Nou se bèl ti Dam Li; san melanj, ke okenn òganizasyon moun, okenn tewori lònm manyen. Nou se Epouz Pawòl la ki sensè e san melanj! Nou se pitit fi Bondye ki ansent.
Nou se pitit Pawòl Li ki pwononse, ki se Pawòl orijinal Li! Pa gen peche nan Bondye, kidonk pa gen peche nan nou, piske nou tankou Pwòp imaj Li. Kouman nou ta ka tonbe? Li enposib…ENPOSIB! Nou fè pati de Li, PAWÒL ORIJINAL Li.
Kijan nou ka konn sa san okenn dout? REVELASYON. Tout Bib la, Mesaj sa a, Pawòl Bondye a, se yon Revelasyon. Se konsa nou konn verite a ant Vwa sa a e tout lòt vwa yo, paske se yon Revelasyon. E Revelasyon nou egzakteman konkòde ak Pawòl la, Li pa an kontradiksyon ak Pawòl la.
E sou wòch sa’’ (revelasyon espirityèl de sa Pawòl la ye) ‘M ap bati Legliz Mwen; epi pòtay lanfè p ap janm ebranle L.’ Madanm Li p ap tonbe ak lòt gason. ‘M ap bati Legliz Mwen, epi pòtay lanfè p ap janm ka ebranle L.’
N ap sensè e fidèl ak Pawòl Li epi ak Vwa Li, sèlman. Nou p ap janm kite yon lòt moun dezonore nou epi komèt adiltè. N ap rete Epouz Pawòl Li ki Vyèj. Nou p ap gade, tande, oswa koze ak okenn lòt pawòl.
Li nan fon kè nou. Nou p ap janm ka gen yon lòt mari, men SÈL MARI nou, Jezikri, yon sèl Nonm, Bondye, Emanyèl. Madanm Li ap milye de milye de milye. Sa montre ke Epouz la dwe vini pa Pawòl la. ‘Yon sèl Seyè Jezi, epi Epouz Li plizyè, sengilye.’
Nou dwe sonje epi konprann ke sa a se pa pou tout moun, men SÈLMAN pou gwoup pwofèt la. Pwòp disip li yo. Mesaj sa a sèlman pou yo, ti twoupo ke Sentespri a te ba li pou l veye.
Bondye ap kenbe l responsab pou sa l ap di nou, epi Bondye ap kenbe nou responsab, konvèti l yo ki atravè peyi yo, moun yo ke li mennen a Kris, pou kwè chak Pawòl epi pou pa janm fè konpwomi.
Ala bèl sa bèl pou nou, pou chita epi tande L k ap di nou kijan nou se Moun ke L chazwi. Kijan premye Epouz Li, epi dezyèm Epouz Li, te desevwa Li; men nou menm, gran Epouz Li nan fen tan an nou p pap JANM DESEVWA L. N ap rete Epouz Pawòl Li ki sensè, fidèl, vyèj jiska lafen.
Lafwa nou nan Pawòl Li ap grandi chak jou. N ap prepare tèt nou lè n ap koute epi n ap obeyi chak Pawòl Li, lè n ap tande Vwa Li k ap pale avè nou, lè n ap li Bib nou yo, lè n ap priye epi n ap adore L tout lajounen.
Nou konnen ke L ap vini trè byento. Nenpòt minit kounye a. Menm jan ak Noe, nou te espere ke Li t ap vini yè; petèt demen maten, a midi, nan aswè, men nou konnen ke L ap vini. Pwofèt Bondye a ak Pawòl Li pa fè erè, L AP VINI. Nou santi ke nou jou 7, e nou ka wè nyaj yo k ap fòme e gwo gout lapli yo k ap tonbe; tan an rive.
Nou byen an sekirite nan Ach la, ap tann avèk anpil antisipasyon. Vin jwenn nou alò ke nap tande Vwa Bondye a k ap konsole nou Dimanch sa a midi, lè Jeffersonville, alò ke n ap tande: Maryaj Ak Divòs 65-0221M.
Nou pa bezwen tann, nou pa bezwen poze tèt nou kesyon, NOU RIVE! Nou SE Sipè Lepouz Semans Wayal Espirityèl la. Semans Espirityèl Fis Wayal ki te pwomèt la. Pa kèk gwoup nan tan k ap vini an; pa pwochen jenerasyon k ap vini an; n ap viv nan dènye jou yo, nou se jenerasyon ki pral wè Jezikri k ap retounen sou tè a.
Jounen Jodi a, Ekriti Sa a Akonpli!
Menm Levanjil la, menm Pwisans lan, MENM Fis de Lòm lan ki te egziste yè a, egziste jodi a e ap egziste pou tout tan.
Jounen Jodi a, Ekriti Sa a Akonpli!
Byenneme zanmi ki Arizona, Kalifòni, Texas, toupatou Etazini epi ATRAVÈ MOND LAN k ap tande bann sa a an liy; menm F-I-S Bondye ki vin a lès epi ki konfime tèt Li kòm etan Bondye ki manifeste nan kò a, se menm F-I-S Bondye a nan emisfè lwès la isit la, ki idantifye tèt Li nan mitan legliz la aswè a, menm lan a yè, jodi a, e pou tout tan. Limyè aswè Fis la vini.
Jounen Jodi a, Ekriti Sa a Akonpli!
Vwa Mesi a, ki te kanpe epi ki t ap pale sou estrad la nan epòk Li, ki t ap idantifye tèt Li avèk Pawòl la ki te pwomèt la pou epòk sa a, se menm Vwa Mesi a, k ap pale avèk Lepouz Li jodi a atravè mond lan sou bann yo, k ap di nou: M se menm lan a yè, jodi a e pou tout tan. M SE Vwa Bondye pou NOU. NOU SE SEMANS WAYAL ESPIRITYÈL LEPOUZ MWEN ki rete avèk Pawòl Mwen.
Jounen Jodi a, Ekriti Sa a Akonpli!
Gen yon tèl konfizyon nan mitan moun yo jodi a ke yo pa wè Verite Bondye a. Se paske gen twòp entèpretasyon Pawòl Bondye a ke lèzòm fè. Bondye pa bezwen pèsonn pou entèprete Pawòl Li. Li se Pwòp entèprèt Li. Li voye bay Lepouz Li, anj pwofèt Li ki nan jou Apokalips 10:7 pou entèprete Pawòl Li. Se ENSI DI SEYÈ A.
Jounen Jodi a, Ekriti Sa a Akonpli!
Nou di: “Si m te la lè Jezi te sou tè a, m t ap fè tèl ou tèl bagay.” Ebyen, se p at laj nou. Men, sa se laj nou, sa se tan pa nou. Ki Vwa nou di ki Vwa Bondye a? Ki Vwa ki Vwa ki pi enpòtan pou nou?
Jounen Jodi a, Ekriti Sa a Akonpli!
Dyab la ap atake Lepouz Li kòm jamè oparavan. Li ka fè nou kwè ke nou gen yon maladi, oubyen li ka atake fanmi nou. Gendelè Bondye kite bagay yo vin tèlman sonb ke nou pa ka wè anlè, alantou, oswa lòt kote. Apresa Li vini epi Li louvri nou yon chemen, pou nou ka di: M pa semans Aga, m pa semans Sara, m pa menm semans Mari, m se Sipè Semans Wayal Espirityèl Abraham ki vin de Bondye. M pran Pawòl Bondye te pwomèt la pou mwen, Se Ensi Di Seyè A. Mwen pap bouje. Kèlkeswa sa l sanble, sa dyab la di. Kèlkeswa sa m bezwen, m ap vale Pawòl Bondye a.
Jounen Jodi a, Ekriti Sa a Akonpli!
Vwa Bondye a pale. Mwen sere tout Manje Espirityèl la ke nou bezwen. ANNIK di sa ki sou bann yo. M se Vwa Bondye pou nou. Pawòl Mwen pa bezwen entèpretasyon. Pa fè chikann oubyen goumen, renmen youn lòt, MEN rete avèk PAWÒL MWEN.
Jounen Jodi a, Ekriti Sa a Akonpli!
Pa santi nou ba. Pa deprime. Pa kite Satan vòlè Lajwa nou. Sonje kiyès nou YE, kote nou prale, kijan gran Soupe Nòs sa a pral ye. Ap viv nan bèl Vil ke L konstwi jis pou nou. Kote n ap rete avè L pou Letènite epi ak tout lòt yo ki te pati anvan nou.
Pa gen maladi ankò. Pa gen tristès ankò. Pa gen lanmò ankò. Pa gen batay ankò. Jis Lavi Etènèl avè L. Apresa n ap di:
Jounen Jodi a, Ekriti Sa a Akonpli!
Annou pa chimerik epi ap di: “Mwen bouke avèk kote sa a, m vle bat zèl mwen.” Annou di l konsa pito: “L ap vini a nenpòt ki moman kounye a, POU MWEN MENM…GLWA! M pa ka tann. M pral wè tout byenneme m yo. Yo pral parèt devan mwen, apresa m ap konnen, SE FINI, NOU RIVE.”
Apresa, on kout je, nou tout ap ansanm lòt bò a.
Ann rejwi, ann kontan anpil, paske lè a rive pou fete Maryaj Ayo a, e Lepouz Li a… Lepouz Li a pare tèt Li.
Si nou vle rejwi nou epi asiste a Maryaj Ayo a avèk nou, vin pare kò nou Dimanch sa a midi, lè Jeffersonville, alò ke n ap tande:
Mwen vle di nou menm, fanmi mwen, ak fanmi deyò a nan mond lan kote nou… kote bann nou yo prale a
Sa se nou menm, Fanmi Bann pwofèt la; timoun li yo ki dispèse nan mond lan, sa yo ke li anjandre a Kris. Sa yo ke Papa a te bay Revelasyon an de Li menm nan dènye jou sa yo.
Mwen vle rasanble yo tout ansanm youn nan jou sa yo, ou wè, si Papa vle, epi answit nou pral—n ap gen yon Lakay kote nou p ap gen pou nou vagabonde ankò.
MWEN VLE RASANBLE YO TOUT ANSANM. Se sa k ap pase kounye a. Mesaj sa a, Pawòl Li a, Bann sa yo ap fè egzakteman sa: rasanble Lepouz la, ini nou kòm YON SÈL INITE atravè mond lan. Pa gen anyen lòt ke Vwa Li; Vwa Bondye a sou bann yo, ki ka rasanble Lepouz Li ansanm.
Epi ou menm, lè w ranpli ak Lespri a, men youn nan pi bon siy mwen konnen: ou tèlman renmen Kris la e ou kwè tout Pawòl Li di se Laverite. Ou wè? Sa a se prèv la ke ou gen Sentespri a. Epi lavi ou plen ak lajwa, e—e o la la, tout bagay diferan (ou wè?) pase sa li te konn abitye ye. Se sa Sentespri a.
Kè nou, lespri nou ak nanm nou yo tèlman ranpli ak lajwa, lanmou e Revelasyon, nou gen difikilte retni nou. Chak mesaj ke nou tande pote plis Revelasyon. Nou wè kiyès nou ye epi sa n ap fè se Volonte Pafè Li. Pa gen anyen ki ka elwaye nou de sa Bondye mete nan kè nou. Peze Jwe, se Chemen ke Bondye ban nou pou jodi a. Pa gen devinèt, pa gen espere, pa gen mande Sentespri a: “Èske sa m fèk tande a se vrè Pawòl la?” “Èske m bezwen verifye l avèk Pawòl la?”
Pa nou menm. Sa nou tande sou bann yo SE PAWÒL LA. Pawòl sa a ke nou tande sou bann yo se SÈL PAWÒL ki te konfime pa Sentespri a Li menm, Kolòn Dife a, kòm etan Ensi Di Seyè A pou Lepouz la.
Si yon moun di nou: “Tèlman gen bagay ki te di sou bann yo ki te jis pawòl Frè Branham, pa Pawòl wen an. Sa se te jis nonm lan. Sentespri a montre nou sa ki Pawòl la e sa ki te jis Frè Branham k ap pale.”
Se pa nou. Nou jis kwè sa pwofèt la di nou pou nou pa janm bliye.
M vle ke nou pa janm bliye Pawòl sa a. Sa Moyiz te di, Bondye te onore, paske Pawòl Bondye te nan Moyiz.
Nou p ap janm bliye sa pwofèt la di, e nou kwè Li; paske Li grave nan kè nou avèk yon plim an fè. Sa li di sou bann yo, Bondye onore L, e nou kwè Li.
Pa gen pi gwo onè pase pou chita epi tande Vwa Bondye a k ap pale avè nou. Li pral pale avèk Lepoux Li Dimanch sa a midi, lè Jeffersonville, epi Li pral reponn kesyon: 64-0830E Kesyon Ak Repons #4. M ta renmen envite nou pou vin ini avè nou. Se yon desizyon ke nou p ap janm regrèt.
Jan m renmen ankouraje nou chak semèn pou Peze Jwe epi pou tande Vwa Bondye pou epòk nou. Paske m konnen ke se Pwogram pafè Bondye pou epòk nou.
Se pa sa Jozèf Branham di ou kwè. Se sa Vwa Bondye ki konfime a di nou:
Mwen se Vwa Bondye pou nou.
Si nou gen kèlkeswa revelasyon Mesaj sa a, sèl ti sitasyon sa a ta dwe plis ke ase pou nou pou di tout moun nou kwaze; tout kwayan, di legliz nou: Vwa sa a se Vwa a ki pi enpòtan ke nou DWE TANDE.
Lè nou panse ke Pawòl yo ke nou tande lè nou Peze Jwe se Vwa Bondye k ap pale dirèkteman avè nou. Papa nou fè yo anrejistre l epi sere l pou nou te ka Peze Jwe chak segonn chak jou; konsa nou ka tande L k ap ankouraje nou, beni nou, wen nou epi chase tout sa nou pè ak tout dout nou yo, tout sa lè nou jis Peze Jwe.
Tout sa nou bezwen lè a, Peze Jwe, epi men li. Li la pou raple nou ke NOU SE PAWÒL LA. Li avè nou, bò kote nou, ANDEDAN NOU. Satan se yon blofè. Yo kale li. Pa gen anyen ki ka retire Pawòl sa a nan men nou. Bondye ban nou Li pa presyans Li, Li konnen ke nou se Lepouz Li. Nou te avè L depi kòmansman an.
Ki Vwa nou ta ka tande ki ta pi gran pase sèl Vwa ki te konfime pa Kolòn Dife a kòm etan Vwa Bondye a?
Pa gen lòt Vwa.
Kisa Vwa sa te di nou semèn pase a?
M toujou reklame nou e sa―tankou frè m ak sè m. Nou se pitit mwen; M―m se papa nou nan Levanjil la, pa papa tankou se tap yon prèt, m se―m se papa nou nan Levanjil lan menm jan Pòl te di la a. M te anjandre nou pou Kris, e kounye a, mwen―mwen marye nou ak Kris; sa fiyanse nou ak Kris kòm yon vyèj pi. Pa desevwa mwen! Pa desevwa mwen! Rete yon vyèj pi.
Nou dwe rete yon vyèj pi pou Pawòl la, Vwa sa a. Pou nou menm, gen yon SÈL FASON pou asire nou ke nou fè sa: PEZE JWE.
Si nou kwè m pou sa nou di m ye a, sèvitè Bondye, pwofèt, koute sa m ap di nou. Ou wè? Petèt nou ka pa ka konprann sa, e si nou pa kapab, alò fè jis sa m di nou fè a.
Wi, gen lòt nonm ki wen ak Sentespri, epi avèk gras e mizerikòd Bondye, m priye pou m se youn nan nonm sa yo. M kwè ke Li te rele m pou kenbe Pawòl Li devan nou epi pwente nou a Mesaj sa a, Pawòl Bondye a, Vwa sa a.
Jan Pyè te di, m p ap manke raple nou toutan ke gen YON SÈL VWA ke Bondye rele pou revele Pawòl Li. Yon sèl Vwa ke Bondye konfime. Yon sèl Vwa ke Bondye di: “Koute Li.” Yon sèl Vwa ke Bondye di: “M se Vwa Bondye pou nou.”
Sonje sa ak tout kè nou: rete ak Pawòl sa! Piga nou kite Pawòl sa! Tout sa ki kontrè ak Sa, kite l trankil, pe enpòt sa l ye a. Konsa nou konnen Se kòrèk.
M konprann trè byen poukisa yo tèlman pa konprann mwen epi gen kèk ki santi ke mwen kont tout minis yo; ke m kwè ke pèsonn ta dwe preche. “Si nou tande yon lòt minis ke Frè Branham, nou pa Lepouz la.” Jan mwen di l anpil fwa, m pa janm di sa epi m pa kwè sa.
Pwofèt la eksplike l trè byen semèn pase a jan m santi m epi sa mwen kwè.
Te gen omwen twa lòt legliz Mesaj la nan zòn Jeffersonville nan epòk lè Frè Branham te isit. Nan sèvis Dimanch pase a, li di ke pastè lokal yo p at la nan sèvis aswè a. Yo te gen pwòp sèvis yo nan aswè. Donk, yo p at vle vin tande Frè Branham pou sèvis aswè a, men yo te vle gen sèvis nan legliz pa yo. Se te desizyon pa yo e se sa yo te santi yo te dwe fè, e Frè Branham te dakò.
Jodi a toujou gen plizyè legliz nan zòn Jeffersonville. Yo menm tou yo dwe fè jan Seyè a kondwi yo pou yo fè. Si yo pa anvi jwe bann yo, louwe Seyè a, y ap fè sa yo santi yo dwe fè, e se sa yo ta dwe fè. Yo toujou frè nou ak sè nou e yo renmen Mesaj sa a. Men nou dwe fè sa nou santi nou dwe fè: Peze Jwe. Nou vle tande pwofèt la.
Menm jan Frè Branham te fè l 30 Out, 1964, m envite nou vin jwenn nou a midi, lè Jeffersonville, alò ke nou pral tande yon lòt fwa pwofèt la ki pral preche nou Mesaj la: 64-0830M Kesyon Ak Repons #3.
Nou jis ap tann Seyè a k ap Vini. N ap kenbe lanp nou yo pare, nou ranpli yo ak Lwil, nou tande Pawòl revele a lajounen kou lannwit. Nou an priyè, chak èdtan; pa chak jou, chak èdtan. Nou jis rete pare, epi nou kwè, CHAK PAWÒL.
N ap chache, a chak moman, sa yo k ap dòmi nan pousyè tè a epi k ap premye pou yo leve. Nan yon moman, nou pral wè yo; papa, manman, mari, madanm, frè ak sè. Men yo, ki kanpe devan nou. N ap konnen nan moman sa a, ke nou rive, ke moman an rive. Lafwa Anlèvman an pral ranpli nanm nou, lespri nou ak kò nou. Alò kò kòriptib sa yo pral mete sou yo enkoripsyon an nan Gras anlèvman Seyè a.
Epi lè sa a n ap kòmanse reyini ansanm. Nou menm ki vivan epi ki rete, n ap chanje. Kò mòtèl sa yo p ap wè lanmò. Toudenkou, pral gen tankou yon bagay ki pral anvayi nou…n ap chanje. De yon granmoun a yon jèn gason, de yon granmoun a yon jèn fanm.
Apre yon moman, nou pral vwayaje tankou yon panse avèk sa yo ki deja resisite. APRESA…GLWA…n ap anlve avè yo pou rankontre Seyè nan syèl la.
Ala yon moman k ap vini pou nou. Lènmi an AP ESEYE kenbe nou ba, deprime, epi dekouraje, men glwa pou Bondye, li pa kapab. Nou gen Revelasyon AN de Kiyès Li ye; de kiyès Li voye pou rele nou pou nou soti; de kiyès nou ye, pa kiyès n ap ye, KIYÈS NOU YE. KOUNYE A Li ankre nan NANM nou, PANSE NOU AK LESPRI NOU, epi pa gen anyen ki kapab rale sa nan men nou. Kijan nou fè konnen? Bondye di l!
Sa a pa lakay nou, tout pou ou, Satan, ou mèt genyen l. Nou pa vle fè pati de li e nou pa bezwen l ankò. Nou gen yon Kay k ap Vini ke yo konstwi pou nou. Epi dayè, dyab, nou resevwa yon avi, LI PARE. Konstriksyon an konplete. Tout touch final yo an plas. E m gen plis nouvèl pou ou, TRÈ BYENTO, L ap vin chache nou pou nou ka gen 1000 an Lin de myèl avè L san enteripsyon, e ou pa envite, epi ou pap la.
Ala gwo bagay mesaj sa ap revele nou chak fwa ke nou Peze Jwe. Bondye Limenm te desann epi Li pale atravè bouch moun pou L ka di nou tout bagay sa yo. Li chwazi nou epi Li ban nou vrè epi PLEN Revelasyon Tèt Li.
Li te Pawòl la ki te vin lachè, pa Pawòl nan tan Moyiz la, Moyiz se te jou pase sa, Pawòl la; pa Pawòl pou tan Noye a, Noye te Pawòl pou jou sa; pa jou…Pawòl pou jou Eli a, Eli te Pawòl sa pou jou sa; men Li te Pawòl tan prezan an, e yo menm yo t ap viv nan pase.
Èske nou pare?…Men li. Se yon kanon doub e gwo kalib, e nou tèlman renmen Sa!
Menm bagay la repete! Sa se evidans Sentespri a, se lè Bondye revele w epi ou wè l, ENSI DI SEYÈ A epi ou aksepte l. Pa sa w ye, sa w te ye, oswa anyen konsènan sa, se sa Bondye te fè pou ou kounye a. Men evidans lan.
Alelouya, Li anfonse klou a. KOUNYE A, annou tande L k ap sere L.
Li bannou evidans Sentespri a, nan Jan 14. Li di, “Mwen gen anpil bagay pou M di w. Mwen pa gen tan pou m fè l, men lè Sentespri a pral vini, Li pral di w, raple w bagay Mwen te di w yo, e Li pral montre w tou bagay ki gen pou vini yo.” Èske w pa wè l? Men evidans lan. Se anonse davanse e pou w…gen Entèpretasyon Divin Pawòl ekri a. Bon, èske sa se pa evidans yon pwofèt?
Sentespri a li se pwofèt chak laj. Li se pwofèt laj nou. Pawòl la SÈLMAN vini a pwofèt sa a. Se Bondye k ap pale epi k ap revele Tèt Li atravè pwofèt Li. Li se Pawòl la pou jodi a. Mesaj sa a, SOU BANN, se entèpretasyon pafè Pawòl la, avèk yon konfimasyon Divin.
“Lè sa ki pafè a rive, sa ki pasyèl la pral disparèt.” Konsa tout ti bagay sa yo, ap sote ponpe tankou yon ti moun piti, ap eseye pale an lang, ak tout lòt bagay sa yo, lè sa ki pafè a…Epi jodi a nou genyen, avèk èd Bondye, entèpretasyon pafè Pawòl la avèk yon konfimasyon divin! “Lè sa a, sa ki pasyèl la fin pa disparèt. “Lè m te yon timoun, mwen te pale tankou yon timoun, mwen te konprann tankou yon timoun; men lè m vin yon nonm, m te renonse ak bagay timoun yo.” Amèn!
Sa ki pafè a vini; entèpretasyon pafè Pawòl la. PEZE JWE. Se tout sa Lepouz Li bezwen, e tout sa L vle.
Vin Peze Jwe avè nou Dimanch sa a midi, lè Jeffersonville, epi tande PAWÒL PAFÈ A, AVÈK YON ENTÈPRETASYON PAFÈ, AVÈK YON KONFIMASYON DIVIN, alò ke nou pral tande:
M p ap janm di l ase, pa gen ANYEN ki pi gran pase tande Vwa Bondye a k ap pale avè nou atravè anj mesaje Li ki konfime pou epòk nou. Seyè a ap revele nou Revelasyon apre Revelasyon. Bagay sa pa gen fen. Chak Mesaj tankou kòm si nou p at janm tande l anvan. Se Pawòl Vivan an, Lamann ki Fre, Manje Bondye Sere pou Lepouz Li, e tout sa nou bezwen fè se PEZE JWE.
Nou tande pale de Anlèvman PA NOU ki byento. Nou prale…GLWA, NOU PRALE nan SOUPE NÒS LA. Li predestine NOU pou nou La a pa presyans Li, e pa gen anyen k ap kanpe sa. Pawòl la ap ini avèk moun lan isit la, e toude vin fè Youn. Li manifeste Fis de Lòm lan. Pawòl la ak Legliz la vin fè Youn. Tout sa Fis de Lòm lan fè, Li te Pawòl la, Legliz la fè menm bagay la.
Anvan m kontinye, petèt ke nou ta renmen reli sa ankò!! Kijan nou ka kite dyab la dekouraje nou? Tande sa n ap tann avèk enpasyans. Tande kiyès nou ye. Tande ki sa k ap pase KOUNYE A.
Ki bò nou prale? Nan Soupe Nòs NOU kote nou te predestine pa presyans Li, kote NOU MENM, Pawòl Li ak Legliz Li, vin fè YOUN AVÈ L, e tout sa Fis de Lòm lan te fè, NOU FÈ L TOU!!
Answit nou tande tout bagay apwopo de Avni Lakay NOU. Achitèk Diven an desine Nouvo Vil NOU, kote Li pral viv avè NOU, Lepouz Li. Li konstwi L epi Li mete chak ti bagay egzakteman jan NOU renmen l; egzakteman jan NOU ta renmen l. Kote nou p ap bezwen gen limyè, paske Ayo ap Limyè nou. Kote pwofèt la pral abite toupre nou; l ap vwazen nou. Nou pral manje nan pyebwa sa yo, nou pral monte mache lari an lò sa yo jiska sous la epi n ap bwè. Nou pral mache nan paradi Bondye, avèk zanj yo ki pral vole anlè tè a, ap chante im yo. Glwa! Alelouya!
Li pwouve Pawòl Li ban nou; Li menm, Kolòn Dife a, yo te fè foto Li avèk anj mesaje Li pou pwouve e pou di mond lan, “Koute Li.” Nou pa dwe doute yon sèl Pawòl, paske Se pa pawòl pwofèt la, Se Pawòl Bondye ki adrese a Lepouz la. Apresa Li di nou, ke nou gen reprezantasyon pa predestinasyon, sa ban nou asirans. Li pa wè nou, Li tande vwa nou atravè San Jezi. Nou pafè nan je Li.
Pwofondè a ap rele pwofondè a kòm jamè, e Papa nou ap ranpli avèl Pawòl Li ki revele. Tout sa na bezwen konnen te anrejistre e yo ban NOU li. Jis pa gen fen nan Mesaj Pawòl vivan sa a. Pa gen anyen ki pi gran pase pou w konnen ke NOU se Lepouz Li. Asirans pou konnen ke tande Vwa sa a, Peze Jwe, se volonte pafè Seyè a; pwogram ke Li bay la.
Tèlman gen toujou k ap vini! Se Pawòl Dlo Vivan an pou Lepouz Li ki pa janm fini. Nou pat janm osi swaf nan tout vi nou, men nou pat janm osi dezaltere alò ke n ap bwè e bwè a volonte.
Chak Dimanch, Lepouz la tèlman eksite pou l reyini avèk yon pòsyon Lepouz la toupatou nan mond lan, pou tande sa L pral revele nou kounye a. Li di nou ke si nou pa ka vin isit la nan Tabènak la, nou dwe jwenn yon legliz yon kote pou ale.
Nou tout pa ka rasanble ansanm nan baz pwofèt la; katye jeneral Li kote L te enstale, men nou ka transfòme legliz nou, Lakay nou an legliz, kote n ap plase L sou chè a. Kote nou ka manje PAWÒL PAFÈ EGZAKTEMAN JAN L TE REVELE.
Pa gen pi gran rasanbleman, pa gen pi gran onksyon, pa gen pi gwo kote pou ye pase pou chita ansanm nan lye Selès, ap tande Vwa Bondye a.
M envite nou vin tande avè nou Vwa Bondye ki konfime, Dimanch sa a midi, lè Jeffersonville, alò ke Li pral pale avèk nou ankò atravè anj mesaje Li, epi Li pral reponn tout kesyon ke nou genyen an kè nou, epi Li pral rasire nou ke nou se Lepouz Li.