose ari vyiza. Nizera ivyo.

Ndazi ko benshi basoma amakete yanje ntibatahure neza ivyo mvuga n’ivyo nemera ko ari Ubugombe bw’Umwami kw’ishengero ryacu. Ese nosubira kuvuga mu kwicisha bugufi nk’uko umuvugishwa yabivuze ati: «Aya makete agenewe ishengero ryanje gusa. Abo bipfuza kwita Ihema rya Branham ishengero ryonyene. Abo BIFUZA KUMENYWA NO KWITWA ABANTU B’AMABANDE”.

Niba mutemeranya n’ivyo mvuga kandi nizera, ivyo ni vyiza 100% beneData. Amakete yanje ntagenewe mwebwe canke ngo arwanye mwebwe canke amashengero yanyu. Ishengero ryawe ririgenga kandi utegerezwa gukora uko wumva urongowe gukora, ariko bijanye n’Ijambo, rero ni ayanyu, kandi ibi ni vyo twizera ko ari inzira Imana Yaduhaye.

Bose bama batumiwe kwifatanya natwe buri musi w’iyinga isaha zitandatu ku mutaga, isaha ya Jeffersonville. Iri yinga, Inyenyeri y’Imana y’igihe cacu, William Marrion Branham Azotuzanira Ubutumwa, Igihe c’Ishengero c’i Sarudi, Bwavuzwe kw’igenekerezo rya 9 kigarama, umwaka wa 1960.

MweneData Joseph Branham.