Category Archives: Uncategorized

23-0820 Senkyem So A

Mesagj: 63-0322 Senkyem So A

PDF

Ankenn responsablite pou Tradiksyon ki fèt nan Branham Tabernacle

Byenneme Lepouz Pawòl Ki Pafè,

Bondye voye dènye pwisans Li. Li voye gran zèg Li pou fè nou tounen nan Lafwa orijinal papa nou yo. Sa se laj zèg la. Pa gen Bèt ankò. Pa gen mesaje ankò. Pa gen gwoup moun ankò. Pa gen ankò. Nou a la fen. Vwa Apokalips 10:7 rive epi Li itilize gran zèg pwofèt Li pou rele Lepouz Li.

Si nou te tande pastè nou an Dimanch, gran zèg Bondye a, nou t ap tande l k ap di nou, jan l te di nou:

“Nou se gwoup sa a ki pral pran Sèt Tonè sa yo; Pawòl Bondye a menm, epi ki pral tranche epi koupe epi menm fèmen Syèl la. Nou ka fèmen sa, oubyen fè sa, kèlkeswa sa nou vle. Pawòl la ki soti nan bouch nou touye lènmi an, paske li pi file pase yon epe de bò. Nou ta ka fè parèt san milya tòn mouch si nou te vle. Kèlkeswa sa nou di, pral rive, paske Se Pawòl Bondye a ki soti nan bouch Bondye. Se Pawòl Li, men Li toujou sèvi ak moun pou fè L aji.”

Kijan m ka ensiste sou enpòtans ki genyen nan Peze Jwe; pou tande zèg la ke Bondye voye? Mesaj sa a tèlman enpòtan, tèlman pafè…TÈLMAN PAFÈ, ke L pat ka menm konfye L bay on Anj. P at gen okenn lòt moun, okenn lòt gwoup moun, OKENN MOUN Li te ka bay Li, SÈLMAN GRAN ZÈG PWOFÈT LI.

Nou ka pale sou Li, anseye Li, menm preche Li, men gen YON SÈL VWA ki genyen “Ensi Di Seyè A,” epi nou dwe kwè chak Pawòl. Gen yon sèl Vwa kote nou ka plase destinasyon etènèl nou. Gen yon SÈL VWA ke Bondye chwazi pou kondwi Lepouz Li, epi LEPOUZ LI SÈL PRAL GEN REVELASYON SA A.

Gen yon sèl zèg pwofèt ke Li chwazi anvan fondasyon mond lan pou revele TOUT PAWÒL LI…WILLIAM MARRION BRANHAM, epi li menm, epi li menm sèl, ki zèg mesaje Bondye a pou jou jodi a. Li menm, epi li menm sèl, yo te voye pou kondwi Lepouz Bondye a.

Apèl mwen, oubyen apèl nenpòt ki minis, se yon sèl bagay: KONDWI NOU A LI MENM, GRAN ZÈG BONDYE A. Li menm ke Li chwazi. Li menm ke Li konfime pa Kolòn Dife Li. Li menm ke Li chwazi lè Li louvri Liv la epi Li rache So yo, epi ke Li voye sou latè a, pou revele L ba nou, pèp Li.

Pawòl yo ke li pwononse sou bann se pa pawòl li yo, se Panse Bondye yo menm ki pwononse epi ki anrejistre sou bann pou Lepouz Li tande; epi sèl NOU MENM, Lepouz LI ki gen vrè Revelasyon an.

Lepouz, jis panse a sa! Nou rive. Se tou. Rechèch syantifik te pwouve Sa. Konfimasyon Pawòl la pwouve L. Epi nou la! Epi Revelasyon sa a vin de Bondye, e Se Verite a. Epi paske nou rekonèt Li, NOU SE pitit gason ak pitit fi L ki retabli konplètman. 

Pa gen dout ankò. Pa gen kesyon ankò. NOU SE LEPOUZ PAFÈ LI. Nou rekonèt kiyès nou ye. Se nou menm, pa Gras Bondye, ke Li pèmèt zèg Li wè nan rad blan.

Pran kouraj Lepouz. Nou prèske La. Nou ka santi L. Li pi reyèl pou nou kounye a ke anvan. Lènmi an rayi nou, MEN BONDYE RENMEN NOU. Li pa jis avè nou, LI NAN NOU. NOU SE PAWÒL LI KE FÈT CHÈ.

Li pwouve Satan, NOU PA KA, EPI NOU PAP ECHWE. Gen sèlman LAFWA avèk dout. Nou JIS gen LAFWA. Pa nan nou menm, NAN PAWÒL LI, epi LI pa ka echwe. Poukisa? NOU SE PAWÒL LA. Bondye di sa!!

Nou p at chwazi L, LI CHWAZI NOU. Kijan Satan ta ka fè nou yon bagay, BONDYE CHWAZI NOU. Li chwazi nou paske Li te KONNEN ke nou pa t ap manke kwè nan Pawòl Li. Satan di nou: “men ou echwe, echwe, echwe”…ou gen rezon, mwen echwe nan kò mwen, men mwen JISTIFYE, epi mwen pap manke kwè CHAK PAWÒL. 

Nou dwe pase tès epi travèse eprèv pou BONDYE, pou Li ka PWOUVE ÈNMI L AK ÈNMI NOU…NOU SE LEPOUZ PAWÒL LI KI PAFÈ. 

Ke Gran Sentespri a ranpli lakay nou, legliz nou, ou kèlkeswa kote nou ye Dimanch sa a midi, lè Jeffersonville, alò ke nou pral tande gran zèg Bondye a k ap pote Revelasyon an nan: Senkyèm So A 63-0322.   

Frè Jozèf Branham

Ekriti pou li anvan nou tande Mesaj la:

Danyèl 9:20-27

Akt 15:13-14

Women 11:25-26

Apokalips 6:9-11 / 11:7-8 / 22:8-9

23-0806 Twazyèm So A

Mesagj: 63-0320 Twazyèm So A

PDF

Ankenn responsablite pou Tradiksyon ki fèt nan Branham Tabernacle

Byenneme Lepouz Eksite

Pare nou, Dimanch sa a n ap resevwa plis Eksitasyon pa Revelasyon ke nou janm resevwa nan vi nou. N ap jis vin sou nan Pawòl la. L ap tèlman bon, e klè…e menm pi klè ke lè L te pwononse L. Epi gen jis on sèl jan pou genyen L, nou dwe Peze Jwe!

Pran bann yo, tande yo byen. Paske, n ap konprann li sou bann yo, paske yo retande bann yo, e yo vrèman trè klè. Alò, la a n ap konprann li pi byen.

Kisa setyèm anj mesaje Bondye a sot di? Li menm ke Bondye chwazi pou revele tout mistè Bib la; li menm ke Li chwazi bay Revelasyon Sèt So yo, Tonè yo, ak tout Pawòl Li. Anj ke Li chwazi pou rele Lepouz Li. Li menm ke Li chwazi pou reprezante Vwa L nan dènye jou yo.   

Annou reli sitasyon sa a pou nou sètèn ke nou byen konpann sa li sot di nou pou fè.

“N ap konprann li sou”, KI KOTE?

“N ap konprann li byen”, KI KOTE?

W ap pale jan li enpòtan pou Peze Jwe epi pou tande Bann yo. GLWA!! Sa se pa pawòl mwen, sa se PAWÒL BONDYE k ap di Lepouz Li, KONPRANN LI LA A …SOU BANN YO. Predikatè, kite m trankil.

Kijan on moun ki pretann kwè Mesaj sa a ka di ke jwe bann yo se pa pi GWO bagay Lepouz la ka fè? Kijan on pastè ka mete ministè l anlè sa pwofèt la? Pa jis pou site li…M ap fè sa tou kounye a, men pou m jwe Vwa sa a bay twoupo li pou yo ka “KONPRANN LI BYEN LA A”.

Pi gwo ministè nan mond lan se Ministè Bann yo. Pa gen anyen ki pi gran ke Peze Jwe. Gen yon sèl Vwa ki te òdone pa Bondye kòm etan Ensi Di Seyè A bay Lepouz Li, Vwa a sou bann yo.

Kite m klè ankò. M PA kont okenn minis k ap preche, e m pa panse tou ke yon minis pa ka preche ou anseye. Men pou mwen menm ak ministè pa m, travay mwen se pou di mond lan pou tande Pawòl akonpli a ki fèt chè, ki te anrejistre epi sere sou bann mayetik. M kwè ke Se Vwa Bondye, epi LI, epi LI sèl, reponn tout kesyon yo. L ap ba nou tout bagay nou bezwen, ak tout Lafwa Anlèvman an, paske Se Ensi Di Seyè A.

Lepouz la pa bezwen pawòl mwen, M jis ap site Pawòl la tankou lòt predikatè yo. Nou site epi nou di konbyen li enpòtan pou tande ministè nou epi apèl nou, louwe Seyè a. Mwen di moun yo ke ministè ki PI ENPÒTAN se Vwa Bondye a sou Bann yo. Pa gen anyen ki pi gran. Yo pa bezwen gen lòt bagay.

M pa di bagay sa yo pou moun yo gen yon move lespri ou yon move atitid devan nenpòt predikatè ou ministè, Bondye entèdi m sa. Mwen renmen yo. Se frè m yo ye. Bondye plase yon apèl nan vi yo. M p ap oze pale kont moun wen Bondye, MEN mwen oblije pale epi di ke anpil mete twòp aksan sou ministè PA YO e yo pa etabli Vwa Bondye sou bann yo kòm etan VWA A KI PI ENPÒTAN ke Lepouz la ka tande.  

Mwen tou senpleman di: “Remete Frè Branham dèyè chè nou,” epi anpil predikatè pran inisyativ pou di fidèl yo ke Frè Branham pa janm di sa sou bann, e ke YO gon apèl pou pran Pawòl la pou bay pèp la; ap jwenn eskiz POU YO PA JWE BANN YO NAN LEGLIZ YO A.

Yo di ke li MAL si yon pastè jwe bann yo nan legliz li, y ap kritike moun yo, y ap di ke si yo jis tande bann yo nan legliz yo, e pa ministè a, yo pa Lepouz.

M tèlman tande eskiz ke yo itilize epi yo di moun yo. Yo jis p ap di fidèl yo: “BANN YO SE BAGAY KI PI ENPÒTAN KE NOU DWE KOUTE”. Si yo te fè sa, alò moun yo ta mande… “alò poukisa nou pa jwe bann yo nan legliz nou si se bagay ki PI enpòtan?”

Men kiyès nou pral tande Dimanch:

Bondye te manifeste Limenm nan yon Nonm, epi L te di kiyès ki te dèyè L; epi sa Sarah te fè, ri nan tant lan. Epi tout Ekriti sa yo nan Malachi, e latriye, te predi nan dènye jou yo. Ebre 4 di, lè “Pawòl la” va retounen. Malachi 4 di Li t ap retounen atravè yon nonm.

Pawòl sa a retounen atravè yon nonm epi nou gen Vwa Li anrejistre sou bann epi nou pral tande L CHAK DIMANCH.

Mwen kontan anonse ke Dimanch sa a, a midi, lè Jeffersonville, nou pral tande ankò Pawòl akonpli a ki fèt chè epi ki anrejistre sou bann mayetik. Li ban nou Revelasyon an sou: Twazyèm So A 63-0320. 

Ala yon moman nou pral pase, Lepouz. Ala yon jwa ki pral ranpli kè nou. Ala yon pè ki pral rekonfòte nanm nou, alò ke nou pral tande sa Bondye Li menm te di Satan: “Pa manyen yo. Si ou pran youn nan sa yo ki fè pati de ti Twoupo Mwen, ki plen ak Lwil e Diven M nan Pawòl ki pi a, pa oblije yo resite okenn ‘M salye Mari’, ou kèk lòt kredo w. Pa manyen yo. Yo konn ki bò yo prale, paske yo wen ak Lwil Mwen epi yo gen diven lajwa, paske yo konn pwomès Pawòl Mwen. ‘M pral resisite yo.’ Pa fè Sa a mal! Pa al eseye twouble yo… jis rete lwen yo.”

Nou pa gen anyen pou nou pè. Nou gen Pawòl la. NOU SE PAWÒL LA. Nou pa kanpe pou anyen. Nou se Pitit Gason ak Pitit Fi Bondye. Satan, soti kò w, TOUT BAGAY pou nou. Bondye Di L. Li ekri!

Frè Jozèf Branham

Ekriti pou li anvan nou tande Mesaj la:

Matye 25:3-4

Jan 1:1, 1:14, 14:12, 17:17

Akt Chapit 2

1 Timote 3:16

Ebre 4:12, 13:8

1 Jan 5:7

Levitik 8:12

Jeremi Chapit 32

Jowel 2:28

Zakari 4:12

23-0723 Premye So A

Mesagj: 63-0318 Premye So A

PDF

Ankenn responsablite pou Tradiksyon ki fèt nan Branham Tabernacle

Byenneme…M pral rele w Lepouz,

Bondye, Gran Kreyatè a, Alfa a epi Omega a, Lis nan Vale a, Woz Sawon an, Etwal Klere Maten an, Papa a, Fis la, epi Sentespri a, Kolòn Dife a, Bondye Li menm, vini sou latè a epi Li pale avèk nou atravè bouch on moun, GLWA!, Li mete L sou bann mayetik, pou nou te ka tande L k ap rele nou…”NOU MENM” LEPOUZ LI.

Vizyalize sa zanmi m yo. Seyè nou Jezikri, k ap gade nou nan je epi k ap di nou: “Ou se Lepouz Mwen. Mwen renmen w. M tèlman tann ou lontan. Pou Mwen menm, ou pafè. Chè w se chè Mwen, zo w se zo Mwen. Mwen te chwazi w anvan M te kreye Latè oubyen zetwal yo. M tèlman renmen w. Nou pral pase Letènite ansanm. Kounye a, M ap Vin chache w.”

Sa sèlman ta dwe ban nou tout Lafwa Pou Anlèvman an. Kisa dyab la ka lanse w, ka di w, ka plase sou ou ki ka fè w mal? ANYEN, NOU SE LEPOUZ KRIS LA! Nou se Pawòl Li ki vin fè chè, nou se Madam Jezikri. 

Kijan on moun ta ka, nan nenpòt lang, ekri epi eksprime sa sa vle di pou nou? Ou jis pa kapab.

Pa gen okenn plas nan mond lan kote ou ka gen onè sa a epi privilèj sa a pou tande Pawòl sa yo, sof si ou gen bon Revelasyon an epi ou PEZE JWE.

Pi gwo evènman ke mond lan ap tann depi kòmansman tan an, ap pase kounye a menm, epi nou fè pati de Li. Li tann jou sa a, lè sa a, pèp sa a: OU MENM, pou akonpli epi reyalize Gwo Plan Li.

Revelasyon mistè Sèt So yo, Tonè yo k ap revele, pèfeksyon nou, Adan Li ki konplètman restore, Vini Li, tout bagay sa yo ap manifeste epi ap akonpli KOUNYE A, nan OU, LEPOUZ LI!

Pa nan epòk Moyiz. Pa nan epòk Noe. Pa nan epòk Jezi, pa menm nan epòk Jan oubyen Pòl; L ap rive kounye a, KOUNYE A MENM, AVÈK OU MENM. 

Nou pa vle manke Sa. Nou vle pare pou lè L ap Vini. Pou fè sa, yo ban nou lòd pou al chache repons nou yo nan PAWÒL la. Se pa lide mwen, ou lide oubyen panse kèk moun, men sa Pawòl Bondye a di ki konfime.

Nou konnen ke Lepouz la dwe di “amèn” a chak Pawòl epi Li dwe ini ansanm, fè Youn. Alò nou dwe gade nan Pawòl Bondye a pou wè sa ki pral ini Lepouz la ansanm.

Epi apre sa ap gen Sèt Tonè misterye yo kap vini ki pa menm ekri ditou. Se vre. Epi m kwè ke, atravè Sèt So sa yo, yo pral revele nan dènye jou yo, pou reyini Lepouz la ansanm pou gen lafwa pou anlèvman an.

Li la a, nan Pawòl la. Sèt Tonè yo pral revele nan epòk nou pou rasanble Lepouz la pou lafwa anlèvman an.

Apresa pwochen kesyon nou bezwen konnen se: Kisa ki Tonè yo?

Lè, “gwondman tonè a.” Sonje byen, yon gwo bri batman yon Tonè se yon Vwa Bondye. Se sa Bib la di, wè, “yon batman Tonè.” Yo te panse se te yon Tonè, men se te Bondye. Li te konprann Li, paske Li te revele l a Li menm. Wè? Se te yon Tonè.

Alò Tonè yo se Vwa Bondye ki pral rasanble Lepouz la epi ki pral ba yo (NOU MENM) lafwa anlèvman an. Men repons nou.

Kiyès ki Vwa Bondye pou Lepouz la? William Marrion Branham. 

Bon, mwen jis frè nou, pa gras Bondye, men lè Anj Seyè a desann, lè sa a, li vin on Vwa Bondye pou nou menm…M pa ka di anyen pou tèt pa m, men sa Li montre m, mwen di l. Kwè l epi swiv sa k ap rive.    

Kwè l epi swiv sa k pral rive epi ki pral pran plas Dimanch sa a, alò ke nou pral rasanble ansanm, pou resevwa lafwa anlèvman an, pandan ke nou pral tande L ap Gwonde bay Lepouz Li. 

W ap pale de “chita kounye a nan plas Selès yo”? Kisa sa pral ye! Si nou ka santi nou konsa, antan n chita isi a sou latè, anvan Anlèvman an vini, nan kondisyon sa a ke nou ladann kounye a; e nou ka rejwi, epi kanpe nan viwonn miray yo, epi kanpe nan lapli, jis pou tande Sa; kisa sa pral ye lè n ap wè L chita la a! O la la! O, sa pral yon moman glorye.

Pa manke moman glorye sa a. Nou envite w pou rasanble avèk nou pandan ke nou pral tande: Premye So A 63-0318, a midi, lè Jeffersonville.

Frè Jozèf Branham

Matye 10:1 / 11:1-14 / 24:6 / 28:19

Jan 12:23-28

Akt 2:38

2 Tesalonisyen 2:3-12

Ebre 4:12

Apokalips 6:1-2 / 10:1-7 / 12:7-9 / 13:16 / 19:11-16

Malachi chapit 3 e 4

Danyèl 8:23-25 / 11:21 / 9:25-27

23-0716 Espas Nan Mitan Sèt Aj Legliz Yo Avèk Sèt So Yo

Mesagj: 63-0317e Espas Nan Mitan Sèt Aj Legliz Yo Avèk Sèt So Yo

PDF

Ankenn responsablite pou Tradiksyon ki fèt nan Branham Tabernacle

Byenneme Ti Lis Letan,

Nou kreye on chemen rive anlè tèt dlo labou a epi nou louvri zèl nou yo. Ti petal nou yo soti epi kounye a nou reflete Lis nan Vale a. Nou konsakre vi nou nèt bay Bondye ak Pawòl Li.

Nou nan tan lafen an epi nou soti nan Lès e Lwès, nan Nò e Sid, epi n ap pare pou Anlèvman sa a. Nou rete an plas pandan kèk minit jiskaske chak fib ranpli ak Sentespri a. N ap pare pou nou MONTE.

Jou a rive. L ap rele pèp Li pou rasanble avè L nan on vrè inite avè L. Se Jezekri k ap viv ak Lespri Li nan kò nou, k ap fè menm bagay yo ke Li te fè antan ke senbòl pou mond lan.

Bagay ki pi sublim nan Ekriti a ap rive nan jou pa nou. On jès, ke menm on Anj, anyen, te ka fè, sèlman Ayo a. Li vini epi Li pran Liv la nan Men dwat Limenm ki te chita sou Twòn lan, Li ouvri L, Li rache So yo, epi Li voye L sou latè a, bay setyèm anj Li, pou revele L ba NOU, Lepouz Li.

Bagay yo k ap pase; Pawòl la ke L ap revele nou chak jou, pa gen mo. Nou elve vwa nou epi nou kriye epi nou rele: Alelouya! Onksyon an, pwisans lan, glwa a, manifestasyon an, Revelasyon Pawòl Li pi gran pase Li te janm ye depi kòmansman tan an.

Avèk tout kreyati yo ki nan Syèl la, epi ki sou latè a, epi ki anba tè a, sou lanmè a, epi tout sa ki ladan, nou rele: benediksyon, onè, glwa, pwisans, a Limenm ki chita sou twòn lan, epi a Ayo a pou tout tan, amèn! Amèn, epi amèn!

Tout kreyati, tout òm, depi kòmansman tan an, te tann pou jou sa a rive. Menm Bondye Limenm te tann jiskaske anj Li te chwazi a rive sou tè a, anvan Li vini pran Liv la, brize Li epi revele tout mistè Li yo bay Lepouz Li ke L te chwazi.

Nou konnen kounye a sa pèsonn te janm konnen sou tè a depi nan kòmansman an. Tout sa ki te pèdi nan chit la. Tout sa ki te kache nan Pawòl Li. Tout sa Lepouz la bezwen te anrejistre epi te depoze nan ti antrepo Bondye a.

Li montre nou sa ki genyen odela rido tan an epi nou wè tèt nou avè L lòt Bò a. Lepouz la pare tèt Li pandan L ap tande Pawòl la.

Nou te nan antrènman. Nou mete sou nou tout armur Bondye a. Anyen ka souke nou. Anyen ka fè nou pè. Anyen ka fè nou mal. Anyen ka fè nou fè konpwomi sou yon sèl Pawòl. NOU SE PAWÒL LA.

N ap tann Li avèk boukè nou nan men nou. Li prèske lè. Vye òlòj la ap mache. Nou tande chwal yo k ap galope, sab lan k ap glise anba wou yo. Vye bourèt la prèske kanpe.

Lè L ap rive, n ap soti nan vye mond sa a ale dwat nan Bra Li. Li pral pran nou epi Li pral di nou: “M ale pou M pare yon plas pou ou, men Tout bagay fini kounye a, cheri.”

Lè L ap Vini a tèlman pre. Nou gen gwo atant kòm jamè oparavan. Nou tèlman eksite alò ke Li vle ke nou tande Sèt So yo yon lòt fwa. Nou konnen ke nou pral resevwa plis Revelasyon, paske chak Mesaj ke nou tande se kòm si nou pat janm tande L anvan.

Viv jodi a epi tande Mesaj sa a li pi glorye pase lè Li te anrejistre. L ap revele nou plis toujou kounye a. Kisa k a rive?

Vin rasanble avè nou a midi, lè Jeffersonville, epi pran plezi tande: 63-0317A Espas Nan Mitan Sèt Aj Legliz Yo Avèk Sèt So Yo. Se Manje Ki Sere ke Seyè a pare pou Lepouz la manje.

Frè Jozèf Branham

Ekriti pou li pou nou pare pou n tande Mesaj la:

Levitik 25:47-55

Jeremi 32:1-15

Zakari 3:8-9 / 4:10

Rom 8:22-23

Efèz 1:13-14 / 4:30

Apokalips 1:12-18 / chapit 5 / 10:1-7 / 11:18

23-0709 Bondye Kache Epi Revele Nan Senplisite

Mesagj: 63-0317m Bondye Kache Epi Revele Nan Senplisite

PDF

Ankenn responsablite pou Tradiksyon ki fèt nan Branham Tabernacle

Byenneme Moun Apa, Dwòl, Etranj, Sasèdòs Espirityèl, Nasyon Wayal,

Ala on bèl moman Li bay Lepouz Li, nan revele Pawòl Li kòm jamè oparavan. Chak Mesaj ke nou tande sanble kòm si nou pat janm tande L anvan. Kè nou ak nanm nou ranpli ak jwa alò ke n ap regale nou avèk Laman Fre k ap desann soti nan Syèl la. Santi kòm si nou gen yon apèsu de pwochen Soupe Nòs nou, alò ke L ap nouri nou Revelasyon apre Revelasyon.

N ap ofri sakrifis espirityèl bay Bondye, atravè fwi bouch nou, lè n ap louwe Non Li. Nou pran pozisyon nou tankou zetwal nan syèl la.

Li reyini nou ansanm nan kote selès, Li vide Sentespri L sou nou, ap prepare nou pou pwochen Vini Li. Se sèl sa nou ka panse. Se tout sa nou gen nan lespri nou. Tout sa nou vle fè se TANDE PAWÒL LA. Lap di nou ankò e ankò ke nou se Lepouz Li. Sa se Volonte Pafè Li lè nou rete nan Chemen Li bay la.

Nou se sòlda nan Divizyon Ministè Bann Li, e nou tèlman fyè de sa. Se yon badj onè. Nou vle rele l byen fò epi di mond lan, WI, NOU SE YOUN NAN YO.

Li ban nou Manje ki sere pou nou manje. Laman Bondye Limenm k ap pale avèk Lepouz Li, ki fè nou konnen ke nou nan lame Li a.

N ap rasanble anba gwo twa syèl la nan on tèl amoni, ke Sentespri a plase chak manm Kò a jiskaske gen gerizon espontane nan toude, nanm ak kò.

Nou pran Pawòl Bondye a epi nou kale dyab la ak pwisans li. Nou koupe l an mòso avèk Pawòl sa a. Kapitèn an Chèf nou an te di nou: “Nou se Pawòl la. Nou pa bezwen pè. Mache dwat sou dyab la epi di: ‘LI EKRI.’”

Li chwazi nou pou nou vin solda Li yo. Nou te nan antrènman, fòtifye avèk Pawòl Li. Kounye a nou abiye epi nou pare pou goumen. Jeneral 5 Etwal nou an te kòmande nou sa pou nou fè: Rete dwat avèk ansèyman bann Mwen an.

Epi ou dwe sèten, jis di sa bann lan di. Pa di anyen lòt. Ou wè? Paske, m pa di Sa de mwen menm. Se Li ki di L, ou wè. Epi tan de fwa, se konfizyon, moun yo leve, e yo di, “Bon, entèl entèl te di Li vle di sa-e-sa.” Jis-jis kite L jan L ye a.      

Se pa sa William Branham ap di nou sou bann yo, se sa BONDYE ap di Lepouz Li sou bann yo. Sa se LÒD Li yo. Gen yon sèl jan pou obeyi lòd sa yo nan men Jeneral 5 Etwal nou epi kite L jan L ye a: PEZE JWE.

Nou nan lame Bondye a, kidonk nou dwe obeyi Mo pou Mo lòd nou yo. N ap vanse. Nou se moun vayan, moun ki gen lafwa, moun ki gen pouvwa, moun ki gen konpreyansyon, moun ki gen Revelasyon. 

Nou rejwenn on kominyon pafè avèk Papa a, nou kanpe sou lòt bò presipis la, san okenn souvni peche kont nou. Adan Li te retabli. 

Se Bondye nan senplisite ankò. Li pa pou tout moun, sèlman pou Lepouz Li, epi nou wè L klè epi byen klè.

Mwen pa ka tann pou m tande Sèt So yo ankò. Li pral revele nou Pawòl Li kòm jamè oparavan. Nou pral resevwa yon pi gwo Revelasyon de Pawòl Li.  

Li tann jiska jou jodi a pou L revele nou plis. Tout sa nou bezwen te anrejistre epi li disponib pou nou ka tande l avèk jis on presyon dwèt nou.

Mesaj sa a se Sèt Tonè sa yo ki pral pèfeksyone Lepouz la; paske TOUT MISTÈ BONDYE YO PRAL REVELE PA 7E ANJ MESAJE NOU POU LEPOUZ LA.

Sa se pi bèl epòk istwa mond lan. Nou a lavèy Vini Li pou Lepouz Li. Lemonn ap tann tout bagay sa yo ki te di nan Ekriti yo; tankou solèy la ki pral kouche nan mitan jounen an epi tout kalite bagay ki gen pou rive. Men li deja rive, epi yo pat konnen.

Sonje, li sele avèk Sèt Tonè misterye sa yo. Wè? 

Gwo bagay pral rive alò ke nou pral rasanble ankò pou nou tande Tonè Bondye epi k ap revele plis a Lepouz Li sou Sèt So yo.

Mwen envite nou vin jwenn nou a midi, lè Jeffersonville, alò ke nou pral kòmanse gwo seri sa a avèk Mesaj la: 63-0317M Bondye Kache Epi Revele Nan Senplisite.

Kòm Frè Branham ap rekonsakre Branham Tabènak la epi moun yo bay Bondye, annou rekonsakre tèt nou, lakay nou, legliz nou, ou kèlkeswa plas kote nou rasanble, a Li.

Frè Jozèf Branham

Ekriti pou li pou nou pare pou n tande Mesaj la.

1 Kronik 17:1-8

Ezayi 35:8 / 40:1-5 / 53:1

Malachi chapit 3

Matye 11:10, 11:25-26

Jan 14:1-6

1 Korint chapit 13

Apokalips chapit 21

23-0702 Pi Gwo Batay Ki Te Janm Fèt

Mesagj: 62-0311 Pi Gwo Batay Ki Te Janm Fèt

PDF

Ankenn responsablite pou Tradiksyon ki fèt nan Branham Tabernacle

Byenneme Fòs Espesyal Ministè Bann Yo,

Annou reyini ansanm pou nou byen fini bèl wikenn fòmasyon ke nou fèk genyen pa yon gwo pwen desizif, alò ke nou pral tande Jeneral 5 etwal nou an ki pral pale atravè anj terès ke Li chwazi a, epi ki pral anseye nou kijan pou nou goumen epi genyen Pi Gwo Batay Ki Te Janm Fèt, 62-0311.   

Ki kote: Katye jeneral la (Twòn Bondye a)

Ki lè: 2:00 P.M. Lè Jeffersonville

Frè Jozèf Branham.

23-0625 Mesye, Éske Sa A Se Siy Fen Tan An?

Mesagj: 62-1230e Mesye, Éske Sa A Se Siy Fen Tan An?

PDF

Ankenn responsablite pou Tradiksyon ki fèt nan Branham Tabernacle

Byenneme Epouz Mo pou Mo,

Okenn pwofèt, okenn apot, jamè, nan okenn epòk, pa janm viv nan epòk tankou sa n ap viv la. Sa se lafen. Kolòn Dife a retounen. Kolòn Dife a ki te kondwi pitit Izrayèl yo; menm Lan ki te frape Sòl sou wout Damas lan. Menm Lan ki vini avèk menm Pwisans lan, k ap fè menm bagay yo, epi k ap revele menm Pawòl la, ki rete Mo pou Mo avèk Bib la!

Tout mistè kache yo te revele a li. Èske nou remake, TOUT mistè yo. Anyen ki nouvo, anyen ki bliye, anyen ki pral revele pa yon lòt moun; TOUT te revele bay setyèm anj mesaje Li epi yo te ban NOU l, Lepouz Li, sou Bann.

Se TOUT sa Lepouz la bezwen; NOTE ANKÒ, TOUT SA LEPOUZ LA BEZWEN. Lòt moun bezwen lòt bagay, e yo ba yo sa. Men sa nou bezwen te anrejistre e yo ba nou l sou bann e SA ba nou LAFWA pou Anlèvman.   

Nou se legliz ke Seyè Bondye te ba li a. Sa se katye jeneral Li. Se la Li di nou rete. Pa yon bilding, BANN YO. Nou se gwoup moun sa yo ki kwè, epi nou grangou e nou akwoche a chak Pawòl. Li di nou rete isit la epi egzamine Wòch Blan an, Granit la, PAWÒL SOU BANN YO.

Yon Vwa ki sot nan Syèl la te pale avè l epi te di l: “Pote Manje anndan. Sere Li. Sa se sèl jan pou kenbe yo isit la, se ba yo Manje.” Li pa t di chache yon lòt bagay, oubyen ke pral gen nouvèl revelasyon k ap vin de yon lòt moun; egzamine MANJE SA KI SERE SOU BANN, RETE LA.

Men menm jan yo fè nan tout rèv yo ke Li revele, gen kèk moun ki pran direksyon sa a; gen kèk ki pran on direksyon, epi gen lòt ki pran on lòt. On ti kal te rete pou gade sa LI te di yo.

Kounye a konpare sa a avèk lòt yo, rèv yo. Sa se te yon vizyon. Manje a, men Li. Sa se plas la.

Li pat ka pi klè pase sa pou Lepouz Li. Sa se te yon vizyon, pa yon rèv, yon VIZYON. Manje an la a: BANN YO. Sa se plas la: BANN YO. N ap fè egzakteman sa L te di nou fè: Koute BANN YO!

Sa pran on Revelasyon Espirityèl pou konprann bagay sa yo. Sa pral pran on Revelasyon Esprirityèl pou kwè epi konprann tout sa Li pral di nou Dimanch sa a. Se pral on bèl moman pou Lepouz la.

Tèlman gen anpil bagay ke Bondye di nou epi ke Li revele nou nan Mesaj sa a. M anvi kopye sitasyon aprè sitasyon epi ban nou Li, men m konnen ke Li pral revele w chak Pepit paske men sa Li te di ke ou ye:

Sa se legliz Seyè Bondye a te ban mwen. Se isit la ki katye jeneral mwen. Se isit la ke m rete… gen yon gwoup moun isit la ki kwè, epi ki grangou epi k ap kenbe fèm.

Nou se gwoup sa a ki grangou epi k ap kenbe fèm. Anpil moun pa konprann nou epi ap pase nou nan betiz, men se pa grav, nou renmen yo epi nou priye pou yo; men nou jis vle YON SÈL VWA pou gide nou.       

Padone m, men m oblije ban nou sitasyon sa a.

“Lè li pral kòmanse sonnen twonpèt la, mistè a pral fini.” Kounye a, remake, alò li lè pou vwa Sèt So yo revele, nan Apokalips 10. Èske nou konprann? Lè tout mistè Liv la pral akonpli! Epi Bib la te di, isit la, ke l ap kanpe mistè yo.    

Kiyès k ap kanpe mistè yo? Pastè w? Yon gwoup? Mwen menm? Setyèm Anj Mesaje a: William Marrion Branham. Pa gen moun anvan, pandan, oubyen apre li. LI PRAL KANPE MISTÈ YO.

Se ka lafen tan an. Li ka lè kote lakansyèl la pral travèse syèl la, epi yon anons ki soti nan syèl la, pral di: “Pa gen tan ankò.” Si se sa, annou pare tèt nou, zanmi, pou rankontre Bondye nou a.   

Wi Seyè, nou vle pare pou nou rankontre W. Nou vle fè tout sa nou kapab. Nou vle rete nan volonte Pafè W. Tanpri Papa di nou, kisa nou dwe fè pou nou pare?

Gen anpil Manje ki te sere kounye a. Annou sèvi avè L. Annou sèvi avè L kounye a.

Mèsi Papa pou Manje a ke ou te sere pou Lepouz Ou epi pou Revelasyon Li. Nou sèvi avè L chak jou.

M priye pou padon ti legliz mwen isit la, ke Ou voye ban mwen pou-pou-pou-pou m kondwi epi pou m gide. Beni yo, Seyè. Mwen aji selon sa vizyon yo, epi rèv yo, epi bagay yo te di, selon sa m konnen pi byen. Mwen te sere tout Manje a ke me te kapab pou yo, Seyè. Kèlkeswa sa l ye, Seyè, se pa W nou ye.   

Mèsi Seyè, Ou di nou li ankò, Ou sere tout Manje a ke nou bezwen pou vwayaj nou an.

M pa ka tann pou m tande: Mesye, Èske Sa A Se Siy Fen Tan An? 62-1230A, avèk nou chak Dimanch a midi, lè Jeffersonville. M konnen ke bagay pral revele ban nou kòm jamè oparavan. Se ka dènye fwa nou tande L.  

E si se on bagay pou kite nou konnen kijan pou antre nan Lafwa Anlèvman an? Èske se sa? Èske n ap kouri, sote sou mi yo? Epi èske gen yon bagay ki pare pou l rive, epi vye kò abime, degoutan sa yo pral chanje? Èske m ka viv pou wè li, O Seyè? Èske li tèlman pre ke m ap wè li? Èske se jenerasyon an sa? Mesye, frè m yo, ki lè l ye? Ki kote nou rive?

Frè Jozèf Branham

23-0618 Laj Legliz Lawodise A

Mesagj: 60-1211E Laj Legliz Lawodise A

PDF

Ankenn responsablite pou Tradiksyon ki fèt nan Branham Tabernacle

Byenneme Kwayan Pawòl Enfayib La,

Jan sa a te bèl pou tande epi li Sèt Aj Legliz sa yo. Avèk chak Mesaj ke nou tande, chak chapit ke nou li, Li ban nou plis Revelasyon. Nou wè tèt nou klè atravè chak aj Legliz…Lepouz Li, ki rete avèk Pawòl orijinal la.

Atravè laj yo, nou wè de lespri yo byen; malonètete avèk blòf Satan yo, kap vire Pawòl Bondye a, pou sedwi, pou koronp epi pou bat pèp la. Mè an menm tan, te gen ti gwoup fidèl Bondye a, Lepouz Li, ki akwoche L a chak Pawòl.

Toujou genyen on avètisman konstan ke yo bay pèp la, nou dwe RETE AVÈK PAWÒL LA. La segonn ke nou elwaye nou de Pawòl sa a, nou pran nan gwo twal Satan an; menm jan Èv te fè nan kòmansman an. Li pat sèvi ak Pawòl la. Adan te echwe kareman nan dezobeyi Pawòl la. Men Jezi, nan pwòp Vi pèsonèl Li, nan goumen avèk Tèt Li, Li genyen batay la grasa obeyisans anvè Pawòl Bondye a.

Li di ke si nou vle chita sou Twòn Li, nou dwe vin Pawòl vivan sa a. Priyè nou, jèn nou, epi menm repantans nou pap pèmèt nou genyen privilèj sa a. L ap akòde sèlman a Epouz PAWÒL la.

Gen anpil bagay ke m ta renmen di, epi sitasyon ke m ta renmen pataje avèk nou tout; li pa gen fen. M konnen ke Mesaj sa a ap boule nan kè nou tout, epi ke nou renmen chak Pawòl, menm jan avè m. Tout sa nou vle fè se pale epi fratènize sou Li. Nou vle mond lan konnen: Wi, nou se moun ki tande bann. Wi, nou Peze Jwe. Wi, nou kwè ke Vwa a sou bann yo se sa ki pral pèfeksyone Lepouz la. Wi, bann yo pral ini Lepouz la. Wi, Peze Jwe se Volonte Pafè Bondye a. Wi, m se Lepouz Li.    

M konnen ke m ap repete tèt mwen nan anpil lèt, men m tèlman kontan , tèlman rekonesan, tèlman sèten… li jis enkontestab, sa se Pwogram Bondye a pou Lepouz Li.

Avèk chak Mesaj ke nou tande, nou remake avèk etonnman, kijan yo pa ka wè, yo pa ka li oubyen tande sa nap tande? Li jis la a, sou bann, aprè bann, aprè bann. M anvi di yo jan Jezi di Nikodèm: “Ou se yon mèt Izrayèl, epi ou pa konn bagay sa yo?”

Jis koute kijan anj lan rann li senp.

Sou baz konpòtman moun sèlman, nenpòt moun konnen ke kote gen anpil moun, gen opinyon divize sou ti pwen nan gwo doktrin ke yo tout pataje.

Sou konpòtman moun SÈLMAN, nou pa bezwen konprann espirityèlman, tout moun konnen ke de moun ap gen opinyon divize sou TI PWEN nan on gwo doktrin.

Yo tout ka dakò epi di ke si moun yo pa fè sa yo di, oubyen si yo lage yo, alò destriksyon ap swiv. Men on vrè pwofèt pral toujou mennen moun yo nan Pawòl la epi pral lye pèp la avèk Jezikri, epi li pap di moun yo pou yo pè l oubyen pou yo pè sa li di, men pou yo pè sa Pawòl la di.

Kisa Pawòl la di? M pral voye nou Eli, pwofèt la. Nan jou VWA a. Pral gen YON pwofèt Pawòl… jis YOUN… paske Bondye te konfye Revelasyon an a GRENN SA A. Se li menm ki pral retabli Lepouz Mwen.

Avèk tout vwa sa yo epi tout opinyon sa yo epi sitasyon sa yo, kijan youn ka SÈTÈN? 

Kiyès alò ki pral gen pouvwa enfayibilite a ki dwe retabli nan dènye aj sa a, paske dènye aj sa a pral retounen a Vrè Pawòl Lepouz la kap manifeste?  

Se li menm ke Lepouz la vle koute, li menm avèk pouvwa enfayibilite a; paske se li menm ki pral RETABLI Lepouz la. Li pap gen opinyon divize, Li se Pawòl la.  

Kesyon: Seyè, nou vle konnen, ki moun sa ki pral gen Pawòl enfayibilite yo?

M pral di nou kiyès kap genyen l. Lap on pwofèt ki konplètman konfime, ou menm plis konplètman konfime pase nenpòt lòt pwofèt nan tout laj yo depi Enòk jiska jou jodi a, paske nonm sa a pral nesesèman gen ministè pwofetik pyè fondamantal la, epi Bondye pral mete l an evidans. Li pap bezwen pale pou tèt li, Bondye ap pale pou li pa Vwa siy lan. Amèn.

Repons: William Marrion Branham.

Kite m ankouraje nou jodi a, Epouz ki Chwazi a. NOU PA KAPAB, EPI NOU PAP SEDUI. Èske nou konprann sa? Pa gen moun ki ka sedui nou. Pòl pa t ap ka twonpe okenn eli, menm si l te twonpe l. Menm nan premye aj legliz Efèz la, yo pat ka sedui eli yo. Yo te eseye fo apot ak fo pwofèt yo epi yo te twouve ke yo te mantè epi yo mete yo deyò.

GLWA, LEPOUZ… Nou se mounton pa L epi nou tande Vwa Li epi nou swiv LI. NOU SE LEPOUZ PAWÒL VIVAN AN!!

Pa gen anyen ki pi gran pase pou konnen Pawòl sa yo. Pou konnen nan kè w epi nanm ou, ke ou se Lepouz Li. Jou lemonn tap tann yo rive. Lepouz la rekonèt tèt Li epi Li vin YOUN AVÈ L: nou se NOUVÈL KREYASYON BONDYE A.

Yon fwa ankò mwen sipliye nou, KOUTE VWA BONDYE Dimanch, kèlkeswa kote nou rasanble. Pe enpòt ki Mesaj nou tande, depi nou tande Vwa Bondye ki konfime a. Vwa sa a se te Vwa ke Bondye te rele epi te chwazi pou retabli epi rasanble Lepouz Li.   

A tout legliz yo, tout moun yo, nou envite pou koute avèk nou Dimanch sa a a midi, lè Jeffersonville, alò ke nou pral tande: Laj Legliz Lawodise A, 60-1211E.

Frè Joseph Branham