Balingami Bandeko Bana mboka Ya Bokonzi,

Pasika oyo ezali kolaka ete ekozala Pásika monéne koleka oyo Mwasi ya libála azuá ndèle. Tozalaki kofanda kati ya Bozali ya Mwana, kotela, koyeba baoyo Ezali bisó. Litóndí ya Yesu Klisto ezali komónisama kati ya moko na moko na bisó lokola Liloba na Ye, Mongóngó na Ye ezali kogánga, longwá na Mpongo kino mpongo, kobiánga bisó kobima tókende na Lipati ya bisó ya Libála.

Mbúla na mbúla na ntango oyo Mwasi ya libála azalaka kati na kozila na etíngiá monéne ya boyéi ya nsúka ya póso ya Pásika. Ntango moko oyo Akosangisa bisó longwá na mokili mobimba mpo ya mikolo minei ya bokóbi, kokúmisa Ye, kotóndo Ye, kosánzola Ye; zambí Asékwí mpe Azali kobíka kati ya moko na moko na bisó. Mobali ya libála mpe Mwasi ya libála bazali kokóma MOKO.

Azali kopesa bisó ntango Godi oyo kokanga mpenza makambo nyoso ya mokili zingázingá na bisó mpe káka kolekisa ntango elongó na Ye. Makambo ya mokili oyo te kobénda bokébi na bisó, lokola tozali kokela mokili mwa bisó moko elongó na Ye. Kokanga bikuke ya bisó, kokanga bisáleli ya bisó nyoso ya nsinga mpe ya mipepe mpe eloko mosúsu ata nini ekobéndaka bokébi na bisó mosiká na Ye.

Pósá monéne koleka moko na moko na bisó azali na yango ezali kobélema na Ye na koleka. Tolingi kobíka bomoi bobónzameli Ye koleka; kozala ntango nyoso kati ya Mokáno mwa Ye mobongí be. Komíléngele mpo ya koya na Ye. Ezali na eloko moko te kati ya mokili oyo, to kati na bomoi na bisó, ézala na litómbá koleka oyo.

Apési bisó libakú malamu godi oyo kolekisa káka ntango elongó na Ye, koloba mpe kobánza likoló na Ye. Kokóta kati ya bozali na Ye mpe kofungwela Ye mitéma mia bisó. EKOZALA NDE YA KOBÓNGOLA BOMOI MPO YA MWASI NA YE YA LIBÁLA!

Ayebi ete ekokí kozala kpókósó mpo ya bókó na bino na bana, libota, mpe mikúmbá misúsu tozali na yango, kasi soko tokosálela Sékónde moko na moko ya nsómí tozali na yango koloba na Ye, kobéndama pene na ye koleka,  kofungola mitéma mia bisó epai na Ye, Ekozala nde na mbóngwáná moko ya ndenge wana kati ya kotámbola ya bisó elongó na Ye, kino tokozala lisúsu lolengé moko te.

Lokola esáláki Ye na mikolo ya Mose wana eyéisáki Ye bana na Ye kati na ba ndako ya bango, Makilá mapakólamákí mpe bazalakí komíléngele mpo ya kobima ya bango; bongo mpe nde nsúka ya póso oyo ya Pásika godi ebongisi Ye ekozala mpo ya moko na moko na bisó.

MOKOLO MWA MINEI

Ezalaki mokolo mwa Minei na mpókwa nde Nkoló Yesu azuákí Elámbo ya nsúka elongó na bayekoli na Ye, kati ya ekaniseli ya Elekeli libosó ya kobima ya bana ya Yisalaele. Libakú malamu nini oyo tozali na yango kosangana elongó na Nkoló kati ya ba ndako na bisó, libosó ya nsúka ya póso ya bisó mosanto, mpe kosenga Ye álimbisa bisó na masúmu ma bisó, mpe ápesa bisó nyoso tosengeli na yango kati ya mobembo na bisó.

Tata na Likoló, tozali na matóndí mpo na oyo, ntango mosúsu koyanganisama elongó, ngámbo oyo ya Sekó na Sékó. Mpe tozali koluka na ntóngó oyo nguya ya sika koúta epai na Yo, kopesa bisó mpiko mpo ya mobembo mozali libosó. Toyangani pelamókó bana ya Baebele basalákí na ntá ntóngó nyoso, kolokota máná mapesámélaki bango kati ya butú, kobatela bango kati ya mokolo mozalaki koya. Toyángani mpo ya Máná ya molimó, na ntóngó oyo, kopesa bisó makasi mpo ya mobembo.

Tika ete banso tóbanda na 6:00 nsima ya nzángá na ntango ya mboka ya bino koyóka Elámbo 62-0204, na nsima mosakoli akomema bisó kati ya molúlú ya bisó godi ya Elámbo mpe Kosukwama Makolo na nsúka ya bánde, oyo ekozala koleka na app Lifeline (na Angelé), to okoki komízuela losámbo na Angelé to na nkótá mosúsu na bonyatáká ekanganeli na nsé awa.

MOKOLO MWA MITÁNO

Tika ete tókende na mabóndeli elongó na mabóta ma bisó na 9:00 na ntóngó, na nsima na 12:00 nsima ya nzángá, kobiánga Nkoló ázala elongó na bisó mpe átóndisa ba ndako na bisó na Molimó Mosanto lokola tozali komíbónzela epai na Ye.

Tika ete mitéma mia bisó mízónga na mokolo wana na Kalvari, elekí pene na mbúla 2000, mpe tómóna Mobikisi na bisó akakémí likoló na ekulúsu. Tika ete tókanisa motúya monéne Afútaki mpo ya bisó. Azalaki Mwana ya Nzambe na lisúmu te, kasi Asengélákí konyókwama lokola moto moko te anyókwámá, zambí masúmu ma bisó matiámákí likoló na Ye.

Asengélákí kotinda Ye na ewélo akwéísámí (Bomóní?), zambí azuaki masúmu ma bisó. Mpe Klisto akúfákí, te lokola moyengebene; Klisto akúfakí mosumúki. Bomóní? Klisto atíkálâ kosúmuka Ye moko te, kasi Azuakí masúmu ma bisó likoló na Ye.

 Nsima na 12:30 nsima ya nzángá, tika ete tókangana elongó kati na ba ndako ya bisó koyóka: 57-0419 Bobongi be

Nsima tika ete tókangana elongó kati na libondeli mbala moko alimá nsima ya losámbo, kati na ekaniseli ya bobákami na ekulúsu ya Nkoló na bisó.

MOKOLO MWA PÓSO

Tika ete mbala moko lisúsu banso tósangana kati na libóndeli na 9:00 na ntóngó mpe na 12:00 nsima ya nzángá, mpe tóbongisa mitéma na bisó mpo ya makambo minéne Akosala mpo ya bisó kati na bisó.

Nakoki koyóka Ye koloba, “Satána, yaka awa!” Azali Mokonzi sikawa. Asémbóli lobóko, Asímbí lifungóla wana ya kúfa mpe ya ewélo longwá na pembeni ya lokéto na ye, Atingámísí yango pembeni na Oyo ya Ye moko lokéto. “Nalingí éyebana epai na yo. Osálá bipale ntango molaí mingi. Nazali Mwana Nzambe ya bomoi oyo abótámí na bongondo. Makila ma Ngai mazali naino kotanga na ekulúsu, mpe nyongo efútámí mobimba! Ozali lisúsu na makoki te. Obótólámí nyoso. Pésá Ngai Mafungóla wana!”

Nambísa na 12:30 nsima ya nzángá, tokoya bisó nyoso elongó koyóka LILOBA: 57-0420 Bokundami.

MOKOLO NINI YA KÁFÚ-KAFU oyo ekozala mpo ya Mwasi na Ye ya libála kati ya mokili mobimba.

Nambísa tiká ete tóya elongó kati na libóndeli mbala moko alimá nsima ya losámbo.

MOKOLO MWA LOMÍNGO

 Tiká ete ya libosó tólamuka na ntá ntóngó lokola esáláki Ndeko Branham na ntóngó wana eyákí moníngá na ye moké, mwa ndeke ya tólo motáné, kolamusa ye na 5:00 na ntá ntóngó. Tiká bobélé ete totóndo Nkoló mpo na kosékwisa Yesu longwá na bakúfi:

Na ngonga ya mitáno na ntóngó oyo, moningá na ngai moké na tólo motáné apombwák na lininísa mpe alamúsákí ngai. Eyokanákí lokola nde mwa motéma na ye molingaki kopasuka, na bolobáká, “Asékwí.”

Na 9:00 na ntóngó, tiká tóya elongó mbala moko lisúsu kati na monyolólo na bisó ya mabondeli, kobondela moto mpo na moninga na ye mpe komíbongisa koyóka Mongóngó ya Nzambe.

Na 9:30 na ntóngó, tokoya elongó koyóka Litéya ya bisó ya Pásika: 65-0418M Ezali Kobima Ya Mói.

Na 12:00 nsima ya nzángá, tokotómbola mingóngó na bisó epai na Ye kotóndo Ye mpo ya nguya ekopesaka bomoi.

Na 3:00 nsima ya nzángá, tiká ete mbala moko lisúsu tósangana kati na libóndeli kotóndo Ye mpo na NSÚKA YA PÓSO MALAMU APÉSÍ BISÓ ELONGÓ NA YE MPE ELONGÓ NA MWASI NA YE YA LIBÁLA LONGWÁ NA MOKILI MOBIMBA.

Epai ya bandeko na ngai mibali mpe basi na ngámbo ya bibale minéne, lokola mbúla eleki, Nalingí kobiánga bino bósangana elongó na bisó na ntango ya Jeffersonville, mpo ya ntango nyoso ya mabóndeli likoló ya manáka oyo. Nayebí nde ata ko bongo, ete koyóka bánde mokolo mwa Minei, mwa Mitáno, mpe mwa póso nsima ya nzángá na ntango ya Jeffersonville ekozala kpókósó makasi mpo ya mingi na bino, na bongo bolimbisi bómíyóka nsómí koyóka Matéya wana na ntango ekokí mpo na bino. Nzokande, Nakolinga atako bongo, mpo ya bisó nyoso tókangana elongó mokolo mwa Lomíngo  na 9:30 na ntóngó, ntango ya Jeffersonville, koyóka Litéya ya bisó ya Lomíngo elongó.

Nalingaki mpe kobiánga bino mpe bana na bino ete bózala eténi ya Misálá ya Creations, journaling, mpe biloko ya bobongisi biléi oyo libóta na yo mobimba bokosepela kosála elongó. Tokanisi ete bokolinga yango lokola nyoso ezuí mobóko likoló ya LILOBA tokozala koyóka na nsúka ya póso oyo.

Mpo ya manáka ma nsúka ya póso, nsango likoló ya komíbongisa mpo ya molúlú ya Elámbo, bisáleli bikosengelama na yango mpo ya misálá ya Creations mpe nsango mosúsu, bómóna bikanganelo awa na nsé.

Tiká tókanga ba telefóne ya bisó mpo na nsúka ya póso ya Pásika, longólá sé kozua bilílí, koyóka Eténi Ya Liloba Útá Na Litéya Ya Mokolo, mpe koyóka ba bánde longwá na Table app, Lifeline app, to bikanganelo bikokí kozuama.

Ezali lokúmu ya lolengé wana mpo na ngai kobianga yo mpe libota na yo koya elongó moko na Mwasi ya libála longwá na mokili mobimba mpo na nsúka ya póso etóndí na LOKÚMU, MASÁNZOLI, MPE LOBÍKO YA NZÓTO. Nandimí ezali sóló mpenza nsúka ya póso oyo ekobóngola bomoi na yo mpo ya libélá.

Ndeko Joseph Branham.

Nsango: 65-0221E MELIKISEDEKE OYO AZALI NANI?

• 26-0329 MELIKISEDEKE OYO AZALI NANI?
• 24-0630 MELIKISEDEKE OYO AZALI NANI?
• 22-1204 MELIKISEDEKE OYO AZALI NANI?
• 19-0707 MELIKISEDEKE OYO AZALI NANI?
• 17-1105 MELIKISEDEKE OYO AZALI NANI?

BranhamTabernacle.org

Molingami Mwasi Ya libála Bomoi Ya Sekó,

Nani nde Mongóngó wana mozali koloba na bisó likoló ya ba bánde?

Tokokí bobélé koyéba eyano na motúna wana na nzela ya Emóniseli koúta na Nzambe. Bobélé Mwasi na Ye ya libála oyo abongísamákí libosó nde akokí kozala na Emóniseli wana. Ntina wana, tosengeli koluka-luka na Liloba na Ye kosósola nani nde Alobaki azalaki moto yango: Molimboli sé moko ya Liloba na Ye. Nani nde alingákí kobúka mpe kofungola Bilembo yango Nsambo? Nani nde alingákí kofungola sekelé nyoso ibómbamáki ya Biblia? Nani nde akobiánga kobima mpe kokamba Mwasi na Ye ya libála? Nani nde akozala na Mongóngó mozángí kokwéa?

Kokokana na Liloba, ezali moto mosúsu te longólá sé Melikisedeke Ye moko. Moto na tatá te soko na mamá te, Oyo azalaki na ebandeli to nsúka ya mikolo te. Nzambe, oyo akómákí mosuni mpe aliákí mosuni mpe lípa ya masángó, amelákí míliki ya mwá ngai, mpe Alobákí na Abalayama. Azalaki moto na bomoto, kobíka kati ya mosuni ya moto.

Liloba yango moko elobákí ete Melikisedèke yango, Moto yango, bomoto yango, akobika mpe komímónisa lisúsu kati na mosuni ya moto bobélé lokola esáláki Ye na Abalayama, nambísa mbala moko lisúsu kati na Yesu Klisto; kasi lelo, kati ya mwanje na Ye ya nsambo motíndami ya Emóniseli 10:7.

Molimó na Ye mokozíkisa héma wana ya mabelé na ntina ete Ákoka koloba mpe komímónisa epai ya Mwasi na Ye ya libála. Nzambe Ye moko kobika mpe koloba kati ya mosuni ya moto. Mombóto na Ye ya libosó ezóngisámí ekómí na kokémba mobimba. Etandelo mobimba ya Nzambe esí ekómákí; Nzambe na moto bazalaki Moko. Nzambe azalaki koloba mbebu na litói na Mwasi na Ye ya libala lokola esálákí Ye na Abalayama.

Ayaki na kati mpe abíkáki kati na yango, kati na Moto ya Melikisedeke, na nsima toyókáki lisúsu na ntina ya Melikisedeke te pámba te Akómákí Yesu Klisto, Melikisedeke, azalakí Nganga kasi akómákí Yesu Klisto, sikawa, olekákí mosiká na yango, zambí kati na lolengé wana Ayébákí maksambo nyoso, nde otikálá koyeba yango naino soko moké te.

NAINO TE…!! Nde tozali ba nani?

Míso ma bisó, litongi na bisó, eloko sé eloko ezalákí bisó, tozalaki kati ya makanisi ma Ye na ebandeli. Libosó ndèle Mwanje, monzóto, Kelúba, to elóko ata nini ézala. Akanísákí yango, Alobákí yango, mpe bisó oyo awa.

Yango nde kozánga nsúka. Tokoki kosósola yango te kati na makanisi ma bisó, kasi ezali Nzambe, Nzambe, kozánga nsúka!

Nzambi tozalaki kati na Ye na ebandeli, nini nde ezali kokómela bisó nsima ya bomoi oyo ya kufa awa na mabelé kokóma na nsúka?

Ntango mokóto oyo ya mosuni mokwéi, ezali na nzóto ya mokili, nzóto ya molimó, nzóto oyo esálémí na mabóko te, sokí te ete ebótámí na mwasi, oyo tozali kokende na yango. Nsima nzoto yango ezóngí mpe ememí nzóto ya nkémbo.

Makambo nini ya bikámwa mazali kati ya ebómbelo mpo ya Mwasi na Ye ya libala. Bótala oyo ezali kosálema sikawa mpenza wana ezali Ye komónisa Liloba na Ye epai ya bisó lokola libosó naino soko moké te. Bétá lisoló ya mokandá ya bolingo epai ya Mwasi na Ye ya libála! Mokolo nini oyo tozali kobíka kati na yango.

Tozali na Emóniseli mpe toyebi ezali Melikisedeke, Mongóngó ya Nzambe, koloba na bisó likoló ya ba bánde. Tozali na Emóniseli ezali Mokáno mwa Nzambe mopesámí mpe mobongí be mpo ya lelo.
Na bongo, toYEBÍ BAOYO EZALI BISÓ MPE TOZALI MWASI NA YE YA LIBÁLA.

Emoniseli yango ezali koyá monéne koleka mpe koleka lisúsu mokolo na mokolo. Mokolo moko na moko mozali koleka mozali komemela bisó esengo mingi koleka, Emóniseli mingi koleka. Mwasi ya libála azali komíléngele na bofándáká kati na bozali ya Mongóngó na Ye, lokola Azali koyebisa Bisó Tozali ba nani, boni Alingí Bisó, boni Akoki kozila te kino ekosila Ye kozala elongó na Bisó!!!

Yaka, ómíléngele na 12:00 nsima ya nzángá, ntango ya Jeffersonville, mpo na oyo ebélémí kosálema, lokola tozali koyóka Mongóngó ya Melikisedeke.

Ndeko Joseph Branham

Litéya: 65-0221E “Melikisedeke Oyo Azali Nani?”

Makomi ya kotánga:
Genese Mokapo ya 18
Esode 33:12-23
St. Yoane 1:1
Baloma 8:1
2 Bakolinti 5:1
1 Batesaloniki 4: 13-18
Timote ya libosó 3:16 / 6:15
Baebele 7:1-3 / 13:8
Emóniseli 10:1-7 / 21:16

Litéya: 65-0221M Libala Pe Koboma Libala

PDF

• 26-0322 Libala Pe Koboma Libala
• 24-0623 Libala Pe Koboma Libala
• 22-1127 Libala Pe Koboma Libala

BranhamTabernacle.org

Molingami Mwasi Ya libála, Oyo alongólámí kati ya basúsu, Aponámí, & Oyo Abongisámákí libosó:

Nakanisi lokola elengé mobali ntango Nazalákí kokóla, komeka kopona bánde moko ya koyóka. Ntango ya kotánga mikonza, Nakanísákí ntango nyoso, Nakoyóka na ngai Libála mpe Koboma Libála te, lokola yango ezali na likambo moko te ya kosála na ngai; bobélé babálani.

Na bongo mokolo moko, ntango Nazaláki koyóka Libála mpe Koboma libála, nde Tata apésákí ngai Emóniseli ya Litéya yango. Kopakolama na Ye eyákí na kati ya motéma na ngai. Azali kosolola na ngai. Litéya oyo Ezali mpo na ngai. Azali koyebisa ngai Aponáki ngai libosó ya bozalisi ya mokili. Oyo nde Molúlú ya lipati na ngai ya libála. Nalingi moto mosúsu te bobélé Ye. Nazali sembo mpe Natiélí Ye motéma, mpe Liloba na Ye, mpe Mongóngó na Ye, KAKA. Tozali MOKO.

Ya solo Litéya oyo ezalaki mpo na mingi ya bandeko mibali mpe basi baoyo babálánáki mpe sikawa babomí mabála, mpe Ye koyebisa bango nini nde basengélákí kosála; kasi ezalaki na ndimbola MOBIMBA MPE MONÉNE KOLEKA, ya koleka monéne mingi, ya koleka na nguya mingi.

Ezalákí na Mobáli moko, mpe Azalaki kobiánga mpe koloba na Mwasi na Ye ya libála moponami, o boyiké. MONGÓNGÓ YA NZAMBE MOZALAKI KOBIANGA MWASI LILOBA NA YE PETO, MOSEKA OYO ABÉBÍSÁMÍ TE ÁBIMA. Ye oyo naino asímbámá to ayéísámá mbindo na Mobali moko te. Oyo azali sembo mpe atiélí Ye motéma mpe Liloba na Ye káka. Oyo asepelákí na Ye mobimba mpe Mongóngó na Ye.

Na Ngolu mpe Mawa ma Ye, lelo tokoki koloba, na elilingi ya ntembe ata ndambo te, TOZALI MWASI LILOBA NA YE MOSEKA. NKEMBO!!

 Alingákí Ázala na kondimisama ete makambo ya nyámú—nyamu mázala te mpo na oyo etáli kobiánga Mwasi na Ye ya libála, nde ntina Ayákí Yemoko mpe abíkákí kati ya mosuni ya moto komónisa Liloba na Ye mpe kobiánga Mwasi na Ye ya libála epai na Ye moko. Azalaki Eliejèle oyo alingákí komíponela Mwasi na Ye ya libála.

Kosála ete nzela ya bisó kobúlungana ézala te soko nani nde Azalaki kobandana na bisó, Ye Moko mpenza Andimísáki mbeki na Ye eponamákí na bolobáká na ye longwá na mopepe ya kotimbatimba ekakémákí likoló ya nzeté. Nambísa Alobákí na ye polélé-polélé na nsé Kúná likoló ya Ebale Ohio libosó ya nkóto na nkóto.

Asálákí kútu ete elílí na Ye ézuama elongó na ye kotálisa bongo mpe koyebisa molongo, NALOBAKI NA BINO ETE NAKOYA LISÚSU MPE NAKOBÍKA KATI YA MOSUNI. YE NDE OYO NAPONÁKÍ KOBIKA KATI NA YE, KOBIÁNGA BINO KOBIMA ETE BÓZALA MWASI NA NGAI YA LIBÁLA. EZALI YE TE; EZALI NGAI KOLOBA NA NZELA NA YE. NAZALI SÉ KOSÁLELA MONGÓNGÓ NA YE KOZALA MONGOYA NGAI EPAI NA BINO. NGAI NDE NABIÁNGÁKÍ BINO MPE NAZALI KOBONGISA BINO BE KOZALA MWASI NA NGAI YA LIBÁLA OYO ABONGÍ BE.

Emóniseli ya Etindá Oyo, Liloba na Ye, Mongóngó na Ye, mpe sikawa baoyo EZALI BISÓ ezali koleka maloba moto akokí kolimbola. Nayebí ete boyebí mpenza likambo Nazali koloba. Konetolama kati na kondima ezali kosálema. Mwasi ya libála azali komíléngele na bofándáká kati ya bozali ya Nzambe Ye moko, kobongisama be.

Libakú malamu nini oyo mokili mozali na yango koyóka Mongóngó ya Nzambe koloba na bango; kofánda mpe koyóka Liloba na Liloba lokola Azali koloba mpe komónisa Liloba na Ye mpe koyebisa bisó oyo ezali bisó. Ezali na eloko moko te lokola kofanda kati na bozali na Ye, na bongo bóya komíbakisa na bisó mokolo mwa Lomíngo na 12:00 nsima ya nzángá, ntango ya Jeffersonville, lokola tozali koyóka Ye koloba na Mwasi na Ye ya libála, Litéya, “Libála Mpe Koboma Libála” 65-0221M.

Ndeko Joseph Branham

Makomi ya kotánga libosó ya koyóka Litéya:

St. Matái 5:31-32 / 16: 18 / 19: 1-8/ 28: 19

Misálá 2:38

Baloma 9:14-23

Timote ya libosó 2:9-15

Bakolinti ya libosó 7:10-15 / 14:34

Baebele 11:4

Emoniseli 10:7

Genese mokapo ya 3

Lewitiko 21:7

YOBO 14:1-2

Yisaya 53

Ejekiele 44:22

Litéya: 65-0220 Esika Ya Kosambela Oyo Nzambe Aponi

PDF

• 26-0315 Esika Ya Kosambela Oyo Nzambe Aponi
• 24-0616 Esika Ya Kosambela Oyo Nzambe Aponi
• 22-1120 Esika Ya Losambo Eponómi Na Nzambe

BranhamTabernacle.org

Molingami Mamá Yesu Klisto,

Mokolo yango oyo. Ntango yango oyo. Nzambe atíndákí mpongo na Ye ya ngúya na mabelé kobiánga Mamá Yesu Klisto na Ye kobima, koloba na mpe koyebisa Ye, “Yo nde OYO Naponákí. Yo nde OYO Nalingí. Ozali Mwasi Liloba na Ngai moseka Obongí be. Tozali MOKO.”

Bobélé koyóka maloba yango, mitéma ya bisó mizalí kopumbwa na esengo. Kokanisa, kati na mokili mobimba, na ba milió mpe ba milió ya bato na yango, ezali na Mamá Yesu Klisto bobélé MOKO, mpe YO nde Ye, OYO Azali koyéla.

Ezali na esíká ya kosámbela eponámí sé MOKO. Ezali na Etíndá ebongí be oyo eponámí sé MOKO. Ezali na MWASI YA LIBÁLA moponami ABONGÍ BE sé MOKO…MPE BISÓ NDE YANGO!!

Tata azali na esiká ya kosámbela sé MOKO, Nkoló Yesu Klisto; Azali Liloba. Lelo, ezali na esíká sé MOKO epai wapi kúfa ya molimó ekokí kobéta te: nde Liloba. Kúfa ekokí kobéta Liloba te, zambí ezali Liloba ya Bomoi ya Nzambe.

Emóniseli mobimba ya Liloba yango ya Bomoi emónisámeli bobélé Mamá Yesu Klisto. Ezali na esíká sé MOKO eponámi wapi Mama Yesu Klisto akokí kokende mpe koyóka LILOBA LILOBÁMÍ LIBONGÍ BE. Ezali na mosakoli sé MOKO aponámákí kozala Mongóngó ya Nzambe. Ezali na esíká sé MOKO wapi Mamá Yesu akoki kokende mpe koyóka, YANGO ELOBÍ NKOLÓ: KOFINA PLAY.

Pole ekobima na ntango ya pókwa, esiká ya Nzambe sé moko eponámí mpo ya kosámbela. Oo, Etindá oyo ezali koya na nini, Akosála nin? Mpe na mokolo na Ye pole ekobima na ntango ya pókwa, mpe (nini?) Koyamba bana na Ye bázónga na Mboka ya elaká ya solo, na elembo yango moko ya Likonzí ya Móto oyo ekambákí bana ya Yisalaele kati na lisóbé.

Boní nde esengeli na Mwasi na Ye ya libála kozala na bokéngi kolanda mpe koyóka Mongóngó ya Mobáli na Ye koloba na Ye. Ezali na esíká sé MOKO tokokí kokende mpe kozala na kondimisama 100%. Ezali na Mongóngó sé MOKO likoló ya nini tokokí totía Sékó na Sékó ya bisó.

Mamá Yesu Klisto andimaka ete Maloba Ayókaka likoló ya ba bánde ezali Liloba ya Mobali na Ye. Andimaka ete Liloba na Ye lisengeli na ndimbola te. Na bongo, Andimaka ete ezali na esiká sé MOKO epésámí Akoki kokende na yango mpe koloba AMEN na Liloba moko na moko, Mongóngó ya Mobali na Ye likoló ya ba bánde.

Mbala moko lisúsu, Mama Yesu Klisto, longwá na mokili mobimba, akokí koloba, “Lelo oyo, Liloba liye lilobámí, lizalí kokokisama”.

Nzambe Molingami, na nsé Kúná kati ya masóbé Kúná kati ya Tucson, mosiká Kúná kati ya California, likoló Kúná na Nevada mpe Idaho, mosiká Kúná na ngambo ya Ebimelo ya mói mpe zingázingá, na nsé Kúná kati ya Texas; wana mbelá oyo ezali kopésama, bato bafándí na kati—na kati ya masámbo, na bitékelo ya pitoló ya mítuka, ba ndáko, koyóka.

Obiangámí koyá koyóka elongó na Eyánganelo ya Branham na 12:00 nsima ya nzángá, ntango ya Jeffersonville, lokola tozali koyóka Nzambe kosolola na Mwasi na Ye ya libála moponami, Litéya:”Esiká Ya Kosámbela Eponámí Na Nzambe” 65-0220

Ndeko Joseph Branham

Makomí: Dutelonóme 16: 1kino 3.

Litéya: 65-0219 Lelo Oyo Likomi Oyo Ekokisami

PDF

• 26-0308 Lelo Oyo Likomi Oyo Ekokisami
• 24-0609 Lelo Oyo Likomi Oyo Ekokisami
• 22-1113 Lelo Oyo Likomi Oyo Ekokisami
• 19-0616 Lelo Oyo Likomi Oyo Ekokisami

BranhamTabernacle.org

Molingami Mombóto Ya Bokonzi Ya Likoló Koleka,

Ntango totáléláki mpe tozilákí na etingia monéne yango oyo awa. Tosilí tokómí. Tomóní yango kozipolama libosó ya míso ma bisó. Mokolo na mokolo lisakoli lizali kokokisama, mpe tokoki koloba: LELO OYO LIKÓMÍ LIYE LIKOKISAMI LIBOSÓ YA MÍSO MA BISÓ.

Kolamukisa nini oyo na nzela ya Emóniseli ezali kosálema na Mwasi ya libála. Na Litéya moko na moko tozali koyóka, tozali koyóka kati na mitéma mpe bomoto na bisó, “Boni nde ekokí kozala na makokí ya ézala monéne koleka mpe na bikamwa mingi, Nkólo?” Na mbísa Ayéi kati na bisó mbala moko lisúsu mpe Apakólí bisó lokola tozali koyóka Mongóngó na Ye kobiánga bisó mpe koloba, “Bozali Ba ngai ba motéma. Naponaki bino kozala Mwasi na Ngai ya libála. Lokola Nalakákí bino, Nazali koya mpo ya bino. NAzali na nzela koyá. Nokí tokozala elongó mpo ya Sékó.”

Tozali kogánga útá na mokili mobimba, kozingela Lóla na ba Alelúya, nkémbo, masánzoli, mpe lokúmu na bisó epai ya Ye. Satana así alongamákí na ye. Tatá asili alongólí ntembe ya bisó nyoso, kotatabana ya bisó nyoso, mpe komítúna-tuna ya bisó nyoso mosiká na bisó. Tokokí kosangela na motéma mpe bomoto na bisó mobimba, TOZALI MOMBÓTO YA LIKOLÓ KOLEKA YA BOKONZI YA ABALAYAMA. Mwasi ya libála ya Bokonzi mpo ya Mwana ya Bokonzi oyo alakámákí.

Bozali ya Nkoló etíkálá mpenza kozala na bikámwa koleka wana ezali Ye komónisa bisó Liloba na Ye lokola libosó naino soko moké te. Asangísí Mwasi na Ye ya libála elongó na Liloba na Ye, lokola atíí bisó na Likanisi moko mpe na Lobánzo moko lokola lisangá moko, koyóka Mongóngó ya Nzambe koloba mpe kobongisa bisó be na Liloba na Ye.

Litéya moko na moko tozali koyóka ezali lokóla etóko ya mái kopasuka kati ya bomoto na bisó; kopunjwapunjwa, kopúsa, mpe kotokota ya mpío malamu longwá na Kíti ya Bokonzi ya Nzambe. Tozali komela, komela mpe komela, kopesa mpio ya kimia na milímó na bisó.

Bandeko na ngai mibali mpe basi, tozali kokokisama ya Makomi maye malobí Akozala na Mwasi Liloba moseka. Tozali: Lelo oyo Likómí liye likokísámí.

Nzambe Yemoko alobaki longwá na Likoló na mwanje na Ye ya nsambo mpe alobákí: “Lokola Yoane Mobatisi atindamáki kobongisa koyá ya libosó ya Klisto, Etindá na yo ekobongisa koya na Ye ya mibalé, kati ya mokili mobimba.” Mwasi ya libála akoki koloba Lelo oyo Likómí liye likokísámí.

Tokoki nde kosósola ete Mongóngó mpenza ya Nzambe molobámákí na mokolo ya bisó na nzela ya mbebu ya moto, motiámákí na bande mpe mobómbámákí, mpe mobátélamákí na ntina ete Ákoka koloba na moko na moko na bisó, Yango Elobí Nkoló? Akómísákí yango oyo ekokí ete tózala te na boséngá ya kozua Liloba ya moto ata nani, makanisi ya moto ata nani, bibánzá-bánza ya moto ata nani, bobele kofánda mpe koyóka Mongóngó mwa Ye koloba na bisó mbala moko alimá Liloba Peto na Ye.

NINI NDE EZALI KOSÁLEMA LELO?

Mpe M-w-a-n-a ya Nzambe yango moko oyo ayaki na ebimelo ya ntango mpe Amíndimísákí lokola Nzambe oyo amónánákí kati na mosuni, Azali M-w-a-n-a ya Nzambe yango moko oyo na eténi ya mabelé ya elímwelo ya ntango awa, azali komiyébisa kati ya lingómba na mpókwa oyo, lolengé moko lobi, lelo, mpe libela. Pole ya mpókwa ya Mwana eyéi. Lelo oyo Likómí liye likokísámí libosó na bisó.

TOZALI NDE KATI YA MOKÁNO MWA NZAMBE MOBONGÍ BE NA BOLOBÁKÁ MPE BONDIMÁKÁ: “KOYÓKA BA BANDE NDE NZELA NZAMBE APÉSÍ MPO YA MWASI NA YE YA LIBALA”?

EZALI NDE NA ELOKO MONÉNE MINGI KOLEKA KOYÓKA BA BANDE?

Ntango nyoso kati na misáto, lokola Nalobákí lobí na mpókwa, nde Nzambe amítálisaka. Ezalákí na ebólo ya bato ya Sodómo, ba oyo ya Lóta, mpe baoyo ya Abalayama. Ezali na esiká yango moko na mpókwa oyo, mokili mozali kotelema kaka lolengé wana.

Bótala, Oyo wana atíkalákí na Abalayama azalaki Nzambe Yemoko. Basúsu mibalé bazalákí Banje batíndami.

NA BONGO YE NANI NDE AZALI KOLOBA NA BISÓ LIKOLÓ YA BA BÁNDE?

Bótika Nátuna bino likambo moko. Bótala esiká totélémí sikawa. Abalayama abiángákí Moto oyo asolólákí na ye, “Elohim.” Elobelo ya Líebéle Elohim elingí koloba “Oyo Amíkokí Mombimba, Ye Oyo azali Seko na Sékó,” Elohim, Nzambe Yemoko!

BONI EZALI NA LITÓMBÁ KOFINA PLAY?

…”mokolo moko Molimó Mosanto akoya mpe kosála eloko yango moko, mpe koloba liloba moko kotémela Yango ekolimbisama sokí te.” Nde lelo oyo, epai wapi Liloba moko na moko lisengélí kokangama elongó. “Koloba liloba moko kotémela Yango; ekolímbisama te ézala na mokili oyo soko na mokili mokoya.”

Ba Alelúya mpe masánzoli na bisó epai ya Nkoló ya póso eleki ezalaki kaka koléngela bisó tóbongama mpo na oyo ekosálema Lomíngo loye, lokola Mwasi ya libála mbala moko lisúsu azali kosangana mpe koyóka NZAMBE koyíkisa bisó mpiko mpe kopesa bisó endimiseli ete tozali Baponami na Ye, mpe Azali koya noki komema bisó na Lipati monéne ya Makwéla ma bisó, na mbísa Ezalelo ya bisó Ekoya.

Lelo oyo nde mokolo NKÓLO abongísákí; tokosepela mpe kozala na nsai kati na yango.

Ndeko Joseph Branham

Litéya: 65-0219- “Lelo Oyo Likomí Liye Likokísámí”

Makomi:
St. Yoane Mokapo ya 16
Yisaya 61: 1-2
St. Luka 4: 16

Bolimbisi bóbósana te na ntina ya mbóngwana ya ntango kati ya Jeffersonville na nsúka ya póso oyo.

Nsango: 65-0218 MOMBOTO EZALI MOSANGOLI NA LIBULA ELONGO NA EZIPELO TE

• 26-0301 MOMBOTO EZALI MOSANGOLI NA LIBULA ELONGO NA EZIPELO TE
• 24-0602 MOMBOTO EZALI MOSANGOLI NA LIBULA ELONGO NA EZIPELO TE
• 22-1106 MOMBOTO EZALI MOSANGOLI NA LIBULA ELONGO NA EZIPELO TE
• 19-1027 MOMBOTO EZALI MOSANGOLI NA LIBULA ELONGO NA EZIPELO TE
• 17-0104 MOMBOTO EZALI MOSANGOLI NA LIBULA ELONGO NA EZIPELO TE

BranhamTabernacle.org

Balingami Mwasi Liloba Moseka,

Nazali kofanda awa na ntóngó oyo koyóka epakweli moko ya ndéngé wana lokóla ezali ngai koyóka, kotanga mpe koyékola Litéya liye Mwasi ya libála akozala koyóka mokolo mwa Lomíngo. Bomoto na ngai mobimba epakólámí.

Motéma mua ngai mozali kopunjwa-punjwa na esengo ya ndéngé wana koyeba ete, TOKOYANGANISAMA BANSO ELONGÓ LONGWÁ NA MOKILI MOBIMBA NA EPAKWELI OYO MOKO. Tokozala kosepela, kosánzola Nkoló, nyoso na ntango yango moko, lokola Azali koloba na moko na moko na bisó mpe komónisa Liloba na Ye.

Kopakolama ekozala mpenza monéne mingi na motindo ete ekozala na kogánga mpe milóló, “Aleluya, amen, Nkombo ya Nkoló ésánzolama” longwá na mokili mobimba na ntango yango moko, lokola tozali kotóndisa Lóla na masánzoli mpe kokúmisa ya bisó.

Nini nde ekozala kosálema? Nzambe akozala kosangisa mpe koloba na Mwasi na Ye ya libála. Tokozala Lisangá Moko, kati na likanisi moko mpe lobánzo moko lokola Azali komífungola mpe komímónisa epai na bisó.

Ezali na esiká monéne te epai wapi okoki kokende, Mongóngó monene te koleka okoki koyóka; ezali na epakweli eleki monéne te soko bobele te Mongóngó ya Nzambe koloba na yo mbala moko likoló ya ba bande.

Nzambe asénzéláki Liloba na Ye longwá na ebandeli mpe apésákí esiká wapi bana na Ye nyoso bakoki kokende mpe koyóka Ye koloba mpe kolimbola Liloba na Ye moko. Epai wapi ezali na kobánzabanza te, kolikia te, komítúna te, Ezali esiká epésámí na Nzambe koyóka YANGO ELOBÍ NKOLÓ.

Ntango emónísámélí yo, ezali lokola pole monéne koleka oyo epelísámí kati na motéma mpe bomoto na yo…ogángí, “nde yango oyo. Namóní yango. Nazali MOKO NA LILOBA. NAZALI LILOBA. NAZALI MWASI YA LIBALA. NAKÓMÍ NA NGAI.”

Ezali kokóma, nde bayébí yango te. Bomóní, nde yango. Bomóní? Ee, mobali. “Zambí esiká Nzóto oyo ekúfí ezali, wana nde ba mpongo bakoyangana,” mpenza kaka lokola molongo. Bomóní? Nde oyo Elobákí. Nzóto oyo ekúfí nde nini? Liloba. Azali Liloba, Nzóto oyo ekúfí, Klisto! “Klisto kati na yo,” lolengé moko lobi, lelo, mpe libela. Boni Ezali solo!

Lokola tozali koyangana koyóka Liloba, mitungisi nyoso ya bisó, mokumba ya makanisi na bisó, makambo ya bisó nyoso, ilímwí na yango sé kolímwa. Tozali kosepela lokola toyebi ete tozali na eloko moko te ya komítungisa na yango; tozali Mwasi na Ye ya libala. Azali kaka elongó na bisó te, KASI AZALI KATI NA BISÓ. TOZALI MOMBÓTO MWASI LILOBA. Nyoso ebongí be. Ntango na Ye ebongi be. Tobongí be.

Tosepélí koleka mpe tozali na matóndí mingi koloba ete tozali Liloba na Ye libótámí moseka tomónísámí; Yesu Klisto lolengé moko lobi, lelo, mpe libela, kobika mpe koúmela na kati na bisó. Alelúya!

Tokokí te kokakola likoló ya LILOBA ATA MOKO. Tosengeli koyóka Mongóngó ya Nzambe likoló ya ba bande.

Osí omóná mpongo kokakola? Te, mobali. Ezali te na kokakola kati na Ye. Nde bongo Moklisto mpenza ya solo a kokakola soki te. Azali zololo te. Akoluka na etingia kino ázua Yango. Amen. Ee, mobali. Akozua Mosuni na ye. Alingí Máná ma sika. Akokita na nsé Kúná mpe akotímola kino ázua Yango. Akopumbwa likoló mpe likoló koleka. Soko eloko ezali te na lobwaku oyo, akopumbwa mwa likoló lisúsu koleka. Na bomatáká likoló mingi, nde okoki komóna polélé. Na bongo ntango ekokí mpo ya ba mpongo ya lelo oyo bákoka kopumbwa likoló koleka, bátímola kati na bilaká ya Nzambe, bábíka te na biléi ya ba kómbékómbé  oyo ibomámáki esili koleka mbúla ebelé; bóbima na yango.

Bómilengela Mwasi ya libála, tokozala kolia Máná mangó ma sika, kofánda na nsé ya epakweli monéne koleka oyo ezali, Lomíngo loye na 12:00 nsima ya nzángá, ntango ya Jeffersonville, lokola tozali koyóka: 65-0218 Mombóto Mozali Mosangoli Libulá Elongó Na Ezipelo Te.

Tobiángi Mwasi ya libala útá na mokili mobimba komíbakisa na bisó kosala lipati likoló ya Nzela ya Nzambe ebongí be epésámí mpo ya lelo. Esiká sé moko wapi MWASI YA LIBÁLA akoki koloba amen na Liloba nyoso. Epai wapi epakweli ya likoló koleka ya Molimó Mosanto ezali koloba mpe kobongisa be Mwasi na Ye ya libála na nzela ya Bofináká Play mpe boyókáká mpe boyambáká Liloba na Ye.

Ndeko Joseph Branham

Makomi:

 St. Matai 24:24

St. Luka 17:30

St. Yoane 5:24/ 14:12

Baloma 8:1

Bagalatia 4: 27-31

Baebele 13:8

1 Yoane 5:7

Emóniseli 10

Malaki 4

Litéya: 65-0217 Moto Oyo Azali Kokíma Longwa Na Bozali Na Nkolo

PDF

• 26-0222 Moto Oyo Azali Kokíma Longwa Na Bozali Na Nkolo
• 24-0526 Moto Oyo Azali Kokima Longwa Na Bozali Na Nkolo
• 22-1030 Moto Oyo Azali Kokima Longwa Na Bozali Na Nkolo

BranhamTabernacle.org

Balingami Ba Mpate,

Lokúmu Nini mpe libakú malamu oyo ezali koloba ete: “Tozali Ba mpate ya Nzambe, baoyo Atíndélákí bisó mwanje na Ye ya nsambo motindami kobiánga kobima mpe koléisa Máná ma Ye mabómbámákí mpe mabátélamákí.”

Tosepélí mpe tondimí Etíndá oyo ezali Mongóngó mwa Nzambe motíndamákí kobongisa be Mwasi na Ye ya libala. Tondimí ete ezipelo ezali komílongola na lisángó, mpe sikawa Mwasi na Ye ya libála azali kofánda kati ya bozali ya Mwána, KOFINA PLAY mpo na kotela.

Mpe nde ntina tozali awa, moningá, Kotíkala kati na bozali ya Mwana kino mwa ebólo moké na bisó ya bato awa, kino ekokóma mpenzá ekémbí epai na Klisto, kokóma lípa likoló ya mesa na Ye. Yango nde Nalingí ésála.

Moto nyoso azángí Kondima ete KOFINA PLAY mpe koyóka Mongóngó mwa Nzambe mondimísámí koloba nde Mongóngó ya motúya koleka osengeli koyóka, azali moto oyo azali kokíma longwá na bozali ya Nzambe.

Osengelí kokútana na yango, to kosála eloko moko na ntina na yango. Ozali na mokúmbá, moto na moto azali na yango, mpe osengeli kokutana na makambo maye.

Boni eténi ya Liloba oyo ezali solo mpe na motúya mpo ya lelo. Ezali na kokabwana mingi mpenza kati ya babiángámí ya Nzambe kobima. Ezali nde na litómbá mingi koyókisa ba bande kati na losámbo koyóka Mongóngó ya Nzambe, soko ezali nde sikawa likambo ya motúya mingi mpo ya batéyi kotéya Liloba?

Nzambe abiángákí mpe atíakí batéyi awa kobatela Liloba libosó ya bato. Bazali Babáteli ya ba mpate. Liloba lilakisí boye. Basengélí bátósama mpe bámemiama lokola bato Nzambe abiángí mpe atíí.

Tokoki te, mpe tosengelákí te, soko moké te koloba ete Bazali Mwasi ya libála te. Ezali MABE mpe ezali te éngébéné na oyo mosakoli alakisakí bisó. Nayóká bato koloba: “Soko Bazali koyókisa ba bande te kati ya masámbo na bango, bazali batémeli ya Liloba”. Bosengélákí sokí moké te koloba likambo ya loléngé ya bongo. Etálísí ngai ozali na molimó mabé.

Nayókákí basúsu koloba, “Basengelí bango nyoso báyoka elongó moko na EB na mbala moko soko boye te Bazali libándá na Mokáno ya Nzambe”. Osengelákí soki moké te koloba likambo ya lolengé wana. Bobele Nzambe nde ayébí nani nde azali to nani te nde azali Mwasi ya libála. Oyo wana ezali te molimó ya Mwasi ya libála koloba likambo ya lolengé wana.

Kútu bato basúsu baoyo bazali koyóka elongó moko na EB bazali koloba, “ soko okei na losámbo koyóka ba bande mpe ozángí kolanda na lisangá útá na ndako na yo ozalí na libúngá!” Elóngóbání te bandeko mibali mpe basi. Soko ozali koloba Yango, TÍKÁ, ozali na libúngá. Moto nyoso asengélí ásála lokola BAYÓKÍ ETE BAKAMBÁMÍ NA NKOLÓ KOSALA.

Batéyi mingi bayókaka ete kotéya nde nzela epésámí na Nzambe mpo ya lelo. Tomóní na bisó kaka nde makambo na lolengé lokeséni, ezali solo. Mbala boni nde Ndeko Branham Asálákí bokokanisi oyo moko? Toútí kaka koyóka ye kati na M&B, ntango bato bazalaki koloba na ntina ya Ndeko Jackson kozala kati na libúngá, akwéisákí bango koloba likambo nini mabé kotémela ye mpe lingómbá na ye.

NAzali kaka kotéya na nzela ya mokandá oyo eloko Nandimaka ete ezali nzela ya Nzambe epésámí mpo na Eyánganelo ya Branham. Bazali bandeko na bisó mibali mpe basi. Balingí Nkoló mpe Etindá oyo. Nde lolengé bayokaka ete Nkoló azali kokamba bango. Masánzoli na Nkoló.

Bamónaka yango nzela moko mpe tomónaka yango nzela mosúsu, ezali malamu. Nakoki komóna nzela ya bango te lokóla mpe bakoki te komóna nzela ya ngai. Mpo na ngai, ezali na nzela mingi Nzambe apésá, kasi ezali na NZELA SÉ MOKO EBONGÍ BE, MPE MPO NA NGAI YANGO NDE KOFINA PLAY.

Nabóndeli Násósolama mabé te awa. Kotiama maboko ezali 100% éngébéné na Liloba. Kopakola Mafúta mpe kobondela mpo ya babélí Ezali Liloba ya Nzambe kokokana na Makomí. Ndeko Branham atéyákí mpe alakisákí yango nyoso mibalé epai na bisó ete ezali Liloba. Kasi Nalingí NZELA YA NZAMBE EBONGÍ BE EPÉSÁMÍ…KONDIMA KAKA MPO ETE NZAMBE ALOBAKI BONGO. Nde eloko Nazali kobunda kosála.

Kasi sikawa mpo ya lobíko na nzóto, ezali bobele mawa ya Nzambe ete A, “Na mapipí ma Ye bosili bobikisamákí.” Sikawa, ya libosó Liloba lilobí bongo, yango esengelaki kokoka, Kasi soko ondimí yango te kati na Liloba, na bongo ezali na makabo kati ya Lingómbá, lokola mibali baoyo bapémélámí koyeba boni kolakisa yango, oyo bakokómisa yango mpenza polélé epai na bino, yango nde, mpe Kondima ya Kondima.

Nandimaka bótáno ya botéi. Nandimaka ete ezali na mibali babiángámí na Nzambe kotéya mpe kolakisa Liloba. Kasi, Nandimi koyóka Mongóngó ya Nzambe likoló ya ba bánde nde NZELA YA NZAMBE EBONGÍ BE MPO YA NGAI.

Na boyókáká ba bánde, Nasengélí kútu te kosósola, KAKA KONDIMA LILOBA NYOSO NAZALI KOYÓKA. Ezali na moto te, motéi, esiká mosúsu te epai wapi Nakoki kokende wapi Nandimí LILOBA MOKO NA MOKO mpe kotía Séko na Sékó ya ngai na yango, sokí kaka ba bánde te.

Naino libosó soko moké te útá ebandeli ya ntango epésákí Nzambe bato na Ye makila malamu mpe makoki ya komíyókela Mongóngó na Ye koloba mbebu na litói. Libómbami nyoso limónisámí kati na ba bánde. Motúná moko na moko moyanólámí likoló ya ba bánde. Nyoso oyo Mwasi ya libála asengeli na yango kobongisama be ezali likoló ya ba bánde.

Liloba moko na moko lilobámí likoló ya ba bánde ezali Liloba ya Nzambe. Nakoki ntango mosúsu te kosósola to kozala na makoki ya kolimbola makambo nyoso, kasi nasengélí kosala yango te. Aséngí kaka ete náloba AMEN NA LILOBA MOKO NA MOKO, mpe ba BÁNDE nde esiká sé moko Nakokí kosala yango.

Kasi ntango—ntango osengelí kosála eloko moko ekesení, ntango osengelí kotelema likoló na oyo motéma na yo moyebisi yo ete ezali Solo, wana nde eténi makási, nde kaká eyaka, wana mpenza.

Nandimí na nyoso oyo ezali kati na ngai, tozali kati ya Mokáno mwa Nzambe mobongi be mpe likoló na masúwa kokende Niníwa. Nakolinga ete mokili mobimba báya konana likolo ya masúwa ma bisó elongó na bisó Lomíngo loye na 12:00 nsima ya nzángá, ntango ya Jeffersonville, lokola tozali koyóka Nzambe koloba na ba Mpate na Ye.

Ndeko Joseph Branham

Litéya: 65-0217 “ Moto Oyo Azali Kokíma Longwá Na Bozali Ya Nzambe”

Makomi ya kotánga:
Yona1:1-3
Malaki 4
St. Yoane 14: 12
Luka 17:30

Nsango: 64-0830E MITUNA MPE BIYANO #4

• 26-0215 MITUNA MPE BIYANO #4
• 24-0519 MITUNA MPE BIYANO #4
• 22-1023 MITUNA MPE BIYANO #4
• 18-0225 MITUNA MPE BIYANO #4

BranhamTabernacle.org

Balingami Libóta Ya Bokonzi,

Ezali kaka na esiká MOKO endimísámí epai wapi bokoki kokende koyóka Nkoló koloba na nzelá ya mwanje na Ye mpe koyebisa bino, “ Ntango nyoso bókanisa, bozali bana ya Nzambe, Libóta ya Bokonzi na Makila ya Bokonzi. Ezali na Makila malamu te koleka oya bino kati ya mokili. Bozali bana na ngai, bopalangání na mokili mobimba, baoyo nabótélí Klisto.”

Tozali Libóta ya Nzambe ya Bokonzi na Makilá ya Bokonzi kotámbola kati na misisá mia bisó. Bana baoyo babótáméli Klisto na nzela ya Mongóngó ya Nzambe koloba na nzela ya mosakoli na Ye ya nguya. Ekokí kozala malamu te koleka wana baninga na ngai.

Ndeko Branham, Mwasi ya libala akosengela nde kokende na Jeffersonville to na Arizona mpo ya kozala kati ya Konétolama?

“Mibalé bakozala na mbéto; Nakokamata moko mpe Nakotika moko; mpe mibalé na elanga, mpe Nakokamata moko mpe Nakotika mosúsu.” Bomóní? Na bongo bakozala ntango mosúsu…Kati na mokili mobimba, bakoyángana te na esiká moko na mokili mobimba kozala na biloko nyoso elongó. Kasi mabóké moké ya bango bakopalangana na mabelé nyoso.

Na boye kati na nzóto, tokozala te kati na esiká moko na mbala moko. Kasi nkémbo na Nzambe, Azalaki kútu na mwángo monéne koleka koyéisa Mwasi na Ye ya libala elongó.

Tozali kobóndela mpo ya mangómba nyoso mpe biyánganelo baoyo bayánganákí zingázingá ya—ya—ya mwa ba mikoló Kúná libándá, útá na mbóka, na molaí na nzela kino Libóngo ya Eloli, likoló Kúná na ba ngómbá ya Arizona, na nsé Kúná na mabándá ya Texas, kino na Libóngo ya Monyele, kati ya ekólo mobimba, Nkoló, epai wapi bayángánákí. Ngonga mingi ikéséní, lokola tozali na kati ya ntango, kasi, Nkoló, tozali elongó na pókwa oyo lokóla lisangá moko, bandimi, kozila boyéi ya Masiya.

Lelo, ezali kaka te ete Azali koyanganisa Mwasi na Ye ya libala longwá na ekólo oyo mobimba, kasi Azali koyanganisa BISÓ longwá na mikili 7 ya molongo. Longwá na Afrika kino na Antartíka. Ameríka ya epai ya Likoló mpe Ameríka ya Ngelé, Azía, Ositralia mpe Erópa. Azali koyanganisa mpe kosangisa Mwasi na Ye ya libála kokóla LISANGÁ MOKO koyóka Mongóngó ya Nzambe.

Ayebisaki bisó tókende na losámbo; atá epai bazali kotéya ndámbo ya Liloba, KINO tokoki kozua lingómbá epai wapi batéyaka LILOBA MOBIMBA. Masánzoli na Nzambe Mwasi ya libála azuí sikawa esíká yango, Mongóngó ya Nzambe likoló ya bande nde LILOBA MOBIMBA.

Ózala na losámbo na yo ya Bánde oyo obiángi losámbo na yo, losámbo ya bino epai wapi mabóta mingi bayangani, to kati na mwa ndako moké kati na zámba ya Amazoni to Afrika, epái sé epái okokí Kofina Play koyóka Mongóngó ya Nzambe koloba na yo mbebu na litói, okozala kati ya LOSÁMBO YA LILOBA MOBIMBA.

Tokútí losámbo yango ya Liloba mobimba mpe Tozali kobiánga yo komíbakisa na bisó Lomíngo loye na 12:00 nsima ya nzángá, ntango ya Jeffersonville, lokola tozali koyóka: Mitúná Mpe Biyano # 4 64-0830E.

Ndeko Joseph Branham

Nsango: 64-0830M MITUNA MPE BIYANO # 3

• 26-0208 MITUNA MPE BIYANO # 3
• 24-0512 MITUNA MPE BIYANO # 3
• 22-1016 MITUNA MPE BIYANO # 3
• 18-0218 MITUNA MPE BIYANO # 3

BranhamTabernacle.org

Balingami Babótami Epai na Klisto,

Loléngé nini nde moto akoki kotia na maloba na ye ya mokúfi bolingo mpe esengo izali kati na mitéma mia bisó koyéba Emóniseli ya solo ya Liloba na Ye mpo ya mokolo ya bisó? Kokanisa ete tozali na eloko ya kosála te na yango, kasi YE, NAZALI ya Monéne, na boponi na Ye moko, Abongisákí BISÓ libosó kozala na eloko elekí Monéne Akokákí kopesa bisó, EMÓNISELI YA LILOBA NA YE MPO YA MOKOLO NA BISÓ.

Azilákí, kino litóndí ya ntango eyáki kopémela péma ya bomoi kati na bisó, ete tókoka koyóka Ye koyebisa bisó mpe koloba:

Sikawa, Namékákí makokí na ngai nyoso ko—ko—koyebisa bino bato mpe kokamba bino lokola tata akokambaka bana na ye. Bozali bana na ngai; Nabótéli Klisto bino na nzela ya Nsango Malamu oyo natéyaka. Bomóní? Mpe Na—Na—Nalingí bókóla pelamoko bana bakémbá kokémba, to—to bana. Mpe Nalingí kotálisa bino epai na Klisto na mokolo wana, lokola Paulo alobaki: “ Moseka peto.” Ezali na eloko moko te kati na Liloba wana oyo motéma na bino ekozánga Kondima “amen” na yango.

Nzambe, koloba na nzela ya mwanje na Ye ya ngúya, azali kokamba mpe kotámbolisa bisó, Mwasi na libála ya Yesu Klisto. Tozali bana na Ye, moseka peto, tokémbá kokémba. Mpe na nzela ya ngolu na Ye ya kokamwa, tondimaka Liloba moko na moko toyókaka na bolobáká AMEN! Ezali ndimbola ebongí be ya Liloba na bondimisami ya Bonzambe!

● Soko Mongóngó tozali koyóka likoló ya ba bande ezali: ndimbola ebongí be ya Liloba, nini mosúsu nde Mwasi na libála ya Yesu Klisto asengeli na yango?…ELOKO TE!

Aponákí BISÓ, libóké moké na Ye Amíponeli, kozala na Emóniseli ya solo ya Liloba na Ye mpo ya mokolo na bisó. Bisó nde Aponákí kozala na mabelé, kati na nzóto ya bato, na ntango ya bokonzi ya Mbúla nkóto.

Baninga na ngai, toúmela naino kaka likoló na yango monúti moko.

Tokozala na nzóto ya nkémbo awa mpenza likoló ya mabelé. Tokozala kolia, komela, kotonga ba ndako, kobika mpenza kaka pelamoko Tozali kobika sikawa mpo na mbúla nkóto. Ekozala bosepeli na bisó ya makwéla epai wapi Mwasi ya libála (BISÓ) mpe Mobali ya libála (Nkoló Yesu Klisto) tokómí MOKO.

Tozali kosénzela mpe kozila ntango ya nkémbo oyo monúti moko na moko ya mokolo moko na moko. Ezali mpenza pene ebélémí ezali komónana lokola ete tozali pene ata ya komama yango. Nandimí, na motéma na ngai mobimba, oyo nde ezali kokómela bisó lelo:

Oo, lisangá wana ya molimó ya Klisto mpe Lingómba na Ye sikawa, wana mosuni mozali kokóma Liloba, mpe Liloba lizali kokóma mosuni, limónisámí, lindimísámí. Kaka mpenza oyo Biblia elobí ete ekokóma lelo oyo, ezali kokóma, mokolo na mokolo. Na boye, ezali koyíkana na lombangu mpenza Kúná libándá, kati na masóbé wana, mpe makambo kosálema, oyo Nakokaki kútu te koyéba Násála nini na yango. Tozali pene na boyéi ya Yesu, kosangisama na Lingómbá na Ye, epai wapi Liloba likómí Liloba.

Na Litéya moko na moko tozali koyóka, na koleka Azali kopesa bisó Emóniseli. Ezali koyíkana na lombángu mpenza na motindo ete Toyebí kútu te tósála nini na Yango. Tozali komóna Liloba kokóma Liloba lokola libosó naino soko moké te. Ezali na elilingí ya ntembe ata ndambo te; na nzela ya Emóniseli, TOYEBÍ mpenza tozali ba nani.

Azali kosangisa Mwasi na Ye ya LIBALA bobele lokola elobákí Ye ete Akosála, mpe tozali eténi na Yango. Tozalí komóna Yango kosálema na míso ma bisó moko. Basúsu bakokí ntango mosúsu komóna Yango te to kosósola Yango te. Ezali mpo na bango te, EZALI MPO YA BISÓ, BANA BABÓTÁMÍ NA YE.

Mwasi ya libala azalákí na mitúná kotúna mosakoli.

Ekoki na yango nde BOBELE koyóka Mongóngó ya Nzambe likoló ya ba bande? Nzambe ayanólákí mpe alobákí: EE!!

Bana na bisó mpe bakoki kozua nyoso bazali na yango bosengá kozala Mwasi ya libala ya Klisto sé na boyókáká ba bande: EE!!

Na bongo, nyoso Mwasi ya libála asengeli na yango ezali LIKOLÓ YA BA BANDE.

Toyebí mpe ete Nzambe Apésá ba nzela mosúsu mingi mpo ya bana na Ye.

“Na nzela ya mapipí ma Ye bosilí bobikisámákí.” Sikawa, likambo ya libosó Liloba lilobí bongo, esengélákí ekoka bongo, kasi soko ondimí yango te kati na Liloba, boye ezali na makabo kati na Lingómbá, lokola mibali baoyo bapémélámí koyeba boní kolakisa yango, ekoyéisa yango polélé mpenza epai na yo, yango nde, mpe kondima mpo ya kondima.

Totóndi na matóndí Nzambe apésá mibali baoyo bapémélámí koyeba kolakisa lobiko na nzóto mpe Liloba na Ye koyéisa yango polélé epai ya basúsu, kasi Mwasi na Ye ya libála alingí NZELA NA YE EPÉSÁMÍ EBONGÍ BE EKOKÍ. Nde nyoso TOSENGELI NA YANGO.

Nalingi kobianga yo koya komíbakisa na Eyánganelo ya Branham Lomíngo loye na 12:00 nsima ya nzángá, ntango ya Jeffersonville, lokola tozali koyóka: Mitúná Mpe Biyano # 3 64-0830M.

Boni ezali bikamwa kozala na Emóniseli ya Liloba na Ye mpe koyeba tozali Liloba likómí mosuni.

Ndeko Joseph Branham.