Mesagj: 60-1206 Laj Legliz Esmin Lan
Ankenn responsablite pou Tradiksyon ki fèt nan Branham Tabernacle
Mesagj: 60-1205 Laj Legliz Efèz La
Ankenn responsablite pou Tradiksyon ki fèt nan Branham Tabernacle
Byenneme Vrè Lò Ke Yo Bat,
Ala rekonesan mwen rekonesan pou mwen ini avèk nou tout, pou antre nan Lespri a epi tande Bondye k ap pale avèk nou, de bouch a zòrèy. Pa gen fen nan sa L ap revele nou. Kè nou ranpli ak jwa. Nanm nou ap bouyònnen. Kijan youn ka konprann sa n ap tande?
Jis tande sa Seyè a Limenm ap di nou: “Ou se vrè Legliz Mwen, Lepouz Mwen. Pou Mwenmenm, ou tankou VRÈ lò a. Jistis ou se jistis Mwen. Atribi pa w se pwòp atribi glorye pa M. Nou jwenn idantite w nan Mwen. Sa MWEN YE, ou reflete l. Sa M GENYEN, ou manifeste l.
Pou MWENMENM, pa gen defo nan ou, ou glorye andedan e andeyò. Depi nan kòmansman jiska lafen, ou se ZÈV MWEN… e tout zèv MWEN pafè.
Ou pap janm nan jijman an, paske peche pa ka aplike a ou. Menm anvan fondasyon latè a, objektif Mwen se te pou pataje Lavi Etènèl Mwen avèk OU.
Kijan youn ka konprann Pawòl sa yo? Kijan panse nou ka konprann sa k ap pase? Kisa k ap revele? Panse a sa, nou pa bezwen kriye nan kè nou epi di: “Oh, si m te kapab la nan premye aj la, lè yo te voye apot yo pou premye fwa.” PA gen rezon pou nou gade dèyè, paske Limenm ki pa janm chanje swa nan esans Li oswa nan fason Li, Li nan mitan nou KOUNYE A, ap pale avèk nou epi ap di nou ke Li se menm lan ayè, jodi a e pou toutan . Sa se pi GWO moman nan listwa mond lan ke nap viv.
Yo bat nou epi yo fè nou sibi, nou ranpli avèk soufrans ke Kris kite dèyè. Yo konsidere nou tankou mouton pou labatwa. Y ap touye nou tout lajounen. Nou soufri anpil, men malgre tou, nou pa vanje tèt nou, ni nou pa fè lòt moun soufri. Pou Limenm, nou se vrè lò ke yo bat, nou pa koube, nou pa kase, nou pa kraze, men nou fòme pa eprèv yo epi tès lavi yo pou nou bèl epi kontan pou tout tan.
Kounye a L ap avèti tout lòt yo: “Tounen a Premye Lanmou nou.” Yo dwe fè trè atansyon, paske ou pa ka chanje YON PAWÒL, pa menm on pwen ou yon tirè. Se te riz orijinal Satan an nan Jaden Edenn lan. Jis on sèl pawòl ki ajoute, jis on sèl Pawòl ki retire, alò li anti-Pawòl.
Nan dènye aj sa a, li avèti nou ap gen anpil fo pwofèt ki pral parèt, k ap di moun yo ke si yo pa kwè yo epi ke yo pa kwè sa yo di, y ap pèdi.
Gen ON SÈL JAN pou asire w ke ANYEN te ajoute, anyen te retire, anyen te chanje… se koute vrè VWA BONDYE A …APIYE SOU JWE.
Mèsi Seyè pou vrè minis la ki te anseye fidèlman an, ki nonsèlman di mouton l yo kijan li enpòtan pou koute Mesaj la chak jou nan kay yo, men etan de vrè lidè, yo plase Mesaj Sa, Vwa Sa, Bann Sa Yo, AN PREMYE E TOUDABÒ devan moun yo ki nan legliz yo.
Nan di bagay sa yo, yo pa konprann mwen e yo akize m de divize legliz yo epi di moun yo pou yo pa al legliz. Li tou senpleman fo. PAWÒL la fè moun yo soti de legliz sa yo ki pa mete bann yo AN PREMYE nan legliz yo. Yo grangou pou tande Pawòl pwofèt Bondye a. Yo santi ke SE Mesaj la e Vwa a ki pi enpòtan ke yo vle tande. Yo santi ke SE Volonte pafè Bondye pou jwe bann yo nan legliz yo.
M toujou di moun yo: “ALE LEGLIZ.” Lè yo mande: “Èske ou panse ke predikatè yo ka toujou preche?” “Wi.” M pa janm di oswa panse ke yo pat dwe fè l. M jis di predikatè yo, anseyan yo, pastè yo: “Fè sa Bondye mande nou fè, MEN TANPRI, mete Vwa Bondye a ki sou Bann AN PREMYE, PA MINISTÈ NOU.”
Sa se REVELASYON MWEN. Yo dwe fè jan YO SANTI YO KONDWI POU YO FÈ. M gen dwa preche e pi anseye sa m santi. Si yo vle di ke Frè Branham pa janm di pou Apiye sou Jwe nan Legliz, Vwa Bondye menm ke yo pretann ap swiv, sa konsène yo.
Sentespri a kondwi Lepouz Li, epi L te toujou fè l. Nou kwè ke L ap di nou: “APIYE SOU JWE, RETE AK PWOFÈT MWEN, VWA MWEN, SENTESPRI MWEN.”
Ebyen, nou pral gen yon eprèv de fòs, alò, menm jan pwofèt Eli te gen youn anvan. Epi si ou son pitit Bondye, ou pral rete avèk pwofèt Bib sa a. Se Pawòl la. Remake lè a, sezon an.
Kiyès ki pwofèt Bib la, Pawòl la, Sentespri a!
Sentespri a se Pwofèt lè sa a; Li konfime Pawòl sa a, Li demontre l. Sentespri a te Pwofèt epòk Moyiz lè a. Sentespri a te Pwofèt epòk Miche lè a. Sentespri a, ki ekri Pawòl la, vini epi Li konfime Pawòl la.
Sentespri a nan moman sa a ap kondwi nou pa Pwofèt Li a, jan Li te fè nan chak aj. Bondye pa janm chanje pwogram Li.
Donk, nou envite w vin jwenn nou nan sa nou santi ki Pwogram Bondye a, lè n ap tande Sentespri a k ap pale atravè pwofèt Li, epi k ap kondwi nou alò ke L ap pote nou Mesaj la: “Laj Legliz Efèz La 60-1205, a midi, lè Jeffersonville.
Frè Joseph Branham
Ekriti pou li an preparasyon pou tande Mesaj la.
Akt 20:27-30
Apokalips 2:1-7
Mesagj: 60-1204E Vizyon Patmòs La
Ankenn responsablite pou Tradiksyon ki fèt nan Branham Tabernacle
Byenneme Moun Ki Renmen Pawòl Bondye A,
Ala bèl sa bèl pou m ka adrese m a chak nan nou kòm Moun ki renmen Pawòl Bondye a. Pa gen anyen ki ka pran plas Li. Pou gen opòtinite pou koute chak jou nan vi nou Seyè nou, kap pale avè nou atravè bouch moun, epi di nou kiyès Li ye epi kiyès NOU YE. Pa gen okenn kote, okenn vwa, okenn legliz epi okenn moun ki ka di nou bagay sa yo tankou VWA BONDYE.
Li di nou ke enspirasyon Pawòl la te sou bann yo. Tout sa nou dwe fè se Apiye sou Jwe epi Sentespri a ap ranpli pyès la. Mesaje nou tap rale lavi, epi limyè nan sous vaz prensipal sa a. Li te gen mèch li tranpe ladann.
Lavi l anflame ak Sentespri a. Mèch li (lavi) te plonje nan Kris. Atravè mèch sa a, lap rale lavi Kris menm, epi gras a li, li pote limyè a ba nou, Lepouz la.
Apresa Li di nou ke non sèlman mèch pwisan mesaje Li la a, men ke nou tout ap rale menm sous la. Nou tout te plonje nan menm vaz la. Nou mouri a pwòp tèt nou epi vi nou kache ansanm avèk Kris nan Bondye, sele pa Sentespri a.
Okenn moun pa ka rache nou nan men L. Yo pa ka manyen vi nou. Lavi vizib la ap boule epi l ap klere nan nou, li bay limyè ak manifestasyon Sentespri a. Lavi andedan nou, envizib, kache nan Bondye epi li nouri pa Pawòl Seyè a. Nou gen Revelasyon Jezikri nan epòk nou.
Gade kijan Pawòl la nouri nanm nou. Pa gen anyen tankou L. Gade kijan Li te bay on mwayen pou ke Epouz la, toupatou nan mond lan, ka rasanble ansanm pou tande Vwa Bondye an menm tan. Kèlkeswa sa moun k ap kritike yo oubyen septik yo ap di, Bondye te bay on mwayen epi se yon bon sant pafen pou Li. Li fèk di nou ke Li pral reyini nou tout a la fen twazyèm jou a. Glwa!!
Annou tout reyini ansanm Dimanch sa a midi, lè Jeffersonvil, pou tande Vwa Bondye k ap pote nou Revelasyon Pawòl la, alò ke nou pral tande: Vizyon Patmòs la, 60-1204A.
Premyèman, nou dwe ANTRE NAN LESPRI A, jan nou pral tande l la;
Vwa a ki te rezonen Pawòl Li nan Jaden Edenn lan epi sou Mòn Sinayi a – vwa a ke yo te tande tou nan bèl glwa Mòn Transfigirasyon an, te rezonen ankò, fwa sa a nan sèt legliz yo avèk on revelasyon Jezikri konplè e final.
Frè Joseph Branham
Ekriti pou li an preparasyon pou tande Mesaj la.
Sonje pou li epi tande liv Sèt Aj Legliz La.
Ezayi 28:8-12
Danyèl 7:8-14
Zakari 4:1-6
Malachi 4:1-2, 4:5
Matye 11:28-29, 17:1-2
Jan 5:22
Ebre 4:3-4, 4:7-10, 4:12
Apokalips 1:9-20, 19:11-15
Mesagj: 60-1204M Revelasyon Jezikri
Ankenn responsablite pou Tradiksyon ki fèt nan Branham Tabernacle
Mesagj: 62-0422 Restorasyon Pyebwa Lepouz La
Ankenn responsablite pou Tradiksyon ki fèt nan Branham Tabernacle
Mesagj: 57-0420 Mete Nan Tonm Lan
Ankenn responsablite pou Tradiksyon ki fèt nan Branham Tabernacle
Mesagj: 57-0418 Kominyon An
PDF – 57-0418 Kominyon An
PDF – Kominyon dokiman konplemantè 62-1231 e 62-1104E
Ankenn responsablite pou Tradiksyon ki fèt nan Branham Tabernacle
Mesagj: 65-1204 Anlèvman an
Ankenn responsablite pou Tradiksyon ki fèt nan Branham Tabernacle
Byenneme Pawòl sou Pawòl,
Anpil legliz pa konprann, yo pèplèks, mistifye, sezi, mele, konfonn e menm dekonsantre pa sa k ap pase avèk “Moun Bann” sa yo atravè mond lan, chak Dimanch.
Se Inyon Envizib Lepouz Kris La, ki chita nan prezans Fis la, ap muri, ap pare kò nou. Epou Selès nou di nou tout bagay apwopo de Kay k ap tann nou avè L.
Kèk semèn de sa, Li di nou: “Mond sa a pa Lakay nou, se Edenn Satan, epi M ap detwi l avèk dife. Ou se cheri Mwen, ke M chwazi anvan fondasyon mond lan pou vin Epouz Mwen. Kounye a, Dimanch sa a M pral di w tout bagay sou Anlèvman Mwen k ap vini byento.”
Nou tèlman ap tann gwo bagay. Nou ka santi l nan lè a. Bagay yo ap pase tèlman vit.
Egzakteman sa Bib la di ki t ap pase jou jodi a, se sa k ap pase, jou apre jou. Oh, l ap akimile tèlman vit lòt bò a, nan dezè sa yo, epi bagay ap pase, m pa menm ka swiv. Nou pwòch Vini Jezi a, pou nou ini avèk Legliz Li, kote Pawòl la vin Pawòl la.
Tout bagay sa yo ap fèt pou nou, Dam Elu Li, Lepouz jou jodi a. Se nou sèl ki wè bagay sa yo k ap devwale.
Li predestine nou a laj sa a e pèsonn ka pran plas nou. Kounye a nou se pitit gason ak pitit fi ki manifeste alò nou ka kominye avè Li; se sa Li vle.
NOU SE Pawòl sou Pawòl, jèm sou jèm, Lavi sou Lavi, e plenitid estatu Lepouz Seyè Jezikri a.
Si nou gon bezwen, di L. Nou se Pawòl sou Pawòl la. Pa gade tristès mond lan ki alantou nou; detrès, maladi, asasina, dezespwa, foli moun yo ki pa konn si yo gason ou fanm. NOU SE LEPOUZ LA, predestine, jistifye, Lepouz manifeste Seyè Jezikri a.
Pa pè ANYEN. Fè kè w kontan epi rejwi. Tan an pwòch. Nou prèt pou kite kay parazit sa a, GLWA!!!
Vin pare avè nou pou Anlèvman an, Dimanch a midi, lè Jeffersonville. Nou pap menm jan an.
Frè Joseph Branham
Som 27:1-5
Mesagj: 65-1125 Inyon Envizib Lepouz Kris La
Ankenn responsablite pou Tradiksyon ki fèt nan Branham Tabernacle
Byenneme Dam Eli,
Kisa ou t ap bay pou ke Seyè Jezi a vin lakay ou Dimanch sa a, chita sou kanape w, gade w nan je epi pale avè w dirèkteman?
Ou pa t ap ka pale. Ou pa t ap vle pale. Tout sa ou t ap vle fè, se gade Li epi kriye. Ou t ap menm pè ouvri bouch ou. Kisa ou tap ka di? Nan lespri w, ou t ap panse: “Seyè, m tèlman pa diy ke Ou isi a lakay mwen. Mwen pa anyen menm. Mwen desevwa W anpil fwa Seyè, men Seyè, m tèlman renmen W.
W ap reyalize alò nan kè w ke Li konn egzakteman sa m panse, pa gen anyen nou ka kache L. Li konn sekrè ki nan kè m.
Alò ke w ap gade nan bèl Je L, w ap wè anpil lanmou ak konpasyon. Li ta pale avè w san menm Li ouvri bouch Li. W ap di tèt ou: Li vrèman la a, lakay mwen, avè m.
Kè w ta kòmanse bat ankò pi vit, alò ke ou t ap wè ke Lap pare pou L di w on bagay. Men lè a, Vwa ki pi dous ke ou janm tande, t ap di: “Byenneme cheri Mwen, pa enkyete w, non w nan Liv Lavi Ayo Mwen. Se pa ansyen liv inyon natirèl ou a, men nouvo Liv Lepouz Mwen an. Se sètifika maryaj ou avè M.
Cheri Mwen, ou pa jis padone de tout peche w epi echèk ou, men pou Mwenmenm, ou JISTIFYE. Nan Je M, ou pa janm fè anyen ki mal.
Ou se presye pitit gason Mwen, presye pitit fi Mwen, vètye epi san peche. Ou kanpe pur; Lepouz pur Mwen ki lave avèk Dlo Pwòp San Mwen.
Anvan menm ke te gen yon lalin, zetwal oswa yon molekil, ou te pitit gason Mwen ak pitit fi Mwen. Ou se manifestasyon fizik atribi ki te nan Mwen nan kòmansman an.
Jèn espirityèl ou te nan Mwen pwiske ou son ekspresyon atribi Mwen, panse Mwen. Ou te nan Mwen menm anvan fondasyon mond lan.
Ou se Lepouz espirityèl Mwen ki rete nan Prezans Fis lan, ap muri, nan tande Pawòl Mwen. Kounye a, ou kòmanse gon revèy, nan tounen epi nan aliyen nou a Pawòl Mwen. Ou se Lepouz Mwen, Dam Eli Mwen.
Kounye a ou nan inyon espirityèl avè M. Kò w ap tounen Pawòl, e Pawòl la ap tounen kò; manifeste e konfime. Egzakteman sa Mwen di w ki t ap rive nan jou sa a, se sa k ap pase, jou aprè jou. Pawòl la k ap vin Pawòl la.
Ou resevwa vrè Revelasyon pou dènye jou sa a: rasanbleman Lepouz Mwen pa Mesaj Sa a. Pa gen lòt laj Mwen te pwomèt Li. Mwen pwomèt nou Li, nan aj sa a: Malachi 4, Lik 17:30, Jan 14:12.
Nou pral gen yon Festen Aksyon de gras Dimanch sa a, lè Mwen pral di w plis toujou. M pral pase plizyè zè avè w, kote nou pral kominye epi nou pral regale sou Pawòl Mwen. M pral rasire w ke nan rete avèk Pawòl Mwen, pwofèt Mwen, Vwa Mwen, nan Apiye sou Jwe, ou nan Volonte pafè Mwen an.
Mwen di yo nan Pawòl Mwen an, ke Mwen kanpe nan pòt la, ap frape. Si yon moun tande VWA Mwen, epi ouvri pòt la, M ap ante lakay li, M ap soupe avè l, epi limenm avèk Mwen. Anpil pa pral tande epi ouvri pòt yo, men pa Revelasyon, ou louvri pòt ou epi ou akeyi M anndan.
Yo pa dakò pou yo jwe Vwa M nan legliz yo. Si yo te jis kite Sentespri a sonde panse yo avèk Pawòl la, yo t ap dakò. Kite Kris, Pawòl wen an, sonde pwòp konsyans ou. Kite L antre nan ou, wè si Li vrè ou non.
Mwen di w ke li pa t ap on denominasyon ki t ap reyini nou, yo pa menm ka dakò sou youn ou de Pawòl nan Bib la. Èske Mwen di w li t ap on gwoup moun? Non! Mwen di w ke se te yon Mesaj ON sèl Moun; epi ou te tande epi ou te obeyi.
Paske yo p at vle tande epi aksepte pwogram orijinal Mwen depi kòmansman an, Mwen voye yo predikatè, anseyan, apot, pastè e pwofèt. Men yo te voye yo pou fè moun yo TOUNEN a pwogram orijinal Mwen ki pafè, anj pwisan Mwen. Paske Se Vwa Bondye pou ou.
Yo wen, men M jis gen ON SÈL PWOFÈT MESAJE POU KONDWI W. SENTESPRI A SE PWOFÈT LA. Èske m pa di w plizyè fwa, PAWÒL MWEN KI PWONONSE PA LIMENM PA BEZWEN ENTÈPRETASYON, PA AJOUTE NI RETIRE ANYEN A SA LI DI, JIS DI SA LI DI SOU BANN YO? Sa se pwofèt la, Sentespri a k ap kondwi w.
Se li ke Mwen voye pou rele w pou w vin Lepouz Mwen. Se li ki pou prezante w ban Mwen. Se limenm Mwen te kanpe avè l alò ke m t ap montre l on apèsi sou ou, Lepouz Mwen. Mwen te di w tout bagay sou li nan Apokalips, lè M te di: “Mwenmenm Jezi, Mwen voye ANJ MWEN pou temwaye nou bagay sa yo NAN LEGLIZ YO. Se Mwenmenm, M jis itilize kò li epi vwa li pou pale avè nou.”
Ala yon bèl jou n ap pase ansanm avèk Li. Nou pat janm osi kontan e satisfè nan vi nou. Se SA. Se sa nou t ap tann tout vi nou.
Pa gen yon lonbraj dout nan kè nou oswa nan lespri nou. Paske nan chak Mesaj ke nou tande, Li di nou ke nou nan Volonte pafè Li. Gen on sèl Vwa ki pral ini nou, pèfeksyone nou, epi rasanble nou…Mwenmenm, MWENMENM K AP PALE ATRAVÈ PWOFÈT MWEN. PA PAWÒL LI, PAWÒL MWEN. SE CHEMEN KE MWEN BAY.
Tab la sèvi. Li plen chou, epi navè, epi radi… PAWÒL SOU PAWÒL, SOU PAWÒL. Nou pral gon Festen Aksyon de gras kòm jamè oparavan. Pral gon jubile atravè mond lan alò ke Lepouz la ap rasanble bò Tab yo pou tande Vwa Bondye a k ap pale avè yo. Lakay nou ak legliz nou pral ranpli avèk prezans Li. N ap rete bèbè eksepte pou Glwa nou yo, Alelouya, lwe Non Seyè a.
Vin patisipe nan Rasanbleman Aksyon de gras Fanmi Lepouz la, alò ke Li pral nouri nou. Pa an reta, alò ke nou pral kòmanse festen an Dimanch, a egzakteman midi, lè Jeffersonville. L ap la a, paske Li te di m Li ta pral la.
M AP VINI, e M pral di nou tout bagay sou Inyon Envizib Lepouz Kris La 65-1125.
M ap wè nou la a, a Tab
Frè Joseph Branham
Alyas: Dam Eli Li
Mesagj: 65-0429e Chwazi Yon Epouz
Ankenn responsablite pou Tradiksyon ki fèt nan Branham Tabernacle
Byenneme Youn Sou Yon Milyon
Sa fè lontan M ap tann nou. Nou se cheri Mwen, e M tèlman renmen nou. Kòm Mwen pwomèt nou li, M konstwi yon nouvo Kay pou nou kote Nou pral viv ansanm pou Letènite. M fè tout bagay egzakteman jan nou renmen l.
M ka gade nou kounye a epi wè, nou se reflè Mwen nèt. Nou gen egzakteman karaktè Mwen, kò Mwen, zo Mwen, menm Lespri Mwen, menm tout bagay, egzakteman. Nou vin fè youn avè M.
Mwen voye anj pwisan Mwen sou latè a pou l rele nou pou nou soti nan Edenn Satan an. M voye l pou l ka eksprime panse Mwen, atribi Mwen, epi anonse nou bagay yo ki dwe vini. Mwen itilize bouch li epi vwa li pou eksprime bagay sa yo . Apre ke l di yo, Mwen akonpli yo, paske Syèl la ak tout tè a va pase, men Pawòl Mwen p ap janm pase.
Mwen te konnen ke lè nou ta pral tande M pale, ap itlize vwa anj Mwen, nou t ap konnen nan fon kè w, ke se pa t li, Se te Mwenmenm ki t ap pale avè nou. Se te Mwenmenm ki t ap voye lèt lanmou ba nou, pou di nou, Mwen chwazi nou pou nou vin Epouz cheri Mwen.
Nan je M, pa gen pèsonn tankou nou. Pèsonn ka pran plas nou. Nou te rete lwayal e fidèl anvè Mwen. Lè M ap gade nou, kè M ap debòde de jwa.
Lè Mwen di nou: “Fè trè atansyon cheri, a sa nou tande, pral gen anpil wen ki pral itilize Pawòl Mwen, men yo fo.” Nou konprann avètisman M pa Revelasyon, epi nou rete lwayal e fidèl a Vwa Mwen.
Mwen te tèlman fyè lè nou te priye sensèman pou konnen nan ki legliz pou n fratènize. Mwen di nou pou nou fè bon chwa a, epi Mwen ba nou egzanp de kisa legliz pafè a ye. Nou sonje lè M te di ke yo tout gen lespri sou yo, epi nou chwazi legliz pafè a.
Mwen menm di nou pou nou fè atansyon a kiyès ki pastè nou. Alò nou ka imajine kijan kè M sote de jwa lè Mwen wè ke nou te rete avèk pastè a ke Mwen te voye pou mennen nou a Mwen. Nou te konnen ke se te Sentespri Mwen ki t ap viv nan pwofèt Mwen pou gide nou vè Mwenmenm.
M sonje jou a ke nou te tèlman kontan, epi tèlman eksite, lè Mwen te fè anj Mwen monte nan on kote ki wo, pou montre l on apèsi de nou. Nou te kanpe la a ap gade nou, alò ke nou t ap mache devan Nou sou chanson An Avan Sòlda Kretyen.
Li te renmen anpil fason nou tout te abiye nan rad nasyonal nou de kote nou soti; tankou Swis, Almay, epi lòt kote atravè mond lan. Nou chak avèk cheve long nou ki te trè byen ranje. Jip nou te byen tonbe. Mwen te tèlman fyè e eksite pou M montre nou tout a li, pou l te ka retounen pou ankouraje nou epi di nou ke l te wè nou lòt bò a.
Tout je yo te vire sou Nou. Lè kèk fi, nan fon liy la, te kòmanse gade lòt kote, li rele: “Pa fè sa! Pa soti nan mache opa a!”
Lè Mwen di nou ke M t ap anmagazine Manje pou nou te ka nouri tèt nou, nou te konnen egzakteman de kisa M t ap pale. Nou te vle vin Epouz Pawòl Vyèj Mwen ki pi. M pa janm bare nou k ap fè je dou avèk on lòt moun. Se te toujou Mwenmenm, Pawòl Mwen. Sa te fè M tèlman kontan.
Mwen chwazi nou, NOUMENM, pou vin Epouz Mwen. M tèlman damou nou, menm jan nou damou Mwen. Pa dekouraje, pran kouraj, rete kontan, rejwi nou, jou a ap pwoche vit kote M ap vin chache nou. Ala yon bèl moman Nou pral genyen.
A tout lòt yo, REPANTI, tè a ap gwonde. On jou, Los Angeles ap nan fon lanmè a, jan Mwen di nou li. Kòlè Mwen ap gwonde jis anba li. M pap kenbe ban sab sa a pi lontan ankò. Nou pral glise nan oseyan an a 1.6 km de fon, jiska Lanmè Salton. L ap pi mal pase dènye jou Pompeii a.
Byento M pral pirifye tè sa a pa dife. M pral touye tout bagay ki sou li epi ki anba li. Nou wè sa k ap pase atravè mond lan, menm jan Mwen te di nou li. Nou wè Epouz Mwen k ap ini ansanm alantou Pawòl Mwen, menm jan Mwen te di nou li.
Moman an se kounye a. Sezon an se kounye a. Pare tèt nou!
Moman kolè Li a rive sou latè a. Chape poul nou pandan ke gen tan pou nou chape poul nou, epi vin jwenn Kris.
_____________________________
Nou envite pou vin jwenn nou, on pòsyon Epouz Li, alò ke n ap pare pou Vini Li, pandan ke nap tande Vwa Bondye k ap pale avè nou epi k ap pote Mesaj la ba nou: Chwazi Yon Epouz 65-0429A, Dimanch sa a a midi, lè Jeffersonville.
Frè Joseph Branham
Ekriti pou li anvan ou tande Mesaj la:
Jenèz 24:13-14
Ezayi 53:2
Apokalips 21:9
