Gbe si míesena le nyaƒokawo dzi la nye Gbe ma ke si ɖe gbeƒã Eƒe Nya la le Eden-bɔa me, le Sinai To dzi, kple Tɔtrɔ ƒe To la dzi. Ele ɖiɖim egbea kple Yesu Kristo ƒe Ɖeɖefia blibo kple mamlɛtɔ. Ele Eƒe Ŋugbetɔ la yɔm, le edzram ɖo na Kɔkɔdzɔe la. Ŋugbetɔ la le Esem, le Exɔm, le agbe nɔm ɖe Eŋu, eye wòdzra Eɖokui ɖo to Edzixɔxɔse me.
Ame aɖeke mate ŋu axɔe le mía si o. Womate ŋu atrɔ asi le míaƒe agbenɔnɔ ŋu o. Eƒe Gbɔgbɔ le bibim hele keklẽm le mía me. Etsɔ Eƒe Agbe, Eƒe Gbɔgbɔ na mí, eye wòle Eƒe Agbe ɖem ɖe go le mía me. Míeɣla ɖe Mawu me eye Eƒe Nya la le mía nyim. Satana mate ŋu aka asi mía ŋu o. Womate ŋu aʋã mí o. Naneke mate ŋu atrɔ mí o. To Ɖeɖefia me la, míezu Eƒe NYA ŊUGBETƆ.
Ne Satana di be yeaɖiɖi mí ɖe anyi la, ɖeko míeɖoa ŋku ale si Mawu kpɔa míi dzi nɛ. Ne Ebɔbɔ ŋku be yeakpɔ mí la, nusi ko wòkpɔna koe nye sika DZADZE. Míaƒe dzɔdzɔenyenye nye EƑE dzɔdzɔenyenye. Míaƒe nyenyewo nye EYA ŋutɔ ƒe ŋutikɔkɔe nyenyewo. Wokpɔa míaƒe amenyenye le Eyama me. Nusi Wònye la, ƒe dzedzeme fiam míele fifia. Nusi le esi la, ƉEM míele ƉE GO FIFIA.
Alesi Wòlɔ̃a gbɔgblɔ na Satana be, “Nyemekpɔ vodada aɖeke le Eŋu o; EDE BLIBO. Na Nyea la, Eyae nye Nye Ŋugbetɔ, ŋutikɔkɔe le eme kple le egodo. Tso gɔmedzedze vaseɖe nuwuwu la, eyae nye Nye Dɔwɔwɔ, eye Nye Dɔwɔwɔwo katã deblibo. Le nyateƒe me la, le Eya me la, woƒo Nye nunya kple tameɖoɖo mavɔ la nu ƒu ɖo eye woɖee ɖe go”.
“Mekpɔ Nye Ŋugbetɔ lɔlɔ̃a be edze. Abe alesi sika nye nusi ŋu woate atrɔ asi le ene la, Edodzi kpefu ɖe Tanye. Mewɔ ƒoƒose, bɔbɔ, alo gbã gudugudu o, ke boŋ womee abe atsyɔ̃ɖonu ene. Eƒe agbesia me dodokpɔwo kple tetekpɔwo wɔ Eyama Nye Ŋugbetɔ lɔlɔ̃tɔ”.
Ðe esia mele ko abe Aƒetɔ la ene oa? Enya ale si tututu ko wòade dzi ƒo na mí. Egblɔ na mí be, “Mègana dzi naɖe le ƒowò gbeɖe o, ke boŋ dzi nenɔ ƒowò”. Ekpɔa míaƒe lɔlɔ̃ ƒe dɔwɔwɔwo na Eyama. Ekpɔa nusiwo me wòle be míato. Ekpɔa aʋa siwo me wòle be míado dzi le gbesiagbe. Abe alesi Wòlɔ̃ mía dometɔ ɖesiaɖe ene.
Le Eƒe Ŋkuwo me la, míede blibo. Elala mí tso gɔmedzedzea me ke. Maɖe mɔ naneke nadzɔ ɖe mía dzi o negbe ɖe wònye míaƒe nyona ta ko hafi. Enya be míaɖu mɔxenu ɖesiaɖe si Satana atsɔ aɖo mía ŋkume dzi. Elɔ̃a kpeɖoɖo edzi nɛ be míenye Yeƒe Ŋugbetɔ. Womate ŋu aʋã mí o. Míawoe nye Amesiwo wòle lalam tso gɔmedzedzea me ke. Naneke mate ŋu ama mí ɖa tso Eyama kple Eƒe Nya la gbɔ o.
Edɔ Eƒe dɔla gbedeasitsɔla sesẽ la ɖe mí ale be wòate ŋu aƒo nu ɖe to me na mí. Ena wolée ɖe mɔ̃ dzi ale be nyabiase aɖeke naganɔ nusi Wògblɔ ŋu o. Ena Wodzrae ɖo ɖi ale be Eƒe Ŋugbetɔ nakpɔ nane aɖu vaseɖe esime Wòava ɖe Eya ta.
Meka be bubuwo mesea mía gɔme nyuie eye wotia mía yome le esi míegblɔa be míenye “Nyaƒoka Tɔwo” o, míekpɔa dzidzɔ, elabena nusi Wòɖe fia mí be míawɔ yenye esi. Ele be ame bubuwo nawɔ abe alesi wose le woɖokui me be wokplɔ yewo be yewoawɔe ene, gake le mía gome la, ele be míawɔ ɖeka le Gbe ɖeka te, Mawu ƒe Gbe si dzi woɖo kpe le nyaƒokawo dzi.
Míate ŋu abu nu bubu aɖeke ŋu o. Míate ŋu ase nu bubu aɖeke gɔme o. Míate ŋu awɔ nu bubu aɖeke o. Míate ŋu LƆ̃ ɖe nu bubu aɖeke dzi o. Míetsi tre ɖe nusi xɔsetɔ bubuwo sena le wo ɖokui me be Aƒetɔ la kplɔ yewo be yewawɔ ŋu o, gake esiae nye nusi Mawu KPLƆ MÍ BE MÍAWƆ, eye afisiae wòle be MÍATSI.
Míaƒe dzi dze eme. Mawu ƒe Gbe ye le míanyim. Míate ŋu agblɔ “amen” na NYA ƉESIAƉE si míesena. Esiae nye Mɔ si Mawu na mí. Míate ŋu awɔ nu bubu aɖeke o.
Ðeko melɔ̃na be makpe amesiame be wòava wɔ ɖeka kpli mí. Ðeko míele takpekpewo wɔm abe alesi Nɔviŋutsu Branham wɔwo esime wònɔ anyigba dzi afisia ene. Togbɔ be mele afisia le ŋutilã me o hã la, nu vevitɔe nye nusi Mawu gblɔ na Eƒe Ŋugbetɔ le nyaƒokawo dzi.
Ekpe xexeame be woakpɔ gome le telefoni ƒe katsatsa me, gake ne woDI BE yewoawɔe ko hafi. Ena woƒo ƒu ɖe afisiafi si woate ŋui be yewoase Mawu ƒe Gbe aƒo nu na wo katã le game ɖeka dzi. Nu mae Mawu ƒe nyagblɔɖila wɔ ɣemaɣi, eyata ɖeko mele agbagba dzem be mawɔ nusi tututu wòwɔ abe nye kpɔɖeŋu ene.
Eyata, míele kpewòm be nàva wɔ ɖeka kpli mí le ka dzi Kwasiɖagbe le ŊDƆ me, Jeffersonville ƒe game dzi, esime míase Mawu ƒe dɔla wòatsɔ Gbedasi: Agbenɔɣi Vɔ̃ɖi Sia Ƒe Mawu 65-0801M vɛ na mí.
Nɔvi. Joseph Branham
Ŋɔŋlɔ siwo woaxlẽ do ŋgɔ na Gbedeasi la: Mateo ta 24lia / 27:15-23 Luka 17:30 Yohanes 1:1 / 14:12 Dɔwɔwɔwo 10:47-48 Korintotɔwo I 4:1-5 / Ta 14lia Korintotɔwo II 4:1-6 Galatiatɔwo 1:1-4 Efesotɔwo 2:1-2 / 4:30 Tesalonikatɔwo II 2:2-4 / 2:11 Hebritɔwo ta 7lia Yohanes I Ta 1 / 3:10 / 4:4-5 Nyaɖeɖefia 3:14 / 13:4 / Ta 6-8 kple 11-12 / 18:1-5 Lododowo 3:5 Yesaya 14:12-14
Míele mɔkpɔkpɔ gã aɖe kple mɔkpɔkpɔwo me. Míele eŋkɔ sem, nane le dzɔdzɔ ge. Míedi be míawɔ ɖeka be míase Wò Gbe; be míase nusianu kple nu ɖe sia ɖe si Nègblɔ gɔme. Eyae dim míele. Míedi be míanye Eƒe akpa aɖe. Míexɔ Nya ɖesiaɖe dzi se.
Nukae le dzɔdzɔm? Mawu le ŋutinya wɔm. Mawu le nyagblɔɖi ŋu wum. Ehea hehe vana kokoko. Ehea ɖeklemiɖelawo katã, Gbedasi si ŋu míese nu tsoe le Kwasiɖagbe si va yi la ƒe akagawo va, gake eƒoa Eƒe Hɔ̃wo hã nu ƒu ɖekae. Elabena afisi Nu kukua le la, Hɔ̃wo aƒo ƒu ɖo.
Enye nyagblɔɖila ƒe nyagblɔɖi ƒe ŋuɖoɖo, kpɔ ɖa, madɔ nyagblɔɖila Eliya ɖe mi. Mawu le kpeɖom Eƒe nyagblɔɖila dzi. Mawu ye wònye le nyagblɔɖi nuwum. Mawu le ŋutinya wɔm, hele Eƒe Nya la ŋu wum. Enye Hehe Etɔ̃lia si le eme vam.
Menya be edze abe nusi mewɔna koe nye be nyemelɔ̃ ɖe dzi kple hame ƒe kplɔlawo katã o, eye edze abe mebua fɔ nusianu si wowɔna ene, gake mexɔe se be míenye amewo ƒe ƒuƒoƒo ma si woɖo ɖi do ŋgɔ be woazi Play dzi eye woase Gbedasi ma, Gbe ma, eye woadze Eyome.
Míetsɔa ɖe le me na amehawo o. Míetsɔa ɖe le me na dzimaxɔsetɔ ƒe ɖeklemiɖeɖe o. Míeʋlia nya aɖeke kpli wo o. Nu ɖeka le mía si be míawɔ, eyae nye be míaxɔe ase eye míaxɔ Eƒe akpa ɖesiaɖe si míate ŋui; ana Wòage ɖe me nyuie abe Maria si bɔbɔ nɔ Yesu ƒe afɔ nu ene.
Míetsɔ ɖeke le nu bubu aɖeke me o. Míehiã nu bubu aɖeke o. Míexɔe se be nusianu si wòle be míase la le nyaƒokawo dzi. Mawu ƒe Nya la mehiã gɔmeɖeɖe aɖeke o.
Ŋugbedodoa va eme. Ga nenie ƒo, amegã, eye nukae nye hehe ma? Mawu le Eƒe Nya la ŋu wum! Enye eyama ke etsɔ, egbe, yiɖe mavɔmavɔ me.
Nukae nye hehe la? Mawu, zi ɖeka ake la, le Eƒe Nya la ŋu wum, le Eƒe amewo nu ƒom ƒu le hamewo me, amidzraƒewo, aƒewo me, woƒo ƒu ɖe mikrofoni suewo ŋu tso dukɔa me godoo, vaseɖe Ɣetoɖoƒeƒuta, yi dzi va ɖo Arizona towo dzi, yi anyime yi gbadzaƒe siwo le Texas, le Ɣedzeƒeƒuta ʋĩ; le dukɔa me godoo kple xexeame godoo.
Mía dome didi gaƒoƒo geɖe le ɣeyiɣi me, gake Aƒetɔ, míele ɖeka abe ƒuƒoƒo ɖeka ene, xɔsetɔwo, hele Mesia la ƒe Vava lalam. Mele agbagba dzem be madze nusi tututu Wò nyagblɔɖila wɔ tsɔ wɔ Wò Ŋugbetɔ la ɖekae esime wònɔ afisia la yome eye mawɔ nenema. Nusi wòwɔ yenye nye kpɔɖeŋu.
Teƒe mele míasi míana na amesiame le afisia le Branham ƒe Agbadɔa me wòanɔ anyi o, eyata ɖeko wòle be míaɖo Nya la ɖe wo to telefon dzi, abe alesi wòwɔe ɣemaɣi ene. Míeƒoa ƒu ɖe afisia, le Jeffersonville, le míaƒe aƒeme hamewo me, hele Aƒetɔ la ƒe Vava lalam.
Ðeko nègblɔ na mí be ame geɖe anɔ ŋkeke mamlɛ siawo me siwo adze agbagba awɔ dɔ aɖe na Wò evɔ manye Wò lɔlɔ̃nu deblibo o. Ame geɖewo anɔ anyi siwo woatsɔ Gbɔgbɔ Kɔkɔe vavãtɔ asi ami na, gake woanye aʋatsonufialawo. Aƒetɔ, mɔ ɖeka kolia si dzi míenya be MÍAKA ƉE EDZI lae nye be anɔ anyi kple Nya la, anɔ anyi kple nyaƒoka nufiafia la, anɔ anyi kple Wò Gbe si dzi woɖo kpe la.
Míexɔe se be míenye Wò Nuku si woɖo ɖi do ŋgɔ si mate ŋu awɔ nububu aɖeke o negbe eyome dzedze ko; Ewu agbe na mí. Mixɔ míaƒe agbe, gake migaxɔ Ema ya o.
Nukae adzɔ le Kwasiɖagbe sia? Mawu anɔ Eƒe Nya la ŋu wum. Le dukɔa me godoo la, to telefon dzi la, ame alafa geɖe atsɔ woƒe asiwo aɖo wo nɔewo dzi le dukɔa me godoo, tso ƒuta ɖeka yi bubu, tso Dziehe yi Anyiehe, Ɣedzeƒe yiɖe Ɣetoɖoƒe.
Tso dutadukɔwo me le xexeame godoo gɔ̃ hã la, mí katã míatsɔ míaƒe asiwo aɖo mía nɔewo dzi. Egblɔ na mí be, “míehiã gbedodoɖagbalẽvi o, mehiã be míato fli aɖe dzi ava o, XƆSE koe míehiã.”
Míado míaƒe asiwo ɖe dzi agblɔ be, “Xɔsetɔ menye.” Nukae le dzɔdzɔ ge?
Satana, woɖu dzi wò. Aʋatsokalae nènye. Eye, abe Mawu ƒe dɔtsɔla ene, kple abe dɔtsɔlawo ene la, míede se le Yesu Kristo ƒe Ŋkɔ me, be nàɖo to Mawu ƒe Nya la, eye nàdo go le ameawo me, elabena woŋlɔe ɖi be, “Le Nye Ŋkɔ me la, woanya gbɔgbɔvɔ̃wo ado goe.”
Mawu lɔlɔ̃tɔ. Wòe nye Dziƒo Mawu si ɖu dzi, gbemagbe kple hehe le Kalvari To dzi, dɔléle kple dɔvɔ̃wo katã kpakple abosam ƒe dɔwɔwɔwo katã. Wòe nye Mawu. Eye to Wò kabiawo me ye ameawo kpɔ dɔyɔyɔ . Wovo. Le Yesu Kristo ƒe Ŋkɔ me. Amen.
Mawu ANA Eƒe Nya la nava eme!
Medi be makpe wò be nàva se kpli mí, Eƒe Ŋugbetɔ ƒe akpa aɖe, esi míele Gbedasi: 65-0725E Nukae Nye Hehe La Le To La Dzi? se ge. Míaƒo ƒu Kwasiɖagbe le ŊDƆ ga 12:00 me, le Jeffersonville ƒe game dzi.
Ame aɖewo ate ŋu ase le wo ɖokui me be míenye kɔmahatsɔŋkɔ to ƒuƒoƒo ɖe du, Gbedasi ɖeka sese le game ɖeka dzi me, gake mexɔe se be ne Nɔviŋutsu Branham le afisia la, anye ne ewɔ nusi tututu míawɔ, aƒo Ŋugbetɔ la nu ƒu ɖekae, tso xexeame ƒe akpa vovovowo, be woaɖoto le game ɖeka dzi be WOAƉO TO EYAMA.
Nɔvi. Joseph Branham
Ŋɔŋlɔawo:
Mateo 21:1-4 Zaxaria 9:9 / 14:4-9 Yesaya 29:6 Nyaɖeɖefia 16:9 Maleaxi 3:1 / Ta 4 lia Yohanes 14:12 / 15:1-8 Luka 17:22-30
Mawu dɔ Eƒe dɔla gbedeasitsɔla adrelia be wòakplɔ Yeƒe Ŋugbetɔ; menye ame bubu o, menye amewo ƒe hatsotso o, ke boŋ AME ÐEKA, elabena Gbedasi la kple Eƒe gbedasitsɔla le ɖeka. Mawu ƒe Nya mehiã gɔmeɖeɖe aɖeke o. Egblɔe na Eƒe Ŋugbetɔ to amegbetɔ ƒe nuyiwo dzi eye Míexɔe se abe alesi tututu Wògblɔe ene.
Ele be míakpɔ nyuie ale gbegbe egbea kuɖe gbe si le mía kplɔm, kple nusi gblɔm wòle na mí ŋu. Míaƒe dzeƒe mavɔ ŋutɔŋutɔ la nɔ te ɖe nyametsotso ma tututu dzi; eyata ele be míatso nya me le gbe si nye gbe vevietɔ kekeake si wòle be míase ŋu. Gbe ka dzie Mawu ɖo kpee? Gbe ka sie Ale Aƒetɔ La Gblɔ Esi lee? Mate ŋu anye nye gbe, nye nyawo, nye nufiafia o, gake Ele be wòanye Nya la, eyata ele be míayi Nya la gbɔ akpɔ nusi Wògblɔ na mí.
Ðe Wògblɔ na mí be Afɔ subɔsubɔdɔ atɔ̃awo ɖe tsitre be woakplɔ mí le nuwuwua? Míele ekpɔm nyuie le Nya la me be woƒe teƒe le wo si; teƒe veviewo ŋutɔ, gake ɖe Nya la gblɔ le AFIAƉE be woawoe anye amesiwo si gbe vevietɔwo kekeake si WÒLE BE míase hafi anye Ŋugbetɔ la lea?
Nyagblɔɖila la gblɔ na mí be ame geɖewo atso le ŋkeke mamlɛawo me siwo adze agbagba be yewo awɔdɔ na Mawu Eƒe lɔlɔ̃nu manɔmee. Ayra woƒe subɔsubɔdɔa, gake menye Eƒe mɔ deblibo si dzi woato akplɔ Eƒe Ŋugbetɔ lae ma o. Egblɔ be Eƒe Lɔlɔ̃nu deblibo nye, eye wòakpɔtɔ anye nenema ɣesiaɣi, be woase yeƒe nyagblɔɖila si dzi woɖo kpe ƒe Gbe kple axɔe ase. Elabena Eya, ke Eya ɖeɖeko, si ye ale Aƒetɔ la Gblɔ Esi la le. Esia tae Wòdɔ Eƒe dɔla ɖo; nusita Wòtia eyama ɖo; nusita Wòna Wolé ɖi ɖe mɔ̃ dzi yema. Enye Gbɔgbɔme Nuɖuɖu Le Eɖuɣi, Mana Ɣaɣla, na Eƒe Ŋugbetɔ la.
Elabena le agbenɔɣi adreawo me la, nyemekpɔ naneke o negbe amesiwo dea bubu woŋutɔ ƒe nya ŋu wu Tɔnye. Eyata le agbenɔɣi sia ƒe nuwuwu la, mele miatum ƒu gbe tso Nye nu me. Nua katã wu enu. Mele nu ƒo ge nyuie. Ẽ, mele afisia le Hame la ƒe titina. Mawu ƒe Amen, nuteƒewɔla kple nyateƒetɔ aɖe Eɖokui afia eye ANYE TSO NYE NYAGBLƆƉILA DZI.” Oo, ẽ, nenemae wòle.
Le agbenɔɣi adreawo me la bubuwo dea bubu woƒe nya ŋu wu Tɔnye. Ele be miabia mia ɖokui be, ɖe esia mele dzɔdzɔm le mía dome fifia o mahã? “Migaƒo nyaƒokawo le sɔleme o, gake ele be miaɖo to miaƒe pastɔ ya, ɖeko nyaƒokawo ya miƒowo le miaƒe aƒeme ko”. Wometsɔa Eƒe Gbe si le nyaƒoka dzi ɖoa ɖoƒe abe Gbe vevitɔ kekeake ene o, ke boŋ woƒe gbe ye.
Wole woɖokui fiam amewo, kple WOƑE subɔsubɔdɔa ƒe vevienyenye, WOƑE yɔyɔ be woaɖe gbeƒã Nya la, be woakplɔ Ŋugbetɔ la; gake Ŋugbetɔ la mate ŋu ado dzi ɖe enu o. Womalɔ̃ awɔe o. Womalɔ̃ axɔe o. Womawɔ kpɔmewɔe le Eŋu o; Mawu ƒe Gbe ye ke menye nu bubu aɖeke o. Nenemae Nya la gblɔ.
Nyabiase si le amewo ƒe susuwo me egbea enye be: Amekae Mawu tia be wòaxɔ ŋgɔ na Eƒe Ŋugbetɔ, nyaƒokawo alo subɔsubɔdɔ atɔ̃awoa? Ðe subɔsubɔdɔa ana Ŋugbetɔsrɔ̃a nade bliboa? Ðe subɔsubɔdɔa afia mɔ Ŋugbetɔa? Le Mawu ƒe Nya nu la, menye Eƒe mɔ kpɔ gbeɖe o.
Ame geɖewo alegbegbe li egbea siwo gblɔna be yewodze Gbedasi sia yome eye yewoxɔe se ƒe geɖe geɖewo, gake fifia wole subɔsubɔdɔ LA ɖom gbe vevietɔ kekeake si wòle be miase.
Subɔsubɔdɔ ka yome nàdze le ekema? Subɔsubɔdɔ ka dzie nàda wò dzeƒe mavɔ ɖo? Wo katã wogblɔna be Mawu yɔ yewo be yewoaɖe gbeƒã Gbedeasia. Nyemegbe alo ke ɖi nya ma o, gake mawunyagblɔla siwo ɖo hoho ɖe amewo dzi kekeake wu le subɔsubɔdɔ atɔ̃awo dometɔ aɖewo me gblɔ be, “Menye Mawu ƒe Gbe ye o, William Branham ƒe gbe koe”. Bubuwo gblɔna be, “ame ɖeka ƒe Gbedasi ƒe ŋkekewo wu enu”, alo “Gbedasi sia menye Tɔɖoƒe la o”. Amesi le mia kplɔm ye ma?
Ame siwo ɖe gbeƒã le woƒe takpekpegã alafa geɖewo me; kplɔla gãwo le subɔsubɔdɔ atɔ̃awo me, AZƆ wole nugbem le Gbedasia gbɔ hele GBƆGBLƆM be, “Gbedasi sia nye alakpa”.
Subɔsubɔdɔa katã ƒe akpa gãtɔa gblɔna egbea be, “mele be miase Mawu ƒe dɔla ƒe Gbe le hamea me o, mise le miaƒe aƒewo me ko.” “Nɔviŋutsu Branham megblɔ kpɔ be woaƒo nyaƒokawo le hamea me o.”
Ema nye nusi dzi womate ŋu axɔ ase o. Nyemate ŋu axɔe ase be nɔviŋutsu alo nɔvinyɔnu si gblɔ be yewoxɔ Gbedasi sia dzi se, be Nɔviŋutsu Branham nye Mawu ƒe dɔla gbedeasitsɔla adrelia, Amegbetɔ Vi si le nu ƒom la, adze beblenya me abe ema ene o. Ele be wòana dɔme naɖu wò. Ne ènye Ŋugbetɔ la, AWƆE.
Mawu metrɔa Eƒe susu le Eƒe Nya la ŋu gbeɖe o. Etiana ame ɖeka kokoko be wòakplɔ Yetɔwo. Bubuawo ƒe teƒe li, gake ele be woakplɔ ameawo ayi ame ɖeka ma si WÒtia be wòakplɔ ameawo gbɔ. Minyɔ lo amewo. Mise nya si gblɔm mawunyagblɔla siawo le na mi. Nɔviŋutsu Branham ƒe nyagbɔgblɔ siwo zãm wole tsɔ le woƒe subɔsubɔdɔa ɖom ɖe nyagblɔɖila la tɔ ŋgɔ. Aleke ame aɖe ƒe subɔsubɔdɔ ate ŋu anɔ vevie wu be woase Mawu ƒe Gbe si dzi woɖo kpe si Wòɖe fia be enye Ale Aƒetɔ La Gblɔ Esi sese?
Egblɔ na mí gagblɔ na mí be, amesiamina vavãwo ate ŋu anɔ anyi, kple Gbɔgbɔ Kɔkɔe vavãtɔ le wo dzi, evɔ wonye alakpatɔwo. MƆ ÐEKA koe li si dzi miato akpɔ kakaɖedzi, MINƆ ANYI KPLE NYA GƆMEDZETƆA, elabena Gbedasi sia kple gbedasitsɔla la le ɖeka. Gbe ɖeka koe Mawu tia be Wòanye Ale Aƒetɔ La la Gblɔ Esi…ÐEKA.
Subɔsubɔdɔ vavãtɔ la agblɔ na mi be NANEKE mele vevie wu Mawu ƒe Nya sese tso Mawu ƒe Gbe me le nyaƒoka dzi o. Woate ŋu aɖe gbeƒã, afia nu, alo nusianu si woyɔ wo be woawɔ, GAKE ELE BE WOAÐO MAWU ƑE GBE GBÃTƆ; GAKE WOMELE EWƆM O, KE WOLE WOƑE SUBƆSUBƆDƆ ÐOM GBÃTƆ. Woƒe nuwɔnawo ŋutɔ ɖo kpe nusi dzi woxɔ se dzi.
Woƒoa asa na biabia si ku ɖe Mawu ƒe Gbe dada ɖe woƒe nyagblɔtiwo dzi ŋuɖoɖo le esia gbɔgblɔ me be, Nɔviŋutsu Joseph mexɔ mawunyagblɔlawo dzi se o. Mexɔ sɔlemedede dzi se o. Wole ame subɔm. Wole Joseph ƒe nufiafia ma yome dzem. Ele kɔmahatsɔŋkɔ ɖom to nyaƒoka ɖeka mawo ke ƒoƒo kple sese me. Ameawo ƒe susu ɖeɖe ɖa le nyabiase vevitɔa ŋu ko. Woƒe nuwɔna ɖoa kpe nusi dzi woxɔ se dzi to nusi wofiana woƒe amewo dzi, YEWOƑE SUBƆSUBƆDƆ GBÃ.
Wogblɔna be, woana amewo nase nyaƒoka ɖeka ma ke le game ɖeka me la nye kɔmahatsɔŋkɔ. Ðee menye nusi tututu Nɔviŋutsu Branham wɔ esime wònɔ afisia oa; atsa amewo ɖe ka dzi be wokatã woase Gbedasia katã le game ɖeka me oa?
Bia ɖokuiwò be, ɖee Nɔviŋutsu Branham le afisia egbea le ŋutilã me la, ɖe Ŋugbetɔ la katã MAGEƉE KA DZI be yewo katã yewoaɖo to eyama le game ɖeka me mahã? Ðe madze agbagba be yeaƒo Ŋugbetɔ la nu ƒu aƒo xlã EƑE SUBƆSUBƆDƆA abe alesi wòwɔe hafi Mawu kplɔe yi aƒeme ene oa?
Mina matsɔ nane ade eme le afisia. Ðeklemiɖelawo agblɔ be, kpɔ ɖa, egadzo vɔ lo, le gbetem ɖe amea dzi akpa; wole ame, William Marrion Branham ɖo kplɔm !! Mina míakpɔ nusi Nya la gblɔ tso ema hã ŋu ɖa ko:
Le dɔla adrelia ƒe ŋkekewo me, le Laodikea ƒe agbenɔɣi ŋkekewo me la, eƒe gbedeasitsɔla aɖe Mawu ƒe nya ɣaɣlawo afia abe alesi woɖee fia Paulo ene. Aƒo nu, eye amesiwo axɔ nyagblɔɖila ma le eya ŋutɔ ƒe ŋkɔ me la axɔ nyagblɔɖila ma ƒe subɔsubɔdɔa ƒe viɖe.
Esia le dziku do ge na abosam wu ame bubu, eye aƒo nu ɖe ŋunye geɖe wu, gake tɔnyewo, anyo wu be miatsɔ Nya la alé ŋku ɖe esia ŋu. Menye esi megblɔe tae o, ao, ekema manɔ abe ame bubu ɖesiaɖe ene, ke boŋ miʋu miaƒe dziwo kple susuwo eye miatsɔ Nya la alé ŋku ɖe eŋu. Menye nusi ame bubu aɖeke gblɔ alo esi gɔme wòɖe na mi o, ke boŋ nya si Mawu ƒe nyagblɔɖila gblɔ.
Le lɛta sia megbe la, wole nɔviŋutsu Branham ƒe nyagbɔgblɔ ɖe nyagbɔgblɔ kpeɖe nyagbɔgblɔ ŋu tsɔ ge ana mi , ke mele AMEN ɖem nyagbɔgblɔ ɖesiaɖe dzi, GAKE ƉE KAE KU ƉE NU VEVIETƆA YA ŊU? Ðe wole nyagbɔgblɔawo zãm tsɔ le gbɔgblɔm na mi be nyagblɔɖila la sese yenye nusi wòle be miawɔ, lo WOƑE SUBƆSUBƆDƆA bɔŋue? Ne woɖo ŋu be Gbedasia ye, nyagblɔɖila ye la, ekema migblɔ na wo be elebe woaɖo Gbe ma GBÃ teƒe le miaƒe hamea me.
Le amegbetɔ ƒe nuwɔna ɖeɖeko nu la, amesiame nya be afisi ame geɖe le la, nukpɔsusu vovovo gɔ̃ hã nɔa nufiafia gã aɖe ƒe akpa sue siwo wo katã wolé ɖe asi ŋu.
Afimae wòle. Nɔvi Branham ƒe nyagbɔgblɔ ɖeka sia le gbɔgblɔm na wò be mate ŋu, eye MANYE, ame ƒe hatsotso o. Menye subɔsubɔdɔae awɔ amewo ɖekae o elabena le amegbetɔ ƒe nuwɔna ɖeɖeko dzi la, woma ɖe nufiafia gãwo ƒe akpa suewo dzi, wo katã womate ŋu alɔ̃ ɖe edzi kple wonɔewo o, eyata ele be nàtrɔ ayi ɖe GƆMEDZEDZE NYA la gbɔ.
Ekema amekae akpɔ vodadamanɔŋu ƒe ŋusẽ si woagbugbɔ aɖo anyi le ɣeyiɣi mamlɛ sia me, elabena agbenɔɣi mamlɛ sia atrɔ ayi Ŋugbetɔ Nya Dzadzɛ la ƒe ɖeɖeɖego gbɔ?
AMEKAE akplɔ mí? GBE ÐEKA si si vodadamanɔŋu ƒe ŋusẽ le akplɔ Ŋugbetɔ la.
Ema fia be Nya la agasu mía si ake abe alesi wonae bliboe, eye wose egɔme bliboe le Paulo ƒe ŋkekeawo me ene.
Ŋutikɔkɔe…Wotsɔe na bliboe eye wose egɔme bliboe. Mehiã gɔmeɖeɖe aɖeke o, le esi wotsɔe na bliboe, eye mí Ŋugbetɔ la, míese Nya ɖesiaɖe gɔme bliboe hexɔe se ta.
Yenye ema. Ele nyagblɔɖila si dzi woɖo kpe la ɖom ɖa.
Ele nyagblɔɖila aɖe ɖom ɖa le ƒe akpe eve kloe megbe.
Ele ame aɖe si didi boo tso ɖoɖowɔha, sukudede, kple subɔsubɔ ƒe xexeame gbɔ ɖom ɖa ale gbegbe be abe Yohanes Amenyrɔ̃la kple gbaɖegbe Eliya ene la,
Mawu gbɔ koe wòase nu tso
“Ale Aƒetɔ La Gblɔ Esi” anɔ esi eye wòaƒo nu ɖe Mawu teƒe. Anye Mawu ƒe nu
EYA, ABE ALESI WOÐE GBLƆ LE MALEAXI 4:6 ME ENE LA, ATRƆ ÐEVIWO ƑE DZI ÐE FOFOWO ŊU.
Akplɔ ŋkeke mamlɛa ƒe ame tiatiawo agbɔe eye woase nyagblɔɖila aɖe si dzi woɖo kpe la wòagblɔ nyateƒea tututu abe alesi wònɔ kple Paulo ene.
Agbugbɔ nyateƒea aɖo anyi abe alesi wònɔ wo si ene.
Eye amesiwo wotia kplii le ŋkeke ma dzi la woanye amesiwo aɖe Aƒetɔ la afia vavã eye woanye Eƒe Ŋutilã ahanye Eƒe gbe eye woawɔ Eƒe dɔwɔwɔwo. Aleluya! Mikpɔea?
Míele Ekpɔm. Míexɔe Se. Míele dzudzɔm ɖe Edzi.
Wokpe mi be miava wɔ ɖeka kple mí esime míase Mawu ƒe nu, Gbe si awɔ Yesu Kristo ƒe Ŋugbetɔ la ɖekae, Eƒe nyagblɔɖila si dzi woɖo kpe, esi wòle nyateƒe la tututu na ge mí, le ŊDƆ ga 12, Jeffersonville ƒe game dzi.
Ɣeyiɣi alo dukɔ aɖeke menɔ anyi abe egbea ene kpɔ o. Míele Eyama me, domenyilawo na nusiwo katã Wòƒle na mí. Ele eƒe kɔkɔenyenye mam kpli mí, vaseɖe esime le Eyama me la, míezu Mawu ƒe dzɔdzɔenyenye ŋutɔŋutɔ.
Enya mí do ŋgɔ to Mawu ƒe sedede dzi, be míanye Eƒe Ŋugbetɔ. Etia mí, míetia Eyama kpɔ o. Menye mía ŋutɔwoe va o, Eya ƒe tiatiae. Fifia Etsɔ Eƒe Nya ƒe Ɖeɖefia blibo la de míaƒe dzi kple luʋɔ me.
Gbesiagbe la, Ele Eƒe Nya la ɖem fia mí, le Eƒe Gbɔgbɔ kɔm ɖe mía dzi, le Eƒe agbe ŋutɔŋutɔ ɖem ɖe go le mía me. Eƒe Ŋugbetɔ la meɖo seke ɖe woƒe dziwo me alea gbegbe kpɔ o esi wonya be yewole Eƒe lɔlɔ̃nu deblibo me, kple Eƒe ɖoɖo me, to Eƒe Nya la gbɔ nɔnɔ, Eƒe Gbe sese me.
Mawu ƒe Lɔlɔ̃ kple Gbedasi sia yɔ míaƒe dziwo me fũ vaseɖe esime wòle fiafiam ko gbago. Naneke megali si míedi be míase, si ŋu míaƒo nu le, ade ha kplii o, negbe gblɔeɖe ko la ama nya aɖe si míenya se fifia ko eye míakafu Aƒetɔ la.
Míele abe Mose ene le gbedadaƒo ƒe megbe. Míezɔ yi ŋgɔ ŋkume kple ŋkume kple Mawu Ŋusẽkatãtɔ, eye míekpɔ Gbe la wòle nu ƒom na mí; pɛpɛpɛ kple Nya la kpakple gaƒoƒoa ƒe ŋugbedodo la. Ewɔ nane na mí. Míekpea ŋu le Eŋu o. Míelɔ̃a gbeƒãɖeɖe le Eŋu na xexeame. Míexɔe se be Aƒetɔ Yesue nye gaƒoƒoa ƒe Gbedasi eye míe NYE EƑE ŊUGBETƆ.
Etsɔ Eƒe Nya la tɔ kpo do mí. Ðikeke ƒe vɔvɔli aɖeke meli o, mɔ siae Mawu na. Mawu metrɔa eƒe susu le Eƒe Nya la ŋu gbeɖe o. Etia Eƒe dɔla adrelia be wòayɔ Yeƒe Ŋugbetɔ la doe, eye emegbe la wòana Wòanɔ fli me kple Yeƒe Nya.
Naneke mele agbe sia me o negbe Eya kple Eƒe Nya la ko. Míate ŋu akpɔe wòade edeƒe o. Ewu agbe na mí. Nyanyui la kple Mawu Ŋusẽkatãtɔ la ƒe Ŋusẽ kaka ɖe xexeame katã me geɖe wu tsã. Nya la le Ŋugbetɔ la ƒe asiwo kple to me fifia. Kaklãɣia le edzi yim fifia, esime Mawu le Ŋugbetɔ aɖe yɔm, eye abosam le hame aɖe yɔm.
Míelɔ̃a Wò kple Wò Nya, Aƒetɔ. Mele míasum o. Míenɔ anyi ɖe Wò Nya la ŋkume gbesiagbe, míele tsitsim, míele dzadzram ɖo ɖe Wò Vava kpuie ŋu. Fofo, ele be wòagogo alea gbegbe. Míele eŋkɔ sem, Aƒetɔ. Míele lalam kple mɔkpɔkpɔ gã aɖe.
Fofo, na be míaɖi anukware geɖe wu eye míagawɔ míaƒe adzɔgbeɖeɖewo yeyee. Míenyae be míaƒe Xɔse le Wò Nya me le bibim le míaƒe dzi me. Èɖe ɖikekewo katã ɖa. Naneke mele afima o negbe Wò Nya la ko. Míeka ɖe edzi, eye mekpea ŋu na mí be míagblɔ na xexeame be, míenye Wò Nyaƒoka Ŋugbetɔ.
Medi be makpe xexeame be woava ɖo to kpli mí le Kwasiɖagbe sia le ƔETRƆ ga 12:00 me, Jeffersonville ƒe game, esime míase Gbedasi: Akpe Ŋu 65-0711.
Ŋkekea yi boo eye Aƒetɔ la ƒe Vava gogo. Ʋɔtrua le tutum eye ɣeyiɣia ŋu le yiyim, ne mewu enu haɖe o. Game yi boo akpa be ame natsatsaglala; be ame nanɔ abe ayeti si ya ʋuʋua ene; be to si fĩena ame nanɔ ame si. Ɣeyiɣia de be míawɔ nyametsotso si me kɔ ƒãa. Nukae wòle be mawɔ be manye Eƒe Ŋugbetɔ?
Ðee Mawu trɔa Eƒe Susu le Eƒe Nya la ŋua? GBEƉE. Ekema ele be míadze agbagba gbesiagbe, kple míaƒe dzi kple luʋɔ blibo be míanɔ Eƒe LƆLƆ̃NU DEBLIBO la me. Ele be míabɔbɔ mía ɖokui ɖe Eƒe lɔlɔ̃nu kple Eƒe Nya la te. Mègake ɖi le Eŋu gbeɖe o, ɖeko Nàxɔe ase eye Nàxɔe. Mègadze agbagba be yeadi mɔ aɖe si dzi nàto aƒo xlãe o. Ðeko Nàtsɔe abe alesi Wòle ene.
Nyagblɔɖila la gblɔ na mí le Gbedasi sia me be yeƒe tameɖoɖo bliboe nye be yeaɖee afia mí be ele be Mawu nalé Eƒe Nya me ɖe asi hafi wòakpɔtɔ anye Mawu, gake ame geɖe ŋutɔ di be yewoato akpa Nɛ, eye yewoakpɔ mɔ bubu aɖe. Ne wowɔe la, wokpɔnɛ be yewole edzi yim, eye Mawu le yewo yram, gake wole dɔ wɔm le Eƒe lɔlɔ̃nu si ŋu woɖe mɔ le me ke menye le Eƒe lɔlɔ̃nu deblibo, Mawumetɔ la me o.
Nyagblɔɖila la gbugbɔ mí va Nya la gbɔ eye wòna kpɔɖeŋuwo mí be míalé ŋku ɖe wo ŋu, asrɔ̃ nu tso wo ŋu, eye wòɖo ŋku edzi na mí be, Mawu METRƆA Eƒe Susu alo Eƒe mɔ O, Eyae nye Mawu eye metrɔa O.
Azɔ, míede dzesii be amesiawo evea siaa nye gbɔgbɔmemewo, wo ame evea siaa nye nyagblɔɖilawo, woyɔ wo ame evea siaa. Eye Mose, le dɔwɔwɔ ƒe fli me tututu, kple Dzo Sɔti yeye le eŋgɔ gbesiagbe, Mawu ƒe Gbɔgbɔ le edzi, le dɔwɔwɔ ƒe fli me. Mawu ƒe subɔla bubu aɖe yenye esi, si Mawu yɔ, si Mawu ɖo, nyagblɔɖila si Mawu ƒe Nya la vana na. Afɔku ƒe fli lae nye esi. Ame aɖeke mate ŋu aʋli nya be ame ma tso Mawu gbɔ—tso Mawu gbɔ o, elabena Biblia gblɔ be Mawu ƒe Gbɔgbɔ ƒo nu kplii, eye nyagblɔɖilae wònye.
Aƒetɔ, aleke gbegbee ema sɔe? Aleke mawɔ anya, esime EVEAWO nye nyagblɔɖilawo? Wo ame evea siaa nye ame siwo yɔ fũ kple Gbɔgbɔ, siwo Mawu yɔ, siwo Mawu ɖo; Mawu ƒe nyagblɔɖila siwo Mawu ƒe Nya la vana na. Wo ame evea siaa le gbɔgblɔm be Gbɔgbɔ Kɔkɔe lae le yewo kplɔm.
Mina míaxlẽ numegbe ʋɛ aɖewo siwo woɖe tso nya si Mawu ƒe dɔla gbedeasitsɔla adrelia gblɔ ŋu nyuie ŋutɔ ahasrɔ̃ wo. Nya si wògblɔ; menye nusi hamea gblɔ, nusi Ðɔkta Jones gblɔ, alo nusi ame bubu gblɔ o. Nusi ALE AƑETƆ LA GBLƆ ESI gblɔ to Eƒe nyagblɔɖila dzi lae dim míele.
Esi Mose nye nyagblɔɖila si woɖo kple Aƒetɔ la ƒe Nya ta la, woɖo kpe edzi be wotia eyama be wòanye yewoƒe gaƒoƒoa ƒe ŋgɔnɔla, eye be Abraham do nusiawo katã ƒe ŋugbe,…
Ame aɖeke mete ŋu xɔ Mose teƒe o. Meka Kora neniwoe atso, kple Datan neniwoe atso o; Mose ye, Mawu yɔ, meka nusi dzɔ o.
Mose ye Mawu tia be wòakplɔ dukɔ la. Ame bubuwo tso hegblɔ be wosi ami na yewo, amesiwo hã mee Gbɔgbɔ Kɔkɔe yɔ fũ. Mawu yɔ wo hã be woakplɔ amewo. Gake Mose nye Mawu ƒe Gɔmedze Lɔlɔ̃nu Deblibo ƒe ŋgɔnɔla gbãtɔ si akplɔ wo.
Gake, eye ne ameawo mazɔ le Eƒe lɔlɔ̃nu deblibo me o la, lɔlɔ̃nu si ŋu woɖe mɔ le la le Esi si me Wòaɖe mɔ le na mi be miazɔ le. Mide dzesii, Eɖe mɔ le eŋu, esɔ gbe, gake Ana wòawɔ dɔ na Eƒe ŋutikɔkɔe, le Eƒe lɔlɔ̃nu deblibo me. Azɔ ne miedi be…
Ame aɖeke medi be yeanɔ Mawu ƒe lɔlɔ̃nu si ŋu woɖe mɔ le la me o. Ŋugbetɔ vavã la dina be yeanɔ Eƒe lɔlɔ̃nu deblibo me, ɣesiaɣi, meka fe si woaxe o.
Mí katã míenya be esiae nye nya si tututu na Gbedasi xɔsetɔwo dome klã egbea. Míenya be ELE BE Ŋugbetɔ la nawɔ ɖeka, EYE AWƆE; Nya lae ma.
Amewo li siwo yɔ fũ kple Gbɔgbɔ la, siwo Mawu yɔ le Hamea me egbea. Wonye Mawu ƒe amesiamina siwo woyɔ be woaɖe gbeƒã Gbedeasi sia. Gake ɖeko wo dometɔ aɖeke meli si dzi mí katã míalɔ̃ ɖo o.
Aleke woate ŋu anye amesiwo awɔ Ŋugbetɔ la ɖekae? Ðe míate ŋu awɔ ɖeka aƒo xlã woƒe subɔsubɔdɔa? Nyateƒee woyɔ wo be woakplɔ woƒe alẽha la, gake be woakplɔ wo atrɔ ayi Mawu ƒe ÐOÐO GƆMEDZEDZETƆ la gbɔ ye. EƑE KPLƆLA. EƑE NYAGBLƆƉILA. Menye woƒe subɔsubɔdɔa gbɔ o.
Ne womele miafiam be Gbe si le nyaƒokawo dzi lae nye esi yome WÒLE BE miadze, kple esi dzi se wòle be miaxɔ ase be eyae nye Gbe vevitɔ kekeake si wòle be miase o la, ke ɖeko wole Eƒe lɔlɔ̃nu si ŋu woɖe mɔ le la me.
Ne wogblɔa na mi be eyae nye Gbe vevitɔ kekeake, eye woxɔe se vavã la, ekema aleke womate ŋu azi play dzi ɣesiaɣi si miele du o mahã?
Ne èdi be yeaka ɖe edzi, GODO, be yele Eƒe lɔlɔ̃nu deblibo me la, MƆNU GODO ɖeka koe li. Yenye be woase Mawu ƒe Gbe si dzi woɖo kpe le nyaƒokawo dzi.
Hafi nànya la, nyaƒoka aɖe ge ɖe woƒe aƒea me. Esu xoxo, ekema. Ne alẽe wònye la, ewɔa ɖeka kplii tututu. Ne gbɔ̃tsu wònye la, etua afɔkpo nyaƒoka la doa goe.
Ele be makpɔ KAKAƉEDZI GODO. Nyemate ŋu atsɔ mɔnukpɔkpɔ suetɔ kekeake afe dze le nye dzeƒe Mavɔ la ŋu o, eye nyemawɔe hã o. MENYA be Gbe si le nyaƒokawo dzi lae nye Mawu ƒe Gbe na Ŋugbetɔ la. MENYA be Mewɔa vodada o. MENYA be Dzo Sɔti lae ɖo kpe edzi. MENYA be Eyae nye Amesi Mawu tia be yeakplɔ Yeƒe Ŋugbetɔ la. MENYA be Gbe ma koe nye Gbe si ate ŋu awɔ Ŋugbetɔ la ɖekae eye wòawɔ ɖeka. MENYA be anye Gbe ma si mase agblɔ be “Mikpɔ ɖa, Mawu ƒe Alẽvi lae nye esi”.
ELE BE MAZI PLAY dzi eye mase Gbe ma. Mele miakpem be miava wɔ ɖeka kpli mí Kwasiɖagbe sia le ƔETRƆ ga 12:00 me, Jeffersonville ƒe game dzi, esime míase: 65-0418E Ðe Mawu Trɔ Susu Kuɖe Eƒe Nya Ŋu Kpɔa?
Nɔvi. Joseph Branham
Míadze Gbedasi la gɔme le xexlẽme 65 lia.
Ŋɔŋlɔ siwo woaxlẽ hafi ase Gbedeasia:
Mose II ta 19 lia Mose IV 22:31 Mateo Kɔkɔe 28:19 Luka 17:30 Nyaɖeɖefia ta 17 lia
Míenye Eƒe Aƒenɔ sue Lɔlɔ̃tɔ; tsimatɔe, si ŋu ɖoɖowɔha aɖeke, nufiafia ametɔwɔwɔe aɖeke meka asi ŋu o. Míenye Nya ƒe Ŋugbetɔ, dzadzɛ tsimatɔe! Míenye Mawu ƒe vinyɔnu si wodo fu.
Míenye Eƒe Nya si Woɖe gblɔ, si nye Eƒe Nya gɔmedzedzetɔ, zu viwo! Nuvɔ̃ aɖeke mele Mawu me o, alea nuvɔ̃ aɖeke mele míame o, esime míele le Eŋutɔ Ƒe nɔnɔme me. Aleke míate ŋu ge mahã? Mate ŋu va me o…GBEƉE! Míenye Eƒe akpa aɖe, Eƒe NYA GƆMEDZETƆ la.
Aleke míate ŋu nya esia ɖikeke aɖeke manɔmee? ƉEƉEFIA. Biblia katã, Gbedeasi sia, Mawu ƒe Nya, Ɖeɖefia blibo. Nenemae míenya nyateƒe la le Gbe sia kple gbe bubuwo dome, elabena Enye Ɖeɖefia. Ke míaƒe Ɖeɖefia li kpli Nya la tututu, meto vovo na Nya la o.
Eye le kpe gbadza sia dzi” (gbɔgbɔme ɖeɖefia le nusi Nya la nye ŋu) “Matu Nye Hame; eye tsiẽƒe ƒe agbowo maʋuʋu Esia ƒu anyi akpɔ o.” Eƒe Srɔ̃nyɔnu la ŋutsu bubu matee akpɔ o. “Matu Nye Hame, eye tsiẽƒe ƒe agbowo mate ŋu Aʋuʋui o.”
Míanye nyateƒe kple nuteƒewɔlawo na Eƒe Nya kple Eƒe Gbe, ɖeɖeko. Ŋutsu bubu aɖeke maƒoɖi mí be míawɔ ahasi o. Míakpɔtɔ anye Eƒe Ŋugbetɔ Nya si le Aƒe. Míakpɔ, aɖo to alo adze ahĩa kple nya bubu o.
Ele míaŋutɔ ƒe dziwo ɖaa ke. Srɔ̃ŋutsu bubu aɖeke mele míasi nɔ ge o, negbe ko míaƒe SRƆ̃ŊUTSU ƉEKA, Yesu Kristo, Ŋutsu ɖeka, Mawu, Imanuel. Eƒe Srɔ̃nyɔnu anye akpe akpe zigbɔ akpewo. Ema fia be elebe Ŋugbetɔ la natso Nya la me. “Aƒetɔ Yesu Ɖeka, kple Eƒe Ŋugbetɔ geɖe, bubunu Elebe míaɖo ŋku dzi aɖase egɔme be menye amesiame tɔ o, nyagblɔɖila ƒe hatsotso ƉEƉEKO tɔ. Eŋutɔ ƒe toɖolawo. Gbedeasi la nye woawo ɖeɖeko tɔ, alẽha sue si Gbɔgbɔ Kɔkɔe la nɛ be wòakpɔ dzi.
Mawu ana wòakpɔ ŋkume nɛ le nusi gblɔm wòle na mí ta, eye Mawu ana na wòakpɔ ŋkume na mí, eƒe dzimetrɔlawo le duawo katã me, amesiwo wòkplɔ yiɖe Kristo gbɔ, be míaxɔ Nya ɖe sia ɖe dzi se le Me eye be míegawɔ ƒoƒose gbeɖe o.
Alegbegbe wònyo na mí be míanɔ anyi aɖaɖoto Eyama wòagblɔ alesi míenye Eƒe Ametiatiawo na mí. Alesi Eƒe Ŋugbetɔ gbãtɔ, kple Ŋugbetɔ evelia, dziɖeleƒo le Eyama ŋu; gake mí, Eƒe nuwuɣi Ŋugbetɔ gã la MELE DZI ƉE GE LE EYAMA ŊU KPƆ GBEƉE O. Míakpɔtɔ nye Eƒe Ŋugbetɔ Nya si le aƒe nyateƒetɔ, nuteƒewɔla yiɖe nuwuwu.
Míaƒe Xɔse le Eƒe Nya me tsina ɖe dzi wu gbe sia gbe. Míele míaɖokuiwo dzram ɖo to Eƒe Nya ɖe sia ɖe sese kple toɖoɖo, to Eƒe Gbe sese be wòaƒo nu na mí dzi, to míaƒe Bibliawo xexlẽ dzi, to gbedodoɖa na Eyama kple eyama subɔsubɔ dzi le ŋkekea katã dzi.
Míenyae be Egbɔna le madidi me. Le miniti ɖe sia ɖe me fifia. Abe Noa ene la, míenɔ mɔ kpɔm be Egbɔna tsɔ si va yi; ɖewomãhi le ŋdi me, ŋdɔ me, le fĩeɣi me, gake míenyae be Egbɔna. Mawu ƒe nyagblɔɖi la kple Eƒe Nya mewɔa vodada aɖeke o, EGBƆNA. Míele esem be ŋkeke 7lia yenye esi, ke míete ŋu le alilikpawo kpɔm wole nɔnɔme xɔm eye tsiwo le dzadzam; game la su.
Míele dedie le Aɖakaʋu la me, le lalam kple mɔkpɔkpɔ gã aɖe. Miva wɔ ɖeka kpli mí aɖase Mawu ƒe Gbe wòafakɔ na mí Kɔsiɖagbe sia le ƔETRƆ ga 12 me, Jeffersonville ƒe game, esime míase: Srɔ̃ɖeɖe Kple Srɔ̃gbegbe 65-0221M.
Ne míawɔ biabia aɖe kuɖe nane ŋu le míaƒe agbe me la, elebe ɖoŋuti vavã aɖe nanɔ anyi. Nane ate ŋu te ɖe eŋu, gake elebe ŋuɖoɖo vavã, tẽ aɖe nanɔ anyi na biabia ɖe sia ɖe. Eyata, biabia ɖe sia ɖe si doa mo ɖa le míaƒe agbewo me la, elebe ŋuɖoɖo vavã, nyuie aɖe nanɔ eŋu.
Ne Biblia me ƒe biabia ye la, elebe Biblia me ƒe ŋuɖoɖo nanɔ eŋu. Míedi be wòatso amewo ƒe hatsotso aɖe gbɔ, tso subɔsubɔƒe aɖe gbɔ, alo tso nufiala aɖe gbɔ, alo tso kɔmahatsɔŋkɔ aɖe gbɔ o. Míedi be netso Ŋɔŋlɔ la me tẽ. Elebe míanya: Afikae nye Mawu ƒe teƒe vavã kple nyuietɔ be woasubɔ Eyama le?
Mawu tia be yeado go ame; menye le hame aɖe me o, menye le kɔmahatsɔŋkɔ aɖe me o, menye le kredo aɖe me o, gake le Kristo me. Eyae nye teƒe ɖeka hɔ̃ si Mawu ado go ame le, kple afisi wòate ŋu asubɔ Mawu le, le Kristo mee. Eyae nye teƒe ɖeka hɔ̃ la. Ne èɖanye Metodistetɔ, Baptistetɔ, Katolikotɔ, Protestantetɔ, ɖesiaɖe si nàte ŋu anye la, Teƒe ɖeka hɔ̃ koe li si nàte ŋu asubɔ Mawu le ɖeteƒe, eyae nye Kristo me.
Mawu ƒe teƒe nyuietɔ, kple teƒe ɖeka si wòtia be woasubɔ Ye le la le Yesu Kristo me; emae nye Eƒe Mɔ ɖeka si wota.
Biblia do Hɔ̃ aɖe ƒe ŋugbe na mí le Maleaxi 4 me; Dzo Lilikpo si do wòle be míakplɔ. Afia hame si le tsatsam be Enye Hebritɔwo 13:8, Yesu Kristo amema ke etsɔ, egbe, yiɖe mavɔmavɔ me. Wodo ŋugbe na mí hã le Luka 17:30 be amegbetɔ Vi la (Hɔ̃) le Eɖokui ɖe ge afia Eƒe Ŋugbetɔ.
Le Nyaɖeɖefia 4:7 me la, wole gbɔgblɔm na mí be Lã enewoe li, kple gbãtɔa si nye Dzata. Lã si dze eyome lae nye nyitsu. Emegbe, esi dze eyome la nye amegbetɔ; amegbetɔ ma nye nudzraɖolawo, amegbetɔ ƒe sukudede, mawuŋunusɔsrɔ̃, kple etɔeawo.
Gake Biblia gblɔ be le fĩeɣi ŋɔli la, Lã mamlea si wòle be wòava lae nye Hɔ̃ si le dzodzom. Mawu ana Hɔ̃ aɖe Eƒe nuwuɣi Ŋugbetɔ la; amegbetɔ Vi la Ŋutɔ, si le Eɖokui ɖem fia le ŋutilã me be yeakplɔ Yeƒe Ŋugbetɔ la.
Biblia gblɔ hã be nuxoxowo katã, le Nubabla Xoxoa me la, nye vɔvɔli na nusiwo gbɔna. Esime vɔvɔli ma le tetem ɖe ŋu la, ŋɔlitata la bu ɖe vavãtɔa me. Nusi dzɔ va yi la nye vɔvɔli na nusi adzɔ egbea.
Le Samuel I 8 me la, Nubabla Xoxoa le gbɔgblɔm na mí be Mawu tsɔ Samuel nyagblɔɖila la na be wòakplɔ dukɔ la. Amewo te ɖe eŋu hegblɔ nɛ be yewole fia aɖe dim. Ete ɖe Samuel dzi alegbegbe be dzi tsoe kloe.
Mawu nɔ Eƒe dukɔ kplɔm to nyagblɔɖila sia si tsɔ eɖokui na, si dzi Ŋɔŋlɔa ɖo kpe eye wòse le eɖokui me be wogbenu le ye gbɔ. Eƒoƒu dukɔ la heɖekuku na wo be womegatrɔ le Mawu si kɔwo abe viwo ene, hena nudze dzi na wo heyra wo gbɔ o. Gake wokpɔtɔ yi dzi.
Wogblɔ na Samuel be, Mèda vo le wò amekpɔkplɔ me kpɔ gbeɖe o. Mènye aŋkwaremaɖimaɖitɔ le wò ganyawo me kpɔ gbeɖe o. Èwɔ tɔwò gome be yealé mí ɖe fli me kple Aƒetɔ la ƒe Nya. Míekpɔa ŋudzedze le nukunuwo, nunya, nunana kple Mawu ƒe ametakpɔkpɔ ŋu. Míexɔ ema dzi se. Míelɔ̃nɛ. Eye gawu la míedi be míanɔ anyi ema manɔmee o. Nua koe nye be míele fia aɖe dim be wòakplɔ mí yiɖe aʋa me.
Azɔ ẽ ɖe ne míeyi do go yiɖe aʋa me la ekpɔtɔ nye míaƒe tamesusu be nunɔlawo nanɔ míasi ayi ɖe míaŋgɔ kple Yuda si adze eyome, eye míaku kpẽawo aɖadeɣli, adziha. Míeɖo susu be míatɔ te numa ƒe ɖeke o. GAKE MÍELE FIA AƉE SI NYE MÍADOMETƆ ƉEKA DIM BE WÒAKPLƆ MÍ.”
Esia menye ŋkeke ma ƒe kɔmahatsɔŋkɔ me tɔwo o. Esia nye amesiwo ŋutɔ gblɔ be ENYE Mawu ƒe nyagblɔɖila si Mawu tia vavã be wòakplɔ yewo.
“Ẽ nyagblɔɖila ye nènye. Míexɔ Gbedeasi la dzi se. Mawu ɖea Eƒe Nya fiana wò, eye míelɔ̃ Nɛ, eye míedi be míanɔ anyi Ema manɔmee o, gake míele ameaɖe dim tovo na WÒ be wòakplɔ mí; míaŋutɔ dometɔ ɖeka. Míekpɔtɔ ɖo ɖe ta me le gbɔgblɔm be míexɔ Gbedeasi si nèhɛ va na mí dzi se. Nya lae. Wòenye nyagblɔɖila la, gake menye wòenye Gbe ɖeka alo vevietɔ kekeake o.”
Ame nyuiewo le xexeame egbea, hame nyuiewo. Gake Aƒn. Yesu Kristo ɖeka koe li, eye míenye Eyama, Ame Siwo Wògbɔna na; Eƒe Nya Ŋugbetɔ kɔkɔe si le aƒe si le anyi nɔ ge kple GBE ƉEKA SI DZI WOƉO KPE KPLE FIA BE ENYE ALE AƑETƆ LA GBLƆ ESI.
Ne miedi be miawɔ ɖeka kpli mí Kɔsiɖagbe sia le ƔETRƆ ga 12 me la, Jeffersonville ƒe game, míakpɔtɔ anɔ ka nu le xexea katã me anɔ esem. Nusi le dzɔdzɔ ge yenye esi.
Ɖiɖi ɖe nɔvinye ŋutsuwo, nyɔnuwo, xɔ̃nyewo dzi, le teƒe sia fiẽ sia kple le egodo le ka nu. Dukɔ vovovowo le to ɖom, tso keke Ɣedzeƒe Ƒuta va yi Ɣetoɖoƒe. Mele gbe dom ɖa, Mawu Lɔlɔ̃a, le didiƒe ke heto gbedzi le Tucson afima, keke va yi California, ɖo Nevada kple Idaho, keke yi ɖe Ɣetoɖoƒe kple kasawo, ɖo Texas; esime wona kpekpe sia la, amewo nɔ anyi ɖe—ɖe hame suewo me, le amidzeƒewo, aƒewo me, hele to ɖom. Oo Mawu, na be ŋutsu alo nyɔnu si bu, ŋutsuvi alo nyɔnuvi, le gaƒoƒo sia me, nava gbɔ Wò. Na wòava me fifi laa dzro. Míebia esia le Yesu ƒe Ŋkɔ me, bena woakpɔ dedienɔnɔ teƒe sia esime game gali.
Azɔ, Aƒetɔ, woɖe aɖikadodo sia ɖa, bena Satana, ameflula gã ma, mekpɔ dzena be wòalé Mawu ƒe via ɖeke ɖii o. Enye amesi dzi woɖu xoxo. Yesu Kristo, si nye teƒe ɖeka hɔ̃ si li na subɔsubɔ, Ŋkɔ vavã ɖeka hɔ̃ la, ɖu edzi le Kalvaria. Eye míebia Eƒe Ʋu fifi laa, bena Eɖu dɔléle ɖesiaɖe, lãmegblẽame ɖesiaɖe dzi.
Ke míeɖe gbe na Satana be wòadzo le ameha sia dome. Le Yesu Kristo ƒe Ŋkɔ me, do go le ame siawo me, ne woakpɔ vovo.
Amesiame si xɔ woƒe dɔyɔyɔ la le Nya si woŋlɔ ɖi la ƒe gɔmeɖoanyi nu la, mina míaƒe ɖaseɖiɖi esime miatso ɖe miaƒe afɔwo dzi agblɔ be, “Azɔ mexɔ nye dɔyɔyɔ le Yesu Kristo ƒe Ŋkɔ me.” Mitso ɖe miaƒe afɔwo dzi.
Woakafu Mawu! Mikpɔe vɔ. Mikpɔ afisia ɖa, gbafawo kple etɔeawo le tsitre tsim. Kafukafu na Mawu! Yee ma. Mixɔe se ko. Ele afii.
Nɔvi. Joseph Branham
Subɔsubɔ Teƒe Si Mawu Tia 65-0220
Ŋɔŋlɔ siwo woaxlẽ do ŋgɔ na Gbedeasi la ƒe sese:
Mose V 16:1-3 Mose II 12:3-6 Maleaxi Ta 3lia kple 4lia Luka 17:30 Romatɔwo 8:1 Nyaɖeɖefia 4:7
