Category Archives: Uncategorized

23-0716 Espas Nan Mitan Sèt Aj Legliz Yo Avèk Sèt So Yo

Mesagj: 63-0317e Espas Nan Mitan Sèt Aj Legliz Yo Avèk Sèt So Yo

PDF

Ankenn responsablite pou Tradiksyon ki fèt nan Branham Tabernacle

Byenneme Ti Lis Letan,

Nou kreye on chemen rive anlè tèt dlo labou a epi nou louvri zèl nou yo. Ti petal nou yo soti epi kounye a nou reflete Lis nan Vale a. Nou konsakre vi nou nèt bay Bondye ak Pawòl Li.

Nou nan tan lafen an epi nou soti nan Lès e Lwès, nan Nò e Sid, epi n ap pare pou Anlèvman sa a. Nou rete an plas pandan kèk minit jiskaske chak fib ranpli ak Sentespri a. N ap pare pou nou MONTE.

Jou a rive. L ap rele pèp Li pou rasanble avè L nan on vrè inite avè L. Se Jezekri k ap viv ak Lespri Li nan kò nou, k ap fè menm bagay yo ke Li te fè antan ke senbòl pou mond lan.

Bagay ki pi sublim nan Ekriti a ap rive nan jou pa nou. On jès, ke menm on Anj, anyen, te ka fè, sèlman Ayo a. Li vini epi Li pran Liv la nan Men dwat Limenm ki te chita sou Twòn lan, Li ouvri L, Li rache So yo, epi Li voye L sou latè a, bay setyèm anj Li, pou revele L ba NOU, Lepouz Li.

Bagay yo k ap pase; Pawòl la ke L ap revele nou chak jou, pa gen mo. Nou elve vwa nou epi nou kriye epi nou rele: Alelouya! Onksyon an, pwisans lan, glwa a, manifestasyon an, Revelasyon Pawòl Li pi gran pase Li te janm ye depi kòmansman tan an.

Avèk tout kreyati yo ki nan Syèl la, epi ki sou latè a, epi ki anba tè a, sou lanmè a, epi tout sa ki ladan, nou rele: benediksyon, onè, glwa, pwisans, a Limenm ki chita sou twòn lan, epi a Ayo a pou tout tan, amèn! Amèn, epi amèn!

Tout kreyati, tout òm, depi kòmansman tan an, te tann pou jou sa a rive. Menm Bondye Limenm te tann jiskaske anj Li te chwazi a rive sou tè a, anvan Li vini pran Liv la, brize Li epi revele tout mistè Li yo bay Lepouz Li ke L te chwazi.

Nou konnen kounye a sa pèsonn te janm konnen sou tè a depi nan kòmansman an. Tout sa ki te pèdi nan chit la. Tout sa ki te kache nan Pawòl Li. Tout sa Lepouz la bezwen te anrejistre epi te depoze nan ti antrepo Bondye a.

Li montre nou sa ki genyen odela rido tan an epi nou wè tèt nou avè L lòt Bò a. Lepouz la pare tèt Li pandan L ap tande Pawòl la.

Nou te nan antrènman. Nou mete sou nou tout armur Bondye a. Anyen ka souke nou. Anyen ka fè nou pè. Anyen ka fè nou mal. Anyen ka fè nou fè konpwomi sou yon sèl Pawòl. NOU SE PAWÒL LA.

N ap tann Li avèk boukè nou nan men nou. Li prèske lè. Vye òlòj la ap mache. Nou tande chwal yo k ap galope, sab lan k ap glise anba wou yo. Vye bourèt la prèske kanpe.

Lè L ap rive, n ap soti nan vye mond sa a ale dwat nan Bra Li. Li pral pran nou epi Li pral di nou: “M ale pou M pare yon plas pou ou, men Tout bagay fini kounye a, cheri.”

Lè L ap Vini a tèlman pre. Nou gen gwo atant kòm jamè oparavan. Nou tèlman eksite alò ke Li vle ke nou tande Sèt So yo yon lòt fwa. Nou konnen ke nou pral resevwa plis Revelasyon, paske chak Mesaj ke nou tande se kòm si nou pat janm tande L anvan.

Viv jodi a epi tande Mesaj sa a li pi glorye pase lè Li te anrejistre. L ap revele nou plis toujou kounye a. Kisa k a rive?

Vin rasanble avè nou a midi, lè Jeffersonville, epi pran plezi tande: 63-0317A Espas Nan Mitan Sèt Aj Legliz Yo Avèk Sèt So Yo. Se Manje Ki Sere ke Seyè a pare pou Lepouz la manje.

Frè Jozèf Branham

Ekriti pou li pou nou pare pou n tande Mesaj la:

Levitik 25:47-55

Jeremi 32:1-15

Zakari 3:8-9 / 4:10

Rom 8:22-23

Efèz 1:13-14 / 4:30

Apokalips 1:12-18 / chapit 5 / 10:1-7 / 11:18

23-0709 Bondye Kache Epi Revele Nan Senplisite

Mesagj: 63-0317m Bondye Kache Epi Revele Nan Senplisite

PDF

Ankenn responsablite pou Tradiksyon ki fèt nan Branham Tabernacle

Byenneme Moun Apa, Dwòl, Etranj, Sasèdòs Espirityèl, Nasyon Wayal,

Ala on bèl moman Li bay Lepouz Li, nan revele Pawòl Li kòm jamè oparavan. Chak Mesaj ke nou tande sanble kòm si nou pat janm tande L anvan. Kè nou ak nanm nou ranpli ak jwa alò ke n ap regale nou avèk Laman Fre k ap desann soti nan Syèl la. Santi kòm si nou gen yon apèsu de pwochen Soupe Nòs nou, alò ke L ap nouri nou Revelasyon apre Revelasyon.

N ap ofri sakrifis espirityèl bay Bondye, atravè fwi bouch nou, lè n ap louwe Non Li. Nou pran pozisyon nou tankou zetwal nan syèl la.

Li reyini nou ansanm nan kote selès, Li vide Sentespri L sou nou, ap prepare nou pou pwochen Vini Li. Se sèl sa nou ka panse. Se tout sa nou gen nan lespri nou. Tout sa nou vle fè se TANDE PAWÒL LA. Lap di nou ankò e ankò ke nou se Lepouz Li. Sa se Volonte Pafè Li lè nou rete nan Chemen Li bay la.

Nou se sòlda nan Divizyon Ministè Bann Li, e nou tèlman fyè de sa. Se yon badj onè. Nou vle rele l byen fò epi di mond lan, WI, NOU SE YOUN NAN YO.

Li ban nou Manje ki sere pou nou manje. Laman Bondye Limenm k ap pale avèk Lepouz Li, ki fè nou konnen ke nou nan lame Li a.

N ap rasanble anba gwo twa syèl la nan on tèl amoni, ke Sentespri a plase chak manm Kò a jiskaske gen gerizon espontane nan toude, nanm ak kò.

Nou pran Pawòl Bondye a epi nou kale dyab la ak pwisans li. Nou koupe l an mòso avèk Pawòl sa a. Kapitèn an Chèf nou an te di nou: “Nou se Pawòl la. Nou pa bezwen pè. Mache dwat sou dyab la epi di: ‘LI EKRI.’”

Li chwazi nou pou nou vin solda Li yo. Nou te nan antrènman, fòtifye avèk Pawòl Li. Kounye a nou abiye epi nou pare pou goumen. Jeneral 5 Etwal nou an te kòmande nou sa pou nou fè: Rete dwat avèk ansèyman bann Mwen an.

Epi ou dwe sèten, jis di sa bann lan di. Pa di anyen lòt. Ou wè? Paske, m pa di Sa de mwen menm. Se Li ki di L, ou wè. Epi tan de fwa, se konfizyon, moun yo leve, e yo di, “Bon, entèl entèl te di Li vle di sa-e-sa.” Jis-jis kite L jan L ye a.      

Se pa sa William Branham ap di nou sou bann yo, se sa BONDYE ap di Lepouz Li sou bann yo. Sa se LÒD Li yo. Gen yon sèl jan pou obeyi lòd sa yo nan men Jeneral 5 Etwal nou epi kite L jan L ye a: PEZE JWE.

Nou nan lame Bondye a, kidonk nou dwe obeyi Mo pou Mo lòd nou yo. N ap vanse. Nou se moun vayan, moun ki gen lafwa, moun ki gen pouvwa, moun ki gen konpreyansyon, moun ki gen Revelasyon. 

Nou rejwenn on kominyon pafè avèk Papa a, nou kanpe sou lòt bò presipis la, san okenn souvni peche kont nou. Adan Li te retabli. 

Se Bondye nan senplisite ankò. Li pa pou tout moun, sèlman pou Lepouz Li, epi nou wè L klè epi byen klè.

Mwen pa ka tann pou m tande Sèt So yo ankò. Li pral revele nou Pawòl Li kòm jamè oparavan. Nou pral resevwa yon pi gwo Revelasyon de Pawòl Li.  

Li tann jiska jou jodi a pou L revele nou plis. Tout sa nou bezwen te anrejistre epi li disponib pou nou ka tande l avèk jis on presyon dwèt nou.

Mesaj sa a se Sèt Tonè sa yo ki pral pèfeksyone Lepouz la; paske TOUT MISTÈ BONDYE YO PRAL REVELE PA 7E ANJ MESAJE NOU POU LEPOUZ LA.

Sa se pi bèl epòk istwa mond lan. Nou a lavèy Vini Li pou Lepouz Li. Lemonn ap tann tout bagay sa yo ki te di nan Ekriti yo; tankou solèy la ki pral kouche nan mitan jounen an epi tout kalite bagay ki gen pou rive. Men li deja rive, epi yo pat konnen.

Sonje, li sele avèk Sèt Tonè misterye sa yo. Wè? 

Gwo bagay pral rive alò ke nou pral rasanble ankò pou nou tande Tonè Bondye epi k ap revele plis a Lepouz Li sou Sèt So yo.

Mwen envite nou vin jwenn nou a midi, lè Jeffersonville, alò ke nou pral kòmanse gwo seri sa a avèk Mesaj la: 63-0317M Bondye Kache Epi Revele Nan Senplisite.

Kòm Frè Branham ap rekonsakre Branham Tabènak la epi moun yo bay Bondye, annou rekonsakre tèt nou, lakay nou, legliz nou, ou kèlkeswa plas kote nou rasanble, a Li.

Frè Jozèf Branham

Ekriti pou li pou nou pare pou n tande Mesaj la.

1 Kronik 17:1-8

Ezayi 35:8 / 40:1-5 / 53:1

Malachi chapit 3

Matye 11:10, 11:25-26

Jan 14:1-6

1 Korint chapit 13

Apokalips chapit 21

23-0702 Pi Gwo Batay Ki Te Janm Fèt

Mesagj: 62-0311 Pi Gwo Batay Ki Te Janm Fèt

PDF

Ankenn responsablite pou Tradiksyon ki fèt nan Branham Tabernacle

Byenneme Fòs Espesyal Ministè Bann Yo,

Annou reyini ansanm pou nou byen fini bèl wikenn fòmasyon ke nou fèk genyen pa yon gwo pwen desizif, alò ke nou pral tande Jeneral 5 etwal nou an ki pral pale atravè anj terès ke Li chwazi a, epi ki pral anseye nou kijan pou nou goumen epi genyen Pi Gwo Batay Ki Te Janm Fèt, 62-0311.   

Ki kote: Katye jeneral la (Twòn Bondye a)

Ki lè: 2:00 P.M. Lè Jeffersonville

Frè Jozèf Branham.

23-0625 Mesye, Éske Sa A Se Siy Fen Tan An?

Mesagj: 62-1230e Mesye, Éske Sa A Se Siy Fen Tan An?

PDF

Ankenn responsablite pou Tradiksyon ki fèt nan Branham Tabernacle

Byenneme Epouz Mo pou Mo,

Okenn pwofèt, okenn apot, jamè, nan okenn epòk, pa janm viv nan epòk tankou sa n ap viv la. Sa se lafen. Kolòn Dife a retounen. Kolòn Dife a ki te kondwi pitit Izrayèl yo; menm Lan ki te frape Sòl sou wout Damas lan. Menm Lan ki vini avèk menm Pwisans lan, k ap fè menm bagay yo, epi k ap revele menm Pawòl la, ki rete Mo pou Mo avèk Bib la!

Tout mistè kache yo te revele a li. Èske nou remake, TOUT mistè yo. Anyen ki nouvo, anyen ki bliye, anyen ki pral revele pa yon lòt moun; TOUT te revele bay setyèm anj mesaje Li epi yo te ban NOU l, Lepouz Li, sou Bann.

Se TOUT sa Lepouz la bezwen; NOTE ANKÒ, TOUT SA LEPOUZ LA BEZWEN. Lòt moun bezwen lòt bagay, e yo ba yo sa. Men sa nou bezwen te anrejistre e yo ba nou l sou bann e SA ba nou LAFWA pou Anlèvman.   

Nou se legliz ke Seyè Bondye te ba li a. Sa se katye jeneral Li. Se la Li di nou rete. Pa yon bilding, BANN YO. Nou se gwoup moun sa yo ki kwè, epi nou grangou e nou akwoche a chak Pawòl. Li di nou rete isit la epi egzamine Wòch Blan an, Granit la, PAWÒL SOU BANN YO.

Yon Vwa ki sot nan Syèl la te pale avè l epi te di l: “Pote Manje anndan. Sere Li. Sa se sèl jan pou kenbe yo isit la, se ba yo Manje.” Li pa t di chache yon lòt bagay, oubyen ke pral gen nouvèl revelasyon k ap vin de yon lòt moun; egzamine MANJE SA KI SERE SOU BANN, RETE LA.

Men menm jan yo fè nan tout rèv yo ke Li revele, gen kèk moun ki pran direksyon sa a; gen kèk ki pran on direksyon, epi gen lòt ki pran on lòt. On ti kal te rete pou gade sa LI te di yo.

Kounye a konpare sa a avèk lòt yo, rèv yo. Sa se te yon vizyon. Manje a, men Li. Sa se plas la.

Li pat ka pi klè pase sa pou Lepouz Li. Sa se te yon vizyon, pa yon rèv, yon VIZYON. Manje an la a: BANN YO. Sa se plas la: BANN YO. N ap fè egzakteman sa L te di nou fè: Koute BANN YO!

Sa pran on Revelasyon Espirityèl pou konprann bagay sa yo. Sa pral pran on Revelasyon Esprirityèl pou kwè epi konprann tout sa Li pral di nou Dimanch sa a. Se pral on bèl moman pou Lepouz la.

Tèlman gen anpil bagay ke Bondye di nou epi ke Li revele nou nan Mesaj sa a. M anvi kopye sitasyon aprè sitasyon epi ban nou Li, men m konnen ke Li pral revele w chak Pepit paske men sa Li te di ke ou ye:

Sa se legliz Seyè Bondye a te ban mwen. Se isit la ki katye jeneral mwen. Se isit la ke m rete… gen yon gwoup moun isit la ki kwè, epi ki grangou epi k ap kenbe fèm.

Nou se gwoup sa a ki grangou epi k ap kenbe fèm. Anpil moun pa konprann nou epi ap pase nou nan betiz, men se pa grav, nou renmen yo epi nou priye pou yo; men nou jis vle YON SÈL VWA pou gide nou.       

Padone m, men m oblije ban nou sitasyon sa a.

“Lè li pral kòmanse sonnen twonpèt la, mistè a pral fini.” Kounye a, remake, alò li lè pou vwa Sèt So yo revele, nan Apokalips 10. Èske nou konprann? Lè tout mistè Liv la pral akonpli! Epi Bib la te di, isit la, ke l ap kanpe mistè yo.    

Kiyès k ap kanpe mistè yo? Pastè w? Yon gwoup? Mwen menm? Setyèm Anj Mesaje a: William Marrion Branham. Pa gen moun anvan, pandan, oubyen apre li. LI PRAL KANPE MISTÈ YO.

Se ka lafen tan an. Li ka lè kote lakansyèl la pral travèse syèl la, epi yon anons ki soti nan syèl la, pral di: “Pa gen tan ankò.” Si se sa, annou pare tèt nou, zanmi, pou rankontre Bondye nou a.   

Wi Seyè, nou vle pare pou nou rankontre W. Nou vle fè tout sa nou kapab. Nou vle rete nan volonte Pafè W. Tanpri Papa di nou, kisa nou dwe fè pou nou pare?

Gen anpil Manje ki te sere kounye a. Annou sèvi avè L. Annou sèvi avè L kounye a.

Mèsi Papa pou Manje a ke ou te sere pou Lepouz Ou epi pou Revelasyon Li. Nou sèvi avè L chak jou.

M priye pou padon ti legliz mwen isit la, ke Ou voye ban mwen pou-pou-pou-pou m kondwi epi pou m gide. Beni yo, Seyè. Mwen aji selon sa vizyon yo, epi rèv yo, epi bagay yo te di, selon sa m konnen pi byen. Mwen te sere tout Manje a ke me te kapab pou yo, Seyè. Kèlkeswa sa l ye, Seyè, se pa W nou ye.   

Mèsi Seyè, Ou di nou li ankò, Ou sere tout Manje a ke nou bezwen pou vwayaj nou an.

M pa ka tann pou m tande: Mesye, Èske Sa A Se Siy Fen Tan An? 62-1230A, avèk nou chak Dimanch a midi, lè Jeffersonville. M konnen ke bagay pral revele ban nou kòm jamè oparavan. Se ka dènye fwa nou tande L.  

E si se on bagay pou kite nou konnen kijan pou antre nan Lafwa Anlèvman an? Èske se sa? Èske n ap kouri, sote sou mi yo? Epi èske gen yon bagay ki pare pou l rive, epi vye kò abime, degoutan sa yo pral chanje? Èske m ka viv pou wè li, O Seyè? Èske li tèlman pre ke m ap wè li? Èske se jenerasyon an sa? Mesye, frè m yo, ki lè l ye? Ki kote nou rive?

Frè Jozèf Branham

23-0618 Laj Legliz Lawodise A

Mesagj: Laj Legliz Lawodise A, 60-1211E

PDF

Ankenn responsablite pou Tradiksyon ki fèt nan Branham Tabernacle

Byenneme Kwayan Pawòl Enfayib La,

Jan sa a te bèl pou tande epi li Sèt Aj Legliz sa yo. Avèk chak Mesaj ke nou tande, chak chapit ke nou li, Li ban nou plis Revelasyon. Nou wè tèt nou klè atravè chak aj Legliz…Lepouz Li, ki rete avèk Pawòl orijinal la.

Atravè laj yo, nou wè de lespri yo byen; malonètete avèk blòf Satan yo, kap vire Pawòl Bondye a, pou sedwi, pou koronp epi pou bat pèp la. Mè an menm tan, te gen ti gwoup fidèl Bondye a, Lepouz Li, ki akwoche L a chak Pawòl.

Toujou genyen on avètisman konstan ke yo bay pèp la, nou dwe RETE AVÈK PAWÒL LA. La segonn ke nou elwaye nou de Pawòl sa a, nou pran nan gwo twal Satan an; menm jan Èv te fè nan kòmansman an. Li pat sèvi ak Pawòl la. Adan te echwe kareman nan dezobeyi Pawòl la. Men Jezi, nan pwòp Vi pèsonèl Li, nan goumen avèk Tèt Li, Li genyen batay la grasa obeyisans anvè Pawòl Bondye a.

Li di ke si nou vle chita sou Twòn Li, nou dwe vin Pawòl vivan sa a. Priyè nou, jèn nou, epi menm repantans nou pap pèmèt nou genyen privilèj sa a. L ap akòde sèlman a Epouz PAWÒL la.

Gen anpil bagay ke m ta renmen di, epi sitasyon ke m ta renmen pataje avèk nou tout; li pa gen fen. M konnen ke Mesaj sa a ap boule nan kè nou tout, epi ke nou renmen chak Pawòl, menm jan avè m. Tout sa nou vle fè se pale epi fratènize sou Li. Nou vle mond lan konnen: Wi, nou se moun ki tande bann. Wi, nou Peze Jwe. Wi, nou kwè ke Vwa a sou bann yo se sa ki pral pèfeksyone Lepouz la. Wi, bann yo pral ini Lepouz la. Wi, Peze Jwe se Volonte Pafè Bondye a. Wi, m se Lepouz Li.    

M konnen ke m ap repete tèt mwen nan anpil lèt, men m tèlman kontan , tèlman rekonesan, tèlman sèten… li jis enkontestab, sa se Pwogram Bondye a pou Lepouz Li.

Avèk chak Mesaj ke nou tande, nou remake avèk etonnman, kijan yo pa ka wè, yo pa ka li oubyen tande sa nap tande? Li jis la a, sou bann, aprè bann, aprè bann. M anvi di yo jan Jezi di Nikodèm: “Ou se yon mèt Izrayèl, epi ou pa konn bagay sa yo?”

Jis koute kijan anj lan rann li senp.

Sou baz konpòtman moun sèlman, nenpòt moun konnen ke kote gen anpil moun, gen opinyon divize sou ti pwen nan gwo doktrin ke yo tout pataje.

Sou konpòtman moun SÈLMAN, nou pa bezwen konprann espirityèlman, tout moun konnen ke de moun ap gen opinyon divize sou TI PWEN nan on gwo doktrin.

Yo tout ka dakò epi di ke si moun yo pa fè sa yo di, oubyen si yo lage yo, alò destriksyon ap swiv. Men on vrè pwofèt pral toujou mennen moun yo nan Pawòl la epi pral lye pèp la avèk Jezikri, epi li pap di moun yo pou yo pè l oubyen pou yo pè sa li di, men pou yo pè sa Pawòl la di.

Kisa Pawòl la di? M pral voye nou Eli, pwofèt la. Nan jou VWA a. Pral gen YON pwofèt Pawòl… jis YOUN… paske Bondye te konfye Revelasyon an a GRENN SA A. Se li menm ki pral retabli Lepouz Mwen.

Avèk tout vwa sa yo epi tout opinyon sa yo epi sitasyon sa yo, kijan youn ka SÈTÈN? 

Kiyès alò ki pral gen pouvwa enfayibilite a ki dwe retabli nan dènye aj sa a, paske dènye aj sa a pral retounen a Vrè Pawòl Lepouz la kap manifeste?  

Se li menm ke Lepouz la vle koute, li menm avèk pouvwa enfayibilite a; paske se li menm ki pral RETABLI Lepouz la. Li pap gen opinyon divize, Li se Pawòl la.  

Kesyon: Seyè, nou vle konnen, ki moun sa ki pral gen Pawòl enfayibilite yo?

M pral di nou kiyès kap genyen l. Lap on pwofèt ki konplètman konfime, ou menm plis konplètman konfime pase nenpòt lòt pwofèt nan tout laj yo depi Enòk jiska jou jodi a, paske nonm sa a pral nesesèman gen ministè pwofetik pyè fondamantal la, epi Bondye pral mete l an evidans. Li pap bezwen pale pou tèt li, Bondye ap pale pou li pa Vwa siy lan. Amèn.

Repons: William Marrion Branham.

Kite m ankouraje nou jodi a, Epouz ki Chwazi a. NOU PA KAPAB, EPI NOU PAP SEDUI. Èske nou konprann sa? Pa gen moun ki ka sedui nou. Pòl pa t ap ka twonpe okenn eli, menm si l te twonpe l. Menm nan premye aj legliz Efèz la, yo pat ka sedui eli yo. Yo te eseye fo apot ak fo pwofèt yo epi yo te twouve ke yo te mantè epi yo mete yo deyò.

GLWA, LEPOUZ… Nou se mounton pa L epi nou tande Vwa Li epi nou swiv LI. NOU SE LEPOUZ PAWÒL VIVAN AN!!

Pa gen anyen ki pi gran pase pou konnen Pawòl sa yo. Pou konnen nan kè w epi nanm ou, ke ou se Lepouz Li. Jou lemonn tap tann yo rive. Lepouz la rekonèt tèt Li epi Li vin YOUN AVÈ L: nou se NOUVÈL KREYASYON BONDYE A.

Yon fwa ankò mwen sipliye nou, KOUTE VWA BONDYE Dimanch, kèlkeswa kote nou rasanble. Pe enpòt ki Mesaj nou tande, depi nou tande Vwa Bondye ki konfime a. Vwa sa a se te Vwa ke Bondye te rele epi te chwazi pou retabli epi rasanble Lepouz Li.   

A tout legliz yo, tout moun yo, nou envite pou koute avèk nou Dimanch sa a a midi, lè Jeffersonville, alò ke nou pral tande: Laj Legliz Lawodise A, 60-1211E.

Frè Joseph Branham      

23-0611 Dis Vyèj Yo Ak Sankarannkatmil Jwif Yo

Mesagj: 60-1211m Dis Vyèj Yo Ak Sankarannkatmil Jwif Yo

PDF

Ankenn responsablite pou Tradiksyon ki fèt nan Branham Tabernacle

Byenneme Moun Ki Renmen Laman An,

Nou kontan paske nou ka manje Manje ki pa gen ni zo ni grenn Ladan. Galèt k ap desann sot nan Syèl la, yo rele “Laman”, ki kouvri nèt avèk dousè Syèl la.

Pa Revelasyon Espirityèl, Li revele nou ke gen on sèl plas kote nou ka jwenn Laman Fre sa a ki pa gen grenn: lè nou tande Vwa Bondye a ke Li bay Lepouz Li.

Nan chak aj, se egzòtasyon konstan Li bay legliz yo pou yo tande Vwa Seyè a. Nan dènye aj sa a, egzòtasyon Li ankò pi tenas pase nenpòt lòt aj; paske sa se jou Seyè a pral Vini. Li avèti nou, an tout ijans, ke nou dwe tande vrè Vwa L ki konfime.

Oh, tèlman gen anpil vwa nan mond lan – anpil pwoblèm epi bezwen ki mande atansyon; men pap janm gen on vwa osi enpòtan epi osi diy datansyon ke vwa Lespri a. Alò: “Moun ki gen zòrèy pou yo tande, tande sa Lespri a ap di legliz yo.”

Men, se sa, avètisman L anvè legliz yo, kijan li enpòtan pou tande VWA Lespri a. Sètenman se la ke lènmi an pral atake, pou eseye kache moun yo, enpòtans pou tande VWA SA A.

Li di nou ke gen ANPIL VWA. Gen anpil pwoblèm ak bezwen, ki mande atansyon, men pa janm bliye, nou dwe tande VWA L KI KONFIME.

Si mwen ofanse nou lè m di sa, padonnen mwen, men, mwen santi ke sa te ka deranje, men, mwen se Vwa Bondye pou nou.

Men repons lan: MWEN SE VWA BONDYE POU NOU.

Li tèlman klè pou Lepouz Li. Li pa kache, li jis la a devan tout moun; nenpòt moun ka li L. M pap di moun yo yon bagay ke Li pa di…M pap envante sa. Li di nou klèman ki sa ki pi enpòtan ke nou dwe fè. Volonte pafè Bondye a se TANDE VWA LI EPI LI SE VWA BONDYE POU NOU. 

Frè ak sè, m pa di ke nou pa ka tande pastè nou. M pa di ke yo fo oubyen ke li pa bon si yo preche. Li klè ke Seyè a plase nou isit la pou nou sa yon èd pou Lepouz la epi pou voye nou TOUNEN a Pawòl orijinal la; pou plase Vwa sa a devan nou kòm bagay ki pi enpòtan ke nou ka tande. Nou dwe retounen nan VOLONTE PAFÈ Bondye a. Adan an ki konplètman retabli, fòtifye dèyè Pawòl la. Bondye te pale chak jou de bouch a zòrèy ak Adan nan Jaden an, epi jodi a, L ap fè menm bagay la.  

Nou ta dwe kanpe nan brèch la epi di: “Nou se frè!” Nou pa divize, Nou se yon sèl Kò; Youn nan esperans epi Doktrin, (Doktrin Bib la.)  

Nou se frè. M pap eseye divize Legliz yo, m ap eseye rasanble nou ansanm avèk SÈL bagay ki ka rasanble Lepouz la ansanm. Nou tout pa ka dakò avèk ON SÈL, OUBYEN ON GWOUP MINIS; yo tout diferan, epi yo di bagay diferan. Gen ON SÈL setyèm anj mesaje. Gen ON SÈL Vwa Bondye. Vwa ke Bondye bay Lepouz Li sou bann.

M ap klè. Revelasyon mwen an se: Koute Vwa Bondye a sou bann SE VOLONTE PAFÈ BONDYE. 

Tankou nan epòk Samyèl, lè pèp la te pwoche li epi te di l ke yo te vle yon wa pou domine sou yo. Kè l te fè l mal. L al wè Bondye epi li di L sa yo te vle. Bondye di Samyèl: yo pa rejte w, Samyèl, se Mwen yo rejte, pou M pa gouvènen sou yo.

Kijan L te gouvènen sou yo? PA PWOFÈT LI, SAMYÈL. Se te VOLONTE PAFÈ L, epi yo te rejte l. Pou vin Lepouz Li, ou dwe RETOUNEN nan Volonte Pafè Bondye. Ou pa ka gen 2 VOLONTE PAFÈ.

Jan m ta renmen pou tout Lepouz la reyini ansanm, atravè mond lan pou tande Vwa Bondye a tout an menm tan. Se pa paske “mwen” di l, men paske Bondye ap FÈ L. Se sèl bagay ki ka reyini Lepouz Li.

Mwen envite nou vin koute avèk on pati Lepouz la, Dimanch a midi, lè Jeffersonville, pou tande: Dis Vyèj Yo, Ak Sankarannkatmil Jwif Yo 60-1211M.  

Si nou pa ka reyini avèk nou, ankouraje pastè nou pou koute Vwa Bondye a Dimanch maten sa a nan legliz nou an. Èske nou ka imajine, Lepouz la atravè mond lan, nan chak legliz, nan chak kay, ou kèlkeswa kote nou ye a, ap tande Laman Fre ki kouvri nèt avèk dousè Syèl la. Frè Joseph Branham

23-0604 Laj Legliz Filadèlfi A

Mesagj: 60-1210 Laj Legliz Filadèlfi A

PDF

Ankenn responsablite pou Tradiksyon ki fèt nan Branham Tabernacle

Byenneme Madan Jezikri,

Son sa a bèl, pa vre? Ayo a epi Lepouz Li etabli pou tout tan nan tout pèfeksyon Bondye a. Kijan nou ka dekri l? Nou panse a li. Nou reve a li. Nou li sa Pawòl la di sou li. Nou wè L k ap pataje pwòp Sentete L avèk NOUMENM. An Li, nou vin jistis Bondye a menm. 

Ala yon plezi pou nou lè nou peze jwe, epi nou tande Bondye Limenm k ap pale avèk nou atravè pwisan anj Li epi k ap di nou bagay sa yo.

Pa gen anyen nan lavi sa a, osi satisfezan, osi bon epi osi byen sa ye. Men w ap jwenn sòm total tout pèfeksyon an nan Kris. Tout bagay tonbe epi vin ensiyifyan bò kote L.  

Li di NOU ke n ap gen on nouvo non, Non pa L. Non Li ap pou nou lè Li pral pran nou avè L. L ap pi bèl pase sa nou ta ka janm imajine. Nou pral ale tout kote Epou a prale. Li pap janm kite nou. N ap toujou bò Kote L. Nou pral pataje Twòn Li avè L. Nou pral kouwone avèk glwa Li epi onè Li.

Epi menm lè Li pral montre Tèt Li bay mond lan, epi tout mond lan pral koube nan pye Li, menm lè sa a tout mond lan pral koube nan pye sen yo, sa pral pwouve ke yo te gen rezon nan pozisyon yo avè L. Ke Bondye beni a jamè!

Li te konnen davans, pa yon dekrè Diven, ke nou tap Lepouz Li. NOUMENM Li chwazi; nou pat chwazi L. NOUMENM Li rele; nou pa vin pou kont nou. Li mouri pou NOU. Li lave NOU nan pwòp San Li. Li peye pri a pou NOU. Se pou Li mwen ye, e Limenm sèl. Nou angaje nèt avè L epi Li aksepte responsabilite a. Li chèf NOU. Li pale avèk nou atravè anj Li epi nou obeyi, paske se plezi nou.

Depi nan kòmansman jiska lafen, Mesaj la sou bann yo, tout reprezante BONDYE pou NOU. Kite Lavi sa a an NOU. Kite se San L ki netwaye NOU. Kite se Lespri L ki ranpli NOU. Kite se Pawòl Li ki nan kè nou epi nan bouch nou. Kite se Kou Li resevwa ki geri NOU. Kite se Jezi, e Jezi sèl. Pa grasa zèv lajistis ke nou akonpli. Kris se vi mwen. Mesaj la se vi pa nou, paske Se Kris.

Oh, gen anpil vwa nan mond lan – anpil pwoblèm epi bezwen kap kriye pou atansyon; men pap janm gen on vwa ki osi enpòtan epi ki osi diy datansyon ke vwa Lespri a. Alò: “Moun ki gen zòrèy pou tande, se pou l tande sa Lespri a ap di legliz yo.”       

Bondye gen yon Vwa pou jou jodi a. Li te konfime pa Kolòn Dife a kòm etan Vwa Bondye a. P ap janm gen yon Vwa ki OSI ENPÒTAN EPI KI MERITE ATANSYON NOU ke Vwa sa a sou bann pou jou jodi a. 

Vin jwenn nou Dimanch a midi, lè Jeffersonville. Nou gen yon sak ranpli ak Myèl. Nou pral mete l sou Wòch la, pa sou nenpòt legliz; sou Wòch la, Jezikri. Epi noumenm, mouton yo, ale niche. Sèten nap retabli touswit. Tout pwoblèm yo poutèt peche pral disparèt lè nou pral niche Wòch la. Se sa sèlman ou dwe fè, vin tande Vwa Bondye a kap di nou tout bagay sou: Laj Legliz Filadèlfi A, 60-1210.  

Frè Joseph Branham

23-0528 Laj Legliz Sad La

Mesagj: 60-1209 Laj Legliz Sad La

PDF

Ankenn responsablite pou Tradiksyon ki fèt nan Branham Tabernacle

Byenneme Noumenm Ki Diy, Ki Jis

Zèg, èske nou pare pou rasanble Dimanch sa a pou tande Vwa Bondye dous la k ap pale avè w epi k ap di nou:

“Nou diy.” “Nou se pa M.” “Nou jis.” “Nou pral mache avè M nan rad blan.” Non nou ekri nan Syèl la.”

Sa se pa pawòl mwen, men se Pawòl Papa nou ki nan Syèl la k ap pale avèk NOU, Lepouz Li chwazi a. Sentespri a vin viv nan on kò imen on fwa ankò, pou L te ka pwononse bèl Pawòl sa yo, de bouch a zòrèy a Dam Li chwazi a.

Se bèl bagay pou tande yo de bouch mwen, ou de nenpòt moun ki ta di “Jezi di”, men pou tande L, Limenm, k ap pale atravè Vwa Li chwazi a; sa Li itilize pou di nou pèsonèlman…tou senpleman, pa gen anyen pi gran.

Gen anpil vwa Bondye itilize pou pote Pawòl Li nan mond lan. Li chwazi yo epi Li plase yo pou yo sa yon benediksyon pou mond lan epi pou Epouz Li.

Lè Jezi te isit sou latè a nan kò yon moun, Li te chwazi moun tou, apot Li yo, pou swiv Li epi pou pale pou Li sou sa yo te wè ki te ranvèse epi sa yo te tande. Se nonm sa yo ke Li te voye pou repann Levanjil la, Bon nouvèl la ke Mesi a te vini; Li te la, sou latè a avèk yo. Li voye yo de pa de pou yo pwoklame Gwo Nouvèl sa a epi pou yo mennen tout moun vin jwenn Li.

Alò ke Li te rasanble yo yon swa, Li mande yo : “Kimoun yo di Mwen ye?” Yo reponn: “Gen kèk ki di Ou se Eli; gen kèk ki di Ou se Jan Batis.” Men Li di: “Men kiyès NOU DI Mwen ye?” Alò Pyè pwononse gwo pawòl sa yo: “Ou se Kris la, Pitit Bondye vivan an.” Jezi reponn li epi Li di: “Se pa lachè ak san ki revele w sa, Pyè, men se Papa M ki nan syèl la ki revele w sa, epi sou Wòch sa a (Revelasyon) M pral bati Legliz Mwen.”

Mond lan bite toupatou sou gwo mistè sa a. Kèk moun panse ke Li tap pale de Pyè. Gen kèk ki panse ke se te yon wòch ki te la a. Gen kèk ki panse ke se te Jezi. Men pa Revelasyon, ke Sentespri a ban  nou, nou konnen ke se te REVELASYON DE KI MOUN LI TE YE.    

Aprè lanmò, antèman epi rezirèksyon Jezi, nan jou Pannkòt la, yo te voye yo pou yo rakonte mond lan gwo nouvèl sa a. Pyè te chwazi yon fwa ankò kòm pòtpawòl pou ale devan moun yo epi pwoklame kijan pou resevwa Sentespri Li. Li di, ou dwe repanti epi batize nan Non Seyè Jezikri a.

Ala yon pozisyon Sentespri a te bay Pyè. Nou jis ka imajine kijan moun yo te konsidere l. Li te mache avèk Jezi pandan ke L te sou latè a, nan on kò. Li te zanmi L. Li te bò kote L chak jou. Sila Li te chwazi pou l bay Revelasyon an. Men Bondye te chwazi YON LÒT MOUN pou vin pwofèt Li: Pòl.

Lè Pyè rive Antiòch pou l te avè Pòl, li tap manje epi tap bwè avèk Moun lòt Nasyon yo. Men lè yon gwoup moun ki tap swiv Jak rive, li retire tèt li epi l te pè. Pòl te reprimande l devan lòt yo epi li di l ke li pa tap mache dwat selon verite a epi yo te dwe blame l. Frè Branham di ke Pyè te enfliyanse pa moun Jidais yo.

Kisa sa di nou pou jou jodi a? Li pa enpòtan ki moun li ye. Konbyen yo gen Sentespri a. Ki otorite oubyen ki apèl yo genyen. NOU DWE RETE AVÈK PWOFÈT BONDYE CHWAZI A KÒM ABSOLU. PASKE LIMENM, E LIMENM SÈL, SE ENTÈPRÈT DIVEN PAWÒL BONDYE A. 

Sa a se pa kont Pyè ni kont okenn disip Bondye chwazi, a lepòk ou jodi a. Yo chwazi yo pou repann Levanjil la, men Bondye te chwazi YON NONM pou dirije Legliz Li. Limenm sèl te pwofèt ke Bondye te chwazi avèk Ensi Di Seyè A, pa yo menm. Yo gen plas yo, men Li gen YON PWOFÈT pou mete Legliz Li an lòd, avèk dènye Pawòl la pou Lepouz Li. 

Sa montre nou jan nou dwe pran prekosyon pou nou tande Vwa Bondye ki konfime a pou epòk nou an. Sila a Li te chwazi pou l vin entèprèt diven Pawòl Li. Pa gen anyen ki pi GRAN ke tande Vwa Li kap pale atravè anj Li; Vwa ke Li chwazi a, pa vwa nou. 

Nou wè atravè tout laj yo kijan Bondye chwazi on gwoup moun ki tap RETE AVÈK PAWÒL LI epi mesaje Li chwazi a. Vwa sa a ap pwoklame nou chak jou ki moun nou ye, YOUN NAN YO. 

Li te konn voye refòmatè nan Legliz Li, men JOU JODI A, Li voye restoratè Li: “Seyè a di, M pral retabli, epi Mwen pral fè kè timoun yo tounen, paske M gen anpil bagay pou M di nou nan epòk Vwa Mwen an.” 

Nou envite nou vin koute Vwa sa a avèk nou, Dimanch a midi, lè Jeffersonville, alò ke Li pral pale avèk nou e ke Li pral montre nou Vrè epi fo legliz la pandan: Laj Legliz Sad La, 60-1209.

Frè Joseph Branham

23-0521 Laj Legliz Tiyati A

Mesagj: 60-1208 Laj Legliz Tiyati A

PDF

Ankenn responsablite pou Tradiksyon ki fèt nan Branham Tabernacle

Byenneme Zetwal Kouwòn Li,

Rejwi tèt nou Lepouz. N ap vin Youn avè L. Chak jou, Li ban nou plis Revelasyon de Limenm epi de Noumenm. N ap vin pi konsyan de Pwisans Vivifye sa a k ap viv epi ki abite nan nou.

Nou pa menm ka kòmanse eksplike kijan nou santi nou. Nou anvayi ak Lespri L. Se tout panse nou. Pa gen lòt bagay ki enpòtan pou nou. Nou wè Pawòl Li k ap vin Pawòl nan nou. Li nouri nanm nou. Nou viv chak jou pou adore Li, louwe Li, epi remèsye L paske nou ka tande Vwa L k ap aple avèk nou.

Lè n ap li Liv Aj Legliz nou an, nou pa ka depoze l; kè nou ap eksploze. Chak jou pote plis Revelasyon. Nou anvi sote epi rele, kouri nan chanm lan epi rele byen fò: “Glwa, Alelouya, Louwe Seyè a.” “Èske ou li sa a?” “Mwen souliye l sou sa m te souliye anvan, men m pa janm, JANM, li L konsa anvan.” L ap revele nou tout Bib la depi Jenèz jiska Apokalips, epi mwen wè TÈT NOU NAN PAWÒL LI.

Nou wè Vrè Lepouz sa a ki rete avèk Pawòl la atravè Laj yo epi ki pat sedwi pa gwo riz Satan an. Li te vle yo adore l tankou Bondye. Men pandan tout tan sa a, te genyen VRÈ LEPOUZ sa a, ki te rete fidèl ak Pawòl Li a. Ti gwoup chwazi sa a ki te rete avèk mesaje Li. Menm jan avè nou, yo pat kapab, epi yo pa t ap, fè konpwomi. Yo te konnen ke te gen JIS YON FASON pou su: rete avèk Chemen ke Li te bay, Pawòl Li, anj Li.

Jan Satan twonpe moun atravè tan an. Li trase chemen l atravè diferan Aj Legliz yo jiskaske li te atenn objetif li yo. Kounye a li vin tèlman pwòch SA KI PAFÈ a ke li te ka menm sedwi eli yo si sa te posib… men louwanj pou Bondye, LI PA POSIB, NOU PA SEDWI. Poukisa? NOU RETE AVÈK VWA BONDYE A, PAWÒL LI KI VIN FÈ KÒ.

Pa gen mwayen kontoune L. Vwa Bondye a se Chemen ke Li bay pou jou jodi a. Nou kontinye fè zèv Li fidèlman jiska lafen. Nou resevwa pouvwa sou nasyon yo, epi nou se lidè ki fò, kapab, souveren enfleksib ki ka fè fas a nenpòt sitiyasyon avèk on pwisans konsa. Menm enmi nou ki pi dezespere an kraze. Demonstrasyon dominasyon nou an, pa Pwisans Li, li menm jan ak Fis lan menm.   

Oh, jan nou ta renmen jwenn mo yo pou eksprime sa nou santi. On jou, n ap rive, zanmi m yo. Nou pral pase Letènite avèk Seyè nou, anj Li, epi youn ak lòt.

Tankou brav dam nwa an nan Memphis, nou te konnen ke se te Limenm lè nou te tande L. Poukisa? Oh, nou se YOUN NAN YO.

Èske nou ta renmen ke Sentespri a pale avèk nou epi di nou kiyès nou ye? Vin fè eksperyans prezans Seyè a avèk nou Dimanch sa a midi, lè Jeffersonville, alò ke n ap tande: Laj Legliz Tiyati A 60-1209. Sa pral chanje vi nou.

Frè Joseph Branham  

23-0514 Laj Legliz Pègam Lan

Mesagj: 60-1207 Laj Legliz Pègam Lan

PDF

Ankenn responsablite pou Tradiksyon ki fèt nan Branham Tabernacle

Byenneme Pitit Pwofèt La,

Nou se Pawòl manifeste a, nou resevwa enèji a pa Lespri a, e n ap tande Vwa Bondye a, alò ke Li pwoklame nou, nou SE LEPOUZ LI.

Papa bay Legliz Li NÈF don Lespri a, epi SENK ministè kentup yo, men Jezi di: “Nan CHAK aj, M ap adrese M a YON SÈL moun. YON sèl mesaje pou chak aj pral resevwa sa M gen pou M di pou aj sa a. SÈL MESAJE sa a se mesaje vrè Legliz la.

Li pale pou Bondye pa revelasyon. Apresa, Mesaj la emèt bay tout moun, men se jis on sèten gwoup kalifye ki revevwa l on jan. Chak moun nan gwoup sa a se youn ki gen kapasite pou tande sa Lespri a ap di palentremiz mesaje a. Sa ki tande yo, yo pa resevwa pwòp revelasyon patikylye pa yo, ni yon gwoup pap resevwa revelasyon kolektif li, MEN CHAK MOUN AP TANDE EPI AP RESEVWA SA MESAJE A DEJA RESEVWA DE BONDYE. 

Ala prekosyon nou dwe pran pou tande YON SÈL Vwa, paske Lespri a gen on sèl Vwa ki se Vwa Bondye a.

Gen yon SÈL VWA BONDYE epi li pa bezwen fè prèv li menm jan ak NÈF yo, ni li pa bezwen filtre tankou SENK yo; JIS ON SÈL VWA PAWÒL PUR!!

Èske nou ka tande lòt minis yo? Wi, men kle a se di SÈLMAN sa pwofèt la pwononse. Gen lòt ki kapab, epi ki ta dwe, egzòte, anseye epi preche; men Bondye ouvri yon chemen ban nou jodi a tankou OKENN LÒT JOU. Nou ka tande egzakteman sa Bondye ap di Legliz la.

Li di nou ke nou dwe fè trè atansyon. LI DI NOU, PA MWENMENM, ke yo ajoute la a, oubyen retire la a, epi anvan lontan mesaj la pa pur ankò. Lè n ap tande bann yo, Se Mo pou Mo, Ensi Di Seyè A.

Prèv egzistans Lespri a ki andedan nou, se te pou rekonèt epi SWIV sa pwofèt Bondye a te bay pou aj li, kòm li t ap mete lòd nan legliz la.

Se poutèt sa nou SWIV, epi nou di, ke pastè nou se setyèm anj mesaje a epi nou vle jis tande sa li gen pou di. Pou noumenm, Se Lamann Kache a.

Revelasyon an te vide sou anj mesaje nou. Revelasyon Pawòl la te bay epi te adrese a LIMENM pou aj nou. Li gen yon Revelasyon on ti kal pi gran de sa Kris Ye; on apèl on ti kal pi elve, ke tout lòt yo. Si nou pa ka monte pi wo pase pastè nou an, alò nou vle William Marrion Branham kòm pastè nou. 

Nou konnen ke lòt moun pap wè sa nou wè, epi kwè bagay ke nou kwè, men yo toujou frè ak sè nou, epi nou pral pase Letènite avèk yo. Men nou dwe rete fidèl a sa nou kwè ki se chemen Bondye montre nou pou adore Li epi swiv Li.

Li tèlman fasil pou lòt moun yo di ke nou akòde twòp enpòtans a mesaje a, men an reyalite, nou jis ap site l. Nou dwe wè sa avèk Seyè a. Paske se Vwa Bondye k ap di bagay sa yo.

Ann louvri kè nou ak panse nou epi ann li sa Lespri a di nou atravè anj Li:

L ap vini byento nan mond lan, gwo anj Limyè a ki pral vin jwenn nou, ki pral fè nou soti, gwo Sentespri a, ki pral vin ak pwisans, epi ki pral kondwi nou a Seyè Jezikri a. Petèt ke li pap konn sa, men l ap la youn nan jou sa yo. Li pral fè… Bondye ap fè ke yo konnen l. Li pap bezwen fè konnen tèt li, Bondye ap fè ke yo konnen li. Bondye pral konfime pa L Yo. Se sa L te di lè Jezi te isit epi ke yo pat rekonèt Li, wè. Li te di: “Si M pa fè zèv Papa M yo, alò pa kwè M; men si M fè zèv Papa M yo, epi ou pa ka kwè M, alò kwè zèv yo.” Pa vre?

Èske li pa rele tèt li gwo anj Limyè pou jou jodi a? Nou konnen se Sentespri a ki nan li, men li te di: Petèt ke li pap konnen, men l ap isit la youn nan jou sa yo. Sentespri a pap konnen kiyès Li ye? Li pap bezwen fè konnen tèt li; Bondye ap fè ke yo konnen l.

Alò li di ke, pwofèt tan pa nou se gwo anj Limyè a ki pral kondwi nou a Jezikri pa mwayen Sentespri a atravè li. Men Revelasyon epòk nou.

Kiyès ki pral prezante Lepouz bay Seyè a? PASTÈ NOU.

Men pwofèt sa a pral vini, epi menm jan prekursè premye vini an te kriye: “Men Ayo Bondye a k ap wete peche moun sou tout latè”, san dout li menm tou li pral kriye: “Men Ayo Bondye a , k ap vini nan laglwa.” Li pral fè sa, paske menm jan Jan te mesaje laverite pou eli yo, menm jan moun sa se dènye mesaje pou lepouz ki te chwazi epi ki ne nan Pawòl la.   

Lè nou konnen verite sa yo, epi nou gen Revelasyon KONPLÈT de Li nan jou jodi a, nou vin Lepouz Li ne de Lespri epi ranpli de Lespri.

REJWI TÈT NOU LEPOUZ, SA SE KIYÈS NOU YE!

Lè yon nonm ki ne de Lespri, ranpli de Lespri pa lafwa aksepte Pawòl sa a nan kè li epi li mete l sou bouch li, se menm bagay ak Divinite k ap pale. Tout mòn gen pou ale. Satan pa ka kanpe devan nonm sa a.  

Kounye a vrè amoni egziste ant Epou a epi noumenm, Lepouz Li. Li montre nou Pawòl lavi Li, epi nou resevwa Li. Nou p ap janm doute l. Se poutèt sa, anyen pa ka fè nou mal, pa menm lanmò.

REJWI TÈT NOU LEPOUZ, SA SE KIYÈS NOU YE!

Pawòl la nan epouz la (jan l te ye nan Mari). Epouz la gen panse Kris paske li konnen sa L vle fè avèk Pawòl la. Li egzekite kòmandman Pawòl la nan non Li paske li gen “ensi de Seyè a.” Alò Pawòl la vivifye pa Lespri epi li akonpli tèt li. Tankou yon semans ki te plante epi wouze, li rive nan rekòt total, ap sèvi kòz li.

Nou rive nan rekòt total epi n ap akonpli kòz Li kounye a. Nou jis ka fè volonte Li. Pèsonn ka oblije nou fè lòt bagay. Nou gen “Ensi Di Seyè A,” oubyen nou rete trankil. Nou konnen ke se Bondye nan nou k ap aji, kap akonpli pwòp Pawò Li.

Nou kontan, paske pwofèt la te wè nou odela rido tan an, pandan nou tout te leve vwa nou epi nou t ap rele ann amoni: “N ap repoze sou sa!”

Vin rasanble avèk nou Dimanch a midi, lè Jeffersonville, alò ke nou pral tande Vwa Bondye a k ap pote nou mistè: Laj Legliz Pègam Lan, 60-1207.  

Frè. Joseph Branham

Ekriti pou li an preparasyon pou tande Mesaj la.

Nonm 23:8-9

Apokalips 2:12-17, 17:1-5, 17:15