Obubaka: 65-0801e Ebyokubaawo Ngabitangazibwa Obunnabbi

BranhamTabernacle.org

Abantu b’Ekiseera kino Abaagalwa,

Kitaffe, tuKwagala nnyo. Tuyinza tutya okutandika okulaga ebyo bye tuwulira? Watulonda, Watwawula edda, n’ofuuka Omuntu omulamu okuwaayo Obulamu Bwo ku lwaffe.

Watuwandiikira ebirowoozo byo byennyini nga Oyita mu bannabbi bo, tusobole okuba n’Ekigambo Kyo. Olwo, nga bwewasuubiza, n’Ojja omulundi omulala, nga weebikkula mu mubiri gw’omuntu nga okozesa ebyatuukawo nga obunnabbi bwabilambulula, okuvvuunula n’okubikkula Ekigambo Kyo.

Olw’okulonda Kwo Ggwe, Walonda William Marrion Branham okubeera omusajja w’ekiseera kino. Ggwe wamulonda okutukwatako tusseeyo omwoyo ku by’agamba. Watambuzanga emikono gye. Watambuzanga amaaso ge mu kwolesebwa. Teyasobolanga kubaako ky’ayogera okuggyako ebyo bye Wali omulaze.
Teyasobolanga kwogeranga kintu kirala okuggyako ebyo bye Wateeka mu kamwa ke. Walina obuyinza obujjuvu ku lulimi lwe, engalo ze, na buli kitundu ky’omubiri gwe. Yali abulidde ddala mu ggwe.

Olwo, olw’okulonda Kwo ggwe era nate, Watulonda tubeere abantu ab’ekiseera kino. Akabinja ko akatono akakuŋŋaanyizibbwa olw’okuluŋŋamizibwa kw’Ekigambo Kyo, nga kaddamu okufulumya, Obulamu bwa Yesu Kristo. Ffe Kigambo Kyo nga twegatta ku Kigambo. Tetulina kirala kye tusobola kukola.

Kitaffe, twagala okubeera mu Kwagala Kwo ekutuukiridde; tewali kirala kikulu gye tuli. Tetwagala ndowooza yaffe, ebirowoozo byaffe, oba omusajja omulala yenna by’ayogera, okwagala Kwo kwokka.

Tugenze mu Kigambo Kyo okulaba byeWagamba nti tulina okukola okusobola okubeera Omugole Wo. Wagamba nti Ogenda kusalira ensi omusango olunaku lumu olw’Ekigambo Kyo. Watugamba nti Ekigambo Kyo kijja eri bannabbi bo BOKKA, abaamanyibwa edda era ne bayawulibwa Ggwe.

Watugamba Tekijja eri munnaddiini oba ekibinja ky’abasajja abamu, wabula okuyita mu nnabbi Wo. Y’ajja kuba Omuvvuunuzi Wo ow’Ekigambo ow’obwakatonda yekka. Si birowoozo bye, ebirowoozo bye, okuvvuunula kwe, wabula Ggwe nga Oyogera okuyita mu ye, ng’Ovvuunula Ekigambo Kyo.

Mu buli mulembe, abantu baleka abasajja okuteeka enzivuunula yaabwe ku Kigambo Kyo, era kibaleetera okuzibwa amaaso. Kikola ekintu kye kimu kye yakola ku Bafalisaayo n’Abasaddukaayo. Eyo y’ensonga lwaki abantu balemererwa okuKifuna leero. Bawuliriza omuntu omulala by’ayogera ku Kyo, mu kifo ky’okuwuliriza Ekigambo nga nnabbi Wo bwe yabagamba okukola.

Wagamba nti, nsooka kusindika Kigambo kyange, olwo abantu bwe batajja kukkiriza Kigambo kyange, olwo ne mbaweereza obuweereza. Era wagamba nti mu buli mulembe obuweereza bubula; si bonna, wabula abasinga obungi, ne bakulembera abantu nga babazza eri bo bennyini. Twagala kubeera mu Nteekateeka Yo nnakabala.

Kibuzaabuza nnyo, abaweereza tebasobola kukkiriziganya bokka na bokka. Ow’oluganda M tayinza kukkiriziganya na Waaluganda Y; Ow’oluganda Y takkiriziganya na Waaluganda Z. Tebasobola kukkiriziganya na bannaabwe. Balabika nga abakkiriziganyiza ku kintu kimu kyokka, tetulina kuzannya ntambi mu kkanisa.
Ye Babulooni omulundi omulala nate, nga kitabula nnyo. Tukkiriza nti waliwo Enkola y’omuddiriŋŋanwa egoberekeka emu yokka era tulina okwebajja tuje mu nkola y’omuddiriŋŋanwa egoberekeka eyo, so si kugezaako kubajja Nkola eyo okutujaamu.

Wabaddewo obuweereza bungi nnyo obusituse n’ebirowoozo byabwo, okuvvuunula kwabwo n’enjigiriza zaabwo. Bwonna bugudde butaka. Wabaddewo abaweereza abaayawulibwa abakulu abasitusenga nga bagamba mbu babuulira era mbu bajuliza Obubaka bw’ekiseera, era obuweereza bwabwe lye Kkubo Katonda lyeYateekawo leero, so si ntambi.

Balina abantu abeesimbu abagenda mu masinzizo gaabwe, ababawulirizza okumala emyaka. Balina abaweereza bangi ababakyalira, enkuŋŋaana, okudda obuggya, okubuulira, nga bagamba nti bye boogera lye Kkubo Lyo lye Watuteerawo, so si ntambi. Awo oluusi ne bagamba mbu, Obubaka si ge mazima.

Baali tebakebera by’ayogera n’entambi? Baali batwala butwazi kye yagamba nti kye Kigambo, lye Kkubo Katonda lye Yateekawo leero? Singa yali azannye buzannya ntambi, Eddoboozi Lyo eryakakasibwa olw’abantu, mu kifo ky’okwessaawo ng’eddoboozi erisinga obukulu, bandibadde bamanya nti kye baali bawulira kwali kuyigiriza kw’eyafukibwako amafuta ow’obulimba mu kiseera eky’enkomerero.

Ekyo tekitegeeza nti teweetaaga musumba. Tekitegeeza nti abasumba bonna baafukibwako amafuta ba bulimba. Tekitegeeza nti waliwo bangi ababuulira ekyo kyennyini Ow’oluganda Branham kye yayogera. Kitegeeza nti ekintu ekisinga obukulu ky’olina okuwulira bwe Bubaka obuli ku ntambi; Obwo bwe BW’ATI BW’AYOGERA MUKAMA BWOKKA.

Obwo Ye ndagiriro. Obwo Ye Abusoluuti. Kye Kigambo eky’enkomeredde. Kye Kigambo kyokka ekituukiridde. Okujjako nga omusumba wo, omukulembeze wo ow’omwoyo, nga awuliriza Ekigambo ekyo ekirongoofu n’abantu be, wajja kubangawo ekikyama.

Lwaki obuweereza tebujja kuzannya Eddoboozi Lyo eryakakasibbwa mu masinzizo gaabwe? Bayinza batya okugamba nti kikyamu ate nga bagamba nti bakkiriza Kye Kigambo? Lwaki bakola eby’okwekwasa ebya buli ngeri ne bagamba nti obuweereza bwabwe lye Kkubo Lyo ly’owadde leero, so si Eddoboozi lyo eryakakasibwa ku lutambi?

Lwaki batiisa abantu nga bagamba nti kubanga tugamba nti “NYIGA ZANNYA” okuwulira Eddoboozi Lyo, tusinza musajja so si Ggwe Ayogera ng’Oyita mu musajja oyo?

Tusinza GGWE WEKKA KITAFFE. Tukikebera n’Ekigambo Kyo emirundi n’emirundi. Otubuulira ng’Oyita mu nnabbi wo mu buli Bubaka bwe tuwulira ku ntambi nti: Ye Kkubo lyo lyokka lye Wateekawo olwaleero.

Walala wa Omugole Wo w’ayinza okugenda okuggyako butereevu eri Ekigambo Kyo. Ffe Mugole Kigambo Wo Embeerera. Tulina okusigala n’Empagi Yo ey’Omuliro. Kye kifo kyokka we tusobola okumatira n’okugamba amiina eri buli Kigambo kye tuwulira.

Kitaffe, tuKulaba wabweru w’ekkanisa Yo ng’Ogezaako okuyingira, era kitumenya omutima. Ekinyolo kiri munda era tukugguliddewo oluggi Oyingire. Tetulina kirala kye tumanyi. Tetwagala kintu kirala kyonna. Tetusobola kutwala kintu kirala kyonna. Tulina olubuto lw’Ekigambo Kyo.

Tweyanzizza Kitaffe olw’Okubikkulirwa kw’Ekigambo kyo. Tetuwakanya muntu yenna, tuli bubeezi ba Kigambo Kyo obunnabbi bweKyalambulula. Tujja kuyimirira mu maaso go olunaku lumu mu musango. N’emitima gyaffe gyonna twagala okugamba nti, “Kitaffe, tusigadde n’Ekigambo Kyo.”

Kubiriza omusumba wo, omukulembeze wo ow’omwoyo, Okunyiga Zanya ku Ssande eno owulire Eddoboozi lya Katonda. Ojja kusalirwa omusango olunaku lumu okusinziira ku ekyo Ekigambo kya Katonda kye kyogera ku ntambi. Oyinza otya okukozesa omukisa gwo ku kintu ekirala kyonna?

Oyanirizibwa okujja okutwegattako Ssande eno ku ssaawa 6:00 (mukaaga) ez’akawungeezi, mu budde bwe Jeffersonville. (Z’essaawa 2:00 (bbiri) ez’ekiro e Uganda), era owulire: Ebigenda Mu Maaso Nga Obunnabbi Bwabirambulula 65-0801e, nga Katonda ayogera ng’Ayita mu mimwa gy’omusajja gwe Yeelondera. Oyo gwe yawa eri ekibiina kye, ekirabo kye. Yamuwa obutonde bwe, sitayiro ye, ne kyonna kye kiri, engeri gy’ayogeramu, ne kyonna ky’akola. Yafuula William Marrion Branham omusajja w’ekiseera kino okufunayo abantu b’ekiseera kino, era ffe BANTU B’EKISEERA KINO.

Owol. Joseph Branham

Ebyawandiikibwa:
Olubereberye: 22:17-18
Zabbuli: 16:10 / Essuula 22 / 35:11 / 41:9
Zekkaliya 11:12 / 13:7
Isaaya: 9:6 / 40: 3-5 / 50:6 / 53:7-12
Malaki: 3:1 / Essuula ey’okuna yonna
Omut. Yokaana 15:26
Omut. Lukka 17:30 / 24:12-35
Abaruumi: 8:5-13
Abebbulaniya: 1:1 / 13:8
Okubikkulirwa: 1:1-3 / Essuula 10 yonna

Obubaka: 65-0801M Katonda W’Omulembe Guno Omubi

BranhamTabernacle.org

Embeerera za Kristo Entono, Ekigambo, Ekisibo Abaagalwa,

Tetusobola kuba kintu kirala kyonna. Tetusobola kuwulira kintu kirala kyonna. Tetulina kirala kye tumanyi. Tetwagala kintu kirala kyonna. Awali Ennyama ensu, NYIGA ZANNYA, ekyo nga kye Kigambo ky’entuuko zino, awo empungu wezinaakuŋŋaaniranga. Ekigambo nga kifuuka Obulamu muffe.

Tetuli beebamu n’abantu abalala bonna! Muli bantu abaayawulibwa, abatukuvu eri Mukama, abeewaddeyo eri Ekigambo n’Omwoyo wa Katonda, okubala ebibala by’ekisuubizo kye olw’olunaku luno. Bulijjo tukula era nga twengera nga tuwulira Eddoboozi lya Katonda.

Nabbi yatugamba tuddengayo tujulize entambi zino. Bw’oba olina ekyuma ekizannya entambi, kuŋŋaanyaayo ekibinja ky’abantu oluzannye, era muwulirize bulungi. Wuliriza Eddoboozi lye, by’Atugamba. Ekigambo kya Katonda tekyetaaga kuvvuunula; Akola okuvvuunula kwe Ye. “Nze Ddoboozi lya Katonda gyemuli.”

Era kye kino, Baibuli, si kigambo kimu okugattibwa ku Yo oba okuggyibwamu. Sigala busigazi butuufu n’Eddoboozi eryo. “Omulala tezirimugoberera,”

Omuntu yenna ayinza atya obutalaba Kkubo lya Katonda ly’Attaddewo ku lw’olwaleero? Naye ekitiibwa kibe eri Katonda, tusobola okuKiraba, kubanga twalondebwa okuKiraba. Tetujja, era tetusobola kulimbibwa, kubanga tuli Kigambo kye ekyolesebbwa.

Ab’oluganda ne bannyize, ekyo leka kitunnyikiremukko akadakiika kamu kokka, FFE EKIGAMBO EKYOLESEDDWA!! Katonda Mwene, ng’Ayogera ng’Ayita mu mimwa gy’omuntu ow’okunsi, atugamba nti FFE KIGAMBO. Tetulina yadde n’akatono kye tutya. Buli kye twetaaga kyaffe.

Buli wiiki tubeera wansi w’okusuubira okw’amaanyi Mukama okutukyalira. Tetulina kifo wano kutuuza buli muntu, era buli muntu tasobola kujja mu Jeffersonville, kale tuba tulina kubaweereza buweereza Kigambo nga tuyita mu yintaneeti.

Tuli mu maka gaffe, mu masinzizo gaffe, mu mmotoka zaffe, nga tukuŋŋaanidde ku buzindaalo bwaffe obutono okuva mu nsi yonna, nga tulindirira Okujja kwa Mukama.

Bakuŋŋaanye wamu naffe mu Afrika, nga balindirira Okujja kwa Mukama. Bakuŋŋaanye wamu naffe mu Mexico, nga balindirira Okujja kwa Mukama. Mu Bulaaya, Scandinavia, Australia, mu buvanjuba obw’amasekkati, South America, okuva ku nsonda ennya ez’ensi, nga balindirira Okujja kwa Mukama.

Era tukuŋŋaanidde wano mu kkanisa y’awaka, ku tabanako, nga tulindirira Okujja kwa Mukama. Twawukana essaawa nnyingi mu budde, naye tuli wamu nga EKITOLE KIMU, abakkiriza, nga tuwuliriza Eddoboozi lya Katonda, nga tulindirira Okujja kwa Masiya.

FFE bantu ba Katonda abaayitibwa era abaalondebwa okuva mu mulembe guno omubi olw’Erinnya lye. Tugezesebwa era ne tukakasibwa eri Sitaani nti ffe Kigambo. Tuli kitundu ku Muti ogwo ogwo Nnakabala ogw’Omugole. Tulaba obulamu bwaffe nga bwolesebwa Ekigambo ekyo.

Kyangu buli muntu okukkiriza nti Yesu ye yali eky’okuddamu obutereevu eri buli bunnabbi obwali bugenda okutuukirira mu ye, kubanga batunula emabega okubulaba nga butuukirira. Naye mu mulembe guno omubi ogw’akaseera kano, bakola ekintu kye kimu kye baakola mu kiseera ekyo, nga baKitaputa mu ngeri endala, era baleetedde abantu okugenda mu kukyamya okukola, bakkirize eby’obulimba. Singa basobola okutegeera nti Kye Kigambo kye kimu eky’omulembe guno ekiri mu kwolesebwa.

Waliwo ekintu kimu kyokka ekiyinza okugatta Omugole, Obubaka buno. Waliwo ekintu kimu kyokka ffenna kye tuyinza okukkiriziganyaako, Obubaka buno. Waliwo Eddoboozi limu lyokka erikakasiddwa okuba Bw’ati Bw’agamba Mukama, Eddoboozi lya Katonda ku lutambi.

Kati, amakanisa ag’ekibuguumirize obubuguumirize, ag’enneeyisa ey’ekikungu, agannyogoga n’ebirala, ag’eby’eddiini ebikoleddwa abantu, ekyo tekyandibadde; Abalonde ekyo tebayinza kukiteekako mwoyo n’akatono. Naye kiri eyo waggulu kumpi nga kiringa kiri ekituufu. Okulekayo Ekigambo kimu kyokka ky’olina okukola. Kyasuubizibwa ku mulembe guno; ekiseera kikulu nnyo! Abakristaayo, buli wamu, mufeeyo ku ssaawa gye tulimu! Baako w’owandiika oba w’olamba, era osome, era owuliririze kumpi.

Katonda w’omulembe guno omubi akola kyonna ky’asobola okulimba abantu okuyita mu kukugira Eddoboozi Lya Katonda eryakakasibwa okubatuukako. Agezaako okubaleetera obutakkiriza Kigambo kimu kyokka, nga bwe yakola Kaawa mu lubereberye.

Naye Omugole-Kigambo owa Kristo ajja eri Omutwe. Tuli mu kugattibwa nate n’Omwagalwa waffe eyo gye twatandikira. Ekiseera ky’okuva kisembedde. Katonda ajja okucima Omugole we asigadde n’Ekigambo Kye.

Omwoyo Omutukuvu Ali wano nga Ayita Omugole ku lwa Kristo. Akikola okuyita mu kukakasa Ekigambo kye eky’ekisuubizo gy’ali, olw’omulembe guno, ng’alaga nti Ye Kristo.

Tewali kisinga bukulu ku kubeera obumu n’Omugole okwetoloola ensi yonna, ng’owuliriza Eddoboozi lya Katonda nga lyogera butereevu naawe. Mpaawo bya kusuubira, kwewuunya oba wadde okusaba nti oba by’owulira mazima. Kubanga LYE DDOBOOZI BW’ATI BW’AYOGERA MUKAMA LYOKKA, ERYAKAKASIBWA.

Jjangu twegatteko owulirize:

Oluvannyuma lw’ebyo ne ndaba malayika omulala ng’akka okuva mu ggulu, ng’alina obuyinza bungi; n’ensi n’emulisibwa ekitiibwa kye.

ku ssaawa 6:00 (Mukaaga) ez’omu ttuntu mu budde bwa Jeffersonville (z’essaawa bbiri ez’ekiro e Uganda), nga bwe tuwulira: Katonda W’Omulembe Guno Omubi 65-0801M.

Owol. Joseph Branham

Ebyawandiikibwa by’olina okusoma nga tonnawulira Bubaka:

Omut. Matayo essuula 24 yonna / 27:15-23
Omut. Lukka 17:30
Omut. Yokaana 1:1 / 14:12
Ebikolwa 10:47-48
1 Abakkolinso 4:1-5 / 14 yonna
2 Abakkolinso 4:1-6
Abaggalatiya 1:1-4
Abeefeso 2:1-2 / 4:30
2 Abasessaloniika 2:2-4 / 2:11
Abebbulaniya essuula ey’omusanvu
1 Yokaana Essuula 1 / 3:10 / 4:4-5
Okubikkulirwa 3:14 / 13:4 / Essuula 6-8 ne 11-12 / 18:1-5
Engero 3:5
Isaaya 14:12-14

Obubaka: 65-0725E Kiki Ekisikiriza Ku Lusozi

BranhamTabernacle.org

Obubaka: 65-0725m Abafukeko Amafuta Mu Kiseera Eky’Enkomerero

PDF

BranhamTabernacle.org

Abakuŋŋaanira Mu Kiraalo Ky’Endiga Abaagalwa,

Mmatiziddwa ddala era nsiima nnyo Mukama okubeera nga nkuŋŋaanira wamu na buli omu ku mmwe mu kiraalo ky’endiga za Katonda buli wiiki, eyo gyetukwekebwa mu kifo kyaffe eky’ekyama, nga tulya era nga tubeerawo ku Mmere eyo Eyakwekebwa. Kwe Kubikkulirwa kwa Yesu Kristo, nga Yeekakasa era nga Yeebikkula gyetuli.

Yeekwese  abalala baKitunuleko ddala naye baleme kuKiraba, naye eri ffe,  Omugole WE Omulonde , tuKiraba bwanjulukufu ddala era tukkiriza buli Kigambo. Tusigadde n’Ekigambo Kye ne nnabbi We engeri gyebali Omu era beebamu. 

Era bw’oba omwana wa Katonda, ojja kusigala ne nnabbi wa Baibuli eno. Kye Kigambo.

Bannabbi bangi abafukeko amafuta leero bagamba “Omwoyo Omutukuvu gw’olina okusigala naye, si nnabbi.” Nga bannabbi ab’edda, bwetuba n’ekibuuzo, walina okubaawo eky’okuddamu ekituufu. Tuteekwa okugenda ERI EKIGAMBO okulaba kiki nnabbi eyaliwo nga tetunajja kyeyagamba.

Naye waliwo Omwoyo wa Kristo omu owa nnamaddala, era Kye Kigambo nga kifuuse omubiri nga bweYasuubiza okukikolamu.

Omwoyo wa Kristo OMU owa nnamadala gweYasuubiza, Malaki 4, Lukka 17, Omwana w’Omuntu nga Yeebikkulira mu mubiri gw’omuntu w’okunsi.

Yee, eriyo abasajja abaafukibwako amafuta. Yee, balina okuyitibwa (okuyitibwa kwa Katonda) Yee, balina Omwoyo Omutukuvu owannamaddala. Yee, balina ekiruubirirwa n’ekigendererwa ekituufu.

Kati olwo tunaamanya tutya ekituufu ky’ekiriwa n’ekikyamu ky’ekiriwa?

Weetegereze, bafaanagana mu ndabika. Bafukiddwako amafuta  mu ngeri y’emu. Wabula weetegereze, “Ku bibala byabwe…” 

Nkyawa okwogera ebintu bino naye essaawa ya kikeerezi era obudde buli mu kutuggwako. Kino ky’ekiri mu kwogerwa n’okubuulirwa leero emisege egyo emikambwe Pawulo gyeyalabula ekkanisa, n’abaafukibwako amafuta ab’obulimba Ow’oluganda Branham beyagamba nti balijja. Bali wano muffe, ddala nga bwebaagamba.

Kiikino ekitundu okuva mu bbaluwa eyawandiikibwa omuweereza. Ekibala kyabwe kugeezaako okuteekawo embeera ebuusabuusisa nnabbi wa Katonda. Balabula abantu baabwe nti tuli basinza ba muntu olw’okuba tugoberera nnabi n’okunyiga zannya.

Wuliriza obulimba obuli mu kino gyebukoma.

Kinneesittazza nti dayimooni eno esensedde nnyo n’eyambukira mu bavunaanyizibwa ku mirimu gyaffe mu bubaka okutuusa nga kati ebitabo ebisaasanyizibwa ebyakubibwa okuva mu masomo ga William Branham biyitibwa EDDOBOOZI LYA KATONDA. William Branham si yeeyali eddoboozi lya Katonda , wabula eddoboozi ly’omuntu Katonda gweYakozesa. Baibuli tegabambako nti yali ddoboozi lya Katonda, wabula ate Baibuli emulaga nga eddoboozi lya malayika ow’omusanvu.  (Okub 3:14; 10:7).

Leka tugende eri Ekigambo era tuleke nnabbi wa Katonda ayasanguze enjigiriza eno ey’obulimba.

Bwemba nga mbeesittazza mu kwogera ekyo, munsonyiwe, naye, mpulidde nga ekyo kyandibakaayira, naye, NDI DDOBOOZI LYA KATONDA GYEMULI.
    

Kati ani gw’ogenda okukkiriza, nnabbi ono ow’omulimba eyafukibwako amafuta, oba OMUBAKA MALAYIKA WA KATONDA EYAKAKASIBWA? Oyinza otya okuba nga otudde wansi w’omuweereza yenna ayinza okukkiriza oba okuyigiriza ebintu bwebityo? Mwandiddako  mu Kigambo nga ebiseera bikyaliwo.

Ensobi ey’amaanyi ekoleddwa ab’omu bubaka ne bafuula William Branham Katonda okuyita mu kumufuula abusoluuti.  William Branham teyabeerako abusoluuti! Ekigambo Kya Katonda ye abusoluuti.

Amiina, Ekigambo kya Katonda ye Abusoluuti waffe. Ekigambo kyajja eri ani, eri ggwe oba eri YE? Omuvvuunuzi w’obwakatonda ow’EKIGAMBO KYA KATONDA y’ani, ggwe or YE? Empagi ey’Omuliro yakakasa ani okubeera Bw’Ati Bw’Ayogera Mukama,  ggwe oba YE?

Kubanga  bw’ofuna abantu babiri, oba ofunye endowooza bbiri. 

Tetwetaaga bantu babiri kazibeere endowooza zabwe, twetaaga bwetaazi nnabbi wa Katonda kyeyayogera ku lutambi.

Era kiba kirina okuwunzikira ku abusoluuti omu ow’enkomeredde, era abusoluuti wange kye Kigambo, Baibuli.

Kiikyo awo, ddala nga bwewagambye, Baibuli ye Abusoluuti we era ye waffe, naye ate agamba:

Mmanyi nti mmwe, baganda baffe, mulina engeri gyemuntunuulira okubeera abusoluuti wammwe. 

Kale lindamu akadakiika, ekyo kiwulikika nga ekikontana n’ekyo KYEWAYOGEDDE. Yagambye nti ddala tumutunuulira okubeera abusoluuti waffe.

Kasita mba nga ngoberera Katonda, nga Pawulo bweyagamba mu byawandiikibwa, “Mungoberere, nga bwengoberera Kristo.”

Ekyo si kifukeko amafuta? Yabadde amanyi kyeyabadde ayogerako?

Kiki nnabbi wa Katonda kyeyaakatugamba wiiki ewedde?

Tulaba nti omusajja bw’ajja, nga atumiddwa okuva eri Katonda, nga yayawulibwa Katonda, nga alina BW’ATI BW’AYOGERA MUKAMA yennyini, obubaka n’omubaka byombi biba ekintu kimu.

Yagamba tosobola kubyawula, biri ekintu kye kimu, naye ogamba nti tusaana tubyawule?

William Branham si wanjawulo ku muntu omulala yenna mu mubiri ogufa, kubanga yali muntu akwatibwa byonna nga ffe, era nga n’Eriya bweyali.  

Amiina, yali muntu buntu kikakafu ddala, naye yeeyali OMUNTU OYO Katonda gweYalonda okumubikkulira Ekigambo Kye kyonna, n’okutukulembera  okugenda mu Nsi Ensuubize. Yeeyali oyo Katonda gweYagamba nti, leetera abantu okukukkiriza GGWE.

Ekintu kye kimu, baafukibwako amafuta, babuulira Enjiri ya pentekooti, naye nga beegaana ekisuubizo eky’olunaku olwaleero eky’Ekigambo ekiri mu kukakasibwa, “Yesu Kristo aba obumu jjo, leero, n’emirembe gyonna.”

Tuli baakumanya tutya enjawulo oba nga ddala baafukibwako amafuta n’Omwoyo Omutukuvu?? Atuwa eby’okulabirako tusobole okwawula bannabbi ab’obulimba okuva ku nnabbi omutuufu.

Balaam ne Musa. Mikaaya ne Zeddekiya. Yeremiya ne  

Kananiya. Mu buli kimu ku by’okulabirako bombi baabeeranga bannabbi abafukeko amafuta Katonda, naye yatugamba kukola ki, KUSIGALA NA NNABBI WA KATONDA EYAKAKASIBWA . Eyo y’engeri YOKKA ey’okubeera omukakafu nti ogoberera Ekkubo lya Katonda  lyeYateekawo, era nti oli mu Kwagala Kwe okutuukiridde.

Nze ndi bubeezi oyo abeera okumpi nga Ye (Katonda) Akikola. Nnali buubeezi ddoboozi Ye lyeYakozesa, okuKyogera. Ekyo nange si kyennali mmanyi; Ekyo ky’ekyo kyenneewaayo obuwi gyeKiri,  Ye n’Asoboola okwogera nga Ayita omwo.

Ekyo Baibuli ky’Eyagala era kyeYeetaaga. Eddoboozi limu. Nnabbi omu. Obubaka bumu. Omubaka omubaka.

Ai Kitaffe, nga tweyanzizza nnyo olw’ekisa Kyo n’okusaasira kwo gyetuli. Watugamba nti tewali kitayinzika eri Ggwe. Tewali  kitayinzika eri ffe. Kubanga ebintu byonna biyinzika eri abo abakkiriza, era TUKKIRIZA.

Jjangu okutweyungeko Ssande eno ku ssaawa 6:00 (mukaaga) ez’akawungeezi, mu budde bwe Jeffersonville (z’essaawa 2:00 (bbiri) ez’ekiro e Uganda), nga bwetubeera n’Eddoboozi lya Katonda nga Litubuulira byonna ebikwata ku  Abaafukibwako Amafuta Mu Kiseera Eky’enkomerero 65-0725M.

Owol. Joseph Branham

Obubaka: 65-0718e Emmere Ey’Omwoyo Mu Ntuuko Zaayo

PDF

BranhamTabernacle.org

Abanoonya Eby’obugagga Eby’omuttaka Ebikusike Abaagalwa,

Waliwo oluzzi olw’ensulo olw’Okubikkulirwa oluvululira munda muffe nga bwekitabangawo. Tuwulidde Obubaka buno obulamu bwaffe bwonna, era bulijjo tukkirizzanga buli Kigambo, naye KATI kyoleseddwa mu ffe nga bwekitabangawo.

Kaakano ky’ekiseera, kaakano z’entuuko mwetulya ku bintu bya Katonda eby’ekyama ebikwekeddwa okuva eri ensi.  Ekintu abantu kyebasekerera ky’ekintu kyetusabirira. Ekintu abantu kyebayita “eky’obuzoole,” tukiyita “ekikulu ennyo!” Katonda Atubikkulidde nti waliwo ekkubo limu lyeYateekawo okubeera Omugole We, NYIGA ZANNYA.

Naye Katonda Yeebazibwe, tulina Emmere Eyakwekebwa, Emmere ey’omwoyo, nti tubeera mu bulungi n’ekisa eky’okubikkulirwa kwa Yesu Kristo mu nnaku zino ez’oluvannyuma, nga Yeekakasa mu masekkati g’abantu Be.

Na buli Bubaka bwetuwulira, Atukakasa nti Kwe Kwagala kwe okutuukiridde. Si KYETULOWOOZA nti ky’Agamba, oba KYETULOWOOZA nti kyeKitegeeza, WABULA KYENNYINI ky’Ayogera era abalala tebasobola busobozi kuKiraba; bazibe b’amaaso.  Katonda AKikwese. BaKitunuulira, naye nebataKiraba. Eri ffe, KYETULABA KYOKKA.

Nga bwetukuŋŋaana buli sabbiiti, kumpi tetusobola kulinda kuwulira ky’Agenda okutugamba n’okutubikkulira. Ssande eno, Tagenda kutubajjulirako bubajjo ku ky’obugagga ekyomuttaka ekyo, Agenda kukitusimirayo kyonna AKYABIZE mu maaso gaffe nga bw’Addamu okukakasa nti tuKifuna.

  Bannabbi b’omu Ndagaano Enkadde, oba ebiseera ebirala byonna, baabeeranga mu Kubeerawo kwa Katonda okutuusa lwe baafuukanga Ekigambo, n’Obubaka bwabwe nga Kigambo kyennyini. Era, jjukira, yagamba nti, “BW’ATI BW’AYOGERA MUKAMA.”

  Tulaba nti omusajja bw’ajja, nga atumiddwa okuva eri Katonda, nga yayawulibwa Katonda, nga alina BW’ATI BW’AYOGERA MUKAMA yennyini, obubaka n’omubaka byombi biba ekintu kimu.

  Mu ngeri y’emu omuntu bw’ajja ne BW’ATI BW’AYOGERA MUKAMA, ye n’Obubaka baba bali kimu.

  Obwengula bukirangirira, Bayibuli ekirangirira, Obubaka bukirangirira, byonna ekintu kye kimu.

  Nnabbi, Ekigambo, Obubaka; omubaka, Obubaka, n’Obubaka, byali ekintu kye kimu.

  Omuntu yenna n’obubaka bwe baba bali omu.

Yogera ku kirombe kya Zaabu.

Bw’oba nga olina Obukikkulirwa waakiri okutonotono, ndowooza ekyo akilambika butangaavu ddala; Obubaka n’omubaka biri ekintu kye kimu. Owulira kyeyagamba…BYE BIMU!! Olwo nno tosobola kwawula mubaka ku Bubaka, abaweereza.

Olina okuteeka OMUBAKA mu kkanisa yo wamu n’OBUBAKA bweyaleeta ekitali ekyo oba tosembezza BUBAKA BWONNA. TOBA MUGOLE.

Ha! Nate, kifuula Obubaka n’omubaka okuba ekintu kimu. Emmere ey’Omwoyo ewedde okutegeka, era zino ze ntuuko Zaayo kati.

Kulwaffe, abakkiriza essaawa ya Katonda gyetulimu, Omubaka gweYatuma, buli Kigambo kyeyayogera; ebintu bino Mmere eyakwekebwa.

Nga twagala nnyo Obubaka, era ng’okyalowooza nti, “wayinza watya okubaayo ekisinga kino?” Akitikkira ejjinja ery’okuntikko nga Atugamba kyetuli kati.

Temulaba buyinza bwa Katonda omulamu mu Kkanisa ennamu, Omugole? Abalwadde bawonyezebwa, abafu bazuukizibwa, abalema batambula, bamuzibe balaba, Enjiri efulumira mu maanyi gaayo, kubanga Obubaka n’omubaka biri kye kimu. Ekigambo kiri mu Kkanisa, mu muntu.

Ekigambo Ekyo MU FFE. Ffe Bubaka. Tulina obuyinza. Obubaka naffe tuli kye kimu!! Yogera ku kuvulula nga bwetuddamu nga bwetuddamu nga bwetuddamu.

Omugole omukazi kitundu ku Bba, Ekkanisa eri kimu ne Kristo. “Emirimu gye nkola nammwe gye mulikola.”

Tuli kitundu ku Balo!!

FFE BAMU NE KRISTO!!

Mulowooza kiwulikika bulungi kati, era kiwa omutima gwo omukisa nga tusoma okunokola kuno, lindirira bulindirizi okutuusa ga owulidde Eddoboozi Lya Katonda nga libikugamba kamwa ku kutu Ssande eno ku ssaawa 6:00 (mukaaga) ez’akawungeezi, mu budde bwe Jeffersonville. (Z’essaawa 2:00 (bbiri) ez’ekiro e Uganda). nga tuwulira: 65-0718E Emmere Ey’Omwoyo Mu Ntuuko Zaaayo.

Oyanirizibwa okujja okutweyungako. Bw’oba tosobola, NYIGA ZANNYA ekiseera kyonna kyonna, Obubaka bwonna, ekifo kyonna, era owulire Omubaka wa Katonda nga Akuleetera Obubaka bwa Katonda.

Owol. Joseph Branham.

Bwe kityo bwe kiri ne leero, ab’emikwano. Bwe kityo bwe kiri ne leero, nti Omugaati gw’Obulamu abaana gwe balyako, gwe gugoberera Obubaka bwa Katonda, okusobola okubabeezaawo mu kiseera eky’ekyeya.

Ebyawandiikibwa eby’okusoma

1 Bassekabaka 17:1-7 Amosi 3:7 Yoweeri 2:28 Malaki 4:4 Lukka 17:30 Omut. Yokaana 14:12

Obubaka: 62-1231 Okumeggana

BranhamTabernacle.org

Ekisibo Eky’okukyalo Abaagalwa,

Njagala tube n’Okusembera nate mu maka gaffe mu Kiro Ekikeesa Olusooka, Ddeesemba nga 31. Ebiragiro ku ngeri ey’okufunamu Omwenge, n’engeri ey’okufumbamu omugaati gw’okusembera osobola okubisanga mu mikutu gino wammanga. Omukutu gw’olutambi lw’eddoboozi olw’olukuŋŋaaana oluwanulibwa ku mutimbagano gujja kubateerwayo ku kibanja kyaffe. Oba, oyinza okuzannya olutambi lw’eddoboozi mu apu ya Lifeline.

Ku lw’ab’okukyalo e Jeffersonville, muyinza okukima Omwenge gw’Okusembera ku Lw’okutaano, Ddeesemba nga 30, okuva ku ssaawa 7:00 (musanvu) ez’omuttuntu – 10:00 (kkumi) ez’akawungeezi, wansi w’olusiisira lwa VGR.

Tujja kuwuliriza 62-1231 Okumeggana, okuva ku ssaawa 11:00 (kkumi n’emu) ez’akawungeezi EST ku Lw’omukaaga (z’essaawa 7 (musanvu) ogw’ekiro e Uganda), Ddeesemba nga 31. Ow’oluganda Branham nga amaze okuleeta Obubaka bw’Ekiro Ekikeesa Olusooka, tujja kuyimirizaamu ku lutambi tube n’eddakiika nga 10 ez’ennyimba ez’okusinza nga bwetwetegekera Ekyeggulo kya Mukama waffe. Tujja kugenda mu maaso n’olutambi awo ow’oluganda Branham w’atandikira olukuŋŋaana lw’Okusembera. Ku lutambi luno, alekayo ekitundu eky’okunaaza ebigere, kyetujja okukola nakyo.

Nga bwetuyingira mu mwaka omuggya mu kuMuweereza, leka tuddemu tuweeyo obulamu bwaffe bupya gy’Ali okuyita mu kusooka okuwulira Ekigambo, olwo ne tulyoka tulya ku Kyeggulo Kye. Nga mukisa gwa muwendo gwetulina nate okufuula amaka gaffe Awatukuvu okwaniriza Kabaka wa Bakabaka okuyingirawo Atweyungeko.

Katonda Abawe omukisa,

Ow’oluganda Joseph

Obubaka: 65-0711 OKUKWATIBWA ENSONYI

BranhamTabernacle.org

Omugole Lebbeeka Omwagalwa,

Taata atumye omuweereza we omwesigwa, Erieza, okuyiggayo Omugole we Lebbeeka. Tumutegedde, omubaka malayika we ow’omusanvu, William Marrion Branham, gwe yalagira: Okutuyita, Okutukuŋŋaanya, Okutukulembera era ku nkomerero ya byonna okutwanjula, gy’Ali.

Atugonnomoleddeko Amaanyi ge Agazuukiza era Atuleetedde okutegeera ekifo kyaffe, ekifo kyaffe, n’obuvunaanyizibwa bwaffe, nga bwe tuli abantu abayitibwa, abeeyawudde ku nsi, abeewaddeyo eri Katonda. Atuluŋŋamya era Atukulembera mu bintu bye tukola ne bye twogera, okuweesa Erinnya Lye ekitiibwa n’ettendo.

Tewali kintu kyonna, awantu wonna, ekiyinza okutwawula ku Ekyo, MPAAWO. Tukuumiddwa Butaggwawo mu Bwakabaka bwa Katonda. Kitaffe Atukubyeko sitampu ey’Envumbo Ye okutuusa ku nkomerero y’olugendo lwaffe.

Sitaani atukuba ebikonde emisana n’ekiro. Atugamba buli kimu, n’atulumiriza, n’agezaako okutulowoozesa nti si ffe Omugole oyo. Atukasukira buli kimu mu kkubo lyaffe okugezaako okutuwugula, ng’obulwadde n’ennaku, naye tetumuwuliriza. Amaanyi ago agazuukiza KATI gali mu ffe era tussiddwako akabonero ne twesigamizibwa ku Kigambo ekyo. Tubuuka okuva ku ŋŋamiya yaffe, nga tudduka gy’Ali mu lugendo lwaffe olututwala ku Kyeggulo kyaffe eky’Embaga makeke.

Tetuswala mu bye tukkiririzaamu; okwawukana ku ekyo, twagala ensi emanye, TULI BANTU BA NTAMBI ABAKKIRIZA BULI KIGAMBO EKYOGEDDWA NABBI WE ERIEZA Omwesigwa gwe yatuma okukoowoolayo n’okukulembera OMUGOLE WE LEBBEEKA. Tetwongerako oba okutoolako yadde Ekigambo KIMU. Obubaka buno ye Abusoluuti waffe.

Omusajja ajjudde Omwoyo Omutukuvu, ajjudde Amaanyi ga Katonda, n’okwagala kwa Katonda mu mutima gwe, ayinza atya okwogera n’omusajja omu eddakiika entono-tono n’atayogera kintu kyonna ku Bubaka bwe yaakawulira ku Lutambi?

Bw’osisinkana abantu abeeyita abakkiriza mu Bubaka buno obw’ekiseera eky’enkomerero, osobola okwogera nabo eddakiika entono-tono era osobola okumanyira ddala wa we bayimiridde ku kuzannya entambi. Bantu ba Ntambi oba si kye bali.

Tekilowoozeka nti bakitwala nga eky’obuswavu, oba ekikyamu, singa ogamba nti ozannya entambi mu kkanisa yo oba mu maka go. Bawulira nti kikontana n’Ekigambo so si Kkubo Katonda lye Yateekawo. Onyoomebwa lwa kubanga ogamba nti oli “Muntu wa Ntambi”.

Abaweereza abazannya entambi mu masinzizo gaabwe bavumirirwa, ne batuuka n’okubayita abagayaavu. Era bw’owuliriza olutambi lwe lumu mu kiseera kye kimu, kale, toba na muweereza, oba kibiina kya ddiini, oba asinza omuntu.

Ntebereza abantu abo bonna abaatusooka abaabeeranga ku mikutu gy’amasimu mu masinzizo gaabwe n’amaka gaabwe, nga bawuliriza Ow’oluganda Branham bonna mu kiseera kye kimu, nabo bateekwa okuba nga baali kibiina kya ddiini. Bateekwa okuba nga baali bavudde mu Pulogulaamu ya Katonda. Tebaakwatibwa nsonyi ERA NAFFE TETUKWATIBBWA NSONYI.

Mu ddakiika ntonotono ng’oyogera n’abantu, bajja kukutegeerezaawo mbagirawo wa we bayimiridde: Yee, tunyiga Zannya. Yee, tuwuliriza entambi ku Ssande mu kkanisa yaffe oba mu maka gaffe. Yee, olutambi lwe lumu, mu kiseera kye kimu.

Lwaki abalala bagamba nti, “Tugenda mu kkanisa ku Ssande ku makya, Ssande ekiro, ne ku Lwokusatu ekiro. Tulina omusumba ow’ekitalo bw’atyo; akitegeeza bulungi nnyo era mu ngeri etegeerekeka ennyo gye tuyinza okutegeera. Annyonnyola Obubaka nsobole Okubutegeera. Olina okuba n’obuweereza okubeera Omugole. Ow’oluganda Branham teyagambangako kuzannya ntambi mu kkanisa.”

Olwo kiki ky’ogamba nti kye kisinga obukulu? Ababuulizi kye boogera, Ow’oluganda Joseph ky’ayogera, oba Eddoboozi lya Katonda lyennyini kye ligamba ku Lutambi? Abusoluuti wo y’Ani? Ekiri ku Lutambi, oba omuntu omulala ky’ayogera?

Obuweereza bwa kitalo, era buli mu Kigambo. Tubwetaaga. Naye EKISINGA OBUKULU kye kiki, okubuulira oba Entambi?

Bwe kiba nti Entambi si kye kintu ekisinga obukulu mu bulamu bwo ng’omuntu, mu bulamu bwo obw’ekkanisa, olwo waliwo ekikyamu. Ovudde mu Pulogulaamu ya Katonda ey’Okwagala kwe Okutuukiridde. KOMAWO MU LAYINI.

Omuntu bw’asisinkana Katonda; si mu nneewulira ey’omubiri emu enkolerere, okucamuukirira okumu, oba enjigiriza emu ey’eby’enzikiriza, katekisimu oba ekikwate ekimu, oba ekiyiiye ky’akkirizza olwa- olw’okwebudaabuda, naye bw’atuukira ddala mu kifo nga Musa bwe yakola, emabega w’eddungu, n’atambula okwolekeganya obwenyi ne Katonda Omuyinza w’ebintu byonna, era n’olaba Eddoboozi eryo nga lyogera naawe, nga likwataganira ddala n’Ekigambo n’ekisuubizo ky’ekiseera, waliwo kye Likukola! Olaba, oba tokyalikwatibwa nsonyi, Lirina kye Likukola.

Mu lunaku lwaffe, olutimbe olwo olw’ennono luyuziddwamu wabiri. Yiino Empagi y’Omuliro Eyimiridde wano, ng’Eyoleka Ekigambo eky’olunaku luno. Obulamba bwa Katonda nga bubikkiddwa mu mubiri gw’omuntu. Ekitiibwa kya Katonda ekirabikako eky’olunaku lwaffe olwaleero. Katonda ng’Ayimiridde era ng’Ayogera mu maaso gaffe, ng’Abikkiddwa mu mubiri gw’omuntu.

Musa yalina Ekigambo. Kati jjukira, oluvannyuma lw’Ekigambo okwolesebwa, Musa yali Musa nate. Okiraba? Naye nga Ekigambo ekyo kikyamulimu nga kirinze okukifulumya, yali Katonda; kale, yali takyali Musa n’akatono. Yalina Ekigambo kya Mukama eky’omulembe ogwo.

Nga KRISTO-MAASI ya njawulo ffe ba Lebbeeka gye tunaaberamu ku Ssande eno. Olunaku lwonna, mu budde obw’enjawulo okuyita mu olunaku lwonna. Tujja kuba tuwulira Erieza waffe ng’Ayitayo Omugole we era tujja kuba tuMugamba nti Tetukwatibwa Nsonyi.

Mukama abawe Ssekukkulu ey’enjawulo, ejjudde “OKUBEERAWO KWE.”

Owol. Joseph Branham

Obubaka: 65-0711 Okukwatibwa Ensonyi

Ekyawandiikibwa: Makko Omutukuvu 8:34-38

Ab’oluganda abaagalwa,

Olw’okuba Ssekukkulu eriwo ku Ssande omwaka guno, mpulidde ku mutima gwange obutaba na kiseera kigere kye tuyinza okuwuliriramu Obubaka ku lunaku olwo. Amaka mangi galina abaana abato abacamuka ennyo okusabuukulula ebirabo byabwe ku makya ga Ssekukkulu, era kyandibadde kizibu nnyo gye bali okubakkakkanya okuwulira Obubaka oba okubalinza okutuusa obudde obw’edda-ko.

Era, naye, ku Ssekukkulu, mumanyi, abaana abato, toyinza kubagamba kintu kirala kyonna. Bo, bamanya bumanya, nti kiseera kya Ssekukkulu gye bali. Era tebayinza kwagala kuwanika bu sokisi bwabwe, wandibaawo obuzibu. Nnono, ne mu ggwanga lyaffe, nti bawanika ka sokisi, n’ekintu ekirala. Lwaki, nakikola, nga nkyali mwana muto, era — era newankubadde nga kkubo erikubiddwawo eriri ewala nnyo n’ebyawandiikibwa nga bwe liri. Kyokka, abaana bagira, bawulira abaana abalala nga bagamba nti, “Kale, nafunye kino ku lwa Ssekukkulu. Nakifunye kino.” Abato bayimirira ne beetooloola ekyo bambi, ne batunula, omanyi. Ggwe, tosobola kubaleetera kutegeera. Okiraba? Kale, bw’etyo kale, Ssekukkulu ya kubeerangawo bulijjo. Yee.

Era wayinza okubaawo abalala abyandiyagadde okuzuukuka nga bukyali ne bawulira Obubaka, anti balina enteekateeka n’abantu abalala ab’omu maka gaabwe edda-ko mu lunaku olwo. N’olwekyo nsazeewo buli maka galonde essaawa esinga okutuukagana n’enteekateeka yaabwe ey’okuwulira Obubaka. Tugenda kuweereza Obubaka ku Lifeline emirundi esatu egy’enjawulo ku lunaku lwa Ssekukkulu: Ssaawa 3:00 (ssatu) ez’okumakya. – Ssaawa 6:00 (mukaaga) ez’omuttuntu. – ssaawa 11:00 (kkumi n’emu) ez’akawungeezi mu (z’essaawa 11: 00 (kkumi n’emu), 2:00 (bbiri) ez’akawungeezi, ne 7:00 (musanvu) ez’ekiro e Uganda).. Nsaba muleme kuwulira nti muteekwa okuwuliriza mu bumu ku budde buno, wabula londa ekiseera ekisinga obulungi eri ggwe oba ab’omu maka go. Ekisinga obukulu kwe ku, NYIGA ZANNYA.

Kiyinza okulabika ng’eky’okusesa, enkya ya leero, okwambala ekkooti yange ey’okungulu ku kadaala, naye nnabadde musanyufu nnyo —oku -okwolesa ekkooti eyo ey’okungulu ennungi ekkanisa eno gyeyampadde. Nalabye Ow’oluganda Neville waggulu wano jjuuzi, ng’ayambadde essuuti eyo ennungi, engeri gye yabadde emugyamu obulungi ennyo, era ne ndowooza, kaale, nze — nze…yalabise bulungi nnyo, era ekibiina nga kigyogerako, ne ndowooza nti, “Nja kumala gambala ekkooti yange ey’okungulu ku kadaala.” Ndi bubeezi…

Omanyi nzikiriza nti tetukula. Bulijjo…Era saagala kukula. Ekyo kiri kitya, Ow’oluganda Luther? Nedda, saagala kukula. Twagala tusigale nga tuli baana bato bulijjo.

Mukama abawe Oluwummula olunyuvu olujjudde Okubeerawo kwe.

Owol. Joseph Branham

Obubaka: 65-0418E KATONDA WABAAWOKKO LW’AKYUSA ENDOWOOZA YE KU KIGAMBO KYE?

BranhamTabernacle.org

Ba Masiya Abatono Abaagalwa,

Ffe Abaafukibwako amafuta ba Katonda; nga twafukibwako amafuta g’Omwoyo We y’Omu, olw’emirimu gye gimu, n’Amaanyi ge gamu, n’obubonero bwe bumu. Kitambudde okuva ku mpungu okudda mu mpungu, okuva ku Kigambo okudda ku Kigambo, okutuusa obujjuvu bwa Yesu Kristo lwe bwoleseddwa mu mubiri gwa buli sekinnoomu muffe, okusisinkana obwetaavu obw’omubiri, obw’omwoyo, oba obw’obwetaavu bwonna bwe tulina. Amaanyi Agazuukiza gabeera era gatuula munda mu ffe. Ffe ba Masiya abatono aba Katonda.

Buli wiiki Okubikkulirwa kw’Obubaka buno; ki kye tuli, wa gye tuva, na wa gye tugenda, kweyongera obunene. Twebuuza n’okusuubira okunene, Kiyinza kitya okusukkawo mu kuba eky’ekitiibwa ? Kiyinza kwanguwa kusukkawo kitya? Naye na buli lutambi olupya lwe tuwulira, Katonda Ayogera naffe kamwa ku kutu era n’Atubikkulira ebisingawo ku Kigambo kye, era n’atukakasa, FFE B’ANI.

Okuyaayana okusinga okw’omutima gw’omukkiriza yenna kwe kubeera mu KWAGALA kwa Katonda OKUTUUKIRIDDE. Tetwagalangako kubeera mu kwagala kwe okw’ekyerekerezi. Emitima gyaffe gimenyeka era ne tunyigirizibwa singa tuwulira nga tukoze ekintu kyonna ekyandiMunyiizizza. Tukimanyi nti Katonda alina Okwagala kwe Okutuukiridde, era twagala kubeera mu NTEEKATEEKA Y’OKWAGALA KWE OKUTUUKIRIDDE.

Mu bulamu bwange, nkoze okusalawo okugumu kwennaayimirirangako bwe ŋŋambye nti nzikiriza nti ekintu ekisinga obukulu buli mmemba w’Omugole ky’ayinza okukola, ab’omukibiina n’abaweereza ng’obatwalidde wamu, kwe KUNYIGA ZANNYA. Nzikiriza nti Lye Ddoboozi Lya Katonda erikakasibbwa lyokka olw’olunaku lwaffe mw’olina okuwulira n’okugondera buli Kigambo.

Njogedde nti nzikiriza obuweereza bwetaaga okuzza Ow’oluganda Branham mu bituuti byabwe n’okuzannya entambi mu masinzizo gaabwe, nga bweLiri Eddoboozi nnamunigina erisinga obukulu abantu lye balina okuwulira.

Nfunye okunenya kuyitirivu mu bulamu bwange olw’okukola okusalawo kuno ku ekyo kye nzikiriza nti ye Pulogulaamu Ye era Okwagala Kwe Okutuukiridde. Kitegeereddwa bubi era ne kigambibwa nti sikkiririza mu buweereza obw’emirundi etaano obw’Abaefeso 4.

Nkitegeezezza emirundi mingi nnyo nti ekyo kya bulimba. Ekyo sikyogerangako, yadde okukkirizangako. Eriyo bangi abakyusizza ebigambo byange ne babuulira abantu ebintu bye soogerangako wadde okubikkiriza, naye ekyo kisuubirwa.

Wateekwa okubaawo amazima g’Ekigambo kya Baibuli. Bw’oba ogamba nti okkiriza Obubaka buno, olwo tulina okutwala Ekyo nnabbi Kye yayogera, nga bwekiri nti kwe Kuvvuunula kwennyini okw’Ekigambo kya Katonda. Kubanga ye muvvuunuzi w’Ekigambo ekyo YEKKA.

Singa mbuuzizza buli omu ku mmwe nti, “Ani ayagala okubeera mu kwagala kwa Katonda okutuukiridde?”
Buli omu ku mmwe yandigambye nti, “YEE, okwo kwe kuyaayana kw’omutima gwange.” Bwe tutyo tulina okutunuulira ekyo nnabbi kye yagamba nga Okwagala kwa Katonda okutuukiridde.

MANYA KINO: Singa Obubaka obuli ku lutambi si ye Abusooluuti wo, era nga tokkiriza buli Kigambo, LEKERAAWO OKUSOMA EBBALUWA ENO. Ku nze, toba mukkiriza, na bwe gutyo ebbaluwa eno teba yiyo. Kyensobola kyokka kwe kusigala obusigazi ne Katonda bye yayogera ku lutambi.

Twagala Ye bye yayogera; si ekkanisa bye yayogera, Dokita Jones bye yayogera, omuntu omulala bye yayogera. Twagala ekyo BW’ATYO BW’AYOGERA MUKAMA ky’Ayogedde, ekyo Ekigambo kye yayogera.

Tulina okwewaayo eri Okwagala kwe n’Ekigambo kye. Tetulina kuba na kabuuza konna kukyo. Tulina kukikkiriza bukkiriza. Togezaako kunoonya ngeri ya kukyebalama. Kitwale butwazi nga bwekiri.

Kale bangi baagala okukyebalama ne bagenda mu kkubo eddala. Bw’okola bw’otyo, Katonda ajja kuba akuwa omukisa, naye ng’okolera mu Kwagala Kwe okw’ekyerekerezi, so si mu kwagala kwe okutuukiridde, okw’Obwakatonda. Katonda ajja kukukkiriza okukola ekintu ekimu, n’okukuwa omukisa akikuweeremu omukisa ng’okikola, naye kusigala si kwe kwagala Kwe Okutuukiridde.

Katonda yatuma omubaka malayika we ow’omusanvu ku nsi okukoowoolayo Omugole we. Tukkiriza nti Yali Mwana w’Omuntu nga Yeebikkulira mu mubiri gw’omuntu. Ddoboozi lya Katonda lyennyini ly’eryakwatibwa era ne literekebwa olw’Omugole we.

Katonda yennyini yagamba nnabbi we nti, bw’on’oleetera abantu okukukkiriza, tewali kijja kuyimirira mu kkubo lyo. Y’eyalondebwa Katonda okukulembera Omugole we. Tewali ayinza kutwala kifo kye. Ne bwe wayimukawo ba Kora bameka, oba ba Dasani bameka, William Marrion Branham y’oyo Katonda gwe yayita okukulembera Omugole we. Eno ye Pulogulaamu ya Katonda era OKWAGALA KWE OKUTUUKIRIDDE.

Abantu bwebaba nga tebatajja kutambulira mu kwagala kwe okutuukiridde, ddala Alina okwagala kwe okw’ekyerekerezi kw’Ajja okukuleka okutambuliramu.

Kati, Katonda ye Ka… omulungi. Atuma Ekigambo kye. Bw’oba tojja kukkiriza Kigambo kye, olwo ateeka mu Kkanisa woofiisi ttaano ez’enjawulo: Esooka, omutume, bannabbi, abasomesa, abasumba, ababuulizi b’enjiri. Babeerawo olw’okutuukirizibwa kw’Ekkanisa.

N’olw’ekyo, obuweereza bwayimusibwangawo kubanga abantu okuyita mu mirembe gyonna tebaayagalanga kukkirizza NTEEKATEEKA EY’OKWAGALA KWA KATONDA OKUTUUKIRIDDE kyokka; Ekigambo Kye ekyayogerwa nnabbi We. Mu ngeri ennyangungu, twetaagibwa kukkiriza bukkiriza Kigambo nnabbi wa Katonda kye yayogera. Tetwetaaga mulala yenna oba ekirala kyonna.

Olwo omulimu gw’obuweereza kwe kuzza abantu mu Nteekateeka Ey’Okwagala Kwe Okutuukiridde, eyo nga kwe: KUSIGALA N’ENTAMBI, KUBANGA KWE KWAGALA KWA KATONDA OKUTUUKIRIDDE. Olwo nno mukuume ENTEEKATEEKA EY’OKWAGALA KWE EYO mu maaso gaabwe buli kiseera nga: MUNYIGA ZANNYA.

Osaanye oddeyo otandikire we watandikira, oba we wakoma, era otwale buli Kigambo kya Katonda.

Kale kiki ky’olina okukola okubeera mu KWAGALA KWE OKUTUUKIRIDDE: Nyiga Zannya.
Abasumba balina kukola ki okubeera mu KWAGALA KWE OKUTUUKIRIDDE: Kunyiga Zannya.

Nabbi wa Katonda yakola ki bwe yagenda mu nkuŋŋaana? Kusabiranga busabizi balwadde, n’ebintu ng’ebyo? Yayogeranga ebintu mu ngeri eya twekisize endiga zisobole okukitegeeera, kubanga tumanya ky’aba ayogerako. Bwe kitaba ekyo, kyali nga kyakulya ku ddobo. Yabalaganga obubonero ng’okukwawula emyoyo, n’Amanya ebyama by’emitima gyabwe, okusiikuula abantu kyokka. Naye oluvannyuma n’agamba nti ekisinga obukulu kye kyali nti:

Ekintu ky’osooka okumanya, olutambi lugwa mu nnyumba yaabwe. Olwo luba lugirina, olwo. Bw’aba ndiga, ajja butereevu nalwo. Bw’aba mbuzi, olutambi alugoba kifuba ddembe.

Oli ndiga oba oli mbuzi? Akabinja ka Katonda akatono keesigamye ku Kigambo ekyo. Tuli mu Kwagala Kwe Okutuukiridde nga Tunyiga Zannya nga ekyo bwe kyali, era bwe kiri, enteekateeka Ye eyasooka.

Sigala butuufu n’Ekigambo Kye, kubanga ekyo kye kigenda okuvaayo ku nkomerero, Ekigambo, Ekigambo ku Kigambo. “Buli alikitoolako Ekigambo kimu, oba okukigattako ekigambo kimu!” Kirina okusigalawo, Ekigambo ekyo.

Nneebaza nnyo Mukama okumanya, olw’Okubikkulirwa okw’omwoyo, nti ndi mu Kwagala Kwe Okutuukiridde okusinziira ku Kigambo kye. Sigatta kuvvuunula kwange ku Kyo, oba okutegeera kwange ku Kyo, wabula mpulira n’amatu gange ekyo ekiri BW’ATYO BW’AYOGERA MUKAMA ERA Okwagala kwe Okutuukiridde.

Nkwaniriza tugende tunoonyereze wamu ebirungi ebiyaayanirwa Ssande ku ssaawa 6:00 (Mukaaga) ez’omu ttuntu mu budde bwa Jeffersonville (z’essaawa bbiri ez’ekiro e Uganda), nga bwe tuwulira: Katonda Atera Okukyusa Endowooza Ye Ku Kigambo Kye? 65-0418E. Mulimu ebinnonnogo bingi nnyo mu Bubaka buno, ogenda kuba MUGAGGA mu Mwoyo We Omutukuvu we tunaamalira.

Owol. Joseph Branham

Okuva essuula 19 yonna
Okubala 22:31
Omut. Matayo 28:19
Lukka 17:30
Okubikkulirwa essuula 17 yonna

Obubaka: 65-0418M Kwe Kuvaayo Kw’Enjuba

BranhamTabernacle.org

Yeekaalu Y’Amaanyi Agatambuza Ebyuma Abaagalwa,

Omuntu bulijjo yeegomba mu mutima gwe okubeera nga Ibulayimu bwe yali atudde mu maka ge akawungeezi akamu ku ssaawa nga 5:00 (ttaano). Yatunula waggulu n’alaba abasajja basatu nga bajja gy’ali nga engoye zaabwe zijjudde enfuufu. Yadduka mangu gye bali, n’agamba nti, “Mukama wange.” Eyali ayimiridde awo mu maaso ge, mu mubiri gw’omuntu ng’Ayogera, yali Merukizeddeeki Omukulu.

Ssande eno, okwegomba okwo mu mitima gyaffe kujja kubeerawo ku buli omu ku ffe. Ffenna tujja kukuŋŋaanyizibwa okuva mu nsi yonna, nga tuwuliriza Merukizeddeeki omukulu y’omu ng’ayogera NAFFE. Omuntu ataalina Kitaawe, newankubadde nnyina, ataalina ntandikwa ya nnaku za bulamu bwe, Katonda, en morphe, ng’Ayogera naffe okuyita mu mimwa gy’omuntu ow’okunsi, ddala nga bwe yakola ku lunaku olwo eri Ibulayimu.

Tewali ngeri ndala yonna gy’oyinza kuwuliramu Ddoboozi eryo okuggyako nga ONYIGA ZANNYA. Tewabangawo kiseera mu byafaayo Omugole weyali yegasse okuva mu nsi yonna okuwulira Eddoboozi lya Merukisedeki nga lyogera mu kiseera kye kimu ddala. Katonda agatta Omugole we n’Eddoboozi eryo.

Okumala emyaka mingi, tubadde n’Ekigambo kya Katonda. Kati twafuna Katonda w’Ekigambo, laba, era Ali wano wennyini ng’Akola nga Ekigambo kye bwe Kimwogerako. Kale kituufu, akamu ku bubonero obukulu obusembayo obwasuubizibwa Ekkanisa nga Mukama tannajja.

Ku Ssande eno, Omugole agenda kuba n’Obubaka bwa Paasika mu December; era nga Bubaka nnyo bwetugenda okuwulira.

Ebyuma ebikola. Amaanyi agabitambuza. Amaanyi Agawa Obulamu (Agazuukiza). Kristo eyazuukira. Abaana ba Katonda abooleseddwa. Omwoyo y’omu eyabeeranga mu Kristo abeera mu ffe. Obulamu bwe bumu bweyalina, amaanyi ge gamu, abaganyulwa be bamu, naffe tubirina. Ekyapa eky’obwannannyini. Ensigo eyasooka okukula okutuuka ku kwengera ewuubibwa mu maaso g’abantu. Kati tuli nnyama ya nnyama ye, eggumba ly’eggumba lye; Bulamu bwa Bulamu bwe, Maanyi g’Amaanyi ge! Tuli Ye!

Yesu Kristo eyazuukira; Merukizeddeeki yennyini, ajja kuleekaana Atugambe nti, “Nnasiima Eddoboozi lyange likwatibwe liteekebwe ku butambi bwa magineeti nsobole okubawalulira gye ndi, era nsobole okwogera nammwe nga bwe nnakola Ibulayimu. Njagala muwulire butereevu okuva gyendi.”

Ye mmwe Ekkanisa yange eyategekerwa edda, eyayawulibwa edda! Emibiri gyammwe ye yeekaalu y’Amaanyi Agatambuza Ebyuma, kubanga okuva ku lubereberye mwali kitundu ku Byuma Ebyo.

Okwo kwe kubikkulirwa okwo okw’Obwakatonda okw’Ekigambo efuuse omubiri. Bwe kiba nga kyali mubiri mu lunaku olwo nga kiyita mu Mwana, Omugole Omusajja, Kibeera mubiri leero nga kiyita mu Mugole omukazi. Okiraba?

Amaanyi ago Agazuukiza gabeera mu ffe. Tetwetaaga kutya KINTU KYONNA. Omwoyo oyo yennyini eyali mu Ye, kati ali mu ffe era Awa emibiri gyaffe egifa obulamu. Tetukisuubira, TUKIMANYI. Twamala dda okuwangula, Yatuwangulira.

Olwo, okufundikira akawungeezi, Merukisedeeki ajja kwogera omulundi omulala Agambe nti;

Abantu bano, banaffe abatuuze mu Bwakaba, banannyini Amaanyi Agazuukiza, gazuukize gye baali, Mukama, kaakano. Era leka Omwoyo agende okuva ku mpungu okutuuka ku mpungu, okuva ku buli Kigambo okutuuka ku Kigambo, okutuusa ng’okutuukirira kwa Yesu Kristo kulabisiddwa mu buli muntu, mu kye betaaga, nga ku lw’eby’omubiri, oby’omwoyo, obabuli kyetaago kye betaaga, nga tutadde buli omu ku munne emikono. Mu Linnya lya Yesu Kristo.

Mpungu ku mpungu, Ekigambo ku Kigambo, obujjuvu bwa Yesu Kristo bujja kwolesebwa mu mubiri gwa buli sekinnoomu kuffe. EKITIIBWA!!

Kino kiyinza okubaawo kuyita mu KUNYIGA ZANNYA teri engeri ndala, kale jangu otwegatteko era weetabe mu kijaguzo kya jubileewo y’okulya ebisanyusa olubuto, nga tulya emmere Eyaterekebwa edda, nga bwe tuwulira Eddoboozi Eryo, Ssande ku ssaawa 6:00 (Mukaaga) ez’omu ttuntu mu budde bwa Jeffersonville (z’essaawa bbiri ez’ekiro e Uganda), nga lituleera Obubaka, Kwe Kuvaayo Kw’Enjuba 65-0418M.

Owol. Joseph Branham

Ebyawandiikibwa

Eby’Abaleevi 23:9-11
Matayo 27:51 / 28:18
Makko 16:1-2
Omut. Lukka 17:30 / 24:49
Omut. Yokaana 5:24 / 14:12
Ebikolwa 10:49 / 19:2
Abaruumi 8:11
1 Abasessaloniika 4:16
Abebbulaniya 13:8
Okubikkulirwa 1:17-18